!...Payanam...!

தமிழ் சினிமாவில் தற்போதுள்ள நடிகர்களில் காமெடி, குணச்சித்திரம் இரண்டிலும் கலக்குபவர் தம்பி ராமையா. பல சோதனைகளை தாண்டி இன்று வெற்றியை அடைந்துள்ளார். அவரின் மகன் உமாபதி முதன் முறையாக கோலிவுட்டில் கால் வைத்துள்ள படம் தான் அதாகப்பட்டது மகாஜனங்களே, தம்பி ராமையாவை போல் உமாபதியும் வெற்றியை ருசித்தாரா? பார்ப்போம்.
கதைக்களம்

உமாபதி ஒரு கிட்டாரிஸ்ட், இவரின் கிட்டார் ஒரு சமத்தில் இவரிடமிருந்து வேறு சிலர் கைக்கு செல்கின்றது, உமாபதிக்கு தன் கிட்டார் தான் எல்லாமே.

அதனால், அந்த கிட்டாரை தேடி உமாபதி செல்ல, அந்த கிட்டார் மூலமாகவே அவருக்கு பல பிரச்சனைகள் சுற்றி வருகின்றது.

இறுதியில் அந்த கிட்டார் அவருக்கு கிடைத்ததா? இந்த பிரச்சனைகளில் இருந்து அவர் வெளிவந்தாரா? என்பதே மீதிக்கதை.

படத்தை பற்றிய அலசல்

உமாபதி 6 அடி உயரம், நல்ல கலர் என தென்னிந்தியாவின் ஹிரித்திக் ரோஷன் போல் காட்சியளிக்கின்றார், ஹீரோ மெட்டிரீயல் என்றாலும் வரும் நாட்களில் கதை தேர்வில் கொஞ்சம் கவனம் தேவை சார், முதல் படம் ஜாலியாக பண்ணலாம் என்று முடிவெடுத்துள்ளார் போல, நடனக்காட்சிகள் எல்லாம் சிறப்பாக செய்துள்ளார், கொஞ்சம் சிரமப்பட்டால் நல்ல இடம் காத்திருக்கின்றது.

உமாபதி கிட்டாரை தேடிச்செல்லும் இடம், அதனால், அவர் சந்திக்கும் பிரச்சனை என மிக ஜாலியாகவே திரைக்கதையை நகர்த்தி செல்ல முயற்சித்துள்ளனர். பெரிய திருப்பங்கள் ஏதுமில்லை.

இதற்கு கருணாகரன் மிகவும் உதவியுள்ளார், செம்ம பில்டப் செய்து அவர் உமாபதியிடம் தன்னை பற்றி சொல்லும் இடத்திலும், அதை தொடர்ந்து நடக்கும் காட்சியமைப்புகளும் சிரிப்பிற்கு கேரண்டி.

டி.இமானின் இசை படத்திற்கு மிகப்பெரிய பலம், அதிலும் ஏனடி பாடல் சில காலம் எல்லோரின் ரிங்டோனாக இருக்கும், இருந்தாலும் அந்த 3 டியூனை விட்டு எப்போது வெளியே வருவார் என்று தெரியவில்லை.

க்ளாப்ஸ்

கருணாகரன் காமெடி பல இடங்களில் ஒர்க்-அவுட் ஆகியுள்ளது.

டி.இமானின் இசை.

பல்ப்ஸ்

கதையில் எங்குமே அழுத்தம் இல்லை, பெரிய திருப்பங்கள் ஏதுமில்லை.

மொத்தத்தில் அதாகப்பட்டது மகாஜனங்களே எந்த ஒரு எதிர்ப்பார்ப்பும் இல்லாமல் சென்று பார்த்தால் கொஞ்சம் ரசிக்கலாம்.

தமிழகம் மட்டுமில்லாமல் இந்தியாவின் மிகப்பெரும் பிரச்சனை படித்த இளைஞர்களுக்கு சரியான வேலை கிடைக்காதது தான். அதிலும் குறிப்பாக இன்ஜினியரிங் படித்த மாணவர்கள் லட்சக்கணக்கானோர் வேலையில்லாமல் இருக்க, அவர்களின் வாழ்க்கையை ஏற்கனவே வேலையில்லா பட்டதாரியில் காட்டியிருந்தாலும், தற்போது கௌதம் கார்த்திக், ஆர் ஜே பாலாஜி நடிப்பில்

கதைக்களம்

கௌதம் கார்த்திக், ஆர் ஜே பாலாஜி ரிவர்ஸ் இன்ஜினியரிங்கில் புகழ் பெற்றவர்கள். அதாவது ஒரு பொருளை அதேபோல் அப்படியே செய்வதில் வல்லவர்கள். ஒரு நாள் மந்திரி வீட்டில் கேமரா செட் செய்ய போகிறார்கள்.

அதற்கான சம்பளத்தை கொடுக்காமல் அலைய விடுகிறார்கள். இதனால் அந்த மந்திரியை ஏதாவது செய்ய வேண்டும் என்று இருவரும் ப்ளான் செய்கிறார்கள்.

அந்த நேரத்தில் தான் மந்திரி பல இன்ஜினியரிங் கல்லூரிகளின் லைசன்ஸை ரத்து செய்து, அவர்களிடம் பணம் பறிக்கின்றார்.

