!...Payanam...!

தீரன் அதிகாரம் ஒன்று திரைப்படத்தில் ஓமா என்ற ஓம்கார் என்ற கதாபாத்திரத்தில் அனைவரையும் மிரட்டும் வகையில் நடித்திருந்தார் அபிமன்யு சிங். இவர் வரும் காட்சியில் எல்லாம் திரையரங்கே இவரை பார்த்து நடுங்கியது என்பது தான் உண்மை.

இதோ மிரட்டல் வில்லன் அபிமன்யு சிங் பேட்டி :-

இயக்குநர் வினோத் தீரன் அதிகாரம் ஒன்று திரைப்படத்தின் கதையை என்னிடம் சொல்லும் போது இப்படத்தின் கதை உண்மை சம்பவத்தை மையமாக கொண்டது என்ற விஷயம் எனக்கு மிகவும் பிடித்தது. இந்த கதையில் அவ்வளவு அறிவுபூர்வமான விஷயங்கள் இருந்தது. என் கதாபாத்திரத்தின் வடிவமைப்பும் அதன் வரலாறும் எனக்கு மிகவும் பிடித்திருந்தது.

நடிகர் கார்த்தியை பற்றி பேசும் போது , கார்த்தி மிகசிறந்த மனிதர். அவர் எப்போதும் தனக்கு கொடுக்கப்பட்ட வேலையை மிக தெளிவாகவும் , முழு கவனத்தோடும் செய்யக்கூடியவர். காட்சிக்கு காட்சி தன்னுடைய கதாபாத்திரத்தை மெருகேற்றிக்கொண்டே இருப்பார். அது சரியாக வரும் வரை தொடர்ந்து வேலை செய்துக்கொண்டே இருப்பார். தன்னுடைய பங்களிப்பால் ஒட்டுமொத்த காட்சியும் சிறப்பாக வரவேண்டும் என்று சிரத்தை எடுத்து வேலை செய்வார். கார்த்தி கண்ணியமானவர் , கடின உழைப்பாளி அதே சமயம் அனைவரிடமும் எளிமையாக பழகுபவர்.

இயக்குநர் வினோத் பற்றி பேசும்போது , இயக்குநர் வினோத் தன்னுடைய நடிகர்களை அதிகம் நேசிப்பார். எப்போதும் எதையும் அமைதியாக கையாளுவார். இயக்குநர் வினோத் எப்போதும் மிக சிறந்த வேலையை எதிர்பார்ப்பார். காட்சிகள் சிறப்பாக வரும் வரை கடுமையாக உழைப்பார். அதிக கவனம் , தூய்மையான மனம் போன்றவை எனக்கு வினோத்திடம் மிகவும் பிடித்தவை.

படபிடிப்பு தளத்தில் நடந்த மறக்கமுடியாத கடினமான நிமிடங்களை பற்றி நினைவுகூறுகிறார் அபிமன்யு சிங் , நாங்கள் வெயில் மற்றும் குளிர் அதிகமாக இருக்கும் கால நிலையில் படபிடிப்பு நடத்தவேண்டி இருந்தது. நான் படபிடிப்பு முடிந்து ஒரு நாளைக்கு 15 முறை என் முகத்தை கழுவ வேண்டும். அங்கே அவ்வளவு தூசி படலம் இருக்கும். இப்போது படத்தின் வெற்றி எல்லா கஷ்டங்களையும் மறக்கடித்துள்ளது என்றார் அபிமன்யு சிங்.​

மிஷ்கின் ஒரு நிகழ்ச்சிக்கு வருகிறார் என்றால், ஒரு ரசிகர் கூட்டம் அதற்கு முன்பே அங்கு வந்து காத்திருக்கும். ஏன்? மனுஷன் ஏடாகூடமாக ஏதாவது பேசுவார். அந்த கண்ணாடியும் அந்த பாடி லாங்குவேஜும்… ‘அப்பப்பா’ என்று ரசிக்கும்படி இருக்கும்.

