!...Payanam...!

கடந்த சில தினங்களாகவே கோடம்பாக்கம் குறுகுறுப்பாக கவனித்து வரும் ஒரு விஷயம்… “விஜய் என்ன பண்ணுறார்?” என்பதுதான்.

அவருதான் பைரவா ஷுட்டிங்ல இருக்காரே… அதைவிட வேறென்ன பண்ணப் போறார்? இப்படிதானே பதில் வரும்? ஆனால் கோடம்பாக்கத்தின் குறுகுறு கவனிப்புக்கு பின் வரும் பதில், அது இல்லீங் மக்கா!

சென்னையில் ஆக்டிவாக இருக்கும் அவரது மன்றப் பொறுப்பாளர் ஒருவரும், விஜய்யின் முன்னாள் பிஆர்ஓ ஒருவரும் தமிழகத்தின் பல்வேறு மாவட்டங்களில் ஆக்டிவாக இருந்து தற்போது அதிருப்தியாக இருக்கும் சில தேமுதிக நிர்வாகிகளுக்கு போன் அடிக்கிறார்களாம். “நம்ம இயக்கத்துக்கு வந்திருங்க. உங்களுக்கு பிரைட்டான எதிர்காலத்தை ஏற்படுத்தி தர்றோம்” என்கிறதாம் இந்த போன் உரையாடல்.

இதையெல்லாம் விஜய் செய்யச் சொன்னாரா? அல்லது இவர்களாகவே ஆர்வ மிகுதியால் இப்படி செய்கிறார்களா தெரியாது. ஆனால் இவர்கள் அடித்த பந்து சரியாக கோல் போட்டிருக்கிறதாம். சிலர், நாங்க ரெடி…எப்போ எப்போ என்று கேட்டு வருவதாகவும் தகவல்.

ஒரு காலத்தில் விஜய்யை கிராமம் வரைக்கும் அழைத்துச் சென்றவரே விஜயகாந்த்தான். அவரது கட்சியிலேயே ஓட்டை போடுகிற வேலை நடக்கிறதே… அது தர்மமா? நியாயமா? என்ற கேள்விகள் எழும் முன் சுதாரித்துக் கொள்வது விஜய் நற்பெயருக்கு நல்லது.

ஆமாம்… அம்மாங்கிற பயம் போச்சா

தனுஷின் முதல் டூயல் ரோல் படமென்பதால் ரசிகர்கள் மத்தியில் மிகப்பெரிய எதிர்பார்ப்பை கிளப்பி விட்டிருந்த படம்!

கருணாஸூக்கு பிறக்கும் இரட்டை குழந்தைகளில் மூத்தவர் தனுஷ் கொடி, இளையவர் தனுஷ் அன்பு.

அண்ணன் கொடி பெயருக்கு ஏற்ற மாதிரியே எஸ்.ஏ.சந்திரசேகர் தலைவராக இருக்கும் கட்சியில் சேர்ந்து, அதே கட்சியில் தொண்டனாக இருந்து உயிரை விட்ட தனது அப்பாவின் ஆசையை நிறைவேற்றும் பொருட்டு மெல்ல மெல்ல முன்னேறி கட்சியில் இளைஞர் அணி தலைவர் ஆகிறார்.

இவருக்கும் ஆளும் கட்சியில் மேடைப் பேச்சாளராக இருக்கும் த்ரிஷாவுக்கும் லவ். இளையவரான அன்பு ஒரு கல்லூரியில் புரொபஸராக வேலை செய்கிறார். இவருக்கும் பிராய்லர் கோழி முட்டைகளை கலர் மாற்றி நாட்டுக்கோழி முட்டை என்று சொல்லி விற்கும் அனுபமா பரமேஸ்வரனுக்கும் லவ்.

பாதரசக் கழிவுகளால் ஊர் மக்களுக்கு பாதிப்பை ஏற்படுத்தும் மூடப்பட்டிருந்த ஒரு தொழிற்சாலை பற்றிய ஆதாரங்கள் தம்பி தனுஷ் மூலம் அரசியல்வாதி அண்ணன் தனுஷுன் கைக்கு கிடைக்கிறது. அதில் அவர் இருக்கும் கட்சியைத் சேர்ந்த தலைவர் உட்பட பலரும் சம்பந்தப்பட்டிருப்பது தெரிய வருகிறது.

இந்த ரகசியத்தை ஆளும் கட்சியைச் சேர்ந்த தன் காதலியான த்ரிஷாவிடம் யதேச்சையாகச் சொல்ல அவரோ அதை மீடியாக்களிடம் பேசி தன் கட்சி சார்பில் தான் போட்டியிடும் எம்.எல்.ஏ தேர்தலுக்கு சாதகமாக்கிக் கொள்கிறார். இதனால் தனுஷுக்கு அவர் கட்சியில் நெருக்கடி ஏற்படுகிறது.

அந்த நெருக்கடிகளிலிருந்து தப்பித்து அரசியலில் தனுஷின் கொடி உயரப் பறந்ததாரா? இல்லையா? என்பதே கிளைமாக்ஸ்.

அரசியல்வாதி கொடி; கல்லூரி பேராசியர் அன்பு என இரட்டை வேடங்களில் அசத்தியிருக்கிறார் தனுஷ். இரண்டு கேரக்டருக்கும் குரல் ஒன்று தான் என்றாலும் வசன உச்சரிப்புகளில் வித்தியாசம் காட்டி ரசிக்க வைக்கிறார்.

தாடி, மீசையோடு வெள்ளை வேட்டி, சட்டையோடு வந்தால் அண்ணன் கொடி தனுஷ்; க்ளீன் ஷேவ் செய்து பேண்ட் சட்டையோடு வந்தால் இளையவர் தனுஷ். நல்லவேளையாக இரட்டை கேரக்டர்களுக்கு வித்தியாசம் காட்டுகிறேன் பேர்வழி பதற வைக்கும் மேக்கப் இல்லாதது சிறப்பு.

கதை அரசியலைப் பற்றி பேசுவதால் இளையவர் தனுஷை விட மூத்தவர் கொடி தனுஷைச் சுற்றித்தான் கதை நகர்கிறது. அவருக்குத்தான் காட்சிகளும் அதிகம். அண்ணன் கொடி தனுஷ் திரையில் செம கெத்தாக எண்ட்ரி கொடுக்கும் போதே தியேட்டரில் விசில், கைதட்டல் சத்தம் காதைக் கிழிக்கிறது!

‘அரண்மனை 2’ வில் ஆவியாக பார்த்த த்ரிஷாவை இதில் அரசியல்வாதியாக பார்க்கலாம். பதவிக்காக எந்த லெவலுக்கும் இறக்கும் ஒரு தைரியமான பெண் அரசியல்வாதி அவர். லோ வெயிட்டில் அவரை பார்க்கும் போது பல காட்சிகளில் சிரிப்பை வரவழைத்தாலும் ஆக்ரோஷமான எக்ஸ்பிரஸன்கள் மூலம் அந்தக் குறை பெரிதாகத் தெரியாமல் பார்த்துக் கொள்கிறார்.

‘பிரேமம்’ புகழ் அனுபமா பரமேஸ்வரன் இளைய தனுஷுக்கு ஜோடி. இவர் வரும் காட்சிகளில் துறுதுறுப்பான நடிப்பால் வசீகரம் செய்கிறார். குறைவான காட்சிகளிலும் நடிப்பில் நிறைவு.

வழக்கமாக பல படங்களில் பார்க்கும் ஹீரோக்களின் அம்மாவைப் போலவே இந்தப் படத்திலும் வந்து போகிறார் சரண்யா பொன் வண்ணன். எதிர்கட்சித் தலைவராக வரும் எஸ்.ஏ.சந்திரசேகரனுக்கு ஆர்ப்பாட்டமில்லாத அமைதியான வில்லத்தனம்! மாரிமுத்து, விஜயகுமார், காளி வெங்கட் என மற்ற கேரக்டர்களும் அவர்கள் வேலையை செவ்வனே செய்திருக்கிறார்கள்.

சந்தோஷ் நாராயணனின் இசையில் பின்னணி இசை மாஸ் படத்துக்குரிய மிரட்டல். பாடல்களில் ”ஏ சுழலி” மனசை உருக்கும் மெலோடி! இரட்டை தனுஷூக்கும் இடையே உள்ள வேறுபாட்டையே ஈஸியாக கண்டுபிடிக்கிற வைகையில் தேர்ந்த ஒளிப்பதிவை கொடுத்திருக்கிறார் எஸ்.வெங்கடேஷ்

தொழிற்சாலை கழிவுகள் பிரச்சனை, அரசியலில் நீயா நானா போட்டி என சீரியஸான மேட்டரை கமர்ஷியல் கலந்து பக்கா அரசியல் படமாக தந்திருக்கிறார் இயக்குநர் துரை. செந்தில்குமார். ‘எல்லோரும் பொறக்கும் போது ‘சிங்கிள்’ தான். நான் பொறக்கும் போதே டபுள்ஸ்”, “சேர்க்கிறதுக்கு பேரு கூட்டம் இல்ல; சேர்றதுக்கு பேர் தான் கூட்டம் ” என தனுஷ் பேசுகிற பஞ்ச்சுகளுக்காகவே தனுஷின் கொடி ரொம்பவே உயரப் பறக்கிறது!!

தீபாவளியை முன்னிட்டு கொடி, காஷ்மோரா ஆகிய படங்கள் மட்டுமே திரைக்கு வந்துள்ளது. இந்நிலையில் இந்த படங்கள் இரண்டுமே ரசிகர்களை ஓரளவு திருப்தி படுத்தியுள்ளது.

கொடி 3 நாள் முடிவில் தமிழகத்தில் மட்டுமே ரூ 20 கோடி வரை உலகம் முழுவதும் சேர்த்து ரூ ரூ 25 கோடி வரை வசூல் செய்துள்ளதாம்.

அதேபோல் காஷ்மோராவும் தமிழகத்தில் ரூ 20 கோடி, ஆந்திரா தெலுங்கானாவில் ரூ 13 கோடி உலகம் முழுவதும் ரூ 40 கோடி வரை வசூல் செய்துவிட்டதாம்.

வரும் வாரங்களில் பெரிய படங்கள் ஏதும் இல்லாததால் இந்த இரண்டு படங்களுமே ஹிட் வரிசையில் இடம்பிடித்துவிடும் என தெரிகின்றது.

நடிகர் சிவகுமார் தனது 75வது பிறந்தநாளை 27 அக்டோபர் 2016 அன்று கொண்டாடினார். அனைத்து தரப்பு பிரபலங்களிடமிருந்தும், ரசிகர்களிடமிருந்தும் அவருக்கு வாழ்த்துகள் குவிந்தன.

ரஜினிகாந்த், கடந்த 12ம்தேதி அன்று சிவகுமாருக்கு எழுதிய கடிதம் ஒன்று வெளியிடப்பட்டது. மனம்திறந்து சிவகுமாரைப் பாராட்டிய ரஜினி, ‘சிவகுமார் சொல்வதைக் கேட்டால் ஆரோக்கியமாகவும் நிம்மதியாகவும் இருக்கலாம்’ என்று வெளிப்படையாகத் தெரிவித்திருக்கிறார்.

அந்தக் கடிதத்தில் கூறப்பட்டுள்ளதாவது:

 ‘மதிப்பிற்குரிய சிவக்குமார் அவர்களுடன் நான் நடித்த படங்கள் இரண்டுதான். ஒன்று ‘புவனா ஒரு கேள்விக்குறி’, மற்றொன்று ‘கவிக்குயில்’. அவருடன் பழகியதிலிருந்து நான் கற்றுக்கொண்ட விஷயங்கள், நல்ல பழக்க வழக்கங்கள் என் வாழ்க்கையில் மறக்க முடியாது. அந்த கணத்தில் நான் மது, புகைப்பிடித்தல் போன்ற பழக்கங்களுக்கு அடிமையாக இருந்த நேரம். மதிப்பிற்குரிய சிவக்குமார் அவர்கள் சலிக்காமல் ஒவ்வொரு நாளும் ‘இந்த பழக்கங்களை எல்லாம் விட்டுவிடு ரஜினி, நீ பெரிய நடிகனாக வருவே, இந்த கெட்டப் பழக்கங்களால உன்னோட உடம்பை கெடுத்துக்காத’ எப்படின்னு சொல்லிகிட்டே இருப்பாரு. என்னடா இந்த ஆள் நம்மள நிம்மதியா விடமாட்டேங்கறாரே என்று எனக்கே சில நேரங்களில் சலிப்பாயிருக்கும்.

என் மேலே அவருக்கு அந்த அளவுக்கு அன்பு, பாசம், நம்பிக்கை. அவர் நல்ல மனிதர். நல்ல உள்ளம் கொண்டவர். ஒழுக்கமானவர், நேர்மையானவர், ஆண்டவனால் ஆசிர்வதிக்கப்பட்டவர். இதுபோன்ற மனிதர்கள் சொல்லுவதெல்லாம் பலிக்காமல் இருக்காது; அவர் சொன்னது பலித்தது. நான் பெரிய நடிகனும் ஆனேன். அவர் பேச்சைக் கேட்காததினால் என்னுடைய உடம்பையும் கெடுத்துக்கொண்டேன்.

இன்னைக்கும் அவர் சொல்கின்ற ஒவ்வொரு வார்த்தைகளும் உண்மை. அவர் சொல்கிறபடி நடந்துகிட்டா ஆரோக்யமாகவும், நிம்மதியாகவும் இருக்கலாம். இந்த மாபெரும் கலைஞன், மனிதன் நீடூழி வாழ்கவென்று ஆண்டவனை வேண்டி இந்த அவருடைய 75-வது பிறந்தநாளில் நான் மனதார வாழ்த்துகிறேன்.

-அன்புடன்
ரஜினிகாந்த்

1984 ம்ஆண்டு இதே நாளில்தான் முன்னாள் பிரதமர் இந்திராகாந்தி தன் வீட்டு பாதுகாவலர்களால் சுட்டுக்கொல்லப்பட்டார்.  இந்தியாவின் உறுதிமிக்க பெண்மணியான இந்திரா தமிழகத்துடன் மிக நேருங்கிய தொடர்பு கொண்டவர். அவற்றில் சில இங்கே....

இந்தியாவின் மக்கள் ஆதரவு பெற்ற பிரதமர் நேரு மறைந்தபோது லால்பகதூர் சாஸ்திரி பிரதமராக தேர்வு செய்யப்பட்டார்.

1966 ல் ரஷிய தலைநகரில் நடந்த ஒப்பந்தத்தில் கையெழுத்திட சென்ற லால்பகதுார் சாஸ்திரி மர்மமான முறையில் மரணமடைந்தார். அப்போது அகில இந்திய தலைவராக இருந்த காமராஜர், இந்திராவை இந்தியாவின் அடுத்த பிரதமராக முன்னிறுத்தினார். மத்திய செய்தி ஒலிபரப்பு மந்திரியாக இருந்த இந்திராவை மொரார்ஜிதேசாய் என்ற கட்சியின் மிக மூத்தவரும் சக்தி மிக்க அரசியல்வாதியையும் மீறி தன் அரசியல் சாணக்கியத்தனத்தால் இந்தியாவின் பிரதமராக்கி அவரை தலைவராக அங்கீகரிக்கச் செய்தவர் தமிழரான காமராஜர்தான்.

மறைந்த முன்னாள் பிரதமர் இந்திராவுக்கு மிகவும் பிடித்த உடை சேலை. குறிப்பாக காஞ்சிபுரம் பட்டுச்சேலை. காஞ்சிப்பட்டின் டிசைன்களுக்கு அவர் பெரும் ரசிகர். தமிழகத்திலிருந்து அவரை மரியாதை நிமித்தம் சந்திக்கச் செல்கிறவர்கள் காஞ்சியில் நெய்த பட்டுச்சேலையைதான் அவருக்கு பரிசளிப்பார்கள். அவற்றிலுள்ள டிசைன்களை அவரிகளிடம் விளக்கச்சொல்லி கேட்டு மகிழ்வார் அவர். சேலையணிந்த புவும் பொட்டுமாக தலையில் புச்சுடி ஒரு தமிழ்பெண்மணிபோன்ற தோற்றத்தை அவர் பெரிதும் விரும்பினார்.

தன்னை எதிர்த்துநின்ற பெரும் அரசியல்தலைவர்களை தன் ஒரே கையெழுத்தில்  எமர்ஜென்சி கொண்டுவந்து சமாளித்த அதிரடி அரசியல் தலைவர் இந்திரா. இந்திரா கொண்டுவந்த எமர்ஜென்சியை கடுமையாக எதிர்த்த மாநிலங்களில் முதன்மையானது தமிழகம். குறிப்பாக கருணாநிதி தலைமையிலான திராவிட முன்னேற்றக்கழகம். எமர்ஜென்சியை கடுமையாக எதிர்த்த பத்திரிகைகளும் தமிழகத்தைச் சேர்ந்தவையே.

தமிழகத்தில் வேரூண்றியிருந்த திராவிட இயக்கம்  நேரு காலத்திலிருந்தே காங்கிரசுக்கு குடைச்சல்தந்த விஷயம். தந்தையால் நான்சென்ஸ் என்று எரிச்சலான  வார்த்தையை பெற்ற திமுக, இந்திராவுக்கும் அதே படபடப்பை பின்னாளில் தந்தது. தமிழகத்தில் திராவிட இயக்கத்தின் வலிவை குறைக்கும் முகமாகத்தான் இந்திராவின் சாணக்கியத்தனத்தால் திமுக எம்.ஜி.ஆர் பிளவு நிகழ்ந்ததாக கருணாநிதி குறிப்பிடுகிறார் தன் நெஞ்சுக்கு நீதி நுாலில். பின்னாளில் திராவிட இயக்கங்கள் இந்திராவுக்கு சகலைகளானது வேறு விஷயம்.

திராவிட இயக்கத்தின் கொள்கைகளில் ஊறி வளர்ந்தவர் என்றாலும் சுதந்திர போராட்டத்தில் பங்கெடுத்த குடும்பம் என்ற அடிப்படையில் நேரு குடும்பத்தின் மீது ஒருவித பாசம் கொண்டிருந்தவர் எம்.ஜி.ஆர். இந்திரா கொண்டுவந்த 'இருபது அம்ச திட்டத்தை எல்லோரும் வசைபாடிக்கொண்டிருந்தபோது அதை மறைமுகமாக தம் படங்களில் காட்சிகளாக அமைத்ததோடு அதை வெகுவாக பாராட்டி பேசியவர் எம்.ஜி.ஆர்.

1984 ல் எதிர்பாராதவிதமாக உடல்நலம்குன்றிய எம்.ஜி.ஆரை சிறப்பு விமானத்தில் வந்து சென்னை அப்பல்லோவில் பரிவோடு பார்த்து சென்றவர் இந்திரா. இந்திராவின் விரைவான நடவடிக்கையால்தான் உடனடியாக அமெரிக்கா அழைத்துச்செல்லப்பட்டு எம்.ஜி.ஆரை காப்பாற்ற முடிந்தது.  அமெரிக்க மருத்துவமனையில் அரைகுறை உணர்வோடு அவர் இருந்தபோதுதான் இந்திராவின் கொடூர மரணம் நிகழ்ந்தது. ஆனால் தகவல் அவருக்கு சொல்லப்படவில்லை. காரணம் அவரது மனநிலையை பாதிக்கும் எந்த விஷயத்தையும் அவருக்கு தெரிவிக்கக்கூடாதென்ற மருத்துவர்களின் எச்சரிக்கை. புரண நலம்பெற்று சில மாதங்களுக்கு பின்னரே இந்திராவின் மரணம் அவருக்கு தெரிவிக்கப்பட்டது. அதிர்ச்சியடைந்தவர் அங்கிருந்தவர்களை அறையிலிருந்து வேளியேறச் சொல்லிவிட்டு கதறி அழுதார் என்பார்கள். அத்தனை பிரியம் இந்திராமீது அவருக்கு.

இந்திராவை அதிகம் அசைத்துப்பார்த்த தமிழக தலைவர் கருணாநிதி. அரசியல் களத்தில் வேறு எந்த தமிழக தலைவரும் இந்திராவுக்கு அந்தளவுக்கு டஃப் கொடுத்திருப்பார்களா என்பது சந்தேகமே. ஊடலும் கூடலுமாக திமுக- காங்கிரஸ் கூட்டணி இருந்தபோது தமிழகத்தில் நடந்த சம்பவங்கள் பல அரசியல் சர்ச்சைகளை கொண்டது. திமுகவுடன் காங்கிரஸ் கூட்டணி அமைத்த பிறிதொரு சந்தரப்பத்தில் சென்னை கடற்கரையில் நடந்த பிரமாண்ட கூட்டத்தில், 'கருணாநிதி நான் மதிக்கும் மனிதர்களில் விந்தையானவர். நண்பர் என்றால் நண்பர், விரோதி என்றால் விரோதி. ஒருவரைப்பற்றி இதில் எந்த நிலைப்பாட்டை எடுத்தாலும் உறுதியாக நிற்பார் அவர்” என கடந்த காலங்களை அசைப்போட்டபிடி கருணாநிதியை திரும்பிப்பார்த்தபடி குறிப்பிட்டார்.

