!...Payanam...!

சாயம் போனால்தான் 2000 ரூபாய் நோட்டு ஒரிஜினல் என்ற தகவல், பொது மக்களுக்கு பெரிதும் குழப்பத்தை ஏற்படுத்தியுள்ளது. ஆர்.பி.ஐ. தரப்பில் இந்த கேள்வியை கேட்டதற்கும் மழுப்பலான பதிலையே அவர்கள் தெரிவித்துள்ளனர்.

கடந்த 8ம் தேதி முதல் பழைய 500, 1000 ரூபாய் நோட்டுக்கள் செல்லாது என்று பிரதமர் மோடி அறிவித்தார். பழைய ரூபாய் நோட்டுக்களை மாற்ற வங்கி வாசலில் மக்கள் காத்திருக்கின்றனர். இந்நிலையில் கறுப்புப் பணத்தை கமிஷன் பெற்றுக் கொண்டு சிலர் மாற்றுவதாக தகவல் வந்தது. அதை தடுக்க பணத்தை மாற்ற வருபவர்களின் வலது கையில் ஆள்காட்டி விரலில் மை வைக்கப்படும் என்று ரிசர்வ் வங்கி அறிவித்தது. இதனால் ஒரு நபர் மீண்டும், மீண்டும் அடுத்தடுத்த வங்கிகளில் ஒரே நாளில் பழைய ரூபாய் நோட்டுக்களை மாற்ற முடியாத நிலை ஏற்பட்டுள்ளது.

இதனிடையே, ரிசர்வ் வங்கி வெளியிட்டுள்ள அறிவிப்பில், "பழைய ரூபாய் நோட்டுக்களை மாற்ற வருபவர்களின் வலது கை ஆள்காட்டி விரலில் மை வைக்கப்படும். இந்த மை அழியாது. வங்கி, தபால் நிலையங்களுக்கு ஆர்.பி.ஐ. ஆலோசனைபடி மை சப்ளை செய்யப்படும். முதலில் மெட்ரோ நகரங்களில் மை வைக்கப்படும். அதன்பிறகு மற்ற பகுதிகளுக்கு விரிவுப்படுத்தப்படும். அனைத்து வங்கி கிளைகளுக்கும் 5 மி.லி கொண்ட மை பாட்டில் கொடுக்கப்படும். அதில் உள்ள மூடியில் மை வைப்பதற்கான பிரஸ் இருக்கும். மை வைக்கும் பணியில் கேஷியர் அல்லது வங்கி தரப்பில் நியமிக்கப்படும் ஊழியர்கள் பயன்படுத்தப்படுவார்கள். இடது கை விரல்களில் மை வைக்கப்பட்டால் அவரால் பணத்தை மாற்ற இயலாது" என்று தெரிவிக்கப்பட்டுள்ளது. இது தொடர்பான சுற்றறிக்கை அனைத்து வங்கிகளுக்கும், தபால் நிலையங்களுக்கும் அனுப்பப்பட்டுள்ளது.

மேலும், புதிய வரவான 2000 ரூபாய் நோட்டுக்களில் சாயம் போனால்தான் ஒரிஜினல் என்ற தகவலும் வெளியானதால் பொது மக்கள் பெரிதும் குழப்பம் அடைந்துள்ளனர். இந்த தகவல்கள் உண்மையா என்ற கேள்வியை ரிசர்வ் வங்கியின் செய்தி தொடர்பாளர் அல்பானா கில்வாலா முன்வைத்தோம். அதற்கு அவர் அளித்துள்ள பதிலில், "பணத்தை மாற்ற மட்டுமே விரலில் மை வைக்கப்படுகிறது. வங்கியிலிருந்து பணத்தை எடுப்பதற்கு மை வைப்பதில்லை. முதலில் மெட்ரோ நகரங்களில் மை வைக்கப்படும். அதன்பிறகு நகரங்களிலும் கிராம பகுதிகளிலும் மை வைக்கும் பணி விரிவுப்படுத்தப்படும். ஆர்.பி.ஐ விதியில் சேதமடைந்த ரூபாய் நோட்டுக்களுக்கு மட்டுமே புதிய ரூபாய் நோட்டுக்கள் வழங்க முடியும். தேர்தலுக்கு மட்டுமே இடது விரலில் மை வைக்கப்படும். வங்கிகளில் பணத்தை மாற்ற வலது விரலில் மை வைக்கப்படுகிறது" என்றார்.

சாயம் போனால்தான் 2000 ரூபாய் நோட்டுக்கள் ஒரிஜினல், மை வைக்கப்பட்ட நபர் மீண்டும் பணத்தை மாற்ற முடியுமா போன்ற கேள்விகளுக்கு அல்பானா கில்வாலா பதில் அளிக்கவில்லை.


