!...Payanam...!

தாய்லாந்து பிரதமர் ராஜ்தாஸ்ரீ ஜெயம்குரா இந்தியாவின்
மிகப்பெரிய சூப்பர்ஸ்டாரான திரு.ரஜினி காந்த் அவர்களை சந்தித்து நலம் விசாரித்தார். இவர் சூப்பர்ஸ்டார் ரஜினி காந்த் அவர்களின் “ கபாலி” திரைப்படத்தின் படபிடிப்பு தாய்லாந்தில் நடக்கும் போது அப்படபிடிப்பு சிறப்பாக நடைபெறுவதற்கு மிகப்பெரிய அளவில் உதவி புரிந்தார்.

அப்போது ஏற்பட்ட நட்பின் காரணமாக அவர் சூப்பர்ஸ்டார் திரு. ரஜினி காந்த் அவர்களை சந்திப்பதற்காகவே தாய்லாந்தில் இருந்து சென்னைக்கு வருகை தந்தார் என்பது குறிப்பிடத்தக்கது.

இச்சந்திப்பில் சூப்பர் ஸ்டார் ரஜினி அவர்களுக்கு அங்கு மிகப்பெரிய அளவில் ரசிகர்கள் இருப்பதாகவும் அவர் அங்கு பெரிய அளவில் பிரபலம் அடைந்துள்ளதாகவும் கூறினார். இச்சந்திப்பில் “வி கிரியேஷன்ஸ் “ CEO பரந்தாமன் தாணு அவர்கள் உடனிருந்தார்.

சமையலுக்கு மசாலா எவ்வளவு முக்கியமோ அதே போல சினிமாவுக்கு காமெடியும்.

காமெடி என்றால் உடனே பல நடிகர் நடிகைகள் நினைவிற்கு வருவார்கள். ஆனால் ஆதியும் முக்கியம் தானே. உலக அரங்கில் தலை நிமிர்ந்து நிற்கும் தமிழ் சினிமா காமெடியிலும் பல தலை முறைகளை கண்டுள்ளது.
1950 முதல் 1970

காமெடியின் தொடக்கம் கலைவாணர் NSK என்று கூட சொல்லலாம், இருந்தாலும் சந்திரபாபு, டி.எஸ்.பாலையா, கே.ஏ.தங்கவேலு,மனோரமா,சோ,நாகேஷ், சுருளி ராஜன், தேங்காய் ஸ்ரீவாசன் என பல நகைச்சுவை ஜாம்பவான்களை அடையாளம் காட்டியது.

ஒவ்வொருவரும் தனி அடையாளத்துடன் தனக்கே உரிய பாணியில் நடித்து தனித்துவம் பெற்றார்கள்.

ஆதியில் வந்தவர்கள் காமெடியில் சினிமாவிற்கு அஸ்த்திவாரமாக இருந்தார்கள்.
1970 - 1990

தொடர்ந்து நிலைத்து நின்ற பிரபலங்களுக்கு நடுவில் புதிதாய் முளைத்த பிரபலங்கள் தான் கவுண்டமணி, செந்தில், கோவை சரளா, உசிலை மணி, வெண்ணிறாடை மூர்த்தி, ஜனக ராஜ், குண்டு கல்யாண், ஓமக்குச்சி நரசிம்மன், லூசு மோகன், குமரி முத்து என இன்னொரு கூட்டம் தனித்துவம் படைத்தது.
1990 - 2000

வடிவேலு, கோவை சரளா, மனோரமா என மூத்த நடிகர்கள் இருந்த போதும் விவேக், சின்னி ஜெயந்த், மதன் பாப், வையா புரி, பாண்டு, சார்லி, கருணாஸ் என பட்டியல் நீண்டு கொண்டே சென்றது.
2000 - 2016

முக்கிய நட்சத்திரங்கள் இருந்த போதும் சிட்டி பாபு, கஞ்சா கருப்பு, அப்புக்குட்டி,மயில் சாமி, சிங்கமுத்து, இமான் அண்ணாச்சி, சந்தானம், தம்பி ராமையா, மொட்டை ராஜேந்திரன், மதுமிதா, சூரி, சதிஷ், யோகி பாபு என இன்னும் தொடர்ந்து கொண்டிருக்கிறது.

இத்தனை பேர் இருந்தாலும் இன்னும் பலர் உருவாகி கொண்டிருக்கிறார்கள். காமெடி இன்னும் வளரும். எல்லோருக்கும் மகிழ்ச்சியை தரும்.

மடிக்கணினி முதல் ஆண்ட்ராய்டு, ஆப்பிள் போன்கள் வரை கடந்த சில ஆண்டுகளாய் கிராமங்களில் வேகவேகமாக நுழைந்து கொண்டிருந்தாலும், இன்னும் நாட்ரீச்சபிள் ஏரியா கிராமங்களும் இருக்கத்தான் செய்கின்றன.

