!...Payanam...!

சினிமாவில் பாடலாசிரியர்களுக்கு நடுவில் நடக்கிற பாலிடிக்ஸ் இருக்கே… அது ஓ.பி.எஸ்- ஈ.பி.எஸ் பாலிட்டிக்சை விடவும் கொடுமையானது. வெயிட்டான கவிஞர்களாக இருந்தால் கூட அவர்களின் மனசு, நிச்சயம் ஒயிட்டா இருக்காது என்று நினைக்கிற அளவுக்கு இருக்கும் அவர்களின் பாடல் பறிப்பு நடவடிக்கை. இந்த மறைமுக மங்காத்தா ஆட்டத்தை, பொதுவெளியில் போட்டு உடைத்தார் சினேகன். இடம் – ‘குரு உச்சத்துல இருக்காரு’ பாடல் வெளியீட்டு விழா.

தாஜ்நூர் இசையமைத்திருக்கும் இப்படத்தில் நான்கு பாடல்களை மீனாட்சி சுந்தரம் என்ற இளையவர் எழுத, ஆளுக்கொரு பாடல்களை எழுதியிருக்கிறார்கள் சினேகனும், பா. விஜய்யும். நிகழ்ச்சியில் மைக்கை பிடித்த மீனாட்சிசுந்தரம், ‘இரண்டு பிக் பாஸ்களுக்கு நடுவில் நான் ஒரு ஸ்மால் பாக்ஸ் ஆக இருந்து இந்த பாடல்களை எழுதியிருக்கேன்’ என்றார் அவர். பின்னாலேயே பேச வந்த சினேகன், இப்படியெல்லாம் பிக் பாஸ்னு ஐஸ் வச்சி எங்க வாய்ப்பை பறிச்சுடலாம்னு நினைக்காதீங்க. நாங்க எங்க இடத்தை விட்டுக் கொடுக்கவே மாட்டோம் என்றார் சிரித்துக் கொண்டே. கவிஞர்களுக்கு நடுவில் நடந்த இந்த பாடல் பறிப்பு சங்கதி, பார்வையாளர்களை முணுமுணுக்க வைத்தது தனிக்கதை.

அதற்கப்புறம் சினேகன் பேசிய வார்த்தைகள் சினிமாவுலகம் கவனிக்க வேண்டிய விஷயம். “இந்தப் படத்திற்கு இசையமைத்திருக்கிற தாஜ்நூர் மிகச்சிறந்த இசையமைப்பாளர். சும்மா பேப்பர்ல வந்த செய்தியை கட் பண்ணிக் கொடுத்தால் கூட அதையும் ஒரு பாடலாக்கிக் கொடுத்துடற அளவுக்கு திறமைசாலி. ஆனால் அவருக்கு ஒரு நிரந்தர இடம் ஏன் இன்னும் கிடைக்கல என்று நினைச்சாதான் வருத்தமா இருக்கு என்றார்.

பைசா படத்தின் ஹீரோயின் ஆராவும் புதுமுகம் குரு ஜீவாவும் ஜோடியாக நடித்திருக்கிறார்கள். இந்த குரு ஜீவா தயாரிப்பாளர் தனசண்முகமணியின் மகன்!

இந்த தலைப்புதான் இப்படியொரு படத்தை எடுக்கவே எனக்கு நம்பிக்கையும் துணிச்சலும் கொடுத்தது என்றார் தனசண்முகமணி. படத்தை தண்டபாணி இயக்கியிருக்கிறார். இவரும் ஏ.ஆர்.முருகதாசும் ஒரே ஊரைச் சேர்ந்தவர்களாம். அந்த பழக்க வழக்கத்திற்கு மரியாதை அளிக்கும் விதத்தில், இப்படத்தின் பாடல்களை வெளியிட்டு உதவியிருக்கிறார் முருகதாஸ்.

அஜித் நடித்த விவேகம் படம் கடந்த விநாயகர் சதுர்த்திக்கு ஸ்பெஷல் ரிலீஸ் ஆனது. படம் கலவையான விமர்சனங்களை சந்தித்தாலும், வசூல் அளவில் வெற்றி பெற்றது. அதிக நாட்களும் இப்படம் ஓடியது.

இந்நிலையில் இன்று விநியோகஸ்தர்களில் ஒருவரான வெங்கடாசலத்தின் வீட்டில் 4 வருமான வரித்துறை அதிகாரிகள் சோதனை நடத்தியது சற்று பரபரப்பை ஏற்படுத்தியது.

இவர் ரூ. 6.25 கோடிக்கு விவேகம் படத்தை வாங்கி திருச்சியில் வெளியிட்டிருந்தாராம். வேதாரண்யம் ,கருப்பம்புலம் பகுதியில் உள்ள இவரது அவர் வீட்டில் சோதனை நடத்தப்பட்டது.

மேலும் விவேகம் படம் வெளியிட்டது குறித்து பல கேள்விகள் கேட்கப்பட்டதாக தகவல் வெளியானது.

கலப்பட பெருங்காயத்தை அறியும் வழி
கலப்பட பெருங்காயம் சமையல்பெருங்காயம்
வாயுத் தொல்லைக்கு பெருங்காயம்


பெரின்னியல் (pernnial plant) என்னும் சிறு மரவகையின் பிசின்தான் பெருங்காயம் என்பது. இது இந்தியாவில் பஞ்சாப், காஷ்மீர் ஆகிய பகுதிகளிலும், வெளிநாடுகளில் ஈரான், ஆப்கானிஸ்தானம், துருக்கி, பெஷாவர் போன்ற இடங்களிலும் இந்தச் சிறு மரம் நன்றாக விளைகிறது.

மார்ச்-ஏப்ரல் மாதங்களில் பூ பூப்பதற்கு முன்பாக, நான்கு, ஐந்து வருடங்களாக வளர்ந்து வந்துள்ள சிறுமரத்தின் கேரட் வடிவத்திலுள்ள வேர்ப்பகுதியை நறுக்கி, அதன் மேல் பகுதியை மண்ணாலும் காய்ந்த குச்சிகளாலும் மூடிவைப்பார்கள். சில நாட்களுக்குப் பிறகு, வேரின் நறுக்கிய பகுதியிலிருந்து பால் போன்று வடிந்துள்ள பிசினைச் சுரண்டி எடுத்துவிடுவார்கள். மறுபடியும் வேரை நறுக்கி, சில நாட்களில் அதில் படிந்துள்ள கோந்து போன்ற பகுதியைச் சுரண்டிவிடுவார்கள். இப்படியாக வேரை நறுக்க நறுக்க, வெளிப்படும் பிசின் முழுவதுமாக வரும்வரை தொடர்ந்து செய்துகொண்டே இருப்பார்கள்.

இருவகை நிறங்களில் இந்தப் பிசின் கிடைக்கின்றன. கருப்பு மற்றும் வெள்ளை நிறங்களில் அவை இருக்கும். கருஞ்சிவப்பான பிசினும் கருப்பு வகையில்தான் சேர்க்கப்படும். வெள்ளை நிறமாக உள்ள பால் பெருங்காயம் நல்ல மணமும் மருத்துவக் குணங்கள் அதிகம் கொண்டதுமாகும்.

கலப்படம் செய்து விற்கப்படும் பெருங்காயத்தை அறிந்து கொள்ள ஒரு வழி இருக்கிறது. இந்தப் பெருங்காயத்தைத் தண்ணீரில் போட்டால் கரையாமல் கோந்து போலக் காணும். அந்தக் கோந்தை எடுத்து எரித்தால் கரி மட்டுமே மிஞ்சும். கலப்படமில்லாத சுத்தமான பெருங்காயமானால் தண்ணீரில் போட்டவுடன் கரைந்து தண்ணீர் பால் நிறமாக மாறிவிடும். மேலும் சுத்தமான பெருங்காயத்தின் மேல் தீக்குச்சியைப் பற்றவைத்துப் போட்டால் கற்பூரம் போலப் பற்றிக் கொண்டு முழுவதுமாக எரிந்துவிடும்.

பெருங்காயத்திலுள்ள “ஓலியோ ரெஸின்’ மிக உயர்ந்த மருத்துவ குணங்களைக் கொண்டது.

பாவப் பிரகாசர் எனும் முனிவர் பெருங்காயத்தைப் பற்றி குறிப்பிடுகையில் அது உஷ்ணம் (சூடான வீர்யத்தைக் கொண்டது), பாசனம் (எளிதில் தானும் ஜீரணமாகி தன்னைச் சுற்றியுள்ள மற்ற உணவையும் விரைவில் ஜீரணம் செய்துவிடும்), ருச்யம் (வாயில் ருசியை அறியும்.

