!...Payanam...!

நடிகை ஸ்ரீதேவியின் மரணத்திற்கு திரையுலக பிரபலங்கள் அனைவரும் இரங்கல் தெரிவித்த நிலையில் அமீர்கான் மட்டும் மிஸ் ஆனார்.

முக்கியமான படப்பிடிப்பு காரணமாக அமெரிக்காவில் இருந்ததால் வரமுடியாத நிலையில் இருந்த அமீர்கான் ஸ்ரீதேவியின் மரணம் குறித்து தொலையேசியில் போனிகபூரிடம் விசாரித்தார்.

அப்போது ஒரு குட்டி கதை ஒன்றை போனியிடம் தெரிவித்துள்ளார். அதாவது தனது நண்பர் ஒருவர் மனைவியுடன் வெளிநாட்டிற்கு சென்றுள்ளார்.

சென்ற இடத்தில் மனைவி உயிருக்கு போராடிய நிலையில் குளியளறையில் கிடந்துள்ளார். இதனை பார்த்த கணவர் உடனடியாக முதலுதவி மேற்கொண்டு மருத்துவர்கள் உதவியுடன் உயிரை காப்பாற்றியுள்ளார்.

இதனை கேட்ட போனி கபூர் தொலைபேசி அழைப்பு முடிந்ததும் கதறி அழுதுள்ளார். தன்னால் அப்படி செய்யமுடியவில்லையே என குற்ற உணர்ச்சியில் கதறியதாக போனியின் தகவல் வட்டாரங்கள் தெரிவித்துள்ளனர்.

தமிழ் சினிமாவில் அஜித், மாதவன் என்ற வரிசையில் பெண்களுக்கு பிடித்த நடிகர்களில் ஒருவர் நடிகர் ஆர்யா. இவருக்கு பலவருடங்களாக கல்யாணம் ஆகாமல் இருப்பதால், பெண் தேடும் படலத்தையே எங்க வீட்டு மாப்பிள்ளை என்ற பெயரில் ஒரு ஷோவாக மாற்றியுள்ளனர்.

இந்த நிகழ்ச்சி தற்போது தான் ரசிகர்களிடம் நல்ல வரவேற்பை பெற்று வருகிறது. இன்று நடந்த ஷோவில் ஆர்யாவிடம் கலந்து கொண்ட பெண்கள் தங்கள் கேட்க நினைக்கும் கேள்விகளை பெயர் குறிப்பிடாமல் ஒரு பேப்பரில் எழுதி கேட்கலாம்.

அதில் ஒரு சீட்டில் உங்கள் 7 வருட காதல் வாழ்க்கையில் எது சிறந்த தருணம், வெறுத்த தருணம் என்ற கேள்விக்கு, "உண்மையில் எனக்கு கல்யாணம் ஆயிடுச்சு, அவர்கள் கூட இருந்த அந்த 7வருடமும் சிறந்த தருணம் தான் கல்யாணம் என்றால் 30 நாட்கள் கழித்து பதிவு நடக்கும், என் தரப்பில் நடந்தது, ஆனால் அவர்கள் தரப்பில் நடக்கவில்லை.அவர்களின் குடும்ப சூழ்நிலை காரணமாக நடக்காமல் போனது நான் வெறுத்த தருணம்,

ஆனால் நான் காதலித்தவர் மேல் எந்த தவறும் இல்லை என்று உணர்ச்சிமிகு கூறினார் ஆர்யா

ரஜினிகாந்த் நடிப்பில் ஷங்கர் இயக்கியுள்ள 2.ஓ படம் விரைவில் வெளியாகவுள்ளது.

இதனையடுத்து லைகா தயாரிப்பில் கமல் நடிக்க, இந்தியன் 2 படத்தை இயக்கவுள்ளார்.

இந்நிலையில் கமல் படத்தை அடுத்து விக்ரமை வைத்து ஒரு புதிய படத்தை ஷங்கர் இயக்கக்கூடும் என தகவல்கள் வந்துள்ளன.

அப்படம் அந்நியன் படத்தின் இரண்டாம் பாகமாக உருவாகும் என சொல்லப்படுகிறது.

ஏற்கெனவே அந்நியன் மற்றும் ஐ படங்களில் ஷங்கரும் விக்ரமும் இணைந்து பணியாற்றியது குறிப்பிடத்தக்கது.

