!...Payanam...!

பிக்பாஸ் நிகழ்ச்சி மற்ற சானல்களையும் பிரம்மிக்க வைத்த ஒன்று. இதனால் சானல்களுக்கிடையே கடும் போட்டி என்றே சொல்லலாம். தமிழ், தெலுங்கு இரண்டிலும் ஒரே மாதத்தில் வெளியாகவுள்ளது.

தெலுங்கில் இந்த சீசன் 2 ஐ பிரபல நடிகர் நானி தொகுத்து வழங்குகிறார். முதன் முதலாக அவர் இதை செய்யவுள்ளார். இதனால் மக்களிடயே பெரும் எதிர்பார்ப்பு உள்ளது.

இந்நிலையில் தெலுங்கு பிக்பாஸ் வரும் ஜூன் 10 ம் தேதி இந்நிகழ்ச்சி ஆரம்பமாகவுள்ளது என நானி அறிவித்துள்ளார். 16 போட்டியாளர்கள் கொண்ட இந்த போட்டி 100 நாட்களை கொண்டதாம்.

தற்போது இதில் கலந்துகொள்பவர்களின் முழுபட்டியலும் வெளியாகியுள்ளது.

    Hero Raj Tarun
    Singer Geetha Madhuri
    Anchor Syamala
    Anchor Lasya
    Heroine Raashi
    Heroine Charmee Kaur
    Dhanya Balakrishna
    Junior. Sridevi
    Heroine Gajala
    Chandini Chowdary
    Sri Reddy
    Varun Sandesh
    Taneesh
    Viva Harsha
    Comedian Venu

ரஜினிகாந்த் எங்கு சென்றாலும் பரபரப்பிற்கு பஞ்சம் இருக்காது. அப்படித்தான் நேற்று தூத்துக்குடியில் போராட்டத்தில் காயமடைந்தவர்களை ரஜினி சந்திக்க சென்றார்.

அப்போது ஒரு இளைஞன் யார் நீங்க? என்று கேட்டார். உடனே அந்த வீடியோ இந்திய அளவில் ட்ரெண்ட் ஆனது.

அதை தொடர்ந்து பல மீம்ஸுகள் வெளிவர தொடங்கியுள்ளது. ஆனால், ரஜினி ரசிகர்கள் அதையும் பாசிட்டிவாக மாற்றினார்கள்.

ஆம், ரஜினி அபூர்வ ராகங்கள் படத்தில் அறிமுகமாகும் போது முதல் காட்சியிலேயே கமல் ரஜினியை பார்த்து ‘யார் நீங்க?’ என்று தான் கேட்பார்.

அப்போது ஆரம்பித்தது ரஜினியின் ஆட்சி சினிமாவில், அதேபோல் நேற்றே ஆரம்பித்துவிட்டது அரசியலிலும் ரஜினியின் ஆட்சி என்று அவருடைய ரசிகர்கள் கூறி வருகின்றனர்.

ரஜினிகாந்த் அரசியலுக்கு வருவது உறுதியாகிவிட்டது. அவர் இன்று தூத்துக்குடி சென்று துப்பாக்கிச்சூடால் பாதிக்கப்பட்ட மக்களை நேரில் சென்று விசாரித்ததோடு ஆறுதல் கூறினார்.

இந்நிலையில் அவர் தூத்துக்குடியில் சமூக விரோதிகள் காவல்துறையை தாக்கியதால்தான் பிரச்னை ஆரம்பித்தது. எதற்கெடுத்தாலும் போராட்டம் போராட்டம் என்றால் தமிழ்நாடு சுடுகாடாக மாறிவிடும்.

ஜல்லிக்கட்டு போராட்டத்தை போல் ஸ்டெர்லைட்டிலும் கடைசிநாளில் சமூகவிரோதிகளால் பிரச்னை. ஸ்டெர்லைட் ஆலையை இனி திறக்கவேண்டும் என்ற எண்ணமே யாருக்கும் வரக்கூடாது.

தமிழகத்தில் சமூக விரோதிகள் அதிகமாகியுள்ளனர் என அவர் கூறியுள்ளார்.

இன்று நடிகர் ரஜினிகாந்த் தூத்துக்குடிக்கு சென்று போலீஸ் தப்பாக்கிசூடு மற்றும் தாக்குதலில் அடிபட்டு சிகிச்சை பெற்று வருபவர்களை சந்தித்தார். அப்போது ஒருவர் "நீங்க யாரு?" என கேட்ட வீடியோ வைரலாக பரவி வருகிறது.

”போலீஸ் துப்பாக்கிசூடு நடத்த காரணம் முதலில் சமூக விரோதிகள் அவர்களை தாக்கி, கலெக்டர் அலுவலகத்தை தாக்கியது தான்” என ரஜினி பத்ரிகையாளர்களிடம் ஆவேசமாக பேசினார்.

மேலும் இப்போது சினிமா துறையில் உள்ள பிரபலங்கள் பலரும் ரஜினிக்கு எதிராக பேசி வருகின்றனர். நடிகர் சித்தார்த் ரஜினியை ட்விட்டரில் மறைமுகமாக தாக்கி பேசியுள்ளார்.

"இவர்கள் அடுத்து என்ன சொல்வார்கள் தெரியுமா.. இத்தனை வருடமாக தூத்துக்குடியை மாசு படுத்தியது ஸ்டெர்லைட் இல்லை சமூக விரோதிகள் தான்" என சித்தார்த் தெரிவித்துள்ளார்.

இந்திய மாநிலமான தமிழகத்தில் திருவள்ளூர் ஆயில் மில் பகுதியில் உள்ள பேங்க் ஆஃப் இந்தியா வங்கியின் லாக்கரில் வைக்கப்பட்டிருந்த 8 கோடி ரூபாய் மதிப்புள்ள நகைகளை கொள்ளையடித்த வழக்கில் அந்த வங்கியில் பணி புரியும் ஊழியர்கள் மூன்று பேர் கைது செய்யப்பட்டனர். அவர்களிடம் இருந்து 32 கிலோ நகைகள் பறிமுதல் செய்யப்பட்டன.

திருவள்ளூர் ஆயில் மில் பகுதியில் சூப்பர் மார்கெட் கட்டிடம் ஒன்று உள்ளது. அந்த கட்டிடத்தின் மாடி பகுதியில் பேங்க் ஆஃப் இந்தியா வங்கி இயங்கி வருகிறது. நேற்று வழக்கம் போல் வங்கியை திறக்க முயன்றபோது பூட்டு திறந்தே இருந்ததது.

இதனால் அதிர்ச்சியடைந்த மேனேஜர், பணம் வைக்கப்பட்டிருந்த லாக்கர் மற்றும் அறைகளை சென்று பார்த்த போது லாக்கரில் வைக்கப்பட்டிருந்த 6 கோடி ரூபாய் மதிப்புள்ள நகைககள் கொள்ளை அடிக்கப்பட்டிருந்தது தெரியவந்தது.

உடனடியாக பொலிசுக்கு தகவல் தெரிவிக்கப்பட்டதையடுத்து அவர்கள் வந்து விசாரணை நடத்தியுள்ளனர். வங்கியின் பூட்டுக்கள் உடைக்கப்படவில்லை, சுவற்றில் ஓட்டை எதுவும் போடப்படவில்லை. ஆனால் லாக்கரில் இருந்த நகை மட்டும் கொள்ளையடிக்கப்பட்டிருந்தது.

இதனால் வங்கியில் பணி புரியும் ஊழியர்கள் இந்த கொள்ளையில் சம்பந்தப்பட்டிருப்பார்களோ என்ற கோணத்தில் விசாரணை நடைபெற்றது. இந்நிலையில் இந்த சம்பவத்தில் அதே வங்கியில் பணி புரியும் 3 பேர் சம்பந்தப்பட்டிருப்பது தெரிய வந்தது.

இதையடுத்து அந்த 3 பேரையும் கைது செய்த பொலிசார் அவர்களிடமிருந்து 32 கிலோ நகைளை பறிமுதல் செய்தனர். வங்கி ஊழியர்களே கொள்ளை அடித்த சம்பவம் பெரும் பரபரப்பை ஏற்படுத்தியுள்ளது.

மகாராஷ்டிர மாநிலத்தில் அரசு அளித்த இழப்பீடு தொகையால் நூற்றுக்கணக்கான விவசாயிகள் ஒரே நாளில் லட்சாதிபதிகளாக மாறியுள்ளனர்.

மகாராஷ்டர மாநிலத்தில் 5,44,517 ஹெக்டேர் விவசாய நிலத்தை அரசு கையகப்படுத்தியது. இதில், 69,905 ஹெக்டேர் நிலத்தை 13 கிராமங்களிலிருந்து மட்டுமே பெற்றிருக்கிறது.

இதற்கு இழப்பீடாக அவற்றின் உரிமையாளர்களான விவசாயிகளுக்கு மொத்தம் 79,157,590 ரூபாய் வழங்கியுள்ளது.

இதன் மூலம் 200க்கும் மேற்பட்ட விவசாயிகள் லட்சாதிபதிகளாக மாறியுள்ளனர். குறிப்பாக மாரத்வாடாவில் உள்ள ஹட்கோன் கிராமத்தில் பல விவசாயிகள் தற்கொலை செய்துகொண்டிருக்கின்றனர்.

அங்கு இந் இழப்பீட்டைப் பெற்ற அனைத்து விவசாயிகளும் லட்சாதிபதியாக மாறியிருக்கிறார்கள். ஆனால், சில விவசாயிகளுக்கு நிலம் தொடர்பான சில விவகாரங்களால் இழப்பீட்டுத் தொகை கிடைக்காமல் உள்ளதும் குறிப்பிடத்தக்கது.

ரஞ்சித் தமிழ் சினிமாவில் எப்போதும் தரமான படங்களை எடுப்பவர். இவர் தமிழகத்தில் சாதியே இருக்க கூடாது என்று எப்போதும் குரல் கொடுத்து வருபவர்.

இந்நிலையில் சமீபத்தில் தமிழகத்தில் உள்ள சிவகங்கையில் ஆதிக்க சாதியினர், ஒடுக்கப்பட்ட மக்கள் சிலரை வெட்டி கொலை செய்துள்ளனர்.

இதை ரஞ்சித் தன் டுவிட்டர் பக்கத்தில் குறிப்பிட்டு ’தமிழர் என்றோர் இனமுண்டு! தனியே அவர்களுக்கோர் குணம் உண்டு! சாதிவெறி’என்று குறிப்பிட்டுள்ளார்.

 நடிகர் கமல்ஹாசன் தொகுத்து வழங்கவுள்ள பிக்பாஸ் நிகழ்ச்சி விரைவில் துவங்கவுள்ளது. இதில் யார் யாரெல்லாம் போட்டியாளர்களாக கலந்துகொள்ள போகின்றனர் என அறிய ரசிகர்கள் ஆவலுடன் உள்ளனர்.

சில நாட்களுக்கு முன்பு சமூக வலைத்தளத்தில் ஒரு பட்டியல் வலம் வந்தது. அது போலி என்பது பின்னர் தான் தெரியவந்தது.

தற்போது வந்துள்ள தகவல் படி, 90களில் முன்னணி ஹீரோயினாக இருந்த நடிகை சிம்ரன் பிக்பாஸ் 2ல் கலந்துகொள்வார் என்று கூறப்படுகிறது.

இதற்குமுன் நடிகை கஸ்தூரி பங்கேற்பார் என்று தகவல் பரவிய நிலையில், அவர் அதை மறுத்தார் என்பது குறிப்பிடத்தக்கது.

2016-ம் ஆண்டு செப்டம்பர் மாதம் அப்போலோ மருத்துவமனையில் இருந்தபோது முன்னாள் முதல்வர் ஜெயலலிதா பேசிய ஆடியோ வெளியிடப்பட்டுள்ளது.

முன்னாள் முதல்வர் ஜெயலலிதா 2016-ம் ஆண்டு டிசம்பர் 5-ம் தேதி காலமானார். ஜெயலலிதா மரணத்துக்குப் பின் நிலவி வந்த குழப்பங்களுக்கு பிறகு ஓ.பி.எஸ் - சசிகலா தலைமையில் கட்சி இரண்டாகப் பிரிந்தது. ஓ.பி.எஸ் நடத்திய தர்மயுத்தத்தின் விளைவாக ஆறுமுகசாமி ஆணையம் கொண்டுவரப்பட்டு விசாரணை நடத்தப்பட்டு வருகிறது. அதன்படி, இன்று ஆறுமுகசாமி கமிஷன் ஜெயலலிதா தொடர்பான முக்கிய விவரங்களை வெளியிட்டுள்ளது. அது, செப்டம்பர் மாதம் 27-ம் தேதி அதாவது இறப்பதற்கு 68 நாள்களுக்கு முன்பு அப்போலோ மருத்துவமனையில் இருந்தபோது முன்னாள் முதல்வர் ஜெயலலிதா பேசிய ஆடியோ ஒன்று தற்போது வெளியிடப்பட்டுள்ளது. அப்போலோ மருத்துவமனையில் மூச்சுத்திணறலின்போது ஜெயலலிதா பேசிய 52 வினாடிகள் கொண்ட அந்த ஆடியோவில், முதலில் மருத்துவர் சிவகுமாரிடமும், பின்னர் மருத்துவர் அர்ச்சனாவிடமும் ஜெயலலிதா பேசுகிறார்.

ஜெயலலிதா : oh sad எதுல ரெக்கார்ட் பண்ணுறீங்க.

சிவக்குமார் : vlc  ரெக்கார்டு

ஜெயலலிதா : கேக்குதா

சிவக்குமார் : பெருசா இல்லை.

ஜெயலலிதா : அப்போ இருந்தபோது கூப்பிட்டேன். அப்போ எடுக்க முடியலனு சொன்னீங்க. எல்லாம் ஒன்னு கிடக்க ஒன்னு நீங்களும் செய்றீங்க... எடுக்க முடியலான விடுங்க. 

சிவக்குமார் : சரி

இதேபோல் மருத்துவமனையில் அர்ச்சனாவிடம் பேசிய ஆடியோவில்

ஜெயலலிதா : நல்லா வருது, மூச்சு விட முடியல, தியேட்டர்ல முன்னாடி சீட்டுல விசில் அடிக்கிற மாதிரி ரத்த அழுத்தம் இருக்கு. எனக்கு எவ்வளவு ரத்த அழுத்தம் இருக்கு

மருத்துவர் அர்ச்சனா : 140 / 80

ஜெயலலிதா : it's ok for me. இது நார்மல் தான்

இவ்வாறு அந்த ஆடியோ முடிவடைகிறது. இந்த ஆடியோ தற்போது வெளியிடப்பட்டுள்ளது பல்வேறு சந்தேகங்களை கிளப்பியுள்ளது என்றும், தூத்துக்குடி துப்பாக்கிச் சூடு உள்ளிட்டவைகளால் தமிழகம் திணறி கொண்டிருக்கும் இவ்வேளையில், இதனை வெளியிட வேண்டிய அவசியம் இல்லை என்றும் அரசியல் நோக்கர்கள் பலரும் கருத்து தெரிவித்து வருகின்றனர்.

ரகுவரன் இந்திய சினிமாவின் ஈடு இணையில்லா நடிகர். இவர் வில்லத்தனத்தை ஈடுக்கட்ட இன்று வரை யாருமில்லை என்பதே உண்மை.

இந்நிலையில் இவருடைய மனைவி ரோகினி சமீபத்தில் ஒரு பேட்டியில், மிகவும் உணர்ச்சிவசப்பட்டு சில கருத்துக்களை கூறியுள்ளார்.

இதில், ‘ரகுவரன் மரணத்தின் போது பத்திரிகையாளர்கள் யாரும், வீட்டின் உள் வந்து புகைப்படம் எடுக்கவேண்டாம் என்றேன்.

எல்லோரும் சரி என்றார்கள், ஆனால், நான் என் மகனை அழைத்து வந்த போது அனைவரும் உள்ளே வந்துவிட்டார்கள்.

உண்மையாகவே எனக்கு மிகவும் கஷ்டமாக இருந்தது, அதை தொடர்ந்து சில வருடங்கள் நான் எந்த பத்திரிகையிலும் பேசவில்லை.

அந்த நேரத்தில் கூட தனிமை இல்லையென்றால் என்ன செய்வது, இனி எந்த ஒரு இடத்திலும் இப்படி நடக்கக்கூடாது ’ என்று ரோகினி கூறியுள்ளார்.

தூத்துக்குடி துப்பாக்கி சூடு நிகழ்வு அனைவரையும் செம்ம கோபத்தில் ஆழ்த்தியுள்ளது. அந்த வகையில் இன்று திரை கலைஞர்கள் பலரும் கூடி இதற்கு கண்டனம் தெரிவித்தனர்.

இதில் இயக்குனர் பாண்டிராஜ் கலந்துக்கொண்டு பேசுகையில் ‘பள்ளி மாணவன் எப்படி லீவு நாட்களை காலேண்டரில் பார்த்துக்கொண்டு இருப்பானோ, அதேபோல் தான் உங்கள் ஆட்சி முடிவை நாங்கள் பார்த்து வருகின்றோம்.

உங்களை எதிர்த்து கேள்வி கேட்டால் சுடுவீர்கள், அப்படி பார்த்தால் உங்களை எப்போதும் எதிர்த்து கேள்வி கேட்கும், சீமான் அண்ணன், ஸ்டாலின் சாரையும் நீங்கள் சுட தயங்க மாட்டீர்கள்’ என கோபமாக பேசினார்.

வடிவேலு பலரின் வாழ்க்கையை மாற்றியவர். ஆம், நம் மனதளவில் மிகவும் சோகத்தில் இருந்த போது கூட சிரிக்க வைத்து, நமக்கு புத்துணர்ச்சி கொடுத்தவர்.

ஆனால், அவர் அரசியல் சென்று படமே நடிக்க முடியாமல் இருந்தது எல்லாம் அனைவரும் அறிந்ததே.

நீண்ட இடைவேளைக்கு பிறகு வந்த வடிவேலு இனி கலக்குவார் என்று எதிர்ப்பார்த்தால், மீண்டும் பெரும் பிரச்சனையில் சிக்கியுள்ளார்.

இம்சை அரசன் இரண்டாம் பாகத்தில் வடிவேலு நடிக்க முடியாது என்று சென்றதால் சுமார் ரூ 9 கோடி வரை நஷ்டம், இப்படத்தின் தயாரிப்பாளர் ஷங்கர் அவர் நடித்து கொடுக்கவேண்டும் என்கின்றார்.

வடிவேலு மேலும் ரூ 2 கோடி கொடுங்கள் நடிக்கின்றேன் என்கின்றார், இவை தயாரிப்பாளர் சங்க பஞ்சாயத்திற்கு வர, விஷால், வடிவேலுவிடம் பேசியும் சுமூகமாக முடியவில்லையாம்.

இதனால், வடிவேலு ரூ 9 கோடி கொடுக்க வேண்டும், இல்லையென்றால் படத்தில் நடிக்கவேண்டும், இது நடக்கவில்லை என்றால், வடிவேலுவிற்கு ரெட் போட்டு, இனி படங்களிலேயே நடிக்க முடியாதப்படி செய்துவிடுவார்கள் என தெரிகின்றது.

பொதுவாக இந்தியாவில் பெண் கர்பமாக இருக்கும் போது கருவில் இருக்கும் குழந்தையின் பாலினத்தை மருத்துவர்கள் கூறமாட்டார்கள். இது சட்டபடி குற்றமும் ஆகும். ஆனால் உடலில் தோன்றும் ஒருசில அறிகுறிகளை வைத்து கூட நமது முன்னோர்கள் பிறக்க போவது ஆணா, பெண்ணா என்பதை கண்டறிந்தனர். மேலும் அவர்கள் சில விசித்திரமான சோதனைகள் மூலமாகவும் குழந்தையின் பாலினத்தை கண்டறிந்தனர்.

சருமம்

நீங்கள் ஆண் குழந்தையை கருவில் சுமப்பவராக இருந்தால், உங்களது சருமம் வறட்சியாக இருக்கும். உங்களது சருமம் மிகவும் பளப்பளப்பாகவும், மிருதுவாகவும் இருந்தால், உங்களுக்கு பிறக்க போவது பெண் குழந்தை என்பதை கணிக்கலாம்.

தலைமுடி

உங்களது தலைமுடி மிகவும் பளப்பளப்பாகவும், அடர்த்தியாகவும் இருந்தால், உங்களுக்கு பிறக்கப்போவது ஆண் குழந்தை என்பதை கண்டு பிடிக்கலாம். உங்களது தலைமுடி வறட்சியாகவும், அதிகமாக உதிர்ந்தாலும் உங்களுக்கு பிறக்க போது பெண் குழந்தையாக இருக்கும்.

உடல் முடி

உங்களது உடலில் உள்ள முடிகள் மிகவும் வேகமாகவும், அடர்த்தியாகவும் வளர்ந்தால், உங்களுக்கு பிறக்க போவது ஆண் குழந்தை எனவும், உடலில் உள்ள முடிகள் குறைந்தால், பெண் குழந்தை எனவும் முன்னோர்கள் கணித்தார்கள்.

