!...Payanam...!

உடலில் புதிய செல்களைப் புதுப்பிக்கும் திறன் கொண்ட ஆன்டி-ஆக்ஸிடென்ட் இதில் அதிகமாக இருப்பதால் வெண்புள்ளி, அரிப்பு போன்ற தோல் நோய்களைக் குணப்படுத்தும்.

சிறுநீரக கற்களால் கஷ்டப்படுபவர்கள், நாவல் பழத்தினை சாப்பிடுவதுடன், அதன் விதையை உலர வைத்து பொடி செய்து, தயிருடன் சேர்த்து சாப்பிட்டால் கற்களானது கரைந்துவிடும்.

பெண்களின் மலட்டுத் தன்மை குணமாக, வைட்டமின் ஈ தேவை. நாவல் மரத்தின் இலையின் சாற்றை கஷாயமாக்கித் தேன் அல்லது வெண்ணெய் கலந்து சாப்பிட்டால் மலட்டுத் தன்மை அகலும்.

கல்லீரல், மண்ணீரலில் ஏற்படும் நோய்களைக் குணப்படுத்தும். குறிப்பாக மஞ்சள்காமாலையைக் குணப்படுத்தும். நாவல் பழங்களை சாப்பிட்டு வந்தால், கல்லீரல் பிரச்சனைகள் நீங்குவதுடன், சிறுநீர்ப்பை பிரச்சனைகளில் இருந்தும் நிவாரணம் கிடைக்கும்.

நாவல் பழத்தின் இலைகள் மற்றும் மரப்பட்டைகள் இரத்த அழுத்தத்தைக் கட்டுப்பாட்டுடன் வைக்கும். அதற்கு அவற்றை நீரில் போட்டு கொதிக்க விட்டு, அந்நீரை பருக வேண்டும்.

கர்ப்பப்பை தொடர்பான சிக்கல்கள், வெள்ளைப்படுதல், மாதவிடாயின்போது அதிக ரத்தப்போக்கு போன்றவற்றைக் குணப்படுத்தும். நாவல் பழத்தைக் கஷாயம் வைத்துக் குடித்தால் வாய்வுத்தொல்லை விலகும்.

சர்க்கரை நோயாளிகள் இதன் விதைகளை நிழலில் உலர்த்தி சுமார் ஒரு கிராம் அளவு காலை - மாலை என சாப்பிட்டு வந்தால் படிப்படியாக சர்க்கரை நோய் குறையும்.

மழைக்காலம் வந்துவிட்டாலே ஏராளமான நோய்களும் சேர்ந்தே வரும். அடிக்கடி சலதோஷம், காய்ச்சல் போன்றவை நம்மை தொற்றிக் கொள்ளும். எனவே இந்த மாதிரியான நேரங்களில் வெந்தய டீ உங்களுக்கு நல்ல பலனை கொடுக்கும்.

தேநீர் தயாரிக்கும் முறை

    வெந்தய விதைகளை உரலில் வைத்தோ அல்லது மிக்ஸியிலயே நுனிக்கி கொள்ளுங்கள்.
    ஒரு பாத்திரத்தில் தண்ணீரை கொதிக்க வையுங்கள்.
    அதனுடன் வெந்தய பொடியை போட்டு அதனுடன் ஹெர்பல் மூலிகை கூட சேர்த்து கொள்ளலாம்.
    மூடியை போட்டு மூடி 3 நிமிடங்கள் நன்றாக கொதிக்க விடவும்.
    இப்பொழுது டீயை வடிகட்டி மற்றொரு பாத்திரத்தில் ஊற்றி கொள்ளவும்.
    அதனுடன் தேன் சேர்த்து சூடாக அல்லது குளிர்ந்த நிலையில் பருகலாம்.

எடை அதிகமான நபர்கள் 6 வாரம் வெந்தய டீ யை எடுத்து வந்தாலே போதும் உடலில் உள்ள தேவையற்ற கொழுப்புகளை கரைத்து உடல் எடையை குறைத்து விடும்.

