!...Payanam...!

இயற்கை அளித்துள்ள வரப்பிரசாதமான இளநீர் வெப்பத்தை தணித்து, ஜீரண சக்தியை அளிக்கும்.
இளநீர் குடித்தால் இரத்தம் சுத்தமடைவதோடு மட்டுமல்லாமல், கல்லீரல் நன்றாக இயங்கவும் உதவுகிறது.

பெண்களின் மாதவிலக்கின் போது அடிவயிறு வலிக்கும். அதற்கு இளநீர் சிறந்த மருந்து. பேதி சீதபேதி, ரத்த பேதி ஆகும்போது பிற உணவுகளை தவிர்த்துவிட்டு உடனடியாக இளநீர் பருகிவர, உடல் அசதி, மயக்கம் வராது.

சிறுநீரகக்கல், சதையடைப்பு, சிறுநீர்க்குழாய் பாதிப்பு (Urinary Infection), போன்ற கோளாறுகள் வந்துவிட்டால் முதல் மருந்தே இளநீர் தான்.

டைபாய்டு, மலேரியா, மஞ்சள் காமாலை அம்மை நோய்கள் போன்றவற்றால் பாதிக்கப்படும்போது இளநீரைத் தாராளமாகக் குடிக்க வேண்டும்.

அறுவை சிகிச்சைகளுக்குப் பின் திரவ உணவு மட்டுமே சாப்பிட வேண்டிய சமயங்களில் இளநீருக்கு முன்னுரிமை வழங்கி உபயோகித்தால் அறுவை சிகிக்சைப் புண் (Surgical Sore) விரைவில் குணமடையும்.

இவ்வளவு நன்மைகளை மனிதனுக்கு வழங்கும் இளநீரை வெறும் வயிற்றில் குடிப்பதால் உடலில் பல்வேறு பிரச்சனைகள் ஏற்படுகின்றன.

ஏனெனில் தூங்கி எழுந்தவுடன் வயிறு சற்று சூடாக இருப்பதால், இளநீரில் உள்ள அமிலத் தன்மை வயிற்றில் புண்களை உருவாக்கும். ஏதாவது உணவு எடுத்த பின்னரே இளநீரை சாப்பிடவேண்டும்.
இதனால், ரத்தத்தில் சர்க்கரையின் அளவும் கூட அதிகரிக்கும் அபாயம் இருக்கிறது.

மேலும், வெறும் வயிற்றில் குடிக்கும்போது, இளநீரில் உள்ள அதிகப்படியான பொட்டாசியம், குளுக்கோஸ் போன்ற தாதுக்கள் வெளியேற முடியாமல் சிறுநீரகத்தில் பாதிப்புகளை ஏற்படுத்திவிடலாம்.

எனவே, உணவு இடைவேளையில்தான் இளநீர் அருந்தவேண்டும். அதுவும் வெட்டிய உடன் இளநீரைக் குடித்துவிட வேண்டும், இல்லையெனில் ஃபுட் பாய்ஸன் ஏற்படுவதற்கான வாய்ப்புகள் இருக்கின்றது.

தேனாண்டாள் பிலிம்ஸ் நிறுவனம்  'பாகுபலி' ஸ்டைலில் தயாரிக்கும் சரித்திர திரைப்படம் ' சங்கமித்ரா'  .அந்தப் படத்தை சுந்தர்.சி
இயக்குகிறார்.  இந்த படத்தில் இடம்பெறும் முக்கியமான சரித்திர  கதாபாத்திரத்தில் நடிப்பதற்கு விஜய்யை அணுகினார்கள். அதற்காக விஜய் இதுவரை பெறாத பெருந்தொகையை சம்பளமாக தருவதற்கு முன் வந்தனர். ஏற்கெனவே ஹிஸ்டாரிக்கல் பாணியில் உருவான 'புலி'படம் தோல்வியை சந்தித்ததால் தனக்கு ராஜா காலத்து கதை சரிப்பட்டு வராது என்று கூறி அந்த புராஜெக்ட்டில் இருந்து  விலகிக்கொண்டார். விஜய்க்கு பதிலாக தெலுங்கு திரையுலக சூப்பர் ஸ்டார் மகேஷ்பாபுவை 'சங்கமித்ரா' படத்துக்கு ஒப்பந்தம் செய்தனர்.