கோளங்களில் படிந்துள்ள அழுக்கை அகற்றி ருசியைத் தூண்டிவிடும்). ஸ்த்ரீபுஷ்பஜனனம் (கருப்பையைச் சார்ந்த முட்டையை நன்றாக உற்பத்தி செய்து மாதவிடாய் கோளாறுகளைப் போக்கும் அதனால்தான் பிரசவித்தவுடன் தாய்க்கு இதைப் பொரித்துப் பூண்டு, பனை வெல்லம், இஞ்சிச் சாறு இவைகளுடன் கொடுப்பது உண்டு), பவ்யம் (உடலுக்கு வலுவைக் கூட்டும் பெருங்காயத்தை நெய்யில் பொரித்துத் தசமூலாரிஷ்டம், வில்வாதி லேஹ்யம், ஜீரக வில்வாதி லேஹ்யம் இவைகளில் ஏதாவது ஒன்றுடன் சிட்டிகை சேர்த்து உணவிற்குப் பின் சாப்பிட, வயிற்றில் அஜீர்ணம், அஜீர்ண பேதி, குடலோட்டம், பசியின்மை, ஜீரண சக்திக் குறைவு ஆகியவற்றைப் போக்கி, உடலுக்கு வலுவைத் தரும்), மூர்ச்சாபஸ்மாரஹ்ருத்பரம் (மூர்ச்சை எனும் மயக்கநிலை, வலிப்பு ஆகிய நோய்களில் மிகவும் உபயோகமானது) என்று கூறுகிறார்.

பசலைக்கீரை போல் உடலுக்கு நன்மை செய்யும் சத்து உள்ள எளிய உணவு வேறு இல்லை எனலாம்
.

பசலைக் கீரை பொதுவாக மூன்று வகைப்படும். சிறு வெற்றிலை அளவில் செந்நிறமுடையதாக இருக்கும் இலைகளுடன் கொடியாகப் படரும் பசலை கொடிப்பசலை எனப்படுகிறது. இதை வீட்டுத் தோட்டத்திலும் தொட்டிகளிலும் எளிதாக வளர்க்கலாம்.


தரைப் பசலையின் இலைகள் மிகவும் சிறுத்து இளஞ் சிவப்பாகவும், பச்சையாகவும் இருக்கும். இது தரையில் படரும்.


இரும்புச் சத்து, பீட்டா கரோட்டின், ஃபோலிக் அமிலம், கால்சியம் எல்லாமே இதில் அதிகம்.


ஃபோலாசின் நோய்த் தடுப்புக்கு முக்கியம் என்பதால் இதய நோய் வராமல் தடுக்க உதவுகிறது. அதே சமயம் இதிலிருக்கும் ஆக்ஸாலிக் அமிலம் உடலில் இரும்பு, கால்சியம் சேராமல் தடுக்கிறது. இதனால் இதய நோயாளிகள் இந்தக் கீரையை அளவுக்கு மீறி சாப்பிடக் கூடாது.


இந்தக் கீரையில் வைட்டமின் A B C சத்துகள் உள்ளன. சுண்ணாம்புச் சத்து, நார்ச் சத்து, இரும்புச் சத்து அடங்கியது. இது தாதுவைக் கெட்டிப்படுத்தும். மூளைக்கு சக்தி கொடுக்கும். உடல் வறட்சியை அகற்றும். உள் சூட்டைப் போக்கும். மருத்துவக் குணங்கள் இதில் மிக அதிகமாக உள்ளன. பச்சையம் கொழுப்பைக் கரைக்கும் தன்மை கொண்டது.


பசலைக் கீரை ரத்தத்தின் சிவப்பு அணுக்கள், ஹீமோகுளோபின் ஆகியவை அதிகமாக உற்பத்தியாக உதவுகிறது. ஹீமோகுளோபின் ரத்தத்தில் ஆக்ஸிஜனை ஏற்றிச் சென்று உடலின் செல்களுக்கு தந்து அங்கிருந்து கரியமில வாயுவை வெளியேற்றுகிறது. இதனால் ரத்தம் சுத்தமாகி உடலில் பாக்டீரியா தாக்காமல் தடுக்கிறது. இக்கீரையில் இருக்கும் பொட்டாசியம் நரம்பு மண்டலத்துக்கு வலுவூட்டுகிறது. ரத்த அழுத்தம் சீராக இருக்கவும் பயன்படுகிறது.


இதிலுள்ள விட்டமின் ஏ பார்வைக் கோளாறைத் தடுப்பதோடு சோர்வை நீக்கி, ரத்த விருத்திக்கும் உதவுகிறது.


ஒரு கப் பசலைக் கீரையில் இருக்கும் உணவுச் சத்து: கலோரி 40, கொழுப்பு 0, சோடியம் 80 மில்லி கிராம், விட்டமின் ஏ 6800 IU (இது ஒரு நாளைக்கு தேவைப்படும் அளவை விட ஒன்றரை மடங்கு அதிகம்), விட்டமின் சி 28 மி.கிராம், ஃபோலாசின் 200 மி.கிராம், கால்சியம் 100 மி.கிராம், பொட்டாசியம் 560 மி.கிராம்.


இலையை நன்றாக அரைத்து கொப்புளம், கழலை, வீக்கம் ஆகியவற்றின் மீது பற்றிட்டால் அவை குணமாகும். இலையை அரைத்து நெற்றியில் பற்று போட்டால் சூட்டினால் உண்டான தலைவலி நீங்கும். பசலைக் கீரை ஏழைகளின் சத்துள்ள தாவர டானிக்!

`ஒருவர் முயற்சி என்ற ஒன்றை மட்டும் கையில் எடுத்துவிட்டால், அவரால் செய்ய முடியாதது ஒன்றுமில்லை.’ இந்த வாசகத்தைச் சொன்னவர் சாதாரண ஆள் கிடையாது. உலகின் பல நாடுகளைத் தன் வீரத்தாலும், புத்திசாலித்தனத்தாலும், படைபலத்தாலும் வென்ற மாவீரர் அலெக்ஸாண்டர். `இது சாத்தியமில்லை’, `இதை யாராலும் செய்ய முடியாது’ எனப் பலர் கைவிட்ட அரிய செயல்களை சிலர் தங்கள் திறமையாலும், அர்ப்பணிப்பு நிறைந்த உழைப்பாலும் சாத்தியமாக்கியிருக்கிறார்கள். அவர்களைப் போற்றும் சரித்திரச் சின்னங்களாக இன்றைக்கும் சில அற்புதமான கட்டடங்கள், தேவாலயங்கள், அரண்மனைகள்... என எத்தனையோ உலகமெங்கும் நிறைந்திருக்கின்றன. அவற்றில் ஒன்று, அமெரிக்கா, நியூயார்க்கில் பார்ப்பவர்களை பிரமிக்கவைக்கும்படி நீளமாகக் காட்சியளிக்கும் `புரூக்ளின் பாலம்.’ இதை வடிவமைத்து, கட்டி முடித்தவர்களின் கதை நம்மைக் கலங்கவைப்பது. அந்தக் கதையில் அப்படி என்ன விசேஷம்... பார்க்கலாமா? 

புருக்ளின் பாலம்

அவர் பெயர் ஜான் அகஸ்டஸ் ரோப்ளிங் (John Augustus Roebling). ஜெர்மனியில் பிறந்து அமெரிக்காவில் செட்டிலான பிரபல இன்ஜினீயர். `சஸ்பென்ஷன் பிரிட்ஜ்’ (Suspension Bridge) என்று பொறியியல் துறையில் சொல்வார்கள். அந்த வகை பாலங்கள் சிலவற்றை அமெரிக்காவில் சிறப்பாக வடிவமைத்து, கட்டிக்கொடுத்து நல்ல பெயர் எடுத்திருந்தார் ஜான்.  1863-ம் ஆண்டு அவருக்கு ஒரு யோசனை பிறந்தது. நியூயார்க்கின் மன்ஹாட்டனுக்கும் புரூக்ளினுக்கும் நடுவில் `ஈஸ்ட் ரிவர்’ (East River) ஓடிக்கொண்டிருந்தது. `அதற்கு மேல் கண்ணைக் கவரும் பாலம் ஒன்றைக் கட்டினால் என்ன?’ என்று நினைத்தார். நினைத்ததை தன் சக பொறியாள நண்பர்களிடம் பகிர்ந்தார். கேட்டவர்கள் அவரைக் கேலி செய்தார்கள். `இதை மறந்துடுங்க’, `அப்படி ஒரு பாலத்தைக் கட்டவே முடியாது’ என்றார்கள்.