மந்திரிக்கு பணத்தை அள்ளிக்கொடுத்துவிட்டு மாணவர்களிடம் அதிக கட்டணம் வசூலிக்கின்றது கல்லூரி நிர்வாகம். இதனால் ஒரு மாணவன் இறக்கும் நிலை உருவாகின்றது. இதை நேரில் கண்ட கௌதம் கார்த்திக் எப்படி அந்த மந்திரியின் சதி திட்டத்தை வெளி உலகிற்கு கொண்டு வருகிறார் என்பதே மீதிக்கதை.

படத்தை பற்றிய அலசல்

கௌதம் கார்த்திக்கிற்கு தற்போது தான் கொஞ்சம் நல்ல காலம் ஆரம்பித்திருக்கிறது போல, ரங்கூனை தொடர்ந்து இந்த படத்திலும் சிறப்பான நடிப்பை வெளிப்படுத்தியுள்ளார். நடிப்பு என்பது தானே அனைத்து காட்சியையும் இழுத்து போட்டு நடிப்பது இல்லை, தனக்கு வராததை அடுத்தவர்களை செய்யவிட்டு நாம் ஒதுங்கி நிற்பதும் புத்திசாலித்தனம் தான் என்பதை கௌதம் உணர்ந்துள்ளார்.

ஷ்ரத்தா தனக்கான கதாபாத்திரத்தில் அழகாக நடித்துள்ளார். கௌதம் கார்த்தி- ஷ்ரத்தாவின் காதல் காட்சிகள், அதற்கான வசனங்கள் ரசிக்க வைக்கின்றது. வில்லன்களாக சூப்பர் சுப்பராயன், ஸ்டண்ட் சில்வா என ஸ்டண்ட் மாஸ்டர்களையே பயன்படுத்தியது புத்திசாலித்தனம்.

ஆர் ஜே பாலாஜி 10 படம் நடித்தால் அதில் 4 படத்தில் தான் காமெடி நன்றாக க்ளிக் ஆகும். அப்படி க்ளிக் ஆகியுள்ளது இவன் தந்திரன், ஹேராம் பட ஹீரோயின் உதடு மாதிரி இருக்கு, OLA ஆட்டோ வந்ததால் உங்க வியாபாரம் போச்சா...அதுக்கு தான் மீட்டர போட்ருக்கனும், கழுத்துல அடிப்பட்டால் நீ என்ன எம்.ஜி.ஆரா.. இவன் அம்பானி, அவ ஹர்பஜன் சிங் வேலை முடிஞ்சதும் கட்டிப்பிடிக்க போறாங்க என இன்றைய ட்ரண்ட் மிமி கிரியேட்டர்களுக்கு நல்ல தீனியாக பல டயலாக் அமைந்துள்ளது.

தற்போது மெஜாரிட்டியை டார்க்கெட் செய்து அதில் வெற்றி பெறுவது தான் டெக்னிக். அதேபோல் தான் இன்ஜினியரிங் படித்துவிட்டு வேலை கிடைக்காமல் இருக்கும் மாணவர்கள், படிக்கும் போதே பணம் கட்ட முடியாமல் தவிக்கும் மாணவர்கள் நிலை என இன்றைய இளைஞர்கள் போராட்டத்தை அழகாக காட்டியதற்காகவே கண்ணனை பாராட்டலாம். ஆனால், ஜெண்டில்மேன், வேலையில்லா பட்டதாரி படங்களின் சாயல்களை தவிர்க்க முடியவில்லை.

பிரசன்ன குமாரின் ஒளிப்பதிவு பட்ஜெட் பிரச்சனையா என்று தெரியவில்லை, இரவு நேரத்தில் வரும் காட்சிகள் எல்லாம் கொஞ்சம் குறும்படம் போல் உள்ளது. தமனின் பின்னணி இசை மிரட்டல், பாடல்கள் பெரிதும் கவரவில்லை.

க்ளாப்ஸ்

கதைக்களம், இன்று தமிழகத்தில் மட்டுமின்றி முன்பே கூறியது போல் இந்தியா முழுவதும் நிகழும் காமன் பிரச்சனை.

கௌதம் கார்த்திக், ஆர் ஜே பாலாஜி கூட்டணி ரசிகர்களின் பேவரட் கூட்டணியாகும்.

படத்தின் காதல் காட்சிகள், கமர்ஷியல் படங்கள் என்றாலே வலுக்கட்டாயமாக இருக்கும் தருணத்தில், கதையுடன் வருவது கவர்கின்றது.

பல்ப்ஸ்

ஒரு சில படங்களின் சாயல் பல இடங்களில் தெரிகின்றது.

லாஜிக் மீறல்கள் பல இடங்களில் ஒரு காட்சியில் பணம் கட்டாததால் என்னால் தேர்வு எழுத முடியவில்லை என்று ஷ்ரத்தா கூறுகின்றார். ஆனால், அதற்கு முந்தைய காட்சியில் தான் கௌதம் அவருடைய தேர்விற்கு பணம் கட்டி வருகின்றார்.

மொத்தத்தில் இந்த பிரச்சனையை எந்த காலக்கட்டத்திற்கு எடுத்தாலும் பொருந்தும் என தந்திரமாக திரைக்கதை அமைத்த கண்ணனே ரியல் தந்திரன்.
இயக்குனர் கண்ணனும் தன் பாணியில் இன்ஜினியரிங் மாணவர்களின் வாழ்க்கையை காட்டியுள்ள படம் இவன் தந்திரன், விஐபி வெற்றி இதற்கும் கிடைத்ததா? பார்ப்போம்.