நீரிழிவு நோய்

வெந்தயத்தில் இருக்கக் கூடிய நார்ச்சத்து இரத்தத்தில் உள்ள சர்க்கரை அளவை குறைக்கிறது. இதனால் இது நீரிழிவு நோயாளிகளுக்கு சிறந்தது. ஏனெனில் இது கார்போஹைட்ரேட் உறிஞ்சும் திறனை மெதுவாக்குகிறது. எனவே டயாபெட்டீஸ் நோயாளிகளுக்கு இரத்த சர்க்கரை அளவை கட்டுப்பாட்டில் வைக்க வெந்தய டீ உதவுகிறது என்று ஆராய்ச்சி தகவல்கள் தெரிவிக்கின்றன.

சீக்கிரம் வயதாகுவதை தடுத்தல்

வெந்தயத்தில் உள்ள ஆன்டி ஆக்ஸிடன்ட்கள் சீக்கிரம் வயதாகுவதை எதிர்த்து போரிடுகிறது. இந்த வெந்தயத்தை தயிருடன் சேர்த்து அரைத்து தினமும் முகத்தில் தடவி 30 நிமிடங்கள் கழித்து குளிர்ந்த நீரில் கழுவவும்.

முகத்தில் உள்ள பருக்கள், கொப்புளங்கள் போன்றவற்றை போக்குகிறது. யோகார்ட்டில் உள்ள லாக்டிக் அமிலம் சருமத்தை புதுப்பிக்கிறது. ஒட்டுமொத்தமாக சரும ஆரோக்கியத்திற்கு துணை புரிகிறது.

பெங்களூரைச் சேர்ந்த சுபாஷினியின் வீட்டுக்கு ஒரு டெலிவரி வந்திருக்கிறது. காலிங் பெல் அழுத்தி, அழைத்த அந்த நபரின் கையில் ஒரு பார்சல். அதில் சுபாஷினியின் கணவர் பெயர் எழுதப்பட்டிருந்தது.
ஆன்லைன் ஷாப்பிங் டெலிவரியில் இன்னுமோர் நூதன மோசடி... உஷார்!

தினம் தினம் புதுப்புது தொழில்கள் வந்துகொண்டேயிருக்கின்றன. அதே வேகத்தில் அத்தொழிலில் ஏமாற்றுபவர்களும் முளைத்துக் கொண்டேயிருக்கிறார்கள். கடந்த சில ஆண்டுகளில் அபரிமிதமான வளர்ச்சியை அடைந்த விஷயம் ஆன்லைன் ஷாப்பிங். காலையில் பல் துலக்கும் டூத் பேஸ்ட்டில் தொடங்கி சாப்பிடும் இட்லி, அணியும் சட்டை, இரவில் தேவைப்படும் கொசுவத்திச் சுருள் வரை இணையத்தில் கிடைக்கின்றன. இதனை டெலிவரி செய்ய ஏராளமான டெலிவரி பாய்ஸ் வீட்டுக்கதவுகளைத் தட்டுவது வழக்கம். இதிலும் ஏகப்பட்ட முறை ஏமாற்றுவது தொடர்ந்து நடந்து வருகின்றன. அதில் ஒருவகை மோசடியைப் பற்றியதுதான் இந்தக் கதை.