`சாத்தியமில்லை’ என்று பிறர் சொல்வதை சாத்தியப்படுத்தும் வேட்கை கொண்டவர் ஜான். அந்தப் பாலத்தைக் கட்டி முடித்தே தீருவது என்கிற முடிவுக்கு வந்தார். அவருடைய மகன் வாஷிங்ட்ன் ரோப்ளிங். அவரும் ஒரு இன்ஜினீயர்தான். மகனை அழைத்தார். விஷயத்தைச் சொன்னார். முடிவாக ``அந்தப் பாலத்தை எப்படியாவது கட்டி முடித்தே ஆக வேண்டும்’’ என்றார். இருவரும் நாள் கணக்கில் விவாதித்தார்கள். மன்ஹாட்டனுக்கும் புரூக்ளினுக்கும் போய்வந்தார்கள். ஈஸ்ட் ரிவரை அங்குலம் அங்குலமாக அலசினார்கள். அந்தப் பாலத்தை எப்படிக் கட்டுவது... அதனால் ஏற்படும் இடர்கள் என்னென்ன... அவற்றை எப்படிக் களைவது? - எல்லாவற்றையும் பேசித் தீர்த்தார்கள்.

புரூக்ளின் பிரிட்ஜ்

ஜானின் கனவுப் பாலம் நனவாகும் அந்த நாள் வந்தது. அது, 1869-ம் ஆண்டு. வேலை செய்ய ஆட்களைத் திரட்டினார்கள்; வேண்டிய உபகரணங்கள், தளவாடங்கள் அனைத்தையும் சேகரித்தார்கள். களத்தில் இறங்கினார்கள். `ஈஸ்ட் ரிவர்’ என்கிற அந்த நதியின் மேலாக ஜான் கற்பனையாலேயே அந்தக் கனவுப் பாலத்தைக் கட்டிப் பார்த்தார். பாலம் கட்டும் வேலை ஆரம்பமானது.

வேலையை ஆரம்பித்து சில மாதங்கள்கூட ஆகியிருக்கவில்லை. பாலம் கட்டுமிடத்தில் ஒரு விபத்து... அல்ல... துயரம். ஜான் ஒரு கப்பல் துறையின் மேடை விளிம்பில் நின்றுகொண்டிருந்தார். அப்போது வேகமாக துறைமுகத்தை நோக்கி வந்த ஒரு சிறு வணிகக் கப்பல் (Ferry) மோதியதில் அவர் கால் விரல்களில் படுகாயம். கிட்டத்தட்ட கூழாகிப் போயின விரல்கள். மருத்துவர்கள், `கால் விரல்களை எடுத்துவிட வேண்டும், இல்லையென்றால் ஆபத்து’ என்று சொல்லிவிட்டார்கள். விரல்களை அறுவைசிகிச்சை செய்து அகற்றினார்கள். மேற்கொண்டு மருத்துவ சிகிச்சைக்கு ஒப்புக்கொள்ளவில்லை ஜான். `வாட்டர் தெரபி’ என்று ஏதேதோ மாற்று வைத்தியம் செய்து பார்த்தார். அவருடைய உடல்நிலை நாளுக்கு நாள் கவலைக்கிடமானது. `டெட்டானஸ்’ (Tetanus - தசைகளில் ஏற்படும் ஒருவகைத் தொற்று) என்றார்கள் மருத்துவர்கள். பிறகு என்ன சிகிச்சை கொடுத்தும் கேட்கவில்லை. அந்த விபத்து நடந்து வெறும் 24 நாள்களிலேயே இறந்து போனார் ஜான்.

ஜானின் மகன் வாஷிங்டனின் கைக்கு புரூக்ளின் பாலம் கட்டும் பொறுப்பு வந்தபோது அவருக்கு 32 வயது. அப்பாவின் மரணம், வாஷிங்டனைக் கொஞ்சம் உலுக்கித்தான் போட்டது. இருந்தாலும், அப்பாவின் லட்சியம் அவருக்கு நினைவுக்கு வந்தது. ஆனால் தொடர்ந்து பல பிரச்னைகள், இன்னல்கள், தடைகள் பாலம் கட்டுவதில் ஏற்பட்டுக்கொண்டே இருந்தன. பாலத்தின் கட்டுமானப் பணியில் ஈடுபட்டிருந்த தொழிலாளர்கள் பலருக்கு உடல்நலக் கோளாறு ஏற்பட்டது. அது, வாஷிங்டனையும் விட்டுவைக்கவில்லை. ஆரம்பத்தில் வாய்வு தொடர்பான `கேய்ஸன் நோய்’ (Caisson Disease), `டிகம்ப்ரெஷன் நோய்’ (Decompression sickness) என்றார்கள். ஆனால், அந்த நோய் வாஷிங்டனைப் படுத்தி எடுத்துவிட்டது. ஒரு கட்டத்தில் மூளையில் பாதிப்பு ஏற்பட்டு, பக்கவாதம் வந்தது. அதன் விளைவாக அவரால் வாய் பேச முடியவில்லை; நடக்க முடியவில்லை. `அவ்வளவுதான் புரூக்ளின் பிரிட்ஜ் பிராஜக்ட்’ என்ற முடிவுக்கே வந்துவிட்டார்கள் விஷயத்தைக் கேள்விப்பட்டவர்கள். ஏனென்றால், ஜானுக்கும் அவர் மகன் வாஷிங்டனுக்கும்தான் அந்தப் பாலத்தை எப்படிக் கட்டி முடிக்க வேண்டும் என்பது தெரியும். அப்பா இறந்துவிட்டார்; மகன் நடைப்பிணம். பிறகு எப்படி பாலத்தைக் கட்டுவார்கள்?

நடமாட்டமில்லை, பேச முடியவில்லை. ஆனால், வாஷிங்டனுக்கு எப்படியாவது பாலத்தைக் கட்டி முடித்துவிட வேண்டும் என்கிற வேட்கை இருந்தது. தான் நினைப்பதை ஒருவர் புரிந்துகொண்டால் போதும். அதை அவர் மற்ற இன்ஜினீயர்களுக்கு தகவல் பரிமாற்றம் செய்யலாம். அவர்கள் தான் நினைத்ததைச் செய்துவிடுவார்களே! என யோசித்தார். அந்தத் தகவல் பரிமாற்றத்துக்கு உதவ தன் மனைவியையே தேர்ந்தெடுத்தார் வாஷிங்டன். அப்போது அவரால் ஒரு கையைத்தான் உயர்த்த முடிந்தது. அதிலும் ஒரு விரல்தான் லேசாக செயல்பட்டுக்கொண்டிருந்தது. அந்த விரலால் தன் மனைவியின் கையைத் தொடுவார். அந்தத் தொடுகை மூலமாக அவர் என்ன சொல்ல வருகிறார் என்பதை கேட்டுக் கேட்டு அவர் மனைவி புரிந்துகொள்ள ஆரம்பித்தார். அது வரை யாரும் கேள்விப்பட்டிராத `பிறரின் கையை விரலால் தொட்டுத் தொட்டுச் சொல்லும்’ சங்கேத மொழி.

வாஷிங்டனின் மனைவி எமிலி வெகு சீக்கிரமே அந்த மொழியைக் கற்றுக்கொண்டார். கணவர் சொன்னதை மற்ற இன்ஜினீயர்களுக்கு எடுத்துச் சொன்னார். மறுபடியும் பாலம் கட்டும் வேலை வேகமெடுத்தது. எமிலி, வாஷிங்டன் ரோப்ளிங்குக்கு 11 வருட காலம் உதவினார். பாலம் சிறப்பாகக் கட்டி முடிக்கப்பட்டது. 1869-ம் ஆண்டு தொடங்கிய பணிகள், 1883-ம் ஆண்டு முடிவடைந்தன. கிட்டத்தட்ட 14 அண்டுகள். அமெரிக்காவே அந்தப் பாலத்தை ஆச்சர்யத்தோடு பார்த்தது. முடியாது என்றதை முடியும் என்றார் தந்தை; முடித்தே காட்டிவிட்டார் மகன். கண்ணைக் கவரும் அந்த `புரூக்ளின் பாலம்’ கம்பீரமாக இன்றும் நிமிர்ந்து நிற்கிறது. அந்த அப்பா, மகனின் மன உறுதிக்கும், நம்பிக்கைக்கும் எடுத்துக்காட்டாக!

இயக்குநர் இமயம் பாலசந்தரின் இயக்கத்தில் முதல் பட வாய்ப்பு, ஒரு ஹோலிப் பண்டிகை அன்று ‘சிவாஜிராவ்’ ரஜினிகாந்த் ஆகிறார். பாலசந்தரின் இயக்கத்தில் அடுத்தடுத்த படங்கள். இப்படி 70-களில் தொடங்கிய பயணம் 80-களில் பாரதிராஜா, எஸ்.பி.முத்துராமன், பஞ்சு அருணாசலம், ஆர்.தியாகராஜன் என்று கடந்து, 90-களில் சுரேஷ் கிருஷ்ணா, கே.எஸ்.ரவிக்குமார், பி.வாசு ஆகியோருடன் பயணித்து, இரண்டாயிரம்களில் ஷங்கர், பா.இரஞ்சித் என்று தொடர்கிறது.

