!...Payanam...!

ஜெயலலிதா - செய்தியாளர்களேயே சந்திக்காதவராகவும், பத்திரிக்கையாளர்களிடம் சினேகபூர்வமாக இல்லாதவராகவும், பொதுவாகவே இறுக்கமானவராகவும் கடந்த 20 ஆண்டுகளாக மாறிவிட்டார். ஆனால் உண்மையில் அது அவரின் குணமல்ல. எம்ஜிஆர் பிரியத்துடன் ஜெயலலிதாவை அழைக்கும் அம்மு என்கிற பெயர்தான் அனைவருக்கும் தெரியும். ஆனால் இவரின் சளசளக்கும் பேச்சுக்காக இவருக்கு முதல் முதலில் எம்ஜிஆர் வைத்த பட்டப்பெயர் "வாயாடி" அனைவரும் பம்மிக்கொண்டு இருக்கும்போது அவரிடம் சரிக்கு சரியாய் 'கவுண்டர்' கொடுப்பதால் அந்தப் பெயரை அவர் வைத்தாராம்.

ஜெயலலிதாவிடம் 1969-ம் ஆண்டு விகடனுக்கு அவர் அளித்த பேட்டியில் இரண்டே கேள்விகள்தான் கேட்கப்பட்டது. அதற்கு வெள்ளந்தியான மனதுடன் பதில் சொல்லியுள்ளார். அந்த பேட்டியில் அவருடன் நடித்த நடிகர்கள் பற்றியும், நடிகையாக ஆகவில்லை என்றால்? என்கிற டெம்ப்ளேட் கேள்விக்கும் அவரின் பதில்கள் கீழே...

    " நான் நடித்த நாயகர்களில் எம்ஜிஆருக்கு மிகவும் கடமைப்பட்டிருக்கிறேன். ஆரம்பத்தில் நான் சில கன்னடப்படங்களில் நடிக்க துவங்கியிருந்தேன். அப்போது பந்துலு அவர்களின் தயாரிப்பில் ஒரு கன்னடப்படத்தில் நடித்துக் கொண்டிருந்தேன். 'ஆயிரத்தில் ஒருவன்' படத்தையும் பந்துலு தயாரிப்பதால் அதிலும் என்னை நடிக்க வைக்க எம்ஜிஆரிடம் அனுமதி கேட்டார். அப்போது நடித்துக்கொண்டிருந்த கன்னடப்படத்தை ரஷ் பார்த்தபின் உறுதி சொல்கிறேன் என எம்ஜிஆர் சொன்னார். படம் பார்த்தபின் என்னைப்பார்க்கவே இல்லை, பந்துலு பக்கம் திரும்பி சரி என தலையாட்டிவிட்டு சென்றுவிட்டார். எனக்கு பயங்கர சந்தோஷமாகிவிட்டது.  எம்ஜிஆர் - எல்லோரிடமும் சரிசமமாக பழகுவார். அதேபோல் அனைவரிடமும் மரியாதையாக பேசுவார். ஒரு போதும் அது குறையாது.

மற்ற நடிகர்கள் பற்றி கேட்டபோது ஜெயலலிதா சொன்ன பதில்கள்:

சிவாஜி

சிவாஜி அவர்களுடன் முதல் முதலில் கலாட்டா கல்யாணம் படத்தில் நடிக்கிறேன். முதல் சீன் ஒரு காதல் காட்சி. நான் சாதாரணமாக இருந்தாலும் சிவாஜி உணர்ச்சிகரமான வசனம் பேச வேண்டிய நேரத்தில் சிரித்து விடுவார். அதனால் இரண்டு, மூன்று டேக் போனது. " நான் உணர்ச்சிகரமாக நடிக்க வேண்டும் ஆனால் உன்னுடன் நடிக்கும்போது உன்னை குழந்தையாக கையில் தூக்கி வைத்து விளையாடியது நினைவுக்கு வந்துவிடுகிறது" என குறிப்பிட்டார். என்னை அப்படியேதான் பார்த்தார்.

ஜெய்சங்கர்

செட்டில் விளையாட்டுதனமாக இருப்பார்.எதைப்பற்றியும் அதிகம் அலட்டிக்கொள்ளமாட்டார்.  அனாவசியமான பாலிடிக்ஸ் கிடையாது. யாரைபற்றியும் தேவையின்றி பேசமாட்டார்.

