!...Payanam...!

உங்கள் சட்டைக் காலரில் உள்ள அழுக்கு எந்த சோப்பைக் கொண்டு தேய்த்தாலும் போக மறுக்கிறதா? கவலைப்படாமல் கொஞ்சம் சீனியை எடுத்து தேய்த்துப் பாருங்கள். நிச்சயமாகப் போகும். ஆக, சட்டை அழுக்கைப் போக்கும் ஒரு வேதிப் பொருளைத் தான் நாம் அள்ளி அள்ளித் தின்று கொண்டிருக்கிறோம். இந்த சீனியைச் சாப்பிட்டால் நம் குடல் என்ன பாடுபடும்?

இனிப்யை விரும்பி சாப்பிடாதவர்கள் யார் தான் இருக்க முடியும்? காலையில் எழுந்தவுடன் குடிக்கும் காப்பியிருந்து இரவு படுக்கச் செல்லும் முன் குடிக்கும் பால் வரை சீனி ஒரு ஊடுபொருளாக நமக்குள் செல்கிறது. பதார்த்தத்தில்தான் என்றில்லை; சீனியை அப்படியே அள்ளியும் சாப்பிடுகிறோம்.

இந்த வெள்ளை சீனியை எப்படித் தயார் செய்கிறார்கள் என்கிற விபரத்தை நீங்கள் தெரிந்து கொண்டீர்களானால் இனி அதைத் தொடக்கூட மாட்டீர்கள்.

குறிப்பாக, வெள்ளைச் சீனியைத் தயார் செய்ய என்னென்ன ரசயானப் பொருட்கள் பயன்படுத்தப்படுகின்றன என்று பாப்போம்.

1. கரும்பிலிருந்து சாறு பிழியப்படும் நிலையில் பிளிச்சிங் பவுடர் அல்லது குளோரின் எனப்படும் கெமிக்கலை புளுயுடு பாக்டீரியா கண்ட்ரோலாக பயன்படுத்துகிறார்கள்.

2. பிழிந்த சாறு 60 சென்டிகிரேட் முதல் 70 சென்டிகிரெட் பாஸ்போரிக் ஆசிட் லிட்டருக்கு 200 மில்லி வீதம் கலந்து சூடுபடுத்தப்படுகிறது. இந்த இடத்தில் இந்த ஆசிட் அழுக்கு நீக்கியாக பயன்படுத்தப்படுகிறது.

3. இதன் பிறகு சுண்ணாம்பை 0.2 சதவிகிதம் என்கிற அளவில் சேர்த்து சல்பர்-டை-ஆக்சைடு வாயு செலுத்துகிறார்கள்.

4. 102 சென்டிகிரேட் கொதிகலனில் சூடுபடுத்தி நல்ல விட்டமின்களை இழந்து, செயற்கை சுண்ணாம்பு சத்து அளவுக்கு அதிகமாக சேர்ந்துவிடுகிறது.

5. அடுத்து, பாலி எலக்ட்ரோலைட்டை சேர்த்து தெளிகலனில் மண், சக்கை போன்ற பொருள்களாகப் பிரித்து எடுக்கப்பட்டு தெளிந்த சாறு கிடைக்கிறது.

6. சுடுகலனில் காஸ்டிக் சோடா, வாஷிங் சோடா சேர்த்து அடர்த்தி மிகுந்த ஜுஸ் தயாரிக்கப்படுகிறது.

7. மறுபடியும் சல்பர் டை ஆக்சைடும் சோடியம் ஹைட்ரோ சல்பேட்டும் சேர்க்க படிகநிலைக்கு சீனியாக வருகிறது. சல்பர் டை ஆக்சைடு நஞ்சு சீனியில் கலந்துவிடுகிறது.

8. இப்படித் தயாரான சீனியில் எஞ்சி நிற்பது வெறும் கார்பன் என்னும் கரியே.
தயாரான நாளிலிருந்து ஆறு மாத காலத்துக்கும் அதிகமான சீனிகளை சாப்பிடக்கூடாது. காரணம், அதில் உள்ள சல்பர்டை ஆக்சைடு என்னும் ரசாயனம் மஞ்சள் நிறமாக மாறி வீரியுமுள்ள நஞ்சாக மாறிவிடுகிறது.

குடலில் மட்டுமல்ல, பல் வலி, பல் சூத்தை, குடல்புண், சளித்தொல்லை, உடல்பருமன், இதய நோய் மற்றும் சீனி வியாதி, இரத்த அழுத்தம் போன்ற பெரிய வியாதிகள் அனைத்துக்கும் இதுதான் பிரதான காரணியாக அமைகின்றது.

ஆலைகளில் தயாரான வெள்ளை சீனி சாப்பிடுவதை நிறுத்திவிட்டு, வெல்லம், பனங்கட்டி, நாட்டுச் சர்க்கரைகளை எவ்வளவு வேண்டுமானாலும் சாப்பிடலாம். இதனால் உங்களுக்கு ரத்த அழுத்தமோ, இதய நோயோ, சர்க்கரை வியாதியோ வராது.

ஹாலிவுட் படங்கள் என்றாலே பாக்ஸ் ஆபிஸில் வசூல் மழை பொழிவதுச் சாதரணம் தான். அந்த வகையில் சமீபத்தில் தோர் படத்தின் மூன்றாவது பாகம் திரைக்கு வந்தது.

இப்படம் ரசிகர்கள் மத்தியில் செம்ம வரவேற்பு பெற்றது, இந்தியாவில் மட்டுமே ரூ 60 கோடிகளுக்கு மேல் இப்படம் வசூல் செய்து சாதனை புரிந்தது.

நாம் உணவு உண்ணும் முன் காகத்துக்கு ஒரு பிடி உணவு வழங்க வேண்டும். காரணம், நம்முடைய முன்னோர்கள் காகத்தின் வடிவில் வருவதாக ஒரு நம்பிக்கை இருக்கிறது. அவர்களுடைய ஆசியினால் தான் நாம் இவ்வுலகில் அமைதியாக, சந்தோஷமாக, நிம்மதியாக வாழ முடிகிறது. எனவே அவர்களுக்கு நன்றி தெரிவிக்கும் பொருட்டு காகத்திற்கு தினசரி உணவிடுகின்றனர்.


காகத்திற்கு உணவிடும் பழக்கத்தினால் கணவன், மனைவி ஒற்றுமை வளர்ந்து குடும்பத்தில் எப்போதும் அமைதி நிலைக்கும் என்பது நம்பிக்கை. சனீஸ்வர பகவானின் வாகனமாகையால், காகத்திற்கு உணவளிப்பதன் மூலம் சனி பகவான் தரும் கெடுபலன்களிலிருந்து விடுபடலாம்.

இறைவனின் பரிபூரண அருளையும், அன்பையும் பெறலாம். இதில் இன்னொரு தத்துவமும் இருக்கிறது. காகத்தை “ஆகாயத்தோட்டி என்பர். இந்தப் பறவை யாருக்கும் கெடுதல் செய்வதும் இல்லை. இது நம்மைச் சுற்றியுள்ள அசுத்தங்களை அடியோடு களைவதாலும் இந்த இனம் காப்பாற்றப்பட வேண்டும் என்பதின் அடிப்படையிலும் உணவிடும் பழக்கம் வந்தது. எப்படியிருப்பினும், ஜீவகாருண்யம் மிக்க புண்ணியச்செயல் இது.

