!...Payanam...!

ரஜினி என்றால் உங்கள் நினைவுக்கு உடனே வருவது?  ஸ்டைல்..வேகம்... நடிப்பு... எளிமை... 2.0 ?

இன்னும் நிறைய வரலாம். ஆனால், அதில் நிச்சயம் அவரது மேடைப்பேச்சும் இருக்கும். ரஜினியின் குட்டி கதைகள் அத்தனையும் வைரல் மெட்டீரியல். பெரும்பாலான சமயங்களில் அவர் இருக்கும் சூழலை அழகாய் பிரதிபலிக்கும் அந்தக் கதைகள். ரஜினி பல்வேறு நிகழ்ச்சிகளில் சொன்ன கதைகளில் சில...

1) தவளை கதை.

மொத்தம் மூணு தவளைங்க ஒரு மலைக்கு மேல இருந்த கோயிலுக்கு போக முடிவு பண்ணுச்சாம்.  இருந்ததாம். ஒரு மலைக்கு முன்னால் மூன்றும் ஒன்று கூடியதாம். பாம்பு, மிருகங்கள்னு பல ஆபத்துகள் நிறைந்த மலை அது. அதுவும் இல்லாம, தவளைங்க மலைக்கு மேல போக விடாம சில சக்திகளும் தடுக்க நினைச்சுதாம்.

முதல்ல ஒரு தவளை மேல ஏற போச்சு. பின்னால இருந்து போகாத போகாதன்னு ஒரு குரல். அதையும் கண்டுக்காம மலையேறின தவளைக்கு அடுத்த குரல் கேட்டுச்சு. “உன் பின்னால ஒரு பாம்பு படமெடுக்குது பார்”ன்னு கேட்டதும் தவலை திரும்ப வந்துடுச்சு.

அடுத்து ரெண்டாவது தவளை. அதே குரல், ஆனா தவளை கண்டுக்கல. ஆனாலும் அடுத்தடுத்து ஆபத்துகளை அந்த குரல் சொல்லிட்டே இருந்துச்சு. ஒரு கட்டத்துல அந்த தவளையும் திரும்ப வந்துடுச்சு. இப்போ மூணாவது தவளை ஏறுச்சாம்.

எந்த குரலுக்குமே தவலை ரியாக்ட் பண்ணல. குரலும் நிக்கல. தவளை மலை ஏறிட்டே இருந்துச்சாம். உச்சிக்கு போய் கோயிலுக்குள்ள போய்தான் நின்னுச்சாம். அதை சாதிச்ச தவளைக்கு ஒரே ஒரு வித்தியாசம் தான். காது கேட்காது. எந்த பயமுறுத்தலும் அதோட காதுல விழல. அதோட லட்சியம் மட்டும்தான் மனசுல இருந்துச்சு. அதனாலதான் சாதிக்க முடிஞ்சது.

நாமளும் அப்படித்தான். எடுத்த காரியத்தை மட்டும் மனசுல வசிச்க்கிட்டு, வேண்டாத விஷயங்களை நம்ம காதுல போட்டுக்கவே கூடாது. பயந்தா  ஜெயிக்கிறது எப்படி?

2) ஒட்டக கதை:

  ஒரு அம்மா ஒட்டகமும், அதோட குட்டி ஒட்டகமும் பேசிட்டு இருந்துச்சு. ஒட்டகமா இருந்தாலும் குட்டியாச்சே? அதனால நிறைய கேள்விகள் கேட்டுச்சாம்.

நம்ம காலு மட்டும் ஏன்மா இவ்ளோ நீளமா இருக்கு

அதுவா.. நாம ரொம்ப தூரம் பாலைவனத்துல நடக்கணும்ல. அதனால

நம்ம உதடு ஏன்ம்மா இவ்ளோ கடினம இருக்கு?

அதுவா... நமக்கு கிடைக்கிறதெல்லாம் முள் தாவரங்கள் தான? அது கிழிச்சிட கூடாதுன்னுதான்

நம்ம வயித்துல போய் ஏன்ம்மா தண்ணி பை?

அதுவா...தாகம் எடுத்தா பாலைவனத்துல தண்ணி கிடைக்காது இல்ல.. அதனாலதான்

எல்லாம் சரிம்மா.. அப்பறம் நாம ஏன் சர்க்கஸ்ல இருக்கோம்?

3) சாமியார் கதை

ஒரு ஊருக்கு சாமியார் ஒருவர் வருவதாக இருந்துச்சு. ஊர்ல இருக்கிற எல்லோருக்கும் அந்த தகவல் முன்கூட்டியே சொல்லப்பட்டு இருந்துச்சு. மகக்ளும் ஆர்வமா இருந்தாங்க. ஆனா சாமியார் ஊருக்கு வந்தப்ப செம மழை. வெள்ளம். ஒரேஒருவனை தவிர ஊரில் வேற யாரும் வரவில்லை. சாமியாருக்கு ரொம்ப ஏமாற்றம். வந்த ஒருத்தனை பார்த்து “இன்னொரு நாள் பிரசங்கம் பண்றேன்”ன்னு சொன்னாராம்.

உடனே அவன், “சாமி நான் குதிரை வியாபாரி. என்கிட்ட இருக்கிர எல்லா குதிரையும் மேய போயிடுட், ஒரே ஒரு குதிரை நின்னுச்சுன்னு வச்சுக்கோங்க. அதுக்கும் நான் சாப்பாடு போடுவேன். மத்தது எல்லாம் இல்லைன்னு அத விட்டுட மாட்டேன்”ன்னு சொன்னானாம். சாமியாருக்கு உறுதுச்சு. உடனே அவனுக்கு இம்மை மறுமை, புலன் அடக்கம்னு எல்லா விஷயத்தையும் ஒண்ணு விடாம சொன்னாராம். “இப்ப சந்தோஷமா”ன்னு கேட்டாராம் சாமியாரு. அதுக்கு அவன் “சாமி..மத்த குதிரையெல்லாம் மேய போச்சுன்னு இருக்கிற எல்லா உணவையும் நிக்குற அந்த ஒரு குதிரைக்கு மட்டுமே போட மாட்டேன். அந்த குதிரைக்கு என்ன கொடுக்கணுமோ அத மட்டும்தான் கொடுப்பேன்”ன்னு சொன்னானாம்

4) குதிரை கதை

கோயில் திருவிழா ஒன்று.  மக்கள் பய பக்தியோடு மலை உச்சியில் உள்ள கோவிலுக்கு சென்றுகொண்டிருக்கிறார்கள். கோயில் பிரகாரத்தில் அம்மனுக்கு பூஜைகள் எல்லாம் பண்ணிட்டு இருக்ககாங்க. அந்த அம்மன் சிலையை மலை உச்சிக்கு கொண்டு போகணும். அதுக்காக ஒரு குதிரையை தயார் பண்றாங்க. நல்ல வெள்ளைக்குதிரை. அதை அழகா அலங்காரம் பண்ணி, அது மேல அம்மன் சிலையை வச்சு கொண்டு போறாங்க. இதனால குதிரைக்கு கொஞ்சம் கர்வம் ஏற்படுது. குதிரை மலை உச்சிக்கு போனதும் எல்லோரும் வழிபடுறாங்க. உடனே கர்வம் அதிகம் ஆகுது.. குதிரை நகராம அப்படியே நிக்குது. பூசாரிங்க தட்டிக்கொடுத்து ஓட வைக்கிறாங்க. மெதுவா நகருது. மறுபடியும் மக்கள் வணங்குறாங்க. மறுபடியும் நிக்குது. செல்லப்பேரெல்லாம் சொல்லி நகர்த்த பாக்குறாங்க. இப்படியே போகுது. ஒரு கட்டத்துல எல்லோருக்கும் எரிச்சல் ஆயிடுது. பின்னாடி வந்துட்டு இருந்த இன்னொரு குதிரை மேல அம்மன் சிலையை மாத்தி வச்சு போக அரம்பிச்சிட்டாங்க. இதை நான் ஏன் சொல்றன்னா, மக்கள் மரியாதை தந்தது அம்மனுக்குதான். குதிரைக்கு இல்லை. அந்த விக்ரகம் இருக்கிற வரைதான் குதிரைக்கு மரியாதை. அது மாதிரி ரசிகர்கள் என்னும் அம்மன் சிலை இருக்கிற வரைதான் என்ன மாதிரியான குதிரைகளுக்கும் மரியாதை. ரசிகர்களை என்னிடம் இருந்து பிரிச்சிட்டா குதிரையின் கதிதான் எனக்கும்.