இதுகுறித்து வங்கி வட்டாரங்கள் கூறுகையில், "விரலில் மை வைப்பதற்கு முன்பே குறிப்பிட்ட ஒரு வங்கியில் பணத்தை மாற்றியவர், அடுத்து 14 நாட்களுக்குப் பிறகே அந்த வங்கியின் எந்த கிளைகளிலும் பணத்தை மாற்ற முடியும். அதே நடைமுறை மை வைத்தப்பிறகும் தொடரும். இதுதொடர்பான அதிகாரபூர்வமான அறிவிப்பு வெளியிடப்படவில்லை. மேலும் 2000 ரூபாய் நோட்டு சாயம் போனால்தான் ஒரிஜினல் என்பது குறித்தும் எங்களுக்கு எந்த தகவலும் இல்லை. அதே நேரத்தில் இங்கிலாந்தில் பயன்படுத்தப்படும் பவுண்ட் பணம், சாயம் போனால்தான் அது ஒரிஜினல் என்ற தகவலும் உள்ளது. தற்போது மக்களுக்கு எழுந்துள்ள சந்தேகங்களுக்கு ஆர்.பி.ஐ தெளிவான பதிலளிக்க வேண்டும். எங்களிடம் பொது மக்கள் கேட்கும் இதுபோன்ற கேள்விகளுக்கு பதில் அளிக்க முடியவில்லை" என்றனர்.

தபால்துறை வட்டாரங்கள் கூறுகையில், "ஒரு நபர் 4,500 ரூபாய் வரை பணத்தை மாற்றலாம் என்று ரிசர்வ் வங்கி அறிவித்துள்ளது. ஆனால் தபால்துறையில் புதிய ரூபாய் நோட்டு பற்றாக்குறையாக உள்ளது. இதனால் வாடிக்கையாளர்களின் நலன்கருதி ஒரு நபருக்கு 2,000 ரூபாய் நோட்டுக்களை கொடுக்கிறோம். மேலும் 'மை' வைக்கும் நபர், மீண்டும் பணத்தை மாற்ற முடியுமா என்பதற்கும் பதில் இல்லை" என்றனர்.

இதனிடையே, ஏற்கனவே வெளியான 1000 ரூபாய் நோட்டிலும் சாயம் போனதாகவும் தகவல் உள்ளன. தற்போது, புதிய 2000 ரூபாய் நோட்டு வேறு வண்ணத்தில் இருப்பதால் அதிலும் சாயம் போகிறது குறிப்பிடத்தக்கது.

2.0 பர்ஸ்ட் லுக் விழா பிரமாண்டமாக மும்பையில் நடந்து வருகின்றது. இதில் ரஜினிகாந்த், அக்‌ஷய் குமார், எமி ஜாக்ஸன், ஷங்கர், ஏ.ஆர்.ரகுமான் என பலரும் கலந்துக்கொள்ள இருக்கின்றனர்.

இந்த நிகழ்ச்சியை கரண் ஜோஹர் தொகுத்து வழங்கவிருக்கின்றார். சமீபத்தில் ரஜினி, கமலை சந்தித்து நீண்ட நேரம் பேசினார்.

இதில் 2.0 படத்தை பற்றியும் பேசியுள்ளார், மேலும், ரஜினி மட்டுமின்றி கமலும் லைகா தயாரிப்பில் நடித்து வருகிறார்.

இதனால், விழாவின் போது வீடியோ கான்ப்ரன்ஸ் வழியாக கமல் தோன்றுவார் என எதிர்ப்பார்க்கப்படுகின்றது.

 சமீபத்தில் நடிகர்கள், நடிகைகள் தற்கொலை செய்து கொள்வது மிகவும் அதிகரித்துவிட்டது. தற்போது மேலும் ஒரு இறப்பு சம்பவம் நடந்துள்ளது.

மும்பை மேற்கு வழி ரயில் தடத்தில் இன்று காந்திவிலி- போரிவிலி ரெயில் நிலையங்களுக்கு இடையே முதியவர் ஒருவர் அடிபட்டு உயிரிழந்து கிடந்துள்ளர். இது குறித்து தகவல் அறிந்த போலீசார் உடனே விரைந்து சென்று உடலை கைப்பற்றி பிரேத பரிசோதனைக்கு அனுப்பி வைத்தனர்.

தொடர் விசாரணையின் போது மின்சார ரயிலில் அடிபட்டு இறந்த அந்த முதியவர் பிரபல பாலிவுட் சீரியல் நடிகர் முகேஷ் ராவல் என்பது தெரியவந்தது.

இவர் ஹிந்தி, குஜராத்தியில் டி.வி சீரியல்களில் நடித்துள்ளார். 66 வயதான அவர் ஹிந்தி ராமாயணத்தில் விபீஷணாக நடித்து தெரியவந்துள்ளது.