                        அடுத்து  சமூக கதையுள்ள படத்தில் நடிக்க  தேனாண்டாள் பிலிம்ஸுக்கு கால்ஷீட் கொடுத்த விஜய் அந்த படத்தை இயக்குவதற்கு அட்லியை ஒப்பந்தம் செய்யச் சொன்னார். ஆனால், அட்லி சொன்ன கதையைக் கேட்டு விஜய்க்கு திருப்தி ஏற்படவில்லை. கதை, திரைக்கதையில் பெரும் திறமை கொண்ட 'பாகுபலி' இயக்குனர் ராஜமெளலியின் அப்பா விஜயேந்திர பிரசாத் அவர்களிடம் அட்லியை அனுப்பி வைத்தார், விஜய். தெலுங்கு சினிமாவின் ஜாம்பவான் கதாசிரியரான விஜயேந்திர பிரசாத் ஏற்கெனவே மூன்று தெலுங்கு படங்களை இயக்கி இருக்கிறார். அவற்றில் நாகார்ஜூனா நடித்த 'ராஜண்ணா' பெருவெற்றி பெற்றது.


                             ராஜமௌலி இயக்கிய படங்களில் ஸ்டூடன்ட் நம்பர் ஒன்,மரியாதை ராமன்னா தவிர மற்ற அனைத்து படங்களுக்கும் ராஜமௌலியின் தந்தை விஜயேந்திர பிரசாத் தான் கதை. குஜராத் பூகம்பத்தில் சிக்கிய ஒரு சிறுமியை அவளுடைய சொந்த ஊருக்கு அழைத்துச் செல்வது போல் ஒரு மலையாள படத்தில் மம்முட்டி நடித்து இருந்தார். அதே படத்தை அப்படியே இந்தியாவில்  காணாமல்போன பாகிஸ்தான் சிறுமியை அவளுடைய நாட்டுக்கே கொண்டு சென்றுவிடும் கதையாக மாற்றி அமைத்தார், பிரசாத். இந்தியில் உருவான அந்த படத்தில் சல்மான்கான் நடித்து பிரமாதமாக ஓடியது.


                    விஜய் நடிக்கும் படத்துக்காக  உருவாக்கி வைத்து இருந்த கதையை அப்படியே வரிபிசகாமல் ஒப்புவித்தார், அட்லி. மொத்தக்ம கதையையும் முழுசாக கேட்டு முடித்தார் விஜயேந்திர பிரசாத்.  மம்முட்டி நடித்த மலையாள படத்தை எப்படி இந்தியில் சல்மான்கானுக்கு ஏற்ப இந்தியில் மாற்றங்களை செய்தாரோ அதுபோல அட்லியின் கதையில் ஆங்காங்கே பல இடங்களில் முக்கியமான திருப்பம் கொண்ட மாற்றங்களை செய்தார், பிரசாத். இறுதியாக விஜய்யிடம் முழுக்கதையையும் அட்லி சொல்ல  விஜய்க்கு பரமதிருப்தி. கதையை மாற்றி அமைத்து கொடுத்ததற்காக விஜயேந்திர பிரசாத்துக்கு கோடியைத் தாண்டும் சன்மானம் வழங்கியதாம் தேனாண்டாள் பிலிம்ஸ் நிறுவனம்!

