!...Payanam...!

சிவகார்த்திகேயன் ரெமோ வெற்றி விழாவில் அழுதது எல்லோரையும் வியக்க வைத்தது. என்னை நிம்மதியாக வேலை செய்ய விடுங்கள் என்று சொன்னது எல்லோருக்கும் அதிர்ச்சியை தந்தது.

தற்போது சிவகார்த்திகேயன் மீது மூன்று தயாரிப்பாளர்கள், அவர் பணம் வாங்கி விட்டு நடிக்க மறுக்கிறார் என புகார் சொன்னதையடுத்து சங்கம் சார்பில் சிவாவிடம் விசாரணை நடந்தது.

இதில் அவர் 2013 ம் வருடம் வேந்தர் மூவிஸ் மதன், எஸ்கேப் ஆர்ட்டிஸ்ட் மதன் மற்றும் ஞானவேல் ராஜா ஆகியோர் என்னிடம் கால்ஷீட் கேட்டார்கள்.

இதில் நான் ஞானவேல் ராஜா படத்தில் நடிப்பதற்கு மட்டும் அப்போது ஒப்பந்தமாகி அட்வான்ஸ் வாங்க பட்டது. மற்றவர்களின் படங்களில் நடிக்க பணம் ஏதும் வாங்கப்படாமல் பேச்சளவில் மட்டுமே சொல்லப்பட்டது.

தற்போது என்னுடைய மார்க்கெட் ட்ரெண்டை கொண்டு என்னை அவர்களது படத்தில் நடிக்க மிகவும் வற்புறுத்துகிறார்கள்.

அட்வான்ஸ் வாங்கிய படத்தில் மட்டுமே நடிப்பேன். மற்றவரின் பிரச்சனையை சட்டம் மூலம் சந்திப்பேன் என்று அதிரடி கொடுத்துள்ளார்.

இந்திய சினிமாவிலேயே அதிக பட்ஜெட்டில் எடுத்துக்கொண்டிருக்கும் படம் 2.0. இப்படத்தை ஷங்கர் இயக்க, ரஜினிகாந்த், அக்‌ஷய்குமார் நடித்து வருகின்றனர்.

இப்படத்தில் பறவைகள் வைத்து தான் கதையே நகருமாம், அதாவது அக்‌ஷய் குமாரின் தோற்றம் இப்படத்தில் பறவை போல் இருந்தது.

மேலும், சமீபத்தில் கூட பறவை போல் வேடமணிந்து ரியாஸ்கான், ரஜினியிடம் சண்டைப்போடுவது போல் ஒரு காட்சியை எடுத்தார்களாம்.

ரசூல் பூக்குட்டி கூட ஒரு பேட்டியில் 2.0 படத்திற்காக காகத்தின் சத்தத்தை பதிவு செய்தது மிகவும் சிரமமாக இருந்தது என கூறியுள்ளார்.

இதையெல்லாம் வைத்து பார்க்கையில் கண்டிப்பாக இந்த படத்தில் பறவைகள் வைத்து தான் கதை நகரும் என எதிர்ப்பார்க்கப்படுகின்றது.

வாயை சுத்தமாக வைத்துக் கொள்ளவும், பிளேக்கை அகற்றவும் தினசரி பல் துலக்குவது அவசியம். வாயின் சுகாதாரத்தைப் பேணுவதற்கு டூத் பிரஷை சரியான முறையில் பராமரிப்பது மிகவும் அவசியம். மேலும் 3-4 மாதங்களுக்கு ஒரு முறை அல்லது பிரிஸில்கள் தேய ஆரம்பித்தவுடன் டூத் பிரஷை மாற்றுவது அவசியம் என்று டாக்டர்கள் பரிந்துரைக்கிறார்கள்.
அதுமட்டுமின்றி, உங்கள் டூத் பிரஷ், கிருமிகளின் பண்ணையாக இருக்கிறது என்று இங்கிலாந்திலுள்ள மான்செஸ்டர் பல்கலைக்கழக ஆய்வாளர்கள் கூறுகிறார்கள். அதிலும் மூடி வைக்கப்படாத ஒரு டூத் பிரஷில் 100 மில்லியன் பாக்டீரியாக்கள் வசிக்கின்றன. வயிற்றுப் போக்கை ஏற்படுத்தும் ஈ-கோலி பாக்டீரியாவும், தோல் தொற்று நோயை ஏற்படுத்தும் ஸ்டாபில்கோலி பாக்டீரியாவும் இதில் அடங்கும்.


