!...Payanam...!

கிறிஸ்துவ மிஷனரிகள் மக்கள் நீதி மய்யம் கட்சிக்கு உதவுவதாக எழுந்த புகாருக்கு கமல்ஹாசன் பதில் அளித்துள்ளார். ஈரோட்டிற்கு சுற்றுப்பயணம் மேற்கொண்டு இருக்கும் மக்கள் நீதி மய்யம் கட்சி தலைவர்கள் கமல்ஹாசன் அவரது ரசிர்களை சந்தித்து உரையாடினார். அப்போது அவர் பத்திரிக்கையாளர்களிடம் பேட்டி அளித்தார்.

அதில் ''சினிமாவில் எனக்கு கிடைத்துள்ள புகழ், அரசியலுக்கு போதாது. எனக்கு மக்களின் அன்பு முக்கியம். மக்களுக்கு மாற்றம் தேவை. அந்த எதிர்பார்ப்பை பூர்த்தி செய்வேன்'' என்றுள்ளார். மேலும் ''மக்கள் நலன் மட்டுமே எனக்கு முக்கியம். இது அரசியல் இல்லை. இதுதான் என்னுடைய கொள்கை. என் கட்சியின் கொள்கை'' என்று குறிப்பிட்டு இருக்கிறார். மேலும் ''கிறிஸ்துவ அமைப்புகள் எனக்கு நிதி உதவி செய்வதாக கூறுவது அர்த்தமற்ற குற்றச்சாட்டு. இந்த குற்றச்சாட்டை கேட்டு சிரிப்புதான் வருகிறது'' என்றுள்ளார். மேலும் '' இந்த கேள்வியில் கொஞ்சம் கூட அர்த்தம் இல்லை. இதற்கு எல்லாம் பதில் சொல்ல முடியாது. இதற்கு சிரிப்புதான் வருகிறது'' என்றுள்ளார்.

நமது உடலில் உள்ள அனைத்து உறுப்புகளுமே ஒரு சமயத்தில் தங்களது வளர்ச்சியை நிறுத்திக் கொள்ள கூடியவை என்று தான் நாம் நினைத்துக் கொண்டிருப்போம், ஆனால் அப்படி இல்லை.

நமது உடலில் உள்ள குறிப்பிட்ட இரண்டு பாகங்கள் மட்டும் தொடந்து வளர்ந்து கொண்டே இருக்க கூடியவை ஆகும்.

என்ன ஆச்சரியமாக இருக்கிறதா? ஆம் நமது உயரம், உடல் அளவு, கைகள், கால்கள் என அனைத்துமே ஒரு காலகட்டத்தில் தங்களது வளர்ச்சியை நிறுத்திக் கொள்ள கூடியவை தான்.

சொல்லப்போனால் நம்மால் நமது 25 வயதிற்கு மேல் அல்லது 20 வயதிற்கு மேல் கூட நமது உயரத்தை அதிகரிக்க முடியாது.

அதே போல நாம் வளர வளர நமது காலணியின் அளவும் மாறிக் கொண்டே போகும். ஒரு சமயத்தில் நமது காலணியின் அளவு நிலையான ஒன்றாக மாறிவிடும் என்பதை நாம் அறிவோம்.

நமது உடலில் தொடந்து வளர்ந்து கொண்டே இருக்கும் இரண்டு உறுப்புகள் என்னவென்றால், ஒன்று காது மற்றொன்று மூக்கு ஆகும்.

எந்த உறுப்புகள் தங்களது வளர்ச்சியை நிறுத்திக் கொண்டாலும் கூட இந்த உறுப்புகளுக்கு கடைசி வரையில் ஓய்வே இல்லை என்றே கூறலாம்.

நமது உடலில் உள்ள இந்த இரண்டு உறுப்புகளின் செல்கள் மட்டும் தொடர்ந்து வளர்ந்து கொண்டே தான் இருக்கின்றன.

ஆனால் மற்ற உறுப்புகளின் செல்கள் தங்களது செல்களின் பெருக்கத்தை ஒரு சமயத்தில் நிறுத்திவிடுகின்றன.

இதற்கு என்ன காரணம் என்றால், மூக்கு மற்றும் காதுகளில் உள்ளது மெல்லிய செல்கள்.. இதனால் தான் இவை தொடந்து வளர்ந்து கொண்டே இருக்கிறது.

மாரடைப்பு சமீப காலங்களில் பெண்களுக்கு அதிகம் தாக்குகிறது சற்று அதிர்ச்சி அளிக்கக் கூடிய தகவல்தான். மாரடைப்பிற்கும் சாதரண வாய்வு பிடிப்பு அல்லது வேறு ஏதாவது பாதிப்பிற்கும் வித்தியாசம் தெரியாததால் இது உடல் நிலையை மோசமாக்கிறது.

பெண்களுக்கு மாரடைப்பு வருவதற்கு முன் இந்த அறிகுறிகள் ஏதாவது இருந்தால் உடனடியாக முன்னெச்செரிக்கை நடவடிக்கை எடுத்துக் கொள்ளுங்கள்.

நெஞ்சு அடைத்தல்

திடீரென நெஞ்சு அடைப்பது போல் இருந்தால் இதய நோய்களுக்கான அறிகுறிகளாகவும் இருக்கலாம். உடனே பதட்டப்படாதீர்கள்.

வாய்வு பிடிப்பு இருந்தாலும் சிலசமயம் நெஞ்சை அடைத்துக் கொள்ளும். இதனையும் மாரடைப்பையும் நிறைய பேர் குழப்பிக் கொள்வதுண்டு.

நெஞ்சை அடைப்பதுடன் கூடவே மூச்சுத் திணறலும் இருந்தால் உடனடியாக மருத்துவரை பார்க்க வேண்டியது அவசியம்.

சோர்வு

சோர்வு உண்டாவதற்கு பல காரணங்கள் இருக்கலாம். அதிக வேலை, மன அழுத்தம், மற்றும் போதிய ஊட்டச்சத்து இல்லாமல் இருப்பது என சொல்லிக் கொண்டே போகலாம். சரியாக ரத்தம் இதயத்தில் பம்ப் செய்ய முடியாமல் போகும்போது சோர்வு உண்டாகிறது. எனவே அதிக சோர்வும் மாரடைப்பின் அறிகுறியாக இருக்கும்.