தமிழ் சினிமாவில் 1990-களில் எப்படி பரபரப்பாக சுறுசுறுப்பாக படங்களில் நடித்துக் கொண்டு இருந்தாரோ அதைப்போலவே
கிஞ்சித்தும் குறைவில்லாமல் தமிழ், தெலுங்கு படங்களில்  பிஸியாக இருக்கிறார், சகலகலாவல்லவர் டி.ராஜேந்தர். சமீபத்தில் கே.வி.ஆனந்த் இயக்கத்தில்  டிராஜேந்தரும், விஜய் சேதுபதியும் டபுள் ஹீரோ சப்ஜெக்ட் படத்தில் நடித்து வருகின்றனர். தெலுங்குபட வேலையில் பிஸியாக இருந்த டி.ராஜேந்தரிடம் பேசினோம்.


'' டைரக்டர் கே.வி. ஆனந்த் எனக்கும், விஜய சேதுபதிக்கும் சமமான கேரக்டரை உருவாக்கி இருக்கிறார். என் கதாபாத்திரம் பற்றி சொல்வதற்கு எனக்கு ஆசைதான் ஒரு  படத்துக்கு கேப்டன் டைரக்டர்தான் அவரைமீறி நான் வெளியே சொன்னால் அது நாகரீகமாக இருக்காது.  தெலுங்கு படங்களில் வேலை பார்ப்பதால் அடிக்கடி ஹைதராபாத் சென்று கொண்டு  இருக்கிறேன். விரைவில் படப்பிடிப்பு தொடர்பாக ஆஸ்திரேலிய செல்ல இருக்கிறேன்.


எனக்கென்று தனியாக ரோலை டைரக்டர் கே.வி.ஆனந்த் செதுக்கி இருக்கிறார். இதுவரை இல்லாத அளவுக்கு என் கேரக்டரை  வேறொரு  கோணத்தில் வடிவமைத்து இருக்கிறார்,  நானும் விஜயசேதுபதியும் இணைந்து நடனமாடும் பாடல் காட்சியை படமாக்க போகின்றனர் டைரக்டர் கே.வி.ஆனந்த். இந்த பாடல் மக்களிடம் பெரிய வரவேற்பைப் பெறும் என்கிற நம்பிக்கை எனக்கு இருக்கிறது."

ஆப்பிள் ஐபோன் நிறைய பேர் வாங்க நினைக்கும் உயர் ரக ஸ்மார்ட் போன் மாடல்களில் ஒன்று. முதல் நாள் க்யூவில் நின்று வாங்கி செம ஸ்டைலாக பயன்படுத்தி கொண்டிருக்கும் உங்களுக்கு ஐபோனில் இருக்கும் இந்த விஷயம் தெரியுமா? ஐபோனில் கேமராவுக்கும் ஃப்ளாஷுக்கும் நடுவில் ஒருதுளை இருக்கும் அதனை பார்த்திருக்கிறீர்களா? அது எதற்கு என்று தெரியுமா?

ஐபோனில் கேமரா மற்றும் ப்ளாஷ்க்கு நடுவிலும், முன்புற கேமராக்கு அருகிலும், கீழ் புறத்திலும் மூன்று துளைகள் இருக்கும். இது மூன்றும் இரைச்சலை குறைக்கும் மைக்ரோபோன்கள் தான் இவை.

1. பின்பக்கத்தில் இருக்கும் மைக்ரோஃபோன் ஹச்.டி வீடிக்களை பதிவு செய்யும் போது ஏற்படும் இரைச்சலை குறைக்க உதவுகிறது.

2. முன்பக்கத்தில் இருக்கும் மைக்ரோபோன் ஃபேஸ் டைம், ஸ்கைப் கால்களின் போது உரையாடல்களில் உள்ள இரைச்சலை நீக்கி தெளிவான ஆடியோகளை வழங்க பயன்படுகிறது.

