!...Payanam...!

சிவகார்த்திகேயன் மேடையில் அழுத பிரச்சனைக்கு இன்று தீர்வு கிடைத்துள்ளது. தயாரிப்பாளர் ஞானவேல் ராஜா,எஸ்கேப் ஆர்ட்டிஸ்ட் மதன் இருவருக்கும் படம்  நடித்து தர ஒப்புக்கொண்டதை அடுத்து தன்னை சிலர் மிரட்டுவதாக தெரிவித்த  பிரச்சனைக்கு   சுமூக முடிவு எடுக்கபட்டு உள்ளது.

ரெமோ' வெற்றி விழாவில் தன்னை வேலை செய்ய விடாமல் சிலர் நெருக்கடி கொடுப்பதாகவும் நான் யாரை சொல்கிறேன் என அவர்களுக்குத் தெரியும் என மேடையில் பொங்கினார் சிவகார்த்திகேயன். இதைத்  தொடர்ந்து, நடிகர் சங்கத்தில் சிவகார்த்திகேயன் கொடுத்த புகாரில் ஸ்டுடியோ க்ரீன் ஞானவேல் ராஜா தவிர எஸ்கேப் ஆர்ட்டிஸ்ட் மதன், வேந்தர் மூவிஸ் மதன் ஆகிய இருவரும் முன்பணம் எதுவும் கொடுக்கவில்லை. எனவே அவர்களுக்கு படங்கள் எதுவும் நடித்து கொடுக்க முடியாது என்று இந்த பிரச்னையை சட்ட ரீதியாக சந்திக்கத் தயார் என்றும் குறிப்பிட்டு இருந்தார்.

ஞானவேல் ராஜாவுடனான ஒப்பந்தத்தை சிவாவே ஒப்புக்கொண்டு இருந்தார் ஆனால் சிவா தற்போது உள்ள மார்க்கெட் சம்பளத்தைக் கேட்பதால் அதைத்  தர, அந்த நிறுவனம் தயங்குவதாகக் கூறப்பட்டது.  மேலும்  எஸ்கேப் ஆர்ட்டிஸ்ட் மதன், சிவகார்த்திகேயனுக்கு நான் அட்வான்ஸ் கொடுத்தது உண்மை.என்று கூறி இருந்தார்.

 அது சிவாவோட மனசாட்சிக்குத் தெரியும். நான் பணம் பத்தி பேச ஆரம்பிச்ச காலத்துல இருந்தே என் போனை அவர் எடுக்குறது இல்லை.நான் அவரிடம் பேசியே பல மாதங்கள் ஆகுது. அப்படி இருக்கும்போது எப்படி மிரட்ட முடியும். அவர் படங்களிலே ரொம்ப ஸ்மூத்தா ரிலீஸ் ஆனது 'ரெமோ' தான். அப்புறம் ஏன் மேடையில அழுது எங்களை வில்லன் மாதிரி சித்தரிக்கணும்?  நடக்காத ஒன்ன சொல்லும்போது கஷ்டமா இருக்கு..

எங்கள்  உறவை பிரிக்கணுமின்னு  திட்டமிட்டு சிலர் சிவாவை அவங்க கட்டுப்பாட்டுல வச்சு இருக்காங்க. அதுல இருந்து அவர் வெளில வரணும். அவர் என்கிட்ட நேருக்கு நேர பணம் வாங்கலைன்னு இதுவரை சொல்லல. அப்படி சொல்லவும் மாட்டாருன்னு நினைக்குறேன்” என இந்த விவகாரம் குறித்து சொல்லி  இருந்தார்