தசைவலி

தங்க முடியாத தசை மற்றும் தோள்பிடிப்பு இருந்தால் அது இதய நோயின் அறிகுறிகளாக இருக்கலாம். அதனை அஜாக்கிரதையாக விட்டுவிட்டால் மாரடைப்பில் கொண்டு போய்விடும்.

தூக்கமின்மை

ஹார்மோன் மாற்றங்கள் ஏற்படும்போது, தூக்கமின்மை உண்டாகும். மன அழுத்தம், இதய பாதிப்புகள் இருக்கும்போது தூக்கமின்மை ஏற்படும். நெடு நாட்கள் தூக்கமின்மையால் அனுபவப்படுபவர்களாக இருந்தால் மாரடைப்பின் அறிகுறிகளாக இருக்கலாம்.

படபடப்பு

திடீரென படபடப்பு ஏற்படும். மனப்பதட்டம் , கை கால் நடுக்கம் ஏற்பட்டால் அது மாரடைப்பின் அறிகுறிகளில் ஒன்று. படபடப்பு சில இக்கட்டான சூழ் நிலைகளில் வருவதுண்டு. ஆனால் அதனையும் இந்த படபடப்பையும் குழப்பிக் கொள்ளக் கூடாது.

காரணமெயில்லாமல் திடீரன படபடப்பு , மற்றும் இதயத் துடிப்பு தாறுமாறாக இருந்தால் அது மாரடைப்பிர்காக சாத்தியத்தை தருகிறது.

ரஜினிகாந்த் தாதாவாக நடித்துள்ள ‘காலா’ படத்தில் அவருடன் ஒரு நாயும் நடித்து இருக்கிறது. அதற்கு மணி என்று பெயர் வைத்துள்ளனர். நாற்காலியில் ரஜினிகாந்த் கம்பீரமாக அமர்ந்து இருப்பது போன்றும் அருகில் அந்த நாய் நிற்பது போன்றும் படங்கள் வெளிவந்துள்ளன. படம் முழுக்க ரஜினியுடன் அந்த நாய் நடித்து இருக்கிறது.

படப்பிடிப்பை தொடங்கும்போது 30 நாய்களை வரவழைத்து தேர்வு நடந்துள்ளது. இறுதியாக மணி என்ற நாய்க்கு ரஜினியுடன் நடிக்கும் அதிர்ஷ்டம் அடித்துள்ளது. இது சாதாரண நாட்டு வகையை சேர்ந்த நாய். விசேஷ பயிற்சிகள் அளித்து ரஜினியுடன் நடிக்க வைத்ததாகவும் அந்த காட்சிகள் சிறப்பாக வந்துள்ளன என்றும் படக்குழுவினர் தெரிவித்தனர்.

காலா படத்தில் நடித்ததால் ரஜினி ரசிகர்கள் மத்தியில் மணி நாய் பிரபலமாகி உள்ளது. அந்த நாயை வாங்கி வளர்க்க ஆர்வம் காட்டுகின்றனர். வெளிநாட்டு ரசிகர்கள், தங்களுக்கு நாயை வளர்க்க தரும்படி உரிமையாளரிடம் பேரம் பேசுகிறார்கள். ரூ.2 கோடி வரை அவர்கள் விலை பேசி வருவதாக தகவல் வெளியாகி உள்ளது. ஆனால் அதன் உரிமையாளர் விலைக்கு கொடுக்க விரும்பவில்லை.

காலா படத்துக்கு பிறகு மேலும் 4 படங்களில் நடிக்க அந்த நாய்க்கு, வாய்ப்புகள் வந்துள்ளன.

துபாயில் ஒரு திருமணத்திற்காக சென்ற ஸ்ரீதேவி மர்மமான முறையில் அவரது ஹோட்டல் அறையில் நீரில் மூழ்கி இறந்து கிடந்தார். இறப்பதற்கு முன் அவருடன் உரையாடியவர்களில் அவரது தங்கை ஸ்ரீலதாவும் ஒருவர்.

15 நாட்களுக்கு மேலாகியும் அவர் இதுவரை ஸ்ரீதேவியின் மரணம் பற்றி ஒரு வார்த்தை கூட பேசவில்லை. இந்நிலையில் சென்னையில் உள்ள ஸ்ரீதேவியின் பங்களாவை ஸ்ரீலதாவிற்கு தர கபூர் குடும்பம் உறுதியளித்துள்ளதாம்.

ஸ்ரீதேவியின் மரணம் பற்றி எந்த விஷயத்தையும் வெளியில் கூறகூடாது என வாக்குறுதி பெற்ற பிறகு, அதற்காக ஸ்ரீலதாவிற்கு சொத்துக்களை கொடுக்கிறார் போனி கபூர் என கூறப்படுகிறது.

எந்திரன்ரஜினி இப்போது ‘எம்.ஜி.ஆர்’ ரஜினியாக மாறிவிட்டார். அவரது எம்.ஜி.ஆர் பக்தியைப் பார்க்கும்போது புல்லரிக்கிறது. இவ்வளவு எம்.ஜி.ஆர் பக்தியை ஏன் அவர் இவ்வளவு நாளும் வெளியிடாமல் மறைத்து வைத்திருந்தார் என்பது புரிய வில்லை. அரசியல் ஆசை அவரை எம்.ஜி.ஆர் தொப்பியை அணியத் தூண்டியிருக்கிறது.

‘‘அரசியல்ல ஜெயிக் கணும்னா திறமை, புத்திசாலித் தனம், உழைப்பு மட்டும் பத்தாது. சந்தர்ப்பம், சூழ்நிலை, நேரம்... இந்த மூன்றுக்கும் மிகப் பெரிய இடமுண்டு. அரசிய லுக்கு நான் வந்திருக்கணும்னா 1996-லயே வந்திருக்கணும். என்னைக் கட்டாயப்படுத்தி வரவைக்க முடியாது. கட்டாயப் படுத்திக் கல்யாணம் பண்ணினா வாழ்க்கை நல்லாவா இருக்கும்? வரணும்னு நினைச்சா நாளைக்கே ஏற்பாடு பண்ணிடுவேன். ஆனா, அவன் சொல்லணும்” என்று 2008-ல் சொன்னார் ரஜினி. இதோ இப்போது ‘அவன்’ சொல்லி விட்டான் போல!