பிரபல நடிகை சரிதாவின் தங்கை விஜி சந்திரசேகர் முக்கிய வேடத்தில் நடித்திருக்கும் சீமத்துரை பட பாடல் வெளியீட்டு விழாவிலும் இந்த விஷயம் நடந்தது. விழாவுக்கு யார் யாரோ வந்திருந்தாலும் மிஷ்கினுக்காக காத்திருந்தது கூட்டம்.

அந்தோ பரிதாபம்… ஒருவரையும் சீண்டாமல், யாரையும் பிடுங்கி வைக்காமல் டீசன்ட்டாக பேசிவிட்டு போனார் மனுஷன். (கொஞ்சம் அப்செட்தாங்க) இருந்தாலும் இந்த விழாவுக்கும் தனக்கும் என்ன சம்பந்தம்? இந்த இயக்குனரை பற்றிய தன் பார்வை என்ன என்பது பற்றியெல்லாம் அவர் பேசியது இன்ட்ரஸ்ட்டிங்…

“பொதுவாக இசை வெளீயிட்டு விழா என்பது பொய்கள் நிறைந்ததாகவே இருக்கும். இது என் படங்களுக்கும் பொருந்தும். ஆனால் உண்மையிலேயே இங்கே இந்த நிகழ்வில் கலந்து கொண்டிருப்பது எனக்கு மகிழ்ச்சியாக இருக்கிறது. காரணம் இங்கு வந்திருப்பவர்களின் பொய்யற்ற வெகுளித்தனம். விஜி சந்திரசேகர் இந்திய சினிமா குறைத்து மதிப்பிட்டு வைத்திருக்கும் ஒரு நடிகை, நிச்சயம் அவர் வரும் நாளில் கொண்டாடப்படுவார். அவர் தோழமையோடு கண்டிப்பாக கேட்டுக்கொண்டதின் பெயரிலேயே நான் இங்கிருக்கிறேன். இயக்குநர் சந்தோஷ் என்னை சந்திக்க வந்திருந்த போது தான் அவரை முதன் முதலாகப் பார்த்தேன். பார்த்த மாத்திரத்திலேயே அவரது நம்பிக்கை மிகுந்த கண்களும், முகமும் எனக்கு மிகவும் பிடித்துப் போனது. அவரது நம்பிக்கையே “சீமத்துரை” நன்றாக இருக்கும் என உறுதிசெய்கிறது. தான் வாழ்ந்த மண் சார்ந்தே தனது முதல் படத்தை எடுத்துள்ள இயக்குநருக்கு வாழ்த்துகள். குறிப்பாக தனது முதல் படத்திலேயே இசை வெளியீட்டு விழாவில் “மேக்கிங்” காட்சிகளை ஒளிபரப்பிய நம்பிக்கை எனக்கு பிடித்திருந்தது. இதற்கு முன்னர் நான் மட்டும் தான் “சித்திரம் பேசுதடி” படம் வந்தபோது இதை செய்தேன். இந்தப் படத்தில் கதாநாயகனாக நடித்திருக்கும் கீதன் மிகவும் இயல்பாக நடித்திருக்கிறார். அவரது முகம் எல்லோருக்குமே எளிதில் பதியும் விதத்தில் இருப்பது அவரது பலம், நிச்சயமாக உயரங்கள் தொடுவார். ட்ரைலரில் கருவாடு விற்பது போல காட்சிகள் இருந்தது, இந்த உலகத்தின் மிகமிக சுவையான உணவு கருவாடு தான். பழைய சோற்றுக்கும், கருவாட்டுக் குழம்பிற்கும் ஈடு இணையான உணவே கிடையாது. இங்கே மூன்று பாடல்களை ஒளிபரப்பினார்கள், நேரம் கருதி அதை குறைத்திருக்கலாம். ஆனால் அத்தனை பாடல்களையும் நம்மை பார்க்க வைத்தது கூட அவர்களது நம்பிக்கையை பிரதிபலித்தது. இந்த படத்தின் பாடல்களை பார்க்கும் போது அதில் ஒரு மிகையில்லாத ஒளிப்பதிவு நேர்த்தியை காண முடிந்தது. இசையமைப்பாளர் ஜோஸ் ஃப்ரான்க்ளின் அழகான பாடல்களைக் கொடுத்திருக்கிறார்” என்று பேசி முடித்தார்.