சென்னையில் குழந்தை இல்லாத தம்பதிகளை குறிவைத்து பெண்மணி ஒருவர் தலைமையில் நூதன மோசடி செய்யும் கும்பல் ஒன்று செயல்பட்டு வருவதாக அதிர்ச்சி தகவல்கள் வெளியாகியுள்ளது.

சென்னையில் செயல்படும் இந்த மோசடி கும்பலின் தலைவியாக உள்ள 40 வயது பெண்மணியின் பெயர் தனலட்சுமி.

அறந்தாங்கியை சேர்ந்தவரான இவர், குழந்தைகளை தத்து கொடுக்கும் தொண்டு நிறுவனத்தை சென்னையில் நடத்தி வருவதாக கூறிக்கொள்கிறார்.

இவரிடம், சங்கர் (47) – மாலதி (42) என்ற சென்னை ராயப்பேட்டையை சேர்ந்த தம்பதி ஏமாந்துள்ளனர்.

சங்கர் இதுபற்றி கூறுகையில், பத்திரிகை ஏஜெண்டாக பணியாற்றும் எனக்கு குழந்தை இல்லை. இதையடுத்து மருத்துவ ரீதியாகவும், ஆன்மீக ரீதியாகவும் நாங்கள் எடுக்காத முயற்சியே இல்லை.

இந்நிலையில், கடந்த 6 மாதங்களுக்கு முன்பு தனலட்சுமியின் அறிமுகம் எங்களுக்கு கிடைத்தது.

எங்களுக்கு குழந்தை இல்லை என்பதை அறிந்து கொண்ட அவர், நிறைமாத கர்ப்பமாக இருந்த இளம்பெண்ணை எங்கள் வீட்டுக்கு அழைத்து வந்தார்.

அந்த இளம்பெண் வாலிபர் ஒருவரை காதலித்து, திருமணத்திற்கு முன்பே கர்ப்பமாக இருப்பதாகவும், எனவே அந்த பெண்மணி பெற்றெடுக்கும் குழந்தையை எங்களுக்கு ரகசியமாக தத்து கொடுப்பதாக தெரிவித்தார்.

நாங்களும் இதற்கு சம்மதித்ததால், தனது தொண்டு நிறுவனம் மூலம், எங்களிடம் ஒப்பந்தமும் போட்டார். அந்த இளம்பெண்ணை எங்கள் வீட்டிலேயே சில நாட்கள் வைத்து நன்றாக உணவளித்து கவனித்தோம்.

பின்னர் குழந்தை பிரசவிக்கும் நேரத்தில், எங்கள் வீட்டுக்கு வந்த தனலட்சுமி, அந்த இளம்பெண்ணை அழைத்து சென்றதோடு குழந்தை பிறந்தவுடன் தகவல் சொல்வதாக கூறிச்சென்றார்.

ஒருநாள் கைப்பேசியில் அழைத்த தனலட்சுமி, அந்த இளம்பெண் ஆண் குழந்தை பெற்றெடுத்து விட்டாள் என்று தகவல் சொன்னதோடு, குழந்தையின் படத்தையும் கைப்பேசியில் அனுப்பினார்.

இதனால் நாங்கள் மகிழ்ச்சியாக இருந்தபோது திடீரென்று எங்கள் வீட்டுக்கு தனியாக வந்த தனலட்சுமி குழந்தை பெற்ற இளம்பெண் வேறு வாலிபரை திருமணம் செய்து கொண்டு புதுவாழ்க்கையை தொடங்கபோகிறார், எனவே ரூ.2 லட்சம் பணம் கொடுத்தால் குழந்தையை திருப்பிக் கேட்கமாட்டார் என தெரிவித்தார்.

குழந்தை கிடைக்கப்போகும் மகிழ்ச்சியில் நாங்களும் ரூ.2 லட்சத்தை கொடுத்தோம். அதை பெற்றுக்கொண்ட தனலெட்சுமி, சிறிது காலம் தாய்ப்பால் கொடுத்து குழந்தை வளரட்டும், ஒரு நல்ல நாளில் குழந்தையை உங்களிடம் கொடுக்கிறேன் என்று சொல்லி சென்றார்.

அதன்பிறகு, அவர் எங்களை தொடர்பு கொள்ளவும் இல்லை. கைப்பேசியையும் சுவிட்ச் ஆப் செய்துவிட்டார் என்று தான் ஏமாற்றப்பட்டதை தெரிவித்துள்ளார்.

மேலும், சங்கர்-மாலதி தம்பதியர் இது தொடர்பாக பொலிசில் புகார் அளிக்க விரும்பவில்லை என்று தெரிவித்துள்ளனர்.

ஆண்மையை அழிக்கும் பிராய்லர் என்கிற தலைப்பில் கடந்த சில நாட்களாக “வாட்ஸ் அப்“ பில் ஒரு செய்தி உலா வந்து கொண்டிருக்கிறது. அந்த செய்தியை வழக்கமாக சமூகத்தின் நலனுக்காக ஷேர் செய்யப்படும் விழிப்புணர்வு செய்தி என்று நீங்கள் கடந்து விட முடியாது. காரணம் அது ஒவ்வொரு தனி மனிதனின் நேரடியான நலன் சார்ந்தது.

குறிப்பாக ஆண்மை இழப்பிற்கும், பெண்கள் விரைவில் பூப்படைவதற்கும் நீங்கள் சாப்பிடும் பிராய்லர் கோழி மிக முக்கியமான காரணம் என்று அடித் துச்சொல்கிறது அந்த மெசேஜ்.

பிராய்லர் கோழிகள் கேன்சரை தோற்றுவிக்கிறது என்றும் அதிர்ச்சி தரு கிறது.கட்டாயம் படியுங்கள், பயனுள்ள பதிவு என்ற வேண்டுகோளோடு துவங்கும் அந்த மெசேஜில் “பிராய்லர் கோழிகள் 40 நாட்களில் வளர்க்கப்பட்டு விற்பனைக்கு வந்துவிடுகிறது. கோழிகளை வளர்ப்பதற்கு 12 விதமான கெமிக்கல்ஸ் அதற்கு கொடுக்கப்படும் உணவோடு கலந்து கொடுக்கப்படுகிறது. கோழிகளுக்கு நோய்கள் வரக்கூடாது என்பதற்காக அதிகளவு ஆன்ட்டிபயாட்டிக் மருந்துகள் கொடுக்கப்படுகிறது.

இதனால் கோழிகளுக்கு வரும் நோயை குணப்படுத்த முடியாமல் போவதோடு, அந்த இறைச்சியை சாப்பிடும் மனிதர்களுக்கும் நோய்க்கூறுகள் தோன்றுகின்றன என்று சி.எஸ்.இ நடத்திய ஆய்வில் தெரியவந்துள்ளது.

கோழிகள் அதிக சதையோடு வளர்வதற்கு பல்வேறு விதமான மருந்துகளை ஊசிகளின் மூலம் கோழிகளு க்கு செலுத்துகிறார்கள். அதனால் அதை உண்ணும் ஆண்களின் விந்துவில் உள்ள உயிரணுக்கள் அழிக்கப் படுகிறது. பெண்குழந்தைகள் பத்து பதினோரு வயதிலேயே பருவமடைந்துவிடுகிறார்கள்.

