!...Payanam...!

2009 ஆம் வருடம் 'அவதார்' திரைப்படம் உலகம் முழுவதும் அப்போதே 14,000 திரை அரங்குகளில் வெளியானது. அதில் அதுவரை இருந்த 3D டெக்னாலஜியை அடுத்தக் கட்டத்திற்கு கொண்டு சென்றிருந்தார்கள் இயக்குநர் ஜேம்ஸ் கேமரூன் மற்றும் அவரது நண்பர் வின்ஸ் பேஸ். பியூசன் கேமரா சிஸ்டம் (Fusion Camera System) எனப்படும் அந்த டெக்னாலஜி ரசிகர்களைப் பரவசத்தில் ஆழ்த்த, அவதார் திரைப்படம் அன்று திரையில் காட்டியதெல்லாம் யாரும் பார்த்திராத மேஜிக்! படம் வியாபார ரீதியாக 2,788 பில்லியன் டாலர்கள் வசூலித்து பெரும் வெற்றியைப் பெற, அவதாரின் தொடர்ச்சியாக மேலும் 4 பாகங்கள் வெளியாகும் என்று 2010ஆம் ஆண்டு அறிவித்தார் கேமரூன். இந்தியாவில் அதுவரை 'டைட்டானிக்' இயக்குனர் என்றழைக்கப்பட்ட கேமரூன், அன்று முதல் ”அவதார் கேமரூன்” ஆகிப் போனார்.

இப்போது, 7 வருடங்கள் கழித்து அவதார் 2 மற்றும் அதனைத் தொடர்ந்து வரும் மற்ற பாகங்களையும் 3Dயில் காண இனி கண்ணாடி எதுவும் தேவையில்லை என்று அறிவித்திருக்கிறார்கள். முதல் பாகத்திலியே 3D யில் மாயாஜாலம் காட்டியவர், அடுத்து என்ன செய்யப்போகிறார் என்ற எதிர்பார்ப்பு அனைவருக்கும் இருந்தது. அதை பூர்த்திசெய்யும் வகையில் வந்துள்ளது இந்த அறிவிப்பு!

எப்படி இது சாத்தியம்?

பெரும்பாலும் 3Dயில் படம் பார்ப்பது அனைவருக்கும் பிடித்த ஒரு விஷயமாகவே இருந்தாலும் சிலருக்கு அந்த 3D கண்ணாடி ஓர்  உறுத்தல்தான். அதிலும் ஏற்கெனவே கண்ணாடி அணிந்துகொண்டிருப்பவர்கள், இந்த 3D கண்ணாடியையும் சேர்த்து அணிந்துகொண்டு படத்தைப் பார்ப்பதைப் பெரும் தலைவலியாகக் கருதினர். இதற்கு விடைகாணப் போகிறது இந்த டெக்னாலஜி.

அவதார் 2 3D

கேமரூனின் சொந்தத் தயாரிப்பு நிறுவனமான லைட்ஸ்டார்ம் என்டெர்டெயின்மென்ட் (Lightstorm Entertainment) கலிபோர்னியாவில் உள்ள கிறிஸ்டி டிஜிட்டல் (Christie Digital) என்ற நிறுவனத்துடன் கைகோத்து இந்த ஆராய்ச்சியில் கடந்த 5 வருடங்களாக ஈடுபட்டு வந்தது. இதன் விளைவாக கிறிஸ்டி டிஜிட்டல் நிறுவனம் தற்போது தயாரித்துள்ள புரட்சிகரமான RGB லேசர் புரொஜெக்ஷன் சிஸ்டம் மூலம் கண்ணாடிகள் இல்லா 3D சாத்தியமாகும் என்று கூறப்படுகிறது. இந்த புதிய டெக்னாலஜி மிகவும் பிரகாசமான படங்களை அதிக பிரேம் ரேட்டில் (Frame Rate) வெளியிடுவதால் தெள்ளத்தெளிவான காட்சிகளைக் கண்ணாடிகள் இல்லாமலே 3D தரத்தில் கண்டுகளிக்க முடியும்.

இது குறித்து, கிறிஸ்டி டிஜிட்டலின் தலைவரும், தலைமை நிர்வாக அதிகாரியுமான ஜாக் க்ளீன் (Jack Kline) பத்திரிகையாளர்களிடம் கூறியதாவது, "இந்த 3D புரொஜெக்ஷன் டெக்னாலஜி மட்டுமல்ல, இதைத்தவிர நாங்கள் கண்டுபிடிக்கப் போகும் அனைத்து விஷயங்களையும் கேமரூன் அவர்களின் லைட்ஸ்டார்ம் நிறுவனத்துடன் பகிர்ந்துகொள்ளத் தயாராக உள்ளோம். அவதார் முதல் பாகத்தைப் போன்றே அதன் அடுத்தடுத்த பாகங்களும் மிகப்பெரிய வெற்றிகளைப் பெரும்!"