மேலும் இறப்பு தற்கொலையா அல்லது கொலையா, இல்லை எதிர்ப்பாராமல் நடந்த மரணமா என விசாரணை நடந்து வருகிறது. 

நட்சத்திரங்கள் மட்டும் இல்லை, பார்த்தவுடன் சட்டென தங்கள் திறமையால் கவர்ந்திழுத்து, வந்த வேகத்திலேயே மறைந்துபோன மின்மினிகளும் தமிழ் சினிமாவில் இருக்கத்தான் செய்கின்றன. அப்படித் தங்களின் தனித்திறமையால் எல்லோரையும் திரும்பிப் பார்க்கவைத்து, கண் மூடித் திறக்கும் இடைவெளியில் நிரந்தரமாய் மறைந்துபோய், நம்மை மிஸ் யூ சொல்ல வைத்த சில கலைஞர்களைப் பற்றிய தொகுப்பு இது.

ஸ்வர்ணலதா :

கேட்கும் அனைவரையும் மயக்கும் காந்தக் குரலழகி. எம்.எஸ் விஸ்வநாதனின் ஆர்மோனிய இசையில் அறிமுகமானவர். பின் ராஜாவும் ரஹ்மானும் இவரைத் தத்தெடுத்துக் கொண்டார்கள். 'போவாமா ஊர்கோலம்' என டூயட்டாக இருக்கட்டும், 'நீ எங்கே என் அன்பே' என சோகப் பாடலாக இருக்கட்டும்... ஒரே மெட்டில் இவர் காட்டியது ஆயிரம் வித்தியாச உணர்ச்சிகள். ரஹ்மானின் தொடக்க காலத்தில் வஞ்சனையில்லாமல் ஹிட்களை வாரி வழங்கிய குரல் இவருடையது. 'மாலையில் யாரோ மனதோடு பேச’வுக்கு மயங்கிப் போன தமிழகமே அதற்கு சாட்சி.

ஷோபா :

மலையாளத்தில் முன்னணி நடிகையாக இருந்த பிரேமா மேனனின் மகள். புலிக்குப் பிறந்த இந்த புலிக்குட்டி பதினாறு அடிகள் இல்லை, ஒரேயடியாய் 32 அடிகள் தாவியது. குழந்தை நட்சத்திரமாக அறிமுகமானவர் அடுத்த பத்தாண்டுகளில் தமிழ் சினிமாவையே ஆளும் நாயகியானார். 'முள்ளும் மலரும்' வள்ளி, 'பசி' குப்பம்மா, 'அழியாத கோலங்கள்' இந்துமதி - தமிழ் சினிமா ரசிகனால் மறக்க முடியாத பெண் பாத்திரங்கள் இவர்கள். 17 வயதில் வயதில் தேசிய விருதால் அலங்கரிக்கப்பட்ட தேவதை. இன்னும் கொஞ்ச காலம் இருந்திருக்கலாம் ஷோபா!

ஷாகுல் ஹமீது :


இசைப்புயலின் ஆஸ்தான பாடகர். மேடைகளில் நிறைய பாடிக்கொண்டிருந்தவரின் புகழ் ரஹ்மானோடு கை கோத்ததும் உச்சத்துக்குச் சென்றது 90-களில் பட்டி தொட்டி எல்லாம் ஆண்டது இவரின் பாடல்கள்தான். 'உசிலம்பட்டி பெண்குட்டி', 'எதுக்குப் பொண்டாட்டி' என துள்ளலாய் ஆட வைக்கும் இவரின் குரல் 'ராசாத்தி.... என் உசுரு என்னுதில்ல' என காதலில் கசிந்துருகவும் வைக்கும். கடைசியாய் 'வாரோயோ தோழி' என ஜீன்ஸில் ஒலித்து ஜொலித்தார். காற்றில் இன்னும் கேட்டபடியேதான் இருக்கிறது அவரின் குரல்! (முதலில் இருப்பவர்தான் ஷாகுல் ஹமீது)

சில்க் ஸ்மிதா :

தென்னிந்திய சினிமாவின் தங்கத்தாரகை. ஹீரோயின்களை விட அதிகமாகக் கொண்டாடப்பட்ட மோகினி. கண்ணழகில் கிறங்கி, குரலழகில் மயங்கி பெட்டிப்பாம்பாய் சுருண்டு கிடந்தது ரசிகர் படை. சில்க்குக்கான ப்ராண்ட் இமேஜ் அன்றைய ஹீரோக்களுக்கு இணையாக இருந்தது என்பதை ஒப்புக்கொள்ளத்தான் வேண்டும். சாட்சி - கோடிகளைக் குவித்த 'டர்ட்டி பிக்சர்' படத்தின் வசூல். சில்க்கைப் போல ஓர் அழகி இனி தமிழ் சினிமாவில் தோன்ற வாய்ப்பே இல்லை!

