!...Payanam...!

பா.ரஞ்சித் இயக்கத்தில் சூப்பர் ஸ்டார் ரஜினிகாந்த் காலா படத்தின் முதல் கட்ட படப்பிடிப்பை முடித்துவிட்டார். இதற்கு முன்னர் முக்கிய புள்ளிகளோடு ஆலோசனை, ரசிகர்களுடனான சந்திப்பு என எல்லாமே பரபரப்பாக பேசப்பட்டு வருகிறது.

ஏற்கனவே அவர் நான் மீண்டும் ரசிகர்களை சந்திப்பேன் என கூறியிருந்தார். தற்போது அவரின் கட்சி பெயர் குறித்து சில தகவல்கள் வெளிவந்துள்ளது.

இதில் அவர் ஆரம்பிக்கப்போகும் கட்சியின் பெயரில் படை என்ற வார்த்தை இருக்க வேண்டும் என தீவிரமாக ஆலோசித்து வருகிறார்களாம். எனவே விரைவில் அறிவிப்புகள் வெளியாகலாம் என்ற நிலை உள்ளது.

இயக்குனர் பா. ரஞ்சித் மீது அதிருப்தியில் உள்ளாராம் இயக்குனர் ஷங்கர்.

சூப்பர் ஸ்டார் ரஜினிகாந்தை வைத்து 2.0 எனும் மெகா பட்ஜெட் படத்தை எடுத்து முடித்துள்ளார் இயக்குனர் ஷங்கர். 2.0 பட வேலைகளை முடித்த கையோடு ரஜினி பா. ரஞ்சித் இயக்கத்தில் காலா படத்தில் நடிக்க சென்றுவிட்டார்.

இந்த காரணத்தால் அனைவரும் காலா பற்றியே பேசி வருகிறார்களே தவிர 2.0 படத்தை யாரும் கண்டுகொள்ளவில்லை. ரஞ்சித் வேறு அவ்வப்போது காலா புகைப்படங்களை ட்விட்டரில் வெளியிட்டு எதிர்பார்ப்பை அதிகப்படுத்தி வருகிறார்.

காலா படத்திற்கு ஓவர் பப்ளிசிட்டி கொடுத்து வருவதால் ரஞ்சித் மீது ஷங்கர் கடுப்பில் உள்ளாராம். 2.0 படம் ரிலீஸாகும் வரை கொஞ்சம் அடக்கி வாசிங்க ரஞ்சித். அதன் பிறகு நீங்கள் காலாவுக்கு பிரமாண்ட பப்ளிசிட்டி கொடுக்கலாம் என்று ஷங்கர் கூறியதாக கோடம்பாகத்தில் பேசிக் கொள்கிறார்கள்.

2.0 புகைப்படம் லீக்கானபோது தான் அந்த படம் பற்றி பலருக்கும் மீண்டும் நினைவு வந்தது என்பது குறிப்பிடத்தக்கது.

டாஸ்மாக் மூலம் ‘தண்ணி’யை விற்பதன் மூலம் நமது மாநில அரசாங்கம் பல ஆயிரம் கோடிகளைச் சம்பாதிக்கிறது. கேன்களில் குடிநீர் அடைத்து விற்பதன் மூலம் தனியார் நிறுவனங்கள் பல நூறு கோடி ரூபாயைச் சம்பாதித்து வருகின்றன. இன்றைய தேதியில்,
மினி பஸ் செல்லாத குக்கிராமங்களில்கூட குடிநீர் கேன்கள் சென்றுவிட்டன. கேன்களில் அடைக்கப்பட்ட தண்ணீரைக் குடிப்பதே உடல் நலத்துக்குப் பாதுகாப்பு என்கிற எண்ணம் நகர்ப்புறத்து மனிதர்களிடம் மட்டுமல்ல, கிராமத்து மனிதர்களின் ஆழ்மனதிலும் மறக்க முடியாத அளவுக்கு விதைக்கப்பட்டுள்ளதால், கோடிகள் புரளும் பிசினஸாக மாறியிருக்கிறது குடிநீர் வியாபாரம்.