வாட்ஸ்-ஆப் சில தினங்களுக்கு முன்பு வீடியோ காலிங் வசதியை அறிமுகப்படுத்தியது. இதையடுத்து, அந்நிறுவனம், ஷேர்
செய்யப்படும் வீடியோக்களை தரவிறக்கம் செய்யும்போதே ப்ளே செய்து பார்க்கும் வசதியை அறிமுகப்படுத்த உள்ளது. இந்த வசதியின் மூலம், முழு வீடியோவையும் தரவிறக்கும் செய்யும் வரை காத்திருக்காமல் ப்லே செய்து பார்க்க முடியும். இதன் மூலம், தேவை இல்லாத வீடியோக்களை முழுவதுமாக தரவிறக்கம் செய்யாமல் தவிர்க்கும் வாய்ப்பு கிடைக்கும். இந்த வசதியை வாட்ஸ்-ஆப் விரைவில் வெளியிட உள்ளதாக தகவல்கள் கூறுகின்றன.

இதைப்பற்றி நாம் பேசுவதால் என்ன பலன் கிடைக்கும் என தெரியவில்லை. அப்படி நாம் பேசுவதால் பலன் கிடைக்கும் என்றால், பல அடுக்கு கொண்ட மாடி ஒன்றின் மேல் இருந்து நாயை கீழே விட்டெறிந்த சம்பவத்தை பற்றி நாம் பேசிய பேச்சுக்கு, இந்த சம்பவம் நடந்திருக்காது. நடந்திருக்கவும் கூடாது.

நாயை மாடியில் இருந்து தூக்கி எரிந்த மருத்துவ மாணவர்களின் கொடூர செயல் கண்டனத்துக்குள்ளான அதே சூழலில், மருத்துவ மாணவர்களின் மனநிலையும் கேள்விக்குள்ளாக்கப்பட்டது. மற்றவர்களின் துன்பத்தை தன் துன்பமாய் தாங்கி, சேவை மனப்பான்மையுடன் பணியாற்ற வேண்டிய மருத்துவக்கல்லூரி மாணவர்கள் ஏன் இப்படி நடந்து கொள்கிறார்கள்? என்ற கேள்வியை மிக அழுத்தமாய் பதிவு செய்திருந்தது அந்த சம்பவம்.

ஆனால் அதன் மீது எழுப்பப்பட்ட கேள்விகளும், மருத்துவ மாணவர்களின் மனநிலை எப்படி இருக்க வேண்டும் என்ற தலைப்பில் நடந்த விவாதமும் எந்த பலனையும் அளிக்கவில்லை என்பதை இன்னொரு சம்பவம் மூலம் உணர்த்தி இருக்கிறார்கள் மருத்துவ மாணவர்கள். இம்முறை வேலூர் சி.எம்.சி. மருத்துவக்கல்லூரி மாணவர்கள் இந்த கொடூரத்தை நிகழ்த்தி இருக்கிறார்கள். ஒரு குரங்கை மிக மோசமாக துன்புறுத்தி கொன்று புதைத்தது தான், அந்த மாணவர்கள் செய்த கொடுஞ்செயல்.

பதற வைத்த இரு நிகழ்வுகள் !

இந்த வாரம் தமிழகத்தில் நடந்த இரு வேறு சம்பவங்கள் பெரும் அதிர்வலைகளை உருவாக்கியது. ஒன்று மனிதாபிமானத்தின் முகமாகவும், குரலாகவும் இருந்து மருத்துவத்தில் மகத்தான சேவை புரிந்த 20 ரூபாய் டாக்டரின் மரணம். இன்னுமொரு செய்தியும் மருத்துவத்துறை சார்ந்தது தான்.

நாளைய மருத்துவர்களான, மருத்துவ மாணவர்கள் 4 பேர் ஒன்று கூடி, அறை பகுதியில் சுற்றித்திரிந்த குரங்கை தங்களது படுக்கை விரிப்பை பயன்படுத்தி பிடித்து, அதன் கை, கால்களை கட்டி, தங்கள் அறையில் இருந்த கம்பு, பெல்ட் ஆகியவற்றால் அடித்து துன்புறுத்தியுள்ளனர். உச்சமாக ஒரு கம்பி ஒன்றை எடுத்து குரங்கின் ஆசன வாயில் விட்டு கொடூர தாக்குதலை நடத்தியுள்ளனர். இதில் துடிதுடித்து இறந்தது அந்த பெண் குரங்கு. அதை விடுதி வளாகத்திலேயே புதைத்துள்ளனர்.

இரு நிகழ்வுகளும் பதற வைத்தன. முதல் நிகழ்வு இப்படியான மருத்துவரை இழந்து விட்டோமே என்ற பதற்றத்தையும், அடுத்த சம்பவம் உயிரை காக்க வேண்டிய மருத்துவ மாணவர்கள் இப்படி கொடுமைப்படுத்தியா குரங்கை கொல்வார்கள் என பதற வைத்தது.

நம்மால் நம்ப முடியாத மருத்துவர் இவர்...

முதல் சம்பவம் மருத்துவம் மற்றும் மருத்துவர்களின் மாண்பை போற்றும் ஒரு உணர்ச்சிகரமான நிகழ்வு. இப்படித்தான் மருத்துவர்கள் இருக்க வேண்டும் என தமிழக மக்களால் விரும்பப்பட்ட நிகழ்வு அது. நம்மால் நம்ப முடியாத சேவை தான் 20 ரூபாய் டாக்டர் என மக்களால் பாசமாக அழைக்கப்பட்ட மருத்துவர் சுப்பிரமணியத்தின் வாழ்க்கை முறை. அரசு மருத்துவராக இருந்த சுப்பிரமணியன், முதலில் கிளினிக் ஒன்றை ஆரம்பித்தது ஏழை, எளிய மக்களுக்கு உதவுவதற்காகத்தான்.

முதலில் மருத்துவ ஆலோசனைக்கு இவர் பெற்ற கட்டணம் வெறும் 2 ரூபாய். பணமில்லா ஏழை மக்களிடம் ஆலோசனைக்கும், சிகிச்சைக்கும் இவர் பணமேதும் பெற்றுக்கொண்டதில்லை. 10க்கு 10 அடி அறையில் தான் இவரது கிளினிக் இயங்கியது. பணமுள்ளவர்களிடம் கூட அந்த சொற்ப தொகையை தாண்டி இவர் பெற்றதில்லை. இதற்கான பதில் "அதிகமா பணத்தை வாங்கி நான் என்னப்பண்ண போறேன். கிளினிக் வாடகைக்கு பணம் இருந்தா போதும்' என்பதாகத்தான் இருந்தது. முதியோர், ஏழை குழந்தைகளிடமும் இவர் கட்டணமாக எதையும் பெற்றதில்லை. கடைசியாக சிகிச்சைக்காக இவர் பெற்ற தொகை 20 ரூபாய். அதுவும் பணமுள்ளவர்களிடம் மட்டும் தான்.

