!...Payanam...!

நேற்று இந்தியா-வங்கதேசம் இடையே நடந்த கிரிக்கெட் போட்டி பற்றித்தான் பிரபலங்கள் பலரும் பேசி வருகின்றனர். இயக்குனர் ஷங்கர் முதல் பல முன்னணி பாலிவுட் நடிகர்கள் வரை தமிழக கிரிக்கெட் வீரர் தினேஷ் கார்த்திக்கை புகழ்ந்துதள்ளியுள்ளனர்.

ட்விட்டரில் இந்த வெற்றி பற்றி ட்விட்டரில் பதிவிட்டிருந்த நடிகர் அமிதாப் பச்சன் 'கடைசி இரண்டு ஓவர்களில் 24 ரன்கள் தேவைப்பட்டது' என தவறாக பதிவிட்டுவிட்டார்.

அதன் பின் ரசிகர்கள் தவறை சுட்டிக்காட்டியதால் 'தினேஷ் கார்த்திக்கிடம்மன்னிப்பு கோருகிறேன்' என கூறியுள்ளார்.

பிரபல நடிகை ஸ்ரீவித்யா ரஜினி உட்பட பல முன்னணி நடிகர்களுடன் நடித்துள்ளார். கடந்த 2006ம் ஆண்டு அவர் கேன்சர் நோயால் பாதிக்கப்பட்டு திடீரென இறந்தார்.

தற்போது ஸ்ரீவித்யா வருமான வரி துறைக்கு செலுத்தவேண்டிய பாக்கியை வசூலிக்க அவரது வீடு ஏலம் விடப்படுகிறது.

1.14 கோடி மதிப்புள்ள அவரின் அபார்ட்மென்ட்டை ஏலம் விடுவதன் மூலம் வரும் பணம் கடன் மற்றும் வருமான வரி துறைக்கு செலுத்தப்படும். மீதம் இருக்கும் தொகை மனவளர்ச்சி குன்றிய குழந்தைகளை பராமரித்து வரும் ஒரு அமைப்புக்கு வழங்கப்படும் என ஸ்ரீவித்யாவின் சொத்துக்களை நிர்வகித்து வரும் கே.பி.கணேஷ் குமார் தெரிவித்துள்ளார்.

ரஜினிகாந்த் தற்போது இமயமலை சென்றுள்ளார். அங்கு சென்று புத்துணர்வு பெறுவதை வழக்கமாக வைத்திருக்கும் அவர் மீண்டும் அந்த ஆன்மீக பயணத்தை நோக்கி தற்போது சென்றுள்ளார்.

இன்னும் சில நாட்களில் அவர் சென்னை திரும்புவார் என எதிர்பார்க்கப்படுகிறது. அதே நேரத்தில் தற்போது நடைபெற்று தமிழக சூழ்நிலைகள் குறித்து அவர் தன் கருத்தை தொடர்ந்து பதிவு செய்து வருகிறார்.

இந்நிலையில் அவர் சென்னை வந்ததும் தொடர்ந்து அமெரிக்கா செல்வார் என தகவல் வெளியாகியுள்ளது. எப்போதும் ரஜினி ஓய்வுக்காகவும், மருத்துவ பரிசோதனைக்காகவும் செல்வது குறிப்பிடத்தக்கது.

வரும் ஏப்ரல் மாதம் 27 ல் அவர் நடித்துள்ள காலா படம் வெளியாவுள்ளது என்பதை நினைவு கூர்வோம்.

தளபதி விஜய் தற்போது முருகதாஸ் இயக்கத்தில் நடித்து வருகின்றார். இப்படத்தில் இவருக்கு ஜோடியாக கீர்த்தி சுரேஷ் நடிக்க, இன்னும் பல முன்னணி நட்சத்திரங்கள் நடித்து வருகின்றனர்.

அதிலும் குறிப்பாக ராதாரவி இப்படத்தில் வில்லன் ரோலில் நடிக்கின்றார், இவர் சமீபத்தில் ஒரு பேட்டியில் படத்தின் கதையை தெரியாமல் கூறிவிட்டார்.

இப்படத்தில் நான் தான் வில்லன், ஒரு அமைச்சராக நடிக்கின்றேன், பல இடங்களில் விஜய்க்கும் எனக்கு போட்டி இருக்கும்.

என்னை மீறி அவர் வருவார் என்பது போல் ராதாரவி பேச, அதை வைத்து, மக்கள் நலனுக்காக விஜய் அரசியல்வாதிகளிடம் மோதுவது தான் படத்தின் கதை என சமூக வலைத்தளத்தில் இப்போதே பேச தொடங்கிவிட்டனர்.

இது மட்டுமின்றி படத்தில் விஜய்யை பல இடங்களில் அவமானப்படுத்துவது போல் காட்சியும் உள்ளது என்று அவர் கூறியுள்ளார்.

ஜூலி என்றால் பலருக்கும் தெரிந்திருக்கும். ஜல்லிக்கட்டு, பிக்பாஸ் என பல தமிழ் ரசிகர்களுக்கும் பரிட்சயமாகிவிட்டார். ஜல்லிக்கட்டு போராட்டத்தில் கலந்துகொண்ட போது நல்ல பெயர் இருந்தது.

ஆனால் பிக்பாஸ் நிகழ்ச்சியின் மூலம் கேலி கிண்டலுக்கு ஆளானார். அதையும் பொறுமையாக சமாளித்து எதிர்கொண்டார். அவருக்கு சில விளம்பர வாய்ப்புகளும் வந்தது.

சில இடங்களை அவரை விழாவிற்கு கூட சிறப்பு விருந்தினராக அழைக்கிறார்கள். அதோடு படத்திலும் அவருக்கு வாய்ப்புகள் வருகின்றது. மன்னர் வகையறா படத்தில் சின்ன ரோலில் கிளைமாக்ஸில் நடித்தார்.

இதனை தொடர்ந்து உத்தமி ஜுலி என்ற படத்திலும் அவர் கமிட்டானார். சமீபத்தில் நீட் தேர்வுக்காக உயிர் விட்ட அனிதாவின் வாழ்க்கையை படத்தில் அனிதாவாக நடிக்கிறார் என போஸ்டர் வெளியானது.

இதனை உறுதிப்படுத்திய தயாரிப்பாளர் ராஜா, ஜூலி அனிதாவாக மாறிவிட்டார். அனிதா வீடியோக்களை பார்த்துவிட்டு ஜூலி அழுதுவிட்டார். அவர் தான் இதற்கு சரியாக இருக்கும் என கூறினார்.

முதலில் லெட்சுமி மேனனை நடிக்க வைக்கலாம் என பேச்சு வந்ததாம். பின் ஜூலியை கருத்தில் கொண்டு இதை செய்தோம் போஸ்டருக்கே நல்ல வரவேற்பு என அவர் கூறியுள்ளார்.