!...Payanam...!

நாட்டை திருத்துவதற்காக அரசியலுக்கு வரப்போவது போன்று தினமும் ஒரு நாடகத்தை அரங்கேற்றிக் கொண்டிருக்கிறார் நடிகர் ரஜினிகாந்த்.

நடிகர்களுடன் படம் எடுத்துக் கொள்ள வாய்ப்புக் கிடைக்காதா? என்று ஏங்கிக் கொண்டிருக்கும் விவசாயிகள் சங்கத் தலைவர் அய்யாக்கண்ணு, அர்ஜுன் சம்பத், அதிமுகவின் வெற்றிவேல் உள்ளிட்ட அரசியல் சாணக்கியர்களை அழைத்துப் பேசி அரசியலுக்கு வருவது குறித்து யோசித்துக் கொண்டிருக்கிறாராம் இந்த யோக்கியர்.

தமிழ்நாட்டின் சிஸ்டத்தை சரி செய்வது தான் இவரது நோக்கமாம். அடக்கடவுளே… சிஸ்டத்தை சரி செய்வது பற்றியெல்லாம் யார் பேசுவது என்று விவஸ்தை இல்லையா? சீர்திருத்தங்களைப் பற்றிப் பேச ரஜினிக்கு என்ன தகுதி இருக்கிறது.

ரஜினிகாந்த் இதுவரை நடித்த படங்களுக்கு வாங்கிய சம்பளத்துக்கு உண்மையான கணக்கு காட்டியிருக்கிறாரா? கணக்கு காட்டிய பணத்துக்கு முறையாக வரி செலுத்தியிருக்கிறாரா? ரஜினியை வைத்து திரைப்படம் தயாரித்த தயாரிப்பாளர்களை விசாரித்தால் தெரிந்து விடும்.

66 வயதாகும் ரஜினிகாந்த் இதுவரை 160 திரைப்படங்களில் நடித்திருக்கிறார். அவற்றில் முதல் 100 படங்களுக்கு அவரது ஊதியம் ஒரு கோடிக்கும் குறைவு தான். அடுத்த 50 படங்களுக்கு சராசரியாக 5 முதல் 8 கோடி வரை ஊதியம் வாங்கியிருப்பார்.

கடைசியாக நடித்த 10 படங்களுக்கு 20 கோடியில் தொடங்கி ரூ.40 கோடி வரை ஊதியம் வாங்கியிருப்பார். அதிகபட்சமாகவே வைத்துக் கொண்டாலும் அவர் இதுவரை சட்டப்படி வாங்கிய ஊதியத்தின் மதிப்பு ரூ.900 கோடி மட்டுமே.

சம்பாதித்த பணத்தை முதலீடு செய்ததில் கிடைத்த லாபத்தை கணக்கில் கொண்டாலும் கூட அதிகபட்சமாக ரூ.3000 கோடி வரை இருக்கலாம். ஆனால், கர்நாடகத்தில் மட்டும் ரூ.12,000 கோடிகளை ரஜினி முதலீடு செய்திருக்கிறார்.

தமிழகத்தில் அவரது சொத்து மதிப்பு குறைந்தது ரூ. 5000 கோடி என்கிறார்களே? அந்த சொத்துக்கள் எப்படி வந்தன? ஒன்று அவை கணக்கில் காட்டப்படாமல் சம்பாதித்த பணமாக இருக்க வேண்டும் அல்லது சட்டவிரோதமாக சம்பாதித்த பணமாக இருக்க வேண்டும்.

இப்படிப்பட்டவர் தான் தமிழகத்தை திருத்தப் போகிறாராம். மிஸ்டர் 420! போய் காசு சம்பாதிக்கும் வேலையை பாருங்கள். அது தான் உங்களுக்கு ஒத்துவரும். சேவைக்கும் உங்களுக்கும் வெகுதூரம்.