After Rajini Kamal movies Shankar likely to join with Vikram for 3rd time

இரண்டே நிமிடங்களில் நீங்கள் வேக வேகமாய்ச் சமைத்துத் தரும், ஆசையாய் ஆசை ஆசையாய் நம் வீட்டுக் குழந்தைகள் அள்ளிச் சாப்பிடும் நூடுல்ஸ் ஒரு குப்பை உணவு என்றால் நம்புவீர்களா?

நம்புங்கள் என்கிறார் ப்ரீத்தி ஷா. சும்மா இல்லை. ஆராய்ச்சி ஆதாரங்களோடு.

யார் இந்த ப்ரீத்தி ஷா? என்ன ஆராய்ச்சி அது? அகமதாபாத்தைச் சேர்ந்த நுகர்வோர் விழிப்பு உணர்வு மற்றும் ஆராய்ச்சி மையத்தின் தலைமைப் பொது மேலாளர் ப்ரீத்தி ஷா.

 'இன்சைட்’ என்கிற நுகர்வோர் விழிப்பு உணர்வு இதழின் ஆசிரியராகவும் இருக்கிறார்.

விளம்பரங்களால் இந்தியச் சந்தையை ஆக்கிரமித்து எண்ணற்ற வீடுகளில் காலை உணவாகிவிட்ட நூடுல்ஸ், உண்மையிலேயே சத்தான உணவுதானா என்று தெரிந்துகொள்ள விரும்பினார் ப்ரீத்தி ஷா. இந்திய அளவில் முன்னணியில் இருக்கும் 15 நிறுவனங்களின் நூடுல்ஸ்கள் இந்த ஆய்வுக்கு எடுத்துக்கொள்ளப்பட்டன.

நூடுல்ஸில் இவ்வளவு சத்துக்கள் இருக்க வேண்டும் என்று இந்தியாவில் இதற்கான அளவு மதிப்பீடுகள் ஏதும் இதுவரை வரையறுக்கப்படாததால், இங்கிலாந்தின் உணவுத் தரக் கட்டுப்பாட்டு முகமையின் அளவுகளை வைத்து இந்தத் தரச்சோதனை நடந்தது. இதில் வெளியான முடிவுகள் மூலமாகத்தான் அதிர்ச்சி வைத்தியம் கொடுத்திருக்கிறார் ப்ரீத்தி ஷா.

ஆய்வு சொல்லும் முடிவுகள்: சோதனை செய்யப்பட்ட எந்த முன்னணி நிறுவனங்களின் நூடுல்ஸும் விளம்பரங்களில் காட்டப்படுவதுபோல ஏகப்பட்ட சத்துக்களை உள்ளடக்கியதாகவோ, குழந்தைகள் உடல் நலனுக்கு முற்றிலும் நன்மை பயப்பதாகவோ இல்லை.

அனைத்து நூடுல்ஸ்களிலும் அனுமதிக்கப்பட்ட அளவைக் காட்டிலும் எக்கச்சக்க மடங்கு அதிகமாக உப்பு மற்றும் கொழுப்பு உள்ளன.

நூறு கிராம் நூடுல்ஸில் 130 முதல் 600 மில்லி கிராம் வரை அனுமதிக்கப்பட்டசோடியம் அளவாகும்.

ஆனால், இந்தியாவில் விற்கப்படும் வெவ்வேறு நூடுல்ஸ் நிறுவனங்களின் தயாரிப்புகளில் 821 மில்லி கிராம் முதல் 1943 மில்லி கிராம் வரை சோடியம் இருந்திருக்கிறது. கொழுப்பும் மிகுதி. ஆனால் தேவையான மற்ற சத்துக்களோ சொல்வதைவிடக் குறைந்த அளவில்! மிகக் குறைந்த அளவுக்கே நார்ச்சத்து, புரதம், கால்சியம் ஆகியன உள்ளன.

இதனால் ரத்த நாளங்களில் கொழுப்பு படிதல், உயர் ரத்த அழுத்தம், உடல் பருமன் எனப் பல்வேறு ஆபத்துகளுக்கும்குழந்தைகள் ஆளாக நேரிடும்.

