!...Payanam...!

ஹிட்டோ, பிளாப்போ? டாப் டென் வரிசைக்குள் இருக்கிற ஹீரோக்களுக்கு கதை சொல்லி கால்ஷீட் வாங்குவதே ஒரு பாகுபலி எடுத்ததற்கு சமம்! அந்தளவுக்கு வருஷக்கணக்காக அலைய
விடுவார்கள். பல வருஷ போராட்டத்திற்கு பிறகு எப்படியோ கதை கேட்க சம்மதிக்கும் சில ஹீரோக்கள் அப்படி கதை கேட்கும் ஸ்டைலையே விநோதமாக வைத்திருப்பார்கள். “கதைய பத்து நிமிஷத்துக்குள்ள சொல்லுங்க. பிடிச்சிருந்தா மேற்கொண்டு கேட்பேன். இல்லன்னா இல்லதான்” என்பார்கள். இரண்டரை மணி நேர படத்தை பத்து நிமிஷத்துல எப்படிய்யா சொல்வது என்று பேதியாகும் இயக்குனர்கள், எப்படியோ மென்று முழுங்கி அவரை இம்ரஸ் செய்வதற்குள், போன ஜென்மத்து பாவத்தையும் சேர்த்து அனுபவித்துவிடுவார்கள். இந்த ஏழு மலைகளை ஏறி கடந்துதான் பல இயக்குனர்கள் படம் பிடிக்கிறார்கள். (ஐயோ பாவம்)

சரி… விஷயத்துக்கு வருவோம். அப்படி பல வருஷங்கள் அலைந்து விஜய் சேதுபதிக்கு கதை சொல்லி அவரை இம்ப்ரஸ் பண்ணிவிட்டார் ஒரு டைரக்டர். கா…வில் ஆரம்பித்து ஸ்… ல் முடியும் பெயர் கொண்ட அந்த அறிமுக இயக்குனருக்கு விஜய் சேதுபதி கொடுத்த ட்ரீட்மென்ட்தான் பேரதிர்ச்சி.

“உங்க கதை பிரமாதமா இருக்கு. ஆனால் எனக்கு இப்போ இருக்கிற கமிட்மென்ட்ல உங்களுக்கு உடனே படம் பண்ணவும் முடியாது. ஆனால் உங்களை மாதிரி இயக்குனர்கள் இனிமேலும் காத்திருப்பது சினிமாவுக்கு நல்லதல்ல. அதனால் நானே ஒரு கோடி ரூபாய் உங்களுக்கு கொடுக்குறேன். சின்ன பட்ஜெட்ல புதுமுகத்தை வச்சு ஒரு படத்தை இயக்கிட்டு வாங்க. அந்த படத்தை நானே ரிலீஸ் பண்ணிக் கொடுக்கிறேன். அதுக்குள்ள நானும் என்னை ஃப்ரீ பண்ணி வச்சுக்குறேன். இன்னொரு படம் என்னோடு நீங்க இணைந்து பண்ணலாம்” என்றாராம்.

தமிழ்சினிமா வரலாற்றிலேயே இப்படியெல்லாம் நடந்ததில்லை. இப்படியொரு ஹீரோவை ‘மனுஷன்’ என்று சாதாரணமாக சொல்லிவிட முடியுமா என்ன? தெய்வம்… அல்லது அதுக்கும் மேல!

(தலைப்பை படித்துவிட்டு டர்…ராகியிருக்கும் விஜய் சேதுபதி ரசிகர்களே… இப்ப கூல் கூல்)