. இந்த பிரச்னை குறித்து அனைத்து தரப்பினரும் அழைத்து நேரில் பேசித்தான் முடிவு எடுக்க முடியும். கடந்த வாரமே நேரில் வருவதாகக்  கூறினார். ஆனால் வேலை இருப்பதால் வரமுடியவில்லை. ரெமோ ரிலீஸுக்குப் பிறகு பேச்சுவார்த்தையை வைத்துக்  கொள்ளலாம் என கூறினார் சிவகார்த்திகேயன். கடந்த மாதம்  24-ம்  தேதி அனைத்து தரப்பினரையும் நேரில் வரச் சொல்லி இருந்தோம் அப்போதும்  அவ்ர் வரவில்லை இந்த வாரத்தில் பிரச்னைக்கு ஒரு  முடிவு கிடைத்து விடும் என்று தயாரிப்பாளர் சங்கத்தில் கூறப்பட்டு  வந்தது

இந்த நிலையில் இந்த  பிரச்சனை குறித்து தயாரிப்பாளர் சங்கத்தில் இன்று பேச்சு வார்த்தை நடத்தப்பட்டது. இதில் சிவகார்த்திகேயன் .தயாரிப்பாளர்  சங்க நிர்வாகிகள் ,ஞானவேல் ராஜா ,எஸ்கேப் ஆர்ட்டிஸ்ட் மதன் உள்ளிட்டோர் கலந்து  கொண்டனர். கூட்டம் தொடங்கிய 10 நிமிடத்தில் பிரச்னை முடிந்து  விட்டதாக கூறப்படுகிறது

. ஞானவேல் ராஜா,மதன் இருவருக்கும் படங்கள் நடித்து தருவதாக சிவகார்த்திகேயன் ஒத்துக் கொண்டதாகவும் வேந்தர்  மூவிஸ் மதனுக்கு  கால்ஷீட் கொடுப்பது பற்றி அவர் நேரில் வந்து கேட்டால் பேசிக்கொள்ளலாம் என்று கூட்டத்தில்  முடிவு  எடுக்கப்பட்டுள்ளது.

இது குறித்து கோடம்பாக்கம் வட்டாரத்தில் விசாரித்த போது   மோகன் ராஜா இயக்கத்தில் சிவகார்த்திகேயன் நடிக்கும் படத்தின் படப்பிடிப்பு  இன்று துவங்க  இருந்தது. இந்த   நிலையில  தான் இன்று பேச்சு வார்த்தை நடைபெற்று  உள்ளது. தயாரிப்பாளர்  சங்க நிர்வாகிகள் ,பெப்சி யூனியன் அமைப்பை சேர்ந்தவர்கள் என்று பலரும் கூட்டத்தில் கலந்து கொண்டார்கள்.

.சிவாவை   இந்த விவகாரத்தில் முடிவு எடுத்தால் தான் மோகன் ராஜா படம் ஷூட்டிங் நடக்கும் அப்படின்னு  மறைமுகமா சொல்லி  இருக்காங்க. அப்படி தான்  இந்த கூட்டத்தை   எடுத்துக்கணும் ஏற்கனவே எடுத்து  வைக்கபட்ட முடிவ  நோக்கி  சிவாவை தள்ளி  இருக்காங்க அப்படின்னு சொல்லலாம்.

அதனால  தான் அவரால  எதுவும்  பேச முடியல  இப்போதைக்கு  இந்த பிரச்சனையில் இருந்து வெளிய  வந்தா  போதும்ன்னு  நெனச்சு  இருக்கலாம்.மேலும் சிவா கேட்ட  சம்பளத்தை தர இரண்டு தயாரிப்பாளர்களும் ஒத்துக்கொண்டதால  சிவாவும் அவங்க  சொன்னதுக்கு எல்லாம் சரின்னு சொல்லிட்டாரு.