‘‘எல்லோரும் எம்.ஜி.ஆர் ஆக முடியாது. சினிமாவிலிருந்து அவரைப் போல யாரும் அரசியலில் ஜொலிக்க முடியாது என்கிறார்கள். சத்தியமாக யாரும் எம்.ஜி.ஆர் ஆக முடியாது. அவர் ஒரு யுக புருஷர். பொன்மனச் செம்மல். மக்கள் திலகம். நூறு அல்ல, ஆயிரம் ஆண்டுகள் ஆனாலும் அவரைப் போல யாரும் வரமுடியாது. அவரே மீண்டும் பிறந்து வந்தால்தான் உண்டு. எம்.ஜி.ஆரைப் போல ஒருவர் வருகிறேன் என்று சொன்னால், அவனைவிட பைத்தியக்காரன் யாரும் இருக்க முடியாது. ஆனால், அவர் தந்த நல்லாட்சி, ஏழை மக்களுக்கான ஆட்சி, சாமான்ய மக்களுக்கான ஆட்சி,மத்தியஸ்த குடும்பத்தாருக்கான ஆட்சியை என்னாலும் கொடுக்க முடியும் என்ற நம்பிக்கை எனக்கு உண்டு” என்று எம்.ஜி.ஆர் சிலைத் திறப்பு விழாவில் சொன்னதன் மூலமாக...

‘ராமன் ஆண்டாலும் ராவணன் ஆண்டாலும் எனக்கொரு கவலையில்லை’ என்று முள்ளும் மலரும் படத்தில் கையை விரித்த ரஜினி - ‘ஒரு கட்சியும் வேண்டாம் கொடியும் வேண்டாம்’ என்று ராஜாதி ராஜாவில் அலட்சியம் காட்டிய ரஜினி - ‘கட்சியெல் லாம் இப்ப நமக்கெதுக்கு காலத்தின் கையில் அது இருக்கு’ என்று முத்து படத்தில் லந்து காட்டிய ரஜினி - மொத்தப் பாடல்களையும் பொய்யாக்கி ‘பொன்மனச் செம்மல்’ ஆக முயல்கிறார்.

‘எம்.ஜி.ஆர் எனக்குச் செய்த உதவிகள்’ என்று ரஜினிகாந்த் அந்த விழாவில் வெளியிட்ட நிகழ்வுகள் பலருக்கும் புதியவை. அதே எம்.ஜி.ஆர் ஆட்சிக் காலத்தில் நடந்த சில சம்பவங் களை ரஜினி சொல்லவில்லை. ‘காலம் மறந்திருக்கும், நாமும் மறப்போம்’ என்று நினைத்திருக்கலாம்.

இப்போது மாதிரி அல்ல, அப்போது ரஜினி. நிஜத்திலும் பாட்ஷா மாதிரி இருந்த காலம் அது. அவர்மீது சென்னை ராயப்பேட்டை காவல்நிலை யத்தில் ‘மூக்குத்தி’ பத்திரிகை ஆசிரியர் ஜெயமணி ஒரு புகார் கொடுத்தார். ‘என்னை ரஜினி மிரட்டினார்’ என்பதுதான் புகார். இன்ஸ்பெக்டர் சோமசுந்தரமும், சப் இன்ஸ்பெக்டர் பாஸ்டினும் இந்தப் புகாரை விசாரித்தார்கள். 1979-ம் ஆண்டு மார்ச் 7-ம் தேதி ரஜினிகாந்த் கைது செய்யப் பட்டார். ‘ஜெயமணி என்னைத் தாக்கி எழுதினார். காரில் போய்க்கொண்டு இருந்த நான், ரோட்டில் அவரைப் பார்த்தேன். அதுபற்றிக் கேட்க விரும்பி காரைப் பின்பக்கமாகச் செலுத்தினேன்.அவர் செருப்பைக் கழற்றினார். நான் அவரது சட்டையைப் பிடித்தேன்’ என்று ரஜினி வாக்குமூலம் கொடுத்ததாக அன்றைய ‘மாலை முரசு’ நாளிதழ் செய்தி வெளியிட்டது. அன்று கைது செய்யப்பட்ட ரஜினி, உடனடியாக ஜாமீன் பெற்றார். இதேபோலத்தான் ஹைதராபாத் விமான நிலையத்திலும் ஒரு நிகழ்வு நடந்தது. அந்த ரஜினி இப்போது எவ்வளவோ மாறிவிட்டார். அவரை மாற்றியது, அவர் இப்போது சொல்லி வரும் ஆன்மிகமாகவும் இருக்கலாம்!

ஆன்மிகமும் அவரிடம் பிற்காலத்தில் சேர்ந்ததுதான். ரஜினி-லதா திருமணம் திருப்பதியில் (1981 பிப்ரவரி 26) மிகமிக எளிமையாக நடந்தது. அந்த திருமணத்துக்கு விரல் விட்டு எண்ணக்கூடிய சிலரைத் தான் ரஜினி அழைத்திருந்தார். திருப்பதி கிளம்பிச் செல்வதற்கு முன்னதாக நிருபர்களைத் தனது வீட்டுக்கு வரவழைத்துப் பேசினார் ரஜினி. ‘நீங்கள் யாரும் வர வேண்டாம்’ என்று கேட்டுக்கொண்டார். அப்போது, ‘‘சிறு வயது முதல் எனக்குச் சடங்கு சம்பிரதாயங் களில் நம்பிக்கை இல்லை. திருமணம் என்றால் பல மணி நேரம் மந்திரம் சொல்ல வேண்டும் என்பதை நம்ப வில்லை. என்ன செய்தாலும் தாலி கட்டுவது, மாலை மாற்றுவது எல்லாம் இரண்டு நிமிடங்களில் முடிந்துவிடும். திருமணத்தில் முக்கியமான சடங்கே இதுதான். இது என் கல்யாணத்திலும் உண்டு. சிக்கனமாகக் கல்யாணம் செய்ய வேண்டும். அப்படிச் செய்தால் போதும்’’ என்று சொன்னார். சடங்கு, சம்பிரதாயங்களில் பெரிய நம்பிக்கை இல்லாத ரஜினிதான், இன்று ஆன்மிக அரசியலுக்குத் தேர் செலுத்த ஆரம்பித்துள்ளார்.

