!...Payanam...!

ஜல்லிக்கட்டு போராட்டத்தின்போது மீடியாவின் வெளிச்சம் ஜூலி மீது பட்டதால் அவர் பிரபலமானார். தற்போது அவர் ஒரு பிரபல தொலைக்காட்சி நடத்திவரும் பிக் பாஸ் என்ற நிகழ்ச்சியில் கலந்துகொண்டுள்ளார்.

அவரை தவிர மற்ற அனைவரும் சினிமா துறையை சேர்ந்தவர்கள் என்பதால் தான் தன்னை ஓரம்கட்ட நினைக்கிறார்கள் என் ஜூலி வெளிப்படையாகவே கூறிவருகிறார்.

மேலும் மூன்றாம் நாளான நேற்று ஜூலிக்கும், காயத்ரி ரகுராமூக்கும் இடையே பெரிய சண்டை வெடித்தது. உணவு கெட்டுவிட்டது என ஜூலி சண்டைபோட்டார்.

இருப்பினும் இரவு 12 மணிக்கு அனைவரும் கூடி ஜூலிக்கு பிறந்தநாள் வாழ்த்துகள் கூறி அவருக்கு பெரிய சர்ப்ரைஸ் கொடுத்தனர்.

2014 ல் வாக்குறுதி கொடுத்துவிட்டார் விஜய் சேதுபதி. சரியாக 2017 ல் நிறைவேற்றியும் விட்டார். யெஸ்… புஷ்கர் காயத்ரி தம்பதி இதற்கு முன் இயக்கிய ஓரம்போ, வ குவாட்டர் கட்டிங் இவ்விரு படங்களுக்கும் ரசிகர்கள் கொடுத்த வரவேற்பு எத்தகையது என்பது சொல்லித் தெரிய வேண்டியதில்லை. ஆனாலும், எட்டாம்ப்புல எடுத்த மார்க்கு பத்தாம்ப்புல மாறும் என்ற நம்பிக்கையில்தான் தொடர்ந்து இவர்களுக்கு படம் தருகிறார்கள் ஹீரோக்கள்.

விஜய் சேதுபதி அதுபோன்ற இலக்கணங்கள் எதற்குள்ளும் சிக்கிக் கொள்ளாத விந்தையான ஆள் அல்லவா? புஷ்கர் காயத்ரி இயக்கும் படத்தில் முழு அர்ப்பணிப்போடு தன்னை இணைத்துக் கொண்டிருக்கிறார். இவரைப்போல படத்தில் இணைந்திருக்கும் இன்னொரு ஜாம்பவான் மாதவன்.

‘விக்ரம் வேதா’ என்ற இந்த படத்தின் டீஸரை ஷாருக்கானை  விட்டே வெளியிட வைத்த விதத்தில், மாதவன் இந்தப்படத்தை எந்தளவுக்கு நம்புகிறார் என்பதும் புரியும்.

விக்ரம் வேதா- பத்திரிகையாளர் சந்திப்பு நேற்று பிரசாத் லேபில் நடைபெற்றது. ஹீரோக்களை பொத்துனாப்ல(?) பாதுகாக்கும் விதத்தில் கேரவேனை கொண்டு வந்து வெளியே நிறுத்தி குளுகுளுவென வைத்திருந்தார்கள் இவ்விருவரையும். (இதே லேபுக்குள் அருமையான ஏ.சி அறைகள் இருந்தும் தயாரிப்பாளருக்கு செலவு வைக்க வேண்டுமல்லவா?) சரி போகட்டும். விஜய் சேதுபதியின் பேச்சு அருமை-.

“மாதவனுடன் எனக்கு பழக்கமில்ல. இந்தப்படத்தின் ஷுட்டிங் ஆரம்பிக்கும் முதல் நாள் நான் அவருக்காக காத்திருந்தேன். எப்படியிருப்பாரோ? ஈகோயிஸ்ட்டா இருப்பாரா? முதல்ல எப்படி அவர்ட்ட பேசணும்? இப்படியெல்லாம் யோசித்து குழம்பிப் போயிருந்தேன். ஆனால் உள்ளே வந்தார் அவர். அதுவரைக்கும் இருந்த இருட்டெல்லாம் பளிச்சுன்னு வெளிச்சம் போட்ட மாதிரி காணாம போயிருச்சு. அவ்வளவு பாசமா, அவ்வளவு பிரண்ட்லியா இருந்தது அந்த முதல் சந்திப்பே. அதற்கப்புறம் ஒருமுறை கூட அவர்ட்டேயிருந்து ஈகோங்கற எதையும் நான் பார்க்கல” என்றார் விஜய் சேதுபதி.