இந்த  பிரச்னை உடனடியாக முடிவுக்கு  வந்திருச்சு .இந்த  பிரச்னையில் கருத்து  கூறிய பல  நடிகர்கள் இன்று இந்த கூட்டத்துக்கு யாருமே  வரலை. நடிகர்  சங்க நிர்வாகிகளாவது சிவாவுக்கு துணையா வந்து  இருக்கலாம் எல்லாரும் சிவா பிரச்னையை வச்சு அவங்க குளிர் காஞ்சுகிட்டது தான்  மிச்சம் என  சோகமாக  சொல்லி முடித்தார்

 வணிகமே உறவுகளை தீர்மானிக்கும் துறையில் எல்லா சண்டைகளும், பணத்திலேயே   சரிக்கட்டப்படும் என்பது மீண்டும்  ஒரு முறை நிரூபணம் ஆகியிருக்கு

“இதற்காகதான் ஆசைப்பட்டாயா பாலகுமாரி?” என்று கமல் கேட்கும் நாள் வெகு தொலைவில் இல்லை! பலரும் எதிர்பார்த்தபடியே தன் மகளை ஹீரோயின் ஆக்க முடிவெடுத்துவிட்டாராம் கவுதமி. 13 ஆண்டுகள் கமல் வீட்டில் ராணி போகமாக கவுதமி வாழ்ந்தாலும், மகள் சுப்புலட்சுமி விஷயத்தில் மாற்றாந் தந்தை மன பாவத்துடன்தான் நடந்து வந்தாராம் கமல். இதையெல்லாம் கண்டு மனம் புழுங்கிப் போன கவுதமி, விலங்குகளை உடைத்துக் கொண்டு கிளம்பிவிட்டார்.

எப்படி நடிகை மேனகா தன் மகள் கீர்த்தி சுரேஷை தமிழின் முன்னணி ஹீரோயின்களில் ஒருவராக்கினாரோ, அப்படியே தன் மகளையும் ஆக்கிவிடுவது என்று திட்டமிட்டுவிட்டதாக தகவல். அதுவும் சோப்ளாங்கி ஹீரோக்களுடன் சோடி போட்டால், வருஷத்துக்கு ஒரு பிளாப் படம் கூட கிடைக்காது என்பதை நன்றாக புரிந்து வைத்திருக்கும் கவுதமி, முதல் வேலையாக செய்தது என்ன தெரியுமா? சிவகார்த்தியேன், தனுஷ் போன்ற முன்னணி ஹீரோக்களுக்கு போன் போட்டு, மகளுக்காக பேசியதுதான்.

முதல் அறிமுகமே நரி முகமாக இருக்க வேண்டும் என்று நினைக்கும் கவுதமி, முன்னணி நிறுவனங்களுக்கும் தன் எண்ணத்தை தெரிவித்து வருகிறாராம். விரைவில் மேளதாள முழக்கங்களுடன், முன்னணி நடிகருடன் சுப்புலட்சுமி சேர்ந்திருக்கும் புகைப்படங்களுடன் கூடிய அறிவிப்பு வந்தால், யாரும் அதிர்ச்சியடையத் தேவையில்லை.

சோழ பரம்பரையிலிருந்து மேலும் ஒரு இளவரசி… வாம்மா மின்னலு!

வாழ்க்கையில் நாமப்ளான் பண்ண ​எதுவு​ம் நடக்காது, ஆனா அதைவிட பயங்கரமா நடக்கும்​.​ அந்த பயங்கரம்தான் அச்சம் என்பது மடமையடா​!​

வழக்கம் போல ஹீரோ (சிம்பு) இன்ஜினியரிங் முடித்து, வழக்கத்துக்கு மாறாக ஒரு எம்.பி.ஏ-​வும்​ சேர்த்து ​ப​டித்திருக்கிறார். சின்னதாக ஒரு பயணம் முடித்துவிட்டு, வாழ்க்கையில்​ அடுத்து​ என்ன செய்யலாம் ​என பிளான்போடும்போது, தங்கையுடைய தோழி மஞ்சிமா மோகன் சிம்பு வீட்டில் ​வந்து சில நாட்கள் தங்குகிறார்.​ வழக்கம்போல அவரைப் பார்த்ததுமே​  சிம்புவுக்கு காதல். ஒரே வீடு​ என்பதால்​ பேசிப் பழகுகிறார்கள். சிம்புவின் ​ரோட் ட்ரிப்பில் சர்ப்ரைஸ்​ பார்ட்னராக மஞ்சிவாவும் இணைய "பறக்கும் ராசாளியே.." எனப் பயணம் தொடங்குகிறது. திடீரென நடக்கும் விபத்திலிருந்து படத்தின் ரொமான்ஸ் எப்பிசோட் முடிந்து ஆக்ஷன் மோடுக்கு மாறுகிறது. அதற்குப் பிறகு என்ன நடக்கிறது? சிம்பு - மஞ்சிமா காதல் என்ன ஆகிறது? அந்த விபத்துக்கு பின்னணியில் இருக்கும் காரணங்கள் என்ன என்பதே படம்.