அதையும் மீறி நீங்கள் அரசியலுக்கு வந்தால் அனைத்து வீடுகளிலும் எழுதி வைக்கப்படும் வாசகம், ‘‘ யோக்கியன் வருகிறான் சொம்மைத் தூக்கி உள்ளே வை’’ என்பதாகத் தான் இருக்கும்.

கோலிவுட்டை பொறுத்தவரை யார் ஹிட் கொடுக்கிறார்களோ, அவர்களை தான் தலையில் தூக்கி கொண்டாடும். அந்த வகையில் ஒரு சில இயக்குனர்கள் ஹிட் மட்டுமின்றி மக்கள் மத்தியில் பிரபலமும் அடைவார்கள். ஆனால், முதல் படத்திற்கு பிறகு இவர்கள் என்ன ஆனார்கள் என்பதே தெரியாது, அப்படிப்பட்ட இயக்குனர்கள் குறித்து பார்ப்போம்.

சாந்தகுமார்

அருள்நிதி நடிப்பில் 2011-ம் ஆண்டு வெளிவந்த மௌனகுரு விமர்சனங்களால் கொண்டாடப்பட்டது. ஏனெனில் மிகவும் யதார்த்தமாக நகரும் கதையில் கதாபாத்திரங்கள் மிக வலுவாக இருந்தது, இப்படம் ஹிந்தியில் முருகதாஸே ரீமேக் செய்யும் அளவிற்கு பேசப்பட்டது, ஆனால், இப்படத்தின் இயக்குனர் என்ன ஆனார் என்று தற்போது வரை தெரியவில்லை.

நவீன்

பாண்டிராஜிடம் உதவி இயக்குனராக இருந்து மூடர்கூடம் தரமான படத்தை கொடுத்தவர் நவீன், டார்க் ஹியூமர் என்ற தளத்தில் மிகவும் ரசிக்கும்படியாகவும், யோசிக்கும்படியாகவும் படத்தை கொடுத்த நவீன் அடுத்தபடத்தை எப்போது தொடங்குவார் என்று யாருக்குமே தெரியவில்லை.

தியாகராஜன் குமாரராஜா

இதுவரை தமிழ் சினிமா கண்டிராத ஒரு திரைக்கதை, இந்திய சினிமாவே தலையில் தூக்கி கொண்டாடி மகிழ்ந்தது, எங்காவது ஒரு நல்ல ப்ரிண்ட் இந்த படத்திற்கு கிடைக்காதா என மக்கள் அழைந்து வருகின்றனர், இப்படம் 2011-ம் ஆண்டு வெளிவந்தது, இவர் 6 வருடங்களுக்கு பிறகு தற்போது தான் அநீதி கதைகள் என்ற படத்தை தொடங்கியுள்ளார்.

ஜான் மகேந்திரன்

இயக்குனர் மகேந்திரனின் மகன் ஜான் மகேந்திரன், இவர் இயக்கத்தில் விஜய் நடித்த படம் சச்சின், இப்படம் விமர்சனங்களால் ஒன்றும் கொண்டாடப்படவில்லை என்றாலும், இன்று வரை பல விஜய் ரசிகர்களுக்கு பேவரட் இந்த படம், இவர் அதன் பிறகு ராஞ்சனா தமிழ் பதிப்பிற்கு வசனம் எழுதினார், இரண்டு படங்கள் பூஜை போட்டு அப்படியே நின்றுவிட்டது.

ராஜேஷ் எம் செல்வா

முதல் படமே தன் குருநாதர் கமல்ஹாசனை வைத்து தூங்காவனம் என்ற படத்தை இயக்கினார், இப்படம் வெளிவந்து 2 வருடம் ஆகிவிட்டது, இன்னும் இவரும் அடுத்தப்படத்தை தொடங்கவே இல்லை.