‘‘ஆன்மிக அரசியல் என்றால் என்ன என்று என்னிடம் கேட்கிறார்கள். உண்மையான, நேர்மையான, வெளிப்படை யான சாதி மதச் சார்பற்ற அறவழியில் நடப்பதுதான் ஆன்மிக அரசியல். தூய்மை தான் ஆன்மிகம். எல்லா ஜீவன்களும் ஒன்றுதான். அனைத்துமே பரமாத்மா. இறைநம்பிக்கை இருப்பதுதான் ஆன்மிக அரசியல்’’ என்று ரஜினி சொல்லியிருப்பது எம்.ஜி.ஆர் சொன்ன ‘அண்ணாயிச’த்தைவிட அதிகக் குழப்பத்தை உண்டாக்குகிறது.

ரஜினி சொல்லும் உண்மை, நேர்மை, அறவழி, தூய்மை ஆகியவைதான் அரசியலுக்கே அடிப்படையானவை. இவற்றுக்கும் ஆன்மிகத்துக்கும் எந்தச் சம்பந்தமும் இல்லை. இதில் கூடுதலாக ஒரு வார்த்தையைச் சொல்கிறார் ரஜினி. அதாவது, ‘இறை நம்பிக்கை இருப்பதுதான் ஆன்மிக அரசியல்’ என்கிறார். தமிழ்நாட்டு முதலமைச்சர் நாற்காலியில் இருந்த ஓமந்தூர் ராமசாமி, ஒரு நாளைக்கு ஆறு தடவை இறைவழிபாடு செய்யக் கூடியவர். ஸ்ரீவில்லிபுத்தூர் ஆண்டாளின் பக்தர்தான் பி.எஸ்.குமாரசாமி ராஜா. இராஜாஜி, எம்.ஜி.ஆர், ஜெயலலிதாவின் பக்தி நாடு அறியும். அண்ணாவும் கருணாநிதியும் மட்டும்தான் நாத்திகர்கள். இன்றைய முதலமைச்சர் எடப்பாடி பழனிசாமி பழுத்த ஆன்மிக வாதி. இன்னும் கட்டப்படாத கோயில் தவிர அனைத்துக்கும் சென்று வந்தவர் ஓ.பன்னீர் செல்வம். இதில் என்ன புதிதாகச் சொல்லவருகிறார் ரஜினி?

அவர் சொல்லாமல் விட்டது, பி.ஜே.பி-யின் முதலமைச்சர் வேட்பாளர் தான்தான் என்பதை. ‘நல்ல ஆட்சியை என்னால் கொடுக்க முடியும்’ என்றால், யாரோடு சேர்ந்து? பி.ஜே.பி-தான் அவரது வருகைக்காக வழிமேல் விழிவைத்துக் காத்திருக்கிறது. அந்தப் பாதையை முன்கூட்டியே அறிவிப்பது தனக்கு நல்லதல்ல என்று ரஜினி நினைப்பது மட்டுமல்ல, ‘தனக்கும் நல்லதல்ல’ என்று பி.ஜே.பி நினைக்கிறது. க்ளைமாக்ஸ் நேரத்தில் அந்த மர்மம் வெளிப்படும். அப்போது அதிர்ச்சியை ஏற்படுத்தக் கூடாது என்பதால், முன் கூட்டியே சொல்லப்படுவது தான் ‘ஆன்மிக அரசியல்’ என்ற முழக்கம்.

பொதுவாகவே மத்திய அரசோடு நட்பில் இருப்பார் ரஜினி. அது எந்த மத்திய அரசாக இருந்தாலும், பகைத்துக் கொள்ள மாட்டார். 1986-ல், ‘ராஜீவ் காந்தி மிகச் சிறந்த அரசியல்வாதி’ என்று பேட்டி அளித்தவர் அவர். அதன்பிறகு 1990-களில் பிரதமராக இருந்த நரசிம்ம ராவைச் சென்று சந்தித்தவர். பிரதமர் வாஜ்பாயும், துணைப் பிரதமர் அத்வானியும் அவரை அடிக்கடி சந்தித்துள்ளார்கள். இன்றைய பிரதமர் மோடி, அவரது வீட்டுக்கே வந்துள்ளார். ‘சிஸ்டம் சரியில்லை’, ‘அரசியல் வெற்றிடம்’ என்றெல்லாம் பேச ஆரம்பித்துள்ள ரஜினி, மத்திய சிஸ்டம் பற்றி வாய் திறப்பது இல்லை. பி.ஜே.பி-க்கு எதிரான எதிர்க்கட்சி அந்தஸ்து வெற்றிடம் பற்றியும் அவர் கவலைப்படுவது இல்லை.

இப்போது தமிழ்நாட்டைக் குறிவைக்கும் காரணத்தை அவரே சொல்லிவிட்டார்... ‘ஜெயலலிதா இறந்துவிட்டார், கருணாநிதி உடல்நலமில்லாமல் இருக்கிறார். அதனால்தான் நான் வருகிறேன்’ என்று. அதற்காகத்தான் ரஜினி, ரஜினியாக இல்லாமல் பி.ஜே.பி ஆசைப்படி எம்.ஜி.ஆராக வருகிறார். இரட்டை இலையை வைத்திருந்தாலும் எடப்பாடியோ பன்னீரோ எம்.ஜி.ஆரின் வாக்குகளை அள்ள முடியாது என்பதை பி.ஜே.பி தலைமை உணர்ந் துள்ளது. அதனால்தான் எந்த வேஷம் போட்டாலும் பொருந்தக்கூடிய சூப்பர் ஸ்டாரை அழைத்து வருகிறார்கள். சொந்த முகமாக இல்லாமல் இரவல் முகமாக இருப்பதுதான் இடிக்கிறது. ஏனென்றால், பல டூப்ளிகேட் எம்.ஜி.ஆர்களைத் தமிழ்நாட்டு மக்கள் பார்த்துச் சலித்து விட்டார்கள்.