இந்தப் பயணமும் வாழ்வும் இன்னும் அவருக்கே ஆச்சர்யம்தான். இதை அவரின் பேச்சுகளிலிருந்து புரிந்துகொள்ள முடியும். இவர் அறிமுகமான காலத்தில் இருந்த ஹீரோக்களுடன் போட்டிபோடுவதற்கான நிறமோ, முகவெட்டோ கிடையாது. வசதியான குடும்பப் பின்னணி கிடையவே கிடையாது. குறிப்பாக, கர்நாடகாவிலிருந்து வந்தவர். ஆனாலும் இங்கு சூப்பர் ஸ்டார் என்று கொண்டாடப்படும் அளவுக்கு வளர்ந்ததும்,  இந்தியாவின் மெகா பட்ஜெட் பட ஹீரோ என்ற அளவுக்குத் தன்னைத் தக்கவைத்ததும் ஆச்சர்யம்தான். இந்த ‘நடத்துநர்-நடிகர்’ பயணம் ஆர்வக்கோளாறினால் நிகழ்ந்தது அல்ல, தனக்கு விதிக்கப்பட்டது என்பதை முழுமையாக நம்புகிறார். அதனால்தான் ‘மாயா மாயா எல்லாம் மாயா’ என்று பாடியபடி தன்போக்கில் நடக்கிறார்.

இடையிடையே வெளிவரும் ரஜினியின் அரசியல் வாய்ஸ், நாம் அனைவரும் அறிந்ததே. ‘எப்ப வருவேன், எப்படி வருவேன்னு யாருக்கும் தெரியாது. ஆனால், வரவேண்டிய நேரத்தில் கண்டிப்பா வருவேன்!’ - இது அவர் பட டயலாக்தான். இந்தக் கால்நூற்றாண்டு எதிர்பார்ப்புக்கு, அவரின் அரசியல் வரவுமீதான கேள்விகளுக்கும் கேலிகளுக்கும் பதிலாகத் தன் பிறந்தநாளில் அறிவிப்பு இருக்கும் என்றொரு செய்தி. இது வருடாவருடம் வரும் வழக்கமான செய்திதானே என்று நினைக்கலாம். ஆனால், அவரைப்பொறுத்தவரை போர் வந்துவிட்டது. இப்போது அந்தப் போருக்கான ஆயத்தப்பணிகளில் இருக்கிறார் என்கிறார்கள் அவரை அறிந்தவர்கள்.

ரஜினி இப்போது என்ன மனநிலையில் இருக்கிறார். அவருக்கான அரசியல் வாய்ப்புகள் எப்படி இருக்கின்றன, சினிமாவைப் பகிர்ந்துகொண்டதுபோல் அரசியலையும் கமலுடன் பகிர்ந்துகொள்வாரா...

சினிமா

ஏற்றம், இறக்கம் என்று பயணித்து வளர்ந்த இவரின் சினிமா வாழ்க்கையில் இன்றைய நாள்களை உச்சம் எனலாம். ஒரு பக்கம் தொழில்நுட்பத்தில் உச்சம் தொட்டுள்ள ‘2.0’, மறுபுறம் சமூகப் பிரச்னைகளை அணுகும் ‘காலா’. டப்பிங் உள்பட இரண்டு பட வேலைகளையும் முடித்துக்கொடுத்துவிட்டு ரிலாக்ஸாக இருக்கிறார் ரஜினி. வெகுநாள் களுக்குப்பிறகு இப்படி ஒரே சமயத்தில் இரண்டு படங்கள் நடித்திருக்கிறார். இரண்டையும் சரியான நேரத்தில் முடித்துக்கொடுத்துவிட்டு வாசிப்பு, நண்பர் களுடனான சந்திப்பு, அரசியல் ஆலோசனைகள் என்று வேறு திசையில் பிஸியாக இருக்கிறார். இனி இப்படி இரண்டு படங்களை ஒரே சமயத்தில் நடிக்கும் நெருக்கடிக்குள் சிக்க மாட்டார் என்பது நிச்சயம். இனி அதிகபட்சம் ஆண்டுக்கு ஒரு படம். அதுவும் தன் வயதுக்கேற்ற சமூகப் படங்களாகவே இருக்கும். குறிப்பாக வழக்கத்தைவிட அரசியல் நெடி கொஞ்சம் தூக்கலாகவே இருக்கும் என்கிறார்கள், அவரை அறிந்தவர்கள்.

குடும்பம்

இளைய மகளுக்காக ‘கோச்சடையான்’, மூத்த மகளுக்காக ‘காலா’  என்று மகள்களுக்குச் செய்ய வேண்டியதையும் நிறைவாகச் செய்திருக்கிறார். மகள்கள் தங்களுடைய சினிமா ஆர்வத்தை வெளிப்படுத்தும்போது ஆரம்பத்தில் தயங்கியவருக்கு, இன்று மகள்கள், மருமகன் என அனைவரும் சினிமாவில் செட்டிலானதில் மகிழ்ச்சி. நன்றாகப் படிக்கும் பேரன்கள், குடும்பத்தையும் கல்வி நிலையத்தையும் கவனிக்கும் மனைவி என்ற இந்தச் சூழல் இவரின் அரசியல் வரவுக்கு ஏதுவாக அமைந்துள்ளது.

ஆரோக்கியம்

மரணத்தின் வாயில் வரை சென்றுவிட்டுத் திரும்பிய அன்றைய நாள்கள்தான், புகை, மது குறித்த இன்றைய அறிவுரைகளாக இவரிடம் இருந்துவருகின்றன. உடல்மீதான நிதானம், கட்டுப்பாடு இப்போதுதான் இவருக்குப் பிடிபடத் தொடங்கியிருக்கிறது. கூடவே எப்போது, யாருக்கு, என்ன செய்வது என்று திட்டமிடக்கூடிய இன்றைய நாள்களும் இவரின் கைகளில் உள்ளதால் நிதானமாக யோசிக்கக்கூடிய உடல்நிலை வாய்க்கப்பெற்றிருக்கிறார்.

வயது

‘66 வயசுல உங்க தலைவர் எப்ப கட்சி ஆரம்பிச்சி, பிரசாரம் போய்...’ என்று இவரின் ரசிகர்களிடம் மற்றவர்கள் கேலி பேசுவதும் இவரின் காதுகளுக்கு வராமல் இல்லை. இவரைப் பொறுத்தவரை உடலுக்குத்தான் மூப்பே தவிர, மனதுக்குக் கிடையாது. ஒருவகையில் அது உண்மையும்கூட. ‘இதுதான் என் கட்சி. அதன் கொள்கை இதுதான். தமிழ்நாடு இன்று இப்படி இருக்கிறது. என்னிடம் கொடுத்தீர்கள் என்றால் இப்படியாக மாற்றிக்காட்டுவேன். அதற்கு வலுவான இளைஞர்களும், அறிவான சீனியர்களும் என்னிடம் இருக்கிறார்கள்’ என்று அறிவித்துப் பிரசாரம் செய்வதுதான் ரஜினியின் திட்டம். அதனால், வயது ஒரு தடையே அல்ல.

டீம்

இவரின் மனம் அறிந்த, மக்களைப் புரிந்த, தமிழகத்தின் புவியியல் சூழலை உள்வாங்கிய சிலரைக்கொண்ட ஒரு குழுவிடம் தொடர்ந்து அரசியல் ஆலோசனைகளைப் பெற்றுவருகிறார். அந்தக் குழுவில் பல துறைகளைச் சேர்ந்தவர்கள் இடம்பெற்றிருக்கிறார்கள். இந்தக் குழுதான் தமிழகத்துக்குத் தேவையான அறிவியல்பூர்வமான உடனடித் திட்டங்கள் எவையெவை என்ற பட்டியல் தயாரித்துக்கொண்டிருக்கிறது. அவற்றை மக்களுக்கு முன் எடுத்துவைக்கும்போது அவை விமர்சனங்களுக்கு அப்பாற்பட்டு இருக்கவேண்டும் என்பதற்காக, துறைசார்ந்த வல்லுநர்களுடன் விவாதிப்பதும் கலந்துரையாடுவதும் நடக்கின்றன.

கொள்கை

‘மக்களுக்குத் தேவையான அடிப்படைத் தேவைகளை நேர்மையாக, மதச்சார்பின்றிச் செய்ய வேண்டும்’ என்பதே இவரின் அடிப்படைக் கொள்கை.

