!...Payanam...!

தோட்டம் வைத்துப் பராமரிப்பது ஒரு மகிழ்ச்சியான பொழுதுபோக்கு. உங்கள் வாழ்கையை வண்ணமயமாக்கும் இது ஒவ்வொரு நாளும் ஒரு புதிய அனுபவத்தை எதிர்பார்த்துக் காத்திருக்க வைக்கும். உங்கள் முயற்சிகளில் முன்னேற இத்துறை வல்லுனர்களின் பல விதமான ஆலோசனைகளைப் பின்பற்றி வந்திருப்பீர்கள். ஆனால் உங்களுக்கு ஆர்வமூட்டக்கூடிய பல வித்தியாசமான உங்களுக்கு ஆச்சரியமூட்டக்கூடிய பலனைத் தரும் தோட்டக்கலை விவரங்கள் உள்ளன.

நீங்கள் தோட்டம் வைத்துப் பராமரிப்பது பொழுதுபோக்கோ அல்லது முழுநேரத் தொழிலோ, அதற்கென சிறந்த வழிகளைப் பின்பற்ற வேண்டியது அவசியம். பலர் பாரம்பரியமிக்க இயற்கையான வழிகளை பின்பற்றுகின்றனர்.ஆனால் வித்தியாசமான வழிகளைக் கண்டுபிடிக்க நீங்கல் சில முறைகளை முயன்று பார்க்கும் போது சில உடனடியான தீர்வுகள் கிடைக்கும் வாய்ப்புகள் உள்ளது.

இதுப்போன்ற சில வித்தியாசமான முறைகளை நாம் கேட்கும் போது உங்களுக்கு அவை பைத்தியக்காரத்தனமாகத் தோன்றும். ஆனால் நீங்கள் சற்றும் எதிர்பாராத விதமாக அது நன்கு வேலை செய்யும். இதற்கு முன் பலரால் முயற்சி செய்து பார்க்கப்பட்ட முறைகள் உங்களுக்கும் உதவும். நீங்கள் முயன்று பார்க்க ஏற்கனவே சோதிக்கப்பட்ட இதுப்போன்ற வித்தியாசமான முறைகள் உங்களுக்காக இதோ.

முட்டை ஓடு

முட்டை ஓடுகளில் கால்சியம் சத்து அதிகம் உள்ளதால், இது உங்கள் தோட்டத்தை செழுமையாக்க உதவும். உலர வைக்கப்பட்ட முட்டை ஓடுகள் ஒரு நல்ல உரமாக செயல்படும். அவற்றை குப்பையில் தூக்கி எறியாமல் நொறுக்கி மண்ணில் கலந்து விடுங்கள். ஏன் நீங்கள் விதைகளைக் கூட முட்டை ஓடுகளில் விதைத்து வளர்க்கலாம். உங்கள் விதைக்கு அது ஒரு சிறந்த சத்துமிக்க தொட்டியாக அது இருக்கும்.

எப்சம் உப்பு

எப்சம் உப்பு அதிக அளவு மக்னீசியம் மற்றும் சல்பேட் சத்துக்களைக் கொண்டது. தாவரங்கள் நன்கு வளர இது உதவி செய்யும். தக்காளி மற்றும் மிளகாய் ஆகியவை இதிலிருந்து அதிக பலனைப் பெறுகின்றன.

டயபர்கள் (diapers)

இவை நன்கு ஈரத்தை உறிஞ்சி தக்கவைத்துக் கொள்ளக்கூடியவை. ஆனால் இது தாவரத்திற்கு உதவும் என எப்போதாவது நினைத்ததுண்டா? டயபர் உரையைக் கிழித்து அதிலுள்ள ஜெல்லை தண்ணீரில் முக்கி எடுங்கள். அதை மண்ணோடு கலந்து விட்டால் இவை ஈரத்தை உறிஞ்சி செடிகள் காயாமல் நன்கு வளர உதவும். ஆனால் இவற்றை உணவுத் தாவரங்களில் உபயோகிப்பதை தவிருங்கள்.

முள் கரண்டிகள்

உங்கள் வீட்டிலுள்ள வளர்ப்புப் பிராணிகள் உங்கள் தோட்டத்தை சேதப்படுத்த வாய்ப்புகள் உள்ளன. இதனால் உங்கள் உழைப்பு வீணாக நேரிடுகிறது. ஆனால் நீங்கள் கவலை கொள்ளத் தேவையில்லை. இதற்கு ஒரு நல்ல வழி இருக்கிறது. பிளாஸ்டிக்கினால் ஆன முள் கரண்டிகள் அல்லது ஸ்பூன்களை ஆங்காங்கே தோட்டத்தில் நட்டு வையுங்கள். இந்த ஒரு எளிமையான ஐடியா அவற்றை தள்ளி இருக்கச் செய்து தோட்டத்தை பாதுகாக்கும்.

பால் பவுடர்

கொஞ்சம் ஓவராத்தான் தெரியும். ஆனால், தக்காளிக்கு இது பெரிதளவில் ஊட்டச்சத்தாக இருப்பதாகப் பலர் கூறுகின்றனர். பால் பவுடரை மண்ணில் கலப்பதன் மூலம் ருசியான ரசம் மிகுந்த தக்காளிகளை பெற முடியும். முயன்று பார்த்து இனிமையான தக்காளிகளைப் பெறுங்களேன். இந்த குறிப்புகள் மிகவும் பலன் தரக்கூடியவை.

இனிய வெள்ளரிக்காய்

உங்களுக்கு வெள்ளரிக்காய் வழக்கத்தை விட இனிமையாய் இருக்க வேண்டுமா? அப்படியானால் வெள்ளரிச் செடியை சூரியகாந்திச் செடியின் அருகில் வளருங்கள். இவை இரண்டிற்குமே ஒரே மாதிரியான மண் போதுமானது. அதே நேரம் சூரியகாந்திக் கிளைகள் வெள்ளரிக் கோடி ஏற வசதியாக இருக்கும். இதுவும் ஒரு முக்கிய தோட்டக் குறிப்பு.

சமையல் கழிவு நீர்

காய்கறி வேக வைத்த மற்றும் பிற சமையல் வேலைக்குப் பின் கிடைக்கும் நீரை வீணாக்காமல் அதை செடிகளுக்குப் பயன்படுத்தலாம். ஏனெனில் இவற்றில் பல சத்துக்கள் உள்ளன. இந்த நீரை சூடு ஆறிய பிறகு சேமித்து வைத்து பின்னர் செடிகளுக்கு ஊற்றலாம். இது மிகவும் பயனுள்ள ஒரு தோட்டக் குறிப்பு.

எவ்வளவு தான் நீங்கள் தினமும் வீட்டை சுத்தம் செய்து கொண்டே இருந்தாலும் கூட, சமையலறை மற்றும் ஸ்டோர் ரூம் ஆகியவற்றிலும் எங்காவது ஒரு மூலையில் இருந்து, ஏதாவது ஒரு துர்நாற்றம் வந்துவிடுகிறது. அதை எப்படி தான் சரிசெய்வது என்பதே நமக்குப் புரியாது.


அதிலும் குறிப்பாக, குழந்தைகள் இருக்கும் வீடுகள் என்றால் இன்னும் சொல்லவே தேவையில்லை. அப்படி வீட்டில் வீசும் துர்நாற்றத்தைப் போக்கும் எளிமையான வழிகளைப் பற்றி இங்கே விளக்கமாகக் காண்போம்.

காரணங்கள்

வீட்டின் மூலை முடுக்குகளில் இருந்து துர்நாற்றங்கள் ஏற்படுவதற்கு சில காரணங்கள் இருக்கின்றன. உங்கள் வீட்டில் வரும் துர்நாற்றத்துக்கும் கீழ்கண்டவற்றில் ஏதோவொன்று தான் காரணமாக இருக்க முடியும். அவை,

காற்றோட்டம் குறைவாக இருத்தல்

வானிலை மாற்றங்கள்

வீட்டின் பழமை

பாக்டீரியா

தூசி படிதல்

உணவுகள் கெட்டுப்போதல்

ஈரம் இருந்துகொண்டே இருத்தல்

ஆகிய ஏதாவது ஒன்றின் மூலமாகத் தான் வீட்டில் துர்நாற்றம் வீசும். இதை வீட்டிலுள்ள சின்ன சின்ன பொருள்களைக் கொண்டே எப்படி சரிசெய்யலாம்.

வெனிலா எசன்ஸ்

சில துளிகள் வெனிலா எசன்ஸை எடுத்து சிறிதளவு தண்ணீரில் கலந்து கொள்ளுங்கள். அதை துணியில் நனைத்து வீட்டில் உள்ள மர ஃபர்னிச்சர்கள், பல்புகள் ஆகியவற்றைத் துடையுங்கள். அப்படி செய்தால் அதில் துர்நாற்றங்கள் போய், பல்பு ஆன் செய்யும் போது வெனிலா பிளேவர் வாசனை கமகமக்கும்.

காபி

காபியும் மிகச்சிறந்த வாசனை தரக்கூடிய டியோடரைசராகப் பயன்படுத்தலாம். ஒரு கப்பில் சிறிதளவு காபி பொடியைப் போட்டு கிச்சனில் ஒரு மூலையில் வைத்துவிடுங்கள். கிச்சனில் உள்ள துர்நாற்றங்களை முழுக்க போக்கி, அறை முழுவதும் காபியின் நறுமணம் கமழ ஆரம்பித்துவிடும்.

சிட்ரஸ் பழங்கள்

சிட்ரஸ் பழங்களுக்கென்றே அலாதியான மணம் உண்டு. அதனால் தான் பெரும்பாலும் ரூம் ஃபிரஷ்னர்கள் கூட சிட்ரஸ் பிளேவர்களில் வாங்குகிறோம். வீட்டில் எலுமிச்சை மற்றும் ஆரஞ்சுப் பழங்களை பயன்படுத்திவிட்டு, தோலை தூக்கி வீசிவிடுவோம். ஆனால் இனிமேல் அப்படி தூக்கி வீசாதீர்கள். அந்த தோலை லேசாக உலரவிட்டு, பின் அதை தீயில் போட்டு ஒரு இடத்திலோ அல்லது சாம்பிராணி புகை போடுவது போலவோ வீடு முழுக்கக் காட்டுங்கள். வீடு கமகமவென மணக்கும்.

உப்பு

கெட்ட துர்நாற்றங்களை போக்கும் அதிக ஆற்றல் கொண்டது தான் உப்பு. நீங்கள் எந்த இடத்தை சுத்தப்படுத்த வேண்டுமோ, குறிப்பாக, பிசுபிசுவென்று இருக்கிற இடமாக இருந்தால் அந்த இடத்தில் அரை கப் அளவுக்கு உப்பை கொட்டி விடுங்கள். பின் குளிர்ந்த நீர் தெளித்து, நன்கு தேய்த்து சுத்தம் செய்யுங்கள். பிசுபிசுப்பும் போய்விடும். இந்த இடமும் பளி்ச்சென்று மாறிவிடும்.

ஒயிட் வினிகர்

கிச்சனில் ஏற்படுகிற துர்நுாற்றத்தைப் போக்குவதில் ஒயிட் வினிகருக்கு மிக முக்கியப் பங்கு உண்டு. குறிப்பாக, மீன் சமைத்தால் அந்த வாசனை வீட்டை விட்டு போவதற்குள் படாத பாடு படவேண்டியிருக்கும். இனிமேல் உங்களுக்கு அந்த கவலை வேண்டாம். அடுப்பில் ஒரு சிறிய பாத்திரத்தில் சிறிதளவு ஒயிட் வினிகரை ஊற்றி அடுப்பில் வைத்து மெல்லிய தீயில் வைத்து சூடேற்றுங்கள். அது சூடேற சூடேற வீட்டைச் சுற்றிய மீன் வாசனை காணாமல் போய்விடும்.

எலுமிச்சையும் கிராம்பும்

கிச்சனில் கருகிய தீய்ந்து போன வாசனை ஏதேனும் வந்தால் எரிச்சலாக இருக்கிறதா? கவலைப்படாதீங்க. ஒரு கப் தண்ணீரில் 3 வட்டமாக நறுக்கிய எலுமிச்சை துண்டுகளையும் அதோடு சில கிராம்புகளையும் போட்டு நன்கு கொதிக்க வையுங்கள். அது கொதிக்க கொதிக்க அறையைச் சுற்றி வந்த தீய்ந்து போன வாசனை காணாமல் போய்விடும்.

இது பூண்டு மற்றும் வெங்காயத்தின் நாற்றத்தையும் நீக்கிவிடும்.

தைம், ரோஸ்மேரி

சூடான கொதிக்கும் தண்ணீர், நெருப்பு என ஏதேனும் சூடான இடத்தில் இந்த தைம் மற்றும் ரோஸ்மேரி இலைகளை பச்சையாகவும் உலர்த்தியதாகவோ இருப்பதைப் போட்டால், அதிலிருந்து வெளியேறும் வாசனை வீடு முழுக்க பரவும்.

பட்டை

மீனின் வாசனையை வீட்டிலிருந்து போக்குவதற்கான மற்றொரு ஈஸியாக பொருள் பட்டை. தண்ணீரை நன்கு கொதிக்க வைத்து அதில் பட்டையை அப்படியே உடைத்தோ அல்லது பொடியாகவோ போட்டு கொதிக்க விடுங்கள். மீன் வாசனை ஓடிவிடும்.

பிளீச்சிங்

அரை கப் அளவுக்கு பிளீச்சிங் பவுடரையோ லிக்வியூடையோ குளிர்நு்த நீரில் கலந்து கிச்சினில் உள்ள சிங்கில் ஓட்டைகளை அடைத்துவிட்டு ஊற்றி விடுங்கள். 20 நிமிடங்கள் அப்படியே உலர விட்டுவிட்டு பின் தேய்த்து கழுவுங்கள். சிங் பளிச்சென மாறிவிடும். அதேபோல் சிங்கில் இருந்து வெளிவரும் துர்நாற்றமும் போய்விடும்.

மழைக்காலம் வந்துட்டாலே சலதோஷம் நம்மளை பிடித்து விடும். சலதோஷம் வந்தாலே காய்ச்சல், சளி, இருமல் என்று அசெளகரியமாக தோன்ற ஆரம்பித்து விடும்.

இந்த மாதிரியான சலதோஷம் சமயங்களில் சில உணவுகள் உங்களுக்கு நிவாரணம் அளிக்கும். அதைப் பற்றி தான் இக்கட்டுரையில் நாம் காண போகிறோம்.

பூண்டு பற்கள்

பூண்டு சலதோஷத்திற்கு சிறந்த மருந்து. இதிலுள்ள அல்சின் நோயெதிர்ப்பு சக்தியை அதிகரித்து சலதோஷத்திலிருந்து நிவாரணம் அளிக்கிறது. எனவே சலதோஷ சமயங்களில் பூண்டை நசுக்கியோ அல்லது மாத்திரை வடிவிலோ சாப்பிடுங்கள்.

டீ

சலதோஷத்திற்கு டீ சிறந்த நிவாரணத்தை அளிக்கும். கொஞ்சம் சூடாக சாப்பிடும் போது உங்களுக்கு தொண்டைக்கு நிவாரணமாகவும் இருக்கும். தேயிலையுடன் சோம்பு விதைகள் சேர்த்து பருகும் போது சலதோஷம் குறையும். மிளகு டீ கூட நீங்கள் பருகலாம். இது சளியை வெளியேற்றுவதோடு இருமலுக்கு உதவும்.

சிக்கன் நூடுல்ஸ் சூப்

ஜேவிஸ் பென்சிலின் என்ற சிக்கன் சூப்பை கூட நீங்கள் பருகலாம். ஏராளமான காய்கறிகள், சிக்கன் சேர்த்து இந்த சூப்பை தயாரிக்கலாம். இதன் அழற்சி எதிர்ப்பு தன்மை சுவாசப் பாதையில் ஏற்பட்டுள்ள அழற்சியை போக்கும். கண்டிப்பாக இது உங்களுக்கு பிடித்தமானதாக இருக்கும்.

சிட்ரஸ் பழங்கள்

ஆரஞ்சு, திராட்சை போன்ற விட்டமின் சி அடங்கிய உணவுகள் சளியை குறைக்க உதவுகிறது. அதே நேரத்தில் இதை சரியான அளவு மட்டும் எடுத்து கொள்ளுங்கள். அதிகமாக எடுக்க வேண்டாம். செரல் தாறியங்களுடன் ஆரஞ்சு ஜூஸ் சேர்த்து சாப்பிடுங்கள்.

பால்

விட்டமின் டி நமது எலும்புகளை வலுவாக்க பயன்படுகிறது என்பது தெரியும். அதே நேரம் இது நமது நோயெதிர்ப்பு சக்தியை அதிகரிக்கவும் உதவுகிறது. யோகார்ட், சீஸ், பச்சை காய்கறிகள், சால்மன், பட்டர் மற்றும் முட்டை போன்றவற்றை எடுத்து கொள்ளுங்கள்.

தேன்

தேன் தீப்பட்ட காயங்கள், வெட்டுகள் போன்றவற்றிற்கு பயன்படுகிறது. இதை சாப்பிடும் போது அதிலுள்ள ஆன்டி ஆக்ஸிடன்ட்கள் பாக்டீரியா, பூஞ்சை மற்றும் வைரஸை அழிக்கிறது. மேலும் தொண்டைக்கு நல்ல இதத்தை தருகிறது. மலைத்தேனில் நிறைய ஆன்டி ஆக்ஸிடன்ட்கள் உள்ளன. இதை கொஞ்சமாக டீயில் கலந்து கொள்ளுங்கள்.

சர்க்கரை வள்ளிக் கிழங்கு

சர்க்கரை வள்ளிக் கிழங்கில் விட்டமின் ஏ அதிகளவில் உள்ளது. இது வெள்ளை அணுக்களை அதிகரித்து நோயெதிர்ப்பு சக்தியை அதிகரிக்கிறது. சர்க்கரை வள்ளிக் கிழங்கை வேக வைத்து ஆலிவ் ஆயில் சேர்த்து மற்றும் மூலிகைகள் சேர்த்து சாப்பிடுங்கள். உங்கள் சலதோஷத்திற்கு நிவாரணம் அளிக்கும்.

முருங்கை இன்று மிகவும் பிரபலமடைந்து வரும் ஒரு உணவுப்பொருள். இது பிரபலமடைய காரணம், இதில் உள்ள ஏராளமான சத்துக்கள் தான். இதில் அதிகளவு ஊட்டச்சத்துக்கள் மற்றும் ஆண்டி ஆக்ஸிடண்ட் ஆகியவை உள்ளன. இது நமது ஊரில் அதிகளவில் நிறைந்துள்ள ஒரு மரம். இது சர்க்கரை நோய், இருதய நோய்கள், இரத்த சோகை, ஆர்த்தரிட்டிஸ், கல்லீரல் நோய், தோல் மற்றும் ஜீரண கோளாறுகளை போக்க கூடியது.

முருங்கையின் காய்கள்கள், வேர்கள், பட்டை, மலர்கள், விதைகள் மற்றும் பழம் கூட சாப்பிட தகுந்ததாக உள்ளது. இந்த முருங்கை பொடி இன்று மிகவும் பிரபலமடைந்து வருகிறது. இது பல நாட்டுமருத்துவங்களில் பயன்படுத்தப்பட்டு வருகிறது.

சர்க்கரை நோய் அறிகுறிகள்
இது உடலில் உள்ள கொழுப்புகள் மற்றும் குளோக்கோஸை குறைக்கிறது. இது உடலில் உள்ள ஆக்ஸிஜனேற்ற அழுத்தத்தை கட்டுப்படுத்தும். இது உடலில் உள்ள சர்க்கரை மற்றும் கொழுப்பை குறைத்து, சர்க்கரை நோய் அறிகுறிகளில் இருந்து காப்பாற்றும்.

1. புண்களை ஆற்றும் தன்மை
முருங்கையின் இலைகள், விதைகள் மற்றும் வேர்ப்பகுதிகளுக்கு புண்களை ஆற்றும் தன்மை உள்ளது. இது புண்கள் மற்றும் இரத்தம் வெளியேறுவதை வேகமாக குறைக்க உதவுகிறது.

2. உடற்செல்களை பாதுகாக்கிறது
முருங்கை இலை பவுடரில் உள்ள ஆண்டி ஆக்ஸிடண்டுகள், செல்களில் ஏற்படும் சேதம், மன அழுத்தம், வீக்கங்கள் ஆகியவற்றை கட்டுப்படுத்துகின்றன. உடலில் உள்ள உயிரணுக்கள் சேதமாவதை தடுக்கவும் இது உதவுகிறது.

3. அழற்சிகளில் இருந்து விடுதலை
முருங்கை இலையின் பொடியானது பல்வேறு அழற்சிகளில் இருந்து உங்களை பாதுகாகக்க உதவுகிறது. குறிப்பாக, நீரிழிவு, கார்டிவாஸ்குலர் இதய நோய், ஆர்த்தரிட்டிஸ், உடல் எடை அதிகரிப்பு போன்றவற்றில் இருந்து உங்களை பாதுகாக்க உதவுகிறது.

5. மூளையை வளப்படுத்தும்
முருங்கை இலையின் பொடியானது, மூளையின் ஆரோக்கியத்திற்கு பெரிதும் உதவுகிறது. இது அல்சைமர் நோயை குணப்படுத்தும் மருந்தாகவும் பயன்படுகிறது. இதில் உள்ள விட்டமின் இ மற்றும் விட்டமின் சி ஆனது, மன வளம், நியாபக திறன் ஆகியவற்றை பாதுகாக்க உதவுகிறது.

6. கல்லீரல் பாதுகாப்பு
முருங்கை இலையின் பொடி மற்றும் பூக்கள் கல்லீரல் பாதுகாப்பிற்கும் உதவுகிறது. இது கல்லீரலில் ஏற்படும் விஷத்தன்மை, நச்சுத்தன்மை, மற்றும் சேதம் ஆகியவற்றை தடுக்க உதவுகிறது.

7. கார்டிவாஸ்க்குலர் :
முருங்கை இலையின் பொடியானது இருதய ஆரோக்கியத்தை மேம்படுத்த உதவுகிறது. இது முக்கியமாக இரத்தத்தில் உள்ள கொழுப்பை குறைக்க உதவுகிறது.

8. பாக்டீரியா எதிர்ப்பு
முருங்கை இலையில் உள்ள பாக்டீரியா மற்றும் பூஞ்சை எதிர்ப்பு சக்தியானது, சருமத்தில் ஏற்படும் தொற்றுக்கள், பாக்டீரியாவினால் உண்டாகும் பிரச்சனைகள் போன்றவற்றிலிருந்து காப்பாற்ற உதவுகிறது. இது சிறுநீர் பாதையில் ஏற்படும் தொற்றுக்களை போக்கவும் உதவுகிறது.

9. பல ஊட்டச்சத்துக்களை
உள்ளடக்கியது முருங்கையில் அதிகளவு விட்டமின்கள், மினரல் மற்றும் அமீனோ ஆசிட்கள் உள்ளன. இதில் போதுமான அளவு விட்டமின் ஏ,சி, மற்றும் இ உள்ளது. மேலும், இதில் கால்சியம், பொட்டாசியம் மற்றும் புரோட்டின் அடங்கியுள்ளது.

எப்படி பயன்படுத்துவது ?
நீங்கள் முருங்கை இலை பவுடரை டீ ஆக குடிக்கலாம். இது மிக சுவையானதாக இருக்கும். இந்த பவுடரை தினமும் அரை அல்லது ஒரு டீஸ்பூன் அளவிற்கு குடிக்கலாம்.