மார்பகங்கள்

மார்பகங்கள் ஒன்று சிறியதாகவும், மற்றொன்று பெரியதாகவும் இருக்கும். இது இயல்பானது தான். நீங்கள் கண்ணாடியில் பார்க்கும் போது, வலது மார்பகம் பெரியதாக இருந்தால் உங்களது கருவில் இருப்பது ஆண் குழந்தையாகவும், இடதுபுற மார்பகம் பெரியதாக இருந்தால் உங்களுக்கு பிறக்க போவது பெண் குழந்தையாகவும் இருக்கும்.

பிரகாசமான முகம்

நமது முன்னோர்கள் கர்ப்பிணி பெண்ணின் முகத்தை வைத்தே பிறக்க போவது ஆண் குழந்தையா? இல்லை பெண் குழந்தையா என்பதை கண்டறிந்தனர். நீங்கள் மிகவும் அழகாகவும், பிரகாசமாகவும் ஒரு தேவதை போல முன்பு எப்போதும் இல்லாதது போன்ற முகப்பொலிவுடன் இருந்தால் உங்களுக்கு பிறக்க போவது ஆண் குழந்தையாகவும், சோகமான கண்கள், பொலிவிழந்த முகத்துடன் இருந்தால் உங்களுக்கு பிறக்க போவது பெண் குழந்தையாகவும் இருக்க வாய்ப்புகள் அதிகம்.

இவ்வாறு தாயின் தோற்றத்தை வைத்து குழந்தையின் பாலினத்தை முன்னோர்கள் கண்டறிந்தனர் என்ற கதைகள் நிலவி வருகின்றன. இவை சில சமயங்களில் உண்மையாகவும் நிகழ்கிறது.

பிரபல தொலைக்காட்சியில் சரிகமபா என்ற பாடல் நிகழ்ச்சி மூலம் ஒட்டுமொத்த தமிழ் மக்களின் மனதை கவர்ந்தவர் ரமணி அம்மாள்.

இவர் நிகழ்ச்சிக்கு பிறகு நிறைய படங்களில் பாடுவார் என ரசிகர்கள் எதிர்ப்பார்த்துக் கொண்டிருக்கின்றனர்.

தற்போது அவரை பற்றி ஒரு தகவல் வந்துள்ளது. என்னவென்றால் விஜய் சேதுபதி நடித்துள்ள ஜுங்கா படத்தில் இடம்பெறும் ஒரு பாடலை பாடி முடித்துள்ளாராம். இந்த தகவலை இப்பட இசையமைப்பாளர் சித்தார் விபின் அவர்களே தன்னுடைய டுவிட்டரில் புகைப்படத்துடன் பதிவு செய்துள்ளார்.

வாரம் வாரம் வெளியாகும் படங்களின் எண்ணிக்கைக்கு குறைவில்லை. ஆனால் பெரிதளவில் சில படங்களுக்கு விளம்பரம் இல்லையென்றாலும் கதையால் ஈர்க்கப்படுகின்றன. அந்த வகையில் ஒரு குப்பை கதை வெளியாகியுள்ளது. வாருங்கள் குப்பைக்குள் என்ன கிடக்கிறது என கிண்டி பார்க்கலாம்.

கதைக்களம்

படத்தின் ஹீரோ தினேஷ் ஒரு சாதாரண கார்ப்பொரேஷன் தொழிலாளி. குப்பை அள்ளும் தொழில் செய்து வருகிறது. ஒரே ஒரு அம்மாவுடன் கூவத்தில் வாழ்ந்து வருகிறார்.

எங்கெங்கோ பெண் தேடி அலைந்த இவருக்கு கடைசியில் மலைவாழ் கிராம பெண் மனைவியாகிறார். அதுவும் எப்படி? ஆயிரம் பொய்களை சொல்லி கல்யாணம் செய்வார்களே அது போல தான்.

தன் கணவர் மீதான வேறொரு கனவுடன் அழகான கிராமத்திலிருந்து முற்றிலும் வித்தியாசமான கூவத்திற்கு குடும்பம் நடத்த வருகிறார் ஹீரோயின் மனிஷா (பூங்கொடி கேரக்டர்).

கணவர் பற்றி சில உண்மைகள் தெரியவர பிரச்சனை வெடிக்கிறது. ஆனாலும் காலப்போக்கில் குழந்தை பிறக்க வேறு இடத்திற்கு தம்பதியாக அடுக்கு மாடி குடியிருப்பில் குடிபெயர்கிறார்கள்.

ஒரு நாள் திடீரென பூங்கொடியையும், குழந்தையையும் காணவில்லை. இவர்களை தேடி தினேஷ் அலைய பின் ஒருவர் மூலம் வந்த நம்பமுடியாத தகவலால் அதிர்ச்சியாகிறார்.

பூங்கொடிக்கு நடந்ததென்ன, குழந்தையும் தாயும் என்ன ஆனார்கள்? மீண்டும் மனம் ஒன்று பட்டு குடும்பமாக சேர்ந்தார்களா என்பதே இந்த குப்பை கதை.

படத்தை பற்றிய அலசல்

நாயகன் தினேஷ் ஒரு டான்ஸ் மாஸ்டர். இவர் இந்த படத்தின் மூலம் ஹீரோவாக சினிமாவில் முகம் காட்டியிருக்கிறார். அவரின் இந்த முயற்சியை முதலில் வரவேற்போம். படத்தின் அவருக்கான ரோல் ஆழமானது. குப்பையில் வேலை செய்பவர்கள் படும் அல்லல்களை எளிமையாக சொல்லி புரியவைக்கிறார்.

சில ஆண்கள் என்ன நடந்தாலும் தங்கள் எதார்த்தமான அன்பால் பெண்களால் ஏமாற்றப்படுவதும், அதை மன்னித்து ஏற்பதற்கு மனம் வேண்டும் என சிம்பிளாக சொல்லி ஆண்களில் கைதட்டல் வாங்குகிறார்.

ஹீரோயின் மனிஷா யாதவ் சில படங்களில் முன்பே நடித்திருந்தாலும், இப்படத்தில் ஒரு முழு ஹீரோயினாக இறங்கியுள்ளார். இப்படத்திற்கு பின் அவருக்கு இன்னும் நிறைய படங்கள் கிடைக்கும் என தோன்றுகிறது.

படத்தில் நண்பனாக ஒரு காமெடியன். அவர் வேறு யாருமல்ல. யோகி பாபு தான். தியேட்டரில் அவர் வந்தாலே தானாக சிரிப்பு வழிந்தோடும். ஆனால் இப்படத்தில் அது மிஸ் ஆகிவிட்டதோ என நினைக்க வைத்தது.

கதைக்குள் குறுக்கிடும் ஒரு நபரை வில்லன் போல காண்பித்து கடைசியில் அங்கேயும் ஒரு டிவிஸ்ட். அவர் வேறுயாருமல்ல. நம்ம நந்தினி சீரியல் நடிகர் கிரண். தனக்கான ரோலில் நன்றாக நடித்திருக்கிறார்.

நீண்ட நாட்களுக்கு பிறகு ஜோஸ்வா ஸ்ரீதரின் பாடல்கள் காதுக்கு இனிமை. ஆனால் பின்னணி இசை பெருமளவில் இல்லை. ஒளிப்பதிவு காட்சிகள் படத்திற்கு போதுமானதாக இருந்தது.

குப்பை நிறைந்த சமூகத்தில் வாழ்ந்தாலும் குணம் குப்பையாகி விடக்கூடாது என இயக்குனர் சிம்பிளாக காட்டியிருக்கிறார்.

கிளாப்ஸ்

தினேஷ், மனிஷா யாதவின் எதார்த்தமான நடிப்பு..

சரியான நேரத்தில் கவுண்டர் கொடுத்து அசத்தும் எலெக்‌ஷன் பாட்டி.

ஜோஸ்வாவின் அழகான டூயட் பாடல்..

பல்பஸ்

யோகிபாபு இருந்தும் படக்குழுவினர் அவரை பயன்படுத்தவில்லை.

குப்பைக்குள்ளும் விசயம் இருக்கிறது. மொத்தத்தில் ஒரு குப்பை கதை பார்க்க வேண்டிய கதை.

இந்தியாவுக்காக ஒலிம்பிக் பதக்கம் வென்றவரும், பிரதமர் நரேந்திர மோடி அமைச்சரவையில் விளையாட்டுத்துறை அமைச்சராக இருக்கும் ராஜ்யவர்தன் சிங் ரத்தோர், கடந்த 22-ஆம் தேதி (22.05.2018) கிரிக்கெட் வீரர் விராட் கோலி, பேட்மின்டன் வீராங்கனை சாய்னா நேவால் உள்ளிட்ட விளையாட்டுத் துறையினருக்கு ஒரு சவாலை முன் வைத்திருந்தார். விளையாட்டுத் துறையில் உள்ள வீரர்-வீராங்கனைகள் தாங்கள் உடற்பயிற்சி செய்யும் புகைப்படங்கள் மற்றும் வீடியோ காட்சிகளை சமூக வலைதளங்களில் பதிவிடுமாறு ராஜ்யவர்தன் சிங் கேட்டுக் கொண்டிருந்தார். இதையடுத்து, விராட் கோலி தன்னுடைய சமூக வலைதள பக்கத்தில் "உங்கள் சவாலை ஏற்றுக் கொண்டேன்" என்று தெரிவித்து வீடியோ பதிவு ஒன்றை வெளியிட்டு, இதுபோன்ற சவாலை விராட் கோலியின் மனைவி அனுஷ்கா சர்மா, பிரதமர் மோடி, இந்திய அணியின் முன்னாள் கேப்டன் மகேந்திர சிங் தோனி ஆகியோரும் ஏற்றுக் கொள்ளுமாறு கேட்டுக் கொண்டார். விராட் கோலியின் பதிவு வெளியிடப்பட்ட 24 மணி நேரத்திற்குள், "உங்கள் சவாலை ஏற்கிறேன் விராட்" என்று பிரதமர் மோடி பதிலளித்தார்.

கோலிக்கு பதில் சொன்ன பிரதமர்

மோடி ஆட்சிக்கு வந்தது முதல் கடந்த நான்கு ஆண்டுகளில் எத்தனையோ மக்கள் பிரச்னைகள், சமூக அவலங்கள், மோசடிகள், ஊழல் குற்றசாட்டுகள், மதவாதம் குறித்த புகார்கள் என பல்வேறு பிரச்னைகள் தலைதூக்கின. ஆனால், அவை எதற்கும் பிரதமர் பதிலளிக்கவில்லை என்பதுதான் இப்போதைய குற்றச்சாட்டு. விளையாட்டு வீரரின் உடற்பயிற்சி குறித்த சவாலுக்கு பதில் சொல்லும் பிரதமரே, "இந்த 20 கேள்விகள் உங்களுக்கு ஞாபகம் இருக்கிறதா? இவற்றுக்கு எப்போது பதில் கூறப்போகிறீர்கள்?"

1. தலைநகர் டெல்லி வீதிகளில் 100 நாட்களுக்கும் மேலாக எலியை வாயில் கவ்விக்கொண்டும், நிர்வாணமாக ஓடியும் கோரிக்கைகளுக்காகப் போராடிய தமிழக விவசாயிகளை ஒருமுறைகூட நேரில் சந்தித்துப் பேசாதது ஏன்?

2. எந்த முன்னறிவிப்பும் இல்லாமல் பண மதிப்பிழப்பு நடவடிக்கையை அமல்படுத்தியதால், மக்கள் தவிப்புக்கு உள்ளாகி, வங்கி வாசலில் கால்கடுக்க நின்றதுடன், இந்தியா முழுவதும் வயதானவர்கள் உள்பட நூற்றுக்கும் மேற்பட்டோர் உயிரிழந்தார்களே... அவர்களின் குடும்பங்களுக்கு உங்கள் பதில் என்ன?

3. காஷ்மீரில் ஒரு குழந்தை பாலியல் துன்புறுத்தலுக்கு உள்ளாக்கப்பட்டு, கொலை செய்யப்பட்ட வழக்கில் குற்றம்சாட்டப்பட்டவர்களுக்கு ஆதரவாக உங்கள் கட்சியைச் சேர்ந்த அமைச்சர்களே குரல் கொடுத்தார்களே, அதற்கு உங்கள் பதில் என்ன?

4. ஒட்டுமொத்த தமிழர்களையும் 'பொறுக்கி' என உங்கள் கட்சியின் மூத்த தலைவர் சுப்ரமணியன் சுவாமி விமர்சனம் செய்தார். தொடர்ந்து அவரைக் கட்சியில் பாதுகாத்து வருகிறீர்களே, அதற்கு உங்கள் பதில் என்ன?

5. 'பெரியார் சிலையை உடைப்பேன்' என்று ட்வீட் செய்கிறார் உங்கள் கட்சியின் தேசியச் செயலாளர் ஹெச்.ராஜா. கேட்டால் சமூக வலைதளத்தைப் பராமரிக்கும் 'அட்மின்' பதிவிட்டதாகக் கூறுகிறார். அவர் மீது நடவடிக்கை நீங்கள் எடுக்காதது ஏன்?

6. மெரினா போராட்டத்தில் தமிழக போலீஸார் அப்பாவி இளைஞர்களை  ஓட, ஓட விரட்டியடித்தார்களே.... அந்த விவகாரம் பற்றி ஒரு வார்த்தைகூட பேசவில்லையே ஏன்?

7. வாழ்வாதாரத்திற்காக மீன்பிடித் தொழிலில் ஈடுபடும் தமிழக மீனவர்களை இலங்கை கடற்படையினர் நடுக்கடலில் தாக்கும் நிகழ்வு இன்றுவரை தொடர்கிறது. அந்தவகையில் தமிழக மீனவர் பிரச்னை தீர்க்கப்படாமலேயே நீடிக்கிறது. நீங்கள் இலங்கைக்கு பயணம் செய்த பிறகும் தமிழக மீனவர்களின் நிலை மாறவில்லையே... இதற்கு உங்கள் பதில் என்ன?

8. சாமியார் குர்மீத் ராம் ரஹீம் சிங் கைது செய்யப்பட்ட போது கலவரம் வெடித்து பல உயிர்கள் மாண்டு போனதே. அப்போது நீங்கள் ஏன் வாய் திறக்கவில்லை?

9. காவிரிப் பிரச்னையில் உச்ச நீதிமன்றம், தமிழகத்திற்கு தண்ணீர் வழங்க உத்தரவிட்ட பின்னரும் கர்நாடக சட்டப்பேரவைத் தேர்தலை மனதில்வைத்து, தமிழகத்துக்கு தண்ணீர் வழங்க அம்மாநில அரசை நீங்கள் வலியுறுத்தவில்லையே ஏன்?

10. 'நீட்' தேர்வு விவகாரத்தில் அனிதாவின் மரணத்துக்கும், இந்தாண்டு தமிழக மாணவர்களை நீட் தேர்வு எழுத வேறு மாநிலங்களுக்கு அனுப்பியதற்கும், மாணவ, மாணவிகளை மோசமான முறையில் சோதனை நடத்தப்பட்டதற்கும் உங்களிடம் இருந்து எந்தவொரு கண்டனமும் வரவில்லையே பிரதமரே!

11. புதுக்கோட்டை மாவட்டம் நெடுவாசல் கிராமத்தில் 100 நாட்களுக்கும் மேலாகப் போராடிய மக்கள் பற்றி நீங்கள் என்றுமே பேசாதது ஏன்?

12. தூத்துக்குடி ஸ்டெர்லைட் ஆலைக்கு எதிராகப் போராடிய மக்கள் மீது நடத்தப்பட்ட துப்பாக்கிச்சூட்டில் 13 உயிர்கள் பலியாகியுள்ள நிலையில், தமிழக அரசையும், காவல்துறையையும் ஒரு வார்த்தைகூட கேட்காமல் மெளனம் சாதிப்பது ஏன்?

13. இந்தியாவின் பல மாநிலங்களில் மாட்டிறைச்சி சாப்பிட்டதாகக் கூறி சிலர் கொல்லப்பட்டார்களே... அவர்களைக் கொன்றவர்களைப் பற்றி ஒருமுறைகூட பேசவில்லையே ஏன்?

14. மஹாராஷ்ட்ராவில் ஒரே இரவில் லட்சக்கணக்கில் கூடிய விவசாயிகள், காலில் வெடிப்புடன், தங்கள் வாழ்வாதாரத்துக்காக போராடினார்களே, அந்த மக்களுக்கு உங்கள் பதில் என்ன?

15 பக்கோடா போடுவதையெல்லாம் வேலைவாய்ப்புப் பட்டியலில் இணைத்து நாடாளுமன்றத்தில் பேசினாரே உங்கள் கட்சித் தலைவர் அமித் ஷா. அவருக்கு உங்கள் பதில் என்ன?

16. கறுப்புப்பணத்தை மீட்டு இந்தியாவுக்குக் கொண்டுவருவேன் என்று சொல்லி, இதுவரை ஒரு ரூபாயையோ அல்லது ஒருவர் பெயரையோகூட கொண்டு வராமல் இருப்பது ஏன்?

17. 'ஆதார் தகவல்கள் தனியார் நிறுவனங்களுக்கு விற்கப்படுகிறது' என்ற குற்றச்சாட்டு இருந்துகொண்டே இருக்கிறதே. இந்த சர்ச்சைக்கு இதுவரை பிரதமர் பதிலளிக்காதது ஏன்?

18. பெட்ரோல், டீசல் விலை உங்கள் ஆட்சிக்காலத்தில் எப்போதும் இல்லாத அளவுக்கு உயர்ந்துள்ளதே. சர்வதேச சந்தையில் கச்சா எண்ணெய் விலை இறங்கினாலும் இந்தியாவில் பெட்ரோல் டீசல் விலை குறையாமல் அதிகரிக்கிறதே. இதற்கு உங்கள் பதில் என்ன?

19. 'பொருளாதாரம் வளர்ந்துவிட்டது' என மார்தட்டிக் கொள்ளும் நீங்கள், ஆட்சிக்கு வரும்போது டாலருக்கு நிகரான ரூபாய் மதிப்பு 60 ஆக இருந்தது. இப்போது 67 ரூபாயாக  சரிந்துள்ளதே. இதற்கு உங்கள் பதில் என்ன?

20. நான்கு ஆண்டுகளில் ஒருமுறைகூட பத்திரிக்கையாளர்களைச் சந்திக்காத பிரதமர் என்ற சாதனையை வைத்திருக்கிறீர்களே. ஏன் பதில் சொல்லத் தயங்குகிறீர்கள் பாரத பிரதமரே?

ஆனால், இதுபோன்ற பிரச்னைகளையெல்லாம் விட்டுவிட்டு விராட் கோலியின் பதிவுக்கு மட்டும் 24 மணி நேரத்துக்குள் பதில் சொல்கிறீர்கள் என்றால் நீங்கள் யாருக்கான பிரதமர்? பதில் வராது என்று தெரிந்தும் கேட்கிறோம். பதில் சொல்வீர்களா?

விஜய் சேதுபதி எப்போதும் தரமான படங்களை தேர்ந்தெடுத்து நடிப்பவர். மேலும், சமூகத்தில் நடக்கும் நிறைய விஷயங்களுக்கு தைரியமாக குரல் கொடுப்பவர்.

இந்நிலையில் தூத்துக்குடி தாக்குதல் குறித்து விஜய் சேதுபதி பேசுகையில் ‘இத்தனை நாட்கள் அமைதியாக இருந்த போராட்டம், பெரும் பிரச்சனையாக முடிக்கப்பார்க்கின்றனர்.

அதுமட்டுமின்றி இதன் மூலம் மக்களுக்கு ஓர் அச்சத்தை ஏற்படுத்த வேண்டும் என்பதை முன்பே முடிவு செய்துள்ளது போல் எனக்கு சந்தேகம் வருகின்றது’ என கூறியுள்ளார்.

நார்த் மெட்ராஸ் கதையென்றாலே வேர்த்துக் கொட்டுகிற அளவுக்கு முந்தைய ‘அருவா மார்க் ’ அனுபவங்கள் இருக்க…. மறுபடியும் ஒரு நார்த் மெட்ராஸ் படமா? சற்றே தடதடப்போடு முதல் சில காட்சிகளை கடக்கிற நமக்கு, செம ட்விஸ்ட்! இது நாம நினைக்கிற மாதிரி அருவா இல்லை. ஆறுதல், அசத்தல்!

மார்க்கெட் ஏரியாவையே தன் கைக்குள் வைத்திருக்கிற சமக் சந்திரா, தனது அல்லக்கைகள் சகிதம் மாமூல் வசூலில் கொடி கட்டி பறக்கிறான். ஏதோ ஒரு வேலையாக மேற்படி மார்க்கெட்டுக்குப் போகும் ஹீரோ ராஜன் தேஜேஸ்வர் சம்பந்தமில்லாமல் தன்னிடம் முண்டா தட்டும் சமக்கை போட்டு புரட்டி எடுக்க…. ஏரியாவே துவம்சம் ஆகிறது. அதுவரை அலறிக் கொண்டு மாமூல் கொடுத்தவர்கள் எல்லாம், “போங்கடா… உங்க அண்ணன் ஒரு சின்ன பையன்ட்ட அடி வாங்குனவன்தானே?” என்று வில்லனின் அடியாட்களை துரத்தி துரத்தி அவமானப்படுத்துகிறார்கள்.

