!...Payanam...!

முருகதாஸ் இயக்கும் விஜய் நடித்து வரும் படத்திற்கு சர்க்கார் என டைட்டில் வைத்து விட்டார்கள். விஜய் பிறந்தநாள் ஸ்பெஷலாக இது அறிவிக்கப்பட்டதும் ரசிகர்கள் கொண்டாடிவிட்டார்கள்.

ஆனால் போஸ்டரில் விஜய் கையில் சிகிரெட் வைப்பது போல இருந்தது சர்ச்சையாகியுள்ளது. இந்நிலையில் வழக்கறிஞர் தமிழ்வேந்தன் என்பவர் கமிஷனர் அலுவலகத்தில் புகார் கொடுத்துள்ளார்.

இதில் அவர் சினிமா பிரபலங்களை பலரும் தங்கள் ரோல் மாடலாக பின்பற்றி வருகிறார்கள். இன்று புற்றுநோயால் பாதிக்கப்பட்டவர்களின் எண்ணிக்கை அதிகமாகிவிட்டது.

விஜய்யின் சர்க்கார் போஸ்டரில் சிகிரெட் இடம் பெற்றுள்ளது. இதை இயக்குனரிடம் சொல்லி நீக்க வேண்டும். இது போன்ற காட்சிகளை பார்க்கும் இளம் தலைமுறையினரை சிகிரெட் பிடிக்க தூண்டும்.

இதனால் இளைய தலைமுறை சீரழிய வாய்ப்புள்ளது. புகையிலைப்பொருட்களை தடை செய்யப்பட்டுள்ளது. பல கொள்ளைகளுக்கு சினிமாதான் காரணமாக இருக்கிறது என அவர் கூறியுள்ளார்.

அபூர்வ சகோதரர்கள் இந்திய சினிமாவில் பிரமாண்ட வெற்றியை பெற்ற படம். இப்படம் தமிழ் மட்டுமின்றி தெலுங்கு, ஹிந்தியிலும் செம்ம ஹிட் அடித்தது.

இந்நிலையில் இப்படம் ஏன் உருவானது என்ற கதையை கமலே சமீபத்தில் கூறினார், இதில் ‘நான் பாலிவுட்டில் நடித்த போது பலரும் நீங்கள் அமிதாப் பச்சன் போல் உயரமாக இருந்திருக்க வேண்டும்.

அல்லது இன்னும் கொஞ்சம் உயரமாக இருந்திருந்தால் கூட பாலிவுட்டில் நீங்கள் தான் சூப்பர் ஸ்டார் என்று ஒரு சிலர் சொன்னார்கள். அது என்னை மிகவும் பாதித்தது.

அப்போது தான் எனக்கு ஒன்று தோன்றியது, திறமை இருக்க உயரம் ஒரு தடையா, அதன் காரணமாக இன்னும் உயரத்தை குறைத்து அபூர்வ சகோதரர்கள் படத்தில் நடித்தேன்’ என்று கமல் கூறினார்.

தமிழ் சினிமா தற்போதெல்லாம் புதிய புதிய கதை களங்களில் அடுத்தக்கட்டத்தை நோக்கி பயணிக்கின்றது. அந்த வகையில் நாய்கள் ஜாக்கிரதை, மிருதன் என தொடர்ந்து புதிய முயற்சிகளை எடுத்து வரும் சக்தி சௌந்தர்ராஜன் வித்தியாசமான கதைக்களத்தை தேர்ந்தெடுக்கும் ஜெயம் ரவியுடன் கூட்டணி வைத்துள்ள ஸ்பேஸ் கதைக்களம் தான் டிக் டிக் டிக். ரசிகர்களை இந்த வித்தியாச கதைக்களம் கவர்ந்ததா, பார்ப்போம்.

கதைக்களம்

படத்தின் ஆரம்பக்காட்சிலேயே 8 டன் எரிகல் சென்னையில் வந்து விழுகின்றது. இதனால் ஒரு சில உயிரிழப்புக்கள் ஏற்படுகின்றது.

