!...Payanam...!

ஊரிலிருக்கிற ‘மீம்ஸ்’ ரைட்டர்களெல்லாம் ஒன்று கூடி ஒரு ஸ்கிரிப்ட் எழுதினால் எப்படியிருக்கும்? அதுதான் ‘கடவுள் இருக்கான் குமாரு’! நடுநடுவே ‘‘கடவுள்னு ஒருத்தன் இருக்கானாடா குமாரு?’’ என்று தியேட்டரை புலம்ப வைத்தாலும், றெக்கையே இல்லாமல் ஃபேன் ஓட்டிய திறமைக்காக படத்தின் டைரக்டர் ராஜேஷ் எம்முக்கு, அகில உலக விஞ்ஞானி விருது ரெடி!

கதை என்கிற அழுத்தமான பில்லருக்காக எவ்வித சிரமமும் படவில்லை அவர். முகலிவாக்கம் பில்டிங்கை விட மோசமான அஸ்திவாரத்தின் மீது, கல்பாக்கம் அணு உலையை கட்டிய மாதிரி, காலியான கதைக்குள் ஜாலியான ஜோக்ஸ்களை அள்ளிப் போட்டு, தியேட்டரை எங்கேஜ் பண்ணியிருக்கிறார் ராஜேஷ். இனி ஜிவிபிரகாஷுக்கு கதை சொல்லக் கிளம்பும் கூட்டத்தில் ஜோக்ஸ் எழுத்தாளர்களும் இருந்தால், அது குமாரு தந்த கொலாப்ஸ் அன்றி வேறில்லை!

கிறிஸ்துவ பெண்ணான ஆனந்தியை காதலிக்கும் ஜி.வி.பிரகாஷ், ஆனந்தி அப்பாவின் மதம் மாற்றும் நோக்கம் பிடிக்காமல் அவரிடமிருந்து விலக, சுட சுட இன்னொரு பெண் ரெடி. நிக்கி கல்ராணிக்கும் இவருக்கும் கல்யாணம் நிச்சயம் ஆகிற நாளில், பொக்கே வருகிறது ஆனந்தியிடமிருந்து. பழங்கால காதலை தெரிந்து கொண்ட வருங்கால மனைவி நிக்கி, ஜி.வி. பிரகாஷை சந்தேகப்பட… எப்படியோ கெஞ்சி கூத்தாடி பாண்டிச்சேரிக்கு பேச்சுலர் பார்ட்டிக்கு கிளம்புகிறார் ஜி.வி. கூடவே நண்பன் ஆர்.ஜே.பாலாஜியும் இணைந்து கொள்ள, பயணம் என்னாச்சு. போலீசிடம் சிக்கிக் கொண்ட ஜி.வி. எப்படி நிக்கியை விட்டுவிட்டு மீண்டும் ஆனந்திக்குள் ஐக்கியமானார் என்பது முடிவு.

‘நான் ஒரு பட்டன்தான் போடல. நீ ஒரு பட்டனும் போடல…’ என்பது மாதிரியான குபீர் சிரிப்பு வசனங்கள் மட்டுமல்ல, ஹாரிஸ் ஜெயராஜில் ஆரம்பித்து, தனுஷ் சிம்பு வரைக்கும் போட்டு பிளக்கும் வசனங்களால், தன் போன் நம்பரை கூட மேற்படி சினிமாக்காரர்கள் எரிச்சல் பட்டு அழிக்கிற அளவுக்கு அழிச்சாட்டியம் பண்ணியிருக்கிறார் ராஜேஷ் எம். ஆனால் அந்த மீம்ஸ்களை புரிந்து கொண்டு ரணகளமாக சிரிக்கிறது தியேட்டர். அதிலும் ஆர்.ஜே.பாலாஜியின் நக்கலுக்கும் நையாண்டிக்கும் படத்தின் தயாரிப்பாளர் டி.சிவா கூட தப்பவில்லை என்றால் பாருங்களேன். கிறிஸ்துவ மத வெறியர்களை, இதற்கு முன் பாலாதான் படுத்தி வைத்தார். அவரை மிஞ்சிவிட்டார் ராஜேஷ். சர்ச்சுக்கு சர்ச், சர்ச்சை வெடித்தால், அதில் ஆச்சர்யப்பட ஒன்றுமில்லை.

