!...Payanam...!

தமிழ் சினிமாவில் தற்போது இளம் இயக்குனர்கள், புதிதாக
சிந்தனை கொண்டவர்கள் மட்டுமே வெற்றி பெறுகிறார்கள். ஒரு சின்ன பட்ஜெட் படம், கதையின் மீது நம்பிக்கை என கார்த்திக் சுப்புராஜ், நலன் குமாரசாமி போன்று பலர் கலக்கி வரும் நம்பிக்கையில், பீச்சாங்கை மூலம் களம் இறங்கியுள்ளார் இயக்குனர் அசோக். இவரும் நம்பிக்கையானவர்கள் லிஸ்டில் இணைந்தாரா பார்ப்போம்.

கதைக்களம்

கதாநாயகன் கார்த்திக் ஒரு பிக் பாக்கெட், தன் பீச்சாங்கையால் பல பர்ஸுகளை பிக் பாக்கெட் அடித்தாலும், பணத்தை தவிர மற்றதை அவர்கள் அட்ரஸுக்கே அனுப்பி வைக்கும் நல்ல பிக் பாக்கெட் என்று சொல்லலாம்.

அப்படி ஒரு கட்டத்தில் தன் நண்பர் அடித்து வந்த பணத்தை பங்கு பிரிக்கும் போது இது ஒரு முதியவர் தன் மகள் திருமணத்திற்கு வைத்திருந்த பணம் என தெரிய வர, அதை அந்த முதியவரிடமே ஒப்படைக்க செல்கின்றார்.

அங்கு ஹீரோயின் அஞ்சலி ராவ்வை பார்த்ததும் காதல் ஏற்பட பிறகு அவரும் காதலிக்க ஆடல், பாடல் என சந்தோஷமாக செல்ல, ஒரு நாள் இவர் பிக் பாக்கெட் என தெரிய வருகின்றது.

உடனே போலிஸில் இவரை காட்டிக்கொடுக்க, அந்த போலிஸிடமிருந்து அவர் தப்பி செல்லும் வழியில் ஒரு விபத்து ஏற்பட்டு இவரின் இடது கை பெருமூளைக்கு அப்பாற்பட்டு செயல்படுகிறது. பிறகு அந்த பீச்சாங்கையால் இவருக்கு ஏற்படும் நன்மை, தீமை என்ன என்பதே மீதிக்கதை.

படத்தை பற்றிய அலசல்

நாயகன் கார்த்திக் கொஞ்சம் விமல் போல் இருக்கின்றார், நடிப்பும் ஒரு சில இடங்களில் அவரை போலவே இருக்கின்றது. குறிப்பாக ரொமான்ஸ் காட்சிகள், நிறைய பயிற்சி வேண்டும். ஆனால், அதே நேரத்தில் அந்த பீச்சாங்கையால் அவர் செய்யும் சேட்டைகள், அவர் படும் அவதிகள் என பட்டையை கிளப்பியுள்ளார்.

பீச்சாங்கை தன் பேச்சை கேட்க மறுக்கின்றது, அதனால் ஏற்படும் விளைவு கான்செப்ட்(Concept) புதிது என்றாலும், காட்சியமைப்புகள் புதிதாக இல்லை. குறிப்பாக ஒரு குழந்தையை கடத்தும் கும்பலை காட்டுகிறார்கள், ஒரு முரட்டு வில்லன், அவருக்கு இரண்டு முட்டாள் அடியாட்கள் என பழைய பார்முலா.

அவர்களும் சிரிக்க வைக்கிறேன் என்று பலவற்றை முயற்சி செய்கிறார்கள். ஆனால் சிரிப்பு தான் வரவில்லை, டார்க் ஹியூமர் என்றாலும் கடைசி அரை மணி நேரம் கீழே விழுந்து அடிப்பட்டு அவர்கள் செய்யும் சேட்டைகளுக்கு சிரிப்பு வருவது கூட டார்க் ஹியூமருக்குள் எங்கும் வரவில்லை.

