!...Payanam...!

கோவையில் விற்கப்படும் ஆவின் தயிர் பாக்கெட்டுகளில் மலையாள எழுத்து அச்சிடப்பட்டிருப்பது சர்ச்சையைக் கிளப்பியுள்ளது.

ஆவின் தயிர் மலையாளம்

தமிழக அரசின் ஆவின் நிறுவனம், கடந்த ஆண்டு ஏப்ரல் மாதம், 25 ரூபாய்க்கு அரைலிட்டர் தயிர் பாக்கெட்டை அறிமுகப்படுத்தியது. பல்வேறு கட்ட ஆலோசனைக்குப் பிறகு, இந்த அரைலிட்டர் தயிர் பாக்கெட் கடந்த பிப்ரவரி மாதம், கோவையில் அறிமுகப்படுத்தப்பட்டது. இந்நிலையில், அந்த பாக்கெட்டில் ஆவின் தயிர் என்று தமிழ் மற்றும் ஆங்கிலத்தில் அச்சிடப்பட்டுள்ளது.

இதுதவிர, கெட்டித் தயிர் என்று மலையாளத்திலும் அச்சிடப்பட்டுள்ளது. கடந்த பிப்ரவரி மாதம் முதலே, கோவையில் விற்கப்படும் அரை லிட்டர் ஆவின் தயிர் பாக்கெட்டுகளில் மலையாள எழுத்துகள் அச்சிடப்பட்டுள்ளது. ஆனால், ஆவினின் மற்ற எந்தப் பொருள்களிலும் மலையாள எழுத்துகள் இல்லை. முக்கியமாக, தமிழகத்தின் மற்ற எந்த மாவட்டங்களிலும், ஆவின் பொருள்களில் மலையாள எழுத்துகள் அச்சிடப்படுவது இல்லை என்றே கூறப்படுகிறது.

இது குறித்து ஆவின் வட்டாரத்தில் விசாரித்தபோது, “ஆவினின் அரைலிட்டர் பாக்கெட்டில் மட்டும்தான் மலையாள எழுத்துகள் அச்சிடப்பட்டுள்ளன. இதை உற்பத்தி செய்யும் டி.ஜி.எம் ஒரு மலையாளி. இதனால்கூட மலையாள எழுத்து அச்சிடப்பட்டிருக்கலாம்” என்றனர்.

இதுகுறித்து கோவை ஆவின் நிர்வாகத்தை தொடர்பு கொண்டபோது, “கோவையில் கேரள மக்கள் அதிகம் பேர் வசிக்கின்றனர். அவர்களைக் கவரத்தான் மலையாளத்தை அச்சிட்டுள்ளோம். குறிப்பாக, கேரளாவில் பால் பொருள்களுக்கு டிமாண்ட் அதிகம். எனவே, ஆவின் பொருள்களை அங்கு விற்பனை செய்யவும் திட்டமிட்டுள்ளோம். இதனால், முதல்கட்டமாக, கோவையில் விற்பனையாகும், அரைலிட்டர் ஆவின் தயிர் பாக்கெட்டுகளில் மலையாள எழுத்துகளை அச்சிட்டுள்ளோம். அடுத்தகட்டமாக, மற்ற ஆவின் பொருள்களிலும் மலையாள எழுத்துகளை அச்சிடுவோம்” என்றனர்.

நடிகர் கமல்ஹாசன் அரசியலில் களமிறங்கி மக்கள் நீதி மையம் என்ற பெயரில் கட்சியும் தொடங்கி விட்டார். இயல்பிலே விஞ்ஞான வளர்ச்சியின் தொழில்நுட்பத்தை தனது படங்களின் மூலம் அறிமுகப்படுத்தும் முதல் நபர்.