தமிழ் சினிமாவின் புரட்சி தளபதி விஷால் தான். அவர் படங்களில் நடிப்பதை தாண்டி நடிகர் சங்கம் மற்றும் தயாரிப்பாளர் சங்கத்தில் முக்கிய பதவிகளில் இருக்கிறார்.

இந்த பதவிகளால் நிறைய பிரச்சனைகள் வந்தாலும் அதை எதிர்கொண்டு வருகிறார். நடிகர் சங்க கட்டடம் கட்டி முடித்ததும் திருமணம் என்று விஷால் கூறியிருந்தது நமக்கு தெரியும்.

அந்த கட்டட வேலைகளும் நடந்து வரும் நிலையில் விஷால் திருமணத்திற்கு தயாராகி விட்டார். ஆந்திராவை சேர்ந்த தொழிலதிபரின் மகள் அனிஷா என்பவரை தான் அவரது குடும்பம் தேர்ந்தெடுத்துள்ளார்களாம். விரைவில் இவர்களது நிச்சயதார்த்தம் ஆந்திராவில் நடக்க இருக்கிறதாம்.

World Economic Forum - WEF. இதைப் பற்றி அதிகம் பத்திரிகைகளிலும், டிவி சேனல்களிலும் கேள்விப்பட்டிருப்போம். இல்லை என்றால் இவர்கள் வெளியிட்ட அறிக்கைகளைப் பற்றிக் கேள்விப் பட்டிருப்போம். யார் இவர்கள். இவர்கள் நோக்கம் என்ன, ஏன் இத்தனை மெனக்கெட்டு உலக தலைவர்களை அழைத்துப் பேசுகிறார்கள் தெரியுமா..?

அறிமுகம்

World Economic Forum - WEF என்பது உலகப் பொருளாதாரம், அரசியல், கல்வி போன்ற துறைகளின் வளர்ச்சிக்கு உலக தலைவர்களையே அழைத்துப் பேசி உறுதி செய்வது தான் இந்த அமைப்பின் நோக்கம். இந்த அமைப்பு 1971-ல் தொடங்கப்பட்டு 47 ஆண்டுகள் ஆனாலும் கடந்த ஜனவரி 2015-ல் தான் இந்த அமைப்புக்கு Swiss Host-State Act -ன் கீழ் சர்வதேச அரசு மற்றும் தனியார் அமைப்புகளுக்கிடையிலான ஒத்துழைப்புகளை உறுதி செய்யும் அமைப்பாக சர்வதேச அளவில் அங்கீகரிக்கப்பட்டது.

உச்சி மாநாடு

சுவிசர்லாந்தின் பனி படர்ந்த ரிசார்டுகளைக் கொண்ட தாவோஸ் நகரில் World Economic Forum - WEF அமைப்பின் 48-வது ஆண்டு உச்சி மாநாடு நடக்க இருக்கிறது. வரும் 21 ஜனவரி 2019 முதல் 25 ஜனவரி 2019 வரை நடக்க இருக்கிறது.

இந்திய அரசியல் தலைகள்

உலகப் பொருளாதார மாநாட்டில் மத்திய நிதி அமைச்சர் அருண் ஜேட்லி உடன் , வணிகத் துறை அமைச்சர் சுரேஷ் பிரபு, பெடோலியம் மற்றும் இயற்கை எரிவாயு துறை அமைச்சர் தர்மேந்திரப் பிரதான் என மூன்று மத்திய அமைச்சர்கள் பயணிக்க இருக்கிறார்கள்.

மாநில அரசியல்தலைகள்

மத்திய அமைச்சர்களோடு, சில மாநில முதல்வர்களும் பங்கேற்க இருக்கிறார்கள். மத்தியப் பிரதேசத்தில் புதிதாக பதவி ஏற்று இருக்கும் காங்கிரஸ் அரசின் முதல்வர் கமல் நாத், பாஜகவை நிரந்தரமாக எதிர்க்கும் ஆந்திரப் பிரதேச முதல்வர் சந்திர பாபு நாயுடு, மகாராஷ்டிரத்தின் முதல்வர் தேவேந்திர ஃபட்நாவிஸ் போன்றவர்கள் கலந்து கொள்ள இருக்கிறார்கள்.

இவர்களுடன்

சந்திர பாபு நாயுடுவின் மகன், தெலங்கானா முதல்வரின் மகன் கே டி ராமா ராவ், பஞ்சாப் நிதி அமைச்சர் மன்பிரீத் பாதல் போன்றவர்களும் பங்கேற்க வாய்ப்பிருக்கிறதாம். அரசியல் வாதிகள் ஒரு பக்கம் என்றால் இந்திய தொழில் அதிபர்கள் வேறு தங்கள் குடும்பங்களோடேயே வர இருக்கிறார்களாம்.

தமிழகம்..?

எடப்பாடி தலைமையிலான அரசுக்கு முன்னுக்குப் பின் முரணாக பேசவும், கஜா புயலால் பாதிக்கப்பட்ட இடங்களில் மின்சாரமே இல்லாமல் மின்சார பயன்பாட்டுக்கு கட்டணம் வசூலிக்கவும், மாமனார் வீட்டில் ஏற்பாடு செய்திருக்கும் விருந்தை உண்டு விழாவை சிறப்பிக்கவுமே நேரம் சரியாக இருக்கிறதாம்.

உலக அரசியல் தலைகள்

அமெரிக்க அதிபர் டிரம்ப் இந்த World Economic Forum - WEF மாநாட்டின் பங்கேற்பார் என எதிர்பார்க்கிறார்களாம். ஆனால் இப்போது வரை அவரின் வருகை உறுதி செய்யவில்லையாம். ஆஃப்கானிஸ்தான் தலைவர்கள், பெல்ஜிய அரச குடும்பம், ஜோர்டன் அரச குடும்பம் என பல அரச குடும்பங்களும் பங்கேற்க உள்ளன.

அதிபர்கள்

அசர்பேய்ஜன், பிரேசில், கொலம்பியா, கோஸ்டாரிகா, ஈக்வடார், ஈராக், பெரு, ருவாண்டா, செர்பியா, தென் ஆப்பிரிக்கா, உக்ரைன் போன்ற நாட்டு அதிபர்களின் வருகைகள் World Economic Forum - WEF அமைப்பே உறுதி செய்திருக்கிறது.

பிரதமர்கள்

பல்கேரிய, க்ரோஷியா, டென்மார்க், எகிப்து, எஸ்டோனியா, எத்தியோப்பியா, ஜார்ஜியா, லிபியா, மலேசியா, நேபாள், நெதர்லாந்து, நார்வே, போர்ச்சுகல், பெரு, ஸ்லோவாக்கியா, ஸ்லொவேனியா, ஸ்பெயின் போன்ற நாட்டுப் பிரதமர்களின் வருகையை அரசுத் தரப்பு விவரங்களும் செய்திகளும் World Economic Forum - WEF மாநாட்டின் பங்கேற்பதை உறுதி செய்திருக்கிறது.

உச்சி மாநாடு தலைமை

World Economic Forum - WEF-ன் 48-வது உச்சி மாநாட்டை 1. மைக்ரோசாஃப்ட் நிறுவனத்தின் சிஇஓ சத்யா நாதெல்லா, 2. உலக வங்கியின் தலைவர் ஜிம் யொங் கிம், 3. ஈராக்கில் இருந்து Basima Abdulrahman, 4. கொலம்பியாவில் இருந்து Juan David Aristizabal, 5. ஸ்வீடனில் இருந்து Noura Berrouba, 6. அமெரிக்காவில் இருந்து Julia Luscombe, 7. கென்யாவில் இருந்து Mohammed Hassan Mohamud, 8. ஜப்பானில் இருந்து Akira Sakano போன்றவர்களும் சேர்ந்து தலைமை ஏற்று நடத்த இருக்கிறார்கள்.

எதைப் பற்றி பேசலாம்..?

1.Globalization 4.0: Shaping a Global Architecture in the Age of the Fourth Industrial Revolution.
2.Emerging markets outlook
3.India and the World என பல சர்வதேச பிரச்னைகளைக் குறித்தும், வளரும் மிகப் பெரிய நாடான இந்தியாவைப் பற்றியும் தனித் தனியாக பேசி விவாதிக்க இருக்கிறார்கள்.

இந்திய வியாபாரிகள்

முகேஷ் அம்பானி குடும்ப சகிதமாக பங்கேற்க இருக்கிறார். அசீம் ப்ரேம்ஜி தன் மகனோடு பங்கேற்க இருக்கிறார். கெளதம் அதானி, உதய் கோடக், டிசிஎஸ் சந்திரசேகரன், லஷ்மி மித்தல், ஆதித்யா மித்தல், நந்தன் நிலக்கனி, ஆனந்த் மஹிந்திரா, அஜய் பிரமல், அஜய் சிங் என ஒரு பெரிய இந்திய வியாபாரிகள் படையே பங்கேற்க இருக்கிறார்கள்.

இந்திய ஆளுமைகள் & அதிகாரிகள்

இந்தியாவில் ஆர்பிஐ கவர்னர் என ஒரு பதவி இருப்பதை வெகு ஜன மக்களுக்குக் காட்டிய முனாள் ஆர்பிஐ கவர்னர் ரகுராம் ராஜன், முன்னாள் ஐசிஐசிஐ வங்கி தலைவர் கே வி காமத், சர்வதேச நிதியத்தின் இயக்குநர் க்றிஸ்டின் லகார்ட், சர்வதேச நிதியத்தின் முதன்மை பொருளாதார ஆலோசகராக சமீபத்தில் பதவி ஏற்ற கீதா கோபிநாத், நிதி அயோக்கின் சிஇஓ அமிதாப் காந்த் போன்றவர்களும் World Economic Forum - WEF மாநாட்டில் கலந்து கொள்ள இருக்கிறார்கள்.

வெளிநாட்டு வியாபாரிகள்

கோக கோலா, பெப்ஸி, யுனிலிவர், மார்கன் ஸ்டான்லி, அடிடாஸ், ஷெல், டெலிநார், அலிபாபா, நெஸ்ட்லே, ஐபிஎம் என பல்வேறு சர்வதேச வியாபார நிறுவனங்களின் சிஇஓ அல்லது தலைவர்கள் அவர்கள் நிறுவனத்தின் சார்பாக பங்கேற்க இருக்கிறார்கள்.

அமெரிக்கா என்றாலே பஞ்சாயத்து செய்யும் நாட்டாமை என்று அனைவருக்கும் தெரிந்தது தான். பல்வேறு நாடுகளில் பிரச்னைகளிலும் தலையிட்டு பஞ்சாயத்து செய்து வருகின்றது.

எந்த நாட்டில் பிரச்னை நடந்தாலும், அங்கு தனது படை, போலீஸ் உள்ளிட்டவைகளை அனுப்பி நாட்டாமையாக அமர்ந்து பஞ்சாயத்து செய்து, பிரச்னை தீர்க்கும் நாடு அமெரிக்கா.

உலக நாட்டாமையின் சொம்பு ஒடுங்கியது.!

உலக அரங்கில் அமெரிக்கா இன்று வரை நாட்டாமையாகவே இருந்து வருகின்றது. இந்நிலையில், நாட்டாமை பஞ்சாயத்துக்கு சென்றாலும் அவர் எச்சில் துப்ப பயன்படுத்தும் சொம்பு முக்கியமானதாக இருக்கும்.

இந்நிலையில், உலக நாடுகளுக்காக அமெரிக்கா இனி போலீஸ் வேலை பார்க்காது என்று அந்நாட்டின் அதிபர் டொனால்ட் டிரம்ப் அதிரடியாக அறிவித்துள்ளார். இது, அமெரிக்காவின் சொம்பு தற்போது ஒடுங்கியுள்ளதை காட்டுகின்றது. இது அனைவரையும் வியக்க வைத்துள்ளது.

முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

ஈராக் பயணம்:

அமெரிக்க அதிபர் டிரம்ப் தனது மனைவி மெலனியாவுடன் ஈராக்கிற்கு திடீர் பயணம் மேற்கொண்டார். எவ்வித முன்னறிவிப்பும் இன்றி வாஷிங்டனில் இருந்து டிரம்ப்புடன் புறப்பட்ட விமானம், மேற்கு ஈராக்கின் அல் அசாத் விமானப்படை தளத்தில் தரையிறங்கியது.

100 சிறப்பு படை வீரர்களுடன் சந்திப்பு:

ஈராக்க நாட்டில் தங்கியுள்ள அமெரிக்க ராணுவத்தின் தேர்ந்தெடுக்கப்பட்ட 100 சிறப்பு பிரிவு வீரர்களை சந்தித்து டிரம்ப் கலந்துரையாடினார்.

ஈராக் பிரதமர் சந்திப்பு ரத்து:

இதனை தொடர்ந்து ஈராக் பிரதமர் அடெல் அப்தெல் உடனான சந்திப்பை டிரம்ப் ரத்து செய்தார். ஆனால் அவருடன் தொலைபேசியில் பேசிவிட்டு செய்தியாளர்களை சந்தித்தார். அப்போது, சிரியா, ஆப்கானிஸ்தானில் இருந்து படைகளை திரும்ப பெறும் முடிவில் உறுதியாக உள்ளதாக டிரம்ப் தெரிவித்தார்.

வேறு நாடுகளுக்கு கொடுக்க முடியாது:

அமெரிக்கா மட்டுமே தனக்கு முக்கியம் என்றும் அமெரிக்காவின் செல்வத்தை வேறு நாடுகளுக்கு இலவசமாக கொடுக்க முடியாது என்றும் அவர் கூறினார். கூட்டுப்படைகள் என்கிற பெயரில் மற்ற நாட்டு ராணுவத்தற்கும் அமெரிக்கா செலவு செய்து வருவதாக டிரம்ப் தெரிவித்தார்.

போலீஸ் வேலை பார்க்காது:

மேலும் உலக மக்கள் பலருக்கும் தெரியாத நாடுகளுக்கு கூட அமெரிக்கா ராணுவ வீரர்களை அனுப்பி பாதுகாப்பு வழங்கி வருவதாக அவர் கூறினார். இனியும் அந்த நாடுகளுக்கு போலீஸ் வேலை பார்க்க விரும்பவில்லை என்று டிரம்ப் கூறியுள்ளார்.
வரிப்பணம் வீணாகிறது:
வரிப்பணம் வீணாகிறது:

வேறு நாடுகளுக்கு அமெரிக்கா ராணுவ வீரர்களை அனுப்பி அந்நாட்டை பாதுகாப்பதன் மூலம் தங்கள் நாட்டு மக்களின் வரிப்பணம் தான் வீணாகிறது என்றும் அவர் தெரிவித்துள்ளார்.

சொம்பு ஒடுங்கியது:

உலகத்திற்கே பஞ்சாயத்து செய்து நாட்டாமையாக இருக்கும் அமெரிக்காவின் சொம்பு தற்போது ஒடுங்க துவங்கியுள்ளது.

ஜியோ நிறுவனம் கடந்த ஒரு மாதம் புதிய திட்டங்கள் மற்றும் சலுகைகளை அறிவிக்கவில்லை, இந்நிலையில் நேற்று ஒரு புதிய அறிவிப்பை வெளியிட்டுள்ளது ஜியோ நிறுவனம். இந்த அறிவிப்பு பல்வேறு மக்களுக்கு பயன்படும் வகையில்
இருக்கிறது என்று தான் கூறவேண்டும்.

நீங்கள் ஜியோ வாடிக்கையாளரா.! இதோ உங்களுக்கு குட் நீயூஸ்.!

அதன்படி ரூ.399-ரீசார்ஜ்க்கு முழுமையான கேஷ்பேக் வழங்கியுள்ளது ஜியோ நிறுவனம். மேலும் ஜியோ நியூ  இயர் ஆஃபர் என்ற பெயரில் இந்த அட்டகாசமான சலுகையை ரிலையன்ஸ் ஜியோ நிறுவனம் அறிவித்துள்ளது என்பது
குறிப்பிடத்தக்கது.

முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

சலுகை

மேலும் பழைய வாடிக்கையாளர்கள் அல்லது புதிதாக ஜியோ சேவையை பெறுவர்கள் யார் வேண்டுமானலும் இந்த அட்டகாசமான சலுகையை பெற முடியும் என்பது குறிப்பிடத்தக்கது.

100சதவீதம் கேஷ்பேக்

குறிப்பாக ரூ.399-க்கு ரீசார்ஜ் செய்தால் 100சதவீதம் கேஷ்பேக் கிடைக்கும், அதாவது ரூ.399-மதிப்புள்ள கூப்பன் மை ஜியோ மொபைல் அப்ளிகேஷனில் சேர்க்கப்படும், பின்பு ஆயிரம் ரூபாய்க்கு மேல் ஆன்லைன் ஷாப்பிங்
செய்யும்போது அதைப் பயன்படுத்தினால் 399 ரூபாயக்கு சலுகை கிடைக்கும் என்று தெரிவிக்கப்பட்டுள்ளது.

கூப்பன்

நேற்று(டிசம்பர் 28) முதல் ரூ.399-க்கு ரீசார்ஜ் செய்யும் வாடிக்கையாளர்கள் இந்த சலுகையைப் பெற முடியும். இருந்தபோதிலும் கிடைக்கு 399 ரூபாய் மதிப்புள்ள கூப்பனை 2019-ம் ஆண்டு மார்ச் 15-ம் தேதிக்குள் பயன்படுத்திவிட
வேண்டும். அதற்கு பின் அந்த கூப்பன் செல்லாது என்பது குறிப்பிடத்தக்கது.

1.5ஜிபி டேட்டா

ஜியோ நிறுவனத்தின் ரூ.399 ரீசார்ஜ் திட்டம் மூலம் 1.5ஜிபி டேட்டா 84நாட்களுக்கு கிடைக்கு என்று தெரிவிக்கப்பட்டுள்ளது, பின்பு இலவச கால் அழைப்புகள், தினசரி 100எஸ்எம்எஸ், ரோமிங் போன்ற சலுகைகளும் கிடைக்கும் என
ஜியோ நிறுவனம் கூறியுள்ளது.

நெட்வொர்க் இல்லாமல் வாய்ஸ் கால்- சோதனை துவங்கியது ஜியோ.!

இந்திய சந்தையில் குறுகிய காலத்தில் அதிக வாடிக்கையாளர்களை பெற்ற நிறுவனமாக ரிலையன்ஸ் ஜியோ நிறுவனம் இருக்கின்றது.

இந்த நிறுவனம் தற்போது, 4ஜியில் சேவை அளித்து வருகின்றது. வாடிக்கையாளர்களை கவர பல்வேறு தொழில்நுட்ப உதவிகளையும் வழங்கி வருகின்றது. மேலும் பல்வேறு அதிரடி சலுகைகளையும் அறிவித்துள்ளது. இந்நிலையில் ரிலையன்ஸ் ஜியோ நிறுவனம் நெட்வொர்க் இல்லாமல் வாய்ஸ் கால் சோதனை சோதனை துவங்கியுள்ளது. விரைவில் இந்த சேவை பயன்பாட்டிற்கு வரும் என்று எதிர்பார்க்கப்படுகின்றது.


ஜியோ நிறுவனம்:

ஜியோ நிறுவனம் குறுகிய காலத்தில் அதிக வாடிக்கையாளர்களை வெற்றுள்ளது ஜியோ நிறுவனம். இந்தியாவில் முன்னணி நெட்வொர்களில் ஒன்றாக உருவெடுத்துள்ளது. தற்போது இரண்டாவது ஆண்டிலும் அடியெடுத்து வைத்துள்ளது.

சலுகைகள்:

ஜியோ நிறுவனம் அன்லிமிடெட் வாய்ஸ் கால், 2ஜிபி டேட்டா, 100 எஸ்எம்எஸ், ரோமிங் ப்ரீ, ப்ரீ காலர் டியூன், மிஸ்டு கால் அலர்ட் உள்ளிட்ட பல்வேறு சேவைகளை வழங்குகின்றது.

கால் டிராப் ஆகாத ஜியோ:

டிராய் (இந்திய தொலைத் தொடர்பு ஒழுங்கு முறை ஆணையம்) அண்மையில், சாலை போக்குவரத்து, ரயில் போக்குவரத்தின் போது, பிஎஸ்என்எல், ஏர்டெல், ஐடியா, வோடபோன் உள்ளிட்ட நிறுவனங்கள் கால் டிராப் பிரச்னையில் சிக்கியுள்ளன. ஆனால் ஜியோ நிறுவனம் மட்டும் கால் டிராப் பிரச்னையில் சிக்கவில்லை என்றும் சிறந்த முறையில் பொது மக்களுக்கு சேவை வழங்குகின்றது என்று டிராய் அமைப்பு அறிவித்தது.

வேல்டு இ ரோமிங் சேவை:

இந்தியாவில் ஜியோ நிறுவனம் முதல்முறையாக வேல்டு இ ரோமிங் சேவை எனப்படும் அதிகவேக இணைய சேவையையும் வழங்கியது. மற்ற நிறுவனங்களை காட்டிலும், ஜியோவில் அதிவேக இணையத்தை பயன்டுத்த முடியும். இதில் முதலில் அறிமுகப்படுத்திய நிறுவனம் என்ற பெருமையை கொண்டுள்ளது.

5 ஜி சேவை:

இந்தியாவில் 5ஜி சேவையை அறிமுகம் செய்ய ஜியோ நிறுவனம் திட்டமிட்டுள்ளது. இதற்காக உரிமமும் ஏற்கனவே வெற்றுவிட்டது. இதற்கான ஆயத்த பணிகளிலும் ஜியோ நிறுவனம் ஈடுபட்டுள்ளது.

வாய்ஸ் ஓவர் வைபை:

இந்திய டெலிகாம் சந்தையில் முன்னணி நிறுவனங்களில் ஒன்றாக இருக்கும் ரிலையன்ஸ் ஜியோ வோ வைபை (வாய்ஸ் ஓவர் வைபை) எனும் சேவையை சோதனை செய்கிறது. புதிய வைபை சேவை அடுத்த சில மாதங்களுக்குள் அதிகாரப்பூர்வமாக வெளியிடப்படலாம் என கூறப்படுகிறது.

ஜியோ சோதனை:

ரிலையன்ஸ் ஜியோ வோ வைபை சேவையை சோதனை செய்வதாக ஏற்கனவே தகவல்கள் வெளியான நிலையில், மீண்டும் சோதனை துவங்கியிருப்பதால் இதன் வெளியீடு விரைவில் நடைபெறலாம் என எதிர்பார்க்கலாம். ஜியோவின் வோ வைபை சேவை மத்திய பிரதேச மாநிலத்தில் சோதனை செய்யப்படுவதாக தகவல் வெளியாகியுள்ளது.

ஆந்திர பிரதேசம்

ஆந்திர பிரதேசம், தெலங்கானா மற்றும் கேரளா போன்ற மாநிலங்களிலும் ரிலையன்ஸ் ஜியோ தனது வோ வைபை சேவையை சோதனை செய்வதாக கூறப்படுகிறது. ஜியோ வைபை சேவையை பயன்படுத்தும் ஸ்கிரீன்ஷாட் ஒன்று இணையத்தில் பகிரப்பட்டுள்ளது. இதில் ஜியோ வைபை சேவை தெளிவாக தெரிகிறது. அந்த வகையில் ஜியோ விரைவில் வோ வைபை சேவையை வெளியிடலாம்.

2019ல் சேவை துவக்கம்:

2019 ஆம் ஆண்டு வாக்கில் ரிலையன்ஸ் ஜியோ தனது வோ வைபை சேவையை வணிக ரீதியில் வெளியிட திட்டமிட்டிருக்கலாம். முதற்கட்டமாக ரிலையன்ஸ் ஜியோ நெட்வொர்க்குகளில் மட்டும் இந்த சேவை வழங்கப்பட்டு அதன் பின் மற்ற நெட்வொர்க்குகளிலும் வழங்கப்படலாம் என கூறப்படுகிறது

கேஜிஎப் திரைப்படம் முற்றிலும் வித்தியாசமான கதையாக வெளியாகி உள்ளது.