உங்கள் டூத் பிரஷில் கண்ணுக்குத் தெரியாமல் மறைந்திருப்பது என்ன தெரியுமா?

ஏராளமான கிருமிகளின் பண்ணையே அதற்குள் இருப்பதாக ஆய்வாளர்கள் கூறுகிறார்கள். மூடி வைக்கப்படாத ஒரு டூத்பிரஷில் 100 மில்லியன் பாக்டீரியாக்கள் வசிக்கின்றன. வயிற்றுப் போக்கை ஏற்படுத்தும் ஈ-கோலி பாக்டீரியாவும், தோல் தொற்று நோயை ஏற்படுத்தும் ஸ்டாபில்கோலி பாக்டீரியாவும் இதில் அடக்கம்.

வாய் நிறைய பாக்டீரியா

 ஒவ்வொரு நாளும் நூற்றுக்கணக்கான நுண்ணுயிர்கள் நம் வாயில் உற்பத்தியாகி, வாடகை கொடுக்காமல் வசிக்கின்றன. இது ஒரு பெரிய விஷயமில்லை. பிரச்சனை எப்பொழுது தொடங்குகிறது என்றால், இந்த பாக்டீரியாக்களின் எண்ணிக்கை வழக்கத்துதிற்கு மாறாக அதிகரிக்கும் போது தான். பல்லைத் துலக்கும் போது நீங்கள்  அகற்றுகிறீர்களே மஞ்சள் படிவுகள், அவை எல்லாமே பாக்டீரியாக்கள் தான். அவை உங்கள் வாய் என்ற வாடகை வீட்டிலிருந்து டூத் பிரஷ் என்ற அவுட் ஹவுஸுக்கு இடம் மாறுகின்றன.

பல் துலக்குவதால் எப்படி காயம் ஏற்படுத்துகிறது?

டூத் பிரஷ் மேலும் கீழும் இயங்கும் போது ஈறுகளைப் பின்னுக்கு அழுத்துவதால் காயம் ஏற்படுகிறது. இப்பொழுது டூத் பிரஷில் உள்ள கிருமிகள் மீண்டும் உங்கள் வாய்க்கு இடம் மாறுகிறது. உங்கள் வாய் பழக்கப்பட்ட இடம் தான் என்பதால், அவை பெரிய பாதிப்பு எதுவும் ஏற்படுத்துவதில்லை. ஆனால் டூத் பிரஷை மற்றவர்கள் பயன்படுத்தினால் அவ்வளவு தான். கிருமிகள் ஜம்மென்று புது இடத்துக்குக் குடி போய்விடும். மேலும் குணமாகிவிட்ட வியாதிகள் கூட சந்தோஷமாகத் திரும்பி வந்துவிடும்.

டூத் பிரஷால் நீங்கள் நோயாளி ஆக வாய்ப்பிருக்கிறதா?

அநேகமாக இல்லை. என்ன தான் உங்கள் வாய் ஒரு கிருமிப் பண்ணையாக இருந்தாலும், உங்கள் வாய்க்கும் டூத் பிரஷுக்கும் இடையே கிருமிகள் தினசரி போக்குவரத்து நடத்தினாலும், உங்கள் உடலில் உள்ள இயற்கையான நோய் எதிர்ப்பு சக்தி எப்போதும் செயல்பாட்டில் இருப்பதால், பல் துலக்குவதன் மூலம் நோய்த்தொற்று ஏற்பட வாய்ப்பு குறைவு.