சினிமாத்துறையில் படங்களை வெளியிடுவதில் கூட சில சிக்கல்கள் இருக்கிறது. ஆனாலும் பெரிய படங்களுக்கு நடுவே ஒரே நாளில் பல சிறு பட்ஜெட் படங்கள் வெளியாகிறது. இதில் ஒன்று தான் யானும் தீயவன். யார் அந்த தீயவன், என்ன தான் செய்கிறான் என்பதை பார்ப்போம்.
கதைக்களம்

புதுமுகங்களில் இப்போது இன்னொரு முகமாக அறிமுகமாகிறார் ஹீரோ அஸ்வின் ஜெரோம். கல்லூரிக்காதல் இவரையும் தொற்றுகிறது. பாடும் திறமையால் ஹீரோயினை கவர்கிறார். இருவரும் வெளியே செல்லும் சுற்றும் நேரத்தில் மூவர் இவர்களை வம்பிழுக்கின்றனர்.

தன் ஹீரோயிசத்தை அவர்களிடம் காட்ட ட்விஸ்ட் ஆரம்பமாகிறது. ஹீரோயின் வர்ஷா பொல்லம்மாவை அவரது பெற்றோர் உயர்கல்விக்காக வெளிநாடு அனுப்ப திட்டமிடுகின்றனர்.

விமான நிலையத்தில் இருந்து ஜோடியாக இருவரும் தப்பித்து விடுகிறார்கள். நண்பரான ஜாங்கிரி மதுமிதா, வீட்டில் தஞ்சம் புகுகிறார்கள். நண்பர்கள் எல்லோரும் ஒன்று சேர்ந்து விடிவி கணேஷ் தலைமையில் அவர்களுக்கு திருமணம் செய்துவைக்கிறார்கள்.

விசயமறிந்த பெற்றோர் அவர்களை ஒதுக்கிவைக்க இவர்கள் எங்கேயோ தனிகாட்டு வீட்டில் வாழ்க்கையில் துவங்குகிறார்கள். அங்கு தான் இவர்களுக்கான ஆபத்து கட்டம் வருகிறது.

இதற்கிடையில் பிரபு தேவாவின் சகோதரர் ராஜீ சுந்தரம் பல கொலைகளை செய்து தடயம் தெரியாமல் தப்பித்து வாழ்ந்துவருகிறார். காவல் துறைக்கு சவாலாக இருக்கும் இவரை பிடிக்க பொன்வண்ணன் தலைமையில் ஒரு போலிஸ் படை வேட்டையை ஆரம்பிக்கிறது.

ஹீரோ, ஹீரோயின் என்ன ஆனார்கள், ராஜு சுந்தரத்தை போலிஸ் பிடித்ததா என்பது தான் மீதிக்கதை.

படத்தை பற்றிய அலசல்

ஆடல், பாடல் என கல்லூரி வாழ்க்கையை கலக்கும் ஹீரோ மிக சீக்கிரமாக காதல் வசப்படுகிறார். சினிமாவிற்கு புதுமுகம். ஆனால் நடிப்பில் எக்ஸ்பீரியன்ஸ் போல காட்டியிருக்கிறார். அவரின் நடிப்பு கதைக்கு ஈக்குவல்.

ஹீரோயின் வர்ஷாவை பார்த்தும் நமக்கு அடிக்கடி நஸ்ரியாவின் ஃபேஸ் வந்து போகும். இவ்வளவு ஏன், சிலருக்கு சாய்பல்லவி மாதிரியும் தோன்றலாம். அவரின் முகபாவனைகள் அப்படி தான் இருக்கிறது.

முதலில் ராஜு சுந்தரம் தான் ஹீரோ போல தெரிவார். இவரின் சிறு வயது தோற்றத்திற்கு ஒரு இளைஞனை தேர்வு செய்திருப்பார் பாருங்கள். அவரை பார்த்தால் இளவயது ஷாருக்கான் போல இருக்கிறது. ராஜு சில படங்களில் கேரக்டர் ரோல் பண்ணியிருந்தாலும் இப்படத்தில் வில்லனாக நடித்திருக்கிறார்.

பொன்வண்ணன் பற்றி சொல்லவே வேண்டாம். காவல் துறை அதிகாரிக்கு பொருத்தமான செலக்‌ஷன். ஜாங்கிரி மதுமிதா சில இடங்களில் வந்து போகிறார். இவருக்கு ஜோடியாக அருண்ராஜா காமராஜ்.

படத்திற்கேற்ற இசை. போதுமான அளவில் பின்னணி இசையை பயன்படுத்தியிருக்கிறார் இசையமைப்பாளர் அச்சு ராஜாமணி. உண்மையாக நடந்த சிறு சம்பவத்தை படமாக காட்டியிருக்கிறார் இயக்குனர் பிரசாந்த்.

கிளாப்ஸ்

ஹீரோ, ஹிரோயின் கெமிஸ்ட்ரி ஓகே. முதல் அட்டம்ட்டிலேயே ஹீரோ பாஸ்.

இயக்குனர் கதை நகர்த்தும் விதம் சரியான ரூட்.

ஒரே ஒரு ஸ்மைல் என்றால் விடிவி கணேஷால் தான்.

பல்பஸ்

ஜாங்கிரி மதுமிதா, விடிவி கணேஷ் என காமெடி நடிகர்கள் இருந்தும் காமெடிக்கான பிளாட் ஃபார்ம் இல்லாமல் போய்விட்டது. எஞ்ஜாய்மெண்ட் மிஸ்ஸிங்.