உலகமெங்கும் தொலைக்காட்சிகளில் ஒளிபரப்பாகி புகழ்பெற்ற 'பிக் பிரதர், பிக் பாஸ்' நிகழ்ச்சியை கமலுடன் கைகோத்து  தமிழுக்கு கொண்டு வருகிறது விஜய் டிவி. நிகழ்ச்சி தொகுப்பாளராக கமல் சின்னத்திரையில் கால் பதிப்பதாலேயே 'பிக் பாஸ்' நிகழ்ச்சியின்
எதிர்பார்ப்பு அதிகமாகவே உள்ளது. ரியாலிட்டி நிகழ்ச்சியான இதில் மொத்தம் 14 பிரபலங்கள் பங்கேற்கிறார்கள். அவர்கள் அனைவரும் ஒரே வீட்டில் 100 நாள்கள் தங்க வேண்டும். அந்த வீடு முழுவதும் மொத்தமாக 30 கேமராக்கள் இருக்கும். போன், இணையம், கடிகாரம், செய்தித்தாள் என எதுவும் அந்த வீட்டில் இருக்காது. போட்டியாளர்களுக்கு கிடைக்கும் இந்த 100 நாள்களில், யார் சவால்களை தாக்குப் பிடித்து வெற்றி பெறப் போகிறார் என்பதுதான் 'பிக் பாஸ்' நிகழ்ச்சியின் கான்செப்ட். இந்த நிகழ்ச்சியின் ஃபர்ஸ்ட் லுக் சிறிது நாள்களுக்கு முன்பு ரிலீஸாகி ரசிகர்களிடம் நல்ல வரவேற்பைப் பெற்ற நிலையில், இன்று 'பிக் பாஸ்' நிகழ்ச்சியின்  ட்ரெய்லர் பத்திரிகையாளர் சந்திப்பின்போது வெளியானது. இந்த நிகழ்ச்சியில் கமல்ஹாசன், தொகுப்பாளினி டிடி மற்றும் விஜய் டிவியின் நிறுவனர் கிருஷ்ணன் ஆகியோர் கலந்துகொண்டனர். நிகழ்ச்சியில் பத்திரிகையாளர்கள் கேட்ட கேள்விகளுக்கு கமல் அளித்த பதில் இதோ...

'பிக் பாஸ்' நிகழ்ச்சியின் தமிழ் வெர்ஷனுக்கும் இந்தி வெர்ஷனுக்கும் என்ன வித்தியாசம் இருக்கும்?

மொழியே ஒரு வித்தியாசம் தான். மொழியைத் தாண்டி பெரிய வித்தியாசம் எனக்குத் தெரியவில்லை.

இந்தியில் அமிதாப் பச்சன் மற்றும் சல்மான் கான் தொகுத்து வழங்கிய 'பிக் பாஸ்' நிகழ்ச்சியில் யாருடைய நிகழ்ச்சி உங்களுக்கு பிடித்திருந்தது?

அமிதாப்பை பல நிகழ்ச்சிகளில் ஏற்கெனவே பார்த்து விட்டதால் சல்மான் கான் தொகுத்து வழங்கிய 'பிக் பாஸ்' நிகழ்ச்சிதான் எனக்கு பிடித்திருந்தது. சல்மான் கான்  எளிமையாகவும், எதார்த்தமாகவும் செய்து இருந்தார்.

'பிக் பாஸ்' நிகழ்ச்சியில் அரசியல்வாதி யாராவது பங்கேற்பார்களா?

அரசியல்வாதிகள் யாரும் இருக்க மாட்டாங்கனு நம்புறேன். பிரபலங்களுடன் சாமான்ய மனிதர் யாராவது இருப்பாங்கனு நினைக்கிறேன்.

30 கேமராக்கள் இருக்கும் ஒரு வீட்டில் பிரபலங்கள் எப்படி எதார்த்தமாக இருக்கவும், பேசவும் முடியும்?

முடியும். நாங்களே சில நேரம் கேமரா இருப்பது தெரியாமல் மனதில் இருப்பதே வெளிப்படையாக பேசி வம்புகளில் மாட்டிக்கொள்வதில்லையா? அதே மாதிரிதான் கேமரா இருக்கு என்பதையே போட்டியாளர்கள் மறந்து விடுவார்கள்.

'பிக் பாஸ்' நிகழ்ச்சிக்குப் பதிலாக சமூக அக்கறையுடைய 'சத்யமேவ ஜெயதே' போன்ற நிகழ்ச்சியை நடத்தலாமே?

நான் என் வாழ்க்கையில் தனிப்பட்ட முறையில் 'சத்யமேவ ஜெயதே' நிகழ்ச்சியில் செய்வதைவிட பல நல்ல விஷயங்களை செஞ்சிட்டுதான் இருக்கேன். இதை நான் என் தனிப்பெருமைக்காக இங்கே சொல்லலாம்.