 கமல்ஹாசன்

வயதில் இவரைவிட கமல்ஹாசன் இளையவர். ஆனால், சினிமாவில் இவருக்கு மூத்தவர். இன்று அரசியலிலும் முந்திக்கொண்டார். ஆனால், அந்த அன்பும் மரியாதையும்  அவரை அணுகும்போதோ, அவரைப்பற்றி மற்றவர்களிடம் பேசும்போதோ ஒருங்கே இவரிடம் வெளிப்படும். எங்கும் எப்போதும் ஒருவர் மற்றவரை விட்டுக்கொடுத்துப் பேசியதில்லை. ‘முரசொலி’ பவளவிழாவிலும் சிவாஜி கணேசன் நினைவு மணி மண்டபத் திறப்பு விழாவிலும் சில வார்த்தைகள் எதிரும் புதிருமாக இருந்ததாக ஊடகங்களில் பேசப்பட்டன. அதைப்பற்றி இருவரும் பெரிதாக எடுத்துக்கொள்ளவில்லை. இந்தப் புரிதல், இவர்களின் ரசிகர்களுக்குள் இல்லை என்பதே உண்மை. அதனால், அரசியலில் இருவரும்  இணைந்து செயல்பட வாய்ப்பில்லை என்றே தெரிகிறது.

எப்போது:

ஜெயலலிதாவின் மறைவு, கலைஞரின் ஓய்வு, எடப்பாடி அரசின் நிலையற்ற தன்மை, கலகலத்துப்போய் உள்ள அ.தி.மு.க, தனக்கு முன்னதாகக் களத்துக்கு வந்துள்ள கமல்ஹாசனின் சுறுசுறுப்பு, நடிகர் விஜய்யின் வளர்ச்சி, அனைத்துக்கும் மேல், முன்பைவிடத் திடமாக இருக்கும் தி.மு.க-வின் அடிப்படைக் கட்டமைப்பு என தமிழக அரசியலின் இன்றைய சூழலை இவர் உணர்ந்தே இருக்கிறார். இந்த ஆட்சி தொடருமா, கவிழுமா, கவிழ்க்கப்படுமா என்ற அரசியல் சதுரங்கத்தைப் பற்றி இவருக்கும் ஒரு கணிப்புக் கணக்கு உள்ளது. அந்தக் கணக்கு கிட்டே நெருங்கும்போதுதான் இவரின் அரசியல் கட்சி தொடக்கம் இருக்கும் என்கிறார்கள். அதுதான் இவரின் கடைசி வாய்ப்பும். இந்தமுறை தேர்தல் அரசியலிலிருந்து விலகிவிடக்கூடாது என்பதில் உறுதியாக இருக்கிறார்.

டிசம்பர் 12 தனது பிறந்தநாளன்று கட்சியை அறிவிப்பதாக முன்னர் திட்டமிட்டிருந்த ரஜினி, இப்போது அதைத் தள்ளிவைத்திருக்கிறார். எடப்பாடி தலைமையிலான இந்த அரசு முடியும் நேரத்தில்தான் கட்சியை அறிவிக்கும் எண்ணத்தில் இருக்கிறார் ரஜினி.  ஆனால், அந்த மெயின் பிக்சருக்கு முன் டீசர், ட்ரெயிலர், சிங்கிள் வெளியிடுவதுபோல் இந்தப் பிறந்தநாளில் அரசியல் டீசராக ஓர் அறிவிப்பு இருக்கும் என்கிறார்கள் ரஜினியின் நண்பர்கள்.

காத்திருப்போம்.

வேற்றுக் கிரகத்தில் சிக்கிக்கொள்ளும் தோர் , எப்படி தன் சகோதரி ஹெலாவை வீழ்த்தி  தன் உலகமான ஆஸ்கார்டை மீட்டெடுக்கிறான் என்பதை நக்கல் நையாண்டியுடன் சொல்லியிருக்கிறது தோர்:ரக்னராக்

மல்ட்டி ஹீரோ கான்செப்ட், தங்களுக்குள்ளேயே கலாய்த்துக் கொள்ளுதல் போன்றவற்றில் மார்வெல்லும், டிசி காமிக்ஸும் போட்டி போட்டு படம் எடுக்க ஆரம்பித்திருக்கிறார்கள். படத்தின் ஆரம்ப காட்சியில் இருந்தே, தோர் (கிறிஸ் ஹெம்ஸ்வொர்த்) , லோகி (டாம் ஹிட்டில்டன்), ஹல்க் ( மார்க் ரஃபலோ) போன்றவர்கள் ட்ரோல் செய்யப்படுகிறார்கள். தோரின் உலகமான ஆஸ்கார்டையும் விட்டு வைக்கவில்லை கதைக்குழு. குட்டிக்குட்டியாக பல கதைகளை கொண்டிருக்கிறது தோர்:ரக்னராக். தோருக்கும் சர்தருக்குமான சண்டை சில நிமிடம்; தன் தந்தையைத் தேடி தோரும், லோகியும் பயணிக்க அவர்களுக்கு உதவும் சூப்பர் ஹீரோ கதை சில நிமிடம் ; சகார் கிரகத்தில் நடக்கும் காட்சிகள் சில நிமிடம். தோர், ஹெலா (கேட் பிளாங்கெட்) , லோகி சண்டை சில நிமிடம் எனக் குட்டிக்குட்டியாய் சுவாரஸ்ய கதைகள். ஒவ்வொன்றிலும் வெடித்துச் சிரிக்க அத்தனை காட்சிகள், வசனங்கள். கொஞ்சம் கதை, நிறைய காமெடி. இதுதான் தோர் : ரக்னராக். இதுபோக, கார்டியன்ஸ் ஆஃப் காலெக்ஸியில் வரும் க்ரூட் போல, வித்தியாச உருவங்களில் இருக்கும் கிளாடியேட்டர்ஸ் வேறு. அதிலும் கல் மனிதன் கார்க் அடிக்கும் ஒன் லைனர்கள் அல்ட்டி.

படத்திற்குள்ளேயே படத்தின் நாயகர்கள் குறித்த நாடகம் போன்ற காட்சிகளும் செம்ம. கேம் ஆஃப் த்ரோன்ஸ், இந்திய இதிகாசங்கள் என பலவற்றில் இத்தகைய காட்சிகள் ஏற்கெனவே வந்திருந்தாலும், வரலாற்று திரிபுகளால் நிஜம் எப்படி மாறுபடுகிறது என்பதை சட்டென பதிய வைக்கிறது இந்தக் காட்சி. மார்வெல்லின் படங்களில் சம்பிரதாயமாக வரும் 'ஸ்டான் லீ'க்கும் ஒரு காட்சி வைத்திருக்கிறார்கள். படம் முழுக்கவே நகைச்சுவை தான் பிரதானம் என்பதால், யாதொரு கதாபாத்திரத்தின் மீதும் ஒரு ஈர்ப்பு ஏற்படாமல், ஜாலியாகக் கடந்து செல்ல வேண்டியிருக்கிறது. தோரின் ஆஸ்தான ஆயுதம் ஆரம்பித்து, அவன் பலமாகத் தாக்கப்படும் வரை எந்தக் காட்சியிலும் ரசிகர்கள் ஃபீல் எல்லாம் செய்யவில்லை. பாப்கார்னோடு ஜாலியாகவே கடக்கிறார்கள் ரசிகர்கள். இந்தப் புதுவகையான சூப்பர் ஹீரோ படங்களை ரசிகர்கள் தாராளமாய் ஏற்றுக்கொண்டுவிட்டார்கள். இனியும் பேன், பேட்மேனின் முதுகை உடைத்து மூலையில் போடுவதற்கு எல்லாம் ரசிகர்கள் ஃபீல் செய்வார்களா என்பது சந்தேகமே.

மார்வெல் சினிமேட்டிக் யுனிவெர்ஸிற்கு, இது கலக்கல் சீசன். கடந்த ஆண்டு மல்ட்டி ஹீரோ காம்போவில், அவர்கள் வெளியிட்ட கேப்டன் அமெரிக்கா : சிவில் வார் ஆகட்டும், பெனெடிக்ட் கம்பெர்பேட்ச் நடித்த டாக்டர் ஸ்ட்ரேஞ்ச் ஆகட்டும் மார்வெல்லுக்கு செம்ம கலெக்ஷன் அள்ளியது. இந்த ஆண்டின் ஆரம்பத்தில் வெளியான ஸ்பைடர்மேன் ஹோம் கம்மிங்கும் ஹிட்தான். அமேசிங் ஸ்பைடர் மேன் வகையறாக்களைப் பார்த்து கடுப்பாகிப்போன ரசிகர்கள் டாம் ஹோலாண்டு, ராபர்ட் டௌனி ஜூனியர், மைக்கல் கீட்டன் காம்போவில் வெளியான ஸ்பைடர்மேன் ஹோம்கம்மிங்கை கொண்டாடவே செய்தார்கள்.   வடிடி Taika Waititi இயக்கிய தோர்:ரக்னராக்கும் கொண்டாட்ட மனநிலையில் எடுக்கப்பட்ட ஒரு படம்தான்.

