!...Payanam...!

இசையமைப்பாளர் இளையராஜா கிறிஸ்த்தவர்களின் கடவுளான இயேசுவை பற்றி தவறாக பேசிவிட்டார் என அவருக்கு எதிராக போராட்டங்கள் நடந்துள்ளது.

சமீபத்தில் ஒரு நிகழ்ச்சியில் பேசிய இசைஞானி , “உலகத்திலேயே தோன்றிய ஞானிகளில் பகவான் ரமண மகிரிஷியை போல வேறு ஒருவர் கிடையாது. இயேசு உயிரித்தெழுந்து வந்தார் என சொல்வார்கள். இயேசு உயிரித்தெழுந்து வந்தார் என நிரூபணமாகவில்லை. பகவான் ரமண மகரிஷிக்கு மட்டும்தான் உயிரித்தெழுதல் நடைபெற்றிருக்கிறது. அதுவும் அவரின் 16 வயதில்” என்று கூறியுள்ளார்.

இது கிறிஸ்த்தவர்களின் மத நம்பிக்கையை கொச்சைப்படுத்தும் விதத்தில் உள்ளது என கூறி இளையராஜாவின் வீட்டின் முன் போராட்டம் நடத்த சிலர் முயன்றுள்ளனர். ஆனால் அவர்களை போலீசார் தடுத்து நிறுத்தி கைது செய்துள்ளனர்.

”மக்கள் நீதி மய்யத்தின் தலைவர் என இல்லாமல் தனி ஒருவராக போராட்டக் களத்திற்கு வந்தால் நடிகர் கமலை ஏற்றுக் கொள்வோம்” என தூத்துக்குடியில் ஸ்டெர்லைட் ஆலைக்கு எதிராகாப் போராடி வரும் கிராம மக்கள் தெரிவித்தனர்.

ஸ்டெர்லைட்

தூத்துக்குடியில் இயங்கி வரும் வேதாந்தா குழுமத்தின் ஒரு அங்கமான ஸ்டெர்லைட் ஆலையின் விரிவாக்கத்துக்கு அனுமதியை ரத்து செய்யவும், ஸ்டெர்லைட் ஆலையை நிரந்தரமாக மூடிட வலியுறுத்தியும் கடந்த 24 -ம் தேதி கண்டன பொதுக்கூட்டம் நடைபெற்றது. பேரணி மற்றும் பொதுக்கூட்டத்துக்குக் மாவட்ட காவல்துறை அனுமதி அளிக்காத நிலையில், உயர்நீதிமன்ற மதுரைக்கிளையில் மனுத்தாக்கல் செய்தனர். பேரணி மற்றும்பொதுக்கூட்டம் நடத்திட  நீதிமன்றம்  அனுமதி அளித்தும், சட்டம் ஒழுங்குப் பிரச்சினையை காரணமாகச் சொல்லி, பேரணிக்கு அனுமதி மறுத்து, பொதுக்கூட்டத்துக்கு மட்டுமே காவல்துறை அனுமதி அளித்தது.

ஸ்டெர்லைட் போராட்டம்

இதற்கு ஆதரவு தெரிவித்து தூத்துக்குடி மாநகரம் முழுவதும் கடைகள் அடைக்கப்பட்டன. மினி பஸ்கள், ஆட்டோ, ஷேர் ஆட்டோ, திரையரங்குகள் ஆகியவை இயங்கவில்லை. சுமார்  இரண்டாயிரம் பேர் மட்டும் வருவார்கள் என நினைத்த காவல்துறையினர், ஆயிரக்கணக்கில் மக்கள் திரண்டதும் செய்வதறியாது திணறிப்போயினர்.  மாணவர்கள், திருநங்கைகள், வியாபாரிகள், கிறிஸ்தவ சகோதரிகள், மீனவர்கள், விவசாயிகள் எனப் பல தரப்பினரும் ஆலைக்கு எதிராக மேடையில் தங்கள் எதிர்ப்பு கருத்தை அள்ளி வீசினார்கள். ஸ்டெர்லைட் ஆலை மூடப்படும் வரை எங்களது போராட்டம் தொடர்ந்து கொண்டே இருக்கும் என குமரெட்டியாபுரம் கிராமத்தினர்  தங்களது கிராமத்தில் தொடர்ட்ந்து போராட்டம் நடத்திக் கொண்டேதான் உள்ளனர்.