இந்நிலையில், மக்கள் நீதி மய்யத்தின் செயலியை கமல்ஹாசன் இன்று அறிமுகப்படுத்தினார். அப்போது அவர் பேசியதாவது, செயல்படும் செயலியாக மையம் செயலியை உருவாக்க காலதாமதம் ஏற்பட்டுவிட்டது. அதற்காக மன்னிக்க வேண்டும். பத்திரிகையாளர்கள் செய்யும் விஷயத்தை, சாமானியர்களும் செய்யத் தூண்டும் செயலி இது. இந்த செயலி நம்மைச் சுற்றி நடக்கும், நமது சூழலில் நடக்கும் மாசு, குற்றங்கள், ஊழல்கள் இவற்றை எல்லாம் தனி மனிதன் ஒரு அபாயச் சங்கு ஊதி தெரியப்படுத்தும் கருவி தான் இந்த விசில்.

அது எப்படியென்றால், உங்கள் பகுதியில் நடக்கும் தவறு, தொடர்ந்து நடக்கும் தவறுகள் அதை சொல்ல விரும்புபவர்கள், முதலில் பத்திரிகைக்கு எழுதுவார்கள். தற்போது முகநூலில் பதிவிடுகிறார்கள். அதைத்தொடர்ந்து வலியுறுத்தவோ, அது நடக்கிறதா, இல்லையா என்று பார்க்க யாரும் கிடையாது. அந்த மையமாக மய்யம், மக்கள் நீதி மய்யம் செயல்படும்.

இது இருக்கும் குறைகளை ஒரே நொடியில் தீர்த்து விடும் மந்திரக்கோல் அல்ல. இது இருக்கும் குறைகளை செவிசாய்த்து கேட்பதற்கும், கண்கொண்டு பார்ப்பதற்கும் உதவும் ஒருகருவி, தற்போதைக்கு இது எங்கள் கட்சியை சார்ந்தவர்களுக்கு மட்டுமே கொடுக்கப்பட்டுள்ளது என கூறினார்

ரஜினியின் காலா படத்திற்காக ரசிகர்கள் ஆவலாக வெயிட்டிங். படமும் ரம்ஜான் ஸ்பெஷலாக வெளியாகவுள்ள நிலையில் இன்று படத்தில் இடம்பெறும் ஒரு பாடல் மாலை 7 மணியளவில் வெளியாக இருக்கிறது.

இந்த நேரத்தில் காலா படத்தை பிரபல தொலைக்காட்சியான விஜய் அதிக தொகை கொடுத்து வாங்கியதாக தகவல் வந்தது. அந்த தொலைக்காட்சி இப்படத்தை ரூ. 75 கோடிக்கு வாங்கியுள்ளதாம்.

இதற்கு முன் ரஜினியின் 2.0 படம் ரூ. 110 கோடிக்கு பிரபல தொலைக்காட்சி வாங்கியது குறிப்பிடத்தக்கது.

எங்க வீட்டு மாப்பிள்ளை என்ற பெயரில் ஆர்யாவை வைத்து ஒரு நிகழ்ச்சி நடந்தது. இந்த நிகழ்ச்சியில் கலந்து கொண்ட 16 பெண்களும் ரசிகர்களிடம் பிரபலம் என்றே கூறலாம்.

அதிலும் அபர்ணதி, அகாதா போன்றவர்களுக்கு ஓவியா போல் ஆர்மியும் இருக்கிறது. இந்நிகழ்ச்சியில் கலந்து கொண்ட இலங்கை பெண் சுசானா விவாகரத்து ஆனவர் என்பது அனைவருக்கும் தெரியும். அவருடைய மகன் நெய்டனும், ஆர்யாவும் வெளியில் சென்றிருந்தனர், அதை நிகழ்ச்சியில் ஒளிபரப்பினர்.

அப்போது நெய்டன், ஆர்யாவிடம் நான் விஜய் அவர்களை சந்திக்க வேண்டும் என்று வேண்டுகோள் விடுத்துள்ளாராம். இதனை சுசானா அண்மையில் ஒரு பேட்டியில் கூறியுள்ளார்.

