!...Payanam...!

       பரப்பன அக்ரஹாரா சிறையில் இருக்கும் சசிகலாவுக்குத் தனி சமையல் அறை வைத்து சமையல் செய்து கொடுக்கப்படுகிறது. இதற்காக சிறை அதிகாரிகளுக்கு இரண்டு கோடி ரூபாய் லஞ்சம் தரப்படுகிறது என்று பகீர் புகாரைக் கிளப்பினார் டி.ஐ.ஜி ரூபா.

போலீஸாருக்கு நெருக்கடி

      இந்த நிலையில் ரூபாவுக்கு கர்நாடகா அரசின் சார்பில் நோட்டீஸ் அளிக்கப்பட்டுள்ளது. அதில் சிறையில் விசாரணை மேற்கொண்ட விவரங்களை மீடியாக்களிடம் ஏன் தெரிவித்தீர்கள் என்பதற்கு விளக்கம் அளிக்க வேண்டும் என்று கூறப்பட்டுள்ளது.
இரு மாநிலங்களிலும் ஒரு சேர புயலைக் கிளப்பிய இந்தச் சம்பவம் கர்நாடகா அரசுக்குக் கூடுதல் தலைவலியைக் கொடுத்திருக்கிறது. இந்தச் சம்பவம் குறித்து பேட்டியளித்துள்ள கர்நாடகா முதல்வர் சித்தராமைய்யா, "இது முழுக்க, முழுக்க விதிமுறைகளுக்கு மாறானது. இந்தக் குற்றசாட்டைக் கூறும் முன்பு ரூபா, தன்னுடைய உயர் அதிகாரிகளிடம் இது பற்றிப் பேசியிருக்க வேண்டும். மீடியாக்களிடம் தகவல்களை ரூபா வெளியிட்டதால், போலீஸ் துறைக்கு நெருக்கடி ஏற்பட்டுள்ளது" என்று கூறி இருக்கிறார்.

எனக்கு மட்டும் விதிமுறையா?

      முதல்வரின் குற்றச்சாட்டுகளை மறுத்துள்ள டி.ஐ.ஜி ரூபா, "உண்மையில் நான் மீடியாக்களிடம் பேசவில்லை. எனது விசாரணையின் விவரங்களை டி.ஜி தான் கொடுத்திருக்கிறார். விதிமுறைகள் என்பது எனக்கு மட்டும் விதிக்கப்பட்டது அல்ல. எல்லோருக்கும் அந்த விதிமுறைகள் பொருந்தும். இது குறித்த அரசின் எந்த வித விசாரணைக்கும் நான் சம்மதம் தெரிவிக்கிறேன். இந்த விவகாரத்தில் என்னை மட்டும் குறிவைக்கிறார்கள். இந்த விவகாரத்தில் என் மீது மட்டும் நடவடிக்கை எடுக்காமல், அனைவர் மீதும் நடவடிக்கை எடுக்க வேண்டும்" என்று கூறி இருக்கிறார்.

ரூபா-சத்யா நாராயண ராவ்

       சிறையில் ஆய்வு நடத்தியது குறித்த அறிக்கையை உள்துறை மற்றும் சிறைத்துறை டிஜிபி சத்யநாராயண ராவ் ஆகியோரிடம் ரூபா அறிக்கை அளித்திருக்கிறார். அந்த அறிக்கையில், சொத்துக்குவிப்பு வழக்கில் சிறையில் அடைக்கப்பட்டுள்ள சசிகலாவுக்குச் சிறை விதிமுறைகளை மீறி தனியாக சமைத்து உணவு வழங்கப்படுகிறது என்று குறிப்பிட்டுள்ளார்.

 மேலும் சில அதிர்ச்சித் தகவல்கள்

      சிறைத்துறை டிஐஜிக்கு ரூபா தாக்கல் செய்த அறிக்கையில் சசிகலா விவகாரம் மட்டும் இன்றி மேலும் பல அதிர்ச்சித் தகவல்களும் இடம் சசிகலாபெற்றுள்ளன. போலி ஸ்டாம்ப் பேப்பர் வழக்கில் பரப்பன அக்ரஹாரா சிறையில் அடைக்கப்பட்டுள்ள அப்துல் கரீம் தெல்கிக்கும் வி.ஐ.பி அந்தஸ்துடன் தனி கவனிப்பு செய்யப்படுகிறது என்றும் சொல்லப்பட்டுள்ளது. சிறைத் துறையில் உள்ள மருத்துவ அலுவலர்கள், கைதிகளுக்குப் போதைப் பொருள் விநியோகம் செய்வதாகவும் ரூபா கூறி இருக்கிறார்.