நடைமுறைச் சிக்கல்கள்

இது ஒருபுறமிருக்க, இந்த புது டெக்னாலஜி வரும்பட்சத்தில் அதை நிறுவுவதில் பல்வேறு நடைமுறைச் சிக்கல்கள் வருவதற்கான வாய்ப்புகள் அதிகம். காரணம் அவதார் 2 வை இந்த நவீன தொழில்நுட்பத்துடன் திரையிட உலகெங்கும் உள்ள அனைத்து திரையரங்குகளும் தங்கள் புரொஜெக்டர், திரை உட்பட அனைத்தையும் மாற்ற வேண்டியிருக்கும். இது யாரும் கண்டிராத தொழில்நுட்பம் என்பதால் அதற்கான செலவுகள் மிகவும் அதிகம் என்று கூறப்படுகிறது. என்றாலும் அவதார் 2 வெளிவர இன்னும் 3 ஆண்டுகள் (டிசம்பர் 18, 2020) இருப்பதால் அதற்குள் இந்தத் தொழில்நுட்பத்தை உலகெங்கும் கொண்டு செல்ல சீரிய முயற்சிகள் பல மேற்கொள்ளப்படலாம் என்று எதிர்பார்க்கப்படுகிறது.

சின்னத்திரையிலிருந்து தற்போது வெள்ளித்திரை வந்துள்ளார் டிடி. பவர் பாண்டி படத்தில் நட்புக்காக ஒரு சிறிய கதாபாத்திரத்தில் நடித்திருந்தார்.

இப்படத்தை தொடர்ந்து தற்போது இவர் கௌதம் மேனன் இயக்கும் துருவ நட்சத்திரம் படத்திலும் நடிக்கவுள்ளாராம்.

இப்படத்தின் படப்பிடிப்பு இப்போது பல்கேரியாவில் நடந்து வருகின்றது. மேலும், டிடி முதன் முறையாக ஒரு முன்னணி நடிகரின் படத்தில் நடிக்கவிருப்பது குறிப்பிடத்தக்கது.

 பிக்பாஸ் தொடங்கியதிலிருந்து சமூகவலைதளங்கள் தொடங்கி எங்கு திரும்பினாலும் இதே பேச்சாகத்தான் உள்ளது.

நேற்று பலருடன் பிரச்சனை உண்டானது. இதனால் சிறிது சலசலப்பு ஏற்பட்டது.

இதையடுத்து இன்று இரண்டாம் நாள் காட்சி வெளியானது. இதில் ஓவியா புதுமுக நடிகர் ஆராரை நீங்கள் யாரையாவது காதலித்திருக்கிறீர்களா என்று கேட்டார்.

அவர் இல்லை என்றதும் ஏன் நீங்கள் ஓரினச்சேர்க்கையாளரா என்று கேட்டார். இல்லையென்றதும் பின் ஏன் லவ் பண்ணல என்றார்.

அவர் நேரம் இல்லை என்று கூறியதும், இப்போ ஃப்ரியா தானே இருக்கோம். என்னை ப்ரப்போஸ் பண்ணுங்க.. லவ் பண்ணுங்க என்று கூறி அவருக்கு அதிர்ச்சி கொடுத்தார். வீட்டில் எல்லாம் பார்ப்பார்கள் என்று கூறி ஆரார் ஓவியாவிடம் சமாளித்தார்.

கபாலியில் சூப்பர்ஸ்டார் சொல்வது போல இன்னும் என்னவெல்லாம் நாம் பார்க்கப் போகிறோமோ என்று தோன்றுகிறது.

ஜல்லிக்கட்டு போராட்டத்தின்போது மீடியாவின் வெளிச்சம் ஜூலி மீது பட்டதால் அவர் பிரபலமானார். தற்போது அவர் ஒரு பிரபல தொலைக்காட்சி நடத்திவரும் பிக் பாஸ் என்ற நிகழ்ச்சியில் கலந்துகொண்டுள்ளார்.

அவரை தவிர மற்ற அனைவரும் சினிமா துறையை சேர்ந்தவர்கள் என்பதால் தான் தன்னை ஓரம்கட்ட நினைக்கிறார்கள் என் ஜூலி வெளிப்படையாகவே கூறிவருகிறார்.

மேலும் மூன்றாம் நாளான நேற்று ஜூலிக்கும், காயத்ரி ரகுராமூக்கும் இடையே பெரிய சண்டை வெடித்தது. உணவு கெட்டுவிட்டது என ஜூலி சண்டைபோட்டார்.

இருப்பினும் இரவு 12 மணிக்கு அனைவரும் கூடி ஜூலிக்கு பிறந்தநாள் வாழ்த்துகள் கூறி அவருக்கு பெரிய சர்ப்ரைஸ் கொடுத்தனர்.