“அண்ணே… அதே ஏரியாவுல அவனை வச்சு தூக்கலேன்னா நமக்கு மாமூலும் இல்ல. மரியாதையும் இல்ல” என்று கதறுகிறார்கள் அல்லக்கைகள். வேறு வழியில்லாத வில்லன், சம்பந்தப்பட்ட ஹீரோவுக்கே போன் போட்டு, “மார்க்கெட்டுக்கு வா. உன்னை அடிக்கணும்’ என்று அழைக்க… “கொஞ்சம் வேலை இருக்குன்னா. ஒரு வாரம் கழிச்சு வர்றேன்” என்கிறார் ஹீரோ. எப்படியாவது இவரை மார்க்கெட்டுக்கு கொண்டு வர துடிக்கும் வில்லனும், மார்க்கெட்டுக்குப் போய் மறுபடியும் அவனை புரட்டி எடுக்கணும் என்று துடிக்கிற ஹீரோவும் தங்கள் ஆசையை நிறைவேற்றிக் கொண்டார்களா என்பதுதான் முழு கதையும்.

நடுவில், காதல் காமெடி, சோஷியல் மெசேஜ், லேடீஸ் சென்ட்டிமென்ட் என்று சகல ஏரியாவிலும் நின்று ரசிக்க விட்டிருக்கிறார் இயக்குனர் ரவி அப்புலு! பெரிய பெரிய படங்கள் எல்லாம் நம்மை இழுத்து வச்சு ரம்பம் போடுகிற நேரத்தில், எங்கிருந்தோ வந்த இவர்கள் கொடுத்த ஆறுதல் இருக்கிறதே… அப்பப்பா. நல்லாயிருப்பீங்கப்பா!

இந்தப்படத்தின் ப்ளஸ்சே, போகிற போக்கில் கிச்சு கிச்சு மூட்டிவிட்டுப் போவதுதான். மாமூல் வரத்து நின்று போக, தன் மனைவியின் தாலியிலிருக்கும் ஒவ்வொரு காசாக விற்று செலவு பண்ணும் வில்லனிடம், “அண்ணே… உங்க வொய்புக்கு ஒரு தாலிதான் கட்னீங்களா?” என்று அல்லக்கைகள் கேட்கிற அந்த இடம், வாவ்… அம்சம்! சொல்ல ஆரம்பித்தால் இப்படி படம் முழுக்க இறைந்து கிடக்கிறது.

ஹீரோ ராஜன் தேஜேஸ்வருக்கு வேறு யாரையாவது டப்பிங் பேச வைத்திருக்கலாம். அது ஒன்றுதான் பெரும்குறை. மற்றபடி ஆரம்ப கால விஜய்யிடம் இருந்த அதே துறுதுறுப்பு… ஆக்ஷன் வேகம் எல்லாமும் இருக்கிறது இந்த புதுமுகத்திடம். இதே போல கதை கேட்கிற நாலெட்ஜும், இயக்குனர் தேர்வு செய்கிற அறிவும் இருந்தால் வெகு சீக்கிரம் ஒரு சீட் இருக்கு தம்பி!

நாயகி தருஷி வேக வைத்த வெடக்கோழி போலிருக்கிறார். கண்ணுக்கு நிறைவு.

இவர்களையெல்லாம் விட, கடைசிவரைக்கும் தன் முறைப்பை குறைத்துக் கொள்ளாத அந்த வில்லன் தண்டபாணி, அதாவது சமக் சந்திராவுக்கு இஷ்டம் போல ஓட்டு குத்தலாம். மற்றவர்களை சிரிக்க வைத்து தான் மட்டும் சீரியசாகவே இருக்கிற அந்த நடிப்பும் முகமும் பலே பலே!

லொட லொட பேச்சு ரேணுகாவுக்கு அம்மா கேரக்டர். தன் மகனை மாப்பிள்ளை கேட்டு வந்திருக்கிற சம்பந்தியையே மணப்பெண் என்று நினைத்துக் கொண்டு இவர் பொங்குகிற பொங்கலும், சீற்றமும் செம லாஜிக் லாஃபிங்!

ஒரு அறிமுக ஹீரோவுக்கு விஜய் அஜீத் லெவலுக்கு பைட் கம்போசிங் செய்வதற்கே ஒரு தனி தைரியம் வேண்டும். கனல் கண்ணன் அதை செய்திருக்கிறார் என்றாலும், அதை நம்ப வைத்ததே இயக்குனரின் திரைக்கதைதான்!

இப்படி, தன் வரைக்கும் திரைக்கதையை தொங்காமல் பார்த்துக் கொண்ட இயக்குனர் ரவி அப்புலுவுக்கு, நல்ல விறுவிறுப்பான நேரத்தில் பாடல்களை நுழைத்து இம்சை பண்ணுகிறோம் என்கிற சுதாரிப்பு மட்டும் இல்லாமல் போனது ஏனோ?

இசை சித்தார்த் விபின். பின்னணி இசையில் அட போட வைக்கிறார். பாடல்கள்தான் சொதப்பல்!

செயல்- எதிர்பாராமல் அடித்த இன்ப புயல்!

முகப்பரு தொல்லையே இல்லாத ஆளே இருக்க துமுடியாது. சிலர் அந்த பருக்களை கிள்ளி வைத்து அது அப்படியே கருப்பாக மாறிவிடும். சிலருக்கு நாளடைவில் முகத்தில் பருக்கள் இருந்த இடங்கள் குழிக்குழியாக மாறியிருக்கும்.

இதற்கென பெரிதாக கெமிக்கல் கலந்த கண்ட க்ரீம்களையும் வாங்கிப் பயன்படுத்தத் தேவையில்லை. வீட்டிலுள்ள வெந்தயத்தை வைத்தே குழிகுழியாக இருக்கும் சருமத்தை சீராக்க முடியும்.

வெந்தயத்தை இரவு முழுவதும் நீர்விட்டு ஊற வைத்து காலையில் மைய அரைத்து வைத்துக் கொண்டு அதனோடு சிறிது தயிர் சேர்த்து நன்கு குழைத்து தலை முடிக்கும் தலையின் மேற்புறத்தும் தடவி நன்றாக மசாஜ் செய்து வைத்திருந்து 20 நிமிடங்களுக்குப் பிறகு தலைக்கு குளிக்க பொடுகுகள் போகும்.

வெந்தயத்தை இரவு ஊற வைத்து காலையில் முகத்துக்கு தடவி வைத்திருந்து குளித்து விடுவதால் முகத்தில் உள்ள மருக்கள், கரும்புள்ளிகள், தழும்புகள் மறைந்து போகும்.

வெந்தயத்தோடு தேன் சேர்த்து முகப்பருக்களின் மீது பூசி வைத்திருந்து இளஞ்சூடான நீரில் கழுவி வர முகப்பருக்கள் குணமாகும்.

வெந்தயம் ஒரு கைப்பிடி அளவு எடுத்து அதனோடு 4 கப் நீர் ஊற்றி அடுப்பிலிட்டு 15 நிமிடங்கள் காய்ச்சி எடுத்து ஆற வைத்து வடிகட்டி வைத்துக் கொண்டு தினம் 2 முறை முகத்தைக் கழுவுவதற்கு உபயோகித்தால் முகத்துக்கு நல்ல வனப்பையும், சுருக்கங்களை நீக்கி நல்ல மென்மையும்பொன் வண்ணத்தையும் தரும்.

முடி கொட்டுகிற பிரச்சனைக்கு வெந்தயம் மிகச் சிறந்த நிவாரணி. முடி கொட்டுதல்,பொடுகு, தலை வழுக்கை, முடி மெல்லியதாக ஆகுதல் ஆகியவற்றுக்கு வெந்தயத்தை தாராளமாக உணவில் சேர்த்து கொள்வதோடு ஊறவைத்து அரைத்து தலைக்கு தடவி வைத்திருந்து குளிப்பதால் நல்ல பலன் கிடைக்கும்.

வெந்தயம் இளநரையையும் போக்ககூடிய நன்மருந்தாகும். கைப்பிடி அளவு வெந்தயத்தை 300மி.லி தேங்காய் எண்ணெயில் இட்டு கொதிக்க வைத்து எடுத்து வடிகட்டி இளஞ்சூட்டோடு தலைக்குத் தேய்த்து நன்கு மசாஜ் செய்து வர இளநரையைத் தடுத்து நிறுத்தும். எண்ணெய் இரவு முழுவதும் தலையில் ஊறும்படி வைத்திருந்து காலையில்குளிக்க வேண்டும்.

பிக்பாஸ் 2 நிகழ்ச்சி வரும் ஜூன் மாதம் தொடங்கவுள்ளது. மக்கள் பலரும் இதை ஆவலுடன் எதிர்பார்த்திருக்கிறார்கள். தமிழில் மட்டுமல்ல, தெலுங்கிலும் இதன் மீது ஆர்வம் அதிகரித்துள்ளது.

போட்டியாளர்கள் யாராக இருப்பார்கள் என தெரிந்துகொள்ள மக்களுக்கு பொறுமையில்லை என்றே சொல்ல வேண்டும். இந்நிலையில் தெலுங்கு பிக்பாஸ் சீசன் 2 நிகழ்ச்சியை நானி தொகுத்து வழங்கவுள்ளார்.

கடந்த சீசனில் இதன் மொத்த நாட்கள் 70 ஆக இருந்தது. இந்நிலையில் தமிழை போலவே தற்போது இதையும் 100 நாட்களாக மாற்றிவிட்டதாக தகவல் வெளியாகியுள்ளது.

ஹாலிவுட்டில் ஸ்பூவ் மூவி என்றே தனியாக உள்ளது. ஸ்கேரி மூவி என்று தலைப்பிட்டு பல படங்களை வெளியிட, 1000 கோடி ரூபாய் செலவு செய்து ஒரு சூப்பர் ஹீரோவை வைத்து ஸ்பூவ் மூவி எடுத்தால் எப்படியிருக்கும், அது தான் இந்த Deadpool 2. Deadpool அளவிற்கு Deadpool 2 இருக்குமா? என்று படத்திலேயே ஒரு வசனம் வரும், அந்த வசனத்தை படம் பூர்த்தி செய்ததா? பார்ப்போம்.

கதைக்களம்

Deadpool தன் மனைவியிடம் சந்தோஷமாக வாழ, வழக்கம் போல் ஒரு வில்லன் கும்பல் இவர் சந்தோஷமான வாழ்க்கையை கெடுக்க வர, அந்த மோதலில் தன் மனைவியை இழக்கின்றார்.

இதனால், தானும் இறக்கவேண்டும் என்று அவர் நினைத்தாலும், மரணம் அவரை நெருங்கவே முடியவில்லை, அந்த சமயத்தில் தான் ஒரு அமைதிக்காக எக்ஸ் மேன் டீமுடன் இணைகின்றார்.

அப்போது ரசல் என்ற சிறுவன் தனக்கு இருக்கும் நெருப்பு சக்தியை மிகவும் மோசமாக பயன்படுத்துகின்றான், அவனை கட்டுப்படுத்த Deadpool அங்கு செல்ல, ஒரு சில அசம்பாவிதங்களால் இருவருமே ஜெயிலுக்கு செல்கின்றனர்.

அந்த நேரத்தில் கேபிள் என்பவன் ரசல் வளர்ந்து தன் குடும்பத்தை அழிக்கப்போகிறான் என்பதை அறிந்து எதிர் காலத்திலிருந்து வருகிறான், ஆனால், அவன் சிறுவன் அவனை நாம் தான் காப்பாற்ற வேண்டும் என்று Deadpool தன் புதிய டீமுடன் களத்தில் இறங்க பிறகு என்ன ஆனது என்பதே மீதிக்கதை.

படத்தை பற்றிய அலசல்

Deadpool-லாக ரியான், படத்தில் இவர் முகத்தை மொத்தமாகவே 15 நிமிடம் காட்டினால் பெரிது, படம் முழுவதும் முகமூடி என்றாலும், அவர் பேசும் வசனத்திற்கு முகமூடியையும் மீறி எக்ஸ்பிரேஷன் தெரியும் போல, கலக்கியுள்ளார்.

குறிப்பாக தமிழில் இப்படத்தை பார்க்கும் ரசிகர்களுக்கு செம்ம விருந்து தான், தொடர்ந்து ஆங்கில படங்களை தமிழ் டப்பிங்கில் பார்ப்பவர்களுக்கு விருந்து, மற்றப்படி புதிதாக பார்ப்பவர்களுக்கு கோபத்தை ஏற்படுத்தலாம்.

படத்தின் டைட்டிலிலேயே புதுமை மற்றும் கிண்டல் ஆரம்பித்துவிடுகின்றது, ஜேம்ஸ்பாண்டை கிண்டல் செய்து தான் இப்படத்தின் டைட்டில் போடுகின்றனர், அதிலும் இயக்குனர்- ஜான் விக் நாயை கொன்றவர், கதை- வில்லன்கள் என வித்தியாசமாக டைட்டில் கார்ட் போட்டு அசத்துகின்றனர்.

இன்றைய ட்ரெண்டில் யார் இருக்கிறார்கள் என்பதை அறிந்து சென்னை சூப்பர் கிங்ஸ், மக்கள் நீதி மய்யம், கமல் சார் போல் புரியாத டுவிட், வீரம் அஜித், தெறி விஜய் போல் நானும் மாஸா, விஷால் தமிழ் சினிமாவிற்காக ஸ்ட்ரைக் இருக்கின்றார் என அடித்து தூள் கிளப்புகிறது டப்பிங்.

ஆனால், பிரச்சனையும் இதுவே கூட, ஏனெனில் ஜாலியாக படம் பார்க்கவேண்டும் என்பவர்கள் சிரித்துக்கொண்டு கடந்துவிடுவார்கள், அதே நேரத்தில் கதைக்காக விரும்பி பார்க்க வருபவர்களுக்கு பல வசனங்கள் புரிய வாய்ப்பில்லை, ஏனெனில் உதாரணத்திற்கு நூலகம் எங்கே? என்று சப்டைட்டில் வருகின்றது, ஆனால், தமிழ் டப்பிங்கில் ‘ஒரு தடவ முடிவு பண்ணிட்டா என் பேச்சை நானே கேட்க மாட்டேன்’ என்று வசனம் வருகின்றது.

படத்தின் ஆரம்பத்தில் வெறும் காமெடி டயலாக் வைத்தே கதையை நகர்த்தி வருகின்றனர், நீண்ட நேரம் கழித்து தான் சண்டைக்காட்சிகள் எல்லாம் வருகின்றதும், அதுவும் செம்ம செலவு பண்ணியிருக்கோம் சிஜிக்கு என்று சொல்லியே ஆரம்பிக்க, அதன் பிறகு சரவெடி தான். இரத்தம் தெறிக்க தெறிக்க சண்டைக்காட்சிகள். குழந்தைகளை கண்டிப்பாக அழைத்து செல்ல வேண்டாம்.

க்ளாப்ஸ்

Deadpool கதாபாத்திரமே செம்ம ஜாலியான கதாபாத்திரம், அதை சிறப்பாகவே இந்த முறையும் செய்துள்ளார் ரியான்.

படத்தின் வசனங்கள், எந்த ஒரு இடத்திலும் போர் அடிக்காமல் கவுண்டர் வசனங்களால் கதையை நகர்த்தி செல்கின்றது.

கிளைமேக்ஸ் சண்டைக்காட்சிகள்.

பல்ப்ஸ்

வசனமே தான், ஒரு சூப்பர் ஹீரோ படத்தை குழந்தைகள் பார்க்க முடியாது என்றால் அது இந்த Deadpool சீரீஸாக தான் இருக்கும். ஆபாச வசனம், இரத்தம் தெறிக்கும் சண்டை என நிரம்பி வழிகின்றது.

மொத்தத்தில் Deadpool-ஐ விட Deadpool 2 கொண்டாட்டத்திலும் சரி, பாக்ஸ் ஆபிஸிலும் சரி ஒரு படி மேலே தான்.

தமிழகத்தில் தற்போது வெளியாகியுள்ள இருட்டு அறையில் முரட்டு குத்து என்று திரைப்படம் பெரும் சர்ச்சையை ஏற்படுத்தியுள்ளது.

இளைஞர்கள் மத்தியில் பெரும் வரவேற்று பெற்று வெற்றியாக படம் ஓடிக்கொண்டிருந்தாலும், பல்வேறுபட்ட தரப்பினரும் குற்றச்சாட்டுக்களை முன்வைத்துள்ளனர்.

இந்தத் திரைப்படம் ஆபாசம் நிறைந்து காணப்படுவதாகவும் சமூகத்தை சீர்கெடுப்பதாகவும் சொல்வதெல்லாம் உண்மை நிகழ்ச்சியை நடத்தி வரும் நடிகை லக்ஷ்மி ராமகிருஷ்ணன் பகிரங்க குற்றச்சாட்டை முன்வைத்தார்.

இதற்கு பதிலளிக்கும் வகையில் பிரபல இணைய ஊடகத்தில் திரைப்படத்தின் இயக்குநர் சந்தோஷ் பல கருத்துக்களை முன்வைத்தார்.

இயக்குநரின் கருத்துக்கு லக்ஷ்மி ராமகிருஷ்ணன் மீண்டும் பதிலடி கொடுக்கும் வகையில் கருத்து வெளியிட்டுள்ளார்.

பகிரங்க சவால் விட்டுள்ளதுடன், தமிழ்நாட்டை விட்டு போவதாகவும் லக்ஷ்மி ராமகிருஷ்ணன் தெரிவித்துள்ளார்.

சீரியல் நடிப்பவர்களும் மக்கள் மத்தியில் சீக்கிரம் பிரபலமாகிவிடுகிறார்கள். ஹிந்தியில் கவர்ச்சியாக, கலர் கலராக சீரியல் எடுக்கப்பட்டு தமிழில் டப்பிங் ஆகி வரும் சீரியலும் நல்ல வரவேற்பை பெறுகிறது.

இதற்கு ஒரு உதாரணம் நாகினி சீரியல். எந்த நேரமும் குடும்ப சண்டை என்று பார்த்தாலும் முகம் சுளித்துவிடும். ஆனால் ஹிந்தியில் வரலாறுகள், சரித்திரங்களை சீரியலாக்க ஆர்வம் காட்டுகிறார்கள்.

இந்நிலையில் ராமாயணம் சீரியலில் ராமராக நடித்தவர் அனீஷ் ஷர்மா. பிரபல நடிகரான இவர் தற்போது பிரிதிவ் வல்லப் என்ற வரலாற்று சீரியலில் அரசன் பிரித்வியாக நடித்து வருகிறார்.

அடுத்ததாக புதிய சீரியலில் கமிட்டாகியுள்ளார். இதில் அவர் திருநங்கையாக நடிக்கிறாராம்.

காலம்காலமாக மற்ற மொழிப்படங்களில் சில நம் ரசிகர்களை ஈர்த்து விடுகிறது. அவை நம் மொழியிலும் பார்த்தால் நன்றாக இருக்குமே என்ற எதிர்பார்ப்பும் இருக்கும்.

அப்படி ஒரு ரசனையுடன் மலையாளத்தில் இருந்து வந்திருக்கிறான் இந்த பாஸ்கர் ஒரு ராஸ்கல். யார் இவன், மக்களிடம் இடம் பிடிப்பானா என உள்ளே சென்று பார்க்கலாம்.

கதைக்களம்

அரவிந்த் சாமி ஒரு சாதாரண பிசினஸ் மேன். ஆனால் இவர் வம்பு என வந்துவிட்டால் முரடன். இவருக்கு ஆகாஷ் என்ற பையனும், அப்பா நாசரும் இருக்கிறார்கள். அப்பா மீது பாசமாக இருந்தாலும் சில விசயங்களால் அவனுக்கு அரவிந்த் சாமியை பிடிக்கவில்லை.

நடிகை அமலா பால் ஒரு எதிர்பாராத விதமாக ஒரு கட்டத்தில் தன் காதல் கணவரை இழக்கிறார். பின் வேறொரு ஊரில் தன் மகள் நைனிகாவுடன் தனியே வாழ்கிறார். இந்நிலையில் அரவிந்த் சாமிக்கு தன் மகன் மூலம் அமலா பாலின் அறிமுகம் கிடைக்கிறது. பின் இரு குடும்பமும் ஒன்றாக நட்புறவாக மாறுகிறார்கள்.

பின் அரவிந்த் சாமி, அமலா பால் இருவரும் வாழ்க்கையில் இணைய விரும்பும் நேரத்தில் பயங்கர அதிர்ச்சி. தன்னை தேடி வந்த ஒரு நபரால் பெரும் அதிர்ச்சியாகிறார் அமலா.