      இது குறித்து விளக்கம் அளித்துள்ள சத்யா நாராயண ராவ், சிறைத் துறையில் உள்ள சட்ட நடைமுறைகள் ரூபாவுக்குத் தெரியவில்லை. சிறையில் போதைப் பொருள் நடமாட்டம் இருப்பது புதிதாக அவர் கண்டுபிடித்த ஒன்றல்ல. ஒவ்வொரு நாளும் கைதிகள் கஞ்சா உள்ளிட்ட போதைப் பொருள்களைப் பெறுகின்றனர். அதைத் தடுப்பதற்கு நாங்கள் நடவடிக்கை எடுக்கிறோம்" என்றார்.

      சிறையில் நடக்கும் விதிமுறை மீறல்கள் பற்றி புகார் சொன்னவரையே கார்னர் செய்வது கர்நாடகா மாநில அரசு அதிகாரிகள் மத்தியில் அதிருப்தியை ஏற்படுத்தி உள்ளது. தினந்தோறும் சிறையில் கஞ்சா புழங்குகிறது என்று சிறைத்துறை டிஜிபி சத்ய நாராயண ராவே கூறி இருப்பதும் சிறை கண்காணிப்பைக் கேள்விக்குறியாக்கி இருக்கிறது.

 பணத்தை இழந்தவரும், தேவைப்படும் பணத்தை சம்பாதிக்கத் துடிப்பவரும் சந்திக்கும் புள்ளியே 'பண்டிகை'.

குடும்பச் சூழல், கடுமையான நெருக்கடியில் சூதாட்டத்தில் நம்பி பணத்தைப் போடுகிறார் சரவணன். அதில் தோல்வியே பரிசாகக் கிடைக்க பணத்தை இழந்து தவிக்கிறார். கர்ப்பிணி மனைவி இதனால் அவரை விட்டுப் பிரிகிறார். எல்லாவற்றையும் பறிகொடுத்துவிட்டு நிற்கும் சரவணன் கிருஷ்ணாவின் வலிமையை நேரில் காண்கிறார். பணத்துக்காக இன்னொருவனை அடிக்கலாம் என்று 'பண்டிகை' ஆட்டத்தை அறிமுகம் செய்கிறார். பாஸ்போர்ட் எடுக்க பணமில்லாமல் தவிக்கும் கிருஷ்ணா அந்த ஆட்டத்தில் கலந்துகொள்கிறாரா, சூதாட்டம் யாரை வென்றெடுத்தது, கிருஷ்ணாவின் காதல் என்ன ஆனது, இழந்ததை சரவணன் மீட்டாரா என்ற கேள்விகளுக்கு பதில் சொல்கிறது 'பண்டிகை'.

சூதாட்ட உலகில் நடக்கும் நிலவர கலவரங்களை கண்முன் நிறுத்தி இருக்கும் இயக்குநர் ஃபெரோஸுக்கு வாழ்த்துகள். கதைக் களத்துக்கேற்ப நுட்பமான பதிவுகள் மூலம் கவனிக்க வைக்கிறார்.

ரஜினியைப் போல நடிப்பது, நகைச்சுவை என்ற பெயரில் மிகையாக நடிப்பது என எந்த ரிப்பீட்டும் இல்லாமல் கதாபாத்திரத்துக்கு ஏற்ற பொருத்தமான நடிப்பை கிருஷ்ணா குறையில்லாமல் கொடுத்திருக்கிறார். அடிச்சாதான் கிடைக்கும் என்ற அனுபவப் பாடத்தின் எதிரொலி, உதவி செய்யப் போய் சிக்கலில் மாட்டிக்கொண்டாலும் கடைசி வரை உதவும் குணம், காதலில் நெகிழும் தருணம், போன் நம்பரைக் கண்டுபிடிக்க மெனக்கெடும் நாட்கள் என எல்லாவற்றிலும் தன் நடிப்பை இயல்பாக வெளிப்படுத்தியுள்ளார். இனி கிருஷ்ணா இதே பாதையில் பயணிப்பது அவருக்கு ஆரோக்கியத்தை அளிக்கும்.