மருத்துவத்தின் மகத்துவத்தை உலகறியச்செய்தவர் !

இவர் சில தினங்களுக்கு முன்னர் மாரடைப்பால் மரணித்தார். கோவை முழுக்க பெரும் சோகத்தை ஏற்படுத்தியிருந்தது இந்த நிகழ்வு. கோவையில் ஒரு அரசியல் கட்சித்தலைவரோ, பெரும் பணம் படைத்த ஒரு தொழிலதிபரோ மரணித்திருந்தால் கூட இத்தனை கண்ணீர் அஞ்சலி போஸ்டர்கள் ஒட்டப்பட்டிருக்குமா என்பது தெரியவில்லை.

மருத்துவர் சுப்பிரமணியனின் இறுதி ஊர்வலத்தில் பங்கேற்றவர்கள் மட்டும் ஆயிரக்கணக்கான மக்கள். இவர்களில் மிக பெரும்பாலானோர் அவரின் மருத்துவ சேவையால் பயனடைந்தவர்கள். இறுதி ஊர்வல ரதத்தை அலங்கரித்து, இறுதி ஊர்வலத்தை நடத்தியதே அவரால் பயன்பெற்ற மக்கள் தான். தங்கள் வீட்டில் இருந்த ஒருவர் இறந்ததைப்போலத்தான் பதபதைத்து போனார்கள். தங்கள் குழந்தைகளை அழைத்து வந்து மருத்துவர் சுப்பிரமணியனின் கால்களை தொட்டு வணங்கச் செய்தார்கள். இந்த காட்சிகள் எல்லாம் உணர்ச்சிகாரமானவை.

சொல்லப்போனால் மருத்துவத்தின் மகத்துவத்தை உலகறியச் செய்தவை. கோவை தான் தமிழகத்தின் மருத்துவத்துறையின் மையம். ஆனால் பல மாடியில் மருத்துவமனை கட்டி மருத்துவம் பார்க்கும் மருத்துவர்கள் யாருக்கும் இப்படி ஒரு நற்பெயர் பெற்றதாய் தெரியவில்லை. சொல்லப்போனால், மருத்துவர்கள் பலருக்கே மருத்துவத்தின் மாண்பை உணர்த்தி சென்றிருக்கிறார் மருத்துவர் சுப்பிரமணியன்.

குரங்கின் துன்பத்தில் இன்பம் தேடினார்களா?

இதற்கு நேர் எதிரான சம்பவம் தான் வேலூரில் நடந்திருக்கிறது. மருத்துவ மாணவர்கள் அவர்கள். நாளைய மருத்துவர்கள். இன்னும் ஓரிரு ஆண்டுகளில் மருத்துவர்களாக தங்கள் பணியை தொடங்கப்போகும் மாணவர்கள். பிறரின் பிணியை தன் பிணியாக தாங்கி, அதில் இருந்து அவர்களை விடுவிக்கும் ஆற்றல் படைத்தவர்கள். இன்னலோடு வருபவர்களிடம் இனிமையை சேர்க்கும் வித்தை அறிந்தவர்கள். மருத்துவத்தின் மாண்பு என்பதே மக்களுக்கு சேவை ஆற்றுவது தான் என்பதை அறிந்திருக்க வேண்டியவர்கள்.

ஆனால் ஒரு விலங்கின் துன்பத்தில் இன்பம் காண்பவர்களாக இவர்கள் இருப்பது தான் கொடுமை. ஐந்தறிவு கொண்ட ஒரு வனவிலங்கு அந்த பெண் குரங்கு. மாணவர்கள் இருக்கும் விடுதி பகுதிக்குள் நுழைய இப்படி ஒரு கொடூரத்தை நிகழ்த்தி இருக்கிறார்கள். இதை யாருமே செய்திருக்கக் கூடாது. மருத்துவ மாணவர்கள் கட்டாயம் இதை செய்திருக்கவே கூடாது. ஆனால் மருத்துவ மாணவர்களால் தான் இந்த கொடூரம் அரங்கேற்றப்பட்டிருக்கிறது.

மருத்துவம் என்பது வெறும் தொழில் அல்ல...

ஒரு உயிரின் மதிப்பு, உடல் ரீதியிலான துன்பம் தரும் வேதனை, இவை எல்லாம் அறிந்தவர்களான மருத்துவர்கள். ஒரு குரங்கை மிக மோசமாய் துன்புறுத்தி, கொன்று புதைத்திருப்பது நிச்சயம் அதிர்ச்சியளிக்கும் செய்தி தான். மருத்துவ மாணவர்கள் பலர் திரண்டிருக்கவே... இந்த சம்பவம் நடந்திருக்கிறது. இதை யாரும் தடுக்க முற்படவில்லை. உடலில் காயங்களோடு வந்தால் சிகிச்சை தந்து காப்பாற்ற வேண்டிய மருத்துவர்கள், உடலில் காயத்தை ஏற்படுத்தி கொடூரமாய் கொன்று புதைத்திருப்பது தான் வேதனை.

மருத்துவம் தான் உங்களை மிகப்பெரிய கொடையாளர்கள் ஆக்குகிறது. மருத்துவராகி பிற உயிர்களை காத்தல் என்பது தான் எத்தனை ஆண்டுகளானாலும்  நீங்கள் பெற முடியாத நற்பெயரை உங்களுக்கு பெற்றுத்தருகிறது.

மருத்துவர்கள் எப்படி இருக்க வேண்டும் என்பதை விதைத்துச் சென்றிருக்கிறார் மருத்துவர் சுப்பிரமணியன். மருத்துவர்கள் எப்படியெல்லாம் இருக்க கூடாது என்பதை தங்கள் செயல் மூலம் செய்து காட்டி இருக்கிறார்கள் இந்த மருத்துவக்கல்லூரி மாணவர்கள். இரு நிகழ்வுகளும் உணர்த்துவது ஒன்றை தான்.

மருத்துவம் என்பது வெறும் தொழில் அல்ல. அது அளவில்லா மாண்பை, மரியாதையை, நற்பெயரை பெற்றுத்தரும் ஒரு சேவை.

ஜீவா-காஜல் அகர்வால் இருவருமே தற்போது ஹிட் கொடுத்தே ஆகவேண்டும் என்ற கட்டாயத்தில் உள்ளார்கள். இந்நிலையில் யாருமிக்க பயமே படத்தை இயக்கிய டிகே இயக்கத்தில் இன்று உலகம் முழுவதும் வெளிவந்துள்ள படம் கவலை வேண்டாம். இப்படம் ஜீவா-காஜலுக்கு ஹிட் கொடுத்ததா, பார்ப்போம்.
கதைக்களம்

படத்தின் ஆரம்பத்திலேயே ஜீவா-காஜல் ப்ரேக் அப்புடன் தொடங்குகின்றது. ஜீவா சொந்த ஊரில் இதையெல்லாம் மறந்து நண்பர்களுடன் ஜாலியாக இருக்கின்றார்.