விஜயகுமார்

உறியடி என்ற சென்சேஷ்னல் படத்தை கடந்த வருடம் கொடுத்தவர் விஜயகுமார். இப்படம் வெளிவந்து ஒரு வருடமாகிவிட்டது, இன்னும் இவரின் அடுத்தப்படத்தின் அறிவிப்பு வரவே இல்லை.

அஷ்வின் சரவணன்

நயன்தாரா முதன் முறையாக சோலோ ஹீரோயினாக நடித்து ஹிட் அடித்த படம் மாயா, இப்படத்தின் மேக்கிங்கை பார்த்து ஹாலிவுட் இயக்குனரே பாராட்டினார், ஆனால், இப்படத்தின் இயக்குனர் இன்று வரை அடுத்து என்ன படம் இயக்கவிருக்கின்றார் என்று தெரியவில்லை.

கே.எஸ்.மணிகண்டன்

ரூ 2 கோடி பட்ஜெட்டில் எடுக்கப்பட்ட கண்ணா லட்டு திங்க ஆசையா படம் சுமார் ரூ 12 கோடி வரை வசூல் செய்தது, இப்படி ஒரு ஹிட் படத்தை கொடுத்த கே.எஸ்.மணிகண்டன் எங்கே போனார் என்றே தெரியவில்லை, இப்படம் வெளிவந்து 4 வருடமாகிவிட்டது.

ரமேஷ்

தெகிடி என்ற சூப்பர் சஸ்பென்ஸ் த்ரில்லர் படத்தை கொடுத்தவர் ரமேஷ், இவர் அடுத்து என்ன படம் இயக்கவிருக்கின்றார் என்று தெரியவில்லை, புதிய காவியம் என்ற படத்தை இவர் எடுக்கப்போகின்றார் என்று மட்டும் ஒரு சில தகவல் நெட்டில் உள்ளது.

நிர்மல் குமார்

விஜய் ஆண்டனி நடிப்பில் வெளிவந்து செம்ம ஹிட் படம் சலீம், இவர் அடுத்து மலையாள படம் ஒன்றை எடுத்தார், ஆனால், தமிழில் அடுத்தப்படம் பற்றி எந்த தகவலும் இல்லை.

கார்த்திக்

கப்பல் விமர்சனங்கள் பெரிதும் இல்லை என்றாலும், யங்ஸ்டர் மத்தியில் செம்ம வரவேற்பு பெற்றது, இப்படத்தின் இயக்குனரும் தற்போது வரை தொடர்பு எல்லைக்கு அப்பால் தான் இருக்கின்றார்.

இதில் ஒரு சில இயக்குனர்கள் தங்கள் அடுத்த படங்களை பற்றி ஒரு சில தகவல்கள் தந்தாலும், ஒரு படம் முடிந்து அது ரசிகர்களிடம் வரவேற்பு பெற்றும், இப்படி அடுத்தப்படத்திற்கு இத்தனை நாட்கள் ஆவது எந்த விதத்திலும் தமிழ் சினிமாவிற்கு ஆரோக்கியம் இல்லை.