மீண்டும் ஒரு காதல்படம் தானா என உட்காரும் போது படத்தின் டோனே மாறும் அந்த இடத்தில் கௌதம் கலக்கல். அதே நேரத்தில் காதலையும்  கைவிடவில்லை. "இது ஃப்ரெண்ட்ஷிப் மட்டும் இல்​லை​, நீ எனக்கு ஒரு நல்ல ஃப்ரெண்ட் மட்டும் இல்​லைனு​ சொல்லணும்னு இருந்துச்சு எனக்கு" என​ப்​ பல மைண்ட் வாய்ஸ்களில் மன்மதன் ரிட்ட​ன்ஸ்.  எல்லாமே மொபைலில் தான் என்ற காலத்தில், லைவான ஒரு காதலை ரசிக்கும்படியாக தருகிறது முதல் பாதி.

படத்தில் சிம்புவின் கதாபாத்திரப் பெயரையே ஒரு சர்ப்ரைஸ் எலிமென்ட்டாக பயன்படுத்தியிருக்கிறார் கௌதம்.''எனக்கு பசங்க பொறந்தாங்கனா, இந்த ஆறு பன்ச் பத்தியும் அந்த நாலு பேர் பத்தியும் சொல்லணும்'' என வசனம் மூலமாக ஆரம்பத்திலேயே நம்மை ஆக்‌ஷனுக்கு தயார்படுத்துவது, தள்ளிப் போகாதே பாடலை ப்ளேஸ் செய்த இடம் என​ப்​ பல காட்சிகளில் பிர​மாதமான ஃபிலிம் மேக்கராக தன்னை நிரூபித்திருக்கிறார். ஆனால் பாடல் காட்சியில் சில இடங்களில் பழைய ஸ்லிம், ட்ரிம் சிம்பு ஃபு​ட்​டேஜைப் பயன்படுத்தியிருப்பது அப்படியே தெரிகிறது. எல்லாம் பரபரப்பாக துவங்கி அதே பரபரப்புடன் முடிந்த பின்னும் கூட படம் முடியாம​​ல்​ க​​டைசி வில்லனையும் பழி வாங்கும் வரை நீ​ட்ட்ட்ட்​ட்டுவதும், அதற்காக சிம்பு சொல்லும் காரணமும்.​..​போங்காட்டம் ட்யூட்​.

சிம்பு ரசிக்கும்படியான நடிப்பையே வழங்கியிருக்கிறார். தங்களை எதற்கு கொல்லப் பார்க்கிறார்கள் என குழம்பித் தவிப்பதும், திருப்பி அடிக்கணும் என கிளம்புவதுமாக சீரியஸ் சிம்பு. இரண்டிலுமே சக்ஸஸ் சிம்பு.​ ஆனால் படம் முழுக்க ஸ்லிம் சிம்பும், பப்ளி சிம்புவும் மாறி மாறி வருகிறார்கள்​.​ கொஞ்சம் உடம்பைக் குறையுங்க எஸ்டிஆர். மஞ்சிமா அழகு.சில முகபாவனைகள், வசனங்கள், சிரிப்பு மூலமாகவே கவர்கிறார். ஆனால், நடிப்பு? சிம்பு நடிப்பதை ஆச்சர்யத்துடன் பார்க்கும் ஒரு ஆடியன்ஸாகவே திரிந்தால் எப்படி மேடம்? வில்லனா, சைக்கோவா எனக் குழப்பமான ஒரு ரோலில் பாபா சேகல். கெளதம் படத்தின் கலக்கல் காஸ்டிங் இதில் மிஸ்​ஸிங்​