காஜல் தன் ஸ்டேட்டஸுக்கு ஏற்ற மாப்பிள்ளையாக பாபி சிம்ஹாவை தேர்ந்தெடுக்கின்றார், அதற்காக ஜீவாவிடம் விவாகரத்து வாங்க செல்கின்றார்.

நண்பர்கள் கொடுக்கும் யோசனையால் ஜீவா ஒரு வாரம் என்னுடன் மனைவியாக சேர்ந்து வாழ் என்று சொல்ல, அதன் பிறகு காஜல் எடுக்கும் முடிவு என்ன? என்பதே இந்த கவலை வேண்டாம்.
படத்தை பற்றிய அலசல்

ஜீவா இது தான் நம்ம ரூட்டுன்னு பல வருஷம் கழிச்சு பிடிச்சிருக்கிறார். பெரும்பாலும் என்றென்றும் புன்னகை சாயல் நிறையவே தெரிகின்றது, என்ன சந்தானம் மட்டுமே மிஸ்.

காஜல் முதன் முதலாக படம் முழுவதும் ‘நடித்துள்ளார்’. ஆம், வெறும் பாட்டு மட்டுமில்லாமல் தன் குண்டு கண்களை உருட்டி ரசிகர்களை கவர்ந்து செல்கின்றார்.

பாலாஜி போன வாரம் என்ன பார்த்தோம், கடவுள் இருக்கான் குமாரு, அந்த வசனத்தின் அப்கிரேட் தான் இந்த கவலை வேண்டாம். சந்தானத்தை மிஸ் செய்கின்றோமோ என தோன்ற வைக்கின்றது.

படம் அடல்ட் ஒன்லீ என கூறிவிடலாம், ஏனெனில் பல இடத்தில் கத்திரி விழுந்துள்ளது. அதிலும் போலிஸ் ஸ்டேஷனில் செய்யும் அட்டகாசம் சிரிப்பு கேரண்டி.

படத்தின் ஒளிப்பதிவு ஏதோ பாலிவுட் படம் போல் உள்ளது. கலர்புல்லாக இருக்க, அனைவரும் அழகாகவும் நடித்துள்ளனர், லியோன் ஜேம்ஸ் இசையும் ரசிக்க வைக்கின்றது.
க்ளாப்ஸ்

ஜீவா-காஜலின் கலர்புல் ஜோடி.

மயில்சாமி எல்லாம் நிறைய கதாபாத்திரம் கொடுங்கப்பா..என்று கூறும் அளவிற்கு கலக்கியுள்ளார்.

படத்தின் முதல் பாதி, ஒளிப்பதிவு, இசை.
பல்ப்ஸ்

கொஞ்சம் இரண்டாம் பாதி மெதுவாக நகர்வது போல் பீலிங்.

பாபி சிம்ஹா உங்களுக்கு என்ன தான் ஆச்சு?

மொத்தத்தில் எந்த ஒரு லாஜிக்கும் பார்க்காமல் ஒரு முறை கவலையை மறந்து ஜாலியாக சென்று வரலாம்

இன்றைக்கு சர்ச்சையானாலும் எந்த சலசலப்பானாலும் அது சினிமா சினிமா சினிமா...தமிழுலகின் சகல உணர்ச்சிகளும் சினிமாவாகவே மக்களுக்கு உள்ளது. பல பத்து ஆண்டுகளுக்கு முன் அந்த இடத்தை இசையுலகம் பற்றியிருந்தது. ஆம் இசையுலகில் ஆரோக்கியமான சர்ச்சைகளும் சலசலப்புகளும் எழுந்து
இசையுலகத்துக்கு அது புது ரத்தம் பாய்ச்சிய நாட்கள் அவை. இந்த சர்ச்சை வளையத்துக்குள் சிக்காத இசைமேதைகள் கிடையாது. எரியும் நெருப்பில் சுப்புடு என்ற மனிதர் வேறு எண்ணெய் ஊற்றிக்கொண்டிருந்தது தனிக்கதை.

70 களில் கர்நாடக இசையுலகில் குறிப்பிடத்தக்க வளர்ச்சியடைந்துவந்த இளைஞரான மறைந்த பாலமுரளி கிருஷ்ணாவும் 70 களின் இறுதியில் அப்படி ஓர் சர்ச்சைக்குள் சிக்கினார்.  கிட்டதட்ட ஒரு வருடங்கள் அது இசையுலகில் கொழுந்துவிட்டு எரிந்தது அந்த விவகாரம். பரபரப்பான அந்த சர்ச்சைக்கு வித்திட்டது அன்றைய முதல்வர் எம்.ஜி.ஆரின் அறிவிப்பு

ஆம் 1978-ம் ஆண்டு அன்றைய முதல்வர் எம்.ஜி.ஆர் ஓர் அறிவிப்பை வெளியிட்டார். 'பாரம்பரியம் குன்றாமல் புதிய தமிழ்ப்பாடல்கள் மற்றும் தமிழ்க்  கலாசாரத்தின் ஜீவன் சிதையாமல் கர்த்தா மற்றும் ஜன்யத்தின் வழியில் புதிய ராகங்களை கண்டுபிடிப்பவர்களுக்கு ஐயாயிரம் ரூபாய் பரிசும் தமிழக அரசின் விருதும் வழங்கப்படும்' என்பதுதான் அந்த அறிவிப்பு. இதற்காக இசைக்கலைஞர் செம்மங்குடி சீனிவாசன் தலைமையில் ஓர் குழுவும் அமைக்கப்பட்டது.

அறிவிப்பு வெளியான சில மாதங்களுக்குப்பின் டிசம்பர் மாதம் 21 ந்தேதி மியூசிக் அகாடமியில் நடந்த ஒரு விழாவில் முதல்வர் எம்.ஜி.ஆர் கலந்துகொண்டார். விழாவில் தலைமை ஏற்றிருந்த பாரமுரளி கிருஷ்ணா பெரும் குற்றச்சாட்டை எம்.ஜி.ஆர் அமர்ந்திருந்த மேடையில் துணிச்சலாக முன்வைத்தார். அதாவது தான் பல புதிய ராகங்களை கண்டுபிடித்திருப்பதாகவும் ஆனால் தமிழக அரசின் விருதுக்குழு தன்னை புறக்கணித்துவிட்டதாகவும் முதல்வர் அதை பரிசீலிக்க வேண்டும் என அவர் தெரிவித்தார். பரபரப்பை ஏற்படுத்திய இந்த பேச்சுக்கு அவர் ஆதாரமாக  மியூசிக் அகாடமி அந்த வருடம் வெளியிட்டிருந்த ஆண்டுமலரை குறிப்பிட்டார்.