கௌதம் ராஜேந்திரனின் ஒளிப்பதிவில் சென்னையின் பல இடங்களை மிகவும் லைவ்வாக காட்டியுள்ளார். பாலமுரளி இசையில் பாடல்கள் பெரிதும் கவரவில்லை என்றாலும், பின்னணியில் கலக்கியுள்ளார்.

க்ளாப்ஸ்

கார்த்திக் பீச்சாங்கையால் படும் அவதி ரசிக்க வைக்கின்றது, பீச்சாங்கை என்ற கான்செப்ட் கவர்கின்றது.

கடைசி அரை மணி நேரம்.

பல்ப்ஸ்

பல இடங்களில் காமெடி ஒர்க்-அவுட் ஆகவில்லை, மிகவும் பழைய காலத்து திரைக்கதை.

எம்.எஸ்.பாஸ்கர் போன்ற அனுபவம் வாய்ந்த நடிகரை இன்னும் பயன்படுத்தியிருக்கலாம்.

மொத்தத்தில் பீச்சாங்கை கொஞ்சம் திரைக்கதையை புதுமை படுத்தியிருந்தால் கை கொடுத்திருக்கும்.

சிவகார்த்திகேயன் மிகவும் கஷ்டப்பட்டு தான் இந்த இடத்திற்கு வந்துள்ளார். இவரின் படங்கள் தொடர்ந்து காமெடி, காதல் என்ற ஒரே வட்டத்திற்குள் மட்டுமே உள்ளது.

எதிர் நீச்சல் மட்டுமே கொஞ்சம் வித்தியாசமாக நடித்திருந்தார், இந்நிலையில் தற்போது இவர் நடித்து வரும் வேலைக்காரன் படத்தில் சிவகார்த்திகேயன் சமூக அக்கறை கொண்ட இளைஞனாக நடித்து வருகின்றார்.

இதில் உணவை வைத்து நடக்கும் அரசியல் பேசும் கதையாம், மேலும், நூடல்ஸ் என்ற உணவின் தீங்கு குறித்தும், அதில் நடக்கும் அரசியல் குறித்தும் தீவிரமாக இப்படம் பேசும் என கிசுகிசுக்கப்படுகின்றது.

பிரபல நடிகர்கள் அவர்களின் பழைய படங்களில் பெண் வேடம் போட்டு நடித்திருப்பதை நாம் பார்த்திருக்கிறோம். கமல், ரஜினி,

விக்ரம், விஜய், பிரசாந்த் என பலர் பெண் வேடம் போட்டு நடித்துள்ளனர். அவர்களை பார்த்தால் நம்மால் கண்டிப்பாக அடையாளம் காண முடியும்.

ஆனால் தற்போது பிரபல நடிகரின் பெண் வேட புகைப்படம் சமூக வலைதளங்களில் வைரலாக பரவி வருகிறது. அது வேறு யாரும் இல்லை துருவங்கள் 16 என்ற ஹிட் படத்தில் நடித்த ரகுமானின் புகைப்படம் தான்.

1984ம் ஆண்டு வெளியான இத்திரி பூவே சுவன்னபூவே மலையாள படத்தில் ரஹ்மான் பெண் வேடம் போட்டிருந்தார்.

அந்த புகைப்படத்தை பார்க்கும் ரசிகர்கள் பெண் வேடம் போட்டது போல் இல்லை, நிஜமாகவே பெண் போன்று அழகாக இருக்கிறார் என்று தங்களது கருத்தை தெரிவித்து வருகின்றனர்.

தமிழ் சினிமாவின் தவிர்க்க முடியாத காமெடி நடிகர் வடிவேலு. இவரின் காமெடி இல்லாத தொலைக்காட்சி சேனல்களே இல்லை எனலாம்.

மிகபிசியாக இருந்த இவர் நீண்ட நாட்களுக்கு பிறகு நடிக்க வந்து சரியான படம் அமையாமல் காத்திருக்கிறார். இவர் தற்போது மிகவும் நம்பியிருப்பது விஜய்61 தான்.