​“வண்டி இடிச்சதும், செத்துருவேனோனு பயந்து ஐ லவ் யூ சொல்லிட்டேன்” என்று சிம்பு சொல்ல, “அந்த நேரம் அம்மாவுக்கு போன் பண்ணி பேச​ணு​ம், அப்பாவுக்கு குட் பாய் சொல்லனும்னு லாம் தோனாதுல?” என்று கவுண்டரிலும் ரசிக்கவைக்கும் சதீஷ், சிம்புவுடன் நடனத்திலும், நடிப்பிலும் இறுதிவரை தி குட் பர்ஃபார்மர்.

டான் மெஹ்தார் ஒளிப்பதிவு சில இடங்களில் மட்டுமே வாவ்​​. ​நீண்ட நாட்க​ளுக்குப் பிறகு, பின்னணியிலும், பாடலிலும் வித்தியாசமான காம்போவாக எதிர்பார்த்தற்கு மேலேயே ஆச்சரியப்படுத்துகிறார் ஏ.ஆர். தள்ளிப் போகாதே, அவளும் நானும், ராசாளி, சோக்கலி எனப் படம் முழுக்க​ ​ ஏகப்பட்ட காதல் ராகங்கள்!​ ஆண்டனியின் எடிட்டிங்​ படத்தின் ப்ளஸ்​. கதையைச் சொல்வதும், பாதியிலேயே காட்சியை விளக்குவதும் பின்னர் அதே காட்சியில் கதை சொல்வதும் என ப்ளா​ஷ்பேக்​சீன்களை படத்தின் நேர்க்கோட்டுடன் ஒன்றுவதுபோலவும் அமைந்திருக்கும் எடிட்டிங் கொஞ்சம் புதுசு. எமோஷனல் காட்சிகளிலும் ஆக்‌ஷனிலும் நம்மை பதபதைக்கவைக்கிறது ஆண்டனியின் கத்திரி.

​படம் முழுக்க ஏகப்பட்ட லாஜிக் ஓட்டைகள். 5 நாள் ட்ரிப் போயிட்டு வர்றேன்னு வீட்டில் சொல்லும் சிம்பு, பைக் எடுத்துக்கொண்டு மகாராஷ்டிரா வரைப்போகிறார். சாகக்கிடக்கும் தருணத்திலும் பீட்டரில் ஃபீல் செய்வதெல்லாம் ரொம்பவே ஓவர்.​அந்த ​கமர்ஷிய​ல் கிளைமேக்ஸும் நம்பும்படியாக இல்லை.​ 

சிம்பு கவுதம் இணைந்து வழங்கிய ‘விண்ணை தாண்டி வருவாயா’, இளசுகளின் மனங்களில் இப்பவும் எவர்கிரீன்தான். இந்த கூட்டணியின் மறு வருகைக்காக காத்திருந்த அத்தனை பேருக்கும் பஸ்சை பத்தே வினாடியில் தவறவிட்ட அதிர்ச்சி! இருக்காதா பின்னே?

படம் பார்க்க மனசிருந்தும், பர்சை திறந்தால் காத்துதானே வருது ?! எல்லாம் பிரதமர் மோடியின் கைங்கர்யம். கோயம்பேடு காய்கறி மார்க்கெட்டையும், சிந்தாதிரிப்பேட்டை கருவாடு மார்க்கெட்டையும் ஒண்ணுமில்லாமல் ஆக்கிவிடும் போலிருக்கிறது பேங்க் மற்றும் ஏடிஎம் வாசலில் நிற்கிற கூட்டம். சட்டை கசங்கி சைடு பட்டன் கிழிந்து வெளியே வந்து அன்றாட சோற்றுக்கு இலை வாங்குவதா, அச்சமென்பது படத்துக்கு போவதா என்றால், யார் என்ன முடிவை எடுப்பார்கள் என்பதை பளிச்சென்று சொல்லிவிடலாமே?