சென்ற வாரம் ட்விட்டரில் சுபாஷினி என்பவர் இதைப் பகிர்ந்திருந்தார். பெங்களூரைச் சேர்ந்த சுபாஷினியின் வீட்டுக்கு ஒரு டெலிவரி வந்திருக்கிறது. காலிங் பெல் அழுத்தி, அழைத்த அந்த நபரின் கையில் ஒரு பார்சல். அதில் சுபாஷினியின் கணவர் பெயர் எழுதப்பட்டிருந்தது. அதைத் தவிர வேறு எந்தத் தகவலும் அந்த பார்சலில் இல்லை. பார்கோடு, சீல் என எதுவுமே இல்லாததால் சுபாஷினிக்குச் சந்தேகம் வந்தது. ``எந்த கொரியர்” என்ற கேள்விக்கு ``ப்ளூ டார்ட்” என்றிருக்கிறார் வந்தவர். கொரியருக்கான ரசீதை சுபாஷினி கேட்க, வந்தவர் பார்சலைத் திருப்பிக் கேட்டிருக்கிறார். ``ஆபீஸ்ல வந்து பார்சலை வாங்கிக்கோங்க” என அவர் சொல்ல, சுபாஷினி பார்சலைத் திருப்பித் தரவில்லை.

அந்த நேரம் சுபாஷினியின் மகன் வீட்டுக்குள் வந்திருக்கிறார். அவரிடம், அவர் தந்தை ஏதாவது ஆன்லைனில் ஆர்டர் செய்திருக்கிறாரா எனக் கேட்கச் சொன்னார். வீட்டில் ஆட்கள் இருக்கிறார்கள் என்பதை உணர்ந்த அந்தப் போலி டெலிவரி பாய், ``பார்சலைக் கொடுங்க” என மீண்டும் அவசரப்பட்டிருக்கிறார். ``ஐ.டி கார்டைக் காட்டுங்க” என சுபாஷினி கேட்க, அதை எடுப்பது போல் தன் பைக்கை நோக்கிச் சென்றிருக்கிறார். சில வீடுகள் தள்ளி நிறுத்தியிருந்த பைக்கை எடுத்துக்கொண்டு சிட்டாகப் பறந்துவிட்டார் அந்த `டெலிவரி பாய்’. வண்டி எண்ணை யாரும் பார்த்துவிடக் கூடாது என்பதற்காகவே சிறிது தூரம் தள்ளி நிறுத்தியிருக்கிறார்.

சுபாஷினி வீட்டில் யாரும் `கேஷ் ஆன் டெலிவரி' மூலம் ஆர்டர் செய்ய மாட்டார்கள் என்பது தெரிந்ததால் சிக்கலில் மாட்டாமல் தப்பித்திருக்கிறார். ஒருவேளை பணம் கொடுத்திருந்தால், அது வீணாகியிருக்கும். சுபாஷினியின் பயம் அது கூட இல்லை. ``பணம் எடுக்க உள்ளே போயிருந்தால், அந்தச் சமயத்தில் அந்த நபர் அத்துமீறி வீட்டுக்குள் நுழையும் ஆபத்துமிருக்கிறது” என்கிறார். ட்விட்டரில் பெங்களூரு காவல்துறையிடமும் இதைப் பற்றி புகார் தெரிவித்திருக்கிறார்.

சுபாஷினிக்கு நடந்த விஷயத்தை எனக்குத் தெரிந்த ஒரு டெலிவரி பாயிடம் சொன்னேன். இது போல பல புகார்கள் அவர்கள் அலுவலகத்துக்கும் வருவதாகச் சொன்னவர், அதன்பின் சொன்னதுதான் அதிர்ச்சி.

``நாங்க டெலிவரிக்குப் போறதுக்கு முன்ன வேற யாரோ வந்து காலி பாக்கெட்ட கொடுத்து காசு வாங்கினதா ஒரு சிலர் சொல்லிருக்காங்க” என்றார். நடப்பது இதுதான்.

