!...Payanam...!

பிக்பாஸ் 2 நிகழ்ச்சிக்கு வரமுடியாது! அதிரடியாக அறிவித்த நடிகை அதில் பங்கேற்பதற்காக தற்போது போட்டியாளர்களின் தேர்வு நடைபெற்று வருகிறது.

மேலும் இவர்கள் தான் போட்டியாளர்கள் என ஒரு உத்தேச பட்டியல் சமூக வலைத்தளங்களிலும் வலம் வருகிறது. அந்த பட்டியலில் நடிகை கஸ்தூரியும் உள்ளார்.

இந்நிலையில் அவர் எனக்கு இதுவரை அழைப்பு வரவில்லை, அவர்கள் வந்து அழைத்தாலும் பிக்பாஸ் நிகழ்ச்சியில் கலந்துகொள்ளும் உத்தேசமில்லை, எனக்கு என் குழந்தை தான் முக்கியம் - என அதிரடியாக அறிவித்துள்ளார்.

இது ரசிகர்கள் பலருக்கும் அதிர்ச்சியை கொடுத்துள்ளது.

தமிழ்ப்படங்களுக்கிடையே கடும் போட்டி நிலவும் இந்த சூழலில் தெலுங்கு படம் ஒன்று தமிழில் டப்பிங் ஆகி வெளியாகியுள்ளது. முக்கிய படங்களுக்கான வரவேற்புகிடையில் சில படங்கள் வழிவிட்டு ஒதுங்கி விடும் நேரம் இது. ஒரு ராணுவ கதையை தாங்கி கம்பீரமாக இறங்கியுள்ளது என் பெயர் சூர்யா என் வீடு இந்தியா.

மனதை ஈர்த்து மக்களிடம் இடம் பெறுமா என உள்ளே சென்று பார்ப்போம்.

கதைக்களம்

அல்லு ஒரு நேர்மையான ராணுவ வீரர். அவருக்கென உடும்பு பிடி கொள்கை. எந்த ஒரு விசயத்துக்காகவும் தன்னை சமாதானப்படுத்திக்கொள்ளமாட்டார். ஒரு வகையில் இவருக்கு மைனஸாக அமைகிறது.

ராணுவ எல்லைக்கு எப்படியாக போக வேண்டும் என நீண்ட நாள் கனவில் இருக்கிறார். ஆனால் அவருக்கே ஒரு சிக்கல் இருக்கிறது. இதற்கிடையில் சின்ன வயதில் வீட்டை விட்டு செல்லும் அவருக்கு பெரும் சவால்.

நடிகர் அர்ஜூன் ஊரில் மட்டுமல்ல இந்தியளவில் நல்ல புகழ் பெற்ற மனநல மருத்துவர். அல்லுவுக்கு மீண்டும் வேலையில் சேர இவரின் சான்றிதழ் தேவைப்படுகிறது. இவரின் மனைவி நதியா. இருவரின் மகன் வீட்டை விட்டு சிறு வயதிலேயே போய்விடுகிறார்.

இதற்காக அல்லு இவரை தேடி வருகிறார். ஆனால் வந்த இடத்திலும் பெரும் சிக்கல். ஒரு கட்டத்தில் அர்ஜூன்க்கும் அல்லுவுக்கும் கருத்து மோதல்கள். அல்லுவுக்கு 21 நாட்கள் சவால் விடப்படுகிறது.

இந்த கால கட்டத்தில் அவருக்கு பல சிக்கல்கள். இதற்கிடையே ஊரில் பெரும் கட்டப்பஞ்சாயத்து பேசி நில மோசடி செய்யும் சரத்குமாருக்கும் இவருக்கும் கடும் மோதல்.

ஆக அல்லு 21 நாள் சோதனையில் ஜெயித்தாரா. மீண்டும் தன் கனவான ராணுவ எல்லையை அடைந்தாரா, அர்ஜூனின் தொலைந்த மகன் கிடைத்தாரா என்பதே மீதிக்கதை.

படத்தை பற்றி அலசல்

அல்லு அர்ஜூன் தெலுங்கு சினிமாவில் முன்னணி நடிகர். அவருக்கு பெரும் ரசிகர்கள் கூட்டம் இருக்கிறது. தமிழில் அவ்வளவாக படத்தில் நடிக்கவில்லை? இருப்பினும் தமிழ்நாட்டில் அவரின் படம் எப்படி என கேள்வி கேட்கலாம். தன் நடிப்பால் இப்படத்தில் ஸ்டைலிஸ்ட் ஸ்டார் என தனக்கான டைட்டிலை தக்கவைக்கிறார்.