தஞ்சை பெரிய கோவில் அரசியல்தலைவர்களுக்கு ராசியற்ற கோவிலாக கடந்தகாலத்தில் கூறப்படுவதுண்டு. அந்த கோவிலுக்கு சென்று வந்தபின் எம்.ஜி.ஆர் உடல்நலம் குன்றியதாகவும், கோவிலின் பிரகாரத்தில் வராஹி என்ற அம்மன் சிலை அமைக்க நடவடிக்கை எடுத்தபோதுதான் கருணாநிதியின் ஆட்சி பறிபோனதாகவும் பேசப்படுகிறது. இந்த வதந்தியில் சிக்கிய வட இந்திய தலைவர் இந்திராவும் ஒருவர். அதாவது அந்த புதிய வாராஹி அம்மன் சிலை அமைப்பதற்காக ஏற்கனவே இருந்த மண்டபத்தை இடிக்க உத்தரவிட்டதனாலேயே தம் பிரதமர்  பதவியை அவர் இழந்தார் என்பார்கள்.

மத்தியில் ஆட்சியை இழந்திருந்த இந்திராகாந்தி அன்றைய எம்.ஜி.ஆர் ஆட்சிக்காலத்தில் தமிழகத்தில் போட்டியிடும் வாய்ப்பு ஒன்று உருவானது. ஆனால் அன்றைய அரசியல் சூழலினால் அந்த வாய்ப்பை தமிழகம் இழக்கநேர்ந்தது. ஒருவேளை தமிழகத்தில் அவர் போட்டியிட்டிருந்தால் மத்திய அரசில் தமிழகத்தின் மீதான பிம்பம் களைந்து தமிழகம் இன்னும் பலபடிகள் முன்னேறியிருந்திருக்கலாம்.

காங்கிஸ் உடைந்து இந்திரா காங்கிரஸ் ஸ்தாபன காங்கிரஸ் என இயங்கிவந்தபோது காங்கிரஸ் கொஞ்சம் கொஞ்சம் வலுவிழந்து போய்க்கொண்டிருந்ததை காமராஜர் வருத்தத்தோடு பார்த்துக்கொண்டிருந்தார். காமராஜரின் மனவேதனையை உணர்ந்து இரு காங்கிரஸ் கட்சிகளும் இணைந்து செயல்பட இந்திராவிடம் துாது சென்றவர் ஒரு தமிழக பத்திரிகையாளர். மீண்டும் ஆட்சித்தலைமை மற்றும் கட்சித்தலைமை என இரண்டு அதிகார மையங்கள் உருவாவதை விரும்பாத இந்திராவின் இயல்பான குணம், அதை ஏற்கவில்லை. ஒருவேளை தமிழக பத்திரிகையாளரின் கோரிக்கைக்கு இந்திரா அப்போதே செவிமடுத்திருந்தால் காங்கிரஸ் இன்று ஆளும்கட்சியாகக்கூட தமிழகத்தில் வலுப்பெற்றிருக்க வாய்ப்பிருந்திருக்கலாம்.

தீபாவளி கொண்டாட்டங்கள் முடிந்து, சென்னையில் வணிக நிறுவனங்கள், அலுவலகங்கள் இயல்பு நிலைக்குத் திரும்பியுள்ளன. ஒருசில அலுவலகங்களில் ஊழியர்கள் வருகை சற்று குறைவாகக் காணப்பட்டாலும், தனியார் மற்றும் அரசு அலுவலகப் பணியாளர்கள் இன்று வழக்கம்போல் தங்களது பணிகளைத் தொடங்கியுள்ளனர்.

சென்னை அப்போலோ மருத்துவமனையில் செப்டம்பர் 22-ம் தேதி அனுமதிக்கப்பட்ட முதல்வர் ஜெயலலிதாவுக்கு 40 நாட்கள் தாண்டிய நிலையிலும், தொடர்ந்து தீவிர சிகிச்சை அளிக்கப்பட்டு வருகிறது. மருத்துவமனை சார்பில் இதுவரை 11 அறிக்கைகள் வெளியிடப்பட்டுள்ளன. நுரையீரல் நோய்த் தொற்று, இதயநோய் சிகிச்சை, பிஸியோதெரபி உள்ளிட்ட சிகிச்சைகள் சிறப்பு மருத்துவர்களைக் கொண்டு அளிக்கப்பட்டு வருகிறது. லண்டனிலிருந்து வந்த நுரையீரல் நோய் சிறப்பு மருத்துவர் ரிச்சர்டு பீலே, சிங்கப்பூர் மருத்துவர் மற்றும் டெல்லி எய்ம்ஸ் மருத்துவமனையில் இருந்து வந்த மருத்துவர்கள், முதல்வர் ஜெயலலிதாவுக்கு சிகிச்சை அளித்துள்ளனர். ஜெயலலிதா, மருத்துவர்களின்  தொடர் கண்காணிப்பில் இருப்பதாக மருத்துவமனை சார்பில் வெளியிடப்படும் ஒவ்வொரு அறிக்கையிலும் தவறாமல் தெரிவிக்கின்றனர்.

அப்போலோ மருத்துவமனையில் சிகிச்சை பெற்று வரும் முதல்வர் ஜெயலலிதாவின் உடல்நலம் குறித்து, விடுதலை சிறுத்தைகள் கட்சித் தலைவர் தொல். திருமாவளவன் தொடங்கி, காங்கிரஸ் துணைத் தலைவர் ராகுல் காந்தி வரை, தமிழக தலைவர்கள் மட்டுமின்றி, அகில இந்திய அரசியல் தலைவர்கள் பலரும் அப்போலோ மருத்துவமனைக்கு வந்து விசாரித்துச் சென்றுள்ளனர்.  தமிழக அரசியல் களத்தில் பரபரப்பு தொற்றிக்கொண்ட தருணத்தில், அரசியல் வேறுபாடுகளுக்கு அப்பாற்பட்டு, தி.மு.க பொருளாளர் மு.க. ஸ்டாலின், கருணாநிதியின் துணைவி ராசாத்தி அம்மாள் உள்ளிட்டோரும் அப்போலோவில் சிகிச்சை பெறும் முதல்வர் ஜெயலலிதாவின் உடல்நலம் குறித்து கேட்டறிந்தனர்.

தீபாவளிப் பண்டிகை நெருக்கத்தில் வந்தபோது, ஜெயலலிதா, தீபாவளிக்கு முன் வீடு திரும்புவார் என்று பரவலாக தகவல்கள் வெளியாகின.  போயஸ்கார்டன் இல்லத்தில் ஜெயலலிதாவின் உடல்நிலையைக் கண்காணிக்கும் வகையில் சிறப்பு வசதிகளும் செய்யப்பட்டன. வேறு சிலரோ, ஜெயலலிதா சிறுதாவூர் இல்லத்திற்குத் திரும்புவார் என்று தெரிவித்தனர். தீபாவளிக்கு முந்தைய நாள் வரை, ஜெயலலிதா வீடு திரும்புவது பற்றிய இதுபோன்ற தகவல்கள் வெவ்வேறாகப் பரவிக் கொண்டே இருந்தன. ஆனால், அதுபோன்ற எந்த நிகழ்வும் ஏற்படவில்லை.  முதல்வர் அப்போலோ மருத்துவமனையில் இருப்பதால், அ.தி.மு.க-வினருக்கு இந்த தீபாவளிப் பண்டிகை பெரிய அளவில் மகிழ்ச்சியைத் தரவில்லை. பெயரளவுக்கு தீபாவளியைக் கொண்டாடினர்.

சென்னையைப் பொருத்தவரை, பல்வேறு ஊர்களில் இருந்து பணி நிமித்தம் இங்கு வந்து தங்கியிருப்போர் அதிகம் என்பதால், பெரும்பாலானோர் தீபாவளிக்காக வெளியூர்களுக்குச் சென்றனர். இதனால், கடந்த வாரத்தின் இறுதி நாட்களில், அப்போலோ மருத்துவமனை வளாகம் சற்றே பரபரப்பின்றி காணப்பட்டது.

சென்னையில் இன்று வழக்கமான அலுவல்கள் எப்போதும்போல் தொடங்கியிருப்பதால், அப்போலோவும் அதற்கு விதிவிலக்கல்ல என்பது போல், மீண்டும் பரபரப்பு தொற்றிக் கொண்டது.  அன்றாடம் வருகை தரும் அ.தி.மு.க செய்தித் தொடர்பாளர் சி.ஆர். சரஸ்வதி, காங்கிரஸ் முன்னாள் எம்.எல்.ஏ யசோதா ஆகியோர் அப்போலோ மருத்துவமனைக்கு வருகை தந்தனர்.

ஜெயலலிதா, உடல்நலம் தேறி வருவதாக சி.ஆர். சரஸ்வதி எப்போதும் போல் குறிப்பிட்டார். இதே கருத்தை யசோதாவும் தெரிவித்துச் சென்றார். எனினும் ஜெயலலிதா முழுமையாக உடல்நலம் தேறி, வீடு திரும்ப குறைந்தது 10 நாட்களுக்கு மேல் ஆகும் என்று தகவலறிந்த வட்டாரங்கள் தெரிவித்துள்ளன. ஜெயலலிதாவின் உடல்நிலையில், முன்னெப்போதும் இல்லாத அளவு முன்னேற்றம் ஏற்பட்டுள்ளதாகவும், அவர் களைப்பின்றி காணப்படுவதாவும் அந்த தகவல்கள் தெரிவித்துள்ளன. மருத்துவர்களின் தொடர் கண்காணிப்பு நீடிப்பதாகவும், அவர் விரைவில் வீடு திரும்புவதற்கான நடவடிக்கைகள் மேற்கொள்ளப்பட்டு வருவதாகவும் தெரிவிக்கப்பட்டுள்ளது.

சிக்கனம் வீட்டை காக்கும்-சேமிப்பு நாட்டை காக்கும் என்ற வார்த்தைகள் நாம் பல்வேறு காலகட்டங்களில் செவியுற்றவைத்தான். நம்மில் பலருக்கு சிக்கனம் என்பதற்கும்- கஞ்சத்தனம் என்பதற்கும் வேறுபாடு தெரிவதில்லை. சிக்கனம் செய்கிறேன் என்ற பெயரில் தன்னுடைய-தன்னுடைய
குடும்பத்தாருடைய தேவைகளை நிறைவேற்றாமல் காசை சேமிப்பதையே குறியாக கொள்வோரும் உண்டு. சிக்கனம் என்பது இதுவல்ல. சிக்கனம் என்றால் அவசியமான தேவைகளுக்கு அவசியமான அளவு [வீண் விரயமின்றி] செலவு செய்துவிட்டு மீதியை சேமிப்பதாகும். கஞ்சத்தனம் என்பது தம்மிடம் போதிய வசதியிருந்தும் தம்முடைய தம்மை சார்ந்தவர்களுடைய தேவையை மறுப்பதாகும்.

அது சரி நாமோ அல்லது நம் குழந்தைகளோ காசு சேர்க்க உண்டியலைப் பயன்படுத்துகிறோம் இல்லையா? இப்படி ல் குழந்தைகள் காசு சேர்க்க ஃபாரீன்களே ‘பிக்கி பேங்க்’ என்றழைக்கப்படும் பன்றி வடிவ உண்டியலையே பெரும்பாலும் பயன்படுத்துகிறார்களே, அது ஏன்னு தெரியுமோ? அதற்கு சுவையான பின்ன?ணி இருக்கிறது. அத்துடன் இந்த உலக சேமிப்பு நாள் பற்றியும் கொஞ்சம் தெரிந்துகொள்ள ஆர்மிருக்குதானே?

பண்டைய கிரேக்க, ரோமானிய நாகரிகங்களில் நடந்த அகழ்வாராய்ச்சிகளில் காசு சேர்க்கப் பயன்படுத்தப்பட்ட உண்டியல்கள் கிடைத்துள்ளன. இந்த உண்டியல்கள் களிமண்ணிலோ, மரத்திலோ செய்யப்பட்டிருந்தன. பெரும்பாலும் பானை வடிவம், ஜாடி வடிவத்தில் காசு போடுவதற்கான துளையுடன் அவை இருந்தன. உண்டியல் துளையைத் தலைகீழாகக் கவிழ்த்து ஓரிரு காசுகளை எடுக்கலாம் என்றாலும், மொத்தக் காசையும் எடுக்க வேண்டுமென்றால், உண்டியலை உடைக்கவே வேண்டும். அதற்குப் பிறகு அந்த உண்டியலை தூக்கிபோட்டுவிட வேண்டியதுதான்.

மத்திய காலத்தில்தான் உண்டியல்களின் வடிவமும் களிமண்ணும் மாறின. அந்தக் காலத்தில் உண்டியல் செய்ய ஆரஞ்சு வண்ணக் களிமண் பயன்படுத்தப்பட்டது. ஆங்கிலத்தில் அதன் பெயர் ‘Pygg’ (பிக்). இந்தக் களி மண்ணில் செய்யப்பட்ட உண்டியல்கள் 17-ம் நூற்றாண்டில் மிகப் பிரபலம். அது ‘Pygg Bank’ எனப்பட்டது. காலப்போக்கில் அது மருவி ‘Piggy Bank’ என்றாகிவிட்டது. பெயர் மருவிய பிறகுதான் பன்றி வடிவ உண்டியல்கள் பிரபலமடைந்தன.

உலகின் பல பகுதிகளில் பன்றிகள் அதிர்ஷ்டத்தின் அடையாளமாகவும் கருதப்படுகின்றன. ஜெர்மனியிலும் நெதர்லாந் திலும் பன்றி உண்டியல்கள் அதிர்ஷ்டப் பரிசாகவும், புத்தாண்டுப் பரிசாகவும் கொடுக்கப்படுகின்றன. இன்றைக்கு களிமண்ணைத் தவிர மற்ற பொருட்களிலும், பன்றியைத் தவிர்த்த மற்ற வடிவங்களிலும் உண்டியல்கள் செய்யப்படுகின்றன. ஆனால், ஆங்கிலத்தில் உண்டியல் பெரும்பாலும் ‘பிக்கி பேங்க்’ என்றே அழைக்கப்படுகிறது.

ஜப்பானில் மனேகி நெகோ எனப்படும் காசுப் பூனை அதிர்ஷ்டத்துக்காகவும், நல்ல எதிர்காலத்துக்காகவும் வீடுகளில் வைக்கப்படுகிறது. இதுவும் ஒரு வகை உண்டியலே. ஐரோப்பாவில் பீங்கானிலும், அழகான பொம்மைகளைப் போலவும் செய்யப்படும் உண்டியல்கள் காசு சேர்ப்பதற்காக மட்டுமல்லாமல் அலங்காரப் பொருளாகவும் பயன்படுத்தப்படுகின்றன.

19-ம் நூற்றாண்டின் மத்தியில் உலோக உண்டியல்கள் அறிமுகமாகின. 1920 – 30-களில் தகரத்தில் செய்யப்பட்ட உண்டியல்கள் வெளிநாடுகளில் பிரபலமாக இருந்தன. 1945-க்குப் பிறகு பிளாஸ்டிக் உண்டியல்கள் அறிமுகமாகின.
உலகப் போருக்கு முன்னதாக வாடிக்கையாளர்களிடம் சேமிப்புப் பழக்கத்தை அதிகரிக்க வங்கிகள் உண்டியல்களை வழங்கி வந்தன. தனியார் நிறுவனங்களும் தங்களை விளம்பரப்படுத்திக் கொள்ள இலவச உண்டியல்களை வழங்குவது பிறகு வழக்கமானது.

இன்றைக்கு பன்றி உண்டியல்கள் பிளாஸ்டிக்கில் கிடைத்தாலும், பீங்கானில் செய்யப்படுவதே வழக்கம். இந்த உண்டியல்கள் பழைய காலத்தைப் போல் இல்லாமல், அடியில் மூடியுடன் வருகின்றன. அதனால், உடைக்க வேண்டிய அவசியம் ஏற்படுவது இல்லை.

இப்போதெல்லாம் இந்தியா மட்டுமில்லாமல் உலகெங்கும் பல்வேறு உயிரினங்கள், பழங்கள், பொருட்கள் வடிவில் உண்டியல்கள் கிடைக்கின்றன. நம் ஊரில் பானை செய்பவர்களும் பொம்மை செய்பவர்களும் பல்வேறு வடிவங்களில் மண் உண்டியல்களை விற்பதைப் பார்த்திருக்கலாம்.

இந்தியாவில் ஏன் மாறியது?

இத்தாலியில் உள்ள மிலானோ நகரில் 1924 அக்டோபர் 31-ம் தேதி உலகின் ‘முதல் சர்வதேச வங்கி சேமிப்பு மாநாடு’ நடந்தது. அப்போது முதல் ‘உலக சேமிப்பு நாள்’ அனுசரிப்பது தொடங்கியது. அந்த மாநாட்டின் கடைசி நாளில் இத்தாலிய பேராசிரியர் ஃபிலிப்போ ராவிஸா ‘சர்வதேச சேமிப்பு நாளை’ அறிவித்தார். அதற்கு முன்னர் ‘உலக சிக்கன நாள்’ என்று அது அழைக்கப்பட்டு வந்தது.

இந்தியாவில் 1984-ம் ஆண்டு வரை அக்டோபர் 31-ம் தேதியே உலக சேமிப்பு நாள் அனுசரிக்கப்பட்டு வந்தது. ஆனால், 1984-க்குப் பிறகு முன்னாள் பிரதமர் இந்திரா காந்தியின் நினைவு நாளும் அக்டோபர் 31-ம் தேதி வந்ததால், அக்டோபர் 30-ம் தேதி சேமிப்பு நாளாக அனுசரிக்கப்படுகிறது.

சிவகார்த்திகேயன் ஸ்டைலில் சின்னத்திரையில் இருந்து வெள்ளித்திரை வந்தவர் மா.கா.பா. ஆனந்த். இவர் நடிப்பில் தீபாவளியன்று வெளிவந்த படம் கடலை, இதில் ஐஸ்வர்யா இவருக்கு ஜோடியாக நடிக்க, பொண்வன்னன், யோகிபாபு, ஜான்விஜய் ஆகியோர் முக்கியமான ரோலில் நடித்துள்ளனர்.
கதைக்களம்

பொண்வன்னனின் மகன் மா.கா.பா, தமிழ் சினிமாவில் வரும் வழக்கமான ஹீரோவை போல் எந்த வேலையும் செய்யாமல் ஊர் சுற்றி வருகிறார்.

தன் மகனை எப்படியாவது விவசாயத்திற்கு கொண்டு வரவேண்டும், அது சம்மந்தமாக படிக்க வைக்க வேண்டும் என்று பொண்வன்னன் எண்ணுகிறார், ஆனால், மா.கா.பா அதையெல்லாம் கேட்கமால் ஜாலியாக பொழுதை கழித்து வருகிறார்.

ரியல் எஸ்டேட் செய்யும் ஜான் விஜய் 500 ஏக்கர் விவாசய நிலங்களை ஆக்ரமிக்க எண்ண, இதை பொண்வன்னன் தடுக்க நினைக்கின்றார்.

ஆனால், தன் கையை வைத்து தன் கண்ணை குத்தும் கதையாக மா.கா.பாவை பகடை காயாக ஜான் விஜய் பயன்படுத்த பிறகு என்ன ஆனது என்பதே மீதிக்கதை.
படத்தை பற்றிய அலசல்

மா.கா.பா ஒரு நடிகனாக இந்த படத்தில் கொஞ்சம் முன்னேறிவிட்டார் என்று தான் சொல்ல வேண்டும், ஆட்டம், பாட்டம் என கலக்குகிறார்.

ஐஸ்வர்யா ராஜேஸிற்கு பெரிதும் சொல்லும்படி கதாபாத்திரம் இல்லை, ஆனால், யோகி பாபு தான் படத்தின் இரண்டாவது ஹீரோவே என்று சொல்லி விடலாம்.

இவர் திரையில் தோன்றினாலே ஆடியன்ஸ் சிரிக்கத்தொடங்கி விடுகின்றனர், தன் ஒன் லைனால் செம்ம அப்லாஸ் வாங்குகிறார்.

சாமின் இசையில் பின்னணி சூப்பர், பாடல்கள் மனதில் நிற்கவில்லை, ஒளிப்பதிவு கவர்கிறது.
க்ளாப்ஸ்

நடிகர், நடிகைகளின் யதார்த்தமான நடிப்பு குறிப்பாக யோகி பாபு.

படத்தின் முதல் பாதி மற்றும் மெசெஜ்.
பல்ப்ஸ்

இரண்டாம் பாதியில் கொஞ்சம் திரைக்கதை தடுமாறுகின்றது.

மொத்தத்தில் ஒரு முறை கடலையை சுவைக்கலாம்

இளைய தளபதி விஜய், தல அஜித் இருவரும் நெருங்கிய நண்பர்கள் தான். ஆனால், ஒரு சில ரசிகர்களால் இவர்களின் பேர் கெடும்படி டுவிட்டரில் நடந்து வருகிறது.

இந்நிலையில் இயக்குனர் வெங்கட் பிரபு சமீபத்தில் அளித்த பேட்டியில் ‘மங்காத்தா படத்தின் போது மும்பை திரையரங்கில் ஒரு படம் ஓடுவது போல் இருக்க வேண்டும்.

நாங்கள் பல படங்கள் யோசித்து வைக்க, அஜித் சார் தான் “என் தம்பி விஜய் படத்தையே போடலாமே” என்றார், அதை தொடர்ந்து தான் காவலன் படத்தை அதில் வைத்தோம்.