அருண்ராஜா காமராஜ் காமெடி செய்ய முயற்சிக்கிறார். ஆனால் அதைகான களம் இல்லை.

கிளைமாக்ஸில் இன்னும் சற்று வேகம் காட்டியிருக்கலாம்.

மொத்தத்தில் யானும் தீயவன் ஓகே.

நியாயமாக அரசியல்வாதிகள் செய்ய வேண்டிய வேலையை விஷால் செய்திருக்கிறார். அதுவும் துணிச்சலாக!

காவிரி நீரை பெறுவதில் ஜெயலலிதா காட்டிய துணிச்சலை வேறு முதல்வர்கள் காட்டியிருப்பார்களா என்பது ஒரு புறம் இருக்கட்டும். காவேரி பிரச்சனையில் வாய் திறக்கவே அஞ்சும் அரசியல்வாதிகளுக்கும், நடிகர்களுக்கும் “இனிமேலாவது உரிமைக்குரல் எழுப்புங்கப்பா” என்று சொல்லாமல் சொல்லியிருக்கிறார் விஷால்.

பெங்களூருவில் நடந்த ஒரு சினிமா விழாவுக்கு சென்ற விஷால், சிங்கத்தின் குகையிலேயே நின்று கூவியது தமிழகத்தை மட்டுமல்ல… கர்நாடகாவையும் பரபரப்புக்குள்ளாக்கியிருக்கிறது. ரகுவீரா என்ற படத்தின் பாடல் வெளியீட்டு விழாவில் கலந்து கொண்டார் விஷால்.

பெங்களூருவில் பயங்கர போக்குவரத்து நெரிசலால் விஷால், விழாவுக்கு செல்ல கொஞ்சம் காலதாமதமானது. இசை வெளியீட்டு விழாவுக்கு வருவதற்கு விஷால் வர காலதாமதமானதால், அவ்விழாவில் கலந்து கொண்ட சில கன்னட அமைப்பைச் சேர்ந்தவர்கள் தமிழர்களைப் பற்றி காரசாரமாக பேசினார்கள். “தயாரிப்பாளர் சங்கத் தலைவர் விஷால் தமிழ்நாட்டிலிருந்து வந்து கலந்து கொண்டுள்ளார். அவருக்கு மரியாதை கொடுக்க வேண்டும். அதே வேளையில், தமிழகத்துக்கு தண்ணீர் தர மாட்டோம் என்று கூறவில்லை. எங்களுக்கே தண்ணீர் இல்லை” என்று தங்களுடைய பேச்சில் குறிப்பிட்டார்கள்.

அதனை தொடந்து இவ்விழாவில் விஷால் பேசும் போது, “உடல் மண்ணுக்கு… உயிர் தமிழுக்கு என்று பேச ஆரம்பித்தார். “போக்குவரத்து நெரிசலால் இங்கு வருவதற்கு காலதாமதமாகிவிட்டது. கன்னட படத்தின் இசை வெளியீட்டு விழாவாக இருந்தாலும், தாய்மொழியான தமிழில் பேசுவதில் தமிழனாக பெருமையடைகிறேன். தமிழில் தான் பேசுவேன். தவறாக எண்ண வேண்டாம். தண்ணீர் கேட்பது என்பது தமிழர்களுடைய உரிமை. அதனை யாரும் இல்லை என்று சொல்ல முடியாது.

“நாம் அனைவரும் இந்தியாவில் இருக்கிறோம். எங்களுடைய உரிமையைக் கேட்கிறோம், அதை தவறு என்று எவராலும் சொல்ல முடியாது. அதே வேளையில், கர்நாடகாவிலும் தமிழர்கள் வாழ்கிறார்கள். அவர்களுக்கு பாதுகாப்பு அளிப்பது உங்களுடைய கடமை. அதேபோல் தமிழகத்திலும் கர்நாடக மக்கள் வாழ்கிறார்கள். அவர்களுக்கு பாதுகாப்பு அளிப்பது எங்களுடைய கடமை. மொத்தத்தில் அனைவருமே இந்தியர்கள். வெவ்வேறு மாநிலம் என்று பார்ப்பது அவசியமற்றது. இந்தியா என்று வரும் போது அனைவருமே ஒன்று தான். அனைவருக்கும் அனைத்து உரிமைகளும் உண்டு. ஏன் தமிழர்கள் என ஒதுக்கி, தண்ணீர் தர மாட்டோம் என்கிறீர்கள். கர்நாடகாவுக்கு மட்டுமே தண்ணீர் என்று கிடையாது. எங்களுக்கும் உரிமையிருப்பதால் கேட்கிறோம். தண்ணீர் கேட்கக்கூடாது என்று சொல்ல யாருக்கும் உரிமையில்லை. கர்நாடகாவிலிருந்து எந்தவொரு தயாரிப்பாளரும் தமிழகத்துக்கு வந்து படம் தயாரித்தால், தயாரிப்பாளர் சங்கம் சார்பில் முழு ஒத்துழைப்பு அளிப்போம். கர்நாடக தயாரிப்பாளர் சங்கத்திலும் ஏதேனும் உதவிகள் தேவைப்பட்டால் கண்டிப்பாக செய்து தர தயாராக இருக்கிறோம்” என்று பேசினார் விஷால்.