ஆனந்தி குணச்சித்திர கதாபாத்திரத்துக்கே உரிய சில நிமிடங்களில் மட்டும் அவ்வப்போது தென்படுகிறார். அந்த கணங்களில் குறுநகையால் தன் இருப்பைப் பதிவு செய்கிறார்.

வீடு, சொத்து, கடை அடமானம் எல்லாவற்றையும் இழந்து நிர்க்கதியாய் நிற்கும் கனமான கதாபாத்திரத்தை சரவணன் மிகச் சிறப்பாகக் கையாள்கிறார். தோற்கும் போதெல்லாம் கலங்குவதும், துரோகம் உணர்ந்து கொதிப்பதும், இழப்பதை மீட்க வேண்டும் என்ற எண்ணத்தில் இயங்குவதுமாக முதிர்ச்சியான நடிப்பை வழங்கியிருக்கிறார்.

வித்தியாசமான கதாபாத்திரத்தில் நிதின் சத்யா தனித்துத் தெரிகிறார். கவுரவத் தோற்றம் என்றாலும் கருணாஸின் நடிப்பு சிறப்பு. அருள் தாஸ், மதுசூதனன் ராவின் நடிப்பு கன கச்சிதம். அந்த இரட்டையர்கள் யார்? தேர்ந்த நடிப்பை வழங்கியிருக்கிறார்கள்.

அரவிந்தின் கேமரா சில நேரங்களில் நம் தோள்களில் பரபரக்கிறதோ என்ற உணர்வை ஏற்படுத்துகிறது. பதற்றத்தையும், பயத்தையும் கடத்திய விதத்தில் விக்ரமின் பின்னணி இசைக்கு பெரும் பங்கு உள்ளது.

சூதாட்ட உலகத்தில் நடக்கும் நிகழ்வுகள், சொல்லிவைத்து தோற்பது, யார் வெற்றி பெறுவது என முன்கூட்டியே தீர்மானிப்பது உள்ளிட்ட உள்குத்து வேலைகளும், விவரணைகள் படத்தில் சரியாக உள்ளன.

மதுசூதனன் ராவ் வளர்த்துவிடும் நபர் அவரது பேச்சை மீறி முன் விரோதமே இல்லாத கிருஷ்ணாவை வீழ்த்தத் துடிப்பது ஏன், அவர் ஹோட்டல் காட்சியில் கிருஷ்ணாவை சீண்ட முயற்சிப்பது ஏன், சந்தேகம் வரும் என்று தெரிந்து கருணாஸ் எஸ்கேப் ஆகிறார். ஆனால், மற்றவர்களுக்கு அந்த எண்ணம் வராதது ஏன் என்ற சில கேள்விகள் எழுகின்றன. அந்த செஃல்பி விசாரணைக்கு எந்த விதத்திலும் உதவவே இல்லையா? இரண்டாம் பாதியின் நீளத்தைக் கொஞ்சம் குறைத்திருக்கலாம். குத்துப்பாடலைக் கத்தரி செய்திருக்கலாம்.

இவற்றை தவிர்த்துப் பார்த்தால் பண வேட்டைக்காக நடத்தப்படும் ஆட்டமாக 'பண்டிகை' உள்ளது

பத்து மணி ஆபிசுக்கு ஒன்பது மணிக்கு எழுந்துகொள்வதும், பரபரப்பாக கிளம்பி ஓடுவதும் இன்றைக்கு சகஜமாகி விட்டது. கடிகாரம் விரட்டும் இந்த விளையாட்டில் காலை உணவு என்பதை பலரும் மறந்து விடுகிறார்கள். ஒருவேளை கிள்ளும் வயிறு அதை ஞாபகப்படுத்தினாலும் ஏதோ ஜூஸ், கொஞ்சம் ஓட்ஸ் என எதையோ திணித்து பசியைப் போக்கிக் கொள்கிறார்கள். ஆனால், காலை உணவு கட்டாயம் என்று மருத்துவம் கடுமையாக எச்சரிக்கிறது. இரவு உணவுக்கும், காலை உணவுக்கும் இடையே நீண்ட இடைவெளி இருப்பதால்தான் காலை உணவை பிரேக் ஃபாஸ்ட் அதாவது விரதத்தை உடைப்பது என்றே பெயரிட்டுச் சொல்கிறோம். காலை உணவு சாப்பிடுபவர்கள் மட்டுமே நாள் முழுதும் வேகமாக செயல்படுவதோடு  மனஅழுத்தம் இன்றி மகிழ்ச்சியாகவும் இருக்கிறார்கள் என்று ஆய்வுகள் சொல்கிறது.