அதை தொடர்ந்து இந்திய விண்வெளி ஆராய்ச்சி மையத்திற்கு அதை விட பெரியளவில் ஒரு எரிகல் மோதவருவதாக தகவல் கிடைக்கின்றது.

அது வந்து மோதினால் தமிழகம், இலங்கை, ஆந்திரா ஆகிய இடங்கள் அழியும், இதை தடுக்க மெஜிசிஷியன் மற்றும் திருடனான ஜெயம் ரவி உதவியுடன் ஒரு சில அமைப்பினரை விண்வெளிக்கு அனுப்பி அந்த எரிகல்லை உடைத்து கல்லை திசை திருப்ப ப்ளான் செய்கின்றனர். ரவி இந்த ப்ளானை வெற்றிகரமாக முடித்தாரா என்பதே மீதிக்கதை.

படத்தை பற்றிய அலசல்

ஜெயம் ரவி எப்போதும் வித்தியாசமான கதைகளை தேர்ந்தெடுத்து நடிப்பவர், அந்த வகையில் வனமகன், மிருதனை தொடர்ந்து விண்வெளி சார்ந்த ஒரு கதையை தேர்ந்தெடுத்ததற்காகவே ரவியை பாராட்டலாம், நிவேதா பெத்துராஜ், ரமேஷ் திலக், அர்ஜுன் மற்றும் கேப்டனாக வரும் வின்செண்ட் என அனைவருமே தங்கள் சிறந்த நடிப்பை வெளிப்படுத்தியுள்ளனர்.

சரி ஸ்பேஸ் படம் என்றாலே நமக்கு பல ஹாலிவுட் படங்கள் நினைவிற்கு வரும், அதிலும் கிராவிட்டி, இண்டர்ஸ்டெல்லர் ஆகிய படங்கள் சமீபத்திய ரெபரன்ஸ், அந்த படம் அளவிற்கு நினைத்தாலும் தமிழ் சினிமாவில் தற்போது ஒரு படம் எடுக்க முடியாது.

அந்த வகையில் டிக் டிக் டிக் எப்படி என்றால் 40 மார்க் எடுத்து பாஸ் ஆகியுள்ளது என்றே சொல்லலாம், ஏனெனில் ஜெயம் ரவி தான் இந்த மிஷினை முடித்தாக வேண்டும், அதற்காக பல வருடம் மிலிட்ரியில் இருந்த வின்செண்ட் செய்யமுடியாததை கூட ஜெயம் ரவி ஏதோ பொட்டிக்கடையில் மிட்டாய் வாங்குவது போல் செய்வது என்ன லாஜிக்.

படத்தில் லாஜிக் எல்லாம் பார்த்தால் கிலோ எவ்வளவு என்று தான் கேட்க தோன்றும், அந்த அளவிற்கு பல இடங்களில் லாஜிக் எல்லை மீறல், ஆனால், அதையும் மீறி ஜெனரல் ஆடியன்ஸ் நான் லாஜிக் எல்லாம் பார்க்க மாட்டேன், ஜாலியாக ஒரு படம் பார்க்க வேண்டும் என்றால் ஜாலியாக இருக்கின்றதோ இல்லையோ, ஒரு புது அனுபவத்தை இந்த டிக் டிக் டிக் கொடுக்கும்.

ஹாலிவுட்டில் ரிலிஸான ஆர்மகடான் படத்தின் சாயல் தான் இந்த டிக் டிக் டிக், அதே கதைக்களம் என்றாலும் முடிந்த அளவிற்கு நம்ம ஊர் மக்களுக்கு புரியும் படி சொன்னதற்காகவே சக்தி சௌந்தர்ராஜனை மனம் திறந்து பாராட்டலாம். கொஞ்சம் Now you see me சண்டைக்காட்சியை கூட காப்பி அடித்துள்ளீர்கள் போல?.