சீமத்துரை தஞ்சை மண் சார்ந்த படமாம். மன்னார்க்குடியும் பக்கத்திலேயேதான்  இருக்கு. அப்ப சீமத்துரைன்னு டைட்டில் வச்சது கரெக்டுதான்!

“ரஜினி கட்சி ஆரம்பிக்க மாட்டார். கமல்ஹாசனை வரவே விட மாட்டார்கள். ரெண்டு பேருமே சேர்ந்து தேர்தலை எதிர்கொண்டாலும் வெற்றி பெற முடியாது.” இப்படி அதிரடியாக கருத்து சொன்னவரே சாருஹாசன்தான். கமலின் உடன் பிறந்த சகோதரன் வாயாலேயே இப்படியொரு கருத்து வந்தால், கமலை நம்பி எவன் கட்சியில் சேருவான்?

இதெல்லாம் போன வாரம். இது இந்த வாரம். யெஸ்…. தன் தம்பிக்கு ஆதரவாக கையை முறுக்கிக் கொண்டு களத்தில் குதித்துவிட்டார் சாருஹாசன். கடந்த சில தினங்களுக்கு முன் ட்விட்டரில் ஒரு கருத்தை தெரிவித்தார் கமல். அதில், குற்றவாளிகள் அரசாளக் கூடாது என்று கூறியிருந்தார். இதற்கு கடும் எதிர்ப்பு தெரிவித்த தமிழக அமைச்சர்கள் பலர் ஆங்காங்கே தங்களது விமர்சனங்களை கடுமையாக தெரிவித்து வருகிறார்கள். அதிலும் அமைச்சர் ஜெயக்குமார், ‘கமல் தொடர்ந்து இப்படி பேசிக் கொண்டிருந்தால் அவர் மீது நடவடிக்கை பாயும்’ என்று கூறியிருக்கிறார். குணா கமல் என்றும் அவரை விமர்சித்திருக்கிறார்.

நிலைமை இப்படியே தொடர்ந்தால், கமல்ஹாசனை கைது செய்யவும் தயங்க மாட்டார்கள் போலிருக்கிறது. கமலும் அதைதான் விரும்புவதாக தெரிகிறது.

ஜெயக்குமாருக்குதான் பதில் சொல்லியிருக்கிறார் சாருஹாசன். “கமல்ஹாசனை விட்டுவிடுங்கள். ஆனால் அவரது ரசிகர்கள் கலகம் செய்யக்கூடும். அம்மா வழியில் ஆட்சி நடத்துவோம் என்று சொல்வதால், நீங்களும் வருங்கால குற்றவாளிகள் என்று தெரிகிறது. நீங்கள் இதுவரை லஞ்சம் வாங்கியதில்லை என்று சொல்ல முடியுமா?” என்றும் கேள்வி எழுப்பியிருக்கிறார்.

ஆக, சிங்கம் கோதாவில் இறங்கிவிட்டது. சிங்கத்திற்கு ஆதரவாக இன்னொரு கிழட்டு சிங்கமும் கோதாவில் இறங்கிவிட்டது.

பறவையின் இறகுகளின் எடை அதன் எலும்புக் கூட்டின் எடையை விட அதிகம்.

– சுண்டெலிக்கு வியர்க்கவே வியர்க்காது.

– ஆப்பிரிக்க யானைகளுக்கு உணவை மெல்ல இருக்கும் பற்களின் எண்ணிக்கை நான்கே நான்குதான்.

– மிகவும் சிறிய இருதயம் கொண்ட மிருகம் சிங்கம்.

– பாம்புகளுக்கு ஒரு நுரையீரல் மட்டுமே உள்ளது.

-ஒட்டகத்திற்கு மூன்று வயிறுகள் உள்ளன.

-கட்டுல் என்ற வகை மீனுக்கு மூன்று இதயங்கள் உண்டு.

– மின்னல்தாக்கி இறந்து போன மிருகங்களை மற்ற மிருகங்கள் உண்ணாது.

– முள்ளம் பன்றி எலி இனத்தைச் சேர்ந்தது.

– இறால் மீனுக்கு இருதயம் அதன் தலையில் உள்ளது.