3. கீழ் புறத்தில் இருக்கும் மைக்ரோபோன் சிறியின் செயல்பாட்டை மேம்படுத்த உதவும் வகையில் அமைக்கப்பட்டுள்ளது. இதன் மூலம் சிறிக்கு ஒரு நபர் வழங்கும் கட்டளைகள் தெளிவாக புரிய வைக்க இது உதவுகிறது. அதுமட்டுமின்றி புகைப்படம் எடுக்கும் போது வரும் இரைச்சலை குறைக்கவும் உதவுகிறது.

இந்த மூன்று துளைகள் போன்ற அமைப்பு ஐபோன்களில் தெளிவாகவும் துள்ளியமாகவும் வடிவமைக்கப்பட்டிருக்கும். மற்ற போன்களிலும் இந்த வசதி இருக்கும் ஆனால் ஒரே ஒரு மைக்ரோ போன் அளவில் தான் அவை இருக்கும். ஐபோன் க்ரேஸ் உள்ளவர்களிடம் இனி இந்த கேள்வியை கேட்டு பதில் பெறுங்கள். தெரியவில்லை என்றால் நீங்கள் சொல்லி கெத்து காட்டுங்கள்.

வேட்டி அவிழும்போதுதான் பெல்ட்டின் அருமையே புரியுது சிலருக்கு! தெய்வம் என்றால் அது தெய்வம். வெறும் கல் என்றால் அது கல்தான் என்கிற கண்ணதாசனின் தாட் ஒன்றுதான் கடவுள் இல்லை என்போருக்கும், இருக்கு என்போருக்குமான சிம்பிள் கோனார் கைட்!

பிரஸ்மீட்டிலோ, அல்லது தனியாகவோ நிருபர்களிடம் பேசும் போது தன்னை பழுத்த நாத்திகவாதியாக காட்டிக் கொள்வது பாலாவின் பழக்க வழக்கங்களில் ஒன்று. “உழைக்கறதெல்லாம் நான். சும்மா கிடக்கிற கடவுளுக்கு ஏன் நன்றி சொல்லணும்?” என்று ஒரு பத்திரிகையாளர் சந்திப்பில் பளிச்சென்று கேட்டவர் பாலா. ‘அப்படின்னா… அவருக்கு பிள்ளையார் முருகன் மட்டுமல்ல, இயேசு அல்லா கூட இல்லவே இல்ல போலிருக்கு’ என்று கரையொதுங்கி விடுவார்கள் நிருபர்கள். ரைட்… இப்ப என்னய்யா ஆச்சு?

காலம் போட்டு புரட்டிய புரட்டலில் கடவுளே கதி என்றாகிவிட்டாராம் பாலா. கடந்த சில தினங்களுக்கு முன் கோவில் நகரமான கும்பகோணம் பகுதிக்கு ரகசிய விசிட் அடித்த பாலா, ஊர் விழிக்கும் முன் சில முக்கிய கோவில்களுக்கு சென்று, சாமி தரிசனம் செய்துவிட்டு வந்திருக்கிறார்.

பரமனே கதி என்று வந்த பக்தனுக்கு, இல்லேன்னு சொல்லாம எடுத்துக் கொடு ஆண்டவனே…

 'அவ்வை சண்முகி' படத்தில் மீனாவின் தந்தையாக நடிப்பதற்கு ஜெமினி கணேசன் பெயரை பரிந்துரை செய்ததே செய்திருக்கிறார் நடிகர் சிவாஜி கணேசன்தான்.

கே.எஸ்.ரவிகுமார் இயக்கத்தில் கமல், மீனா, ஜெமினி கணேசன், நாகேஷ் உள்ளிட்ட பலர் நடிப்பில் 1996ம் ஆண்டு வெளியான படம் 'அவ்வை சண்முகி'. தேவா இசையமைத்த இப்படத்தை ரவீந்திரன் மற்றும் ஹரி தயாரித்திருந்தார்கள். இப்படம் பெரும் வரவேற்பைப் பெற்றது.