படத்தில் ஒவ்வொரு இடங்களில் அவரின் ஹார்டு ஒர்க் தெரிகிறது. வழக்கமான தெலுங்கு படங்களை போல் இல்லாமல் இப்படம் இயல்பான படம் போலவே இருந்தது.

அர்ஜூன் ஒரு அனுபவம் வாய்ந்த நடிகர். அவருக்கான இடத்தை படம் முழுக்க நிறைவு செய்கிறார். அண்மைக்காலமாக படங்களில் ஸ்பெஷல் ரோலில் வந்து போகும் அவருக்கு சாத்தியாமான ரோல் தான்.

நிபுணன் படத்திற்கு பிறகு ஒரு முக்கித்துவமான ரோல். அவரை கடைசியாக தன் மகளை வைத்து இயக்கிய சொல்லிவிடவா ரோல் பெரிதளவில் இடம் பெறாமல் போய்விட்டது.

மூத்த நடிகையான நதியா இப்படத்தில் ஒரு சில காட்சிகள் தான். ஆனால் பல வருடங்களாக கண்ணுக்கு தெரியாமல் எங்கேயோ இருந்த மகன் மீண்டு வந்ததும் அப்படியான ஒரு பேரானந்தம் முகத்தில். இன்னும் அதே இளமையுடன் அவரை பார்க்கும் போது எம் குமரன் சன் ஆஃப் மகாலட்சுமி ரோல் கண்முன் வந்துபோகலாம்.

சரத்குமார் கல்லாவாக ஊரையே தன் கைக்குள் வைத்திருக்க நினைப்பவர். அவருக்கான ரவுடித்தனம் இப்படத்தில் பெரிதளவில் இல்லை. இயல்பாகவே அமைந்திருக்கிறது. தன்னை பார்த்து பயந்தவர்கள் மத்தியில் கடைசியில் இவருக்கே ஒரு தலை குனிவு இருக்கிறது. மனம் மாறினாரா என்பது தான் சீக்ரட்.

இயக்குனர் வம்சி இப்படத்தில் சொல்ல வந்ததை நிதானமாக சொல்லி புரியவைக்கிறார். ஒளிப்பதிவாளர் காட்சிகள் நகர்த்திய விதம் கதைக்குள் கதையாக மெதுவாக உள்ளே போகவைக்கிறார்கள்.

கிளாப்ஸ்

அல்லுவின் ஸ்டைலிஸான நடிப்பு. ரியல் ஆர்மி மேனாகவே மாறியிருக்கிறார்.

இயக்குனரின் விறுவிறுப்பான கதை நகர்வு சிம்பிளான பயணம்.

காமெடிக்கு ஸ்பெஷல் ஆர்ட்டிஸ்ட் இல்லையெனினும் ஓரிரு டபுள் மீனிங் வசனம் ரசிகர்களை திருப்தி.

பல்ப்ஸ்

கதையை இன்னும் கொஞ்சம் சுருக்கியிருக்கலாம் என தோன்றியது.

சில இடங்களில் தெலுங்கு படங்களுக்கே உண்டான ஓவர் எமோஷனல் ஸ்டண்ட்.

படத்திற்கு பாடல் பெரியளவில் ஈர்க்கவில்லை.

மொத்தத்தில் என் பெயர் சூர்யா என் வீடு இந்தியா நேரம் போவதே தெரியவில்லை. சல்யூட் கொடுக்கலாம்..

தமிழ் சினிமாவில் எப்போதும் புதிய முயற்சிகள் என்பது குறைவு. அதை விட தைரியமான முயற்சிகள் குறைவு என்றே சொல்லலாம். அதற்கு முக்கிய காரணம் சென்ஸார் கட்டுப்பாடுகள் தான், ஆனால், தற்போதெல்லாம் சர்வ சாதாரணமாக அடல்ட் காமெடி படங்கள் வரத் தொடங்கியுள்ளது.

அந்த வகையில் ஹரஹர மஹாதேவகி டீம் தன் அடுத்த படமான இருட்டு அறையில் முரட்டுக்குத்துவில் களம் இறங்கியுள்ளது. இந்த படமும் முந்தைய படத்தை போல் பக்தாள் ஆசையை நிறைவேற்றியதா? பார்ப்போம்.

கதைக்களம்

தமிழ் சினிமாவில் இதற்கு முன் இப்படி ஒரு படம் வந்துள்ளதா என்றால் சந்தேகம் தான். அந்த அளவிற்கு அடல்ட்ஸ் மட்டுமே பார்க்க வேண்டிய படம்.