ரவிச்சந்திரன்

 இவர் என்னுடன் நடித்த முதல்படத்தில் காட்டிய அக்கறையை அதன் பின்னர் இழந்துவிட்டார் என்றுதான் நினைக்கிறேன்.  கதாநாயகனுக்குரிய முகவெட்டு,தோற்றம்,நடை, என அனைத்தும் இருந்தாலும் அதை அவர் சரிவர பயன்படுத்திக்கொள்ளவில்லை என்று சொல்லலாம்.

எஸ்.எஸ்.ராஜேந்திரன்

 கணீர் கணீர் என மணியடித்தது போன்ற இவரின் வசன உச்சரிப்புகள் எனக்கு மிகவும் பிடிக்கும். மணிமகுடம் படத்தில் இவருடன் நடித்தேன். வசனங்களை கையில் கொடுத்தால் முதல் முறை படிக்கும்போதே அதை பலமுறை படித்தது போன்று ஏற்ற இறக்கமாக வாசிப்பார்.

ஏ.வி.எம் ராஜன்

இவருடன் மேஜர் சந்திரகாந்த் படத்தில் நடித்தது. அப்போது செட்டில் யாருடனும் பேசமாட்டார். அவருண்டு அவர் வேலை உண்டு என இருப்பார். செட்டில் கூட கலகலவென பேசியோ சிரித்தோ பார்த்ததே இல்லை.

"நடிக்க வராமல் இருந்திருந்தால் என்னவாகி இருப்பீர்கள்?"

'எனக்கு ஆங்கில இலக்கியம் மீது ஆர்வம் அதிகம். கண்டிப்பாக ஆங்கில இலக்கியத்தை கரைத்து குடித்திருப்பேன் அல்லது ஓவிய ஆசிரியாராக ஆகி இருந்திருப்பேன். காரணம் ஓவியத்திலும் ஆர்வம் அதிகம் எனக்கு.  யாமினி கிருஷ்ணமூர்த்தி ஆகியோரைப்போல 'கிளாசிக்கல்' நடனம் ஆட வேண்டும் என ஆர்வம் அதிகம். அதில் ஈடுபட்டிருப்பேன். அவ்வளவு ஏன் அரசியலிலும் ஆர்வம் அதிகம் உண்டு. ஒரு வேளை நடிக்க வராவிட்டால் தீவிர அரசியலில் ஈடுப்பட்டிருப்பேன். தேர்தல் - இடைத்தேர்தல் பிரசாரத்தில் ஈடுபட்டுக்கொண்டிருப்பேன்" என அதில் தெரிவித்திருந்தார்.

இதில் நடனம் ஓவியம் தவிர அனைத்திலும் வெற்றிகரமாக பிற்காலத்தில் சாதித்துக்காட்டியவர் ஜெயலலிதா என்பது குறிப்பிடத்தக்கது

கோலிவுட் சினிமாவில் காதல் படங்கள் நிறைய வந்தாலும், அவ்வப்போது எட்டிப்பார்க்கும் வரலாறு, ஆன்மிகம் தொடர்பான கதைகள் ஹிட்டாகி விடுகிறது. மாடர்ன் ட்ரெண்டுக்கேற்ப வெளிவந்திருக்கும் சிவநாகம் எல்லோரையும் மயக்குமா என்று பார்ப்போம்.
கதைக்களம்

இசைக்குழு நடித்துவரும் திகாந்த் மாஞ்சலே இடம் இசை பயிற்சி பெறுவதற்காக தீவிரம் காட்டும் ரம்யா, சக்தி நிறைந்த கலசத்தை அடைய நினைப்பவர்களை நாகமாக மாறி அழிக்கிறார். அவருக்கும் கலசத்திற்கும் என்ன சம்பந்தம் என்பதை சொல்லறது மீதிக் கதை.
படத்தை பற்றிய அலசல்

நடிகர் திகாந்த் மாஞ்சலே இசை தீவிர ஆர்வம் காட்டுவதால், தானே ஒரு இசை பள்ளியை நடத்தி வருகிறார். இசைக்கற்க நினைக்கும் ரம்யா அவரிடம் அணுகும் போது அவமானப்படுகிறார். பின் அவரது அம்மாவை தன்வசமாக்கி, திகாந்த் மனதில் இடம் பெறுகிறார்.

உலக அளவில் இசை போட்டியில் யார் ஜெயிக்கிறார்களோ அவர்களுக்கு அபூர்வ சக்தி கொண்ட கலசம் பரிசாக கிடைக்கும். இது யார்க்கு கிடைக்கிறதோ அவர்கள் அதிமான செல்வம் கொண்டவர்களாக உயர்வார்கள்.