இன்றைய அரசியல் சூழலில் நீங்கள் அரசியலுக்கு வருவீர்களா?

போட்டி அரசியலில் நான் இல்லை. தமிழ் உணர்வுள்ள யார் வேண்டுமானாலும் அரசியலுக்கு வரலாம். அரசியல் பணம் சம்பாதிக்கும் தொழில் இல்லை. சேவை செய்யும் இடம் என்பதை புரிந்து கொள்ள வேண்டும்.

அரசியல் சிஸ்டம் சரியில்லை என்று ரஜினி சொன்னதைப் பற்றி?

சிஸ்டம் சரியில்லை என்று ரஜினி சொன்னதில் தவறு ஏதுமில்லை. அது வித்தியாசமானது இல்லை.

ஜூன் 25 ஆம் தேதி முதல் 'பிக் பாஸ்' நிகழ்ச்சி விஜய் டிவியில் ஒளிபரப்பாகவுள்ளது. இதற்கான பிரமாண்ட செட் சென்னையில் போடப்பட்டுள்ளது. கமல் தொகுத்து வழங்கும் இந்த நிகழ்ச்சியைப் பார்க்க அவரது ரசிகர்கள் ஆவலோடு இருக்கின்றனர்.

பிரபுசாலமன் இயக்கிய  'கும்கி' படத்தில் கும்கி யானைகள் மட்டுமன்றி விக்ரம் பிரபு, லட்சுமி மேனன் உள்ளிட்டோரும் அறிமுகமானார்கள்.

திருப்பதி பிரதர்ஸ் லிங்குசாமி தயாரித்த 'கும்கி' படத்தின் இரண்டாம் பாகத்தை எடுக்கும் முயற்சியில் தற்போது பிரபுசாலமன் ஈடுபட்டு வருகிறார் என்று கேள்விப்பட்டு அவரைத் தொடர்புகொண்டோம்.  'கும்கி 2' படத்தை நான் இயக்கப்போவது உண்மைதான். ஆனால், படத்தில் நடிக்கும் நாயகன்,  நாயகி இன்னும் ஒப்பந்தமாகவில்லை.

புதுமுகங்களாக நான் தேடிக்கொண்டிருக்கிறேன். கிடைத்தவுடன் படம் ஷூட்டிங் ஆரம்பமாகும். படத்துக்கான வேலைகள் போயிட்டுயிருக்கு.  படத்தின் இசையமைப்பாளர் முதல் நடிகர்கள் வரை புதியவர்களை வைத்துதான் இந்தப் படத்தை உருவாக்கப் போகிறேன். ஆனால், படத்தின் பெயர் 'கும்கி 2' தான். விரைவில் அதிகாரபூர்வ அறிவிப்பு வரும்'' என்றார்.

சின்னத்திரையில் கமல் தொகுத்து வழங்கப்போகும் 'பிக் பாஸ்' நிகழ்ச்சியை டிவி-யில் பார்க்க ரசிகர்கள் அனைவரும் காத்துக்கொண்டிருக்கின்றனர். ரியாலிட்டி நிகழ்ச்சியான இதில் மொத்தம் 14 பிரபலங்கள் பங்கேற்கிறார்கள். அவர்கள் அனைவரும் ஒரே வீட்டில் 100 நாள்கள் தங்க வேண்டும். அந்த வீடு முழுவதிலும் மொத்தமாக 30 கேமராக்கள் இருக்கும். போன், இணையம்,
கடிகாரம், செய்தித்தாள் என எதுவும் அந்த வீட்டில் இருக்காது.

இதில், சவால்களைக் கடந்து யார் வெற்றி பெறப் போகிறார்கள் என்பதுதான் போட்டியின் கான்செப்ட். 'பிக் பாஸ்' நிகழ்ச்சியின் ஃபர்ஸ்ட் லுக் மற்றும் டீசர் சில நாள்களுக்கு முன்பு ரிலீஸாகி ஹிட் அடித்தது. இந்தப் போட்டியில் கலந்துகொள்ளும் 14 பிரபலங்கள் பற்றிய தகவல்கள் எதுவும் இதுவரை வெளியாகவில்லை.

