!...Payanam...!

நெல்லை மாவட்டத்தைச் சேர்ந்த வழக்கறிஞர் பிரம்மா, ரூபாய் நோட்டுக்கள் செல்லாது குறித்த அறிவிப்புக்கு ஆர்.டி.ஐ மூலம் கேள்விகளை கேட்டுள்ளார். அதன் விவரம்..

* ரூபாய் நோட்டுகள் செல்லாது என பிரதமர் எந்த அடிப்படையில், எந்த சட்டத்தின் கீழ் அறிவித்துள்ளார் என்பதன் விவரம் தர வேண்டும்.

* ரூபாய் நோட்டுக்களானது ரிசர்வ் வங்கி கவர்னரால் கையொப்பமிட்டு நாட்டு மக்களின் பயன்பாட்டுக்கு வழங்கப்பட்டுள்ளது. அவ்வாறு வழங்கப்பட்ட ரூபாய் நோட்டுகள் செல்லாது என பிரதமர் அறிவிப்பதற்கு எந்த சட்டத்தில் வழிவகை செய்யப்பட்டது அதன் விவரம் தர வேண்டும்.

* ரூபாய் நோட்டுகள் செல்லாது என பிரதமர் தலைமையிலான அமைச்சரவைக் கூட்டத்தில் கொள்கை முடிவு எடுக்கப்பட்டு அந்த முடிவானது ரிசர்வ் வங்கி கவர்னர் அவர்களுக்கு பரிந்துரை செய்யும் அதிகாரம் மட்டுமே பிரதமருக்கு வழங்கப்பட்டுள்ளது எனில் மேற்படி ரூபாய் நோட்டுகள் செல்லாது என அறிவித்த பிரதமருக்கு எந்த அடிப்படையில் எந்த சட்டத்தின் கீழ் அனுமதி வழங்கப்பட்டுள்ளது என்ற விவரம் தர வேண்டும்.

* ரூபாய் நோட்டுகள் மக்கள் பயன்பாட்டில் உள்ளதை பிரதமர் தடை செய்து உத்தரவிட்டதை ரிசர்வ் வங்கி கவர்னர் எந்த அடிப்படையில் அந்த உத்தரவினை ஏற்பளிப்பு செய்தார் என்ற விவரம் தர வேண்டும்.

* ரூபாய் நோட்டுகள் தடை செய்யப்பட்டது தொடர்பாக என்னென்ன கோப்புகளில் பிரதமர் அவர்கள் கையொப்பமிட்டு ரிசர்வ் வங்கி கவர்னருக்கு அனுப்பியுள்ளார் அந்த கோப்புகளின் நகல் தர வேண்டும்.

* ரூபாய் நோட்டுகள் தடை செய்யப்படுவதற்கு கவர்னர் ஒப்புதல் அளித்து கையொப்பமிட்ட உத்தரவின் நகல் தர வேண்டும்.

* ரூபாய் நோட்டுகள் மக்கள் பயன்பாட்டில் உள்ளதை தடை செய்யும் அதிகாரம் சட்டத்தில் யார், யாருக்கெல்லாம் வழங்கப்பட்டுள்ளது என்ற விவரம் தர வேண்டும்.

* இந்த அறிவிப்பானது பிரதமரால் நாட்டு மக்களுக்கு எத்தனை மணிக்கு எந்த தேதியில் தொலைக்காட்சி மூலம் தெரியப்படுத்தப்பட்டது என்ற விவரமும், தொலைக்காட்சி மூலம் நாட்டு மக்களுக்கு பிரதமர் மேற்படி ரூபாய் தொடர்பாக அறிவித்த அறிவிப்பின் சி.டி நகல் தர வேண்டும்.

* அறிவிப்பு வெளியிடப்பட்ட 4 மணி நேரத்தில் 500 ரூபாய் மற்றும் 1000 ரூபாய் செல்லாது என மக்களுக்கு ஏற்பட்ட கஷ்ட, நஷ்டங்களுக்கு எடுக்கப்பட்ட முன்எச்சரிக்கை நடவடிக்கைகள், ஏற்பாடுகள் என்னென்ன என்ற அதன் தொடர்பான ஆவண நகல் தர வேண்டும்.