அதேபோல் வேலாயுதம் படத்தில் கூட விளையாடு மங்காத்தா பாடல் இடம்பெற்றது, அவர்கள் எப்போதும் நண்பர்கள் தான்' என கூறியுள்ளார்.

நடிகர் ரஜினிகாந்த் தனது குடும்பத்தினருடன் தீபாவளி கொண்டாடிய புகைப்படம் வைரலாகி வருகிறது.

 வேட்டி சட்டையில் கம்பி மத்தாப்புடன் ஆஸம் சூப்பர்ஸ்டார். தனுஷ், ஐஸ்வர்யா தனுஷ், சவுந்தர்யா அவரது மகன் என மொத்த குடும்பமும் தீபாவளி கொண்டாடியுள்ளது.

 'எந்திரன்' முகத்திலும் பூரிப்பு!

இயக்குநர் துரை செந்தில்குமார் ‘எதிர்நீச்சல்’, ‘காக்கி சட்டை’ படங்களைத் தொடர்ந்து இயக்கி யிருக்கும் படம் ‘கொடி’. தனுஷ் இரட்டை வேடத்தில் நடிக்கும் முதல் படம் என்பதால் இந்தப் படத்தை ரசிகர்கள் அதிகமாக எதிர்பார்த்தனர். தனுஷ் த்ரிஷாவுடன் இணைந்து நடிக்கும் முதல் படம் என்பதும், ‘ப்ரேமம்’ புகழ் அனுபமா பரமேஸ்வரன் தமிழில் அறிமுகமாகும் படம் என்பதும் கூடுதல் ஆவலை உருவாக்கியிருந்தன.

கொடி (தனுஷ்) பிறக்கும்போதே அரசியல் அவனுடைய வாழ்க்கையின் அங்கமாகிவிட்டது. அவனுடைய அப்பா (கருணாஸ்) தான் வாய் பேச முடியாததால் அரசியலில் சாதிக்க முடியாததை தன் மகன் சாதிக்க வேண் டும் என்று விரும்புகிறார். ஊரில் மெர்குரி கழிவுகளைக் கொட்டி வைத்திருக்கும் ஒரு தொழிற்சாலையை அகற்றக் கோரி கட்சி நடத்தும் போராட்டத்தில் தீக்குளித்து இறந்து விடுகிறார். அப்பாவின் விருப்பத் துக்கு ஏற்றபடி, கொடி தீவிர அரசியல் வாதியாகிறான். இரட்டைச் சகோ தரர்களில் இன்னொருவனான அன்பு (தனுஷ்) கல்லூரிப் பேராசிரியர். இவன் பயந்த சுபாவம் உடையவன்.

கொடியைப் போலவே சிறு வயதி லிருந்தே அரசியலில் இருக்கிறார் ருத்ரா (த்ரிஷா). இருவரும் எதிரெதிர் கட்சிகளில் இருந்தாலும் காதலிக்கிறார் கள். தம்பி அன்பு, முட்டை வியாபாரம் செய்யும் மாலதியைக் (அனுபமா) காதலிக்கிறார். ஒரு கட்டத்தில், சட்ட மன்ற இடைத்தேர்தலில் கொடியும், ருத்ராவும் எதிரெதிர் அணிகளில் நிற்கவேண்டிய சூழல் உருவாகிறது. இதற்கிடையில் ஊரில் மூடப்பட்ட தொழிற்சாலை குறித்த சர்ச்சையும் பெரிதாகிறது. அரசியல் வெற்றியா, காதலா என்று வரும்போது யார் எதைத் தேர்ந்தெடுக்கிறார்கள்? இந்த அரசியல் விளையாட்டில் எதிர்பாராமல் நுழையும் அன்பு என்னவாகிறான் என்பதுதான் ‘கொடி’.

இயக்குநர், கொடி கதாபாத்திரத் துக்குக் கொடுத்திருக்கும் தெளிவான பின்னணியை மற்ற கதாபாத்திரங் களுக்குக் கொடுக்கத் தவறியிருக் கிறார். குறிப்பாக, கொடி கதாபாத்திரத் துக்கு இணையான வலிமையுடைய ருத்ராவின் கதாபாத்திரம் அந்த அள வுக்குத் தெளிவாக எழுதப்படவில்லை. ருத்ராவுக்கு அரசியல் ஆர்வம் வரு வதற்கான பின்னணி சரியாக நிறுவப் படவில்லை. ருத்ராவின் போக்கில் ஏற்படும் அதிர்ச்சிகரமான மாற்றமும் நம்பும் விதத்தில் காட்டப்படவில்லை.

இரட்டை வேடத்துக்கு தனுஷ் தன் நடிப்பால் முழு நியாயம் செய்திருக் கிறார். கொடி கதாபாத்திரத்தில் தனுஷின் நடிப்பு செறிவாக உள்ளது. கனமான பாத்திரத்தை ஏற்றிருக்கும் த்ரிஷா சில இடங்களில் சமாளிக்கிறார். சில இடங்களில் தடுமாறுகிறார். அவர் அரசியல் மேடைகளில் பேசும் காட்சிகள் மேலோட்டமாகக் கடந்து சென்றுவிடுகின்றன. மாலதியாக அனுபமா கொஞ்சம் நேரம் வந்தா லும் துறுதுறு நடிப்பை வெளிப் படுத்தியிருக்கிறார். மற்ற துணை கதாபாத்திரங்களில் நடித்திருந்த எஸ்.ஏ.சந்திரசேகர், சரண்யா, காளி வெங்கட் ஆகியோர் தங்கள் பங்களிப்பைச் செம்மையாகச் செய் திருக்கிறார்கள்.

சந்தோஷ் நாராயண் இசையில் ‘ஏ சுழலி’, ‘சிறுக்கி வாசம்’ பாடல்கள் முணுமுணுக்க வைக்கின்றன. வெங்க டேஷின் கேமராவும், பிரகாஷின் படத் தொகுப்பும் படத்தில் அந்த அளவுக்கு எடுபடவில்லை.

திரைக்கதை வழக்கமான பாணி யிலேயே நகர்கிறது. பலசாலி அண் ணன், பயந்தாங்கொள்ளி தம்பி, பழிவாங்கும் படலம் என எல்லாமே எதிர்பார்க்கும்படியே நகர்கின்றன. அரசியலில் வளர்வது, எம்.எல்.ஏ., எம்.பி. ஆவதெல்லாம் விளையாட்டு சமாச்சாரம்போலக் காட்டப்படுகின் றன. காமெடி இல்லாத குறைக்கு இப்படியா?! த்ரிஷா, தனுஷ் இடையே அரசியல் களத்தில் போட்டியும் தனிப் பட்ட முறையில் காதலும் இருப்பது ரசிக்கும்படி காட்சிப்படுத்தப்பட்டிரு கிறது. கட்சிக்குள் த்ரிஷா மேற் கொள்ளும் காய் நகர்த்தல்கள் பரவாயில்லை. இடையில் வரும் ‘திடுக்கிட’ வைக்கும் திருப்பம் செயற்கையாக உள்ளது.

அரசியலில் ஓர் ஆண் நினைத்தால் நேர்மையாக, நல்லவனாக இருக்க முடியும். ஆனால், ஒரு பெண் அரசியல்வாதி என்றால் அவள் வில்லியாகத்தான் இருக்க வேண்டுமா?

இதுபோன்ற சில அம்சங்களைத் தவிர்த்திருந்தால் ‘கொடி’ இன்னும் நன்றாகப் பறந்திருக்கும்

பேய், பில்லிசூனியம் போன்றவற்றை நம்புகிறவர்களை ஏமாற்றிப் பிழைக் கிறார் காஷ்மோரா (கார்த்தி). அவரது ஏமாற்று வேலைகளுக்குக் குடும் பமும் கைகொடுக்கிறது. காவல்துறை ஆணையர் முதல், அரசியல் பெரும்புள்ளி வரை காஷ்மோராவை நம்பும் நேரத்தில், அவரும் அவரது குடும்பமும் ஏழு நூற்றாண்டுகள் பழமையான ஒரு பேயிடம் சிக்கிக்கொள்கிறார்கள். அந்தப் பேய் யார்? அதன் நோக்கம் என்ன? அதனிடமிருந்து அவர்களால் தப்பிக்க முடிந்ததா என்பதுதான் காஷ்மோரா.

நிகழ்காலம், கடந்த காலம் இரண்டையும் இணைத்துக் குழப்பம் இல்லாத திரைக் கதையை எழுதியிருக்கிறார் இயக்குநர் கோகுல். முதல் பாதித் திரைக்கதையில் கூறியது கூறல் தேவைக்கு அதிகமாகவே இருக்கிறது. கார்த்தி ஒரு ஏமாற்றுக்காரர் என்பது இரண்டாவது காட்சியிலேயே தெரிந்துவிடுகிறது. அதன் பிறகும் கார்த்தி யின் மோசடி ஜாலங்களை விரிவுபடுத்திக் கொண்டே போவது தேவையற்றது.

இருப்பினும் அரசியல்வாதி தனக் கோடி (சரத் லோகிதாஸ்வா), அவர் கண்மூடித் தனமாக நம்பும் சீனியர் போலிச் சாமியார் திருக்கோடி (மதுசூதனன்), அவரது கைத்தடிகள் ஆகியோர் காஷ்மோரா ஆடும் ஆட்டத்தில் கடப்பாரையை விழுங்கிவிட்டு சுக்குக் கஷாயம் குடித் ததுபோல் அல்லாடும் காட்சிகள் சிரிப் புக்கு உத்தரவாதம்.

நகைச்சுவையைக் கதையோட்டத்தில் இயல்பாகக் கையாண்டிருக்கிறார் இயக்கு நர். காட்சிகள், கதாபாத்திரங்களை வடி வமைத்த விதமும் பாராட்டத்தக்கவை. நயன்தாராவின் பாத்திரமும் 700 ஆண்டு களுக்கு முந்தைய காட்சிகளும் பேய் வீட் டில் மாட்டிக்கொண்டு கார்த்தி குடும்பம் படும் அவஸ்தையும் நன்றாக உள்ளன.

பேய் வீட்டுக்குள் கார்த்தி மாட்டிக்கொள் ளும் காட்சியில் காட்சியமைப்பும் கார்த்தி யின் நடிப்பும் அருமை. அதே வீட்டில் ஏற்கனெவே மாட்டிக்கொண்டிருந்த முரு கானந்தமும் நடிப்பில் அசத்தியிருக்கிறார்.

ஆவி, பேய் ஓட்டுவதாகச் சொல்லும் ஆசாமிகள் அதை எப்படி வணிகமாக மாற்றியிருக்கிறார்கள் என்பதை முதல் பாதியில் தோலுரித்துக் காட்டியிருக்கிறார் இயக்குநர். ஆனால் இரண்டாம் பாதி முழுக்க முழுக்கப் பேய்களின் ஆதிக்கமாக இருக்கிறது. பேய்கள் இருப்பது நிஜம் என்று (மூட நம்பிக்கையை) வலியுறுத்தி னால், பேய் ஓட்டும் (மோசடி) ஆசாமி களும் இருக்கத்தானே செய்வார்கள்?

போர்க்களக் காட்சிகளில் காட்சி யமைப்பு கவரும் அளவுக்குச் சண்டை அமைக்கப்பட்ட விதம் கவரவில்லை. தளபதி கார்த்தி போடும் சண்டைகள் மாயா ஜாலம்போல உள்ளன. நயன்தாராவின் நடனக் காட்சி சிறப்பாக உள்ளது.

கார்த்திக்கு இரண்டு வேடங்கள். மூன்று பரிமாணங்கள். கிரந்த தேசத்தின் தளபதி ராஜ்நாயக், அவனது ஆவி, பேயோட்டி காஷ்மோரா ஆகிய மூன்று தோற்றங்களும் நன்றாகவே பொருந்தி யிருக்கின்றன. மொட்டைத் தலையில் வல்லூறு உருவத்தைப் பச்சை குத்திக் கொண்டு வரும் தோற்றத்திலேயே அசத்து கிறார். கருந்தாடியை கர்வமாகத் தடவிக் கொண்டு, வீரத்தையும் பெண்ணாசையை யும் வெளிப்படுத்தும் நடிப்பில் ஈர்க்கிறார். காஷ்மோரா பாத்திரத்தில் வழக்கமான ‘கலகல’ கார்த்தியாகக் கவர்கிறார்.

நயன்தாராவுக்குத் தரப்பட்டிருக்கும் இடம் குறைவு. ஆனால் அவர் வரும் எல்லாக் காட்சிகளும் கம்பீரம் கலந்த வசீகரம். குட்டியூண்டு பாத்திரத்தில் வரும் திவ்யா தன் கடமையைச் செவ்வனே ஆற்றுகிறார். நெடுநாட்களுக்குப் பிறகு விவேக் காமெடியில் முத்திரை பதிக்கிறார்.

ஆங்கோர்வாட் கோவிலும், கிரந்த தேச அரண்மனை செட்டும், ரத்னமாலாவின் அந்தப்புர அரண்மனை செட்டும், கிராஃபிக் ஸில் உருவாக்கப்பட்டுள்ள செட்களும் காட்சிகளின் பிரம்மாண்டத்துக்கு உதவி யிருக்கின்றன. பல காட்சிகளில் சிறப்பாக இருக்கும் கிராஃபிக்ஸ் காட்சிகள், பேய் மரம் நடந்துவருவது போன்ற சில இடங்களில் பலவீனமாக இருக்கிறது.

கடந்த காலக் கதாபாத்திரங்கள் மீது நம்பகத் தன்மையை உருவாக்குவதில் கலை இயக்கம் (ராஜீவன்), ஆடைகள் வடிவமைப்பு (நிஹார் தவான், அனுவர்த் தன், பெருமாள் செல்வம்) ஆகியவற்றுக்கு எந்த அளவு பங்கிருக்கிறதோ, அதே அளவுக்கு வசனங்களுக்கும் (கோகுல், ஜான் மகேந்திரன், ஆர்.முருகேசன்) பங்கிருக்கிறது. “ராஜ் நாயக் இருக்கும் இடத்தில் வாளையும் வார்த்தைகளையும் பார்த்து வீச வேண்டும்”, ‘பிணமேடையின் மீது மணமேடை அமைத்த மயக்கத்தில் இருந்தவனே..’ போன்ற வசனங்கள் காட்சிக்கு வலிமை சேர்த்து மனதில் தங்கிவிடுகின்றன.

ஒளிப்பதிவாளர் ஓம் பிரகாஷ் உள்ளரங் கக் காட்சிகளை எடுத்துக்காட்டிய விதத்தில், ஒளியமைப்பு, கேமரா நகர்வுகள் ஆகியவற்றில் பிரம்மாண்டத்தை நிலைநிறுத்தியிருக்கிறார். சந்தோஷ் நாராயணின் பின்னணி இசை படத்தோடு ஒன்றவைக்கிறது. கல்பனா ரவீந்தரின் குரலில் ஒலிக்கும் ‘ஓயா ஓயா’ பாடல் ரத்னமாலா கதாபாத்திரத்தின் வலியையும் சதியையும் நமக்குக் கடத்திவிடுகிறது. போர்க்களப் பாடல் கம்பீரமாக ஒலிக்கிறது.

முன்பாதியின் வேகத்துக்கு முழுசாக ஈடுகொடுக்க முடியவில்லை என்றாலும்... நகைச்சுவை, பிரம்மாண்டம், முன்னணி நட்சத்திரங்கள் ஆகிய அம்சங்களோடு, கொஞ்சம் சமூக அக்கறையும் கலந்து தருவதில் சொல்லத்தக்க அளவு வெற்றி பெற்றிருக்கிறது காஷ்மோரா படக் குழு. 

கடந்த சட்டசபை தேர்தலில், பணப்பட்டுவாடா புகாரில் அரவக்குறிச்சி,தஞ்சாவூர் தொகுதிகளின் தேர்தலை ரத்து செய்தது தேர்தல் கமிஷன். திருப்பரங்குன்றம் தொகுதியில் வென்ற அதிமுக எம்.எல்.ஏ சீனிவேல் மரணமடைந்தார். தஞ்சாவூர்,
அரவக்குறிச்சி,திருப்பரங்குன்றம் ஆகிய மூன்று தொகுதிகளின் இடைத் தேர்தலை தேர்தல் ஆணையம் அறிவித்தது. நவம்பர் 19-ம் தேதி இந்த மூன்று தொகுதிகளிலும் இடைத்தேர்தல் நடைபெறும் என அறிவிக்கப்பட்டது.


இந்த மூன்று தொகுதிகளுக்கான வேட்புமனு தொடங்கியது.திமுக, அதிமுக வேட்பாளர்கள் இன்று வேட்புமனு தாக்கல் செய்தனர்.தேர்தல் கமிஷனால் அங்கீகரிக்கப்ட்ட தேசிய மற்றும் மாநில கட்சிகளுக்கு தேர்தலில் போட்டியிடுவதற்கு தனிச்சின்னம் ஒதுக்கப்படும். இந்த தனிச்சின்னம் அங்கீகரிக்கப்பட்ட அரசியல் கட்சிகளின் தலைவர்கள் அல்லது பொதுச் செயலாள்ர்கள் அல்லது கட்சியால் அங்கீகரிக்கப்பட்ட ஒருவரின் ஒப்புதல் கடிதம் அளித்த பிறகே வேட்பாளர்களுக்கு அந்த கட்சியின் சின்னம் வழங்கப்படும். அங்கீகரிக்கப்பட்ட அரசியல் கட்சிகளின் வேட்பாளர்கள் வேட்புமனு தாக்கல் செய்யும் போது, இந்த அத்தாட்சி கடிதத்தையும் வழங்கினால் தான் அங்கீகரிக்கப்பட்ட  சின்னங்கள் வழங்கப்படும்.


இந்த அத்தாட்சிக் கடிதம், FORM-B எனப்படும்.இந்த FORM-B தேர்தல் நடத்தும் தொகுதியின் அதிகாரிக்கு வேட்பாளரால் வழங்கப்பட வேண்டும்.இந்த FORM-Bல் தொகுதியின் பெயர்,தொகுதியின் எண்,போட்டியிடும் வேட்பாளர் பெயர், வேட்பாளரின் தந்தையின் பெயர்,அவருடைய முகவரி ஆகியவை எழுதப்பட்டு கட்சித் தலைவரின் கையெழுத்துப்போட்டு அனுப்பப்படும்.
1989-ம் ஆண்டில் இருந்து அதிமுகவில் இந்த FORM-Bல் கையெழுத்துப்போடும் நபர் ஜெயலலிதாதான். மூன்று தொகுதிகளில் நிறுத்தப்பட்டு இருக்கும் அதிமுக வேட்பாளர்களுக்கு FORM-B தரப்பட்டு இருக்கிறது.இந்த FORM-Bல் ஜெயலலிதாவின் கையெழுத்து இல்லை.அதற்குப் பதிலாக அவருடைய விரல் ரேகை பதிக்கப்பட்டு இருக்கிறது.ராஜிவ் காந்தி அரசு மருத்துவமனையின் பேராசிரியர் P.பாலாஜி,இதற்கு ஒப்புதல் அளித்து இருக்கிறார்.அப்போலோ மருத்துவமனையின் மருத்துவர் பாபு ஆப்ரஹாம் சாட்சிக் கையெழுத்து போட்டு இருக்கிறார்.

    கையொப்பம் இடப்பட்ட நபர் தற்போது கிரீம்ஸ் ரோட்டில் இருக்கும் அப்போலோ மருத்துவமனையில் இருக்கிறார்.tracheostomy செய்து இருப்பதால்,அவ்ரது வலது கையில் கையெழுத்து இடமுடியாத நிலையில் இருக்கிறார்.ஆதலால் அவரது இடது கை கட்டைவிரலின்  பதிவினை பெற்று இருக்கிறோம் என குறிப்பிடபட்டு இருக்கிறது.


ஜெயலலிதா கையெழுத்துபோடும் நிலையில்கூட அவரது உடல்நிலை இல்லை என்பதையே இது காட்டுகிறது
FORM-Bல் இன்னார் தான் கையெழுத்துப் போடுவார் என்பதை முன்கூட்டியே தேர்தல் கமிஷனுக்கு தெரிவித்து இருக்க வேண்டும்.அந்த அதிகாரத்தை வேறு ஒருவருக்கு மாற்றுவதாக இருந்தால், செயற்குழுவோ அல்லது பொதுக்குழுவோ கூடி முடிவெடுத்து அந்தத் தகவலை தேர்தல் கமிஷனிடம் அளிக்க வேண்டும்.அதன் பிறகு தான் வேறு  ஒருவருக்கு FORM-Bல்  கையெழுத்துப் போடும் அதிகாரம் மாற்றித் தரப்படும்.ஜெயலலிதா மருத்துவமனையில் அனுமதிக்கப்பட்டு இருக்கும் நிலையில் இன்னொருவருக்கு மாற்றித் தரும் சூழ்நிலை தற்போது இல்லை. 