– கடலில் வாழும் நட்சத்திர மீன்களின் உடலில் மூளை என்ற பகுதி கிடையாது.

– நம்மால் இரண்டு கண்களிலும் ஒரே காட்சியைத்தான் காண முடியும். ஆனால் ஓணான்களால் இரண்டு கண்ணில் இரண்டு வெவ்வேறு காட்சிகளைக் காண முடியும்.

– வெட்டுக்கிளிக்கு காதுகள் காலில் உள்ளன.

– நண்டுகளுக்குப் பற்கள் வயிற்றில் உள்ளன.

– உலகில் எல்லாப் பிராணிகளும் முன் பக்கமாகவே நடக்கும். ஆனால் நண்டு மட்டுமே பக்கவாட்டில் நடக்கக் கூடியது.

– உல‌கி‌ல் ‌கி‌ட்ட‌த்த‌ட்ட இருபதா‌யிர‌ம் வகை ப‌ட்டா‌ம்பூ‌ச்‌சிக‌ள் உ‌ள்ளன.

– பெ‌ண் ப‌ட்டா‌ம்பூ‌ச்‌சிக‌ள் மு‌ட்டை‌யி‌ட்ட உடனே இற‌ந்து‌விடு‌ம்.

– உல‌கி‌ல் இரு‌க்கு‌ம் உ‌‌யி‌ரின‌ங்க‌ளி‌ல் அ‌திக வகைகளை‌க் கொ‌ண்டது ‌மீ‌ன்க‌ள்தா‌ன்.

– ந‌ண்டுக‌ள் கு‌ட்டிகளை ஈ‌ன்றதுமே இற‌ந்து ‌விடு‌ம். இதனா‌ல் தா‌ய் ந‌ண்டு எ‌ன்ற ஒ‌ன்று இரு‌க்காது.

– உல‌கி‌ல் வாழு‌ம் ‌வில‌ங்குக‌‌ளிலேயே ‌மிக‌ப்பெ‌ரியது ‌நீல‌த்‌தி‌மி‌ங்கல‌ம். இத‌ன் உட‌ம்‌பி‌லிரு‌ந்து 120 பேர‌ல்க‌ள் வரை எ‌ண்ணெ‌ய் எடு‌க்‌கிறா‌ர்க‌ள்.

– சீனா‌வி‌ல்தா‌ன் முத‌ன் முத‌லி‌ல் த‌ங்க ‌மீ‌ன் காண‌ப்ப‌ட்டது.

– அ‌ழி‌வி‌ன் ‌வி‌ளி‌ம்‌பி‌ல் ‌நி‌ற்கு‌ம் உ‌யி‌ரினமாக‌க் க‌ண்ட‌றிய‌ப்ப‌ட்டிரு‌ப்பது இ‌ந்‌திய கா‌ண்டா‌மிருக‌ம்.

சில்வர் பாத்திரங்கள், மண்பானைகளை மறந்து விட்டு நாண் ஸ்டிக் பாத்திரத்தை நோக்கி மக்கள் பயணிக்க ஆரம்பித்துவிட்டனர்.தற்போது, நாண் ஸ்டிக் பாத்திரம் இல்லாத வீடே இல்லை என்று சொல்லலாம்.ஆனால் இதில் தீமைகள் ஏராளம் நிறைந்துள்ளன,

நாண் ஸ்டிக் பாத்திரமானது உடலுக்கு தீங்கு விளைவிக்கும் பெர்ப்ளூரோஆக்டனாயிக் அமிலம் என்ற சேர்மம் சேர்த்து செய்யப்பட்டுள்ளது.இந்த அமிலம் கார்சினோஜெனிக் என்னும் புற்றுநோயை உண்டாக்கும். அதிலும் நாண் ஸ்டிக் பாத்திரத்தை அளவுக்கு அதிகமாக சூடேற்றும் போது, அது இந்த அமிலத்தின் நச்சுக் புகையை வெளியேற்றப்பட்டு, உடலில் பல்வேறு நோய்களை உண்டாக்கும்.