இதை குறுக்கு வழியில் அடைய திட்டம் போடும் செல்வந்தர் தர்சன் பேராசையால் சில்மிஷங்கள் செய்ய, இன்னொரு பக்கம் அந்த கலசத்தை அடைய நினைப்பவர்களுக்கு நாகமாக மாறும் ரம்யாவால் ஆபத்து வருகிறது.

ரம்யா எதற்கு இப்படி செய்ய வேண்டும். அவருக்கும் அபூர்வ கலசத்திற்கும் என்ன தொடர்பு என்பதை சொல்கிறது முழுக் கதை.

யாருக்கு கலச கிடைக்கிறது அவர்கள் என்ன ஆனார்கள் என்பதை நவீன மாற்றத்திற்கு ஏற்ற படி சொல்லியிருக்கிறார் இயக்குனர் கோடி ராமகிருஷ்ணா.

விறு விறுப்பான கதைக்கு ஏற்றபடி பின்னணி கொடுத்து இசையமைத்திருக்கிறார் குருகிரண். படத்திற்கு ஏற்றபடி ஒளிப்பதிவு செய்திருக்கிறார் வேணு கோபால்.
கிளாப்ஸ்

ரம்யா கேரக்டர் அனேக இடங்களிலும் வருவதை உணர்ந்து தெளிவான வசனத்தாலும், அழகான தோற்றத்தாலும் அனைவரையும் கவர்கிறார். மாஞ்சலே சரியான நாடக பயிற்றுனர் என்று திறமை காட்டியுள்ளார்.
பல்ப்ஸ்

வழக்கம் போல பழி வாங்கும் கதை.

மொத்தத்தில் சிவநாகம் பெயர் சொல்லும்.

இணையத்தை திறந்தால் இளையராஜா தான் மாஸ் என்று ஒரு குழுவும், ரஹ்மான் தான் டாப் என்று ஒரு குழுவும் பேசிக்கொண்டிருக்கும். இவர்கள் இல்லாமல் நமக்குத் தெரிந்த இசையமைப்பாளர்கள் யாராக இருந்தாலும் அவங்க எல்லோரையும் விட பெஸ்ட் இருக்க முடியுமா என்று கேட்டால் நிச்சயம் "யெஸ்" ங்கிறது தான் பதிலாக இருக்கும். அது யாரா இருக்கும் என்று தெரிந்து கொள்ள தொடர்ந்து படியுங்கள்!

வார்த்தைகள் சொல்ல முடியாத உணர்வுகளைக் கூட இசையால் ரொம்ப எளிமையா சொல்லிவிடுவார் ராஜா.. காதலி பிரிந்து செல்லும் துயரமாகட்டும், காதல் பூக்கும் தருணமாகட்டும் கண்களை மூடிக்கொண்டு கேட்டாலும் காட்சி மனதுக்குள் ஓடும் வித்தையை இவர் இசை செய்யும், சரி.. காதலுக்கு மட்டும்தானா என்றால் கீழுள்ள வீடியோவைப் பாருங்கள். சோர்ந்து, ஒதுங்கி வாழும் ஒருவன் வீறு கொண்டு எழுவதை இந்த பி.ஜி.எம் எப்படி உணர்த்துகிறது என்று கேளுங்கள்.


பிரெஞ்சு நாட்டு இசை மேதை எட்கர்ட் வர்ஸ் என்பவர் ஒழுங்கற்ற முறையில் இருக்கும் சப்தங்கள் இரைச்சல் எனவும், ஒழுங்காக வரிசைப்படுத்தப்பட்ட சப்தங்கள்தான் இசை எனவும் கூறுகிறார். இசை என்பது ஒரு மொழி வடிவமாகவே பார்க்கப்படுகிறது. ஒரு மனிதன் பேசும் மொழி மற்றொருவருக்கு புரியாமல் போகலாம். ஆனால் இசை எல்லோருக்கும் புரியும் ஒரு பொதுவான மொழி.

இசை நிச்சயம் உணர்வுகளைக் கடத்தும் பண்பு பெற்றது. இசை ஒருவரை மகிழ்ச்சியில் ஆழ்த்தும். உற்சாகத்தில் துள்ள வைக்கும், சோகத்தில் துவள வைக்கும், மன அழுத்தம் கொடுக்கவும் அழுத்தம் நீக்கவும் செய்யும், மனதை ஒருமுகப்படுத்தவும் செய்கிற மாய சக்தி கொண்டது. உடலுக்கு உடற்பயிற்சி எப்படியோ அவ்வாறே மனதிற்கு இசை. அது மட்டுமல்ல இசையால் குணப்படுத்தவும் முடியும். ஆம். இசை கொண்டு மனது தொடர்பான பிரச்சினைகள், அல்ஸைமர் என்று அழைக்கப்படும் நினைவு திறன் இழப்பு நோய்களையும் குணப்படுத்த முடியும். மென்மையான இசை, நிம்மதியான உறக்கத்தைக் கொடுப்பதால் இன்சோம்னியா போன்ற தூக்கமின்றி தவிக்கும் வியாதிகளையும் குணப்படுத்துகிறது. காதல் தேசம் படத்தின் தென்றலே தென்றலே பாட்டைக் கேட்டு நாயகி தூங்குவாள். அத்தனை மென்மையாக இசையைக் கையாண்டிருப்பார் ஏ.ஆர்.ஆர்.