கிட்டதட்ட இதே லெவலில் இருந்தது மாதவனின் பேச்சும். சம்பளத்தை வாங்குனோம், நடிச்சோம் என்று இல்லாமல் தான் நடிக்கும் படத்தில் உதவி இயக்குனர் போலவே எல்லாவற்றையும் இழுத்துப் போட்டுக் கொள்ளும் விஜய் சேதுபதி, படத்தில் இடம்பெற்ற டெக்னீஷியன்கள், நடிகர் நடிகைகள் சிலரையும் தேர்ந்தெடுத்துக் கொடுத்தாராம்.

விஜய்சேதுபதி தேர்வு எப்போதும் வீண் போனதில்லை. இந்தப்படமாவது புஷ்கர் காயத்ரிக்கு லிஃப்ட் தரட்டும்!

யாரெல்லாம் ரப்பர் வைத்து அழிக்கப்பட வேண்டியவர்களோ, அவர்களுக்கெல்லாம் சாம்பிராணியும் போட்டு சலங்கையும் கட்டிவிட ஒரு கூட்டம் வரும். அப்படிப்பட்டவர்கள் இருக்கும்வரை ஆதிக் ரவிச்சந்திரன் போன்ற ஆபாசப்பட இயக்குனர்களுக்கு அழிவேது?

சமீபத்தில் வந்த அ.அ.அ படம் என்ன லட்சணத்தில் இருந்தது என்பதை யாரும் இனிமேல் பேசத் தேவையில்லை. அதற்கான பலா பலன்களை ரசிகர்கள் தந்துவிட்டார்கள். ஸ்கிரிப்டில் வெறும் ஆபாசத்தை மட்டுமே நம்பி படம் எடுத்து வரும் ஆதிக் ரவிச்சந்திரன் ஒழிஞ்சாருப்பா… என்று நிம்மதி பெருமூச்சு விட்ட சிலருக்குதான் பேதி மருந்தை கொடுத்திருக்கிறார் ஆதிக். எப்படி?

ட்ரிப்பிள் ஏ படத்தை துவங்குவதற்கு முன்பே ஒரு தயாரிப்பாளர் ஆதிக் ரவிச்சந்திரனுக்கு 20 லட்ச ரூபாய் அட்வான்ஸ் கொடுத்துவிட்டாராம். த்ரிஷா இல்லேன்னா நயன்தாரா மாதிரி ஒரு படம் வேணும். அதே படத்தின் பார்ட் 2 வா இருந்தாலும் ஓகேதான் என்று கூறியிருக்கிறார். அப்படியே ஜி.வி.பிரகாஷுக்கு வெயிட்டாக ஒரு அட்வான்சையும் தட்டிவிட்டிருக்கிறார் அந்த தயாரிப்பாளர்.

ட்ரிப்பிள் ஏ வின் படு பயங்கர விமர்சனத்திற்கும், பப்பரக்கா தியேட்டர் ரிசல்ட்டுக்கும் அஞ்சாத அந்த தயாரிப்பாளர் சில தினங்களுக்கு முன்ஆதிக் ரவிச்சந்திரனை அணுகினாராம். உங்களால் ஒரு வெற்றிப்படத்தை கொடுக்க முடியும். இந்தப்படம் வீணா போனதுக்கு நீங்க காரணமில்லேன்னு எனக்கு தெரியும். எப்ப வேணும்னாலும் நம்ம படத்தை ஆரம்பிக்கலாம் என்று பச்சைக் கொடி காட்ட…. படு பயங்கர தெம்பாகிவிட்டார் ஆதிக்.

ஆபாசத்திற்கு அழிவேது?