இரவு உண்ட உணவு செரித்து குளுக்கோஸாக மாறுகிறது. இந்த குளுகோஸ் கல்லீரலிலும் தசைகளிலும் கிளைகோஜனாக  மாறி தங்குகிறது. இரவு முழுக்க உள்ளுறுப்புகளை இந்த சக்தி இயக்குகிறது. இதனால், காலையில் இந்த கிளைகோஜன் தீர்ந்து விடுகிறது. இதனால்,  இழந்த சக்தியை மீண்டும் பெற காலையில் ப்ரோட்டீன், மாவுச்சத்து, விட்டமின்கள் அடங்கிய உணவை எடுத்துக்கொள்வது கட்டாயம். எளிதில் ஜீரணமாகும் உணவை விட நார்ச்சத்து கொண்ட  உணவை காலையில் சாப்பிட்டால் அது உடனே செரிமானம் ஆகாமல் அந்த நாள் முழுக்க சக்தியை கொடுக்கும். கோதுமை ரொட்டி, கஞ்சி, ஓட்ஸ் கஞ்சி, பிரெட் சான்ட்விச், உப்புமா, கொழுப்புச் சத்து குறைந்த பால், பயறு வகைகள், முட்டை, கேழ்வரகு அடை, தயிர், மோர், மக்காசோளம், பழங்கள் ஆகியவற்றையும் சேர்த்துக்கொள்வது சிறந்த காலை உணவாக இருக்கும்.


சர்க்கரை வியாதி வராமல் இருக்கவும், மயக்கம், மன அழுத்தம், சோர்வு, தலைவலி, மூட்டு வலிகள் வராமல் இருக்கவும், காலை உணவு அவசியமானது. காலை உணவை எடுத்துக்கொள்வதால் உடல் எடை சீராகவும் இருக்கிறது. நீண்ட ஆயுளும், அழகான பொலிவையும் காலை உணவு அளிக்கிறது என்று மருத்துவர்களும் உறுதி செய்கிறார்கள். எனவே எது நடந்தாலும் சரி, இனி காலை உணவை தவிர்க்கவே தவிர்க்காதீர்கள்.

பத்து மணி ஆபிசுக்கு ஒன்பது மணிக்கு எழுந்துகொள்வதும், பரபரப்பாக கிளம்பி ஓடுவதும் இன்றைக்கு சகஜமாகி விட்டது. கடிகாரம் விரட்டும் இந்த விளையாட்டில் காலை உணவு என்பதை பலரும் மறந்து விடுகிறார்கள். ஒருவேளை கிள்ளும் வயிறு அதை ஞாபகப்படுத்தினாலும் ஏதோ ஜூஸ், கொஞ்சம் ஓட்ஸ் என எதையோ திணித்து பசியைப் போக்கிக் கொள்கிறார்கள். ஆனால், காலை உணவு கட்டாயம் என்று மருத்துவம் கடுமையாக எச்சரிக்கிறது. இரவு உணவுக்கும், காலை உணவுக்கும் இடையே நீண்ட இடைவெளி இருப்பதால்தான் காலை உணவை பிரேக் ஃபாஸ்ட் அதாவது விரதத்தை உடைப்பது என்றே பெயரிட்டுச் சொல்கிறோம். காலை உணவு சாப்பிடுபவர்கள் மட்டுமே நாள் முழுதும் வேகமாக செயல்படுவதோடு  மனஅழுத்தம் இன்றி மகிழ்ச்சியாகவும் இருக்கிறார்கள் என்று ஆய்வுகள் சொல்கிறது.