டெலிவரிக்கு வரும் காஸ்ட்லியான பொருள்களின் தகவல்களை அவர்கள் அலுவலகத்தில் இருக்கும் சிலரே வெளியே சொல்கிறார்கள். இப்போது நாம் சாம்சங் மொபைலை கேஷ் ஆன் டெலிவரியில் ஆர்டர் செய்திருக்கிறோம் என்றால், அந்தத் தகவல் மட்டும் போதும். நம் வீட்டுக்கு வந்து ``சாம்சங் மொபைல் வந்திருக்கிறது... 19,999” எனக் கேட்டால் நாம் தந்துவிடுவோம். அவர் போன பின்புதான் பாக்கெட்டில் ஒன்றுமே இல்லை என்பது நமக்குத் தெரியவரும். நாம் ஆர்டர் செய்த அந்த ஆன்லைன் நிறுவனத்திடம் புகார் தெரிவித்தாலும் பயனில்லை. ஏனெனில் நடந்ததற்கும் அவர்களுக்கும் எந்தத் தொடர்புமில்லை.

டெலிவரி பாய்ஸ் வேலை மிகவும் சிக்கலான வேலை. அதை இந்த மாதிரியான ஏமாற்றுக்காரர்கள் இன்னும் சிக்கலாக்கி விடுகிறார்கள். வீட்டில் சிசிடிவி மாட்டுவது, யார் வந்தாலும் ஐடி கார்டு கேட்பது, வீட்டில் தனியாக இருந்தால் முடிந்தவரை கேட்டுக்கு வெளியே நிற்க வைத்து வாங்குவது எனப் பாதுகாப்பு அறிவுரைகள் பல இருந்தாலும், எல்லோரும் விழிப்புடன் இருப்பதில்லை.

சுபாஷினி கதையில் பார்சல் அவரிடமே தங்கிவிட்டது. ஆனால், அதில் என்ன இருக்குமென அவர்களால் யூகிக்க முடியவில்லை. இந்த மாதிரி கொரியர் மூலம் பரவிய ஆந்த்ராக்ஸ் கிருமி வரை ஏதேதோ நினைத்தவர்கள் கடைசியில் தைரியமாக அதைத் திறந்து பார்த்திருக்கிறார்கள். உள்ளே ஒரு பழைய சட்டை இருந்திருக்கிறது.



எல்லோருக்கும் சட்டை கிடைப்பதில்லை. பெரும்பாலும் சங்கடங்களே மிஞ்சும். உஷாராக இருக்க வேண்டியது நம் கடமை.

நல்லவேளை… மிஷ்கின் பிளைட் ஓட்டுகிற வேலையில் இல்லை. இருந்திருந்தால் உணர்ச்சிவயப்பட்டு, ‘அதோ ஒரு விவசாயி என்ன அழகா ஏர் ஓட்டுறான். அவனை பாராட்டுறதை விட துபாய்க்கு வண்டி ஒட்றதா முக்கியம்’ என்று வயலிலேயே வண்டியை இறக்கி பிளைட் கம்பெனி தலையில் துண்டு போட்டு மூடியிருப்பார்.

எங்கு மைக் கிடைத்தாலும் உணர்ச்சி ததும்ப பேசுகிறேன் பேர்வழி என்று அவர் செய்யும் காமெடிக்கு தோதாக நேற்றும் ஒரு மேடை சிக்கியது. ‘பேரன்பு’ படத்தின் பாடல் வெளியீட்டு விழாதான் அது. படத்தின் நாயகன் மம்முட்டியும் வந்திருந்தார். இயக்குனர் ராம் குறித்து மிஷ்கின் பேசியதுதான் ஒரே ஐயோ குய்யோ!

ராம் மாதிரி ஒரு டைரக்டர் இல்லவே இல்ல. இப்பல்லாம் என்ன டேஷுக்கு படம் எடுக்குறானுங்களோ என்கிற ரீதியில் அடித்து பட்டையை கிளப்பிக் கொண்டிருந்தார். அப்படியே படத்தின் தயாரிப்பாளர் தேனப்பன் பக்கம் திரும்பியவர், “தேனப்பன் சார். இதுக்கு முன்னாடி நீங்க எத்தனையோ படங்கள் எடுத்திருக்கலாம். ஆனால் அதெல்லாம் படமே இல்ல. எல்லாம் இருட்டறையில் முரட்டுக்குத்துக்கு சமம். ஆனா இதுதான் படம்” என்று கூற… இதே மேடையில் இருந்த கே.எஸ்.ரவிகுமாருக்கு எப்படியிருக்கும்? இன்னும் சொல்லப் போனால், கே.எஸ்.ரவிகுமாரே ஒரு நிதானமான மிஷ்கின்தான்!

