!...Payanam...!

முன்னாள் முதல்வர் ஜெயலலிதாவின் சொத்து மற்றும் கடன் விவரங்களை வெளியிட வேண்டும் என்று சென்னை உயர் நீதிமன்றம் உத்தரவிட்டுள்ளது.

சென்னையைச் சேர்ந்த அதிமுக நிர்வாகி புகழேந்தி என்பவர், உயர்நீதிமன்றத்தில் ஒரு மனு தாக்கல் செய்துள்ளார். அதில், ஹைதராபாத் திராட்சைத் தோட்டம், கொடநாடு எஸ்டேட், உட்பட ஏராளமான சொத்துக்கள் ஜெயலலிதா பெயரில் உள்ளன.

போயஸ் தோட்டத்தில் உள்ள வீடு உட்பட ஜெயலலிதாவின் சொத்து மதிப்பு ரூ.913 கோடி இருக்கும். ஆனால் தனது சொத்துக்களை யார் பராமரிக்க வேண்டும் என்பது குறித்து ஜெயலலிதா உயில் எழுதி வைக்கவில்லை. எனவே, ஜெயலலிதாவின் சொத்துக்களை நிர்வகிக்க, நிர்வாகி ஒருவரை உயர்நீதிமன்றமே நியமிக்க வேண்டும். இவ்வாறு புகழேந்தி தனது மனுவில் குறிப்பிட்டிருந்தார்.

இதையடுத்து, ஜெயலலிதாவின் சொத்து மற்றும் கடன் விபரங்களை தெரிவிக்க வருமான வரித்துறைக்கு சென்னை உயர் நீதிமன்றம் இன்று உத்தரவிட்டுள்ளது.

மேலும் அமலாக்க இயக்குனரகம், தமிழக அரசு ஆகியவையும், ஜெயலலிதாவின் வீடு நினைவு இல்லமாக மாற உள்ளதால் தமிழ்வளர்ச்சித்துறை ஆகியவையும் ஜெயலலிதாவின் சொத்து குறித்து பதிலளிக்க வேண்டும் என்று உயர் நீதிமன்றம் தனது உத்தரவில் தெரிவித்துள்ளது.

இதன் மூலம், ஜெயலலிதாவின் சொத்து மதிப்பு என்ன என்பது, விரைவில் மாநில மக்களுக்கு தெரிய வரும் என்று எதிர்பார்க்கலாம்.

தமிழ் சினிமாவில் கடந்த வருடம் 176 படங்கள் வெளியாகியுள்ளது. இப்படங்களில் சில படங்கள் தான் வெற்றி பெற்றுள்ளது.

கடந்த வருடத்தில் சர்கார், 2.0 என பிரம்மாண்ட படங்கள் வெளியாகி வெற்றி பெற்றது. பரியேறும்பெருமாள், 96, ராட்சசன் என சின்ன பட்ஜெட் படங்களும் பெரிய வெற்றி பெற்றது.

மொத்தம் இந்த வருடத்தில் ரூ. 2000 கோடி வசூல் செய்துள்ளது. இதில் தயாரிப்பாளர்களுக்கு கிடைத்த வருமானம் ரூ. 1700 கோடி தானாம். ரூ. 300 கோடி நஷ்டமாம்.

இந்த நஷ்டம் எல்லாம் சிறு பட தயாரிப்பாளர்களுக்குதானாம். பெரிய படங்கள் எதுவும் பெரியளவில் நஷ்டமடையவில்லை. அவர்களுக்கு சேட்டிலைட் உரிமை, வெளிநாட்டு உரிமை, டப்பிங் உரிமை என்று எப்படியும் போட்ட பணத்தை நெருக்கி எடுத்துவிடுகிறார்களாம்.

இந்த தகவலை எல்லாம் தமிழ் சினிமாவில் பெரிய அனுபவம் உள்ள தயாரிப்பாளரான தனஞ்ஜெயன் கூறியுள்ளார். இவர் இதற்குமுன்பு தமிழ் சினிமா பற்றிய தகவலை தொகுத்து எழுதிய புத்தகத்திற்காக தேசியவிருது வென்றவர் என்பது குறிப்பிடத்தக்கது.

கூகுள் நிறுவனம் தொடர்ந்து பல்வேறு புதிய முயற்சிகளை செயல்படுத்திய வண்ணம் உள்ளது என்று தான் கூறவேண்டும், அதன்படி இப்போது கூகுளின் மெசேஜஸ் செயலியில் ட்ரூகாலர் செயலியில் வழங்கப்பட்டு இருப்பதை போன்று ஸ்பேம்
என்ற குறுந்தவகல்களை கண்டறியும் வசதி வழங்கப்பட்டுள்ளது.