இரவு உண்ட உணவு செரித்து குளுக்கோஸாக மாறுகிறது. இந்த குளுகோஸ் கல்லீரலிலும் தசைகளிலும் கிளைகோஜனாக  மாறி தங்குகிறது. இரவு முழுக்க உள்ளுறுப்புகளை இந்த சக்தி இயக்குகிறது. இதனால், காலையில் இந்த கிளைகோஜன் தீர்ந்து விடுகிறது. இதனால்,  இழந்த சக்தியை மீண்டும் பெற காலையில் ப்ரோட்டீன், மாவுச்சத்து, விட்டமின்கள் அடங்கிய உணவை எடுத்துக்கொள்வது கட்டாயம். எளிதில் ஜீரணமாகும் உணவை விட நார்ச்சத்து கொண்ட  உணவை காலையில் சாப்பிட்டால் அது உடனே செரிமானம் ஆகாமல் அந்த நாள் முழுக்க சக்தியை கொடுக்கும். கோதுமை ரொட்டி, கஞ்சி, ஓட்ஸ் கஞ்சி, பிரெட் சான்ட்விச், உப்புமா, கொழுப்புச் சத்து குறைந்த பால், பயறு வகைகள், முட்டை, கேழ்வரகு அடை, தயிர், மோர், மக்காசோளம், பழங்கள் ஆகியவற்றையும் சேர்த்துக்கொள்வது சிறந்த காலை உணவாக இருக்கும்.


சர்க்கரை வியாதி வராமல் இருக்கவும், மயக்கம், மன அழுத்தம், சோர்வு, தலைவலி, மூட்டு வலிகள் வராமல் இருக்கவும், காலை உணவு அவசியமானது. காலை உணவை எடுத்துக்கொள்வதால் உடல் எடை சீராகவும் இருக்கிறது. நீண்ட ஆயுளும், அழகான பொலிவையும் காலை உணவு அளிக்கிறது என்று மருத்துவர்களும் உறுதி செய்கிறார்கள். எனவே எது நடந்தாலும் சரி, இனி காலை உணவை தவிர்க்கவே தவிர்க்காதீர்கள்.

உடலுக்கோ மனத்துக்கோ பயன் தராத எந்தக் காரியத்தையும் செய்யச் சொன்னதில்லை நம் முன்னோர்கள். பெரியவர்கள் சொல்லும் ஒவ்வொரு காரியத்திலும் ஒரு நன்மை இருந்தே தீரும். அப்படி ஒரு அற்புதமான காரியம்தான் அதிகாலை சூரிய நமஸ்காரம். சூரியனை கும்பிடுவது அத்தனை முக்கியமா? சூரியனை கும்பிடச் சொல்லி சூரியன் கேட்டுச்சான்னு எல்லாம் நீங்கள் கேட்கலாம். பதில் சொல்றோம் இருங்கள்.

விடியல்காலையில் அதாவது, சூரியன் உதித்துக்கொண்டு இருக்கும் நேரத்துக்குள் எழுந்து காலைக்கடன்களை முடித்த பிறகு, குளித்து சுத்தமான ஆடை அணிந்துகொள்ளவும். விபூதி, குங்குமம், திருமண் இதில் எதையாவது நெற்றியில் இட்டுக்கொண்டு கிழக்கு திசை நோக்கி நின்று சூரியனை வணங்குவதே சூரிய நமஸ்காரம். மூச்சை உள்ளிழுத்து கைகளை மார்பை ஒட்டினாற்போல் வைத்து கூப்பிக்கொண்டு செய்யலாம். மேலும், சில யோகப்பயிற்சிகளை செய்தவாரும் சூரிய நமஸ்காரம் செய்யலாம். இதை ஏன் செய்யணும் தெரியுமா?

இரவெல்லாம் உள்ளுறுப்புகள் வேகமாக வேலை செய்யும். இதனால் காலையில் விழிக்கும்போது, நம் உடலும் உள்ளுறுப்புகளும் சோர்வாக இருக்கும். ரத்த ஓட்டமும், இதய துடிப்பும் கூட குறைவாக இருக்கும். எனவே, அதிகாலை எழுந்து வெளியே வந்து சுவாசிப்பது நல்லது. இதனால் உடல் உற்சாகம் கொள்கிறது. மேலும், எழும் ஞாயிற்றின் வெளிச்சம் படுவதும் உடல் ஆரோக்கியத்துக்கு நன்மையானது.