சரி… ஜி.வி.பிரகாஷ் என்ன பண்ணியிருக்கிறார்? முதல் படத்தில் பார்த்த அதே மெச்சூரிடிதான் மூன்றாவது நான்காவது படத்திலும் என்கிற போதுதான், ‘ஐயே’ என்கிறான் ரசிகன். (அந்த ‘வெர்ஜின் பாய்’ டயலாக்கை இனிமேலாவது விட்ருங்க ப்ரோ.) ஆனால் அலப்பறை கொடுப்பதில் மனுஷன் சீனிப்பட்டாசாக பொறிகிறார். அதுவும் சர்ச்சுக்கு போய் அப்பம் தின்ன ஆசைப்படுவதும், பாதருக்கு பதில் சொல்கிற போது அவரையே குழப்பியடிப்பதுமாக அடங்காத அராத்தாக திரிகிறார். ஊர் என்ன வேணா சொல்லட்டும்… நானும் என் படமும் இப்படிதான் என்கிற அவரது கொள்கை முடிவு, சரியா தப்பா என்பதற்கு காலம்தான் மார்க் போட வேண்டும்.

மாநிற ஆனந்தியை அதே மாநிறத்தோடு நடமாட விட்டால்தான் என்ன தப்பு? பேர் அண் லவ்லி பொம்மை போல வருவதை ஏற்றுக் கொள்ள முடியாமல் ரசிக்கிறது மனசு. என்னதான் இருந்தாலும், தாவணி ஆனந்தியின் முன், ஜீன்ஸ் ஆனந்தி டம்மிதான். டபுள் ஹீரோயின் கதையில், சிங்கிள் கான்பிடன்ட்டோடு நிற்கும் அவரது நம்பிக்கையை பொய்யாக்கவில்லை ராஜேஷும், ஜி.வி.யும்.

நிக்கி கல்ராணிக்கு அதிகம் வேலையில்லை. டேய் எங்கடா இருக்க? எப்படா வருவே? என்று போனிலேயே பேச விட்டு கதையை முடித்துவிட்டார்கள். இருந்தாலும் நிக்கி கல்ராணியின் சேவை, ஜி.வி.க்காக தொடரட்டும். பொறுத்தமான ஜோடியாச்சே?

படம் முழுக்க லொட லொடவென்று பேசினாலும், கடகடவென்று ஒப்பிக்கிற அளவுக்கு உள்வாங்குகிற ஜோக்ஸ்கள்தான் ஆர்.ஜே.பாலாஜியினுடையது. நண்பன் கேரக்டர்தான். ஆனால் நீக்கமற நிறைந்திருக்கிறார் இவர். படத்தின் கலகலப்புக்கு இவரே 90 சதவீத உத்தரவாதம் என்பதால், இருந்திட்டு போங்க ராசா!

அந்த ஊர்வசி எபிசோடில், யோசிக்காமல் கால் மணி நேரத்தை வெட்டி விளாசியிருக்கலாம். இவ்வளவு பலமில்லாத கதையில் இதற்கு முன் நடிக்க ஒப்புக் கொண்டிருக்கிறாரா பிரகாஷ்ராஜ்? இல்லையென்றே தோன்றுகிறது. ஆனால், வில்லனோ, காமெடியனோ… தன்னை தவிர கூட இருப்பவர்கள் பக்கம் கூட பார்வையை திருப்ப முடியாதளவுக்கு கட்டிப் போடுகிற வித்தை இருக்கிறது அவரிடம். ரோபோ சங்கர், எம்.எஸ்.பாஸ்கர், சிங்கம்புலி என்று அவரவருக்கு கொடுத்த வாய்ப்பை அசத்தலாக செய்து கொடுத்திருக்கிறார்கள்.

பேக்கேஜ் சம்பளம் போலிருக்கிறது. நடிப்பும் இசையும் ஜி.வி.பிரகாஷ்தான். இசைக்கான சம்பளத்திலிருந்து சில லகரங்களை நடிப்புக் கணக்கில் போட்டுவிட்டார். நடிப்பிலிருக்கிற தூக்கல், இசையில் இல்லீங்களே பிரதர்.

படத்தில் பெரிய அப்பத்தை எதிர்பார்த்து சர்ச்சுக்கு போவார் ஜி.வி.பிரகாஷ். உள்ளே கிடைப்பதென்னவோ உள்ளங்கை சைசுக்கும் சின்னது. படம் முடியும் போது அந்த அப்பத்தின் ‘சைஸ்’தான் மனதுக்குள் வந்துவிட்டு போகிறது.