இந்த மாதம் 25-ம் தேதி முதல் விஜய் தொலைக்காட்சியில் திங்கள் முதல் வெள்ளி வரை இரவு 9 மணிக்கும், சனி மற்றும் ஞாயிற்றுக்கிழமைகளில் இரவு 8.30 மணி முதல் 10 மணி வரையிலும் 'பிக் பாஸ்' ஒளிபரப்பாகும். இதில் கலந்துகொள்ளும்
14 பிரபலங்களை நிகழ்ச்சியின் முதல் எபிசோட்டில் கமல் அறிமுகப்படுத்தவுள்ளார்
.

ரஜினி அரசியலுக்கு தகுதியானவர்தான் என்பது மிக சரியாக நிரூபிக்கப்பட்டு முழுசாக ரெண்டு நாள் ஆகிவிட்டது. எப்படி? அரசியல்வாதிகளுக்குரிய அத்தனை தகிடு தத்தங்களும் ரஜினிக்குள்ளும் அடைக்கலமாகிருச்சோ என்ற ஐயத்தை விளைத்த சந்திப்புதான் அது. நதிகள் இணைப்பு போராட்டக்குழு தலைவர் அய்யாகண்ணுவை ரஜினி சந்தித்தார். அப்போது அய்யாக்கண்ணு ரஜினியிடம், “நதிகள் இணைப்புக்காக நீங்கள் தருவதாக சொன்ன ஒரு கோடியை உடனே பிரதமரிடம் கொடுக்க வேண்டும்” என்றாராம்.

“அதுக்கென்ன… இப்பவே வாங்கிட்டு போங்க” என்று கூறிய ரஜினி அந்த பணத்திற்கான செக்கை அய்யாக்கண்ணுவிடம் கொடுக்க முனைந்தாராம். இந்த தகவலை அய்யாக்கண்ணுவே கூறியிருக்கிறார். இவர் கூறியது உண்மையாக இருக்கும் பட்சத்தில் நமக்கு வரும் டவுட் ஒன்றே ஒன்றுதான்.

அதை ரஜினி பேமிலிதான் கிளியர் பண்ண முடியும்.

2016 ம் வருடம் ஜுன் மாதம் ரஜினியின் அண்ணன் சத்யநாராயணன் தஞ்சை பெரிய கோவிலுக்கு வந்திருந்தார். அப்போது ரஜினி அமெரிக்காவிலிருந்தார். அண்ணாரிடம் பேட்டி கண்ட நிருபர்கள், “நதிகள் இணைப்புக்கு ரஜினி ஒரு கோடி தருவதாக சொன்னாரே… அதை எப்ப தரப்போறீங்க?” என்று கேள்வி எழுப்பினார்கள். பதிலளித்த சத்யநாராயணன், “அந்த பணத்தை அப்பவே தேசிய வங்கியில் டெபாசிட் பண்ணிட்டோம். எப்ப நதிகள் இணைப்புக்கு நாள் குறிக்கப்படுதோ, அன்று அந்த பணம் தரப்படும்” என்று கூறியிருந்தார்.

உண்மையிலேயே அந்த ஒரு கோடி நதிகள் இணைப்புக்காக மட்டும் டெபாசிட் செய்யப்பட்டிருந்தால், யாராவது தகவல் அறியும் உரிமை சட்டத்தின் மூலம் இப்போது கூட அறிய முயற்சிக்கலாம். அப்படி வரவு வைக்கப்பட்டிருந்தால், வீட்டிலிருந்த செக்கை எடுத்து அய்யாக்கண்ணுவுக்கு ரஜினி கொடுத்திருக்க வேண்டிய அவசியம் இல்லை. சம்பந்தப்பட்ட வங்கியின் விபரத்தை கொடுத்திருந்தாலே போதும்.

யார் சொல்வது பொய்? ரஜினியா, சத்யநாராயணனா? அல்லது நம்ம அய்யாக்கண்ணுவா? மண்டை குழம்புது மகாதேவா!