லட்சியத் திராவிட முன்னேற்றக் கழகத்தின் தலைவரும் நடிகருமான டி.ராஜேந்தர் இன்று செய்தியாளர்களைச் சந்தித்தார். அப்போது ஜி.எஸ்.டி வரி விதிப்புக்கு எதிராகப் பொங்கியெழுந்தவர், 'இதனால் நாட்டில் சட்டம் ஒழுங்கு கெடும்' என்று எச்சரிக்கை விடுத்தார். மேலும், 'வாழவைத்த தமிழ்த் திரைத்துறைக்காகக்கூட குரல் கொடுக்காதவர் ரஜினிகாந்த்' என்றும் விமர்சித்தார். அசரடிக்கும் அவரது பேட்டி அப்படியே இங்கே....
'ஈழத் தமிழர்களுக்குக் கடந்தகால மத்திய காங்கிரஸ் அரசு, துரோகம் இழைத்தது. இந்த ஒரு காரணத்துக்காகவே, அவர்களோடு (காங்கிரஸ்) கைகோத்திருந்த தி.மு.க-வோடு 'லட்சியத் திராவிட முன்னேற்றக் கழகம்' கூட்டணி சேராது என்று உறுதியாக நின்றவன் நான். அந்த வகையில், காங்கிரஸுக்கு எதிராக, 2014-ம் ஆண்டு நாடாளுமன்றத் தேர்தலின்போது பி.ஜே.பி-யின் தாமரையை மலரவைக்க மறைமுக ஆதரவும் கொடுத்தேன். ஆனாலும்கூட, கடந்த ஆண்டு பண மதிப்பிழப்பு நடவடிக்கையை பி.ஜே.பி அரசு கொண்டுவந்தபோது அதில் உள்ள சில குறைகளையும் தட்டிக் கேட்டேன். இப்போது மத்திய பி.ஜே.பி அரசு கொண்டுவந்துள்ள ஜி.எஸ்.டி எனும் 'சரக்கு மற்றும் சேவை வரி' என்பது தமிழ்த் திரையுலகைக் கடுமையாகப் பாதிக்கும், தமிழ்த் திரையுலகத்தையே நசுக்கிவிடும்.

இப்போது காலம் கடந்து தமிழ்த் திரையுலகம் போராட்டத்தை அறிவித்திருக்கிறது. வருமுன் காப்பதுதான் புத்திசாலித்தனம். மழை வருவதற்கு முன்பே தூர் வாருதல் உள்ளிட்ட நடவடிக்கைகளை எடுத்திருக்கவேண்டும். இப்போது வெள்ளம், வெள்ளம் என்று கத்துவதால் என்ன பிரயோசனம்? ஜூலை 3-ம் தேதி ஸ்ட்ரைக் என்று 30-ம் தேதி அறிவிப்பது சரிதானா?

வட இந்தியாவை வாழவைக்க நினைக்கிறது மத்திய பி.ஜே.பி அரசு. அது அவர்களுக்கு இருக்கும் பாசம். ஆனால், அதற்காக தென்னிந்திய மொழிகளான தமிழ், மலையாளம், தெலுங்கு, கன்னடம் எனப் பிராந்திய மொழிப் படங்களை ஒடுக்க நினைக்கிறது மத்திய அரசு. மாநில அரசின் உரிமைகளை மீறி உள்ளே நுழைகிறது மத்திய அரசு.

ஒரு சினிமா டிக்கெட்டுக்கு 28 சதவிகிதம் மத்திய அரசு ஜி.எஸ்.டி வரி விதிக்கிறது. மாநில அரசு அதே டிக்கெட்டுக்கு 30 சதவிகித கேளிக்கை வரி விதிக்கிறது. இதர வரிகளையும் சேர்த்து மொத்தம் 64 சதவிகித வரியை அரசுக்குக் கட்ட வேண்டியிருக்கிறது. மீதம் இருப்பது வெறும் 36 சதவிகிதம். இந்த 36 சதவிகிதத்தில்தான் திரையரங்க உரிமையாளர்கள், திரைப்பட விநியோகஸ்தர்கள், தயாரிப்பாளர்கள் அனைவரும் பங்கு பிரித்துக்கொள்ள வேண்டும். உடம்பில் இருக்கிற ரத்தத்தையெல்லாம் இப்படி உறிஞ்சிவிட்டால் நாங்கள் எப்படி வாழ முடியும்?
'தமிழில் தலைப்பு வைக்கும் படங்களுக்கு முழு வரிவிலக்கு' என்பது தி.மு.க அரசிடம், லட்சியத் திராவிட முன்னேற்றக் கழகம் போராடிப் பெற்றது. அதன்பிறகு வந்த அ.தி.மு.க அரசு, இந்த வரிவிலக்கை வேறுவிதத்தில் வழங்கிக் கொண்டிருந்தது. ஆனால், இன்றைய அரசு இந்த வரிவிதிப்பில் மாறுபடுவது ஏன்? ஒருவேளை இவர்களை ஆட்டிப்படைக்கிறதா மத்திய அரசு? ஜெயலலிதா மறைவுக்குப் பிறகு நடப்பது என்ன அ.தி.மு.க அரசா? நீட்டிய இடத்தில் எல்லாம் கையெழுத்துப் போட்ட இவர்களால்தான், இப்போது நீட் தேர்வு வந்து கிராமத்து பிற்படுத்தப்பட்ட - தாழ்த்தப்பட்ட மாணவர்கள் எல்லோரும் பாதிக்கப்படுகிறார்கள்.