ரஜினிகாந்த் நடித்துள்ள 2.0 படத்தில் வில்லனாக நடித்திருப்பவர் நடிகர் அக்ஷய் குமார். இவர் அண்மையில் பேட் பேன் படம் மூலம் பெண்களுக்கான சுகாதாராம் குறித்து விழிப்புணர்வை ஏற்படுத்தினார்.

மேலும் தன் விருப்பத்தின் அடிப்படையில் மக்களுக்கு பல பயனுள்ள உதவிகளை செய்து வருகிறார். அண்மையில் அவர் விவசாயிகளுக்காக குளம் அமைத்து கொடுத்தார். கடந்த 2016 ல் அவர் நடிப்பில் ருஸ்டம் படம் வெளியானது.

இதில் அவர் கப்பற்படை அதிகாரியாக நடித்திருந்தார். அவருக்காக பிரத்தேக உடைகள் தயாரிக்கப்பட்டது. தனக்கு மிகவும் பிடித்த இந்த உடைகளை அவர் ஏலம் விட்டு அதில் கிடைக்கும் பணத்தை விலங்குகள் பாதுக்காப்பிற்கும், தொண்டு நிறுவனங்களுக்கும் வழங்க முடிவு செய்துள்ளாராம்.

அஜித் அன்பு தான் அவரின் அத்தனை பலமும். அவரின் பின்னால் தல தல என தானாய் வந்த கூட்டத்தை நீங்கள் பார்த்துக்கொண்டு தான் இருக்கிறீர்கள். தியேட்டர்கள், சமூக வலைதளங்கள் என சாட்சிகள் ஏராளம்.

இன்று அவரின் வருகையை அத்தனை பேரும் எதிர்பார்க்கும் அளவிற்கு அவர் உயர்ந்துவிட்டார். ஆனால் அவர் அனுபவித்த வலிகள் ஏராளம். பிறந்தநாளில் அவரின் உயிர்மூச்சாய் இருப்பவர்கள் யார் என அவரே சொன்னது..

நான் இந்த சினிமா கலைத்துறையில் உள்ளே கஷ்டப்பட்டு நுழைந்ததைவிட இங்கே என்னை வெளியில் தள்ள முயற்சிப்பவர்களே அதிகம். எப்படியென்றால்?..

நான் இந்த சினிமாவிற்குள் வந்தபொழுது எல்லோரும் என்னைப்போலவே கஷ்டப்பட்டு வந்தவர்கள் என்று தான் நினைத்துக்கொண்டு அணைவரிடமும் என் உடன் பிறந்த பிறவிகள் என்று அன்பாக பழகினேன்.

ஆனால் இங்கே சிலரிடத்தில் மட்டும் தான் பாசமும் நேசமும் இருந்தது. பாதிக்கு பாதிப்பேர் மனதில் பாசம் என்ற பேரில் விஷம் இருந்தது எனக்கு சத்தியமாய் தெரியாது.

எல்லோரும் என்னோட நன்பர்கள் என்று தான் கண்மூடித்தனமாக பழகிவிட்டேன். 2006 ல் நடந்த பந்தயத்தில் என்னோட முதுகெலும்புகள் உடைந்துப்போனது.

அந்த எலும்புகள் தான் எனக்கு என்னையே யார் என்று அடையாளம் காட்டியது. நான் அடிப்பட்டு மருத்துவமனையில் இருந்தபோது இந்த அடியோடு அடி என்னை ஒழித்துகட்ட முடிவுசெய்து விட்டார்கள்.

நான் வெளிமாநிலத்தில் இருந்து தமிழகத்தில் வாழ்ந்தாலும் இன்றுவரை வந்தோரை வாழவைக்கும் தமிழகம் என்ற உறுதிமொழியினை என் உயிர்மூச்சென நினைத்து காப்பாற்றிக்கொண்டு வருகிறேன்.