தொடர்ந்து வெற்றி படங்களாக கொடுத்து வரும் ஜெயம் ரவி இந்த படம் தொடங்கியதிலிருந்தே எதிர்பார்ப்பை தூண்டிவிட்டார். மேலும் இயக்குனர் ஏ.எல்.விஜய்யும் சமீபத்தில் பெரும் ஹிட் கொடுத்தவர்.

இருவரின் கூட்டணியில் வெளிவந்திருக்கும் வனமகன் வெற்றிப்படமாக இருவருக்கும் கைகொடுக்குமா என பார்ப்போம். வாருங்கள் வனத்திற்குள் செல்வோம்.

கதைக்களம்

அந்தமான் தீவுகளில் வாழும் மலைவாழ் பழங்குடி இனத்தை சேர்ந்தவரான ஜெயம் ரவி கதையின் நாயகன். இவரை சார்ந்த மக்களுக்கு சிலரால் இடைஞ்சல்கள் வருகிறது. ஒரு கட்டத்தில் இது பெரிதாக பெரும் ஆபத்தாக மாற கதை சூடுபிடிக்கிறது.

பெரிய தொழிலதிபரின் மகளாக வரும் ஹீரோயின் சாயிஷா தன் அப்பாவின் நண்பரான பிரகாஷ் ராஜின் பராமரிப்பில் வாழ்கிறார். தமிழுக்கு புதிது என்றாலும் கொஞ்சம் கிளாமர், கூடுதல் நடிப்பு என அசத்தியிருக்கிறார். தன் நண்பர்களுடன் அந்தமான் சுற்றுலா செல்லும் போது அங்கு எதிர்பாராத விபத்து நேர்கிறது.

இதில் எப்படியோ ஜெயம் ரவி மாட்ட இவரை சென்னைக்கு அழைத்து வருகிறார்கள். பின் ஜெயம் ரவியின் விஸ்வரூபம் வெளிப்பட ஒரே அமர்க்களம் தான்.

காட்டுவாசியான அவரை எப்படியோ அடக்கி சாயிஷா தன் கட்டுப்பாட்டிற்குள் கொண்டு வருகிறார். பின் ஹீரோயினுக்கு தெரியாமல் ரகசிய நிச்சயதார்த்தம் ஏற்பாடு செய்யப்பட அங்கு நடப்பதே வேறு.

இந்த கலவரத்தில் ஜெயம் ரவி போலிஸ் வலையில் சிக்குகிறார். அவரை போலிஸ் கைப்பற்ற காரணம் என்ன, ழங்குடி இன மக்களின் நிலை என்னானது , ஹீரோ சாரா என்ன ஆனார், சாயிஷாவுக்கு பார்க்கப்பட்ட மாப்பிள்ளை யார் என்பதே மீதிக்கதை.

படத்தை பற்றிய அலசல்

ஜெயம் ரவியின் நடிப்பு வனமகனாக மாறிவிட்டார் என்றே சொல்லலாம். கண்கள் மட்டுமல்ல, உடல் மொழியில் அவர் செய்யும் அசைவுகள் காட்டுவாசியென பிரதிபலிக்கிறது. கதைக்காக ரிஸ்க் எடுத்திருக்கிறார் என்பது படத்தில் நன்றாக தெரிகிறது.

ஹீரோவை கண்டாலே அலறி ஓடும் ஹீரோயின் ஒரு கட்டத்தில் வாசி வாசியென ஜெயம் ரவியை சுற்றுகிறார். கதை முழுக்க இவரும் பயணம் செய்கிறார். ஒப்பனிங் முதல் எண்டிங் வரை இவரை அழகாக காட்டியிருக்கிறார்கள்.

கும்கி, கடம்பன் என காடுகளை சார்ந்த படங்கள் ஏற்கனவே வந்தாலும் இதில் வித்தியாசத்தை காட்டி தனித்துவம் பெறுகிறார் இயக்குனர் ஏ.எல்.விஜய். அவர் மீதான நம்பிக்கையை தளரவிடாமல் படத்தை நகர்த்தியிருக்கிறார்.