ட்ரூகாலர் வசதியை மேசேஜஸ் செயலியில் கொண்டு வந்தது கூகுள்.!

குறிப்பாக இந்த புதிய அம்சம் மெசேஜஸ் செயலி பயன்படுத்தும் பல்வேறு வாடிக்கையாளர்களுக்கு மிகவும் உதவியாய்  இருக்கும் என்று தான் கூறவேண்டும். மேலும் விரைவில் பல்வேறு புதிய அம்சங்களை கொண்டுவர திட்டமிட்டுள்ளது
கூகுள் நிறுவனம்.

மெசேஜஸ்

பின்பு ஆண்ட்ராய்டு இயங்குதளத்தின் மெசேஜஸ் செயலியில் ஸ்பேம் பாதுகாப்பு அம்சத்தை வழங்கும் பணிகளில் கூகுள் நிறுவனம் ஈடுபட்டு வந்தது, இந்நிலையில் புதிய அம்சம் சில பயனர்களுக்கு மட்டும் வழங்கப்படுவதாகவும், வரும் நாட்களில் இந்த அம்சம் அனைவருக்கும் வழங்கப்படலாம் எனவும் தகவல் வெளிவந்துள்ளது.

செட்டிங்ஸ்

இப்போது சிலருக்கு மட்டுமே வழங்கப்பட்டுள்ள இந்த புதிய அம்சம் நோட்டிபிகேஷன் வடிவில் உள்ளது, மேலும் புதிய ஸ்பேம் ப்ரோடெக்ஷன் ஆப்ஷனை ஆக்டிவேட் செய்ய பயனர்கள் செட்டிங்ஸ் - அட்வான்ஸ்டு செட்டிங்ஸ்
-ஸ்பேம் ப்ரோடெக்ஷன் -எனேபிள் ஸ்பேம் ப்ரோடெக்‌ஷன் உள்ளிட்ட ஆப்ஷன்களை செயல்படுத்த வேண்டும்.

குறுந்தகவல்

இந்த செட்டிங்ஸ்-ஐ செயல்படுத்தினால் உங்களுக்கு போலி குறுந்தகவல்கள் வரும் போது இந்த அம்சம் அவற்றை கண்டறிந்து தெரிவிக்கும். பின்பு இந்த அம்சம் எவ்வாறு இயங்கும் என்றால், முதலில் செயலிக்கு வரும் குறுந்தகவல்களின்
சில விவரங்கள் கூகுளுக்கு அனுப்பப்படும், எனினும் கூகுளுக்கு அனுப்பப்படும் குறுந்தகவல் படிக்கப்படாது.

தெளிவான விவரங்கள்

மேலும் ஆப்ஷன் பின்னணியில் எவ்வாறு இயங்குகிறது என்பது பற்றி தெளிவான விவரங்கள் வெளியிடப்படவில்லை.எனினும், ஸ்பேம் அறிக்கையில் குறிப்பிட்ட குறுந்தகவல் முழுமையாக கூகுளுக்கு அனுப்பப்படுகிறது. இதில் குறுந்தகவலை அனுப்பியவர் மற்றும் அதனை பெறுபவரின் மொபைல் நம்பர் உள்ளிட்ட விவரங்கள் அடங்கியிருக்கும்.

தோட்டம் வைத்துப் பராமரிப்பது ஒரு மகிழ்ச்சியான பொழுதுபோக்கு. உங்கள் வாழ்கையை வண்ணமயமாக்கும் இது ஒவ்வொரு நாளும் ஒரு புதிய அனுபவத்தை எதிர்பார்த்துக் காத்திருக்க வைக்கும். உங்கள் முயற்சிகளில் முன்னேற இத்துறை வல்லுனர்களின் பல விதமான ஆலோசனைகளைப் பின்பற்றி வந்திருப்பீர்கள். ஆனால் உங்களுக்கு ஆர்வமூட்டக்கூடிய பல வித்தியாசமான உங்களுக்கு ஆச்சரியமூட்டக்கூடிய பலனைத் தரும் தோட்டக்கலை விவரங்கள் உள்ளன.