'அடிக்கிற மாதிரி அடிப்போம்... வலிக்கிற மாதிரி நடியுங்கள்' என்பதுபோல் இருக்கிறது மத்திய - மாநில அரசுகளின் நடவடிக்கைகள். ஏற்கெனவே மத்திய அரசு ஜி.எஸ்.டி என்று 28 சதவிகித வரி விதிப்பார்களாம். அடுத்ததாக தமிழக அரசு கேளிக்கை வரி 30 சதவிகிதம் விதிப்பார்களாம். இப்போது இதனை எதிர்த்து வருகிற 3-ம் தேதியிலிருந்து திரைத்துறையினர் போராட்டம் அறிவித்திருக்கிறார்கள். இந்தப் போராட்டத்தை அடுத்து, மாநில அரசின் கேளிக்கை வரியை ரத்து செய்துவிடுவார்கள். அப்புறம் ஜி.எஸ்.டி வரிக்கு எதிராக யாரும் போராட மாட்டார்கள் என்பதுதான் இவர்களது திட்டம்.

சினிமாவை எந்த அரசு வாழவைத்திருக்கிறது?  இணையத்தில் படம் வெளியாகிவிடுகிறது. எங்களது காப்பிரைட்ஸுக்கு என்ன உத்தரவாதம்? 70 வருட வரலாற்றில், எந்த மத்திய அரசு கேளிக்கை வரி விதித்திருக்கிறது? என்ன புதிய வரலாறு படைக்கிறீர்களா?
ஆந்திர அரசு குறைந்த அளவில் வரி வசூலிக்கிறது. கர்நாடகம், கேரளவில் கேளிக்கை வரியே கிடையாது. அதாவது கேரள அரசு கேளிக்கை வரியை ரத்து செய்திருக்கிறது. ஆனால், தமிழக அரசு மட்டும் தமிழ்த் திரையுலகத்தின் மீது ஏன் காழ்ப்பு உணர்ச்சி காட்டுகிறது? என்ன காரணம்? ஏற்கெனவே சினிமாத் தியேட்டருக்கு வருகிற கூட்டம் குறைஞ்சுப் போச்சு. சின்னப் பட்ஜெட் படங்கள் எல்லாம் செத்துக் கொண்டிருக்கின்றன. திரைத்துறையை அழிக்காதீர்கள். எவ்வளவு பெரிய தலைவர் இறந்தாலும் ஒருவாரத்துக்கு மேல் திரையரங்குகளை மூடமுடியாது. நாடு கொந்தளித்துவிடும். எச்சரிக்கையாகவேச் சொல்கிறேன்... நாட்டில் நடக்கிற கொலை, கொள்ளை, பலாத்காரம் என எல்லாக் குற்றங்களையும் தடுக்கும் சக்தியாக, வடிகாலாக இருக்கிறது சினிமா. எனவே, சினிமாவை அழிக்க நினைக்காதீர்கள்... நாட்டில் சட்டம் ஒழுங்கே கெட்டுவிடும்!