“நான் மிஷ்கினுக்கு ஒரு தகவல் சொல்லிக்கிறேன். தேனப்பன் தயாரிப்பில் ‘பஞ்ச தந்திரம்’ என்று ஒரு படம் இயக்கினேன். இன்னமும் பல வீடுகள்ல அந்த படத்தின் டி.வி.டி இருக்கு. அதனால் பொத்தாம் பொதுவா பேசக் கூடாது” என்றார். இப்படி நேரடி குட்டு வாங்கிய மிஷ்கின், தன் முகத்தை வழக்கம் போல கூலிங் கிளாசுக்கு பின்னால் மறைத்துக் கொண்டது தனி கதை.

போகட்டும்…பேரன்பு எப்படி? ஒரு மாற்றுத்திறனாளியை மகளாக பெற்ற அப்பனின் கதையாக இருக்கும் போல தெரிகிறது. மன உணர்வுகளுக்குள் புகுந்து சிந்திப்பதில் ராம் கிரேட். பேரன்பு வெளிவரும்போது, மக்களின் பேரன்பை அள்ளும் என்பதில் துளி டவுட் இருக்கப் போவதில்லை.

‘வீரபாண்டிய கட்டபொம்மன்’ படத்தை நினைத்தால் முதலில் சிவாஜி வருவார். அவருக்கு முன்னே அந்த கிடா மீசை வந்துவிடும். அரும்பு மீசையோடு ஒரு கட்டபொம்மனை நினைத்துப் பாருங்களேன்… அந்த பாஞ்சாலங்குறிச்சியே தூக்கு மாட்டிக் கொள்ளும். அப்படியொரு வரலாற்றுப் பிழை, பிரபுதேவா கெட்டப் விஷயத்திலும் வந்துவிட்டது.

‘பொன்மாணிக்கவேல்’ என்ற படத்தில் போலீஸ் அதிகாரியாக நடிக்கிறார் பிரபுதேவா. நேர்மையில் சகாயம் வகையறாவை சேர்ந்தவர் இந்த பொன்மாணிக்கவேல். அந்த அரசனாகவே இருந்தாலும், ‘தப்புன்னா டுப்புன்னு சுட்டுபுடணும்’ என்கிறளவுக்கு ஆத்திரக்காரர். நேர்மை, கடமை, கம்பீரம் என்ற மும் மந்திரத்தின் முதல் அம்புதான் இவர். இவரது நேர்மையை கண்டு அஞ்சிய பல போலீஸ் அதிகாரிகள், இவர் பொறுபேற்கிற துறை எதுவோ, அங்கிருந்து டிரான்ஸ்பர் வாங்கிக் கொண்டு ஓடிய கதைகள் பலவுண்டு.

நேர்மைக்காக பலமுறை பந்தாடப்பட்டாலும், ‘நான் பிறந்ததே உங்களுக்கு டென்ஷன் தர்றதுக்குதாண்டா’ என்று அதையும் சந்தோஷமாக எதிர்கொள்ளும் ஆண் மகன்! சமீபத்தில் சிலை திருட்டு பிரிவுக்கு வந்த பொன்மாணிக்கவேல், பல வருஷங்களாக ‘அந்தர் தியானம்’ ஆன பல அற்புத சிலைகளை மீட்டுக் கொண்டு வந்துவிட்டார். அதுமட்டுமா… இன்னும் பல கோடி மதிப்புள்ள திருட்டுகளை வெளிச்சத்துக்கு கொண்டு ‘வெல்டன் சார், வெல்டன்’ என்று நிஜமான பக்தர்களை நெகிழ வைத்து வருகிறார்.