பெர்ப்ளூரோஆக்டனாயின் அமிலம் என்னும் சேர்மம் பொதுவாக ஒரு விஷம். இது ஹைப்போதைராய்டிசத்தைத் தூண்டும். அதிலும் அன்றாடம் நாண் ஸ்டிக் பாத்திரத்தில் சமைத்து சாப்பிட்டு வந்தால், விரைவில் ஹைப்போ தைராய்டு ஏற்படக்கூடும்.

அறிவாற்றல் குறைபாடுகள் தொடர்ச்சியாக நாண் ஸ்டிக் தவாவை பயன்படுத்தினால், அதில் உள்ள நச்சுப் புகை உணவில் கலந்து, அதனை உட்கொண்டு வருவதன் மூலம் அறிவாற்றல் குறைபாடுகள் ஏற்படும்.

எலும்பு நோய்கள் தொடர்ந்து நாண் ஸ்டிக் பாத்திரத்தில் சமைத்து சாப்பிட்டு வந்தால், அவை எலும்புகளின் வலிமையை குறைத்து, எலும்பு முறிவை ஏற்படுத்திவிடும்.

புற்றுநோய் நாண் ஸ்டிக் தவாவில் உள்ள சேர்மம், புற்றுநோயை உண்டாக்கக்கூடிய கார்சினோஜெனிக் எனும் கூட்டு. ஆகவே இதனை அன்றாடம் பயன்படுத்தி வந்தால், எளிதில் புற்றுநோய் உடலைத் தாக்கும்.

மாரடைப்பு ஆய்வு ஒன்றில், நாண் ஸ்டிக்கில் உள்ள அமிலம் உடலில் ட்ரைகிளிசரைடு அளவை அதிகப்படுத்தும் என்று கண்டுபிடிக்கப்பட்டுள்ளது. உடலில் ட்ரை கிளிசரைடு அளவு அதிகரித்தால், மாரடைப்பு, பக்கவாதம் மற்றும் இதய நோய்கள் வர வாய்ப்பு அதிகம் இருக்கும்.

இனப்பெருக்க பிரச்சனை தற்போது தம்பதியர்களால் எளிதில் கருத்தரிக்க முடியாததற்கு காரணம், அவர்கள் நாண் ஸ்டிக் பாத்திரத்தில் உணவை சமைத்து உண்பது என்றும் சொல்லலாம். குறிப்பாக நாண் ஸ்டிக் பாத்திரத்தில் சமைத்த உணவை பெண்கள் உட்கொள்ளும் போது, அவர்களுக்கு குழந்தை பிறப்பதிலும், குழந்தை பிறப்பு குறைபாட்டுடன் பிறக்கும் வாய்ப்பு அதிகம் உள்ளது.

பெரும்பாலான பருவப் பெண்களின் முகத்தில் பருக்கள் தோன்றி, முக வாட்டத்தை அதிகரிக்க செய்கின்றன.

என்னதான் அழகாக மேக்கப் போட்டாலும், முகப்பருக்கள் உங்களை அசிங்கப்படுத்துகின்றது என்ற கவலையில் இருக்கும் நீங்கள் செயற்கை மருத்துகளை தவிர்த்து, என்னென்ன உணவுகளை சாப்பிடுவதால் பருக்கள் வருகின்றது என்பதை தெரிந்து கொள்ளுங்கள்.

பால் பொருட்கள்

பால் சம்பந்தப்பட்ட பொருட்களை அதிகமாக உட்கொண்டால், பருக்கள் அதிகமாக வரும். பருக்கள் உருவாக ஹார்மோன்கள் முக்கிய பங்கு வகிக்கிறது.

செனை பசுக்களில் இருந்து எடுக்கப்படும் பாலில் தயாரிக்கப்படும் பொருட்களில் ஹார்மோன்கள் அதிகளவில் இருப்பதால் பருக்கள் அதிகம் வருகிறது.

காபி

சிறுநீரகச் சுரப்பியிலிருந்து மன அழுத்த ஹார்மோன்களை விடுவிக்கச் செய்வது தான் காப்பைன். இது சருமத்திற்கு தீங்கை விளைவிக்கும்.

மேலும் நிம்மதியான தூக்கத்தையும் இது கெடுத்து விடுவதால் பாதிப்படைந்த திசுக்களை சரிசெய்ய உடலுக்கு நேரம் கிடைப்பதில்லை.

