!...Payanam...!

தமிழக இளைஞர்கள் முதல் பெரியவர்கள் வரை அனைவரையும் பேச வைத்து விட்டது பிக்பாஸ் நிகழ்ச்சி.

இந்த நிகழ்ச்சியில் யாராவது ஒருவர் மற்றவரை குறை கூறிக்கொண்டே தான் இருக்கின்றனர். இதில் பலரின் இன்னொரு முகம் வெளிப்பட்டு வருகிறது.

ஆர்த்தி முதல் நாளிலிருந்து அனைவரையும் வம்பிழுத்து வருகிறார். இதில் பெரும்பாலும் ஜுலியைத் தான் போலி, போலி என்று கூறி அழ வைத்து வந்தார். இதற்கு காயத்ரி சப்போர்ட் செய்து வந்தார்.

இந்நிலையில் தற்போது எலிமினேஷன் லிஸ்டில் இருக்கும் ஆர்த்தி பேசும்போது, அனைவருமே தங்கள் உண்மையான குணாதிசயத்தை மறைத்து போலியாக நடிக்கிறார்கள். நானும் இவர்களை போல் போலியாக மாறிவிடுவேனோ என்று பயமாக உள்ளது என்றார்.

மக்கள் ஓட்டளித்தால் நான் நானாக இருப்பேன் இல்லையென்றால் போலியான ஆர்த்தியாகத்தான் வெளியேறுவேன் என்று கூறினார்.

இதனால் காயத்ரி, சினேகன் உட்பட மற்ற பங்கேற்பாளர்கள், ஓட்டு வாங்குவதற்காக மற்றவர்களை போலியாக நடிக்கிறார்கள் என ஆர்த்தி கூறுகிறார் என்று விமர்சித்துள்ளனர்.

PSY என்று அழைக்கப்படும் பாடகர் பாடிய GANGNAM STYLE பெரிய சென்சேஷ்னலை உருவாக்கியது. இப்பாடல் தான் முதன் முறையாக 100 கோடி ஹிட்ஸை கடந்தது.

ஒரு சில நாள் வரை இந்த பாடல் தான் யு-டியூபில் அதிகம் பேர் பார்த்த வீடியோவாக இருந்து வந்தது, இந்த வீடியோவை 289.45 கோடி பேர் பார்த்துள்ளனர்.

இந்த சாதனையை FF-7 படத்தில் பால் வாக்கர் மரணத்திற்காக ஒரு ஆல்பம் அமைக்கப்பட்டது, See You Again ft. Charlie Puth என்ற ஆல்பம் தற்போது 289.57 கோடி ஹிட்ஸை கடந்து முதலிடத்தை பிடித்துள்ளது.

தற்போது இந்த வீடியோ தான் உலகிலேயே அதிகம் பேர் பார்த்த வீடியாவாக பெருமையை தன் வசம் கொண்டுள்ளது.

பிக்பாஸ் பார்த்தவர்கள் அனைவருமே நேற்று பரணி மீது மிகுந்த அனுதாபம் கொண்டனர். ஏனெனில் அவரை எல்லோரும் சேர்ந்து ஒதுக்க, அவர் வீட்டை விட்டு ஓடும் நிலைக்கு வந்துவிட்டார்.

இந்நிலையில் பிரபல பத்திரிகை அவரை தொடர்பு கொண்டு பேசுகையில் ‘நான் தற்போது நன்றாக இருக்கிறேன், என்னை பார்க்காமல் குழந்தைகளுக்கு உடல்நிலையே சரியில்லை.

என்னை பார்த்ததும் சந்தோஷத்தில் துள்ளி குதித்தனர், மேலும், காலை முருகன் கோவிலுக்கு சென்றேன்.

பலரும் வந்து என்னை நலம் விசாரித்தார்கள், சந்தோஷமாக இருந்தது, பிக்பாஸில் என்ன நடந்தது என்பது குறித்து 100 நாட்களுக்கு பேசக்கூடாது என்று கூறிவிட்டனர், அதனால் தற்போதைக்கு விடைபெறுகிறேன்’ என்று கூறியுள்ளார்.

100 நாட்கள் எந்த ஒரு செய்தியையும் வெளியே சொல்லக்கூடாது என்பது அக்ரீமெண்டில் இருக்க, அனுயா, கஞ்சா கருப்பு, ஸ்ரீ தற்போது பரணி வரை பேச மறுக்க, ஏதோ உள்ளே நடக்கின்றது என்றே ரசிகர்களுக்கு நினைக்க தோன்றும்.