இந்நிலையில், “ஸ்டெர்லைட் போராட்டத்தில்  தமிழக மக்களும்  ஊடகங்களும் பங்கு பெற வேண்டும். இந்த ஆலைக்கு எதிரான இப் போராட்டத்தில் தூத்துக்குடி மக்களுடன் நானும் உள்ளேன். புரட்சிக் களம் அழைத்தால் வருவேன்” என தனது டிவிட்டர் பக்கத்தில் பதிவிட்டிருந்தார். இது குறித்து கிராம மக்களிடம் பேசினோம்,  “எந்தக் கட்சியையும், அதனைச் சார்ந்த அரசியல்வாதிகளையும் போராட்டத்திற்குள் அனுமதிக்கக் கூடாது என்பதில் மிக உறுதியாக இருக்கிறோம்.  இது மக்களுக்காக மக்கள் நடத்தும் போராட்டம். இதில் கட்சிக்காரர்களுக்கு  வேலை இல்லை. நடிகர் கமல்,  ஸ்டெர்லைட் போராட்டத்தில் தூத்துக்குடி மக்களுடன் நானும் உள்ளேன் எனக் கூறி உள்ளார். ஆனால், மக்கள் நீதி மய்யத்தின் தலைவராக இல்லாமல், தனி ஒருவராக களத்துக்கு வந்தால்  அவரை வரவேற்போம், ஏற்றுக்கொள்வோம்.” என்றனர்.  

கமல்ஹாசன் அண்மையில் தன் அரசியல் பயணத்தை முறையாக தொடங்கினார். ராமேஸ்வரம் அப்துல்கலாம் அவர்களின் வீட்டில் தொடங்கி மதுரையில் முடிந்தது.

மதுரையில் அவர் கட்சி கொடியை அறிமுகப்படுத்தி கட்சியின் பெயரையும் வெளியிட்டு பேசினார். இதற்கு பெருமளவில் மக்கள் கூட்டம் வந்ததை பார்க்கமுடிந்தது.

அவரின் அரசியல் பயணத்தின் அடுத்த கட்டமாக திருச்சியில் பொதுக்கூட்டம் நடைபெறவுள்ளது. ஏப்ரல் 4 ம் தேதி மாலை 6 மணிக்கு திருச்சி பொன்மலை கிரவுண்ட்டில் இதற்கான ஏற்பாடுகள் தயாராகிவருகிறது.

மேலும் கமல் இதற்காக சென்னையிலிருந்து அவர் வரும் 3 ம் தேதி மதியம் 1.40 மணிக்கு ரயிலில் பயணத்தை துவங்கி வழி நெடுக ரசிகர்களை சந்திக்கவுள்ளாராம்.

நடிகை வித்யா பாலன் ஹிந்தி சினிமாவில் பெரும் தாக்கத்தை ஏற்படுத்தியவர். அவரின் படங்களுக்கு மக்கள் மத்தியில் நல்ல வரவேற்பு இருப்பதுண்டு. சமீபத்தில் வந்த அவரின் படங்களும் வெற்றி பெற்றன.

இந்நிலையில் அவர் தெலுங்கில் தேஜா இயக்கும் படத்தில் கமிட்டாகியிருந்தார். இப்படம் தெலுங்கு சினிமாவின் பிரபல நடிகர் என்.டி.ஆரின் வாழ்க்கையை பிரதிபலிக்கும் படம்.

இதில் என்.டி.ஆராக அவரின் மகன் பாலகிருஷ்ணா நடிக்கிறார். அதேபோல என்.டி.ஆரின் மனைவி பசவதாராம் ஆக பாலிவுட் நடிகை வித்யா பாலன் நடிக்கிறாராம்.

இப்படத்தின் படப்பிடிப்புகள் ஹைதராபாத்தில் வரும் மார்ச் 29 முதல் ஆரம்பிக்கிறது. தெலுங்கு ரசிகர்கள் இதை மிகவும் எதிர்பார்த்து உள்ளனர்.

தற்போது அணைத்து தமிழ் தொலைக்காட்சியிலும் போட்டிபோட்டு கொண்டு ஒளிபரப்பாகிவரும் ஷோ சிங்கிங் ஷோ. இதில் சூப்பர் சிங்கர் அடுத்த மிக பிரபலமானது சன் டி வி யில் ஒளிபரப்பாகி வரும் சன் சிங்கர்.

இந்நிகழ்ச்சி இன்று பைனல் ஷோ டி வி யில் ஒளிபரப்பாகி வந்தது. இதில் தனது சின்ன சின்ன அசைவால், பாடும் திறமையால் அதுவும் இந்த சின்ன வயதில் அசத்திய அனன்யா தான் சன் சிங்கரின் முதன்மை வெற்றியாளராக தேர்ந்து எடுக்க பட்டுள்ளார்.

இதனையடுத்து இரண்டாவது இடத்தில் பூர்ணா வெற்றி பெற்றுள்ளார்.

