!...Payanam...!

நடிகர் சங்கத்தில் ரெஜினா மோத்வானிக்கும் ஒரு உறுப்பினர் கார்டு போட்டு வைங்க விஷால்! ‘அவ்வை சண்முகி’ கமலின் அடுத்த பிளாட்டுக்கே குடி வந்திருக்கிறார் நம்ம எஸ்.கே! ரிஸ்கே எடுக்காம ஜெயிக்கிற அளவுக்கு அதிர்ஷ்டக் காற்று அவர் பக்கம் வீசிக் கொண்டிருக்கிற ‘பலே’ பஞ்சாங்க காலத்திலும், எஸ்.கே எடுத்திருக்கிற இந்த ரிஸ்க் “பகுத் அச்சா ஹை!”

சத்யம் தியேட்டர் வாசலில் பிரமாண்டமான ஒரு பேனர்ல முகம் வருகிற அளவுக்கு வளரணும் என்கிற லட்சியத்தோடு திரியும் ஒரு அப்ரசண்டு நடிகனுக்கு, வாழ்க்கை கொடுக்கிற ஒரு வாய்ப்பு, ‘நாள் முழுக்க பொம்பளப் புள்ளையா திரிப்பா…’ என்பதுதான்! அதுவும் லட்டு மாதிரி சிட்டுக்காக என்றால்? ஆளே வழவழப்பாகி கீர்த்திசுரேஷ் பின்னால் சுற்ற ஆரம்பிக்கும் சிவகார்த்திகேயன் தன் வேஷம் கலைத்தது எப்போது? கலைந்தபின் அவருக்கு கிடைக்கும் லாப நஷ்டங்கள் என்ன? இதுதான் ரெமோ.

படத்தில் முக்கால்வாசி நேரம் சிவகார்த்திகேயன் போட்டிருக்கும் ‘ஸ்த்ரீ பார்ட்’ வேஷம்தான் ஏழெட்டு வடிவேலுகளுக்கும், நாலைந்து சூரிகளுக்கும் ‘ஈக்குவல் டூ’ ஆகி புருவம் உயர விடுகிறது. சரண்யா பொன்வண்ணன், கீர்த்தி சுரேஷ், போன்ற ‘நம்பருக்குள் வருகிற’ ஆக்டிங் சுனாமிகளையெல்லாம் அசால்ட்டாக டம்ளரில் பிடித்து மடக் மடக்கென்று விழுங்கி விடுகிற அளவுக்கு விஸ்வரூபம் எடுத்திருக்கிறார் சிவகார்த்திகேயன்! ‘…ப்ப்ப்பா’ என்று சொல்ல வைக்கும் சில ‘குளோஸ் அப்’ மேக்கப்பை தாண்டியும் அவர் காட்டுகிற சின்ன சின்ன பர்பாமென்ஸ்தான் இன்னும் அசரடிக்கிறது. குறிப்பாக அந்த குழந்தையை மூக்கோடு மூக்கு வைத்துக் கொஞ்சும் காட்சி! ஒரே நேரத்தில் டபுள் ஆக்ட் கொடுக்க அவர் தவிக்கிற காட்சிகளெல்லாம் ஆடியன்சுக்கு மூச்சிரைப்பு!

தென்னை மரத்தில் சிக்கிக் கொண்ட பட்டம் மாதிரி, இந்த காதல் சரியா, தப்பா? என்கிற குழப்பத்திலேயே தவிக்கும் கீர்த்தி சுரேஷ் செம அழகு! குழந்தைக்கு நடிப்பும் அநாயசமப்பா. “என்னடா… என்னடா வேணும் ஒனக்கு?” என்று சிவகார்த்திகேயனை எகிறுகிற அந்த காட்சி, எண்ணை சட்டியில் கடுகு வெடிப்பதை போல அவ்வளவு பாந்தம். எங்கு விசில் சப்தம் கேட்டாலும், காமராஜர் ஹாலின் அகண்ட கதவு போல கண்களை திறந்து கொண்டு பேந்த பேந்த விழிக்கும் போதெல்லாம் பின்றீயேம்மா…! (அந்த வாண வேடிக்கை சி.ஜிதான். அதை இமேஜ் பண்ணிக் கொண்டே கீர்த்தி எக்ஸ்பிரஷன்களை கொட்டுவதை, வியப்போடுதான் ரசிக்க வேண்டும்)