'அவ்வை சண்முகி' படத்தில் முதலில் ஜெமினி கணேசன் கதாபாத்திரத்தில் சிவாஜி கணேசன் நடிப்பதாக தான் இருந்திருக்கிறது. அப்போது அக்கதாபாத்திரத்தை பயங்கர வலுவாக, காதல் எல்லாம் இல்லாமல் எழுதியிருக்கிறார் கே.எஸ்.ரவிகுமார். அப்போது திடீரென சிவாஜிக்கு உடல்நிலை சரியில்லாமல் போக, "பசங்க நடிக்க வேண்டாம்" என்று சொல்கிறார்கள் என விலகியிருக்கிறார்.

சிவாஜி நடிக்க முடியாமல் போன போது, "டேய்.. ஜெமினி கணேசன் ஆணாக இருந்தாலும் பெண்ணாக இருந்தாலும் காதலிப்பார். அவரை இந்த வேடத்தில் நடிக்க வை, நன்றாக இருக்கும்" என தெரிவித்திருக்கிறார். அதனைத் தொடர்ந்து படக்குழு ஜெமினி கணேசனை அணுகி அவரை ஒப்பந்தம் செய்திருக்கிறது.

இந்தத் தகவலை 'ரெமோ' நன்றி விழாவில் இயக்குநர் கே.எஸ்.ரவிக்குமார் வெளியிட்டார். 

தமிழ்நாட்டில் பிரபலமான நடிகர்கள் ஷூட்டிங் செய்யும் போது, ரசிகர்கள் கூட்டம் அள்ளும்.அதைத் தவிர்க்க பெரும்பாலும், வேறு மாநிலங்களில் தான் ஷூட்டிங் செய்வர்.

விஜய் நடித்துவரும் 'பைரவா' படத்தின்  கதை முழுக்க முழுக்க திருநெல்வேலியை பின்னணியாகக் கொண்டது. நெல்லையில் படப்பிடிப்பு நடத்தினால் பொதுமக்களின் அன்புத்தொல்லை அதிகரிக்கும் என்று ஹைதராபாத் ராமோஜிராவ் பிலிம் சிட்டியில் செட் போட்டு படம் பிடித்தனர். அடுத்து ராஜமுந்திர் பகுதியில் ஷூட்டிங் நடத்தினார்.  இடையில்  சில நாட்கள் பொள்ளாச்சியில்  விஜய் சம்மந்தப்பட்ட காட்சிகளை படமாக்க திட்டமிட்டு இருந்தார், இயக்குனர் பரதன். விஜய் நடிக்க வருகிறார் என்று தெரிந்த மக்கள்,  கூட்டம் கூட்டமாக   ட்ராக்டர்களிலும், கார்களிலும், டூ-வீலர்களிலும் குவிய ஆரம்பித்து விட்டனர்.

 திறந்த வெளியில் மக்கள் கூட்டம் திரண்டு நிற்பதை அறியாமல் கேரவன்  உள்ளிருந்த விஜய் ஷூட்டிங் ஸ்பாட்டுக்கு வர ஷாக் ஆகிவிட்டார். மக்கள் நெருக்கியடித்துக் கொண்டு  விஜய்யை நோக்கி முன்னேற,  திரண்டிருந்த கூட்டத்தில் திடீரென தள்ளுமுள்ளு ஏற்பட்டது. நிலவரத்தின் கலவரத்தை உணர்ந்த விஜய் சடாரென கேரவனில் புகுந்து கொண்டார். இயக்குனர் பரதனை அழைத்து 'இனி இங்கே ஷூட்டிங் வேண்டாம் உடனே பேக் -அப் சொல்லுங்கள்" என்று கறாராக சொல்லி விட்டார், விஜய். தமிழகத்தில் பொள்ளாச்சியில் எடுக்க இருந்த காட்சிகளை  ராஜமுந்திரியில் படமாக்கி விட்டார், பரதன்.