ஜெயலலிதா நடிகையாக இருந்தபோது அவரை சூழ்ந்து கொண்ட கன்னட வெறியர்கள் ‘தமிழ் ஒழிக’ என்று சொல்ல சொல்லி ஆர்ப்பாட்டம் செய்தபோது துணிச்சலாக மறுத்தவர் அவர். பல வருஷங்களுக்குப் பின் கன்னட வெறியர்கள் மத்தியில் ஜெ.வை போல ஒரு துணிச்சலான செய்கை விஷால் மூலம் வெளிப்பட்டிருக்கிறது.

விஷாலின் திமிர் தொடரட்டும்…

' ஒரே நாடு ஒரே வரி ஒரே சந்தை' என்ற முழக்கத்தோடு ஜூலை 1 ஆம் தேதி முதல் ஜி.எஸ்.டி வரி அமல்படுத்தப்பட இருக்கிறது. 'சாதாரண மக்கள் அன்றாடம் பயன்படுத்தும் மருந்துகளுக்கெல்லாம் 12 சதவீத வரியைப் போட்டுள்ளனர். ஆனால், பணக்காரர்கள் பயன்படுத்தும் உலர் பழங்களுக்கு 2 சதவீதம் அளவுக்கு வரியைக் குறைத்துள்ளனர். ஜி.எஸ்.டிக்காக மருந்துக் கடைகள் எங்களை நெருக்குகின்றன' என்கிறார் கல்பாக்கம் மருத்துவர் புகழேந்தி.

ஒவ்வொரு ஆண்டும் ஜூலை 1 ஆம் தேதி மருத்துவர்கள் தினமாக கொண்டாடப்படுகிறது. இந்த ஆண்டு இதே தினத்தில் ஜி.எஸ்.டி அமல்படுத்தப்படுவதால், மருத்துவர்களும் மருந்துக் கடை உரிமையாளர்களும் மிகுந்த கவலையில் ஆழ்ந்துள்ளனர். அதிலும், அலோபதி, சித்தா, ஆயுர்வேதம், யுனானி என அனைத்து மருந்துகளுக்கும் 12 சதவீதம் முதல் 28 சதவீதம் வரையில் வரி போடப்பட இருப்பது, கூடுதல் அதிர்ச்சியை ஏற்படுத்தியிருக்கிறது. " பதிவு பெற்ற மருத்துவராக இருப்பதால், எனக்கு சலுகை விலையில் மருந்துகள் கிடைக்கும். சாதாரண காய்ச்சலுக்குப் போடப்படும் பாரசிட்டமால் மருந்து, ஆயிரம் மாத்திரைகளை 220 ரூபாய்க்கு வாங்குவேன். இதற்காக 5 சதவீத வரியைக் கட்டி வந்தேன். இப்போது இதே பாரசிட்டமால் மருந்துக்கு நான் 12 சதவீத வரியை செலுத்த வேண்டியிருக்கிறது. பொதுமக்கள் எப்போதும் பயன்படுத்தும் பாரசிட்டமால் மாத்திரைக்கே, இவர்கள் கூடுதல் வரியைப் போட்டுள்ளனர். சாதாரண சத்து ஊசிக்கும் 12 சதவீதம் முதல் 28 சதவீதம் வரையில் வரியைப் போட்டுள்ளனர். இந்தியாவில் 70 முதல் 80 சதவீத மக்கள், தங்கள் சொந்தப் பணத்தில் இருந்துதான் மருந்துகளை வாங்குகின்றனர் என ஆய்வு முடிவுகள் சொல்கின்றன. இவர்களை ஒட்டுமொத்தமாக வதைக்கிறது ஜி.எஸ்.டி வரி" எனக் கொந்தளிப்போடு பேசத் தொடங்கினார் சூழலியலுக்கான மருத்துவர்கள் சங்கத்தின் மருத்துவர் புகழேந்தி.

மருத்துவர் புகழேந்திதொடர்ந்து நம்மிடம் பேசினார். " ஜி.எஸ்.டி வரியின் மூலம் இன்சுலின் மருந்துக்கு மட்டும் வரியைக் குறைத்திருக்கிறார்கள். மீதமுள்ள 99 சதவீத மருந்துகளுக்கு 7 சதவீதம் கூடுதலாக வரி கட்ட வேண்டிய நிலை ஏற்பட்டுள்ளது. அவசர காலங்களில் போட்டுக் கொள்ளும் குளுக்கோஸுக்கு வரி விதிப்பது எந்த வகையிலும் சரியல்ல. என்னிடம் வரும் நோயாளிகளுக்கு, சலுகை விலையில் கிடைக்கும் மருந்துகளை மிகக் குறைந்த விலைக்குத் தருகிறேன். இப்போது அவர்களிடம் கூடுதலாக வசூலிக்கும் நிலை ஏற்படுகிறது. இதனால், கிராமப்புற மக்கள் பெரிதும் பாதிக்கப்படுவார்கள்" என்றவர்,