சின்னத்திரையில் தனக்கென்று பெரிய ரசிகர்கள் வட்டத்தை வைத்திருப்பவர் டிடி. இவர் சில வருடங்களுக்கு முன் திருமணம் செய்துக்கொண்டார்.

ஆனால், சமீப காலமாக இவர் தன் கணவரை விட்டு பிரிந்து தான் வாழ்கின்றார், இதற்கு ஆதரமாக பவர் பாண்டி படத்தில் இவரின் பெயரை செல்வி.திவ்யதர்ஷினி என்று தான் போட்டனர்.

இந்நிலையில் கடந்த வாரம் விஜய் டிவியில் நடந்த நீயா நானா ஷோவின் பெண்கள் தங்களுக்குள் ஏற்படும் மனக்கஷ்டம் குறித்து பேசினார்கள்.

அதன் சில பகுதிகளை டிடி ஷேர் செய்து ‘இவை யாருக்காவது யூஸ் ஆகலாம்’ என்று தெரிவித்திருந்தார், பலரும் தன் கணவரை தான் டிடி அப்படி சொல்கின்றார் என கூறி வருகின்றனர்.

ஒருவருக்கு பணம் அனுப்ப வேண்டுமென்றால், வங்கிக்குச் சென்றதெல்லாம் அந்தக்காலம். நெட் பேங்க்கிங், மொபைல் பேங்க்கிங் போன்றவை அறிமுகமானபின், இருக்கும் இடத்தில் இருந்தபடியே பணம் அனுப்புவது மிகவும் எளிதாகிவிட்டது. இந்நிலையில், இந்தியாவில் அதிகமானோர் பயன்படுத்தும் வாட்ஸ்அப் மூலமும் பணம் அனுப்பும் வசதி விரைவில் அறிமுகப்படுத்தப்பட உள்ளது.

வாட்ஸ்அப் நிறுவனத்தின் நிறுவனர்களில் ஒருவரான பிரையன் ஆக்டன் கடந்த ஏப்ரல் மாதம் இந்தியாவுக்குச் சுற்றுப்பயணம் மேற்கொண்டிருந்தார். அப்போது, வாட்ஸ்அப் மூலம் பணம் அனுப்பும் வசதியைக் கொண்டுவருவது தொடர்பாக, மத்திய தகவல் தொலைத்தொடர்புத்துறை அமைச்சர் ரவி சங்கர் பிரசாத்தைச் சந்தித்துப்பேசினார். UPI (Unified Payments Interface) எனப்படும் ஒரே இடத்தில் பணம் செலுத்தும் வகையில் அந்நிறுவனம் தனது அப்ளிகேஷனில் மாறுதலைக் கொண்டுவர உள்ளது. நேஷனல் பேமென்ட்ஸ் கார்ப்பரேஷன் ஆஃப் இந்தியா (National Payments Corporation of India) இதற்கான ஒப்புதலை தற்போது வழங்கியுள்ளது.

பணம் பெறுபவரின் வங்கிக்கணக்கோடு பதிவுசெய்த மொபைல் எண் இருந்தாலே, அவருக்கு பணம் அனுப்பும் வகையில் தனது UPI-யை அந்நிறுவனம் வடிவமைக்க உள்ளது. எனவே, வாட்ஸ்அப் மூலமாகவே பணம் அனுப்பும் வசதி விரைவில் அறிமுகமாகலாம்.

பிரபல மலையாள நடிகைக்குப் பாலியல் தொல்லை தந்ததாகப் தொடரப்பட்ட வழக்கில் மலையாள சினிமா நடிகர் திலீப்பைக் கைது செய்து வழக்கில் பரபரப்பைக் கூட்டியுள்ளது கேரளா காவல்துறை.

இந்த வழக்கில் நடிகர் திலீப் கைது செய்யப்பட்டிருப்பது முக்கியத் திருப்பத்தை ஏற்படுத்தி உள்ளது. “பாதிக்கப்பட்ட நடிகையுடன் இருந்த தனிப்பட்ட விரோதம் காரணமாகவே திலீப் இப்படி ஒரு செயலை அரங்கேற்றியிருக்கிறார். நடிகையைக் கடத்தி, பாலியல் துன்புறுத்தல் செய்த கும்பலுடன் சேர்ந்து சதித்திட்டம் தீட்டிய வழக்கில் இப்போது திலீப்பைக் கைது செய்துள்ளோம்” என்கின்றனர் வழக்கை விசாரித்துவரும் போலீஸார்.