ப்ரண்ட்ஸ், சச்சின், போக்கிரி என வெற்றிகூட்டணியாக வலம் வந்த இவர்கள் கடைசியாக இணைந்து நடித்த படம் காவலன்.

விஜய்61 பற்றி வடிவேலு கூறுகையில், ‘விஜய், அட்லி ரெண்டு பேருமே நம்ம ரசிகருங்கண்ணே. நம்ம காமடியைச் சொல்லிதான் சிரிச்சுட்டிருப்பாங்க. ‘நீங்க விட்டுட்டுபோன இடம் அப்படியேதாண்ணே இருக்கு.

அதைத்தொட உங்களாலதாண்ணே முடியும். அதுல நீங்கதாண்ணே வரணும், போகணும்’னு இரண்டு பேரும் என் காமெடியைச் சொல்லி பாராட்டிக்கிட்டே இருப்பாங்க. அது பெரிய ஊக்கமா இருக்குண்ணே. கிட்டத்தட்ட ஒன்றரை மாசம் கால்ஷீட் கொடுத்திருந்தேண்ணே. ஒரு மாசம் முடிஞ்சுடுச்சு என்றார்.

விஜய் 61ல் ஆக்ஷனோடு வடிவேலு கூட்டணியில் ரசிகர்களுக்கு காமெடி விருந்தும் காத்திருக்கிறது.

டிகாஷன் காபிக்கு ஆசைப்படும் நாக்குக்கு “ஹேய்… இது ‘ப்ரூ’ டா!?” என்று அதிர்ச்சியையும் ஏமாற்றத்தையும் கொடுக்கும் கிச்சன்
கேபினெட் போல, ஹேய் இது ‘உரு’டா என்று நம்மை உருள விடுகிறது படம்! வாழுகிற காலத்திலேயே பெரிய கட்டுரை ஒன்று பாராவாக தேய்ந்து… அந்த பாராவும் பின்பு வரியாக சுருங்கி, கடைசியில் ஒரு எழுத்துக்குள் அடங்கிவிடுகிற அளவுக்கு உளுத்துப் போகிறார் எழுத்தாளர் கலையரசன். “உங்க கதைக்கெல்லாம் முன்ன மாதிரி வாசகர்கள்ட்ட ஒரு மரியாதையும் இல்ல. போய் நல்ல கதையா எழுதிட்டு வாங்க” என்று பிடறியை பிடித்து தள்ளாத குறையாக அனுப்பும் பதிப்பக உரிமையாளருக்கு பாடம் கற்பிக்கும் விதத்தில் ஒரு கதை பண்ண பிரியப்படும் மிஸ்டர் எழுத்தாளர், கொடைக்கானலுக்கு கிளம்புகிறார். ஏன்? கதை எளுதறதுக்குத்தான்!

அவரது இளம் மனைவி தன்ஷிகா, “ஏங்க… கொஞ்ச நாள் வரைக்கும்தான் உங்களுக்கு டைம். நல்ல நிலைக்கு வரலேன்னா எழுதறத விட்டுத் தொலைச்சுட்டு வேற வேலைய பாருங்க” என்கிறார். (படத்தில் அப்படியாவது வேறு வேலைகளுக்குரிய கசா முசா இருக்குமா என்றால், தன்ஷிகா என்ற திராட்சை தோட்டத்தில் யானை புகுந்து எலும்பை நொறுக்குகிறதே தவிர ரொமான்டிக்காக ஒரு சுச்சுவேஷனும் இல்லை)

கொடைக்கானல் வருகிற கலையரசன் கதை எழுத எழுத அந்த கதையில் வரும் சம்பவங்கள் எல்லாமே அவருக்கு நிகழ்கிறது. ஒரு கட்டத்தில் அவரையே கொல்ல வரும் அந்த முகமூடி மனிதன் யார்? அவன் ஏன் தன்ஷிகாவை விரட்டி விரட்டி துன்புறுத்துகிறான்? கணவனை தேடிக் கொடைக்கானல் வரும் தன்ஷிகா அங்கிருந்து உயிருடன் தப்பினாரா? இதெல்லாம்தான் முழு படமும்.

