!...Payanam...!

கனமழை வெளுத்து வாங்குகிறது. தெருக்கள் குளங்களாகிவிட்டன. கூடவே கழிவுநீரும் கலப்பதால் கொசுக்களும் கிருமிகளும் பெருகி, வைரஸ் காய்ச்சல்களும், வயிற்றுப்போக்கு, காலரா, மஞ்சள் காமாலை போன்ற நோய்களும் வரிசையாகப் படையெடுக்கத் தொடங்கிவிடும். ஏற்கனவே டெங்கு வெளுத்து வாங்கிக்கொண்டிருக்கிறது. இந்த ஈரப்பதமான சூழல் மேலும் கிருமிகள் அதிவேகமாகப் பரவ ஏதுவாகிவிடும். விளைவு, நோய் எதிர்ப்புச் சக்தி குறைந்தவர்கள் எளிதில் பாதிக்கப்படுவார்கள். 

மழைக்கால நோய்

தொற்றுநோய்கள் பரவாமல் இருக்க, இதுபோன்ற பருவகாலங்களில் நம் முன்னோர் பல்வேறு வீட்டு வைத்தியங்களைச் செய்வார்கள். வீட்டிலோ, வீட்டுக்கு அருகிலோ கிடைக்கும் பொருட்களை வைத்தே கசாயம் செய்து அதன் மூலம் நோய்களை  அண்டாமல் விரட்டிசித்த மருத்துவர் வேலாயுதம் விடுவார்கள்.

அப்படியான சக்தியும் சத்தும் மிகுந்த பாரம்பரியமான சில கஷாயங்களின் செய்முறைகளையும், பலன்களையும் விளக்குகிறார் சித்த மருத்துவர் வேலாயுதம்.

சுக்கு - மல்லி கசாயம்

தேவையானவை:

சுக்கு - 10 கிராம்,

மல்லி - 20 கிராம்,

சீரகம் - 5 கிராம்.

செய்முறை:

சுக்கு, மல்லி, சீரகத்துடன் நான்கு டம்ளர் தண்ணீர் சேர்த்து, ஒரு டம்ளராக வற்றும் அளவு கொதிக்க வைத்து வடிகட்ட வேண்டும். அதை ஆறவைத்தோ, மிதமான சூட்டிலோ பருகலாம். பனைவெல்லம் சேர்த்தும் குடிக்கலாம். இந்தக் கசாயத்தை உணவுக்குப் பின் காலை, மாலை இருவேளை குடிக்க வேண்டும்.

பலன்கள்:

மழைக்காலங்களில் வரும் செரிமானப் பிரச்னைகளை தீர்க்க உதவும். வயிறு மந்தமாவதைத் தடுக்கும்.

அறுகம்புல் கசாயங்கள்

அறுகம்புல் கசாயம்

தேவையானவை:

அறுகம்புல் - ஒரு கைப்பிடி,

மிளகு - 10

செய்முறை:

அறுகம்புல்லையும் மிளகையும் இடித்து தண்ணீர் விட்டு நான்கில் ஒரு பங்காகும் வரை காய்ச்சி வடிகட்டிக் குடிக்கலாம்.  இந்தக் கசாயத்தை உணவுக்கு முன் குடிக்க வேண்டும்.

பலன்கள்:

மழைக்கால பூச்சிக்கடிக்கு நல்ல மருந்தாகும்.



சீரகம் - ஓமக் கசாயம்

தேவையானவை:

ஓமம் - 20 கிராம்,

சோம்பு - 10கிராம்,

சீரகம் - 5 கிராம்,

உத்தாமணி (வேலிப்பருத்தி) இலை - சிறிதளவு

செய்முறை:

ஓமம், சோம்பு, சீரகம் ஆகிய மூன்றையும் தண்ணீர் சேர்த்து நான்கில் ஒரு பங்காகும் வரை காய்ச்ச வேண்டும். நீர் கொதிக்கும்போது, அதில் உத்தாமணி இலையைப் போட்டு இறக்கி வடிகட்டிக் குடிக்கலாம்.

பலன்கள்:

குழந்தைகளுக்கு ஏற்படும் வாந்தி, நெஞ்செரிச்சல், செரிமானப் பிரச்னைகளுக்கு சிறந்த நிவாரணம் தரும்.

கஷாயங்கள்

ஆடாதொடை கசாயம்

தேவையானவை:

ஆடாதொடை  இலைகள்- 10,

சுக்கு - 10 கிராம்,

மிளகு - 10 கிராம்,

கிராம்பு (லவங்கம்) - 5 கிராம்

செய்முறை:

ஆடாதொடை இலைகள், சுக்கு, மிளகு, கிராம்பு நான்கையும் சேர்த்து தண்ணீர் விட்டு அந்த தண்ணீர் நான்கில் ஒரு பங்காகும்வரை காய்ச்சி வடிகட்டிக் குடிக்கலாம்.

