!...Payanam...!

சர்க்கரை நோய் பரம்பரை வியாதியா?

ஆம். பெற்றோர் இருவருக்கும் சர்க்கரை நோய் இருந்தால், குழந்தைகளுக்கு வரும் வாய்ப்பு 80 சதவீதம் உண்டு. பெற்றோரில் ஒருவருக்கு இருந்தால் 50 சதவீத வாய்ப்பு உண்டு. பெற்றோருக்கு சர்க்கரை நோய் ஏற்பட்ட வயதில் இருந்து 5 முதல் 10 ஆண்டுகள் முன்பாகவே குழந்தைகளுக்கு வந்து விடுகிறது.

சர்க்கரை நோயின் அறிகுறிகள் என்ன?

அதிக சிறுநீர்ப் போக்கு. அதிக தாகம் மற்றும் பசி. மூன்று மாதங்களில் முன்பு இருந்த எடையில் இருந்து 10 சதவீதம் வரை, உடல் எடை இழப்பு. ஆறாத புண், அதிக தூக்கம், பாத எரிச்சல். அத்துடன் கை, கால் குடைச்சல், இடுப்பு வலி, நெஞ்சுவலி, பல்வலி, பல்வேர் வீக்கம், பல்லில் ரத்தக்கசிவு, தலைவலி, வலிப்பு நோய், தோள்பட்டை வலி, ஆண் உறுப்பில் தோல் வெடிப்பு, வெள்ளைப்படுதல், படர்தாமரை, அதிக வியர்வை, குதிங்காலில் வலி, முழங்கை வலி, காது நரம்பு பாதிப்பு ஆகியவை ஏற்படும்.


சர்க்கரை நோயை கண்டறிவது எப்படி?

எட்டு மணி நேரம், சாப்பிடாமல் வெறும் வயிற்றில் எடுக்கப்படும் போது, ரத்தத்தில் சர்க்கரையின் அளவு 126 மி.கி., க்கு குறைவாக இருக்க வேண்டும். 82.5 கிராம் "குளுக்கோன் டி’ யை, 300 மி.லி., அளவு தண்ணீரில் கலந்து குடித்து, 2 மணி நேரத்திற்குப்பின் எடுக்கப்படும் சர்க்கரையின் அளவு, 200 மி.கி.,க்கு குறைவாக இருக்க வேண்டும்.

சாதாரணமான நேரத்தில் பரிசோதிக்கும்போது, சர்க்கரையின் அளவு 180 மி.கி.,க்கு கீழ் இருக்க வேண்டும். "ஏ 1 சி’ எனப்படும் பரிசோதனையின் அளவு, 6.5 சதவீதத்திற்கு மேல் இருக்க வேண்டும். இவற்றில், ஏதாவது 2 மட்டும் அல்லது இவற்றில் ஏதாவது ஒன்றுடன், அதிக சிறுநீர் போக்கு, தாகம், பசி, 10 சதவீதத்திற்கும் மேலான எடை இழப்பு ஏற்படுவதன் மூலம் அறியலாம்.

சர்க்கரை நோயாளிகளுக்கு மைதா மாவு கூடாது என்கிறார்களே, ஏன்?

மைதா மாவு, கோதுமையில் இருந்து பெறப்படுகிறது. கோதுமையில் உள்ள நார்ச்சத்து முழுவதும், இயந்திரத்தால் நீக்கப்பட்டு, மாவுச் சத்து மட்டுமே உள்ளது. இதனால், மைதா உணவு வகைகளை சாப்பிட்ட உடன், மிகவேகமாக, ரத்தத்தில் சர்க்கரையின் அளவு உயர்கிறது. இந்த வேகத்திற்கு, "இன்சுலின்’ ஊசியோ அல்லது மாத்திரையோ ஈடுகொடுக்க முடிவதில்லை. மைதா வகைகளை தவிர்ப்பது நல்லது. மைதாவில் உள்ள "மைக்ரோகிராம்’ அளவு, கெமிக்கல் சர்க்கரை வரும் வாய்ப்பை அதிகரிக்கிறது.

