!...Payanam...!

கமல் ஹாசன் தொகுத்து வழங்கி வரும் பிக் பாஸ் நிகழ்ச்சி சமீபத்தில் பல சர்ச்சைகளில் சிக்கியது. ஆபாசமாக இருப்பதால் அதை தடை செய்யவேண்டும் என ஒரு கூட்டம் கிளம்பியது, 'சேரி' என்ற வார்த்தையை நடிகை காயத்ரி பயன்படுத்தியதால் அவர் மீது புகார் பதிவு செய்யப்பட்டுள்ளது.

இந்த நிகழ்ச்சியில் ஆபாசம் ஒன்றும் இல்லை என நேற்று கமல் பேட்டியளித்த நிலையில் இன்று ஒளிபரப்பப்பட்ட பிக் பாஸ் நிகழ்ச்சியில் ஒரு புதிய மாற்றம் நன்றாகவே தெரிந்தது.

அரை குறை ஆடையுடன் வலம் வந்த நடிகை ஓவியா பிறகு ஒரு போட்டிக்காக 15 தோப்புக்கரணம் போட வேண்டும் என கூறப்பட்டது.

குழந்தைகள் எல்லாம் ஷோ பார்ப்பார்கள்.. ஆடை அரை குறையாக இருப்பதால், பேன்ட் அணிந்து வந்தபிறகு தோப்புகரணம் போடும்படி மற்ற போட்டியாளர்கள் சொல்ல உடனே ஓவியா உள்ளே சென்று கால்சட்டை அணிந்து வந்து போட்டியை தொடர்ந்தார்.

`நாகினி', `நந்தினி' தொலைக்காட்சித் தொடர்களைத் தாண்டி `பிக் பாஸ்'தான் இன்று டாக் ஆஃப் தி எவ்ரி ஹவுஸ். வீட்டில் டிவி நிகழ்ச்சிகளைப் பார்ப்பவர்கள் முதல் மீம் க்ரியேட்டர்கள் வரை தினமும் ஏதாவது ஒரு சுவாரஸ்ய விஷயத்தைக் கிளப்பிக்கொண்டேயிருக்கிறார்கள். இது தமிழ்நாட்டு மக்களுக்குப் புதுசுதான் என்றாலும், தற்போது ஒளிபரப்பாகிவரும் `பிக் பாஸ்' செலிப்பிரிட்டி ஷோவில் நடைபெறும் அதிரடி நிகழ்வுகள் அனைத்தையும், வெளிநாட்டில் ஒளிபரப்பான `பிக் பிரதர்'  நிகழ்ச்சியின் வடிவமைப்பாளரான ஜான் டி மோல் (John de Mol Produkties) என்பவர்தான் முதன்முதலில் ஊடக உலகுக்கு அறிமுகப்படுத்தினார்.

நிகழ்ச்சியைத் தொகுத்து வழங்கினார் ஜூலி ஷூசன் சென் (Julie Suzanne Chen). அவர்களுடைய கலாசாரத்துக்கு ஏற்ற நாகரிகப் பாணியை அவர்கள் பின்பற்றினார்கள். இன்று நாம் எப்படிப் பேசிக்கொண்டிருக்கிறோமோ, அப்படித்தான் அமெரிக்கா போன்ற மேலைநாடுகளிலும் இந்த நிகழ்ச்சி பரவலாகப் பேசப்பட்டது. அடிக்கடி சண்டையிட்டுக்கொள்வது, அதீதமாகக் கோபப்படுவது, சந்தோஷத்தைப் பகிர்ந்துகொள்வது என எல்லாவிதமான பரிமாணங்களையும் அந்தக் குழு வெளிப்படுத்தியது. இதில் அதிக சர்ச்சைக்குள்ளானவரும், ஜூலி, பரணி போன்றோரைப்போல் ஒதுக்கப்பட்டவருமானவர் ஷில்பா ஷெட்டி. அதன் பிறகு அவருக்கான ரேட்டிங் எகுறவே, எதிர்கால வாய்ப்புகளுக்கு இது அடித்தளமிட்டது. ஒவ்வொரு நாட்டுக்குமான கலாசாரம் அவசியம் அல்லவா! அதனால் ஸ்மோக்கிங், டிரிங்கிங் என அவர்களோடு கலந்துபோனவற்றுக்கு அனுமதியளிக்கப்பட்டு, பல கேமராக்களை வைத்து படம்பிடிக்கப்பட்டது. நம்ம ஊர் பிக்பாஸில் அறைக்குள் புகைக்க அனுமதி இல்லை. அதற்கென ‘ஸ்மோக்கிங் ஜோக்’ உள்ளது. மது அருந்த அனுமதி இல்லை.