வெங்கடேஷின் ஒளிப்பதிவில் நாமே ஸ்பேஸுக்கு சென்ற அனுபவம், டி.இமான் இரண்டாம் பாதியில் மெதுவாக செல்லும் காட்சியை இசையால் தூக்கிப்பிடிக்கின்றார், இவர்களை எல்லாம் விட சிஜி டீம் கண்டிப்பாக பாராட்டியே ஆகவேண்டும், இத்தனை கம்மி பட்ஜெட்டில் இவ்வளவு தரமான காட்சிகளை தந்துள்ளனர்.

க்ளாப்ஸ்

கதைக்களம் தமிழில் இப்படியெல்லாம் படம் வருமா? என்று நினைக்க, அதை கொண்டு வந்த சக்தி சௌந்தராஜனுக்கு பாராட்டுக்கள்.

படத்தின் முதல் பாதி செம்ம வேகமாக செல்கின்றது, எப்போது ஸ்பேஸிற்கு செல்வார்கள் என்ற ஆர்வம் தொற்றிக்கொள்கின்றது.

இரண்டாம் பாதியில் சீனா விண்வெளி வீரர்களிடம் இருந்து அணு ஆயுதத்தை திருடி விட்டு வெளியே விண்வெளியில் ரவி மிதக்கும் காட்சி, ஹாலிவுட் தரம்.

இசை, ஒளிப்பதிவு, சிஜி ஒர்க் என அனைத்தும் திருப்தி.

பல்ப்ஸ்

முன்பே சொன்னது போல் ஏகப்பட்ட லாஜிக் மிஸ்டேக், கொஞ்சம் ரவியை தவிர மற்றவர்களுக்கு வேலை கொடுத்திருக்கலாம்.

ஸ்பேஸிற்குள் கதை நகர்வதால் நமக்கு கொஞ்சம் படம் மெதுவாகவே இரண்டாம் பாதி செல்வது போன்ற உணர்வு.

சீனா விண்வெளி வீரர்களுடன் நடக்கும் விஷயம் இதற்கா இவ்ளோ பில்டப் என தோன்றுகின்றது.

மொத்தத்தில் ஹாலிவுட் படங்கள், லாஜிக் எல்லாம் மறந்து உள்ளே சென்றால் கண்டிப்பாக டிக் டிக் டிக் ஒரு புது அனுபவத்தின் நுழைவு வாயிலாக இருக்கும்

“விவசாயிக்கு ஒண்ணுன்னா என் ஹீமோ குளோபின் ஹீட்டாயிடும். ஹார்மோன் நரம்பு கட் ஆயிடும்” என்று உதடு துடிக்க, தொண்டை புடைக்கச் சொல்கிற நடிகர்களையெல்லாம், “ஓரமா போயி விளையாடு தம்பி” என்று அதே விவசாயிகள் எச்சரிக்க ஆரம்பித்து வெகு நாளாயிற்று. சப்போர்ட் பண்ணுகிறேன் பேர்வழி என்று இவர்கள் பண்ணுகிற கூத்தை ரசிக்க முடியாமல்தான் அப்படி கோபப்பட ஆரம்பித்திருக்கிறார்கள் அவர்கள். அண்மையில் கர்நாடக முதல்வர் குமாரசாமியை சந்தித்து காவேரி நீர் வேண்டி கெஞ்சினார் கமல்.

“உச்ச நீதிமன்றம் சொன்ன தீர்ப்பை செயல்படுத்த சொல்லாமல் இதென்னய்யா புதுக்கூத்து?” என்று கமல்ஹாசனை கண்டித்தார்கள் விவசாய சங்கத்தினர். அவர் பண்ணிய காமெடி அப்படி என்றால், மைக் கிடைத்தால் போதும். விவசாயிகளுக்காக உருகி உருகி வேடிக்கை காட்டி வருகிறார் விஷால். ‘துப்பறிவாளன்’ படக் கலெக்ஷனில் ஒவ்வொரு டிக்கெட்டுக்கும் ஒரு ரூபாய் விவசாயிகளுக்கு தருவேன் என்று அவர் அறிவித்து இத்தனை நாளாச்சு. இன்னும் பத்து பைசா கூட ஒரு விவசாயிக்கும் போகவில்லை.