நடிகர்கள் அரசியலுக்கு வருவதும், அவர்களை அழைத்து வருவதும் தமிழ்நாட்டுக்குப் புதுசு அல்ல. அதில் நின்று நிலைத்தவர்கள் எம்.ஜி.ஆர், ஜெயலலிதாவுக்குப் பிறகு யாருமில்லை. 1984 - 1989 காலகட்டத்தில் என்ன நடந்ததோ, அதுதான் இப்போதும் நடக்கிறது. ‘பாக்யராஜ் என் வாரிசு’ என்று எம்.ஜி.ஆர் அறிவித்ததும், தி.மு.க-வில் டி.ராஜேந்தர் சேர்ந்ததும் ஒரே ஆண்டில்தான் நடந்தது. அதே ஆண்டில்தான் தீவிரமாக அ.தி.மு.க-வில் செயல்படத் தொடங்கினார் ஜெயலலிதா. ‘‘எம்.ஜி.ஆருக்கு அடுத்து எனக்குத்தான் அதிக செல்வாக்கு இருக்கிறது என்று ரசிகர்கள் கடிதம் எழுதுகிறார்கள்’’ என வெளிப்படையாகவே சில்க் பேட்டி அளித்தார். ‘காக்கி சட்டை’ பட வெற்றி விழாவை மதுரையில் நடத்த கமல் வெளியில் கிளம்பினார். காங்கிரஸ் கட்சியிலிருந்து சிவாஜி விலகினார். தமிழக முன்னேற்ற முன்னணி தொடங்கினார். ஜானகியும் அரசியலுக்கு வந்தார். முதலமைச்சர் பதவியை ஏற்றுக் கொண்டார். ஜெயலலிதாவைச் சந்தித்து ராமராஜன், அ.தி.மு.க-வில் தன்னை இணைத்துக் கொண்டார். இதுபோலவே இப்போது நடக்கிறது... ரஜினி, கமல் என்று.

ரஜினியைச் சூழ்நிலையும் நெருக்கடியும் சேர்ந்து உள்ளே தள்ளிவிடுகின்றன. நெருக்கடி என்பது ஏற்கெனவே சொன்ன பி.ஜே.பி நெருக்கடிகள். சூழ்நிலை என்பது கமல் உருவாக்கியது. அவர்கள் இருவரும் நண்பர்களாகக்கூட இருக்கலாம். ஆனால், அவர்களைச் சமூகம் நண்பர்களாகப் பார்க்கவில்லை. இருக்க விடுவதும் இல்லை; விடப்போவதும் இல்லை. திரையில் இருந்த போட்டி இதோ அரசியலிலும். ‘ரஜினி வந்துவிடுவார்’ என்பதே கமலின் அவசரத்துக்கான தூண்டுதல். ‘கமலே வந்து விட்டாரே’ என்பதுதான் ரஜினியின் வேகத்துக்கான தூண்டுதல். ‘‘இதற்கு மேலும் வராமல் இருந்தால், பயந்து விட்டேன் என்பார்கள்” என்று சொல்கிறாராம் ரஜினி. அவரது பயத்தை பி.ஜே.பி பயன்படுத்திக் கொள்ளப் போகிறது.

1986-ம் ஆண்டு ஓர் ஆங்கில இதழுக்கு பேட்டி கொடுத் திருந்தார் ரஜினி. சினிமாவில் நடிப்பதை விட கண்டக்டர் வாழ்க்கைதான் தனக்கு அதிகம் பிடித்தது என்று ரஜினி அப்போது சொன்னார். ‘‘நீங்கள் சினிமா துறையில் நீண்ட நாள் நிலைத்து நிற்க விரும்பவில்லையா?’’ என்று கேட்டபோது, ‘‘நிச்சயமாக ஒரு சினிமாக்காரனாகச் சாவதை நான் விரும்பவில்லை. மக்களுக்கு ஏதாவது செய்ய விரும்புகிறேன்’’ என்று சொன்னார். ‘‘அப்படியானால் அரசியலில் இறங்குவீர்களா?’’ என்று கேட்டபோது ரஜினி மறுத்தார்.

‘‘அரசியலா? அது ஒரு குப்பைமேடு. நெருப்பில் குதிப்பதற்குச் சமமானது. என்னை ஒரு அரசியல்வாதியாக யாரும் ஏற்றுக்கொள்ள மாட்டார்கள்’’ என்று சொல்லி விட்டு ஓர் அதிர்ச்சி தரும் வாசகத்தைச் சொன்னார் ரஜினி. அதை அவரால் மட்டும்தான் திருப்பிச் சொல்ல முடியும்!

அவிஷேக் கார்த்திக், டேனி இருவரும் நண்பர்கள். சிறு சிறு திருட்டுகளில் ஈடுபடுகிறார்கள். பெரிய அளவில் திருடி வாழ்க்கையில் செட்டில் ஆக திட்டமிடுகின்றனர். சம்பத்துடன் சொகுசு காரில் வரும் சிறுமியை கடத்துகிறார்கள். சம்பத்துக்கு போன் செய்து 10 லட்சம் ரூபாய் கேட்கின்றனர். போலீஸ் சீருடையில் வரும் தன்ஷிகா அவர்களை பிடிக்கிறார்.

ஆனால் அவர் போலி போலீஸ் என்று தெரிகிறது. சம்பத்திடம் ரூ.50 லட்சம் வாங்கி மூவரும் பங்கு போட்டுக்கொள்ள திட்டமிடுகின்றனர். அப்போது சம்பத்தின் அடியாட்கள் சுற்றி வளைக்கிறார்கள். அவர்களிடம் இருந்து தப்புகின்றனர். சிறுமி சம்பத் தனது அப்பா இல்லை என்றும், அவரிடம் அனுப்பி விடாதீர்கள் என்றும் சொல்லி அழுகிறாள். குழந்தையை வைத்து பெரிய கடத்தல் ஒன்றில் சம்பத் ஈடுபட்டு இருப்பது தெரிந்து அதிர்கிறார்கள். குழந்தையை காப்பாற்றினார்களா? என்பது மீதி கதை.