சர்க்கரை நோயாளிகள் எந்த வகை பழங்களை சாப்பிடலாம்?

ஆப்பிள், மாதுளை, பப்பாளி, கொய்யா, ஆரஞ்சு, தர்ப்பூசணி, பேரிக்காய், நாவல்பழம், அத்திப்பழம் போன்றவைகளை சாப்பிடலாம். அதேசமயம் பழச்சாறு குடித்தால், அது உடனே உடலில் சர்க்கரை அளவை அதிகப்படுத்துவதால், தவிர்க்க வேண்டும்.

சர்க்கரை நோயாளிகள் நிலக்கடலை, முந்திரி வகைகளை (நட்ஸ்) பயன்படுத்தலாமா?

செரிமானத்தை தாமதப்படுத்துவதன் மூலம், சாப்பிட்ட உடனேயே அதிகரிக்கும் சர்க்கரையின் அளவை (30-50 சதவீதம்), அவை குறைக்கின்றன. மேலும், இதில் உள்ள ஆர்ஜினின், இருதயத்திற்கு ஊறு விளைவிக்கும் சி.ஆர்.பி., அளவை குறைக்கிறது. எனவே, அவற்றை பயன்படுத்தலாம். வாரத்தில் 3 நாட்கள், ஒரு கைப்பிடி அளவு வேகவைத்த வேர்க்கடலை, முந்திரி, பாதாம் பருப்பு பயன்படுத்தலாம்.

காபி, டீ- இவற்றில் எது சிறந்தது?

காபி சிறந்தது. டீ விரும்புவோர் எலுமிச்சை டீ அல்லது கிரீன் டி குடிக்கலாம். காலையில் ஒரு கப் காபி, மாலையில் ஒரு கப் டீ, பால் அளவை குறைத்து, எலுமிச்சை சேர்த்து குடிக்கலாம். இவை மாரடைப்பு வருவதை தவிர்க்கிறது.

 "ஓட்ஸ்’ சாப்பிடுவது எந்தளவு பலனை தரும்?

 "ஓட்ஸ்’ என்பது அரிசியைப் போல ஒரு தானியமே. ஆனால், அரிசியைப் போல இல்லாமல் கஞ்சி, களி மட்டும் தயாரிக்க முடியும். இவை விரைவில் செரிமானம் ஆகிவிடுவதால் சீக்கிரமே பசியெடுக்கும். எனவே மறுபடியும் சாப்பிட வேண்டியிருப்பதால் சர்க்கரையின் அளவு மேலும் அதிகரிக்கும். ஆனால், "ஓட்ஸை’ சிறிது கெட்டியாக செய்து காலை உணவாக சாப்பிடலாம்.

சமையலை எளிதாக்க இல்லத்தரசிகளுக்கு சில டிப்ஸ்.

* அரிசியை நன்கு ஊறவைத்து பின் வேகவைத்தால் சீக்கிரமாக வேகும்.

* இட்லி, இடியாப்பம், புட்டு எண்ணையில்லாச் சப்பாத்தி ஆகியவற்றிற்கு முதலிடம் கொடுப்பது உடலுக்கு நல்லது.

* ஒரு நேரத்திற்கு ஒரே வகைக் காய் நல்லது.

* கீரை வகைகளை, அரை வேக்காட்டில் இறக்க வேண்டும்.

* எண்ணெய்விட்டு தாளித்து பின் காய்களை வேக வைத்து பொரியல் செய்வது வழக்கம். அதற்குப் பதிலாக தேவையான அளவு தண்ணீர் மட்டுமே விட்டு காய்களையும் மசாலாச் சாமான்களையும் சேர்த்து வேகவேகக் கிளற வேண்டும். பச்சை நிறம் மாறும் முன்பே தேங்காய்த்துருவலை வேண்டிய அளவு சேர்த்து கிளறி இறக்கிவிட வேண்டும், தேங்காயை வேகவிடக் கூடாது.