ராக்கி என்ற துறுதுறு இளைஞர், வாழ்க்கையில் தான் பணக்காரனாகவும், அதிகாரமுள்ள நபராக மரணம் அடைய வேண்டும் என்று நினைக்கிறார். அதானால் ஒரு மிஷனை கையில் எடுக்கிறார். அந்த மிஷனில் அவர் கொடுரமான வில்லனாக சித்தரிக்கப்படுகிறார். அந்த மிஷனில் என்ன நடக்கிறதுஎன்பதே கதை

கன்னட நடிகர் யாஷ், ராக்கி கதாபாத்திரல் நடித்துள்ளார்.இந்த கதாபாத்திரத்திற்கு வேறு யாரும் இதுபோல பொருந்தியிருக்க வாய்ப்பில்லாத அளவுக்கு நடித்துள்ளார். படத்தின் முதல் பாகம் சற்று நீளமாக இருந்தாலும் கதைக்கு தேவைப்படுவதாக உள்ளது. 1980 ஆண்டுக்கு முன்னோக்கி செல்லும் அவருக்கு கொடுக்கப்படும் மிஷனே மக்களை கொல்வதுதான். மக்கள் தொகையை அதிகரிக்காமல் தடுக்க வேண்டும் என்பதே இந்த மிஷனின் குறிக்கோள். இதனால் சரமாரியாகமக்களை கொல்கிறார் ராக்கி.

படத்தில் 30 நிமிடங்களுக்கு ஒரு முறை ராக்கியின் தாயார் அவரிடம் பேசுகிறார். அந்த காட்சிகள் படத்திற்கு பொருந்தவில்லை. படத்தில் அதிகபடியான வன்முறை காட்டப்படுள்ளதால், குழந்தைகள் மற்றும் கர்ப்பமானவர்கள் படத்தை பார்க்காமல் தவிர்ப்பது நல்லது.

மேலும் படத்தில்1980மற்றும் 2018ஆம் ஆண்டு,என்று இரு காலக்கட்டங்கள் காட்டப்படுகிறது. இரு காலக்கட்டத்திலும் பல்வேறு கதாபாத்திரங்கள் அறிமுகப்படுத்தபடுகிறது.இதை இயக்குநர் சரியாக கையாண்டதால்திரைக்கதை விறுவிறுப்பாக நகர்கிறது. அடுத்து என்ன நடக்கும் என்ற ட்வீஸ்ட் படம் முழுமையிலும் உள்ளது.

படத்தின்கலை இயக்குநரின் பங்குதான் முக்கியமாக அமைந்திருக்கிறது.இந்த படத்தின் வெற்றியை முடிவு செய்யும் நபராக கலை இயக்குநரின்வேலை அமைந்துள்ளது. படத்தின் பாடல்களைவிட பின்னணி இசை கச்சிதமாக கதை களத்திற்கு பொருந்திஉள்ளது.

படத்தின் திரைக்கதை ராக்கியின் கதாபாத்திரத்திற்கு மேலும் வலுசேர்க்கிறது. ராக்கி இனி என்ன செய்வார் என்பதை அடுத்த பாகம் வரும் வரை காத்திருந்து பார்க்க வேண்டும்.

பிரபல சன் லைஃப் தொலைக்காட்சியில் சொப்பன சுந்தரி என்ற ரியாலிட்டி நிகழ்ச்சியை ஒளிபரப்ப உள்ளனர். சன் லைஃப் தொலைக்காட்சிக்கு புத்துயிர் அளிக்கிறார்கள்.

அக்டோபர் 7ம் தேதியில் இருந்து புது சன் லைஃபை பார்க்கலாம் என்று விளம்பரம் செய்து வருகிறார்கள். இந்த புது சன் லைஃபில் 10 மாடல் அழகிகள் கலந்து கொள்ளும் நிகழ்ச்சி ஒளிபரப்பாக உள்ளது.

சொப்பன சுந்தரி

அமெரிக்காஸ் நெக்ஸ்ட் டாப் மாடல் நிகழ்ச்சி போன்று சொப்பன சுந்தரி என்ற நிகழ்ச்சியை நடத்துகிறார்கள். ரியாலிட்டி நிகழ்ச்சியான இதில் வளர்ந்து வரும் மாடல் அழகிகள் 10 பேர் கலந்து கொள்கிறார்கள். சொப்பன சுந்தரி என்று பெயர் வைக்கப்பட்டுள்ள இந்த நிகழ்ச்சியை நடிகர் பிரசன்னா தொகுத்து வழங்குகிறார். இதற்கு தான் சர்கார் இசை வெளியீட்டில் பயிற்சி எடுத்தாரா பிரசன்னா என்று நெட்டிசன்கள் கேட்கிறார்கள்.

சண்டை பஞ்சமிருக்காது

தென்னிந்திய தொலைக்காட்சிகளில் முதல் முறையாக ஒரு மாடல் அழகியை தேர்வு செய்ய நடக்கும் நிகழ்ச்சி சொப்பன சுந்தரி. ஒரு வீட்டில் நிறைய மாடல் அழகிகள் இருந்தால் சண்டைக்கு குறைவே இருக்காது. ப்ரொமோ வீடியோவிலேயே சண்டை பலமாக நடக்கிறது. பேச்சு பேச்சாக இல்லாமல் கைகலப்பில் முடிகிறது.
பிக் பாஸ் முடிஞ்ச என்ன சொப்பன சுந்தரி இருக்கே

பிக் பாஸ் 2 நிகழ்ச்சி முடிந்துவிட்டதால் சொப்பன சுந்தரியை பார்க்க நிச்சயம் பெரிய கூட்டம் கூடும் என்று எதிர்பார்க்கலாம். ப்ரொமோவே பயங்கரமாக இருக்கிறது. நிகழ்ச்சியில் இதை விட சண்டை, சச்சரவு எல்லாம் தூக்கலாக இருக்கும் என்று நம்பப்படுகிறது. ரசிகர்களுக்கு வார இறுதி நாட்கள் பரபரப்பாக இருக்கும்.

விஜய் தேவரகொண்டா தென்னிந்திய சினிமாவின் சென்சேஷன் நடிகர். ஏற்கனவே தெலுங்கு சினிமாவில் ரூ.100 கோடி வசூலை பெற்ற இளம் நாயகன் என்ற பெயர் இவருக்கு உள்ளது. அதுமட்டுமின்றி ஒரு தெலுங்கு நடிகருக்கு மிகப்பெரும் ரசிகர்கள் வட்டம் தமிழகத்தில் இருக்கின்றது என்றால் அது இவருக்கு தான், அதன் காரணமாக தமிழில் நேரடியாக நோட்டா மூலம் விஜய் தேவரகொண்டா களம் இறங்கியுள்ளார், மக்கள் இந்த நோட்டாவிற்கு வாக்களித்தார்களா? பார்ப்போம்.

கதைக்களம்

தமிழகத்தின் முதல்வர் நாசர் மீது ஒரு வழக்கு விழுகின்றது. அதற்காக இரண்டு வாரத்திற்கு டம்மி முதலமைச்சராக அவருடைய மகன் விஜய் தேவரகொண்டாவை அந்த பதவியில் பதவியேற்க வைக்கின்றார்.

ஆனால், அவருக்கோ அரசியலில் அ, ஆ கூட தெரியவில்லை. இரண்டு வாரத்தில் நாசருக்கு சாதகமாக தீர்ப்பு வரும் என்று நினைக்கின்றனர்.

யாரும் எதிர்ப்பார்க்காத விதமாக அவருக்கு 5 ஆண்டுகள் தண்டனை விதிக்க, அடுத்த 5 ஆண்டுக்கு விஜய் தேவரகொண்டா முதலமைச்சர் ஆக அதன் பிறகு நடக்கும் அரசியல் ஆட்டம், மாற்றம் என்ன என்பதே படத்தின் மீதிக்கதை.

படத்தை பற்றிய அலசல்

விஜய் தேவரகொன்டா தமிழில் அறிமுகமாகும் முதல் படம், அட தமிழே தெரியாமல் ஒருத்தர் இவ்வளவு சூப்பராக டப் செய்துள்ளார் என்றால் கண்டிப்பாக பாராட்ட வேண்டிய விஷயம். தனக்கே உரிய ரவுடி ஸ்டைலில் இன்றைய இளைஞர்களை ஈஸியாக கவர்ந்து இழுக்கின்றார்.

தமிழகத்தில் நடக்கும் அத்தனை பிரச்சனைகளையும் அப்படியே கதையாக மாற்றியுள்ளனர். வாரிசு அரசியல், குனிந்து கும்புடு போடுவது, செம்பரம்பாக்கம் ஏரியை திறந்துவிடுவது, கூவத்தூர் ரிசார்ட் கொண்டாட்டம் என நிகழ்கால அரசியலை கண்முன் கொண்டு வந்துள்ளனர்.

ரசிகர்களும் காட்சிகள் அறிந்து கைத்தட்டி ரசிக்கின்றனர். அதிலும் குறிப்பாக செம்பரம்பாக்கம் ஏரி திறந்துவிடுவது எத்தனை சுமூகமாக முடிக்கலாம் என்பதை படத்தில் காட்டிய விதம் சூப்பர் ஆனந்த் ஷங்கர்.

ஆனால், இத்தனை இருந்தும் படம் முழுதும் ஏதோ செயற்கை தனம் ஒட்டி வருகின்றது. ஒரு வேளை தெலுங்கு பட ஹீரோ என்பதாலோ அல்லது காட்சியே அப்படியா என்று தெரியவில்லை.

அதை விட பல இடங்களில் அநியாயத்திற்கு லாஜிக் மீறல், அதிலும் பினாமி பணத்தை எடுக்கும் காட்சி எல்லாம் காதில் பூ தான். கிளைமேக்ஸும் அத்தனை வலுவாக அமையவில்லை.

படத்தின் பல காட்சிகளை தாங்கி பிடிப்பது சாமின் இசை தான், பின்னணியில் மிரட்டியுள்ளார். ஒளிப்பதிவும் செட் என்றாலும் தன்னால் முடிந்த அளவிற்கு யதார்த்தமாக காட்ட முயற்சித்துள்ளனர்.

க்ளாப்ஸ்

விஜய் தேவரகொண்டா ஒன் மேன் ஆர்மி, தமிழே தெரியவில்லை என்றாலும் சூப்பராக பேசி தன் நடிப்பில் மிரட்டுகின்றார்.

படத்தின் டெக்னிக்கல் விஷயங்கள் இசை, ஒளிப்பதிவு போன்றவை.

நிகழ்கால அரசியலில் நடக்கும் காட்சியை படமாக்கிய விதம்.

பல்ப்ஸ்

படத்தில் தெரியும் நிறைய செயற்கை தனமான காட்சிகள்.

படத்தின் செட் அப்படியே தெரிகின்றது. பணத்தை கைப்பற்றும் காட்சி லாஜிக் எல்லை மீறல்.

மொத்தத்தில் நோட்டா கொஞ்சம் தடுமாற்றத்துடன் வாக்களிக்கும் மனநிலை தான்.

பீட்சா சாப்பிட ஆசைப்படும் 2 சிறுவர்களின் வாழ்க்கையை மையமாக வைத்து எடுக்கப்பட்ட படம் காக்கா முட்டை, தேசிய விருது பெற்ற இந்த படம், இந்திய திரையுலகையே திரும்பிப் பார்க்க வைத்தது. அதே பாணியில் 2 சிறுவர்களை முக்கிய கதாபாத்திரங்களாக நடிக்க வைத்து, மேலும் ஒரு புதிய படம் தயாராகி இருக்கிறது. இந்த படத்துக்கு, ‘பற பற பற’ என்று பெயர் சூட்டப்பட்டு இருக்கிறது.

இதில், காளி வெங்கட், மைம் கோபி, முனீஷ்காந்த், ராமதாஸ் ஆகியோருடன் மாஸ்டர் கோகுல், மாஸ்டர் மதன் என்ற 2 சிறுவர்களும் நடித்துள்ளனர். இந்த படத்தை பாரதி பாலா இயக்கியுள்ளார், ஜேம்ஸ் வசந்தன் இசையமைத்துள்ளார். நிகில் ஜெயின், ரஞ்சித் ஆகிய இருவரும் தயாரித்து இருக்கிறார்கள்.

படம் குறித்து பேசிய இயக்குனர் பாரதி பாலா, ஒரு கிராமத்தில் கட்டாந்தரை பள்ளிக்கூடத்தில் படிக்கும் 2 சிறுவர்கள், நகரத்தில் உள்ள பள்ளில் சேர்ந்து படிக்கும் அனுபவமே கதைக்களம் என்கிறார். குழந்தைகளுடன் குடும்பத்தினர் அனைவரும் அமர்ந்து ரசித்து பார்க்கும் கலகலப்பான படம், இது. சிறுவர்கள் இருவருக்கும் சென்னையில் இலவசமாக படிக்கும் வாய்ப்பு எப்படி கிடைக்கிறது? என்பதில் அரசியல் இருக்கிறது என்றும் அது திரையில் தெரிந்துகொள்ளுங்கள் என்கிறார் இயக்குனர் பாரதி பாலா..

தமிழ் சினிமாவில் ஒரு சிலருக்கு மட்டுமே படம் வெற்றி தோல்வி தாண்டி ஒவ்வொரு படத்திற்கான எதிர்ப்பார்ப்பும் விண்ணை முட்டும். அப்படி படத்திற்கு படம் எதிர்ப்பார்ப்பை எகிற வைப்பவர் தான் மணிரத்னம். அவருடைய இயக்கத்தில் இன்று வெளிவந்துள்ளது செக்கச்சிவந்த வானம், ரகுமான் இப்படத்தின் இசை வெளியீட்டு விழாவில் கூறியிருப்பார், இது நாயகன் ஸ்டைல் படம் என்று, மேலும் மணிரத்னம் புல் ஃபார்மில் உள்ளார் என்றும் தெரிவித்தார், அவரின் வார்த்தைகள் உண்மையானதா? பார்ப்போம்.

கதைக்களம்

பிரகாஷ்ராஜ் தமிழகத்தின் மிகப்பெரும் புள்ளி, விஜய் சேதுபதி ட்ரைலரில் சொல்வது போல் மதிப்பிற்கு உரிய கிரிமினல் தான் பிரகாஷ்ராஜ்.

இவரை ஆரம்பத்திலேயே ஒரு கும்பல் கொல்ல முயற்சி செய்கின்றது. அதை தொடர்ந்து அவரின் மூன்று மகன்களும் யார் அப்பாவை இப்படி செய்தார்கள் என தேட ஆரம்பிக்கின்றனர்.

ஒருவரின் மீது ஒருவருக்கு சந்தேகம், இடையில் பெரியவர் இடத்தை யார் பிடிப்பது என்று போட்டியும் கூட.

ஒரு கட்டத்தில் பிரகாஷ்ராஜ் இறக்க, அவரை கொல்ல முயற்சி செய்தது யார், அந்த இடம் யாருக்கு என்பதே படத்தின் மீதிக்கதை.

படத்தை பற்றிய அலசல்

அரவிந்த்சாமி, அருண் விஜய், சிம்பு, விஜய் சேதுபதி என 4 நடிகர்களை வைத்து இவர்கள் அனைவருக்கும் சரியான கதாபாத்திரம் கொடுத்து அதை வெற்றிக்கரமாக முடிப்பது சாதாரண விஷயமில்லை. அப்படி ஒரு விஷயத்தை மணிரத்னத்தை தவிர வேறு யாராலும் செய்ய முடியாது என்று இந்த வயதில் நிரூபித்து நிமிர்ந்து நிற்கின்றார்.

அரவிந்த்சாமி படத்தின் 4 கதாபாத்திரங்களில் கை ஓங்கி நிற்பது இவருக்கு தான், முரடன் அப்பா சொல்வதை மட்டுமே கேட்டு சுதந்திரம் என்றே இல்லாமல் அடிதடி என்று வாழ்ந்தே, வாழ்க்கையை ஓட்டுகின்றார். அவர் அப்பாவின் இடத்தை பிடிக்க விரும்புவது, அதற்கான விஷயங்களை மேற்கொள்வது, அதன் இழப்பு, சோகம், வருத்தம் என செம்ம ஸ்கோர் செய்கின்றார்.

வெளிநாட்டு ஜாலி பறவைகளாக அருண்விஜய், சிம்பு. எல்லோருக்கும் ஒரே நோக்கம் பிரகாஷ்ராஜ் இடத்திற்கு யார் வருவது என்பது தான், அருண் விஜய் செம்ம ஸ்டைலிஷாக இருக்கின்றார், இவரை வைத்து எத்தனை பெரிய ஆக்‌ஷன் காட்சிகளையும் அசால்ட்டாக எடுத்துவிடலாம், அதிலும் நீச்சல் குளத்தில் விழுந்து எழுந்து செல்லும் காட்சி பிரமிப்பு.

சிம்பு கடைக்குட்டி, அண்ணனால் தனக்கு ஒரு வலை சுற்றப்படுகின்றது என அறிந்து அவர் ஒரு கேங்கை தேற்றி களத்தில் இறங்குகின்றார். நீண்ட நாட்களுக்கு பிறகு சிம்புவிற்கு பல எமோஷனில் நடிக்கும் ஒரு வாய்ப்பு, அதுவும் தன் அம்மாவிடம் ‘நீ எனக்கு மட்டும் அம்மாவா இருமா’ என்று அழும் இடத்தில் சூப்பர். இந்த சிம்பு தான் இத்தனை நாட்கள் மிஸ்ஸிங்.

விஜய் சேதுபதி அட மணிரத்னம் படத்தில் மீண்டும் ஒரு வைலன்ஸ் சைட் மௌனராகம் கார்த்திக் என்றே சொல்லலாம். அவருக்கே உரிய ஸ்டைலில் வசனத்தில் வரும் காட்சிகளில் எல்லாம் சிக்ஸர் தான், கடைசி வரை ‘நீங்க நல்லவரா, கெட்டவரா?’ என்று ஆடியன்ஸ் கேட்கும்படியே அவர் கதாபாத்திரம் கொண்டு போனது ரசிக்க வைக்கின்றது.

இவர்களை தவிர ஜோதிகா, ஐஸ்வர்யா ராஜேஷ், அதிதி ராவ் என பெரிய பட்டாளமே இருந்தாலும், பிரகாஷ்ராஜ், ஜெயசுதா நடிப்பு தனித்து நிற்கின்றது. கேங்ஸ்டர் கதை தளபதி, நாயகனுக்கு பிறகு மணிரத்னம் தொட்டு இருக்கு களம்.

ஆனால், இன்றும், தன் இடம் தனக்கு தான் என நிரூபிக்கின்றார், ‘இதெல்லாம் எதுக்கு சொடக்கு போட்டால் இந்த உயிர் இப்படி போய்டும், நீ நான், நாளைக்கு பிறக்க போறவன் வரைக்கும் சைபர்’ தான் என வரும் வசனம் எல்லாம் ஆயிரம் அர்த்தம்.

படத்தின் ஐந்தாவது ஹீரோ ரகுமான் தான், பாடல்கள் மாண்டேஜாக வந்தாலும், பின்னணியில் படத்தை தூக்கி வேற லெவலுக்கு கொண்டு செல்கின்றார். அதேபோல் சந்தோஷ் சிவனின் ஒளிப்பதிவு பல இடங்களை மிக அழகாக படம்பிடித்து காட்டியுள்ளது.

க்ளாப்ஸ்

படத்தின் திரைக்கதை, இத்தனை கதாபாத்திரத்தை வைத்து அதை அழகாக கொண்டு சென்றவிதம்.

நடிகர், நடிகைகள் நடிப்பு, முடிந்தளவு எல்லோரும் ஸ்கோர் செய்துள்ளது.

கிளைமேக்ஸ் டுவிஸ்ட் ட்ரைலரை பார்த்து அப்படியே படம் செல்கின்றது என்று நினைக்கும் தருணத்தில் தடுமாறும் கிளைமேக்ஸ்.

படத்தின் இசை, ஒளிப்பதிவு என டெக்னிக்கல் விஷயங்கள்.

பல்ப்ஸ்

மணிரத்னம் படத்திற்கே உண்டான கொஞ்சம் அதுவும் இரண்டாம் பாதியில் மெதுவாக நகரும் சில காட்சிகள் (ஆனால், கதைக்கு அதுவும் தேவை தானே).

ஐஸ்வர்யா ராஜேஸ், அதிதிராவ் இவர்கள் எல்லாம் நட்சத்திர அந்தஸ்திற்காகவே தவிர பெரிதும் கவரவில்லை.

மொத்தத்தில் ஒரு வார்த்தையில் சொல்ல வேண்டுமென்றால் மணிரத்னம் இஸ் பேக்.

சென்னையின் பிரபல வியாபார நிறுவனங்களில் ரத்னா ஸ்டோர்ஸும் ஒன்று. திருநெல்வேலியிலிருந்து பாத்திரத் தொழிலை மூலதனமாகக் கொண்டு வந்த ஒரு குடும்பத்தினர் நடத்தி வந்த கடை அது. நம்பிக்கை, கைராசி சென்டிமென்ட்...என்கிற வகையில் வீட்டுப் பாத்திரங்கள் மற்றும் பொருள்கள் விற்பனையில் கஸ்டமர்கள் மத்தியில் குறிப்பாக வீட்டுப் பெண்கள் மத்தியில் பிரபலமான கடை அது. 72 வருடம் பாரம்பர்யம் கொண்டது. சென்னையில் பாண்டிபஜார், தாம்பரம், உஸ்மான் ரோடு, புரசைவாக்கம், வடபழனி, கே.கே.நகர் மற்றும் திருச்சியில் ஒரு கடை..இப்படிப் பல கடைகள் இயங்கி வந்தன. இவற்றில், சுமார் ஆயிரம் பணியாளர்கள் வேலை பார்த்து வந்தனர். ரத்னா ஸ்டோர்ஸுடன் பிசினஸில் ஆயிரக்கணக்கான டீலர்கள் இருந்து வந்தனர். இப்படி இருந்த நிறுவனம், தற்போது நிதி நெருக்கடியில் சிக்கித்தவிப்பதாக வங்கிகள் குற்றம்சாட்டுகின்றன. டீலர்கள் தரப்பிலும் பண வரவு முன்பு போல இல்லை என்று புலம்ப ஆரம்பித்திருக்கிறார்கள். கே.கே.நகர் கடை இப்போது சரியான செயல்பாட்டில் இல்லை. தாம்பரம், திருச்சியில் உள்ள கடை... உள்ளிட்ட சில கடைகள் கடந்த சில வருடங்களாகவே நிதிப் பிரச்னையில் சிக்கித்திவிக்கின்றன. பல்வேறு வங்கிகளில் வாங்கிய கடனை திருப்பி அடைக்கமுடியாத சூழ்நிலைக்கு நிர்வாகிகள் தள்ளப்பட்டனர். சொத்து, கடன்களைக் கணக்கெடுத்து செட்டில் செய்ய ஏற்பாடுகள் நடக்கின்றன. இதை நிர்வகிக்க லிக்கிவிடேட்டர் (கடனை அடைக்கும் வகையில் கணக்குகளைச் சரிபார்க்கும் சிறப்பு அதிகாரி) நியமிக்கப்பட்டுள்ளார்.