அமைதியை எளிமையாகவும் அதே சமயம் வலிமையாகவும் உணர்த்திய பாடல் ஒன்றுண்டு. கேட்கும்போதே மனதுக்குள் அமைதி குடிகொள்ளும். ஒரு கோயிலில் தனிமையில் அமர்ந்து தியானம் செய்வதாய் உணர்வீர்கள். பூந்தோட்டத்தில் பூவாசத்தினிடையே வானம் பார்த்து அமர்ந்த உணர்வைத் தரும். அதுவும் இந்த வீடியோவில் பார்த்துக் கொண்டே கேட்பது.. Bliss!


இவை இரண்டும் சாம்பிள்தான். இவர்களின் மேதமையை நாம் பிரமித்தபடி பார்க்க உதவுவது.. இசைதான். இதுபோல பலரது பாடல்களைக் கேட்கையில், இசை பற்றிய பேரறிவோ.. ஏன்.. சிற்றறிவோகூட இன்றி கேள்வி ஞானத்திலேயே நாம் நம்மை பறிகொடுத்துவிடுகிறோம். அப்படி இந்த மேதைகளையும் நம்மையும் இணைப்பது இசையன்றி வேறெது?

இசையமைப்பாளர்கள் எல்லாரும் அந்தந்த காலகட்டத்தில் வாழும் காதலர்கள் போல, இசை காதல் மாதிரி. காதலர்கள் மரிக்கலாம், ஆனால் காதல் காலம் தாண்டியும் வாழும். அதனால் இவர்கள் எல்லோரையும் விட இசையே உயர்ந்தது! 

ஆண்பாடகர்களில் எஸ்.பி.பியை விடச் சிறந்த ஒருவர் இல்லவே இல்லை என்று நண்பர்களிடத்தில் உச்சஸ்தாயியில் வாதிட்டாலும் ஒருத்தரை மட்டும் நினைக்கும்போது ‘ஒருவேளை இந்த ஆளு முழுநேரப் பாடகராக மட்டுமே ஆகியிருந்தால் எஸ்.பி.பியை மிஞ்சியிருப்பாரோ’ என்று தோன்றும்.

கமல்ஹாசன்.

'அந்தரங்கம்’ என்ற படத்தில் ஜி.தேவராஜன் இசையமைப்பில் ‘ஞாயிறு ஒளிமழையில் திங்கள் குளிக்க வந்தாள் என்றொரு பாடல்தான் கமல் பாடிய முதல் பாடல். கிட்டத்தட்ட கே.ஜே. ஏசுதாஸின் குரல் போல ரொம்ப சீரியஸாக இருக்கும் பாடல். பயந்து கொண்டே பாடியது போல் தெரியும். ஹிட்டான பாடல்தான். அதன்பிறகு இளையராஜா இசையில் அவள் அப்படித்தான் படத்தின் ‘பன்னீர் புஷ்பங்களே’ பாடல். தொடர்ந்து சிலபல பாடல்கள். சிகப்பு ரோஜாக்கள் படத்தில் ‘நினைவோ ஒரு பறவை’ எவர் க்ரீன் ஹிட்டான ஒரு கமல் பாடல். ஆனால் இசையமைப்பாளர் சொன்னதை அப்படியே பாடியிருப்பார் கமல். மூன்றாம் பிறை படத்தில் ‘முன்பு ஒரு காலத்துல முருகமல காட்டுக்குள்ள’ என்ற நரிக்கதை பாடலின்போதுதான் ராஜாவுக்கு ‘இந்த ஆள் எல்லா வெரைட்டியும் பண்ணுவார் போலயே’ என்று தோன்றியிருக்க வேண்டும். யூகம்தான். அதற்கு முன்னரே கூட ராஜாவுக்கு தெரிந்திருக்கலாம். நான் கமலை, பாடகராய்க் கண்டுகொண்டது இந்தப் பாடலில்தான். இந்த மூன்றாம் பிறை பாடலில், இசைக்குத் தகுந்த மாதிரி வசனங்களைச் சொல்வதிலும், பாடுவதிலும் கலக்கியிருப்பார் கமல். பயம், கோபம், திகில் என்று பாவத்துக்குத் தகுந்த மாதிரி குரலில் ஏற்ற இறக்கங்கள் இருக்கும்.