* குழம்புச் சாதத்தை குறைத்து மோர்சாதத்தைக் கூட்ட வேண்டும்.

* காரம், புளி, உப்பு மிகக் கெடுதல் குறைத்து கொள்வது நல்லது.

* தேங்காய் வெந்தால் கொழுப்புக் கூடும். பச்சையாக உபயோகித்தால் கூடுதலாக இருக்கிற கொழுப்பு வெளியேறி சமநிலைக்கு வந்துவிடும்.

* பொரித்த பண்டங்களைத் தவிர்ப்பது நல்லது.

* வெள்ளைச் சர்க்கரை கெடுதல் தரும். வெல்லம், கருப்பட்டி, பனங்கற்கண்டு ஆகியவற்றை சேர்ப்பது நல்லது.

* அரிசியோடு சோளம், கேழ்வரகையும் சேர்த்து இட்லி தயாரித்தால் சத்து கூடுதலாக கிடைக்கும்.

• காய்கறிகள், கீரை வகைகளை கூடுதலாக எடுத்துக் கொண்டு உணவை குறைத்தால் உடல் ஆரோக்கியமாக இருக்கும்.

கோடம்பாக்கத்தின் குபேர வங்கிதான் பைனான்சியர் அன்புச்செழியன். அவர் கதவை மூடிவிட்டால் அவ்வளவுதான்… தமிழ் திரையுலகமே காலி. இந்த நிஜத்தை வேறு வேறு வார்த்தைகளால் ஒலிக்க ஆரம்பித்திருக்கிறார்கள் தமிழ்சினிமாவின் முன்னணி தயாரிப்பாளர்கள் பலர். ‘நான் வாங்குனேன். நல்லாயிருக்கேன். அப்ப நீங்க?’ என்று விளம்பரத்தில் வரும் அப்பாஸ்கள் போல இவர்கள் வரிசை கட்டி பேசுவது வேடிக்கையாக இருந்தாலும், அவரவர்கள் வாயால் வருகிற கமென்ட்டுகள் எதுவும் புறக்கணிக்க தகுந்ததல்ல. விஜய் ஆன்ட்டனி, சுந்தர்சி, தேவயானி, சீனு ராமசாமி, லிங்கா புகழ் சிங்காரவேலன், இன்னும் நாளைக்கும் அதற்கு மறுநாளும் ஆடியோவை வெளியிடப் போகிற அன்பு உள்ளங்கள் என அத்தனை பேரும் சொல்லி வைத்தார் போல, ‘அன்பண்ணன் போல வருமா?’ என்றே பேசுகிறார்கள். பேசப்போகிறார்கள்.

இதெல்லாம் எதற்கு? அன்புச்செழியனை அரக்கன் என்று வர்ணிக்கும் இன்னொரு கோஷ்டியால் அவரது இமேஜ் இறங்கிவிடக் கூடாதே என்பதற்காக. அதைவிட முக்கியம் காவல்துறை அவர் மீது நடவடிக்கை எடுப்பதற்கு முன் இத்தகைய ஆடியோக்கள் அந்த நடவடிக்கையை இன்னும் நமத்துப் போக வைக்குமல்லவா?

அன்புச்செழியனை உத்தமர் என்று வர்ணித்திருந்த சீனு ராமசாமியின் ட்விட்டுக்கு கடும் ரீயாக்ஷன் காட்டியிருந்தார் கரு.பழனியப்பன். அதற்கப்புறம் விஜய் ஆன்ட்டனிக்கும் அவர் பதில் சொல்லியிருந்தார். இன்னும் சில இயக்குனர்கள் அன்புச்செழியனுக்கு ஆதரவாக கருத்து சொல்கிற தயாரிப்பாளர்களை கடுமையாக விமர்சித்து வருகிறார்கள். இந்த மாறி மாறி அடித்துக் கொள்ளும் யுக்தியால், ஒரு தற்கொலை வெகு சீக்கிரம் மறக்கடிப்பட்டுவிட்டது.