டெட்பூல், சூசைட் ஸ்குவாட் வெற்றிகள்தான் இரு பெரும் காமிக்ஸ் நிறுவனங்களையும் இத்தகைய முடிவிற்கு தள்ளிவிட்டிருக்கும் போல. சூப்பர்ஹீரோக்கள் மீது உருவாக்கப்பட்ட பிம்பத்தை கைத்தட்டல்களுக்காக அடித்து நொறுக்க அவர்கள் தயாராகிவிட்டார்கள். டாக்டர் ஸ்ட்ரேஞ்ச் தோரை நக்கலடிக்கிறார். சகார் கிரக ராஜா கிராண்ட்மாஸ்டர் ஆஸ்கார்டை நக்கலடிக்கிறார். தோர் ஹல்க்கை; என படம் நெடுகிலும் நக்கல்கள்தான். அரும்பாடுபட்டு ப்ரூஸ் வெய்ன் வளர்த்த கோதம் சிட்டியும், சூப்பர்மேனின்  மெட்ரோபோலீஸும் நக்கல் வளையத்துக்குள் சிக்குமா என்பது இன்னும் சில நாள்களில் ஜஸ்டிஸ் லீகில் தெரிந்துவிடும்.
இதைப் படிக்கலைனா படிச்சிருங்க ப்ளீஸ்
ஆம்... தமிழில் ’இதுவரை’ முழுமையான பேய்ப்படம் வந்ததில்லை! - ’அவள்’ விமர்சனம் #Aval

நிறைய அறைகள் கொண்ட வீடு, பயம் கிளப்பும் மென்மையான இருள், பழி தீர்க்கக் காத்திருக்கும் ஆன்மா. இவ்வளவையும் வைத்துப் பயம் காட்டுகிறாளா 'அவள்'?  aval movie review

மத்தபடி, ஒரு செம்ம ஜாலியான என்டர்டெய்னர்  தோர்:ரக்னராக். படம் முடிந்ததும், வெளியே வராமல், பொறுமையாக அமர்ந்து இரண்டு போஸ்ட் கிரெடிட் காட்சிகளையும் பார்த்துவிட்டு வரவும். அடுத்த ஆண்டு வெளியாகவிருக்கும் அவெஞ்சர்ஸ்:இன்ஃபினிட்டி வாருக்கான குட்டி லீடும் வைத்திருக்கிறார்கள். இந்த வாரம் வெளியான படங்களில் தோர்:ரக்னராக் காமெடி கலாட்டா. டோன்ட் மிஸ்.

சட்டைப்பையில், பர்ஸில், வங்கியில், சுருக்குப்பைகளில் வைக்கப்பட்டிருந்த 500 ரூபாய் தாள்கள், 1000 ரூபாய் தாள்கள் செல்லாது என்று பிரதமர் நரேந்திரமோடி அறிவித்து மிகச் சரியாக ஒரு ஆண்டு முடிந்து விட்டது.

கறுப்புப் பணத்தை ஒழிக்கவும், வரி ஏய்ப்பை தடுக்கவும் இந்த நடைமுறை கொண்டு வரப்பட்டதாக மத்திய அரசு விளக்கம் சொன்னது. ஆனால், எளிய மனிதர்கள் வெறும் 500 ரூபாய் தாளை மாற்றுவதற்கு மணிக்கணக்காக வங்கிகளின் முன்பும், ஏ.டி.எம்-கள் முன்பும் காத்துக் கிடந்தனர். சாதாரண மனிதர்களிடம் பணமுடக்கத்தின் தாக்கம் 6 மாதங்கள் வரை நீடித்தது. சிறுதொழில்கள், வியபார நிறுவனங்கள் பல மூடப்பட்டன. பணமுடக்கத்தின் விளைவாக கறுப்புப் பணத்தை ஒழிக்க பினாமி சட்டத்தின்படி நாடு முழுவதும் வருமானவரி புலனாய்வு பிரிவு சார்பில் ரெய்டுகள் நடத்தப்பட்டன. தமிழகத்திலும், தமிழக அரசியல்வாதிகளுக்குச் சொந்தமான இடங்களிலும் ரெய்டுகள் நடந்தன. குறிப்பாக தமிழகத்தில் ரூபாய் நோட்டுகள் முடக்கத்துக்கு முன்பிருந்தே கூட ரெய்டுகள் நடந்தன.  பிரதமர் நரேந்திரமோடி தலைமையிலான பி.ஜே.பி அரசு மத்தியில் பதவி ஏற்றது முதல் தமிழகத்தில் ரெய்டுகள் என்பது வழக்கமான ஒன்றாக ஆகி விட்டது. 

முதல் ரெய்டு நடத்தப்பட்ட அன்புநாதன் தமிழகத்தில் 2016-ம் ஆண்டு சட்டப்பேரவைத் தேர்தல் நடக்கும் போது ரெய்டுகள் நடந்தன. 2016-ம் ஆண்டு ஏப்ரல் 21-ம் தேதி கரூர் அய்யம்பாளையத்தில் உள்ள அன்புநாதன் என்பவரின் வீட்டில் ரெய்டு நடைபெற்றது.

ஜெயலலிதா அமைச்சரவையில் இருந்த ‘ஐவரணி’ அமைச்சர்களுக்கு நெருக்கமானவர் இந்த அன்புநாதன் என்று கூறப்பட்டது. பத்து மாவட்டங்களைச் சேர்ந்த வாக்காளர்களுக்கு வாக்குப்பதிவுக்கு முன்பாக அ.தி.மு.க சார்பில் விநியோகிக்கும் நோக்கத்துடன் அன்புநாதனிடம் பணம் கொடுத்து வைக்கப்பட்டிருந்ததாகவும் தகவல் வெளியானது. ரெய்டு நடந்தபோதே அன்புநாதன் எஸ்கேப் ஆகிவிட்டார். இரண்டு நாள்கள் நடந்த சோதனையில், ரூ. 4.77 கோடி ரொக்கம் பறிமுதல் செய்யப்பட்டது. தமிழக அரசின் சின்னத்தைத் தவறாகப் பயன்படுத்தி ஆம்புலன்ஸில் பணத்தை கடத்தினார் என்ற குற்றசாட்டின் கீழ் அன்புநாதன் கைது செய்யப்பட்டார். இப்போது அவர் ஜாமீனில் இருக்கிறார்.

 2011 அ.தி.மு.க ஆட்சியில் அதிகாரம் மிக்க அமைச்சராக விளங்கியவர், நத்தம் விஸ்வநாதன். 2016-ம் ஆண்டு செப்டம்பர் 12-ம் தேதி இவரது வீடு மற்றும் சென்னை மாநகராட்சியின் முன்னாள் மேயர் சைதை துரைசாமியின் மகன் வீடு உள்பட 40 இடங்களில் வருமான வரித்துறையினர் அதிரடி காட்டினர். நத்தம் விசுவநாதன் கைதுசெய்யப்படுவார் என்று பரபரப்பு நிலவியது. அதன் பிறகு, இந்த ரெய்டு குறித்து எந்த ஒரு தகவலும் இல்லை.

முன்னாள் முதல்வர் ஜெயலலிதா 2016-ம் ஆண்டு டிசம்பர் 5-ம் தேதி உயிரிழந்தார். அதன் பின்னர் மூன்று நாட்கள் கழித்து, டிசம்பர் 8-ம் தேதி அ.தி.மு.க ஆட்சியின் அதிகார வர்க்கத்துக்கு நெருக்கமான மணல் கான்ட்ராக்டர் சேகர் ரெட்டியின் இடங்களில் ரெய்டு நடத்தப்பட்டது.  அப்போதைய தமிழக முதல்வர் ஓ.பன்னீர்செல்வத்துக்கு நெருக்கமானவராகவும் இவர் இருந்தார். சோதனையின் போது, சேகர் ரெட்டியின் இடங்களில் இருந்து, பழைய ரூபாய் நோட்டுகள், புதிய இரண்டாயிரம் ரூபாய் நோட்டுகள், தங்கம் என்று 142.81 கோடி ரூபாய் மதிப்புள்ள சொத்துகள் கைப்பற்றப்பட்டன. சேகர் ரெட்டி கைது செய்யப்பட்டு பின்னர் ஜாமீனில் விடுவிக்கப்பட்டார். பின்னர், அவர் வருமானவரி புலனாய்வுப் பிரிவுக்கு அழைக்கப்பட்டு விசாரணையும் நடைபெற்றது.  அவரிடம் இருந்து கைப்பற்றப்பட்ட புதிய இரண்டாயிரம் ரூபாய் நோட்டுக்கள் எங்கிருந்து வந்த து என தெரியாது என்று ரிசர்வ் வங்கி தரப்பில் நீதிமன்றத்தில் தெரிவிக்கப்பட்ட ஆச்சர்யம் எல்லாம் நடந்தது.