சூழல் எதுவாக இருந்தாலும் மனதிடமும் உடலுழைப்பும் கொண்டவர்கள் கிராமத்துப் பெண்கள். குறிப்பாக, இவர்களின் வாழ்க்கை இயற்கையோடு இணைந்திருக்கும். ஆயிரம்தான் கஷ்டங்கள் நிறைந்திருந்தாலும், அவர்களின் வாழ்க்கை அழகானது. அதை வாழ்வதற்கெல்லாம் நிச்சயமாக கொடுப்பினை வாய்த்திருக்க வேண்டும்.

விடியற்காலையில் எழுந்து, மாட்டுச்சாணத்தை நீரில் கரைத்து தெருவில் தெளித்து, பெருக்கிக் கோலம் போடும்போது கிடைக்கும் உடற்பயிற்சியை, நகரங்களின் ட்ரெட்மில் எப்போதும் கொடுத்துவிடாது.


பத்து ரூபாய் கொடுத்து ராசயன சாயத்தை மெஹந்தி என்று பூசிக் கொண்டிருக்கிறோம். ஆனால், மருதாணி இலைகள் பறித்து அதில் கொஞ்சம் கொட்டைப்பாக்கு புளியும் சேர்த்து அரைத்து வட்ட வட்டமாய் கைகளை அலங்கரிக்கும்போது ஆயிரம் கதைகள் அந்நேரம் கிராமத்துத் தோழிகளிடையே ஓடும்.


‘இங்க பாருடி... அழவாணலை (மருதாணி) செவந்துச்சுனாதான், உனக்கு உன் மாமன் மேல பாசம் இருக்குறதா அர்த்தமாம். விடியுறவரைக்கும் கலைச்சிடாதே’ என்று தோழி ஒருத்தி சொன்னால்,
அதெல்லாம் செவக்கும்... கொட்டப்பாக்கும் புளியும் மட்டும் வைக்கலை... செவத்துல இருந்த மூட்டப் பூச்சியையும் வச்சிருக்கேன்’ என்பாள் பதிலுக்கு.


வாட்ஸ் அப் கதைகளையோ, மெஹந்தி டிசைன்கள் பற்றியோ அறிந்ததில்லை இவர்கள். இலந்தை மரங்களில் ஏறவும், புளியம் பழங்களை உலுக்கவும் கற்றறிந்தவர்கள். ஆட்டுக்குட்டிகளை கழுத்தில் மாலையாக்கிக் கொள்ளவும், முயல்குட்டிகளை காது பிடித்து தூக்கிச் செல்லவும், வாத்து மேய்க்க, ஆட்டுப்பட்டியை கட்டி ஆள, தூண்டில் போட்டு மீன் பிடிக்க என இயற்கையை கற்றறிந்தவர்கள்.


கிராமத்துப் பெண்கள் சம்மர் கிளாஸில் நீச்சல் கற்றுக் கொள்வதில்லை. விறகு வெட்ட தெரியும். கிணறு வெட்டத் தெரியும். ஏர்பூட்டி கழனி உழ, நாற்று நட, அறுவடை செய்ய, பதர் அடிக்க, நெல்குத்த, ஒரு விவசாய பூமியை மொத்தமாய் கட்டி ஆளும் வித்தையை அறிந்தவர்கள்.


கிராமங்களில் கழிப்பறை வசதி 90 களுக்கு பிறகுதான் படிப்படியாய் கிடைக்கத் துவங்கியது. அதற்கு முன்பெல்லாம் கழிப்பறை வைத்த வீடுள்ள மாப்பிள்ளையை திருமணம் செய்து கொள்வதே கிராமத்துப் பெண்களின் பெருங்கனவாக இருந்தது. செயற்கை நாப்கின்கள் வரவு கிராமங்களில் அப்போது இல்லை. பருத்தித் துணிகளையே மாதவிடாய் காலங்களில் பயன்படுத்தி வந்தார்கள். சுகப்பிரசவம் வீட்டிலேயே நடந்ததெல்லாம் ஒரு காலம். விவசாயம், கால்நடை, காடு, கழனி, ஓடை என்றே வாழ்க்கை நடத்தியவர்கள். விஷப்பாம்பு கடித்தாலும் கைவைத்தியம் செய்யும் மருத்துவச்சிகள் கிராமங்களின் உண்டு. ஐபாட் பாட்டறியாமல் ஆராரோ பாடி தாலாட்டியவர்கள் இவர்கள். மஞ்சளும் மரிக்கொழுந்தும் கிராமத்துப் பெண்களுக்காகவே வரம் வாங்கி மண்ணில் விளைந்தவை. தாழம்பூவின் வாசம் அறிந்தவர்கள்.