* அறிவிப்பு வெளியிடப்பட்ட உடன் மக்கள் என்னென்ன சிரமங்கள் மேற்கொண்டர்கள் என்பதை பற்றிய உளவுத்துறை மற்றும் நுகர்வோர் அமைப்புகள், பத்திரிகைகள் பதிவு செய்த சிரமங்கள் பற்றிய விவரங்கள் குறிப்பாணைகள் ஆவணங்களின் நகல் தர வேண்டும்.

* ரூபாய் நோட்டுக்கள் மக்களிடமிருந்தும் பயன்படுத்த முடியாத நிலையிலும் பொருட்கள் வாங்க முடியாத நிலையிலும் சிரமப்பட்டுள்ளார்கள். எனில் அதனால் நுகர்வோருக்கு ஏற்பட்ட மனஉளைச்சலுக்கு நஷ்டஈடு வழங்க வேண்டுமெனில் புகார் யார் மீது கொடுக்க வேண்டும் என்ற விவரம் தர வேண்டும்.

* அறிவிப்பினை பிரதமர் அறிவித்திருப்பது விளம்பரம் தேடும் யுக்தியாக மக்களை ஏமாற்றும் செயலில் தன்னிச்சையாக பிரதமர் செயல்பட்டுள்ளார் எனில் புகார் மனு யாரிடம் கொடுக்க வேண்டும் என்ற விவரம் மற்றும் அவர்களின் முகவரி தர வேண்டும்.

* அறிவிப்பினை கால அவகாசம் கொடுத்து அறிவிக்கப்பட்டு இருந்தால் 9.11.2016 அன்று இந்தியா முழுவதும் உள்ள வங்கிகளுக்கு விடுமுறை விட வேண்டிய அவசியம் ஏற்பட்டு இருக்காது. இது வங்கியில் கணக்கு வைத்துள்ள நுகர்வோருக்கு மிகப்பெரிய பாதிப்பையும் பொதுமக்களுக்கு மிகப் பெரிய இடையூறையும் செய்யும் நோக்கில் பிரதமர் செயல்பட்டுள்ளார் எனில் அவர் மீது நடவடிக்கை எடுக்க புகார் மனு யாரிடம் கொடுக்க வேண்டும் அதன் முகவரி தர வேண்டும்.

* ரூபாய் நோட்டுகள் செல்லுபடி ஆகாது என்று இந்தியா சுதந்திரமடைந்த பின்னர் பிரதமராக இருந்த முராஜிதேசாய் எந்த தேதியில் எந்த ஆண்டு அறிவித்தார் என்ற விவரம் தர வேண்டும்.

* முன்னாள் பிரதமர் முராஜிதேசாய் எந்தெந்த ரூபாய் நோட்டுகள் செல்லாது என தடை செய்யப்பட்டது. அவ்வாறு அறிவிக்கப்பட்ட போது என்னென்ன நடைமுறைகள் விதிமுறைகள் கடைபிடிக்கப்பட்டது என்ற விவரம் தர வேண்டும்.

* முன்னாள் பிரதமரின் அறிவிப்பின்போது ரிசர்வ் வங்கி கவர்னராக பணிபுரிந்த அதிகாரியின் பெயர் மற்றும் தடை செய்யப்பட்ட பணம் தொடர்பாக அதாவது பணம் செல்லாது என அறிவிக்கப்பட்ட நிலையில் என்னென்ன விதிமுறைகளை ரிசர்வ் வங்கி கவர்னர் பின்பற்றியுள்ளார் அதன் தொடர்பான ஆவணங்களை கோப்புகள் அனைத்தும் தர வேண்டும்.

இவ்வாறு அதில் கூறப்பட்டுள்ளது.