சென்னையில் உள்ள வளர்ச்சி மற்றும் ஆராய்ச்சி நிறுவனம் (MIDS - Madras Institute of Development Studies) சார்பில் பொதுமக்களின் குடிநீர் பயன்பாடு குறித்து ஓர் ஆய்வு நடத்தப்பட்டது. அதில் குடிசையில் வசிக்கும் மக்கள்கூட, சுகாதாரமான தண்ணீர் குடிக்க வேண்டும் என்று கருதுவதாகத் தெரிய வந்திருக்கிறது. குடிசைவாசிகள் தங்களது அன்றாட வருமானத்தில் 20 சதவிகிதத்தைக் குடிநீர் வாங்க செலவழிப்பதாகவும் அந்த ஆய்வில் தெரிய வந்திருக்கிறது. கேன் குடிநீர் குடிப்பவர்கள் எல்லாம் மேல்தட்டு மக்கள் என்ற நிலைமாறி, இன்று குடிசை வீட்டில் வசிப்பவர்களும் கேன் குடிநீரைக் குடிக்க ஆரம்பித்திருக்கின்றனர்.

போதிய அளவு மழை இல்லை; குடிநீர் வழங்கும் ஏரிகள் வறண்டுவிட்டன; அரசுத் தரப்பில் குடிநீர் விநியோகம் செய்வது குறைந்து வருவது; அரசுக் குடிநீரைக் குடித்தால், உடல்நலமில்லாமல் போவது; (சென்னையில் சில இடங்களில் குடிநீர்க் குழாயில்  சாக்கடைத் தண்ணீர் வருவது வாந்தி வரவைக்கும் கொடுமை!) கேன்களில் அல்லது பாட்டில்களில் அடைக்கப்பட்ட குடிநீரைக் குடிப்பதற்கு இப்படி எத்தனையோ காரணங்கள் கடந்த பத்தாண்டுகளில் ஏற்பட்டிருக்கிறது. பாக்கெட் தண்ணீரைப் பருக ஆரம்பித்த நம் மக்கள், இன்றைக்குக் கேன் தண்ணீரை வாங்கிக் குடிக்க அஞ்சுவதே இல்லை.

சராசரியாக ஒரு குடும்பத்துக்குத் தினமும் ஒரு கேன் குடிநீர் மட்டுமாவது வாங்கும் சூழல் ஏற்பட்டுள்ளது. ஒரு குடிநீர் கேன் 30 முதல் 40 ரூபாய்க்கு வாங்குகின்றனர். சராசரியாக மாதம் ஒன்றுக்கு ரூ.1,200 செலவு செய்ய வேண்டிய கட்டாயம் இப்போது ஏற்பட்டிருக்கிறது.

தமிழகத்தில் கடந்த 17 ஆண்டுகளாகக்  குடிநீருக்குக் கடும் தட்டுப்பாடு ஏற்பட்டுள்ளது. இதுதான் கேன்களில் அடைக்கப்பட்ட குடிநீர் கனஜோராக விற்பனையாவதற்கு முக்கியக் காரணம். ஆரம்பத்தில் பிஸ்லரி உள்ளிட்ட சில தனியார் நிறுவனங்கள் மட்டுமே பாட்டிலில் குடிநீரை அடைத்து விற்றன. தமிழகத்தில் குடிநீர் விற்பனையில் இறங்கிய முதல் நிறுவனம் டீம் மினரல் வாட்டர். இவர்கள் 32 வருடங்களாகச் சந்தையில் இருப்பதாகச் சொல்கிறார்கள்.

தமிழகத்தில் சென்னை, கோவை, மதுரை ஆகிய நகரங்களில் நிலத்தடி நீர்வளம் அதிகமுள்ள இடங்களைச் சுற்றிக் குடிநீர் ஆலைகள் தொடங்கப்பட்டிருக்கின்றன. ஆரம்பக் காலத்தில்  70 குடிநீர் ஆலைகள் தமிழகத்தில் இருந்தன. அப்போது ஐ.எஸ்.ஐ சான்று பெற வேண்டும் என்ற கட்டுப்பாடுகள் எல்லாம் வரவில்லை. சில குடிநீர் நிறுவனங்கள் சுகாதாரமற்ற குடிநீர் வழங்குவதாகப் புகார் எழுந்தபோது, 2004-ம் ஆண்டு முதல் ஐ.எஸ்.ஐ சான்றிதழ் பெறுவதை இந்திய தர நிர்ணய நிறுவனம் கட்டாயமாக்கியது.

இப்போது தமிழகம் முழுவதும் ஐ.எஸ்.ஐ சான்று பெற்ற 1,400-க்கும் மேற்பட்ட குடிநீர் ஆலைகள் செயல்படுகின்றன. சென்னை, திருவள்ளூர், காஞ்சிபுரம் மாவட்டங்களில் மட்டும் 425 குடிநீர் ஆலைகள் உள்ளன. கடந்த ஓர் ஆண்டில் மட்டும் 100 குடிநீர் ஆலைகள் தமிழகம் முழுவதும் புதிதாகத் தொடங்கப்பட்டுள்ளன. இப்போதும் புதிதாகக் குடிநீர் ஆலை தொடங்குவதற்காக அனுமதி கேட்டு 260 விண்ணப்பங்கள், சென்னையில் உள்ள இந்திய தர நிர்ணய நிறுவனத்தின் மண்டல அலுவலகத்தில் வரிசையாகக் காத்துக் கிடக்கின்றன.