மியூசிக் அகாடமி ஆண்டுதோறும் ஆண்டு மலர் வெளியிடுவது வழக்கம். அந்த வருடத்தில் அகாடமியினால் சங்கீத கலாநிதி விருதை வளர்ந்து வரும் இசைக்கலைஞர் பாலமுரளிகிருஷ்ணா பெற்றிருந்தார். இதனால் ஆண்டு மலரில் அவரைப்பற்றிய கட்டுரை இடம்பெற்றிருந்தது. அதில்  'மஹதி, சுமுகம், சர்வஸ்ரீ, ஓம்காரி போன்ற புதியராகங்களையும், ஹம்சவிநோதினி, ரேவதி, ரோஹினி, பிரதிமத்யமாவதி போன்ற சில ராகங்களையும் கண்டறிந்தவர் என பாலமுரளி பற்றிய அறிமுக குறிப்பு வெளியிட்டிருந்தது அகாடமி. இதை ஆதாரமாகக் கொண்டே பாலமுரளி எம்.ஜி.ஆர் முன் தைரியமாக பேசினார்

பாலமுரளியின் கோரிக்கையை எம்.ஜி.ஆர் விருதுக்குழுவுக்கு பரிசீலிக்கச் சொன்ன சில நாட்களில் பிரபல வீணை வித்வானும் 'அந்தநாள்' 'பொம்மை' போன்ற மறக்கமுடியாத படங்களை தமிழ்த்திரையுலகுக்குத் தந்தவருமான வீணை பாலசந்தரிடமிருந்து பலத்த கண்டனம் எழுந்தது. பாலமுரளி கிருஷ்ணா குறிப்பிட்டிருந்த ராகங்கள் ஏற்கெனவே கண்டறியப்பட்டவை என அவர் கொதித்தார். இதுகுறித்து மியூசிக் அகாடமிக்கு காட்டமான கடிதம் ஒன்றை எழுதிய பாலசந்தர் அதற்கான ஆதாரங்களையும் விரிவாக அதில் இணைத்திருந்தார். மியூசிக் அகாடமியின் பொறுப்பற்ற செயல் என இதனைக் கண்டித்திருந்தார்.இசையுலகில் பரபரப்பு தொற்றிக்கொண்டது. தமிழக அரசு இதை ஒதுங்கி வேடிக்கை பார்க்க, இசையுலகம் பாலசந்தர் மற்றும் பாலமுரளிக்கு ஆதரவு மற்றும் எதிர்ப்பு என இரண்டு அணிகளாக பிரிந்து நின்றன.

சினிமா உலகில் தனக்கென ஒரு பாணியைக் கொண்டு வெற்றிகரமானவராக இருந்த பாலசந்தர், சினிமாவை ஒரேநாள் இரவில் கைகழுவிட்டு இசையுலகுக்குத் திரும்பியவர். தன் மனதுக்கு  படுவதை யாருக்காகவும் பயந்து ஒதுங்காமல் வெளிப்படையாக கருத்து தெரிவித்து வந்தார். நியாயம் என்றால் யாருக்காகவும் நெகிழாத சுபாவமுடையவர். இசையுலகில் ஓர் கலகக்காரர் என்ற பெயர் அவருக்குண்டு.

“ஏற்கெனவே புழக்கத்தில் உள்ள ராகங்களை தான் கண்டுபிடித்ததாக அகாடமியை ஏமாற்றியிருக்கிறார், அப்படி அகாடமி வெளியிட்ட மலரில் அது அச்சானதும் அதை ஆதாரமாக வைத்து அரசையும் ஏமாற்றி விருது பெறுவதுதான் அவரது நோக்கம்” என வரிந்துகட்டினார் பாலசந்தர்.

பாலமுரளியின் நட்பை இழக்க விரும்பாத பலர் 'ஏன் இவருக்கு இந்த வேலை என அறிவுரைகளை பாலசந்தருக்கு வழங்கினர். ஆனால் கொஞ்சமும் பின்வாங்கவில்லை பாலசந்தர். அப்போது வளர்ந்துவந்த கலைஞரான பாலமுரளிகிருஷ்ணாவுக்கு சில மூத்த கலைஞர்களின் ஆதரவு இருந்தது. சொற்போர் பத்திரிகைகள் வாயிலாக வெளிப்படையான யுத்தமானது.  அவை பல தலைப்புகளில் இதை பரபரப்பாக எழுதி தீர்த்தன. பாலசந்தரின் குற்றச்சாட்டின் மீது கருத்து கேட்டு மியூசிக் அகாடமி பாலமுரளிக்கு கடிதம் எழுத. “இசை குறித்த முறையான ஞானம் இல்லாத பாலசந்தர் தப்பும் தவறுமாக இப்படி குற்றஞ்சாட்டுவது வெட்கக்கேடானது. ராகத்தும் ஆரோக அவரோகணத்துக்கும் வித்தியாசம் தெரியாத பாலசந்தர் தன்னை இசைக்கலைஞர் என்று கூறிக்கொள்வது வெட்கக்கேடானது” என கொதித்து அதற்கு பதில் எழுதினார் பாலமுரளி கிருஷ்ணா.

தன் தரப்பு விளக்கங்களையும் அவர் தேவைப்பட்ட இடங்களில் விவரித்ததோடு “என் புதிய ராக கண்டுபிடிப்புகள் பற்றி பாலசந்தர் முன் விவாதிப்பது என் நேர்மைக்கு குறைவானதாக நினைக்கிறேன். தேவைப்படும்போது என் ரசிகர்கள் முன் அதை விவரிப்பேன்” என கறார் முகம் காட்டியிருந்தார் கடிதத்தில். தனக்கு உண்டான ஆத்திரத்தில் பாலசந்தரை கடுமையான வார்த்தைகளாலும் அவர் அர்ச்சித்திருந்தார். இரண்டு மேதைகள் முட்டிக்கொண்டு நிற்பதை கண்டு இசையுலகம் கவலைப்பட்டது.  பத்திரிகைகளுக்கு பரபரப்பு தீனியானது இந்த விவகாரம். ஒரு கட்டத்தில் தன் கருத்துகளை துண்டறிக்கையாக வெளியிடும் நிலைக்கு போனார் பாலசந்தர்.

பாலமுரளியின் வார்த்தைகளால் காயமடைந்த பாலசந்தர் முன்னைவிடவும் அதிகமாக சீற ஆரம்பித்தார். அந்நாட்களில் காலையில் துாங்கி எழுந்து பார்த்தால் பாலசந்தர் வீட்டு வாசலில் பத்திரிகையாளர்கள் அவரது அன்றைய பரபரப்பு பேட்டிக்காக காத்திருப்பார்கள். அப்படி ஓர் நிலை உண்டானது.

அமைதி காக்கச்சொல்லி இரு தரப்பிலும்  நெருங்கிய நண்பர்கள் சொல்லியும் அவர்கள் காது கொடுக்கவில்லை நண்பர்களுக்கு. ஒரு கட்டத்தில் பாலசந்தர் இதுகுறித்து நிபுணத்துவம் பெற்ற குழுவினரால் விசாரணை செய்யப்படவேண்டும் என வலியுறுத்தினார். ஆச்சர்யமாக கடந்த பல ஆண்டுகளாக அவருடன் சண்டையிட்டுக்கொண்டிருந்த சுப்புடுவும் பாலசந்தருக்கு ஆதரவாக களத்தில் நிற்க இன்னும் பரபரப்பானது இசையுலகம். இன்னும் சில வேத விற்பன்னர்களும் பாலசந்தருக்கு ஆதரவாக நின்றார்கள். ஆனால் சரிபாதிபேர் பாலசந்தரின் கருத்துக்கு ஆதரவு தந்தாலும் அவர் அதை வெளிப்படுத்தும் விதத்தை கண்டித்தார்கள். இந்த விவகாரம் மியூசிக் அகாடமியின் உறுப்பினர்களிடையேயும் பிளவை ஏற்படுத்தியிருந்தது.

'நல்ல சாரீரமும் அதீத இசைமேதைமையும் கொண்டவர்தான் பாலமுரளி. என்றாலும் அதற்காக அவரது அத்துமீறலை அனுமதிக்கமுடியாது. இசை என்பது ஒருவருடைய தனிப்பட்ட கருத்துகளால் சிறைபிடிக்கப்பட்டுவிடக்கூடாது' என இசையுலகம் தொடர்பான இதழ் ஒன்று கட்டுரை வெளியிட்டிருந்தது. தொடர்ந்த இந்த சர்ச்சைகளுக்குப்பின் ஒரே தீர்வாக இந்த பிரச்னையை ஆய்வதற்கு குழு ஓன்று அமைக்கப்பட்டது.