ஆகவே பருக்கள் வரத் தொடங்கினால், நன்றாக தூங்கத் தொடங்குங்கள். இது பருக்களின் வளர்ச்சியை இன்னும் மோசமாகாமல் தடுக்கும்.

சொக்லேட்

பருக்கள் வருவதற்கு சொக்லெட்டும் முக்கிய பங்கு வகிக்கிறது சொக்லெட்டில் பால் பொருட்கள், சுத்திகரிக்கப்பட்ட சர்க்கரை மற்றும் காப்ஃபைன் உள்ளது.

இவை மூன்றுமே பருக்கள் உருவாக காரணமாக இருக்கும் பொருட்கள், அதனால் இதனை அளவாக சாப்பிடுங்கள்.

எண்ணெய் உணவுகள்

எண்ணெய் பசையுள்ள உணவுகளும், கொழுப்பு அதிகமுள்ள உணவுகளும் நல்லதல்ல.

அதிக அளவில் கொழுப்பை உட்கொள்வதால் இரத்தத்தில் சர்க்கரையை அதிகரிக்கச் செய்யும். இதனால் ஹார்மோன்களில் ஏற்ற இறக்கங்கள் ஏற்படும். இது பருக்களை உண்டாக்கும்.

இரண்டாவதாக அதிக அளவில் கொழுப்பு நிறைந்த பொருட்களை உட்கொண்டால், இரத்த ஓட்டம் தடைப்படும். அதனால் உடலில் உள்ள பாகங்களுக்கு செல்ல வேண்டிய ஆக்ஸிஜனும், ஊட்டச்சத்துக்களும் குறையத் தொடங்கும், இதில் சருமமும் அடங்கும்.

எனர்ஜி பானங்கள்

மன அழுத்த ஹார்மோன்களை இவைகளும் சுரக்கச் செய்யும். இது சருமத்திற்கு நல்லதல்ல.

ஏனெனில் சர்க்கரை கலந்த சோடா மற்றும் எனர்ஜி பானங்களில் காஃப்பைன் கலந்துள்ளது. அதனால் இதனை அதிகமாக பருகினால், பருக்கள் வரத் தொடங்கும்.

மாமிசம்

அதிக அளவில் இறைச்சியை உண்ணும் போது, அவை பருக்கள் உருவாக காரணமாக அமையும்.

மேலும் இறைச்சி சாப்பிடுவதால் உடலில் உள்ள அமிலக்காரக் குறியீடு இருக்க வேண்டிய அளவை விட அதிகமாக உயர்த்திவிடும்.

பாலிவுட் சினிமா தற்போது பெரும் அதிர்ச்சியில் இருக்கிறது. இதற்கு காரணம் பத்மாவதி படம் தான். பன்சாலி இயக்கத்தில் ராணி பத்மாவதியின் வரலாற்றை படமாக எடுத்திருக்கிறார்கள்.

நடிகை தீபிகா படுகோன் இதில் பத்மாவதியாக நடித்துள்ளார். இப்படத்தில் சில விசயங்கள் சர்ச்சையானதோடு எதிர்ப்பும் கிளம்பியுள்ளது. படம் வெளியாவது கேள்விக்குறி ஆன நிலையில் அரசியல் மிரட்டல் வந்துள்ளது.

ஏற்கனவே தீபிகாவின் தலையை வெட்டினால் ரூ 5 கோடி என மிரட்டல் வந்தது. தற்போது அவரை உயிருடன் கொளுத்துபவர்களுக்கு ரூ 1 கோடி பரிசு என சத்ரிய மகா சபா இளைஞர் பிரிவின் தலைவர் கூறியுள்ளார்.

இதோடு ஹரியானா மாநில பா.ஜ.க செய்தி ஒருங்கிணைப்பாளர் சுராஜ், இயக்குனர் பன்சாலியின் தலையை கொண்டு வந்தால் ரூ 10 கோடி என கூறியுள்ளார்.

மேலும் நடிகர் ரன்வீர் சிங்கின் காலை உடைக்க வேண்டும் என மிரட்டல் விட்டுள்ளார்.