சொலவடையோ, கிராமியப் பாடலோ ஒவ்வொன்றுக்கும் அர்த்தம் உண்டு இவர்களிடம்.
கிராமங்களில் கல்விக் கூடங்கள் எட்டிப்பார்த்தன. தலைவாரி பாவாடைச் சட்டை அணிந்து கல்விக் கூடங்கள் போனார்கள் சிறுமிகள். எட்டாத ஏட்டுக் கல்வி அவர்களுக்கு எட்டும் கனியானது. பள்ளிக்கூடம் தாண்டி கல்லூரியில் கால் பதித்தார்கள். சேலை... நைட்டி ஆனது. தாவணி... சல்வார் ஆனது.


இதெல்லாம் கால மாற்றம். கல்வி உள்ளிட்ட அடிப்படை வசதிகள் கிராமங்களில் தடம் பதிப்பதை வரவேற்பதைப் போலவே, ஆலமரத்து தூளிக்குப் பக்கத்தில் ஒலிக்கும் அம்மா, அம்மாச்சியின் தாலாட்டுப் பாடல்கள் தூரமாய் மெல்லிய சத்தத்தில் இசைத்து அடங்கிக் கொண்டே இருக்கும் சோகமும் நெஞ்சின் ஒரு ஓரத்தில் உறுத்திக் கொண்டே இருப்பதையும் மறுக்க முடியவில்லை. கிராமங்களை எல்லாம் நகரமயமாவதோடு, அங்கிருந்த அழகியல், நல்ல பழக்கவழக்கங்கள் என பலவும் மெள்ளச் சிதைவதையும் பொறுக்கமுடியவில்லை.

அரசு ஆஸ்பத்திரியில் ஆயா வேலை பார்த்து வருகிறார் லட்சுமி ராமகிருஷ்ணன். இவருக்கு இரண்டு மகன்கள், ஒரு மகள். மகள் காதலித்தவனுடன் ஓடிப்போய் திருமணம் செய்துகொள்கிறாள். பெரிய பையன் எந்நேரமும் குடியே கதியென்று கிடக்கிறான். இளைய மகன் ஆட்டோ ஓட்டி பிழைப்பு ஓட்டி வருகிறான்.

இவர்களுக்கு சொந்தமான வீட்டிலேயே அம்மணி பாட்டியும் வாடகைக்கு குடியிருக்கிறார். அம்மணி பாட்டிக்கு சொந்தம், பந்தம் யாரும் கிடையாது. வழியில் கிடைக்கும் பொருட்களை சேகரித்து, அதை கடையில் போட்டு அதில் கிடைக்கும் பணத்தை வைத்து தினமும் சாப்பிட்டு எந்த பிரச்சினையும் இல்லாமல் வாழ்ந்து வருகிறாள்.

இந்நிலையில், லட்சுமி ராமகிருஷ்ணனுக்கு தனது வீட்டு கடனை கட்ட பணம் தேவைப்படுகிறது. இதனால், தன்னுடைய வேலையை ராஜினாமா செய்துவிட்டு, அதன்மூலம் வரும் பணத்தில் அந்த கடனை கொடுத்துவிட்டு மீதியை மகன்களுக்கு பிரித்துக் கொடுக்கலாம் என முடிவெடுக்கிறார். அந்த நேரத்தில் அவரது மகன்கள், மகள் வழி பேரன் ஆகியோர் இவள் மீது பாசம் காட்டுகிறார்கள்.

ஆனால், லட்சுமி ராமகிருஷ்ணனுக்கு வரும் பணம் கடனை கட்டுவதற்கே சரியாக போய்விடுகிறது. இதனால், விரக்தியடைந்த அவருடைய இளைய மகன், தனது பெயரில் அந்த வீட்டை எழுதி வாங்கிக் கொண்டு, குடிகார அண்ணனையும், லட்சுமி ராமகிருஷ்ணனையும் வீட்டை விட்டு விரட்டுகிறான்.

இதனால் லட்சுமி ராமகிருஷ்ணன் மிகவும் மனமுடைந்து போகிறார். இந்த சூழ்நிலையை அவர் எப்படி சமாளித்தார்? என்பதே படத்தின் மீதிக்கதை

படம் முழுக்க முழுக்க லட்சுமி ராமகிருஷ்ணனே நிறைந்திருக்கிறார். அவரைச் சுற்றியே கதை நகர்கிறது. ஆஸ்பத்திரியில் வேலை பார்க்கும் ஆயாவாக, அந்த கதாபாத்திரமாகவே வாழ்ந்திருக்கிறார். பெரிய நட்சத்திரம் என்று பார்க்காமல் எந்த மாதிரியாகவும் தன்னால் நடிக்கமுடியும் என்பதை நிரூபித்திருக்கிறார். செண்டிமெண்ட் காட்சிகளில் எல்லாம் இவரது நடிப்பு பலே சொல்ல வைக்கிறது.