பொதுவாக, குடிநீர் ஆலைகளில் தினந்தோறும் 25 ஆயிரம் முதல் 30 ஆயிரம் லிட்டர் குடிநீரை சவ்வூடு பரவல் முறையில் (Reverse Osmosis) சுத்திகரிக்கின்றனர். இந்த பிராசஸைச் சுருக்கமாக, தண்ணீரை ஆர்.ஓ  செய்வது என்பார்கள். கடந்த மார்ச் மாதத்திலிருந்து 1.40 கோடி லிட்டர் முதல் 1.60 கோடி லிட்டர் வரை குடிநீர் விற்பனையாகி இருக்கிறது. கோடையில் வெப்பத்தின் தாக்கம் அதிகரிப்பதால்,  2 கோடி லிட்டர் வரை குடிநீர் விற்பனையாகி இருக்கலாம் என்கிறார்கள்.  சென்னையில் கடுமையான குடிநீர்த் தட்டுப்பாடு நிலவுவதால், வழக்கத்தைவிட 30% அதிகமாகவே குடிநீர் விற்பனையாகி இருப்பதாகவும் சொல்கிறார்கள்.

குடிநீர் வியாபாரத்தில் மளிகைக் கடைக்காரர்கள், சிறு வியாபாரிகளின் பங்கு முக்கியத்துவம் வாய்ந்தது. உற்பத்தியாளர்களிடமிருந்து வாங்கிய 20 லிட்டர் கேன் ஒன்றை, வாடிக்கை யாளர்களுக்கு 20 ரூபாயில் இருந்து 40 ரூபாய் வரை விற்கின்றனர். கோடை காலத்தில் அவர்களுக்குக் குடிநீர் வியாபாரத்தில் இருந்து கணிசமான லாபம் கிடைக்கிறது. சென்னையில் மட்டும் சிறிய, பெரிய பிராண்ட்கள் என 100 நிறுவனங்கள் குடிநீர்  வியாபாரத்தில் ஈடுபட்டிருக்கின்றன. சென்னையில் மட்டும் ஆண்டுக்கு ரூ.18 கோடி அளவுக்குக் குடிநீர் வர்த்தகம் நடக்கிறது.

குடிநீர் ஆலைகள் அமைப்பது சாதாரண காரியமல்ல. நிலத்தடி நீரைப் பயன்படுத்துவதற்கான அனுமதி, சுற்றுச்சூழல் அனுமதி, உணவுத் துறையின் அனுமதி, இந்திய தர நிர்ணய நிறுவனத்தின் தரச் சோதனை ஆகிய முக்கியமான விதிமுறைகளைக் கடைப்பிடிக்க வேண்டும். அதன் பின்னர்தான் குடிநீர் ஆலையை நடத்த முடியும். இதில் ஏதாவது ஓர் அனுமதி கிடைக்காவிட்டாலும் குடிநீர் ஆலையை நடத்த முடியாது. இந்தத் தொழிலின் இன்றைய நிலை குறித்து, தமிழ்நாடு பேக்கேஜ்டு குடிநீர் நிறுவனங்களின் அசோசியேஷன் செயலாளர் சுரேஷ்குமாருடன் பேசினோம்.

“குடிநீரின் தரத்தை மேம்படுத்த என்னென்ன விதிமுறைகள் இருக்கிறதோ, அத்தனை விதிமுறைகளையும் அமல்படுத்துகிறோம். நாங்கள் உற்பத்தி செய்யும் தண்ணீர், தரமான குடிநீர்தானா என்பதை அறிய அதை முதலில் நாங்களே குடித்துச் சோதிக்கிறோம்.  தண்ணீர் குடிக்கும் அளவுக்குத் தரமாக இல்லை எனில், அதை விற்பனை செய்வதில்லை.

குடிநீர் ஆலைகள் பெரும் அளவு லாபம் அடைகின்றன என்கிற பொதுவான கருத்து உள்ளது. நிலத்தடி நீரை நம்பித்தான் குடிநீர் ஆலைகள் தொடங்கப்படு கின்றன. எனவே, இப்போதிருக்கும் 1,400 நிறுவனங்களும் 100% அளவுக்குக் குடிநீரை உற்பத்தி செய்வதில்லை. தொடர் வறட்சி காரணமாகக் கடந்த சில ஆண்டுகளாக நிலத்தடி நீர் கிடைப்பதில்லை. இதனால் 80% அளவிலான குடிநீர் நிறுவனங்கள் நஷ்டத்தில் இயங்குகின்றன. 20% நிறுவனங்களே லாபத்தில் இயங்குகின்றன.