கழிவறை இருக்குமிடத்தில் பல்துலக்காதீர்கள்

 பெரும்பாலான குளியலறைகள் மிகச் சிறியவை. நிறைய வீடுகளில், கழிப்பிடமும், குளியலறையும் ஒன்றாகவோ அல்லது மிக அருகிலோ இருக்கும். ஒவ்வொரு முறையும் கழிப்பறையைப் பயன்படுத்தும் போது, அதன் மூலம் காற்றில் ஏராளமான பாக்டீரியாக்கள் சுற்றுலா செல்கின்றன. அதனால் டூத் பிரஷ்கள் அருகில் இருக்கும் போது, அவற்றின் மேல் ஏற்கெனவே பாக்டீரியா நண்பர்கள் இருப்பதால், அங்கேயே தங்கிவிடுகின்றன.  அதனால் டூத் பிரஷ்களை உங்கள் கழிப்பறையிலிருந்து எவ்வளவு தூரம் தள்ளி வைக்க முடியுமோ அவ்வளவு தூரம் தள்ளி வையுங்கள்.

டூத் பிரஷ் ஸ்டாண்டுகள் மற்றும் ஹோல்டர்கள்

 பலரின் வாய்க்கிருமிகளும், கழிப்பறையிலிருந்து காற்றில் கலந்து வரும் கிருமிகளும் ஒன்றாய்ச் சங்கமிக்கும் இடமாக இது இருக்கிறது. வீட்டிலேயே மூன்றாவது அசுத்தமான இடம் இதற்குத் தான்.

டூத் பிரஷ் வைக்கும் குறிப்புகள்

* ஒவ்வொரு முறை பல் துலக்கியதும் குழாய்த் தண்ணீரில் நன்கு அலசிக் கழுவி உதறி வையுங்கள்.
 * ஒரு முறை பிரஷ் செய்துவிட்டு, அடுத்த முறை பிரஷ் செய்வதற்கு இடைப்பட்ட நேரத்தில் அது நன்கு உலர்ந்திருக்க வேண்டும். ஏனெனில் ஈரப்பதமான டூத் பிரஷ், பாக்டீரியாக்களுக்கு ஜாலியான தங்குமிடம் ஆகும்.
 * தலைப்பாகம் மேலே வரும்படி நிறுத்தி வையுங்கள். டூத் பிரஷ்களை தனித்தனியாக நிறுத்தி வைக்கும் ஸ்டாண்டுகளை உபயோகியுங்கள்.
 * உங்கள் டூத் பிரஷ் உங்களுடையது மட்டுமே. உங்கள் சகோதரி, சகோதரன், கணவன், மனைவி, ரூம் மேட் ஆகியோரிடம் நீங்கள் எவ்வளவு அன்புடையவராக இருந்தாலும் சரி, டூத் பிரஷ் ஒரு பகிர்ந்து கொள்ளும் விஷயம் இல்லை. இல்லை. இல்லை.

எப்பொழுது உங்கள் டூத் பிரஷை மாற்ற வேண்டும்?

ஒவ்வொரு மூன்று அல்லது நான்கு மாதங்களுக்கு ஒரு முறை உங்கள் டூத் பிரஷை மாற்றி விட வேண்டும். உங்கள் டூத் பிரஷ் தேய ஆரம்பிப்பது, நீங்கள் நோயுற்றிருப்பதற்கோ அல்லது உங்கள் நோய் எதிர்ப்பு சக்தி பலவீனமடைந்திருப்பதற்கோ அது அறிகுறி. அப்பொழுது நீங்கள் அடிக்கடி உங்கள் டூத் பிரஷை மாற்ற வேண்டும்.

வாயை நல்ல படியாகப் பராமரியுங்கள்

 ஈறு சம்பந்தமான நோய்கள், பற்சிதைவு, பல் சொத்தை மற்றும் வாய் துர்நாற்றம் ஆகியவை ஏற்படக் காரணம் பாக்டீரியாக்களே. எவ்வளவு முடியுமோ அவ்வளவு முறைகள் பல் துலக்குவதும், ஃப்ளாஸ், வாயில் எண்ணெய் கொப்பளிப்பதும் பெரும்பாலான பாக்டீரியாக்களை வெளியேற்றிவிடும். பல் துலக்கும் முன்பாக பாக்டீரியாவை எதிர்க்கக் கூடிய மௌத் வாஷ் பயன்படுத்தி வாய் கொப்பளிப்பதன் மூலம், வாயிலிருந்து பாக்டீரியா டூத் பிரஷுக்கு டிரான்ஸ்பர் ஆவதைத் தடுக்கலாம்.