ஒரு இயக்குனராகவும் லட்சுமி ராமகிருஷ்ணன் படத்திற்கு படம் மெருகேறியிருக்கிறார். குடிசைப் பகுதியில் வாழ்பவர்களின் வாழ்க்கையை நம் கண்முன்னே கொண்டு வந்திருக்கிறார். அதேபோல், பணம்தான் இன்றைய கால சூழ்நிலையில் முக்கியம் என்று இன்றைய தலைமுறையில் நடக்கும் நிகழ்வுகளை அழகாக எடுத்துச் சொல்லியிருக்கிறார். அதேபோல், படத்தில் இடம்பெறும் வசனங்களும் படத்திற்கு பக்கபலமாக இருந்திருக்கிறது. குத்தாட்ட சுந்தரிகளின் நடனம் இல்லாமல், நெருக்கமான காதல் காட்சிகள் இல்லாமல் மனங்களுக்குள் நடக்கும் போராட்டத்தை மட்டுமே வைத்து இப்படத்தை இயக்கியிருக்கிறார். இதற்காக லட்சுமி ராமகிருஷ்ணனுக்கு பாராட்டுக்கள் தெரிவிக்கலாம்.

அம்மணி பாட்டியாக வரும் சுப்புலட்சுமி பாட்டியின் துறு துறு நடிப்பும் நம்மை கவர்கிறது. அதேபோல், லட்சுமி ராமகிருஷ்ணனின் இளைய மகனாக வரும் நிதின் சத்யாவின் நடிப்பும் அழகாக இருக்கிறது. அம்மாவிடம் கோபப்பட்டு இவர் பேசும் காட்சிகள் எல்லாம் பலே சொல்ல வைக்கிறது. எமதர்ம ராஜாவாக வந்து ஒரு பாட்டுக்கு குத்தாட்டம் போட்டு சென்றிருக்கிறார் ரோபோ சங்கர்.

இம்ரானின் ஒளிப்பதிவு மிகவும் அருமையாக இருக்கிறது. கே-யின் இசையில் பாடல்கள் பரவாயில்லை ரகம்தான் என்றாலும், பின்னணி இசை மென்மையாக வந்து வருடுகிறது.

மொத்தத்தில் ‘அம்மணி’ அனைவருக்குமான படம்.

ஞாயிறு : சூரியன் உச்சம் பெற்ற நாள். பலன் கொடுப்பவனும் அவனே. சூரியன் நாளான ஞாயிறு சுறுசுறுப்பு உற்சாகம் உடைய நாள். சுறுசுறுப்பான இதயம் எண்ணை முழுக்கால் மந்தகதிபடும். அது தீங்கு.சனிக்கிழமை தோறும் எண்ணை தேய்த்துக் குளித்தால் வைத்திய செலவு அதிகம் வராது.

மயானத்திற்குச் சென்று வந்தவனும், தலைமுடி வெட்டிக் கொண்டவனும் தலையில் எண்ணையை வைத்துக் கொண்டு ஒருபோதும் குளிக்கக்கூடாது.

ஆண்கள் : புதன், சனிக்கிழமையிலும்,

பெண்கள் : செவ்வாய், வெள்ளிக்கிழமையிலும் குளிக்கலாம்.

அமாவாசை, பவுர்ணமி, மாதப் பிறப்பு, ஜென்ம நட்சத்திரத்தன்று குளிக்கக்கூடாது.

தலையில் தேய்த்த எண்ணையை வழித்து உடம்பின் பிற பகுதிகளில் தேய்த்தல் கூடாது.

 இரத்தம் சுத்தமில்லாமல் இருந்தால் உடல் அசதி, காய்ச்சல், வயிற்றுப் பொருமல், சுவாசக் கோளறுகள் போன்றவை உண்டாகலாம். அதனால் உடலின் அடிப்படை சக்தியான இரத்தத்தை சுத்தமாக வைத்துக்கொள்வது அவசியமாகும்.

1. பீட்ரூட் சாப்பிட்டு வந்தால் புதிய இரத்தம் உற்பத்தியாகும்.

2. செம்பருத்திப் பூவை நடுவில் இருக்கும் மகரந்தத்தை தவிர்த்து சுத்தி உள்ள இதழ்கள் மட்டும் வெறும் வயிற்றில் சாப்பிட்டுவர வெட்டை சூடு தீர்ந்து இரத்தம் விருத்தியாகும். செம்பருத்திப்பூவின்  இதழ்களை எடுத்து சுத்தம் செய்து காய வைத்து பொடி செய்து வைத்து கொண்டு தினமும் காலை, மாலை 1 டம்ளர் வெந்நீரில் 1 ஸ்பூன் கலந்து குடித்து வந்தால் உடலில் பலவீனம் குறைந்து இரத்தம் தூய்மையடையும்.