பலன்கள்:

தொண்டைக் கரகரப்பு, மார்புச் சளி, மூச்சிரைப்பு (wheezing ) ஆகிய பிரச்னைகளுக்கு நல்ல பலன் தரும்.

வெற்றிலை கசாயங்கள்



கற்பூர வள்ளி - வெற்றிலை கசாயம்

தேவையானவை:

கற்பூரவள்ளி இலை- 4,  வெற்றிலை - 4 ,  தூதுவளை இலை- 2 , சுக்கு, மிளகு - சிறிதளவு

செய்முறை:

கற்பூரவள்ளி, வெற்றிலை, தூதுவளை ஆகியவற்றுடன் மையாக அரைத்த சுக்கு, மிளகைச் சேர்த்துக் கொதிக்கவைத்துப் பருகலாம். குழந்தைகளுக்கு கொடுக்கும்போது  கசாயத்துடன் தேன் சேர்த்துக் கொடுக்கலாம்.

பலன்கள்:

தலைபாரம், தும்மல், டிஹைட்ரேஷன் போன்ற பிரச்னைகளுக்கு நலன் பலனளிக்கும்.



கபசுர கசாயம்

தேவையானவை:

சுக்கு, திப்பிலி, லவங்கம், சிறுகஞ்சொறி வேர், அக்ரகாரம், முள்ளிவேர், கடுக்காய்த் தோல், ஆடாதொடை, கற்பூரவள்ளி, கோஷ்டம், சீந்தில்கொடி, சிறுதேக்கு (கண்டு பரங்கி), நிலவேம்பு, வட்டத்திருப்பி, முத்தக்காசு. (இந்தப் பொருட்கள் அனைத்தும் நாட்டு மருந்துக் கடைகளில் கிடைக்கும்)

செய்முறை:

இந்தப் பொருள்கள் அனைத்தையும் சம அளவு எடுத்துக்கொண்டு அதனுடன் நீர் சேர்த்து நான்கில் ஒரு பங்காகும்வரை காய்ச்சி வடிகட்டிக் குடிக்கலாம்.

பலன்கள்:

மழைக்காலங்களில் வரும் எல்லாவிதமான வைரஸ் காய்ச்சல்களை தடுக்கவும், வந்தால் குணமாக்கவும் இந்தக் கசாயம் உதவும்.



கவனம்:

மேற்கண்ட கஷாயங்களை 15 வயதுக்குட்பட்டவர்கள் 30  மி.லியும்,  பெரியவர்கள் 60 மி.லியும், காலை, மாலை இருவேளைக்கு மூன்று நாள்கள் குடிக்கலாம். சளி, காய்ச்சல் கண்டவர்கள் சுயமாக இந்த கஷாயத்தை எடுத்துக்கொள்ளாமல் மருத்துவரின் ஆலோசனையின் பேரில் எடுத்துக்கொள்ள வேண்டும்." என்கிறார் அவர்.

பல கதைகள் படங்களில் எடுக்கப்பட்டாலும் பேய் படங்களுக்கு இன்னும் மக்கள் மத்தியில் ஒரு வரவேற்பு இருக்கத்தான் செய்கிறது. படப்போட்டிகள், விடாப்பிடி மழைக்கு நடுவே வந்துள்ள இந்த அவள் யார், பின்னணி என்ன, நம்மை விரட்டுமா இல்லை உட்காரவைத்து படம் காட்டுமா என திகிலுக்குள் செல்வோம்.

கதைக்களம்

நடிகர் சித்தார்த் ஒரு கைதேர்ந்த மருத்துவர். மூளை குறித்த அறுவை சிகிச்சையில் ஸ்பெஷலிஸ்டாக இருக்கிறார். ஆண்ட்ரியாவை காதலித்து திருமணம் செய்கிறார். பின் மலைப்பகுதியில் உள்ள வீட்டில் குடியேறுகிறார்கள்.

நெருக்கம், அன்யோன்யம் என இவர்களின் வாழ்கை நன்றாக போய்க்கொண்டிருக்கிறது. இவர்களின் வீட்டிற்கு அருகே புதிதாக வந்து குடியேறுகிறார்கள் அதுல் குல்கர்னியின் குடும்பத்தினர். இவருக்கு இருமகள்கள்.

அறிமுகமான பின் ஒருவருக்கொருவர் பார்ட்டி கொடுத்து கொண்டாடுகிறார்கள். திடீரென அதுலின் மூத்த மகள் கிணற்றில் குதித்து விடுகிறாள். இதை பார்த்த சித்தார்த் அவளை காப்பாற்றுகிறார்.