வரலாற்றில் முதல் முறை

தமிழக அரசியல் வரலாற்றில் இல்லாத அளவுக்கு தலைமை செயலாளராக இருந்த ராம மோகன ராவ் வீட்டில் 2016 டிசம்பர் 21-ம் தேதி வருமானவரித்துறை புலனாய்வு பிரிவு சோதனை நடத்தியது. சேகர் ரெட்டி வீட்டில் நடத்தப்பட்ட ரெய்டில், ராம மோகன ராவுக்கு எதிராக ஆவணங்கள் கைப்பற்றப்பட்டன என்றும், அதன் தொடர்ச்சியாகத்தான் இந்த ரெய்டு நடந்தது என்றும் கூறப்பட்டது. தலைமைச் செயலகத்தில் உள்ள அவரது அறை மற்றும் அவருடைய நண்பர்கள், உறவினர்கள் வீடுகளில் வருமான வரித்துறை சோதனை நடத்தியது.
தலைமைச் செயலாளர் பதவியை ராம மோகன ராவ் இழந்தார். சில மாதங்களுக்குப் பிறகு, தொழில்முனைவோர் மேம்பாட்டுக் கழக இயக்குநராக அவர் நியமிக்கப்பட்டார். இப்போது அவர் பணியில் இருந்து ஓய்வு பெற்று விட்டார். ராம மோகன ராவ் மீது எடுக்கப்பட்ட நடவடிக்கைகள் என்பது வருமானவரி துறைக்குத்தான் வெளிச்சம்.

சேகர் ரெட்டியின் கூட்டாளிகளான, ராமச்சந்திரன், ரத்தினம் ஆகியோரின் வீடுகளில்  2016 டிசம்பர் 24-ம் தேதி வருமானவரித் துறையினர் அதிரடி சோதனை நடத்தினர். அப்போது, மணல் குவாரிகள் தொடர்பான ஆவணங்கள் கைப்பற்றப்பட்டன. கைதுசெய்யப்பட்ட ராமச்சந்திரனும், ரத்தினமும் ஜாமீனில் வெளியே வந்தனர். இந்த இருவரும், சென்னையில் உள்ள வருமானவரிப் புலனாய்வு துறை அலுவலகத்துக்கு அழைக்கப்பட்டும் விசாரணை நடத்தப்பட்டனர்.
நடவடிக்கை இல்லை

உச்சகட்டமாக, தமிழக சுகாதாரத் துறை அமைச்சர் விஜயபாஸ்கர் வீட்டில் 2017 ஏப்ரல் 7-ம் தேதி  வருமானவரித் துறை சோதனைவிஜயபாஸ்கர் போட்டது.  ஆர்.கே.நகர் தொகுதியில் பணப்பட்டுவாடா செய்ததாக எழுந்த புகாரின் பேரில் இந்த ரெய்டு நடந்ததாகச் சொன்னார்கள்.  ஆர்.கே.நகர் இடைத்தேர்தலுக்காக 89 கோடி ரூபாய் பட்டுவாடா செய்தது தொடர்பான ஆவணங்கள், விஜயபாஸ்கர் வீட்டில் நடந்த சோதனையின்போது கைப்பற்றப் பட்டன.

இந்த புகார் காரணமாகத் தேர்தலே தள்ளி வைக்கப்பட்ட பிறகும்,  சம்பந்தப்பட்டவர்கள் மீது நடவடிக்கை இல்லை.  வருமான வரித்துறை  புலனாய்வு பிரிவுக்கு அழைக்கப்பட்டும் விஜயபாஸ்கரிடம் விசாரணை நடந்தது. விஜயபாஸ்கரின் குவாரியைச் சுற்றிய 97 ஏக்கர் நிலங்களின் ஆவணங்களை, வருமான வரித்துறை வழக்கோடு இணைத்துள்ளது.

கடந்த ஒன்றரை ஆண்டாக நடந்து வரும் ரெய்டுகள் தமிழகத்தில் பரபரப்பை மட்டுமே கிளப்பின. விஜயபாஸ்கர் சொத்துகள் முடக்கப்படதைத் தவிர, மற்றவர்கள் மீது தொடர் நடவடிக்கைகள் எடுக்கப்படவே இல்லை. என்ன நோக்கத்துக்காக ரெய்டுகள் நடத்தப்பட்டது என்பது மக்களுக்குத் தெரியாத புதிராக இருக்கிறது.

ஆனால், ரெய்டுக்கு உள்ளானவர்களுக்கும், ரெய்டு நடத்த உத்தரவிட்ட மேலிடத்துக்கு மட்டுமே அதற்கான விடை தெரிந்திருக்கக் கூடும். வழக்கம் போல சாமான்யர்களுக்கு ஒண்ணுமே புரியல. இப்போதைய ரெய்டுகளும் அப்படியான ஒன்றுதான்.

யார் முறையாக வருமான வரி கட்டவில்லையோ அவர்களின் வீடுகளில் சோதனை நடப்பது இயல்புதான் என்று முதல்வர் பழனிசாமி அணியின் துணை ஒருங்கிணைப்பாளர் வைத்திலிங்கம் எம்.பி தெரிவித்துள்ளார்.

வருமான வரித்துறையினரின் அதிரடி நடவடிக்கை இன்று காலை சசிகலா குடும்பத்தினர் மீது பாய்ந்தது. அதிகாலை 6.30 மணியிலிருந்து களத்தில் இறங்கிய வருமான வரித்துறையினர் சசிகலா, அவரது சகோதரர் திவாகரன் ஆகியோரின் வீடு, அலுவலகங்களில் சோதனையில் ஈடுபட்டு வருகின்றனர். மேலும் ஜெயலலிதாவின் உதவியாளர் பூங்குன்றன், வழக்கறிஞர் நாமக்கல் செந்தில் உள்ளிட்டவர்களின் வீடுகளிலும் சோதனை நடைபெற்று வருகிறது.

அதோடு, ஜெயா தொலைக்காட்சி நிறுவனம் மற்றும் நமது எம்ஜிஆர் பத்திரிகையைக் கைப்பற்றுவோம் என்று முதல்வர் பழனிசாமி தலைமையில் நடந்த கூட்டத்தில் தீர்மானமே நிறைவேற்றப்பட்டது. தற்போது அந்த இரண்டு நிறுவனங்களிலும் சோதனை நடந்து வருகிறது.

இதனிடையே, சசிகலா மற்றும் திவாகரன் ஆகியோரின் வீடுகளில் நடந்து வரும் வருமான வரித்துறை குறித்து தஞ்சாவூரில் இன்று செய்தியாளர்கள் முதல்வர் பழனிசாமி அணியைச் சேர்ந்த எம்.பி வைத்திலிங்கத்திடம் கேள்வி எழுப்பினர். இதற்கு பதிலளித்த அவர், யார் முறையாக வருமான வரி கட்டவில்லையோ அவர்களின் வீடுகளில் சோதனை நடப்பது இயல்புதான். ஏற்கெனவே வருமான வரி சோதனை இதுபோல் பலமுறை நடந்துள்ளது. இரட்டை இலைச் சின்னம் விவகாரத்துக்கும் சோதனைக்கும் எந்தத் தொடர்பும் இல்லை" என்று கூறினார்.

புடிச்சா புளியங் கொம்பு, முறிச்சா முருங்கை கம்பு’ என்று தான் நினைத்த விஷயத்தை நினைத்தபடி முடித்துக் கொள்கிற துணிச்சல் அஜீத்திற்கு உண்டு. விவேகம் படத்தின் ‘ரெவின்யூ’ சூப்பராக இருந்தாலும், ‘ரிவ்யூ’ புவர்தான். இதையடுத்து “இனிமே சிவா வேணாம்… வேணவே வேணாம்…” என்று அஜீத் ரசிகர்கள் ஒரு பக்கம் கூவிக் கொண்டிருந்தாலும், சிவாவுக்கு கொடுத்த வாக்கை காப்பாற்ற முழு வேக முடிவெடுத்துவிட்டார் அஜீத்.

தனது அடுத்த படத்தையும் சிவா இயக்கத்தில் தருவதற்கு அவர் முன் வந்த நிலையில், ரசிகர்களுக்கு இருந்த அதே டவுட் மற்றும் வெறுப்பு தயாரிப்பாளர்களுக்கும் இருக்கும் அல்லவா? விவேகம் படத்தால் பெருமளவு துயரத்தில் இருந்த சத்யஜோதி தியாகராஜனுக்கு வெளியே கடன் வாங்க… பணம் புரட்ட… சிவாவின் தோல்வி இமேஜ் செட்டாகவில்லை.

இந்த நேரத்தில்தான் தமிழகத்தில் அரசியல் பின்னணியுடன் செயல்பட்டு வரும் அந்த இரண்டெழுத்து சேனல், “டோன்ட் வொர்ரி. பணம் தர்றது எங்க பொறுப்பு. இந்தப்படத்தை முதல் பிரதி அடிப்படையில் பண்ணிக் கொடுங்க” என்று கூறிவிட்டது. இந்த பொறுப்பை சந்தோஷமாக ஏற்றுக் கொண்டுவிட்டது சத்யஜோதி நிறுவனமும்.