இந்த நிலைக்கு ஏன் தள்ளப்பட்டது என்று ரத்னா ஸ்டோர்ஸுடன் வியாபார நட்பில் இருந்த பிரபல கடைக்காரர் ஒருவர் கூறும்போது, " ரத்னா ஸ்டோர்ஸ் நிறுவனத்துக்கு 5 லட்ச ரூபாய் மதிப்புள்ள வீட்டு உபயோகப் பொருள்களை நாங்கள் சப்ளை செய்தோம். சில வருடங்கள் ஆகியும், பொருளுக்கு உரிய பணம் வரவில்லை. இதோ - அதோ என்று இழுத்தடித்தனர். பிறகுதான் தெரியவந்தது...அவர்கள் திவால் ஆகிவிட்டதாக வியாபாரிகள் மத்தியில் செய்தி பரவிக்கிடக்கிறது. மஞ்சள் நோட்டீஸ் கொடுத்துவிட்டார்கள் என்று கேள்விப்பட்டதும், அதிர்ந்துபோனோம். எங்களைப் போன்றவர்களிடம் வாங்கிய பொருளின் சிறு பகுதியை ரிட்டர்ன் எடுத்துப்போகச் சொல்கிறார்கள். இதனால் எங்களுக்கு பலத்த நஷ்டம். கடன் கொடுத்த வங்கிகள் நடவடிக்கை எடுத்து சட்டப்படியான நடவடிக்கை எடுத்துள்ளதாகக் கேள்விப்படுகிறோம். அவர்கள் தரப்பில் கடையின் வருமானத்தை நேரிடையாக எடுத்துக்கொள்ள ஏற்பாடு செய்திருக்கிறார்களாம். வங்கிகள் சரி! எங்களைப்போன்ற எத்தனையோ சிறு வியாபாரிகள் பொருள்களைக் கொடுத்துவிட்டு ஏமாந்து நிற்கிறோம். எங்களுக்கு யார் உதவுவார்கள்? " என்று சோகத்துடன் கேட்கிறார்.

இதற்கிடையில், மத்திய வருவாய்துறை அதிகாரிகள் ரத்னா ஸ்டோர்ஸ் நிறுவனத்தில் நடந்து வரும் நிலைமையை உன்னிப்பாகக் கவனித்து வருகிறார்கள். இதுபற்றி வருமான வரித்துறையின் அதிகாரி ஒருவர் கூறும்போது, ``நல்ல நிலையில் இயங்கிவந்த நிறுவனங்களிலிருந்து கிடைத்த லாபத்தையும், கடன் வாங்கிய பணத்தையும் இடம் வாங்கிப் போட்டிருக்கிறார்கள். கடந்த சில வருடங்களாக எங்கள் துறைக்கு வரவேண்டிய வருமான வரி தொகை நிலுவையில் உள்ளது. இதுதொடர்பாக, ஏற்கெனவே எங்கள் விசாரணை வளையத்தில் வந்தவர்கள்தாம் அந்தக் கடைக்காரர்கள். அவர்களிடம் விசாரித்தபோது, நிறைய தகவல்களை சொல்லியிருக்கிறனர். அதன்பேரில் நடவடிக்கையும் எடுத்திருக்கிறோம். இப்போது வங்கிகள் எடுத்திருக்கும் நடவடிக்கைகள் எங்களுக்குத் தெரியும். பொறுத்திருந்திருந்து பாருங்கள். யாரை ஏமாற்றினாலும், எங்களை ஏமாற்றவே முடியாது " என்றார்.


இதுபற்றி ரத்னா ஸ்டோர்ஸின் உரிமையாளர்களில் ஒருவரிடம் பேசினோம்...

``கஷ்டப்பட்டுச் சேர்த்த எங்கள் குடும்பப் பாரம்பர்யம்தான் ரத்னா ஸ்டோர்ஸ். எங்கள் குடும்பத்தினர் ஓயாது உழைத்து கடையின் பெயரையும் பொருள் தரத்தையும் மக்கள் மத்தியில் பிரபலப்படுத்தினோம். உஸ்மான் ரோட்டில் தங்க நகைக்கடையை பத்து வருடங்கள் வெற்றிகரமாக நடத்தினோம். ஊர் ஊராகப் போய், மக்களின் தேவையை உணர்ந்து வீட்டுப்பொருள்களை வாங்கி வந்து விற்பனைக்கு வைத்தோம். நன்றாகத்தான் இயங்கி வந்தது. திடீரென, உஸ்மான் ரோட்டில் 26 கடைகளை சி.எம்.டி.ஏ. மூடினார்கள். அதில் எங்கள் கடையும் மாட்டி, மூன்று மாதங்கள் மூடப்பட்டது. அதைத் தொடர்ந்து, வெள்ளப்பெருக்கெடுத்து கடைக்குள் பாதிப்பை ஏற்படுத்தியது. அடுத்து, வருமானவரித் துறை ரெய்டு...என்று விழி பிதுங்கியது. வேறு வழியில்லாமல், நகைக்கடையை மூடிவிட்டோம். இதற்கிடையில், வங்கிகளில் வாங்கிய கடன் பிரச்னை குறுக்கிட்டது. ஒரு தனியார் வங்கி, எங்களுக்குச் சொந்தமான சொத்து ஒன்றை எங்களுக்குத் தகவல் தெரிவிக்காமலே விற்று பணத்தை எடுத்துக்கொண்டதோடு, மேலும் 5 கோடி ரூபாய் கட்டவேண்டும் என்று கழுத்தை இறுக்கியது. இது எங்களுக்குப் பெரிய அதிர்ச்சி. சில வங்கிகள் திட்டமிட்டு எங்கள் கடையை முடக்கும் வேலையில் இறங்கியுள்ளனர். ஜி.எஸ்.டி. வரி மற்றும் சில வரிகள் எங்கள் கடை பிசினஸுக்கு சவாலாய் அமைந்தன. சென்னையில் உள்ள தேசிய கம்பெனி டிரிபியூனல் டிவிஷன் பெஞ்ச் வரை பிரச்னை சென்றது. லிக்யூடேட்டரை நியமித்துள்ளனர். வங்கிகள் தரப்பினரையும் எங்களையும் அழைத்துப் பேசி வருகிறார். விரைவில் செட்டில்மென்ட் முடிந்துவிடும். இப்படியிருக்க.. உஸ்மான் ரோடு கடைக்கு சப்ளை செய்த டீலர்கள் 150 பேரை அழைத்து அவர்களது பொருள்களை எடுத்துப்போகச் சொல்லிவிட்டோம். நிதிச்சுமையை முடிந்தவரைச் சமாளித்து வருகிறோம். ஆனால், வங்கிகளில் குறிப்பாக ஒரு குறிப்பிட்ட தனியார் வங்கியின் டார்ச்சர் தாங்கமுடியவில்லை. கூடிய விரைவில் எல்லாம் சரியாகி பழையபடி எங்கள் கடையை நடத்துவோம் என்கிற நம்பிக்கை இருக்கிறது" என்றார்.

ஏன் இப்படித் திடீரென சரிவு ஏற்பட்டது?

ரத்னா ஸ்டோர்ஸ் தொடர்புடைய ஒருவர், ஜெயலலிதாவின் தோழி சசிகலா தரப்பினருடன் பிசினஸ் தொடர்பில் இருந்தாராம். அப்போது இவர் கொடிகட்டி பறந்தாராம். அந்த நபரும் மளமளவென்று வளர்ந்தாராம். ஆனால், திடீரென சசிகலா தரப்பில் தொடர்பு அறுந்துபோனதாம். அன்றுதான் சரிவு ஆரம்பித்ததாம். இதைச் சொல்லி ஆதங்கப்படுகிறார்கள் பாண்டி பஜாரில் உள்ள சில கடைக்காரர்கள்.

ரத்னா ஸ்டோர்ஸ் நிதிச்சுமையில் தள்ளாடுவதால், வாடிக்கையாளர்களுக்குப் பொருளாதார இழப்பில்லை என்றாலும், ஆதங்கம் இருக்கும். அதேநேரம், கடைகளுக்குப் பொருள்கள் சப்ளை செய்த சிறு வியாபாரிகள்தாம் கையைப் பிசைந்தபடி டென்ஷனில் தவிக்கிறார்கள்.

வரும் 2019ஆம் ஆண்டிற்கான ஆஸ்கர் விருதுக்கான வெளிநாட்டு மொழிப்படங்களில் பிரிவில் கலந்து கொள்ளும் இந்தியப் படங்கள், கடந்த 21ஆம் தேதி மும்பையில் திரையிடப்பட்டன. அதில் ராஸி, பத்மாவத், வில்லேஜ் ராக்ஸ்டார் உள்ளிட்ட 28 படங்கள் அடங்கும்.

இந்த வரிசையில் அசாமி மொழிப்படமான வில்லேஜ் ராக்ஸ்டார் படத்தையும் அனுப்ப ஆஸ்கர் தேர்வுக் குழுவினர் முடிவு செய்தனர். அடிப்படை வசதிகள் இல்லாத அசாமிய கிராமம். அங்கு வாழும் சிறுமி துனு, கிதார் வாசிப்பாளராக வேண்டும் என்று விரும்புகிறார்.

தனது கிராமத்தில் ஒரு இசைக்குழுவை உருவாக்கும் முயற்சியில் ஈடுபடுகிறார். தனது கனவை வென்றாரா என்பதை அற்புதமாக ரிமா தாஸ் இயக்கியுள்ளார். இப்படம் இந்தியாவில் சிறந்த குழந்தை நட்சத்திரம், சிறந்த எடிட்டிங், சிறந்த படம், சிறந்த கலை பங்களிப்பு ஆகிய 4 தேசிய விருதுகளை வென்றுள்ளது.

இந்நிலையில் அசாம் மாநில அரசு வில்லேஜ் ராக்ஸ்டார் படத்திற்கு ரூ.50 லட்சம் பரிசுத் தொகை அறிவித்துள்ளது. இதற்கான தீர்மானத்தை, மாநில சட்டசபையில் நிறைவேற்றி, அதன் இயக்குநருக்கு பாராட்டு தெரிவிக்கப்பட்டது.

செக்க சிவந்த வானம் படத்தை ஏன் பார்க்க வேண்டும்..??
‘செக்க சிவந்த வானம்’- இந்த படத்தை ரசிகர்கள் பார்க்க மணிரத்னம் என்ற ஒரு சொல் போதும் தான். ஆனால் அதையும் மீறி இருக்கும் முக்கிய காரணங்களை விரிவாக பார்க்கலாம்.

பிரமாண்ட கூட்டணி

ஏ.ஆர். ரஹ்மான், வைரமுத்து உடன் 14வது முறையாகவும், ஸ்ரீகர் பிரசாத்துடன் 9வது முறையாகவும், சந்தோஷ் சிவனுடன் 6வது முறையாகவும், அரவிந்த சாமியுடன் 5வது முறையாகவும், பிரகாஷ் ராஜ் உடன் 5வது முறையாகவும், ஜெயசுதா உடன் 2வது முறையாகவும், அதிதி ராவுடன் 2வது முறையாகவும், மற்றும் விஜய்சேதுபதி, சிம்பு, அருண் விஜய், ஜோதிகா, ஐஸ்வர்யா ராஜேஷ் ஆகியோருடன் முதல்முறையாகவும் இணைந்து மணிரத்னம் இயக்கியுள்ள படம் ’செக்க சிவந்த வானம்’


திரைப்பட இலக்கணத்தோடு படங்களை இயக்குபவர்களில் மணிரத்னம் தான் முன்னோடி. அதே சமயத்தில் அந்த இலக்கணங்களை மீறி புதிய எல்லைகளை படைப்பதிலும் அவர் தான் முன்னோடி. மணிரத்னம் இயக்கிய படங்கள் பல தோல்வியை தழுவி இருந்தாலும், அவரது கதை சொல்லும் மொழி, திரையாக்கம் ரசிகர்களை என்றுமே கவராமல் இருந்ததில்லை.

இந்தியாவின் ஆகச்சிறந்த கதைச்சொல்லி

ஆம், மணிரத்னத்திற்கு மட்டுமே இந்த பெயர் பொருந்தும். பல படங்கள் தோல்வி அடைந்த போதிலும் இன்னும் மணிரத்னத்தின் படங்களை பார்க்கும் போது ஏற்படும் தாக்கங்கள் வேறு தான். படத்தின் கதை, வசனங்கள் புரியாமல் இருக்கலாம். ஆனால் அவரது திரைமொழி என்றுமே ரசிகர்களை ஏமாற்றியது கிடையாது. படத்தொகுப்பு, ஒளிப்பதிவு, இசை அமைப்பு, காட்சியமைப்பு, ஒளி அமைப்பு என ஏதோ ஒரு திரை மொழி வடிவம் மணிரத்னம் படம் பார்க்கும் ஒவ்வொரு ரசிகனையும் ஆச்சர்யத்தில் ஆழ்த்தவே செய்கிறது.

செக்க சிவந்த வானம்

தற்போது இந்த படத்திற்கு வருவோம். கேங்க்ஸ்டர், அதை எதிர்க்கும் நாயகர்கள், துப்பாக்கிகள், சிதறும் தோட்டகள் என கமர்ஷியல் படங்களுக்கான அத்தனை அம்சங்களுடன் ’செக்க சிவந்த வானம்’ தயாராகியுள்ளது. பாடல்கள் ஏற்கனவே வெளிவந்து வரவேற்பை பெற்றுவிட்ட நிலையில்,
சிம்பு, விஜய்சேதுபதி, ஜோதிகா, ஐஸ்வர்யா ராஜேஷ் என பல பிரபலமானவர்களுடன் இந்த படத்தில் கூட்டணி அமைத்துள்ளார் மணிரத்னம். அது இந்த படத்தின் மீதான எதிர்பார்ப்பை மேலும் கூட்டுகிறது.

நட்சத்திர பட்டாளம்

அரவிந்த் சாமி, விஜய் சேதுபதி, பிரகாஷ் ராஜ், சிம்பு, அருண் விஜய், ஜோதிகா, ஜெயசுதா, அதிதி ராவ், ஐஸ்வர்யா ராஜேஷ், தியாகராஜன், மன்சூர் அலிகான் என பிரமாண்ட நட்சத்திர பட்டாளமே இந்த படத்தில் உள்ளது. மல்டி-காஸ்டிங் கதாபாத்திரங்களை கையாளுவதில் மணிரத்னத்திற்கு நிகர் அவர் மட்டுமே. அதற்கு தளபதி, இருவர், ராவணன், குரு போன்ற படங்களே சாட்சி. அந்த வரிசையில் நிச்சயம் செக்க சிவந்த வானமும் இடம்பெறும். அதை டிரெய்லரை கட் செய்த விதத்திலேயே கணிக்க முடிகிறது.

தமிழகமும் செக்க சிவந்த வானமும்

செக்க சிவந்த வானத்திற்கும், தமிழகத்திற்கும் பல தொடர்புகள் உள்ளன. அரசியல் பின்புலத்துடன் செக்க சிவந்த வானத்தை குறிக்கும் கட்சி உதயமான பிறகு தான் தமிழகம் முற்போக்கு மாநிலமாக மாறியது. அதை பின்பற்றி இந்திய அரசியலில் பல்வேறு சீர்திருத்த நடவடிக்கைகள் மேற்கொள்ளப்பட்டன.

அரசியல் பின்புலமா..??

’செக்க சிவந்த வானம்’ படத்தின் தலைப்பு மற்றும் டிரெய்லர் வெளியான பிறகு அவை குறிப்பிட்ட அரசியல் கட்சி மற்றும் முதுபெரும் அரசியல் தலைவர் குடும்பத்துடன் ஒப்பிட்டு செய்திகள், மீம்ஸுகள் வெளியாகின. மேலும் இந்த படம் ‘பொன்னியன் செல்வன்’ என்ற வரலாற்று நாவலுடனும் ஒப்பீடு செய்யப்பட்டது. இவை இரண்டும் படத்தின் மீதான ரசிகர்களின் எதிர்பார்ப்பை அதிகரித்ததோடு, ’செக்கம் சிவந்த வானம்’ படத்திற்கு செலவின்றி விளம்பரத்தையும் பெற்று கொடுத்தது.

கடந்த ஒரு மாதத்திற்கு மேலாக ஒரு விஷயம் அடிபட்டுக் கொண்டிருக்கிறது. இஸ்ரோ விஞ்ஞானி நம்பி நாராயணன் வேடத்தில் நடிகர் மாதவன் நடிக்கப் போகிறார் என்கிற விஷயம்தான் அது. யாரிந்த நம்பி நாராயணன்?

பிரபல விஞ்ஞானியான இவர், ராக்கெட் விஞ்ஞானத்தில் பல சாதனைகளை புரிந்தவர். 90 களில் இவரை திடீரென கைது செய்த அரசு, அவர் மீது தேச துரோக வழக்கை பாய்ச்சியது. குற்றம் நடந்தது என்ன?

இஸ்ரோவின் பல ரகசியங்களை இவர் பாகிஸ்தானுக்கு விற்றுவிட்டார் என்பதுதான் அவர் மீதான குற்றச்சாட்டு. ஆனால் இருபது ஆண்டுகளுக்கும் மேலாக சட்ட போராட்டம் நடத்திய நம்பி நாராயணன் தான் குற்றவாளி இல்லை என்று நிரூபணம் ஆனதுடன், ஒரு கோடி ரூபாய் நஷ்ட ஈடு கேட்டு அரசு மீது வழக்கும் தொடர்ந்திருக்கிறார். 50 லட்சம் நஷ்ட ஈடு தரச்சொல்லி உச்ச நீதிமன்றமும் தீர்ப்பளித்திருக்கிறது. இந்த கதையைதான் படமாக்கப் போகிறார்கள். இங்குதான் சிக்கல்.

சென்னையிலிருக்கும் இசையமைப்பாளர் எஸ்.எஸ்.குமரன், விஞ்ஞானி நம்பி நாராயணின் நெருங்கிய உறவினர். அந்த வகையில் நம்பிக்கு உதவிய குமரன், 95 ஆம் ஆண்டு இவரது வாழ்க்கை வரலாற்றை ஒரு டி.வி சீரியலாக தயாரித்திருக்கிறார். நம்பி நாராயணனின் வேண்டுகோளுக்கு இணங்க எடுக்கப்பட்ட இந்த தொடரை சட்ட சிக்கல் காரணமாக சன் தொலைக்காட்சியும், ஜெயா தொலைக்காட்சியும் மறுத்துவிட, பெரும் கடன் சுமைக்கு ஆளாகிவிட்டார் எஸ்.எஸ்.குமரன். எப்படியோ அந்த கடனை அடைத்து சினிமாவில் ஒரு இடத்தையும் பிடித்துவிட்டாலும், தனது தாய் மாமனான நம்பி நாராயணன் மீண்டும் தனக்கே அவரது வாழ்க்கை வரலாற்று படத்தை எடுக்க உதவிடுவார் என்று நம்பினாராம்.

ஆனால் அந்த உரிமையைதான் 30 லட்சம் ரூபாய்க்கு வேறொரு சினிமா நிறுவனத்திற்கு தாரை வார்த்துவிட்டார் நம்பி நாராயணன்.

பேரதிர்ச்சிக்கு ஆளாகியிருக்கும் இசையமைப்பாளர் எஸ்.எஸ்.குமரன், “தனக்கு ஒரு வழி சொல்லாமல் யாரும் இந்த கதையை படமாக்க விட மாட்டேன். நீதிமன்றத்திற்கு செல்வேன்” என்று எச்சரித்திருக்கிறார்.

இது மாமன் மைத்துனர் சண்டை அல்ல. இந்தியாவின் புகழ் பெற்ற விஞ்ஞானிக்கும், ஒரு படைப்பாளிக்கும் இடையே நடக்கிற சண்டை.

யார் யாரெல்லாம் தலையிட்டு குழப்பம் ஏற்படுத்த முடியுமோ, கிளம்புங்க போராளிஸ்…

பின் குறிப்பு- பூ, களவாணி ஆகிய இரண்டு ஹிட் படங்களுக்கு இனிய இசையை வழங்கியவர் எஸ்.எஸ்.குமரன்.

சாமியின் வேட்டை தொடரும் என்று 15 வருடங்களுக்கு முன்பே இரண்டாம் பாகத்திற்கு லீட் கொடுத்து முடித்தவர் ஹரி. அதே எனர்ஜியில் 15 வருடம் கழித்து சாமி வேட்டையை தொடர, இந்த டிஜிட்டல் உலகில் ஏற்கனவே பல ட்ரோல், கிண்டல்களை தாண்டி சாமி-2 ஜெயித்ததா? இல்லை ட்ரோல் கண்டண்ட் ஆனதா? பார்ப்போம்.

கதைக்களம்

சாமி முதல் பாகத்தில் பெருமாள் பிச்சையை கொல்வதோடு படம் ஆரம்பிக்கின்றது. அதை தொடர்ந்து 28 வருடங்களுக்கு பிறகு அவருடைய மகன் ராம் சாமி(விக்ரம்) டெல்லியில் ஐ ஏ எஸ் படிக்கின்றார்.

அந்த இடைப்பட்ட கேப்பில் பெருமாள் பிச்சை மகன் ராவண பிச்சை(பாபி சிம்ஹா) திருநெல்வேலியை தன் கண்ட்ரோலுக்கு கொண்டு வருகின்றார்.

ஆனால் அப்பா இரத்தம் தானே மகனுக்கு ஓடுகிறது அல்லவா, அதனால் ராம் சாமி ஐ ஏ எஸ்ஸை விட்டு ஐபிஎஸ் எடுக்கின்றார்.

பிறகு என்ன திருநெல்வேலி சென்று ராம் சாமி எப்படி ராவண பிச்சையை வேட்டையாடுகின்றார் என்பதே மீதிக்கதை.

படத்தை பற்றிய அலசல்

விக்ரம் நீண்ட நாட்களாக ஒரு கமர்ஷியல் வெற்றிக்காக காத்திருக்கின்றார். அந்த வெற்றி சாமி-2வில் அவருக்கு கிடைக்க வாய்ப்புக்கள் அதிகம், அதற்கான வேலைகளை அவர் முடிந்த அளவு செய்தும் உள்ளார். ஆறுச்சாமி மகன் ராம் சாமி கேட்க கொஞ்சம் காமெடியாக இருந்தாலும் கதையோடு ஹரி எப்படியோ கோர்த்து கொண்டு வந்துவிட்டார். அதிலும் அப்பாவை போல் ஒருசாமி, இரண்டு சாமி வசனம் பேசும் போது தியேட்டரே அதிர்கின்றது.

இந்த படத்திற்கு ஏன் பாபி சிம்ஹா என்று தான் இவரை கமிட் செய்யும் போது ஒரு குரல் வந்தது. ஆனால், அவரும் கலக்கியுள்ளார் தன் கதாபாத்திரத்தில். இதை தவிர சூரி, கீர்த்தி சுரேஷ் காம்போ நம் பொறுமையை மிகவும் சோதிக்கின்றது, அதிலும் சூரி காமெடி முடியல ஹரி சார்.

த்ரிஷாவிற்கு பதில் ஐஸ்வர்யா ராஜேஸ் என்று காட்டும் போதே ரசிகர்களிடம் வருத்தம் தான் மிஞ்சி நிற்கின்றது. படத்தின் முதல் பாதி ஹரி படம் தானா என்பது போல் நகர்கின்றது, இடைவேளையில் ராம் சாமி திருநெல்வேலிக்குள் வரும் போது படம் சூடுப்பிடிக்கின்றது.

அதன் பிறகு கிளைமேக்ஸ் வரை பரபரப்பிற்கு பஞ்சமில்லை, இடையில் கீர்த்தி, சூரியை மறந்தால். ஹரி சார் உங்களிடம் யாரோ வேகவேகமாக படம் எடுத்தால் ரசிகர்கள் சீட்டின் நுனிக்கு வருவார்கள் என்று சொல்லி ஏமாற்றியுள்ளார்கள் போல.