பிராய்லர் கோழியின் சதையில் கெட்ட கொழுப்பு அதிக அளவில் உள்ளது. இதை நாம் சாப்பிடும் போது நம் உடலில் கெட்ட கொழுப்புச் சத்து அதிகளவில் சேருகின்றன. இந்த கெட்ட கொழுப்பானது, நமது கல்லீரலில் வீக்கத்தையும் ரத்த அழுத்தத்தையும் ஏற்படுத்துகிறது. 100ல் 65 பேருக்கு கொழுப்பு நிறைந்த ஈரல் நோய் உள்ளது.

பிராய்லர் கோழியை சாப்பிடுவதால் சிறுநீரகங்ளிலும் கல்லீரலிலும் கேன்சர் நோய் மற்றும் குடல் புற்று நோயும் உருவாகிறதாம். இது தவிர மஞ்சள் காமாலை, இரைப்பை, கல்லீரல் செயலிழப்பு என்று வியாதி களின் எண்ணிக்கையை அடுக்கலாம்.” என்றெல்லாம் அலர்ட் செய்யும் அந்த மெசேஜில் இன்னொரு தலை சுற்றவைக்கும் தகவலும் சொல்லப்பட்டிருக்கிறது.

“பிராய்லர் கோழி மற்றும் முட்டைகளை அதிகமாக சாப்பிட்ட காரணத் தால் நாமக்கல் பகுதி மக்களுக்கு புற்று நோய் பிரச்னை அதிகமாக பரவி வருகிறது. அவர்கள் படும் கஷ்டங்களை கோழி பண்ணைகளின் முதலாளி களான சில அரசியல்வாதிகள், உண்மை மக்களிடம் போகாமல் பார்த்துக் கொள்கின்றனர்” என்று முடிகிறது அந்த செய்தி.

மக்களிடையே பெரும் அச்சுறுத்தலை ஏற்படுத்தி வரும் இந்த செய்தியின் உண்மைத்தன்மை குறித்து சூழல் பாதுகாப்பிற்கான மருத்துவக்குழு உறுப்பினர் டாக்டர் புகழேந்தியிடம் பேசினோம்.

“பிராய்லர் கோழிகளால் இது மாதிரியான பாதிப்புகள் ஏற்படுகிறது என்பது உண்மைதான். பிராய்லர் கோழிகளை பொறுத்தவரை இப்போது மிகப் பெரிய வியாபாரமாக பார்க்க ஆரம்பித்துவிட்டார்கள்.

அதனால் அது சத்தான பொருள் என்பதிலிருந்து வேறு வடிவத்திற்கு மாறி வருகிறது. பிராய்லர் கோழிகளை வளர்ப்பில் கோழிகளுக்கு நோய் வராமல் தடுப்பதற்கும், கால் மற்றும் வயிற்று பகுதிகள் அபரிதமான வளர்ச்சியடைவதற்கும், ஹார்மோன் ஊசிகள் என்று பல்வேறு வகையான ஊசிகளை போடுகிறார்கள், அதற்கு கொடுக்கப்படும் உணவுகளிலும் ரசாயணம் கலக்கிறார்கள். இது ஒவ்வொரு கோழிப்பண்ணைக்கும் வேறுபடும்.

அப்படியான ஊசிகளும், உணவுகளின் மூலமும் வளரும் கோழி மனிதர்களுக்கு பல பிரச்னைகளை தோற் றுவிக்கிறது. முக்கியமாக இதுமாதிரியான ஹார்மோன் ஊசிகளை போடும்போது. ஆண்களுக்கு ஆண்மைக் குறைவும் பெண்களுக்கு சிறு வயதில் பூப்படைதல் என்று பிரச்னைகள் வந்து கொண்டிருக்கிறது. அது மட்டுமல்லாமல் கோழிகளுக்கு அதிக அளவு ஆன்ட்டிபயாட்டிக் மருந்துகளை கொடுப்பதால் அதை சாப் பிடும் மனிதர்களுக்கு நோய் எதிர்ப்பு சக்தி குறைவதோடு பல்வேறு வகையான உடல் உபாதைகளை தோற் றுவிக்கிறது. இன்றைக்கு நாம் அதிக அளவு லெக் பீஸைத்தான் விரும்பி சாப்பிடுகிறோம்.

அமெரிக்க கம்பெனிகளும் லெக் பீஸைதான் நம்மிடம் முன்னிறுத்துகிறது. அதிலிருக்கும் அரசியல் மிக முக்கியமானது. கோழிகளின் கால்பகுதியில் அதிக அளவு கொலஸ்ட்ரால் கன்ட்டன்ட் இருக்கிறது. வயிற்று பகுதியில் குறைவாகத்தான் இருக்கிறது. அதனால்தான் அமெரிக்கர்கள் கோழிக்கால்களை சாப்பி டமாட்டார்கள். உடலுக்கு தீங்கு விளைவிக்கும் கோழிக்கால்களை அவர்கள் வெறும் கழிவு பொருளாகத் தான் கருதுகிறார்கள்.

பெரிய பெரிய நிறுவனங்கள் விளம்பரங்களின் மூலம் நம்மை நம்மை கோழி கால்களுக்கு அடிமைப்படுத் திவிட்டார்கள். கோழிக்கறி என்றாலே லெக் பீஸ்தான் நம் நினைவுக்கு வருகிறது. அந்த லெக்பீஸ் நமக்கு மிக விரைவில் ரத்த அழுத்ததை ஏற்படுத்திவிடும். பிராய்லர் கோழிகளால் ஏற்படும் தீமைகளை super size என்கிற ஆவணப்படத்தில் தெளிவாக குறிப்பிட்டிருக்கிறார்கள்.

நாட்டுக்கோழியின் முட்டையில் மஞ்சள் கரு அதிக மாகவும் வெள்ளைக்கரு குறைவாகவும் இருக்கும், பிராய்லர் கோழிகளில் வெள்ளைக் கரு அதிகமாக இருக்கிறது. இப்போதைக்கு பிராய்லர் என்பது மக் களின் ஊட்டச்சத்து சார்ந்ததாக இல்லை. வணிக நோக்கம் கொண்டதாகவே இருக்கிறது. பிராய்லர் கோழிகளால் இது மாதிரியான பிரச்னைகள் கட்டாயம் மனிதர்களுக்கு ஏற்படுகிறது” என்றவர் அதை எப்படி போக்குவது என்பதற்கான வழிவகைகளையும் அடுக்கினார்.

“இந்த நிலைமையை தவிர்க்க, கோழி வளர்ப்பை வெளிப்படையாக்க வேண்டும். இரண்டாவதாக ஒவ்வொரு கோழியையும் பரிசோதனை செய்ய அனுமதிக்க வேண்டும். பிராய்லருக்கு முக்கியத்துவம் கொடுப்பதைப் போல நாட்டுக்கோழிகளுக்கு முக்கியத்துவம் கொடுத்து வளர்க்கலாம்” என்றார்.
தமிழ்நாடு கோழிப்பண்ணை உரிமையாளர்கள் சங்கத்தலைவர் நல்லத்தம்பி, “இது முழுக்க முழுக்க தவறான செய்தி. விஷமிகளின் வேலை. பரபரப்பிற்காக வாட்ஸ் அப்பில் யார்யாரோ எதை எதையோ எழுதிவிட்டு போய் விடுகிறார்கள். கோழி குஞ்சுகள் வளர்ந்து முட்டையிடுவதற்கு 20 வாரங்கள் ஆகும். அதுவரை அதற்கு எந்த விதமான நோய்களும் தாக்காமல் இருக்க மருந்துகள் கொடுக்கிறோம். அது எப்படி மனிதர்களுக்கு பாதிப்பை ஏற்படுத்தும், மற்றபடி வளர்ச்சிக்கெல்லாம் நாங்கள் ஊசி போடுவதில்லை,