“அவ எவ்ளோ அழகுடா… சிவா” என்று பதினொரு எழுத்துக்களை சொல்லி முடிப்பதற்குள்ளேயே நவரசத்தையும் பொழிந்துவிடுகிறார் சரண்யா பொன்வண்ணன்! (ஆளை பார்த்து அநேக நாளாச்சு. அடிக்கடி வாங்கம்மா)

‘நானெல்லாம் ஸ்கிரீன்ல வந்தாலே நீங்க வயிறு குலுங்கணும்…” என்று ஒரு ஸ்பெஷல் ‘வரம்’ வாங்கி வளர்ந்து நிற்கிறார் யோகி பாபு. சிவகார்த்திகேயனுக்காக சிரித்து ஓய்வதற்குள் இவர் என்ட்ரி. கண்களில் ரொமான்ஸ் வழிய வழிய இவர் ரெமோவை விரட்டுவதும், பிற்பாடு காதலியை காணவில்லை என்று துண்டு பிரசுரம் கொடுப்பதுமாக, தனக்கான ரசிகர் கூட்டத்தை மாநாடு ஆக்கிக் கொண்டே போகிறார் யோகி!

சதீஷ், மற்றும் மொட்டை ராஜேந்திரனுக்காக அவ்வப்போது சிரித்து வைக்கலாம்.

இந்த இடத்தில் ஒரு பைட் இருந்தால் நன்றாக இருக்கும் என்று ரசிகனை எதிர்பார்க்க விட்டு, அடிக்க விட்டிருக்கிறார் அறிமுக இயக்குனர் பாக்யராஜ் கண்ணன். நர்ஸ் வேடத்திலிருக்கும் எஸ்.கே. ச்சும்மா பறந்து பறந்து அடிக்கிற போது தியேட்டரே துவம்சம் ஆகிறது. இடம் பெற்ற இரண்டு பைட் காட்சிகளுமே சர்வ பொருத்தமான இடங்கள்! ஆனால் பாடல் காட்சிகளில்தான் படு சுத்தம்! ‘ஏன் இந்தப் பாட்டு இந்த இடத்தில் வரணும் அங்கிள்?’ என்று பேய் முழி முழிக்கிறது ரசிகர்ஸ் நெஞ்சு! குறிப்பாக க்ளைமாக்சுக்கு முன் வரும் அந்த குடி பாட்டை இனிமேலாவது நறுக்கி வீசிவிடலாம். தப்பில்லை.

ஆங்… அனிருத் பற்றி சொல்லணுமே? பின்னணி இசையில் பிரமாதம். பாடல்களில் மட்டும் ஏனோ அந்த இனிப்பான ரசவாதம் மிஸ்சிங்! சிவகார்த்திகேயனின் தாறுமாறு ஹிட் படங்களுக்கென்றே நேர்ந்துவிடப்பட்ட இமானை ஏன் சார் விட்டீங்க?

பி.சி.ஸ்ரீராமின் ஒளிப்பதிவை பிரேம் பை பிரேம் ‘பிரேம்’ போட்டு வைக்கலாம். அவ்வளவு அழகு! இவரை முழுமையாக பயன்படுத்திக் கொண்ட மொத்த ரெமோ டீமுக்கும் சேர்த்து ஒரு கிரீட்டிங் கார்ட்! அடுத்தது என்ன என்று சுலபமாக யூகிக்கக் கூடிய திரைக்கதைதான். அதில் தங்க முலாம் பூசி மெழுகிவிட்டது படத்தின் ரிச்நெஸ்! இருந்தாலும் இந்தப்படத்துக்கெல்லாம் ஏன் ரசூல் பூக்குட்டி என்றெல்லாம் பலமா யோசிக்க வைக்குதே பாஸ்!