சிங்கம், சாமியின் மிகப்பெரும் வெற்றிக்கு துரை சிங்கம், ஆறுச்சாமியின் நிதானமும் அழுத்தமான கதையும் தான் காரணம். அந்த ரூட்டிற்கு வாங்க சார், த்ரிஷா இல்லாதது எத்தனை சோகமோ, அதேபோல் DSP-யின் இசை. சோதிக்கின்றார், குறிப்பாக பாடல்களில்.

ஹாரிஸ் இசை வரும் போது மட்டுமே திரையரங்கு அதிர்கின்றது. ஒளிப்பதிவு கிளைமேக்ஸில் ராஜஸ்தான் மண் நம் மீது விழுகின்றது, அத்தனை ஸ்பீட்.

க்ளாப்ஸ்

விக்ரம் ஒன் மேன் ஷோ மற்றும் பாபி சிம்ஹாவின் வில்லத்தனம்.

படத்தின் இரண்டாம் பாதியின் பரபரப்பு.

பல்ப்ஸ்

படத்தின் முதல் பாதி மற்றும் சூரி காமெடி, கீர்த்தி சுரேஷ் படு செயற்கையான நடிப்பு.

மொத்தத்தில் சாமியை மிஞ்சவில்லை என்றாலும் சமாளித்து கரை சேர்ந்துள்ளது இந்த சாமி-2.

ஷங்கரின் 2.0 படத்தில் சூப்பர்ஸ்டார் ரஜினி, அக்ஷய் குமார், எமி ஜாக்சன் ஆகியோர் நடித்துள்ளனர். மிகப்பெரிய பட்ஜெட்டில் உருவாகியுள்ள இந்த படத்தின் டீஸர் ஒட்டுமொத்த இந்தியாவையே திரும்பிப்பார்க்கவைத்தது.

இந்நிலையில் இந்த படத்தில் ரஜினி மற்றும் அக்ஷய்க்கு எத்தனை கெட்டப் உள்ளது என்கிற தகவல் கசிந்துள்ளது.

ரஜினி மொத்தம் 5 கெட்டப்பில் தோன்றுவாராம். ஆனால் அக்ஷய் குமார் மொத்தம் 12 கெட்டப்களில் நடித்துள்ளாராம். இந்த செய்தி சினிமா ரசிகர்களுக்கு பெரிய ஆச்சர்யத்தை கொடுத்துள்ளது.

லைகா வீசும் தூண்டிலில் எல்லாம், தங்க மீன்களாக சிக்குகின்றன. இன்று டாப்பில் இருக்கும் எல்லா ஹீரோக்களையும் கொக்கி போட்டு கவ்வி வரும் லைகா, தனுஷ் நடிப்பில் புதிய படம் ஒன்றை எடுக்க திட்டமிட்டுள்ளது. (வடசென்னைக்கும் லைகாதான் பைனான்ஸ்) படத்தின் பெயர் குமரி கண்டம்.

ஆறு லட்சம் ஆண்டுகளுக்கு முன் தமிழனால் தோற்றுவிக்கப்பட்ட நாகரீகம்தான் இந்த குமரி கண்டம். பீரியட் பிலிமாக இருந்த போதும், அதைவிட அரத பழசான ஏரியாவாச்சே? ஆராய்ச்சியாளர்களின் துணை இல்லாமல் எடுக்க முடியாதல்லவா? இப்பவே அதற்கான தூண்டிலோடு கிளம்பிவிட்டாராம் படத்தை இயக்கப் போகும் ஏ.எல்.விஜய்.

இதில்தான் தன் மொத்த வித்தையையும் இறக்கி வைக்கப் போகிறார் தனுஷ். ஆறு லட்சம் ஆண்டுகளுக்கு முன் மனிதன் ஆடை அணிந்திருந்தானா? அவன் லைஃப் ஸ்டைல் என்ன? என்றெல்லாம் யோசித்தால், படம் எக்குத்தப்பாக வரும் போலிருக்கிறது. தனுஷின் சிக்ஸ்பேக்கை விடுங்கள்.

யார் ஹீரோயின்? அவர் மேலாடையில்லாமல் நடிக்க சம்மதிப்பாரா என்றெல்லாம் அடிஷனல் கேள்விகள் எழுகிறது.

அதைவிட முக்கியக் கேள்வி இந்தப் படத்தையாவது உருப்படியாக எடுத்து நாலு கைதட்டல் வாங்குவாரா ஏ.எல்.விஜய்?

தமிழ் ராக்கர்ஸ்க்கு போட்டியாக களமிறங்கிய மெட்ராஸ் ராக்கர்ஸ் சீமராஜா படத்தை திருட்டுத்தனமாக வெளியிட்டு அதிர்ச்சியை ஏற்படுத்தியுள்ளது.

தமிழ் சினிமாவில் முன்னணி மாஸ் ஹீரோக்களில் ஒருவராக புதிய உச்சத்தை எட்டியவர் நடிகர் சிவகார்த்திகேயன். இவரது நடிப்பில் வரும் பெரும்பாலான படங்கள் குடும்பக் கதைகளை மையப்படுத்தி வருவதால், மாஸ் ஹிட் கொடுத்து வருகிறது. அந்த வகையில் வருத்தப்படாத வாலிபர் சங்கம், ரஜினி முருகன் ஆகிய ஹிட் படங்களை கொடுத்த இயக்குனர் பொன்ராம் இயக்கத்தில் உருவான சீமராஜா நேற்று உலகம் வெளியாகி தற்போது வெற்றிநடை போட்டுக்கொண்டிருக்கிறது.

தமிழ் திரைப்படங்களில் நகைச்சுவை வேடங்களில் ரஜினி, கமல் உள்ளிட்ட முன்னணி நடிகர்களுடன் நடித்துள்ள நடிகை பிந்துகோஷ் உடல்நலக்குறைவால் பாதிக்கப்பட்டுள்ளார்.

கோழிக்கூவுது, தூங்காதே தம்பி தூங்காதே போன்ற பல திரைப்படங்களில் நகைச்சுவை வேடங்களில் நடித்துள்ள பிந்துகோஷ், செல்வச் செழிப்புடன் மகிழ்ச்சியாக வாழ்ந்துவந்தவர், தைராய்டு பிரச்சனை மற்றும் குடும்பப் பொருளாதார சிக்கல்களால் வறுமை நிலைக்குச் சென்றார்.

தற்போது அவர் அளித்துள்ள பேட்டியில், இருதயம், கண், கல்லீரல், மூட்டுவலினு பாதிக்கப்பட்டிருக்கேன். இதுக்காக, தனித்தனியே மூணு டாக்டர்கள்கிட்ட சிகிச்சைக்குப் போறேன்.

மருத்துவருக்கு, மாத்திரைக்கு, போக்குவரத்துக்குனு மாதந்தோறும் 6,000 ரூபாய் வரை செலவாகுது. உடல்நிலை சரியில்லாமல் மருத்துவச் செலவுக்கு ரொம்ப சிரமமா இருந்துச்சு.

இது குறித்து அறிந்த நடிகர் விஷால், தனிப்பட்ட முறையில் மாதந்தோறும் 2,500 ரூபாயும், தென்னிந்திய நடிகர் சங்கத்தின் சார்பில் 1,500 ரூபாயும் கொடுக்கிறார்.

மருத்துவருக்கு, மாத்திரைக்கு, போக்குவரத்துக்குனு மாதந்தோறும் 6,000 ரூபாய் வரை செலவாகுது. இப்போ, கிடைக்கும் 4,000 ரூபாயால் ஓரளவுக்கு நிம்மதியாக இருக்கேன்.

சினிமா நண்பர்களாவது அப்பப்போ சந்திச்சு ஆறுதலா பேசினால் மகிழ்ச்சியடைவேன் என உருக்கமாக தெரிவித்துள்ளார்.

ஒரு டைரக்டர் முரண்டு பிடித்தால், படத்தின் இயக்குனருக்கு பக்க விளைவுகளை ஏற்படுத்தி படுத்த படுக்கையாக்கிவிட முடியும். “அவருக்கென்ன…? துண்டை உதறி தோளில் போட்டுட்டு போயிட்டாரு. கடன் காரனுங்களோட மாரடிக்கிறது நான்தானே” என்று இன்னமும் ஆவியாய் அசரீரி ஒலித்துக் கொண்டிருக்கிறார்கள் அநேக தயாரிப்பாளர்கள். அப்படியொரு இயக்குனர் லிஸ்டில் சேர்ந்துவிட்டார் அஜய் ஞானமுத்து. இத்தனைக்கும் இவர் இயக்கிய ‘இமைக்கா நொடிகள்’, குதிரைப் பாய்ச்சல் வெற்றி.

சொன்ன பட்ஜெட் ஒன்று. முடிந்த பட்ஜெட் இன்னொன்று. அதிகப்படியான நாட்கள், கி.மீட்டர் நீளத்திற்கு புட்டேஜ் என்று அஜய் ஞானமுத்துவிடம் சிக்கி அநியாயத்துக்கு துவண்டு போனார் கேமியோ பிலிம்ஸ் சிஜே.ஜெயக்குமார். எப்படியோ, அறிவிக்கப்பட்ட நாளில் போராடி, முட்டி பெயர்ந்து ரிலீஸ் ஆனது இமைக்கா நொடிகள். பல ஊர்களில் இரவுக் காட்சிதான் ஓப்பன் ஆனது. நல்லவேளை… நயன்தாராவும் அனுராக் காஷ்யப்பும் காப்பாற்றினார்கள் படத்தை.

படம் திரைக்கு வந்து பத்து நாட்கள் ஆன பின்பும் 350 தியேட்டர்களுக்கு குறையாமல் ஒடிக் கொண்டிருக்கிறது படம். மெல்ல இயல்பு நிலைக்கு திரும்பிய தயாரிப்பாளர் சக்சஸ் மீட் வைத்து சந்தோஷப்பட்டார். சென்னையிலேயே டாப் கிளாஸ் நட்சத்திர ஓட்டல் ஒன்றில் வைத்து இந்த சக்சஸ் மீட்டை நடத்தினார்கள். (இந்த செலவே பல லட்சத்தை இழுத்து விட்ருக்குமே சார்?)

சரி… தலைப்புக்கு வருவோம். நிகழ்ச்சியில் வழக்கம்போல நயன்தாரா ஆப்சென்ட். வந்திருந்த மற்றவர்கள் ‘இமைக்கா நொடிகள்’ அனுபவத்தை பகிர்ந்து கொள்ள, சிறப்பு அழைப்பாளராக வந்தவரும் படம் வெளிவர கடைசி நேரத்தில் கை கொடுத்தவருமான அபிராமி ராமநாதன் இயக்குனர் அஜய் ஞானமுத்தை வாங்கு வாங்கென வாங்கினார். படத்தை இரண்டு வருஷம் இழுக்காமல் ஆறு மாதத்தில் முடித்திருந்தால் நன்றாக இருந்திருக்கும். அதே மாதிரி ரிலீஸ் நேரத்தில் தயாரிப்பாளருக்கு எந்த சிக்கலும் வராத அளவுக்கு எடுத்திருக்கணும் என்றார் இயக்குனரிடம்.

‘தோளு என்னுது. துண்டு தயாரிப்பாளரோடது. தூக்கிப் போட்டுட்டு போயிட்டே இருக்க வேண்டியதுதான்’ என்கிற எண்ணம் கொண்ட எல்லா அலட்சிய இயக்குனர்களும் அபிராமி ராமநாதன் சொல்வதை கேட்டால், சுபிட்சம் சினிமாவுக்கு! கேட்பீங்களா அண்ணனுங்களா?

சூப்பர்ஸ்டார் ரஜினி மற்றும் கார்த்திக் சுப்புராஜ் இணையும் படத்தின் தலைப்பு மாலை 6 மணிக்கு வெளியாகிறது என சன் பிக்சர்ஸ் அறிவித்ததில் இருந்து ரசிகர்கள் மிகவும் ஆர்வமாக காத்திருந்தனர்.

தற்போது ”பேட்ட” தான் டைட்டில் என அதிகாரப்பூர்வமாக அறிவிப்பு வெளிவந்துள்ளது. ஊட்டியில் நடப்பது போல இந்த படத்தின் கதைக்களம் இருக்கும் என கூறப்படும் நிலையில், வில்லனாக விஜய் சேதுபதி நடிக்கிறார். ஹீரோயின்களாக திரிஷா, சிம்ரன் ஆகியோர் நடிக்கின்றனர்.

ஆலமரம் கிளை விரிச்சா ஆயிரமாயிரம் குருவிகளுக்கு அதுதான் பிளாட், வில்லா! தமிழ்சினிமாவில் முன்னணி ஹீரோக்களின் படங்கள் வரும்போதெல்லாம், தியேட்டரில் குறுக்கும் நெடுக்கும் திரியும் எலிகளுக்கு கூட செம தீனி கிடைக்கும். கேண்டீனில் துவங்கி, பைக் டோக்கன் வரைக்கும் பரபரக்கும். அதற்காகவே காத்திருக்கும் தியேட்டர் வளாகத்திற்கு இது போன்ற தித்திப்பான செய்தி எப்போதெல்லாம் வரும்?

ரஜினி, கமல், அஜீத், விஜய்யில் துவங்கி, அதற்கப்புறம் ஒரு அஞ்சாறு நடிகர்கள் வரைக்கும்தான் இந்த கோலாகலம். அப்படியிருக்க… ஒரு புதிய கோலாகலத்திற்கு ஸ்கிரீன் ஓப்பன் பண்ணியிருக்கிறார் அறம் தயாரிப்பாளர் ராஜேஷ். விஸ்வாசம் படத்தின் தமிழ்நாடு தியேட்டர் உரிமையை சுமார் 47 கோடிக்கு வாங்கியிருக்கிறார். அதுமட்டுமல்ல… க்யூப் விளம்பரம் உள்ளிட்ட இதர செலவான 3 கோடியையும் சேர்த்தால் படத்தின் விலை 50 கோடி!

விவேகம் படத்தின் நஷ்டம் காரணமாக விநியோகஸ்தர்கள் முணுமுணுத்து வரும் வேளையில் எப்படி தைரியமாக இப்படியொரு வியாபாரம் நடந்து முடிந்தது? அங்குதான் சாம பேத தான தண்டம் போன்ற எல்லா முறைகளிலும் நஷ்டப்பட்ட விநியோகஸ்தர்களை வழிக்கு கொண்டு வந்தார்களாம். விவேகம் வாங்கிய அதே விநியோகஸ்தர்களுக்கே படம் தருவது. முந்தைய படத்தின் நஷ்டம் போக மீதியை பெற்றுக் கொள்வது என்ற இரண்டு அதிரடிகள் மூலம் சலசலப்பை காலி பண்ணியிருக்கிறார் கே.ஜே.ஆர் ஸ்டூடியோஸ் ராஜேஷ்.

இந்த செய்தியை நீங்கள் வாசித்துக் கொண்டிருக்கும் இந்த நேரத்தில், விவேகம் படத்தின் அத்தனை பஞ்சாயத்துகளும் முடிவுக்கு வந்திருக்கும். போன படத்தில் விட்டதை இந்தப்படத்தில் அமுக்குங்க அஜீத்!

சதாவின் டார்ச்லைட் உள்பட வரும் வெள்ளியன்று 6 படங்கள் வெளியாகிறது.

தமிழ் சினிமாவில் வாரம் வாரம் குறைந்தது ஒரு படமாவது திரைக்கு வருவது வழக்கம். அந்த வகையில், இந்த வாரம் வரும் வெள்ளியன்று (7ம் தேதி) நடிகை சதாவின் டார்ச்லைட் படம் உள்பட 6 படங்கள் வெளியாகிறது. அந்த படங்களைப் பற்றி இங்கு காணலாம்.

டார்ச்லைட்

தமிழன் புகழ் இயக்குனர் அப்துல் மஜித் இயக்கத்தில் சதா, ரித்விகா ஆகியோர் பலர் நடிப்பில் உருவாகியுள்ள படம் டார்ச்லைட். பாலியல் தொழிலை மையமாக வைத்து உருவாக்கப்பட்டுள்ள இப்படத்தில் சதா மற்றும் ரித்விகா இருவரும் பாலியல் தொழிலாளியாகவே நடித்துள்ளனர். 1980 மற்றும் 1990ம் ஆண்டுகளில் நடந்த உண்மை சம்பவத்தை மையப்படுத்தி இப்படம் உருவாக்கப்பட்டுள்ளது. வறுமையின் காரணமாக பாலியல் தொழில் செய்யும் பெண்களையும், அவர்கள் சந்திக்கும் அவமானங்களையும் தான் இப்படம் சித்தரிக்கிறது.

வஞ்சகர் உலகம்

இயக்குனர் மனோஜ் பீதா இயக்கத்தில் தெலுங்கு நடிகை அனிஷா அம்ரோஸ், சிபி புவனா சந்திரன், ஹரீஷ் பேரடி (மெர்சல் புகழ்), ஜான் விஜய், சாந்தினி தமிழரசன் ஆகியோர் பலர் நடிப்பில் உருவாகியுள்ள படம் வஞ்சகர் உலகம். க்ரைம், த்ரில்லர் கதையை மையப்படுத்தி உருவாகியுள்ள இப்படம் வரும் 7ம் தேதி திரைக்கு வரவுள்ளது என்பது குறிப்பிடத்தக்கது.

தொட்ரா

அறிமுக இயக்குனர் மதுராஜ் இயக்கத்தில் உருவாகியுள்ள படம் தொட்ரா. இப்படத்தில், அக்‌ஷயா பிரேம்நாத், பாண்டியராஜனின் மகன் பிருத்விராஜன், ஜெய்சந்திரா சரவணாக் ஆகியோர் பலர் நடித்துள்ளனர். வழக்கமான ஜாதி பிரச்சனைகளுடன் கூடிய காதல் கதை மற்றும் சகோதர – சகோதரி செண்டிமெண்ட் ஆகியவற்றை மையப்படுத்தி இப்படத்தின் கதை உருவாக்கப்பட்டுள்ளது என்பது குறிப்பிடத்தக்கது.

ராஜாவின் பார்வை ராணியின் பக்கம்

இயக்குனர் அழகுராஜா இயக்கத்தில் புதுமுக நடிகர் ஆதவா மற்றும் நடிகை அவந்திகா மோகனாஸ் ஆகியோர் பலர் நடிப்பில் உருவாகியுள்ள படம் ராஜாவின் பார்வை ராணியின் பக்கம். எம்ஜிஆரின் அன்பே வா படத்தில் வரும் ராஜாவின் பார்வை ராணியின் பக்கம் என்ற பாடல் வரியில் இப்படத்தின் டைட்டில் உருவாக்கப்பட்டுள்ளது என்பது குறிப்பிடத்தக்கது.

படித்தவுடன் கிழித்து விடவும்

இயக்குனர் ஹரி உத்ரா இயக்கத்தில் கூல்சுரேஷ், பிரதீக், ஸ்ரீதர், சீனி, மன்னார்குடி கருணாநிதி ஆகியோர் பலர் நடிப்பில் உருவாகியுள்ள படம் படித்தவுடன் கிழித்து விடவும். இன்சூரன்ஸ் மோசடி செய்த கும்பலை ஆவிகள், மனிதர்கள் துணை கொண்டு எப்படி பழி வாங்குவது எனும் கருவோடு வந்திருக்கும் படம் தான் இது. இதனை தனது காமெடி கலந்த கதையம்சத்தோடு கொடுத்திருக்கிறார் இயக்குனர் ஹரி உத்ரா.

அவளுக்கென்ன அழகியமுகம்

இயக்குனர் கேசவன் இயக்கத்தில் விஜய் கார்த்திக், அனுபம் பிரகாஷ் ஆகியோரது நடிப்பில் உருவாகியுள்ள படம் அவளுக்கென்ன அழகிய முகம். நான்கு வெவ்வேறு கதைகளை ஒரே படத்தில் கொடுத்திருக்கிறார் இயக்குனர் கேசவன். இப்படத்தில் பவர் ஸ்டார் சீனிவாசன், யோகி பாபு ஆகியோர் பலரும் முன்னணி ரோலில் நடித்துள்ளனர் என்பது குறிப்பிடத்தக்கது.

நயன்தாராவின் நடிப்பில் வெளியாகியுள்ள இமைக்கா நொடிகள் சென்னையில் மட்டும் ரூ.1 கோடிக்கும் அதிகமாக வசூல் செய்துள்ளது.
நயன்தாராவின் நடிப்பில் வெளியாகியுள்ள இமைக்கா நொடிகள் சென்னையில் மட்டும் ரூ.1 கோடிக்கும் அதிகமாக வசூல் செய்துள்ளது.

தமிழ் சினிமாவில் முன்னணி நடிகைகளில் நம்பர் ஒன் நடிகையாக இருப்பவர் லேடி சூப்பர்ஸ்டார் நயன்தாரா. தொடர்ந்து ஹீரோயினுக்கு முக்கியத்துவம் வாய்ந்த படங்களில் நடித்து வருகிறார். கடந்த மாதம் 17ம் தேதி நயன்தாரா நடிப்பில் கோலமாவு கோகிலா படம் வெளியாகி ரசிகர்களிடையே நல்ல வரவேற்பு பெற்றது.

இப்படத்தைத் தொடர்ந்து கடந்த 30ம் தேதி அஜய் ஞானமுத்து இயக்கத்தில் நயன்தாரா, அதர்வா, அனுராக் காஷ்யப், ராஷி கண்ணா ஆகியோர் பலரது நடிப்பில் வெளியான இமைக்கா நொடிகள் ரசிகர்களிடையே நல்ல வரவேற்பு பெற்று வருகிறது.

இந்த நிலையில் முதல் நாளில் சென்னையில் மட்டும் ரூ.0.11 கோடி வசூல் கொடுத்தது. இதையடுத்து 2வது நாளில் ரூ.0.44 கோடி வசூலும், 3வது நாளில் ரூ.0.60 கோடியும், 4வது நாளில் ரூ.0.72 கோடியும் வசூல் செய்துள்ளது. வார இறுதி நாட்களில் இப்படம் ரூ.1.5 கோடிக்கு மேல் வசூல் செய்யும் என்று எதிர்பார்க்கப்படுகிறது. அடுத்த வார இறுதிக்குள் இப்படம் ரூ.3.5 கோடி வசூல் செய்யும் என்று எதிர்பார்க்கப்படுகிறது. எனினும், தமிழகம் முழுவதும் இப்படம் ரூ.10.25 கோடி வசூல் செய்துள்ளது என்பது குறிப்பிடத்தக்கது.

பொதுவாக வேண்டாம் என்று குப்பையில் வீசும் காய்கறிகளின் தோலை பல அற்புதம் நிறைந்துள்ளது.

காய்கறிகளில் எவ்வளவு சத்துக்கள் நிறைந்துள்ளதோ அதை போல் தான் அதன் தோலிலும் நிறைந்துள்ளது.

இது சரும அழகிற்கு பெரும் பங்களிப்பு செய்கின்றது.

காய்கறி தோள்களை எப்படியெல்லாம் பயன்படுத்தலாம் என்பதை பார்ப்போம்.

வெள்ளரிக்காய் தோல்

வெள்ளரிக்காயை தோல் நீக்கிய பிறகு, கரு வளையங்கள், கண் வீக்கம் போன்றவற்றிற்கும் நல்ல பலனை இது தரும்.

இவற்றில் உள்ள விட்டமின்கள் கண்ணின் அழகு மற்றும் ஆரோக்கியத்தை பாதுகாக்கும்.

எலுமிச்சை தோல்

எலுமிச்சை தோலை நாம் குப்பையில் போடுவது வழக்கம். ஆனால், சரும பிரச்சினைகளை சரி செய்யும் பண்பு இதற்கு உண்டு.