கடைசி தகவல்- ‘கொடிவீரன்’ படம் இனி ஜென்மத்துக்கும் வராது என்பதாகவே இருக்கிறது. கல்குவாரி மணல்குவாரி மாதிரி, சினிமாவையும் அரசே ஏற்று நடத்த வேண்டும் என்ற ஒரு பொன்னான கருத்தை வெளியிட்டு அமைச்சர் செல்லூர் ராஜுவுக்கே பீதியூட்டி இருக்கிறார் அண்ணன் கருணாஸ் எம்.எல்.ஏ.

நடிகை அமலா பால் சமீபத்தில் சொகுசு கார் வாங்கியதில் கேரள அரசுக்கு முறையாக வரி செலுத்தவில்லை என குற்றச்சாட்டு எழுந்தது. குறைவான வரிக்காக பாண்டிச்சேரியில் உள்ள ஒரு முகவரி கொடுத்து கார் வாங்கியது அம்பலமானது. இது குறித்து அவரும் அதை மறுத்து கருத்து வெளியிட்டிருந்தார்.

ஆனால் தற்போது போலிஸ் விசாரணையில் துப்பு துலங்கியுள்ளது. இதில் பாண்டிச்சேரி முகவரியில் அவர் வீடு எடுத்தது உண்மை தானாம். வீட்டின் மூன்றாம் மாடியில் வெறும் ஒரே ஒரு அறை மட்டுமே கொண்டதாம்.

இதற்கு அக்ரிமென்ட் போடப்பட்டுள்ளது என கூறிய அந்த வீட்டின் உரிமையாளர் போலிஸாரிடம் அதற்கான ஆவணங்கள் எதையும் கொடுக்கவில்லையாம்.

சினிமாவில் கவர்ச்சிக்கும் இடம் கொடுக்கப்படும். இது படத்திற்கு ஒரு மசாலா போல கொடுக்கப்பட்டாலும் சில நேரங்களில் அது படத்தில் பெரிய தாக்கத்தை ஏற்படுத்தும்.

ஆனால் கவர்ச்சியை கதையாக வைத்து ராய் லட்சுமி நடிப்பில் ஜூலி 2 ஹிந்தியில் எடுக்கப்பட்டு தமிழில் டப்பாகி வந்துள்ளது. வந்துள்ளது. சரி இந்த ஜூலி எப்படிப்பட்டவள் என்பதை பார்ப்போம்.

கதைக்களம்

நடிகை ராய் லட்சுமி தான் இப்படத்தின் ஹீரோவும், ஹீரோயினியும். ஒரு ஹீரோயினை மையப்படுத்திய படம் வந்துள்ளது ஜூலி 2. இவர் பிறப்பிலேயே சந்தேகம் எழுகிறது.

அம்மா இரண்டாவது திருமணம் செய்து வாழ அந்த சித்தப்பாவால் இன்னல்களுக்கு ஆளாகிறார் அவர். வீட்டை விட்டு விரட்டப்படும் நிலைக்கு தள்ளப்படும் ஜூலி ஒரு பெண்ணிடம் அடைக்கலம் புகுந்து விடுகிறார்.

சினிமாவில் நடிக்க வேண்டும் என ஏகப்பட்ட கனவு. ஆசை அதற்கான பல முயற்சிகளை எடுக்க வைத்துள்ளது. ஆனால் வாய்ப்பு கிடைக்கும் வேளையில் சினிமாவில் இருக்கும் சில காமுகர்களிடம் சிக்குகிறார்.

தன்னை தர மறுக்கும் ஜூலி ஒதுக்கப்படுவது, படுக்கையை பகிர்ந்து கொண்டால் பிரபலமாகலாம் என்பதை கட்டத்திற்குள் அடைத்துவைக்கபடுவதுமாக கதை நகர்கிறது.