தமிழ் சினிமாவில் நாயகிகள் பொற்காலம் அவர்கள் இளமை இருக்கும் வரை தான். 30வயது தாண்டி த்ரிஷா, அனுஷ்கா, நயன்தாரா போன்ற ஒரு சிலரே நிலைத்து நிற்கின்றனர். அந்த வகையில் நீங்கள் மிகவும் விரும்பும் நாயகிகளின் உண்மையான வயது என்ன தெரியுமா? இதோ

    கீர்த்தி சுரேஷ்- 23 வயது
    நிக்கி கல்ராணி- 23 வயது
    தமன்னா- 26 வயது
    ஆண்ட்ரியா- 30 வயது
    நஸ்ரியா- 21 வயது
    எமி ஜாக்ஸன்- 24 வயது
    ப்ரியா ஆனந்த்- 29 வயது
    அமலா பால்- 28 வயது
    பூனம் பஜ்வா- 27 வயது
    நமீதா- 35 வயது
    டாப்ஸி- 28 வயது
    ஸ்ருதிஹாசன்- 30 வயது
    லட்சுமி மேனன்- 20 வயது
    ரெஜினா- 27 வயது
    த்ரிஷா- 33 வயது
    அனுஷ்கா- 34 வயது
    நயன்தாரா- 31 வயது
    ப்ரணிதா- 23 வயது
    ராய் லட்சுமி- 27 வயது
    நந்திதா- 30 வயது
    கேத்ரின்- 26 வயது
    சாய் பல்லவி- 24 வயது
    காஜல்- 31 வயது
    அசின்- 30 வயது
    தன்ஷிகா- 26 வயது
    நித்யா மேனன்- 28வயது
    ஹன்சிகா- 24 வயது
    ராதிகா ஆப்தே- 30வயது
    சமந்தா- 29 வயது

தமிழ்த் திரைப்பட இசைத் துறையில், பீஷ்மரைப் போல் சகல நுட்பங்களையும் அறிந்தவர். கட்சி மாச்சாரியங்களுக்கு அப்பாற்பட்டு எல்லோருக்கும் இனியவராய் அவர் தனது தமிழ்க் கவிதைப் பயணத்தை மேற்கொண்டார். தமிழும், ஆன்மிகமும் கலந்த கவிச்சிற்பி வாலி. அவரது பிறந்த நாள் அக்டோபர், 29. நெருப்பாய் சிவந்த மேனியும் நெற்றிக் குங்குமமும், நித்தம் முத்தமிடும் வெற்றிலைச் சிவப்பும், எளிதில் எதிராளியின்
பலத்தையும் தன்னகத்தே பெற்றிடும் ஆற்றல்மிக்கவர்.

* கடல்களில் தீவுகளும், தீபகற்பங்களும் சகஜம். நதிகளில் அப்படி வாய்ப்பது அபூர்வம். ஆனால், காவிரியை தென்கரையாகவும், கொள்ளிடத்தை வடகரையாகவும் கொண்ட திருவரங்கம்தான் கவிஞர் வாலியின் சொந்த ஊர்.

* திருவரங்கம் இரண்டு ரங்கராஜன்களைத் தந்தது. அந்த இருவருமே அந்தப் பெயர்களை பெருமாளுக்கே கொடுத்துவிட்டு, வேறு பெயர்களில், பார் புகழ உயர்ந்தார்கள். ஒருவர் எழுத்தாளர் சுஜாதா. இன்னொருவர் கவிஞர் வாலி. ஆம். வாலியின் இயற்பெயர் ரங்கராஜன்.

* ரங்கராஜன், வாலி ஆன கதையை அவரது வாக்கியங்களிலேயே வாசியுங்கள். 'நானும் இந்த நூற்றாண்டும்' என்னும் அவரது நூலிலிருந்து...

'எட்டாம் வகுப்பு படிக்கும்போதே நான் ஓவியங்கள் வரையத் தலைப்பட்டேன். எவரைப் பார்த்தாலும்... அவரைப் போலவே படம் வரையும் ஆற்றல் என்னுள் இயல்பாக ஏற்பட்டிருந்தது. புகழ் வாய்ந்த ஓவியர்களான மணியம் சந்திரா இவர்களது படங்களை 'கல்கி' பத்திரிகையில் கண்டு நான் பித்தாகிப் போன நாட்கள் உண்டு. அதேப்போல் ஆனந்தவிகடனில் பணிபுரிந்த மாலி என்னும் மகத்தான ஓவியன் மேல் எனக்கு மாளா காதல்.

நான் சின்னச் சின்ன சித்திரங்கள் வரையும்போதெல்லாம், பாபு என்னும் பள்ளித்தோழன் பக்கத்திலிருந்து பரவசப்படுவான்.  இருப்பினும் என்றென்றும் நான் அவனை மறக்க இயலாதவாறு அவன் ஒரு காரியத்தை செய்து வைத்தான். மாலியைப் போல நான் ஒரு சிறந்த சித்திரக்காரனாக விளங்கவேண்டும் என்று ஆசைப்பட்டு அவன்தான் எனக்கு 'வாலி' என்று பெயர் சூட்டினான். அதன்பிறகு, எங்கள் ஊரில் உள்ள ஆட்டுக்குட்டிகூட என்னை வாலி என்றே அழைக்கத் தொடங்கியது.

பேசும் சினிமாவும், நானும் பிறந்தது ஒரே ஆண்டில்தான் (1932) இதனால்தானோ என்னவோ ஒருவித சகோதரத்துவத்தோடு சினிமா என்னை சுவீகரித்துக் கொண்டது. பட்டுக்கோட்டையும், கண்ணதாசனும் பட உலகில் கோலோச்சிக் கொண்டிருந்தபோது நான் பாட்டெழுதப் புகுந்தேன். அவர்களோடு போட்டியிட்டு வெற்றி பெறுவது அசாத்தியம் என்று எனக்குத் தெரிந்தது. எத்தனையோ கவிஞர்கள் கோடம்பாக்கத்தில் கடைவிரித்தால், கொள்முதலுக்கே கட்டுப்படியாகாது என்று ஊர் திரும்பி விட்டார்கள். நான் ஒருவன் மட்டுமே கப்பல்களுக்கு நடுவே கட்டுமரத்தோடு கடலில் இறங்கினேன்.

கதைப்பித்தும், ஓவியப்பித்தும் என்னை ஆட்டிப் படைத்த இளம்பிராயத்திலேயே நான் எனது நண்பர்களுடன் சேர்ந்து ஒரு கையெழுத்துப் பத்திரிகையைத் தொடங்கினேன். அதன் பெயர் 'நேதாஜி' என்றும் குறிப்பிடுகின்றார்’

* கரூருக்கு அருகே உள்ள வாங்கல் என்னும் குக்கிராமம்தான் வாலி அவர்களின் தந்தையின் பூர்வீகம். வாங்கல் ஶ்ரீனிவாச அய்யங்கார் என்று அழைக்கப்பட்டார்.  தாயாரின் பெயர் பொன்னம்மாள்.

* பள்ளி நாட்களில் வாலியின் கவித்துணுக்கு ஒன்றை வாசித்து விட்டு, ''தமிழ்தான் உனக்கு சோறு போடும். ஆனா, அது எப்போ போடும்னு சொல்ல முடியாது எழுதுவதை நிறுத்தாதே" என்று புதுக்கவிதையின் தந்தை ந.பிச்சமூர்த்தியிடம் வாழ்த்து பெற்ற பெருமை இவருக்குண்டு.

* கொள்ளிடக்கரையில் 'கழுதை மண்டபம்' என்று ஒரு பழங்கால கட்டடம் உண்டு. தனது விடுமுறைகளில், கவிதை எழுதுவதற்கு அந்த இடத்தையே தேர்வு செய்துபோய் கவிதைகள் எழுதுவார். அப்போது எழுதப்பட்ட பாடல்கள் பின்னாளில் புகழ்பெற்றன. அவற்றில் ஒன்றுதான் ''கற்பனையென்றாலும், கற்சிலையென்றாலும் கந்தனே உனை மறவேன்" என்ற பக்தி ரசம் சொட்டும் பாடல்.

* திரைப்படங்களுக்கு பாடல் எழுதுவதற்கு, வருவதற்குமுன் திருச்சி வானொலி நிலையத்தில் 1950-களில் கவிஞர் வாலி பணியாற்றி இருக்கின்றார். ''எருமை மாட்டை தண்ணியிலே போட்டா விலை பேச முடியும். முதல்ல புறப்பட்டு மெட்ராஸ் வாருமய்யா" என்று அன்புக் கட்டளையிட்டவர் டி.எம்.எஸ்.

* தமிழின் பால் மாறாத காதலும், பல ஆயிரம் தமிழ்க் கவிதைகளும் எழுதிக் குவித்த கவிஞர் வாலி, பள்ளிக்கூடத்தில் ஆங்கிலம் மற்றும் வடமொழியையே கற்றவர். கவிதையின் பாலும் தமிழின் மீதும் இருந்த பற்றுதலால் கவிஞரானார்.

* கவிஞர் வாலியை தனது ஸ்கூட்டரில் வைத்துக்கொண்டு ஒவ்வொரு படக்கம்பெனியாக அலைந்து திரிந்து வாய்ப்புத் தேடித் தந்தவர் நடிகர் வி.கோபாலகிருஷ்ணன். இவரை 'கோபி' என்றே செல்லமாய் அழைப்பார். திரைப்பட பாடல் எழுத கவிஞர் வாலி எடுத்த முயற்சிகள் ஏராளம். சென்னைக்கும், ஶ்ரீரங்கத்துக்கும் அலைந்த அலைச்சல் அநேகம்.

* 1958 ல் கெம்பராஜ் அரஸ் இயக்கிய 'அழகர் மலைக்கள்ளன்' படத்தில் 'நிலவும் தாரையும் நீயம்மா. உலகம் ஒரு நாள் உனதம்மா" என்ற பாடல்தான் கவிஞர் வாலி எழுதிய முதல் பாடல். பாடலைப் பாடியவர் பி.சுசீலா.

* தளபதி என்ற பெயருக்கும் வாலிக்கும் ரொம்ப ராசி. மணிரத்னம் இயக்கி ரஜினிகாந்த் நடித்த தளபதியில் அவரது பாடல்வரிகள் ஹிட் என்பது எல்லாரும் அறிந்தது. வாலி அவர்களின் முதல் நாடகத்தின் பெயர் என்ன தெரியுமா? தளபதி!

* ''பேராசை பிடித்த பெரியார்" என்று பெரியாரைப் பாராட்டி அவரது புகழ் பாடும் நாடகத்தையும் அரங்கேற்றி, பெரியாரிடம் பாராட்டு பெற்றவர். இந்த நாடகத்தில் நாம் தமிழர் இயக்கத்தை நடத்திய ஆதித்தனாரும் ஒரு பாத்திரமாகப் படைக்கப்பட்டிருந்தார். இவர் தான் பெரியார்! இவரை எவர்தான் அறியார்" என்று வாலி அவர்கள் எழுதிய பாடலை தந்தை பெரியார் பெரிதும் பாராட்டினார்.

* ''வாலி! நீ நினைக்கிற மாதிரி சினிமா பிரவேசம் அவ்வளவு சுலபமானது இல்லே..." என்று அறிவுரை கூறியவர் ஜாவர் சீத்தாராமன். பின்னாளில் அவர் கதை வசனம் எழுத, வாலி பாடல்கள் எழுத ஏ.வி.எம். தயாரித்த படம் உயர்ந்த மனிதன்.

* கண்ணதாசன் தமிழ்த்திரை இசையில் சாதனை படைத்தவர். ஆனால் அவருக்கு மிகச் சரியான இணைகோடாகத் திகழ்ந்தவர் கவிஞர் வாலி. இந்த இரண்டு தண்டவாளங்களின் மேல்தான் திரை இசை என்னும் ரெயில், பயணம் செய்தது.

* 1967ல் தி.மு.க.வின் தேர்தல் வெற்றிக்கு எத்தனையோ காரணங்கள் உண்டு. அவற்றில், 'எங்க வீட்டுப் பிள்ளை' படத்தில் இடம் பெற்ற வாலி இயற்றிய ''நான் ஆணையிட்டால் அது நடந்து விட்டால்'' என்ற பாடலும் ஒரு காரணம் என்பதை அறுபதுகளின் மத்தியில் இருந்தவர்கள் அறிவார்கள்.

* சென்னை தி.நகர் சிவா விஷ்ணு ஆலயத்துக்கு எதிரே இருந்த கிளப் ஹவுசில் கவிஞர் வாலி நான்கு ஆண்டுகள் தங்கியிருந்தார். அங்குதான் நகைச்சுவை நடிகர் நாகேஷை கவிஞர் வாலி சந்தித்தார். பக்கத்து, பக்கத்து அறையில் இருந்ததால், மிக நெருங்கிய நண்பர்களானார்கள்.

* கவிஞர் வாலி முதன்முதலாக எழுதி, 'நன்றாக இல்லை' என்று நிராகரிக்கப்பட்ட பாடல்தான், பின்னாளில் தமிழகத்தின் பட்டிதொட்டியெல்லாம் ஒலித்தது. அந்த பாடல்தான். படகோட்டியில் இடம் பெற்ற 'கொடுத்ததெல்லாம் கொடுத்தார்' பாடல். படகோட்டி படத்தின் தலைப்பே வாலி அவர்கள் கூறியதுதான். அடிமைப் பெண்ணில் இடம் பெற்று ஜெயலலிதா பாடிய 'அம்மா என்றால் அன்பு' பாடலை இயற்றியவர் வாலி.

* வாலி எழுதிய அநேகப் பாடல்களை கண்ணதாசன் எழுதியதாகவே எண்ணிடும் தவறான நிலை அடிக்கடி நிலவும். ''அந்த நாள் ஞாபகம் நெஞ்சிலே வந்ததே நண்பனே! நண்பனே!'' பாடலை எழுதியவர் கண்ணதாசன் அல்ல. வாலியே. இப்படி அநேகம் உண்டு.

* கவிஞர் வாலி அவர்கள், தனது நாடகமொன்றில் கதாநாயகியாக நடித்த திலகம் என்பவரை, கீழ்த்திருப்பதி கோயிலில் காதல் திருமணம் செய்து கொண்டவர். ஆச்சாரமான வைதீகக் குடும்பத்தைச் சேர்ந்தவராக இருந்தபோதிலும், எந்த மூடநம்பிக்கையும் இல்லாதவர். கந்தவேள் முருகனையும், அம்மனையும் தனது இஷ்டதெய்வமாக வழிபட்டார்.

* 'நானும் இந்த நூற்றாண்டும்' என்னும் நூலில் தன் வாழ்வின் சரிதத்தை எந்தவித சமரசமும் இல்லாமல், சத்ய சோதனையைப் போல், உள்ளது உள்ளபடி எழுதினார். அதில் அவர் கையாண்டுள்ள எழுத்துநடையும், சுவாரசியமான, பிரமிக்கத்தக்க சம்பவங்களும், ஒரு நாவலைப் போல் சுவையானவை.

* மெல்லிசை மன்னரையும் முக்தா சீனிவாசனையும் எப்போதும் நன்றியோடு தனது நூலில் நினைவு கூறுகின்றார். நூல் முழுவதும் அவருக்கு சிறு உதவி செய்தவர்களைக் கூட நன்றி பாராட்டி எழுதுகின்றார்.

* திரைப்படத் துறையில் எம்.எஸ். விஸ்வநாதன், இளையராஜா, ஏ.ஆர்.ரஹ்மான், யுவன் ஷங்கர் ராஜா, அனிருத் என்று பல தலைமுறையைப் பார்த்தவர். அரசியலிலும், பெரியார், அண்ணா காமராஜர், எம்.ஜி.ஆர்., கலைஞர், ஜெயலலிதா என்று சகலருடன் நல்லிணக்கமான உறவை வளர்த்தவர். குழந்தையைப் போல் எல்லோருடனும் இனிமையாகப் பழகியதால்தான், திரை இசையில் வியக்கவைக்கும் சாதனைகளை ஆற்ற முடிந்தது.

* கவிஞர் வாலி எழுதிய பாண்டவர் பூமி, கிருஷ்ண விஜயம் ஆகிய கவிதைத் தொகுப்புகள் புகழ்பெற்றவை. ஆனந்த விகடன் இதழில், தான் பழகிய ஆளுமைகள் பற்றி  வாலி எழுதிய‌ 'நினைவு நாடாக்கள்' என்ற தொடரும் பெரும் புகழ்பெற்றது.  இவர் திரைப்படங்களிலும் நடித்துள்ளார் அவர் நடித்த திரைப்படங்களுள் சத்யா, ஹேராம், பார்த்தாலே பரவசம், பொய்க்கால் குதிரை ஆகியவை குறிப்பிடத்தக்கவை. மேலும் 'கையளவு மனசு' என்ற தொலைக்காட்சித் தொடரிலும் வாலி நடித்துள்ளார். 2007 ஆம் ஆண்டில் இவருக்கு இந்திய அரசின் பத்மஸ்ரீ விருது வழங்கி கௌரவித்தது

அரசியல் பரமபதத்தில் ஏணியே பாம்பாக மாறுவதும், பாம்பு ஏணியாக மாறுவதும் சகஜம். இந்த விறுவிறுப்பு விளையாட்டே கொடி.

இரட்டைக் குழந்தைகளில் அண்ணன் தனுஷுக்கு (கொடி) அரசியல் ஆர்வத்தை விதைக்கிறார் அப்பா கருணாஸ். தந்தை தன் அபிமான கட்சிக்காக உயிர் துறப்பதால் அந்த ஆசை மகனுக்குள் ஆழமாக வேர்விடுகிறது. எஸ்.ஏ.சந்திரசேகரின் கட்சியோடே சேர்ந்து வளர்ந்து அடிபொடித் தொண்டனில் இருந்து இளைஞர் அணி அமைப்பாளராக வளர்கிறார் தனுஷ். ஆளும் கட்சியைச் சேர்ந்த ருத்ராவும் (த்ரிஷா) தனுஷும் "பர்சனல் வேற பாலிடிக்ஸ் வேற" என்ற பாலிசி காதலர்கள். இதற்கு இடையில் தம்பி அன்புக்கும் (ரெட்டை தீபாவளி), அனுபமா பரமேஷ்வரனுக்கும் காதல்.

மூடப்பட்ட தொழிற்சாலை ஒன்றால் ஏற்படும் பாதரச பாதிப்பு பற்றிய ஆதாரம்  தனுஷிடம் வருகிறது. அதில் சம்பந்தப்பட்ட கைகள் அதை மறைக்க தனுஷுக்கு எம்.எல்.ஏ சீட் கொடுத்து நிறுத்துகிறார்கள், அவருக்குப் போட்டியாக த்ரிஷா. இந்த அரசியல் சடுகுடு என்னென்ன செய்கிறது, தொழிற்சாலை என்ன ஆனது, யாருக்கு யார் வில்லன், யார் ஜோடி, தனுஷுக்கு ஏன் அவ்வளவு பெரிய தாடி என மெதுவாக பறக்க ஆரம்பிக்கிறது கொடி.

’உங்கூட நடிச்சுட்டு இருந்த கருணாஸ் எல்லாம், உனக்கே அப்பாவ நடிக்க ஆரம்பிச்சுட்டார்.நீ இன்னும் அப்படியே இருக்க ' என்ற ரீதியில் இருக்கிறார் தனுஷ்.முதல் முறையாக டபுள் ரோல். தாடியோடு வரும் கொடிக்கு தான் அதிக காட்சிகள், அதிக முக்கியத்துவம். இரண்டு கதாப்பாத்திரங்களுக்கும் வித்தியாசம் காட்ட பெரிய மெனக்கெடல் எதுவும்  செய்ய அவசியமில்லை. க்ளீன் ஷேவ் பண்ணா காலேஜ் புரொஃபசர் அன்பு, வேட்டி சட்டை,  கண்ணாடி, தாடி என்றால் கொடி. சமகால தமிழ் சினிமாவின் முக்கியமான நடிகரின் முதல் இரட்டை வேடம் இப்படியா இருக்க வேண்டும்? ஆனாலும் நடிப்பில் தன் கடமையை சரியாகவே செய்திருக்கிறார் தனுஷ்.

 சொழலி, அழகி, எறலி, கலகி என அத்தனை வார்த்தைகளுக்கும் பொருத்தமாக இருக்கிறார் அனுபமா. த்ரிஷா இருக்கும் இளமையைப் பார்த்தால், இன்னும் ஒரு ரவுண்டு வரலாம். கோலிவுட்டின் அரசியல் சினிமாவில் த்ரிஷாவின் கதாப்பாத்திரம் ரொம்பவே ஆச்சர்யம். ஆனால், கத்தி பட விஜய் போல இரும்புக் கம்பியைப் பிடித்து அடிக்கும் போது லைட்டாக சிரிப்பு வருகிறது.

மீத்தேன் கழிவுகள், அரசியல் போதை என சில கருத்துகளைத் தொட்டாலும், அதற்கான வீரியம் சுத்தமாக இல்லை. அரசியல் படம் என போஸ்டர்களிலும், டிரெய்லர்களிலும் சொல்கிறார்கள். வெள்ளை வேட்டி சட்டைகளும், கலர் கலர் கொடிகளையும் தாண்டி வேறு ஒரு அரசியலும் தெரியவில்லை.

அங்கீகரிக்கப்பட்ட கட்சியின் வேட்பாளர் இறந்தால் தேர்தலை தள்ளி வைக்க வேண்டுமென்பது விதி. அந்த அளவிற்காவது அரசியல் பற்றி ஹோம் ஒர்க் செய்துவிட்டு இறங்கியிருக்கலாம் இயக்குநர். 'எல்லோரும் பிறக்கும் போது சிங்கிள் தான். நான் பொறக்கும் போதே டபுள்ஸ்", "சேர்ந்தா தான் கூட்டம். சேர்த்தா அது கூட்டம் இல்ல" வசனங்களில் மாஸ் தெறிக்கிறது.