வறண்ட அல்லது எண்ணெய் பசை சருமத்தை கொண்டவருக்கு இதன் தோல் நன்கு உதவும்.

அத்துடன் முகம் பளபளப்பாகவும், கரும்புள்ளிகள் இன்றியும் மாறும்.

பாகற்காய் தோல்

பாகற்காய் தோலில் ஒரு அற்புத மகத்துவம் உள்ளது. இதனை புண் தழும்புகள் மீது தடவினால் விரைவில் குணமாகும். அத்துடன் அவற்றில் உள்ள கிருமிகளையும் அழிக்கும்.

உருளை கிழங்கு தோல்

இந்த தோலை கொண்டு உங்கள் முக அழகை எளிதாக பெறலாம். இதன் தோலில் வைட்டமின் சி நிறைந்துள்ளது. இதனை முகத்தில் ஒட்டினால் முகம் பொலிவு பெறும்.

பீட்ரூட் தோல்

பீட்ரூட்டின் தோலை சீவிய பிறகு அதனை தாடை மற்றும் உதடுகளில் தடவினால், மிகவும் அழகாக மாறும். அத்துடன் பார்ப்பதற்கு மென்மையாகவும் இருக்கும்.

தக்காளி தோல்

தக்காளியின் தோலில் எண்ணற்ற ஆன்டி ஆக்சிடன்ட்ஸ் இருக்கின்றன.

இதனை முகத்தில் தடவினால் முகம் இளமையாக இருக்கும். அத்துடன், முகம் மின்னவும் செய்யும்.

கருணை கிழங்கு

நாம் வேண்டாம் என்று வீசும் இந்த கருணை கிழங்கின் தோலை முகத்தில் தடவி மசாஜ் செய்தாலே போதும். முகத்தில் உள்ள அழுக்குகள் நீங்கி முகம் வெண்மையாக பொலிவு தரும்.

கேரட் தோல்

குப்பையில் போடும் இந்த தோலை எடுத்து அரைத்து முகத்தோலில் பூசினால் முகத்தில் உள்ள சுருக்கங்கள் மறையும். மேலும், முகம் வெண்மையாக தோற்றம் அளிக்கும்.

முள்ளங்கி தோல்

முகத்தில் கரும்புள்ளிகள் இருப்பவருக்கு இந்த முள்ளங்கி தோல் நன்கு உதவும்.

இதில் உள்ள வைட்டமின் பி6 சருமத்தை மிருதுவாக்கும்.

இந்த தோலை அரைத்து முகத்தில் தடவி மசாஜ் செய்தால் சருமம் பட்டுபோல மாறும். அத்துடன் தோலின் ஆரோக்கியத்தையும் அதிகரிக்கும்.
சர்க்கரை வள்ளிக்கிழங்கு

சர்க்கரை வள்ளிக்கிழங்கின் சுவை அவ்வளவு அதிகமானது. அதே அளவிற்கு இதன் தோலிலும் நல்ல சத்துக்கள் உள்ளன.

இந்த தோலை கரு வளையத்தில் தடவினால் விரைவிலேயே இது மறையும்.

ரஜினிகாந்த், ‘காலா’ படத்தை முடித்த பிறகு இளம் இயக்குனர் கார்த்திக் சுப்புராஜ் டைரக்‌ஷனில், புதிய படத்தில் நடித்து வருகிறார். இந்த படத்துக்கு இன்னும் பெயர் சூட்டப்படவில்லை. சன் பிக்சர்ஸ் நிறுவனம் படத்தை தயாரிக்கிறது.

இதுவரை டார்ஜிலிங் மற்றும் டேராடூனில் படப்பிடிப்பு நடைபெற்றுள்ளது. முக்கிய காட்சிகள் சென்னை பின்னி மில் அரங்கில் படமானது. ரஜினிகாந்த்–விஜய் சேதுபதி நடித்த சண்டை காட்சிகள் அங்கு படமாக்கப்பட்டது. அத்துடன் இரண்டாவது கட்ட படப்பிடிப்பு நிறைவடைந்தது.

அடுத்த கட்ட படப்பிடிப்பை லடாக் மற்றும் ஐரோப்பிய நாடுகளில் படமாக்க டைரக்டர் கார்த்திக் சுப்புராஜ் திட்டமிட்டுள்ளார். இதற்கான ஏற்பாடுகள் இப்போது நடைபெறுகின்றன.

1998-ம் ஆண்டு கார்த்திக், அஜித், ரோஜா நடிக்க விக்ரமன் இயக்கிய `உன்னிடத்தில் என்னைக் கொடுத்தேன்' திரைப்படம் வெளியாகி சில்வர் ஜூப்ளி கொண்டாடியது. இன்றுடன் அந்தத் திரைப்படம் வெளியாகி 20 ஆண்டுகள் நிறைவடைந்த நிலையில், டைரக்டர் விக்ரமனிடம் பேசினோம்.

``நான் உதவி இயக்குநராக இருந்தபோது யோசித்த கதைதான் `உன்னிடத்தில் என்னைக் கொடுத்தேன்'. ஏனோ அந்தக் கதையைத் திரைப்படமாக்கத் தோணவில்லை. என்னுடைய படங்களில் எல்லாம் சென்டிமென்ட் வசனம், காட்சிகள் தூக்கலாக இருக்கும். இந்தக் கதையின் நாயகன் ஒரு திருடன். சினிமாவில் எம்.ஜி.ஆர் திருடனாக நடித்த `பாசம்', `ஒளிவிளக்கு' திரைப்படங்கள் வெற்றிபெறவில்லை; அது பெண்களுக்குப் பிடிக்காது என்று கருதி, அந்தத் திருடன் கதையைத் திரைப்படமாக்காமல் தள்ளிப்போட்டுக் கொண்டே வந்தேன். லட்சுமி மூவி மேக்கர்ஸ் தயாரிப்பு நிறுவனத்திடம் கார்த்திக்கின் கால்ஷீட் கைவசம் இருந்தது. என்னை இயக்குவதற்கு அழைத்தனர். முதலில் க்ளைமாக்ஸ் காட்சிதான் உதித்தது. அதன்மேல் நம்பிக்கை வந்தபிறகே கதையை உருவாக்கினேன். என் உதவி இயக்குநர்களிடம் இந்தக் கதையைச் சொன்னேன். `என்ன சார் இது திருடன்னு சொல்றீங்க, அப்புறம் திருந்துறான்னு சொல்றீங்க ரொம்பப் பழசான கதையா இருக்கே சார்' என்று எல்லோரும் கோரஸாகச் சலித்துக்கொண்டனர். ஒருவருக்கும் இந்தக் கதை பிடிக்கவில்லை. `நீங்க சொல்றபடி திருடன் கதை பழசுதான். ஆனால், இந்தக் கதை `நன்றி மறப்பது நன்றன்று நன்றல்லது அன்றே மறப்பது நன்று' என்கிற திருக்குறளை அடிப்படையாகக் கொண்டது என்று நான் சொன்னேன்

கஷ்டப்படும் ஒருவரை இன்னொருவர் கைதூக்கிவிடுவார். ஆனால், அவர்கள் உயர்ந்த பிறகு கைதூக்கியவரை கழற்றிவிடுவார்கள். இதுமாதிரி சம்பவம் எல்லாருடைய வாழ்க்கையிலும் நடந்து இருக்கும். நான் சொன்ன கதையைக் கேட்டு யாருமே ஒப்புக்கொள்ளவில்லை. எல்லோருமே மறுத்துப் பேசினார்கள். ரவிக்குமாரிடம் இருந்த ரமேஷ்கண்ணாவிடம் கதையைச் சொன்னவுடன் `சார் க்ளைமாக்ஸ் எக்ஸ்டார்டினரி' என்று பாராட்டினார். கார்த்திக் சாரை ஒப்பந்தம் செய்துவிட்டு `உன்னிடத்தில் என்னைக் கொடுத்தேன்' படத்தின் படப்பிடிப்பைத் தொடங்கிவிட்டோம். வாகிணி ஸ்டுடியோவில் நான்காவது நாள் ஷூட்டிங் ரோஜா `வானம்பாடி..' என்கிற பாடலைப் பாடும்போது கங்கை அமரன் `நல்லா பாடுறியேம்மா நீயே பாடு...' என்று சொல்வார். அந்தக் காட்சியைப் படமாக்கிக்கொண்டு இருந்தேன். அப்போது மேக்கப் ரூமிலிருந்து கார்த்திக் சார் திடீரென என்னை அழைத்தார். `சார் இந்தப் படத்துல நடிக்கிறதுக்கு என்னமோ மாதிரி இருக்கு. ஏன்னா நான் ஏற்கெனவே நடிச்ச `நந்தவனத்தேரு' படத்தோட கதையும் இதுவும் ஒரேமாதிரி இருக்குது. இது சரிப்பட்டு வருமா. எனக்கு நடிக்கலாமா... வேணாமான்னு ஃபீலிங்கா இருக்கு' என்று சொன்னார்.

எனக்கு ஒரு மாதிரி டென்ஷன் ஆயிடுச்சு. `சார் முதல்ல கதை சொன்னபோதே இதைச் சொல்லி இருக்கணும், இப்போ நாலாவது நாளா ஷூட்டிங் நடந்துகிட்டு இருக்கு. இப்போ சொன்னீங்கன்னா என்ன அர்த்தம். உங்களுக்குப் பிடிக்கலைன்னா நீங்களும் தயாரிப்பாளரும் வேற படம் பண்ணிக்கோங்க. ஆனா என் கதைமேல் எனக்கு நம்பிக்கை இருக்கு' என்று சொன்னவுடன் திடீரென என் கைகளைப் பற்றிக்கொண்ட கார்த்திக், `உங்களுக்கு நம்பிக்கை இருந்தா ஓ.கே. நாம இந்தப் படத்துல சேர்ந்து வேலை பார்ப்போம் சார்' என்று நெகிழ்ந்தார். அப்போது `கார்த்திக் சார் நீங்க இப்போ சொன்னதை `உன்னிடத்தில் என்னைக் கொடுத்தேன்' சில்வர் ஜூப்ளி விழாவுல நிச்சயமா சொல்வேன்' என்று சொன்னவுடன் கலகலவெனச் சிரித்தார் கார்த்திக். இந்தப் படத்துல கெஸ்ட் ரோலில் அஜித்தை நடிக்க வைக்க ஆசைப்பட்டேன். முதலில் தயக்கமாக இருந்தது. அவரிடம் போனேன் கதையைக்கூட கேட்கவில்லை, `சார் உங்க மேல எனக்கு மரியாதை இருக்கு. நீங்க என்னை வில்லனா காமிச்சாக்கூட கண்டிப்பா நடிக்கிறேன்' என்று சொன்னார். ஏற்கெனவே நான் `புதிய மன்னர்கள்' படத்தை டைரக்‌ஷன் செய்தபோது, அஜித்தை நடிக்கவைக்க நினைத்தேன். ஆனால், அப்போது ஆக்ஸிடென்ட்டில் சிக்கி சிகிச்சை எடுத்துக்கொண்டிருந்ததால் அவரால் நடிக்க முடியவில்லை. 

`உன்னிடத்தில் என்னைக் கொடுத்தேன்' படப்பிடிப்பு மொத்தம் 42 நாள்களிலேயே முடிந்துவிட்டது. அஜித் 12 நாள்கள் நடித்தார். அவரை எப்போதும் `ஜென்டில்மேன்' என்றே அழைப்பேன். அமெரிக்கா போவதாக அஜித் சொன்னதால் அவரது ஷூட்டிங் தினசரி நைட்டில் நடந்தது. அஜித்துக்காக கார்த்திக் இரவு முழுக்க கண்விழித்து நடித்தார். முதன்முதலில் `ஏதோ ஒரு பாட்டு...' காட்சியைப் படமாக்கினோம். இந்தப் பாடலை தெலுங்கு, மலையாளம், கன்னடம், பெங்காலி என்று அனைத்து மொழிகளிலும் வெளியிட்டனர். இந்தியில் அனுமதி பெறாமலே வெளிவந்தது. எஸ்.ஏ.ராஜ்குமார் நினைத்திருந்தால் இந்திப் பாடலின் மேல் வழக்கு போட்டு நஷ்ட ஈடு வாங்கியிருக்க முடியும்.  `வானத்தைப்போல' படத்தை ஆரம்பிப்பதற்கு முன்பு, `சார் நான் வெளியூர் போகும்போதெல்லாம் ஒரு கேசட் முழுக்க உங்களோட `ஏதோ ஒரு பாட்டு' பாடலைத்தான் ரெக்கார்டு பண்ணி கேட்டுக்கிட்டே போவேன். அதனால் அதுபோல `வானத்தைப்போல' படத்திலும் ஒரு பாட்டு வேணும்' என்று என்னிடம் கேட்டுக்கொண்டார் விஜயகாந்த். அதன் பிறகு அதில் இடம்பெற்ற `மைனாவே மைனாவே' பாடல் விஜயகாந்த்தின் ஃபேவரைட். எல்லோரும் விஜயகாந்த் சாரை ஆக்‌ஷன் ஹீரோவாகப் பார்க்கிறீர்கள். அவர் மெலோடி பாடல்களின் பரம ரசிகன் என்பது பலபேருக்குத் தெரியாது. ஒரு வகையில் `உன்னிடத்தில் என்னைக் கொடுத்தேன்' படத்தின் க்ளைமாக்ஸில் ரோஜா பேசும் டயலாக்கும் `வானத்தைப்போல' படத்தின் கடைசிக் காட்சியில் பிரபுதேவா பேசும் வசனமும் ஒரேமாதிரி இருக்கும்'' என்று பழைய நினைவுகளைப் பகர்ந்தார் இயக்குநர் விக்ரமன்.

அரசியலுக்கு வரயிருக்கும் ரஜினிகாந்த் கேரளா மக்களுக்கு உதவும் வகையில், வெறும் ரூ.15 லட்சம் மட்டுமே வழங்கியது விமர்சனத்திற்குள்ளாகியுள்ளது.

அரசியலுக்கு வரயிருக்கும் ரஜினிகாந்த் கேரளா மக்களுக்கு உதவும் வகையில், வெறும் ரூ.15 லட்சம் மட்டுமே வழங்கியது விமர்சனத்திற்குள்ளாகியுள்ளது.

தமிழ் சினிமாவிலும், அதிக சம்பளம் வாங்கும் நடிகர்களில் நம்பர் ஒன் இடத்தில் இருப்பவர் சூப்பர் ஸ்டார் ரஜினிகாந்த் மட்டுமே. சினிமாவில் கலக்கியதைத் தொடர்ந்து அரசியலுக்கும் வரயிருக்கிறார். இதற்கான முயற்சிகளில் தீவிரமாக ஈடுபட்டு வருகிறார். இந்த நிலையில், கேரளாவில் வெள்ளத்தால் பாதிக்கப்பட்ட மக்களுக்கு உதவும் வகையில், அனைவரும் நிவாரணப் பொருட்களை வழங்கி வரும் நிலையில், நடிகர், நடிகைகள் நிதியுதவி செய்து வருகின்றனர்.

இதில், விஜய் மற்றும் அஜித் எந்தவித உதவியும் செய்யவில்லை என்று கருத்துக்கள் வந்த நிலையில், தளபதி விஜய் மட்டும் ரூ.70 லட்சம் நிதியுதவி அளித்துள்ளார். தனுஷ் ரூ.15, ரோஹிணி ரூ. லட்சம், விஜய் சேதுபதி ரூ.25 லட்சம், சிவகார்த்திகேயன் ரூ.10 லட்சம், கமல் ஹாசன் ரூ.25 லட்சம், நயன் தாரா ரூ. 10 லட்சம் என்று வழங்கியுள்ளனர். இந்த நிலையில், அதிக சம்பளம் வாங்கும் ரஜினிகாந்த் ரூ.15 லட்சம் மட்டும் வழங்கியது தற்போது விமர்சனத்திற்குள்ளாகியுள்ளது.

இவ்வளவு ஏன் அரசியலுக்கு வரும் ரஜினிகாந்த் இவ்வளவு தொகை மட்டுமே நிதியுதவி அளித்தது அரசியல் தொண்டர்களிடையே விமர்சனத்திற்கு உள்ளாகியுள்ளது என்பது குறிப்பிடத்தக்கது.

நயன்தாரா நடித்துள்ள கோலமாவு கோகிலா என்ற படம் வெளியாகி வெற்றிகரமாக ஓடிக் கொண்டிருக்கிறது. இதில் காமெடி நடிகராக நடித்தவர் டோனி.

இவர் அஜித் நடித்த அவள் வருவாளா படத்தில் எல்லாம் வேலை செய்துள்ளார். கோலமாவு கோகிலா படத்துக்காக நிறைய பேட்டிகள் கொடுத்த அவர் அஜித் பற்றியும் பேசியுள்ளார். அப்போது அவள் வருவாளா படப்பிடிப்பில் அஜித் மிகவும் ஜாலியாக இருப்பார், நடன கலைஞர்களுடன் சகஜமாக பேசுவார்.

அவர் வீட்டிற்கு கூட சென்றுள்ளேன், நான் ஒரு மிகப்பெரிய மியூசிக் கான்செட் ஏற்பாடு செய்திருந்தேன், அதில் மால்குடி சுபா அவர்கள் பாடுகிறார். அவரை சந்திக்க சென்று அஜித்தின் வீட்டின் கதவை தட்டிவிட்டேன்.

கதவை திறந்த அஜித் என்ன நீ இங்கு இருக்கிறாய் என்றார், அவர்களை பார்க்க வந்தேன் தவறாக இந்த வீட்டை தட்டிவிட்டேன் என்றேன். அஜித் மிகவும் ஜாலியான, நல்ல மனிதர் என்று பேசியுள்ளார்.

சமீபத்திய பேட்டி ஒன்றில் கலைஞர் மகளான செல்வி தந்தையை பற்றிய சில சுவாரசியமான விடயங்களை பகிர்ந்துள்ளார்.

முதலில் எங்களை சர்ச் பார்க் பள்ளியில் சேர்க்க சென்ற போது என் அண்ணனுக்கு ஸ்டாலின் என்ற பெயர் இருந்ததால் இடம் கொடுக்க மாட்டோம் என்றனர். அதனால் அப்பா அப்படி ஒரு பள்ளி தேவை இல்லை என்று சாதரணமான ஒரு பள்ளியில் சேர்த்துவிட்டார்.

பள்ளி முடிந்து வீடு திரும்பிய பின்னர் எங்களிடம் பள்ளியை பற்றி எங்களிடம் எதுவும் கேட்கமாட்டார். ஆனால் எங்களுடன் சேர்ந்து விளையாட செய்வார். கேரம் போர்டு மிகவும் அருமையாக ஆடுவார்.

எனக்கு தெரிந்து அப்பா இதுவரை தியேட்டருக்கு சென்றதில்லை. preview ஷோவிற்கு தான் செல்வார். அப்படி செல்லும் போது எங்களையும் அழைத்து செல்வார்.

அப்பாவிற்கு நான் சாப்பாடு ஊட்டினால் மிகவும் பிடிக்கும். ஐந்து வருடம் நான் அவருக்கு சாப்பாடு ஊட்டி இருக்குறேன். மீன் குழம்பு என்றால் மிகவும் பிடிக்கும்.

அப்பாவிற்கு பிடித்த ஊர் என்றால் திருவாரூர், திருக்குவளை, அண்ணா பிறந்த காஞ்சிபுரம், பெரியார் பிறந்த ஈரோடு என்று கூறியுள்ளார்.

வீட்டில் உள்ள பூஜை அறையில் எந்த ஒரு சாமி புகைப்படமும் இருக்காது.

எங்கு வெளியில் போனாலும் அவரின் தாய் தந்தை படத்தை வணங்கி 100 ரூபாய் காசு வைத்துவிட்டு தான் போவார். ஆனால் இறுதியில் மருத்துவமனைக்கு செல்லும் போது அப்படி செய்யவில்லை என்று பல நெகிழ்ச்சியான தருணங்களை கலைஞரின் மகளான செல்வி கூறியுள்ளார்.

கால்வாயிலிருந்து மீட்டெடுக்கப்பட்ட குழந்தைக்கு உடல் நலம் சரியில்லாததால் மருத்துவமனையில் தீவிர சிகிச்சை அளிக்கப்பட்டு வருகிறது.

கடந்த ஆகஸ்ட் 15ஆம் தேதி, சுதந்திர தினத்தன்று, சென்னை வளசரவாக்கத்தில் மழைநீர் வடிகால்வாயில் பிறந்து இரண்டு மணி நேரமே ஆன ஆண் குழந்தை கிடந்தது.

அக்குழந்தையை துணை நடிகை கீதா மீட்டார். சுதந்திர தினத்தில் பிறந்தால் சுதந்திரம் என்று பெயரிட்டு, முதலுதவி அளிக்க எழும்பூர் குழந்தைகள் நல அரசு மருத்துவமனையில் அனுமதித்தார்.

இந்நிலையில், கடந்த சில நாட்களாக குழந்தை சுதந்திரத்திற்கு வாந்தி மற்றும் வயிற்றுப்போக்கு காரணமாக உடல்நலம் மோசமடைந்துள்ளது. இதனால் மருத்துவர்கள் தீவிர சிகிச்சை அளித்துவருகின்றனர். கால்வாயில் இருந்த கிருமிகளால் வாந்தி, வயிற்றுப்போக்கு ஏற்பட்டிருக்கலாம் என மருத்துவர்கள் தெரிவித்துள்ளனர்.

தாய்ப்பால் வங்கியிலிருந்து குழந்தைக்கு தினமும் பால் கொடுக்கப்படுகிறது. குழந்தையைப் பார்க்க அதிக பார்வையாளர்கள் வரத்தொடங்கியதால் யாருக்கும் யாரையும் பார்ப்பதற்கு அனுமதிக்க வேண்டாம் என் மருத்துவர்கள் முடிவுசெய்துள்ளனர். குழந்தையைக் காப்பாற்றிய நடிகை கீதாவுக்கு மட்டும் அனுமதி வழங்கப்படுகிறது.

அடிக்கடி சுதந்திரத்தைச் சந்தித்து வரும் கீதா, குழந்தை விரைவில் நலம்பெற்று திரும்ப வேண்டும் என கடவுளிடம் பிரார்த்தனை செய்வதாக கண்ணீருடன் கூறுகிறார். விரைவில் சுதந்திரம் பூரண குணமடைய மருத்துவர்கள் முழு கவனத்துடன் கவனித்துவருவதாக மருத்துவர்கள் தெரிவித்துள்ளனர். இதனிடையே, வளசரவாக்கம் போலீசார் குழந்தையின் பெற்றோர் யார் என விசாரித்ததில் எந்த விவரமும் இதுவரை கிடைக்கவில்லை.

வெள்ளத்தால் பாதிக்கப்பட்ட கேரள மாநிலத்துக்கு பாலிவுட் நடிகை சன்னி லியோ ரூ. 5 கோடி நிவாரண நிதியுதவி செய்ததாக சமூக வலைதளத்தில் பாராட்டுக்கள் குவிந்து வருகிறது.

கேரளாவில் கடந்த 50 ஆண்டுகளில் இல்லாத அளவு அதிகனமழை பெய்து வருகிறது. இதனால் மாநிலம் முழுவதும் வெள்ளக்காடாகக் காட்சியளிக்கிறது. ஆயிரகணக்கான வீடுகள் நீரில் மூழ்கி, ஏராளமான மக்கள் உடமைகளை இழந்து தவித்து வருகின்றனர். இந்த நிலையில் வெள்ளம் மற்றும் நிலச்சரிவில் சிக்கி இதுவரை பலர் உயிரிழந்துள்ளனர்.