அஜீத், விஜய், ரஜினி ரசிகர்கள் அத்தனை பேரையும் ஒரு காட்சியில் கைதட்ட விடுகிறது சில்மிஷ டயலாக்! சிவகார்த்திகேயனின் சத்யம் தியேட்டர் குளோஸ் அப் பின்னணியில் விஜய் சேதுபதி. இப்படி கூட்டு வலை போட்டு பிற ஹீரோக்களின் ரசிகர்களை வாரியணைத்திருக்கிறார் எஸ்.கே.

படத்தில் லாஜிக் மிஸ்டேக், குறைகளே இல்லையா? ஏன் இல்லை. வண்டி வண்டியாக இருக்கிறது. அவற்றையெல்லாம் ஒரே ஒரு நர்ஸ் குட்டியின் மாய்மாலமும், ஜகஜ்ஜாலமும் வந்து வந்து மறைக்கிறது!

ரெமோ- ஹரி படங்களில் வருகிற சுமோ மாதிரி ச்சும்மா விர்…..ர்!

சைவ சமயத்தைச் சேர்ந்தவர்கள் எல்லோரது நெற்றியிலும் இருக்கும் முக்கியமான ஒன்று என்றால் அது திருநீறுதான். இந்த திருநீற்றை தரித்துக்கொள்வதால் உயர்ந்த தத்துவத்தை விளக்குகிறது.
நாடாண்ட மன்னனும், மாசறக் கற்றவரும் கடைசியில் சாம்பலாகத் தான் போகப் போகிறோம். இந்த வாழ்க்கை மாயமானது என்பதை விபூதி உணர்த்துகிறது. பிறக்கும்போதும் மண்ணிலே பிறந்தோம்.

சாகும்போது மண்ணிலே தான் சாகப் போகிறோம். மண்ணிலே பிறந்த மரம் இறுதியில் மண்ணிலேயே மட்கி மண்ணோடு மண்ணாகத் தான் போகிறது. நம்மை முடிவில் அடக்கிக் கொள்ளப் போகிற தத்துவம் அதுதான்.

இதை நினைவுபடுத்திக் கொள்ளவே, நெற்றியில் விபூதி அணிகிறோம். மனித உடலில் நெற்றி என்பது மிக முக்கிய பாகம், அதன் வழியாக மிக அதிக மாக சக்தி வெளிப்படும், உள்ளிழுக்கவும் செய்யும். இது ஒரு வர்ம ஸாதனம் கூட. சூரிய கதிர்களின் சக்திகளை இழுத்து நெற்றி வழியாக கடத்தும் வேலையை திருநீர் செவ்வனே செய்யும், அதனால்தான் நெற்றியில் திருநீறு பூசுகிறார்கள்.

யுவன் ஷங்கர் ராஜா ஏற்கனவே ஒரு ஹாலிவுட் படத்திற்கு இசையமைத்து வருகிறார். இந்நிலையில் ஒரு ஹாலிவுட் நடிகருக்கும் தற்போது இசையமைத்துள்ளார்.

அவர் வேறு யாரும் இல்லை ஜேம்ஸ் பாண்ட் சீரியஸில் நடித்த Pierce Brosnan தான். இவர் நடித்த இந்திய விளம்பரம் ஒன்றிற்கு யுவன் இசையமைத்துள்ளார்.

இதில் ஜேம்ஸ் பாண்ட் இசையை கொஞ்சம் மாற்றம் செய்து இசையமைத்துள்ளார். இவை ரசிகர்களிடம் பெரிய வரவேற்பை பெற்றுள்ளது.