ப்ரீத்தி ஷா சொல்கிறார் . ''ஆய்வு முடிவுகளைப் பார்த்தபோது அதிர்ந்துபோனேன். இது தொடர்பாக விளக்கம் கேட்டு 15 நிறுவனங்களுக்கும் ஆய்வு நிறுவனம் சார்பில் கடிதம் அனுப்பினோம்.

ஆனால், இதுவரை அந்தக் கடிதங்களுக்கு எந்த நிறுவனமும் பதில் அளிக்கவில்லை. கம்பு, வரகு, சாமை, தினை, கேழ்வரகு என்று எவ்வளவோ சத்து மிக்க சிறுதானியங்கள் விளையும் மண் இது.

ஆனால், அவற்றை எல்லாம் இருட்டடிப்பு செய்துவிட்டு, விளம்பரங்கள் மூலம் சந்தையைப் பிடிக்கும் பெருநிறுவனங்கள்இந்திய மக்களை குழந்தைப் பருவத்தில் இருந்தே அடிமைப்படுத்துகின்றன.

பெற்றோர்கள் இந்த விஷயத்தில் விழிப்பு உணர்வோடு இருக்க வேண்டும். குப்பை உணவின் மூலமாக ஏற்படும் வளர்ச்சி உண்மையானது அல்ல.

நாளை நம் குழந்தைகள் நிரந்தர நோயாளிகளாக நாமே காரணம் ஆகிவிடக் கூடாது'' என்றார் அக்கறையுடன். உண்மைதான்.

இந்த காலகட்டத்தில் எந்த விஷயத்தையுமே விழிப்பு உணர்வுடன்தான் அணுக வேண்டும்!

பெரும்பாலான நகரங்களில் பிளாஸ்டிக் கேன்களில் அடைத்து விற்கப்படும் குடிநீரை நம்பித்தான் மக்கள் பலர் உள்ளனர்.

இன்றைய காலக்கட்டத்தில் பிளாஸ்டிக் பாட்டில், பிளாஸ்டிக் கேன்கள் ஆகியவற்றில் அடைத்து விற்கப்படும் குடிநீரை பயன்படுத்துவோர் எண்ணிக்கை அதிகரித்துள்ளது.

பிளாஸ்டிக் பாட்டிலில் தண்ணீர் அருந்துவது இப்போது நாகரீக கலாச்சாரமாகவும் மாறிவிட்டது.

தற்போது வெளியாகியுள்ள ஒரு ஆய்வின்படி பிளாஸ்டிக் பாட்டில் தண்ணீர் உடல் நலத்திற்கு நல்லதல்ல என்று உறுதி செய்யப்பட்டுள்ளது.

இந்த ஆய்வானது அமெரிக்காவில் உள்ள ஆர்ப்மீடியா என்ற பத்திரிகையாளர் அமைப்பும், நியூயார்க் பல்கலைக்கழகமும் இணைந்து நடத்தியது.

இதன் மூலம் உலகெங்கிலும் உள்ள 11 முன்னணி நிறுவனங்களின் 250 பிளாஸ்டிக் பாட்டில் ஆய்வுக்கு எடுத்து அவற்றை ஆய்வு செய்தனர்.

இந்த ஆய்வானது பாட்டிலில் உள்ள தண்ணீரை மிகவும் நுண்ணிய வடிகட்டியில் வடிகட்டப்பட்டு ஆய்வு செய்யப்பட்டது.

அதாவது 0.0015 மில்லி மீட்டர் அளவு துவாரம் கொண்ட மிக மெல்லிய வடிகட்டி மூலம் வடித்தெடுத்து அதில் தேங்கியுள்ள நுண் பொருட்களை ஆராய்ந்தனர்.

அதில் ஏராளமான பிளாஸ்டிக் மற்றும் ரசாயன துகள்கள் இருந்தது ஆய்வில் தெரியவந்துள்ளது.

அறிவியல் மொழியில் சொல்வதானால் அதில் நைலான், பாலித்தீன், டெரபதலேட் மற்றும் பாலிபுரோப்லின் ஆகிய துகள்கள் பிளாஸ்டிக் பாட்டில் தண்ணீரில் இருந்துள்ளன.

    மனிதர்களான நமக்கு இந்த துகள்களை செரிமானம் செய்யும் சக்தி நமது உடலுக்கு கிடையாது. இதனால் இந்த துகள்கள் குடல்வழியாக நமது ரத்த குழாய்க்குள் சென்று ஒவ்வொரு உறுப்புகளிலும் தேங்குகிறது.