குணால் :

'காதல் தேசம்' படத்தில் அப்பாஸை அறிமுகப்படுத்தி அவரை சாக்லேட் பாயாக நிறுத்திய இயக்குநர் கதிர், தன் 'காதலர் தினம்' படத்தில் குணாலை அறிமுகப்படுத்தி அடுத்த சாக்லேட் பாய் இமேஜை வாங்கித் தந்தார். மொழுமொழு முகம், அப்பாவி ஜாடை என அப்போதைய காலேஜ் பெண்களுக்கு பிடிக்கும் அத்தனை அம்சங்களும் குணாலிடம் இருந்தது. அவரின் திடீர் மறைவு சகல தரப்புகளிலும் அதிர்ச்சியை ஏற்படுத்தியது!

செளந்தர்யா :

மாடர்ன் ஏஜ் சாவித்ரி. 12 ஆண்டுகள் தமிழ், தெலுங்கு, கன்னடத் திரையுலகங்களை ஆண்ட லேடி சிங்கம். ரஜினி, கமல், வெங்கடேஷ், நாகார்ஜுனா, அமிதாப்பச்சன், விஷ்ணுவர்தன் எனப் பெரும்பாலான இந்திய சூப்பர்ஸ்டார்களோடு நடித்த பெருமை இவருக்கு உண்டு. தேசிய விருது வாங்கிய தயாரிப்பாளரும்கூட. திரை வாழ்க்கையின் உச்சத்தில் இருந்தபோதே அரசியலிலும் குதித்தார். பா.ஜ.க-வுக்கு ஆதரவாக 2004-ல் பிரசாரமும் செய்தார். அந்தப் பளீர் சிரிப்பும், வெகுளித்தனமான நடிப்பும்...செளந்தர்யா செளந்தர்யாதான்!

ஜீவா :

பிரமாண்ட இயக்குநர் ஷங்கரின் ஆரம்பகாலப் படங்களான ஜென்டில்மேன், காதலன், இந்தியன் போன்றவற்றுக்கு அழகு சேர்த்த ஒளிப்பதிவாளர். பி.சி ஶ்ரீராமுக்குப் பிடித்த சிஷ்யப்பிள்ளை. 2001-ல் இயக்குநர் அவதாரம் எடுத்தார். துறுதுறு காதலும், விறுவிறு காட்சிகளுமாய் இயக்குநர் ஜீவா பாய்ச்சியது புது அலை. காதலை அழகாய்க் கையாளும் ஒரு சில இயக்குநர்களுள் ஒருவர் என குட்நேம் வாங்கினார். இருந்திருந்தால் இன்னும் சில காதல் க்ளாஸிக்ஸ் தமிழ் சினிமாவுக்குக் கிடைத்திருக்கும்!

கிஷோர் :

கத்தரிகளால் வித்தை காட்டிய கலைஞன். சுமாரான திரைக்கதையையும் விறுவிறு படமாக மாற்ற முடியும் ஒரு எடிட்டர் மனது வைத்தால்...! அந்த வகையில் கிஷோர் கில்லி. புழுதி மணம் கலையாமல் ஆடுகளத்தை வழங்கியபோதும், ரத்தமும் சதையுமாய் சாமானியர்களின் வாழ்க்கையை விசாரணையில் தெரிவித்தபோதும் சிலிர்த்தன பல கோடி இதயங்கள். அதற்கான அங்கீகாரம்தான் இரண்டு தேசிய விருதுகள். பலரின் வாழ்க்கையை வெளிச்சம் போட்டுக் காட்டிய கிஷோர் வாழ்ந்ததும் மறைந்ததும் எடிட்டிங் ரூமின் இருட்டில்தான்!

நா.முத்துக்குமார் :

விருட்சமாய் வளர்ந்து இலையாய் உதிர்ந்த கலைஞன். காதல், தாய்மை, தோல்வி, தன்னம்பிக்கை என இவரின் பேனா தொடாத பகுதிகளே இல்லை. சந்தேகமே வேண்டாம். முத்துக்குமார் எக்காலத்திற்குமான கலைஞன்தான். புத்தகங்களின் வழியாகவும் பலரை கொள்ளைகொண்ட மந்திரக்கோலுக்குச் சொந்தக்காரர். பலரை தூங்கவைத்த, தூங்க விடாமல் தவிக்கவைத்த வரிகளுக்குச் சொந்தக்காரர் ஓர் அதிகாலையில் நிரந்தரமாய் தூங்கிப் போனார். மிஸ் யூ கவிஞரே!