விட்டமின் மருந்துகள், எண்ணெய் எடுத்த தவிடு, மக்காச் சோளம், புண்ணாக்கு இவைகளை தவிர கோழிகளுக்கு எதுவும் கொடுக்கப்படவில்லை. இது முற்றிலும் தவறான செய்தி. இதை மக்கள் நம்பத்தேவையில்லை” என்றார்.
உண்மை என்ன என்பதை அரசு தரப்பில் மக்களுக்கு தெளிவுபடுத்தினால் நல்லது

இந்திய புராணங்களில் வரும் கதாபாத்திரங்களில் ஒன்றான மண்டோதரியைப் பற்றிய பல்வேறு சம்பவங்களைக் கேள்விப்பட்டிருப்போம். மண்டோதரி அழகானவள், தெய்வீக சக்தி கொண்டவள் மற்றும் மிகவும் ஒழுக்கமுள்ளவள் என்று அனைத்து குறிப்புகளிலும் அவர் குறிப்பிடப்பட்டுள்ளார். பாவங்களைப் போக்கும் சக்தியைக் கொண்ட பஞ்ச கன்னிகைகளில் ஒருவராகவும் இவர் கருதப்படுகிறார்.

பதிவிரதத்திற்காக பெயர் பெற்ற மண்டோதரி, தன்னுடைய கணவன் மேல் மிகவும் பக்தி கொண்டவளாக சிறப்பிக்கப்படுகிறார். இவருடைய பதிவிரத்தின் காரணமாகத் தான் அசுர குணம் படைத்தவராக கருதப்பட்டும், பல்வேறு தவறான செயல்களைச் செய்தவராக கருதப்பட்டும் வரும் இராவணனின் தீஞ்செயல்களுக்கான தண்டணைகள் அல்லது பாவங்கள் சுத்தம் செய்யப்பட்டன.

மண்டோதரி அழகியாகவும், செல்வ வளம் பொருந்தியவளாகவும் வளர்க்கப்பட்டாள். மிகவும் திறமை பொருந்திய பொறியியல் கலைஞராக விளங்கிய மாயாசுரனின் இருப்பிடத்திற்கு ஒருமுறை வந்திருந்த இராவணன், அவரிடம் தனக்காக ஒரு நகரத்தை நிர்மாணிக்குமாறு கேட்டுக் கொண்டான். இந்த நேரத்தில் தான் இராவணன் மண்டோதரியைக் கண்டதும் காதல் கொண்டார். இராவணன், மண்டோதரியின் தந்தையிடம் தன்னுடைய விருப்பத்தை வெளிப்படுத்தினார், மாயாசுரரும் அதற்கு மகிழ்ச்சியுடன் சம்மதம் தெரிவித்தார். வேத முறைப்படி இராவணன்- மண்டோதரி திருமணம் நடைபெற்றது. இந்த வகையில் சிவபெருமானின் அருளும் இராவணனக்கு கிடைக்கப் பெற்றது. இந்த சூழ்நிலையில் தான் இராவணன் வீரமிக்க அரசனாக மட்டுமல்லாமல், சிறந்த சிவ பக்தராகவும் பரிமளிக்கத் துவங்கினார். தங்கதிலான மிகவும் அழகிய நகரத்தை தன்னுடைய மருமகனுக்காக உருவாக்கி பரிசளித்தார் மயூராசுரர்.

மண்டோதரி-இராவணன் தம்பதிகளுக்கு மேகநாதன், அதிகயா மற்றும் அக்சயகுமாரர் ஆகிய மூன்று மகன்கள் பிறந்தனர். மண்டோதரி சிறந்த மற்றும் பதி பக்தியுள்ள மனைவியாக இருந்தாள். இராவணனிடம் கர்வம் மற்றும் மூர்க்க குணம் போன்ற சில தீய குணங்கள் இருந்தன. அந்நாட்களில் இருந்த வழக்கப்படி, இராவணனுக்கு மண்டோதரியைத் தவிர, வேறு சில மனைவிகளும் இருந்தார்கள்.

தன்னுடைய மனைவி அல்லாத ஒரு பெண்ணின் மேல் இராவணன் மையல் கொண்டான் - அந்த பெண்ணின் பெயர் வேதவதி. இந்த விஷயங்களை எல்லாம் மண்டோதரி தெரிந்து கொண்டிருந்தாலும், தன்னுடைய கணவனை நல்வழிப்படுத்த அறிவுரை கூறினாள். மேலும் இராவணனுக்கு உண்மையானவளாகவும், நம்பிக்கைக்கு உரியவளாகவும் இருந்தாள். இராவணனை நல்ல வழியை நோக்கி, நீதியை நோக்கி வழிநடத்திச் செல்ல மண்டோதரி முயற்சித்தாள். நவகிரகங்களை துன்புறுத்த வேண்டாம் என்றும் மற்றும் வேதவதியின் மேல் மையல் கொள்ள வேண்டாம் என்றும் அவள் அறிவுரை வழங்கினாள். இந்த வேதவதி தான் சீதா தேவியாய் மறுபிறப்பெடுத்து, இராவணனின் அழிவுக்குக் காரணமாக இருந்தாள். இராவணன் மண்டோதரியின் அறிவுரையைக் கேட்கவில்லை.

விஷ்ணுவின் அவதாரமான இராம பிரான் அயோத்தியிலிருந்து வனவாசம் சென்றிருந்த வேளையில், அவனுடைய மனைவியான சீதா தேவியை கடத்தினான் இராவணன். மண்டோதரி சீதா தேவியை உடனடியாக இராமனிடம் திருப்பி அனுப்புமாறு கேட்டுக் கொண்டார் - ஆனால் இந்த வேண்டுகோள் நிராகரிக்கப்பட்டது. இந்த மையல் இராவணனின் அழிவைக் கொண்டு வரும் என்று மண்டோதரி நன்கு அறிந்திருந்தாள்.

வால்மீகியின் இராமாயணத்தில் மண்டோதரி மிகவும் அழகான பெண் என்று குறிப்பிடப்பட்டுள்ளார். இராமபக்தரான அனுமான் சீதா தேவியைத் தேடி இலங்கைக்கு வந்த போது, இராவணனின் அந்தப்புரத்தில் பார்த்த மண்டோதரியை சீதா தேவி என தவறாக எண்ணிக் கொண்டார். ஆனால், அனுமன் சீதா தேவியை கண்டறிந்த வேளையில், இராவணன் சீதா தேவியிடம் தன்னை மணம் புரிந்து கொள்ளாவிடில், கொன்று விடுவதாக மிரட்டிக் கொண்டிருந்தான். சீதா தேவி மறுத்த போது, சீதா தேவியின் தலையை துண்டிப்பதற்காக தன்னுடைய வாளை ஓங்கினார் இராவணன். ஆனால், மண்டோதரி இராவணனின் கையைப் பிடித்து அந்த பாவச்செயலைத் தடுத்து நிறுத்தினாள்.