நமக்குப் பிடித்த ஹீரோ ரொம்பநாள் கழித்து ஸ்கிரீனில் வரும்போது, நமக்குப் பிடித்த பேட்ஸ்மேன் ஃபார்ம் அவுட் காலத்துக்குப் பிறகு செஞ்சுரி அடிக்கும்போது லேசாக சிலிர்க்குமே... அதுதான் பெர்ஃபெக்ட் கம் பேக். அப்படி தமிழ் சினிமாவில் ஒரு பிரேக்கிற்குப் பின் கெத்தாக நுழைந்து 'ஐ யம் பேக்' என ஸ்டைல் ஸ்டேட்மென்ட் விட்டு நம்மை அசரடித்தவர்களின் சின்ன லிஸ்ட்.

அஜித்:

2007-ல் 'பில்லா' ஹிட்டிற்குப் பின் வெளியான ஏகனும், அசலும் வசூல் ரீதியாக ஓடவில்லை. போக ரேஸ் பக்கம் கவனம் செலுத்தியதால் ஒரு பிரேக் வேறு. இதனால் சோர்ந்து போயிருந்த ரசிகர்களை மானாவாரியாய் உற்சாகம் ஏற்ற வந்தது 'மங்காத்தா'. ஜீப் பறந்து வர, பின்னணியில் மிரட்டல் தீம் மியூஸிக்கில் அஜித் இறங்க, வெடித்து அடங்கின தியேட்டர்கள். படமும் பட்டிதொட்டி எல்லாம் ஹிட்.

அர்விந்த் சுவாமி:

ஒரு காலத்தில் காதல் மன்னன். இளைஞர்களின் ரோல் மாடல். அப்புறம் ஆளையே காணோம். திடீரென குருநாதர் இயக்கத்தில் 'கடல்' படத்தில் வந்தார். ஆனால் 'நாம எதிர்பார்க்கிறது இது இல்லையே' என அமைதி காத்தான் ரசிகன். சித்தார்த் அபிமன்யூவாக அவதரித்தார் அர்விந்த் சுவாமி. தமிழின் சூப்பர் வில்லன் நான்தான் என 'தனி ஒருவன்' இலக்கணம் எழுதி ஒட்டினார். இதோ, பழைய மவுசு ஏறிக் கிடக்கிறது அவருக்கு.

பிரபுதேவா:

கடைசியாக 'எங்கள் அண்ணா' படத்தில் முழு நீள ரோலில் நடித்தார். அதன்பின் ஸ்க்ரீனில் தலை காட்டுவதோடு சரி. 12 ஆண்டுகள் கழித்து 'தேவி'யில் அவர் செய்யும் சேட்டைகளுக்கு சிரித்து உருள்கிறது தியேட்டர். அதுவும் பழைய வேகம் கொஞ்சமும் குறையாமல் மின்னல் வேகத்தில் அவர் டான்ஸ் ஆடுவதைப் பார்க்கக் கண் கோடி வேண்டுமய்யா!

கவுண்டமணி:

பெரிய பெரிய ஹீரோக்களுக்கு இணையான செல்வாக்கு இந்த மனிதருக்கு மட்டுமே உண்டு. 'நீங்க ஸ்க்ரீனில் வந்தா மட்டும் போதும்' எனப் பலர் சொல்லியும் 'ஜக்குபாய்' படத்துக்குப் பின் நடிக்காமல் இருந்தவர் பெரிய பிரேக்கிற்கு பின் '49-ஓ' படத்தில் நடித்தார். விவசாயிகள் பற்றிய பிரச்னையை தனக்கேயுரிய ஸ்டைலில் அவர் விளாச, தலையில் தூக்கிவைத்துக் கொண்டாடினார்கள் ரசிகர்கள்.