“ஓர் இசைக்கலைஞர் ஓர் ராகத்தை கண்டுபிடிக்கிறார் என்று சொல்ல முடியாது. புதிய ராகத்தை அவர் கண்டறிகிறார் என்று சொல்லலாம். சாகித்தியக்கர்த்தாக்களின்  உள்ளுக்குள் புதைந்திருக்கும் மனநிலையை அழகுபட வெளிப்படுத்துவது ராகம் என்று சொல்லலாம். அலங்காரம் செய்யப்பட்ட ஸ்வரங்கள் ஆரோகண - அவரோகணத்தில்  அதிர்ந்து அசைந்து  கமகங்கள் நுட்பமான சுருதிகள் சஞ்சாரங்கள் விசேஷ  பிரயோகங்கள் முலமாகவும் ஸ்வரங்களின்  அசைவுகள் மூலமாகவும் உயிர்பெறுகிறது. பாடலாசிரியரின் திறமையால் அது ராகமாகிறது. ஆகவே ராகத்தை படைப்பவர் அவர். அதன் ஆரோகண அவரோகணத்தை தான் படைக்கும் பாடல் மூலம் ராகமாக முன்வைக்கிறார். அந்த வகையில் குறிப்பிட்ட ஆரோகண அவரோகணத்தில் ஒரு பாடலை இயற்றும் முதல் நபராக அந்த பாடகர் ஆகிறார்” என தன் தரப்பு விளக்கத்தை இறுதியாக மியூசிக் அகாடமிக்கு தான் எழுதிய கடிதத்தில் தெளிவாக குறிப்பிட்டார் பாலமுரளி. 7 மாதங்களுக்குப்பின் இந்த நீண்ட போர் முடிவுக்கு வந்தது

ஆம், 1979 ஏப்ரல் மாதத்தில் இறுதிவாரத்தில் மியூசிக் அகாடமியினால் நியமிக்கப்பட்ட 60 தேர்ந்த இசை மேதைகள் அடங்கிய நிபுணர்கள் குழு தன் தீர்ப்பை தந்தது. “ஏற்கெனவே புழக்கத்தில் உள்ள ஒரு ராகத்தை ஒரு பாடகர் புதிய வடிவம் கொடுத்தால் அதற்கு அபூர்வ ராகம் என்று சொல்லலாம். முன்பே அது படைக்கப்பட்டிருப்பதனால் அதை பிரபலப்படுத்தும் உரிமையை வேண்டுமானால் பாடகர் எடுத்துக்கொள்ளலாம். ஆனால் கண்டுபிடித்ததாக உரிமை கொண்டாட முடியாது” என பாலமுரளிக்கு எதிராக தீர்ப்பை எழுதியது நிபுணர்கள் குழு. இந்த தீர்ப்பை பக்கம் பக்கமாக பத்திரிகைகள் விமர்சனம் செய்திருந்தாலும், பாலமுரளியின் மேதமையை யாரும் குற்றம் குறை சொல்லவில்லை. பாலமுரளியின் திறமையை புகழ்ந்து எழுதின பத்திரிகைகள்.

இந்த சர்ச்சையினால் கசப்படைந்த பாலமுரளி தனக்கு எதிராக பேசிய, அவதுாறுகளை பரப்பியதாக செம்மங்குடி மீது வழக்குதொடர்ந்தார் என்பதும் தனிக்கதை. கிட்டதட்ட 4 வருடங்களுக்குப்பின் இந்த வழக்கு முடிவுக்கு வந்தது. ஆனாலும் இசைமேதைகளுடனான அவரது பிணக்கு அப்படியே தொடர்ந்தது. இறுதிவரை பாலசந்தருடன் அவர் நட்பு பாராட்டவில்லை. ஆனால் செம்மங்குடியிடம் அவர் இணக்கம் காட்டினார். அவரது கச்சேரி ஒன்றில் வயலின் வாசித்து மீண்டும் இணக்கமானார்கள் இருவரும்.

இந்த சர்ச்சைகளினால் தன் இசைமேதைமையை கொஞ்சமும் இழக்காமல் இன்னும் அதிவேகமாக தன் இசைப்பயணத்தை தொடர்ந்தார் பாலமுரளி.

நீண்டகாலமாகவே பேராசிரியர் பணிக்குத் திரும்ப வேண்டும் என உறுதியாக இருந்த முன்னாள் பிரதமர் மன்மோகன் சிங், பஞ்சாப் பல்கலைக்கழகத்தின் பேராசிரியராக பணிபுரிய இருக்கிறார். " மாநிலங்களவை எம்.பியாக இருப்பதால், ஒப்புதலுக்காக மத்திய அரசிடம் விண்ணப்பித்தார். அவரது வேண்டுகோள்
ஏற்கப்பட்டுவிட்டது" என்கின்றனர் காங்கிரஸ் கட்சி வட்டாரத்தில்.

காங்கிரஸ் அரசில் பத்தாண்டு காலம் பிரதமராக கோலோச்சிய டாக்டர் மன்மோகன் சிங், சிறந்த பொருளாதார அறிஞராகப் பார்க்கப்பட்டவர். 1971-ம் ஆண்டு மத்திய வர்த்தக அமைச்சகத்தின் பொருளாதார ஆலோசகராக நியமிக்கப்பட்டார். இதனைத் தொடர்ந்து அடுத்தாண்டே நிதித்துறை தலைமை பொருளாதார ஆலோசகராகப் பதவி உயர்த்தப்பட்டார். நிதி அமைச்சக செயலாளர், திட்டக் குழுவின் துணைத் தலைவர், இந்திய ரிசர்வ் வங்கியின் கவர்னர், பிரதமரின் ஆலோசகர், பல்கலைக்கழக மானியக் குழுவின் தலைவர் என அவர் வகிக்காத பதவிகளே இல்லை. பிரதமர் நரசிம்மராவ் காலத்தில், மத்திய நிதியமைச்சராகப் பதவி வகித்தார். சிறந்த சிந்தனையாளராகவும் எளிதில் யாரும் அணுகக் கூடிய வகையில் அவரது நடவடிக்கைகள் இருந்தன. 'அவரது மென்மையான சுபாவமே அவருக்கான பதவிகளைக் கொண்டு வந்து சேர்த்தது' எனவும் காங்கிரஸ் தொண்டர்கள் கருதுகின்றனர். ஆட்சி அதிகாரத்தில் 35 ஆண்டுகாலம் இருந்தாலும், அவர் நேசித்த பஞ்சாப் பல்கலைக்கழகத்தின் மீது தீராத காதல் கொண்டிருந்தார்.