ஒரு சிக்னலில் போட்டாகிராபர் குழந்தையை படம் எடுப்பது போன்றும் அப்போது விபத்து ஏற்பட்டு ஒரு பெண் பலியாவது போன்றும் எதிர்பார்ப்புடன் கதை தொடங்குகிறது. அவிஷேக் கார்த்திக் திருடன் கதாபாத்திரத்தில் வருகிறார். சிறு சிறு திருட்டுகளில் அவர் ஈடுபடுவது சுவாராஸ்யம்.

குழந்தையை கடத்திய பின் கதையில் வேகம். சிறுமியின் பிளாஷ்பேக் கதை கேட்டு அவளை காப்பாற்ற வில்லன்களிடம் போராடும்போதும், சாலையில் வீசப்பட்ட குழந்தையை தூக்கி வைத்துக்கொண்டு கதறும்போதும் கதாபாத்திரத்துக்கு வலு சேர்த்து இருக்கிறார். காதல் காட்சிகளிலும் கவர்கிறார்.

தன்ஷிகா வில்லன்களுடன் சண்டை போடுகிறார். குழந்தையின் பின்னணி அறிந்து கலங்குகிறார். டேனி சிரிக்க வைக்கிறார். சம்பத் வில்லனாக மிரட்டுகிறார். ஜான் விஜய், காளி வெங்கட் கதாபாத்திரங்களும் நேர்த்தி. திரைக்கதையில் இன்னும் வேகம் கூட்டி இருக்கலாம். சிரிக்க வைக்கும் நோக்கில், காட்சிகளை நகர்த்தி இருக்கிறார் இயக்குனர் கல்யாண் குமார். ஜான் ஜோம் ஒளிப்பதிவும், பவன் தீபன் இசையும் கதையோடு பயணித்து உள்ளது.

திருமலையில் நடந்த உண்மை சம்பவம், இது. வெங்கடேச பெருமாளின் அருள் பெற்ற தீவிர பக்தர், ராமா. அவரை கோவிலுக்குள் அனுமதிக்க மறுப்பதுடன், கழுத்தை பிடித்து வெளியே தள்ளுகிறார், கோவில் நிர்வாக அதிகாரி. வெளியில் தள்ளப்பட்ட ராமா பசி, தூக்கம் மறந்து வெங்கடேச பெருமாளின் நாமத்தையே சொல்லிக் கொண்டிருக்கிறார். அவருக்கு ஆதரவாக இருக்கிறார், பெருமாளின் பக்தையான கிருஷ்ணம்மா.

இந்த நிலையில், அரசன் அலங்கரிக்கப்பட்ட சப்பரத்தில் உலா வருகிறார். அவரிடம், “கோவில் சொத்துக்களை எல்லாம் நிர்வாக அதிகாரி கொள்ளையடிக்கிறார்” என்று பொதுமக்கள் புகார் செய்கிறார்கள். அந்த புகார்கள் அனைத்தும் உண்மை என்பதை புரிந்து கொண்ட அரசன், ராமாவை கோவில் நிர்வாக அதிகாரி ஆக்குகிறார்.

இதனால் ராமா மீது பழைய அதிகாரி தீராத பகை கொள்கிறார். அவரை பழிவாங்கும் சந்தர்ப்பத்துக்காக காத்திருக்கிறார். ராமாவின் பக்தியில் மனமுருகிப் போன பெருமாள், அவருடன் சேர்ந்து பகடை ஆடுகிறார். அதில் பெருமாள் தோற்றுப் போய், தனது நகைகளை எல்லாம் இழக்கிறார். கோவிலில் நகைகள் இல்லாமல் காட்சி தந்த பெருமாளை கண்டு பக்தர்கள் அதிர்ச்சி அடைகிறார்கள்.

இப்படி ஒரு சந்தர்ப்பத்துக்காகவே காத்திருந்த பழைய நிர்வாக அதிகாரி, ராமா மீது திருட்டு குற்றம் சுமத்துகிறார். அந்த திருட்டுப்பழியில் இருந்து வெளிவரும் ராமா, திருமலையில் இருந்து வெளியேற முயற்சிக்கிறார். அவரை பெருமாள் தடுத்து நிறுத்துகிறார். அப்போது ராமா, “இந்த மலையிலேயே ஜீவ சமாதி அடைய அனுமதிக்க வேண்டும்” என்று பெருமாளிடம் கேட்கிறார். அதற்கு பெருமாள் அனுமதித்தாரா, இல்லையா? என்பது நெகிழவைக்கும் ‘கிளைமாக்ஸ்.’

ராமாவாக நாகார்ஜுன். கடவுள் மீது தீவிர பக்தி கொண்ட பக்தராக வாழ்ந்து காட்டியிருக்கிறார். கோவிலுக்குள் இருந்து நிர்வாக அதிகாரியினால் தூக்கி வீசப்படும்போதும், தன்னுடன் பெருமாள் பகடை ஆடினார் என்பதை நம்ப மறுப்பவர்கள் முன்பு அவரை வரவழைப்பதற்காக, அழுது கொண்டே பாடும்போதும், ஜீவ சமாதியாகும்போதும், நாகார்ஜுன் உருக வைக்கிறார்.

கிருஷ்ணம்மாவாக அனுஷ்கா. உண்மை சம்பவத்தில் இல்லாத-திணிக்கப்பட்ட கதாபாத்திரம். அவருடைய வசீகர சிரிப்பும், நளினமான ஆட்டமும் ரசிகர்களுக்கு திகட்டாத விருந்து. புராண வரலாற்று கதாபாத்திரத்தை நினைவூட்டுகிறார், இந்த கிருஷ்ணம்மா.

மரகதமணியின் பின்னணி இசையும், எஸ்.கோபால் ரெட்டியின் ஒளிப்பதிவும் படத்தின் ஆரம்பம் முதல் இறுதி வரை, நிமிர்ந்து உட்கார வைக்கிறது. ராகவேந்திர ராவ் டைரக்டு செய்திருக்கிறார். படத்தின் முதல் பாதி, மெதுவாக நகர்கிறது. இரண்டாம் பாதி, வேகமாக கடந்து போகிறது. பிரமாண்டமான அரங்க அமைப்புகள், பிரமிப்பூட்டுகின்றன. ஒரு கோவில் நகரத்துக்குள் இரண்டரை மணி நேரம் இருந்த திருப்தி.