2014 ல் வாக்குறுதி கொடுத்துவிட்டார் விஜய் சேதுபதி. சரியாக 2017 ல் நிறைவேற்றியும் விட்டார். யெஸ்… புஷ்கர் காயத்ரி தம்பதி இதற்கு முன் இயக்கிய ஓரம்போ, வ குவாட்டர் கட்டிங் இவ்விரு படங்களுக்கும் ரசிகர்கள் கொடுத்த வரவேற்பு எத்தகையது என்பது சொல்லித் தெரிய வேண்டியதில்லை. ஆனாலும், எட்டாம்ப்புல எடுத்த மார்க்கு பத்தாம்ப்புல மாறும் என்ற நம்பிக்கையில்தான் தொடர்ந்து இவர்களுக்கு படம் தருகிறார்கள் ஹீரோக்கள்.

விஜய் சேதுபதி அதுபோன்ற இலக்கணங்கள் எதற்குள்ளும் சிக்கிக் கொள்ளாத விந்தையான ஆள் அல்லவா? புஷ்கர் காயத்ரி இயக்கும் படத்தில் முழு அர்ப்பணிப்போடு தன்னை இணைத்துக் கொண்டிருக்கிறார். இவரைப்போல படத்தில் இணைந்திருக்கும் இன்னொரு ஜாம்பவான் மாதவன்.

‘விக்ரம் வேதா’ என்ற இந்த படத்தின் டீஸரை ஷாருக்கானை  விட்டே வெளியிட வைத்த விதத்தில், மாதவன் இந்தப்படத்தை எந்தளவுக்கு நம்புகிறார் என்பதும் புரியும்.

விக்ரம் வேதா- பத்திரிகையாளர் சந்திப்பு நேற்று பிரசாத் லேபில் நடைபெற்றது. ஹீரோக்களை பொத்துனாப்ல(?) பாதுகாக்கும் விதத்தில் கேரவேனை கொண்டு வந்து வெளியே நிறுத்தி குளுகுளுவென வைத்திருந்தார்கள் இவ்விருவரையும். (இதே லேபுக்குள் அருமையான ஏ.சி அறைகள் இருந்தும் தயாரிப்பாளருக்கு செலவு வைக்க வேண்டுமல்லவா?) சரி போகட்டும். விஜய் சேதுபதியின் பேச்சு அருமை-.

“மாதவனுடன் எனக்கு பழக்கமில்ல. இந்தப்படத்தின் ஷுட்டிங் ஆரம்பிக்கும் முதல் நாள் நான் அவருக்காக காத்திருந்தேன். எப்படியிருப்பாரோ? ஈகோயிஸ்ட்டா இருப்பாரா? முதல்ல எப்படி அவர்ட்ட பேசணும்? இப்படியெல்லாம் யோசித்து குழம்பிப் போயிருந்தேன். ஆனால் உள்ளே வந்தார் அவர். அதுவரைக்கும் இருந்த இருட்டெல்லாம் பளிச்சுன்னு வெளிச்சம் போட்ட மாதிரி காணாம போயிருச்சு. அவ்வளவு பாசமா, அவ்வளவு பிரண்ட்லியா இருந்தது அந்த முதல் சந்திப்பே. அதற்கப்புறம் ஒருமுறை கூட அவர்ட்டேயிருந்து ஈகோங்கற எதையும் நான் பார்க்கல” என்றார் விஜய் சேதுபதி.

கிட்டதட்ட இதே லெவலில் இருந்தது மாதவனின் பேச்சும். சம்பளத்தை வாங்குனோம், நடிச்சோம் என்று இல்லாமல் தான் நடிக்கும் படத்தில் உதவி இயக்குனர் போலவே எல்லாவற்றையும் இழுத்துப் போட்டுக் கொள்ளும் விஜய் சேதுபதி, படத்தில் இடம்பெற்ற டெக்னீஷியன்கள், நடிகர் நடிகைகள் சிலரையும் தேர்ந்தெடுத்துக் கொடுத்தாராம்.

விஜய்சேதுபதி தேர்வு எப்போதும் வீண் போனதில்லை. இந்தப்படமாவது புஷ்கர் காயத்ரிக்கு லிஃப்ட் தரட்டும்!

யாரெல்லாம் ரப்பர் வைத்து அழிக்கப்பட வேண்டியவர்களோ, அவர்களுக்கெல்லாம் சாம்பிராணியும் போட்டு சலங்கையும் கட்டிவிட ஒரு கூட்டம் வரும். அப்படிப்பட்டவர்கள் இருக்கும்வரை ஆதிக் ரவிச்சந்திரன் போன்ற ஆபாசப்பட இயக்குனர்களுக்கு அழிவேது?