ஒரு பெண்ணைக் கொலை செய்வதென்பது கொடும் பாவச் செயல், அதனால் சீதா தேவியை இராவணன் கொல்லக் கூடாது என்று மன்றாடிக் கேட்டுக் கொண்டாள் மண்டோதரி. மேலும், இராவணனை அவருடைய பிற மனைவியரிடம் சென்று திருப்திப்படுத்திக் கொள்ளுமாறும், சீதா தேவியை மணந்து கொள்ளும் எண்ணத்தை மறந்து விடுமாறும் கேட்டுக் கொண்டாள். மண்டோதரியை விட சீதா தேவி அழகில் குறைந்தவராக இருந்தாலும், இராமன் மீது சீதை கொண்டிருந்த பக்தியை மிகவும் மதித்திருந்தாள் மண்டோதரி. மேலும் சீதையை சாக்கி மற்றும் ரோகிணி ஆகிய கடவுளர்களுடன் ஒப்பிட்டாள் மண்டோதரி.

சீதையை அமைதியான முறையில் திரும்பப் பெற செய்த முயற்சிகள் அனைத்தும் தோல்வியில் முடிந்த பின்னர், இராமன் இராவணனுடைய இலங்கையின் மேல் போர் தொடுப்பதை அறிவித்தார். இராமனுடனான இறுதிப் போருக்கு முன்னரும் கூட மண்டோதரி இராவணனிடம் ஒருமுறை கேட்டுக் கொண்டாள், ஆனால் அந்த முயற்சியும் தோல்வியடைந்தது. இறுதியாக, தன்னுடைய கணவனுக்கு உண்மையுள்ள மனைவியாக இறுதிக் கட்டப் போரில் இராவணனுக்குத் துணை நின்றாள். மேலும், இந்திரனை வென்று இந்திரஜித் என்ற பட்டத்துடன் இருந்த, தன் மகன் மேகநாதனையும் கூட இராமருடன் சண்டையிட வேண்டாம் என்று கேட்டுக் கொண்டாள்.

இராவணனுடைய அனைத்து மகன்களும், வீரர்களும் போரில் இறந்து விட்ட பின்னர், தன்னுடைய வெற்றியை உறுதி செய்யும் படியாக ஒரு அக்னி யாகத்தை நடத்த விரும்பினார். அனுமனையும், வானர இளவரசரான அங்கதனையும் கொண்ட வானர வீரர்களின் படைகளை அனுப்பி அந்த யாகத்தை இராமர் கலைக்க விரும்பினார். இராவணனின் அரண்மனையில் பெரும் சேதத்தை வானரங்கள் ஏற்படுத்தினாலும், இராவணன் தன்னுடைய யாகத்தை தொடர்ந்து செய்து வந்தார். இந்நேரத்தில் அங்கதன் மண்டோதரியின் தலைமுடியைப் பற்றிய படி இராவணன் முன் இழுத்து வந்தார். மண்டோதரி தன்னைக் காப்பாற்றும் படியும், இதே செயலைத் தான் இராவணன் இராமனின் மனைவிக்கு செய்து கொண்டிருக்கிறான் என்றும் நினைவுபடுத்தினாள். இதனால் கோபமுற்ற இராவணன் தன்னுடைய யாகத்தை நிறுத்தி விட்டு, அங்கதனுடன் சண்டையிடுவதற்காக கத்தியுடன் பாய்ந்தார். எனினும், வந்த காரியத்தை முடித்து விட்ட திருப்தியுடன், மண்டோதரியை விட்டு விட்டு அங்கதன் தப்பிச் சென்றார். மண்டோதரி மீண்டும் சீதையை இராமனிடம் சேர்ப்பிக்கும் படி கேட்டர், ஆனால் இராவணன் மறுத்து விட்டார்.

வால்மீகி இராமாயணத்தில் மண்டோதரியை சீதையின் தாயாக எவ்விடத்திலும் குறிப்பிடவில்லை, பின்னர் வந்த இராமாயண படைப்புகளில் மண்டோதரியை சீதையின் தாயாகவோ அல்லது சீதையின் பிறப்பிற்கு காரணமான பெண்ணாகவோ குறிப்பிட்டிருக்கிறார்கள்.

இராவணனால் கொல்லப்பட்ட யோனிவர்களின் இரத்தத்தை ஒரு பெரிய பானையில் சேகரித்து வைத்திருந்தார்கள். இந்நேரத்தில் கிரிட்சமாடா என்ற முனிவர் இலட்சுமி தேவி தன்னுடைய மகளாகப் பிறக்க வேண்டும் என்ற வரம் வேண்டி தவமிருக்கத் தொடங்கினார். அவர் தர்ப்பைப் புல்லின் பாலை, தன்னுடைய மந்திரங்களால் சுத்திகரித்து வைத்திருந்தார். எனவே, இலட்சுமி தேவி அதில் வாழ்ந்திடுவார் என்பது முனிவரின் எண்ணம். இந்த பாலை தன்னுடைய இரத்தம் நிறைந்த பானைக்குள் ஊற்றி விட்டார் இராவணன். இராவணனின் இந்த அடாத செயலைக் கண்டு மனம் வெறுத்த மண்டோதரி, மிகவும் கொடிய விஷமாகக் கருதப்பட்ட அந்த இரத்தத்தைக் குடித்து தற்கொலை செய்து கொள்ள விரும்பினால். அதைக் குடித்த மண்டோதரி, மரணமடைவதற்குப் பதிலாக, கிரிட்சமாட முனிவரின் தவ வலிமையால் இலட்சுமி தேவியின் அவதாரத்தைப் குழந்தையாகப் பெற்றார். இந்த குழந்தையை குருஷேத்திரத்திற்கு அருகில் அவர் புதைத்து வைத்தார். அந்த பெண் குழந்தையைக் கண்டெடுத்த ஜனகர் அவளுக்கு சீதை என்று பெயரிட்டார்.

மண்டோதரியை மணந்து கொள்ள வேண்டும் என்று மாயாசுரரிடம் இராவணன் கேட்டுக் கொண்ட போது, அவருடைய ஜாதக கணிப்பின் படி, இந்த தம்பதிகளுக்குப் பிறக்கும் முதல் குழந்தை இராவணனின் வம்சத்தை அழித்து விடும் மற்றும் அந்த குழந்தையைக் கொன்று விட வேண்டும் என்றும் எச்சரிக்கை விடுத்தார். மாயாசுரரின் அறிவுரையை கருத்தில் கொள்ளாத இராவணன், மண்டோதரிக்குப் பிறந்த முதல் குழந்தையை ஜனகரின் நகருக்கு அருகில் ஒரு கூடையில் வைத்து புதைத்து விட்டார். வாசுதேவஹிந்தி, உத்தர புராணம் மற்றும் பிற சமண வகை இராமாயணங்களில் சீதையானவள் இராவணனுக்கும், மண்டோதரிக்கும் பிறந்த குழந்தையாகவே குறிப்பிடப்பட்டுள்ளார். இராவணனின் வம்சம் சீதையினால் அழிந்து விடும் என்று ஜோதிடர்கள் குறிப்பிட்டதால் தான், தன்னுடைய மகளான சீதையை இராவணன் விட்டு விட்டான் என்றும் சொல்லப்படுகிறது.