மேலும் முக்கிய அறிவியல் விஞ்ஞானி ஒருவர் கொல்லப்படுகிறார். அவரின் கொலைக்கு காரணமானவர்கள் யார்? மர்ம பின்னணி என்ன? அமலா பாலை தேடி வந்த நபர் யார்? அவரின் கணவர் என்ன ஆனார்?

அரவிந்த் சாமி, அமலா பால் இருவரும் வாழ்க்கையில் இணைந்தார்களா என்பதே இந்த படத்தின் கதை.

படத்தை பற்றிய அலசல்

அரவிந்த் சாமி அண்மைகாலமாக படங்களில் வில்லன் வேடங்களில் நடித்து வருகிறார். மீண்டும் அவர் ஹீரோவாக பாஸ்கர் படத்தில் வந்திருக்கிறார். அவருக்கு இன்னும் அந்த காலத்து ரசிகர்கள் இருக்கிறார்கள் என்பதை தியேட்டரில் காணமுடிகிறது. அவர்களின் எதிர்பார்ப்பை அவரும் இப்படத்தில் பூர்த்தி செய்கிறார். முரட்டுத்தனமாக இருக்கும் இவர் தன் மகனுக்காக வேறுவிதமாக மாறுகிறார்.

அமலா பால் மீண்டும் ஹீரோயினாக இப்படத்தின் மூலம் இறங்கியுள்ளார். படத்தில் அவரை பார்க்கும் போது முன்பு இருந்த அமலா பாலை அப்படியே பார்க்க முடிந்தது. தான் விரும்பும் யோகாவையும் கூடவே கூட்டி வந்திருக்கிறார். விரும்பிய ஒன்றுக்காக வாழ்க்கையை விட்ட கதை அவரின் ரியல் லைஃப் போலிருந்தது.

விஜய் சேதுபதியுடன் நடித்த குட்டி பையன் மாஸ்டர் ராகவன் படத்தில் ஆகாஷாக தன் திறமையை காட்டியிருக்கிறார். இவரை சும்மா சொல்லக்கூடாதுங்க. நடனம், நடிப்பு என அசத்துகிறார். எதிர்காலத்தில் திறமையான நடிகராக வருவார் என தெரிகிறது.

தெறி படத்திற்கு பிறகு பேபி நைனிகா மீண்டும் இப்படத்தில் இறங்கியுள்ளார். சொல்லப்போனால் ஒரு குட்டி ஹீரோயின் போல தான். சில நேரத்தில் பிள்ளைகள் விரும்பும் சிலவற்றில் பெரிய விசயம் இருக்கும் என அவர் படத்தில் தெளிவுபடுத்துகிறார்.

படத்தில் காமெடிக்கு மூன்று பேர் கூட்டணியாக, ரமேஷ் கண்ணா, ரோபோ சங்கர், சூரி என ஒன்று கூடியுள்ளார்கள். யாரும் யாருக்கும் சளைத்தவர்கள் கிடையாது என காட்டியிருக்கிறார்கள்.

மலையாளத்தில் ஹிட்டான இப்படத்தை தமிழ் படம் போல அழகாக கொடுத்திருக்கிறார் இயக்குனர் சித்திக். இந்த படம் எப்படியிருக்குமோ என நினைப்பவர்களை படம் முழுக்க உட்கார்ந்து பார்த்து ரசிக்கும் படி செய்திருக்கிறார்.

நிகிஷா படேல், நடிகர் ரியாஸ் கான், பாலிவுட் நடிகர் அஃப்தப் சிவ்தஸனி என பலர் இப்படத்தில் நடித்திருக்கிறார்கள். ஆனால் என்ன ரியாஸ்கானா இது என உருவத்தால் அதிர்ச்சி கொடுத்திருக்கிறார்.

சிம்பிளான ஸ்டோரி, மலையாள பட ஸ்டைலில் அழகான எடிட்டிங், கேட்கும் படியான பாடல்கள் என படம் ஒரு அழகான படைப்பு. கல்யாணி என ஓரே ஒரு சின்ன விசயத்தால் வந்த பிரச்சனை.

மது வா இல்லை மாது வா, என்ன அது என்பதை படத்தில் பாருங்கள்..

கிளாப்ஸ்

மாஸ்டர் ராகவன், பேபி நைனிகா இருவரும் படம் முழுக்க ஸ்கோர் அள்ளுகிறார்கள்.

அரவிந்த் சாமி, அமலா பால் ஜோடி நன்றாக தான் இருக்கிறது.

ரோபோ சங்கர், சூரி, ரமேஷ் கண்ணா என தங்கள் பங்குக்கு ஆடியன்ஸிடம் கிளாப்ஸ் பெறுகிறார்கள்.

பல்ப்ஸ்

எதற்காக கதை ஆரம்பித்தார்களோ அதை ஒரு இடத்தில் சொல்லாமல் விட்டது போல ஒரு ஃபீல்.

மொத்தத்தில் பாஸ்கர் ஒரு ராஸ்கல் நல்ல எண்டர்டெயின்மெண்டான ஃபேமிலி பேக்கேஜ்.

சூப்பர் ஸ்டார் ரஜினிகாந்த் நடிப்பில் காலா படம் வரும் ஜூன் 7 ம் தேதி வெளியாகவுள்ளது. ரஞ்சித் இயக்கியுள்ள இப்படத்தின் பிரம்மாண்ட இசை வெளியீட்டு விழா அண்மையில் நடந்தது.

ஏற்கனவே ஏப்ரல் மாதம் வெளியாக இருந்த இப்படம் ஸ்டிரைக் காரணாமாக தள்ளிப்போனது. ரஜினி படங்களுக்கு உலகளவில் நல்ல வரவேற்பு இருக்கிறது என்பதை கபாலி ஏற்கனவே நிரூபித்து விட்டது.

இந்நிலையில் இப்படத்திற்கு பெரும் சவாலாக ஹாலிவுட் சினிமாவில் அதிக கலெக்‌ஷன்களை பெற்ற ஜூராசிக் பார்க் படத்தின் அடுத்த பாகம் ஜூன் 8 ல் 2300 தியேட்டர்களில் உலகம் முழுக்க வெளியாகவுள்ளது.

ஜூராசிக் வேர்ல்ட் ஃபாலன் கிங்டம் என்ற இப்படத்தை ஃபயோனா இயக்கியுள்ளார். இவர் ஜுராசிக் பார்க் இயக்குனர் ஸ்டீவன் ஸ்பில்ஸ்பெர்க்கிடம் ஒளிப்பதிவாளராக பணியாற்றியவராம்.

இந்தியாவில் தமிழ், தெலுங்கு, ஹிந்தி, ஆங்கிலம் என 4 மொழிகளில் வெளியாகிறது. எனவே காலாவுடன் போட்டியில் இறங்கும் இந்த பிரம்மாண்ட படத்தால் எதிர்பார்ப்பு கூடியுள்ளது.

ஜெயிக்கப்பபோவது யார் என பொறுத்திருந்து பார்ப்போம்.

அனைவரும் தற்போது ஆவலுடன் எதிர்பார்த்துக்கொண்டிருப்பது பிக்பாஸ் நிகழ்ச்சியின் அடுத்த சீசனை தான். அண்மைகாலமாகவே நிகழ்ச்சி குறித்த தகவல்கள் வெளியாகி கொண்டிருக்கின்றன.

கடந்த சிலநாட்களுக்கு முன் தான் மராத்தியில் முதல் சீசன் தொடங்கியது. அடுத்து தமிழ் பிக்பாஸ் நிகழ்ச்சியின் 2 ம் சீசன் டீசர் வெளியானது. கமல் மீண்டும் நிகழ்ச்சியை தொகுத்து வழங்கவுள்ளார்.

தமிழ் பிக்பாஸின் முதல் சீசனை தொடர்ந்து தெலுங்கிலும் நடத்தப்பட்டது. நடிகர் சிவபாலாஜி வெற்றி பெற்றார். ஜூனியர் என்.டி.ஆர் தொகுத்து வழங்கியிருந்தார்.

இந்த நிகழ்ச்சியின் அடுத்த சீசன் வரும் ஜூன் மாதமே தொடங்கவுள்ளதாம். நடிகர் நானி இதை தொகுத்து வழங்கவுள்ளார். இதன் புரமோ, போஸ்டருக்கான ஷூட்டிங் அவரை வைத்து எடுத்து முடித்துவிட்டார்களாம்.

எனவே எந்த நேரத்திலும் இந்த டீசர் வரலாம் என எதிர்பார்க்கபடுகிறது.இந்நிலையில் இந்த போட்டியில் பாடகி கீதா மாதுரி, நிகழ்ச்சி தொகுப்பாளர் சியாமளா, தேஜஸ்வி மடிவடா ஆகியோர் கலந்துகொள்வதாக தகவல் வெளியாகியுள்ளது. மற்ற போட்டியாளர்களுக்கான தேர்வுகள் மிக வேகமாக நடைபெற்று வருகிறதாம்.

     Google AdSense is a better way to make money online. But many of them are tired with low CPC Rates. Even I am also a beginner of my carrier, started wondering that sometimes I got many clicks, but still my earnings are low and sometimes only few clicks, but earnings are much higher. These advertisements are administered, sorted, and maintained by Google. They can generate revenue on either a cost per-click or per-impression basis. In 2016, peoples not get very high CPC Keywords. But Now in 2017 I will provide you to a list of high CPC keywords which are used in your posts to earn more and more money.

Google Adsense High CPC Keywords:

    MESOTHELIOMA LAW FIRM  ($ 179.01)
    Donate Car To Charity CALIFORNIA ($130.25)
    DONATE CAR FOR TAX CREDIT ($126.65)
    DONATE CARS IN MA ($125.58)
    DONATE YOUR CAR SACRAMENTO ($118.20)
    HOW TO DONATE A CAR IN CALIFORNIA ($111.21)
    SELL ANNUITY PAYMENT ($107.46)
    DONATE YOUR CAR FOR KIDS ($106.01)
    ASBESTOS LAWYERS ($105.84)
    CAR INSURANCE QUOTES COLORADO ($100.93)
    STRUCTURED ANNUITY SETTLEMENT ($100.8)
    ANNUITY SETTLEMENT ($100.72)
    NUNAVUT CULTURE ($99.52)
    DAYTON FREIGHT LINES ($99.39)
    HARDDRIVE DATA RECOVERY SERVICES ($98.59)
    DONATE A CAR IN MARYLAND ($98.51)
    MOTOR REPLACEMENTS ($98.43)
    CHEAP DOMAIN REGISTRATION HOSTING ($98.39)
    DONATING A CAR IN MARYLAND ($98.20)
    DONATE CARS ILLINOIS ($98.13)
    CRIMINAL DEFENSE ATTORNEYS FLORIDA ($98.07)
    BEST CRIMINAL LAWYER IN ARIZONA ($97.93)
    CAR INSURANCE QUOTES UTAH ($97.92)
    LIFE INSURANCE CO LINCOLN ($97.07)
    HOLLAND MICHIGAN COLLEGE ($95.74)
    ONLINE MOTOR INSURANCE QUOTES ($95.73)
    ONLINE COLLEDGES ($95.65)
    PAPERPORT PROMOTIONAL CODE ($95.13)
    ONLINECLASSES ($95.06)
    WORLD TRADE CENTER FOOTAGE ($95.02)
    Massage School Dallas Texas ($94.90)
    Psychic for Free ($94.61)
    Donate Old Cars to Charity ($94.55)
    Low Credit Line Credit Cards ($94.49)
    Dallas Mesothelioma Attorneys ($94.33)
    Car Insurance Quotes MN ($94.29)
    Donate your Car for Money ($94.01)
    Cheap Auto Insurance in VA ($93.84)
    Met Auto ($93.70)
    Forensics Online Course ($93.51)
    Home Phone Internet Bundle ($93.32)
    Donating Used Cars to Charity ($93.17)
    PHD on Counseling Education ($92.99)
    Neuson ($92.89)
    Car Insurance Quotes PA ($92.88)
    Royalty Free Images Stock ($92.76)
    Car Insurance in South Dakota ($92.72)
    Email Bulk Service ($92.55)
    Webex Costs ($92.38)
    Cheap Car Insurance for Ladies ($92.23)
    Cheap Car Insurance in Virginia ($92.03)
    Register Free Domains ($92.03)
    Better Conference Calls ($91.44)
    Futuristic Architecture ($91.44)
    Mortgage Adviser ($91.29)
    Car Donate ($88.26)
    Virtual Data Rooms ($83.18)
    Online College Course ($78)
    Automobile Accident Attorney ($76.57)
    Auto Accident Attorney ($75.64)
    Car Accident Lawyers ($75.17)
    Data Recovery Raid ($73.22)
    Criminal lawyer Miami ($70)
    Motor Insurance Quotes ($68.61)
    Personal Injury Lawyers ($66.53)
    Car Insurance Quotes ($61.03)
    Asbestos Lung Cancer ($60.96)
    Injury Lawyers ($60.79)
    Personal Injury Law Firm ($60.56)
    Online Criminal Justice Degree ($60.4)
    Car Insurance Companies ($58.66)
    Dedicated Hosting, Dedicated Server Hosting ($53)
    Insurance Companies ($52)
    Business VOIP Solutions ($51.9)
    Auto Mobile Insurance Quote ($50)

So I will provide best quality of keywords which will provide you more and more money from adsense. Now you will share this post with your friends to earn money from use these keywords.

கீர்த்தி சுரேஷிற்கு தென்னிந்திய முழுவதும் பாராட்டுக்கள் குவிந்து வருகின்றது. இவை அனைத்திற்கும் காரணம் நடிகையர் திலகம் படம் தான்.

அந்த அளவிற்கு சாவித்ரியாகவே கீர்த்தி சுரேஷ் வாழ்ந்து இருந்தார், இப்படத்தை தொடர்ந்து கீர்த்தி ஜெயலலிதா வாழ்க்கை வரலாறில் நடக்கவுள்ளதாக ஒரு செய்தி பரவியது.

இதுக்குறித்து அவரிடம் கேட்கையில் ‘அதெல்லாம் வதந்தி தான், அப்படி வந்த செய்தி எதிலும் உண்மையில்லை.

மேலும், கமல் சார் இன்னும் படம் பார்க்கவில்லை, இந்த கதாபாத்திரத்தில் நடித்ததற்காக அழைத்து பாராட்டினார்’ என்று கூறியுள்ளார்.

சினிமா தியேட்டரில் தாயின் கண்முன்னே 60 வயது தொழிலதிபர் 10 வயது சிறுமிக்கு பாலியல் கொடுமை செய்த சம்பவம் நடந்திருக்கிறது. இதில் தொழிலதிபர் முகைதீன் குட்டியும் அவருக்கு ஆதரவாக செயல்பட்ட சிறுமியின் தாயும் போக்ஸோ சட்டத்தில் கைது செய்யப்பட்டனர்.

கேரள மாநிலம் மலப்புரம் மாவட்டத்தில் எடப்பாலில் உள்ள ஒரு சினிமா தியேட்டர் உரிமையாளர் கடந்த மாதம் காவல் நிலையத்தில் ஒரு சி.சி.டி.வி. காட்சியை ஒப்படைத்தார். அதில் தியேட்டரில் சினிமா ஓடிக்கொண்டிருக்கும்போதே 60 வயதுள்ள முகைதீன் குட்டி 10 வயது சிறுமிக்கு பாலியல் தொந்தரவு செய்துகொண்டிருந்தார். இதை அருகில் இருந்த சிறுமியின் தாய் கண்டும் காணாமல் இருந்தார். இதுகுறித்து உடனடியாக விசாரிக்காமல் போலீஸார் அமைதியாக இருந்தனர். இந்தப் பிரச்னை மெல்ல வெளியில் கசிந்ததை அடுத்து நேற்று முன்தினம் சிறுமியை பாலியல் தொந்தரவு செய்த முகைதீன் குட்டி கைது செய்யப்பட்டார். இதைத் தொடர்ந்து முகைதீன் குட்டிக்கு உடந்தையாகச் செயல்பட்ட சிறுமியின் தாயும் கைதுசெய்யப்பட்டார். இவர்கள் இருவர் மீதும் போக்ஸோ சட்டத்தின் கீழ் வழக்கு பதிவு செய்யப்பட்டுள்ளது. இந்த வழக்கில் துரித நடவடிக்கை எடுக்காமல் காலதாமதப்படுத்திய போலீஸ் எஸ்.ஐ. பேபி சஸ்பெண்ட் செய்யப்பட்டார். வழக்கை காலதாமதப்படுத்திய எஸ்.ஐ.மீதும் போக்ஸோ சட்டப்படி வழக்கு பதிவு செய்வது குறித்து கேரள டி.ஜி.பி. ஆலோசித்து வருவதாகவும் கூறப்படுகிறது.

இந்த வழக்கு குறித்து காவல்துறையினர் கூறுகையில், "தியேட்டரில் 10 வயது சிறுமியுடன் தாய் நுழைந்திருக்கிறார். சிறிது நேரத்துக்குப் பிறகு சொகுசு காரில் வந்த முகைதீன் குட்டி சிறுமிக்கும், அவரது தாய்க்கும் நடுவில்  இருந்த இருக்கையில் அமர்ந்து பாலியல் தொந்தரவு செய்துள்ளார். தாயின் அனுமதியோடு முழு திரைப்படமும் முடியும் வரை இந்தக் கொடுமை நடந்திருக்கிறது. இந்த வழக்கு குறித்து போலீஸ் உயர் அதிகாரிகளுக்குத் தகவல் தெரிவிக்காத எஸ்.ஐ. சஸ்பெண்ட் செய்யப்பட்டுள்ளார். முகைதீன் குட்டியை போலீஸ் கஸ்டடியில் எடுத்து விசாரணை நடத்தினால் மேலும் பல தகவல்கள் வெளியே வரும்" என்றனர்.

`காலா’ திரைப்படத்தின் இசை வெளியீட்டு விழா, சென்னை நந்தனம் ஒய்.எம்.சி.ஏ மைதானத்தில் கடந்த 9-ம் தேதி நடைபெற்றது. ரஜினியின் அரசியல் பிரவேசத்துக்கு வெளியாகும் முதல் படம் என்பதால், ரசிகர்களிடையே மிகுந்த எதிர்பார்ப்பு நிலவிவருகிறது. காலா இசை வெளியீட்டு விழாவுக்காக தமிழகம் முழுவதிலுமிருந்து அவரது ரசிகர் மன்றத்தைச் சேர்ந்தவர்கள் பெருமளவில் கலந்துகொண்டார்கள்.

காலா இசை வெளியீட்டு விழா முடிந்து, அன்றிரவு சென்னையிலிருந்து மதுரைக்கு ரயிலில் சென்றார், மதுரையைச் சேர்ந்த காசி விஸ்வநாதன். ரயிலில் கூட்டம் அதிகமாக இருந்ததால், அவர் படிக்கட்டில் அமர்ந்து சென்றார். இரவு 2.30 மணிக்கு, அந்த ரயில் மறைமலைநகர் ரயில் நிலையம் வரும்போது, நடைமேடையில் அவரின் கால் உரசியது. இதனால் அவரது இரண்டு கால்களும் துண்டாயின. இதையடுத்து அவர் சென்னை ராஜீவ்காந்தி அரசு மருத்துவமனையில் சிகிச்சைபெற்றுவருகிறார். இந்த நிலையில், மருத்துவமனையில் சிகிச்சை பெற்று வரும் காசிவிஸ்வநாதனை சந்தித்த ரஜினி ரசிகர் மன்ற நிர்வாகி வி.எம். சுதாகர், மருத்துவ சிகிச்சைக்குத் தேவையான செலவை ரஜினிகாந்த் ஏற்றுள்ளதாகவும், குணமான பிறகும் தேவையான உதவிகளை அவரே வழங்குவார் என்றும் தெரிவித்தார்.

கமல்ஹாசன் தொகுத்து வழங்கவிருக்கும் பிக்பாஸ் 2 நிகழ்ச்சியில் கலந்து கொள்ளும் பிரபலங்கள் யார், யார் என்ற பட்டியல் வெளியாகியுள்ளது.

பிரபல தொலைக்காட்சியில் கடந்த வருடம் ஒளிபரப்பான பிக்பாஸ் நிகழ்ச்சி ஒட்டுமொத்த தமிழ்நாட்டு மக்களின் கவனத்தையும் ஈர்த்தது. ஆரம்பத்தில் பல எதிர்ப்புக்கள் இருந்தாலும், பிறகு ரசிகர்களின் அமோக வரவேற்பை பெற்றது.

பிக்பாஸ் முதல் சீசனை தொடர்ந்து இரண்டாவது சீசன் வரும் ஜூன் மாதம் தொடங்கவிருக்கிறது. இந்த சீசனையும் கமல்ஹாசனே தொகுத்து வழங்கவுள்ளார். இதற்கான டீஸர் சமீபத்தில் வெளியாகி பெரும் வரவேற்பை பெற்றது. இந்த சீசனில் கலந்துகொள்ள பல பிரபலங்களுக்கு பிக்பாஸ் குழு அழைப்பு விடுத்துள்ளதாக கூறப்படுகிறது.