அதன்பிறகு ‘ஓ மானே மானே’ படத்தின் ‘பொன்மானைத் தேடுதே’! கமலில் குரல். படத்தின் ஹீரோ மோகன்! என்னது மோகனுக்கு கமல் குரலா என்று அன்றைய நாளில் எல்லாரையும் புருவமுயர்த்த வைத்த பாடல். ‘முழுசா பாடகாராக மாறிட்டாரோ’ என்பது போல ‘ராபப்பப்ப பாரப்பப்ப’ என்றெல்லாம் எஸ்.பி.பிக்கே உரித்தான சில ஸ்பெஷல்களையெல்லாம் அந்தப் பாடலில் செய்திருப்பார்.

அதற்கடுத்ததாய் கமல் பாடிய பாடலும் அப்படித்தான். ஒரு ரெண்டு ஸ்டெப் எக்ஸ்ட்ராவாகத் தாண்டியிருப்பார். ‘பாடகனா.. நானா?’ என்ற பயமோ.. பவ்யமோ இல்லாமல் ஃப்ரீ ஸ்டைலில் பாடிய பாடல் என்று சொல்லலாம். ஜப்பானில் கல்யாணராமன் படத்தின் ‘அம்மம்மோய்... அப்பப்போய்.. மாயாஜாலமா’ பாடலில் குரல் மாற்றி மூக்காலேயே பாடியிருப்பார் மனுஷன். ஜகபுகஜகபுக, பளபளபளபள என்றெல்லாம் மூச்சுவிடாமல் பின்னிப்பெடலெடுத்திருப்பார். கொட்டாவி விடுவது, ஆச்சர்யப்படுவது என்று எல்லா வேலைகளையும் பாடலுக்கு நடுவே செய்திருப்பார். குரலைக் கேட்டால் அவர் என்று சொல்லவே முடியாது.

'ராஜாவிடம் பாடுவதென்றால் அவர் சொன்னதைத்தான் பாடணும். எக்ஸ்ட்ரா சங்கதியெல்லாம் போட்டா கோச்சுப்பார்’ என்று எஸ்.பி.பி பல மேடைகளில் சொல்லுவார். அதெல்லாம் அவருக்குதான் போல. கமல் முடிந்தவரை இஷ்டத்துக்கு சங்கதிகளில் ‘இப்டிக்கா போய் அப்டிக்கா வந்து யூடர்ன் அடித்து ராஜா முன்னால் நின்று பல்டி அடித்து ’ என்றெல்லாம் வெரைட்டி காட்டுவார்.

நெக்ஸ்ட்... ‘செம்ம சாங்’ என்று சொல்ல வைக்கிற ‘விக்ரம்... விக்ரம்’. ராஜா கம்யூட்டர் ம்யூசிக் போட்டிருக்காராம் என்றெல்லாம் பேசப்பட்ட பாடல். ஒரு கம்பீரம், கெத்து பாடல் முழுவதும் இருக்கும். ஹீரோயிக் பாடலுக்கு சரியான உதாரணம் இந்தப் பாடல். சரணத்தின் முதல் வரிகள் (பேர் செல்லட்டும் என் பேர் வெல்லட்டும்) முதலில் ஒரு டோனிலும் பிறகு ஒரு டோனிலும் பாடுவதாகட்டும், ‘சொர்க்கங்கள் இதோ இதோ’ என்பதில் இதோவில் காட்டிய வெரைட்டி ஆகட்டும், ‘ம்ம்ம்ம்.. பொறுப்பது புழுக்களின் இனமே’ என்பதில் உள்ள எள்ளலும், ‘ஆம்.. அழிப்பது புலிகளின் குணமே’ என்பதில் துள்ளலும் என்று கலக்கியிருப்பார் மனுஷன்.