இன்று எல்லோரும் `பிக் பாஸ்' என்று உச்சரிக்கக் காரணமாக இருந்தது இந்தி `பிக் பாஸ்'.  2006-ம் ஆண்டு ஒளிபரப்பான Big Boss Hindi நிகழ்ச்சி, கலர்ஸ் டிவி-யில் ஒளிபரப்பானது. இதன் முதல் எபிசோசைத் தொகுத்து வழங்கியவர் அர்ஷத் வர்சி  (Arshad Warsi). அதன் பிறகு ஷில்பா ஷெட்டி, அமிதாப் பச்சன் போன்றோரைத் தொடர்ந்து, சல்மான் கான் 2010-ம் ஆண்டு 4-வது எபிசோடைத் தொகுத்து வழங்கினார். அதன் பிறகு 6 முதல் 10 எபிசோடுகள் வரை அவர்தான் தொகுப்பாளராக இருந்தார். 2016-ம் ஆண்டு ஒளிபரப்பான 10-வது எபிசோடு வரை மக்களை பரபரப்பாகவே வைத்திருந்தார்  சல்மான் கான். வித்தியாசமான போட்டிகள், சண்டைகள், சச்சரவுகள் என ஒவ்வொரு எபிசோடும் விறுவிறுப்பாகச் சென்றது. இதில் முன்னணி நடிகர், நடிகைகள் கலந்துகொண்டார்கள். தமிழ் `பிக் பாஸ்'-ல் நடைபெறும் விஷயங்கள் எல்லாம் ஜுஜூபி எனச் சொல்லவைத்துவிடும், அவர்கள் போட்ட சண்டைகள்.

வாரத்தின் வேலை நாள்களில் இரவு 9 மணி முதல் 10 மணி வரையிலும், சனி மற்றும் ஞாயிற்றுக்கிழமைகளில் இரவு 8.30 மணி முதல் 10 மணி வரையிலும் ஒளிபரப்பாகிவரும் தமிழ் `பிக் பாஸ்' நிகழ்ச்சிக்கு பிக் பேனராக அமைந்தவர் நடிகர் கமல்ஹாசன்.  `பிக் பாஸ்' என்றால் என்ன என்பதே தெரியாதபோது, உலக நாயகன் கமல்ஹாசனுக்காகவே பலர் அந்த நிகழ்ச்சியைப் பார்க்கக் காத்துக்கிடந்தார்கள். நிகழ்ச்சி ஒளிபரப்பான முதல் நாளே டி.ஆர்.பி எகிற ஆரம்பித்தது. இந்த நிகழ்ச்சிக்குள் வந்த ஒருசில தினங்களிலேயே ஶ்ரீ வெளியேறிவிட்டார். அவரைத் தொடர்ந்து அனுயா வெளியேற, பரணியைக் குறை சொல்லியபடியே வெளியேறினார் கஞ்சா கருப்பு. அதற்குப் பிறகு மன உளைச்சலுக்கு ஆளான பரணியும் சுவர் ஏறி குதிக்க முயற்சித்து, பிக் பாஸ் நிகழ்ச்சிக்கான விதியை மீறியதால் வெளியேற்றப்பட்டார்.