ஒரு குடிநீர் நிறுவனம் ஒரு நாளைக்கு 10,000 ரூபாய் வருமானம் ஈட்டும். மாதத்துக்கு அதிகபட்சமாக ரூ.2.50 லட்சம் முதல் ரூ.5 லட்சம் வரை கிடைக்கும். சில நேரங்களில் நாள் ஒன்றுக்கு ரூ.5 ஆயிரம் மட்டும்தான் கிடைக்கும். வேறு தொழிலில் இருப்பவர்கள், குடிநீர் நிறுவனத்தையும் சேர்த்து நடத்துகின்றனர்.

தமிழக அரசு அம்மா குடிநீர் பாட்டில்களை ரூ.10-க்கு விற்கிறது. மத்திய அரசு ரயில் நீர் என்ற பெயரில் ரூ.15-க்கு விற்கிறது. அரசு நிறுவனங்களோடு போட்டி போட்டுக்கொண்டு தனியார் குடிநீர் நிறுவனங்களும் விலையைக் குறைக்க வேண்டிய கட்டாயத்தில் இருக்கின்றன” என்றார்.

குடிநீருக்கு ஐ.எஸ்.ஐ முத்திரை வழங்கும் இந்திய தரக் கட்டுப்பாடு நிறுவனத்தின் அதிகாரி பாலகிருஷ்ணனுடன்  பேசினோம். “குடிநீர் தரமானதா என்பதை அறிய நான்கு  விதமான சோதனைகள் செய்கிறோம். ஐ.எஸ்.ஐ முத்திரை தரப்பட்டபின், ஒரு நிறுவனம் தரமான குடிநீரைத்தான் தயாரிக்கிறதா என்பதைக் கண்டறிய அதிரடிச் சோதனைகள் மேற்கொள்வோம். கடைகளில் விற்கப்படும் குடிநீர் கேன்கள் அல்லது பாட்டிலில் அடைக்கப்பட்ட குடிநீரை வாங்கிவந்து அதைச் சோதனைக்குட்படுத்துவோம். தரம் இல்லை என்று தெரிந்தால், அந்த நிறுவனத்துக்குத் தரப்பட்ட ஐ.எஸ்.ஐ முத்திரையை நிறுத்தி வைப்போம். பின்னர், மீண்டும் அந்த நிறுவனம் தரமான குடிநீரை உற்பத்தி செய்கிறதா என்று சோதனை நடத்தியபின்பே மீண்டும் ஐ.எஸ்.ஐ முத்திரை தருவோம். தரப்பரிசோதனையில் எந்தவிதச் சமரசமும் செய்வதில்லை” என்றார்.

சென்னை குடிநீர் மற்றும் கழிவுநீர் வாரியமே தண்ணீர் விற்பனையில் ஈடுபட்டு வருகிறது. சென்னையில் உள்ள 38 தண்ணீர் நிரப்பும் இடங்களில் இருந்து 1,900 லாரிகளில் வீடுகளுக்கும், வணிக நிறுவனங்களுக்கும் தண்ணீரை விற்பனை செய்கிறது. 9,000 லிட்டர் குடிநீர்கொண்ட டேங்க் ஒன்று 600  ரூபாய்க்கு வீடுகளுக்கு விற்பனை செய்கிறது. இதே 9,000 லிட்டர் தண்ணீரை வணிகப் பயன்பாட்டுக்காக 765 ரூபாய்க்குத் தருகிறது.

“குடிநீர் நிறுவனங்களின் ஆதிக்கம் நாளுக்குநாள் அதிகமாகிறது. நீர் நிலை களுக்கு அருகில் நிலத்தடி நீர் எங்கு அதிகமாகக் கிடைக்கிறதோ, அங்குதான் குடிநீர் ஆலைகள் தொடங்குகின்றன. பல இடங்களில் நிலத்தடி நீரை உறிஞ்சி, பைப்கள் மூலம் ஆலைகளுக்குக் கொண்டுவந்து ஆர்.ஓ செய்கின்றனர். இதனால், எதிர் காலத்தில் வீடுகளில் போர்வெல்கள் வறண்டுபோகும் நிலை ஏற்படும். வறட்சியைப் பயன்படுத்தி அதிக அளவுப் பணம் சம்பாதிக்கும் ஆசை தான் அவர்களுக்கு இருக்கிறது. தண்ணீர் ஆலைகள் கணக்குவழக்கு இல்லாமல் நீரை உறிஞ்சுவதால், பூமியிலுள்ள நீர்த்தாங்கிகள் வற்றிப் போகும்.  இதனால், நம் எதிர்காலச் சந்ததி தண்ணீருக்குத் தரவேண்டிய விலை மிக மிக அதிகமாக இருக்கும்’’ என்று எச்சரித்தார் நீர் மேலாண்மை பொறியாளர் பிரிட்டோ ராஜ்.