ஒரு குட்டி கதை படிங்க எல்லாரும்...,

ஆற்றங்கரைக்குத் தன் மனைவியை அழைத்துப் போயிருந்தார் ஒருவர்.
அவளிடம் ஒரு பையைக் கொடுத்தார். பெரிய பெரிய கற்களைக் காண்பித்தார்.
இந்தப் பையை அந்தக் கற்களால் நிரப்பு என்றார். மனைவி நிரப்பி எடுத்து வந்தாள்.
இதற்கு மேல் நிரப்ப முடியாது என்றாள்.

கணவர் கீழே கிடந்த கூழாங்கற்களில் சிலவற்றை எடுத்தார்.
அதே பையில் போட்டுக் குலுக்கினார்.

அவை பெரிய கற்களுக்கு நடுவில் இருந்த இடைவெளிகளில் உள்ளே இறங்கின.
ஒரு கட்டத்தில் மேற்கொண்டு கூழாங்கற்களைப் போட இடம் இல்லை.
இப்போதாவது நிரம்பிவிட்டதாக ஒப்புக் கொள்வீர்களா ?” கேட்டாள் மனைவி.
கணவர் அங்கேயிருந்த மணலை அள்ளிப் பையில் போட்டார். பையை மேலும் குலுக்கினார்.
கற்கள், கூழாங்கற்கள் இவற்றுக்கு இடையில் இருந்த இடைவெளிகளில் மணல் இறங்கியது. இதே பையை முதலில் மணலால் நிரப்பியிருந்தால், பெரிய கற்களுக்கு இடம் இருந்திருக்குமா ? என்று கணவர் கேட்டபோது இருந்திருக்காது என்று ஒப்புக் கொண்டாள் மனைவி.

வாழ்க்கையை மேம்படுத்தக்கூடிய
அன்பு,
கருணை,
உடல்நலம்,
மனநலம் போன்ற உன்னதமான விஷயங்கள், பெரிய கற்கள் போன்றவை.

வேலை,
வீடு,
கார் , போன்ற செல்வங்கள் கூழாங்கற்களுக்குச் சமமானவை.

கேளிக்கை,
வீண்_அரட்டை போன்ற அற்ப விஷயங்கள் இந்த மணல் போன்றவை.

முதலில் பெரிய விஷயங்களுக்கு வாழ்க்கையில் இடம் கொடுங்கள்.

அதன் பின்னும் சின்ன சின்ன விஷயங்களுக்கு இடம் இருக்கும். ஆனால், உங்கள் வாழ்க்கையை அற்பமான விஷயங்களுக்காகச் செலவழித்துவிட்டால், முக்கியமான விஷயங்களுக்கு இடம் இருக்காது.

நல்லதே நினைப்போம் நல்லதே நடக்கும் ,
நல்லதையே செய்வோம் நல்லோராய்வாழ்வோம்.

நானும் எவ்ளோ நாள் தான் கிளாஸ் ஹீரோவாவே நடிக்கின்றது என விஜய் சேதுபதி எடுத்த மாஸ் களம் தான் இந்த றெக்க. கில்லி விஜய் ஸ்டைலில் ஏற்கனவே இந்த படத்தின் ட்ரைலர் ஹிட் அடிக்க, ரத்னம் சிவா இயக்கத்தில் இன்று உலகம் முழுவதும் இந்த படம் வெளிவந்துள்ளது.

தொடர்ந்து ஹிட் படங்களை கொடுக்கும் லட்சுமி மேனன், ஹிட் பாடல்களை கொடுக்கும் டி.இமான் என பல ப்ளஸ் பாயிண்டுகள் படத்தில் இருக்க விஜய் சேதுபதி உயர பறந்தாரா? என்பதை பார்ப்போம்.
கதைக்களம்

தமிழ் சினிமாவில் வரும் வழக்கமான அதே அதிரடி கதைக்களம் தான் இந்த றெக்க, படத்தின் ஆரம்பத்திலேயே வில்லன்களான ஹரிஷ் உத்தமனிற்கும், கபீர் சிங்கும் இடையே ஒரு பகையோடு கதை தொடங்குகின்றது.