ராய்லஷ்மி, ஜனனி ஐயர், சொர்ணமால்யா, கீர்த்தி சாந்தனு, லட்சுமி மேனன், இனியா, ரக்‌ஷிதா, பூனம் பாஜ்வா, ஆலியா மானசா, பரத், ஷாம், ஜித்தன் ரமேஷ், ப்ரேம்ஜி, பவர் ஸ்டார் சீனிவாசன், தாடி பாலாஜி, பாலசரவணன், அசோக் செல்வன் உள்ளிட்டோருக்கு அழைப்பு விடிக்கப்பட்டுள்ளதாகவும், இந்த பட்டியலில் உள்ளவர்கள் பாதி பேர் வெளியேறவும் வாய்ப்புள்ளதாகவும் கூறப்படுகிறது.

அட்லீ தமிழ் சினிமாவின் நம்பிக்கை நட்சத்திரம். இவர் எடுக்கும் படங்கள் எல்லாமே பாக்ஸ் ஆபிஸில் பட்டையை கிளப்பும்.

அந்த வகையில் இவர் அடுத்து யாருடன் கூட்டணி அமைப்பார் என்று பலரும் காத்திருக்கின்றனர், இந்நிலையில் சரவெடி அப்டேட் ஒன்றை அட்லீ வெளியிட்டுள்ளார்.

இதில் ‘அஜித், விஜய் இருவரை வைத்து ஒரு படம் இயக்க போகிறேன்’ என்று இவர் கூறியுள்ளதாக ஒரு செய்தி உலா வருகின்றது.

இந்த தகவல் சமூக வலைத்தளங்களில் செம்ம வைரலாக பரவி வருகின்றது. ஆனால், அந்த செய்தியை வெளியிட்ட சன் நிறுவனமே இதை டெலிட் செய்துவிட்டது.

ஆனால், அட்லீ சொன்னது உண்மை தான், இன்று அவர் திருப்பதி சென்றுள்ளார், அங்கு அவர் இப்படி தெரிவித்ததாக முன்னணி பத்திரிகையாளர் ஒருவர் தெரிவித்துள்ளார்.

சுந்தர்.சி-குஷ்பு ரசிகர்கள் அனைவருக்கும் மிகவும் பிடித்த ஜோடி. இவர்களுக்கு இரண்டு மகள்களும் உள்ளனர்.

இந்நிலையில் சுந்தர்.சி சமீபத்தில் ஒரு நிகழ்ச்சியில் கலந்துக்கொண்ட போது, அவரிடம் சில நாயகிகளின் புகைப்படங்களை காட்டினர்.

அப்போது மறைந்த நடிகை சௌந்தர்யா புகைப்படத்தை காட்ட, அந்த நேரத்தில் சுந்தர்.சி கொஞ்சம் எமோஷ்னல் ஆனார்.

பிறகு ‘குஷ்பு என் வாழ்க்கையில் வரவில்லை என்றால் கண்டிப்பாக இந்த பெண்ணிடம் என் காதலை கூறியிருப்பேன்.

அந்த அளவிற்கு எனக்கு பிடித்த நாயகி அவர், எப்போதும் சௌந்தர்யாவுடன் அவருடைய அண்ணன் இருப்பார், இறக்கும் போது கூட இருவரும் சேர்ந்து இறந்துவிட்டனர்’ என்று உருக்கமாக பேசினார்.

நீட் தேர்வில் முழு மதிப்பெண்ணைப் பெறும் வகையில் பாடத்திட்டத்தை வடிவமைத்திருப்பதாகப் பெருமைகொள்கிறது தமிழகப் பள்ளிக்கல்வித்துறை. இந்த ஆண்டு நீட் தேர்வில் கேட்கப்பட்ட கேள்விகள் பெரும்பாலும் புதிய பாடத்திட்டத்தில் இடம்பிடித்திருப்பதே பெருமைக்கான காரணம்.

நீட்

`தமிழக மாணவர்கள் போட்டித்தேர்வுகளில் மிகவும் பின்தங்கியிருக்கின்றனர். இதற்குக் காரணம் 12 வருடங்களாக மாற்றப்படாமல் இருக்கும் பாடத்திட்டங்களே' என்று கல்வியாளர்கள் குற்றம்சாட்டினர். இதன் அடிப்படையில் கடந்த ஆண்டு அண்ணா பல்கலைக்கழக முன்னாள் துணைவேந்தர் அனந்த கிருஷ்ணன் தலைமையில் புதிய பாடத்திட்ட வல்லுநர் குழு அமைக்கப்பட்டது.

கடந்த மாதம் 1,6,9 மற்றும் 11-ம் வகுப்புக்கான பாடப்புத்தகங்கள் வெளியிடப்பட்டன. இதர வகுப்புக்கான புத்தகங்கள் தயாரிக்கும் பணி நடந்து வருகிறது. இந்த நிலையில் புதிதாகத் தயாரிக்கப்பட்ட 11-ம் வகுப்புப் பாடப்புத்தகங்களில், நீட் தேர்வுக்கான கேள்விகள் எத்தனை இடம்பெற்றிருக்கின்றன என்பது குறித்து தமிழகப் பள்ளிக்கல்வித்துறை ஆராய்ந்தது.

பொதுவாக, நீட் தேர்வில் பிளஸ் 1 மற்றும் பிளஸ் 2 வகுப்பிலிருந்து சம அளவில் கேள்விகள் கேட்கப்படுகின்றன. கேட்கப்படும் 80 கேள்விகளில் தலா 45 கேள்விகள் இயற்பியல் மற்றும் வேதியியல் பாடத்திலிருந்தும், 90 கேள்விகள் உயிரியல் பாடத்திலிருந்தும் கேட்கப்படுகின்றன. இதில், இந்த ஆண்டு நடத்தப்பட்ட நீட் தேர்வில், பதினொன்றாம் வகுப்பில் இயற்பியல் மற்றும் வேதியியல் பாடப்பிரிவில் கேட்கப்பட்ட கேள்விகளில் 100 சதவிகிதமும், தாவரவியல் மற்றும் விலங்கியல் பாடப்புத்தகத்திலிருந்து 99 சதவிகித கேள்விகளும் இடம்பிடித்துள்ளன.

நீட்இதுகுறித்து பேசிய பள்ளிக்கல்வித்துறைச் செயலாளர் உதயச்சந்திரன் ஐ.ஏ.எஸ், ``புதிதாகத் தயாரிக்கப்பட்ட பாடப்புத்தகங்கள் எந்தளவுக்குப் போட்டித்தேர்வுக்கு உதவும் என்பதை நடந்து முடிந்த நீட் தேர்வில் கேட்கப்பட்ட கேள்விகள் கொண்டு ஆய்வு செய்தோம். பதினொன்றாம் வகுப்பிலிருந்து கேட்கப்படும் கேள்விகளில் இயற்பியல் மற்றும் வேதியியல் பாடத்திலிருந்து 100 சதவிகிதமும், உயிரியல் பாடத்திலிருந்து 99 சதவிகித கேள்விகளும் புதிய பாடப்புத்தகத்தில் இடம்பிடித்துள்ளன. போட்டித்தேர்வுகளுக்குப் புதிய பாடத்திட்டம் உதவுமா என்ற முதல் தேர்வில் நாங்கள் தேர்ச்சி பெற்றிருக்கிறோம். `நீட்' தேர்வைத் தவிர, இதர தகுதித்தேர்வுகளுக்குத் தயாராகும் வகையில், மாணவர்கள் எளிதாகப் புரிந்துகொள்ளும் வகையில் கருத்துகளும், உதாரணங்களும் புதிய பாடத்திட்டத்தில் இடம்பிடித்துள்ளன. ஒவ்வொரு பாடத்தின் இறுதியிலும் பயன்பாட்டு வகையில் கேட்கப்படும் கேள்விகளும் சேர்த்துள்ளோம்" என்றார்.

ஐ.ஐ.டி மற்றும் இதரப் போட்டித்தேர்வுகளில் இடம்பிடித்துள்ள கேள்விகள் குறித்தும் பள்ளிக்கல்வித்துறை ஆய்வு செய்து வருகிறது. இந்த ஆய்வில் புதிய பாடப்புத்தகத்திலிருந்து எத்தனை கேள்விகள் நேரிடையாகவும், மறைமுகமாகவும் கேட்கப்பட்டிருக்கின்றன என்பது குறித்தும் ஆய்வு செய்து வருகின்றனர். தற்போது, பள்ளி ஆசிரியர்கள் புதிய பாடத்திட்டத்தை எவ்வாறு அணுகுவது என்பது குறித்த கையேடு தயாரிக்கும் பணியில் இறங்கி உள்ளது பள்ளிக் கல்வித்துறை.

மாணவர்கள் இளநிலை பட்டப்படிப்பு படிக்கச் செல்லும்போது, தேர்வில் தோல்வியடையாமல் இருக்கும் வகையில் பாடத்திட்டம் மேம்படுத்தப்பட்டுள்ளது. அத்துடன் பாடங்கள் குறித்து இணையதளங்களில் கூடுதல் தகவலையும், வீடியோக்களையும் பெறும் வகையில் QR கோடு முறை அறிமுகப்படுத்தப்பட்டுள்ளது. இதன்மூலம் மாணவர்கள் கற்றுக்கொள்ளும் திறன் அதிகரிக்க வாய்ப்புள்ளது.

``நீட் தேர்வில் புதியதாக வடிவமைக்கப்பட்டுள்ள இயற்பியல் பாடநூலில், இயக்கவியல் பாடத்திலிருந்துமட்டும் 11 கேள்விகள் கேட்கப்பட்டிருக்கின்றன. மீதமுள்ள 13 கேள்விகள் இரண்டாவது பகுதியிலிருந்து கேட்கப்பட்டிருக்கின்றன" என்கிறார் இயற்பியல் பாடநூல் தயாரிப்பில் வழிகாட்டியாக உள்ள சென்னைப் பல்கலைக்கழகத்தின் கோட்பாட்டு இயற்பியல் துறையின் இணை பேராசிரியர் ரீட்டா ஜான்.

உயிரியல் பாடத்திட்டங்களை வடிவமைத்த முன்னாள் பேராசிரியர் சுல்தான் அகமது இஸ்மாயில், ``பயோடெக்னாலஜி, ஜெனடிக்ஸ் மற்றும் குளோனிங் குறித்தும், இதுகுறித்த தற்போதைய ஆய்வு நிலைகள் குறித்தும் புதிய பாடத்திட்டத்தில் சேர்க்கப்பட்டிருக்கிறது. இது மாணவர்களுக்கு உயிரியல் பாடம் சார்ந்த அறிவை மேம்படுத்துவதுடன், ஆராய்ச்சி குறித்து யோசிக்கவும் வைக்கும். புதிய மாற்றங்களைப் பள்ளி ஆசிரியர்கள் உள்வாங்கும் வகையில் தமிழக அரசு தொடர் கருத்தரங்கு கூட்டங்கள் நடத்தத் திட்டமிட்டு வருகிறது. இதன்மூலம் ஆசிரியர்களின் அறிவு நிலை மேம்படுத்தப்படும்" என்றார்.

தமிழக மாணவர்கள் அதிகளவில் போட்டித்தேர்வுகளில் வெற்றி பெற்றால் அது புதிய பாடத்திட்டத்தின் வெற்றியே!

டி.ஆர் எப்போதும் மனதில் பட்டதை வெளிப்படையாக பேசுபவர். ஆனால், இதுவே ஒரு சில இடத்தில் பெரும் பிரச்சனையாகிவிடும்.

அப்படித்தான் சமீபத்தில் நடிகர் விஷால் நடிகர் சங்கம் மற்றும் தயாரிப்பாளர் சங்கத்தில் கொடுத்த வாக்குறுதியை நிறைவேற்றவில்லை.

அதனால் அவர் பதவி விலகவேண்டும் என டி.ஆர், பாரதிராஜா, சுரேஷ் காமாட்சி, ரித்திஷ் என அனைவரும் ஒரு பத்திரிகையாளர் சந்திப்பில் பேசினர்.

அப்போது பேசிய டி.ஆர் ‘நீ துப்பறிவாளனா, தமிழ் ராக்கர்ஸை பிடிப்பேன் என்றாயே, என்ன ஆனது, எதற்கு லைகாவுடன் வைத்தாய் கூட்டு, அதற்கு காரணம் காட்டு’ என்று கோபமாக பேசினார்.

அதுமட்டுமின்றி ‘கத்தி படம் வந்த போது லைகாவுடன் கூட்டணி என்று கத்தினீர்களே, தற்போது ரஜினி, கமல் படங்களுக்கு பேசாமல் இருப்பது ஏன்?’ என்றும் கேட்டுள்ளார்.

பிக்பாஸ் 2 நிகழ்ச்சி பெரும் எதிர்பார்ப்பை பெற்றுள்ளது. கமல்ஹாசன் தொகுத்து வழங்கிய சீசன் ஒன்று நல்ல வரவேற்பை பெற்றது. இதனால் இந்த வருடத்திற்கான சீசனுக்கு அதிக போட்டிகள் உள்ளது.

அண்மையில் கமல்ஹாசன் இதன் புரொமோ ஒன்றை வெளியிட்டு அசத்தினார். மேலும் சமீபகாலமாக இந்த சீசன் 2 ல் யாரெல்லாம் கலந்துகொள்வார்கள் என ஒரு பெரிய லிஸ்ட் பரவிவருகிறது.

உண்மையை தெரிந்துகொள்ள ரசிகர்கள் மத்தியில் ஆர்வம் இருந்து வருகிறது. அதே நேரத்தில் பிரபல பத்திரிக்கை ஒன்று அந்த பட்டியலை கொண்டு ஒரு சர்வே நடத்தியுள்ளது.

இதில் பதிவான ஓட்டுக்களில் அதிக சதவீத ஓட்டுக்கள் நடிகர் தாடி பாலாஜிக்கும், நடிகை சொர்ணமால்யாவுக்கும் விழுந்துள்ளது. ஆனால் நிகழ்ச்சிக்குழுவின் முறையான அறிவிப்புக்களுக்காக காத்திருப்போம்.

இந்த வார படங்கள் மூணுமே மூணு ரகம்! ஹிட்டா, சுமாரா என்கிற ஆராய்ச்சியெல்லாம் ஒரு பக்கம் போய் கொண்டிருக்க… அடுத்த வார படங்களுக்கு அலங்கார வளைவை ரெடி பண்ணிவிட்டது கோடம்பாக்கம். அதில் பூத்துக்குலுங்குகிற முக்கியமான படம் காளி.

கிருத்திகா உதயநிதி இயக்கம், விஜய் ஆன்ட்டனி ஹீரோ, அஞ்சலி, சுனைனா ஹீரோயின்ஸ் என்று அறிமுகச் செய்தியே அமர்க்களப்பட வைக்க… பெரும் எதிர்பார்ப்புடன் இப்படத்தின் பத்திரிகையாளர் சந்திப்பு நடந்தது. ஸ்பாட்டில் அஞ்சலியை தவிர அத்தனை பேரும் ஆஜர். முன்னதாக சுமார் 20 நிமிட காட்சியை திரையிட்டார்கள். பிச்சைக்காரன் பட வெற்றிக்கு பெரிய காரணமே அதில் நிறைந்து வழிந்த அம்மா சென்ட்டிமென்ட்தான். விடுவாரா விஜய் ஆன்ட்டனி?

இதிலும் அம்மா சென்ட்டிமென்ட் அமர்க்களம். வெளிநாட்டில் மருத்துவராக இருக்கும் விஜய் ஆன்ட்டனிக்கு நாள்தோறும் ஒரு கனவு. அந்த கனவில் வருகிற சம்பவங்களுக்கும் தனது கடந்த காலத்திற்கும் ஏதோ ஒரு தொடர்பு இருப்பதாக நினைத்து சொந்த ஊருக்கு வருகிறார். வந்த இடத்தில்தான் பிழிய பிழிய ஒரு அம்மா சென்ட்டிமென்ட் ஸ்டோரி.

சில தினங்களுக்கு முன்புதான் இரும்புத்திரை படத்தின் முதல் பாதியை போட்டு பிரமிக்க விட்டார் விஷால். இதில் 20 நிமிஷம். படத்தை எப்ப சார் முழுசா காட்டுவீங்க என்று கேட்க வைத்தார்கள்.

சரி… இந்த செய்தியின் தலைப்புக்கு வருவோம். விஷுவல் கம்யூனிக்கேஷன் படித்த காலத்தில் விஜய் ஆன்ட்டனியின் ஜுனியர்தானாம் இப்படத்தின் இயக்குனர் கிருத்திகா உதயநிதி. “நான் உங்களுக்கு ஒரு கதை சொல்லணும். அப்பாயின்ட்மென்ட் கொடுங்க என்று கிருத்திகா கேட்க, நானே உங்க வீட்டுக்கு வர்றேன்” என்று கூறிய விஜய் ஆன்ட்டனி, சுமார் இரண்டு மாதங்கள் கழித்து அதற்காக நேரம் ஒதுக்கியிருக்கிறார். நடுவில் பலமுறை “நானே வர்றேனே?” என்று கிருத்திகா கேட்க, “சேச்சே… எனக்கு அவங்கவங்க வீட்ல போய்தான் கதை கேட்டு பழக்கம்” என்று மறுத்திருக்கிறார் விஜய் ஆன்ட்டனி.

அதன் சூட்சுமம் அப்புறம்தான் தெரியவந்ததாம் கிருத்திகாவுக்கு. ‘வரவழைச்சு கதை கேட்டுட்டு அது பிடிக்கலேன்னு சொல்லும்போது சங்கடமா இருக்கும். அதுவே நேர்ல போய் அவங்க ஸ்பாட்லேயே கதை கேட்டு, பிடிக்கலைங்க என்று சொன்னால் அது ஸ்மூத்தாக போய் விடும்’ என்பதால்தான் இப்படியொரு ஐடியாவாம் விஜய் ஆன்ட்டனிக்கு.

சினிமாவுல இடம் புடிக்கணும்னா, சிரிக்கறது… தும்மறதுக்கெல்லாம் கூட முன் யோசனை நிறைய வச்சுக்கணும் போல!

விஜய் தனக்கென்று பிரமாண்ட ரசிகர்கள் வட்டத்தை வைத்திருப்பவர். இவர் படங்கள் எப்போதும் பிரச்சனைகளை சந்தித்து தான் வந்தது.

அதற்காக தான் விஜய், ஜெயலலிதாவிற்கே ஆதரவு தந்தார் என்பது அனைவரும் அறிந்ததே, ஆனால், ஜெயலலிதாவே விஜய்க்கு பிறகு பிரச்சனை கொடுத்தது வேறுக்கதை.

இந்நிலையில் ஜெயலலிதாவே விஜய்யிடம் அரசியல் கூட்டணி அமைக்க பேச்சு வார்த்தை நடத்தியதாக, விஜய்யின் தந்தை எஸ்.ஏ.சந்திரசேகர் ஒரு பேட்டியில் கூறியுள்ளார்.

இச்செய்தி பலருக்கும் ஆச்சரியத்தை தான் வர வைத்துள்ளது. மேலும், எங்களுக்கு ஆதரவு தந்தால் உங்கள் படங்களுக்கு எந்த பாதிப்பும் வராமல் தான் பார்த்துக்கொள்வதாக ஜெயலலிதா சொன்னதாகவும் கூறியுள்ளார்.

ஏ.ஆர். ரகுமான் என்றாலே மிகவும் அமைதியாக இருப்பார், எந்த நிகழ்ச்சிக்கு போனாலும் கேட்ட கேள்விக்கு மட்டும் பதில் சொல்வார்.

அப்படிபட்ட அவர் தற்போது பிரபல தொலைக்காட்சியில் ஒளிபரப்பாகும் சூப்பர் சிங்கர் என்ற நிகழ்ச்சிக்கு 2 முறை சிறப்பு விருந்தினராக கலந்துகொண்டுள்ளார்.

சமீபத்திய நிகழ்ச்சியில் தொகுப்பாளினி பிரியங்கா, உங்களது இளம் வயதில் யாருடைய காதலுக்காக டியூன் இசைத்து கொடுத்தது எல்லாம் இருக்கிறதா என்று கேட்டார். அதற்கு அவர் சிவமணி அவர்களுக்காக செய்துள்ளதாக கூறியுள்ளார்.

தமிழ் சினிமாவில் உள்ள அனைத்து ஹீரோக்களுக்கும் அம்மாவாக நடித்தது என்றால் சரண்யா பொன்வண்ணன் தான். அந்த அளவிற்கு அம்மா கதாபாத்திரம் என்றாலே இவர் தான் நம் நினைவிற்கு வருவார்.

இவர் நடிப்பில் யாராலும் மறக்க முடியாத படம் என்றால் தவமாய் தவமிருந்து தான். இப்படத்திற்காக இவரை பாராட்டாதவர்கள் இல்லை.

அந்த அளவிற்கு சிறப்பாக நடித்திருப்பார், ஆனால், இப்படத்தின் படப்பிடிப்பின் போது இவருக்கும், சேரனுக்கும் தினமும் சண்டை தான் நடக்குமாம்.