"1948-ம் ஆண்டு பஞ்சாப் பல்கலைக்கழகத்தில்தான் மெட்ரிகுலேசன் தேர்வுகளை முடித்தார் மன்மோகன். பொருளாதாரத்துறையில் 1957-ம் ஆண்டு முதல் ஏறத்தாழ எட்டு ஆண்டுகள் பஞ்சாப் பல்கலைக்கழகத்தின் வாசிப்பாளர், மூத்த பேராசிரியர் உள்பட சில பதவிகளை வகித்தார். அவருடைய பொருளாதார அறிவுக்கான தேடல்கள் அனைத்தும், பஞ்சாப் பல்கலைக்கழகத்திலேயே கிடைத்தது" என நெகிழ்ச்சியோடு விவரித்தார் காங்கிரஸ் கட்சி நிர்வாகி ஒருவர், தொடர்ந்து நம்மிடம், " பிரதமர் பதவிக்காலம் முடிந்த பிறகு, 'பஞ்சாப் பல்கலைக்கழகத்தில் ஆசிரியராக பணிபுரிய வேண்டும்' என விரும்பினார். இதற்கு காங்கிரஸ் மேலிடமும் ஒப்புதல் அளித்தது. 2014-ம் ஆண்டு நாடாளுமன்றத் தேர்தலில் காங்கிரஸ் கட்சி படுதோல்வியை சந்தித்தது. இதன்பிறகும், அஸ்ஸாம் மாநிலத்தில் இருந்து மாநிலங்களவை உறுப்பினர் பதவிக்கு மன்மோகன் சிங்கைப் பரிந்துரைத்தார் சோனியா.

காங்கிரஸ் தலைமை வைத்திருந்த நம்பிக்கைக்காக, அந்தப் பதவியை ஏற்றுக் கொண்டார். இந்நிலையில் பஞ்சாப் பல்கலைக்கழகத்தில் கெளரவப் பேராசிரியராகப் பணியாற்ற வருமாறு மன்மோகன் சிங்குக்கு அழைப்பு வந்தது. ஆனால், எம்.பி, எம்.எல்.ஏக்கள் ஆதாயம் தரும் பதவிகளில் இருக்கக் கூடாது என அரசியல் சாசனச் சட்டம் கூறுவதால், 'கெளரவப் பேராசிரியர் பொறுப்பை ஏற்பதன் மூலம் ஆதாயம் தரும் பதவி வகிப்பதாக குற்றச்சாட்டு வருமா' என மாநிலங்களவைத் தலைவருக்குக் கடிதம் எழுதினார். கடந்த ஜூலை மாதம் அனுப்பப்பட்ட கடிதத்தை, நாடாளுமன்ற நிலைக்குழு கூடி விவாதித்தது. ஒருகட்டத்தில், 'இந்தப் பதவியை ஆதாயம் தரும் பதவியாகப் பார்க்க முடியாது. மன்மோகன் சிங் தாராளமாகப் பணிபுரியலாம்' என மத்திய அரசு ஒப்புதல் அளித்துள்ளது. அரசின் உத்தரவால் மிகுந்த மகிழ்ச்சியோடு இருக்கிறார் மன்மோகன் சிங்" என விவரித்தார் அவர்.

"பஞ்சாப் பல்கலைக்கழகத்தில் பொருளாதாரம் தொடர்பான கருத்தரங்குகளில் மன்மோகன் பங்கேற்பார். ஆசிரியர்களுக்கும் அவர் வகுப்பு எடுக்க இருக்கிறார். இதில், அவர் சென்று வருவதற்கான விமான டிக்கெட், விருந்தினர் மாளிகைச் செலவு, வகுப்பு எடுப்பதற்கான கட்டணம் ஆகியவற்றை பல்கலைக்கழக நிர்வாகம் அளிக்கும். ஒருவகையில், இது ஆதாயம் தரும் பதவியாகப் பார்க்கப்பட்டாலும், மன்மோகனின் ஆசிரியர் கனவை நிறைவேற்றுவதற்கு மத்திய அமைச்சரையும் விரும்பியது. எனவே, அவருடைய கோரிக்கை எளிதாகவே நிறைவேற்றப்பட்டது. அவருடைய ஆட்சிக் காலத்தில், மாற்றுக் கட்சிகளின் உணர்வுகளுக்கும் மதிப்பு அளிக்கக் கூடியவராகவே விளங்கினார். அவருடைய மென்மையான சுபாவமும் அனைவரையும் அரவணைத்துச் செல்லும் பாங்கும் எதிரிகளை உருவாக்கவில்லை என்பதை இதன்மூலம் தெரிந்து கொள்ளலாம்" என்கிறார் பா.ஜ.க நிர்வாகி ஒருவர்.

முப்பதாண்டு காலத்துக்கும் மேல் இந்திய அரசியலைச் சுற்றி வந்த மன்மோகன் சிங்கை, இனி பஞ்சாப் பல்கலைக்கழகத்தின் வகுப்பறைகளில் பார்க்கலாம். 

உலக அளவில் பரவும் தன்மை இல்லாத நோய்களால் ஏற்படும் பாதிப்புகள் அதிகரித்து வருகிறது. குறிப்பாக சர்க்கரை நோய், உடல் பருமன் மற்றும் இதய நோய்கள். இந்நோய்களின் பெருக்கத்துக்கு முக்கிய காரணம், சர்க்கரை கலந்த குளிர்பானங்கள், செயற்கை ஜூஸ் வகைகளால் தான் என்று உலக சுகாதார மையம் தனது அறிக்கையில் தெரிவித்துள்ளது. மேலே சொன்ன நோய்
வகைகளால் ஏற்படும் மரணங்களுக்கு 80% சர்க்கரை கலந்த பானங்களால் தான் காரணியாக இருக்கின்றனவாம். 6.6 கோடி சர்க்கரை நோய் பாதிக்கப்பட்டவர்களுடன், உலக அளவில் இரண்டாம் இடத்தில் உள்ளது இந்தியா. கூடிய விரைவில் சர்க்கரை நோயாளிகளின் தலைமை இடமாக இந்தியா மாறும் வாய்ப்பு அதிகம் என்கின்றன ஆய்வுகள். இந்தியாவுக்கு மட்டும் அல்ல உலக நாடுகள் அனைத்துக்கும் ஒரு எச்சரிக்கை மணியையும், இவ்வகை நோய்களை கட்டுப்படுத்தும் சில ஆலோசனைகளையும் உலக சுகாதார மையம் முன்வைத்துள்ளது.

ஏன் பாட்டிலில் அடைக்கப்பட்ட பானங்கள் மீது இந்த நடவடிக்கை எடுக்க பரிந்துரைக்கப்படுகிறது? காராணம் இருக்கிறது. ஒரு மனிதனுக்கு ஓரு நாள் எனர்ஜி தேவைக்கு சராசரியாக 25 கிராம் சர்க்கரை போதுமானது. ஆனால் 250 மில்லி லிட்டர் கொண்ட ஒரு குளிர்பானத்தில் 28 முதல் 32 கிராம் வரை சர்க்கரை அளவு உள்ளது. நாளொன்றுக்கு ஒன்று அல்லது இரண்டு முறை குளிர்பானங்கள் மற்றும் செயற்கை ஜூஸ் வகைகளை  தொடர்ந்து அருந்தி வருவோருக்கு, சர்க்கரை நோய் வர 26% அதிக வாய்ப்பு உள்ளதாக WHO ஆய்வில் கூறப்படுகிறது. நாம் தினமும் வெவ்வேறு உணவுகள் மூலம் நம் உடலுக்குள் சர்க்கரையை ஏற்றிக் கொண்டிருக்கிறோம். பழங்களில் இயற்கை சர்க்கரை உள்ளது. சர்க்கரை இருந்தாலும் உணவு மற்றும் பழங்களில் உள்ள மற்ற சத்துக்களும் உடலுக்கு தேவை. எனவே, அவற்றை எடுத்துக் கொள்ள வேண்டிய அவசியம் உள்ளது. ஆனால் குளிர்பானங்களால் தான் நம் உடலுக்கு எனர்ஜி ஏற்ற வேண்டிய அவசியம் இல்லை. இவற்றை அருந்துவதால் தேவையற்ற அளவு சர்க்கரை நம் உடலுக்குள் சென்று கொண்டிருக்கிறது. உணவுகளால் உடலில் இருக்கும் சர்க்கரை அளவே உடலுக்கு போதுமானது. நாம் அதோடு குளிர்பானங்களால் கிடைக்கும் சர்க்கரையையும் உடலுக்குள் அனுமதிக்கும்போது விளைவு, கூடிய விரைவில் சர்க்கரை நோயாக வெளிவரும்.