3. முருங்கைக் கீரையை துவரம் பருப்புடன் சமைத்து ஒரு கோழிமுட்டை உடைத்து விட்டு கிளறி நெய் சேர்த்து 41 நாட்கள் சாப்பிட்டு வர இரத்தம் விருத்தியாகும்.

4. விளாம்பழம் சாப்பிட்டால் இரத்தத்தில் உள்ள கிருமிகள் அழிந்துபோகும். உடலில் உள்ள இரத்தம் சுத்தமில்லாமல் இருந்தால் உடல் அசதி, காய்ச்சல், வயிற்றுப் பொருமல், சுவாசக் கோளறுகள் போன்றவை உண்டாகலாம். அதனால் உடலின் அடிப்படை சக்தியான இரத்தத்தை சுத்தமாக வைத்துக்கொள்வது அவசியமாகும்.

5. நாவல் பழம் தினமும் சாப்பிட்டால் இரத்தம் விருத்தி விருத்தியாகும்.

6. ஆப்பிள் பழச்சாறு எடுத்து அதில்  கேரட் சாறு மற்றும் இஞ்சிச்சாறு கலந்து குடித்து வந்தால் உடல் சோர்வு குறைந்து இரத்தம் சுத்தம் பெறும். உடல் பலம் அதிகரிக்கும். 1 டம்ளர் ஆப்பிள் பழச்சாறு எடுத்து அதில்  கேரட் சாறு மற்றும் இஞ்சிச்சாறு கலந்து குடித்து வந்தால் உடல் சோர்வு குறைந்து இரத்தம் சுத்தம் பெறும். உடல் பலம் அதிகரிக்கும்.

7. இஞ்சிச் சாறுடன் தேன் கலந்து சாப்பிட்டால் இரத்தம் சுத்தப்படுத்தப்படுகிறது.

8. இலந்தைப் பழம் சாப்பிட்டால் இரத்தத்தை சுத்தம் செய்வது மட்டுமில்லாமல், சுறுசுறுப்பாக வைத்துக் கொள்ளும். பசியையும் தூண்டும் தன்மை கொண்டது.

9. தக்காளிப் பழம் சாப்பிட்டு வந்தால் இரத்தம் சுத்தமாகும். ஆனால், வாத நோய் உள்ளவர்கள் தவிர்த்தல் நல்லது.

10. திராட்சை பழத்தை சாப்பிட்டு வந்தால் சுரத்தை தணித்து மலச்சிக்கலை போக்கி இரத்தம் சுத்தமடையும். திராட்சை பழத்தை கழுவி சாப்பிட்டு வந்தால் சுரத்தை தணித்து மலச்சிக்கலை போக்கி இரத்தம் சுத்தமடையும்.

 தமிழ் சினிமாவில் சிவகார்த்திகேயன் முன்னனி நடிகர் பட்டியலில் உள்ளார். இவர் 10 படங்களில் மட்டுமே நடித்தாலும் அதிக ரசிகர்களையும், அதிக சம்பளத்தை பெற்று முன்னணி நடிகராக
மாறியுள்ளார்.

இவருக்கு தொலைக்காட்சிகளில் பணிபுரியும் போதே அதிக ரசிகர்கள் இருந்ததும் கூட ஒரு காரணம். சினிமாவில் குறுகிய காலத்தில் ஸ்டார் நடிகர் என்ற இடத்திற்கு முன்னேறுவதற்கு அவர் பின்பற்றி வரும் நான்கு கொள்கைகள் தான் காரணம் என கூறப்படுகிறது.

அவை என்னவென்றால் அவருக்கு குழந்தை ரசிகர்கள் அதிகம் என்பதாலும், ரத்தம் சிந்தும் காட்சிகளில் நடிப்பதை தவிக்கிறார். ஒரே நேரத்தில் ஒரு படத்தில் மட்டுமே கவனம் செலுத்தி நடிப்பது ஒரு காரணம். பணத்திற்காக மட்டும் நடிக்க ஒப்புக்கொள்ளாமல், தனக்கு பிடித்த கதை உள்ள படங்களை தேர்வு செய்வது மற்றும் புகைப்பிடித்தல் காட்சிகளில் நடிப்பதை தவிர்ப்பது என்ற கொள்கைகளை கடைபிடிப்பதுதான் இவரது வெற்றிக்கு காரணம் என கூறப்படுகிறது.