உடல் உபாதைகளுக்கு அருமருந்தாக இருக்கும் திராட்சை பழத்தைப் பற்றிய சிறப்புத் தொகுப்பு. திராட்சையில், கருப்பு திராட்சை, பச்சை திராட்சை, பன்னீர் திராட்சை, காஷ்மீர் திராட்சை, ஆங்கூர் திராட்சை, காபூல் திராட்சை, விதையில்லா திராட்சை என, பல வகைகள் உண்டு.

எந்த திராட்சையாக இருந்தாலும், நோய்களை குணப்படுத்தும் சக்தி உண்டு திராட்சை குறித்த பல சுவாரஸ்யமான தகவல்களை தெரிந்து கொள்ளலாம்.
திராட்சையில் உள்ள சத்துக்கள்?

திராட்சை பழத்தில் சர்க்கரைச்சத்து, கார்போஹைடிரேட், டெக்ஸ்ட்ரோஸ், ப்ரக்டோஸ், பெக்டின், பார்டாரிக் அமிலம், மாலிக் அமிலம், சிட்ரிக் அமிலம், புரதம், சுண்ணாம்பு, தாமிரம், இரும்பு, பொட்டாசியம் ஆகிய சத்துக்கள் நிறைந்துள்ளது.
திராட்சை பழத்தை எந்த நேரத்தில் சாப்பிடக் கூடாது?

திராட்சை, மாம்பழம் போன்ற பழங்கள் சாப்பிடுவதால் அதிக புத்துணர்ச்சி மற்றும் சுறுசுறுப்புத் தன்மை கிடைக்கும்.

    எனவே இப்பழங்களை இரவில் சாப்பிடக் கூடாது, ஏனெனில் அதனால் துக்கமின்மை ஏற்படும்.

யாரெல்லாம் சாப்பிடக் கூடாது?

அசிடிட்டி, அல்சர் போன்ற பிரச்சனை உள்ளவர்கள் திராட்சை பழம் மற்றும் மற்ற பழங்களை வெறும் வயிற்றில் சாப்பிடக் கூடாது. ஏனெனில் அது வாய்வுத் தொல்லையை ஏற்படுத்தும்.
பழங்களை எந்த நேரத்தில் சாப்பிடலாம்?

திராட்சை முதல் அனைத்து வகையான பழங்களையும் இரண்டு வேளை உணவு சாப்பிடுவதற்கும் இடைப்பட்ட நேரத்தில் சாப்பிடலாம். இதனால் ரத்தத்தில் குளுகோஸ் அளவு சீராகி, உடலில் கொழுப்புச்சத்து சேர்வதை தடுக்கும்.

திராட்சை பழத்தின் நன்மைகள்?

தினமும் திராட்சை சாறு குடித்தால், மாதவிடாய் காலத்தில் ஏற்படும் வயிற்று வலி பிரச்சனைக்கு நல்ல பலன் கிடைக்கும்.

திராட்சை பழத்தில் பெண்களுக்கு சுரக்கும் ஈஸ்ட்ரோஜன் ஹார்மோனின் வேதிவினை மாற்றத்தை கட்டுப்படுத்தும் தன்மை உள்ளது. எனவே இதை தொடர்ந்து சாப்பிட்டால், மார்பக புற்றுநோய் ஏற்படும் வாய்ப்பைக் குறைகிறது.

வயிற்றுப்புண், மலச்சிக்கல் போன்ற பிரச்சனையை குணமாக்கி, கர்ப்பிணி பெண்களுக்கு ஏற்படும் குமட்டல், வாய்க்கசப்பு போன்ற பிரச்சனைகளுக்கு நல்ல பலன் அளிக்க உதவுகிறது.

ரத்தத்தை சுத்திகரிக்கும், எடை குறைவாக மற்றும் உடலில் அதிக சூடு இருப்பவர்கள் திராட்சை பழம் சாப்பிட்டால் நல்ல பலன் கிடைக்கும்.

திராட்சையில் உள்ள ரெஸ்வெரட்டால் எனும் அமிலம் புற்றுநோய் செல்களின் வளர்ச்சியை தடுத்து, உடலில் தேவையில்லாம்ல ஏற்படும் கட்டிகளின் வளர்ச்சியையும் கட்டுப்படுத்துகிறது.

பசி உணர்வு இல்லாமல் உள்ளவர்கள் அடிக்கடி திராட்சை சாப்பிட்டால் அது பசியை தூண்டிவிடும். அதனுடன் வயிறு மற்றும் குடலில் உள்ள கோளாறுகளை குணமாக்க உதவுகிறது.

ஒரு கைப்பிடி அளவு திராட்சையை அரைத்து முகத்தில் தடவி, 15 நிமிடங்கள் கழித்து கழுவி வந்தால், சருமத்தில் உள்ள இறந்த செல்கள், சுருக்கம் நீங்கி சருமம் பொலிவாகும்