ஏன் என்றே காரணம் தெரியாமல் சண்டை வருமாம், தினமும் படப்பிடிப்பில் அழுவாராம், ஒரு கட்டத்தில் சேரனை வெட்டி கொல்ல வேண்டும் என்று கூட நினைத்துள்ளாராம் சரண்யா.

மேலும், அந்த படத்தில் நடித்தது மிகவும் மோசமான நாட்கள் என்றும் குறிப்பிட்டுள்ளார்.

அதே நேரத்தில் அந்த படப்பிடிப்பு முடிந்த அடுத்த நாளே நானும் சேரனும் நல்ல நண்பர்கள் ஆகிவிட்டோம்.

அது எப்படியென்றே தெரியவில்லை, இன்று வரை அவரை பார்த்தால் எனக்கு சிரிப்பு வந்துவிடும் என்றும் கூறியுள்ளார்.

இயக்குநர் பாரதிரஜா மீது வழக்குப் பதிவு செய்யப்பட்டது பழிவாங்கும் செயல் அவரை சட்டப்படி மீட்டெடுப்போம் எனக் கவிஞர் வைரமுத்து தெரிவித்துள்ளார்.

திரைப்பட இயக்குநர் பாரதிராஜா கடந்த ஜனவரி மாதம் சென்னை வடபழனியில் நடைபெற்ற திரைப்பட நிகழ்ச்சி ஒன்றில், ஆண்டாளை விமர்சித்ததாக எழுந்த சர்ச்சையில் வைரமுத்துவுக்கு ஆதரவாகப் பேசினார். அப்போது அவர் பேசுகையில் போது கடவுளை பற்றி அவதூராக பேசியதாகக் கூறி இந்து மக்கள் முன்னணியினர் பாரதிராஜா மீது வடபழனி காவல் நிலையத்தில் தற்போது புகார் தெரிவித்துள்ளனர். அவர்கள் அளித்த புகாரின் பேரில் மத நம்பிக்கைக்கு எதிராகப் பேசுவது, மத உணர்வுகளைப் புண்படுத்தும் விதத்தில் பேசுவது உள்ளிட்ட பிரிவுகளின் கீழ் வழக்குப் பதிவு செய்யப்பட்டுள்ளது.

பாரதிராஜா மீது வழக்குப் பதிவு செய்யப்பட்டதுக்குக் கண்டனம் தெரிவித்து  பாடலாசிரியர் வைரமுத்து தனது டிவிட்டர் பக்கத்தில் கருத்து ஒன்றைப் பதிவிட்டுள்ளார். அதில்  “பாரதிராஜா மீது வழக்கு பழிவாங்கும் செயலாகும். வழக்கு பெரிதல்ல;ரப்பர் மரத்துக்கு ரணங்கள் புதிதல்ல. அவரை நாங்கள் சட்டப்படி மீட்டெடுப்போம்.” என குறிப்பிட்டுள்ளார்.

"ம்மா... இங்க ரேணுகாம்பாள் கோயிலுக்குப் போற வழி எது?" காரிலிருந்தபடி அந்த டிரைவர் கேட்கிறார். பக்கத்தில் குழந்தைகள் விளையாடிக்கொண்டிருக்கின்றனர். காரிலிருந்து 65 வயது அந்த அம்மா கீழே இறங்குகிறார்.

``ஏப்பா...மோகன்...மலேசியாவுலருந்து சாக்லேட் வாங்கிட்டு வந்திருந்தீங்களே. அத எடுப்பா, இந்தக் குழந்தைகளுக்குக் கொடுக்கலாம்..."

தன் பையிலிருந்த சாக்லேட்களை எடுத்துக் கொடுக்கிறார் மோகன். அதை அந்தக் குழந்தைகளுக்குக் கொடுக்கப் போகிறார் அந்த அம்மா. அவ்வளவுதான்.

``ஐயோ...குழந்தைங்கள கடத்துற கும்பல் வந்திருக்கு. எல்லோரும் ஓடிவாங்க...``அந்த ஊரிலிருந்த ஒரு பெண்,  பெரும் குரலெடுத்துக் கத்துகிறார்.

திருவண்ணாமலை பெண் கொலை

அதன்பின்னர் அங்கு நடந்த அத்தனையுமே அராஜகம்...அநியாயம்...அபத்தம்... ஆபத்து... அசிங்கம்... அநீதி... கும்பலாக ஓடி வந்தவர்களில் ஒருவர் கூட...இவர்களை யார்? என்ன? என்பது குறித்து எதையுமே விசாரிக்கவில்லை. இழுத்துப் போட்டு அடிக்கத் தொடங்கினர்.

அவர்களிடமிருந்து தப்பி, காரை எடுத்துக்கொண்டு புறப்பட்ட அவர்களைத் தடுத்து நிறுத்தி, மீண்டும் அடித்து, உதைத்து கடைசியில்... 65 வயதான ருக்மணியைக் கொன்றே விட்டார்கள்.

இதைச் செய்தவர்கள் யாரும் அதிகார பலம் கொண்டவர்கள் கிடையாது. இவர்கள் யாரும் ரவுடிகளோ, கூலிப்படையோ கிடையாது. சாதாரணமான மக்கள்.

சென்னைப் பல்லாவரத்தைச் சேர்ந்த ருக்மணியும், மலேசியாவிலிருந்து வந்திருந்த அவரின் உறவினர்களும் திருவண்ணாமலை மாவட்டத்தின் அத்திமூர் கிராம மக்களால் மிகக் கொடூரமான தாக்குதலுக்குள்ளாகினர். அதில் ருக்மணி சம்பவ இடத்திலேயே பலியானார். மற்ற நால்வரும் உயிருக்குப் போராடிக்கொண்டிருக்கிறார்கள்.

கடந்த ஒரு மாதத்தில் நடந்த பல சம்பவங்களில் இதுவும் ஒன்று அவ்வளவே. ஆனால், நல்லவேளையாக இந்தச் சம்பவம்தான் இன்று தமிழகத்தையே இந்தப் பிரச்னை பக்கம் திரும்பிப் பார்க்க வைத்திருக்கிறது.

பெண் அடித்து கொலை

இந்தப் பிரச்னைகளுக்கான ஆரம்பமாக பெரும்பாலானவர்கள் கைகாட்டுவது "வாட்ஸ் அப்". கடந்த ஒரு மாதமாக தமிழகத்தின் வட மாவட்டங்களில் இப்படி ஒரு வாட்ஸ் அப் செய்தி பரவி வந்தது...

``வட இந்தியாவிலிருந்து ஒரு கும்பல் தமிழகத்திற்கு வந்துள்ளது. அவர்கள் குறிப்பாக வட தமிழ்நாட்டிலிருந்து பல குழந்தைகளைக் கடத்திக்கொண்டு போகப் போகிறார்கள்."

இது கன்னாபின்னாவென்று பகிரப்பட்டது. உச்சமாக, தவறான தகவல்களை அடிப்படையாக வைத்து உருக்கமான ஒரு வீடியோவை வெளியிட்டார் செய்யாறு பகுதி இளைஞர் ஒருவர். (அவர் இப்போது கைது செய்யப்பட்டிருக்கிறார்).

கடந்த ஒரு மாதத்தில் மட்டும் வடதமிழகத்தில் இது போன்ற 15 க்கும் அதிகமான சம்பவங்கள் பதிவாகியுள்ளன. இதில் பல பேர் கொலை செய்யவும் பட்டிருக்கிறார்கள். குறிப்பாக வடமாநிலத்தைச் சேர்ந்தவர்களும், மனநலம் பாதிக்கப்பட்டவர்களும்.

ஆம்பூர் பக்கத்தில் ஒரு மனநலம் பாதிக்கப்பட்ட பெண்ணை கம்பத்தில் கட்டி வைத்து, அடி பின்னியெடுத்தது ஒரு கும்பல். வலிப்பது கூட தெரியாமல் சிரித்துக் கொண்டிருந்தார் அந்தப் பெண். குடியாத்தம் அருகே தவறாக ரயில் நிலையத்தில் இறங்குகிறார் ஒரு வடமாநிலத்தவர். மொழி தெரியாமல், இடம் புரியாமல் வழி கேட்க கிராமத்திற்குள் நடக்கிறார். தாகமாக இருக்க... ஒரு வீட்டில் தண்ணீர் கேட்கிறார். அவ்வளவுதான் அடித்தே கொலை செய்யப்படுகிறார்.

இப்படியாக பல சம்பவங்கள். பல மரணங்கள்.

ருக்மணி - திருவண்ணாமலை பெண் கொலை

ருக்மணி

இதில் யார் மேல் தவறு? யார் செய்தது குற்றம்? யாராக வேண்டுமானாலும் இருக்கலாம். ஆனால், இறந்தவர்களோ, இப்போது உயிருக்குப் போராடிக் கொண்டிருப்பவர்களோ எந்தத் தவற்றையும் செய்திடவில்லை என்பது மட்டும் உண்மை.

கொஞ்சம் ஆராய்ந்துப் பார்த்தோமானால் இந்தச் சம்பவங்களுக்குப் பின்னர் இருக்கும் மனோநிலையை அறிந்துகொள்ளலாம்.

இது ஒரு "Mob Lynching Psychology". அதாவது, மக்கள் ஒன்றுகூடி ஒரு கொலையை நிகழ்த்தும் மனோநிலை. உலகின் மிக முக்கிய உளவியல் ஆராய்ச்சியாளர் சிக்மண்ட் ஃப்ராய்டு (Sigmund Freud) இதை ஒரு ``மந்தை மனநிலை" (Herd Beahiour) என்று குறிப்பிடுகிறார். இது போன்ற சம்பவங்களில் மக்கள் மந்தைகளாகக் கூடும்போது "உக்கிரமான பைத்தியங்களாக" மாறிவிடுகிறார்கள் என்று குறிப்பிடுகிறார் ஃப்ராய்டு.

இது போன்ற சம்பவங்களில் நாம் பலரின் உளவியலையும் அலசிப் பார்க்க வேண்டியிருக்கிறது. ஒரு செய்தி. பொய்யான செய்தி...மக்களின் உணர்வுகளை நேரடியாகப் பாதிக்கும் வகையில் பரப்பப்படுகிறது. இந்தச் சம்பவத்தில் ``குழந்தைகள் கடத்தப்படும்" என்பது. இந்தச் செய்தி அவர்களுக்கு ஒரு வித பயத்தை, பாதுகாப்பற்ற உணர்வை ஏற்படுத்துகிறது. சந்தேகிக்கும் மனப்பான்மையை அதிகரிக்கச் செய்கிறது. தவறான முன்முடிவுகளை எடுக்க வைக்கிறது.

அந்தத் தவறான முன்முடிவுகள் அவர்களுக்கு ஓர் எளிய இலக்கைக்  (Easy Target) காட்டுகிறது. வலிமையற்ற அந்த இலக்கைத் தாக்க தயாராகிறார்கள். கூட்டம் கொடுக்கும் தைரியத்தில் முதலாமவன் தன் கையை ஓங்குகிறான். அவனோடு சேர்ந்து முதல் குழு தாக்குதலைத் தொடங்குகிறது. அங்கு எழும் அந்த உணர்ச்சிப் பேரலை...மக்களை ஃபிராய்டு சொன்னபடி மந்தைக் கூட்டமாக மாற்றுகிறது. மந்தை மனநிலைக்கு மக்கள் மாறுகிறார்கள். இவனை அடித்தால் நமக்கு எந்தப் பாதகமும் இல்லை என்பதை உணர, உணர அங்கு வேகம் கூடுகிறது.

மக்கள் மனநிலை

ஒரு கட்டத்தில் அந்த வேகம், அவனைக் கொல்வது ஒன்றே முக்கியம் என்ற மனநிலையை எட்டவைக்கிறது. எல்லாவித நியாய, தர்ம கோட்பாடுகளையும் கடந்து... அவனைக் கொலை செய்ய வேண்டும் என்ற ஒற்றை மனநிலை ஏற்படுகிறது. இதை உளவியலாளர்கள் ``Feline Instinct" என்று சொல்கிறார்கள். அதாவது ஒரு புலியோ, சிங்கமோ வேட்டையாடும் போது ... தன் இரை ஒன்றை மட்டுமே இலக்காக வைத்திருக்கும். சுற்றியிருக்கும் வேறு எந்தச் சூழலும் அதை பாதிக்காது. அப்படியான ஒரு நிலைக்கு மக்கள் எட்டுகிறார்கள்.

இன்னொரு முக்கியமான விஷயம் இந்தத் தாக்குதலில் ஈடுபடுபவர்களுக்கு... ஒரு கொலையே செய்துவிட்ட பின்னரும் கூட எந்தக் குற்ற உணர்ச்சியும் எழாது. தங்கள் செயலை நியாயப்படுத்தும் கற்பிதங்களை அவர்களுக்கு அவர்களே சொல்லிக் கொள்வார்கள்.
அடுத்ததாகப் பாதிக்கப்படும் நபர்களுடைய மனநிலை. முதல் அடி வாங்கும் போதே அவர்கள் மிகப் பெரிய அதிர்ச்சிக்கு உள்ளாகிவிடுவார்கள். அதிகபட்சமாக முதல் அடி அடிப்பவனுடைய முகம் மட்டும் அவர்கள் மனதில் பதியலாம். மற்றபடி வேறு எந்த விஷயமும் அவர்களால் உணர முடியாது, வலியைத் தவிர. அந்தச் சமயத்தில், அந்த வலியிலிருந்து தப்ப அவர்கள் எதையும் ஒப்புக் கொள்ளத் தயாராகவே இருப்பார்கள். கைகள் இரண்டையும் குவித்து மன்னிப்புக் கேட்கும் வகையில், தன்னிச்சையாக அவர்கள்  கைகள் நகரும்.

    அமெரிக்காவில் கறுப்பர்களுக்கு எதிராக இந்த ``Mob Lynching" ஒரு காலத்தில் மிக அதிகமாக இருந்தன. 1877 லிருந்து 1950 வரையிலான காலகட்டத்தில் 4 ஆயிரத்திற்கும் அதிகமான கறுப்பினத்தவர் மற்ற இனத்தவரால் அடித்துக் கொலை செய்யப்பட்டனர்.
    

இது அல்லாமல், அந்தக் கூட்டத்தில் சில மனிதர்கள் இருப்பார்கள். அவர்கள் தாக்குதலில் ஈடுபட மாட்டார்கள். ஆனால், அதே சமயம் இதை ஆதரிப்பதா, எதிர்ப்பதா, தடுப்பதா என்று எந்த முடிவும் எடுக்க முடியாமல் குழப்பத்தோடு நின்று பார்த்துக் கொண்டேயிருப்பார்கள்.
இப்படியாக அந்தச் சமயத்தில் ஒவ்வொருவரும் ஒவ்வொரு மனநிலையில் இருப்பார்கள்.

மக்களின் மனநிலை குறித்தும், உளவியல் குறித்தும் இன்னும் இன்னும் கூட பேசலாம்தான். எனில், இந்தக் குறிப்பிட்ட சம்பவத்தில் அரசு இயந்திரங்களுக்கு எந்தப் பங்குமே இல்லையா? என்று கேட்டால்... நிச்சயம் இருக்கிறது. அவர்கள்தாம் இதைத் தடுத்திருக்க வேண்டும்.
கடந்த ஒரு மாத காலமாகவே வாட்ஸ் அப்பில் இது மாதிரியான பொய் தகவல்கள் பரவிக் கொண்டிருக்கிறது என்பது தெரிந்த உடனேயே, காவல்துறை ஜாக்கிரதையாக இருந்திருக்க வேண்டும். மக்கள் மத்தியில் விழிப்புஉணர்வு பிரசாரங்களை மேற்கொண்டிருக்க வேண்டும். ஒருவேளை... ``சாமி பேர்ல... முதல்வர் பழனிசாமி பேர்ல அர்ச்சனை பண்ணுங்க" என்பது போன்ற காவிய விளம்பரங்களில் மூழ்கியிருந்ததால் இந்த விழிப்புஉணர்வு பிரசாரங்களை முன்னெடுக்க நேரமில்லாமல் போய்விட்டதோ என்னவோ?!

ஒரு மாதத்தில் 15ற்கும் அதிகமான சம்பவங்கள், பல கொலைகள் நடந்த பின்னர், இப்போது தெருத்தெருவாக மைக்கைப் பிடித்துக் கொண்டு விழிப்புஉணர்வு பிரசாரம் மேற்கொள்ளும் காவல்துறை இதை முன்னரே செய்திருக்க வேண்டும்.

ஆனால், எல்லாம் முடிந்து இதையெல்லாம் பேசி இப்போது என்ன பயன்?

திருவண்ணாமலை பெண் கொலை

இதை நினைத்துப் பாருங்கள். ஒருவேளை ருக்மணி கொல்லப்படாமல் இருந்திருந்தால் எப்படி இருந்திருக்கும்?

அவர் கொடுத்த சாக்லேட்டை குழந்தைகள் மகிழ்ச்சியாக வாங்கி ருசித்திருப்பார்கள். யாராவது ருக்மணிக்கு கோயிலுக்கான வழியைச் சொல்லியிருப்பார்கள். நல்லபடியாக தரிசனத்தை முடித்திருப்பார்கள். உறவினர்கள் திருப்தியாக மலேசியா கிளம்பிப் போயிருப்பார்கள். இந்நேரம் ருக்மணி சிரித்துப் பேசி மகிழ்ச்சியோடு இருந்திருப்பார்.

ஆனால், ருக்மணி இப்போது உயிரோடு இல்லை!!!

கடன் என்றாலே கடுப்பாகும் இராணுவ அதிகாரி, தன் தங்கையின் திருமணத்திற்காகப் போலி ஆவணங்களை சமர்ப்பித்து வங்கியில் கடன் பெறுகிறார். ஒட்டுமொத்தப் பணமும், ஹேக்கிங் கும்பலால் திருடப்படுகிறது. அதில் சம்பந்தப்பட்டவர்களைப் பிடிக்கும் முயற்சியில் இறங்கும் இராணுவ அதிகாரிக்கு, டிஜிட்டல் உலகத்தில் நடக்கும் ஊழலோடு, ஒட்டுமொத்த ஹேக்கர்களின் தலைவனைப் பற்றியும் தெரிய வருகிறது. ஹேக்கிங் கும்பலின் தலைவரைப் பிடித்தாரா... அவரின் முகத்திரையைக் கிழித்தாரா என்பதே `இரும்புத்திரை' சொல்லவரும் கதை!

இந்தியாவின் வழக்கமான நடைமுறைகளை வெறுக்கும் இராணுவ அதிகாரி கதிரவன் (விஷால்), சிறு வயதிலேயே அவரது அம்மாவை இழந்துவிடுகிறார். அப்பா டெல்லி கணேஷும் ஊரைச் சுற்றி கடன் வாங்கி ஒளிந்து வாழ்கிறார் என்பது பிடிக்காமல், தனது 12 வயதிலேயே வீட்டைவிட்டு வெளியேறி, இராணுவத்தில் சேர்ந்துவிடுகிறார். தன் தங்கையிடம்கூட பேசாமல் வீட்டைவிட்டுத் தள்ளி தனியாகவே இருக்கிறார். இராணுவத்தில் சேர்ந்த பின்னும், கண் முன் நடக்கும் சின்னச் சின்ன தவறுகளையும் சகித்துக்கொள்ள முடியாத விஷால், தவறு செய்தவர்களை அடித்துவிட்டுதான் அடுத்த கேள்வியே கேட்கிறார். இவரின் கோபத்தைக் கட்டுக்குள் கொண்டுவர, விஷாலின் உயர் அதிகாரி அவரை சைக்காலஜிஸ்ட் ரதிதேவிடம் (சமந்தா) கவுன்சலிங் பெற அனுப்பி வைக்கிறார்.

ஆரம்பத்தில் முரண்டு பிடித்தாலும், போகப்போக இருவருக்கும் ஒருவரை ஒருவர் பிடித்துப் போய்விடுகிறது. வீட்டைவிட்டுத் தள்ளியே இருக்கும் விஷாலைச் சொந்த ஊருக்குச் சென்று 30 நாள்கள் இருக்கும்படி டாஸ்க் கொடுக்கிறார், சமந்தா. வீட்டிற்கு வருகைதரும் விஷாலை வரவேற்க மனமின்றி, பழைய கோபத்தில் அவருடன் பேசாமலேயே இருக்கிறார், தங்கை தர்ஷனா. அந்தச் சமயத்தில், தனது தங்கையின் காதல் கதை விஷாலுக்குத் தெரியவருகிறது. காதலை திருமணத்தில் இணைக்க 10 லட்சம் ரூபாய் தேவைப்படுகிறது. கல்யாணத்தை நடத்திக்கொடுத்து, தங்கையுடன் சமரசம் ஆகிவிடலாம் என்று நினைத்து பணத்தைப் புரட்ட, ஊரிலிருந்து சென்னைக்கு வருகிறார், விஷால்.