மருத்துவம், கல்வி போல நல்ல குடிநீரை மக்களுக்குத் தருவது ஓர் அரசின் அடிப்படைக் கடமை. இந்தக் கடமையில் இருந்து அரசு தவறும்போது, தனியார் நிறுவனங்கள் புகுந்துவிடு கின்றன. அரசாங்கமே தன் கடமையில் இருந்து தவறும்போது, தனியார் நிறுவனங்களைக் குறைச்சொல்லி என்ன புண்ணியம்?


தமிழக அரசின் அம்மா குடிநீர்!

தமிழகம் முழுவதும் பேருந்து நிலையங்களில் பயணிகளுக்குக் குறைந்த விலையில் தரமான குடிநீர் தர வேண்டும் என்ற நோக்கத்துடன் 2013-ல் அம்மா குடிநீர் திட்டம் தொடங்கப்பட்டது. அரசு விரைவுப் போக்குவரத்துக் கழகத்தின் மூலம் அம்மா குடிநீர் உற்பத்தி செய்யப்படுகிறது.   கும்மிடிப்பூண்டியில் உள்ள அம்மா குடிநீர் ஆலையில்  தினமும் சராசரியாக 1.30 லட்சம் முதல் 1.40 லட்சம் குடிநீர் பாட்டில்கள் தயாரிக்கப்படுகின்றன. ஒரு பாட்டில் குடிநீர் 10 ரூபாய் வீதம் விற்பனை செய்யப்படுகிறது. சாதாரண மக்கள் அம்மா குடிநீரை அதிகம் வாங்குவதால், அரசுக்கு லாபம்தான்!

உண்ணும் உணவை முற்றிலும் குறைப்பதன் மூலமோ அல்லது எந்நேரமும் உடற்பயிற்சியில் ஈடுபடுவதன் மூலமோ உடல் எடையை ஆரோக்கியமாக குறைக்க முடியாது. உடல் எடையை ஆரோக்கியமாக குறைக்க வேண்டுமானால், நல்ல சரியான உணவுகளை சரியான அளவில் உட்கொண்டு வர வேண்டும். அதிலும் கலோரிகள் குறைவாக இருக்கும் உணவுகளை தேர்ந்தெடுத்து சாப்பிட வேண்டும். உடலில் தங்கியுள்ள கொழுப்புக்களை கரைக்க பல உணவுப் பொருட்கள் உள்ளன. பழங்களில் எலுமிச்சை, ஆரஞ்சு, பெர்ரிப் பழங்கள் போன்றவை கொழுப்புக்களை கரைக்கக்கூடியவை. அதேப் போல் காய்கறிகளில் கூட சில காய்கறிகள் கொழுப்புக்களை கரைத்து, உடல் எடையை குறைக்க உதவும்.

அடிவயிற்றில் தங்கியுள்ள கொழுப்பை குறைக்க வேண்டுமா? இதோ 10 வழிகள்! அதிலும் கோடைக்காலம் ஆரம்பித்துவிட்டது. இக்காலத்தில் கலோரிகள் குறைவாகவும், நீர்ச்சத்து அதிகமாகவும் நிறைந்த காய்கறிகள் விலை மலிவில் அதிகம் கிடைக்கும். இதனால் அவற்றை தினமும் உணவில் சேர்த்து, சரியான உடற்பயிற்சிகளை செய்து வர, உடலில் தங்கியுள்ள கொழுப்புக்கள் கரைந்து, உடல் நன்கு ஸ்லிம்மாக இருக்கும். சரி, இப்போது உடல் எடையை குறைக்க உதவும் கோடைக்கால காய்கறிகளைப் பார்ப்போம்.

1.பாகற்காய் :
இந்த கசப்பான காய்கறியானது இரத்தத்தில் உள்ள சர்க்கரையின் அளவைக் குறைப்பதுடன், உடல் எடையையும் குறைக்க உதவும்.

2.வெள்ளரிக்காய் :
வெள்ளரிக்காயில் நீர்ச்சத்து அதிகமாகவும், கலோரி குறைவாகவும் உள்ளதால், இதனை கோடையில் அதிகம் சாப்பிட்டால், உடல் எடையை கட்டுப்பாட்டுடன் வைத்துக் கொள்ளலாம்.