இதன் காரணமாக ஈரல், சிறுநீரகம் போன்றவை பாதிக்கப்படும், மேலும் பல்வேறு பாதிப்புகளையும் நம் உடலில் அவை ஏற்படுத்தும்.

எனவே பிளாஸ்டிக் பாட்டில் தண்ணீரை அத்தியாவசியமாக கருதாமல் அவசர தேவைக்கு மட்டுமே பயன்படுத்துவது நமது உடலுக்கு ஆரோக்கியத்தை தரும்.

‘புலி ஊருக்குள்ள வந்திருச்சு. கூண்டுல எதையாவது மாட்டி வச்சு புடிங்க…’ என்று அலறும் பொதுஜனம் போல, ‘எதையாவது செஞ்சு இந்த தமிழ் ராக்கர்சை புடிங்க’ என்ற கூக்குரல் திரையுலகத்தில் ஒலிக்காத நாளில்லை. திருடுவதையே ஒரு கவுரவ தொழிலாக அறிவிக்கிற அளவுக்கு முழு மண்டை காலி ஆசாமிகள்தான் இந்த தமிழ்ராக்கர்ஸ் குரூப். இந்த வாரம் இந்தப்படம். அடுத்த வாரம் அந்தப்படம் என்று சவால் விட்டுக் கொண்டிருந்த சூரப்புலிக்கு நேற்று செம சூடு.

இந்த தமிழ் ராக்கர்ஸ் அட்மின் என்று சொல்லக்கூடிய ஐந்து பேரை நேற்று கைது செய்துவிட்டது கேரள போலீஸ். கேரள கிரைம் பிரான்ச் ஆண்டி பைரசி செல் சூப்பர்டென்ட் B.K. பிரஷாந்த் காணி தலைமையிலான குழு இவர்களை கைது செய்தது.

பைரசி வேலைகளில் ஈடுபட்ட ஐந்து பேரும் 19 டோமையின்களிலிருந்து மாறி மாறி இந்த வேலையை செய்துவந்தனர். ஒரு விளம்பர ஏஜன்சியிடம் இவர்கள் தொடர்பில் இருப்பதை அறிந்து இவர்களை தொடர்ந்து கண்காணித்து போலீசார் ஐந்து பேரையும் கைது செய்தனர். கார்த்தி வயது 24 ( விழுப்புரம் ) , சுரேஷ் வயது 24 , பிரபு வயது 24 , ஜான்சன் வயது 30 ( திருநெல்வேலி ), மரிய ஜான் வயது 22.

Tamil Rockers.IN , Tamil Rockers.AC , Tamil Rockers.NE , Tamil Rockers.CO , Tamil Rockers.IS , Tamil Rockers.US , Tamil Rockers.RO போன்ற 19 Domainகளை இவர்கள் பயன்படுத்தி வந்ததாக போலீஸ் தரப்பு தெரிவித்துள்ளது.

உள்ள வச்சு குமுறுங்க போலீஸ்…. இவிங்க அராஜகம் இதோடு முடியட்டும்!

அன்பே சிவம் சினிமா ரசிகர்களால் மறக்க முடியாத ஒரு படம். இப்படத்தில் நிறைய விஷயங்கள் ரசிகர்கள் மனதில் பெரிய இடத்தை பிடித்திருக்கிறது.

இந்த படத்தில் வரும் இரண்டு பிரபலமான ஓவியம் உருவான விதம் குறித்து பேசியுள்ளார் அப்பட வசன எழுத்தாளர் கார்டீனிஸ்ட் மதன்.

அவர் பேசும்போது, சால்வடார் அலி என்பவரின் Galatea of Spheres என்ற ஓவியத்தில் இருந்து ஒரு பகுதியை எடுத்துக் கொண்டோம், மற்றவைகளை கமல்ஹாசன் பார்த்துக் கொண்டார்.

கமல் படத்தில் வரையும் ஒரு ஓவியமும் என்னுடைய தேர்வு தான். அதில் சின்ன சின்ன விஷயங்களை எம். பிரபாகரன் அவர்கள் பார்த்துக் கொண்டார். இறுதியில் அந்த ஓவியம் பெரிய மன திருப்தியை கொடுத்தது என்றார்.