இந்நிலையில் இவரின் படங்களான தொடர் வெற்றியை தந்த ரஜினி முருகன், ரெமோ போன்றவை மக்களிடையே பெரும் வரவேற்பை பெற்றது. இதையடுத்து மோகன் ராஜா இயக்கும் புதிய படத்தில் நடிக்க உள்ளார். இதில் நயன்தாரா ஹீரோயினாக நடிக்க உள்ளார். இப்படம் நவம்பர் 11ல் தொடங்க உள்ளதாக கூறப்படுகிறது.

கடந்த சில நாட்களாகவே கோலிவுட்டின் ஹாட் டாபிக் சிவகார்த்திகேயன் கண்ணீர் பேட்டி தான். பலரும் யார் சிவகார்த்திகேயனை மிரட்டியது என கேட்டு வருகின்றனர்.

இந்நிலையில் விஷாலும் தன் பங்கிற்கு என்னையும் மிரட்டினார்கள் என கூறினார். இதற்கு நடிகர் சங்க தலைவர் நாசர் விளக்கம் கூறியுள்ளார்.

இதில் ’தயாரிப்பாளர் 'எஸ்கேப் ஆர்டிஸ்ட்' மதன், சிவகார்த்திகேயன் தன்னிடம் புதுப்பட ஒப்பந்தத்துக்காக அட்வான்ஸ் பணம் வாங்கியதாக சொல்கிறார். சிவாவோ மறுக்கிறார், உண்மையில் இருவருக்கும் இடையில் பணப்பரிமாற்றம் நடந்து இருக்கிறது.

அது புதுப்படத்துக்கான அட்வான்ஸ் பணமா? இல்லை வேறு தனிப்பட்ட முறையில் பெறப்பட்டதா? என்பது குறித்து இருவரையும் ஒன்றாக அழைத்து விசாரிக்க இருக்கிறோம்.

மேலும், விஷால் தன்னை மிரட்டியதாக சொன்னது பழையக்கதை, அதற்கும் சிவகார்த்திகேயன் பிரச்சனைக்கும் சம்மந்தமில்லை’ என நாசர் கூறியுள்ளார்.

இன்று சினிமாவில் இருக்கும் நிறைய நடிகர்கள் சினிமா பின்னணியில் இருந்து வந்தவர்கள். அவர்களது பெற்றோர் அல்லது உறவினர்கள் சினிமா துறையை சேர்ந்தவர்கள். அவர்களில் முக்கியமானவர்கள் இதோ.

விஜய்

விஜய்யின் அப்பா இயக்குனர் மற்றும் தயாரிப்பாளர் எஸ்.ஏ.சந்திரசேகர் எடுத்த நாளைய தீர்ப்பு என்ற படத்தின் மூலம் 1992 இல் குழந்தை நட்சத்திரமாக நடிக்க துவங்கினார். இவருடைய இயக்கத்திலேயே 10 படங்கள் வரை நடித்துள்ளார்.

சூர்யா

இயக்குனர் வசந்தின் ஆசை படத்தில் நடிக்க கிடைத்த வாய்ப்பை விட்டு விட்டு மீண்டும் 1997 இல் நேருக்கு நேர் படத்தின் மூலம் சினிமாவிற்கு காலடி எடுத்து வைத்தவர் சூர்யா. இவருடைய தந்தை நடிகர் சிவகுமார் ஒரு அனுபவம் வாய்ந்த முன்னணி நடிகர் என்பது எல்லோருக்கும் தெரிந்திருக்கும். தனது தம்பி கார்த்தியும் வெளிநாட்டில் படித்து விட்டு சினிமாவிற்கு வந்துள்ளார்.

சிம்பு

சிம்பு என்றதுமே உடனே ஞாபகம் வருவது டி.ராஜேந்திரன். இவர் நடிப்பு, பாடல், அடுக்கு மொழி வசனம் என சினிமாவை கலக்கி ஒரு சில படங்களும் எடுத்து தன்னுடைய மகன் சிம்புவை 1984 இல் உறவை காத்த கிளி திரைப்படத்தில் குழந்தை நாயகனாக அறிமுகப்படுத்தினார்.
அருண் விஜய்

பிரபல நடிகர் விஜய குமார். நடிப்புக்கென்று தனி இடம் பிடித்த இவர் தனது மகன் அருண் விஜய்யை 1995 இல் முறை மாப்பிள்ளை படம் மூலம் சினிமாவில் இறக்கி விட்டார்.

தனுஷ்

2002 இல் துள்ளுவதோ இளமை படத்தின் மூலம் இளம் நடிகனாக முகம் காட்டியவர் தனுஷ். இந்த படத்தின் இயக்குனர் கஸ்தூரி ராஜா அவரின் அப்பா என்பது குறிப்பிடத்தக்கது. மேலும் இவரது குடும்பத்தில் அண்ணன் செல்வராகவனும் இயக்குனர் தான்.