ரூ.500 மற்றும் 1,000 நோட்டுக்கள் செல்லாது என அறிவித்தவுடன் கறுப்பு பணத்தை, வெள்ளையாக மாற்றுவது எப்படி? என கூகுளில் அதிகம் பேர் தேடியுள்னர்.
 நாட்டில் கறுப்பு பணத்தை மீட்பதற்காக ரூ.500 மற்றும் 1,000 நோட்டுக்களை திரும்ப பெற்றுக்கொள்வதாக மத்திய அரசு நேற்று முன்தினம் அறிவித்தது. பாராட்டுகளையும், விமர்சனங்களும் இதற்கு குவிந்து வரும் நிலையில் சத்தமே இல்லாமல் மற்றொரு சம்பவமும் நடந்துள்ளது. அதன்படி, கறுப்பு பணத்தை வெள்ளையாக மாற்றுவது எப்படி? என்பது குறித்து கூகுளில் அதிகம் பேர் தேடியுள்ளதாக தகவல்கள் வெளியாகியுள்ளன.


கூகுள் தகவல்படி, இதில் ஹரியானா  மாநிலத்தில் அதிகம் கறுப்பு பணத்தை மாற்றுவது குறித்து கூகுளை நாடியுள்ளனர்.  இதற்கு அடுத்தபடியாக  குஜராத், மஹாராஷ்டிரா, டெல்லி மாநிலங்கள் உள்ளன. மேலும், புழக்கத்துக்கு வந்துள்ள புதிய ரூபாய் நோட்டுகளின் சிறப்பம்சங்கள் குறித்தும் கூகுளில் அதிகம் தேடியுள்ளனர்.

சிம்புவுக்கே கூட இது இன்ப அதிர்ச்சியாக இருக்கலாம். கவுதம் மேனன் கொடுத்த சர்டிபிகேட் அப்படி! சிம்புவோடு டிராவல் பண்ணுவது என்பது, மதயானையை தூக்கி மடியில் வைத்துக் கொள்வதற்கு ஒப்பானது என்றுதான் டைரக்டர்கள் சொல்லக் கேட்டிருக்கிறோம். ஆனால் நேற்று கவுதம் மேனன் சிம்புவை பற்றி சொன்ன வார்த்தைகள், பொன்னெழுத்துக்களால் பொறிக்கப்பட வேண்டிய விஷயம்.

“சிம்பு சொன்ன நேரத்துக்கு ஷுட்டிங்குக்கு வரமாட்டார் என்பது நிஜம்தான். ஆனால் லேட்டா வந்தாலும், அவ்வளவு ஈசியா நடிச்சுட்டு போய்டுவார். அதுமட்டுமில்ல… நான் வொர்க் பண்ணிய ஹீரோக்களிலேயே சிம்புதான் ரொம்ப கம்பர்ட். மற்ற ஹீரோக்கள்ட்ட அந்த எக்ஸ்பீயன்ஸ் எனக்கு கிடைச்சதில்ல. திரும்பவும் நான் சிம்புவை வச்சு படம் பண்ண ஆசைப்படுறேன்” என்றார். அவரது இந்த பதில் பிரஸ்சுக்கே கூட பேரதிர்ச்சிதான். ‘அச்சம் என்பது மடமையடா’ படத்தின் பிரஸ்மீட்டில்தான் இப்படியொரு பாராட்டு பத்திரம் வாசிக்கப்பட்டது சிம்புவுக்கு. ம்ஹ்ம்ம்… அதையெல்லாம் நேரில் கேட்க அவருக்குதான் கொடுத்து வைக்கவில்லை. ஏன்யா ஏன்? இந்த பிரஸ்மீட்டுக்குதான் அவர் வரவேயில்லையே!

பாடல்களும், அந்த காட்சிகளும் எப்படி? கவுதம் மேனனுக்கு நரை விழுந்தாலும், அவரது காதல் உணர்வுகளுக்கு திரை விழவில்லை என்பதை இஞ்ச் பை இஞ்ச் சொல்லிக் கொண்டேயிருந்தது ஒவ்வொரு பிரேமும்! ஏ.ஆர்.ரஹ்மானின் இசையல்லவா? அப்படியே அள்ளிக் கொண்டு போனது நம்மை.