" சென்னையில் நான்கு இடங்களில் மொத்தமாக மருந்துகளை வாங்குகிறேன். கடந்த சில நாட்களாக, 'மொத்தமாக மருந்து வாங்கி வைத்துக் கொள்ளுங்கள்' என மருந்து கொள்முதல் கடைகளில் இருந்து நெருக்குகிறார்கள். ' ஜி.எஸ்.டி வர இருப்பதால், எங்களுக்கு நிறைய இழப்புகள் ஏற்பட இருக்கிறது. இந்த இழப்புகளுக்கு மருந்து நிறுவனங்கள் பொறுப்பேற்க முன்வரவில்லை. எனவே, 30 ஆம் தேதிக்குள் மருந்துகளை வாங்கிக் கொள்ளுங்கள். அதன்பிறகு தட்டுப்பாடு ஏற்பட்டுவிடும்' என்கிறார்கள். அதற்காக, பல மாதங்களுக்குத் தேவையான மருந்துகளை ஒரே நேரத்தில் எப்படி வாங்கிக் கொள்ள முடியும்? அவ்வளவு பணத்துக்கு எங்கே போவது? ஒரு மாதத்துக்குத் தேவையான மருந்துகளை வாங்கி வைத்துக் கொள்ளலாம். அதன்பிறகு, இந்த வரியைக் குறைத்துவிடுவார்களா? அமெரிக்காவில் பிரதமர் மோடி பேசும்போது, 'ஜி.எஸ்.டியால் எங்கள் நாட்டின் வளர்ச்சி உயரும்' என்கிறார். அடித்தட்டு மக்களை வதைத்துவிட்டு, என்ன மாதிரியான வளர்ச்சியை இவர்கள் கொடுக்கப் போகிறார்கள் என்று தெரியவில்லை.

மருத்துவரிடம் சென்று மருத்துவம் பார்க்க பணமில்லாதவர்கள், மருந்துக் கடைகளில் கேட்டு வாங்கிச் சாப்பிடும் நிலையும் இருக்கிறது. இந்த வரியால், அவர்கள் கூடுதல் தொகைகளைக் கொடுக்க வேண்டிய நிலை ஏற்பட்டுள்ளது. இன்சுலினோடு சேர்த்து ஓரிரு மருந்துகளைத் தவிர, மற்ற அனைத்துக்கும் 12 முதல் 28 சதவீதம் வரையில் வரி போடப்பட உள்ளது. மருந்து விலைகளும் தாறுமாறாக உயரப் போகிறது. இதுதான் ஜி.எஸ்.டியால் உருவாகக் கூடிய மாற்றமா? இந்த அரசு மக்கள் நலன் சார்ந்து சிந்திக்கவில்லை. 'விலைவாசியில் பெரிய மாற்றம் வராது' என மத்திய இணை அமைச்சர் நிர்மலா சீதாராமன் பேசுகிறார். ஆனால், சாதாரண மக்கள் பயன்படுத்தும் மருந்துகளுக்கு இவ்வளவு வரியை விதிப்பது எந்த வகையில் நியாயமானது? தங்களின் கொள்கை சார்ந்த முடிவுகளைத்தான் ஜி.எஸ்.டி வழியாக பிரதமர் அமல்படுத்துகிறாரோ என்ற சந்தேகமும் எங்களுக்கு உண்டு" என்றார் ஆதங்கத்தோடு.

' ஒரே நாடு ஒரே வரி ஒரே சந்தை' என்ற முழக்கத்தோடு ஜூலை 1 ஆம் தேதி முதல் ஜி.எஸ்.டி வரி அமல்படுத்தப்பட இருக்கிறது. 'சாதாரண மக்கள் அன்றாடம் பயன்படுத்தும் மருந்துகளுக்கெல்லாம் 12 சதவீத வரியைப் போட்டுள்ளனர். ஆனால், பணக்காரர்கள் பயன்படுத்தும் உலர் பழங்களுக்கு 2 சதவீதம் அளவுக்கு வரியைக் குறைத்துள்ளனர். ஜி.எஸ்.டிக்காக மருந்துக் கடைகள் எங்களை நெருக்குகின்றன' என்கிறார் கல்பாக்கம் மருத்துவர் புகழேந்தி.

ஒவ்வொரு ஆண்டும் ஜூலை 1 ஆம் தேதி மருத்துவர்கள் தினமாக கொண்டாடப்படுகிறது. இந்த ஆண்டு இதே தினத்தில் ஜி.எஸ்.டி அமல்படுத்தப்படுவதால், மருத்துவர்களும் மருந்துக் கடை உரிமையாளர்களும் மிகுந்த கவலையில் ஆழ்ந்துள்ளனர். அதிலும், அலோபதி, சித்தா, ஆயுர்வேதம், யுனானி என அனைத்து மருந்துகளுக்கும் 12 சதவீதம் முதல் 28 சதவீதம் வரையில் வரி போடப்பட இருப்பது, கூடுதல் அதிர்ச்சியை ஏற்படுத்தியிருக்கிறது. " பதிவு பெற்ற மருத்துவராக இருப்பதால், எனக்கு சலுகை விலையில் மருந்துகள் கிடைக்கும். சாதாரண காய்ச்சலுக்குப் போடப்படும் பாரசிட்டமால் மருந்து, ஆயிரம் மாத்திரைகளை 220 ரூபாய்க்கு வாங்குவேன். இதற்காக 5 சதவீத வரியைக் கட்டி வந்தேன். இப்போது இதே பாரசிட்டமால் மருந்துக்கு நான் 12 சதவீத வரியை செலுத்த வேண்டியிருக்கிறது. பொதுமக்கள் எப்போதும் பயன்படுத்தும் பாரசிட்டமால் மாத்திரைக்கே, இவர்கள் கூடுதல் வரியைப் போட்டுள்ளனர். சாதாரண சத்து ஊசிக்கும் 12 சதவீதம் முதல் 28 சதவீதம் வரையில் வரியைப் போட்டுள்ளனர். இந்தியாவில் 70 முதல் 80 சதவீத மக்கள், தங்கள் சொந்தப் பணத்தில் இருந்துதான் மருந்துகளை வாங்குகின்றனர் என ஆய்வு முடிவுகள் சொல்கின்றன. இவர்களை ஒட்டுமொத்தமாக வதைக்கிறது ஜி.எஸ்.டி வரி" எனக் கொந்தளிப்போடு பேசத் தொடங்கினார் சூழலியலுக்கான மருத்துவர்கள் சங்கத்தின் மருத்துவர் புகழேந்தி.