தமிழில் ஒளிபரப்பான இரண்டே வாரங்களில் கிடைத்த ரீச்சை அடுத்து, தெலுங்கில் ஜூனியர் என்.டி.ஆர் `பிக் பாஸ்' நிகழ்ச்சியைத் தொகுத்து வழங்கவிருக்கிறார். Lonavala என்னுமிடத்தில் 10,000-க்கும் மேற்பட்ட ஸ்கொயர் ஃபீல்டில் பிக் பாஸ் வீட்டை அமைத்திருக்கிறார்கள். 70  நாள்கள் 12 செலிப்பிரிட்டிகள் இந்த வீட்டில் தங்கவிருக்கிறார்கள். நூற்றுக்கும் மேற்பட்ட பிரபலங்களிடம் பேசி இறுதியில்12 பேரைத் தேர்ந்தெடுத்திருக்கிறார்கள். 70 நாள்கள் `பிக் பாஸ்' இல்லத்தில் தங்கத் தயாராக இருக்கிறார்களாம் தெலுங்குப் பிரபலங்கள். `என் கசின் சிஸ்டர் இந்தி `பிக் பாஸ்'-ன் வெறித்தனமான ஃபேன். அவர் சொல்லித்தான் பிக் பாஸின் சில எபிசோடுகளைப் பார்த்தேன். இன்னும் முழுமையாகப் பார்த்து முடிக்கவில்லை. ஆனால், எனக்கான இடத்தை இந்த ஷோ மூலம் பெறுவேன். வித்தியாசமான, ஃப்ரெஷான ஷோவை கூடிய விரைவில் பார்க்கப்போகிறீர்கள்' என தெலுங்கு ரசிகர்களின் பிபி-யை எகிறவைத்திருக்கிறார் ஜூனியர் என்.டி.ஆர். தெலுங்கு பிக் பாஸின் முதல் சீஸன், ஜூலை 16-ம் தேதி `Star Maa' சேனலில் ஒளிபரப்பாகவிருக்கிறது.

இதோ வரப்போகிறார், அதோ வரப்போகிறார் என்று சொல்லிக்கொண்டுதான் இருக்கிறார்கள். ரஜினிகாந்த் வருவதாக இல்லையே என்று தான் முணுமுணுப்புகள் கேட்கிறது. அநேகமாக இந்த ஆண்டில் அரசியலில் நுழையப்போவது உறுதி என்றே அவரது சந்திப்புகளும் சொல்லி வருகின்றன. முக்கிய கட்சிகள், அமைப்புகளைச் சேர்ந்த பலரை ரஜினிகாந்த் சந்தித்து வருகிறார். அவர்களிடம் அரசியல் குறித்த விவாதங்களையும் நடத்தி வருகிறார். 'காலா' படப்பிடிப்பு முடிந்து அவரது பிறந்த நாளுக்குள் கட்சியின் சின்னம் மற்றும் கொடி, பெயரை அறிவிப்பார் என்றும் கூறப்படுகிறது.

ரஜினி அரசியலுக்கு வருவது தி.மு.க-வை பாதிக்குமா என்று அரசியல் ஆர்வலர்கள் பேசிக்கொண்டு இருக்கும் நிலையில்தான் தி.மு.க-வின் சட்டமன்ற உறுப்பினர் ஒருவர் ரஜினியை சந்தித்திருக்கிறார். இது அரசியலில் பெரும் ஆச்சர்யமாக பார்க்கப்படுகிறது. அதுவும் சந்தித்தவர் சாதாரண எம்எல்ஏ., இல்லை. மூன்று தலைமுறையாக கலைஞர் குடும்பத்தோடு பழகியவர்கள். அன்பில் தர்மலிங்கம், அன்பில் பொய்யாமொழி இவர்களைத் தொடர்ந்து மூன்றாவது தலைமுறையாக தி.மு.க-வில் இருக்கும் அன்பில் மகேஷ் பொய்யாமொழி தான் ரஜினியைப் பார்த்துள்ளார். ஸ்டாலினின் வலது கையாகவும், திருவெறும்பூர் தி.மு.க எம்எல்ஏ-வாகவும் இருக்கும் மகேஷ் பொய்யாமொழி திடீரென்று ரஜினியைச் சந்தித்துப் பேசியுள்ளார்.

ஏன் இந்த சந்திப்பு என்று மகேஷைக் கேட்டால் 'இதுவொரு மரியாதை நிமித்த சந்திப்பு' என்று வழக்கமான பல்லவியை சொன்னார். ஆனாலும் இது ரஜினியின் நிலைப்பாட்டை தெரிந்துகொள்ள என்றான சந்திப்பு என்கிறார்கள். இல்லை இல்லை இப்போதைக்கு அரசியலுக்கு வரவேண்டாம் என்ற சமாதான தூது என்றும் சொல்கிறார்கள். எது எப்படியோ கத்திரிக்கா முத்தினால் கடைத்தெருவுக்கு தான் வரணும்னு சொல்வாங்க. ரஜினி மேட்டர் மட்டும் இப்படி முத்திக்கொண்டே போகிறதே..