ஷாஜஹான் படத்தில் வரும் விஜய்யை போல் தன்னிடம் பிரச்சனை என்று வரும் காதலர்களை சேர்த்து வைக்கும் ஒரு ஆக்ஷன் ஹீரோவாக விஜய் சேதுபதி வருகிறார், அதற்கேற்றார் போல் வில்லனாக வரும் ஹரிஷ் உத்தமன் கல்யாணம் செய்ய வேண்டிய பெண்ணை கடத்திவர இவருக்கும் ஹரிஷ் உத்தமனிற்கும் பிரச்சனை ஆரம்பிக்கிறது, ஒரு கட்டத்தில் ஹரிஷ் உத்தமனிடம் ஒரு பிரச்சனையில் சிக்கி கொள்ள அதிலிருந்து, மீள முடியாமல் அவர் செய்ய சொல்லும் வேலையை செய்ய சம்மதிக்கின்றார்.

பின்பு அவர் சொன்ன வேலையை விஜய் சேதுபதி செய்து முடித்தாரா ,எதற்காக அவர் காதலர்களை சேர்த்து வைக்கிறார். லட்சுமி மேனனுக்கும் அவருக்கும் எப்படி பழக்கம் ஏற்படுகிறது, ஹரிஷ் உத்தமன் எதற்காக விஜய் சேதுபதியிடம் அந்த வேலையை கொடுத்தார் என்பதுதான் மீதிக் கதை.
படத்தை பற்றிய அலசல்

விஜய் சேதுபதி நம்ம பக்கத்து வீட்டு பையனாகவே நடித்து சலித்து போய் இந்த ஆக்ஷன் கதையை கையில் எடுத்திருக்கிறார் போல படம் முழுவதும் சண்டை காட்சிகள் தாக்கமே அதிகமாக இருக்கிறது. குறிப்பாக லட்சுமி மேனன் வீட்டிற்கு சென்று அவரை தூக்கி கொண்டு வரும் காட்சிகளும் சற்று சினிமா தனமாக இருக்கிறதே என்று யோசிக்க வைத்தாலும் விஜய் சேதுபதியின் ரசிகர்கள் ரசிக்கும் படியாகத்தான் இருக்கிறது.

லட்சுமி மேனன் வழக்கமாக தமிழ் சினிமாவில் வரும் வில்லனிருக்கும் ஹீரோவிற்கும் பிரச்னையை உண்டாக்கும் கதாபாத்திரமாகத்தான் வருகிறார். சந்தோஷ் சுப்பிரமணியம் படத்தில் வரும் ஜெனிலியாவை போல வெகுளித்தனமாக நடிக்க முயற்சித்திருக்கிறார்.

விஜய் சேதுபதியின் அப்பாவாக வரும் கே.எஸ் .ரவிக்குமார், காமெடியன் சதிஷ், வில்லனாக வரும் ஹரிஷ் உத்தமன், கபீர் சிங் ஆகியோர் தங்களுடைய கதாபாத்திரத்தை சிறப்பாக செய்துள்ளனர், கிஷோரை நாம் இதுவரை ஒரு மாஸான கதாபாத்திரங்களில் நடித்து கொண்டிருந்த கிஷோர் இந்த படத்தில் ஒரு அப்பாவியாகவே ரசிக்கும் படி நடித்திருக்கிறார்.

இயக்குனர் ரத்தின சிவாவின் இரண்டாவது படம் இது, ஆனால் இதுதான் முதலில் ரிலீஸ் ஆகியுள்ளது. வழக்கமான விஜய் சேதுபதியை இந்த படத்தில் சற்று வேறுப்படுத்தி காட்டியுள்ளார் இயக்குனர் ரத்தின சிவா

இமானின் இசையமமைப்பு பாடல்கள் அந்த அளவுக்கு சொல்லும் படி இல்லையென்றாலும் பின்னணி இசையில் சிறப்பாக செயல்பட்டுள்ளார். குறிப்பாக சண்டை கட்சிகளின் பின்னணி இசை நன்றாக செய்துள்ளார், தினேஷ் கிருஷ்ணனின் ஒளிப்பதிவும் பிரவின். கே. எல் படத்தொகுப்பும் படத்தை விறுவிறுப்பாக்குகிறது.