இந்த நிலையில் வெள்ளத்தில் சிக்கித்தவிக்கும் கேரளாவுக்கு உதவிக்கரம் நீட்ட பல மாநிலங்களும் முன்வந்துள்ளன. திரைத்துறையினரும் தங்களின் பங்களிப்பை அளித்து வருகின்றனர். நடிகர் விஷால், சூர்யா, கார்த்தி உள்ளிட்டோரும் நிதியுதவி வழங்கியுள்ளார்.

இந்நிலையில் பாலிவுட் நடிகை சன்னி லியோன் ரூ. 5 கோடி நிவாரண நிதி வழங்கியதாக டுவிட்டர் உள்ளிட்ட சமூக வலைதளத்தில் பலர் பாராட்டி வருகின்றனர். ஆனால் இத்தகவலை சன்னி லியோன் அதிகாரப்பூர்வமாக உறுதி செய்யவில்லை.


இதனால் இது வெறும் வதந்தி என பலர் தெரிவித்து வருகின்றனர். ஆனால் அவர் நிதியுதவி செய்தது உண்மைதான் என தகவல்கள் தெரிவிக்கின்றன. இதனால் அவரின் ரசிகர்கள் அவரின் அதிகாரப்பூர்வ தகவலுக்காக காத்திருக்கின்றனர்.

“கடைசியா வந்த ‘வனமகன்’ கூட வளமா ஒடலையேப்பா… அப்பறம் அவருக்கு மட்டும் எப்படி தொடர்ந்து படம் கிடைக்குது?” கோடம்பாக்கமே குத்தவச்சு உட்கார்ந்து கேட்கும் முக்கியமான கேள்வி இது. பெரும்பாலும் இங்கிலீஷ் படங்களை அப்படியே உல்டா அடித்து தமிழில் தருகிற அரும்பணியை கடந்த பல வருடங்களாகவே செய்து வருகிறார் ஏ.எல்.விஜய். அதில் சில… படம்! பல… பப்படம்!

இந்த நிலையில்தான் ஏ.எல்.விஜய் இயக்கத்தில் புரட்சித்தலைவி ஜெயலலிதாவின் வாழ்க்கை வரலாறு படமாக உருவாகப்போகிறது. தமிழகத்தில் எந்த அரசியல் தலைவருடைய கதையையும் 100 சதவீத உண்மையோடு எடுத்துவிட முடியாது. அட… அதில் ஐந்து சதவீத உண்மையை தெளித்துவிட முடியும் என்ற நம்பிக்கையாவது பலிக்குமா என்றால் அதற்கும் வாய்ப்பில்லை. ஏடியெம்கே வின் நிலைமை அப்பளத்தை நாலா உடைச்சு, அதையும் நாற்பதா உடைச்ச கதையாக இருக்கும் போது, இந்த படத்தை தயாரித்து யாருக்கெல்லாம் போட்டுக் காட்ட வேண்டி வருமோ?

இந்த ரிஸ்க் ஒரு புறம் இருக்க… ஜெ.வின் கேரக்டரில் நடிக்கப் போகும் நடிகை யாரென்று இன்னும் அறிவிக்கவில்லை. அவர் மட்டும் பொருத்தமான நடிகையாக இல்லாதிருந்தால் என்னாகும்?

எதற்கும் அதிமுக தலைமைக்கழகத்தில் வைக்கப்பட்டிருக்கும் ஜெ. சிலையை பார்த்துக்கோங்கப்பா…! கதை அப்படி முடிஞ்சுரப்போவுது?

பிரபல நட்சத்திரங்களின் திரைப்படம் வெளியாகும் போதெல்லாம் தமிழ்ராக்கர்ஸ்ஸூம் பிசியாகி கோலிவுட்டுக்கு தலைவலியாக இருந்து வருகின்றனர். திரைப்படங்களை திருடி இணையதளங்களில் தெறிக்க விட்டு விடுகின்றனர்.

இதனால், படம் வெளியாவதற்கு முன்பிருந்தே இணையத்தில் திருட்டுத்தனமாக படம் வெளியாகாமல் பாதுகாக்க வேண்டிய பொறுப்புக்கு தமிழ் திரையுலகம் தள்ளப்பட்டுள்ளது. பெரிய நடிகர்களின் திரைப்படங்கள் உலகம் முழுவதும் வெளியாகிறது. குறிப்பாக இவர்களது படங்கள் இந்தியாவில் வெளியாவதற்கு முன்பே வெளிநாடுகளில் வெளியாகி விடுகிறது. அங்கிருந்து இந்தப் படங்களை தியேட்டர்களில் பதிவு செய்து இணையத்தில் வெளியிட்டு விடுகின்றனர் தமிழ்ராக்கர்ஸ்.

தமிழ்ராக்கர்ஸில் வெளியானது விஸ்ரூபம் 2!

இதைத்தடுக்க தமிழ் திரைப்பட தயாரிப்பாளர்கள் சங்கம் சார்பில் ''ஆன்டி பைரசி செல்'' செயல்படுகிறது. இந்த அமைப்பும் சமீபத்தில் கோயம்புத்தூர் மற்றும் மலேசியாவில் காலா படத்தை தியேட்டர்களில் திருட்டுத்தனமாக பதிவு செய்தவர்களை கையும் களவுமாக பிடித்தது.

தென்னிந்திய மொழிகளில் திருட்டு:
கோயம்புத்தூரில் தமிழ்ராக்கர்ஸ் அட்மின்களில் சிலர் கைது செய்யப்பட்டனர். இவர்கள் சர்வதேச அளவில் இயங்கி வந்ததும் தெரிய வந்தது. தமிழ், தெலுங்கு, ஆங்கிலம், மலையாளம் ஆகிய மொழிகளில் இவர்கள் திருட்டுத்தனமாக படங்களை இணையத்தில் வெளியிட்டு வந்ததும் தெரிய வந்தது.

ஒவ்வொரு முறையும் இவர்கள் வெவ்வேறு இணையத்தின் பெயரில் திருட்டுத்தனமாக படங்களை வெளியிடுவதால், இவர்களை கண்டறிவதும் சிக்கலாக உள்ளது. கிக்காஸ் டோரன்டோ என்ற இணையமும் இந்த வேலையைத்தான் செய்து கொண்டு இருந்தது. இதன் உரிமையாளர் ஆர்டம் வவ்ளின் போலந்தில் கைது செய்யப்பட்டபோது, தமிழ்ராக்கர்ஸ் சுதந்திரமாக உலவி வந்தனர். சர்வதேச அளவில் தமிழ்ராக்கர்ஸ் கொடி பறக்கத் துவங்கியது.

எவ்வாறு படங்களை திருடுகின்றனர்?
* படத்தின் தயாரிப்பாளர் சில தேர்வு செய்யப்பட்ட தியேட்டர்களில் ரிவியூவ் என்ற பெயரில் படங்களை திரையிடுகின்றனர்
* தமிழ்ராக்கர்ஸ் அமைப்பில் இருந்து சிலர் தியேட்டர் ஸ்கிரீனிங் ஏஜென்ட் அல்லது திரையரங்கு ஊழியர்களை தொடர்பு கொள்வார்கள்
* திருட்டுத்தனமாக படத்தை பிரின்ட் எடுக்க ஊழியர்களுக்கு லஞ்சம் கொடுப்பார்கள்

இப்படியும் செய்வார்கள்... World Film Distribution (W.F.D)
* 2 அல்லது 3 சர்வர்களில் படத்தை பதிவேற்றம் செய்வார்கள்
* படத்தை 2 அல்லது 4 பாகங்களாக பல்வேறு சர்வர்களில் சேமித்து வைப்பார்கள்
* படம் துவங்குவதற்கு முன்பு இந்த சர்வருக்கும், தியேட்டருக்கும் லிங்க் கொடுத்து விடுவார்கள்.
* சில மல்டிபிளக்ஸ் தியேட்டர்களில் பல ஸ்கிரீன்கள் காட்டப்படும். அந்த சமயங்களில் தியேட்டர் ஊழியரிடம் அதிக பணம் லஞ்சமாகக் கொடுத்து, லேப் டாப்பில் பதிவு செய்வார்கள். ஆபரேட்டரும் ஒரு லிங்கை புரஜெக்டருக்கும், மற்றொரு லிங்கை லேப் டாப்பிற்கும் கொடுத்து விடுவார். பல ஸ்கிரீன்கள் காட்டப்படுவதால் சந்தேகமும் வராது.

திருட்டில் மூன்றாம் விதம்:
* கேமரா அல்லது செல்போன் வழியாக பதிவு செய்யப்படும்
* மெட்ரோ நகரங்களில் இது நடப்பதில்லை. இரண்டாம் தர நகரங்களில் மட்டுமே நடக்கிறது

இந்தியாவில் அதிகம்...
திருட்டுத்தனமாக இணையதளங்களில் பதிவேற்றம் செய்யப்படும் படங்களை இந்தியாவில் அதிகளவில் பார்க்கின்றனர். இந்தியாவில் தான் அதிகளவில் திருட்டுத்தனமாக பதிவேற்றம் செய்யப்படும் படங்களை பதிவிறக்கம் செய்கின்றனர்.

இந்தியாவில் பாகுபலி, தெறி, தில்வாலே, சுல்தான் ஆகிய படங்கள் அதிகளவில் பதிவிறக்கம் செய்து பார்க்கப்பட்டுள்ளது.

வருமானம்:
popAds, popMyAds, Propeller Ads Media, Dynamic Oxygen, Exit Junction, Blacklabelads, BuzzBizz இவர்கள்தான் திருட்டுத்தனமாக இயங்கும் தமிழ்ராக்கர்ஸ் போன்றவர்களை ஊக்குவித்து வருமானம் ஏற்படுத்திக் கொடுப்பவர்கள். ஒரு கிளிக்கிற்கு இவ்வளவு வருமானம் என்று நிர்ணயிக்கப்படுகிறது. கூகுள் ஒருபோதும் திருட்டு செய்திகளை விளம்பரப்படுத்தாது.

TFPC ANIT PIRACY CELL:
tfpc anti piracy cell வந்த பின்னர் சற்று திரைப்பட திருட்டும் குறைந்துள்ளது என்று கூறலாம். இன்னும் விழிப்புணர்வு தேவை.

கரு : அம்மாவை புற்றுநோயில் இருந்து காப்பாற்ற., தன் உடம்பை விற்க, பிறருக்கு விருந்தாக்க பிடிக்காது., பிறரது உயிரை குடிக்கும் போதை மருந்தை கடத்தும் அழகிய இளம் பெண்ணே இப்படக்கரு.

கதை : வயதான அப்பா ஏடிஎம் காவலாளி, அம்மா கேன்சர் பேஷண்ட், தங்கை காலேஜ் ஸ்டூடன்ட்.... இவர்களை வறுமை வாட்டி வதைக்க ., வேலை பார்க்க போகும் இடங்களில் எல்லாம் கோகிலா - நயன்தாராவை பலரும் ஒரு பக்கம் காதலிப்பதாகவும், மற்றொரு பக்கம் மேற்படி., மேட்டருக்கு அழைத்தும் படுத்தி எடுக்க ., கோகிலா - நயன்தாரா, "கோல மாவு" கோகிலா ஆகிறார். அதாகப்பட்டது , அம்மாவின் வைத்திய செலவுக்காக கொக்கைன் போதைபவுடர் கடத்தல் கும்பலில் சேர்ந்து கடத்தலில் இறங்குகிறார் நயன். அதில் காசு பணம் சேர்த்து அம்மாவையும் , குடும்பத்தையும் கேன்சரில் இருந்து மீட்டாரா ? அல்லது , போலீஸில் சிக்கி சிறைக்கு சென்றாரா ..? என்பது தான் "கோலமாவு கோகிலா " படத்தின் மொத்த கதையும், களமும்.

காட்சிப்படுத்தல் : 'லேடி சூப்பர் ஸ்டார்' நயன்தாரா கதையின் நாயகியாக நடிக்க ., "லைக்கா புரொடக்‌ஷன்ஸ்" தயாரிப்பில் அனிருத் இசையில் , நெல்சனின் எழுத்து , இயக்கத்தில் வித்தியாசமும், விறுவிறுப்புமாக காட்சிப்படுத்தப்பட்டு வெளிவந்திருக்கும் "கோலமாவு கோகிலா " படத்தில்., கோலமாவு என்பதற்கான அர்த்தம் காட்சிப்படுத்தப்பட்டிருக்கும் விதமும் . இறுதியில் நயன் ., குடும்பத்தோடு கோலமாவு வியாபாரியாக மாறும் லாவகமும் காட் சிப்படுத்தப் பட்டிருக்கும் விதம் ரசனை.

கதாநாயகி : "கோல மாவு" கோகிலாவாக நயன்தாரா, காட்சிக்கு காட்சி , பவுடர் கடத்தும் பாப்பாவாக பக்காவாக நடித்து பலே , பலே சொல்ல வைக்கிறார்.

அதிலும் , தன்னை படுக்கைக்கு அழைக்கும் மேலதிகாரியிடம் ., ஆரம்பத்தில் பயந்த சுபாவம் உடைய பெண்ணாக காட்சி தரும் நான், வேலை செய்யும் இடத்தில் ., "அப்படி வெளியில மீட் பண்ணனும்னா ., நான் ஏன் சார் உங்கள மீட் பண்ணப் போறேன். ஸ்டெயிட்டா ஜி. எம்மையே பார்த்து உங்க வேலையையே காலி பண்ணி , நானும் , உயர்ந்துட மாட்டேனா ?" எனக் கேட்கும் இடத்தில் தொடங்கி .,முன்னுக்கு வந்துட்டா., யாரையும் விட்டு வைக்காது பழிவாங்குவதில் தொடர்ந்து க்ளைமாக்ஸில் குடும்ப சகிதமாக எதிராளிகளை கொன்று தீர்த்து விட்டு ., போலீஸ் சரவணனிடம் "பெரிய திருடனை எல்லாம் பிடிக்கிறீங்கன்னா நீங்க எவ்வளவு பெரிய திருடனா இருக்கணும்னு எகத்தாளம் பேசுவது வரை எக்குதப்பாக மிரட்டியிருக்கிறார். வாவ்!

காமெடியன்ஸ் : நயன்தாராவை ஒன்சைடாக லவ் பண்ணும் மளிகைக்கடை ஓனராக யோகி பாபு அசத்தல். நயனிடம் ., உன் வீட்டுக்கு எதிரே "சேகர் ஸ்டோர்ஸ் இருக்கே , அந்த சேகரே நான் தான்... "என தன் லவ்வை கெத்தாக வெளிப்படுத்தி , க்ளைமாக்ஸுக்கு முன் ., நயனை போதை டான்கள் பலரும் ரேப் பண்ணுவதாக நினைத்து ., "டேய் உள்ள வந்து ஒரு ஒரமா உட்கார்ந்துக் கறேன்டா" என கதறுவது வரை சகலத்திலும் சக்கை போடு போட்டிருக்கிறார்.

யோகி பாபு , மாதிரியே "நான் கடவுள்" ராஜேந்திரன், பேச்சுக்கு பேச்சு தன் கட்டைக் குரலை வைத்துக் கொண்டு பழமொழி பலபேசி பண்ணும் அலப்பறை தியேட்டரில் கரகோஷம் காதை பிளக்கிறது. அதிலும் ., "நாளைக்கு மட்டும் சரக்கு அங்கு வரலை நீ பாய் அல்ல ... கேர்ள் ... " எனும் இடத்தில் அப்ளாஸ் அள்ளுகிறது.

"ப்ரோ , அவங்க ரேப் பண்ணது உங்க காதலிய மட்டும் தான் ... உங்க காதல இல்ல ... அதனால நீங்க காதல கண்ட்னி யூ பன்ணலாம் ப்ரோ " என்றும் , "ப்ரோ” குடும்பமா கொலை பண்ணிட்டு வந்துருக்காங்க ப்ரோ ..." என்று பதறும் இடங்களிலும் நயனின் தங்கை ஷோபியின் காதலரான புதுமுக இளைஞர் எதிர் பார்ப்பை கூட்டுகிறார்.

பிற நட்சத்திரங்கள் : நயன்தாராவின் பேஷண்ட் தாயாக சரண்யா பொன்வண்ணன் , அப்பா "அபூர்வ சகோதரர்கள் " சிவாஜி, போலீஸ் இன்ஸ்' , "பருத்தி வீரன் " சரவணன் , அவரது மனைவி நிஷா அடியாள் தீப்பெட்டி கணேஷ்... மும்பை பாய் , தங்கை ஷோபி , ஷோபியின் ஆர்வ கோளாறு லவ்வர் .... உள்ளிட்ட இணை, துணை பிற நட்சத்திரங்கள் அனைவரும் தங்கள் பாத்திரமறிந்து பளிச்சிட்டிருக்கின்றனர்.

தொழில்நுட்ப கலைஞர்கள் : ஏ. அமரனின் கலை இயக்கம் கலக்கல் இயக்கம் ., ஆர்.நிர்மலின் படத்தொகுப்பு , பக்கா தொகுப்பு. சிவக்குமார் விஜயனின் ஒளிப்பதிவில் காட்சிகள் கன கச்சிதமாக படமாகியுள்ளன. நயன் உள்ளிட்டவர்களுக்கு அனுவர்த்தனின் உடை அலங்காரம் செம கச்சிதம்.

அனிருத் இசையில் "எனக்கு இப்போ கல்யாண வயசுதான் உன்னால சிக்குறேன் தன்னால சொக்குறேன் .. ", "காயம் வருதே சாபம் தருதே ... எதுவழியோ ,எதுவரையோ ......" , " வலி தாங்கல ... அதனால வேற வழித் தெரியலை ...." "நெஞ்சே ... " உள்ளிட்ட பாடல்களும், பின்னணி இசையும் சூப்பர்.

பலம் : நயன்தாராவும், கதாநாயகர் என்று யாருமே இல்லாத குறை தெரியாத மொத்தபடமும் பெரும் பலம்.

பலவீனம் : தன் அம்மாவின் உயிரை காப்பாற்ற பிறரது உயிரை குடிக்கும் போதை மருந்தை கதாநாயகி விற்க துணிவதும் , அதற்கு தடையாக வருபவர்களை தீர்த்து கட்டுவதும் லாஜிக்காக இடிப்பது சற்றே பலவீனம்.

இயக்கம் : நெல்சன் தனது ., எழுத்து , இயக்கத்தில் , பிரபல பெரிய நாயகர்கள் நடிக்க வேண்டிய சாகசங்கள் நிரம்பிய ரோலில்., நயன்தாராவை தைரியமாக நடிக்க வைத்திருப்பதும் , அதில் இயக்குனர் எதிர் பார்த்ததிற்கும் மேல் நயன், நடித்திருப்பதும் மீண்டும் மீண்டும் சபாஷ் சொல்ல வைக்கிறது .

மற்றபடி '., "எவ்வளவு இறங்கி பேசினாலும் எகிறிப் பேசுறான் பாய்" , "எனக்கு மைக் மோகனத் தவிர வேறு யாரும் தெரியாது ...." எனும் நக்கல் நையாண்டி டயலாக் ஆனாலும் ,"இந்த தொழில்ல இதெல்லாம் ஒண்ணுமில்லே ... 8 பேரு போவான், 5 பேரு வருவான் ..... " என தாதாயிஸத்தை சர்வ சாதாரணமாக புரியவைக்க முயலும் டயலாக் ஆகட்டும் , "ஒரு தப்பு எதையுமே சரி பண்ணாது. மேலும் , மேலும் தப்புதான் பண்ணும் ." எனும் தத்துவவித்துவ பன்ச் ஆகட்டும் , சகலத்திலும் தனி முத்திரை பதித்திருக்கிறார் இயக்குனர். பாராட்டுக்கள்!

மேலும் , ஒரு சில இடங்களில் ஆக்‌ஷன் படங்களுக்கே உரிய லாஜிக் மிஸ்டேக்குகள் தெரிந்தாலும், தனது , வித்தியாசமும் , விறுவிறுப்புமான காட்சிகளிலும் , படத்தோடு இழையோடும் காமெடிகளிலும் தனி கவனம் செலுத்தி மிரட்டி யிருக்கிறார் டைரக்டர் நெல்சன் ... என்றால் மிகையல்ல!

பைனல் "பன்ச் " : மொத்தத்தில் ., "கோலமாவு கோகிலா'- 'நயன்தாராவின் பட லிஸ்ட்டில் பெரிய கோபுரமுல்ல..!"

மறைந்த முதல்வர் ஜெயலலிதாவின் வாழ்க்கை திரைப்படமாகிறது. இப்படத்தில் ஜெயலலிதா வேடத்தில் வித்யாபாலன் நடிக்க இருப்பதாக தகவல்கள் வெளியாகியுள்ளன.

நடிகையாக இருந்து பின்னர் அதிமுகவில் இணைந்து கட்சி பணியாற்றியவர் மறைந்த முதல்வர் ஜெயலலிதா. எம்ஜிஆர் மறைவுக்குப் பின் அதிமுக கட்சியை வழிநடத்தி 6 முறை தமிழகத்தின் முதல்வராக இருந்தவர். மிக நீண்ட திரைப்பயணமும் அரசியல் பயணத்தையும் கண்ட ஜெயலலிதா கடந்த 2016 -ம் ஆண்டு டிசம்பர் மாதம் 5-ம் தேதி மறைந்தார்.

இந்நிலையில் அவரின் வாழ்க்கை வரலாறு படமாக உருவாக உள்ளது. இப்படத்தை விப்ரி மீடியாவைச் சேர்ந்த பிருந்தா தயாரிக்கிறார். மேலும் இப்படம் தமிழ், தெலுங்கு, இந்தி ஆகிய மொழிகளில் உருவாக உள்ளது. ஜெயலலிதாவின் பிறந்த நாளான 24-ம் தேதி இப்படத்தின் ஃபர்ஸ்ட் லுக் வெளியிடப்படும் என்று படத்தின் தயாரிப்பு நிறுவனம் தெரிவித்துள்ளது.

இதையடுத்து மறைந்த முதல்வர் ஜெயலலிதாவின் கதாபாத்திரத்தில் நடிக்க பாலிவுட் நடிகை வித்யாபாலனிடம் படக்குழுவினர் பேச்சுவார்த்தையில் ஈடுபட்டுள்ளதாக தகவல் வெளியாகியுள்ளன. நடிகை தேர்வு மும்முரமாக நடைபெற்று வரும் நிலையில் விரைவில் இதற்கான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.

அஜித்-ஷாலினி தமிழ் சினிமாவின் நட்சத்திர தம்பதிகள். இவர்கள் இருவரும் அமர்க்களம் படத்தில் இணைந்து நடித்த போதே இருவருக்கும் காதல் வந்தது.

இதில் அஜித் தான் தன் காதலை முதலில் கூறியுள்ளார், இதை அவர் எப்படி கூறினார் என்ற தகவலை அமர்க்களம் இயக்குனர் சரண் ஒரு பேட்டியில் கூறியுள்ளார்.

ஒரு நாள் பரபரப்பாக படப்பிடிப்பு நடந்த போது சரணிடம் அஜித் சென்று ‘சார் என் மொத்த கால்ஷிட்டையும் இந்த படத்திற்கே தந்துவிடுகின்றேன்.

சீக்கிரம் படத்தை எடுத்து முடியுங்கள், இன்னும் கொஞ்ச நாள் இருந்தால் நான் இந்த பெண்ணை காதலித்து விடுவேன்’ என்று ஷாலினியை வைத்துக்கொண்டே அஜித் சொல்ல, அது தான் முதன் முதலாக அஜித் காதலை ஷாலினியிடம் சொன்ன தருணமாம்.