திலீப்பைக் கைது செய்யும் முன் அவரிடமும், அவரது நண்பரும், இயக்குநர்ருமான நதிர்ஷா ஆகியோரிடம் அலுவா போலீஸ் கடந்த ஜூன் 28-ம் தேதி 13 மணி நேரம் தொடர் விசாரணை மேற்கொண்டனர்.

பிப்ரவரி 17-ம் தேதி இந்தப் பாலியல் தொல்லை சம்பவம் நடந்தது. இது குறித்து நடிகை அளித்த புகாரின் பேரில் பல்சர் சுனி என்பவர் கைதுசெய்யப்பட்டார். போலீஸாரிடம் அவர் அளித்த வாக்குமூலத்தில் நடிகையைக் கடத்தி, பாலியல் துன்புறுத்தல் செய்ய 50 லட்சம் ரூபாய் பணம் பெற்றதாகக் கூறி இருக்கிறார். திலீப்புக்கு பல்சர் சுனி அல்லது அவர் சார்பில் சிறையிலிருந்து வேறு ஒருவர் எழுதிய கடிதத்தின் பிரதி மற்றும் இந்த வழக்கில் தொடர்புடைய சிலர் பேசிக்கொள்வதாக வெளியான ஆடியோ கிளிப்பிங் ஆகியவையும்தான் திலீப்புக்கு இந்த வழக்கில் உள்ள தொடர்பை உறுதிப்படுத்தியதாகக் காவல்துறை வட்டாரம் தெரிவிக்கிறது.
எனினும், இந்த வழக்கில் தனக்குச் சற்றும் தொடர்பில்லை என்பதே இந்த நிமிடம் வரை திலீப்பின் பதிலாக இருக்கிறது. தனக்கும் சம்பந்தப்பட்ட நடிகைக்கும் இடையே கருத்து வேறுபாடு உண்டு என்பதை ஒப்புக்கொண்ட திலீப், ஆனால் தனக்கும் இந்தச் சம்பவத்துக்கும் தொடர்பு இல்லை என்றும், பல்சர் சுனி என்ற நபரைத் தனக்குத் தெரியாது என்றும் கூறிவருகிறார்.

இந்த வழக்கில் கைதான முதல் நபர் கார்  ஓட்டுநர் மார்ட்டின் அந்தோணி. அவர் கொடுத்த வாக்குமூலத்தை வைத்துத்தான் பல்சர் சுனி மற்றும் அவரது கும்பலை வளைத்தது காவல்துறை.

எப்படி நெருங்கினார்கள்?

வழக்கில் திலீப்பின் தொடர்பு உறுதியானபின்னும் போலீஸார் அவரைத் தங்கள் கண்காணிப்பிலேயே வைத்திருந்தனர். தன் செல்போனில் இருந்து அவர் யார் யாரிடம் எல்லாம் பேசினார் என்ற பட்டியலைப் பெற்று சம்பந்தப்பட்டவர்கள் அனைவரிடமும் விசாரித்தனர். குறிப்பாக சம்பவம் நடந்ததாகக் கூறப்படும் பிப்ரவரி 17-ம் தேதி இரவு திலீப் செல்போனில் பல புதிய நபர்களுடன் பேசியிருக்கிறார். ஆனால், விசாரணையின்போது அந்த எண்களுக்குத்தான் தொடர்பு கொண்டது ஏன் என்பது குறித்து போலீஸாரிடம் முன்னுக்குப்பின் முரணான தகவல்களைக் கூறியிருக்கிறார். திலீப்பின் மீது சந்தேகப்பார்வை அழுத்தமாக விழுந்தது அப்போதுதான்.

அதேபோல இந்த வழக்கில் திலீப்பின் திரை உலக நண்பர் ஒருவரும் முக்கிய சாட்சி. திரையுலகின் பிரபலமான ஒரு நடிகை கடத்தப்பட்டு பாலியல் துன்புறுத்தல் நடந்த தகவலை அவர் திலீப்பிடம் சொன்னபோது அந்தச் செய்தியை எந்தவித சலனமுமின்றி அதைக் கேட்டுக்கொண்டதாக அவர் காவல்துறையில் வாக்குமூலம் அளித்திருந்தார். இதுவும் போலீஸாரின் பார்வை திலீப்பின் மீது அழுத்தமாக விழக் காரணம். இதனால் நடந்த சம்பவங்கள் அனைத்தும் திலீப்புக்கு முன்கூட்டியே தெரிந்திருக்கிறது என்ற முடிவுக்குப் போலீஸார் வந்தனர்.