பொதுவாக நம்முடைய வாழ்வில் அரண்மனை போன்று பெரிய வீடு கட்ட வேண்டும் என்ற பெரிய ஆசை மற்றும் கனவு நம் அனைவரிடத்திலுமே இருக்கும்.

ஆனால் நம்முடைய மனதில் கனவாக இருக்கும் அரண்மனையை, வசூல் மன்னன், காதல் நாயகன் என்று பல புனை பெயர்களை கொண்டு அழைக்கப்படும் பாலிவுட் சூப்பர் ஸ்டார் நடிகர் ஷாருக்கான் நிஜமான அவரின் வாழ்க்கையில் உண்மையாக்கி உள்ளார்.

மேலும் நடிகர் ஷாருக்கான் திரைப்படத்தில் மட்டுமின்றி விளம்பரங்களிலும் கோடிகளில் சம்பளம் வாங்கும் முன்னணி நாயகனாக திகழ்கிறார்.

நடிகர் ஷாருக்கான் கட்டிய வீடானது, அவரின் வீட்டு வாசலில் இருந்து, குளியலறை, சமையலறை, படுக்கையறை, முற்றம், விருந்தினர் வரவேற்பு இடம் என்று அனைத்து இடமுமே பண்டைய காலத்து அரண்மனையைப் போலவே கட்டப்பட்டுள்ளது.

மேலும் ஷாருக்கான் கட்டிய இந்த அரண்மனை போன்ற மன்னத் இல்லமானது, அமெரிக்காவில் இருக்கும் வெள்ளை மாளிகை போன்று காட்சியளிக்கிறது.
தோட்டம்

மாநகராட்சி பூங்காவின் அளவை விட பெரிதாக காட்சியளிக்கும் ஷாருக்கான் வீட்டுத் தோட்டம்.

நீச்சல் குளம்

நீச்சல் குளத்தின் ஒரு ஓரமாய் தென்னை மரங்கள் மற்றும் இயற்கை வளங்கள் அதிகமாக இருப்பதால், கோவா சுற்றுலாவை போல காட்சியளிக்கும் ஷாருக்கான் வீட்டு நீச்சல் குளம்.

வளாகம்

முன் பக்கம் பாதை இருந்தும் பின் பக்கத்திற்கு செல்லும் வளாக வழி அமைக்கப்பட்டிருப்பதால், நட்சத்திர ஹோட்டல் போல காட்சியளிக்கும் ஷாருக்கான் வீட்டு வளாகம்.

குளிக்கும் அறை

ஷாருக்கான் கட்டிய வீட்டின் குளியலறையில் உள்ள தண்ணீர் குழாய் போன்ற அனைத்தும் தங்கத்தில் செய்யப்பட்டதுடன், அந்த அறையில் டி.வி, அலைப்பேசி மற்றும் கம்ப்யூட்டர் போன்ற அனைத்து வசதிகளுடன் வடிவமைக்கப்பட்டுள்ளது.

படுக்கும் அறை

இராஜ அரண்மனை போல அலங்காரம் செய்யப்பட்ட கட்டில், அதன் மேல் உயர்ரகம் கொண்ட வெல்வெட் கம்பளங்கள் கொண்டு வடிவமைக்கப்பட்டதால், இந்த அறை ராஜாக்களின் அந்தப்புரம் போல் காட்சியளிக்கிறது.

வரவேற்பு அறை

விருந்தினர் வந்தால் அவர்களை வரவேற்கும் வகையில், மாடர்ன் மற்றும் பண்டையக் காலத் தோற்றம் ஆகிய இரண்டும் கலந்த கலவையாக காட்சியளிக்கிறது ஷாருக்கான் வீட்டு வரவேற்பு அறை.

விருந்தோம்பல் அறை

ஷாருக்கான் கட்டிய வீட்டில் உணவு சாப்பிடும் அறையானது, அழகான இராஜ அரண்மனையை போன்று காட்சியளிக்கிறது.

விருந்தினர் அறை

ஷாருக்கான் வீட்டின் விருந்தினர் அறையானது, விளக்குகள் மூலம் அலங்கரிக்கப்பட்டு, மெய் சிலிர்க்கும் வண்ணத்தில் வைக்கும் அழகான பெரிய அரண்மனையை போன்று காட்சி தருகின்றது.