அப்படிப்பட்ட என்னை ஒரு சதிகாரக்கூட்டம் அடியோடு தோற்கடிக்க முடிவுசெய்து தீவிரமாக செயல்பட்டார்கள். நான் கை,கால்கள் உடைந்து மருத்துவமனையில் இருந்தபோது பாசம் என்ற பெயரில் வேசம் போட்டுக்கூட என்னை பார்க்க ஒருவரும் வந்ததில்லை.

அதன் பிறகு தான் நான் என்றைக்குமே அனாதைதான் என்பதை உணர தொடங்கினேன். பரவாயில்லை யாரை நம்பினாலும் என்னோட ரசிகர்களை மட்டும் நான் நம்பாமல் இருந்துவிடக்கூடாது என்று முடிவெடுத்தேன்.

அதனை கருத்தில் கொண்டு இன்றுவரை என் மனைவிக்கு பிறகு என்னோட மகளுக்கு பிறகு எனக்கு எல்லாமே என் ரசிகர்களும். நான் நம்பிவந்த தமிழ் மண்ணும் தான் என்று.

இப்படி அன்றெடுத்த முடிவுதான் இன்றுவரை என்னை நான் நானாக இருக்கவைக்கிறது. அதனால் தான் நான் யாருடைய மனதும் புண்படுத்தும்படி நடந்துகொள்ளாமல் எந்த ஒரு நிகழ்ச்சிகளிலும் கலந்துகொள்வதில்லை.

ஆனால் என்னோட ரசிகர்களின் பலத்தின் படி என் பெயரை உச்சரிக்காமல் எந்த ஒரு நிகழ்ச்சிகளும் நடப்பதில்லை. என்பதை மட்டு நான் அறிந்துகொண்டே இருக்கிறேன்.

நான் எப்படியோ அப்படியே என் ரசிகர்களும். நான் திமிரானவன் என்றால் அவர்களும் திமிருபிடித்தவர்கள் தான் நான் நல்லவன் என்றால் அவர்களும் நல்லவர்கள் தான்.

இது தான் என்னோட ரசிகர்களின் சாம்ராஜ்ஜியம்.. வாழ்த்துக்கள் அஜித்..

'நான் படிச்சு கலெக்டர் ஆகிடுவேன்ம்மா அப்புறம் நீ கீற்று பின்னி கஷ்டபட வேண்டாம் என என் மகன் படிக்கும் போது சொல்லி கொண்டிருப்பான். சொன்னது போலவே செஞ்சுட்டான்’ என தன் மகனை நினைத்து பெருமிதமாக சொல்கிறார் கீற்று பின்னும் கூலி தொழிலாளி தாய்.

சிவகிருபாகரன்

இந்திய ஆட்சிப்பணிக்கான தேர்வு முடிவுகள் வெளிவந்துள்ள நிலையில், தமிழகத்தில் மாநில அளவில் 3வது இடம்பிடித்து ஐஏஎஸ்-ஆகத் தேர்ச்சி அடைந்துள்ளார் சிவகுருபிரபாகரன் என்ற மாணவர். இவர் தஞ்சாவூர் மாவட்டம் பேராவூரணி அருகில் உள்ள மேலஒட்டங்காடு கிராமத்தைச் சேர்ந்தவர். சாதாரண கூலி வேலை செய்யும் குடும்பத்தில் பிறந்த பிரபாகரன், இன்று தான் சொன்னது போலவே ஐஏஎஸ் ஆகி தன் குடும்பத்திற்கும், அந்த கிராமத்திற்கும் பெருமை தேடித் தந்துள்ளார். இவர் குடும்பத்தில் தாய் கனகா, தந்தை மாரிமுத்து, பாட்டி நல்லம்மாள் என அனைவருக்கும் தொழில், தென்னங்கீற்று பின்னி விற்பது. அந்த வேலை இல்லாத நாட்களில் மரமில்லில் கூலிக்கு வேலை செய்வார்கள். மேலும், போதிய வருமானம் இல்லாததால் மாடு வளர்த்து பால் கறந்து, அதை விற்றும் பிழைப்பு நடத்தியுள்ளனர்.