படம் முழுக்க அரையிருட்டு. யாராவது யாரையாவது துரத்தி துரத்தி அடிக்கிறார்கள். ரத்தம் குபு குபுவென கொப்பளிக்கிறது. நமது பின் சீட்டில் ஒரு கை முளைத்து காதை திருகினால் என்ன பண்ணுவது என்கிற அளவுக்கு அச்சம் அனத்துகிறது. நல்லவேளை… அவ்வளவு வன்முறைகளையும் அதன் காரம் மணம் சுவை குறையாமல் நமது மனதுக்குள் இறக்கி வைக்க பெரிதும் உதவியிருக்கிறது பிரசன்னா எஸ்.குமாரின் ஸ்மார்டான ஒளிப்பதிவு.

படத்தின் ஹீரோ யார்? தன்ஷிகாவா, கலையரசனா என்கிற குழப்பம் இல்லாமல் நீங்கள் தியேட்டரை விட்டு வெளியே வர முடியாது. அந்த முகமூடி மனிதனிடமிருந்து தப்பித்து ஓடி ஒளியும் காட்சிகளில் தன்ஷிகா நிஜமாகவே மூச்சிரைத்து நிஜமாகவே அலறுகிறார். இது நடிப்புதாம்ல? என்று பெட் கட்டினாலும் கட்டியவருக்கு தோல்விதான். அந்தளவுக்கு தன்ஷிகா ஆஹா ஓஹோ. (அவ்வளவு கலவரத்திலேயும் உங்க லிப்ஸ்டிக் கலையலையே, அது என்னம்மா ரகசியம்?)

அதற்கப்புறம் கலையரன். இவ்விருவரையும் தாண்டி படத்தில் குறிப்பிட ஒருவரும் இல்லை. கலையரசனுக்கு ஏற்பட்டிருக்கும் அந்த வியாதி அவரோடு ஒழியட்டும். இனி எந்த சினிமாவிலும் வேண்டாமப்பா…

ஆங்காங்கே எட்டிப் பார்க்கிறார் மைம் கோபி. அட நல்லது பண்ணப் போகிறார் என்று பார்த்தால் கடைசியில் இவரும் தன்ஷிகாவை அடிக்க கட்டையை ஓங்குவது அநியாயம்ப்பா…

ஜோகனின் பின்னணி இசைக்கு கொடுத்திருக்கும் முக்கியத்துவம் பாடல்களுக்கு இல்லாமல் போனது வேதனையே. (அட… பாட்டே இல்லீங்க சாமீய். இருக்கிற ஒரு பாடலிலும் அரை பாட்டு ஸ்வாகா)

ஒரு பங்களா… அதற்குள் தனியாக மாட்டிக் கொள்ளும் தம்பதி என்று பலமுறை பார்த்த த்ரில்லர் ஜானர்தான்! நல்லவேளை… பேய் ஆவி பில்லி சூனியம் என்று சுற்றி வளைக்காமல் விட்டதற்காக ‘உரு’வுக்கும் படத்தின் இயக்குனர் விக்கி ஆனந்துக்கும் ஒரு உருப்படியான நமஸ்காரம்!

நிழலை பார்த்தாலே மருண்டு நிற்கும் குழந்தைகள் கூட, இப்போதெல்லாம் பேய் படங்கள் என்றால் குஷாலாக தியேட்டருக்கு கிளம்பிவிடுகிறார்கள்! ‘இங்கு குறைந்த விலையில் வேப்பிலை அடிக்கப்படும். ஒரு பேயை கூட்டி வந்தால் இன்னொரு பேய்க்கு இலவச வைத்தியம்’ என்று போர்டு போடாத குறையாக தொழில் டல்லாகி கிடக்கிறார்கள் பேய் ஓட்டுகிற பூசாரிகள்.