நீங்கள் பணம் எடுப்பதற்கு பயன்படுத்தும் 'ஆட்டோமேட்டட் டெல்லர் மெஷின்' அல்லது ஏ.டி.எம்-ல் வியாதிகள் பரப்பக்கூடிய கிறுமிகள் இருக்கலாம் என்று ஒரு ஆய்வு கூறுகிறது.

நீங்கள் பணம் எடுக்க பயன்படுத்தும் ஏ.டி.எம்-ன் கீ-பேட்களில், ஒட்டுண்ணிகளில் இருந்து பால்வினை நோய் பரப்பக்கூடிய அளவுக்கு மோசமான கிருமிகள் வரை இருப்பதாக ‘mSphere’ இதழில் வெளியான ஆய்வு ஒன்று கூறுகிறது.

முக்கியமாக மளிகை பொருட்கள் கிடைக்கும் கடைக்குப் பக்கத்தில் இருக்கும் ஏ.டி.எம்-களில்தான் கிருமிகள் அதிகம் இருப்பதாக இந்த ஆய்வு கூறுகிறது.

சென்னையில் அப்போலோ மருத்துவமனையில் உள்ள தீவிர சிகிச்சைப் பிரிவில் அனுமதிக்கப்பட்டுள்ள முதல்வர் ஜெயலலிதா, இன்று மாலை 5 மணிக்கு டிஸ்சார்ஜ் செய்யப்பட்டு, போயஸ் கார்டன் வீட்டுக்கு திரும்புவார் என தகவல் வெளியாகியுள்ளது. இந்த தகவல் இன்னும் அதிகாரபூர்வமாக அறிவிக்கப்படவில்லை.

கடந்த செப்டம்பர் 22-ம் தேதி அன்று இரவு உடல்நலம் பாதிக்கப்பட்டு அப்போலோவில் அனுமதிக்கப்பட்டார் முதல்வர்.

நேற்று அப்போலோ மருத்துவமனையின் தலைவர் பிரதாப் ரெட்டி, முதல்வர் டிஸ்சார்ஜ் ஆக இன்னும் சில வாரங்கள் ஆகலாம் எனக் கூறியிருந்தது குறிப்பிடத்தக்கது. 

இன்றைய காலக்கட்டத்தில் மருத்துவமனைக்கு சென்றாலே சொத்தை இழந்து விடுவோம். அந்தளவுக்கு பணம் நம்மிடம் இருந்து பிடுங்கப்பட்டு விடும். 'ரமணா ' திரைப்படத்தில் வருவது போல பல மருத்துவமனைகள் நாடு முழுவதும் நிரம்பிக் கிடக்கின்றன.
சாதாரண மக்கள், அரசு மருத்துவமனைக்கு சென்றால் கூட பல விஷயங்களுக்குப் பணத்தை அழ வேண்டியது இருக்கிறது.  இதற்கு பயந்து கொண்டே உடலுக்கு ஏதாவது அசவுகர்யம் ஏற்பட்டால் கூட, மருத்துவமனையை நாடாமல் நடமாடிக் கொண்டிருக்கும் உயிர்கள் பல உண்டு. அப்புறம் பார்த்துக்கலாம்னு... தானா குணமாகுதுனா காத்திருக்கும் மக்களும் நிறையே பேர். 'மருத்துவர்களை கடவுளுக்கு நிகர் ' என்பார்கள்.  நோயாளி உயிர் பிழைத்தால் டாக்டர்களின் கையை பிடித்துக் கொண்டு  'நீங்கதான்யா எங்க தெய்வம்' என்றும் சொல்வார்கள். அப்படி மருத்துவத்துறையில் தெய்மாக உலவி வந்த மருத்துவர் ஒருவர் மரணமடைந்து விட, மக்கள் கதறி விட்டனர்.

கோவை ராஜகணபதி நகரைச் சேர்ந்தவர் டாக்டர். பால சுப்பிரமணியம். ஆவாரம்பாளையத்தில் மருத்துவமனை நடத்தி வந்தார். மருத்துவமனை என்றால் என்னவோ பெரிய கட்டிடத்தில் இயங்கும் என்று நினைத்து விடாதீர்கள். பத்துக்கு பத்து அடி அறைதான் அந்த மருத்துவமனை.  தொடக்கத்தில் சிகிச்சையளிக்க இவர் வாங்கிய பீஸ் வெறும் 2 ரூபாய்தான். நாளைடைவில் பணத்தின் மதிப்பு குறைய குறைய தனது பீஸ் தொகையை உயர்த்தினார். அப்படி உயர்த்தி உயர்த்தி 20  ரூபாய்க்கு கொண்டு வந்தார். இதுதான் சிகிச்சை அளிக்க இவர் வாங்கிய அதிக பீஸ்.