நீங்கள் தோட்டம் வைத்துப் பராமரிப்பது பொழுதுபோக்கோ அல்லது முழுநேரத் தொழிலோ, அதற்கென சிறந்த வழிகளைப் பின்பற்ற வேண்டியது அவசியம். பலர் பாரம்பரியமிக்க இயற்கையான வழிகளை பின்பற்றுகின்றனர்.ஆனால் வித்தியாசமான வழிகளைக் கண்டுபிடிக்க நீங்கல் சில முறைகளை முயன்று பார்க்கும் போது சில உடனடியான தீர்வுகள் கிடைக்கும் வாய்ப்புகள் உள்ளது.

இதுப்போன்ற சில வித்தியாசமான முறைகளை நாம் கேட்கும் போது உங்களுக்கு அவை பைத்தியக்காரத்தனமாகத் தோன்றும். ஆனால் நீங்கள் சற்றும் எதிர்பாராத விதமாக அது நன்கு வேலை செய்யும். இதற்கு முன் பலரால் முயற்சி செய்து பார்க்கப்பட்ட முறைகள் உங்களுக்கும் உதவும். நீங்கள் முயன்று பார்க்க ஏற்கனவே சோதிக்கப்பட்ட இதுப்போன்ற வித்தியாசமான முறைகள் உங்களுக்காக இதோ.

முட்டை ஓடு

முட்டை ஓடுகளில் கால்சியம் சத்து அதிகம் உள்ளதால், இது உங்கள் தோட்டத்தை செழுமையாக்க உதவும். உலர வைக்கப்பட்ட முட்டை ஓடுகள் ஒரு நல்ல உரமாக செயல்படும். அவற்றை குப்பையில் தூக்கி எறியாமல் நொறுக்கி மண்ணில் கலந்து விடுங்கள். ஏன் நீங்கள் விதைகளைக் கூட முட்டை ஓடுகளில் விதைத்து வளர்க்கலாம். உங்கள் விதைக்கு அது ஒரு சிறந்த சத்துமிக்க தொட்டியாக அது இருக்கும்.

எப்சம் உப்பு

எப்சம் உப்பு அதிக அளவு மக்னீசியம் மற்றும் சல்பேட் சத்துக்களைக் கொண்டது. தாவரங்கள் நன்கு வளர இது உதவி செய்யும். தக்காளி மற்றும் மிளகாய் ஆகியவை இதிலிருந்து அதிக பலனைப் பெறுகின்றன.

டயபர்கள் (diapers)

இவை நன்கு ஈரத்தை உறிஞ்சி தக்கவைத்துக் கொள்ளக்கூடியவை. ஆனால் இது தாவரத்திற்கு உதவும் என எப்போதாவது நினைத்ததுண்டா? டயபர் உரையைக் கிழித்து அதிலுள்ள ஜெல்லை தண்ணீரில் முக்கி எடுங்கள். அதை மண்ணோடு கலந்து விட்டால் இவை ஈரத்தை உறிஞ்சி செடிகள் காயாமல் நன்கு வளர உதவும். ஆனால் இவற்றை உணவுத் தாவரங்களில் உபயோகிப்பதை தவிருங்கள்.

முள் கரண்டிகள்

உங்கள் வீட்டிலுள்ள வளர்ப்புப் பிராணிகள் உங்கள் தோட்டத்தை சேதப்படுத்த வாய்ப்புகள் உள்ளன. இதனால் உங்கள் உழைப்பு வீணாக நேரிடுகிறது. ஆனால் நீங்கள் கவலை கொள்ளத் தேவையில்லை. இதற்கு ஒரு நல்ல வழி இருக்கிறது. பிளாஸ்டிக்கினால் ஆன முள் கரண்டிகள் அல்லது ஸ்பூன்களை ஆங்காங்கே தோட்டத்தில் நட்டு வையுங்கள். இந்த ஒரு எளிமையான ஐடியா அவற்றை தள்ளி இருக்கச் செய்து தோட்டத்தை பாதுகாக்கும்.

பால் பவுடர்

கொஞ்சம் ஓவராத்தான் தெரியும். ஆனால், தக்காளிக்கு இது பெரிதளவில் ஊட்டச்சத்தாக இருப்பதாகப் பலர் கூறுகின்றனர். பால் பவுடரை மண்ணில் கலப்பதன் மூலம் ருசியான ரசம் மிகுந்த தக்காளிகளை பெற முடியும். முயன்று பார்த்து இனிமையான தக்காளிகளைப் பெறுங்களேன். இந்த குறிப்புகள் மிகவும் பலன் தரக்கூடியவை.