வாடிக்கையாளர்கள் குறித்து கெவின் ஸ்டிர்ட்ஸ் கூறிய பொன்மொழி ஒன்று கார்ப்பரேட் உலகில் மிகப்பிரபலமானது. "உங்கள் வாடிக்கையாளர்கள் அதிகம் விரும்புவதையும், அதற்காக உங்கள் நிறுவனம் செய்த சிறப்பானதையும் தெரிந்துகொள்ளுங்கள். இவை இரண்டும் சந்திக்கும் புள்ளியில் கவனம் செலுத்துங்கள் போதும்" என்பதுதான் அந்தப் பொன்மொழி. ரிலையன்ஸ் ஜியோ நிறுவனம் தற்போது இந்தப் புள்ளியில்தான் தனது கவனத்தைச் செலுத்தத் தொடங்கியுள்ளது. இலவசச் சலுகைகளால் இதுவரை வாடிக்கையாளர்களைக் கவர்ந்த அந்நிறுவனம், குறைந்த விலைக்கு நிறையப் பலன்களை அளிக்கும் பிளான்களைத் தற்போது அறிவித்துள்ளது. எக்காரணத்தைக் கொண்டும் வாடிக்கையாளர்களை இழந்துவிட அந்நிறுவனம் தயாராக இல்லை.

ஜியோவின் பிரைம் மெம்பரான வாடிக்கையாளர்களுக்கு இதுவரை வழங்கப்பட்டுவந்த இலவச ஆஃபர்கள் விரைவில் முடிவடையப்போகின்றன. தொடக்கத்தில் 'ஜியோ சம்மர் சர்ப்ரைஸ்' என்ற பெயரில் வழங்கப்பட்டுவந்த சலுகையை, தொலைத்தொடர்பு ஒழுங்குமுறை ஆணையமான ட்ராயின் அறிவுரைக்குப்பின் அந்நிறுவனம் நிறுத்திக்கொண்டது. அதன்பின் பிரைம் சேவையில் இணைந்தவர்களுக்கு, 'ஜியோ தன் தனா தன்' என்ற பெயரில் மற்றொரு சலுகை வழங்கப்பட்டது. மார்ச் மற்றும் ஏப்ரல் மாதத்தில் இவற்றில் இணைந்த பிரைம் வாடிக்கையாளர்களுக்கு, இந்த மாதத்தோடு இந்த இரண்டு ஆஃபர்களுக்கான வேலிடிட்டி நிறைவடைகிறது. இதையடுத்து ஏதாவதொரு டேட்டா பிளானில் ரீசார்ஜ் செய்தால் மட்டுமே வாடிக்கையாளர்களால், தொடர்ந்து அந்நிறுவனத்தின் சேவைகளைப் பெறமுடியும்.

ஜியோவின் புதிய பிளான்கள்

அதிரடி ஆஃபர்களுக்குப் பெயர்போன ஜியோ நிறுவனம், நேற்று தனது பிளான்களில் பெரிய மாற்றத்தை ஏற்படுத்தியுள்ளது. ஒவ்வொருமுறை ரீசார்ஜ் செய்யும்போதும் அதன் வேலிடிட்டி 28 நாள்களுக்கு மட்டுமே இருக்கும் என ஜியோ நிறுவனம் இதற்கு முன்னர் அறிவித்திருந்தது. ஆனால் புதிய அறிவிப்பின்படி, வேலிடிட்டி நாள்கள் மற்றும் டேட்டா சலுகைகள் நீட்டிக்கப்பட்டிருக்கின்றன. உதாரணத்துக்கு, ரூ.309 பிளானின் கீழ் வாடிக்கையாளர் ரீசார்ஜ் செய்வதாக வைத்துக்கொள்வோம். ஜியோவின் முந்தைய அறிவிப்பின்படி நாளொன்றுக்கு 1 GB அளவிலான 4G டேட்டா மொத்தம் 28 நாள்களுக்கு வழங்கப்படும். ஆனால், ஜியோவின் தற்போதைய மாற்றத்தின்படி, நாளொன்றுக்கு 1 GB அளவிலான 4G டேட்டா மொத்தம் 56 நாள்களுக்கு வழங்கப்படும். மேலும், ஒரு நாளைக்கான டேட்டா அளவு முடிந்தபின்னரும், 128 kbps என்ற டேட்டா ஸ்பீடில் அன்லிமிட்டட் டேட்டாவைப் பயன்படுத்த முடியும். ஒரு மாதத்துக்கு மட்டுமே இருந்த பலன்கள், தற்போது இரண்டு மாதங்கள் வரை பிரைம் வாடிக்கையாளர்களுக்காக நீட்டிக்கப்பட்டிருக்கின்றன. ரூ.309/- முதல் ரூ.9,999/- வரையிலான அனைத்து ப்ரிபெய்ட் டேட்டா பிளான்களுக்கும் வேலிடிட்டி நாள்கள் மற்றும் டேட்டா சலுகைகள் நீட்டிக்கப்பட்டிருக்கின்றன.