பொருளாதாரரீதியாக மிகவும் பின்தங்கியுள்ள குடும்பத்தில் பிறந்த சிவகுருபிரபாகரன், தொடக்கப்பள்ளி படிப்பை அதே ஊரில் உள்ள ஊராட்சி ஒன்றியத் தொடக்கப் பள்ளியிலும், 6ம் வகுப்பு முதல் 12ம் வகுப்பு வரை அருகில் உள்ள புனவாசல் கிராமத்தில் உள்ள அரசு உதவி பெறும் பள்ளியிலும் படித்தார். தொடர்ந்து புதுக்கோட்டை அரசு ஆசிரியர் பயிற்சி நிறுவனத்தில் பட்டய படிப்பு முடித்துவிட்டு, சிவில் இன்ஜினியரிங் படிப்பை வேலூர் தந்தை பெரியார் கல்லூரியில் தொடர்ந்தார். பின்னர் சென்னை ஐ.ஐ.டியில் எம்.டெக் படித்த இவர், தொடர்ந்து போட்டித் தேர்வுகள் எழுதியதால் ரயில்வேயில் பணி கிடைத்தது. அப்போது, இந்த பணியே போதும் என்று அவரது உறவினர்களும், நண்பர்களும் சொல்லியிருக்கின்றனர். இருந்தபோதும், 'என் கனவு கலெக்டர் ஆவது. என் அம்மாவிடம் நான் சொன்னதை நிறைவேற்றும் வரை ஓயமாட்டேன்’ என சொல்லி தொடர்ந்து படித்தார்; ஐ.ஏ.எஸ். தேர்வு எழுதினார். அதன் பலனாக இன்று மாநில அளவில் 3-வது இடத்தில் தேர்ச்சி பெற்றுள்ளார்.

ஏழை குடும்பத்தில் பிறந்தாலும் தன் விடா முயற்சியால், தனது கனவை நனவாக்கி இந்த பகுதி மாணவ, மணவியருக்கு ஓர் உந்துசக்தியாகவும், இந்த பகுதி மக்களைத் தன் வெற்றியால் மகிழ்ச்சியாக்கிய பிரபாகரனை, அவர் படித்த பள்ளி முதல் உறவினர்கள், நண்பர்கள் மற்றும் அந்த கிராமத்தை சேர்ந்தவர்களும் கொண்டாடி வருகின்றனர். இதுகுறித்து அவரது அம்மா கனகாவிடம் பேசினோம். 'என் வயித்துல பிரபாகரன் பிறந்தபோதே கடுமையான வறுமைதான். கூலி வேலை செய்துதான் சாப்பிட்டோம். நாங்க கீற்றுப் பின்னும்போது பள்ளி விடுமுறை நாள்களில், அவனும் கீற்றுப் பின்னுவான். அப்போதெல்லாம், 'ஒரு நாள் நான் கலெக்டர் ஆவேன், அப்புறம் நீ கீற்று பின்னி கஷ்டப்பட விடமாட்டேன் அம்மா’ என்று அடிக்கடி சொல்வான். சரி கலெக்டர் ஆவுடா என் ராசா என சொல்வேன். சொன்னது போலவே, இன்று என் மகன் கலெக்டர் ஆகிட்டான். என்னை மட்டும் இல்லை எங்க ஊரையே மாளிகையில் குடியேத்திய மகிழ்ச்சியில் இருக்கிறேன். ஊருக்காரவுக எல்லாம் உன் பிள்ளை கலெக்டர் என சொல்லும்போது ரொம்ப சந்தோஷமா இருக்கு" என மகிழ்ச்சி பொங்கச் சொல்லும், அந்த ஏழைத் தாயின் முகத்தில் அத்தனை ஆனந்தம்.