இனிய வெள்ளரிக்காய்

உங்களுக்கு வெள்ளரிக்காய் வழக்கத்தை விட இனிமையாய் இருக்க வேண்டுமா? அப்படியானால் வெள்ளரிச் செடியை சூரியகாந்திச் செடியின் அருகில் வளருங்கள். இவை இரண்டிற்குமே ஒரே மாதிரியான மண் போதுமானது. அதே நேரம் சூரியகாந்திக் கிளைகள் வெள்ளரிக் கோடி ஏற வசதியாக இருக்கும். இதுவும் ஒரு முக்கிய தோட்டக் குறிப்பு.

சமையல் கழிவு நீர்

காய்கறி வேக வைத்த மற்றும் பிற சமையல் வேலைக்குப் பின் கிடைக்கும் நீரை வீணாக்காமல் அதை செடிகளுக்குப் பயன்படுத்தலாம். ஏனெனில் இவற்றில் பல சத்துக்கள் உள்ளன. இந்த நீரை சூடு ஆறிய பிறகு சேமித்து வைத்து பின்னர் செடிகளுக்கு ஊற்றலாம். இது மிகவும் பயனுள்ள ஒரு தோட்டக் குறிப்பு.

எவ்வளவு தான் நீங்கள் தினமும் வீட்டை சுத்தம் செய்து கொண்டே இருந்தாலும் கூட, சமையலறை மற்றும் ஸ்டோர் ரூம் ஆகியவற்றிலும் எங்காவது ஒரு மூலையில் இருந்து, ஏதாவது ஒரு துர்நாற்றம் வந்துவிடுகிறது. அதை எப்படி தான் சரிசெய்வது என்பதே நமக்குப் புரியாது.


அதிலும் குறிப்பாக, குழந்தைகள் இருக்கும் வீடுகள் என்றால் இன்னும் சொல்லவே தேவையில்லை. அப்படி வீட்டில் வீசும் துர்நாற்றத்தைப் போக்கும் எளிமையான வழிகளைப் பற்றி இங்கே விளக்கமாகக் காண்போம்.

காரணங்கள்

வீட்டின் மூலை முடுக்குகளில் இருந்து துர்நாற்றங்கள் ஏற்படுவதற்கு சில காரணங்கள் இருக்கின்றன. உங்கள் வீட்டில் வரும் துர்நாற்றத்துக்கும் கீழ்கண்டவற்றில் ஏதோவொன்று தான் காரணமாக இருக்க முடியும். அவை,

காற்றோட்டம் குறைவாக இருத்தல்

வானிலை மாற்றங்கள்

வீட்டின் பழமை

பாக்டீரியா

தூசி படிதல்

உணவுகள் கெட்டுப்போதல்

ஈரம் இருந்துகொண்டே இருத்தல்

ஆகிய ஏதாவது ஒன்றின் மூலமாகத் தான் வீட்டில் துர்நாற்றம் வீசும். இதை வீட்டிலுள்ள சின்ன சின்ன பொருள்களைக் கொண்டே எப்படி சரிசெய்யலாம்.

வெனிலா எசன்ஸ்

சில துளிகள் வெனிலா எசன்ஸை எடுத்து சிறிதளவு தண்ணீரில் கலந்து கொள்ளுங்கள். அதை துணியில் நனைத்து வீட்டில் உள்ள மர ஃபர்னிச்சர்கள், பல்புகள் ஆகியவற்றைத் துடையுங்கள். அப்படி செய்தால் அதில் துர்நாற்றங்கள் போய், பல்பு ஆன் செய்யும் போது வெனிலா பிளேவர் வாசனை கமகமக்கும்.

காபி

காபியும் மிகச்சிறந்த வாசனை தரக்கூடிய டியோடரைசராகப் பயன்படுத்தலாம். ஒரு கப்பில் சிறிதளவு காபி பொடியைப் போட்டு கிச்சனில் ஒரு மூலையில் வைத்துவிடுங்கள். கிச்சனில் உள்ள துர்நாற்றங்களை முழுக்க போக்கி, அறை முழுவதும் காபியின் நறுமணம் கமழ ஆரம்பித்துவிடும்.