முதல்முறையாக ரீசார்ஜ் செய்பவர்களுக்கு மட்டுமே இந்தச்சலுகை பொருந்தும் என ஜியோ நிறுவனம் தெரிவித்திருக்கிறது. ஜியோ சம்மர் சர்ப்ரைஸ் சலுகையில் இணைந்தவர்களுக்கு இந்தச்சலுகை பொருந்துமா என்பதை அந்நிறுவனம் இன்னும் தெளிவுபடுத்தவில்லை.

பிக் பாஸ்தான் தற்போது அரசியல் கட்சித் தலைவர்களும் விவாதிக்கும் விஷயமாக மாறியுள்ளது. கமல், 15 பிரபலங்கள், 100 நாள்கள் என்று பிரமாண்டங்களுக்கு பஞ்சமில்லாமல் தொடங்கியது பிக் பாஸ். அதே நேரத்தில் சர்ச்சைகளுக்கும் குறைவு இல்லை. அடுத்தடுத்து சர்ச்சைகள் வெடித்ததால், கமலே செய்தியாளர்களைச் சந்தித்து விளக்கமளித்தார்.

இதனிடையே, பிக் பாஸில் கலந்துகொண்டுள்ள காயத்ரி ரகுராம், அந்த நிகழ்ச்சியில் 'சேரி பிஹேவியர்' என்று கருத்துக் கூறியது பெரும் சர்ச்சையை கிளப்பியுள்ளது. இதனால், அந்த நிகழ்ச்சிக்கு தடை விதிக்க வேண்டும் என்றும் கோரிக்கைகள் எழுந்துள்ளன. இது ஒரு புறம் இருக்க அந்த நிகழ்ச்சியில் ஓவியா மற்றும் பரணியைக் காப்பாற்ற மட்டும் 1.5 கோடி மக்கள் வாக்களித்தனர்.

சமூக வலைதளங்களிலும் பிக் பாஸ் குறித்துதான் பரவலாக பேசப்படுகிறது. நிகழ்ச்சி குறித்து ஏதாவது ஒரு வகையில் தொடர்ந்து விவாதங்கள் நடைபெற்று வருகிறது. இந்நிலையில், பா.ம.க. இளைஞரணி தலைவர் டாக்டர். அன்புமணி ராமதாஸ், "ஓவியாவுக்கு ஓட்டு போட்ட 1.5 மக்கள், எனக்கு வாக்களித்திருந்தால் நான் மக்களை காப்பாற்றியிருப்பேன்" என்று கூறியுள்ளார்.

ஏ.ஆர். ரஹ்மான் பல்வேறு இந்திய மொழிகளில் இசையமைத்துள்ளார். குறிப்பாக, ஆங்கிலப்படங்களிலும் இசையமைத்துள்ளார். இதனால், தேசிய விருது முதல் ஆஸ்கர் வரை ரஹ்மானைத் தேடி வந்தன. இதனால், உலகம் முழுவதும் ஏ.ஆர். ரஹ்மான் இசைக்கு என்றே ஒரு கூட்டம் உள்ளது. இதன் காரணமாக ஏ.ஆர். ரஹ்மான் நிகழ்ச்சிகள் எங்கு நடந்தாலும், அங்கு அட்டண்டன்ஸ் போட்டு விடுவார்கள்.

இந்நிலையில், லண்டனின்  வெம்ப்லே பகுதியில், "நேற்று, இன்று, நாளை" என்ற பெயரில் இசை கச்சேரிக்கு ஏற்பாடு செய்யப்பட்டிருந்தது. இது முழுக்க, முழுக்க தமிழ் பாடல்கள் பாடும் நிகழ்ச்சியாகும். ஆனால், இது தெரியாத பல வட இந்தியர்கள் இந்த நிகழ்ச்சிக்கு ஆர்வமுடன் சென்றுள்ளனர்.