இந்த முறையும் அரசாங்கத்தால் பந்தாடப்பட்ட மாணிக்கத்திற்கு, கோர்ட்டே பண் நீட்டிப்பு செய்திருப்பது ஆறுதல்.

இப்படிப்பட்ட மாவீரனின் பெயரை தங்கள் படத்திற்கு தலைப்பாக வைத்தவர்கள், அதில் பிரபுதேவாவை நடிக்க செய்ததே பெரும் அநீதி. ரஜினி நடிக்க வேண்டிய கேரக்டரில் சிபிராஜ் நடிப்பதற்கு ஒப்பான இந்த செயல், எப்படியோ மன்னிக்கப்பட்டாலும் இன்னும் இன்னும் என்று தப்பு செய்கிறார்களே. அதுதான் ஏனென்றே புரியவில்லை.

இப்படத்தின் முதல் லுக்கில் பிரபுதேவா போலீஸ் வேடத்தில் நிற்கிறார். சரி… நல்லது. பொன் மாணிக்கவேலின் அந்த கம்பீர மீசை எங்கே?

இந்த கேள்வியை கேட்காமல் அந்த விளம்பரத்தை கடப்பவர்கள் யாரும் இல்லை. ஷுட்டிங் போறதுக்கு முன்னாடியே கரெக்ட் பண்ணிக் கொண்டால் நல்லது. இல்லையென்றால் ரசிகர்கள் உங்களை கரெக்ட் பண்ணிவிடுவார்கள். ஜாக்கிரதை!

கார்த்திக்கும் கிராமத்து கதைக்கும் அப்படி என்ன ராசி என்று தெரியவில்லை. எப்போதும் க்ளிக் ஆகிவிடும். பருத்திவீரனில் தொடங்கி, கொம்பனில் கிராமத்து கதையில் ஒரு படி மேலே சென்றார், தற்போது ஹாட்ரிக் கிராமத்து கதையாக கடைக்குட்டி சிங்கம் படத்தில் நடித்துள்ளார், கார்த்தி ஹாட்ரிக் அடித்தாரா? பார்ப்போம்.

கதைக்களம்

ஊரிலேயே எல்லோரும் மதிக்கும் பெரிய இடத்து குடும்பத்தலைவராக சத்யராஜ். இவருக்கு 4 பெண் குழந்தைகள் வரிசையாக பிறக்கின்றது.

ஆனால், நமக்கு ஒரு ஆண் பிள்ளையாவது வேண்டும் என தவமாய் தவமிருக்க, கார்த்தி பிறக்கின்றார்.(தனக்கு ஏன் ஆண் குழந்தை வேண்டும் என்பதற்கு சத்யராஜ் விரும்புவதற்கு ஒரு காரணம் வைக்கப்பட்டுள்ளது).

சத்யராஜ் குடும்பம் தான் அந்த ஊரே என்பது போல் அவ்வளவு பெரிய குடும்பம், அவருக்கு ஒரே ஒரு ஆசை தான், தன் குடும்பத்தினரை ஒன்றாக நிற்க வைத்து ஒரு குரூப் போட்டோ எடுக்க வேண்டும் என்பது தான்.

இந்த நேரத்தில் கார்த்தி தன் சொந்தத்தில் திருமணம் செய்யாமல், சாயிஷாவை காதலிக்க, இதனால் குடும்பத்தில் பிரச்சனை வெடிக்க, இவர்களை எல்லாம் கார்த்தி எப்படி சமாதானம் செய்து தன் விருப்பத்தை நிறைவேற்றினார் என்பதை எமோஷ்னல் செண்டிமெண்ட் கலந்து சுவாரசியமாக கொடுத்துள்ளார்.