அருண் விஜய்:

தமிழ் சினிமாவில் இவர் அஜித், விஜய் செட். ஆனால் பிரேக் கிடைக்காமல் தடுமாறி வந்தவருக்கு விஸ்வரூப வெற்றியைத் தந்தது 'என்னை அறிந்தால்'. அஜித்தோடு சரிக்கு சமமாக மல்லுக்கட்டி சிக்ஸர் அடித்தார் விக்டர். இளம் ஹீரோ ஒருவர் வில்லனாக அறிமுகமாகி பெரிய வெற்றி பெற்றது அதுவே முதன்முறை.

நயன்தாரா:

பத்து ஆண்டுகளுக்கும் மேலாக சினிமாவுலகை சோலோவாக ஆட்சி செய்யும் மாயா டார்லிங். தனிப்பட்ட வாழ்க்கைக்காக சினிமாவில் இருந்து கண்ணீர் மல்க ஓய்வு பெற்றவர் 'ராஜா ராணி'யில் ரெஜினாவாக வந்து உருக வைத்தார். ஹீரோக்களைத் தாண்டி இவரின் பெயரே படத்துக்குப் பெரிய ஓப்பனிங் ஆனது. நயன்டா!

விஜயகாந்த்:

முழுநேர அரசியல்வாதியானதற்கு பின்னர் நடிப்பதை குறைத்துக்கொண்டார் கேப்டன். மகன் படத்தில் கெஸ்ட் ரோலில் வந்ததோடு சரி. ஸ்க்ரீனில் அவரைப் பார்க்காமல் சோர்ந்து போயிருக்கும் ரசிகர்களையும் கட்சிக்காரர்களையும் குஷியாக்க 'தமிழன் என்று சொல்' என்ற பட அறிவிப்பை வெளியிட்டார். அதன்பின் 'என்னாச்சு?' ரகம்தான். கேப்டன் ஃபார்முக்கு வருவார் என ஸ்டேடியத்துக்கு வெளியே காத்திருக்கிறார்கள் அவரின் ரசிகர்கள்.

டி.ஆர்:

ஒரு காலத்தில் தாய்க்குலங்களின் ஏகபோக ஆதரவைப் பெற்ற பாசக்கார அண்ணன். சிம்புவின் சினிமா பிரவேசத்துக்குப் பின்னர் அடக்கி வாசித்தவர் ஐந்து வருட விரதத்தை முடித்து எடுத்த காவியம்தான் 'வீராசாமி'. படம் எப்படியிருந்தாலும் அவரின் ரசிகர்கள் அவரைக் கொண்டாடத்தான் செய்கிறார்கள்.

வடிவேலு:

இந்தப் பதிவு சூப்பராய் பொருந்துவது இவருக்குதான். தமிழர்களைப் பல வகை நோய்களில் இருந்து சிரிப்பு மருந்து கொடுத்து காப்பாற்றிய புண்ணியவான். 'மிஸ் யூ தலைவா' என பொடிசுகள் தொடங்கி ரிட்டயர்ட் ஆனவர்கள் வரை ஸ்டேட்டஸ் தட்ட, காமெடி கத்திச்சண்டை போட வந்தேவிட்டார் வைகைப் புயல்! வி ஆர் வெயிட்டிங்!

திருட்டு விசிடி இன்று தமிழ் சினிமாவின் வில்லனாக வளர்ந்து நிற்கின்றது. அதிலும் மிகவும் தைரியமாக திருட்டுவிசிடி.காம் என்ற பெயரிலேயே நடத்தி வருகின்றனர், இதனால் பல பேரின் உழைப்பு வீணாகின்றது என்பது அவர்களுக்கு எப்போது புரிய போகின்றதோ.

சரி, அது ஒரு புறம் இருக்கட்டும், படங்களை அதிகாரப்பூர்வமாக வாங்கி வெளியிடும் தளம் ஒன்று ஒரு கருத்துக்கணிப்பில் திருட்டி விசிடி மற்றும் ஆன்லைனில் படம் பார்ப்பவர்கள் எண்ணிக்கையும், டிக்கெட் விலையையும் வைத்து ஒரு படத்திற்கு எத்தனை கோடி இதன் மூலம் நஷ்டமாகின்றது என்பதை வெளியிட்டுள்ளது. இதோ அந்த நஷ்ட விவரம்..