மேலும், சூரிய நமஸ்காரம் செய்வதால் உடல் புத்துணர்வு பெற்று ரத்த ஓட்டம் அதிகமாகி  உடலும் உள்ளமும் சுறுசுறுப்படைகிறது. மலச்சிக்கல், பசியின்மை உள்ளிட்ட பல நோய்களுக்கு தீர்வாக இந்த சூரிய நமஸ்காரம் இருக்கிறதாம். எனவே, இதை ஆன்மிக விஷயமாக மட்டுமன்றி ஆரோக்கியத்துக்காக உடற்பயிற்சியாகவும் மேற்கொள்ளுங்கள். இளமை, அழகு, ஆரோக்கியம் அளிக்கும் சூரிய நமஸ்காரத்தை செய்யும்போது கீழ்கண்ட சூரிய காயத்ரி மந்திரத்தை சொல்லியவாறே செய்யலாம். இன்றைய காலைப் பொழுது இனிமையாக அமைய வாழ்த்துகள்.

மங்காத்தா, வேதாளம், ஜீரோ என பல படங்களில் நடித்து தற்போது வளர்ந்து வரும் நடிகர் அஸ்வின். அசோக் அமிர்தராஜ் இயக்கத்தில் இவர் நடித்த திரி படம் இன்று உலகம் முழுவதும் வெளிவந்துள்ளது. திரி ரசிகர்கள் மனதில் பற்றியதா? பார்ப்போம்.

கதைக்களம்

ஜெய பிரகாஷ் மிகவும் கண்டிப்பான தந்தை, எப்பவும் Discipline-ஆக இருக்க வேண்டும் என்பதில் தன் மகன் அஷ்வினிடம் கண்டிப்பாக இருப்பார். தன் மகனை ஒரு கல்லூரியின் ஆசிரியராக ஆக்க வேண்டும் என்று எண்ணுகின்றார்.

கல்லூரிக்கு ஒரு நாள் மார்க் ஷீட் வாங்க செல்லும் அஷ்வின் ஒரு யதார்த்தமான மோதலில் கல்லூரி ஓனரின் மகனை அடிக்கின்றார். இதனால், அவர் எங்குமே படிக்க முடியாத படி அவர் செய்கின்றார்.

படிக்காத அவர்களுக்கே இத்தனை ரோஷம் இருக்கும் போது படித்த நமக்கு இருக்கக்கூடாதா? என அஷ்வின் தன் நண்பர்களுடன் இணைந்து சமுதாயத்தில் மிகப்பெரும் சக்தியாக இருப்பவர்களை எப்படி வெல்கின்றார் என்பதே மீதிக்கதை.

படத்தை பற்றிய அலசல்

அஷ்வினுக்கு தனக்கு என்ன வரும் என்பது தெளிவாக தெரிகின்றது. சரியாக படங்களை தேர்ந்தெடுத்து நடிக்கின்றார். திரியில் கொஞ்சம் ஆக்‌ஷனிலும் இறங்கியுள்ளார். ஆனால், இவருக்கு ஏதோ ஆக்‌ஷன் செட் ஆகவில்லையோ என்று தோன்றுகின்றதோ, சாக்லேட் பாய் இமேஜ்ஜை தாண்டி அடிதடி சண்டையில் பார்க்க நேரம் இருக்கின்றது.

படத்தின் மிகப்பெரும் பலம் ஜெயபிரகாஷ், அவர் வாத்தியாராகவே ஆகிவிடலாம் போல, தன் மகனிடம் கண்டிப்பாக இருக்கும் இடத்திலும் சரி, தன் மகன் அடி வாங்கி வந்த போது ஊக்கம் கொடுக்கும் இடத்திலும் சரி யதார்த்தமான தந்தையாக கண்முன் வந்து செல்கின்றார். குறிப்பாக சண்டை என்றால் ஒதுங்கி போ, ஒதுங்கி போ என்று சொல்லும் இடங்களில் டிப்பிக்கள் மிடில் கிளாஸ் அப்பா.

ஜெயபிரகாஷ் எப்படி வாத்தியாரோ, அழகப்பனை அரசியவாதியாகவே எழுதி கொடுத்துவிடலாம். அப்படி ஒரு யதார்த்தம், தன் மகனை அஷ்வின் அடித்துவிட்டார் என தெரிந்து அவரை அலையவிடும் காட்சிகள் ரசிக்க வைக்கின்றது.