என்னடா எஸ்.பி.பியோடு சம்பந்தப்படுத்தியே எழுதிகிட்டு என்று திட்டாதீர்கள். பாட்டு என்று வரும்போது அவரைச் சொல்லாமல் எப்படி... இதே விக்ரம் படத்தில் ‘வனிதாமணி.. வனமோகினி’ பாடலில் ‘கண்ணே தொட்டுக்கவா.. கட்டிக்கவா...’ என்ற தொகையறாவை கமல் பாடியிருப்பார். அடுத்தவரியைப் படிக்கும் முன், அந்தப் பாடலின் ஆரம்பத்தைக் கேட்டுவிடுங்கள். அதில், ‘பசிதாங்குமா இளமை இனி.. பரிமாறவா இளமாங்கனி’ என்ற வார்த்தைகளைத் தொடர்ந்து இடைவெளியில்லாமல் ‘வனிதாமணி வனமோகினி’ என்று பாட்டு ராட்சஷன் பாலு ஆரம்பிப்பார். வசனம் பேசியது கமல்.. பாடலாய்த் தொடர்ந்தவர் பாலு. வித்தியாசம் கண்டுபிடிக்க முடிந்ததா என்று யோசியுங்கள். True Legends!


அப்படிப் பார்க்கும்போது இந்தப் பாடலையும் சொல்லவேண்டும். தேவர் மகன் படத்தில், ‘சாந்துப் பொட்டு.. ஒரு சந்தனப் பொட்டு’ பாடல். பாடியது எஸ்.பி.பி. சரணத்தின் கடைசியில் வருகிற வசனங்கள் கமல் குரல்வண்ணம்.‘ஒரு வாய்க்கொழுப்பெடுத்தா...’ என்று முதல் சரணத்திலும் ‘கம்பு சாத்திரம் தெரியும்’ என்று இரண்டாம் சரணத்திலும் வரும். இரண்டாம் சரணம் முடிவில் ‘ஒக்காத்தி ஒன்ன நான் முக்காடு போடவைப்பேன்’ என்று முடித்து ஒரு சிரிப்பு சிரித்திருப்பார் கமல். தொடர்ந்து எஸ்.பி.பி சாந்துப்பொட்டு என்று பாடும்போது ஒரு குட்டி நடுக்கம் தெரியும். ‘என்னய்யா இப்படி சிரிப்புலயே சங்கதி போடறான் இந்தாளு’ என்று எஸ்.பி.பி. நினைத்ததால் வந்த நடுக்கமாக இருக்கலாம்... ஒரே நேரத்தில் ரெகார்டிங் நடந்திருக்கும் பட்சத்தில்!

கமலில் குரலில் முக்கியப்பாடல்களின் வரிசையில் பேர் சொல்லும் பிள்ளை படத்தின் ‘அம்மம்மா வந்ததிங்கு’ பாடலும் உண்டு. தென்பாண்டி சீமையிலே (நாயகன்), போட்டா படியுது படியுது (சத்யா), ராஜா கைய வெச்சா (அபூர்வ சகோதரர்கள்), சுந்தரி நீயும் சுந்தரன் நானும் (மை.ம.கா.ரா), கண்மணி அன்போடு (குணா), எங்கேயோ திக்கு தெசை (மகாநதி), என்று பெர்ர்ர்ர்ரிய லிஸ்டில் பாடிய எல்லாமே தன் பங்கை சிறப்பாக அளித்திருப்பார் கமல். ராஜாவின் ஆல்பங்களில் பலரது ஃபேவரைட் லிஸ்டில் எப்போதுமே ‘சிங்காரவேலன்’ உண்டு. எல்லா பாடல்களுமே சிறப்பு. சொன்னபடி கேளு பாடலில் சகல வெரைட்டிகளையும் அள்ளித் தெளித்திருப்பார் கமல். பாடகராக கமலின் த பெஸ்ட் என்று நான் நினைக்கிற, ரொம்பவே ஹைபிட்ச்சில் அமைந்த ‘போட்டு வைத்த காதல் திட்டம்’ பாடலும் இதே படம்தான்.

கலைஞன் படத்தில் ‘கொக்கரக்கோ கோழி..’ என்றொரு பாடல். Rare Song வகையறா. யூ ட்யூபுக்கெல்லாம் ஓடிவிடாமல், இங்கேயே கீழேயுள்ள வீடியோவில் 2.10 நிமிடத்தில் ‘நாட்டுப்பாடல் கொஞ்சம் பாதி’க்கு அடுத்து ‘வெளிநாட்டுப் பாடல் மிச்சம் மீதி’ என்ற வரியை என்ன டோனில் பாடியிருக்கிறார் என்று மட்டும் கேளுங்கள். அதைப் போலவே 3.40-ல் ‘எண்ணிப்பார்க்க நேரம் ஏது’ என்ற வரிக்கு முன் ஒரு சின்ன ஏமாற்றச் சிணுங்கல் சிணுங்கியிருப்பார். அதுவும் சிறப்பாய் இருக்கும். எத்தனை பேர் கவனிப்பார்களோ என்ற கவலையெல்லாம் இந்த கலைஞனுக்கு இல்லையே!