கடந்த மூன்று நாட்களாக அனைவரையும் பேச வைத்த நிகழ்ச்சி பிக்பாஸ். அடுத்தவர் வீட்டில் நடப்பதை வேடிக்கையோடு எட்டி பார்க்கும் நம் மன எண்ணமே Big boss நிகழ்ச்சியின் பலம்.

அதை மிக லாவகமாக பயன்படுத்துகிறது ஒரு தனியார் தொலைக்காட்சி என்று சமூக வலைத்தளங்களில் கிழிகிழின்னு கிழிக்கத் தொடங்கியிருக்கிறார்கள்.

எதிர்பார்த்தது போலவே இந்த நிகழ்ச்சிக்கான விமர்சனங்கள் தாறுமாறாகத்தான் இருக்கிறது.

அரசியல், கிரிக்கெட் என்று பேசிக்கொண்டிருந்தவர்கள் big boss இல் என்ன நடக்கிறது என்று பேச வைத்திருக்கிறது அந்த நிகழ்ச்சி. ஆக, எதை எதிர்பார்த்தார்களோ அதை நூற்றுக்கு நூறு வீதம் அறுவடை செய்கிறார்கள்.

இங்கு வினோதம் என்னவெனில் ஓடவும் முடியாது ஒளியவும் முடியாது என்று பிரபலத்தை வைத்து பிரபலமாக பேசியவர்கள், முன்கூட்டியே எழுதப்பட்ட வசனங்களுக்கு நடிப்பு மூலம் உயிர் கொடுக்கும் பிரபலங்களாக அவர்களை மாற்றியிருக்கிறார்கள்.

நாடகங்களில் மூழ்கிய இல்லத்தரசிகளைக் கூட சேனலை வேறெங்கும் மாத்தவிடாமல் கட்டிப் போட வைத்ததே நிகழ்ச்சியின் பாதிப்பலம்.

ஆக, வழமை போன்று கோடிகளைக் கொட்டி கோடிகளை குவிக்கும் தந்திரம் தான். கைவந்த அந்தக் கலையை கலகலப்பாக மாற்றி வேறு லெவலாக்கியிருக்கிறது தனியார் தொலைக்காட்சி.

கலகலப்பாக டுவிட்டர் பக்கம் மாதிரி சொல்ல வேண்டுமெனில், வீட்டுக்குள் நடப்பதை வெளியே காட்டினால் big boss.

உள்ளே நடந்ததை மறைத்தால் அது Apollo அவ்வளவு தான்.

வெள்ளித்திரை கலைஞர்களை விட தற்போது சின்னத்திரை கலைஞர்கள் தான் கலக்கி வருகின்றனர். ஏனெனில் தொலைக்காட்சி வாயிலாக இவர்கள் எளிதாக மக்களை சென்று அடைகிறார்கள்.

அந்த வகையில் இன்று சின்னத்திரையை கலக்கும் தொகுப்பாளர்கள் ஒரு நிகழ்ச்சிக்கு எவ்வளவு சம்பளம் வாங்குகிறார்கள் தெரியுமா? இதோ

    கோபிநாத்- ரூ 5 லட்சம்

   டிடி- ரூ 3.5 லட்சம்

    ப்ரியங்கா- ரூ 1 லட்சம்

    பாவனா- ரூ 1 லட்சம்

    மா.கா.பா.ஆனந்த்- 2 லட்சம்

    ஜெகன்- ரூ 2 லட்சம்

    ஜாக்லீன்- ரூ 1 லட்சம்

தமிழ் திரையுலகமே தற்போது அச்சத்தில் உறைந்துள்ளது. அனைத்திற்கும் காரணம் இந்த GST தான். பல படங்கள் இதற்கு பயந்து ரிலிஸ் கூட செய்யாமல் உள்ளனர்.

இந்நிலையில் தற்போது ரூ.100க்கு குறைவான திரையரங்க கட்டணங்களுக்கு 18% ஜிஎஸ்டி வரியும், அதற்கு மேல் உள்ள கட்டணங்களுக்கு 28% ஜிஎஸ்டி வரியும் விதிக்கப்பட்டுள்ளது.

இதன் மூலம் ரூ 120 கட்டணம் ரூ 153 வரை உயரமாம், அதே டிக்கெட்டை ஆன் லைனில் புக் செய்தால் சர்வீஸ் டாக்ஸ் சேர்த்து ரூ 200 வரை இருக்கும் என கூறப்படுகின்றது.