ஜீவா

தயாரிப்பாளர் ஆர்.பி.சவுத்ரி தன்னுடைய ஆசை ஆசையாய் படத்தின் மூலம் 2003 இல் மகன் ஜீவாவை நடிகராக அடையாளம் காட்டினார். இவரின் இன்னொரு மகன் ஜித்தன் ரமேஷ் சினிமாவில் நடித்து வருகிறார்.

ஜெயம் ரவி

தென்னிந்திய சினிமாவின் பிரபலமான எடிட்டர் மோகன் தன் இரு மகன்களுக்கும் சினிமாவை காட்டிவிட்டார். ஒருவர் ஜெயம் ரவி, மற்றொருவர் இயக்குனர் மோகன் ராஜா. ஜெயம் ரவியும் குழந்தையாகவே தெலுங்கு சினிமா மூலம் அறிமுகமானார்.

விக்ரம் பிரபு

இவரை பற்றி சொல்ல வேண்டும் என்றால் இவருடைய அப்பா பிரபுவையே இந்த லிஸ்டில் சேர்த்து விடலாம். அவரும் நடிகர் திலகத்தின் மகன் தானே. கும்கி படம் மூலம் சினிமாவில் ஹிட் ஓப்பனிங் கொடுத்த விக்ரம் பிரபு அடுத்தடுத்து படங்களில் நடித்து வருகிறார்.

சிபிராஜ்

இவரது முகத்தை பார்த்தாலே கண்டு பிடித்துவிடலாம் இவருடைய தந்தை பிரபல நடிகர் சத்யராஜ் என்று. 2003 இல் ஸ்டுடென்ட் நம்பர் ஒன் படத்தின் மூலம் முகம் காட்டிய சிபி இதுவரை 10 படங்களில் நடித்துள்ளார்.

கெளதம் கார்த்திக்

நவரச நாயகன் கார்த்திக் என்பது எல்லோருக்கும் தெரியும். ஆனால் இவருடைய மகன் தான் கெளதம் என்பது ஒரு சிலருக்கு மட்டுமே தெரியும். 2013 இலிருந்து இதுவரை 5 படங்களில் நடித்துள்ளார்.

இத்தனை பேர் சினிமா பின்னணியிலிருந்து வந்திருந்தாலும் தனது உழைப்பால் தனித்து நிற்பவர்கள் ஒரு சிலரே.

இவர்கள் மட்டுமல்ல இன்னும் இருக்கிறார்கள். இன்னும் புதியதாக சினிமாவிற்கு வந்து கொண்டிருக்கிறார்கள். அவர்களை பற்றி இன்னொரு பதிவில் பார்ப்போம்.

சினிமா ரசிகர்கள் தற்போது சினிமாவை ஏதோ ஒரு பொழுதுப்போக்கிற்காக மட்டும் பார்ப்பது இல்லை. ஒரு டெக்னிஷியனுக்காக கூட படம் பார்க்கும் நிலைமை வந்துவிட்டது, இசை என்றாலே பாடல்கள் மட்டும் தான் என இருக்க, பின்னணி இசைக்கும் ஒரு முக்கியத்துவம் உண்டு என ஒரு சில படங்களே உணர்த்துகின்றது, அதன் தொகுப்பு தான் இது...

புன்னகை மன்னன்

இளையராஜா இசையமைத்தாலே ஹிட் தான் என்ற நிலையில் காலங்கள் கடந்தும் நம் நினைவில் இருக்கும் ஒரு தீம் மியூஸிக் தான் புன்னகை மன்னன், அந்த படத்தின் பெயரை சொன்னாலே நம் நினைவிற்கு வருவது அந்த புல்லாங்குழல் இசை தான்.

பாட்ஷா

தேனிசை தென்றல் தேவா சூப்பர் ஸ்டார் படங்களுக்கு இசையமைத்த காலக்கட்டம், அண்ணாமலை படத்தில் அசத்தியிருந்தாலும், பாட்ஷா தான் ட்ரெண்ட் செட்டர் என்றே சொல்லலாம், ஒரு ஆங்கிலப்படத்தின் காப்பி இசையும் இதில் இடம்பெறும், அதையும் தாண்டி ரஜினி நடந்து வரும் போது பின்னணியில் வரும் அந்த தீம் இப்போதும் மெய்சிலிர்க்க வைக்கும்.

படையப்பா

ரகுமான் என்றாலே மெலடி தான் என இருந்த காலக்கட்டத்தில் முத்து என்ற மாஸ் மன்னன் படம் கிடைத்தது, ஆனால், அந்த படத்தில் ரகுமான் இசை பெரிதும் ரசிகர்களை கவரவில்லை. அந்த கோபமா என்று தெரியவில்லை படையப்பா படத்தில் இவர் ரஜினிக்காக போட்ட தீம் மியூஸிக் இன்றும் ஹைலேட் தான்.