எத்தனையோ வங்கிகள் ஏறி இறங்கியும் விஷாலுக்குக் கடன் தொகை கிடைக்காமல் போகிறது. அந்தச் சமயத்தில், லோன் ஏஜென்ட் அப்துலின் அறிமுகம் விஷாலுக்குக் கிடைக்க, போலி ஆவணங்களைத் தயார் செய்து வங்கியில் கடன் பெறுகிறார். பணம் பரிவர்த்தனை ஆன கொஞ்ச நேரத்திலேயே கணக்கில் இருந்த ஒட்டுமொத்தப் பணமும் ஹேக்கர்களால் திருடப்படுகிறது. ஹேக்கர்களைப் பிடிக்கும் முயற்சியில் இறங்கும் விஷால், கிடைக்கும் துப்புகளை வைத்து ஒயிட் டெவில் (அர்ஜூன்) எனும் மெயின் ஹேக்கரைப் பற்றித் தெரிந்துகொள்கிறார். இவரைப் போலவே பலரும் பாதிக்கப்பட்டிருப்பது தெரியவந்ததும், தனது மிலிட்டரி டீமை வைத்து ஹேக்கர்களின் தலைவன் ஒயிட் டெவிலைக் கண்டுபிடிக்கும் முயற்சியில் இறங்குகிறார், விஷால். இரும்புத்திரையை உடைத்து, ஒயிட் டெவிலை வெளிச்சத்துக்குக் கொண்டு வருவதே படத்தின் மீதிக் கதை.

`டேட்டா இஸ் தி நியூ பெட்ரோல்' - ஜியோ நெட்வொர்க் சேவையை ஆரம்பிக்கும்போது முகேஷ் அம்பானி சொன்னது இதுதான். அதையேதான் `இன்ஃபர்மேஷன் இஸ் வெல்த்' எனச் சொல்லியிருக்கிறது, இந்த இரும்புத்திரை. நம்முடைய ஒவ்வொருவரின் பெர்சனல் தகவல்களும் ஸ்மார்ட்போன்கள் மூலம் டேட்டாவாக ஒயிட் டெவில், பிளாக் ஏஞ்சல் என டிஜிட்டல் திருடர்கள் கையில் சென்றுகொண்டிருக்கிறது. அவர்களிடமிருந்து ஓடவும் முடியாது, ஒளியவும் முடியாது என டிஜிட்டல் உலகின் ஆபத்தை எந்த மிகைப்படுத்தலும் இல்லாமல் உண்மைகளாகப் பதிவு செய்திருக்கிறார், அறிமுக இயக்குநர் மித்ரன். அதேசமயம், `லோன் வேண்டுமா, ஆதாரிலிருந்து அனைத்துத் தகவல்களையும் கொடுங்கள்' எனச் சொன்னால், ஏமாந்துவிடாதீர்கள்! என எச்சரிக்கை கொடுத்திருக்கிறார். வாழ்த்துகள் ப்ரோ!. 

`சுமோ'க்களைப் பறக்கவிடுவது, `ஊருக்குள் இறங்கியிருக்கும் நூறு ரவுடிகளைப் போட்டுப் பொளப்பது' என்ற விஷாலின் வழக்கமான டெம்ப்ளேட் இந்தப் படத்தில் இல்லை. `இரும்புத்திரை'யில் விஷால் செம ஸ்மார்ட் ஹீரோ. ராணுவ மேஜராக, அடாவடி மகனாக, அன்பான அண்ணனாக... பக்குவப்பட்ட நடிப்பில் அசத்துகிறார், விஷால். ஆனால், படத்தில் ஸ்வீட், கியூட் சமந்தா இருந்தும் ரொமான்ஸ் லேதும்மா!. படத்தில் சமந்தா சைக்கியாட்ரிஸ்ட்டா, சைக்காலஜிஸ்ட்டா என்பது பெரிய சந்தேகம். ரோபோ ஷங்கர், விஜய் வரதராஜ் எனக் காமெடிக்கு இருவர் இருந்தும், `கலகல' மொமென்ட்ஸ் படத்தில் கொஞ்சமே கொஞ்சம்தான்.

படத்தில் யுவன் ஷங்கர் ராஜாதான் இசையமைப்பாளர் என்பது அர்ஜூனின் பி.ஜி.எம்மில் மட்டும்தான் தெரிகிறது. ஜார்ஜ் சி. வில்லியம்ஸின் ஒளிப்பதிவு படத்துக்குப் பெரிய அளவுக்கு வொர்க் அவுட் ஆகியிருக்கிறது. சமந்தாவை அழகாய்க் காட்டியதில் தொடங்கி, ரிச்சி ஸ்ட்ரீட்டில் இருக்கும் பரபரப்பு வரை... அத்தனை விஷயங்களையும் அழகாகப் படம் பிடித்திருக்கிறார், ஜார்ஜ். இரண்டாம் பாதிக்குமேல் படு சுவாரஸ்யமாக திரைக்கதை நகர, ரூபனின் எடிட்டிங் ரொம்பவே உதவியிருக்கிறது. விஷாலின் ஆர்ம்ஸ், சமந்தாவின் அழகு, அர்ஜூனின் வில்லத்தனங்களை நேர்த்தியாகக் கொண்டுவர நீரஜ் கோனா, சத்யாவின் காஸ்ட்யூம் டிசைனிங் சிறப்பாக உதவியுள்ளது.

பொதுவாக டிஜிட்டல் தொடர்பான சினிமாக்களில் லாஜிக் ஓட்டைகள் அதிகம் இருக்கும். ஆனால், அப்படி அபத்தங்கள் ஏதும் இந்தப் படத்தில் துருத்திக்கொண்டு நிற்காமல் இருக்க மெனக்கெட்டிருக்கிறார்கள். அந்தப் பெரும் உழைப்பு படத்தில் தெரிகிறது.

`இரும்புத்திரை', டிஜிட்டல் இந்தியர்கள் மிஸ் செய்யாமல் பார்க்கவேண்டிய சினிமா!

தமிழ் சினிமாவில் 90களிலிருந்து தற்போது வரை உலகளவில் புகழ்பெற்ற கலைஞர்களாக திகழ்பவர்கள் ரஹ்மான் மற்றும் இளையராஜா. கல்விக்கு சம்பந்தமில்லாதவர் சில பிரபலங்களை பற்றி பள்ளி புத்தகத்தில் பாடமாக வருவது என்றால் பெரிய பாக்கியம்.

அந்த பாக்கியத்தை நம் இளையராஜா மற்றும் ரஹ்மான் அவர்கள் பெற்றுள்ளனர். நீட் மற்றும் மத்திய அரசால் நடத்தப்படும் நுழைவு தேர்வுகளை எதிர்கொள்ளும் விதத்தில் 11ம் வகுப்பு மற்றும் 12ம் வகுப்பு பாடத்திட்டங்கள் மாற்றி அமைக்கப்பட்டுள்ளது.

அதன்படி 11ம் வகுப்புக்கான தமிழ் பாடத்தில் இசைத்தமிழர் இருவர் என்ற பாடப் பிரிவில் இளையராஜா, ஏ.ஆர்.ரகுமான் வாழ்க்கை இடம் பெற்றுள்ளது. இவர்கள் இருவருமே பலமுறை தேசிய விருதுகளை வென்றவர்கள் குறிப்பிடத்தக்கது.

கமல்ஹாசன் மக்கள் நீதி மய்யம் என்ற கட்சியை தொடங்கி கிட்டத்தட்ட 4 மாதங்கள் ஆகப்போகிறது. சமீபத்தில் மக்கள் நீதி மய்யத்தின் செயலியை கமல்ஹாசன் அறிமுகப்படுத்தினார்,இந்த செயலி நம்மைச் சுற்றி நடக்கும், நமது சூழலில் நடக்கும் மாசு, குற்றங்கள், ஊழல்கள் இவற்றை எல்லாம் தனி மனிதன் ஒரு அபாயச் சங்கு ஊதி தெரியப்படுத்தும் கருவி தான் இந்த விசில் என கூறினார்.

இதன் மூலம் மக்கள் தங்களது நகரத்தில் நடக்கும் பிரச்சன்னைக்குரிய விஷ்யங்களை தெரியப்படுத்தலாம் என்று கூறினார். இந்த செயலி மூலம் தற்போது பல புகார்கள் மக்களிடமிருந்து குவிந்துள்ளன, குறிப்பாக டாஸ்மாக் மற்றும் லஞ்ச புகார்கள் அதிகமாக வந்துள்ளதாக மக்கள் நீதி மய்யம் சார்பாக தெரிவிக்கப்பட்டுள்ளது.

இந்த பிரச்சனைகளை ஆய்வு செய்து அந்தந்த தொகுதி நிர்வாகிகளை தொடர்பு கொண்டு பிரச்சனைக்கான தகுதியை நன்கு அறிந்து அதை சம்மந்தப்பட்ட அரசு நிர்வாகிகளிடம் கொண்டுசேர்க்கப்படும் என தெரிவித்துள்ளனர்.

 
தமிழ் சினிமாவின் புகழ் பெற்ற நடிகர்களுள் ஒருவர் ஜெமினி கணேசன். காதல் மன்னன் என அழைக்கப்பட்ட இவருக்கு வாழ்க்கையிலும் சில பிரச்சனைகளை சந்தித்தார்.

நிறைய ஹிட் படங்களை கொடுத்த இவருக்கு சில தோல்விப்படங்களும் அமைந்தன. இவர் பிரபல நடிகையான சாவித்திரியை இரண்டாவதாக திருமணம் செய்துகொண்டார்.

இவர்களுக்கு விஜய் சாமுண்டீஸ்வரி என்ற மகள் இருக்கிறார். அதே வேளையில் அவரின் மூத்த மனைவி புஷ்பவள்ளிக்கு இரண்டு மகள்கள் இருக்கிறார்கள்.

அதில் ஒருவர் பாலிவுட் சினிமாவின் பிரபல நடிகையான ரேகா. இவர் ஏற்கனவே தன் அப்பா ஜெமினி, சித்தி சாவித்திரியின் வாழ்க்கை வரலாறு மகாநதி படமாக எடுக்கப்பட்டத்தை கேள்விப்பட்டிருக்கிறாராம்.

தற்போது அந்த படத்தை அவர் பார்க்க ஏற்பாடு செய்ய படக்குழுவிடம் கேட்டுள்ளாராம்.

தமிழ் சினிமாவிலிருந்து ஹாலிவுட் படத்தில் முன்னணி கதாபத்திரியத்தில் நடித்த ஒரே நடிகர் தனுஷ். இவரது நடிப்பில் உருவாகியுள்ள “தி எக்ஸ்ட்ராடினரி ஜர்னி ஆப் தி பகிர்" இந்த படம் வருகிற மே 30 ம் தேதி வெளிவரவுள்ளது.

இந்நிலையில் பிரான்ஸில் நடக்கும் உலகப்புகழ்ப்பெற்ற கேன்ஸ் திரைப்பட விழாவில் இந்தாண்டு, தனுஷின் “தி எக்ஸ்ட்ராடினரி ஜர்னி ஆப் தி பகிர்" படமும் திரையிடப்பட இருக்கிறது. இதற்காக தனுஷ் உள்ளிட்ட படக்குழுவினர் பிரான்ஸ் புறப்பட்டு சென்றுள்ளனர்.

கேன்ஸ் பட விழாவில் தனுஷ் பங்கேற்பது இதுவே முதல்முறையாகும். பிரான்ஸ் சென்றுள்ள தனுஷ், அங்கு படக்குழுவுடன் எடுத்து கொண்ட போட்டோவை தன் டுவிட்டர் பக்கத்தில் பதிவிட்டுள்ளார் .

ஸ்ரீதேவி இழப்பு பலருக்கும் சோகம் தான். இவர் மாரடைப்பால் தான் இறந்தார் என மருத்துவர்களேகூறப்பட்டுவிட்டது.

ஆனால், அவர் இயற்கையாக இறக்கவில்லை என பிரபல இயக்குனர் சுனில் சிங் நீதிமன்றத்தில் வழக்கு தொடர்ந்தார். இதில் அவர் ஸ்ரீதேவி கொலை தான் செய்யப்பட்டார் என்று வழக்கு தொடுத்தார்.

மேலும், ஸ்ரீதேவி இறப்பு குறித்து விசாரணை நடத்த வேண்டும் என்றும் அவர் புகார் கொடுக்க, இந்த வழக்கை விசாரித்த நீதிபதி ‘துபாய் போலிஸார் தெளிவாக சொல்லிவிட்டனர்.

அவர் இயற்கையாக தான் இறந்தார் என்று’ என கூறி இந்த வழக்கை நீதிபதி தள்ளுபடி செய்தார்.

தமிழ் சினிமாவில் எப்போதாவது தான் மக்களின் பிரச்சனை குறித்து படங்கள் பேசும். அதிலும் தற்போது நிகழும் பிரச்சனைகளை தைரியமாக சொல்லும் படங்கள் மிகவும் அரிது.

அந்த வகையில் தன் முதல் படத்திலேயே டிஜிட்டல் வளர்ச்சியால் ஏற்படும் அழிவு குறித்து இரும்புத்திரை படத்தை இயக்கியுள்ளார் மித்ரன். ரசிகர்கள் இந்த இரும்புத்திரையை சந்தோஷமாக திறந்தார்களா? பார்ப்போம்.

கதைக்களம்

டிஜிட்டல் இந்தியாவின் வளர்ச்சி எவ்வளவு பாதிப்பு என்பதே படத்தின் ஒன் லைன். விஷால் ஆர்மி ட்ரெயினிங் ஆபிசர், எதற்கெடுத்தாலும் கோபம், கடன் கொடுப்பவர்களை கண்டால் கடுங்கோபம் என இருப்பவர் விஷால்.(அதற்கான காரணமும் படத்தில் உள்ளது).

ஒரு கட்டத்தில் தன் தங்கையின் திருமணத்திற்காக விஷாலே லோன் வாங்கும் நிலைமை வந்துவிட்டது. எங்கு தேடியும் லோன் கிடைக்காததால், ஒரு ப்ரோக்கர் கொடுக்கும் ஐடியாவை வைத்து போலி ஆவணங்கள் தயார் செய்து லோன் பெறுகிறார் விஷால்.

ஆனால், அவர் லோன் வாங்கிய அடுத்த சில நாட்களில் விஷால் கணக்கில் இருக்கும் அனைத்து பணமும் வேறு ஒரு வங்கி கணக்கிற்கு சென்றுவிடுகின்றது. அதை தொடர்ந்து விஷால் யார் என்று தேட, மிகப்பெரும் நெட்வொர்க் வைத்து இதை செய்வது அர்ஜுன் என தெரிகின்றது. பிறகு அர்ஜுனை விஷால் பிடித்தாரா, பணத்தை மீட்டாரா? என்பதை மிகவும் விறுவிறுப்பாக எடுத்திருக்கின்றார் மித்ரன்.

படத்தை பற்றிய அலசல்

விஷால் துப்பறிவாளனுக்கு பிறகு மீண்டும் ஒரு தரமான படத்தில் நடித்துள்ளார் என்றே சொல்லலாம். கடுங்கோபமான இளைஞன், தவறை தட்டிக்கேட்கும் ஆள் என கதாபாத்திரத்திற்கு அப்படியே பொருந்தி போகின்றார். சமந்தா விஷாலுக்கு கவுன்ஸிலிங் கொடுக்கும் சைக்கார்டிஸ்ட்.

ஹீரோயின் என்றாலே லூசு போல் காட்டும் தமிழ் சினிமாவில் அவருக்கு என்று மிகவும் நல்ல கதாபாத்திரம் கொடுத்த மித்ரனுக்கு வாழ்த்துக்கள். ரோபோ ஷங்கர் விஷாலின் மாமாவாக தன் கவுண்டர் வசனத்தால் கலக்கியுள்ளார். அப்பாவாக வரும் டெல்லி கணேஷும் நீண்ட நாட்களுக்கு பிறகு ஒரு எமோஷ்னல், காமெடி நிறைந்த கதாபாத்திரத்தில் அசத்தியுள்ளார்.

இதையெல்லாம் விட நம்ம ஆக்‌ஷன் கிங் அர்ஜுன், இது தான் நம் ஏரியா என்று இறங்கி விளையாடியுள்ளார். அதிலும் விஷால் லிப்டில் நின்று அர்ஜுனை மிரட்டும் காட்சியில், அர்ஜுன் மிகவும் கேஷுவலாக அதை டீல் செய்யும் காட்சியெல்லாம் ஆடியன்ஸ் பக்கத்தில் விசில் பறக்கின்றது.

இரும்புத்திரை கண்டிப்பாக இந்த ஜெனேரேஷன் ஒவ்வொருவரும் குறிப்பாக ஸ்மார்ட் போன் உலகத்தில் வாழும் எல்லோரும் கண்டிப்பாக பார்க்க வேண்டிய படம். நம் இரு கண்கள் தான் மொபைலை பார்க்கின்றது, ஒரு கைகள் தான் டைப் செய்கின்றது என நாமே நினைத்து ஏமாந்துக்கொண்டு இருக்கின்றோ, நம்மை ஆயிரம் கண்கள் பார்த்துக்கொண்டு இருக்கின்றது.

ஆயிரம் கைகள் ஆப்ரேட் செய்கின்றது என்பதை நமக்கே உணர்த்துகின்றது. ஒரு கட்டத்தில் இந்த ஆண்ட்ராய்ட் மொபைல் தேவை தானா என யோசிக்க வைக்கின்றது, அதை விட முதல் படத்திலேயே டிஜிட்டல் இந்தியாவின் மோசமான விளைவுகளை தைரியமாக கூறிய இயக்குனரை கைக்கொடுத்து வரவேற்கலாம்.

ஆனால், ஒரு சில இடங்களில் லாஜிக் மீறல்கள் கொஞ்சம் வெளிப்படையாகவே தெரிகின்றது. அதிலும் சமந்தா ஒரு மந்திரியை பாலோ செய்வது, சிறிய டீமை வைத்து இவ்வளவு பெரிய நெட்வொர்க்கை விஷால் பிடிப்பது என சில இடங்கள் மட்டும் லாஜிக் மீறல்.

படம் டெக்னிக்கலாக மிகவும் வலுவாக உள்ளது, ஜார்ஜின் ஒளிப்பதிவு, ரூபனின் எடிட்டிங் என அனைத்தும் சூப்பர். அதையெல்லாம் விட யுவனின் பின்னணி இசை, நீண்ட நாட்களுக்கு பிறகு மிரட்டியுள்ளார்.

க்ளாப்ஸ்

படத்தின் கதைக்களம், கண்டிப்பாக இப்படி ஒரு கதை இந்த நேரத்தில் தேவை.

அர்ஜுனின் அசால்ட்டான நடிப்பு.

சொல்ல வேண்டிய விஷயத்தை மிகவும் தைரியமாக யாருக்கும் பயப்படாமல் சொன்னது.

படத்தின் டெக்னிக்கல் விஷயங்கள், குறிப்பாக யுவனின் பின்னணி இசை.

பல்ப்ஸ்

முன்பே சொன்னது போல் ஒரு சில இடங்களில் லாஜிக் மீறல், அதை தவிர பெரிதாக ஏதுமில்லை.

மொத்தத்தில் கண்டிப்பாக திறக்கப்பட வேண்டிய திரை இந்த இரும்புத்திரை.

ஆர்டிபிஷியல் இண்டெலிஜென்ஸ்..அல்லது ஏ.ஐ. எனப்படும் ‘செயற்கை நுண்ணறிவு’ இனியும் அறிவியல் புனைகதையில் மட்டுமே சாத்தியமாகக்கூடிய விஷயம் என்ற நிலை மாறிவிட்டது. இந்தத் துறையில் ஆய்வுகள் தீவிரமாக நடைபெற்றுவருவதோடு, இந்த நுட்பம் சார்ந்த சோதனை வடிவிலான சேவைகளும் அறிமுகமாகிக் கொண்டிருக்கின்றன.. அதன் நவீன வடிவமாக இந்த செயற்கை நுண்ணறிவு மூலம் உணவு விடுதி, மருத்துவ மனைகளில் நமக்காக செல்போனில் பேசி அப்பாயின்ட்மென்ட் வாங்கித் தரும் வசதியை கூகுள் அறிமுகப் படுத்தியுள்ளது.

கடந்த ஆண்டு சவுதி அரேபிய அரசு, சோபியா என்ற பெண் வடிவ ரோபோவை, தன் நாட்டின் முதல் ரோபோ குடி மகளாக அறிவித்த. ஆச்சரியம் அடங்குவதற்குள், நியூசிலாந்தில் செயற்கை நுண்ணறிவு படைத்த, ‘சாட் பாட்’ எனப்படும், பேசும் மென்பொருளை, அந்த நாட்டின் முதல் அரசியல்வாதியாக ஆக்கியிருக்கிறார் அங்குள்ள தொழிலதிபர் நிக் கெர்ரிட்சென் என்ற செய்தி வந்தது நினைவிருக்கலாம். இதனிடையே அமெரிக்காவின் கலிபோர்னி யாவில் நடந்த கணினி மென்பொருள் மாநாட்டில் கூகுள் தனது அடுத்த தொழில்நுட்ப புரட்சியை அறிமுகம் செய்துள்ளது. பல்லாயிரம் பேர் பங்கேற்ற இந்த மாநாட்டில் பேசிய தமிழரான கூகுள் நிறுவன தலைமை செயல் அதிகாரி சுந்தர் பிச்சை, கூகுள் டுப்ளக்ஸ் என்ற வசதியை அறிமுகப்படுத்தினார்.