காட்டில் தொடங்கி நகரம் சென்று மீண்டும் வனத்தை நோக்கி படை எடுத்து மெசேஜ் சொல்கிறார். காமெடியான தம்பி ராமையா அவருடைய ஸ்டைலை அப்படியே காட்டியிருக்கிறார். இவரும் ஹீரோயினும் சேர்ந்து காமெடி செய்கிறார்கள். ஆனாலும் சில இடங்களில் ரவியால் காமெடிகள் உண்டாகிறது.

படத்தின் வில்லன் யார் என்பது கடைசியில் தான் தெரியும். பிரகாஷ் ராஜ் சில இடங்களில் வந்தாலும் தான் சீனியர் என்பதை நடிப்பில் காட்டியிருக்கிறார்.

ஜெயம் ரவியுடன் போகன் படத்தில் நடித்த வருண் இந்த படத்தில் ஒரு செகண்ட் ஹீரோ போல. ஆரம்பத்தில் இவர் தான் வில்லனோ என தோன்றும்.

கிளாப்ஸ்

இயக்குனர் விஜய் கதையை கொண்டு சென்றவிதம், கிளைமாக்ஸ் ட்விஸ்ட்.

கடைசி வரை வனமகனாகவே வாழ்ந்த ஜெயம் ரவியின் நடிப்பு.

படம் ரிலீஸ்க்கு முன்பே அதிக வாய்ப்புகளை அள்ளிய ஹீரோயின் பற்றி இனி என்ன சொல்ல.

பின்னணி இசையை பன்னீர் போல சரியாக தெளித்திருக்கிறார் ஹாரிஷ் ஜெயராஜ்.

பல்பஸ்

ஒரு இடத்தில் ஹீரோ காட்சியில் லாஜிக் இடிக்கிறது. உங்களுக்கே அது தெரியும்.

கதையை இன்னும் கொஞ்சம் சீக்கிரம் முடித்திருக்கலாமே என தோன்றுகிறது.

ஹாரிஷ் ஜெயராஜ் மீதான எதிர்பார்ப்பு பூர்த்தியாகவில்லை.

மொத்தத்தில் வனமகன் மண்ணின் மகன் தான். அனைவரும் பார்க்கலாம்.

த்ரிஷா இல்லன்னா நயன்தாரா இயக்குனருடன் சிம்பு கைக்கோர்க்கின்றார் என்றவுடனே ஒரு பரபரப்பு உருவாகியது கோலிவுட்டில். அதை தொடர்ந்து அந்த பரபரப்பு அடங்குவதற்குள் டீசருக்கே ஒரு டீசர், மதுரை மைக்கல், அஸ்வின் தாத்தா என வரிசையாக படத்தை பற்றி பாசிட்டிவ் தகவலாகவே வர, படமும் பரபரப்பு குறையாமல் இருந்ததா? பார்ப்போம்.

கதைக்களம்

துபாயில் பெரிய டான் ஒருவரை பிடிக்க, காவல்துறை அதிகாரி கஸ்தூரி தலைமையில் ஒரு டீம் செயல்படுகின்றது. அந்த டான் வேறு யாருமில்லை மதுரையில் லோக்கல் தாதாவாக வலம் வந்த மதுரை மைக்கல் தான்.

மைக்கல் நண்பர் மகத் தங்களின் ப்ளாஷ்பேக்கை துபாய் போலிஸிடம் சொல்வதில் இருந்து படம் தொடங்குகின்றது. மதுரையை கலக்கி வரும் சிம்பு, ஸ்ரேயாவுடன் காதலில் விழுகின்றார்.

ஆனால், இவரின் அடிதடி, வெட்டுக்குத்தால் ஸ்ரேயாவை இழக்க நேரிடுகின்றது. அதை தொடர்ந்து அவர் துபாய் சென்று டான் ஆகிறார். துபாய் போலிஸே அவரை தேட அவரோ சென்னையில் செட்டில் ஆகின்றார், மதுரை மைக்கல் அஸ்வின் என்ற பெயரில் 55 வயதில் 26 வயதான தமன்னாவுடன் காதல் வயப்படுகின்றார்.

இவர்கள் காதல் என்ன ஆனது, துபாய் போலிஸ் சிம்புவை தேடி பிடித்தார்களா? என்பதை இரண்டாம் பாகத்திற்கு லீட் கொடுத்து முடித்துள்ளார் ஆதிக்.