 அஜித்தின்  57-வது படத்தின் பெரும்பாலான காட்சிகளை ஐரோப்பிய நாடுகளிலேயே படப்பிடிப்பு நடத்தி விட்டார், டைரக்டர் சிவா. கடந்த இரண்டு மாதங்கள் இடைவிடாது படப்பிடிப்பில் கலந்துவிட்டு சென்னை திரும்பினார், அஜித். ப்ரியதர்ஷன் -மோகன்லால்  அன்புக்கட்டளைக்கு இணங்க சென்னை சாலிகிராமத்தில் இருக்கும் பிரசாத் லேப் ப்ரிவ்யூ தியேட்டரில் 'ஒப்பம்' திரைப்படத்தை ரசித்துப் பார்த்தார். சென்னையின் முக்கியமான வீதிகளில் அஜித்தின் 57-வது படத்தின் படப்பிடிப்பை நடத்தத் திட்டமிட்டு இருந்தார், சிவா.

சென்னை திருவான்மியூர் வீட்டில் இருந்த அஜித்திடம் சென்னை படப்பிடிப்பு தொடர்பாக பேசினார், சிவா.  'சென்னையில ஷூட்டிங் வேணாமே..' என்று தவிர்த்த அஜித்திடம் 'ஏன்...' என்று வினவியிருக்கிறார், சிவா. 'வெங்கட்பிரபு டைரக்‌ஷன் செய்த 'மங்காத்தா' ஷூட்டிங் சென்னையில் தான் நடந்தது. அப்போ பயங்கர செக்யூரிட்டு போட்டிருந்தாங்க. பின்பக்கம் ரயில்வே  ட்ரேக்  இருந்துச்சு. அதையொட்டி  பத்தடி சுவர்மேல எட்டு காலேஜ் பசங்க உயிர் பயமே இல்லாம நின்னுக்கிட்டு ஷூட்டிங்கை வேடிக்கை  பார்த்தாங்க. அதுக்கப்புறம் அவங்களுக்கு  செக்யூரிட்டு போட்டு ஷூட்டிங் நடத்தறதுக்குள்ளே போதும் போதும்னு ஆயிடுச்சு' என்று அஜித் விவரிக்க  அடுத்த ஷெட்யூல் ஹைதராபாத்துக்கு மாற்றப்பட்டது.

அடுத்து சூப்பர் ஸ்டார் நாற்காலியில் அமரப் போராடும் விஜய், அஜித் இருவரும் தமிழ்நாட்டில் சென்னையில் இருக்கும் மோகன் ஸ்டுடியோ, பிவிபி ஸ்டுடியோ தவிர வேறு இடங்களில் நடிக்க ஒப்புக்கொள்வது இல்லை.

 சென்னையை அடுத்துள்ள தமிழ்மக்கள் திரளாக வசிக்கும் திருக்கழுங்குன்றம் பகுதியில் '2.0' படத்தின் படப்பிடிப்பு நடைபெற்றது. அமெரிக்காவில் சிகிச்சை பெற்று வந்த ரஜினியை எச்சரிக்கையாக, பாதுகாப்பாக, சுகாதாரமாக இருக்க வேண்டும் என்று  அறிவுறுத்தி இருக்கிறார்கள். அதுபற்றி கிஞ்சித்தும் கவலைப்படாமல்  திருக்கழுகுன்றத்தில் வசிக்கும் மக்களோடு போட்டோ எடுத்துக்  கொண்டு '2.0' படத்தில் நடித்து வருகிறார், ரஜினி என்பது குறிப்பிடத்தக்கது.

திரைகடல் ஓடியும் திரவியம் தேடு என தமிழ் மூதாட்டி அவ்வை சொன்னது தமிழ் சினிமாவில் தழைத்து நிற்கும் ஒன்று. உலகில் அப்போதிருந்த சிவாஜி முதல் இப்போதிருக்கும் அஜித் விஜய் வரை புகழ் வளர்ந்து வரும் நிலையில் தொடர்ந்து நிறைய அரசியல் கிசுகிசுக்களும் சுற்றிவருகிறது.