 எஸ்.ஏ.சந்திரசேகர்,சரண்யா பொன்வண்ணன்,காளி வெங்கட் என சப்போர்ட் காஸ்டிங் செய்யும் அனைவருமே அவர்களது கதாப்பாத்திரத்தை சரியாக செய்து இருக்கிறார்கள். காமெடி நேரத்தில் சிரிக்க வைக்கிறார். செண்டிமெண்ட்டில் கலங்க வைக்கிறார் காளி.

 எஸ்.வெங்கடேசன் ஒளிப்பதிவு இரண்டு தனுஷ்களும் வரும் காட்சியை  நம்பும்படியாக காட்டியிருக்கிறது. இரண்டாம் பாட்டுக்கும், மூன்றாம் பாட்டுக்கும் இடையே 5 நிமிட இடைவெளி விடவேண்டும் என நினைத்த எடிட்டருக்கு கிளாப்ஸ். ஏ சுழலி பாடம்  மென் மெலோடியாக கலக்குகிறது. தனுஷ் அருண்ராஜா காமராஜாவின் குரல்களில் வரும் கொடி பறக்குதா தீமுக்கு அதிர்கிறது அரங்கம்.

பில்லி சூனியம், ஆவி விரட்டுதல் என்று ஊரை ஏமாற்றிக் கொண்டிருக்கும் கார்த்தியும் அவர் குடும்பமும் ஒரிஜினல் ஆவியிடம் மாட்டிக்கொண்டால் என்ன ஆகும்...?

ஊருக்குள் பில்லி சூனியம் (வைத்துவிட்டு) எடுப்பது, ஆவி விரட்டுவது என்று பிரபலமான ஆள் காஷ்மோரா கார்த்தி. அப்பா, தங்கை, அம்மா, பாட்டி என மொத்தக் குடும்பமும் ஃப்ராடு. ‘எங்க ஊர்ல ஒரு பங்களால ஆவிகள் தொந்தரவு தாங்கலை” என்று கார்த்தியை அழைக்கிறார்கள். பங்களாவுக்குள் நுழையும் இவரால் வெளியில் வரமுடியவில்லை. காரணம்...? ஃப்ளாஷ்பேக்கில் ராஜ்நாயக்- ரத்தினமகா தேவி இடையில் சில சம்பவங்கள் நிகழ்கின்றன. அது என்ன? ஆவியை விரட்டப்போன கார்த்தி குடும்பத்துக்கு என்ன ஆனது...? ‘ஆவி’ பறக்கும் க்ளைமாக்ஸ்!

    துர்சக்திகளை விரட்டுவது, ஆவிகளுடன் பேச்சு வார்த்தை நடத்துவது என பக்தர்கள் முதல் அமைச்சர்கள் வரை தன் மாயாஜாலம் மூலம் வசியம் செய்கிறார் கார்த்தி. இந்நிலையில்,  ஆவியை விரட்ட கார்த்தியை அழைக்கிறார்கள். பங்களாவுக்குள் நுழையும் அவரால் அங்கிருந்து வெளியேற முடியவில்லை. காரணம் உள்ளே காலங்காலமாக இருக்கும் ’ராஜ்நாயக்’கின் (கார்த்தி) ஆவி. பலப்பல நூற்றாண்டுகளுக்கு முன் இறந்த ராஜ்நாயக்கும், அவரது படையினரும் ரத்தினமகாதேவி (நயன்தாரா) இட்ட சாபம் காரணமாக எந்த உலகத்துக்கும் போக முடியாமல் தவிக்கிறார்கள். அந்த சாபம் கார்த்தி குடும்பத்தால்தான் விமோசனம் அடையுமென்பதால் காஷ்மோராவுக்கு பங்களா அரெஸ்ட். ஆவியை விரட்டப்போன கார்த்தி குடும்பம், ’ஆவி’ கார்த்தியிடம் இருந்து தப்பிக்கிறதா என்பது க்ளைமாக்ஸ்.

    கார்த்திக்கு காஷ்மோரா, ராஜ்நாயக் என்று இரட்டை வேடம். காஷ்மோராவாக கலகல, ராஜ்நாயக்காக லகலக என வெரைட்டி வித்தியாசம் காட்டுகிறார். பேய் பங்களாவில் ‘இந்த செட்டப் நல்லால்ல... டைமிங் மிஸ் ஆகுது’ என்று புலம்பும் போது செம்ம. மொட்டைத் தலையுடன் வில்லங்கச் சிரிப்புடன் வாள் வீசும் காட்சிகள்... செம கெத்து. ஆனால், பிளாக் மேஜிசியனாக காட்டும் அதட்டல்... இன்னும் மிரட்டியிருக்கலாம் பங்கு!

    ஃப்ளாஷ்பேக் இளவரசியாக நயன்தாரா. வாள் வீச்சிலும் விழி வீச்சிலும்... வாவ். ஸ்ரீதிவ்யா இந்தப் படத்துக்கு ஏன்? இந்தக் கேள்விக்கு பதில் யோசிப்பது போலவே அவர் படம் முழுக்க உலாத்திக் கொண்டே இருக்கிறார். ‘ஃப்ரெண்டு ஃபீல் ஆய்டாப்ல’ வசனத்தில் ஃபீல் ஃப்ரெண்டு, ஆவி பங்களா புராணம் சொல்வதும் ஒரு குவளை தண்ணீர் குடிப்பதும்... சூப்பர்ஜி... சூப்பர்ஜி! மற்றபடி... படத்தில் அனைவரும் வருகிறார்கள்... நடிக்கிறார்கள்... செல்கிறார்கள்.

    ராஜ்நாயக் கார்த்தி ‘டூ-பீஸ்’ உரையாடல் நடத்துவதும், மோசடி குடும்பம் அத்தனை வழிகளிலும் ஏமாற்றுவதும் படத்தின் ‘லைக்கோ லைக்’ அத்தியாயங்கள்.  கார்த்தி குடும்பம் மற்றும் அமைச்சரின் ஆஸ்தான சாமியார் மூலம் பிரபல ஆன்மீக மையங்களை குறீயீட்டால் உணர்த்தியிருக்கிறார் இயக்குநர் கோகுல்.

    கார்த்தி காமெடியில் இறங்குகிற காட்சிகள் அட போட வைக்கிறதென்றால்.. அந்தக் கலகலப்பை தொடராமல் ’ஆ....வ்’ சொல்ல வைக்கிறது அமைச்சர் சம்பந்தப்பட்ட காட்சிகள்.     படத்தின் பெரிய மைனஸ்... இருவரில் ஒரு கார்த்தி ஜெயிக்க வேண்டும் என்று பார்வையாளர்களுக்கு ஒரு பதட்டம் வேண்டுமே... அது ம்ஹ்ம்! காஷ்மோரா ஊரை ஏமாற்றும் பித்தலாட்டகாரன் என்றால், ராஜ்நாயக் காமாந்தக வில்லன். இதனாலேயே யார் ஜெயித்தால் என்னவென்று தேமேவென காத்திருக்கிறோம்.

    பழக்க வழக்கமான காட்சிகள் கொண்ட படத்தில் ஃப்ளாஷ்பேக்கின் சில பகுதிகளுக்கு மட்டும் வந்தனம் சொல்லலாம். மலை முகட்டில் நயன்தாராவிடம் குதிரை மீது அமர்ந்தபடி கார்த்தி பேசும் காட்சி, இருவருக்குமிடையிலான சண்டையின் முடிவு என சில காட்சிகளில் விசேஷம். அரண்மனை பங்களாவை, ஆவியுலக பங்களாவாக மாற்றியதில் கலை இயக்கமும் அனிமேஷனும் கைகோர்த்து பளிச்சிடுகிறது. பாடல்களில் ஓயா ஓயா  மட்டும் ஓ.கே.  பின்னணி இசையில் என்னாச்சு சந்தோஷ்..?

     ’தீய காற்று தூய தீபத்தை அவ்வளவு எளிதாக அணைத்துவிடமுடியாது’ என்று சீரியஸ் வசனங்களாகட்டும், ‘பயப்படாதீங்க. பயந்தா பயமாருக்கும்.. பயப்படலைன்னா பயமிருக்காது’ என்று ஆங்காங்கே வசனங்கள் செம.  ஆனால், அது ரொம்ப அரிதாகத்தான் வருகிறது.

    ஆரம்பக் காட்சிகள் மிக சீரியஸ்.... சீரியஸாக இருக்க வேண்டிய காட்சிகளில் காமெடி கதம்பம் என படம் முழுக்க ஒரு நிலையில்லாமை நிலவுவது ஏனோ!?

ஒட்டடை பலத்திலதான் உத்திரமே நிக்குது என்பார் நாகேஷ். மார்க்கெட்டில் மாதா மாதம் ‘முட்டை’ வாங்குகிற ஹீரோக்கள் கூட, “என் ரசிகர்கள் இருக்காங்க. எனக்கு அது போதும். வேற எவன் தயவும் தேவையில்ல….” என்றெல்லாம் பொங்கி பொங்கி பேட்டிக் கொடுப்பார்கள். (இருக்கிற கொஞ்ச நஞ்ச சப்போர்ட்டும் போச்சுன்னா அப்புறம் கொசு கூட மதிச்சு கடிக்காதே… என்கிற அச்சம்தான் காரணம்)

தமிழ்சினிமா ஹீரோக்களின் இக்கட்டான இந்த சுச்சுவேஷனில்தான் சில ஹீரோக்களுக்கு மட்டும் அதிகாலை நான்கு மணிக்கெல்லாம் ரசிகர் மன்ற ஷோ ஓட்டப்படுகிற அதிசயமும் நடக்கிறது. ரஜினியின் கபாலிக்கு அதிகாலை மூன்று மணிக்கெல்லாம் ரசிகர்கள் கூடி, கொண்டாடியதை இப்பவும் யூ ட்யூப் சேனலில் பார்த்து பரவசப்படலாம்.

அஜீத் விஜய் படங்களுக்கு கேட்கவே வேண்டாம். அந்த முதல் நாள், முதல் ஷோ, கிராமபுறங்களில் நடக்கும் ஊர் திருவிழாக்களுக்கு ஒப்பானது. ஆட்டம் பாட்டம், மயிலாட்டம் கரகாட்டம் என்று பரவசப்படுத்தி விடுகிறார்கள் ரசிகர்கள். அந்த வரிசையில் தனுஷ் சேர்ந்திருப்பதாக எடுத்துக் கொள்ள வேண்டியதுதான்.

இல்லையென்றால் சென்னையில் அதிகாலை நாலரை மணிக்கு ஷோ ஓப்பன் பண்ணுவார்களா? அந்த விடியற்காலை இருட்டிலும் வெள்ளேன பால் ஊற்றி சுள்ளென கட் அவுட்டை நனைத்தது ரசிகர்கள் கூட்டம்.

கொடி பிரம்மாதம் என்று ரிசல்ட்டும் வர ஆரம்பித்திருக்கிறது. ஒரு ஹிட் வந்தே தீரணும் என்று காத்துக் கிடந்த திருவாளர் பொயட், இனி தமிழ்சினிமாவில் எட்ட முடியாத ஹைட்டில் நிற்பார். வாழ்க… வளர்க!

தனுஷ் கண்டிப்பாக ஒரு ஹிட் கொடுத்தே ஆக வேண்டும் என்ற கட்டாயத்தில் உள்ளார். சிவகார்த்திகேயனுடன் இணைந்து இரண்டு சூப்பர் ஹிட் படங்களை கொடுத்த துரை செந்தி
ல் தனுஷுடன் இணைந்து கொடுத்திருக்கும் படம் தான் கொடி.

தனுஷ் முதன் முறையாக டபூள் ஆக்‌ஷன், முதன் முறையாக த்ரிஷாவுடன் கூட்டணி, சந்தோஷ் நாராயணனின் இசை என ப்ரஷ் கூட்டணியுடன் வெளிவந்திருக்கும் கொடி உயர பறந்ததா என்பதை பார்ப்போம்.
கதைக்களம்

கருணாஸிற்கு அரசியலில் பெரிய லெவலில் சாதிக்க வேண்டும் என்று விருப்பம், ஆனால் அதை அவரால் நிகழ்த்த முடியவில்லை, அந்த சமயத்தில் கருணாஸிற்கு இரட்டை குழந்தைகள் பிறக்கின்றது.

இதில் ஒருவர் அரசியல்வாதியாக வர, மற்றொருவர் ஆசிரியராகிறார். இதில் எதிர்க்கட்சியாக இருந்தாலும் த்ரிஷாவை ஒரு தனுஷ் காதலிக்கின்றார், ஆசிரியர் தனுஷிற்கு அனுபமா.

அனுபமா, கோழி முட்டையில் டீத்தூளில் நனைத்து நாட்டுக் கோழி முட்டை என விற்கிறார், இதை பார்த்த தனுஷ் ஏன் இப்படி செய்கிறாய்? என கேட்கிறார்.

அதற்கு அவர் தன் ஊரில் உள்ள விசவாயு தொழிற்சாலையை மூட வேண்டும், அதற்கு நிறைய பணம் வேண்டும் என்கிறார்.

இதுக்குறித்து அரசியல்வாதி தனுஷிடம் மற்றொரு தனுஷ் கூற, இதை தொடர்ந்து, த்ரிஷாவுடன் மோதல், தம்பி உயிருக்கு ஆபத்து வர, பிறகு என்ன ஆனது என்பதை படு சுவாரசியமாக கூறியுள்ளனர்.
படத்தை பற்றிய அலசல்

படத்தின் தலைப்பிற்கு ஏற்றார் போல் முழுக்க முழுக்க அரசியல் பின்னணியை வைத்து எடுக்கப்பட்டது தான் இந்த கொடி. அதிலும் குறிப்பாக தற்போது நடக்கும் அரசியலில் தான் வளர அதில் அவர்கள் செய்யும் விஷயங்களை வெட்ட வெளிச்சம் போட்டு காட்டியுள்ளது.

கொடியாக வரும் தனுஷ் நல்ல அரசியல்வாதியாகவே வருகிறார், குறிப்பாக இரண்டாம் பாதியில் தன்னுடைய அண்ணனாகவே மாறும் தம்பி செய்யும் அரசியலும் ரசிக்க வைக்கின்றது.

மேலும், த்ரிஷா முதன் முறையாக நெகட்டிவ் கதாபாத்திரம், நீண்ட இடைவேளைக்கு பிறகு ஒரு நல்ல நடிப்பை கொடுத்துள்ளார்.

அதிலும் தன்னுடைய அரசியல் லாபத்திற்காக த்ரிஷா செய்யும் வேலைகள் அனைவரையும் கண் உயர்த்தி பார்க்க வைக்கின்றது, ஒரு ரியல் லேடி அரசியல்வாதியாகவே மாறிவிட்டார்.

படத்தின் இரண்டாம் பாதியில் மாஸ் சீன்கள் தெறிக்கின்றது, அதிலும் தனுஷ் ட்ரான்ஸ்பெர்மேஷன் சீன் ஒன்று, விசில் சத்தம் அடங்க நேரமாகின்றது. அனுபமா செகண்ட் ஹீரோயின் அவ்வளவே பெரிதும் கவரவில்லை.

சந்தோஷன் நாராயணனின் இசையில் என் சுழலி, கொடி பறக்கது ஏற்கனவே ஹிட் ஆகிவிட்டது, விஷ்வலில் கதையுடன் பாடல்கள் வருவது வெளியே நகரவிடாமல் சீட்டிலேயே ரசிகர்களை கட்டிப்போடுகின்றது.

துரை செந்தில் எதிர்நீச்சல், காக்கிசட்டை என தொடர் ஹிட் படங்களை கொடுத்தவர், பாலு மகேந்திரா பட்டறையில் இருந்து வந்தாலும், தனக்கென்று ஒரு பாதை அமைத்து இதிலும் வெற்றி பெற்றுவிட்டார்.

அதெல்லாம் இருக்கட்டும் தனுஷ்-த்ரிஷா காதல் ஏதோ தமிழக அரசியல்வாதிகளை குறிப்பது போலவே உள்ளதே!!!.
க்ளாப்ஸ்

படத்தின் திரைக்கதை வேகமாக நகர்கிறது.

தனுஷின் வழக்கமான யதார்த்தமான நடிப்பு, த்ரிஷாவின் எதிர்ப்பார்க்காத நெகட்டிவ் கதாபாத்திரம்.

அரசியல் படத்தையே கமர்ஷியலாக பொழுதுப்போக்காக காட்டிய விதம்.
பல்ப்ஸ்

சந்திரசேகர், விஜயகுமார், சரண்யா போன்ற திரையுலக ஜாம்பவான்களை இன்னும் கொஞ்சம் பயன்படுத்தியிருக்கலாம்.

இரண்டாம் பாதி ஆரம்பித்த சில காட்சிகள் மெதுவாக நகர்வது. சந்தோஷ் நாராயணன் பின்னணியில் கொஞ்சம் கவனம் தேவை.

மொத்தத்தில் கொடி பறக்குது.

தமிழ் சினிமாவில் எப்போதும் பேண்டஸி படங்களுக்கு பஞ்சம் தான். எப்போதாவது ஒரு படம் வந்தால் அதையும் கிண்டல் செய்ய தான் ஒரு கூட்டமே இருக்கும், இந்நிலையில் கார்த்தி, நயன்தாரா, ஸ்ரீதிவ்யா, விவேக் என பிரமாண்ட கூட்டணியுடன் களம் கண்டுள்ள படம் தான் காஷ்மோரா.

மூன்று கதாபாத்திரத்தில் கார்த்தி, ப்ரீயட் கதை, ராணியாக நயன்தாரா என ட்ரைலர் பார்க்கும் போதே பெரும் எதிர்ப்பார்ப்பை ஏற்படுத்திய காஷ்மோரா எதிர்ப்பார்ப்பை பூர்த்தி செய்ததா? என்பதை பார்ப்போம்.

கதைக்களம்

கார்த்தி காஷ்மோரா கதாபாத்திரத்தில் பேய் ஓட்டுபவராக வருகிறார், 420 வேலைகள் பார்த்து பணம் சம்பாதிக்கும் இவர் ஒரு கட்டத்தில் ஒரு எம்.எல்.ஏ வீட்டிற்கு பேய் ஓட்ட வருகிறார்.

அவர் செய்யும் சில போர்ஜரி வேலை, யதார்த்தமாக அந்த எம்.எல்.ஏவிற்கு நல்லது நடக்கின்றது, பிறகு ஒரு கட்டத்தில் எம்.எல்.ஏ வீட்டில் ரைடு வர, காஷ்மோரா நம்பிக்கையான ஆள் அவர் வீட்டில் பணத்தை வையுங்கள் என சொல்கிறார்.

அந்த நேரத்தில் ஒரு பங்களாவில் பேய் ஓட்ட சென்ற கார்த்தி அங்கு வசமாக மாட்ட, எம்.எல்.ஏவின் பணத்தை கார்த்தியின் அப்பா விவேக் சுரட்டிக்கொண்டு ஓட, அவரும் அந்த பங்களாவில் மாயமாக வந்து மாட்டுகிறார்.

இவர்கள் குடும்பம் ஏன் அந்த பங்களாவிற்கு வருகிறது, இவர்களை அழைத்து வந்த மாய சக்தி எது என்பதை அடுத்தடுத்து காட்சிகளில் தெரிகிறது. பிறகு கார்த்தி மற்றும் அவருடைய குடும்பத்தினர் பங்களாவில் இருந்து வெளியே வந்தார்களா? என்பதே மீதிக்கதை.

படத்தை பற்றிய அலசல்

கார்த்தி பேய் ஓட்டுபவராக அசத்துகிறார், படத்தின் ஆரம்பக்காட்சிகளில் பயமுறுத்தும்படி அறிமுகமானாலும் அடுத்தடுத்து காட்சிகளில் தனக்கே உரிய கலகலப்பில் செம்ம ஸ்கோர் செய்கிறார், அதிலும் பேய் பங்களாவில் மாட்டிக்கொண்டு உண்மையை பேயை, பொய் என்று நினைத்து இவர் செய்யும் அட்டகாசம் தியேட்டரே சிரிப்பால் அதிர்கிறது.

அதேபோல் ப்ளாஷ்பேக்கில் ராஜ்நாயக்காக கொடூர வில்லனாக வருகிறார், பெண்மோகம் கொண்டவராக வந்தாலும், கார்த்தியை அதில் பொருத்தி பார்க்க முடியவில்லை, ராணியாக நயன்தாரா அத்தனை அழகு கம்பீரம். இன்னும் சில வருடங்களுக்கு யாராலும் அசைக்க முடியாது போல இவர் மார்க்கெட்டை.

விவேக் கார்த்தியின் அப்பாவாக தான் வரும் காட்சிகளில் எல்லாம் சிரிப்பிற்கு முழு கேரண்டி, சூப்பர் சார், அதிலும் கிளைமேக்ஸில் வில்லனிடம் பணப்பெட்டியை கொடுக்கும் இடத்தில் அடிக்கும் கவுண்டர் அப்லாஸ் அள்ளுக்கின்றது.