உடல்பருமன், நம்மை அச்சுறுத்திக்கொண்டிருக்கும் பெரிய பிரச்னை. உயர் ரத்தஅழுத்தம், இதயநோய் போன்ற பல உடல்நலக் கோளாறுகளை வரவேற்கும் வாசல். அதிக அளவில் பெரியவர்களைப் பாதித்துக்கொண்டிருந்த இந்தப் பிரச்னை, இப்போது குழந்தைகளையும் விட்டுவைக்கவில்லை. `உடல்பருமன் குழந்தைகள் அதிகமுள்ள நாடுகளில் இந்தியா’ இரண்டாவது இடத்தில் இருக்கிறது என்கிறது ஒரு புள்ளிவிவரம். கடந்த ஆறு மாதங்களுக்கு முந்தைய நிலவரப்படி, இந்தியாவில் ஒரு கோடியே 44 லட்சம் குழந்தைகள் உடல்பருமனோடு இருக்கிறார்கள். சரி.. உடல்பருமன் எப்படி ஏற்படுகிறது. நம் உடல் இயக்கத்துக்கு உதவும் கொழுப்பு, உணவின் மூலமாகத்தான் கிடைக்கிறது. உணவின் வழியாக நமக்குக் கிடைக்கும் அதிகப்படியான கொழுப்பு உடலில் தேங்கும்போது உடலின் தோற்றமே மாறிவிடும். அந்தக் கூடுதல் கொழுப்பினால்தான் நாம் உடல்பருமன் பிரச்னையை எதிர்கொள்கிறோம். ``நம் உடலில் இருக்கும் இன்னொரு கொழுப்பே உடல் எடை குறைப்பதற்கும் உதவும் என்பதை அண்மையில் கண்டுபிடித்திருக்கிறார்கள். அதன் பெயர் பிரௌன் ஃபேட் (Brown Fat)’’ என்கிற பிசியோதெரபிஸ்ட் ரம்யா, அது குறித்து விரிவாகப் பேசுகிறார்.

உடல் எடை

அது என்ன பிரௌன் ஃபேட்?

நம் உடலில், `மஞ்சள் நிறக் கொழுப்பு’, `பிரௌன் நிறக் கொழுப்பு’ (Brown adipose tissue (BAT) or Brown fat) என்று இரண்டு வகைக் கொழுப்புகள் உள்ளன. உணவிலிருந்து கிடைக்கும் மஞ்சள் கொழுப்பு உடல் எங்கும் படியும். பெண்களுக்கு இடை, வயிறு ஆகிய இடங்களில் படியும். ஆண்களுக்கு வயிற்றுப் பகுதியில் படியும். உணவிலிருந்து பெறப்படும் இந்த வகைக் கொழுப்பு எனர்ஜியாக மாற்றப்பட்டு உடல் இயக்கத்துக்கு உதவும். தசைகளில் கொழுப்பாகப் படியும்.டாக்டர் ரம்யா

பிரௌன் ஃபேட் உடலில் இயற்கையாகவே இருக்கிறது. இது கழுத்து மற்றும் தோள்பட்டைப் பகுதியில் படிந்திருக்கும். குழந்தைப் பருவத்தில் சுறுசுறுப்பாக இயங்கும். உடல் வெப்பநிலையைக் கட்டுப்படுத்தும். உணவிலிருந்து கிடைக்கும் எனர்ஜியை எரிக்கும் வேலையை பிரௌன் ஃபேட் செய்கிறது. குழந்தைகள் வளர்ந்து பெரியவர்கள் ஆன பின்னர் இந்தக் கொழுப்பு கும்பகர்ணனைப்போலத் தூங்க ஆரம்பித்துவிடும். குளிர் அதிகரிக்கும்போது பிரௌன் ஃபேட் தூண்டப்படும். குளிரான சூழலில் உடல் வெப்பநிலையை அதிகரிக்கும் வேலையை பிரௌன் கொழுப்பு செய்யும். இதனால்தான் குழந்தைகள் குளிரில் அதிகமாக நடுங்குவதில்லை.

ஆய்வாளர்கள் பிரௌன் ஃபேட்டை அதிகரிக்கவும், அதைத் தூண்டி இயக்கவும் ஆய்வுகள் செய்துவருகிறார்கள். பெட் ஸ்கேன் (Pet scan) மூலம் நம் உடலில் எங்கெல்லாம் பிரௌன் கொழுப்பு இருக்கிறது என்பதைத் தெரிந்துகொள்ளலாம். ஆனால், இந்த ஸ்கேன் பரிசோதனை காஸ்ட்லியானது. உடலில் புற்றுநோய் செல்கள் இருக்கின்றனவா என்பதைக் கண்டறிய உடலில் பெட் ஸ்கேன் பரிசோதனை செய்வார்கள். புற்றுநோய் செல்களைக் கண்டறிய ரேடியோஆக்டிவ் மெட்டீரியல்கள் பயன்படுத்தப்படுகின்றன. இந்தப் பரிசோதனையின்போது புற்றுநோய் செல்களின் நிறம் மாறுகின்றன. இதைவைத்து, உடலில் எங்கெல்லாம் புற்றுநோய் செல்கள் இருக்கின்றன என்பது கண்டறியப்படுகிறது.

அதேபோல் உடலில் எந்தெந்த இடங்களில் பிரௌன் ஃபேட் இருக்கிறது என்பதைக் கண்டறிய பெட் ஸ்கேனின்போது ரேடியோஆக்டிவ் சுகர் மாலிக்கியூல் (Radioactive Sugar Molecules) உடலில் இன்ஜெக்ட் செய்யப்படும். உடலில் செலுத்தப்படும் சுகர் மாலிக்கியூலை, பிரௌன் கொழுப்பு ஈர்த்துவிடும். இதன் மூலமாக உடலில் எங்கெங்கு பிரௌன் ஃபேட் இருக்கிறது என்பதைக் கண்டறியலாம். இந்த பிரௌன் ஃபேட்டை செயல்படச் செய்வதன் மூலம் உடல் எடையைக் குறைக்க முடியும் என்கின்றன சில ஆய்வுகள். அப்படி, உடற்பயிற்சி செய்வதன் மூலமாக இதைத் தூண்ட முடியும்.

இதைத் தூண்டிச் செயல்படவைக்க கூல் தெரபியும் (Cool Therapy) கொடுக்கப்படுகிறது. வயிற்றுப் பகுதியில் இருக்கும் கொழுப்பைக் கரைக்க கூல் தெரபியைப் பயன்படுத்துகிறார்கள். உடலின் மார்பகப் பகுதி மற்றும் இடுப்பின் கீழ்ப்பகுதியை மறைத்துவிட்டு அறையை மைனஸ் டிகிரியில் குளிரச் செய்வார்கள். அப்போது வயிற்றுப் பகுதியில் இருக்கும் பிரௌன் ஃபேட் தூண்டப்பட்டு, அதிகமாகச் சேமிக்கப்பட்டுள்ள மஞ்சள் கொழுப்பு கரைக்கப்படும். கூல் தெரபி மூலம் உடல் எடையைக் குறைக்க முடியும்.

இதுவரை பிரௌன் ஃபேட்டை அதிகரிப்பதற்கான உணவுகள் என்று எதுவும் கண்டறியப்படவில்லை. பிரௌன் கொழுப்பைச் செயல்படவைக்க உடற்பயிற்சி உதவும். உங்கள் உடல் எடையைக் கட்டுக்குள் வைத்திருக்கவும், குறைக்கவும்..பிரௌன் கொழுப்பைத் தூங்கவிடாமல் வைத்திருந்தாலே போதும்’’ என்கிறார் பிசியோதெரபிஸ்ட் ரம்யா.