படத்தை பற்றிய அலசல்

கார்த்தி உண்மையாகவே கிராமத்து படம் என்றால் குஷியாகிவிடுவார் போல. பருத்திவீரனில் கூட அழுக்கு லுங்கி, சட்டை அணிந்திருப்பார், கொம்பனில் முரட்டுத்தனமாக கிராமத்து இளைஞன். ஆனால், இதில் சட்டை காலர் கூட அழுக்கு ஆகாமல் செம்ம பந்தாவாக வேஷ்டி சட்டையில் பட்டையை கிளப்புகின்றார். அதிலும் விவசாயிகளுக்காக அவர் கொடுக்கும் குரல் இனி பலரின் வாட்ஸ் அப் ஸ்டேட்டஸ் தான்.

அதிலும் ஒரு ஸ்டேஜில் கார்த்தி விவசாயிகளின் பெருமையை பேசுகின்றார், அதிலும் பெற்றோர்கள் பிள்ளைகளை இன்ஜினியர் ஆக்க நினைக்கின்றனர், ஏன் நமக்கு சோறு போடும் விவசாயி ஆக்க நினைக்க மறுக்கின்றனர் என அவர் பேசும் காட்சிகள் திரையரங்கமே அதிர்கின்றது.

இவரை தாண்டி சத்யராஜ், பானுப்ரியா, மௌனிகா, விஜி, யுவராணி, சூரி, சரவணன், சாயிஷா, ப்ரியா பவானி ஷங்கர் என்று அடுக்கிக் கொண்டே போகலாம். அந்த அளவிற்கு ஒரு நட்சத்திர பட்டாளத்தையே படத்தில் கொண்டு வந்து பாண்டிராஜ் அசத்திவிட்டார். அதிலும் இத்தனை பேர் இருக்கிறார்கள், மனதில் நிற்பார்களா என்று பார்த்தால் அனைவருமே ஒரு சில இடத்தில் ஸ்கோர் செய்கிறார்கள். சாயிஷா மட்டும் படத்தில் இருந்து விலகியே நிற்கின்றார், பசங்க படத்தில் பார்த்த ஷோபி கண்ணு இதில் மிஸ்ஸிங் பாண்டிராஜ் சார்.

சூரி காமெடி ட்ரைலரில் பெரிதாக எடுப்படவில்லை என்றாலும், படத்தில் அவர் வரும் இடங்களில் எல்லாம் ஒன் லைன் கவுண்டரில் விசில் பறக்க வைக்கின்றார். அதிலும் தன் பாட்டியிடம் மெதுவாக விசிறுங்க குளிருது என நக்கல் அடிக்கும் காட்சியெல்லாம் சிரிப்பு சத்தம் அதிர்கின்றது.

படம் முழுவதும் நட்சத்திரங்கள், குடும்ப உறவுகள், பாசம், நேசம், பிரச்சனை, தீர்வு என நாம் பார்த்து பழகி போன டெம்ப்ளேட், வி.சேகர் படத்தை கொஞ்சம் ஆக்‌ஷனுடன் பார்த்தால் எப்படியிருக்கும், அதே போல் தான் இந்த கடைக்குட்டி சிங்கம், என்ன ஆக்‌ஷன் காட்சிகளில் கார்த்தி அடித்து பறக்கவிடுவது கொஞ்சம் ஓவராக தெரிந்தது. அதிலும் வில்லன் கதாபாத்திரம் அத்தனை வலுவானதாக இல்லை.

வேல்ராஜின் ஒளிப்பதிவில் கிராமத்தின் அழகை நம் கண்முன் கொண்டு வந்துள்ளனர். அதிலும் அந்த ரேக்ளா ரேஸ் செம்ம விருந்து, டி.இமானும் கிராமத்து படம் என்பதால் குஷியாக தன்னிடம் இருக்கும் டெம்ப்ளேட் கிராமத்து டியூனை மக்களுக்கு பிடிக்கும்படி எப்படியோ கொடுத்துவிட்டார்.