சிட்ரஸ் பழங்கள்

சிட்ரஸ் பழங்களுக்கென்றே அலாதியான மணம் உண்டு. அதனால் தான் பெரும்பாலும் ரூம் ஃபிரஷ்னர்கள் கூட சிட்ரஸ் பிளேவர்களில் வாங்குகிறோம். வீட்டில் எலுமிச்சை மற்றும் ஆரஞ்சுப் பழங்களை பயன்படுத்திவிட்டு, தோலை தூக்கி வீசிவிடுவோம். ஆனால் இனிமேல் அப்படி தூக்கி வீசாதீர்கள். அந்த தோலை லேசாக உலரவிட்டு, பின் அதை தீயில் போட்டு ஒரு இடத்திலோ அல்லது சாம்பிராணி புகை போடுவது போலவோ வீடு முழுக்கக் காட்டுங்கள். வீடு கமகமவென மணக்கும்.

உப்பு

கெட்ட துர்நாற்றங்களை போக்கும் அதிக ஆற்றல் கொண்டது தான் உப்பு. நீங்கள் எந்த இடத்தை சுத்தப்படுத்த வேண்டுமோ, குறிப்பாக, பிசுபிசுவென்று இருக்கிற இடமாக இருந்தால் அந்த இடத்தில் அரை கப் அளவுக்கு உப்பை கொட்டி விடுங்கள். பின் குளிர்ந்த நீர் தெளித்து, நன்கு தேய்த்து சுத்தம் செய்யுங்கள். பிசுபிசுப்பும் போய்விடும். இந்த இடமும் பளி்ச்சென்று மாறிவிடும்.

ஒயிட் வினிகர்

கிச்சனில் ஏற்படுகிற துர்நுாற்றத்தைப் போக்குவதில் ஒயிட் வினிகருக்கு மிக முக்கியப் பங்கு உண்டு. குறிப்பாக, மீன் சமைத்தால் அந்த வாசனை வீட்டை விட்டு போவதற்குள் படாத பாடு படவேண்டியிருக்கும். இனிமேல் உங்களுக்கு அந்த கவலை வேண்டாம். அடுப்பில் ஒரு சிறிய பாத்திரத்தில் சிறிதளவு ஒயிட் வினிகரை ஊற்றி அடுப்பில் வைத்து மெல்லிய தீயில் வைத்து சூடேற்றுங்கள். அது சூடேற சூடேற வீட்டைச் சுற்றிய மீன் வாசனை காணாமல் போய்விடும்.

எலுமிச்சையும் கிராம்பும்

கிச்சனில் கருகிய தீய்ந்து போன வாசனை ஏதேனும் வந்தால் எரிச்சலாக இருக்கிறதா? கவலைப்படாதீங்க. ஒரு கப் தண்ணீரில் 3 வட்டமாக நறுக்கிய எலுமிச்சை துண்டுகளையும் அதோடு சில கிராம்புகளையும் போட்டு நன்கு கொதிக்க வையுங்கள். அது கொதிக்க கொதிக்க அறையைச் சுற்றி வந்த தீய்ந்து போன வாசனை காணாமல் போய்விடும்.

இது பூண்டு மற்றும் வெங்காயத்தின் நாற்றத்தையும் நீக்கிவிடும்.

தைம், ரோஸ்மேரி

சூடான கொதிக்கும் தண்ணீர், நெருப்பு என ஏதேனும் சூடான இடத்தில் இந்த தைம் மற்றும் ரோஸ்மேரி இலைகளை பச்சையாகவும் உலர்த்தியதாகவோ இருப்பதைப் போட்டால், அதிலிருந்து வெளியேறும் வாசனை வீடு முழுக்க பரவும்.

பட்டை

மீனின் வாசனையை வீட்டிலிருந்து போக்குவதற்கான மற்றொரு ஈஸியாக பொருள் பட்டை. தண்ணீரை நன்கு கொதிக்க வைத்து அதில் பட்டையை அப்படியே உடைத்தோ அல்லது பொடியாகவோ போட்டு கொதிக்க விடுங்கள். மீன் வாசனை ஓடிவிடும்.

பிளீச்சிங்

அரை கப் அளவுக்கு பிளீச்சிங் பவுடரையோ லிக்வியூடையோ குளிர்நு்த நீரில் கலந்து கிச்சினில் உள்ள சிங்கில் ஓட்டைகளை அடைத்துவிட்டு ஊற்றி விடுங்கள். 20 நிமிடங்கள் அப்படியே உலர விட்டுவிட்டு பின் தேய்த்து கழுவுங்கள். சிங் பளிச்சென மாறிவிடும். அதேபோல் சிங்கில் இருந்து வெளிவரும் துர்நாற்றமும் போய்விடும்.