எந்த விவசாயியும் “எனக்கு டிக்கெட் பணத்துல ஒரு ரூபாய் ஷேர் கொடு” என்று கேட்கவும் இல்லை. அப்படியிருக்க… எதற்கு இந்த வீண் வாக்குறுதி? தமிழ்நாட்டு விவசாயிகளிடம் தப்பான வாக்குறுதி கொடுத்தது போதாது என்று ஆந்திரா பக்கம் போய் அங்கேயும் அதே பார்சலை பிரித்திருக்கிறார் விஷால்.

‘இரும்புத்திரை’ படம் தமிழில் பெரிய ஹிட். அதை ‘அபிமன்யு’ என்ற பெயரில் ஆந்திராவில் வெளியிட்டார்கள். தமிழை விட இருமடங்கு ஹிட். சண்டக்கோழி படத்திற்குப் பின் விஷாலுக்கு மிகப்பெரிய வரவேற்பை கொடுத்திருக்கிறது அபிமன்யு. இந்த சந்தோஷத்தை கொண்டாட, ‘வெற்றிப்பயணம்’ என்ற பெயரில் ஒவ்வொரு மாவட்டமாக சென்று கொண்டாடியிருக்கிறார் விஷால்.

அப்போது கொடுத்த வாக்குறுதிதான் இது. ‘அபிமன்யு’ படத்தின் டிக்கெட் விற்பனை ஒவ்வொன்றிலும் இருந்து ஒரு ரூபாய் விவசாயிகளுக்கு தருவேன் என்று கூறி கைத்தட்டல்களை அள்ளிக் கொண்டிருக்கிறார்.

ஐயோ பாவம்… தமிழ்நாட்டு விவசாயி ஒருவருக்கும் தெலுங்கு தெரியாது போலும். தெரிந்திருந்தால், நம்பாதே நம்பாதே… என்று முதல் குரல் கொடுத்திருப்பார்கள்.

ஷாரிக் ஹாசன் பிரபல நடிகர் ரியாஸ்கானின் மகன். இவர் சமீபத்தில் பிக்பாஸ்-2 வீட்டிற்குள் சென்றுள்ளார், பல பெண்களுக்கு பிடித்த போட்டியாளர் இவர் தான்.

இந்நிலையில் ஷாரிக்கின் அம்மா பிரபல தொகுப்பாளராக இருந்து நடிகையான உமா ரியாஸ் அவர்கள் தான்.

உமாவின் அம்மா யார் தெரியுமா, சம்சாரம் அது மின்சாரம் படத்தில் விசுவின் மனைவியாக நடித்த கமலா தான், மேடைக்கு ஷாரிக் தன் பாட்டியை அழைத்து வந்த போது அவரை யாருக்குமே அடையாளம் தெரியவில்லை.

கமல்ஹாசனும், கௌதமியும் ஒரு சில வருடங்கள் ஒன்றாக வாழ்ந்தனர். ஆனால், என்ன ஆனது என்று தெரியவில்லை, இடையில் இருவரும் பிரிந்துவிட்டனர்.

அதை தொடர்ந்து கௌதமி கமல் எனக்கு சம்பளமே தரவில்லை என்று புகார் அளிக்க, பிரச்சனை பெரிதாகியது.

கமல் அரசியலுக்கு வரும் நேரத்தில் கௌதமி வேண்டுமென்றே இப்படி செய்கின்றார் என்றெல்லாம் கூறப்பட்டது.

இந்நிலையில் கௌதமிக்கு சம்பளம் கொடுக்காதது குறித்து கமலிடம் இன்று கேட்கையில் ‘கௌதமிக்கு சரியாக சம்பளம் கொடுக்கப்பட்டுவிட்டது.