'நம்முடைய பிரதமர் மோடியும், சூப்பர் ஸ்டார் ரஜினியும் ரொம்பவும் நெருக்கம். அதனால், ஜி.எஸ்.டி பிரச்னையில், ரஜினிகாந்த் குரல் கொடுக்க வேண்டும்' - என்று அம்மா சினி கிரியேஷன்ஸ் சிவா சொன்னார். ஆனால், நேற்று ராத்திரி வரையிலும் ரஜினிகாந்த் குரல் கொடுக்கவில்லை. 

என்னை வாழவைத்தது தமிழ்த் திரையுலகம். திரையரங்கம்தான் என்னுடைய கோயில். ரசிகர்கள்தான் என் தெய்வம். நான் சாப்பிடும் ஒவ்வொரு பருக்கைச் சோற்றையும் சினிமாதான் எனக்குக் கொடுத்தது. அந்தப் பெத்த தாய்க்காகத்தான் நான் இப்போது குரல் கொடுத்துக் கொண்டிருக்கிறேன். ஆனால், தன்னை வாழவைத்த திரையுலகுக்காக இதுவரையிலும் குரல் கொடுக்காத ரஜினிகாந்துதான், தமிழ்நாட்டுக்காகக் குரல் கொடுப்பார் என நம்புகிறீர்களா?

ரஜினிகாந்த் நல்ல நடிகர், பெரிய சூப்பர்ஸ்டார் எல்லாம் ஓ.கே. ஆனால், தன்னை வாழவைத்த சினிமாவுக்காகவே குரல் கொடுக்கவில்லையே? இந்த வரிவிதிப்பினால், சின்னப் படங்கள் எல்லாம் அழிந்துபோகுமே.... இதுபோன்ற சின்னப்படங்கள் அழிந்தால் பரவாயில்லை என்று நினைக்கிறாரா ரஜினி? தமிழ்நாட்டில் பிறந்த நாயகன் கமல்ஹாசன், ஜி.எஸ்.டி-யை எதிர்த்து வாயைத் திறந்திருக்கிறார். உண்மையிலேயே நான் அவரைப் பாராட்டுகிறேன். ஆனால், 'அரசியலுக்கு வருகிறேன்' என்பதைக்கூட ரஜினியால் ஓப்பனாகச் சொல்லமுடியவில்லையே...

இதையெல்லாம் நான் சினிமாக்காரனாகப் பேசவில்லை.... லட்சியத் திராவிட முன்னேற்றக் கழகத் தலைவராகத்தான் பேசிக்கொண்டிருக்கிறேன். காவிரிப் பிரச்னையிலும் குரல் கொடுத்தவன் நான். இதனால், கர்நாடகத்தில் படம் ஓட்டமுடியாது என்று தெரிந்தும் குரல் கொடுத்தேன். அ.தி.மு.க பொதுச்செயலாளராக சசிகலா வந்தார். அப்போதும் நான் சொன்னேன்... 'நீங்கள் அ.தி.மு.க-வுக்கு வேண்டுமானால் பொதுச்செயலாளராகலாம். ஆனால், தமிழ்நாட்டுக்கு முதல் அமைச்சராக ஆக முடியாது... ஆகக்கூடாது' என்று. இப்படிச் சொல்வதால், என் பையன் நடித்த 'அன்பானவன் அசராதவன் அடங்காதவன்' படத்துக்கு என்னென்ன சிரமங்கள் வரும் என்று தெரிந்திருந்தும் சொன்னேன். பாதிப்பு வரும் என்று தெரிந்தும் பகிரங்கமாகக் குரல் கொடுத்தேன்.