நிகழ்ச்சியில் ஏ.ஆர். ரஹ்மான் தமிழ் பாடல்கள் மட்டுமே பாடியதால், வட இந்தியர்கள் கடுப்பாகி பாதியிலேயே வெளியேறி விட்டனர். மேலும், டிக்கெட் கட்டணத்தையும் திருப்பியளிக்க வேண்டும் என்று சிலர் கோரி வருகின்றனர். அதோடு விடாமல், "தமிழ் பாட்டு மட்டும்தான் பாடுவீர்களா? அப்ப நாங்கள் எல்லாம் தக்காளி தொக்கா?" என்ற ரேஞ்ச்சில் ஸ்டேட்டஸ்களை பறக்க விட்டுக் கொண்டிருக்கின்றனர்.

இதற்கு சில தமிழர்களும், "நிகழ்ச்சி என்ன என்றே தெரியாமல் வந்துட்டு பொங்காதீங்க பாஸ். அவர் தமிழ்நாட்டைச் சேர்ந்தவர் என்பதை புரிந்துகொள்ளுங்கள்" என்று பதிலளித்து வருகின்றனர்.

“அந்த விண்கல் நம்மை நோக்கி வந்துட்டு இருக்கு! இன்னும் 20 செகண்ட் தான் இருக்கு!” என்று ஒரு வர்ணனையாளன் போல அலறும் அந்தக் கதாபாத்திரம். கடைசிவரை பொறுமையாக இருந்துவிட்டு, கடைசி ஓவரில் நான்கு சிக்ஸர்களை அடித்து அணிக்கு வெற்றித் தேடி தரும் தோனியைப் போல, கடைசி நொடியில் ஏதாவது செய்து பூமியைக் காப்பாற்றுவார்கள் நாசாவில் வேலை செய்யும் ஹீரோ/ஹீரோயின் அண்ட் கோ! நாமும் பாப்கார்ன் முடிந்தது கூட தெரியாமல் திரையரங்கின் நுனி இருக்கையில் வெறும் டப்பாவோடு உட்கார்ந்து இருப்போம். ஆனால், சினிமா வேறு, நிஜம் வேறு! அப்படி கடைசி நொடியில் மட்டும் நாடக பாணியில் எதாவது செய்து யாரையும் காப்பாற்றி விட முடியாது. ஒரு 5 ஆண்டுகளில் பூமிக்கு இந்த இந்த வகையில் ஆபத்து வரலாம் என்பதை நாசா முன்னரே கணித்து இப்போதிருந்தே அதை தடுக்க நடவடிக்கைகள் எடுக்கும். அப்படிபட்ட ஒரு முயற்சிதான் இது!
ஆபத்து - எங்கே, என்ன, எப்போது?

சரியாக இன்னும் 5 மற்றும் 7 ஆண்டுகள் கழித்து, அதாவது 2022 மற்றும் 2024 ஆகிய இரண்டு ஆண்டுகளில், இரண்டு முறை பூமியின் பாதையில் வருகிறதாம் விண்கல் ஒன்று. விண்கல் என்றாலும் அளவில் பெரியது என்பதால் இதை ஒரு குறுங்கோள் என்றே அழைக்கிறார்கள். ‘Didymos’ என்று பெயரிடப்பட்டிருக்கும் இதற்கு கிரேக்க மொழியில் ‘இரட்டையர்கள்’ என்று அர்த்தம். ஏனென்றால் இந்த ‘Didymos’ என்ற குறுங்கோள் ஒரு இரட்டையர்களைப் போல தான்! Didymos A என்ற குறுங்கோள் கிட்டத்தட்ட 780 மீட்டர்கள் உள்ளது. அதைச் சுற்றி வட்டமடித்துக்கொண்டே வருகிறது அதன் சகோதரனான 530 அடிகள் (160 மீட்டர்கள்) கொண்ட Didymos B. இதில் Didymos B தான் நமக்கு குடைச்சல் கொடுக்க வரப்போகும் அந்த குறுங்கோள். இந்த Didymos சகோதரர்களை மட்டும் கடந்த 2003-ம் வருடத்திலிருந்தே கண்ணும் கருத்துமாக கவனித்து வந்து இதை உறுதி செய்திருக்கிறது நாசா.
ஹாலிவுட் பாணியில் அதிரடி