சம்பளம் கொடுக்கவில்லை என்று சொன்னவர், பிறகு நான் சம்பளம் கொடுத்ததை ஏன் வெளியே சொல்லவில்லை’ என்று அதிரடியாக பதில் அளித்தார்.

மத்திய ஆசிரியர் தகுதி தேர்விலிருந்து தமிழ் மொழி நீக்கப்பட்டதாக தகவல் வெளியானது. `இந்தத் தகவல் உண்மையில்லை' என்று மறுத்துள்ளார் மத்திய அமைச்சர் பிரகாஷ் ஜவடேகர்.

மத்திய அரசு நடத்தி வரும் கேந்திரிய வித்யாலயா, நவோதயா உள்ளிட்ட பள்ளிகள் 1-ம் வகுப்பு முதல் 9-ம் வகுப்பு வரை ஆசிரியராகப் பணியாற்ற, மத்திய ஆசிரியர் தகுதி தேர்வில் (சி.டி.இ.டி) தேர்ச்சிபெற வேண்டும். இதைத் தவிர, அரசு உதவிப் பெறும் பள்ளிகள் சைனிக் உள்ளிட்ட பள்ளிகளும் ஆசிரியராகப் பணியாற்ற இந்தத் தேர்வு மதிப்பெண் கணக்கில் எடுத்துக் கொள்ளப்படுகிறது. இத்தேர்வினை, மத்திய இடைநிலை கல்விவாரியம் சி.பி.எஸ்.இ எடுத்து நடத்தி வருகிறது. தாள் 1, தாள் 2 என இரண்டு தாள்களை கொண்ட சி.டி.இ.டி தேர்வில் மொழித் தேர்விலிருந்து தமிழ் மொழி நீக்கப்பட்டதாகத் தகவல் வெளியானது.

தமிழ் மட்டுமல்லாமல், தெலுங்கு, கன்னடம், குஜராத்தி உள்ளிட்ட 17 மொழிகள் நீக்கப்பட்டதாகவும், கடந்த ஆண்டு வரை தமிழ் மொழி உட்பட 20 மொழிகளில் தேர்வு எழுத அனுமதிக்கப்பட்ட நிலையில், இந்த ஆண்டு இந்தி, சமஸ்கிருதம் மற்றும் ஆங்கிலம் ஆகிய மூன்று மொழிகளில் மட்டும் தேர்வு எழுத முடியும் என்று செய்திகள் வெளியாகின. இதனையடுத்து, இந்த ஆண்டு தேர்வு எழுதவிருந்த தேர்வர்கள் கடும் அதிருப்தியடைந்தனர். இத்தேர்வை எழுதும் தமிழக மாணவர்களுக்கு இந்தமுறை அமலுக்கு வந்தால் மிகவும் பின்னடைவாக இருக்கும் எனக் கல்வியாளர்கள் மற்றும் அரசியல் தலைவர்கள் தங்களது கண்டனங்களை தெரிவித்தனர்.

இந்நிலையில், சி.டி.இ.டி தேர்வு குறித்து வெளியான செய்திக்கு விளக்கமளித்துள்ள மத்திய மனிதவள மேம்பாட்டுத் துறை அமைச்சர் பிரகாஷ் ஜவடேகர், `இந்தி சமஸ்கிருதம் மற்றும் ஆங்கிலம் ஆகிய மொழிகளில் மட்டும் தேர்வு எழுத முடியும் என்று வெளியான தகவல் உண்மையில்லை. மத்திய ஆசிரியர் தகுதித் தேர்வில் தமிழ் உள்பட 20 மொழிகளில், தேர்வர்கள் தேர்வு எழுதலாம். 20 மொழிகளில் தேர்வுகளை நடத்த சி.பி.எஸ்.இ-க்கு உத்தரவிட்டுள்ளேன்' என தெரிவித்தார்.