3.பசலைக்கீரை :
பசலைக்கீரை கூட உடல் எடையை குறைக்க உதவும் உணவுப் பொருட்களில் ஒன்று. மேலும் இதில் கலோரிகள் குறைவாக இருப்பதால், இது உடல் எடையைக் குறைக்க உதவும்.

4.சுரைக்காய் :
சுரைக்காயில் நார்ச்சத்து மற்றும் நீர்ச்சத்து அதிகம் இருப்பதால், இதனை உணவில் சேர்த்தால், அது அடிக்கடி பசி ஏற்படுவதைத் தடுக்கும். மேலும் சுரைக்காயில் உள்ள சாற்றினை வடிகட்டாமல், அதனை சாப்பிட்டால் தான், அதில் உள்ள முழு சத்தும் கிடைக்கும்.

5.ப்ராக்கோலி :
ப்ராக்கோலியை சேக வைத்து சாப்பிட்டால், அதில் உள்ள முழு சத்துக்களும் கிடைத்து, உடல் எடையை குறைக்க உதவியாக இருக்கும்.

6.பீன்ஸ் :
பீன்ஸில் உடல் எடையைக் குறைக்க தேவையான வைட்டமின்கள் மற்றும் நார்ச்சத்துக்கள் உள்ளது. மேலும் இதில் உள்ள ஆன்டி-ஆக்ஸிடன்ட்டுகள் எளிதில் உடல் எடையைக் குறைக்க உதவும்.

7.குடைமிளகாய் :
குடைமிளகாயில் உள்ள ஆன்டி-ஆக்ஸிடன்ட்டுகள் மற்றும் அத்தியாவசிய வைட்டமின்கள் உடல் எடையை குறைக்க உதவுவதுடன், உடலை ஆரோக்கியமாகவும் வைத்துக் கொள்ள உதவும்.

8.வெங்காயம் :
எப்பேற்பட்டவரையும் அழ வைக்கும் வெங்காயம் கூட, உடலில் தங்கியுள்ள கொழுப்புக்களை கரைக்கும் சக்தியைக் கொண்டது. மேலும் இது உயர் இரத்த அழுத்தம் மற்றும் கொலஸ்ட்ராலை குறைக்க வல்லது.

9.முட்டைக்கோஸ் :
பச்சை இலைக்காய்கறிகளுள் ஒன்றான முட்டைக்கோஸில் நார்ச்சத்து மற்றும் நீர்ச்சத்து அதிகமாகவும், கலோரிகள் குறைவாகவும் உள்ளதால், இதனை உட்கொள்ள, நீண்ட நேரம் பசி எடுக்காமல் இருப்பதால், உடல் எடையைக் குறைக்கும்.

10.கேரட் :
கண்களுக்கு மிகவும் நல்லது என்று சொல்லப்படும் கேரட்டில் உள்ள சத்துக்கள் கண்களுக்கு மட்டுமின்றி, உடல் எடையை குறைக்கவும் உதவியாக இருக்கும்.

11.செலரி :
டயட்டில் செலரி சேர்த்தால், அதில் உள்ள நார்ச்சத்து மற்றும் நீர்ச்சத்து, வயிற்றை நிரப்புவதுடன், உடலில் தங்கியுள்ள தேவையற்ற கொழுப்புக்களை கரைக்கும்.

12.தக்காளி :
தக்காளி ஆண்களுக்கு மிகவும் நல்லது. மேலும் உடல் எடையை குறைக்க, குடலியக்கத்தை சீராக்க மற்றும் அழகான சருமத்தைப் பெற தக்காளியை சாப்பிட வேண்டும். 

கமல்ஹாசன் திரைப்பயணத்தில் மட்டுமில்லை, தமிழ் சினிமா வரலாற்றில் மறக்க முடியாத படம் தசாவதாரம். இப்படத்தில் கமல்ஹாசன் 10 வேடங்களில் மிரட்டியிருப்பார்.

இதில் இவர் கிருஷ்ணவேணி என்னும் பாட்டி கதாபாத்திரத்திலும் நடித்து அசத்தியிருப்பார், அந்த பாட்டியின் கதாபாத்திரம் கமல் தன் சொந்த பாட்டியின் சாயலில் தான் உருவாக்கினாராம்.

அவரின் மேனரிசத்தை தான் கடைப்பிடித்தாராம், கிருணவேணி கதாபாத்திரம் ரசிகர்களால் வெகுவாக கவரப்பட்டது குறிப்பிடத்தக்கது.