விஜய் சேதுபதியின் மாறுபட்ட நடிப்பும், சண்டை காட்சிகளில் வரும் பன்ச் டயலாக்குகளும் கை தட்டல்களை அள்ளுகிறது.
க்ளாப்ஸ்

சண்டை காட்சிகளில் வரும் இமானின் பின்னணி இசை
பல்ப்ஸ்

லாஜிக் அத்துமீறல், தெலுங்கு படங்களை மிஞ்சும் அளவிற்கு சண்டை காட்சிகள், இரண்டாம் பத்தி சற்று பொறுமையாக தொடங்குவது, லட்சுமி மேனனின் மேக்கப்

மொத்தத்தில் இந்த றெக்க வழக்கமாக பார்த்து கொண்டிருந்த விஜய் சேதுபதியின் ரசிகர்களுக்கு சற்று வேறுபடியாக ரசிக்க வைக்கும்.

பிரபுதேவா நீண்ட இடைவேளைக்கு பிறகு தமிழ் சினிமாவில் நடிப்பது மட்டுமின்றி தயாரிக்கவும் செய்துள்ளார் இந்த தேவியை. விஜய், அஜித் என முன்னணி நடிகர்களுடன் பணியாற்றிய ஏ.எல்.விஜய் இயக்கத்தில் இப்படம் தமிழ், தெலுங்கு, ஹிந்தி என மூன்று மொழிகளில் வெளிவந்துள்ளது.

தமன்னாவை சுற்றி தான் இப்படம் பெரிதும் நகரும் என ட்ரைலர் பார்க்கும் போதே தெரிந்தது, கோலிவுட்டே பேய் படத்தில் சிக்கிக்கொண்ட போது, ஏ.எல்.விஜய்யின் பேய் மிரட்டியதா? என்பதை பார்ப்போம்.
கதைக்களம்

கோலிவுட்டே பேய் பிடியில் இருந்து தற்போது மீண்டு வர, இயக்குனர் விஜய் பாலிவுட் வரை தற்போது இந்த பேய் ட்ரெண்டை எடுத்து கொண்டு சென்றுள்ளார், மூன்று மொழிகளில் இப்படம் தயாராகியுள்ளது.

பிரபுதேவா ஒரு மார்டன் மங்கையை தான் திருமணம் செய்துக்கொள்ள வேண்டும் என விரும்புகிறார். ஆனால், அவருக்கு தேவி என்ற கிராமத்து பெண்ணை திருமணம் செய்து வைக்கின்றனர்.

திருமணம் முடிந்து பிரபுதேவா மும்பை வர, அங்கு தேவியிடம் ஒரு சில மாற்றங்களை உணர்கிறார். என்ன என்று பார்த்தால் அவர் உடலில் ரூபி என்ற ஆவி புகுந்துள்ளது தெரிகிறது. ரூபி தன் ஆசையை தேவி மூலம் அடைய நினைக்கிறார்.

பிறகு என்ன தேவி உடலில் இருந்து எப்படி பிரபுதேவா, ரூபியை வெளியேற்றினார் என்பதே மீதிக்கதை.
படத்தை பற்றிய அலசல்

ஒரே வார்த்தை தொடர்ந்து தமிழ் படங்களில் நடிங்க பிரபுதேவா சார் என்று தான் சொல்ல தோன்றுகின்றது. அதே எனர்ஜி இன்னும் அவர் டான்ஸ், காமெடி என கலக்குகிறார். அதிலும் தன் திருமணத்தை மறைக்க பிரபுதேவா செய்யும் வேலைகள் ரசிக்க வைக்கின்றது.