வஞ்சம் தீர்த்தாரா?

நடிகையின் மேல் தனக்கு இருந்த வெறுப்பைப் பழிதீர்த்துக்கொள்ள கடந்த ஒரு வருடமாகவே திலீப் செயல்பட்டுவந்ததாகப் போலீஸார் தெரிவிக்கின்றனர். நடிகையைக் கடத்தி பாலியல் துன்புறுத்தலுக்கு உள்ளாக்க வேண்டும் என ஓராண்டுக்கு முன்பே, கொச்சி எம்.ஜி. ரோட்டில் உள்ள ஒரு விடுதியில் திட்டம் தீட்டப்பட்டதாக அவர்கள் சொல்கிறார்கள்.

பல்சர் சுனி என்பவனைத் தனக்குத் தெரியாது என திலீப் ஆரம்பத்தில் சொன்னாலும், திலீப்பை பல ஆண்டுகளாகவே தனக்குத் தெரியும் என்ற பல்சர் சுனி, நடிகையைக் கடத்துவதற்கு கடந்த ஆண்டே திலீப் தன்னிடம் பணியை ஒப்படைத்தாகப் போலீஸாரிடம் தெரிவித்திருக்கிறார். இதற்கு ஆதாரமாக திலீப் உடன் அவர் எடுத்துக்கொண்ட செல்ஃபி புகைப்படம் ஒன்றையும் போலீசார் கைப்பற்றியுள்ளனர்.

மலையாள உலகின் பிரபல நட்சத்திரம் இன்னொரு பிரபல நடிகையின் பாலியல் வழக்கில் கைது ஆகியிருப்பது திரையுலகை அதிர்ச்சிக்குள்ளாக்கியுள்ளது. திலீப் கைது குறித்துக் கருத்துத் தெரிவித்த பிரபல இயக்குநர் வினயன், " திலீப் கைது மலையாள சினிமா உலகைப் பீதிக்குள்ளாக்கி இருக்கிறது. இது தவறான செய்தியாக இருக்கக் கூடாதா என்று நினைக்கிறேன். திரைக்கலைஞர் ஒருவருக்கு இந்த சம்பவத்தில் தொடர்பு இருக்கிறது என்பது மோலிவுட்டுக்கு மிகப்பெரிய அவமானமாக இருக்கும். முறையான ஆதாரங்களுடன் போலீஸார் இந்த விவகாரத்தில் நடவடிக்கை எடுத்திருந்தால், அவர்களை நான் வாழ்த்துகிறேன்" என்று கூறியுள்ளார்.
அதேநேரத்தில் நடிகையின் பாலியல் துன்புறுத்தல் வழக்கில் திலீப் தவிர தொடர்புடைய மற்றவர்கள் குறித்தும் கேரளக் காவல்துறை தீவிரமாக விசாரணை மேற்கொண்டு வருகிறது. அடுத்தடுத்து இன்னும் சில சினிமா பிரபலங்களும் கைதாகலாம் என அதிர்ச்சி தருகிறது காவல்துறை வட்டாரம்.

ஒரு அசல் மலையாளப்படத்தினையும் விஞ்சும்வகையில் நடிகையின் வழக்கில் பல அதிரடித் திருப்பங்கள் அரங்கேறி வருகின்றன

ராஜமௌலி இன்று இந்தியாவே அறியும் இயக்குனர். ஆனால், இவை அனைத்தையும் பாகுபலிக்கு முன், பின் என பிரித்து விடலாம்.

ராஜமௌலி என்ற இயக்குனர் மஹதீரா என்ற படத்திற்கு பிறகு தான் பெரிய அளவில் தெரிய வந்தார், அதிலும் குறிப்பாக தென்னிந்தியா முழுவதும் இவர் மிகவும் பேமஸ் ஆனார்.

இதை தொடர்ந்து வெளிவந்த பாகுபலி ராஜமௌலியை எந்த உயரத்திற்கு கொண்டு சென்றது என்பதை நாங்கள் சொல்லி தெரிய வேண்டியது இல்லை.

இந்நிலையில் பாகுபலி வெளிவந்து இன்றுடன் 2 வருடங்கள் முடிந்துள்ள நிலையில் ரசிகர்கள் இதை சமூக வலைத்தளங்களில் கொண்டாடி வருகின்றனர்.

பாகுபலி முதல் பாகம் உலகம் முழுவதும் சேர்த்து ரூ 650 கோடி வரை வசூல் செய்தது குறிப்பிடத்தக்கது.