மருத்துவர் புகழேந்திதொடர்ந்து நம்மிடம் பேசினார். " ஜி.எஸ்.டி வரியின் மூலம் இன்சுலின் மருந்துக்கு மட்டும் வரியைக் குறைத்திருக்கிறார்கள். மீதமுள்ள 99 சதவீத மருந்துகளுக்கு 7 சதவீதம் கூடுதலாக வரி கட்ட வேண்டிய நிலை ஏற்பட்டுள்ளது. அவசர காலங்களில் போட்டுக் கொள்ளும் குளுக்கோஸுக்கு வரி விதிப்பது எந்த வகையிலும் சரியல்ல. என்னிடம் வரும் நோயாளிகளுக்கு, சலுகை விலையில் கிடைக்கும் மருந்துகளை மிகக் குறைந்த விலைக்குத் தருகிறேன். இப்போது அவர்களிடம் கூடுதலாக வசூலிக்கும் நிலை ஏற்படுகிறது. இதனால், கிராமப்புற மக்கள் பெரிதும் பாதிக்கப்படுவார்கள்" என்றவர்,

" சென்னையில் நான்கு இடங்களில் மொத்தமாக மருந்துகளை வாங்குகிறேன். கடந்த சில நாட்களாக, 'மொத்தமாக மருந்து வாங்கி வைத்துக் கொள்ளுங்கள்' என மருந்து கொள்முதல் கடைகளில் இருந்து நெருக்குகிறார்கள். ' ஜி.எஸ்.டி வர இருப்பதால், எங்களுக்கு நிறைய இழப்புகள் ஏற்பட இருக்கிறது. இந்த இழப்புகளுக்கு மருந்து நிறுவனங்கள் பொறுப்பேற்க முன்வரவில்லை. எனவே, 30 ஆம் தேதிக்குள் மருந்துகளை வாங்கிக் கொள்ளுங்கள். அதன்பிறகு தட்டுப்பாடு ஏற்பட்டுவிடும்' என்கிறார்கள். அதற்காக, பல மாதங்களுக்குத் தேவையான மருந்துகளை ஒரே நேரத்தில் எப்படி வாங்கிக் கொள்ள முடியும்? அவ்வளவு பணத்துக்கு எங்கே போவது? ஒரு மாதத்துக்குத் தேவையான மருந்துகளை வாங்கி வைத்துக் கொள்ளலாம். அதன்பிறகு, இந்த வரியைக் குறைத்துவிடுவார்களா? அமெரிக்காவில் பிரதமர் மோடி பேசும்போது, 'ஜி.எஸ்.டியால் எங்கள் நாட்டின் வளர்ச்சி உயரும்' என்கிறார். அடித்தட்டு மக்களை வதைத்துவிட்டு, என்ன மாதிரியான வளர்ச்சியை இவர்கள் கொடுக்கப் போகிறார்கள் என்று தெரியவில்லை.

மருத்துவரிடம் சென்று மருத்துவம் பார்க்க பணமில்லாதவர்கள், மருந்துக் கடைகளில் கேட்டு வாங்கிச் சாப்பிடும் நிலையும் இருக்கிறது. இந்த வரியால், அவர்கள் கூடுதல் தொகைகளைக் கொடுக்க வேண்டிய நிலை ஏற்பட்டுள்ளது. இன்சுலினோடு சேர்த்து ஓரிரு மருந்துகளைத் தவிர, மற்ற அனைத்துக்கும் 12 முதல் 28 சதவீதம் வரையில் வரி போடப்பட உள்ளது. மருந்து விலைகளும் தாறுமாறாக உயரப் போகிறது. இதுதான் ஜி.எஸ்.டியால் உருவாகக் கூடிய மாற்றமா? இந்த அரசு மக்கள் நலன் சார்ந்து சிந்திக்கவில்லை. 'விலைவாசியில் பெரிய மாற்றம் வராது' என மத்திய இணை அமைச்சர் நிர்மலா சீதாராமன் பேசுகிறார். ஆனால், சாதாரண மக்கள் பயன்படுத்தும் மருந்துகளுக்கு இவ்வளவு வரியை விதிப்பது எந்த வகையில் நியாயமானது? தங்களின் கொள்கை சார்ந்த முடிவுகளைத்தான் ஜி.எஸ்.டி வழியாக பிரதமர் அமல்படுத்துகிறாரோ என்ற சந்தேகமும் எங்களுக்கு உண்டு" என்றார் ஆதங்கத்தோடு.