ஆனால், படத்தின் ரியல் ஹீரோ தமன்னா என்றே சொல்லி விடலாம், கிராமத்து பெண்ணாக இருந்தாலும் சரி, கிளாமரில் குதிக்கும்போதும் சரி மிரட்டியெடுத்துள்ளார். அதிலும் டான்ஸெல்லாம் பிரபுதேவாவிற்கே சவால் தான்.

ஆர்.ஜே. பாலாஜியும் தன் பங்கிற்கு கவுண்டர் வசனங்களால் கவர்கிறார். படம் முழுவதும் செம்ம கலர்புல்லாக இருக்கின்றது. இசை, ஒளிப்பதிவு காட்சி அமைப்புக்கள் அனைத்திலும் வட இந்தியா வாசனை அதிகமாகவே அடிக்கின்றது.
க்ளாப்ஸ்

பிரபுதேவா, தமன்னாவின் நடிப்பு.

படத்தின் காமெடி காட்சிகள், அதிலும் தமன்னா உடலில் பேய் புகுந்தவுடன் செய்யும் அட்டகாசம்.
பல்ப்ஸ்

டப்பிங் படம் பார்ப்பது போன்ற உணர்வை தவிர்க்க முடியவில்லை.

மொத்தத்தில் தேவி வழக்கமான பேய் படங்களிலிருந்து கொஞ்சம் வித்தியாசப்படுவதற்காகவே ஒரு முறை பார்க்கலாம்.

ரெமோ பூஜை போட்ட அன்றே எதிர்ப்பார்ப்பு விண்ணை முட்டிய படம். சிவகார்த்திகேயன் கிட்டத்தட்ட விஜய், அஜித்திற்கு அடுத்த இடத்திற்கு வந்துவிட்டார். போஸ்டர், ட்ரைலர், பாடல்கள் என அனைத்தும் ஹிட் அடிக்க, இன்று உலகம் முழுவதும் பிரம்மாண்டமாக வெளிவந்துள்ளது இந்த ரெமோ.

அறிமுக இயக்குனர் பாக்யராஜ் கண்ணன் இயக்கத்தில் அனிருத் இசையில், சிவகார்த்திகேயன், கீர்த்தி சுரேஷ், சதீஷ், மொட்டை ராஜேந்திரன், யோகி பாபு என நட்சத்திரக் கூட்டணியில் வெளிவந்துள்ள இந்த ரெமோ சிவகார்த்திகேயனை அடுத்த லெவலுக்கு கொண்டு சென்றதா? பார்ப்போம்.
கதைக்களம்

தமிழ் சினிமாவின் தொன்று தொட்டு வரும் கதைக்களம் தான், ஹீரோயினை ஹீரோ எப்படி காதலிக்க வைக்கின்றார் என்பதே ஒன் லைன். இதில் கொஞ்சம் அவ்வை சண்முகியை அடித்துவிட்டுள்ளார் அறிமுக இயக்குனர் பாக்யராஜ் கண்ணன்.

சிவகார்த்திகேயன் ரஜினி போல் ஆகவேண்டும் என்று முயற்சி செய்ய, அந்த தருணத்தில் கீர்த்தி சுரேஷை பார்க்கிறார். கீர்த்தி சுரேஷ் ஒரு டாக்டர், ஒரு ஆடிஷன் முடிந்து சிவகார்த்திகேயன் நர்ஸ் கெட்டப்பில் வரும் போது இவரை உண்மையாகவே கீர்த்தி நர்ஸ் என்று நம்புகிறார்.