பில்லா

தீம் என்று டீன் ஏஜ் இளைஞர்களுக்கு தெரிந்ததே இந்த காலக்கட்டம் தான். இன்னும் சொல்ல வேண்டுமென்றால் பின்னணி இசைக்காகவே படம் பார்க்க வைத்தது பில்லாவாக தான் இருக்கும். அஜித்தின் ஸ்டைலிஷ் லுக்கிற்கு யுவனின் பின்னணி இசை வேரு லெவலில் அமைந்திருக்கும்.

துப்பாக்கி

முதன் முதலாக விஜய்க்கு ஒரு ஆக்‌ஷன் படத்திற்கு இசையமைக்கின்றார் ஹாரிஸ். என்ன செய்வார் என்று காத்திருந்த நிலையில் ட்ரைலரிலேயே அசத்திவிட்டார். அதிலும் அந்த புகையிலிருந்து விஜய் வரும் போது தீம் மியூஸிக் போட்டிருப்பார் பாருங்க....ரசிகர்கள் விசில் சத்தம் விண்ணைத்தொடும்.

காக்க காக்க

ஹாரிஸ்-கௌதம் என்றாலே ஒரு ஸ்பார்க் கிரியேட் ஆகும். அந்த வகையில் காக்க காக்க படத்தில் சூர்யாவிற்கு இல்லை வில்லனுக்கு இவர் அமைத்த தீம் மியூஸிக் பலராலும் ரசிக்கப்பட்டது.

காதல் கொண்டேன்

ஹாரிஸ்-கௌதம் எப்படியோ அதேபோல் தான் செல்வா-யுவன் கூட்டணி. காதல் கொண்டேன் படத்தில் இவர்கள் மேஜிக்கில் வெளியே வந்த தீம் மியூஸிக் இன்றும் காதுகளுக்கு இதம் தான்.

மங்காத்தா

தமிழ்நாட்டில் உள்ள பாதி ஜனத்தொகையின் ரிங்டோன் இந்த இசை தான். அத்தனை பிரபலமானது இந்த தீம் மியூஸிக். அதிலும் அஜித்தை காட்டும் போதெல்லாம் வேறு வேறு மாடுலேஷனில் இந்த இசை அதிரும்.

கத்தி

அனிருத் வளர்ந்து வந்த காலக்கட்டம், எடுத்த எடுப்பிலேயே விஜய் போல் முன்னணி நடிகர்களுக்கான படத்திற்கு இசை. டீசரிலேயே கத்தி தீம் என்று ஒன்றை தெறிக்கவிட்டார், விஜய் ரசிகர்களின் ஆல் டைம் பேவரட்.

வேலையில்லா பட்டதாரி

வேலையில்லா பட்டதாரி தீம் மியூஸிக் எந்த அளவிற்கு பிரபலம் என்றால் தனுஷ் தன் கம்பெனி லோகோவிற்கே இந்த இசையை தான் பயன்படுத்தி வருகிறார். அந்த இசையுடன் கம்பெனி லோகோ வரும் போது வரும் பாருங்க ஒரு சத்தம், நாங்கள் சொல்லி தெரிய வேண்டியது இல்லை.

மன்மதன்

ஹீரோவிற்கும், இசையமைப்பாளர்களுக்கும் ஒரு வேவ் லெந்த் இருக்கும். அதில் சிம்பு-யுவன் விஷயத்தில் பல மடங்கு வேலை செய்யும். அப்படி ஒரு அற்புதமான தீம் மியூஸிக்ஸ் அமைந்த படம் தான் மன்மதன்.

ஜிகர்தண்டா

ஜிகர்தண்டா படம் மியூஸிக்கல் கேங்ஸ்டர் என்ற கோட் லைனில் தான் வெளிவந்ததே. அதற்கு ஏற்றார் போலவே அசால்ட் சேதுவிற்கு சந்தோஷ் நாராயணன் பல பரிமாணங்களில் இசையமைத்து கலக்கியிருப்பார்.

மயக்கம் என்ன

செல்வராகவன் யாருடன் கூட்டணி அமைத்தாலும் கலக்கல் இசையை வாங்கிவிடுவார், அப்படி ஜி.வி.பிரகாஷுடன் இவர் அமைத்த கூட்டணி தான் மயக்கம் என்ன, காதல், மோதல், வலி, தோல்வி, வெற்றி என அனைத்து பயணங்களுக்கும் ஜி.வியின் இசையே டானிக்காக இருந்தது.

இதுபோல் பல படங்கள் இருந்தாலும் குறிப்பிட்ட சில படங்களை தான் நாங்கள் இங்கு கூறியிருக்கின்றோம். உங்களுக்கு தெரிந்த படங்களை கீழே கமெண்டில் குறிப்பிடலாம்.