அப்படிதான் தமிழ் நாட்டில் பாதி தியேட்டர்களை ஈயாட விட்டுவிட்டார் மோடி. இதில் பெரிதும் அடி வாங்கிவிட்டதாம் ‘அச்சமென்பது மடமையடா’. போட்டிக்கு பெரிய படங்கள் ஏதுமின்றி வெளியான அச்சமென்பது மடமையடா, ஒரு போட்டியும் இல்லாத நிலையிலேயே நிலை குலைந்து போயிருப்பதுதான் பேரதிர்ச்சி. சிம்பு, ரஹ்மான், கவுதம் மேனன் கூட்டணிக்கு முதல் நாள் கலெக்ஷன் 4 கோடி ஆகுமாம். ஆனால் இப்போதைய வசூல், வெறும் 2 கோடியே 68 லட்சம்தான்.

நாட்ல இருக்கிற எல்லா ஏடிஎம் மும் புல் ஆனால்தான் கவுதம் மேனன் பாக்கெட்டும் புல் ஆகும் போலிருக்கு.

மொசுக்கட்டை இப்படி மோடி வடிவிலா வந்து கடிக்கணும்?

யப்பா… கலைஞர் பேமிலிக்கு சம்பந்தி ஆனாலும் ஆனார். ஓவராக உரிமை எடுத்துக் கொள்கிறது அந்தக்கட்சி. கடவுள் கந்தசாமிக்கே அடுக்காத இந்த காரியத்தை எந்தெந்த சாமிகளோ யூஸ் பண்ணுவதுதான் விக்ரமுக்கு வந்திருக்கும் புதிய தலைவலி.

திருப்பரங்குன்றம் தொகுதிக்கான இடைத்தேர்தல் நடைபெறவிருக்கிறது அல்லவா? நடிகரும் மருத்துவருமான சரவணன்தான் இந்த தொகுதியின் திமுக வேட்பாளர். திருப்பரங்குன்றம், கடவுள் முருக பெருமானின் அறுபடை வீடுகளில் ஒன்று. முருகனுக்கும் எலக்ஷனுக்கும் ரூட் போட்ட சரவணன், அப்படியே அந்த ரூட்டை கண்டபடி இழுத்து கந்தசாமி படம் வரைக்கும் வந்துவிட்டார்.

தீமைகளை தட்டிக் கேட்கிற முருகனின் வாகனமான சேவல், அந்த சேவல் கெட்டப்பில் வந்து எதிரிகளை பந்தாடிய விக்ரம், என்று கோர்த்து வாங்கி பிரச்சாரத்திற்குள் நுழைத்துவிட்டார். எப்படி தெரியுமா? ‘கந்தசாமி’ படத்தில் வரும் சீயான் விக்ரம் கெட்டப்பில், விக்ரம் சாயலிலேயே ஒருவரை கொண்டு வந்து அவரை பிரச்சார வேனில் ஏற்றி தெரு தெருவாக சுற்ற விடுகிறார் சரவணன்.

மக்கள் அனைவரும் விக்ரம் வந்துட்டாரு விக்ரம் வந்துட்டாரு என்று ஆர்வத்தில் கூச்சலிட, அந்த கூச்சல் சென்னை வரைக்கும் கேட்டு விக்ரமை அதிர வைத்திருப்பதுதான் செம ட்விஸ்ட்! விளக்கேத்தணும்னு முடிவாயிருச்சு. அது வௌக்கெண்ணையா இருந்தா என்ன? வேப்பெண்ணையா இருந்தா என்ன?