முதன்முதலாக தனது நவீன Double Asteroid Redirection Test (DART) என்ற முறையை கையாளவிருக்கிறது நாசா. பூமியை இந்த குறுங்கோளிடமிருந்து காப்பாற்ற ஒரு குளிர்சாதனப் பெட்டி அளவே உள்ள DART விண்வெளிக்கலம் ஒன்றைத் தயார் செய்திருக்கிறது. ஒரு நொடிக்கு  சுமார் 6 கி.மீ. அதாவது ஒரு துப்பாக்கியிலிருந்து வெளிவரும் தோட்டாவின் வேகத்தைவிட 9 மடங்கு வேகத்தில் பாயவிருக்கிறது இந்தக் கலம். சரியாக Didymos சகோதரர்களை குறிவைத்து பாயும் இது, Didymos B யை மட்டும் தாக்கவிருக்கிறது, இதன் மூலம் அதன் பாதையில் மாற்றம் ஏற்பட்டு பூமியின் பாதையை விட்டு விலகி விடும் என்று கூறப்படுகிறது. இந்த DART விண்கலத்தை வரும் 2020-ம் ஆண்டு பூமியிலிருந்து விண்ணில் ஏவப்போகிறது நாசா.

எதற்கெல்லாம் பயப்பட வேண்டும்?

விண்கற்கள் முதல் சிறு கோள்கள் வரை பல பூமியின் பாதையில் வந்துகொண்டுதான் இருக்கின்றன. பெரும்பாலானவை அளவில் சிறியது என்பதால் பூமியின் வளிமண்டலத்தில் நுழைந்தவுடன் கருகி விடுகிறது அல்லது சிதறி சிறுதுகள்களாக காணாமல் போய் விடுகிறது. ஒருவேளை அவை சுமார் 1 கி.மீ. அல்லது அதற்கும் அதிகமான விட்டம் கொண்டிருப்பின் அதனால் பூமியில் உலகளாவிய விளைவுகள் ஏற்படலாம். பூமியை இதுபோன்ற ஆபத்துகளில் இருந்து காக்கும் ஆபத்பாந்தவனாக இருக்கும் நாசா கிட்டத்தட்ட பெரிய அளவில் பூமிக்கு இடையூறு அளிக்கப்போகும் சிறுகோள்களில் 93 சதவிகிதத்தை ஏற்கெனவே கண்டுபிடித்துவிட்டது.
கைகொடுக்கும் தொழில்நுட்பம்

இப்படி வரும் பிரச்னைகளைத் தடுக்கத்தான் இந்த புதிய Double Asteroid Redirection Test (DART) தொழில்நுட்பம். இதன் மூலம் சிறியது முதல் இடைப்பட்ட அளவிலிருக்கும் சிறுகோள்கள் வரை துல்லியமாக பாதை மாற்றம் செய்ய முடியும். இந்த DART தொழில்நுட்பத்தின் இணைத் தலைவர் ஆண்டி செங் (Andy Cheng) பேசுகையில், “இதுபோன்ற ஆபத்துகளில் இருந்து நம் பூமியைக் காப்பாற்ற, DART மிகவும் முக்கியமான ஒரு படி. இயக்கவியல் தாக்கத்தின் (Kinetic Impact) அடிப்படையில் இயங்கும் இது, எவ்வகை அபாயகரமான இடையூறுகளையும் பாதை மாற்றிவிட உதவும். பாதையில் வரும் சிறுகோள்களின் உள் கட்டமைப்பு அல்லது கலவைக் குறித்து நமக்கு எதுவும் தெரியாததால் இந்த தொழில்நுட்பத்தை நேரடியாக செயல்படுத்தி பார்த்தால் மட்டுமே இதன் உண்மையான பலனைக் கண்டறிய முடியும்.” என்று தெரிவித்தார்.

அறிவியலைக் கொண்டு எந்த ஆபத்திலிருந்தும் நம்மை காத்துக்கொள்ள முடியும் என்று நாசா நிரூபிக்கவேண்டிய கட்டம் இது. அதற்கு இந்த Didymos மிஷன் மிகவும் உதவியாக இருக்கும். வெற்றிபெற வாழ்த்துவோம்!