படத்தின் நாம் பெரிதும் எதிர்ப்பார்த்தது அந்த ப்ரீயட் கதைக்களம் தான், ஆனால், அதில் அத்தனை சுவாரசியம் இல்லை என்பதே மிகப்பெரிய மைனஸ், CGயில் கஷ்டப்பட்ட படக்குழு, அந்த காட்சிகளை இன்னும் கொஞ்சம் ஈர்ப்புடன் கொண்டு சென்றிருக்கலாம்.

தலையில்லாமல் முண்டமாக வரும் கதாபாத்திரம் ஒன்று குழந்தைகளை கவர வேண்டும் என்பதற்காகவே வைத்திருப்பார்கள் போல, அந்த கதாபாத்திரமும் மிரட்டுகின்றது. சந்தோஷ் நாரயணன் உங்களுக்கு என்ன தான் ஆச்சு? இறைவி பாடலையெல்லாம் இதில் போட்டு வைத்துள்ளீர்கள்?.

ஓம் பிரகாஷின் ஒளிப்பதிவு கிராபிக்ஸ் காட்சிகள் அத்தனை இருந்தும் அழகாக உள்ளது, கடைசி நேரத்தில் படத்தின் நீளத்தை குறைத்தது கூடுதல் பலம். அதெல்லாம் சரி ஸ்ரீதிவ்யா எதற்கு?

க்ளாப்ஸ்

கார்த்தி ஒன் மேன் ஷோவாக கலக்குகிறார், நயன்தாரா சில மணி நேரங்கள் வந்தாலும் மனதில் நிற்கும்படியான கதாபாத்திரம்.

விவேக்கின் ஒன் லைன் காமெடி காட்சிகள், சில போலி சாமியர்களின் முகத்திரையை தைரியமாக காட்டியதற்காகவே பாராட்டலாம்.

ஒளிப்பதிவு மற்றும் கிராபிக்ஸ் காட்சிகள்.

பல்ப்ஸ்

படத்தின் இரண்டாம் பாதி கொஞ்சம் திரைக்கதை மெதுவாக நகர்கின்றது.

பாடல்கள் ஏதுமே மனதில் நிற்கவில்லை.

மொத்தத்தில் இன்னும் கொஞ்சம் கவனமாகவே பேய் ஓட்டியிருக்கலாம் காஷ்மோரா.

"ஒரு நாள், ஒரே ஒரு நாள் நீ முதல்வரா இருந்துப்பாருன்னு" முதல்வன் படத்துல ரகுவரன் அர்ஜுன்கிட்ட சவால் விடுவாரே அப்படி ஒரு சந்தர்ப்பம் உங்களுக்கு அமைஞ்சா என்ன செய்விங்க? அட முதல்வரா கூட வேணாங்க. அலுவலகத்திலோ கல்லூரியிலோ எல்லோரையும் ஒருங்கிணைத்து ஒரு நண்பர்கள் தின விழாவை நடத்த வேண்டும் என்பது போன்ற ஒரு பொறுப்பு உங்களுக்கு கிடைக்கிறது என வைத்துக் கொள்வோம். என்ன செய்வோம்?  நம்மில் நிறைய பேர் நமக்கெதுக்குங்க வம்பு என அந்த பொறுப்பிலிருந்து தப்பவே பார்ப்போம். அதற்கு நாம் சொல்லும் காரணங்கள்

"நம்ம வேலை கெட்டுடும்"

"இவங்க கொடுக்குற சம்பளத்துக்கு இத வேற செய்யணுமா?"

"நாம மட்டும் தனியா தெரிவோம்" என்பதாகத்தான் இருக்கும்.

இதில் "நம்ம வேலை கெட்டுடும்" என்ற டயலாக்கை தினமும் நினைத்துப்பார்த்து வேலை செய்தால் போதும். உங்கள் அலுவலகத்தில் உங்களை யாருமே அடிச்சுக்க முடியாது தானே!?

வாய்ப்புகள் எல்லா நேரமும் வந்து நம் வீட்டு கதவை தட்டிக் கொண்டு இருக்காது. நமக்கான வாய்ப்புகளை நாம்தான் உருவாக்கிக் கொள்ள வேண்டும். தற்போதிருக்கும் இடத்திலிருந்து அடுத்தக் கட்டத்தை நோக்கிய முயற்சியை மேற்கொண்டு கொண்டே இருக்க வேண்டும்.

யாரோ ஒருவரால் உங்களுக்கான வாய்ப்புகளும் உங்கள் வளர்ச்சிக்கான சந்தர்ப்பங்களும் உருவாக்கப்படுவதை விடவும் உங்களுக்கான வாய்ப்பை நீங்களே உருவாக்கி கொள்வது தான் சிறந்த பலனைத் தரும்.

ஒவ்வொரு நாளும் இன்று வேறு ஒரு உச்சத்தைத் தொட வேண்டும் என்றோ, புதிய முயற்சிகளை மேற்கொள்ள வேண்டும், புதிதாக எதையாவது கற்றுக் கொள்ள கொள்ள வேண்டும் என்ற மனநிலையுடன் உற்சாகமாக தொடங்குங்கள்.

மேலோட்டமாகவும், அதுவரையில் அனுபவத்திடாத ஒரு விஷயத்தை ஆரம்பிக்கும் பொழுது எப்போதுமே மனதில் ஒரு சின்ன தயக்கம் இருக்கத்தான் செய்யும். அந்த தயக்கத்துக்கு அடி பணிந்தால் வாய்ப்புகள் கை நழுவிப் போகத்தான் செய்யும்.  தைரியமாக கெத்தாக ஒவ்வொரு வாய்ப்பையும் பற்றிக்கொண்டு செயல்பட ஆரம்பியுங்கள்.

ரகுவரன் விட்ட சவாலை ஏற்காமல் பின் வாங்குவது போன்ற ஒரு காட்சி படத்தில் வந்திருந்தால். முதல்வனை அவ்வளவு ரசித்திருக்க மாட்டோம் அல்லவா? ஆம், ஒவ்வொரு வாய்ப்பையும் பற்றிக் கொண்டு போராடுபவனைத்தான் உலகம் விரும்பும்!

“கலைஞர் அவர்களுக்கு கடந்த சில நாட்களாக, வழக்கமாக அவர் உட்கொண்டு வரும் மருந்துகளில் ஒன்று ஒத்துக் கொள்ளாத நிலையில் ஒவ்வாமை (அலர்ஜி) ஏற்பட்டு, அதனால் உடல் நலம் பாதிக்கப்பட்டு ஓய்வெடுத்து வருகிறார்” என்று அதிகாரப்பூர்வமாக அறிவித்துள்ளார்கள். நாள்தோறும் முரசொலிக்கு கடிதம் எழுதியும், அறிக்கைகள் கொடுத்தும் வந்த கருணாநிதிக்கு என்ன தான் ஆச்சு? என்று தி.மு.க வினர் வருத்ததோடு விசாரித்து வருகிறார்கள்.

கருணாநிதி உடல்நிலை குறித்த நாம் விசாரித்த போது “ கடந்த பத்து தினங்களுக்கு முன்பில் இருந்தே அவர் கொஞ்சம் சோர்வாகத்தான் இருந்தார். அதனால் தான், உடல்நிலையை காரணம் காட்டி முரசொலியில் என்னால் இப்போது கடிதம் எழுத முடியாது என்பதையும் தெரிவித்தார்.

காய்ச்சல் இருந்தது, அதற்காக மாத்திரைகள் எடுத்து கொண்டார். ஆனாலும் காய்ச்சல் விட்டு விட்டு வந்தது. அவருக்குச் சிகிச்சை அளிக்க அவருடைய குடும்ப மருத்துவர் கோபால் தினமும் காலையும், மாலையும் வீட்டுக்கு வந்து செல்கிறார். சில தினங்களுக்கு முன் தனக்கு இடுப்புப் பகுதியில் எரிச்சல் இருப்பதாக கருணாநிதி சொல்லியுள்ளார். மருத்துவர் கோபால் பார்த்தபோது, கருணாநிதியின் இடுப்புப் பகுதியில் சிறுசிறு கொப்பளங்கள் இருப்பதைப் பார்த்தார்.

அலர்ஜியின் காரணமாகத்தான் அந்தக் கொப்பளங்கள் வந்திருப்பது தெரிந்தது. இதனால் அவரால் அதிக நேரம் உட்கார்ந்த நிலையில் இருக்க முடியவில்லை. கையிலும் கொப்பளங்கள் உள்ளதால், சட்டை போடாமல் துண்டால் போர்த்திக் கொண்டுள்ளார். பேசுவதற்கும் கொஞ்சம் சிரமப்படுகிறார். தினந்தோறும்,பேப்பர் படிப்பதை விட மாட்டார்.சில நாட்களாக அவர் பேப்பர் படிக்கவில்லை என்கிறார்கள். வீல்சேரில் அவரால் ஏறி உட்கார முடியாமல் கஷ்டப்பட்டதால்தான், கோபாலபுரத்தை விட்டு அவர் எங்கும் கிளம்பாமல் உள்ளார்.

சி.ஐ.டி காலனி வீட்டுக்கு அவர் போகமுடியாததற்கு காரணம் அதுதான். ஆனாலும் ராஜாத்தி அம்மாள் கோபாலபுரத்துக்கு வந்து கருணாநிதியைப் பார்த்து விட்டுச் செல்கிறார். கனிமொழியும் தனது தந்தையை வந்து பார்த்து அவரிடம் பேசி விட்டு, டாக்டர்களிடம் பேசிவிட்டுத்தான் செல்கிறார். கருணாநிதியின் தோலில் ஏற்பட்டுள்ள அலர்ஜிக்கு சிகிச்சை அளிப்பதற்காக காவேரி மருத்துவமனையில் இருந்து இரண்டு மருத்துவர்கள் வந்து சென்றுள்ளனர்.

காய்ச்சல் இருந்தால் மருத்துவமனையில் அனுமதிக்கலாம் என்று ஆலோசனை சொல்லி உள்ளனர். அப்போலோவில் முதல்வர் ஜெயலலிதாவை அனுமதித்து இருப்பதால், அங்கு வேண்டாம் என்று ஸ்டாலின் சொல்லி விட்டார். அதன் பிறகு போரூர் ராமச்சந்திராவில் அனுமதிக்கலாம் என்று முடிவு செய்தனர். அதற்குள் கருணாநிதிக்கு காய்ச்சல் கொஞ்சம் குணமாகிவிட்டது. புதன்கிழமை காலை, வலி குறைந்ததால் உதவியாளர்களுடன் சிறிது நேரம் பேசினார்” என்கிறார்கள்.

கருணாநிதிக்கு உடைகள் மாற்றுவது முதல் பணிவிடை செய்வது வரை அனைத்தையும் கருணாநிதியின் உதவியாளர் நித்யாதான் செய்துவருகிறார். அவர் தான் முழுநேரமும் கோபாலபுரம் வீட்டில் கருணாநிதியின் மாடி அறையிலேயே இருந்து, முழுமையாக கருணாநிதியை கவனித்து வருகிறார். அதேபோல் கருணாநிதியின் மகள் செல்வி கருணாநிதிக்கு தினமும் உணவு கொண்டு வந்து கொடுத்து முழுவதையும் சாப்பிட வைத்துவிட்டுதான் வீட்டுக்குச் செல்கிறாராம். பின்னர் மாத்திரைகள் கொடுப்பது என தனது அப்பாவை மிகவும் அக்கறையுடன் செல்விதான் பார்த்துக் கொள்கிறாராம்.

மாத்திரைகள் வீரியத்தால் அவரால் சாப்பிட முடியாமல் கொஞ்சம் கஷ்டப்படுகிறாராம். கொஞ்சம் தளர்ந்த நிலையில் இருந்தாலும்,மாலை வேளையில் சண்முகநாதனை அழைத்து “இன்னைக்கு என்னப்பா விசேஷம்” என்று நாட்டு  நடப்புகளை விசாரிக்கத் தவறுவதில்லை. காய்ச்சல் குறைந்துவிட்டதால், கருணாநிதி விரைவில் உடல்நிலை சீராகி தனது பணியைத் தொடருவார்” என்கிறார்கள் கோபாலபுரத்தில் இருப்பவர்கள்.

சென்னை சிட்லபாக்கத்தில் இயங்கி வரும் தனியார் மெட்ரிக் பள்ளியில் 12 -ம் வகுப்பு படித்து வரும் 38 மாணவர்கள் காலாண்டு தேர்வில் சில பாடங்களில் தோல்வி அடைந்தார்கள் . அதற்காக அந்தப் பள்ளி நிர்வாகம் 38 மாணவர்களையும் டிசி வாங்கிச் செல்லுமாறு மிரட்டியதாகத் தகவல் வெளியானது. அது தொடர்பான வீடியோ வாட்ஸ்ப் மற்றும் பேஸ்புக் போன்ற வலைதளங்களின் வழியே வைரலானது.

டி.சி-யை வீட்டுக்கு அனுப்பி வைப்போம் !

இது குறித்து விவரம் அறிந்தவர்களிடம் பேசினோம்."தேர்வில் தோல்வி அடைந்த மாணவர்களிடம், '14 -ம் தேதி யாரும் பள்ளிக்கு வரவேண்டாம். உங்களுடைய டி.சி வீட்டுக்கு அனுப்பி வைக்கிறோம்' என்று கல்லூரி நிர்வாகம் கூறியுள்ளது. ஒரு சில பெற்றோர்களுக்கு மட்டும் இது குறித்த தகவல் தெரிவிக்கப்பட்ட நிலையில் கடந்த 17 -ம் தேதி மாணவர்களைத் தயக்கத்துடன் பள்ளிக்கு அனுப்பி வைத்துள்ளார்கள் பெற்றோர்கள்.

மாணவர்கள் யாரும் வகுப்பறைக்குள் அனுமதிக்கப்படவில்லை. அரை நாள் முழுவதும் வகுப்பறைக்கு வெளியே நிற்க வைக்கப்பட்டனர். உணவு இடைவேளைக்குப் பின்னர், பள்ளியின் நூலகத்துக்குள் அமர வைக்கப்பட்டனர். அன்று மாலை ஒவ்வொரு பெற்றோரையும் தொலைபேசியில் அழைத்து, 'உங்கள் குழந்தைகளை பள்ளிக்கு வர வேண்டாமென்று சொன்னோமே. ஏன் அனுப்பினீர்கள்' என்று பெற்றோர்களை மிரட்டினர்" என்றார் விவரம் அறிந்த ஒருவர்.

படிப்பறிவில்லை

பள்ளிக்குச் சென்ற பெற்றோர்களில் ஒருவரிடம் பேசினோம். "கடந்த 18 -ம் தேதி பெற்றோர்கள் அனைவரும் பள்ளிக்குச் சென்றோம். ஒரு மணி நேரத்துக்கு மேல் அலுவலகத்துக்கு வெளியே காக்க வைக்கப்பட்டோம். பொறுமையிழந்த ஒரு சில பெற்றோர் 'ஏன் எங்களை காக்க வைக்கிறீர்கள். எப்போது எங்களை சந்திப்பீர்கள்' என்று கூச்சல் போட, அடுத்த அரை மணி நேரத்துக்குப் பிறகு பள்ளி துணை முதல்வரான டிம்பிள், பெற்றோர்களைச் சந்தித்தார்.

'உங்கள் பிள்ளைகள் எங்கள் பள்ளிக்கு வேண்டாம். எவ்வளவு பணம் கட்டினீர்கள் என்று சொல்லுங்கள். அதற்கான காசோலையையும் டி.சி.யையும் உங்கள் வீட்டுக்கு அனுப்புகிறோம்' என்றார். இதனை ஏற்றுக் கொள்ளாத பெற்றோர்கள், குழந்தைகள் பாடங்களில் தோல்வியடைந்தால் யார் பொறுப்பு எனக் கேட்டு கடும் வாக்கு வாதத்தில் ஈடுபட்டனர். 'பள்ளியில் ஓரளவுதான் நாங்கள் பார்த்துக் கொள்ள முடியும். ஃபெயிலான மாணவர்களுக்கு அவர்களின் பெற்றோர்களே பொறுப்பு. பெற்றோர்கள் வீட்டில் என்ன செய்து கொண்டிருக்கிறீர்கள். வீட்டில் நீங்கள் தான் சொல்லிக் கொடுக்க வேண்டும்' என்றும் டிம்பிள் பேசினார்.

பெற்றோர்கள் படிக்காதவர்களாக இருந்தால் என்ன செய்ய முடியும் என பெற்றோர்கள் கேட்க , 'அப்படியான குழந்தைகளை இங்கு படிக்க வைக்காதீர்கள்' என்று பேசியிருக்கிறார் டிம்பிள். இதன் பின்னர், பெற்றோர்கள் தங்கள் குழந்தைகளின் எதிர்காலத்தைக் கருத்தில் கொண்டு ஒரு பேப்பரில் எழுதிக் கொடுத்து, கையெழுத்துப் போட்டு மன்னிப்புப் கேட்ட பிறகே மாணவர்கள் வகுப்புக்குள் அனுமதிக்கப்பட்டனர்" என்றார்.

இதுகுறித்து பள்ளியின் தாளாளர் சித்ரா பிரசாத்திடம் பேசினோம். "மாணவர்களின் நலன் கருதியே கடுமை காட்டினோமோ தவிர, மாணவர்களுக்கு டி.சி கொடுக்கும் எண்ணத்தில் எந்த நடவடிக்கையும் எடுக்கவில்லை. ஒவ்வொரு தேர்வுக்குப் பின்னும் வழக்கமாக பெற்றோர்களுடன் ஆலோசனை நடத்துவோம். அவ்வாறு நடந்த ஆலோசனை கூட்டத்தில் எங்களுடைய கருத்துகளை அனைத்துப் பெற்றோர்களும் ஏற்றுக்கொண்டனர். அதில் ஒரு மாணவனின் தந்தை மட்டும் எதற்காக இது போன்று நடவடிக்கை எடுக்கிறோம் என்று தெரியாமல் கரடுமுரடாக நடந்து கொண்டார். எங்கள் பள்ளியின் மீது சொல்லப்படும் புகாரில் எந்த உண்மையும் இல்லை. எதிர்காலத்தில் எங்கள் பள்ளியில் அது போன்ற நடவடிக்கைள் இருக்காது. எங்கள் பள்ளி அனைத்துத் தரப்பு குழந்தைகளுக்கும் கல்வி வழங்க வேண்டும் என்ற நல்ல நோக்கத்தில் செயல்படுகிறது " என்றார்.

மாணவர்கள் நுகர்வு பொருளா ?


"மாணவர்களை மிரட்டியோ அல்லது டி.சி கொடுத்தோ அவர்களை சரிப்படுத்த முடியாது. அவ்வாறு செய்தால் அது அந்த மாணவர்களின் எதிர்காலத்தை கேள்விக்குரியாக்கும் செயலாகும்" என்கிறார் கல்வியாளர் பிரின்ஸ் கஜேந்திர பாபு "தோல்வி அடையும் மாணவர்களுக்கு டி.சி கொடுத்துவிட்டால் அந்த மாணவர்கள் வேறு பள்ளியில் எப்படிச் சேர முடியும்.எந்தப் பள்ளி அவர்களை ஏற்றுக் கொள்ளும்? இது அந்தப் பள்ளியின் கல்வியாளருக்கு தெரியாதா?, இளம் பருவத்தில் உள்ளவர்களை கார்னர் செய்தால் அவர்கள் குற்றவாளிகளாக மாறுவதற்கு வாய்ப்பு உள்ளது . குறிப்பிட்ட மாணவனை தேர்ச்சி பெறவில்லை என்றால், அந்தப் பள்ளி நிர்வாகம் உரிய கல்வி ஆலோசகர்களையோ அல்லது உளவியலாளர்களையே அழைத்து ஆலோசனை வழங்கி இருக்கவேண்டும்.

அந்த மாணவர்களின் கல்வி நிலை குறித்து பள்ளிக்கல்வி அதிகாரிகளுக்குத் தெரிவித்து நடவடிக்கை எடுக்க வேண்டுமா?, வேண்டாமா என்பதை முடிவு செய்ய வேண்டும். கல்விச் சந்தையில் மாணவனை நுகர்வுப் பொருளாகப் பார்ப்பதால்தான் இது போன்ற நடவடிக்கைள் தொடர காரணமாகின்றன. இந்த பள்ளியின் நடவடிக்கை தற்போதைக்கு நிறுத்தப்பட்டிருந்தாலும் எதிர்காலத்தில் வேறு பள்ளிகளும் இதுபோன்ற நடவடிக்கையில் இறங்க வாய்ப்புஉள்ளது. தேர்வில் தோல்வி அடைந்தால் மாணவர்களை நீக்குவது என்பது சட்டத்துக்கு எதிரான செயல். எனவே பள்ளிக்கல்வித்துறை அதன் விதிகளை சரியாக அமல்படுத்த வேண்டும். மேலும் டிசி கொடுக்க முடிவு செய்த அந்த பள்ளியின் மீது உரிய விசாரணை நடத்தி நடவடிக்கை எடுக்க வேண்டும்" என்றார்.