“நான் பாட்டு கேட்டு ரஹ்மான் சாருக்கு தொந்தரவு கொடுத்ததேயில்ல. எப்பவாவது அவரே திடீர்னு போன் பண்ணி, “கம்போசிங் வச்சுக்கலாமா?” என்பார். ஒரே சிட்டிங்ல பாட்டு உருவாகிடும். தாமரை எழுத முடியாத சூழ்நிலை இருந்தப்போ மதன் கார்க்கி எழுதிக் கொடுத்தார். மற்றபடி தாமரை இரண்டு பாட்டு எழுதியிருக்காங்க” என்றார் கவுதம்மேனன்.

‘முதலில் யார் சொல்வது காதலை…’ என்கிற தாமரையின் பாடலை ஜென்மம் முடிகிற வரைக்கும் கூட கேட்டுக் கொண்டேயிருக்கலாம். அப்படியொரு இனிமை அதில்!

ஒரு பிளாஷ்பேக்! பிரபலமான அந்த பிரமாண்ட இயக்குனர் வீட்டுக்குள் அதிரடியாக நுழைந்தது வருமான வரித்துறை. தேடித் தேடி கைப்பற்றியதெல்லாம் ஏராளமான கருப்புப்பணம். பல கோடிகள் மதிப்பிலானது. பேஸ்த் அடித்து நின்ற அந்த இயக்குனரிடம், “ஒரு பைசா கொள்ளையடிச்சா தப்பில்ல. ஒரு ஒரு பைசவாவா ஒரு கோடி ரூபாய் கொள்ளையடிச்சா தப்புதானே?” என்று கேட்க, பதில் சொல்ல முடியாமல் கையை பிசைந்தார் அவர். படத்தில் அதிகாரிகள் பற்றி அவர் வைத்த சில டயலாக்குகள்தான் அந்த ரெய்டுக்கே காரணம் என்றெல்லாம் அப்போது பேசப்பட்டது.

தமிழ்சினிமாவில் தயாரிப்பாளர்கள் கொடுப்பதும் கருப்புப்பணம்தான். நடிகர்கள் கையை நீட்டி வாங்குவதும் கருப்புப்பணம்தான். பாதி கருப்பு, பாதி வெள்ளை என்ற தத்துவத்தை மீறி யாரும் படமெடுப்பதுமில்லை. யாரும் நடிப்பதுமில்லை. நல்லா படிச்ச ஆடிட்டர்கள் துணையோடு தப்பி வந்தவர்கள், மூட்டை மூட்டையாக 1000 மற்றும் 500 ரூபாய் தாள்களை கட்டி பதுக்கி வைத்திருக்கிறார்கள்.

ஒரு காமெடி நடிகருக்கு நல்ல பழக்கம் ஒன்று இருந்தது. தான் சம்பாதித்த பணத்தையெல்லாம் நிலத்தில் போட்டு ஏமாந்தது போக, மிச்சத்தை கட்டு கட்டாக ஒரு ரகசிய இடத்தில் பதுக்கி வைத்திருப்பார். வாரம் ஒரு நாள் அந்த அறையை திறந்து அவ்வளவு பணத்தையும் ஆசை தீர பார்த்துவிட்டு மறுபடியும் கதவை பூட்டிக் கொள்வார். மார்க்கெட்டிலிருந்து ஒதுங்கி வீட்டிலேயே பிடிவாதமாக இருந்த காலத்திலும் தினந்தோறும் இந்த ரகசிய அறையை திறந்து மகிழ்வது அவரது வாடிக்கைகளில் ஒன்றாக இருந்தது. மோடியின் இந்த அறிவிப்பு வந்த நாளில், நெஞ்சடைப்பே வந்துவிட்டதாம் அவருக்கு. இரவெல்லாம் ஃபுல் ஃபுல்லாக இறங்கியதாக கூறுகிறார்கள். எப்படி எல்லாத்தையும் மாற்றப் போகிறாரோ?

வெள்ளையை அப்பாகிட்ட டிடியா கொடுத்துருங்க. கருப்பை என் ஈசிஆர் பங்களாவுக்கு அனுப்பிடுங்க என்று பகுமானமாக பங்கு பிரிக்கும் அந்த டாப் ஹீரோவுக்கு நேற்றிரவு உறக்கம் வந்திருக்குமா? டவுட்டுதான்.