படத்தை பற்றிய அலசல்

படத்தின் பெரிய பலமே சிம்பு தான், மதுரை மைக்கலாக மதுரை ஸ்லாங், மேனரிசம் என்பதையெல்லாம் மறந்து தன் ஸ்டைலில் கலக்குகிறார். அதேபோல் அஸ்வின் தாத்தாவாக மாறும் போது ஆள் பார்க்க வயதாக தெரிந்தாலும், குரல் பற்றியெல்லாம் கவலையே இல்லை, தன் ரசிகர்கள் மீது உள்ள நம்பிக்கையில் ஒன் மேன் ஷோவாக நிமிர்ந்து நிற்கின்றார்.

இவரை தவிர படத்தில் வேறு ஒன்றும் சொல்வதற்கு இல்லை, ஏதோ துபாய் டான் என பில்டப் கொடுத்து மதுரைக்கு கதைக்களம் வர, என்னென்னவோ நடக்க போகின்றது என பார்த்தால் மழையில் நனைந்த பட்டாசு போல் ஆகின்றது அடுத்தடுத்த காட்சிகள்.

யுவனின் தெறிக்கும் இசையில் சிம்பு நடந்து மட்டுமே வருகின்றார். சில இடங்களில் பன்ச் பேசுகின்றார், கூட இருப்பவர்கள் அவரை பில்டப் செய்கின்றனர், அதை தவிர வேறு ஏதும் ரசிப்பதற்கு இல்லை.

அழுத்தமே இல்லாமல் முடியும் முதல் பாதியை தொடர்ந்து அஸ்வின் தாத்தா கலக்க போகிறார் என்று பார்த்தால், அவர் தமன்னாவை காதலிக்க வைக்க எடுக்கும் முயற்சிகள் தான் இரண்டாம் பாதி. அதிலும் ஒரு சுவாரசியமும் இல்லை.

மொட்டை ராஜேந்திரன், கோவை சரளா காட்சிகள் மட்டும் சிரிப்பிற்கு கேரண்டி, வித்தியாசமாக செய்கிறேன் என்று கிளைமேக்ஸில் மற்றொரு கதாபாத்திரத்திற்கு லீட் கொடுப்பதெல்லாம் எந்த ஒரு பயனும் இல்லை. முதல் பாகமே முடிந்தால் போதும் என்ற மனநிலை வந்துவிடுகின்றது.

சிம்புவிற்கு பிறகு படத்தை தாங்கி பிடிப்பது யுவனின் பின்னணி இசை தான். பாடல்கள் பெரிதும் கவரவில்லை என்றாலும் தீம் மியூஸிக்கில் மிரட்டியுள்ளார். கிருஷ்ணனின் ஒளிப்பதிவு கலர்புல்லாக இருக்கின்றது.

சிம்பு கண்டிப்பாக அவர் திரைப்பயணத்தில் ஒரு முக்கியமான முடிவு எடுக்க வேண்டிய இடத்தில் இருக்கின்றார், தன் ரசிகர்களுக்காக தான் படம் செய்கிறேன் என்றால் அவர்கள் உங்களிடம் எதிர்ப்பார்ப்பது வானம், விண்ணைத்தாண்டி வருவாயா, அச்சம் என்பது மடமையடா போன்ற படங்களை தான், சிம்பு அதை

க்ளாப்ஸ்

சிம்பு தனி மனிதராக படத்தை தாங்கி செல்கின்றார்.

பல்ப்ஸ்

சுவாரசியமே இல்லாத திரைக்கதை.

எப்போதும் பெண்களை குடித்துவிட்டு திட்டும் காட்சிகள், அதை தான் முதல் படத்திலேயே செய்துவிட்டீர்களே ஆதிக்.

மொத்தத்தில் AAA இரண்டாம் பாகம் சூப்பராக இருந்தாலும், முதல் பாகத்தின் விளைவு இரண்டாம் பாகத்தின் மீது எந்த ஒரு எதிர்ப்பார்ப்பையும் உங்களுக்கு தர வாய்ப்பில்லை.