"ஒரு மாணவனுக்கு புரியவில்லை என்றால் அவனுக்கு புரியும் படி ஆசிரியர்கள் நடத்தவில்லை என்பதுதான் உண்மை. நன்றாகப் படிக்கும் மாணவர்கள் மட்டும்தான் படிக்க முடியும், சுமாராக படிக்கும் மாணவர்கள் படிக்க முடியாது என்று சொன்னால் , அது தனியார் கல்வி நிறுவனங்களின் லாப வெறியைக் காட்டுகிறது" என்கிறார்கள் கல்வியாளர்கள்.

"தேர்வில் தோல்வி அடைந்தால் பள்ளியை விட்டு அனுப்பி விடுமாறு எந்தக் கல்வி விதிமுறையில் சொல்லப் பட்டுள்ளது? இது கல்வி வியாபாரத்தின் வெளிப்பாடே தவிர மாணவர்களின் நலன் சார்ந்தது இல்லை என்று கொதிக்கிறார்கள் கல்வியாளர்கள் .

தமிழகம் முழுவதும் சுற்றுப்பயணம் மேற்கொண்டு ரசிகர்களை சந்தித்துவரும் நடிகர் தனுஷ், இனி அடிக்கடி வருவேன் என சொல்லியிருப்பது அவரது ரசிகர்களுக்கு பூஸ்டாக அமைந்துள்ளது. அதே நேரம் தனுஷின் திடீர் பயணம் ஏன் என்கிற விவாதமும் சினிமா வட்டாரத்தில் பலமாக உள்ளது.

தனுஷ் பயணம் ஒரு ரவுண்ட் அப்

கொடி படத்தின் தயாரிப்பாளரான மதன், இதற்குமுன் தயாரித்த படங்களுக்கான தொகையை விநியோகஸ்தர்களுக்கு முழுவதுமாக கொடுக்கவில்லை என விநிநோகஸ்தர்கள் போர்க்கொடி தூக்கியுள்ளதால் “கொடி”க்கு சிக்கல் உண்டாகியுள்ளது. இது இப்படி இருக்க, இதுவரை எந்தப்படத்துக்கும் ஊர் ஊராக சுற்றாத நடிகர் தனுஷ், கொடி படத்தை குடும்பத்தோடு பாருங்கள், என தமிழகம் முழுவதும் சுற்றுப்பயணம் மேற்கொண்டு ரசிகர்களிடம் சொல்லி வருகிறார்.

கடந்த மூன்று நாட்களாக 25க்கும் மேற்பட்ட மாவட்டங்களுக்கு சென்று வந்துள்ளார். குறிப்பாக சேலம், கோவை, திருச்சி, மதுரை உள்ளிட்ட மாநகரங்களில் ரசிகர்கள் கொடுத்த வரவேற்பில் செம ஹேப்பியாக உள்ளாராம் தனுஷ். தமிழகம் முழுவதும் ஒரே பார்முலாவை பாலோ பண்ணும் தனுஷ், ரசிகர்களை பார்த்து கையசைத்துவிட்டு ஒரு பாடலை பாடுகிறார். இந்த ஊரை என்னால மறக்கமுடியாது என கடந்த கால சில நினைவுகளை கூறும் அவர் அடுத்த சிலவார்த்தைகளுடன் கிளம்பிவிடுகிறார்.



"ரெமோ"  "ஷோ" வுக்கு இடையில் தனுஷ்

சேலத்தில் கொடி படத்தில் இருந்து பாடிய தனுஷ், திருச்சியில் நேற்று காலை எல்.ஏ சினிமாஸ் திரையரங்கத்துக்கு வந்தார். தனுஷ் வருகைக்காக வேலையில்லா பட்டதாரி திரையிடுவதாக இருந்தது. ஆனால் அதெல்லாம் வேண்டாம் என நினைத்த தியேட்டர் நிர்வாகம், கடந்த சில தினங்களாக ஓடிக்கொண்டிருக்கும், ரெமோ படத்தையே ஓட்டினார்கள். தனுஷ் ரசிகர்கள் சிவகார்த்திகேயன் நடிப்பை ரசித்துக்கொண்டிருக்க, இயக்குனர் வேல்ராஜ், சுப்ரமணிய சிவா, நடிகர்கள் காளி வெங்கட் மற்றும் 'நெருப்புடா' புகழ் அருண் ராஜா சகிதமாக தனுஷ் திரையரங்கத்துக்குள் நுழைந்தபோது ரெமோ நிறுத்தப்பட்டது.

அதனை தொடர்ந்து ரசிகர்களை சந்தித்த தனுஷ், ரசிகர்கள் விருப்பத்துக்கு இணங்க, “டங்காமாரி” பாடலின் சிலவரிகளை பாடினார். அடுத்து ”திருடா திருடி நடித்தபோது, இந்த ஊரில் 35 நாட்கள் தங்கியிருந்தேன். அப்போது ரசிகர்கள் கொடுத்த ஆதரவை நான் இப்போதும் மறக்கவில்லை” என்றார்.

இப்படி ஊர் ஊராகப் போகும் தனுஷின் வருகைக்காக ரசிகர்கள் காலையில் இருந்தே காத்துகிடக்கிறார்கள். தனுஷ் வருவதற்கு முன் கூட்டத்தை கட்டுப்படுத்த ஜிம்பாய்ஸ் 15க்கும் மேற்பட்டவர்கள் கூடவே வருகின்றார்கள். அவர்கள் தனுஷை நெருங்கவே விடுவதில்லை. நெருங்கும் ரசிகர்களை  ரசிகர்கள் மனம் நோகும் அளவுக்குத் திட்டி தீர்க்கிறார்கள். மின்னல் வேகத்தில் வந்து போகும் தனுஷ் வருகைக்காக அந்தந்த மாவட்டத்தில் லட்சக்கணக்காண ரூபாய் செலவு செய்யப்பட்டுள்ளதால் ரசிகர் மன்ற நிர்வாகிகள் புலம்பி தீர்த்தார்கள்.

திருநெல்வேலி ரசிகர்களுடன் செல்பி

தமிழகம் முழுவதும் தனுஷை யாரும் நெருங்க முடியவில்லை ஆனால் திருநெல்வேலி தனுஷ் ரசிகர்கள், எதைப்பற்றியும் கவலைப்படாமல் செல்பி எடுத்துகொண்டார்கள். அங்கு மேடையேறிய தனுஷ், ”உங்களை சந்தித்ததில் ரொம்ப மகிழ்ச்சியாக இருக்கிறது. நீங்கள் காட்டும் அன்பையும், பாசத்தையும் மறக்க முடியவில்லை. அதனால்தான் உங்களை தேடி வந்துள்ளேன். 10ஆண்டுகளுக்கு முன்பு இதே தியேட்டரில் ‘புதுப்பேட்டை’ படம் திரையிட்டபோது வந்தேன். தற்போது வந்து இருக்கிறேன். இனி இந்த அளவு காலதாமதம் ஆகாது. அடிக்கடி உங்களை சந்திக்க வருவேன். கொடி படத்தில் இரட்டை வேடங்களில் நடித்து இருக்கிறேன். நீங்கள் குடும்பத்துடன் பார்க்க வேண்டும். படத்தை வெற்றி பெற செய்யுங்கள்” என பேசிவிட்டு கிளம்பினார்.

இது குறித்து விசாரித்தபோது, தனுஷின் மாரி படம் கொடுத்த வசூலை அவரது அடுத்த படங்களான தங்கமகன், தொடரி உள்ளிட்டவை தரவில்லை. இந்தப் படங்கள் பின்னடைவை சந்தித்ததால், கொடி படத்தின் மூலம் தன்னை நிலை நிறுத்திக்கொள்ள தனுஷ் நினைக்கிறார். அதனால்தான் பல பிரச்னைகளுக்கு மத்தியிலும் கொடி படத்தை தீபாவளிக்கு ரிலீஸ் பண்ணுவதில் ஆர்வமாக இருக்கிறார். தமிழகத்தில் மட்டும் 450க்கும் அதிகமான திரையரங்குகளில் ரீலீஸ் ஆகிறது கொடி. அதிலும் சிக்கல் ஆகிவிடக்கூடாது என்பதில் கவனமாக உள்ளார்கள்.

கைக்கொடுக்குமா கொடி

இந்தப் படத்தை இயக்கும் ஆர்.எஸ்.துரை செந்தில்குமார், சிவகார்த்திகேயனை வைத்து தனுஷ் தயாரிப்பில் எதிர்நீச்சல், காக்கி சட்டை படங்களைத் இயக்கியவர். கொடி படத்தில் முதல்முறையாக தனுஷ் இரட்டை வேடத்தில் நடித்திருக்கிறார். பாடல்கள் நினைத்தபடி நன்றாக போயிருப்பதால் வெற்றி பெற்றே ஆக வேண்டும் என்பதில் குறியாக இருக்கிறார். அதுமட்டுமல்லாமல் சிலவாரங்களுக்கு முன் ரெமோ படத்தின் வெற்றி விழாவில் நடிகர் சிவகார்த்திகேயன் அழுத விசயம் பூதாகரமாகியுள்ளது. இதற்கு காரணம் தனுஷ்தான் காரணம் எனப் பலமான பேச்சு கோடம்பாக்க வட்டாரத்தில் உள்ளது. மேலும் அடுத்தடுத்த படங்கள் ஹிட் கொடுத்ததால் சிவகார்த்திகேயனின் வளர்ச்சி அதிகமாகியுள்ளதால் ரசிகர்களை தக்க வைத்துக்கொள்ள நினைக்கிறார். அதற்காக இப்படி தமிழகம் முழுவதும் சுற்றுப்பயணம் மேற்கொண்டுள்ளார் தனுஷ் என்கிறார்கள். 

ஏற்கனவே திருவோடு. அதுல விழுந்ததய்யா கருவாடு’ என்கிற கதையாகிவிட்டது தியேட்டர் கட்டண வலி! குடும்பத்தோடு தியேட்டருக்கு போனால் அரை மாச சம்பளம் அரோகரா. பாப்கார்ன், கூல் டிரிங்க்ஸ் அடிஷனல் என்றால் முழு மாச சம்பளமும் முடிஞ்சது! இந்த லட்சணத்தில் தியேட்டர் கட்டணத்தை ஏற்றிக் கொள்வதற்கு முழு அனுமதி கொடுத்துவிட்டது கோர்ட்.

திரையரங்க உரிமையாளர் சங்கத் தலைவர் ரோகிணி பன்னீர் செல்வம், தியேட்டர் கட்டண விவகாரம் குறித்து நீதிமன்றத்தில் ஒரு மனு தாக்கல் செய்திருந்தார். அதில் தியேட்டர் பராமரிப்பு தொகை, கரண்ட் பில், தொழிலாளர் கூலி, இவற்றையெல்லாம் கணக்கிட்டு கட்டணத்தை ஏற்ற அனுமதிக்க வேண்டும் என்று கேட்டுக் கொள்ளப்பட்டிருந்தது. அவரது கோரிக்கைக்கு செவி சாய்த்த நீதிமன்றம், தியேட்டர் கட்டணத்தை மறு சீரமைப்பு செய்து கொள்ள தியேட்டர் அதிபர்களுக்கு அனுமதி வழங்கிவிட்டது. இனி? சினிமா? அதன் கதி?

டமிள் ராக்கர்ஸ் டாட் காம்தான் ஒரே தீர்வு என்று முணுமுணுக்க ஆரம்பித்துவிட்டது மக்கள் மனசு. சினிமா ரசிகர்களை திருட்டு விசிடி நோக்கித் தள்ளும் இந்த முடிவுக்கு ஏதாவது விடிவு காலம் பிறந்தால்தான் சினிமா தப்பிக்கும். 150 ரூபாய் டிக்கெட் வருகிற தீபாவளி சமயத்தில் 350 ரூபாய்க்கு விற்கக் கூடிய அபாயம் இருப்பதால், திரைப்பட இயக்குனர்கள் கவலையடைந்திருக்கிறார்கள்.

தனது அதிருப்தியை பிரபல இயக்குனர் சமுத்திரக்கனி தனது ட்விட்டர் பக்கத்தில் வெளியிட்டிருக்கிறார். யாராவது மணி கட்டுங்க மவராசனுங்களே…?

‘‘இனி, வாரம் ஒருமுறை பத்திரிகையாளர்களைச் சந்திக்கிறேன்’’ என்று 2011-ம் ஆண்டு தேர்தலில் வெற்றிபெற்ற ஜெயலலிதா சொன்னார். ஆனால், அவர் வார்த்தைகள் காற்றில் கரைந்துதான் போயின. ஆறு ஆண்டுகள் ஆகிவிட்டன. அதிகபட்சமாக அவர், ஐந்து முறை பத்திரிகையாளர்களைச் சந்தித்து இருப்பார்...
அவ்வளவுதான்.  வரலாற்றைக் கொஞ்சம் ஊடுருவிப் பார்த்தோமானால், அவர் தொடக்கக் காலத்தில் இவ்வாறாக இல்லை. ஆம்...  ஊடகவியலாளர்களுடன் நெருங்கிய நட்பு பாராட்டி இருக்கிறார். அப்போது, பல அதிகார மையங்களைத் தாண்டியெல்லாம் இல்லை... வெகு சுலபமாக அவரைச் சந்திக்க முடிந்து இருக்கிறது. அவரும் மனம்விட்டுத் தன் சொந்தப் பிரச்னைகளைக்கூடப் பகிர்ந்து இருக்கிறார். ஏன்? ஒரு வார இதழ் கேட்டுக்கொண்டதற்கு இணங்க புடவைகள்கூட விற்று இருக்கிறார்!

ஜெயலலிதாவுக்குப் புடவை விற்கத் தெரியுமா...?

கோவையில் நடைபெற்ற கைத்தறிக் கண்காட்சி நிகழ்வில் மா.பொ.சிவஞானம், “சினிமா நட்சத்திரங்கள் தேச நலன் கருதி கைத்தறிப் புடவைகளைத்தான் உடுத்தவேண்டும். தான் உடுத்துவது மட்டுமல்லாமல் தன் ரசிகர்களுக்கும் இதையே பரிந்துரைக்க வேண்டும்” என்று பேசி இருக்கிறார். இதை முன்வைத்து அப்போது ஒரு வார இதழ், கட்டுரை எழுத முடிவு செய்தது. அதாவது, ஒரு பிரபலத்தைப் புடவை விற்கவைத்து, அந்த அனுபவங்களைக்  கட்டுரையாக எழுதுவது. இதற்காக அவர்கள் தேர்வுசெய்த பிரபலம் ஜெயலலிதா...!

இதை ஜெயலலிதாவிடம், அந்த பத்திரிகையின் நிருபர் திரைஞானி சொன்னவுடன், ஜெ. கேட்ட கேள்வி, “சரி நான் வருகிறேன்... ஆனால், எனக்கொரு சந்தேகம். என்னை ஏன் இதற்காகத் தேர்வுசெய்தீர்கள்...?” என்பதுதான்.

இதுதான் காரணமா என்றெல்லாம் தெரியாது. ஆனால், திரைஞானி ஒரு பதிலைச் சொல்லி சமாளித்து இருக்கிறார். அந்தப் பதில் இதுதான், “ ‘கைத்தறிப் புடவைகளைத்தான் உடுத்த வேண்டும்’ என்று சொன்னவர் பெயர் சிவஞானம். நீங்கள் குடியிருக்கும் தெருப்பெயர் சிவஞானம் தெரு. அதனால்தான்...!”

ஜெ. சிரித்தப்படி... “சரி... தெருத்தெருவாகத்தான் விற்க வேண்டுமா...” என்று தயக்கத்துடன் கேட்க, அதற்கு திரைஞானி, “தெருத்தெருவாகக் கூவி விற்க வேண்டும் என்பதில்லை. தெரிந்தவர்கள் யாருக்காவது விற்றால் போதும்” என்றிருக்கிறார்.

ஜெயலலிதா கைத்தறிப் புடவை உடுத்திக்கொள்ள... ஒரு மூட்டை கைத்தறித் துணிகளுடன், அவர்கள் புடவை விற்கச் சென்றிருக்கிறார்கள். அவர்கள் சென்ற இடம் அந்தச் சமயத்தில் ஜெ-வுக்கு நெருக்கமாக இருந்த எழுத்தாளர் சிவசங்கரி வீடு.

ஏதோ ஒரு கட்டுரைக்காகத்தானே செல்கிறோம் என்றில்லாமல்... புடவைகள் குறித்து முழுவதுமாகத் தெரிந்துகொண்டு, “இது கோயம்புத்தூர் காட்டன்; இது காஞ்சிபுரம்; இது கந்துவால்; இது வெங்கடகிரி...’’ என்று ஒவ்வொரு புடவையின் சிறப்புக் குறித்தும் விளக்கி இருக்கிறார். இதுகுறித்து திரைஞானி, “ஒரு காரியத்தில் ஈடுபட்டால் அதைப்பற்றி முழு விவரங்களையும் தெரிந்துகொண்டு இண்டலெக்ஸுவலாக நடந்துகொள்வார்...” என்று குறிப்பிட்டு இருக்கிறார்.

இதுபோல இன்னொரு சம்பவமும் இருக்கிறது. பாலா என்ற பத்திரிகையாளர் ஒரு திரைப்படப் படப்பிடிப்பு நடக்கும்போது, ஜெயலலிதாவை பேட்டிகாணச் சென்றிருக்கிறார். இவர் கேட்ட கேள்விகளுக்கு... ஜெ., சுவாரஸ்யமாக பதில் சொல்லிக்கொண்டிருக்க... அப்போது அந்தப் படத்தின் கதாநாயகன் அந்த இடத்துக்கு வந்திருக்கிறார். பாலா தயக்கத்துடன் அங்கிருந்து எழ... அதற்கு ஜெயலலிதா, “ஏன் எழுகிறீர்கள்... இப்போது நீங்கள் என் கெஸ்ட்... யாருக்காகவும் எழுந்திருக்கத் தேவையில்லை” என்றிருக்கிறார். இதைப் பின்னாளில் பாலா, தான் எழுதிய ஒரு கட்டுரையில் பதிவுசெய்திருக்கிறார்.

இதையெல்லாம் படிக்கப்படிக்க உண்மையில் ஆச்சர்யமாகத்தான் இருக்கிறது. ஊடகங்கள் மீதும், ஊடகவியலாளர்கள் மீதும் 200-க்கும் மேற்பட்ட வழக்குகளைப் போட்ட ஜெயலலிதாவா இது...? 2001-ம் ஆண்டு பத்திரிகையாளர்களை ஓடஓட விரட்டித் தாக்கிய ஜெயலலிதாவா இது...?

ஹூம்... பெருமூச்சு விட்டுக்கொள்ள வேண்டியதுதான். காலமும், அது தந்த பதவியும்... பதவி தந்த அதிகாரமும் ஒரு மனிதனை இவ்வளவு இறுக்கமாகவா ஆக்கும்...? ஆம்... இவரை ஆக்கி இருக்கிறது! இப்போது புடவை எல்லாம் விற்க வேண்டாம்தான். அது ஒரு முதல்வரின் வேலையும் இல்லைதான். ஆனால், தமிழகத்தின் தலையாயப் பிரச்னைகளின் போதாவது, ஊடகவியலாளர்களைச் சந்தித்து இருக்கலாம்.

இந்த வருடம் டாப் கியரில் பறக்கிறார் இசையமைப்பாளர் சந்தோஷ் நாராயணன். இவரது ஹிட் லிஸ்ட்டில் சமீபத்திய வரவு கொடி. அதிலும் சுழலி பாடல்  பேய் ஹிட்.

சொழலி, கலகி, அழலி, எறலி... என்ன இது வார்த்தைகளே வினோதமா இருக்கே என பாடலாசிரியர் விவேக்கை அலைபேசியில் அழைத்தோம்.

”பாட்டு வெளியானதிலிருந்து நிறைய பேர் கேட்டுட்டாங்க, "சுழலினா என்ன அர்த்தம்?"னு. ஏமாத்துக்காரினு அர்த்தம், சுழற்றி அடிப்பவளேனு கூட எடுத்துக்கலாம். நீங்க பாட்டு வர்ற சூழலோட பார்க்கும் போது ஏன் இந்த வார்த்தைனு புரியும். படம் வர்றதுக்கு முன்னாலயே பாட்டு பெரிய ரீச் ஆனதில் பெரிய சந்தோஷம். இசையமைப்பாளர் சந்தோஷ் நாராயணனுக்கும், வார்த்தைகள் தெளிவா தெரியும் படி பாடின விஜய் நரேனுக்கும் நன்றிகள்.”

"பாட்டுக்கு சந்தோஷ் நாராயணன் நிறைய கரெக்‌ஷன் போட்டிருக்கார் போல?"

இந்தப் பாட்டு எழுத எனக்கு ஒரு அரை மணிநேரம் ஆச்சு. ஐபாட்ல எழுதி சந்தோஷ் நாராயணன் அவர்களுக்கு அனுப்பி வச்சேன். அவர் அதைப் ப்ரிண்ட் எடுத்து சில டவுட்டு கேட்கற மாதிரி, கலாய்ச்சார். அவர் ரொம்ப அமைதினு நினைக்கறீங்களா? செம கலாட்டாவான ஆளு. அந்தப் பேப்பரை தான் ஃபேஸ்புக்ல போட்டேன்.

லிரிக் வீடியோல வரிகள் பார்த்து கலகட்டிப் போறவளேன்னா... சிலர் வயல்ல வர்ற களைனு நினைச்சர்றாங்க. ஆட்டம் கலகட்டுதுனு சொல்லுவோமே அந்த அர்த்தத்தில் எழுதினது.



