!...Payanam...!

ஒட்டுமொத்த தமிழ் சினிமா ரசிகர்கள் மிகவும் ஆவலாக எதிர்ப்பார்ப்பது பிக்பாஸ் 2. இந்த சீசனில் யார் யார் பங்குபெறுகிறார்கள் என்பது இன்னும் தெரியவில்லை, மிகவும் சீக்ரெட்டாக வைத்துள்ளனர்.

கடந்த சில மாதங்களாகவே பிக்பாஸ் நிகழ்ச்சி குறித்து தான் நிறைய பேச்சுகள்.

இந்த நேரத்தில் பஞ்சு மிட்டாய் படத்தின் புரொமோஷக்காக கலந்து கொண்ட சென்ட்ராயன் ஒரு பேட்டியில், என் பெயரை மாகாபா ஆனந்த் அவர்கள் பிக்பாஸ் நிகழ்ச்சிக்கு கொடுத்திருக்கிறார். அவர்களும் என்னை கேட்டார்கள், ஆனால் முடியாது. ஒருவேளை பிக்பாஸ் 2 விற்கு போனால் நான் தான் ஜுலியாக இருப்பேன் என்று காமெடியாக பேசியுள்ளார்.

நான் மிகவும் வெகுளி, ஆனால் நான் போகவில்லை என்பது மிகவும் வருத்தமாக தான் இருக்கிறது என்றார்.

விஜய் விருது விழா பல வருடங்களாக நடந்து வந்தது. என்ன ஆனது என்று தெரியவில்லை, ஒரு சில பிரச்சனைகளால் கடந்த இரண்டு வருடம் இந்த விருது விழா நடக்கவில்லை.

தற்போது இந்த வருடம் மீண்டும் பிரமாண்டமாக இந்த விருது விழா வரும் ஞாயிறு அன்று நடக்கவுள்ளது.

இந்த விருது விழாவில் பல திரைப்பிரபலங்கள் கலந்துக்கொள்ள இருப்பதாக கூறப்படுகின்றது, மேலும், ரசிகர்கள் அனைவரும் எதிர்ப்பார்ப்பது பேவரட் நடிகர் யார் என்பது தான்.

இந்த வருடம் பேவரட் நடிகர் கண்டிப்பாக மெர்சல் படத்திற்காக தளபதி விஜய் தான் என நம்பத்தகுந்த வட்டாரங்கள் அடித்து சொல்கின்றது.

ராஜமௌலி படம் என்றாலே தற்போது ஒட்டு மொத்த இந்தியாவும் கவனிக்க ஆரம்பித்துவிட்டது. அந்த அளவிற்கு பாகுபலி வெற்றி அவரை உச்சத்திற்கு கொண்டு சென்றுள்ளது.

பாகுபலி-2 ரிலிஸாகி ஒரு வருடம் ஆகிவிட்டது, இன்னும் ராஜமௌலி அடுத்தப்படத்திற்கான படப்பிடிப்பிற்கு செல்லவில்லை.

தற்போது திரைக்கதை அமைக்கும் பணியில் தான் இருக்கின்றார், இப்படத்தில் ஜுனியர் என்.டி.ஆர், ராம்சரண் நடிக்கவுள்ளதாக கிசுகிசுக்கப்படுகின்றது.

இந்நிலையில் முன்னணி ஆங்கில பத்திரிகை ஒன்றில் ராஜமௌலி அடுத்து இயக்கும் படத்தில் இரண்டு ஹீரோ நடிக்கவுள்ளனர்.

இருவரும் அண்ணன், தம்பியாக நடிக்க, அண்ணன் போலிஸ், தம்பி கேங்ஸ்டர் இவர்களுக்குள் நடக்கும் ஆடுபுலி ஆட்டம் தான் படம் என கூறியுள்ளது.

தனியார் தொலைக்காட்சி தொகுத்து வழங்கும் பிக் பாஸ் சீசன் ஐ பற்றிய செய்திகள் தான் இப்போது வைரலாகி வருகிறது. இவர் வருவாரா ? அவர் வரமாட்டாரா? யார் யார் கலந்து கொள்ள போகிறார்கள்? என்று தமிழ் நாட்டு மக்கள் மிகுந்த எதிர்பார்ப்பில் உள்ளனர்.

இந்நிலையில் பிக் பாஸ் நிகழ்ச்சிக்கு அபர்ணதி வருவார் என்று உறுதியான தகவல்கள் தெரிவிக்கின்றன. அவரின் நேருக்கு நேரான பேச்சு, எதையும் மனதில் வைக்காமல் வெளிப்படையாக பேசும் குணம் என்று நடந்து முடிந்த எங்க வீட்டு மாப்பிள்ளை நிகழ்ச்சியில் இவர் தான் ஹை லைட்.

இந்நிலையில் இவரின் மனம் கவர்ந்த நாயகன் ஆர்யாவும் பிக் பாஸ் இல் கலந்து கொண்டால் நிகழ்ச்சி வேற லெவலுக்கு போகும் என்பதில் கொஞ்சமும் சந்தேகம் இல்லை.