உடல் எடை குறைப்புக்கான கொழுப்புகள் குறித்து டெர்மடாலஜிஸ்ட் (Dermatologist) ரேவதியிடம் பேசினோம்... ``உடல் எடைக் குறைப்புக்கு மெஷினரியை நம்புறவங்களுக்கு தோல் பகுதியில் படியும் வெண் கொழுப்பைக் கரைத்து, குறைக்கிறோம். இதன் மூலம் ஒரு குறிப்பிட்ட அளவுக்கு மட்டுமே கொழுப்பைக் குறைக்க முடியும். இன்னொன்று, உடல் உறுப்புகளில் உள்ள விஸிரல் ஃபேட் (Visceral Fat (Active Fat). இது இயற்கையா நம் உடல் உறுப்புகள்ல இருக்கும் கொழுப்பு. வயிற்றுப் பகுதியில் இருக்கும் உள் உறுப்புகள்ல இந்த விஸிரல் ஃபேட் காணப்படும். இதை டயட் மற்றும் உடற்பயிற்சி மூலமா குறைக்கலாம். பேலியோ டயட்ல இது போலத்தான் நடக்குது. கார்போ ஹைட்ரேட் எடுத்துக்காதபோது உடலில் இருக்கும் கொழுப்பை, நம்ம உடம்பில் உள்கட்டமைக்கப்பட்டிருக்கிற மெக்கானிசம் கார்போ ஹைட்ரேட்டா மாத்துது. அப்போ உடலில் இருக்கும் அதிகப்படியான கொழுப்பு கரைந்து, உடல் எடை குறையும். உடற்பயிற்சி மூலமாவும் உடல் உறுப்புகளில் இருக்கும் விஸிரல் ஃபேட்டைக் குறைக்க முயற்சி செய்யலாம். ஆனாலும் இதற்கு கடுமையான டயட் மற்றும் உடற்பயிற்சி செய்யணும். கொழுப்பு மெதுவாகத்தான் குறையும்.டாக்டர் ரேவதி

உடலில் தேங்கியிருக்கும் பிரௌன் ஃபேட்டை `நல்ல கொழுப்பு’னு சொல்றோம். இந்தக் கொழுப்புல இரும்புச்சத்து அதிகம் இருக்கிறதால அடர் சிவப்பு நிறத்துல இருக்கும். பிரௌன் ஃபேட் அதிகளவில் ஆக்சிஜனை எடுத்துக்கும். இது கழுத்தைச் சுற்றி கவசம் மாதிரி படர்ந்திருக்கு. பிரௌன் ஃபேட் செயல்படும்போது உடல் வெப்பத்தை அதிகரிக்க, வெண் கொழுப்பைக் கரைக்கும் வேலையையும் பார்க்குது. மனிதர்கள், மிருகங்கள் குளிர் பிரதேசங்கள்ல இருக்கும்போது உடல் வெப்பத்தைத் தக்கவைக்கிற வேலையை பிரௌன் ஃபேட் செய்யும். பிறந்த குழந்தைகளிடம் இது அதிக சுறுசுறுப்பாகச் செயலாற்றும். உடலில் பிரௌன் ஃபேட் ஆக்டிவாக இருப்பவர்கள் அவ்வளவு எளிதில் குண்டாக மாட்டாங்க. குண்டாக இருப்பவர்களின் உடலில் இருக்கும் பிரௌன் ஃபேட் செம தூக்கத்தில் இருக்கும். குறைப்பிரசவத்தில் பிறந்த குழந்தைகளை ஹைப்போதெர்மியா (Hypothermia) நோயிலிருந்து பாதுகாக்கும் வேலையை பிரௌன் ஃபேட் செய்கிறது.

உடல் எடை பிரச்னையைச் சமாளிக்க பல்வேறு ஆய்வுகள் நடந்துவருகின்றன. அவற்றில், பிரௌன் ஃபேட்டைச் செயல்படவைத்து, உடல் எடை கூடுவதைத் தடுக்க முடியுமா என அறியும் ஆய்வுகளைத் தீவிரப்படுத்தியிருக்காங்க. உண்மையில் உடலில் உள்ள பிரௌன் ஃபேட் அளவைக் கூட்டுவதற்கான வழி இதுவரை கண்டுபிடிக்கப்படவில்லை. குறைஞ்ச வெப்பநிலையில் உடலில் உள்ள பிரௌன் ஃபேட் ஆக்டிவேட் செய்யப்பட்டவர்களின் உடலில் அதிக கலோரி செலவு செய்யப்பட்டதுனு ஓர் ஆய்வுல கண்டுபிடிச்சிருக்காங்க. இதுக்கான சிகிச்சைகள் இன்னும் பரவலாக்கப்படலை. பிரௌன் ஃபேட்டைவெச்சு வெண் கொழுப்பைக் கரைக்கவும் ஆய்வுகள் நடக்கின்றன. எதிர்காலத்துல உடல் எடை குறைப்புல இந்த பிரௌன் ஃபேட்டோட பங்கு முக்கியமானதா இருக்கும்’’ என்கிறார் மருத்துவர் ரேவதி.

ஹார்வர்டு தமிழ் இருக்கைக்காக, நடிகர் கமல்ஹாசன் 20 லட்சம் ரூபாய் நிதியுதவி அளித்துள்ளார்.

அமெரிக்காவின், பாஸ்டன் நகரில் அமைந்துள்ள ஹார்வர்டு பல்கலைக்கழகத்தில், தமிழ் இருக்கை அமைப்பதற்கான முயற்சிகளில் உலகத் தமிழர்கள் கடந்த ஓர் ஆண்டுக்கும் மேலாக ஈடுபட்டுவந்தனர். அமெரிக்க வாழ் தமிழர்களான மருத்துவர்கள் திருஞானசம்பந்தம், ஜானகிராமன், ஆறுமுகம் உள்ளிட்டோர் இதற்கான முயற்சிகளில் இறங்கி நிதி திரட்டும் வேலையில் ஈடுபட்டனர். அந்த இருக்கையை அமைக்க, பல்கலைக்கழகத்துக்கு 45 கோடி ரூபாய் நிதியாகக் கொடுக்க வேண்டும். பலர் இதற்காக நிதி கொடுத்தபோதும், பற்றாக்குறை நிலவிவந்தது.

இந்நிலையில், சமீபத்தில் தமிழக அரசு, 10 கோடி ரூபாயைத் தமிழ் இருக்கை அமைக்க நிதியாகத் தர ஒப்புக்கொண்டது. இதனால், விரைவில் ஹார்வர்டு பல்கலைக்கழகத்தில் தமிழ் இருக்கை அமையும் என்று எதிர்பார்ப்பு நிலவிவந்தது.

இந்நிலையில் நடிகர் கமல்ஹாசன், இன்று ஹார்வர்டு தமிழ் இருக்கைக்காக 20 லட்சம் ரூபாய் நிதி உதவி அளித்துள்ளார். சென்னையில் நடந்த ஒரு தனியார் நிகழ்ச்சியில், இந்த நிதி உதவிக்கான காசோலையை நடிகர் கமல்ஹாசன் அளித்தார்.