நடிகரும் கட்சித் தலைவருமான அவர், பல கோடிகளை மூட்டை மூட்டையாக கட்டிப் போட்டு வைத்திருக்கிறாராம். அதெல்லாம் நள்ளிரவில் எரிக்கப்படுமா, புதைக்கப்படுமா? தெரியாது. ஆனால் அவர் நேற்றிரவு பூட்டிய வாயை இன்னும் திறக்கவேயில்லையாம்.

இன்னும் இதுபோல ஏராளமான ஹீரோக்களும், தயாரிப்பாளர்களும், காமெடியன்களும் அமாவாசை இருட்டுல அ னா ஆ வன்னா எழுதப் பழகியதை போல திடுதிடுத்து நிற்கிறார்கள். மோடி சாபம் இப்படி மொத்தமா இறங்கிருச்சே கோடம்பாக்கத்துல?

ஒட்டுமொத்த இந்தியாவையும் ஒரே உலுக்காக உலுக்கிவிட்டார் பிரதமர் நரேந்திர மோடி. கருப்புப்பண முதலைகளுக்கும் கண்ணீர். வெள்ளைத்துணி வியாபாரிகளுக்கும் கண்ணீர். முதலைகளுக்கு வைக்கப்பட்ட பொறியில், முயல்களும் சிக்கிக் கொண்டு ஒப்பாரி வைப்பதால், இந்த திட்டம் நல்லதா, கெட்டதா என்கிற குழப்பத்திலேயே தலைவலிக்கு ஆளாகியிருக்கிறது இந்தியா. நவம்பர் 8 ந் தேதி முன்னிரவில் அவர் அறிவித்த அறிவிப்பு படி, அன்றிரவிலிருந்தே 500 ரூபாய் நோட்டுகளும் 1000 ரூபாய் நோட்டுகளும் செல்லாது!

தமிழ்சினிமாவில் மட்டுமல்ல, இந்திய சினிமாவே கருப்புப்பணத்தை நம்பிதான் ஓடிக் கொண்டிருக்கிறது. இங்கு வட்டிக்கு பணம் கொடுக்கிற பைனான்சியர்களும் கருப்பு பணத்தைதான் கொடுக்கிறார்கள். வட்டியும் மீட்டர் வட்டி, கடப்பாரை வட்டி என்று கழுத்தை திருகி வாயில் வைத்து நசுக்குகிறது. இப்படி பேய் ஓட்டுகிற புளோட்டிங் முறையில், கஷ்ட நஷ்டம் இருந்தாலும் களிப்பும் இனிப்புமாக அதை செய்து கொண்டிருக்கிறது சினிமா பீல்டு.

சரி… மேட்டருக்கு வருவோம். கடந்த சில மாதங்களுக்கு முன் அஜீத், 100 கோடி ரூபாய் பணத்தை வெள்ளையாகவே இந்தியாவில் இயங்கும் வங்கி ஒன்றில் டெபாசிட் செய்துள்ளதாக ரகசிய தகவல் உலவுகிறது. மாதம் ஒரு கோடி வட்டி வரும். மார்க்கெட்டில் இருந்தாலும் சரி. போனாலும் சரி. இந்த ஒரு கோடி போதும் குடும்பத்திற்கு என்று அவர் இந்த முடிவில் இறங்கியதாக கூறுகிறது சோர்ஸ்.

பொதுவாகவே தனது சம்பளத்தை ப்யூர் வெள்ளையில் வாங்குகிற வழக்கத்தை பல வருடங்களாக கடை பிடித்து வருகிறார் அஜீத். முறையான வருமான வரியையும் செலுத்தி வருகிறார். மோடியின் இந்த அறிவிப்பு, அஜீத்தை பொருத்தவரை எவ்வித நடுக்கத்தையும் ஏற்படுத்தவில்லையாம். ஒரு வேளை முன் கூட்டியே இப்படியெல்லாம் நடக்கும் என்பதை அறிந்துதான் தனது சம்பள விஷயத்தை இப்படி தீர்மானித்துக் கொண்டாரோ என்னவோ?