பாகுபலி 2 படத்தை ஏற்கனவே அமீர்கான் நடித்த தங்கல் பின்னுக்கு தள்ளி சாதனை படைத்தது. ஏற்கனவே ரூ 1930 கோடியை அள்ளிய நிலையில் இன்னும் ரூ 2000 கோடியை நோக்கி இப்படம் நெருங்கி கொண்டிருக்கிறது.

தற்போது உலகளாவிய பாக்ஸ் ஆஃபிஸ் வசூல் சாதனையில் இப்படம் 30 வது இடத்தை பிடித்துள்ளது. மேலும் 30th biggest hit of 2016 என்ற தனி சிறப்பையும் பெற்றுள்ளது.

இதற்கு இந்த இடத்தில் Alice Through The Looking Glass என்ற ஹாலிவுட் படம் இருந்த நிலையில் தற்போது இதை தங்கல் முந்தியுள்ளது. ஜேம்ஸ் பாபின் இயக்கத்தில் வெளியான இப்படத்தில் பிரபல ஹாலிவுட் ஹீரோ ஜானி டெஃப் நடித்துள்ளார்.

ஒரு வேலையாக ரிப்பன் பில்டிங் செல்ல நேர்ந்தது. மதிய நேர உச்சி வெயில் சற்று அதிகமாக இருக்கவே பக்கத்தில் ஏதாவது கடை இருக்கிறதா எனக் கண்கள் தேடின. ரிப்பன் பில்டிங் பின்புறம் உள்ள மாநகராட்சி அலுவலகம் அருகில் ஒரு கடை இருந்தது. அந்தக்
கடையின் பெயர் மூலிகை உணவகம் என் எழுதப்பட்டிருந்தது. கடையில் சென்று தாகம் தீர்க்கும் பானம் இருக்கிறதா என விசாரித்தபோது, மூலிகை மோர், மூலிகை தேநீர் என எல்லாம் மூலிகை மயமாக இருந்தது. எல்லாம் விலை ஐந்து ரூபாய் என்பது மற்றொரு ஆச்சர்யம். உள்ளே உணவகத்தினுள் சென்றால் சாப்பாடு, ஆவாரம்பூ சாம்பார், முடக்கத்தான் ரசம், மூலிகை மோர் எனப் பட்டியலும் மூலிகை மயமாக காட்சியளித்தது. மதிய சாப்பாடு 15 ரூபாய்தான் என்பது இன்னும் ஆச்சர்யம். சென்னையில் குறைந்தது 50 ரூபாயாவது இருந்தால் மட்டுமே பசியாற முடியும் என்ற நிலை இருக்கும்போது இது சாத்தியமா என்ற எண்ணம் வரவே மூலிகை உணவகத்தின் பணம் வசூலிக்கும் மேலாளரிடம் விசாரித்தோம். அவர் "எங்க கடையோட ஓனர்கிட்ட கேளுங்க" என்று அவரின் செல்போன் எண்ணைக் கொடுத்தார்.

மூலிகை உணவகம்

உணவகத்தின் முன்னதாக தேநீர் கடை, மூலிகைப்பொடி விற்கும் பிரிவு என அனைத்தும் மூலிகைகளை அடிப்படையாகக் கொண்டுதான் இயங்கி வருகிறது. உணவகத்தின் உள்ளே வரிசை கட்டி காத்திருக்கின்றனர், மக்கள். அந்த அளவுக்கு கூட்டமாக இருந்தது. மறுபுறமோ பரபரப்பாக மக்கள் பசியாறி வெளியேறுகிறார்கள். மக்கள் கூட்டம் அலைமோதி களைக்கட்டுகிறது, மூலிகை உணவகம்.