இது ஒரு செயற்கை நுண்ணறிவு மென்பொருள். இந்த மென்பொருள் உணவு விடுதி, மருத்துவமனை போன்ற இடங்களில் நமக்காக செல்போனில் பேசி அப்பாயின்மென்ட் பெற்றுக் கொடுக்கும். இதுகுறித்து கூகுள் தலைமை செயல் அதிகாரி சுந்தர் பிச்சை, பேசுகையில், உதாரணமாக செவ்வாய் கிழமை காலை 10 மணி முதல் 12 மணிக்குள் முடிவெட்ட அப்பாய்ன்ட்மெட் புக் செய்யச் சொல்லலாம். கூகுள் உங்களுக்காக போன் செய்து பேசும். இப்படி நமக்காக கூகுள் பேசிக்கொண்டிருப்பதை யாராலும் கண்டுபிடிக்க முடியாது. அந்த அளவுக்கு மனிதக் குரலில் தெளிவாக பேசும் வண்ணம் இந்த மென்பொருள் வடிவமைக்கப்பட்டுள்ளது என்று கூறினார்.

மேலும், பேசுபவர்களின் கேள்விக்கு ஏற்ப இந்த மென்பொருள் பதில் அளிக்கும். பதில் கேள்விகளையும் கேட்கும். இது சரியான முறையில் செயல்பட்டால் மக்களின் நேரத்தை மிச்சப்படுத்தும் என சுந்தர் பிச்சை பெருமிதத்துடன் கூறியுள்ளார். இந்த மென்பொருளை சில வாரங்களில் சோதனை முறையில் அறிமுகப்படுத்த உள்ளதாகவும் அவர் அறிவித்துள்ளார்.

அடிசினல் ரிப்போர்ட்:

இதனிடையே அமெரிக்காவின் வெள்ளை மாளிகை,”அமெரிக்க தொழிற்துறைக்கு செயற்கை நுண்ணறிவு” என்ற தலைப்பின் கீழ் நாளை (மே 10ஆம் தேதி) நடத்தவுள்ளது. இந்த மாநாட்டில் 100க்கும் மேற்பட்ட மூத்த அரசு அதிகாரிகள், தொழில்நுட்ப வல்லுநர்கள், தலைசிறந்த கல்வியாளர்கள், தொழிற்துறை ஆராய்ச்சி ஆய்வகங்களின் தலைவர்கள், அமெரிக்க வணிக தலைவர்கள் ஆகியோர் கலந்துகொள்ள இருப்பதாக அதிகாரிகள் தெரிவித்துள்ளனர்/

இந்த மாநாட்டை வெள்ளை மாளிகையின் அறிவியல் மற்றும் தொழில்நுட்ப கொள்கை அலுவலகம் ஏற்பாடு செய்துள்ளது. இதனை அமெரிக்க அதிபர் டொனால்ட் டிரம்பின் தொழில்நுட்ப கொள்கைகளுக்கான துணை உதவியாளர் மைக்கேல் கிராட்சியோஸ் தலைமைதாங்கி நடத்தவுள்ளார்.இதில், செயற்கை நுண்ணறிவு ஆராய்ச்சி மற்றும் வளர்ச்சி, தொழிலாளர்கள் வளர்ச்சி, செயற்கை நுண்ணறிவு கண்டுபிடிப்புகளுக்கான ஒழுங்குமுறை தடைகள், அவற்றின் துறை சார்ந்த பயன்பாடுகள் ஆகியவை குறித்து கலந்துரையாடப்படவுள்ளதாக வெள்ளை மாளிகை வெளியிட்ட அறிக்கையில் குறிப்பிட்டுள்ளது.

அண்டத்தைப் பற்றி ஆராயத் தொடங்கினால் நம் ஆயுள் போதாது. இவ்வண்டத்தைப் பற்றி நாம் தெரிந்து வைத்திருப்பது ஒரு சதவிகிதத்திற்கும் கீழ்தான். அந்த அளவிற்குக் கோடிக்கணக்கான விஷயங்களை தன்னுள் புதைத்து வைத்திருக்கிறது பேரண்டம்.  கருந்துளை பற்றி கேள்விப்பட்டிருக்கிறீர்களா என்றால், நல்லா தெரியுமே என்று பதில் வரும். அந்தளவுக்குச் சாமானியன் வரை கருந்துளையைக் கொண்டு சேர்த்திருக்கிறார் ஸ்டீஃபன் ஹாக்கிங். சரி, வெண்துளையை (White hole) பற்றிக் கேள்விப்பட்டிருக்கிறீர்களா? "என்ன ப்ரோ புது ஐட்டமா கேக்குறீங்க" என்கிறீர்களா? கருந்துளை, வெண்துளை எல்லாம் அண்ணன் தம்பிகளைப் போலத்தான்.

தன் அருகில் இருக்கும் எந்தவொரு பொருளையும் தன்னுள்ளே ஈர்த்துக் கொள்வதைத்தான் கருந்துளை என்கிறோம். கருந்துளையினுள் ஈர்க்கப்பட்ட பொருளால் மறுபடியும் வெளியேற முடியாது, அது ஒளியாக இருந்தாலும் சரி. அந்த அளவிற்கு வலிமையானது கருந்துளையின் ஈர்ப்புவிசை. இப்போது வெண்துளை என்பது கருந்துளையின் அப்படியே நேரெதிர். வெண்துளை தன்னுள் இருக்கும் பொருளை வெளியே கக்கிக் கொண்டே இருக்கும். வெளியில் இருக்கும் எந்தவொரு பொருளாலும் வெண்துளையினுள் செல்ல முடியாது. ஏனெனில் வெண்துளையின் வெளியேற்று திசைவேகம்  அதிகமாக இருக்கும். ஆனால், வெண்துளை என்பது இன்றும் ஒரு கோட்பாடாக மட்டுமே உள்ளது. அது இவ்வண்டத்தில் உள்ளது என்பதற்கான எந்தச் சாத்தியக்கூறும் இதுவரை கண்டுபிடிக்கப்படவில்லை.

வெண்துளை

எனினும் வெண்துளைக்கான தேடுதல் வேட்டையும் ஆய்வுகளும் அவ்வப்போது நடந்து கொண்டுதான் இருக்கின்றன. வெண்துளை இருப்பதற்கான சான்றுகள் இன்னும் கிடைக்கவில்லை என்பது ஒருபுறம் இருக்கட்டும். கண்டறிந்த கோட்பாட்டின் படியே வெண்துளையின் இயக்கம் வெப்ப இயக்கவியலின் (Thermodynamics) இரண்டாம் விதியினை சுக்கு நூறாக உடைக்கிறது. அதாவது வெப்ப இயக்கவியலின் இரண்டாம் விதியின்படி எந்த ஒரு பொருளின் இயல்பாற்றலும் (Entropy) அதிகரித்த வண்ணமே இருக்கும். ஆனால், வெண்துளையின் இயக்கப்படி அதன் அருகில் இருக்கும் பொருட்களுக்கு இயல்பாற்றல் குறைய வாய்ப்பிருக்கிறது. இதை ஓர் எடுத்துக்காட்டின்படி பார்த்தால் தெளிவாகப் புரியும். ஒரு பழத்தை இரண்டு வாரங்கள் அறை வெப்பநிலையில் வைத்திருந்தால் அது கெட்டுவிடும். இதுதான் பொதுவாக இயல்பாற்றல் அதிகரிப்பால் நடக்கும். அதே பழம் மீண்டும் கெட்டுப் போனதில் இருந்து நல்ல பழமாக மாறும் சாத்தியக்கூறுகள் உண்டா? உண்டு, அது இயல்பாற்றல் குறைந்தால் நடக்கும். ஆனால், அது பூமியில் நடக்காது. எனவே வெண்துளை, இயல்பாற்றல் என்பது ஒரு குறிப்பிட்ட இடத்திற்கானது மட்டுமே, மொத்த அண்டத்திற்குமானது அல்ல என உரைக்கிறது.

வெண்துளை எப்படி உருவாகின்றது?

வெண்துளை என்பது கருந்துளையின் அடுத்த கட்டமாக இருக்கலாம் எனக் கூறப்படுகிறது. ஒரு நட்சத்திரம் தன் அந்திம காலத்தில் சூப்பர் நோவா என்னும் பெருவெடிப்பிற்கு உள்ளாகும் போது கருந்துளைகள் தோன்றுகின்றன. கருந்துளைக்கென்று தனியாக நிகழ்வு பரப்பெல்லை உண்டு. அவை தன் அருகில் இருக்கும் பொருட்ளை ஈர்ப்பதோடு நில்லாமல் அதீத ஈர்ப்புவிசை காரணமாக தன் பரப்பையும் சேர்த்து ஈர்க்கும். இதன் காரணமாக தன் வாழ்நாளில் கொஞ்சம் கொஞ்சமாகச் சுருங்கிக்கொண்டே வரும். ஒரு கட்டத்தில் இதற்கு மேல் சுருங்கமுடியாது என்ற நிலை வரும்போது அது ஒரு வெண்துளையின் பிறப்பிற்கு வழிவகுக்கிறது. அதுவரை தான் ஈர்த்த அத்தனை பொருட்களையும் வெண்துளையான பின் வெளியேற்றுகிறது. அப்படியே அது மாறினாலும் பல அடிப்படை இயற்பியல் கோட்பாடுகளின் மடியில் கைவைக்கியது இதன் இயக்கம். எப்படி இருந்தாலும் வெண்துளையை பற்றி கூறப்படும் அனைத்தும் அனுமானக் கோட்பாடுகளே.

கருந்துளை மற்றும் வெண்துளை இடையேயான பந்தம்    

கருந்துளையையும் வெண்துளையையும் தனித்தனியாகப் பார்க்காமல் சேர்த்துப் பார்த்தால் சுவாரஸ்யமான கோட்பாடுகள் கிடைக்கும். கருந்துளை அனைத்தையும் ஈர்த்துக்கொள்கிறது எனவே அதை நுழைவு வாயில் என்று வைத்துக் கொள்வோம், வெண்துளை அதனுள் இருக்கின்ற அனைத்தையும் வெளியேற்றுகிறது எனவே இதை வெளியேற்று வாயில் என வைத்துக் கொள்வோம். இதனை வைத்து கருந்துளையில் நுழைந்து வெண்துளையின் வழி வெளிவருவதன் மூலம் காலத்தையோ, தூரத்தையோ கடக்க முடிந்தால்? பால்வீதியில் உள்ள கருந்துளையில் நுழைந்து பல பில்லியன் ஒளியாண்டுகள் தொலையில் அமைந்திருக்கும் வெண்துளையின் மூலம் வெளிவருவதால் தூரத்தையோ அல்லது இதே பால்வீதியில் பல பில்லியன் ஆண்டுகளுக்குப் பிறகு உருவாகியிருக்கும் வெண்துளையில் இருந்து வெளிவருவதன் மூலம் நேரத்தையோ கடக்க முடிந்தால்? இந்த இடத்தில் நாம் கடப்பதற்கான ஆற்றலையும், பாதையையும் வார்ம் ஃஹோல் நமக்குத் தந்தால்? இவை அனைத்தும் அனுமானங்களே. வார்ம் ஃகோல் என்பது வெளியும்-நேரமும் கலந்த அமைப்பாக இருந்து வெவ்வேறு இரண்டு அண்டத்திலோ அல்லது நேரத்திலோ இருக்கும் கருந்துளை மற்றும் வெண்துளைக்கு பாலமாகச் செயல்படும். எனவே தான் அது பரவெளி 'அனுமான' இணைப்பு (Warm hole) என்று அழைக்கப்படுகிறது. இது மட்டும் சாத்தியமானால் நாம் மெட்ரோ ரயிலில் செல்வது போல் காலப்பயணம் செய்ய முடியும். ஆனால், துரதிர்ஷ்டவசமாக வெண்துளையும், வார்ம் ஃகோலும் அனுமானமாக, கோட்பாடாக மட்டுமே உள்ளன. இன்னும் அவை இருப்பதற்கான எந்தச் சாத்தியக்கூறும் தென்படவில்லை.

வெண்துளையும் பிங்பேங் தியரியும்:

எல்லா இடத்திலும் வெண்துளை என்பது வெறும் கோட்பாடு மட்டுமே. நிஜத்தில் இருக்கக் கூடிய சாத்தியக்கூறுகள் இல்லை என்றே சொல்லப்பட்டு வந்தது. அவை அனைத்திற்கும் முற்றுப்புள்ளி வைக்க இதோ பிக்பேங் தியரி (இதுவும் அனுமானம் தான்). வெண்துளை என்பது கருந்துளை மேலும் சுருங்கமுடியாத நிலைக்குச் சென்றதும் வெடித்து உருவாவது என்று கூறப்பட்டது அல்லவா? பிக்பேங் தியரி என்பது என்ன என்று உங்களுக்குத் தெரிந்திருக்கும். ஒரு புள்ளியில் இருந்து வெடித்துச் சிதறி இன்னும் விரிவடைந்து கொண்டிருக்கிறது இப்பேரண்டம். ஒருவேளை இப்பேரண்டமே ஒரு கருந்துளையால் ஈர்க்கப்பட்டு அது ஒரு கட்டத்திற்கு மேல் சுருங்க முடியாமல் வெண்துளையாக மாறி தன்னுள் ஈர்க்கப்பட்ட அனைத்தையும் வெளியேற்றியதையே நாம் பிக்பேங் என்று கூறுகிறோமோ? இது அனுமானமாக இருந்தாலும் ஏற்றுக் கொள்ளக்கூடிய வகையில் இருக்கிறதல்லவா?

இன்றுவரை வெண்துளை எங்காவது கண்டறியப்பட்டுள்ளதா?  

2006 ஜூன் 14, நாசாவின் 'ஸ்விப்ட்' (Swift) செயற்கைக்கோள் ஒரு மிக வலிமையான சக்திவாய்ந்த காமா கதிர் வெடிப்பைப் பதிவு செய்கிறது. ஆனால் அது வந்த திசை அதிகமாக நட்சத்திரங்கள் இல்லாத ஒன்று. இது இதற்குமுன் கண்டறியப்பட்ட அல்லது நிகழ்ந்த எந்தவொரு நிகழ்வுடனும் ஒத்துப்போகவில்லை. இந்த நிகழ்வை 'ஜி.ஆர்.பி 060614' (GRB 060614) என்றழைக்கிறது நாசா. இதற்கு முன் பல காமா கதிர் வெடிப்புகள் நிகழ்ந்திருக்கின்றன. அவை எல்லாம் ஓரிண்டு நொடிகள் நிலைப்பதே அதிகம். ஆனால் இந்தக் காமா கதிர் வெடிப்பு 102 நொடிகள் வரை நிலைத்திருந்தது. அதோடு அதன் சக்தி நம் சூரியனை விட 'ட்ரில்லியன்' (Trillion) மடங்கு அதிகமாக இருந்தது. இது ஒரு சாதாரண நட்சத்திரப் பெருவெடிப்பால் இருந்து நிகழவில்லை. இது நாம் வெண்துளையினைப் பற்றிச் செய்து வைத்திருக்கும் அனுமானங்களோடு ஒத்துப் போகிறது. இது வெண்துளை இருக்கிறது என்று உறுதிப்படுத்தவில்லை. ஆனால், இருக்கலாம் என்ற அனுமானத்திற்கு வலுசேர்க்கிறது.

வெண்துளையும், ஹாலிவுட்டும்

இருக்கா இல்லையானு நீங்க சண்ட போடுங்க, என வெண்துளையை தங்கள் படங்களில் பயன்படுத்தத் துவங்கிவிட்டனர் ஹாலிவுட்டார். இப்போது அல்ல 1980'களிலே. The Hitch Hiker's Guide to the Galaxy என்ற படத்தில் வேறு ஒரு உலகத்தில் வாழும் ஏலியன்கள். தங்கள் கிரகத்துக்கு அருகில் இருக்கும் வெண்துளையில் இருந்து வரும் பொருட்களை பயன்படுத்தியே தங்கள் உலகைக் கட்டமைக்கிறார்கள். Transformersல் கூட ஒரு எபிஸோடில் சில ட்ரான்ஸ்பார்மர் கேரக்டர்கள் கருந்துளையில் உள்ளே உள்ள ஒரு நெகடிவ் யுனிவர்சில் மாட்டிக் கொள்வார்கள். பின்னர், ஒரு வெண்துளையை கண்டறிந்து அதன் வழி மீண்டும் தங்கள் பழைய யுனிவர்சுக்கே வந்து சேர்வார்கள். 1979ல் வெளிவந்த The Black Hole என்ற படத்திலும் ஒரு 'ஸ்பேஸ் கிராஃப்ட்' கருந்துளையினால் உள்ளிழுக்கப்பட்டு வெண்துளையில் வழி வெளிவரும் ஆனால் அவர்கள் வேறொரு அண்டத்தில் இருப்பார்கள். இப்படி தங்கள் கற்பனைக் குதிரைகளை இஷ்டத்துக்குத் தட்டிவிட்டு படம் இயக்கியிருக்கின்றனர்.         
வெறும் கோட்பாடுகளை வைத்து வெண்துளை இருக்கிறது என்று அடித்துக் கூற முடியாது, அதே நேரம் இல்லை என்றும் சொல்லிவிட முடியாது. கருந்துளையும் ஒருநாள் கோட்பாடாகத்தான் இருந்தது. இன்று நாம் சாதாரணமாக பயன்படுத்தும் பல அறிவியல், மற்றும் புவியியல் நிகழ்வுகள் அனைத்தும் ஒரு காலத்தில் கோட்பாடாக இருந்தவைதான். அதை மறந்துவிட வேண்டாம்.

ரஜினிகாந்த் நடிப்பில் காலா படத்தின் இசை வெளியீட்டு விழா இன்று சென்னையில் பிரமாண்டமாக நடந்தது. இதில் பல திரை நட்சத்திரங்கள் கலந்துக்கொண்டனர்.

இதில் ரஜினிகாந்த் பேசுகையில் ‘இது ஆடியோ விழா போலவே தெரியவில்லை, படத்தோட வெற்றிவிழா போல் உள்ளது.

ஏன் வெற்றிவிழா போல், இது வெற்றிவிழா தான், கடைசியாக நான் கொண்டாடிய வெற்றிவிழா சிவாஜி தான், அதற்கு கலைஞர் கலந்துக்கொண்டு பல விஷயங்களை பேசினார்.

அவரின் குரல் இன்னும் மறக்க முடியாது, கூடிய விரைவில் அந்த குரல் மீண்டும் கேட்க வேண்டும், அது தான் என் விருப்பம்.

சிவாஜிக்கு பிறகு ரோபோ பெரிய வெற்றியடைந்தது, அந்த படத்திற்கு வெற்றிவிழா கொண்டாட முடியவில்லை, ஏனெனில் எனக்கு உடல் நலம் சரியில்லை.

அதை தொடர்ந்து உங்கள் ஆசீர்வாதத்தால் தான் என் உடல் நலம் நன்றாக ஆனது, அதன் பின் மீண்டும் நடித்தால் தான் மனம், உடல் நன்றாக இருக்கும் என்று எண்ணினேன்.

நானும் அதை தொடர்ந்து ஒரு சிலர் பேச்சை கேட்டு கோச்சடையான் படத்தில் நடித்தேன், ஆனால், ஒரு சில அதிபுத்திசாலிகள்(கிண்டலாக) கொடுத்த யோசனையால் கோச்ச்டையானில் நடித்து பிறகு அது தோல்வியுற்றாது.

நான் புத்திசாலிகள் பேச்சை கேட்பேன், அதிபுத்திசாலிகள் பேச்சை கேட்க கூடாது என்று அன்று தான் தெரிந்துக்கொண்டேன்.

இதன் பிறகு லிங்கா கதை கேட்டது தண்ணீர், அணை என்றதும் உடனே நடிக்க சம்மதித்தேன், எனக்கு தென்னிந்திய நதிகள் எல்லாம் இணைய வேண்டும்.

அப்படி நடந்தால் அடுத்த நாளே நான் கண்மூட தயார் என்று எமோஷனலாக பேச ரசிகர்கள் எல்லோரும் கத்தி ‘இப்படி பேசாதீங்க’ என்று கத்தினர்.

பல வருஷமாக ரஜினி கதை முடிந்துவிட்டது என்கின்றார்கள், ஆனால், உங்கள் புண்ணியத்தில் பல வருடங்களாக நான் ஓடிக்கொண்டே இருக்கின்றேன்.

காலத்திற்கு ஏற்றார் போல் நாமும் மாற வேண்டும் என்பதால் தான் கபாலி படம் செய்தேன்