கருணாகரன், டேனியல் என காமெடிக்கு ஆள் இருந்தும் பெரிதும் காமெடி ஒர்க்-அவுட் ஆகவில்லை. படம் தில், தூள் மாதிரியான கதைக்களம் தான், அதற்கு அஷ்வின் இத்தனை சீக்கிரம் இந்த மாதிரி கதைகளை தேர்ந்தெடுத்தது ஏன் என்று தெரியவில்லை.

அஜீஷின் இசையில் பாடல்கள் பெரிதும் கவரவில்லை, இரண்டாம் பாதியில் ஏன் அந்த இரண்டு பாடல்கள் என்று கேட்க வைக்கின்றது. ஒரு பக்கா கமர்ஷியல் கதையில் நல்ல கருத்தையும் கூறியதற்கு அஷோக் அமிர்தராஜை பாராட்டலாம். ஆனால், இன்னும் கொஞ்சம் திரைக்கதையில் கவனம் செலுத்தியிருக்கலாம், குறிப்பாக முதல் பாதி.

க்ளாப்ஸ்

ஜெயபிரகாஷ்-அஷ்வின் அப்பா, மகன் உறவு, அவரின் குடும்பம் என அழகாக காட்சிப்படுத்தியுள்ளனர்.

படத்தின் இரண்டாம் பாதி கொஞ்சம் விறுவிறுப்பாக செல்கின்றது.

பல்ப்ஸ்

படம் நீண்ட நாட்களாக எடுத்தார்களா என்று தெரியவில்லை, முதல் பாதியில் காட்சிகள் கோர்வையாகவே இல்லை.

சமூகத்தில் அத்தனை பெரிய சக்தியாக இருக்கும் அழகப்பனை அஷ்வின் கொஞ்சம் எளிதில் வீழ்த்தியது போன்ற உணர்வு.

மொத்தத்தில் திரி சமுதாயத்திற்கு தேவையான கதை என்றாலும் இன்னும் அழுத்தமாக பற்ற வைத்து இருக்கலாம்.

கயல் வெற்றி ஜோடி சந்திரன், ஆனந்தி இரண்டாவது முறையாக இணைந்துள்ள படம் தான் ரூபாய். சாட்டை என்ற சமூக அக்கறை கொண்ட படத்தை கொடுத்த அன்பழகன் இயக்கத்தில் பிரபு சாலமன் தயாரிப்பில் வெளிவந்துள்ள படம் தான் ரூபாய்.

கதைக்களம்

சந்திரன் மற்றும் அவருடைய நண்பர் தேனியில் லோட் வண்டி வைத்து பிழைப்பு நடத்தி வருகின்றனர். அப்படியிருக்க சென்னைக்கு ஒரு வேலையாக வர அவர்களுக்கு கடனில் இருக்கும் தங்கள் வண்டியை மீட்க கொஞ்சம் பணம் தேவைப்படுகின்றது.

அந்த பணத்திற்காக சின்னி ஜெயந்த் மற்றும் அவரின் மகள் ஆனந்தியும் புது வீட்டிற்கு செல்ல அவர்கள் பொருட்களை வண்டியில் ஏற்றி, இறக்க ஒரு அமோண்ட் பேசி பணத்தை பெற நினைக்கின்றனர்.

இதே நேரத்தில் ஹரிஸ் உத்தமன் ஒரு பினான்ஸ் கம்பெனியில் 2 கோடிகளுக்கு மேல் பணத்தை கொள்ளையடித்து தப்பிக்கின்றார். செக் போஸ்ட் ஒன்றில் அந்த பணத்தை போலிஸிடம் இருந்து தப்பிக்க சந்திரன் வண்டியில் வைக்கின்றார்.

பிறகு அந்த வண்டியில் இருக்கும் பணம் சந்திரன் மற்றும் அவருடைய நண்பர், ஆனந்தி, சின்னி ஜெயந்திற்கு தெரியவர, அதன்பின் அந்த பணம் என்ன ஆனது. ஹரிஸ் உத்தமன் இவர்களை பிடித்தாரா? போலிஸ் ஹரிஸ் உத்தமனை பிடித்ததா? என்று பல கேள்விகளுக்கு விடையளிக்கின்றனர்.