ஒரு நேரத்தில் சுமித்திரா தேவி என்பவரின் பயோகிராஃபியில் நடிக்க போகிறார். அத்தோடு இவருக்கு எதிராபாராத திருப்பங்கள் ஒரு இக்கட்டான சூழ்நிலையில் ஆபத்தை நெருங்குகிறார்.

ஜூலி அதிலிருந்து தப்பித்தாரா, படுக்கையை பகிர்ந்துகொண்டாரா, அவரின் கனவு பலித்ததா என்பதே மீதிக்கதை.

படத்தை பற்றிய அலசல்

ராய் லட்சுமி ஒரு அனுபவமான நடிகை தான். கிளாமராக நடிப்பதென்றால் உள்ளே குதித்துவிடுவார். ஐட்டம் பாடல்களுக்காக மட்டும் அவ்வப்போது தமிழ் சினிமாவில் எட்டிப்பார்க்கும் இந்த ராய் ஒரு முழு ஜூலியாக இப்போது வந்துள்ளார்.

சினிமாவில் இப்போது நடிகைகளுக்கு பல பிரச்சனைகள் இருப்பதாக சொல்லப்படுகிறது. சில விசயங்கள் வெளிவருகிறது. பல விசயங்கள் வெளிவருவதில்லை.

ஆனால் அத்திபூத்தாற் போல் அவ்வப்போது ஓரிரு குற்றங்கள் அம்பலமாகிறது. இப்படத்தில் ஒரு நடிகை சினிமாவில் உச்சத்தை அடைய என்னவெல்லாம் சந்திக்க வேண்டியிருக்கிறது.

காசு சம்பாதிக்கும் ஆசையில்லாவிட்டாலும் காம வலையில் சிக்காமல் பார்த்துக்கொள்ள நினைத்தாலும் சந்தர்ப்ப சூழ்நிலைகள் ஒரு மனிதரை தவறு செய்ய வைக்கிறது என காட்டியிருக்கிறார்கள்.

சினிமாவில் மட்டுமல்ல அரசியிலில் உச்சத்தை அடைய நினைத்தாலும் கடைசியில் அவர்கள் உயிருக்கே ஆபத்து இருப்பதை எப்படி சமாளிக்கிறார்கள் என்பதை நடிப்பில் காட்டிருக்கிறார்.

கிளாப்ஸ்

ராய் லட்சுமி ஜூலியாகவே மாறியுள்ளார். நடிப்பை பாராட்டலாம்.

ஓரிரு பாடல்கள் கேட்கும் படியாக இருக்கிறார். ஜூலி ஜூலி என தீம் செட்டாகிவிட்டது.

படத்திற்கேற்ற லைட் மீயூசிக் பிஜிஎம். அவ்வளவு தான்.

பல்பஸ்

ஒரு சிறு கதையை முழு நீள படமாக இழுத்து கொடுத்திருக்கிறார்களோ என தோன்றுகிறது.

படம் முழுக்க சீரியஸ் தான். நோ காமெடி. நோ ரிலாக்ஸ்.

வந்த வேகத்தில் அடுத்தடுத்து ஐட்டம் பாடல்களால் நிரப்பியது போல் உள்ளது.

டப்பிங் படம் எனாற் ஃபீல் கடைசி வரை நம்மை விட்டு விலகவில்லை.

மொத்ததில் ஜூலி 2 ஓகே. ராய் ஜூலியாக மாறியிருக்கிறாள். ஆனால் நிஜத்தில் சாத்தியமா என்றால் கேள்விக்குறி தான்.

கௌதம் கார்த்திக் ஆரம்ப காலத்தில் தவறான படங்களின் தேர்வினால் மிகவும் தடுமாறினார். பின் அதை சுதாரித்துக்கொண்டு ரங்கூன், இவன் தந்திரன், ஹரஹர மஹாதேவகி என தொடர் ஹிட் படங்களை கொடுத்து தனக்கென்று ஒரு பெயரை சம்பாதித்துவிட்டார். தற்போது இந்திரஜித் மூலம் அந்த பெயரை தக்க வைத்தாரா? பார்ப்போம்.