ஏற்கனவே யாரும் படம் பார்க்க திரையரங்கிற்கு வருவது இல்லை, தற்போது இந்த பிரச்சனையால் திரையுலகம் என்னென்ன பிரச்சனைகளை சந்திக்குமோ! பார்ப்போம்.

ஒருகாலத்தில் எஸ்.எஸ்.மியூசிக் சேனலில் ஏராளமான இளைஞர்களை கவர்ந்திழுக்கிற அளவுக்கு பேசி வந்த ஸ்ரேயாரெட்டி, பிற்காலத்தில் ஜி.கே ரெட்டி குடும்பத்தின் மாட்டுப்பெண் ஆவோம் என்று நினைத்திருக்கவே மாட்டார். ‘திமிரு’ படத்தில் விஷாலுடன் நடித்துக் கொண்டிருந்தபோது அவரது அண்ணன் அஜய்கிருஷ்ணாவுடன் காதல் வயப்பட்டு அவரை கல்யாணமும் செய்து கொண்டார். ஆண்டுகள் உருண்டோடினாலும், அவ்வப்போது ‘காஞ்சிவரம்’ போன்ற நல்ல படங்களில் மட்டுமே நடித்து வந்த ஸ்ரேயாவுக்கு, விரைவில் வெளிவரப்போகும் ‘அண்டாவக் காணோம்’ பெரிய பெயரை பெற்றுத் தரும். ஏன்? படத்தின் கதையும், படமாக்கப்பட்ட விதமும் அப்படி.

வேல்மதி என்பவர் இயக்கியிருக்கிறார். ஆசை ஆசையாக தன் அண்டாவை பாதுகாக்கும் கிராமத்துப் பெண், அந்த அண்டா காணாமல் போனால் எவ்வளவு பதற்றப்படுவாள்? அந்த அண்டா மீண்டும் கிடைத்ததா? இதுதான் கதை. வேல்மதிக்கு இங்கிலீஷ் கஷ்டம். ஸ்ரேயாரெட்டிக்கு தமிழ் தகராறு. ஒரு வழியாக தங்கிலீஷில் கதை சொல்லி அசத்தினாராம். அப்பவே தெளிவாக சொல்லியிருக்கிறார் ஸ்ரேயா.

“எனக்கு தமிழ் சரியா பேச வராது. புரிஞ்சுக்கறதும் கஷ்டம். என்னைப் போய் வில்லேஜ்ல வச்சு… எப்படி ஷுட்டிங் எடுத்து… எப்படிதான் படத்தை முடிக்கப் போறீங்களோ?” என்று. நாம எடுத்த முடிவு மண்டை குடைச்சலில் கொண்டு போய் விட்ருமோ என்று அஞ்சிய வேல்மதிக்கு ஸ்ரேயா ரெட்டி தந்ததுதான் இன்ப அதிர்ச்சி.

சுற்றி நிற்கும் மதுரை ஜனங்களுக்கு நடுவில் சுமார் பத்து நிமிஷம் பேச வேண்டிய டயலாக். கண்ணீரும் கம்பலையுமாக அவர் பேசிமுடித்துவிட்டு நிமிர்ந்து பார்த்தால், அந்த ஊரே சுற்றி நின்று அழுது கொண்டிருந்ததாம்.

வித்தியாசமான கதை களத்துடன் திரைக்கு வரப்போகும் இந்தப்படம், தமிழ்சினிமாவின் பெருமையை உலகத்திற்கே சொல்லும் விதத்தில் நிறைய விருதுகளை குவிக்கும் என்று நம்புகிறது கோடம்பாக்கம்.

அண்டா வழியுற அளவுக்கு விருதுகளை வாங்கிட்டு வாங்க!

முக்கிய குறிப்பு- ஏற்கனவே தங்க மீன்கள், குற்றம் கடிதல் படங்களுக்காக தேசிய விருதை பெற்றிருக்கிறார் ‘அண்டாவக் காணோம்’ படத்தின் தயாரிப்பாளர் ஜே.சதீஷ்குமார். அப்ப கன்பார்ஃம்!