அதே நேரம் கீர்த்திக்கு வேறு ஒருவருடன் நிச்சயதார்த்தம் நடந்துள்ளது. இந்நிலையில் எப்படி கீர்த்தி மனதில் சிவகார்த்திகேயன் இடம்பிடிக்கின்றார் என்பதை செம்ம கலகலப்பாக கூறியுள்ள படம் தான் இந்த ரெமோ.
படத்தை பற்றிய அலசல்

சிவகார்த்திகேயன் ஒன் மேன் ஷோ என்றே கூறிவிடலாம். அதிலும் நர்ஸ் கெட்டப்பில் ஆண்களே ஜொல்லு விட்டாலும் ஆச்சரியம் இல்லை, குரல் கூட மாற்றி பேசியிருக்கிறார், ரசூல் பூக்குட்டிக்கு தான் இந்த பாராட்டு.

கீர்த்தியை காதலிக்க வைக்க அவர் எடுக்கும் முயற்சிகள் செம்ம கலாட்டா. சிவகார்த்திகேயன் தனக்கு எது வரும் என்பதை மிகவும் தெளிவாக தெரிந்து வைத்துள்ளார். எத்தனை சீரியஸாக சென்றாலும் தன் ஒன் லைன் காமெடி மூலம் அதை ஈடுக்கட்டி சிரிக்க வைத்துள்ளார். ஆடல், பாடல், ஆக்‌ஷன் என அனைத்து ஏரியாவிலும் கலக்கிவிட்டார்.

கீர்த்தி சுரேஷ் இதுவரை வந்த படங்களிலேயே மிக அழகாக இருக்கின்றார். என்ன தமிழ் சினிமாவின் பாரம்பரிய ஹீரோ எது சொன்னாலும் நம்பி ஏமாறும் ஒரு கதாபாத்திரம் தான்.

யோகிபாபு, சதீஷ், மொட்டை ராஜேந்திரன் என பலரும் காமெடியில் கலக்கியுள்ளனர். அதிலும் யோகிபாபு நர்ஸ் சிவகார்த்திகேயனை துரத்தி துரத்தி காதலிக்கும் இடம் மற்றும் கிளைமேக்ஸில் நர்ஸை காணவில்லை என்று PK ஸ்டைலில் அலையும் இடமெல்லாம் செம்ம ரெஸ்பான்ஸ்.

அனிருத் பாடல்களை விட பின்னணி இசையில் மயக்குகிறார். PC ஸ்ரீராம் அவர்களின் ஒளிப்பதிவு ஏதோ பாலிவுட் படங்கள் பார்த்தது போல் உள்ளது. ஆனால், கொஞ்சமாவது லாஜிக் என்பதை பார்த்திருக்கலாம். இரவு 12 மணிக்கு வந்தால் கூட சிவகார்த்திகேயன் நர்ஸ் கெட்டப்பில் வருவதெல்லாம் ஓவர் சார். மேலும், இன்னும் ஆண்கள் நாங்க இப்படி, அப்படி என தொடர்ந்து சிவகார்த்திகேயன் படங்களில் வசனங்கள் வருவதை கொஞ்சம் மாற்றலாம்.
க்ளாப்ஸ்

சிவகார்த்திகேயன் முன்பே சொன்னது போல் ஒரே ஆளாக படத்தை தாங்கி செல்கிறார்.

யோகி பாபு, சதீஷ், மொட்டை ராஜேந்திரன், சரண்யா பொன்வண்ணன் ஆகியோரின் காமெடி கலாட்டா.

அனிருத்தின் இசை, மற்றும் PC ஸ்ரீராம் அவர்களின் ஒளிப்பதிவு.
பல்ப்ஸ்

லாஜிக் அத்துமீறல், ஒரு மிடில்கிளாஸ் பையன் காதலுக்காக எப்படி இத்தனை செலவு செய்வான் என்று தெரியவில்லை. கதையில் முக்கியத்துவம் இல்லை, பொழுதுபோக்குக்கு மட்டுமே முக்கியத்துவம் கொடுத்துள்ளனர்.

மொத்தத்தில் இந்த ரெமோ விட்ட அம்பு சரியாக பாக்ஸ் ஆபிஸ் மீது பாய்ந்துள்ளது.