கதைக்களம்

தமிழ் சினிமாவின் அட்வென்ஜர்ஸ் கதைகள் வருவது அரிதிலும் அரிது. ஹாலிவுட்டில் புதையலை தேடும் இண்டியானா ஜோன்ஸ் வகை படங்கள் பலவற்றை பார்த்திருப்போம். அதேபோல் தமிழில் எடுக்க முயற்சித்துள்ள படம் தான் இந்திரஜித்.

பல ஆயிரம் வருடங்களுக்கு முன் சூரியனில் இருந்து ஒரு துகள் வெடித்து பூமிக்கு வர, அதன் மூலம் எந்த விதமான வரண்ட நிலமும் செழிப்பாகின்றது.

அதை வைத்து மனிதர்களுக்கு நோயே இல்லாத வாழ்க்கையை உருவாக்கலாம் என்பதை சில விஞ்ஞானிகள் கண்டுபிடிக்க, அதை தொடர்ந்து அந்த கல்லை தேடி இரண்டு கூட்டம் கிளம்புகின்றது.

அதில் ஒரு கூட்டத்தில் கௌதம் கார்த்திக்கும் இருக்க, இறுதியில் அந்த கல் யார் கைக்கு கிடைத்தது என்பதே மீதிக்கதை.

படத்தை பற்றிய அலசல்

கௌதம் கார்த்திக் தொடர்ந்து ஹிட் படங்களை கொடுத்து தனக்கென்று ஓரளவிற்கு நல்ல ரசிகர்கள் வட்டத்தை உருவாக்கி வருகின்றார். இந்த படம் அவர் தோற்றத்தை வைத்தே சொல்லிவிடலாம் ஒரு சில வருடங்களுக்கு முன்பு தொடங்கியது என்று.

படம் நீண்ட நாட்களாக எடுத்து ரிலிஸாகாமல் இருந்தது படத்தின் காட்சிகளிலேயே தெரிகின்றது. ஹீரோயின் காட்சி பல இடங்களில் வெட்டி தூக்கியிருப்பார்கள் போல, ஆனால், அது படத்திற்கு பலம் தான்.

அதேபோல் கிராபிக்ஸ் காட்சிகள் முடிந்த அளவிற்கு சிறிய பட்ஜெட் என்றாலும் சிரத்தை எடுத்து செய்திருக்கிறார்கள், இந்த பட்ஜெட்டிற்கு இவ்வளவு ரிஸ்க் பாராட்டப்படவேண்டும்.

ஆனால், ஒரு கல், அதை தேடிச்செல்லும் கும்பல் என கதையாக கேட்கும் போது சுவாரசியம் மிகுந்ததாக இருக்கும். ஆனால் இந்த இந்திரஜித் திரைக்கதையாக கொஞ்சம் ஏமாற்றம் தான், ஒரு சில இடங்களில் ஏதோ டப்பிங் படம் தான் பார்க்கின்றோமோ என்று எண்ண வைக்கின்றது.

படத்தின் இசை கொஞ்சம் கொஞ்சம் இறைச்சலை ஏற்படுத்துகின்றது. அதை கவணித்திருக்கலாம், அதேபோல் படத்தில் அடர்ந்த காட்டில் பல விலங்குகளை காட்டி நம் எதிர்ப்பார்ப்பை எகிறவைத்து கடைசியில் ஏமாற்றத்தை தான் கொடுக்கின்றனர்.

க்ளாப்ஸ்

கதைக்களம் மற்றும் குறைந்த பட்ஜெட்டில் உருவாக்கப்பட்ட கிராபிக்ஸ் காட்சிகள்

பல்ப்ஸ்

கதையை எடுத்தவிதம், எந்த ஒரு இடத்திலும் ரசிகர்களுக்கு ஆச்சரியம் தரவில்லை.

மொத்தத்தில் இந்திரஜித்தின் பயணம் கடுமை என்றாலும் சுவாரசியம் மிக குறைவு.