திமுக தலைவர் கருணாநிதியின் மறைவிற்கு பின் நடைபெற்றுக் கொண்டிருக்கும் திமுக செயற்குழு கூட்டத்தில் முக்கிய தலைவர்கள் பங்கேற்றுள்ளனர்.

சென்னை அண்ணா அறிவாலயத்தில் நடைபெற்ற இந்த கூட்டத்தில், தமிழகம் முழுக்க எல்லா திமுக மாவட்ட நிர்வாகிகள், செயலாளர்கள், தலைவர்கள் வந்து கூட்டத்தில் கலந்து கொண்டு இருக்கிறார்கள்.

திமுக எம்.பி. டி.கே.எஸ் இளங்கோவன் இரங்கல் தீர்மானத்தை வாசித்தார்.

இந்த பேனரில் முதல்முறையாக, பெரியார், அண்ணா, கருணாநிதிக்கு அடுத்து ஸ்டாலின் புகைப்படம் வைக்கப்பட்டுள்ளது.

எப்போதும் தனியாக இருக்கும் ஸ்டாலின் புகைப்படம், இந்த முறை கருணாநிதிக்கு அருகிலேயே வைக்கப்பட்டுள்ளது.

அதுவும், இதுவரை அடிக்கப்பட்ட பேனர்களில் கருணாநிதி உயிரோடு இருந்தபோது அவரது புகைப்படம் முதலாவதாக இருக்கும், தற்போது ஸ்டாலின் படத்திற்கு அடுத்தபடியாக கருணாநிதியின் படம் அடுத்த அண்ணா மற்றும் பெரியாரின் புகைப்படம் இருந்துள்ளது.

இதன் மூலம் ஸ்டாலினின் தலைமையில் அனைவரும் இயங்க தயாராக இருக்கிறார்கள் என்பதை காட்டுகிறது.

கண்டமனூர் ஜமீன் என்றதும் அனைவருக்கும் நினைவுக்கு வருவது வடிவேலு காமெடி தான்.

கண்டமனூர் ஜமீன் என்னை கண்டமாக்கிட்டார், அவர் அண்ணனும் என்னை நாசப்படுத்திவிட்டார் என்று பெண் கூறுவார்.

உண்மையில் இந்த ஜமீன் பெண்ணாலேயே தான் அழிந்தார்களாம். அந்த ஜமீன்தார்கள் பலரும் பெண் மோகம் பிடித்து இருந்தார்களாம்.

அதில் பெண்பித்து கொண்ட ஜமீன்தார் பளியன் சித்தர் என்பரை அவர் மனைவி கர்ப்பமாக இருக்கும்வேளையில் கொலை செய்துவிட்டார். இதனால் அவர் கொடுத்த சாபத்தால் வாரிசுகள் அனைவரும் தன்னுடைய குழந்தையை பார்க்கும் முன்னரே இறந்துவிட்டார்களாம்.

கடைசியில் நோய்வாய்ப்பட்டு மொத்த சொத்தையும் இழந்து குகையில் வாழ்ந்து இறந்து போனார்களாம்.

அஜித் தமிழ் சினிமாவின் கிங் ஆப் ஓப்பனிங் என்று அழைக்கப்படுபவர். இவர் தற்போது சிவா இயக்கத்தில் விசுவாசம் படத்தில் நடித்து வருகின்றார்.

இப்படம் முடிந்து அடுத்து அஜித் யாருடன் கூட்டணி அமைக்கப்போகின்றார் என்ற எதிர்ப்பார்ப்பு நிலவி வர, தற்போது கிட்டத்தட்ட உறுதியான ஒரு தகவல் கிடைத்துள்ளது.

அஜித் அடுத்து போனிகபூர் தயாரிப்பில் தான் நடிக்கப்போகின்றாராம், இது ஸ்ரீதேவி உயிரோடு இருந்த போது கொடுத்து வாக்கு தானாம்.

மேலும், இப்படத்தை தீரன் வினோத் இயக்கவுள்ளதாகவும், இதற்காக அஜித் இரண்டு முறை வினோத்துடன் பேச்சு வார்த்தைகள் நடத்தியுள்ளதாகவும் கூறப்படுகின்றது.

இதுமட்டுமின்றி இப்படம் அடுத்த வருடம் ஜனவரி மாதம் தொடங்கவுள்ளதாக தெரிவிக்கப்பட்டுள்ளது. இத்தகவல் ரசிகர்களுக்கு செம்ம உற்சாகத்தை கொடுத்துள்ளது.

பிக்பாஸ் துவங்கிய வாரம் முதலே நடிகர் பொன்னம்பலம் அனைத்து வாரமும் எலிமினேஷன் லிஸ்டில் தவறாமல் இடம்பெற்றவர். பல வாரங்கள் அவரை காப்பாற்றிய ரசிகர்கள் இந்த வாரம் அவருக்கு கைகொடுக்கவில்லை. அவர் வெளியேற்றப்பட்டார்.

வெளியில் வந்ததும் அவர் கமலுடன் பேசும்போது தன் குடும்பம் பற்றி பேசினார் பொன்னம்பலம். "என அப்பாவுக்கு நான்கு மனைவிகள். நான்காவது மனைவிக்கு ஏழாவது குழந்தை நான். எனக்கு பின் நான்கு பேர் உள்ளனர். மொத்த கிராமமும் எங்கள் சொந்தகாரங்க தான். அவ்வளவு பெரிய குடும்பம் தான்" என பொன்னம்பலம் கூறினார்.

உடல் எடை குறைப்பு குறித்து பலரும் பலவாறாக முயற்சி எடுத்துக் கொண்டிருக்கிறார்கள். அதீத உடல் எடையினால் ஏற்படுகிற உடலியல் மாற்றங்கள், நோய் பாதிப்புகள் குறித்தெல்லாம் நிறைய பேசப்படுவதால் மக்கள் மத்தியில் தொப்பை மற்றும் உடல் எடை குறித்த ஒர் பயம் வந்திருக்கிறது.

முன்பை விட இன்றைக்கு பலரும் உடல நலனில் அக்கறை செலுத்துகிறார்கள். உடல் எடையை குறைக்க வேண்டும். ஆனால் அதற்கு என்ன செய்ய வேண்டும் என்று தெரியவில்லை என்பவர்களுக்காகத் தான் இந்த தகவல். கலோரியை குறைக்க பல முயற்சிகள் முன்னெடுக்கப்படுகிறது.

அவற்றில் ஜப்பானியர்கள் செயல்படுத்தும் இந்த விஷயம் புதுமையாக தெரிந்தாலும் நல்ல பலனைக் கொடுப்பதாக சொல்லப்படுகிறது.

முதலாவது பயிற்சி

தூங்கும் போது தவறான முறையில் படுப்பது கூட சிலருக்கு முதுகு வலி, தொப்பை ஆகியவற்றை ஏற்படுத்தும். வயிற்று தசைகளுக்கு அதிக வேலை கொடுக்காது தொப்பையை வரவைத்திடும். இதனை சரி செய்தாலே எடை அதிகரிப்பு பிரச்சனையை குறைத்துவிடலாம் என்கிறார் ஜப்பான் மருத்துவர் டோஷிகி.

இது முதுகுவலி, இடுப்பு வலி ஆகியவற்றிற்கும் சிறந்த தீர்வாக அமைந்திடும். அதோடு இது வயிற்று தசையையும் வலுவாக்கும்.

இரண்டாவது பயிற்சி

இந்த பயிற்சிக்கு முதலில் ஒரு டவலை எடுத்து அதனை நன்றாக ரோல் செய்து கொள்ளுங்கள். ஏற்ற இறக்கங்களோடு இல்லாமல் எல்லா பக்கமும் சமமாக இருக்குமாறு பார்த்துக் கொள்ளுங்கள்.

இப்போது தரையில் உட்கார்ந்து கால்களை நீளமாக நீட்ட வேண்டும். அப்படியே தரையில் படுத்துக்கொள்ளுங்கள். படுத்ததும் கையில் வைத்திருக்ககூடிய டவலை உங்களின் இடுப்பகுதிக்கு அருகே வைக்க வேண்டும்.

இந்த பயிற்சியை தரையில் மேட் விரித்து செய்யலாம். மெத்தையில் வேண்டாம். அதே போல இப்படி படித்திருக்கும் போது கால்களை 8 முதல் 10 இன்ச் கேப்பில் உள்கூடி திரும்பியிருப்பதாக பார்த்துக் கொள்ளுங்கள்.

திராட்சையில் கருப்பு மற்றும் பச்சை என்ற இரண்டு நிறங்களில் உள்ளன. எந்த திராட்சையை சாப்பிட்டாலும், அதில் உள்ள நன்மைகள் ஒன்றே. அதிலும் திராட்சையில் நிறைய வைட்டமின்கள் நிறைந்துள்ளன.

குறிப்பாக வைட்டமின் கே, சி, பி1, பி6 போன்றவையும், மாங்கனீசு மற்றும் பொட்டாசியமும் அதிகம் உள்ளது.

அதுமட்டுமின்றி திராட்சையில் அதிகப்படியான அளவில் ஆன்டி-ஆக்ஸிடன்ட்களும், பலவகையான பைட்டோ நியூட்ரியன்ட்களும் நிறைந்துள்ளதால், அவை உடலும் நினைக்க முடியாத அளவில் நன்மையை தருகின்றன.

யாருக்கு தான் திராட்சை பிடிக்காது? திராட்சையில் ஊட்டச்சத்துக்கள் மற்றும் அத்தியாவசிய கொழுப்பு அமிலங்கள், அமினோ அமிலங்கள் மற்றும் சக்தி வாய்ந்த ப்ளேவோனாய்டுகள் போன்றவை ஏராளமாக நிறைந்துள்ளது.
ஆனால் பலருக்கும் திராட்சையின் விதைகளில் உள்ள சத்துக்கள் பற்றி தெரிந்திருக்க வாய்ப்பில்லை.

திராட்சையை விரும்பி சாப்பிடும் நாம் அதன் விதைகளை மட்டும் தூக்கி எறிந்துவிடுவோம். இந்த ஒரு பொருள் உடல் எடை குறைக்க உதவி புரியும்.

எடை குறைவை ஊக்குவிக்கும்

திராட்சை விதைகளினால் கிடைக்கும் நன்மைகளுள் ஒன்று, உடல் எடை குறைவதை ஊக்குவிக்கும்.

திராட்சை விதைகள் உடலில் தேங்கியுள்ள கொழுப்புத் தேக்கத்தைத் தடுப்பதோடு, உடலில் கொழுப்புக்களின் அளவையும் குறைக்கும்.

தொடர்ந்து சாப்பிட்டு வந்தால் தொப்பை மாயமாக மறைந்து விடும். திராட்சை விதையை சாப்பிட்டால், அது உடலின் ஆற்றலை மேம்படுத்தும் மற்றும் உடலின் மெட்டபாலிசத்தை வேகப்படுத்தும். இதன் விளைவாக உடல் எடை வேகமாக குறையும்

‘முட்டை போட்ற கோழிக்கே ஆம்லெட் ஊட்டிவிடணும்’ என்ற முடிவுக்கு வந்துவிட்டார் சிம்பு. சுற்றமும் நட்பும் தவிர தன்னை, ஊரே சேர்ந்து உப்புமாவாக கிண்டிய நாட்கள் அவரது நினைவில் வந்து போனதன் விளைவு… அடக்க ஒடுக்கமாக நடித்துக் கொடுக்க வேண்டும். மளமளவென வருடத்திற்கு நாலு படங்களாகவது ரிலீஸ் செய்துவிட வேண்டும் என்று முடிவெடுத்திருக்கிறாராம்.

வெங்கட் பிரபு இயக்கத்தில் சுரேஷ் காமாட்சி தயாரிக்கும் ஒரு படத்தில் நடிப்பதாக அறிவித்தார் அல்லவா? ‘மாநாடு’ என்று பெயர் வைக்கப்பட்டிருக்கும் அப்படத்தின் படப்பிடிப்பு வெகு விரைவில் துவங்கவிருக்கிறது. அதற்குள் சுந்தர்சி யும் சிம்புவை வைத்து இன்னொரு படத்தை இயக்கப் போகிறார். இப்படத்தை லைக்கா நிறுவனம் தயாரிக்கப் போகிறது.

ஒரு செடிக்கு தண்ணீர் ஊற்றவே உடம்பெல்லாம் வியர்க்கும் சிம்பு, எதற்காக ரெண்டு செடியை சுற்றி வேலி போட்டார்? அதான் சொன்னோமே… நம்மை விமர்சித்த இதே சினிமாக்காரர்களை வச்சு செய்ய வேண்டும் என்று நினைத்ததால்தான்.

சுந்தர்சி இயக்கவிருக்கும் இந்தப்படம் தெலுங்கில் வெளிவந்து சூப்பர் ஹிட்டடித்த பவன் கல்யாண் படத்தின் ரீமேக். இரண்டு படங்களுக்கும் மாறி மாறி கால்ஷீட் கொடுத்து இன்டஸ்ட்ரியை கதற விடும் எண்ணத்திலிருக்கிறார் சிம்பு.

மல்லாக்கொட்டைன்னு நினைச்சவங்களுக்கு, இல்லயில்ல. நான் மலைக்கோட்டைன்னு காட்டுவாரோ?

அஜித் நடிப்பில் கௌதம் மேனன் இயக்கத்தில் வெளிவந்து ஹிட் அடித்த படம் என்னை அறிந்தால். இப்படம் ரசிகர்கள் மத்தியில் குறிப்பாக அஜித் ரசிகர்கள் தாண்டி அனைவரையும் கவர்ந்த படம்.

இதில் நடித்ததன் மூலம் அருண்விஜய் தன் திரைப்பயணத்தில் அடுத்தக்கட்டத்தை நோக்கி சென்றார் என்றே சொல்லலாம், அந்த அளவிற்கு பெரிய மார்க்கெட்டை உருவாக்கியது.

ஆனால், முதலில் அருண்விஜய் கதாபாத்திரத்திற்கு இப்படத்தில் டேனியல் பாலாஜியை தான் கமிட் செய்தார்களாம்.

அதை தொடர்ந்து அப்போது அந்த கதாபாத்திரம் கொஞ்சம் சாதுவாக எழுதியிருந்தாராம் கௌதம், மேலும், படக்குழுவினர்களும் இன்னும் கொஞ்சம் பெரிய நடிகர் செய்யலாமே? என்று கூறினார்களாம்.

அதனால் தான் அப்படத்திலிருந்து டேனியல் பாலாஜி விலக, அருண் விஜய் கமிட் ஆனாராம்.

கமல்ஹாசனின் மீது தற்போது பலரின் பார்வையும் திரும்பியுள்ளது. ஒரு பக்கம் அவர் பிக்பாஸ் நிகழ்ச்சியின் மூலம் தன் அரசியல் கருத்துக்களையும் சூசகமாக எடுத்து வைத்து வருகிறார்.

அதனை மக்களும் ஏற்கிறார்கள். ரசிக்கிறார்கள். அவரை அந்த தளத்திலும் வரவேண்டும் என நினைப்பதை காண முடிகிறது. ஆதரவுகள் பெருகி வருகிறது. அதே நேரத்தில் அவருக்கு பல தடைகளும் இருக்கிறது.

அண்மையில் அவர் நடித்து இயக்கியுள்ள விஸ்வரூபம் 2 படம் வெளியாகியுள்ளது. சில சர்ச்சைகள் இருந்தாலும் படம் வெளியாவதை தடை செய்ய முடியாது என நீதிமன்றமே கூறிவிட்டது.

இப்படத்திற்கு கலவையான விமர்சனங்கள் தான் என்றாலும் சென்னையில் நல்ல ஓப்பனிங். ஆனால் ஒரு சில தியேட்டர்களில் படம் வெளியாகவில்லை என சொல்லப்பட்டு வருகிறது.

இந்நிலையில் வணிக வளாகம் ஒன்றில் கமல் படத்தை பார்த்து பேட்டியளித்துள்ளார். அதில் அவர் பல மாவட்டங்களில் படத்தை வெளியிடாமல் சிலர் தடை செய்கிறார்கள்.

இதன் பின்னணியில் யார் இருக்கிறார்கள் என்பது எனக்கு தெரியும். திரைப்படங்கள் மூலமாக கட்சிக்கொள்கையை முன்னிறுத்துவதில் எந்த தவறும் இல்லை என கூறியுள்ளார்.

கமல்ஹாசனுக்கு தமிழ்நாடு முழுவதும் அதிகம் ரசிகர்கள் உள்ளனர். நேற்று விஸ்வரூபம் 2 படம் பல்வேறு தடங்கல்களுக்கு பிறகே தாமதமாக பல்வேறு இடங்களில் வெளியாகியது.

இருப்பினும் சில பிரச்சனைகள் காரணமாக மதுரையில் நேற்று படம் வெளியாகவில்லை. ஒரு காட்சி கூட திரையிடப்படவில்லையாம். கமல் ரசிகர்கள் அதிகம் உள்ள அந்த பகுதியில் இப்படி ரிலீஸ் ஆகாமல் இருப்பது ரசிகர்களுக்கு அதிர்ச்சியை ஏற்படுத்தியுள்ளது.

ரசிகர்கள் பலரும் இது பற்றி ட்விட்டரில் பதிவிட்டு வருகின்றனர்.

"விஸ்வரூபம்" படத்தின் பகுதி இரண்டாக முதல் பகுதியில் முக்கிய பாத்திரங்களில் நடித்தவர்களோடு இணைந்து கமல்ஹாசன் எழுதி, இயக்கி, நாயகராக நடித்திட, "ஆஸ்கார் பிலிம் பிரைவேட் லிமிடெட்" வி.ரவிச்சந்திரன் தயாரிப்பில், "ராஜ்கமல் பிலிம்ஸ் இண்டர்நேஷனல்" வழங்க, "கோல்டன் குளோப் மூவிஸ்" ரிலீஸ் செய்ய வந்திருக்கும் படம் தான் "விஸ்வரூபம் - 2."

"விஸ்வரூபம்" முதல் பாதியில் இஸ்லாமிய தீவிரவாதிகளிடமிருந்து, அந்த தீவிரவாதிகளில் ஒருவராகவே ஆப்கானிஸ்தான் மற்றும் பாகிஸ்தானில் உண்டு, உறங்கி அமெரிக்காவை காப்பாற்றிடும் கமல், இந்த பகுதி இரண்டில், லண்டன் மாநகரை 1500 டன் ஹிட்லர் காலத்து வெடி பொருட்களில் இருந்து காப்பாற்றுவதோடு, 64 இந்திய நகரங்களை தீவிரவாதிகளின் வெடிகுண்டுகளில் இருந்தும் காப்பாற்றும் "ரா" உளவு அதிகாரியாக அதிரடி செய்திருக்கிறார்.

அவருக்கு காதலி ஆண்ட்ரியாவும், மனைவி பூஜா குமாரும் தங்கள் உயிரை துச்சமென மதித்து உதவுவதும் அவர்களுடனான ரொமான்ஸும், கமலின் தேசப்பற்றும் தான் விஸ்வரூபம் - 2" படத்தின் கரு, கதை, களம், காட்சிப்படுத்தல்... எல்லாம்.


கமல், விஸாம் அகமத் கஷ்மீரி... எனும் விஸ்வநாதனாக வழக்கம் போலவே மிரட்டியிருக்கிறார்.

அதிலும், கமல், "இவர், வழிமொழியிரார்... அவர், கழி மொழியரார்....." எனும் நாரச டயலாக்கில் தொடங்கி, "நீங்க 200 வருஷம் வெள்ளைக்காரன் இந்தியாவை கொள்ளை அடிச்சதை 64 வருஷத்துக்குள்ள அடிச்சவங்க தானே... நீங்க." எனும் அர்த்தம் பொதிந்த "பன்ச்" பேசும் காட்சி வரை சகலத்திலும் அசத்தியிருக்கிறார்.


டாக்டர் நிருபமாவாக வரும் பூஜா குமாரும், அஷ்மிதாவாக கமலின் ஜுனியர் ஆபிஸராக வரும் ஆண்ட்ரியாவும் முதல் பகுதியில் விட்டதை இதில் பிடிக்க முயன்று கமலிடம் நெருக்கமும், கிறக்கமும் காட்டி ரசிகனை ஒரு வழி பண்ணுகின்றனர்.

"நீ, ஒட்டு கேட்டியா எட்டிப் பார்த்தாயா..? "என சந்தேகமாக ஆண்ட்ரியாவை கேட்கும் பூஜா குமாரும் சரி, வில்லனின் ஆளை "பீஸ் பீஸா கழட்டிடுவேன் விஸாம் கொடுத்த ட்ரையினிங் இது..." அடித்து உதைக்கும் ஆண்ட்ரியாவும் சரி போட்டி போட்டு நடித்து படத்திற்கு பலம் கூட்டியிருக்கின்றனர்.

கமலின் சுப்ரீயர் ஆபிஸராக வரும் சேகர் கபூர், தீவிரவாதி ஒமர் உள்ளிட்டவர்களும் ஏனைய இணை, துணை நடிகர்களும் பாத்திரத்திற்கேற்ற பக்கா தேர்வு!

படத்தொகுப்பும், படத்தொகுப்பாளரும் கமலுக்கு கைகொடுக்கவில்லை என்றாலும், ஒளிப்பதிவாளர் ஓவராகவே கமலுக்கு ஒத்துழைத்திருப்பது படத்திற்கு பெரிய ப்ளஸ்!

ஜிப்ரானின் இசையில், "சாதி மதம் எனும் வியாதியை போக்கிட....", "மாயத் திருடன் காம கலைஞன்..." உள்ளிட்டப் பாடல்களும், பின்னணி இசையும் இப்படத்திற்கு கூடுதல் வலு சேர்த்திருக்கின்றன.

கமலின் எழுத்து, இயக்த்தில், "எதிரியை நேருக்கு நேர் பார்த்துட்டே சாகணும்....", ".சாதகமா நடக்குமான்னு எனக்கு சந்தேகமா இருக்கு..." "பொம்பளை மாதிரி பேசாத... பொம்பளைக் கூட அதிகமா பேசாத...." உள்ளிட்ட வசனங்களில் பளிச் பளிச் எனத் தெரியும் கமல் ஹாசன், திரைக்கதை, இயக்கத்தில், சில, பல இடங்களில் ஹாலிவுட் படங்களுக்கு இணையாக செய்ய முயற்சித்து, ரசிகனின் பொறுமையை சோதித்திருப்பதை மட்டும் தவிர்த்திருக்கலாம்.

மற்றபடி, "கடவுள், கண்டிப்பா உன்னை தண்டிப் பார்... உன் கடவுளைத் தவிர வேற இல்லைன்னு நம்பறவன் தானே நீ.... அப்ப அவரே தண்டிப் பார்... "எனும் போது கமல் என்டரி கொடுத்து வில்லனின் ஆட்களை புரட்டி எடுக்கும் இடங்களில் தன் கடவுள் மறுப்பு கொள்கையை காண்பிக்க முயன்ற அளவிற்கு கமல் கதை, திரைக்கதையில் கவனம் செலுத்தாததும், "இங்க தீவிரவாதின்னு யாருமே இல்ல.." தீவிரவாதத்திற்கு நியாயம் சேர்க்க முயல்வதும், ஈஸ்வர் ஐயர்... பாத்திரத்தின் மூலம் ஒரு குறிப்பிட்ட சமுதாய மக்களை தொடர்ச்சியாக நோகடிக்க முயன்றிருப்பதும் தேவைதானா? என சாமான்ய ரசிகனையும் யோசிக்க வைக்கும்.

மொத்தத்தில், கமலின் "விஸ்வரூபம்' - இரண்டு, ஒன்று அளவிற்கு இல்லை!