இளையராஜாதான் இவரை சரியாகப்பயன்படுத்திக் கொண்டது என்று சொல்லவிட்டதில்லை இவர். எம்.எஸ்.வி. இசையில் சவால் படத்தில்கூடப் பாடியிருக்கிற இவர், இசை யாராக இருப்பினும், பாடகராய்ப் பரிமளிப்பதில் பெஸ்ட்! ரகுமான் இசையில் ஆலங்கட்டி மழை (தெனாலி), யுவனுக்கு புதுப்பேட்டையில் நெருப்பு வாயினில் என்று பிற இசையமைப்பாளர்களிடம் கமல் பாடிய நீண்ட லிஸ்ட்டில் சில பாடல்கள் கீழே. உல்லாசம் படத்தில் கார்த்திக் ராஜா இசையில் ‘முத்தே முத்தம்மா’ அப்போதைய ஹிட் லிஸ்ட். இந்தப் பாடலின் நாயகன் யார் என்று தெரியும்தானே.. ஏனென்றால்.. அஜித்துக்கு கமல் பின்னணி பாடியிருக்கிறார் என்பது ‘’நம்மில் எத்தினி பேருக்கு தெரியும்’ வகைதானே!பாடல் இசையமைப்பாளர்

காசு மேல காசு வந்து கார்த்திக் ராஜா
சரவணபவகுக வடிவழகா கார்த்திக் ராஜா
மடோன்னா பாடலா நீ கார்த்திக் ராஜா
நீலவானம்.. நீயும் நானும் தேவி ஸ்ரீ ப்ரசாத்
போனா போகுதுன்னு விட்டீன்னா தேவி ஸ்ரீ ப்ரசாத்
ஓ.. ஓ.. சனம்...   ஹிமேஷ் ரேஷ்மைய்யா
எலே மச்சி மச்சி... வித்யாசாகர்
யார் யார் சிவம்... வித்யாசாகர்
நாட்டுக்கொரு சேதி சொல்ல... வித்யாசாகர்
காதல் பிரியாமல்.. தேவா
கந்தசாமி... மாடசாமி தேவா
கலக்கப்போவது யாரு.. பரத்வாஜ்
ஆழ்வார்பேட்ட ஆளுடா.. பரத்வாஜ்
கடவுள் பாதி மிருகம் பாதி.. ஷங்கர் எஸான் லாய்
அணுவிதைத்த பூமியிலே... ஷங்கர் எஸான் லாய்
கண்ணீர் அறியா கண்களும் உண்டோ ஸ்ருதி ஹாசன்
நீயே உனக்கு ராஜா ஜிப்ரான்

விஸ்வரூபம் படத்தில் ‘உனைக்காணாது நானிங்கு நானில்லையே’ ஷங்கர் மஹாதேவன் குரல் என்றாலும், பாடலின் ஆரம்பத்தில் ‘அதிநவநீதா.. அபிநயராஜா கோகுலபாலா கோடிப்ரகாசா’ என்று தூள் கிளப்பியது கமல்தான். நளதமயந்தி படத்தில் ரமேஷ் விநாயகம் இசையில் ‘Stranded On The Streets’ இந்தப் பாடலை எத்தனை பேர் கேட்டிருக்கிறீர்கள் என்று தெரியாது. ஒரு இங்க்லீஷ்காரன் போல பாடிக் கலக்கியிருப்பார் மனுஷன். குரலில் வழியும் அந்த ஸ்டைல்.... ப்பா!

தேவா இசையில் ‘ருக்கு ருக்கு’ பாடலை, முழுவதுமே பெண்குரலில் பாடியிருப்பார். ஹிமேஷ் ரேஷ்மைய்யா இசையில் தசாவதாரம் படத்தின், முகுந்தா முகுந்தா பாடலில் சாதனா சர்கம் பாடி முடித்ததும் ‘உசுரோடிருக்கான் நான் பெத்த புள்ள’ கமல் பாடியதுதான். அந்தப் பாட்டி குரலிலும் இருமிக்கொண்டே சங்கதியெல்லாம் போட்டு... என்ன மனுஷன்யா இவரு என்று நினைக்க வைத்திருப்பார். தமிழ் அல்லாமல் வேறு மொழிகளிலும் பாடியிருக்கிறார் மனுஷன். இப்ப ரொம்பநாளைக்கப்பறம் ராஜாகூட கைகோர்த்திருக்கார் கமல். சப்பாணியா நடிச்ச படம் முதல் தொடங்கிய அவர்களின் பயணம், இந்த சபாஷ் நாயுடுல எப்படி இருக்கும்? அதுல கமல் எத்தனை பாட்டு பாடிருப்பார் என்று ஆவலோடு இருக்கிறேன். நிச்சயம் ஏமாற்ற மாட்டார்கள் இருவரும் என்று நினைக்கிறேன்.