“அந்த சேனலா…? இன்டர்வியூ வேணும்னு கேட்பாங்களே?” என்று முதலில் தயங்கிய அஜீத், “பிரமோஷனுக்கு அழைக்கக்கூடாது” என்ற நிபந்தனையின் பேரில் ஒப்புக் கொண்டாராம்.

படம் வெளியாகும் நேரத்தில் இதே சேனல், ஆளுங்கட்சி சேனல் ஆகிவிட்டால், அஜீத்தின் நிபந்தனை நிச்சயம் செல்லா காசாகிவிடும் என்பதை யாரும் மறுப்பதற்கில்லை!

இப்படை வெல்லும் என சற்று திரும்பி பார்க்கும் வகையில் உதயநிதி, மஞ்சிமா நடிப்பில் வெளியாகியிருக்கும் இப்படம் திகைப்பை கூட்டுமா, போட்டி படங்களை வெல்லுமா என படையை நோக்கி செல்வோம், பார்ப்போம் இது எப்படை என்று.

கதைக்களம்

உதயநிதி ஹீரோவாக நடிக்கும் இக்கதையில் அம்மா ராதிகா பஸ் ஓட்டுனர். மகன், இரு மகள்களை காப்பாற்றி வருகிறார். உதயநிதி சாப்ட்வேர் கம்பெனியில் நல்ல சம்பளத்தில் இருக்கிறார். நன்றாக லைஃப் போய்க்கொண்டிருக்கும் இவருக்கு திடீரென வேலையை இழக்கும் சூழ்நிலை உண்டாகிவிட்டது.

தன் தோழியான மஞ்சிமாவுடன் காதல் ஒரு பக்கம். இவர்களின் காதல் போலிஸ் அதிகாரியாக இருக்கும் மஞ்சிமாவின் அண்ணன் ஆர்.கே.சுரேஷ்க்கு தெரியவர கதை சூடுபிடிக்கிறது. கல்யாணத்திற்கு முடிவெடுக்கும் இவர்கள் வாழ்க்கை குழப்பத்திற்கு நடுவே செல்ல உதயநிதி ஒரு நாள் இரவில் கார் டிரைவ் செல்லும் திடீரென விபத்து.

சோட்டா, சோட்டா என காவல் துறைக்கு பெரும் சவாலாக இருக்கும் இவருக்கு உதவி செயப்போய் உதயநிதி வலையில் சிக்குகிறார். இதே போல தான் சூரிக்கும். இருவரையும் போலிஸ் விரட்டுகிறது. இதோடு இவர்களை கொல்ல வேறொரு சதியும் போலிஸ் வட்டாரத்திற்குள் நடக்கிறது.

நடப்பது எதுவும் தெரியாமல் பதிவு திருமண அலுவலக வாசலில் காத்திருக்கிறார். கடைசியில் திருமணம் நடந்ததா, உதயநிதி, சூரி போலிஸிடமிருந்து தப்பித்தார்களா, சோட்டாவின் பின்னணி, போலிஸில் சிக்கினாரா என்பது தான் கதை.

படத்தை பற்றிய அலசல்

உதயநிதி அடுத்தடுத்து படங்களை தயாரித்தும் நடித்தும் வருகிறார். சரவணன் இருக்க பயமேன் படத்திற்கு பிறகு இப்படத்தில் மீண்டும் ஒரு சாஃப்ட் ஆன ஹீரோ. நடிப்பெல்லாம் ஓகே தான்.

ஆனால் அவர் இன்னும் முயற்சி எடுத்தால் வேறு கதாபாத்திரங்களில் ஜொலிக்கலாம். அவரின் வழக்கமான படங்கள் போல அதிகமான டூயட் எல்லாம் இப்படத்தில் இல்லை.

மஞ்சிமா தன் அண்ணன் எதிர்த்தாலும் காதலில் ஜெயிக்க வேண்டும் என காட்டும் சீரியஸ்னஸ் சில இடங்களில் சற்று தொய்வு அடைந்துவிட்டதோ என தோன்றுகிறது. ஆனால் கடைசியில் உதயநிதிக்கு ஆதரவாக இவர் செய்யும் வேலைகள் கொஞ்சம் இம்ப்பிரஷ் செய்கிறது.

உதயநிதி, சூரி காமெடி செண்டிமெண்ட் போல இப்படத்திலும் தொடர்ந்துள்ளது. ஆனால் சூரி ஆஸ்பத்திரியில் செய்யும் அலம்பல் தியேட்டரில் உட்கார்ந்திருக்கும் அனைவரையும் சிரிக்க வைத்தது.

படம் முழுக்க இவரும் ட்ராவல் ஆகிறார். இருவரும் சேர்ந்து வேறு எதையோ மனதில் வைத்து பேச காவல் துறை அதை சீரியஸாக எடுத்துக்கொண்டு செய்யும் விதம் காமெடி காட்சிகள் ஒர்க்கவுட் ஆனது.

டேனியல் பாலாஜி ஒரு தனி ட்ராக். தன் அடுத்தடுத்த பிளானால் கொஞ்சம் பதட்டம் கூட்டுகிறார். ஜெயிலில் இருந்தவர் எப்படி வெளியே வந்தார், தலைமறைவாக இருந்தவர் எப்படி போலிஸால் அடையாளம் கண்டுபிடிக்கப்பட்டார் என கதை கொஞ்சம் ஃபாஸ்ட் மூவிங் தான்.

காட்சிகளை படமாக்கிய விதம், கோர்வை செய்தது எல்லாம் ஓகே. படத்தின் ஆரம்பத்தில் ஏதோ அறிஞர்கள், வரலாற்றில் இடம் பிடித்தவர்கள் பலரை காட்டி கதைக்குள் எதையும் வைக்கவில்லையோ என தோன்றுகிறது.

இப்படத்திற்கு இமான் தான் இசையமைத்தாரா என கேட்கவைக்கிறது. அவரும் கதைக்கு பின்னால் ஒளிந்து கொண்டாரோ என தோன்றுகிறது. இப்படத்தில் அவர் ஏதாவது ஒரு பாடலை ஹிட் லிஸ்டில் இடம்பெற செய்வாரா என்றால் கேள்வி குறி தான்.

கிளாப்ஸ்

நடிப்பில் அனைவரும் அவரவர் கொடுத்த ரோலை செய்திருக்கின்றனர். மெயினான ஒரு டெக்னாலஜி விசயம்.

அது தான் துப்பு. அதை வைத்து சஸ்பென்ஸ் மெயிண்டெயின் பண்ணியிருக்கிறார்கள்.

போர் அடிக்கும் ஃபீலிங் இல்லை. சூரி, எம்.எஸ்.பாஸ்கர் இருவரும் காமெடியில் ஸ்கோர் அள்ளுகிறார்.

ராதிகா பிள்ளைகள் மீது பெற்றவர்கள் நம்பிக்கை வைக்கவேண்டும் என ஹைலைட் செய்கிறார்.

பல்பஸ்

உதயநிதி போதும் இப்படியே ட்ராவல் ஆவோம் என ஸ்டராட்டெர்ஜி வைத்துள்ளாரோ என கேள்வி எழுகிறது.

வில்லன் சோட்டாவின் பின்னணி என கடைசியில் சொல்லாமலே விட்டுவிட்டார்கள். லிங்க் கட்டாகிவிட்டது.

சீரியாஸாக கொண்டு போய் கடைசியில் சிம்பிளாக முடித்துவிட்டார்கள்.

மொத்தத்தில் இப்படை வெல்லும் நல்ல பொழுதுபோக்கு. விலை கொடுத்து டிக்கெட் வாங்கலாம்.

சின்னத்திரை என்பது எப்போதும் மக்கள் மனதில் இருந்து அழிக்க முடியாது ஒன்று. அந்த வகையில் சன், விஜய், ஜெயா என பல தொலைக்காட்சிகள் மக்களின் பேவரட் தான்.

இந்நிலையில் ஜெயா தொலைக்காட்சி முன்பு போல் பரபரப்பாக இல்லை, எந்த ஒரு நிகழ்ச்சியும் TRP-யில் முன்னணியில் இல்லை.

தற்போது இந்த தொலைக்காட்சிக்கு வருமான வரி சோதனை நடத்தியுள்ளனர், இதனால், சேனல் ஊழியர்கள் யாரும் இன்று ஆபிஸிற்குள் அனுமதிக்கவில்லை.

இதை தொடர்ந்து என்ன ஆனது, வருமான வரித்துறையினரிடம் ஏதும் சிக்கினால் சேனல் தொடருமா? என்ற பல கேள்விகள் உருவாகியுள்ளது.