இவ்வளவுக்கும் காரணம்… இந்த பேய்ப்பட இயக்குனர்கள்தான். “பயப்படாத… நம்ம பயதான். நாலு நாளைக்கு முன்னாடி செத்து இன்னைக்கு பேயா வந்திருக்கான். நல்லா சிரிப்பான். நல்லா சிரிப்பு மூட்டுவான்” என்று சின்ன குழந்தைகளிடமிருந்த பேய் பயத்தையெல்லாம் உடைத்து சிதைத்துவிட்டார்கள். அதிலும் சமீபத்தில் வந்த ‘மரகத நாணயம்’ படத்திற்கு நாடு முழுக்க பலத்த அப்ளாஸ். குறிப்பாக குட்டீஸ்களின் ஏரியாவில் ஒரே குதூகலம்!

இப்படி சுடுகாட்டு சாம்பலில் சுரைக்காய் புட்டு செஞ்சு அதையும் கப்புல போட்டு கனக் கச்சிதமா யாவாரம் பண்ணிய ‘மரகத நாணயம்’ படத் தயாரிப்பாளர் டில்லிபாபுவுக்கும், அப்படத்தை இயக்கிய ஏஆர்கே சரவணுக்கும் இன்டஸ்ட்ரியில் எக்கச்சக்க மரியாதை! ஏனிந்த மரியாதை? பின்னே சும்மாவா…?

ரிலீஸ் ஆன நாளிலிருந்தே தமிழகத்தின் மூலை முடுக்குகளில் இருக்கிற பணத்தையெல்லாம் மோடி ஸ்டைலில் பிடுங்கிய படம் பாகுபலி. அதற்கப்புறம் முப்பது நாளாச்சு. நடுவில் வந்த எல்லா படத்தையும் வாரி விழுங்கி ஏப்பம் விட்டுவிட்டது பாகுபலி. இன்னமும் அந்தப் படம்தான்ப்பா நல்லா ஓடுது. நடுவுல ஏன்தான் நீங்கள்லாம் வந்து மண்ணை கவ்வுறீங்களோ? என்று தியேட்டர் பக்கம் கேட்கிற முணுமுணுப்புக்கு செம ஆப்பு.

யெஸ்… பாகுபலியின் பந்தாவையெல்லாம் ஒரே சுருட்டாக சுருட்டிப் போட்டுவிட்டது இந்த மரகதநாணயம். அதற்காகதான் இந்தப்படத்தின் படைப்பாளிகளான டில்லிபாபுவுக்கும் ஏஆர்கே சரவணுக்கும் இவ்வளவு மரியாதை. ஒரு அறிமுக டைரக்டரான சரவணை எந்தளவுக்கு நம்பினார் டில்லிபாபு? அங்குதான் ட்விஸ்ட்.

இந்தக்கதைக்கு முன் சுமார் 63 கதைகள் கேட்டாராம் அவர். எதுவும் திருப்தியில்லை. அந்த நேரத்தில் யாரோ சொல்லி உள்ளே வந்தவர்தான் இந்த சரவன். கதை கேட்டவுடனேயே அட்வான்சை கொடுத்துவிட்டார் டில்லி. அன்று செய்த மாயம்… இன்று டில்லி வரை பேச வைத்துவிட்டார் ஏ.ஆர்.கே சரவண்.

இப்படத்தின் ஒருவார கலெக்ஷன் சுமார் ஆறு கோடியை தொடும் என்று கணக்குப் போட்டிருக்கிறார்கள். படம் ரிலீசாகி நாலாவது நாளிலேயே தியேட்டர்களை அதிகப்படுத்தக் கேட்டு ஆங்காங்கே போன்! படத்தின் இரண்டாவது வாரம் ஏற்கனவே ரிலீசான 300 தியேட்டர்களுடன் மேலும் 100 தியேட்டர்கள் சேரும் என்கிறார்கள் இப்பவே.

எல்லா புகழும் படத்தில் வரும் அந்த பொல்லா பிணங்களுக்கே! அடிங்கய்யா… தாரை தப்பட்டையெல்லாம் கிழியட்டும்….!