 சர்ச்சைகளுக்கு எப்போதும் பஞ்சமில்லாத நடிகர் சிம்பு. இவர் மீது கடந்த சில மாதங்களாக பல குற்றச்சாட்டு எழுந்ததையடுத்து உடலை குறைத்தார்.

தற்போது பிரபல தொலைக்காட்சியின் பாடல் நிகழ்ச்சிக்கு சென்ற இவரிடம் சில பிரபலங்களின் புகைப்படத்தை காட்டி உங்களுக்கு உடனே என்ன தோன்றுகிறதோ கூறுங்கள் என்று தொகுப்பாளினி பிரியங்கா கூறினார்.

சூப்பர்ஸ்டார் புகைப்படத்தை பார்த்ததும் இந்த கோட்சூட் போட இவர் தான் காரணம் என்றார். தல அஜித் புகைப்படத்தை பார்த்ததும் இன்னும் தைரியமா பேச இவர் தான் காரணம் என்றார்.

நயன்தாரா புகைப்படத்தை பார்த்ததும் இதெல்லாம் நல்லா கேப்பீங்களே என்று நக்கலாக கேட்டதுடன் புரோமோ முடித்துள்ளனர்.

பாகுபலி என்ற மாபெரும் பிளாக் பஸ்டர் படத்துக்கு பிறகு பிரபாஸ் நடித்து வரும் படம் சகோ. இப்படத்தின் படப்பிடிப்பு கடைசிக்கட்டத்தை எட்டியுள்ளது.

இந்நிலையில் பிரபாஸ் இப்படத்தில் என்ன மாதிரியான கதாபாத்திரத்தில் நடிக்கிறார் என்று தகவல் வெளிவராமலே இருந்தது. தற்போது வந்த தகவல் படி பிரபாஸ் சர்வதேச குற்றவாளிகளை கண்டுபிடிக்கும் போலீஸ் தகவல் தெரிவிப்பாளராக நடிக்கிறார் என்று செய்தி கசிந்தது.

ஆனால் படத்தில் பிரபாஸை கெட்டவன் போல் காட்டி கிளைமாக்ஸில் தான் இவர் போலீஸ் தகவல் தெரிவிப்பாளர் என்று தெரிய வருமாம். அவர் எப்படி மொத்த சர்வதேச குற்றவாளிகளை கையாளுகிறார் என்பதே சகோ படத்தில் அவரது கதாபாத்திரமாம்.

கோடை விடுமுறை வந்துவிட்டாலே குழந்தைகளுக்குக் குதூகலம் ஸ்டார்ட் ஆகிவிடும். புத்தக மூட்டைகளைத் தூக்கி பரண்களில் போட்டுவிட்டு உற்சாகம் கொப்பளிக்க உறவினர்களின் வீடுகளுக்குப் பறந்து விடுவார்கள். குழந்தைகளுக்கு அப்படியென்றால், ரஜினிக்கு இப்படி!

ஒரு படத்தில் நடித்து முடித்துவிட்டால் உடனே மீசையை மழிப்பார், சிம்பிளாக வேட்டி, சட்டையுடன் ஜோல்னா பையை மாட்டிக்கொண்டு குஷியாக இமயமலைக்குச் சென்று விடுவார். ஒரு  வகையில் ரஜினியும், குழந்தையும் ஒண்ணு. சினிமா உலகில் நண்பர்கள், தனிப்பட்ட முறையில்  தான்  திரைப்படக் கல்லூரியில் படிக்கும்போது கஷ்டப்பட்ட காலத்தில் தன்னோடு பழகிய பழைய நண்பர்கள், இமயமலைக்குச் செல்லும்போது ஆன்மிக நண்பர்கள் என்று தன்னுடைய நட்பு வட்டத்தை தனித்தனியாக, தெள்ளத்தெளிவாகப் பிரித்து வைத்து பழகிவருவது ரஜினியின் ஸ்பெஷல். ஒருமுறை ரஜினியிடம் நீங்கள் யாரைப் பார்த்து பொறாமைப்படுகிறீர்கள்?' என்று கேள்வி கேட்டனர். அப்போது, 'வாழ்க்கையில் எல்லாவற்றையும் முற்றும் துறந்து இமயமலையில்  தனியாக அமர்ந்து தியானம் செய்யும் சாமியார்களைப் பார்த்தால்தான் எனக்குப் பொறாமையாக இருக்கிறது' என்று ஆச்சர்யமான பதில் சொல்லி அசரவைத்தார்.

பொதுவாக முன்னணி ஹீரோக்கள் அவர்களின் படங்கள் ரிலீஸாகும் அன்று நகத்தைக் கடித்தபடி டென்ஷனில் தவித்துக் கொண்டு இருப்பார்கள். தங்கள் மேனேஜர்களை ஒவ்வொரு மாவட்டத்துக்கும் போன் செய்யச் சொல்லி 'ரிசல்ட் எப்படி இருக்கிறது? ' என்று படபடப்போடு கேட்பார்கள். ரஜினி மட்டும் விதிவிலக்கு தனது படத்துக்கு  ரசிகர்கள் கட் அவுட் வைப்பதையோ, பாலாபிஷேகம் செய்வதையோ, தியேட்டரில் விசிலடித்து அதகளம் செய்வதையோ பார்க்கமாட்டார். தன் பட ரிசல்ட் என்ன? என்று வீட்டில் இருப்பவர்களிடமோ, நண்பர்களிடமோகூட கேட்டதில்லை. இமயமலையில் இருந்து அவராகவே போன் செய்தால்தான் உண்டு. ஒவ்வொரு திரைப்பட வெற்றிக்கும் இமயமலையில் வசிக்கும் குருமார்களின் ஆசீர்வாதம்தான் முழுமுதற்காரணம் என்று பரிபூரணமாக நம்பிக்கையோடு இருக்கிறார். அதுபோல, அரசியலில் முழுவதுமாக இறங்கி கட்சியின் பெயர், கட்சிக்கொடி என்று அறிவித்தபிறகு தமிழ்நாட்டில் சுற்றுப் பயணம் செய்ய வேண்டிய பொறுப்பு மிகுந்து இருப்பதால், அதற்கு முன்பாக இப்போதே இமயமலை சென்று பாபாவின் குகையில் தியானம் செய்து, தனது குருமார்களின் ஆத்மார்த்தமான ஆசிகளைப் பெறுவதற்குத் திட்டமிட்டு இருந்தார். ஏற்கெனவே முடிவெடுத்த திட்டம்தான் இது என்றாலும், இப்போது திடீரெனப் புறப்பட்டுச் செல்வதற்கு சில காரணங்கள் இருக்கிறது என்கிறார்கள், ரஜினி ரசிகர்கள்.