வரிகள்:

ஏ சொழலி அழகி வெலகி கலகட்டிப் போறவளே

இருடி திருடி

அழகூட்டித்தான் நகரும் அரளி (விஷச் செடி)

நொர தள்ளிப் போனேன் வெட்கம் கொறடி

ஒன் வயசத்தான் தித்திப்பா தின்னேன்.

உசுரத்தான் கத்தி சொன்னேன்



பொட்டக் கோழி அலகுல

என்னக் கொத்தி அலயுற

விட்டாக் கொஞ்சம் பொழைக்கிறேன் விடுடி

முட்ட ஓட்டு மனசுல

கண்ண தூக்கி எறியுற

திட்டா எட்டி செதறுறேன் எறலி

(முட்டை ஓடு மாதிரி இருக்கும் என்னுடைய மனசில் கண்ணை எறியறதால சில்லு சில்லா செதறுறேன் மஞ்சள் நிற பூவே. எறலி - கொன்றை மலர்)

ஏ சொழலி அழகி கலகி கலகட்டிப் போறவளே

இருடி திருடி

(கலகி - கலகமூட்டுபவள். ஆனா, லிரிக் வீடியோல கலரினு தப்பா வந்திடுச்சு. இதில் வரும் இருடி திருடிக்கு பதிலா நெழலி (நிழல் தருபவள்னு அர்த்தம் படும்படியா எழுதினேன்)   வெரலி - (விரலி மஞ்சள்) எழுதியிருந்தேன். ஆனா, வர்த்தைகள் ரொம்ப குழப்பமா இருக்குமேனு தான் மாத்திட்டோம்)

கெடமாட்டுக்கு உணவா அழலி

வித போட்டக் காட்ட திங்கக்குடுடி

(பெரிய மாட்டுக்கு சாப்பாடா வெள்ளை கடுகு எப்படிப் பத்தும்? விதை போட்ட காடு மொத்தத்தையும் குடுனு அர்த்தம்)

நீ மனசோடா கல்வெட்டா நின்ன

கண்வெட்டா வெட்டி கொன்ன

பொட்டக் கோழி அலகுல

என்னக் கொத்தி அலயுற

விட்டாக் கொஞ்சம் பொழைக்கிறேன் விடுடி

முட்ட ஓட்டு மனசுல

கண்ண தூக்கி எறியுற

திட்டா எட்டி செதறுறேன் எறலி



ஏ சொழலி...



ஆலங்காட்டுக் கர

ஆத்தில் நீந்தும் பெற

ஒடயிற அல்லி ஒலறுது நித்தம்

காதல வண்டு காதுல கத்தும்

பொழங்குற வண்டு முழுங்குது முத்தம்

பூவுல தத்தித் தாவுற சத்தம்



பொழியிது தேனு

பொதையிற நானு

அடமழ கொட்டுச்சா

கனவுல மாட்டிக் கொழம்புன மீனு

முழிச்சதும் தப்புச்சா?



பொட்டக் கோழி அலகுல

என்னக் கொத்தி அலயுற

விட்டாக் கொஞ்சம் பொழைக்கிறேன் விடுடி

முட்ட ஓட்டு மனசுல

கண்ண தூக்கி எறியுற

திட்டா எட்டி செதறுறேன் எறலி

ஏ சொழலி...

”இந்தப் பாட்டு முழுசும் பூவில் தேனெடுக்கும் வண்டு பாடற மாதிரி ஆரம்பிச்சு மீனுடைய கனவா முடியும். அதாவது மீன் அதனுடைய கனவில் தன்னை ஒரு வண்டா நினைச்சுக்கும். பூவுடைய காதில் தினமும் காதலை சொல்லும் வண்டு, பூ கிட்டயிருந்து முத்தத்தை உணவா சாப்பிட்டுட்டுப் போகுது. பூவிலிருந்து தேன் மழை மாதிரி பொழியிது. இதுல புதைஞ்சா என்ன பண்றதுனு தெரியலையேனு நினைக்கறப்போ மீன் தன்னுடைய கனவிலிருந்து முழிச்சுக்கும். நான் தான் மீனாச்சே! நீந்தித் தப்பிச்சிடுவேனேனு நினைக்கும் போது கோழியுடைய அலகில் இருக்கும். எப்படி இருந்தாலும் தன் காதலிகிட்டயிருந்து தப்பிக்க முடியாலையே காதலன் சொல்ற மாதிரி முடியும் பாட்டு.” என்கிறார் விவேக்.

இப்போ முதல்ல இருந்து வரிகள படிங்க. இன்னும் சுவாரஸ்யமா இருக்கும்.

தெரியாதவங்க கூட கடைகள்ல விக்கிற இன்ஸ்டன்ட் குலாப்ஜாமூன் மிக்ஸ் வாங்கி செஞ்சுடறாங்க.. இதுக்கும் சோம்பேறித்தனமா இருக்கறவங்க டின்களில் அடைக்கப்பட்ட குலாப்ஜாமூன்களை வாங்கி பயன்படுத்தறாங்க. இப்பல்லாம் யூடியூப் ல நிறைய பலகாரங்கள் செய்யறது பற்றியான தகவல்கள் வீடியோ காட்சிகளாவே கிடைக்குது. அதப்பார்த்தும் நிறைபேரு விதவிதமா ட்ரை பண்றாங்க..

இந்த ரெடிமேட் குலாப்ஜாமூன் மிக்ஸ் பல பிராண்டுகள்ல கிடைக்குது. ஒண்ணு வாங்கினா ஒண்ணு ப்ரீன்னு பல நிறுவனங்கள் போட்டி போட்டு கொடுத்துகிட்டு இருக்கு. இந்த பாக்கெட்டுகளைப் பொறுத்தவரை அதுல இருக்கிற அந்த கோவா மிக்ஸ் என்பது ஒரு கெமிக்கல் கலந்த பிரசர்வ்வேட்டிவ் ஃபுட் மிக்ஸ்தான். பால் பொருட்கள் எதுவா இருந்தாலும் அது ஒரு நாள் ரெண்டு நாளுக்கு மேல தாங்காது. கோவாவும் அப்படித்தான். பாலிலிருந்து எடுக்கும் கோவா 2ம்நாள் புளிச்சுப்போயிடும். ஆனால் இந்த ரெடிமேடு மிக்ஸ் எனப்படும் குலாப்ஜாமூன் மிக்ஸ் 3 முதல் 6 மாதம் வரை கூட கெடாமல் இருக்கின்றது. வா மில்க் ப்ராடக்ட் கெடாம இருக்கனும்னா Formalin என்ற வேதிப்பொருள் மட்டும் கலக்க fssai யின் அனுமதியுண்டு. ஆனால் இதனை கலக்கும் போது அதிகபட்சம் அந்த ப்ராடக்ட் 3 மாசம்வரை தான் கெடாமல் இருக்கும். எனவே இந்த தயாரிப்பு நிறுவனங்களில் சில mercuric chloride, potassium dichromate, hydrogen peroxide, bronopol, and azidiol இப்படி ஏதாவது ஒன்றை அந்த ஃபார்மலின் கெமிக்கலோடு கலந்து அந்த குலாப்ஜாமூன் மிக்ஸ் காலாவதியாவதையும் கெட்டுப்போகாமல் இருப்பதையும் நீட்டிக்க செய்கின்றனர்..

இந்த வேதிப்பொருட்கள் எல்லாம் பின்னொரு நாளில் குடல் கேன்சர், கிட்னி ப்ராப்ளம் இப்படி ஏதாவது ஒரு பக்கவிளைவினை ஏற்படுத்தக்கூடியவ‍ை.. எனவே இன்ஸ்டன்ட் குலாப்ஜாமூன் மிக்ஸ் பாக்கெட்டுகளை வாங்கி குலாப்ஜாமூன்கள் செய்வதை தவிர்ப்பது நல்லது.. அத‍ே போன்ற டின்களில் அடைத்து விற்கப்படும் குலாப்ஜாமூன்களை வாங்கி உண்பதையும் தவிர்ப்பது நல்லது.. இந்த டின் குலாப்ஜாமூன்களும் அதே கெமிக்கல் ஃபார்முலாதான்..

சரி அப்படி என்றால் குலாப்ஜாமூன் எப்படித்தான் தயாரிப்பது என கேள்வி நம்மில் பலருக்கு எழலாம்.. ப்ரஷ் கோவா வாங்கி செய்வது தான் சிறந்தது.. இந்த ப்ரஷ் கோவா ஆவின் பார்லர்கள்ல கிடைக்குது. இல்லேன்னா பெரும்பாலான டிபார்ட்மென்ட்டல் ஸ்டோர்கள்லயும் கிடைக்கும். வாங்கும்போது சர்க்கரை போடாத ப்ளைய்ன் கோவா வாங்கிக்கொண்டு வந்து குலாப்ஜாமூன் செய்தால் சுவையும் நன்றாக இருக்கும். இன்ஸ்டன்ட் மிக்ஸ் வாங்குவதைவிட விலை குறைவாகவும் இருக்கும். உடலுக்கும் எந்த பக்கவிளைவுகளும் ஏற்படாது.
எப்படிச் செய்வது?

சர்க்கரை போடாத கோவா 250கிராமுடன் 50 கிராம் மைதா, கொஞ்சூண்டு ஆப்பசோடா அல்லது சிறிதளவு பேக்கிங் பவுடர் சேர்த்து சப்பாத்திக்கு மாவு பிசையற பதத்துக்கு இந்த கலவையை பிசைஞ்சு சின்ன சின்ன உருண்டைகளாக உருட்டி வாணலியில் நெய்ஊற்றி மிதமான சூட்டில் பொன்னிறமாக பொரித்தெடுக்க வேண்டும்.. ஃப்ளேம் அதிகமாகவும் குறைவாகவும் இருக்கக்கூடாது.

500 கிராம் சர்க்கரையில் 200 எம்.எல் தண்ணீர் விட்டு கொதிக்கவைத்து பாகு கரண்டியில் எடுத்து பாத்திரத்தில் விடும்போது ட்ராப் ட்ராப்பாக விழுந்து இறுதியாக கடைசி ட்ராப் கரண்டி முனையில் நிற்கவேண்டும்.. இதுதான் பாகுபதம்.. இது கொஞ்சம் திக்கா இருக்கும். இளம்பாகு வேண்டுவோர் இன்னம் கொஞ்சம் முன்னதாக இறக்கிவிடலாம். இன்னும் கொஞ்சம் தாமதமாக கம்பி பதத்துக்கு வந்தால் ட்ரை குலாப்ஜாமூன் செய்வதற்கு பயன்படுத்திக்கொள்ளலாம்..
பொரித்த உருண்டைகளை சர்க்கரை பாகு சூடாக இருக்கும்போதே போட்டுவிட்டு சற்று நேரம் பொறுத்து ஜீராவிலிருந்து வெளியே எடுத்து வேறு பாத்திரத்தில் வைத்து விடுவது நல்லது. இல்லையென்றால் இந்த உருண்டைகள் சர்க்கரைப்பாகு முழுவதையும் உறிஞ்சிக்கொள்ளும். சில நேரங்களில் ஒன்றுக்கு மேல் ஒன்று இருப்பதால் அழுத்தம் காரணமாக உடைந்து கரைந்தும் போக வாய்ப்புண்டு.

வெளியே எடுத்து வைக்காமல் போனால் பறிமாறும்போ போது ஜீரா இல்லாமல் போய்விடும். எனவே ஜீராவையும் குலாப்ஜாமூன் உருண்டைகளையும் தனித்தனியே பிரித்து வைத்துவிட்டு தேவைப்படும் போது ஜீரா உற்றி பறிமாறிக்கொள்ளலாம். இந்த கோவாவில் செய்யப்படும் குலாப்ஜாமூனின் சுவை நன்றாக இருக்கும். அந்த மிக்ஸ் பாக்கெட் வாங்கி அதுல கிடைக்கிற எண்ணிக்கையை விட இதில் கூடுதலா கிடைக்கும்..

இந்த முறை குலாப்ஜாமூன் செய்யறவங்க சர்க்கரை போடாத கோவா வாங்கி செய்யறதுக்கு ட்ரை பண்ணுங்க.. கெமிக்கலில்லா ஸ்வீட்களோடு தீபாவளியைக் கொண்டாடுங்க!

தமிழ் திரைப்படவுலகம் ஐசியூ வில் அனுமதிக்கப்பட்டு அநேக நாளாச்சு! கோழியை விற்றுவிட்டு முட்டை வாங்கினோம். அந்த முட்டையும் அழுகிய முட்டையா போச்சே என்று அழுது புலம்புகிற அளவுக்கு ஒவ்வொரு வெள்ளிக்கிழமையும் கருப்பாக விடிகிறது தயாரிப்பாளர்களுக்கு. பெப்சி தொழிலாளர்களின் தாறுமாறான கூலி. ஹீரோக்களின் இடி மின்னல் சம்பளம். திருட்டு விசிடிக்காரர்களின் உடனடி சேவை என்று தத்தளித்து வரும் சினிமாவை காப்பாற்ற என்ன வழி என்று தினந்தோறும் பேசி பேசி மாய்கிறது தமிழ்சினிமாவின் அமைப்புகள்.

பிரபல விநியோகஸ்தர் திருப்பூர் சுப்ரமணியன் இன்று அதற்கு ஒரு தீர்வு சொல்லியிருக்கிறார். அதை தயாரிப்பாளர் சங்கத் தலைவர் தாணுவும் ஆமோதித்திருக்கிறார். சுப்ரமணியன் பேசிய பல விஷயங்களில் மிக முக்கியமான விஷயம் ஒன்றுதான் கிடுக்கிப்பிடி!

“இன்று படம் திரைக்கு வந்த நான்கு நாட்களுக்குள்ளேயே இந்தப்படம் இமாலய வெற்றி, ஆரவாரமான வெற்றின்னு விளம்பரம் கொடுத்து உங்களை நீங்களே ஏமாத்திக்கிறீங்க. உண்மையில் அப்படியா இருக்கு நிலைமை? நீங்கள் விளம்பரம் கொடுப்பதுதான் உண்மை போலிருக்கு என்று ஹீரோக்களும் நினைத்துக் கொண்டு கண்டபடி சம்பளத்தை ஏற்றி விடுகிறார்கள். அதனால் இனி ஒவ்வொரு மாதமும் கூடும் பெடரேஷன் மீட்டிங்கில், அந்தந்த மாதம் ரிலீஸ் ஆன படங்களின் வசூல் பற்றிய வெள்ளை அறிக்கையை வெளியிட வேண்டும். முதலீட்டிலிருந்து எத்தனை சதவீதம் வசூல். எத்தனை சதவீதம் லாபம், அல்லது நஷ்டம் என்பதை பகிரங்கமாக அறிவிக்க வேண்டும். அப்படி அறிவிக்கும் பட்சத்தில், தானாகவே அதிக சம்பளம் கேட்கும் ஹீரோக்கள் உண்மையை உணர்வார்கள் என்று கூறியிருக்கிறார்.

திருப்பூர் சுப்ரமணியத்தின் இந்த கோரிக்கைக்கு திரையுலக அமைப்புகள் கைதட்டி வரவேற்பு கொடுத்துள்ளன. அவர் நினைத்தது போல நடந்தால், பல அல்டாப் ஹீரோக்களுக்கு முதுகு தண்டில் ஜிலீர் நிச்சயம்.

பேசியபடி நடக்குமா?

சிவகங்கை மாவட்டத்திலிருக்கும் கீழடி என்ற ஊர்தான் கடந்த சில வாரங்களாக தலைப்புச் செய்தி! ஆயிரம் ஆண்டுகளுக்கு முன்பே அழகழகான வீடுகளை கட்டி நாகரீத்தின் உச்சத்தில் வாழ்ந்திருக்கிறான் தமிழன் என்பதற்கான ஆதாரங்கள் அந்த கீழடி கிராமத்தில் கிடைத்திருக்கிறது. பண்டைய தமிழன் பயன்படுத்திய அற்புதமான பொருட்களும் கிடைத்திருக்கின்றன. இதன் மூலம் உலக நாகரீகத்தின் முதல் மனிதனாக திகழ்ந்தவன் தமிழன் என்ற உண்மையும் புலப்பட்டிருக்கிறது.

இந்த தொல்பொருள் ஆராய்ச்சியில் கிடைத்த பொருட்களை, அதே ஊரில் ஒரு மியூசியம் அமைத்து காட்சிக்கு வைக்க முன் வராத தொல்பொருள் துறை, அந்த பொருட்களை மைசூருக்கு கொண்டு சென்று வைக்க முடிவெடுத்திருக்கிறது. அதுமட்டுமல்ல, மேலும் இந்த ஆராய்ச்சியை தொடர மனசில்லாமல் அரைகுறையாக நிறுத்திவிட்டு கிளம்பும் முயற்சியையும் மேற்கொண்டுள்ளது.

இதையடுத்து கீழடிக்கு சென்ற டைரக்டர்கள் அமீர், கரு.பழனியப்பன், ஜனநாதன் ஆகிய மூவரும் தங்கள் கண்டனத்தை பதிவு செய்திருக்கிறார்கள். “தமிழனின் பெருமையை அழிக்கும் முயற்சி தொடர்ந்து நடைபெற்று வருகிறது. ஜல்லிக்கட்டை இழந்தோம். காவிரியை இழந்தோம். இப்போது நாகரீகத்தின் அடையாளமாக தமிழன் விளங்கியிருக்கிறான் என்கிற பெருமையயும் குழி தோண்டி புதைக்கும் முயற்சி நடக்கிறது. இங்கிருந்து கிடைத்த பொருட்களை இங்கேயே காட்சிக்கு வைக்க வேண்டும். அதற்கு இரண்டு ஏக்கம் நிலம் வேண்டும் என்று காரணம் சொல்லியிருக்கிறது தொல்பொருள் துறை. அந்த இரண்டு ஏக்கர் நிலத்தை எங்கள் இயக்குனர் சங்கமே கூட தர தயாராக இருக்கிறோம்” என்று அமீர் ஆவேசமாக கூறினார்.

ஹ்ம்… தமிழனின் குரல் எப்போது டெல்லி வரைக்கும் கேட்டிருக்கிறது, இப்போது கேட்க?

டி.வியை திறந்தால், ‘என் தங்கம் என் உரிமை’ என்று உரிமைக் குரல் எழுப்புகிறார் பிரபு. தொண்டை தண்ணி வற்ற வற்ற அவர் முழக்கமிடுவதை கண்ட திருவாளர் பொதுஜனம், கடையே பிரபுவுக்கு சொந்ததமானதா இருக்கும் என்ற முடிவுக்கு வந்துவிட்டது. கொஞ்சம் மனசாட்சி உள்ளவர்கள் மட்டும், “இல்லேப்பா… அவரு பார்ட்னரு. அவ்ளோதான்” என்று கொஞ்சமாக வெறுப்பேற்றுகிறார்கள்.

இனவெறி இன்வேட்டர்களான இன்னும் சிலர், “அதெப்படி அக்மார்க் தமிழனான பிரபு ஒரு மலையாளிக்கு சப்போர்ட் பண்ணி இவ்ளோ கூவு கூவுறார்” என்றெல்லாம் பிரச்சனை கிளப்பி வருகிறார்கள். எல்லாவற்றுக்கும் தன் குழிக்கன்னம் குபீர் ஆகிற அளவுக்கு விளக்கம் கொடுத்தார் இளையதிலகம் பிரபு. ரொம்ப பேர் நான் கல்யாண் ஜூவல்லர்ஸ்ல பார்ட்னர்னு நினைச்சுகிட்டு இருக்காங்க. என்னோட பல வருஷத்து பிரண்ட் அவங்க. வெறும் ஐந்து கடையோட ஆரம்பிச்சாங்க. இன்னைக்கு 130 கிளைக்கும் மேல இருக்கு. அதுல 70 கடையை நானே திறந்து வச்சுருக்கேன். அவங்களோட பிராண்ட் அம்பாசிடர்ங்கறதை தவிர வேற ஒன்னும் இல்லீங்க என்று சிரித்தார். அப்புறம் இந்த எம்சிஆர். வேஷ்டி?

அவங்களும் பிரண்டுதானாம். பிரபு சொன்ன இன்னொரு விஷயம் குடும்பஸ்தர்களுக்கு மட்டும் புரிகிற நெகிழ்ச்சி. “நல்ல கதைன்னா மட்டும் செலக்ட் பண்ணி நடிக்கிறேன். மற்றபடி விளம்பர படங்களில் நடிக்கிறேன். இப்ப முழு நேர சந்தோஷமே பேரப் பிள்ளைகளோடு விளையாடுவதுதான். ஸ்கூலுக்கு கொண்டு போய் விடுறேன். ஸ்கூல் முடிஞ்சதும் அழைச்சுட்டு வர்றேன். அவ்ளோ சந்தோஷமா இருக்கு வாழ்க்கை”.

“பிள்ளை பிறந்தா இன்பம். பேரப்பிள்ளை பிறந்தால் பேரின்பம்னு சொல்வார் அப்பா சிவாஜி. இப்பதான் அதோட முழு அர்த்தமும் புரியுது” என்றார் பிரபு.

அப்ப உங்களோட கிசுகிசுக்கப்பட்ட ஹீரோயின்ஸ் கூட இப்ப பாட்டிதான்னு சொல்லுங்க?