கௌதம் கார்த்திக் ஒரு ப்ளே பாய், அவருக்கு பெண்ணே கிடைக்கவில்லை. ஒரு கட்டத்தில் ஒரு பெண் அவரை திருமணம் செய்ய சம்மதிக்கின்றார்.

ஆனால் தன்னுடன் ஒரு வாரம் டேட்டிங் வர வேண்டும் என அவர் கௌதமிடம் கண்டிஷன் போட, கௌதமும் தன் நண்பர் சாராவுடன் பாங்காக் செல்கின்றார்.

அப்போது ஒரு வீட்டில் ஒரு பலான பேயிடம் கௌதம், சாரா மாட்டிக் கொள்ள பிறகு என்ன ஆனது என்பதே இந்த இருட்டு அறையில் முரட்டுக்குத்து மீதிக்கதை.

படத்தை பற்றிய அலசல்

சந்தோஷ் ஏற்கெனவே ஹரஹர மஹாதேவகியில் அடல்ட் கண்டண்டில் கிங் எனறு நிரூபித்துவிட்டார். அதன் அடுத்தக்கட்டம் தான் இந்த இருட்டு அறையில் முரட்டுக்குத்து.

ஆனால் அதையும் முகம் சுளிக்கும் படி எங்கும் காட்டாதது சிறப்பு (இளைஞர்களுக்கு மட்டும்). பலான பேய் பலான ஆசையுடன் கௌதம், சாராவை அரெஸ்ட் செய்கிறது.

அங்கிருந்து படம் இன்னும் சூடுபிடிக்கின்றது, முதல் பாதி தேவையில்லாத பாடல்கள் கொஞ்சம் அலுப்பு தட்ட வைத்தாலும், அடுத்தடுத்த டபுள் மீனிங் வசனம், சில அப்படி இப்படி காட்சிகள் மூலம் கலக்கியுள்ளனர்.

சந்தோஷ் செம்ம ட்ரெண்டியான ஆள் போல, தற்போது நடக்கும் விஷயங்களை வைத்து காட்சிகள் பிடித்தது சூப்பர், அதிலும் வீட்டில் இருக்கும் போது பிக்பாஸ் போல் டைம் சொல்லி இடைவேளையில் கமல் வாய்ஸில் ஓடவும் முடியாது, ஒழியவும் முடியாது என முடிப்பது செம்ம.

கௌதம் கெரியரில் மற்றொரு ஹிட் படம், அவருடன் நண்பராக வரும் சாரா தமிழ் சினிமாவிற்கு நல்ல வரவேற்பு. வேகவேகமாக வசனம் பேசினாலும் உடனே இளைஞர்களுக்கு ரீச் ஆகும் வசனத்தை பேசி கவர்கின்றார்.

அதிலும் இரண்டாம் பாதியில் பேய்க்கு கூட பயப்படாமல் அவர்கள் செய்யும் கலாட்டா, அதை தொடர்ந்து பேய் ஓட்ட வரும் மொட்டை ராஜேந்திரன் என கலகலப்பிற்கு பஞ்சம் இல்லை.

சரி படம் முழுவதும் காமெடி இருந்தாலும் ஒரு கட்டத்திற்கு மேல் குறிப்பாக இரண்டாம் பாதியில் கொஞ்சம் அலுப்பு தட்ட ஆரம்பிக்கின்றது. அதற்கு முக்கிய காரணம் பல பேய் படங்களில் பார்த்த டெம்ப்ளேட் காட்சிகள்.

ஒளிப்பதிவு செம்ம கலர்புல்லாக இருக்கின்றது, ஆனால் பாடல்கள் ஏதும் ரசிக்கும்படி இல்லை, படத்திற்கு வேகத்தடை தான்.

க்ளாப்ஸ்

ரசிகர்கள் எதிர்ப்பார்த்த டபுள் மீனிங் வசனங்களுக்கு பஞ்சமில்லை. டார்க்கெட் ஆடியன்ஸை திருப்திப்படுத்தும் காட்சிகள்.

மொட்டை ராஜேந்திரன் வீட்டிற்குள் அடிக்கும் லூட்டி.

பல்ப்ஸ்

பல பேய் படங்களில் பார்த்து பழகி போன காட்சிகள், கான்செப்ட் மட்டுமே புதிது.

ஹரஹர மஹாதேவகியில் இருந்த கொண்டாட்டம் இதில் கொஞ்சம் குறைவு தான்.

மொத்தத்தில் டார்க்கெட் ஆடியன்ஸுகளுக்கு திருப்தி .