2010 -ஆம் ஆண்டு 'எந்திரன்' ரிலீஸுக்குப் பிறகு ஒருமுறை இமயமலை சென்றுவிட்டுத் திரும்பினார். அதற்குப் பிறகு இடையில் உடல்நலம் இல்லாமல் போனது, சிங்கப்பூர் சிகிச்சை பெற்று தமிழகம் திரும்பினார். அதன்பின் 'கோச்சடையான்' அனிமேஷன் படத்திலும், 'லிங்கா' ' கபாலி' படங்களிலும் நடித்து முடித்தார். வழக்கமாக வருடா வருடம் இமயமலைக்குச் சென்று திரும்பி வந்தவர், கடந்த எட்டு வருடங்களாகவே இமயமலைக்கு செல்லாமல் இருப்பது ரஜினியின் மனதுக்கு என்னவோ போல் இருப்பதாக தனது நெருங்கிய நண்பர்களிடம் சொல்லியிருக்கிறார், ரஜினி. எனவே கடந்த ஜனவரி மாதத்தின் முதல்வாரத்தில் இமயமலை செல்வதாகத் திட்டமிட்டு இருந்தார். திடீரென தனது பயணத்தைத் தள்ளிவைத்துவிட்டு, ஜனவரி மாத இறுதியில் தனது ரசிகர்களை ஶ்ரீராகவேந்திரா மண்டபத்தில் சந்தித்து போட்டோ எடுத்துக்கொண்டார். 2017 டிசம்பர் 31-ஆம் தேதி அன்று 'நான் அரசியலுக்கு வருவது உறுதி' என்று பிரகடனம் செய்தார். அதன்பிறகு தமிழகத்தின் அரசியல் களத்திலும், மீடியா உலகத்திலும் ரஜினியின் அரசியல் பிரவேசம் பெரிதாகப் பேசப்பட்டது. அடுத்து மார்ச் 5-ம்தேதி அன்று சென்னை எம்.ஜி.ஆர் மருத்துவப் பல்கலைக்கழகத்தில் ரஜினி பேசிய ஆழமான பேச்சு அரசியல் உலகத்தையே திரும்பிப் பார்க்க வைத்தது. இப்போது தமிழகம் ரஜினி துவங்கப் போகும் கட்சியின் பெயர் என்ன, கட்சிக் கொடியின் நிறம் என்ன என்று ஆவலோடு எதிர்பார்த்துக் கொண்டு இருக்கிறது. ஜனவரியில் தள்ளிப்போன இமயமலைக்கு சென்று தான் வணங்கும் பாபா மற்றும் குருமார்களின் ஆசிகளைப் பெற்றுவந்த பிறகே தனது ஆன்மிக அரசியல் கட்சியின் பெயரை, கொடியை, கொள்கையை அறிவிக்கத் திட்டமிட்டு இருக்கிறார், ரஜினி. சுருங்கச் சொன்னால், ரஜினியின் 'ஆன்மிக அரசியல்' என்ட்ரிக்கு, இந்தப் பயணம் அவருக்கு ரொம்பவே முக்கியம். எனவே, இந்த ஆன்மிகப் பயணத்திற்குப் பிறகு, தனது அரசியல் வேலைகளை இன்னும் தீவிரப்படுத்த முடிவெடுத்திருக்கும் ரஜினி, மக்கள் மன்ற நிர்வாகிகளிடம் திட்டங்களைப் பிரித்துக் கொடுத்திருக்கிறாராம்.

மறைந்த ஸ்ரீதேவியின் ஆன்மா சாந்தியடைய வேண்டும் என்பதற்காக பல விஷயங்கள் செய்து வருகிறார் அவரது கணவர் போனி கபூர்.

தற்போது ஸ்ரீதேவிக்காக பிராத்தனை கூட்டத்தை மார்ச் 11ம் தேதி சென்னை நடத்த ஏற்பாடு செய்துள்ளார் போனி.

இதில் அவரது மகள்கள் ஜான்வி மற்றும் குஷியும் கலந்து கொள்ள இருக்கிறார்களாம்.

ரஜினி ஏற்கெனவே இமயமலைக்கு பயணம் செய்யப்போவதாக உறுதிப்படுத்தியுள்ளார். எனவே ரஜினியால் ஸ்ரீதேவிக்கான பிராத்தனை கூட்டத்தில் கலந்து கொள்ள முடியாது. ஆனால் கமல்ஹாசன் வருவாரா இல்லையா என்பது உறுதியாக தெரியவில்லை.

பிரபல ரிவியில் ஒளிரப்பாகிய பிக்பாஸ் நிகழ்ச்சியின் மூலம் ரசிகர்களின் வெறுப்பினை அதிகமாக சம்பாதித்தவர் தான் ஜுலி.

அதன்பின்பு அதனையெல்லாம் கடந்து வந்த ஜுலி தற்போது பிரபல ரிவியின் ஒரு நிகழ்ச்சியில் தொகுப்பாளினியாக உள்ளார். சமீபத்தில் கூட நடுவர் தன்னுடன் நடனமாட வராததால் கண்ணீர் வடித்து ரசிகர்களுக்கு அதிர்ச்சியை ஏற்படுத்தினார்.

இந்நிலையில் கடந்த சில தினங்களுக்கு முன்பு ஜுலியின் விளம்பரப்படம் ஒன்று வெளியாகியது. அப்பொழுது மேடையில் பேசிக்கொண்டிருந்த ஜுலிக்கு ரசிகர் ஒருவர் ப்ரபோஸ் செய்துள்ளார்.

அதுமட்டுமின்றி அந்த இளைஞர் முன்பு ஜுலி பாடிய பாடலை தற்போது நெட்டிசன்கள் கலாய்த்து வருகின்றனர்.