சுமார் 3 கோடி அட்வான்ஸ் வாங்கிக் கொண்ட வடிவேலு, ஒப்புக் கொண்டபடி இம்சை அரசன் 24 ம் புலிகேசி படத்தில் நடிக்காமல் டிமிக்கிக் கொடுப்பதை நாம் ஏற்கனவே எழுதியிருந்தோம். வடிவேலுவும் வேணாம்… அவரது வானளாவிய நடிப்பும் வேணாம்… கொடுத்த அட்வான்சை திருப்பி வாங்கிக் கொடுத்தா போதும் என்கிற குறைந்தபட்ச குமுறலுடன் தயாரிப்பாளர் சங்கத்தை நாடியிருக்கிறார் டைரக்டர் ஷங்கர். அங்குதான் அவருக்கு முட்டு சந்தில் சிக்கிய மூச்சு முட்டல். ஏன்?

“நடிகர்கள் மீதான எந்த பிரச்சனையாக இருந்தாலும் அதில் நான் தலையிட முடியாது. நீங்களே பார்த்துக்கோங்க” என்று சங்கத்தின் செயலாளர்களான ஞானவேல்ராஜா, மற்றும் கதிரேசனிடம் பிரச்சனையை தள்ளிவிடுகிறாராம் விஷால்.

குற்றம் இழைத்தவர் யாராக இருந்தாலும் விட மாட்டேன் என்று முழங்குவதுதானே ஒரு தலைவனுக்கு அழகு? அப்படியிருக்க ஏன் விஷால் இப்படி நடந்து கொள்ள வேண்டும்? இந்த வருத்தம் ஷங்கருக்கு இருந்தாலும், பிரச்சனை தீர்ந்தால் சரி என்கிற முடிவுக்கு வந்திருக்கிறாராம். இந்த பிரச்சனை இப்போது ஞானவேல்ராஜா முன்னிலையில் வந்திருப்பதால் ஏதேனும் திருப்பம் நிகழலாம் என்றும் வெயிட்டிங்கில் இருக்கிறது புலிகேசி வட்டாரம்.

ஆக கடைசியில் சிம்புதேவன் என்கிற இயக்குனரின் வாழ்க்கையில் ரம்மி விளையாடிவிட்டார் வடிவேலு!

சூர்யா கார்த்தி, சிம்பு குறளரசன், தனுஷ் செல்வராகவன், யுவன் கார்த்திக் ராஜா, என அண்ணன் தம்பிகளின் அன்பு பாச கூட்டணிக்கு குறிப்பிட்ட உதாரணங்கள் பலவுண்டு. அந்த வரிசையில் பிரேம்ஜி-வெங்கட்பிரபுவை விட்டுவிட்டு யோசிக்கவே முடியாது! இந்த ‘மாலை நேரத்து மப்பு பிரதர்ஸ்’ மற்றவர்களுக்கு ரோல் மாடல் ஆனது எப்படி என்பதை நினைத்தால் நமக்கு தலை சுற்றுமா, சுற்றாதா? ஆனால் வழக்கம் போல இதை டேக் இட் ஈஸியாக்கிவிட்டு போனார் வெங்கட்பிரபு.

இந்த அன்பு அண்ணன் அரங்கத்தை கலகலப்பாக்கிய இடம், ‘திட்டம் போட்டு திருடுற கூட்டம்’ படத்தின் பாடல் வெளியீட்டு விழா.

படத்தின் ஹீரோவான கயல் சந்திரனின் அண்ணன் ரகுநாதன் தம்பிக்காக தயாரித்த படம்தான் இது. இந்த விஷயத்தை சொல்ல வந்த எல்லாரும், ‘வெங்கட் பிரபு எப்படி தன் தம்பி பிரேம்ஜி மீது அன்பு வச்சுருக்காரோ… அப்படி’ என்று சொல்ல சொல்ல, முன் வரிசையில் இருந்த வெங்கட்பிரபுவுக்கு சிரிப்போ சிரிப்பு. மைக்கை பிடித்தவர், ‘எங்களை முன்னுதாரணமா வச்சுகிட்டு ஒரு அண்ணன் தம்பிங்க இருக்காங்கன்னா பெருமையா இருக்கு’ என்றார் நக்கலும் சிரிப்புமாக.

ஆனால் இந்த கேலி கிண்டலையெல்லாம் தாண்டி நின்றார்கள் இப்படத்தை தயாரித்த அண்ணன் தம்பிகள்.

அண்ணன் ரகுநாதன் எது பற்றி பேசினாலும் ‘இது தம்பிக்கு நல்லாயிருக்கு. இது தம்பிக்கு பிடிக்கும். இது தம்பிக்காக செஞ்சது’ என்றே பேசுவார் என்று அங்கு வந்திருந்த விஐபிகள் சொல்லிக் கொண்டேயிருந்தார்கள். தம்பியும் சளைத்தவரல்ல. அண்ணனின் அன்பை தன் பங்குக்கு அறிவித்துவிட்டுப் போனார்.

இந்த பாச பற்றுதல்கள் ஒருபக்கம் இருக்கட்டும். சுதர் இயக்கியிருக்கும் இப்படத்தின் மெயின் ஸ்டோரி என்ன தெரியுமா? கிரிக்கெட் உலக கோப்பையை ஒரு கும்பல் திருடுவதுதான்.

ட்ரென்டுக்கு ஏற்ற கதை. தெளிவா சொல்லியிருந்தால் ஹிட்டுதான்!

படத்தை தமிழகம் முழுக்க அக்ராஸ் பிலிம்ஸ் பிரபு வெங்கடாச்சலம் வெளியிடுகிறார்.

எவ்வளவுதான் உருவிவிட்டு அடித்தாலும் பாலா அடியை பல்லிளித்துக் கொண்டே பெற்றுக் கொள்கிற ரசிகர்கள் பல்லாயிரக்கணக்கில் இருக்கதான் செய்கிறார்கள். (லட்சம் ஆயிரமா குறைஞ்சுருச்சே என்கிற வருத்தம் இல்லாமலில்லை) பாலா பழசாயிட்டாரு. அவரை விட பழசாயிருச்சு அவரது படங்கள் என்ற உண்மையை அவரது முந்தைய படக் கலெக்ஷன்கள் கூறிவிட்டன.

நானும் சரி… என் படங்களும் சரி. டைட்டில்தான் வேற வேற. ஆளும் படைப்பும் அதேதான் என்கிற மாதிரி வந்திருக்கிறது பாலாவின் நாச்சியார் டீஸர். இதற்கு முன் இவரது படங்களில் வந்த சூர்யா, விக்ரம், விஷால், மாதிரிதான் இருக்கிறார் ஜி.வி.பிரகாஷும். அதே போலொரு சைக்கோ லுக் வேறு.

ஒரு வித்தியாசமும் இல்லையேப்பா… என்று ஒரு முடிவுக்கு வருகிற நேரத்தில், அதை இன்னும் உர்ஜிதப்படுத்துகிற மாதிரி, அருமை ஜோதிகாவின் வாயிலிருந்து தேவிடியா பயலுகளா என்கிற வார்த்தை வேறு. (இதை தேவையில்லாத பயலுகளா என்று சென்சாரில் மாற்றிக் கொள்வார்கள் என்பது வேறு விஷயம்)

நேற்றிலிருந்தே, சிவக்குமார் பேமிலிக்கு இது தேவையா என்கிற ரீதியில் விவாதங்கள் ஓடிக் கொண்டிருக்க, அகம் பிரம்மாஸ்மியாகிக் கிடக்கிறார்கள் பாலாவின் ரசிகர்கள்.

சொறியறதுக்கு பயன்படுகிற கொம்புக்கு என்னைக்காவது அரிச்சிருக்கா? விடுங்கய்யா விடுங்க!