முதல் நடவடிக்கையாக, குளிர்பான பொருட்கள் மீது கைவைக்கச் சொல்கிறது WHO. குளிர் மற்றும் மென்பானங்கள் மீது தற்போதுள்ள வரியை விட 20% கூடுதல் வரியை சுமத்த வேண்டும் என்று பரிந்துரைத்துள்ளது. இதனால், மக்கள் குளிர்பானங்கள் பருகும் அளவு 20% வரை குறையும் என்கிறது WHO. இது பொத்தாம் பொதுவான அறிவிப்பு இல்லை. இதற்கு முன் இத்திட்டத்தை பல நாடுகள் அமல்படுத்தியுள்ளன. விற்பனை 20% வரை குறைந்திருப்பதையும் கண்கூடாக தெரியவந்துள்ளது.

2012-ம் ஆண்டு உலகில் அதிக அளவில் சர்க்கரை கலந்த பேக்கேஜ் பானங்களை அதிகம் குடிக்கும் நாடாக இருந்தது மெக்ஸிக்கோ.  இதனால் மக்களிடம் ஏற்படும் உடல் பாதிப்புகளை கவனித்த அந்நாட்டு அரசு, கூடுதலாக வரி விதிக்க முடிவெடுத்தது. 2014-ம் ஆண்டு 18% வரி விதிக்கப்பட்டது. விளைவு, 2014 டிசம்பர் கணக்குபடி 18% குளிர்பான விற்பனை சரிந்தது. குறிப்பாக, மிடில் கிளாஸ் மக்கள் மத்தியில் 9% வீழ்ச்சி அடைந்துள்ளது. ஒரு பொருளின் விலை உயரும்போது மிடில் கிளாஸ் மற்றும் குறைந்த வருவாய் கொண்ட மக்கள், அதை வாங்குவதை தவிர்க்கின்றனர் என்பது இந்த ஆய்வில் புரிந்து கொள்ள முடிகிறது. பெரும் அளவில் மிடில் கிளாஸ் மற்றும் குறைந்த வருவாய் மக்களைக் கொண்ட இந்தியாவில், கூடுதல் வரி விதிப்பு நிச்சயம் மாற்றத்தை கொண்டு வரும் என்று நம்பலாம். 20% வரி விதிப்பு பின்பற்றப்பட்டால், சுமார் 4 லட்சம் பேரை சர்க்கரை நோயில் இருந்து காப்பாற்ற முடியும் என்கிறது WHO.

மெக்ஸிக்கோவின் வெற்றி ஒரு புறம் இருந்தாலும், எகிப்தின் கதையையும் நாம் கவனிக்க வேண்டும். அந்நாட்டில் உடல் ஆரோக்கியத்துக்கு கேடான நொறுக்குத் தீனிகளுக்கும், குளிர்பானங்களுக்கும் கூடுதல் வரி விதிக்க அரசு முயன்றது. ஆனால், அங்கு வலுவாக இருக்கும் சர்க்கரை உற்பத்தியாளர் மற்றும் குளிர்பான நிறுவனங்களின் லாபியால், அரசு வரி விதிப்பை உயர்த்த முடியவில்லை. மாறாக, அதுபோன்ற பொருட்கள் மீதான வரியை குறைத்துள்ளது. லாபத்தை மட்டுமே இலக்காக கொண்ட நிறுவனங்களின் ஆணைக்கு கட்டுப்படாத அரசால் தான் இதை நிறைவேற்ற முடியும்.

இந்தியாவை பொறுத்த வரையில் தற்போது 21% வரை குளிர்பானங்கள் மீது வரி விதிக்கப்படுகிறது. கூடிய விரைவில் ஜி.எஸ்.டி திட்டம் நடைமுறைக்கு வர உள்ளது. தற்போது அறிவிக்கப்பட்ட ஜி.எஸ்.டி வரி விதிப்பு 5%, 12%, 18%, 28% என நான்கு வகையாக பிரிக்கப்படுகிறது. 28% வரி விதிப்பின் கீழ் குளிர்பான வகைகளைக் கொண்டு வர அரசு திட்டமிட்டு வருகிறது. மேலும் சிகரெட், குளிர்பானங்கள் போன்ற உடலுக்கு தீங்கு ஏற்படுத்தும் பொருட்கள் மீது கூடுதல் செஸ் வரி சுமத்தவும் அரசு யோசித்து வருகிறது. ஆக 28 சதவிகிதத்தில் இருந்து 40 சதவிகிதம் வரை குளிர்பானங்கள் மீதான வரி விதிப்பு இருக்கும் என்று எதிர்பார்க்கலாம். இந்த நேரத்தில் சர்க்கரை கலந்த குளிர்பானங்கள் மீது கூடுதலாக 20% வரி விதிக்க WHO அமைப்பு பரிந்துரைத்துள்ளது, நிச்சயம் குளிர்பானங்களின் விலையை அதிகரிக்க அரசு நடவடிக்கை எடுக்க நிர்பந்திக்கும் என்று நாம் நம்பலாம்.

இது மட்டும் போதாது, ஒருபுறம் வரியை அதிகரிப்பதோடு மறுபுறம் பழம் காய்கறி போன்ற ஆரோக்கியமான அத்தியாவசிய பொருட்கள் மீதான வரி விதிப்பை குறைக்க வேண்டும் என்றும் உலக சுகாதார அமைப்பு அறிவுறுத்தியுள்ளது. இதனால் மக்கள் ஆரோக்கியமான உணவு பொருட்கள் மீது ஆர்வம் செலுத்தவார்கள் என்கிறது அந்த அமைப்பு.

தாமிரபரணியில் கோக்க கோலா நிறுவனம் தண்ணீர் எடுப்பதற்கு உயிர்நீதிமன்றம் தற்காலிக தடை விதித்தது. இந்த தடைக்கும், இந்த தடயை நிரந்திரமாக்கவும் விவசாயிகளும் பொதுநல ஆர்வளர்களும் போராடி வருகின்றன. அது சூழலியல் பிரச்னை, திருநெல்வேலியில் இருக்கும் மக்களுக்கு மட்டும் தான் பாதிப்பு என்று நாம் நினைத்தால், அடைக்கப்பட்ட பாட்டில்களில் எமன் நம்மை தேடி வருவான். சுற்றுச் சூழல் பாதிப்பு மட்டும் அல்ல இவற்றால் உடல் ஆரோக்கியத்துக்கும் பாதிப்பு தான். அந்தவகையில் பார்த்தால் நமக்கும் போராட ஒரு காரணம் உள்ளது. போராட வேண்டிய பொறுப்பும் உள்ளது.

இந்த விவகாரத்தில் உலக அமைப்புகளோ, இந்திய அரசோ எந்தவித நடவடிக்கைகளை எடுத்தாலும் அது மக்களின் ஆதரவு இன்றி வெற்றி பெறாது. இதை நாம் புரிந்து கொள்ள வேண்டிய அவசியம் உள்ளது. ஏனெனில் இது நம் ஆரோக்கியத்தை காப்பாற்றிக் கொள்ள அடிக்கப்படும் எச்சரிக்கை மணி.