இருப்பினும், இவர் ஒரு பிரபல நடிகர் என்பதால் இவரின் வருகை பிக் பாசில் சந்தேகமாக இருந்தாலும், நகைச்சுவை உணர்வு கொண்ட ஆர்யா பிக் பாஸ் வீட்டுக்கு வந்தால் நிகழ்ச்சி மிகவும் விறு விறுப்பாகவே இருக்கும்.

தமிழ் சினிமாவில் எப்போதாவது தான் வித்தியாசமான முயற்சிகள் வரும். அப்படி தற்போதெல்லாம் இளம் இயக்குனர்கள் பல வித்தியாச படைப்புக்களை கோலிவுட்டிற்கு தந்து வருகின்றனர், அந்த வகையில் இன்று திரைக்கு வந்துள்ள படம் தான் ஆண்டனி, இந்த ஆண்டனி எடுத்த வித்தியாசமான முயற்சி கவர்ந்ததா? பார்ப்போம்.

கதைக்களம்

ஹாலிவுட்டில் இது போல் பல திரைப்படங்கள் வந்துள்ளது, அந்த வகையில் தமிழ் சினிமாவில் முதன் முறையாக இப்படி ஒரு கதைக்களத்தை கொண்டு வந்ததற்கே இயக்குனர் குட்டி குமாருக்கு பாராட்டுக்கள்.

படத்தின் துவக்கத்திலேயே ஹீரோ ஆண்டனி(நிஷாந்த்) ஒரு காரில் மயக்கத்துடன் இருக்கின்றார். விடிந்தால் ஆண்டனிக்கு திருமணம்.

ஆனால், இவர் காருடன் மண்ணில் புதைந்து கிடக்கின்றார், யார் தன்னை இப்படி செய்தது, ஏன் இப்படி ஆனது என்று ஆண்டனிக்கே ஆச்சரியம்.

இரவு முழுவதும் தன்னுடன் இருந்த மகன் எங்கே போனான் என்று அவரை தேடி ஆண்டனியின் தந்தை முன்னாள் போலிஸ் அதிகாரி லால் தேடி செல்ல, ஆண்டனி அதிலிருந்து வெளியே வந்தாரா, காதலியை மணந்தாரா? என்பதே மீதிக்கதை.

படத்தை பற்றிய அலசல்

நாம் முன்பே கூறியது போல் இது போல் பல படங்கள் ஹாலிவுட்டில் வந்துள்ளது, எடுத்துக்காட்டுக்கு சொல்ல வேண்டுமென்றால் ரகுமான் இசையில் டேனி பாயோல் இயக்கத்தில் வெளிவந்த 127 ஹவர்ஸ் படம் கூட இதே கான்செப்ட் தான்.

அதேபோல் கொரியாவிலும் டனல் என்ற படம் இதே சாயலில் வந்துள்ளது, இந்த மாதிரி படம் என்றாலே பதட்டம் நம்மிடம் தானாகவே தொற்றிக்கொள்ளும், அதிலும் இதே சாயலில் ஹாலிவுட்டில் வெளிவந்த பரிட் என்ற படத்தை அவ்வளவு சீக்கிரம் யாராலும் மறக்க முடியாது.

இப்படி பல படங்களின் சாயல் தெரிந்தாலும், முதல் முயற்சி என்பதால் வரவேற்கலாம், அதே நேரத்தில் ஹீரோ நிஷாந்த் மண்ணுக்குள் புதைந்து அவர் படும் கஷ்டம் நமக்கும் கொஞ்சம் பதட்டம் ஏற்படுகின்றது.

முதல் படத்திலேயே சிறப்பான நடிப்பை வெளிப்படுத்தியுள்ளார், லாலும் மகனை தேடும் அப்பாவாக ஒரு பாசிட்டிவ் கதாபாத்திரத்தில் கலக்கியுள்ளார்.

சிவாத்மிகாவின் இசை படத்திற்கு பெரும் பலம், அதை விட பாலாஜியின் ஒளிப்பதிவு மண்ணிற்குள் புதைந்து இருக்கும் ஹீரோவின் பதட்டத்தை நம்மிடம் தொற்ற வைக்கின்றது.

இத்தனை சுவாரஸ்ய கதையாக இருந்தாலும், அதை தொடர்ந்து சுவாரஸ்யமாக எடுத்து செல்ல முடியாமல் ஒரு சில இடங்களில் இயக்குனர் தடுமாறுகின்றார்.

க்ளாப்ஸ்

படத்தின் கதைக்களம், சுவாரஸ்யமான கான்செப்ட்.

இசை, ஒளிப்பதிவு

லால், நிஷாந்தின் நடிப்பு

பல்ப்ஸ்

திரைக்கதையில் கொஞ்சம் சுவாரஸ்யம் குறைந்து காணப்படுகின்றது. ஏனெனில் இது போல் கதைக்கு இன்னும் வேகமான திரைக்கதை இருந்திருக்க வேண்டும்.

மொத்தத்தில் திரைக்கதையில் சுவாரஸ்யம் கூட்டியிருந்தால் கண்டிப்பாக ஆண்டனி இன்னும் கவர்ந்திருக்கும், இருந்தாலும் புதிய முயற்சியை வரவேற்கலாம்.