நீயே உனக்கு ராஜா.. உனது குரலே உனது வீரம் தோழா! 

விஜய்க்கு இது புதுசு இல்லை! சச்சின் படத்தில் பிரபல இந்தி நடிகையான பிபாஷா பாசு நடிக்க வேண்டும் என்று விரும்பினார் அவர். ஆனால் அப்போதே ஒரு கோடி சம்பளம் கேட்டு, உசிரை வாங்கினார் பிபாஷா. தயாரிப்பாளர் தரப்பு சற்றே தயங்கியதும், மின்னலாய் முடிவெடுத்தார் விஜய். என் சம்பளத்திலிருந்து ஐம்பது லட்சத்தை கழிச்சுகிட்டு, அதை பிபாஷாவுக்கு கொடுத்துருங்க… என்றார். விஷயம் சால்வ்!

சரித்திரம் ரிப்பீட்! இந்த முறை பிபாஷாவுக்கு பதிலாக சன்னிலியோன்.

சன்னிலியோனின் பெருமையை சொல்ல ஒருவருக்கு ஒரு வாய் போதாது! அப்படியாப்பட்ட அவர் ஏற்கனவே தமிழ் படத்தில் நடித்திருந்தாலும் விஜய் மாதிரி பெரிய ஹீரோ படத்தில் நடிப்பது எவ்வளவு பெரிய கொடுப்பினை? ஆனால் அதெல்லாம் புரிந்தால் அவர் ஏன் இடுப்பில் இஞ்ச் துணி கூட இல்லாமல் திரியப் போகிறார்? ஒரு கோடி சம்பளம் கேட்கிறாராம் இவரும். அதுவும் ஒரே பாட்டுக்கு குத்தாட்டம் போட!

மீண்டும் தயாரிப்பு தரப்பு பெட்ரோமாக்ஸ் லைட்டேதான் வேணுமா, இந்த கேண்டில் கீண்டில்… என்று யார் யார் போட்டோவோ காண்பிக்க, விஜய் தன் வழக்கமான அஸ்திரத்தை எடுத்திருக்கிறார். சன்னிலியோனுக்கு நீங்க பிக்ஸ் பண்ணியிருக்கிற சம்பளத்தை கொடுத்துருங்க. எக்ஸ்ட்ரா பில்லுக்கு நான் பொறுப்பு…!

கரும்பே சக்கரைக்கு ஆசைப்படும் போது இரும்பு மனசோட தடுத்து என்ன பயன்? சன்னி லியோனை வளைக்கும் வேலைகளில் இறங்கிவிட்டது படக்குழு!

திரிஷா நடிக்கும் மோகினி படத்தின் பர்ஸ்ட் லுக் போஸ்டர் வெளியானதை தொடர்ந்து பலரும் அவரது கெட்டப்பை பார்த்து வாழ்த்துக்களை தெரிவித்து வருகின்றனர்.

கமல், அஜித், விஜய், விக்ரம், சூர்யா என டாப் ஸ்டார்களோடு நடித்து விட்ட இவர் சூப்பர் ஸ்டார் உடன் மட்டும் நடிக்க வில்லை.

இவரோடு வந்த நயன்தாரா அந்த வாய்ப்பையும் விட்டுவைக்கவில்லை. ஏன் த்ரிஷாவிற்கு அவரோடு நடிக்கும் வாய்ப்பு கிடைக்கவில்லையா இல்லை ஏற்படுத்தி கொள்ளவில்லையா என்பதே சிலரின் ஏக்கம்.

எமி ஜாக்சன், ராதிகா அப்தே, ஐஸ்வர்யா ராய் போன்ற மற்ற நடிகைகள் அவருடன் நடித்த போது த்ரிஷாவை மட்டும் ஏன் இயக்குனர்கள் விட்டுவிட்டார்கள் என்று தெரியவில்லை.

தற்போது திரிஷா நடிக்கும் படத்திற்கு ரஜினி நடித்து ஏற்கனவே வெளியான கர்ஜனை என்ற படத்தின் பெயரை வைக்க போகிறார்களாம்.

இது ஹிந்தியில் போன வருடம் அனுஷ்கா சர்மா நடிப்பில் வெளியான NH 10 படத்தின் ரீமேக் என்பது குறிப்பிடத்தக்கது.