இந்தியா முழுவதும் ஒரே வரி; சமச்சீரான விலை என்றெல்லாம் சொல்கிறார்களே... நான் கேட்கிறேன்... பாப்கார்ன், கோக் போன்றவை வெளியில் எல்லாம் ஒரே விலையில் விற்கப்படும்போது, தியேட்டருக்குள் மட்டும் ஏன் அதிக விலையில் விற்கப்படுகிறது? அதிகப்பட்ச விலையைத் தாண்டி எப்படி அவர்களால் விற்கமுடிகிறது? இதனைத் தடுக்க மோடி அரசு முயற்சி எடுக்குமா? இதில் காம்போ பேக் என்று சொல்லியும் கொள்ளையடிக்கிறார்கள். இதுமட்டுமா... கார் பார்க்கிங் வசூல் கந்துவட்டியைவிடக் கொடுமையாக இருக்கிறது. இப்படி விலை வைத்தால், ஏழை எளிய மக்கள் எப்படி படம் பார்ப்பார்கள்? தியேட்டருக்கு எப்படிக் கூட்டம் வரும்? 100 ரூபாய் கட்டணம் என்பதே அதிகம். அந்தக் கட்டணத்தைக் குறைத்தால்தான் பாமர மக்களும் படம் பார்க்க வருவார்கள். திரையுலகமும் வாழும்!'' என்று ஆக்ரோஷமாக பேசினார் டி.ஆர்.

கீரை உடலுக்கு நன்மைகளை அள்ளித்தருவது போல ஆபத்தானதாகவும் காணப்படுகின்றது.

கீரையில் இருந்த பூச்சு, பூழுக்கள் வயிற்றில் சென்று குழந்தை ஒருவரின் உயிரை பறித்து விட்டது.

குழந்தையின் வயிற்றில் சிறு பூச்சிகள் சென்றாதால் இரை புழுக்களுக்கு அதை அழிக்கும் அளவு சக்தி இருக்க வில்லை. அதனால் பூச்சிகள் அங்கே தங்கி குழந்தையின் உயிரை பறித்து விட்டது.

நாம் நேசிக்கும் குடும்பத்தினர் உயிரை நாம் தெரியாமல் பறித்துவிட வேண்டாம். கீரையை சுத்தம் செய்யும் போது மிகவும் அவதானமாக இருக்க வேண்டும்.

கீரை சமையல் செய்யும் போது கவனிக்கபட வேண்டியது!!!

கீரை சமையல் செய்யும் 4 நிமிடத்திற்கு முன்னால் அகன்ற பாத்திரத்தில் இளம் சுடுநீரையும் உப்பு நீரையும் சரிசமமாக கலந்து கீரையை கட்டிலிருந்து ஒவ்வொரு தழிராக பிரித்து தண்ணீரில் முழுவதும் முழ்கும் படி வையுங்கள்.

பின்னர் 4 நிமிடம் கழிந்த பின் நல்ல தண்ணீரில் கழுவினால் புழு,புச்சிகள் இருந்தால் இறந்து விடும்.

பிக்பாஸ் நிகழ்ச்சி நான்கு நாட்களுக்கு மேலாக நடைபெற்று வருகிறது. இந்த நிகழ்ச்சியில் தினமும் பல செய்திகள் வெளிவருகின்றன.

இதில் கஞ்சாகருப்பு நடிகர் ஷக்தியுடன் உரையாடிக்கொண்டிருக்கும் போது, வாலி படம் முதல்நாள் காட்சி பார்த்த சிலர் படம் ப்ளாப் என்று கூறியதால் அதன் இயக்குனர் எஸ்.ஜே சூர்யா டவர் மீது ஏறி இப்படம் ஜெயிக்காவிட்டால் தற்கொலை செய்வேன் என்று கூறினாராம்.

ஷக்தி கூறுகையில், லயோலா கல்லூரி மாணவரான எஸ்.ஜே சூர்யா பஸ்சில் தான் செல்வார். வாலி படப்பிடிப்பின் போது அஜித் பைக் வாங்கிக்கொடுத்தார், படம் முடியும் போது கார் வாங்கித்தந்தார், அஜித்துக்கு அவரின் மீது அப்படியொரு நம்பிக்கை என்று கூறினார்.