சமீபத்தில் வந்த அ.அ.அ படம் என்ன லட்சணத்தில் இருந்தது என்பதை யாரும் இனிமேல் பேசத் தேவையில்லை. அதற்கான பலா பலன்களை ரசிகர்கள் தந்துவிட்டார்கள். ஸ்கிரிப்டில் வெறும் ஆபாசத்தை மட்டுமே நம்பி படம் எடுத்து வரும் ஆதிக் ரவிச்சந்திரன் ஒழிஞ்சாருப்பா… என்று நிம்மதி பெருமூச்சு விட்ட சிலருக்குதான் பேதி மருந்தை கொடுத்திருக்கிறார் ஆதிக். எப்படி?

ட்ரிப்பிள் ஏ படத்தை துவங்குவதற்கு முன்பே ஒரு தயாரிப்பாளர் ஆதிக் ரவிச்சந்திரனுக்கு 20 லட்ச ரூபாய் அட்வான்ஸ் கொடுத்துவிட்டாராம். த்ரிஷா இல்லேன்னா நயன்தாரா மாதிரி ஒரு படம் வேணும். அதே படத்தின் பார்ட் 2 வா இருந்தாலும் ஓகேதான் என்று கூறியிருக்கிறார். அப்படியே ஜி.வி.பிரகாஷுக்கு வெயிட்டாக ஒரு அட்வான்சையும் தட்டிவிட்டிருக்கிறார் அந்த தயாரிப்பாளர்.

ட்ரிப்பிள் ஏ வின் படு பயங்கர விமர்சனத்திற்கும், பப்பரக்கா தியேட்டர் ரிசல்ட்டுக்கும் அஞ்சாத அந்த தயாரிப்பாளர் சில தினங்களுக்கு முன்ஆதிக் ரவிச்சந்திரனை அணுகினாராம். உங்களால் ஒரு வெற்றிப்படத்தை கொடுக்க முடியும். இந்தப்படம் வீணா போனதுக்கு நீங்க காரணமில்லேன்னு எனக்கு தெரியும். எப்ப வேணும்னாலும் நம்ம படத்தை ஆரம்பிக்கலாம் என்று பச்சைக் கொடி காட்ட…. படு பயங்கர தெம்பாகிவிட்டார் ஆதிக்.

ஆபாசத்திற்கு அழிவேது?

கடந்த மூன்று நாட்களாக அனைவரையும் பேச வைத்த நிகழ்ச்சி பிக்பாஸ். அடுத்தவர் வீட்டில் நடப்பதை வேடிக்கையோடு எட்டி பார்க்கும் நம் மன எண்ணமே Big boss நிகழ்ச்சியின் பலம்.

அதை மிக லாவகமாக பயன்படுத்துகிறது ஒரு தனியார் தொலைக்காட்சி என்று சமூக வலைத்தளங்களில் கிழிகிழின்னு கிழிக்கத் தொடங்கியிருக்கிறார்கள்.

எதிர்பார்த்தது போலவே இந்த நிகழ்ச்சிக்கான விமர்சனங்கள் தாறுமாறாகத்தான் இருக்கிறது.

அரசியல், கிரிக்கெட் என்று பேசிக்கொண்டிருந்தவர்கள் big boss இல் என்ன நடக்கிறது என்று பேச வைத்திருக்கிறது அந்த நிகழ்ச்சி. ஆக, எதை எதிர்பார்த்தார்களோ அதை நூற்றுக்கு நூறு வீதம் அறுவடை செய்கிறார்கள்.

இங்கு வினோதம் என்னவெனில் ஓடவும் முடியாது ஒளியவும் முடியாது என்று பிரபலத்தை வைத்து பிரபலமாக பேசியவர்கள், முன்கூட்டியே எழுதப்பட்ட வசனங்களுக்கு நடிப்பு மூலம் உயிர் கொடுக்கும் பிரபலங்களாக அவர்களை மாற்றியிருக்கிறார்கள்.

நாடகங்களில் மூழ்கிய இல்லத்தரசிகளைக் கூட சேனலை வேறெங்கும் மாத்தவிடாமல் கட்டிப் போட வைத்ததே நிகழ்ச்சியின் பாதிப்பலம்.

ஆக, வழமை போன்று கோடிகளைக் கொட்டி கோடிகளை குவிக்கும் தந்திரம் தான். கைவந்த அந்தக் கலையை கலகலப்பாக மாற்றி வேறு லெவலாக்கியிருக்கிறது தனியார் தொலைக்காட்சி.

கலகலப்பாக டுவிட்டர் பக்கம் மாதிரி சொல்ல வேண்டுமெனில், வீட்டுக்குள் நடப்பதை வெளியே காட்டினால் big boss.

உள்ளே நடந்ததை மறைத்தால் அது Apollo அவ்வளவு தான்.