2009 ஆம் வருடம் 'அவதார்' திரைப்படம் உலகம் முழுவதும் அப்போதே 14,000 திரை அரங்குகளில் வெளியானது. அதில் அதுவரை இருந்த 3D டெக்னாலஜியை அடுத்தக் கட்டத்திற்கு கொண்டு சென்றிருந்தார்கள் இயக்குநர் ஜேம்ஸ் கேமரூன் மற்றும் அவரது நண்பர் வின்ஸ் பேஸ். பியூசன் கேமரா சிஸ்டம் (Fusion Camera System) எனப்படும் அந்த டெக்னாலஜி ரசிகர்களைப் பரவசத்தில் ஆழ்த்த, அவதார் திரைப்படம் அன்று திரையில் காட்டியதெல்லாம் யாரும் பார்த்திராத மேஜிக்! படம் வியாபார ரீதியாக 2,788 பில்லியன் டாலர்கள் வசூலித்து பெரும் வெற்றியைப் பெற, அவதாரின் தொடர்ச்சியாக மேலும் 4 பாகங்கள் வெளியாகும் என்று 2010ஆம் ஆண்டு அறிவித்தார் கேமரூன். இந்தியாவில் அதுவரை 'டைட்டானிக்' இயக்குனர் என்றழைக்கப்பட்ட கேமரூன், அன்று முதல் ”அவதார் கேமரூன்” ஆகிப் போனார்.

இப்போது, 7 வருடங்கள் கழித்து அவதார் 2 மற்றும் அதனைத் தொடர்ந்து வரும் மற்ற பாகங்களையும் 3Dயில் காண இனி கண்ணாடி எதுவும் தேவையில்லை என்று அறிவித்திருக்கிறார்கள். முதல் பாகத்திலியே 3D யில் மாயாஜாலம் காட்டியவர், அடுத்து என்ன செய்யப்போகிறார் என்ற எதிர்பார்ப்பு அனைவருக்கும் இருந்தது. அதை பூர்த்திசெய்யும் வகையில் வந்துள்ளது இந்த அறிவிப்பு!

எப்படி இது சாத்தியம்?

பெரும்பாலும் 3Dயில் படம் பார்ப்பது அனைவருக்கும் பிடித்த ஒரு விஷயமாகவே இருந்தாலும் சிலருக்கு அந்த 3D கண்ணாடி ஓர்  உறுத்தல்தான். அதிலும் ஏற்கெனவே கண்ணாடி அணிந்துகொண்டிருப்பவர்கள், இந்த 3D கண்ணாடியையும் சேர்த்து அணிந்துகொண்டு படத்தைப் பார்ப்பதைப் பெரும் தலைவலியாகக் கருதினர். இதற்கு விடைகாணப் போகிறது இந்த டெக்னாலஜி.

அவதார் 2 3D

கேமரூனின் சொந்தத் தயாரிப்பு நிறுவனமான லைட்ஸ்டார்ம் என்டெர்டெயின்மென்ட் (Lightstorm Entertainment) கலிபோர்னியாவில் உள்ள கிறிஸ்டி டிஜிட்டல் (Christie Digital) என்ற நிறுவனத்துடன் கைகோத்து இந்த ஆராய்ச்சியில் கடந்த 5 வருடங்களாக ஈடுபட்டு வந்தது. இதன் விளைவாக கிறிஸ்டி டிஜிட்டல் நிறுவனம் தற்போது தயாரித்துள்ள புரட்சிகரமான RGB லேசர் புரொஜெக்ஷன் சிஸ்டம் மூலம் கண்ணாடிகள் இல்லா 3D சாத்தியமாகும் என்று கூறப்படுகிறது. இந்த புதிய டெக்னாலஜி மிகவும் பிரகாசமான படங்களை அதிக பிரேம் ரேட்டில் (Frame Rate) வெளியிடுவதால் தெள்ளத்தெளிவான காட்சிகளைக் கண்ணாடிகள் இல்லாமலே 3D தரத்தில் கண்டுகளிக்க முடியும்.

இது குறித்து, கிறிஸ்டி டிஜிட்டலின் தலைவரும், தலைமை நிர்வாக அதிகாரியுமான ஜாக் க்ளீன் (Jack Kline) பத்திரிகையாளர்களிடம் கூறியதாவது, "இந்த 3D புரொஜெக்ஷன் டெக்னாலஜி மட்டுமல்ல, இதைத்தவிர நாங்கள் கண்டுபிடிக்கப் போகும் அனைத்து விஷயங்களையும் கேமரூன் அவர்களின் லைட்ஸ்டார்ம் நிறுவனத்துடன் பகிர்ந்துகொள்ளத் தயாராக உள்ளோம். அவதார் முதல் பாகத்தைப் போன்றே அதன் அடுத்தடுத்த பாகங்களும் மிகப்பெரிய வெற்றிகளைப் பெரும்!"

நடைமுறைச் சிக்கல்கள்

இது ஒருபுறமிருக்க, இந்த புது டெக்னாலஜி வரும்பட்சத்தில் அதை நிறுவுவதில் பல்வேறு நடைமுறைச் சிக்கல்கள் வருவதற்கான வாய்ப்புகள் அதிகம். காரணம் அவதார் 2 வை இந்த நவீன தொழில்நுட்பத்துடன் திரையிட உலகெங்கும் உள்ள அனைத்து திரையரங்குகளும் தங்கள் புரொஜெக்டர், திரை உட்பட அனைத்தையும் மாற்ற வேண்டியிருக்கும். இது யாரும் கண்டிராத தொழில்நுட்பம் என்பதால் அதற்கான செலவுகள் மிகவும் அதிகம் என்று கூறப்படுகிறது. என்றாலும் அவதார் 2 வெளிவர இன்னும் 3 ஆண்டுகள் (டிசம்பர் 18, 2020) இருப்பதால் அதற்குள் இந்தத் தொழில்நுட்பத்தை உலகெங்கும் கொண்டு செல்ல சீரிய முயற்சிகள் பல மேற்கொள்ளப்படலாம் என்று எதிர்பார்க்கப்படுகிறது.