படத்தை பற்றிய அலசல்

பிரபு சாலமனின் உதவி இயக்குனர் தான் அன்பழகன். அதனால் என்னவோ சாட்டை முதல் படம் கொஞ்சம் வித்தியாசமாக செய்தார். ஆனால், ரூபாய் அப்படியே பிரபு சாலமன் டைப் மூவி தான், ஹீரோ, அவருக்கு ஒரு நண்பர், ட்ராவல் சம்மந்தப்பட்ட வேலைகளில் உள்ளனர். ஹீரோயினை பார்த்ததும் காதல், அவருக்காக துணிந்து எடுக்கும் முடிவு, மலைப்பிரதேசத்தில் ஒரு சில காட்சிகள், அதிர்ச்சியான கிளைமேக்ஸ் அதே பார்முலா.

சந்திரன், ஆனந்தி இருவருமே கயலில் வாழ்ந்து இருப்பார்கள் கதாபாத்திரங்களாகவே, ஏற்கனவே பார்த்த ஜோடி என்பதால் இந்த படத்திலும் இயல்பாக மனதில் இடம்பிடிக்கின்றனர். சின்னி ஜெயந்த் இப்படி ஒரு நடிகனை ஏன் தமிழ்சினிமா தவறவிட்டது என்று தெரியவில்லை.

காமெடி, செண்டிமெண்ட் என அனைத்திலும் ஸ்கோர் செய்கின்றார். ஹரிஸ் உத்தமனிற்கு இதேபோல் தான் தொடர்ந்து பல படங்களில் கதாபாத்திரம் அமைகின்றது. ஆனால், அவரும் அதை தொடர்ந்து சிறப்பாகவே செய்து வருகின்றார்.

படம் என்ன தான் சுவாரசியமான கதை என்றாலும், அதை சரியான இடத்தில் முடித்தால் தான் நிறைவு பெறும், அப்படி சரியான பயணத்தில் நகரும் கதை கிளைமேக்ஸ் மட்டும் கொஞ்சம் தடுமாறுகின்றது, சோகத்தை திணித்தது போன்ற உணர்வு.

பணத்தின் மீது ஆசைக்கொள்பவன் என்ன ஆவான் என்பதற்கு சரியான முடிவு தான் என்றாலும், ஏதோ ஒரு அழுத்தமான பாதிப்பை ஏற்படுத்தவில்லை. மேலும், ஹரிஸ் உத்தமன் ஏதோ சர்வருக்கு டிப்ஸ் கொடுப்பது போல் அனைவரையுமே கொலை செய்துக்கொண்டே செல்கின்றார். வழக்கம் போல் போலீஸ் கிளைமேக்ஸில் தான் அவர்களை நெருங்குகிறது.

டி.இமானின் இசையில் வழக்கம் போல் தன்னிடம் எப்போது இருக்கும் ஹிட் டியூன்களை தட்டிவிட்டுள்ளார். இளையராஜாவின் ஒளிப்பதிவு மூனார், தேனி கிளைமேட்டை நம்மை உணர வைக்கின்றது.

க்ளாப்ஸ்

நடிகர், நடிகைகள் பங்களிப்பு, குறிப்பாக சின்னி ஜெயந்தின் நடிப்பு.

டி.இமானின் பின்னணி இசை.

ஹரிஸ் உத்தமன் ஒருபுறம் சீரியஸாக இருக்க, அவருடன் பயணிக்கும் நபர் ஒருவர் செய்யும் காமெடி காட்சிகள் ரசிக்க வைக்கின்றது.

பல்ப்ஸ்

படம் ஆரம்பித்த ஒரு சில நிமிடம் கதைக்குள் போகாமல் செல்லும் காட்சிகள்.

கிளைமேக்ஸில் இன்னும் கொஞ்சம் அழுத்தமான காட்சிகள் இருந்திருக்கலாம்.

மொத்தத்தில் உலகமே பணத்தை தேடி ஓட, பணம் நினைத்தால் நம்மை எப்படி ஓட வைக்கும் என்பதை காட்டியதற்காகவே கண்டிப்பாக நம்ம ரூபாயை இந்த ரூபாய் பார்க்க ஒரு முறை செலவழிக்கலாம்.