ஏற்கனவே நடிகர்களை வாண்ட்டடாக வலைத்தளங்களில் வம்பிழுக்கும் கூட்டத்தில் சிக்காமல் தனித்து நிற்கும் அஜித், நிறைய போராட்டங்களை கடந்து நிற்பது அனைவரும் அறிந்ததே. சமூக வலைப்பக்கத்தில் சங்கமமாகும் சினிமா ரசிகர்கள் மற்ற நடிகர்களின் ரசிகர்களை வார்த்தை வன்முறைகளால் தாக்கி கொள்வது ஒருபுறம் இருக்க, பிரபலங்களை பற்றி தெரியாத பல விஷயங்களும் தெரிந்து கொள்ள வாய்ப்பாக இருக்கிறது.

ஏற்கனவே நடிகர் அஜித்-க்கு ஆஸ்த்திரியா நாட்டு பத்திரிகை ஒன்று சமீபத்தில் இந்தியாவின் சில்வர் ஸ்டார் ஸ்டாலோன் என்று பட்டம் வழங்கியதை தொடர்ந்து உலகின் செல்வந்த நாடுகளில் ஒன்றான புருனே நாட்டு இளவரசி அரசவையில் ஒலிக்கப்பட்ட வேதாளம் படத்தின் ஆலுமா டோலுமா பாடலை கேட்டதை அடுத்து இணையத்தளத்தில்அஜித் பற்றிய நிறைய தகவல்களை தேடியதுடன் அவருக்கு மாளிகையில் ராஜவிருந்து ஏற்பாடு செய்து அவரின் வருகைக்காக காத்திருப்பதாக செய்திகள் வெளியானது.

இப்படி ஒருபுறமிருக்க தற்போது அதே இணையத்தில் அஜித் அரசியலில் இணைய போகிறார் என நம்பகமில்லா செய்திகள் பரவி வருகிறது. ஏற்கனவே மத்தியில் அரசாளும் கட்சிக்காக நடந்து முடிந்த பாராளுமன்ற தேரத்லில் ஆதரவு தருவதாக வதந்தி வந்தது. தற்போது மீண்டும் அது விஸ்வரூபம் எடுத்துள்ளது.

தற்போது சென்னை தனியார் மருத்துவ மனையில் சிகிச்சைக்காக அனுமதிக்க பட்டிருக்கும் முதல்வர் ஜெயலலிதாவை சந்திக்க முக்கிய பிரமுகர்களும் கட்சி தொண்டர்களும், நாட்டு மக்களும் துடிக்கும் நிலையில் இந்த சூழ்நிலையை பயன்படுத்தி அஜித்தின் மார்க்கெட்டை கொண்டு அரசியலில் இழுக்க பார்க்கிறது,

ஆனால் அவரோ தானுண்டு சினிமா உண்டு என இருக்கும் நிலையில் இது குறித்து நிச்சயம் வாய் திறப்பார் எனவும் எதிர்பார்க்கிறது.

ஏற்கனவே ஒரு மூச்சாய் சில காலம் சூப்பர்ஸ்டாரை இழுத்து வந்த நிலையில் அவரோ ஆன்மீகமும் குடும்பமும் போதும் என இருக்கிறார். விடாத விமர்சனம் தொடாமல் அடுத்து விஜய்யை சீண்டியது அவரோ அடுத்தடுத்து சினிமாவில் பிசியாக இருக்கிறார்.

இனி வரப்போகும் தனுஷின் கொடி படத்திற்கு பிறகு அவரையும் அரசியல் தூண்டில் போட காத்திருக்கிறது. என்ன நடந்தாலும் இவர்கள் அமைதியாக இருக்க போகிறார்கள். பின்னர் தான் தெரிய போகிறது அது வதந்தியென்று.