நாளைடைவில் இவரது பெயரே மறைந்து போய் 20 ரூபாய்  டாக்டர் என்றே நிலைத்து விட்டது. பிரமாண்டமான மருத்துவமனைகள் நிறைந்த கோவை நகரில், 20 ரூபாய்க்கு வைத்தியம் பார்க்கவும் மக்களுக்கு ஒரு டாக்டர் கிடைத்தார். இதனால், சுற்றுவட்டார கிராமங்களில் உள்ள, ஏராளமான ஏழை மக்கள் டாக்டர். பாலசுப்பிரமணியத்திடம்தான் சிகிச்சை பெற வருவார்கள்.
சும்மா கையை பிடிச்சு பார்க்குறதுக்கே ரூ.100 வாங்கும் காலக்கட்டத்தில், 20 ரூபாய் வாங்கினால் எதிர்ப்பு கிளம்பாமல் இருக்குமா?. கிளம்பவும் செய்தது. கோவை நகரில் பல மருத்துவர்களும் பாலசுப்பிரமணியத்துக்கு எதிர்ப்பு தெரிவித்தனர். மறைமுக இடையூறுகளையும் ஏற்படுத்தினர். ஆனால், டாக்டர் பாலசுப்ரமணியம் மாறவில்லை மசியவில்லை. கடைசி வரை 20 ரூபாய்தான் வாங்கிக் கொண்டு சிகிச்சை அளித்தார். இதனால், இவருக்கு மக்கள் டாக்டர் என்ற பெயரும் உண்டு.

பல சமயங்களில் 'டாக்டர் எங்கிட்ட உங்களுக்கு கொடுக்க 20 ரூபாய் கூட இல்லனு' சொல்ற நோயாளிகளும் உண்டு. அந்த நோயாளிகளுக்கு மருந்து, மாத்திரைகளும் டாக்டரே வாங்கிக் கொடுப்பார். டாக்டரின் வெள்ளை மனசு அறிந்த அவரது பல நண்பர்களும் அவருக்கு உதவியாக இருந்துள்ளனர். மருத்துவமனைக்கு செல்லவில்லையென்றால், தன்னை நம்பி வரும் ஏழை நோயாளிகள் பாதிக்கப்படுவார்கள் என்பதற்காகவே ஒரு நாள் கூட டாக்டர் விடுப்பும் எடுத்ததில்லை. இந்த நிலையில் நேற்று நடைப்பயிற்சி மேற்கொண்டிருந்தபோது, டாக்டர். பாலசுப்ரமணியம் மாரடைப்பு ஏற்பட்டு மரணம் அடைந்தார். டாக்டர் மரணம் அடைந்தது தெரியாமல், நேற்று மாலை வழக்கம் போல் அவரை நம்பியிருந்த நோயாளிகள் மருத்துவமனைக்கு வந்தனர். மருத்துவமனை பூட்டிக் கிடந்துள்ளது. ஒரு நாள் கூட வராமல் இருக்க மாட்டாரே... என்னவாச்சுனு தெரியவில்லையேனு விசாரித்துள்ளனர்.

அப்போதுதான் டாக்டர் இறந்து போன விஷயம் தெரிய வந்துள்ளது. இதையடுத்து பல நோயாளிகள் கதறி அழுதனர். பலர் அவரது உடலை பார்க்க வீட்டுக்கு ஓடினர். ஆவாரம்பாளையத்தில் பல இடங்களில் 'ஏழைகளின் தெய்வம் எங்கள் ஐயாவுக்கு இதய அஞ்சலி ' என கண்ணீர் அஞ்சலி போஸ்டர்கள் ஒட்டப்பட்டுள்ளது. டாக்டர் மருத்துவம் பார்த்து வந்த பத்துக்குபத்து அறையிலும் கண்ணீர் அஞ்சலி போஸ்டர் ஒட்டப்பட்டுள்ளது. ஏராளமான மக்கள் இப்போதும் மெழுகுவத்தி ஏற்றி அஞ்சலி செலுத்தி வருகின்றனர்.

டாக்டர். பாலசுப்ரமணியம் மருத்துவத்துறையின் நிஜ கடவுள்!