க்ளாப்ஸ்

நீண்ட வருடங்களுக்கு பிறகு குடும்ப உறவுகளுக்கு முக்கியத்துவம் கொடுக்கும் படம்.

கார்த்தி-சூரி காட்சிகள் படத்தில் பல இடங்களில் நன்றாக ஒர்க்-அவுட் ஆகியுள்ளது.

பெண்களின் கதாபாத்திரங்களுக்கு பெயர் வைத்த விதம், இப்படியெல்லாம் கூட பெயர் வைக்கலாமா என்று ஆச்சரியப்படுத்தியுள்ளார் பாண்டிராஜ்

ரேக்ளா ரேஸ் காட்சிகள், பல பேர் நேரில் பார்த்திருக்க மாட்டார்கள், அப்படியே கண்முன் கொண்டு வந்துள்ளனர்.

வசனம் மிகவும் ரசிக்க வைக்கின்றது, குறிப்பாக சொத்து சேர்ப்பதை விட சொந்தங்களை சேருங்கள் எமோஷனலாகவும் சரி, தயவு செய்து சொந்தத்தில் மட்டும் பொண்ணு எடுக்காதீங்க என்ற காமெடி வசனங்களும் சரி, ரசிக்க வைக்கின்றது.

பல்ப்ஸ்

வில்லன் கதாபாத்திரம் படத்தில் வலுவானதாக இல்லை, ஏதோ 10 பேரை அவ்வப்போது அனுப்புகின்றார், அவர்களையும் கார்த்தி அடித்து அனுப்புகின்றார், அந்த காட்சிகள் படத்தில் செட் ஆகவில்லை.

இரண்டாம் பாதியில் ஒரே பிரச்சனையை திருப்பி திருப்பி பேசும்படி காட்டியது.

மொத்தத்தில் நீண்ட வருடங்களுக்கு பிறகு குடும்ப உறவுகளுக்கு முக்கியத்துவம் கொடுத்து அதை சிறப்பாகவும் எடுத்து பாண்டிராஜ், கார்த்திக்கு ஹாட்ரிக் கிராமத்து வெற்றியை கொடுத்துவிட்டார்.

முருகதாஸ் இந்திய சினிமாவே வியந்து பார்க்கும் ஒரு இயக்குனர். ஏனெனில் கோலிவுட், டோலிவுட், பாலிவுட் என அனைத்து மொழிகளிலும் ஹிட் கொடுத்த இயக்குனர்.

ஆனால், கடந்த சில வருடங்களாக இவருக்கு கொஞ்சம் சறுக்கலாகவே உள்ளது, பாலிவுட்டில் இவர் இயக்கத்தில் வந்த அகிரா, டோலிவுட்டில் ஸ்பைடர் இரண்டுமே படுதோல்வியை அடைந்தது.

இந்நிலையில் முருகதாஸ் இயக்கிய ஸ்பைடர் படத்தில் எஸ்.ஜே.சூர்யாவிற்கு ஒருவரை கொலை செய்து, மற்றவர்கள் அழுவதை ரசிக்கும் ஒரு சைக்கோவாக நடித்திருப்பார்.

தற்போது வெளிவந்துள்ள இமைக்கா நொடிகள் படத்தின் ட்ரைலரிலும் இதே போல் ஒரு கதாபாத்திரத்தில் தான் அனுராக் காஷ்யூப் நடித்துள்ளார்.

மேலும், முருகதாஸின் உதவி இயக்குனர் தான் இமைக்கா நொடிகள் இயக்குனர் அஜய் ஞானமுத்து என்பது குறிப்பிடத்தக்கது, இதனால், இந்த கதையை யார், யாரிடமிருந்து காப்பியடித்தார்கள் என்று தெரியவில்லை.

இது மட்டுமின்றி இமைக்கா நொடிகள் படம் இரண்டு வருடங்களுக்கு முன்பே தொடங்கியது குறிப்பிடத்தக்கது.