உறியடி- ரூ 8 கோடி

அப்பா- ரூ 11 கோடி

ரஜினி முருகன்- ரூ 65 கோடி

கணிதன்- ரூ 17 கோடி

இந்த சிறு பட்ஜெட் படங்களுக்கே இத்தனை கோடி நஷ்டம் என்றால் கபாலி, தெறி, வேதாளம் போன்ற படங்களுக்கு? நீங்களே கணக்கு போட்டு பாருங்கள்.

மனிதன் உயிர் வாழ்வதற்கு தண்ணீர் மிகவும் இன்றியமையாதது. அத்தகைய தண்ணீரை அக்காலத்தில் எல்லாம் பல்வேறு பாத்திரங்களில் சேகரித்து வைத்து பயன்படுத்தினார்கள். ஆனால் தற்போது பிளாஸ்டிக் பாட்டில்களால் தான் தண்ணீரை சேகரித்து வைத்து பயன்படுத்துகிறோம்.

அப்படி பிளாஸ்டிக் பாட்டில்களில் தண்ணீரானது சேகரித்து வைப்பதால், பாட்டிலில் இருந்து ஒருவித துர்நாற்றம் வீசும். துர்நாற்றம் வீசுகிறது என்று அவற்றை தூக்கிப் போட்டு, தினமும் ஒரு பாட்டில் வாங்க முடியுமா என்ன?

மேலும் பிளாஸ்டிக் பாட்டிலை தூக்கிப் போடுவதால், சுற்றுச்சூழல் தான் மாசுபடும். ஆகவே சுற்றுச்சூழலை சுத்தமாக வைத்துக் கொள்ள, பாட்டிலை தூக்கிப் போடாமல், அவற்றை துர்நாற்றமில்லாமல் சுத்தமாக வைத்துக் கொள்ள சில வழிமுறைகளைப் பார்ப்போமா.

பிளாஸ்டிக் பாட்டிலில் வெதுவெதுப்பான தண்ணீர் மற்றும் சிறிது டிஷ் வாஷ் நீர்மத்தை விட்டு, நன்கு குலுக்கி, 20-25 நிமிடம் ஊற வைக்க வேண்டும். இதனால் பாட்டிலில் உள்ள கிருமிகள் மற்றும் அழுக்குகள் அனைத்தும் வெளியேறிவிடும். ஒருவேளை அழுக்குகள் இன்னும் இருந்தால், மீண்டும் இந்த செயலை தொடர்ந்து செய்யுங்கள்.

அழுக்குகள் நிறைந்த பிளாஸ்டிக் பாட்டிலில் அரிசி மற்றும் பேக்கிங் சோடாவை போட்டு, அத்துடன் சிறிது உப்பு சேர்த்து 30-45 நிமிடம் ஊற வைத்தால், அரிசியானது பாட்டிலில் உள்ள துர்நாற்றத்தை நீக்கிவிடும். பேக்கிங் சோடா கிருமிகளை அழித்துவிடும். இந்த முறையை அழுக்கு மற்றும் துர்நாற்றம் நீங்கும் வரை செய்யலாம்.

மற்றொரு முறை வினிகரை பாட்டிலில் நிரப்பி, இரவு முழுவதும் ஊற வைத்து, காலையில் எழுந்து சோப்பு மற்றும் தண்ணீர் ஊற்றி, நன்கு குலுக்க வேண்டும். ஆரம்பத்தில் சிறிது நேரம் வினிகர் வாசனை வரும். ஆனால் சிறிது நேரத்தில் அது போய்விடும். அதே நேரம் அதில் உள்ள அழுக்குகள் நீங்கி, பாட்டில் புதிது போன்று காணப்படும்.

அடுத்து செய்தித்தாளை பாட்டிலில் போட்டு நிரப்பி, இரவு முழுவதும் மூடி வைக்க வேண்டும். இதனால் அதிலிருந்து வெளிவரும் நாற்றம் அனைத்தும் போய்விடும்.