உணவக உரிமையாளர் சித்த மருத்துவர் வீரபாபுவுடன் பேசினோம். "அனைத்து உணவு வகைகளும், இங்குத் தரமாகவும், விலை வீரபாபுகுறைவாகவும் கிடைக்கும். காலை உணவாகக் கருவேப்பிலை பொங்கல், ஆவாரம் பூ, துளசி, திணை அரிசி, சாமை அரிசி போன்ற இட்லி வகைகளும், தோசையில் முடக்கற்றான், தூதுவளை, கம்பு, கேழ்வரகு, கருவேப்பிலை, மணத்தக்காளி, பொன்னாங்கண்ணி, கரிசலாங்கண்ணி, புதினா போன்ற தோசை வகைகளும் இங்குக் கிடைக்கும். இட்லி 5 ரூபாய்க்கும், தோசை 10 ரூபாய்க்கும் விற்பனை செய்யப்படுகிறது. மூலிகை உணவகத்தை ஆறு வருடங்களாக இந்த இடத்தில் நடத்தி வருகிறேன். ஆரம்பத்தில் என்ன விலை இருந்ததோ அதே விலைதான் இன்னும் நீடிக்கிறது. எவ்வளவு பொருள்கள் விலையேறியபோதும் என் உணவகத்தில் உணவு 15 ரூபாய்தான். அதனால்தான் மாறாத அதே மக்கள் கூட்டம் இன்றும் அதிகமாக இருக்கிறது. கூட்டம் அதிகம் இருந்தாலும் மக்கள் காத்திருந்து பசியாறுகிறார்கள். நாளுக்கு நாள் வாடிக்கையாளர்களின் எண்ணிக்கை அதிகரித்துக் கொண்டுதான் இருக்கிறதே தவிர குறையவில்லை. இதுதவிர, பிரண்டை, தூதுவளை, கொள்ளு, புதினா போன்ற துவையல் வகைகளையும், மூலிகை சூப் மற்றும் ரச வகைகளையும் சாப்பாட்டுடன் தருகிறேன். தோசை வகைகளில் முடக்கத்தான் தோசை கொத்தமல்லி சட்னி, வாழைக்காய் கூட்டு, பாரம்பர்ய குழாய் புட்டு என வரிசையாக அடுக்கிக் கொண்டே சென்றார். மக்களின் உடல் ஆரோக்கியம் காக்கப்பட வேண்டும் என்பதற்காக இந்த உணவகத்தை விடாமல் நடத்தி வருகிறேன். நாம் உண்ணும் உணவுதான் மருதாக இருக்க வேண்டும். ஆனால், இப்போது பெரும்பாலோனோர் உணவு என்ற பெயரில் விஷத்தைச் சாப்பிடுகின்றனர். இப்போது மக்களிடம் உணவு குறித்த விழிப்பு உணர்வு பெருகி வருகிறது. இயற்கையால் இங்கு எந்த பாதிப்பும் ஏற்படப்போவதில்லை" என்றவர், தொடர்ந்தார்.

உணவகத்தின் அமர்ந்துள்ள மக்கள்

இங்கு இருக்கும் ஒவ்வொரு உணவிலும் ஏதோ ஒரு மூலிகை நிச்சயமாக இருக்கும். நம் நாட்டில் அதிகமானோர் பாதிக்கப்பட்டிருப்பது சர்க்கரை நோயினால்தான். கணையத்தில் சுரக்கும் இன்சுலின் அளவு சீரற்று இருப்பதுதான் சர்க்கரை நோய்க்கு முக்கியமான காரணம். கணையம் ஆரோக்கியத்துடன் செயல்பட ஆவாரம்பூ பயன்படுகிறது. ஆவாரம்பூ இட்லி, ஆவாரம்பூ சாம்பார், ஆவாரம்பூ கொழுக்கட்டை என சர்க்கரையைக் கட்டுப்படுத்தி உடலுக்கு ஆரோக்கியத்தைத் தருகிறது. இதுதவிர தூதுவளை, புதினா, துளசி மற்றும் சிறுதானியங்களைப் பயன்படுத்தி கொழுக்கட்டை, புட்டு, துவையல் மற்றும் மூலிகை சூப்களும் விற்பனை செய்யப்படுகிறது. இயற்கையாக விளையும் இம்மூலிகைகளை, இன்றைய சந்ததியினருக்கு ஏற்றாற்போல உணவில் சேர்த்து கொடுத்தால் நிச்சயம் விரும்பி எடுத்துக் கொள்வார்கள். பொதுவாக மூலிகைகள் என்றாலே பிடிக்காத சிறுவர்களுக்குக் கூட இம்மூலிகை உணவகம் கவர்ந்திருக்கிறது. ஆனால், உணவே மருந்தாக இருந்த காலம் மாறி இப்போது, மருந்துதான் உணவாக உட்கொள்ளும் நிலைக்குத் தள்ளப்பட்டுள்ளோம். முடிந்தவரை மூலிகைகளைத் தினசரி உணவில் எடுத்துக் கொள்வது நல்லது" என்றார்.

அதன்படி அந்த உணவகத்தில் மூலிகை உணவினை ருசி பார்த்தேன். மூலிகை மணத்தில் உணவு நன்றாகவே இருந்தது. வெறும் 15 ரூபாய்க்கு மூலிகை உணவு என்பது இன்றைய காலகட்டத்தில் நினைத்துக்கூடப் பார்க்க முடியாது என்ற ஆச்சர்யம் மட்டும் விலகவே இல்லை.