பின் வாழ்க்கை வழக்கம் போல இருவர் குடும்பத்திற்கும் செல்ல எதிர்பாராத வேளையில் வீட்டில் அமானுஷ்யங்கள் நிகழ்கின்றன. மூத்த மகளுக்கு உடல் நிலை சரியில்லாமல் போக அவருக்கு என்ன நடக்கிறது என ஒருவருக்கும் புரியவில்லை.

ஆனால் அதுல், சித்தார்த், ஆண்ட்ரியாவுக்கு ஏதோ அமானுஷ்ய மாற்றங்கள் கண்ணுக்கு தெரிகிறது. அமானுஷ்யத்தை தேடி சித்தார்த்தும், ஆண்டவனின் துணை நாடி அதுல் குடும்பமும் செல்கிறது. கடைசியில் அனைவரின் உயிருக்கும் ஆபத்து வருகிறது.

அந்த அமானுஷ்யம் என்ன, எதற்காக இதெல்லாம் நடக்கிறது, ஆபத்திலிருந்து தப்பித்து உயிர்பிழைத்தார்களா என்பது தான் கதை.

படத்தை பற்றிய அலசல்

சித்தார்த், ஆண்ட்ரியா இருவருமே ஏற்கனவே திகில் படத்தில் நடித்த அனுபவம் பெற்றவர்கள். இருவரும் இப்படத்தில் கணவன், மனைவியாக வாழ்ந்துள்ளார்கள். இருவருமே இயல்பான நடிப்பு.

ஆரம்பமே ரொமான்ஸ் தான் இருவரும். அன்பை வெளிப்படுத்தும் போதெல்லாம் முத்த விளையாட்டு தான். இறங்கி விளையாடியிருக்கிறார்கள். இது இளைஞர்க்கு பிளஸ், பிளஸ்.

அதுல் குல்கர்னி தனக்கே உரிய ஸ்டைலில் நடித்திருக்கிறார். ஹாலிவுட் ஹீரோ போல இருக்கும் இவர் ஆரம்பத்தில் அமானுஷ்யங்களை நம்பமறுக்கிறார்.

ஆனால் இவருக்கு கிடைக்கும் திகில் அனுபவங்கள் நம்மை சிரிக்க வைக்கிறது. வீட்டை விட்டு கிளம்பவிரும்பாமல் ஒரு கட்டத்தில் காலி செய்து ஓட நினைப்பது கொஞ்சம் இண்ட்ரஸ்டிங்.

உண்மையான கதையை கொண்டு இப்படத்தை எடுத்திருக்கிறார் இயக்குனர். படம் போன போக்கை பார்த்தால் இடைவேளை கிடையாது போல என தோன்றுமாறு ட்விஸ்ட் வைத்திருக்கிறார்கள்.

முதல் பாதி சற்று ஸ்லோ மோஷனில் போனாலும் இடைவேளையில் தூக்கி நிறுத்திவிட்டது. பாப்கார்ன் சாப்பிட போக வேண்டுமா என கேட்க தோன்றுகிறது.

கிளாப்ஸ்

ஏற்கனவே அம்மன், காஞ்சுரிங் போன்ற திகல் படங்களை பார்த்ததுபோல தோன்றினாலும், கதைக்கேற்ப காட்சிகள் வடிவமைத்ததில் ஸ்கோர் செய்கிறார் இயக்குனர்.

காட்சிகளை கோர்த்த விதம் திகில், அமானுஷ்யத்தை கிராஃபிக்ஸ் மூலம் வடிவமைத்ததில் என கிரெடிட்ஸ் அள்ளுகிறது. சித்தார்த், ஆண்ட்ரியாவின் முத்தங்களால் குறுஞ்சிரிப்பு வழியும்.

பின்னணி இசை மிரட்டல். யாரும் எதிர்பாராத ஒரு சீக்ரட் எலிமெண்ட் இருக்கிறது. இது கதையின் உச்சம்.

மெய்மறந்து பாருங்கள் சீட்டின் கைப்பிடிகளை நீங்களும் ஒரு கட்டத்தில் பிடித்து விடுவீர்கள்.

பல்ப்ஸ்

என்ன சொல்வது, எதை சொல்வது. கொஞ்சம் கதை நீளமோ என தோன்றலாம். வந்தவர்கள் பேயோடு விளையாடட்டும் என நினைத்துவிட்டார்கள் போல. சி செண்டர் ஆடியன்ஸை கவருமா என்றால் சந்தேகமே.

ஏகப்பட்ட லிப்லாக் முத்தங்கள் கொஞ்சம் டல் ஆக்குகிறது. காமப் பேயோ என காமெடி பண்ணவைக்கும்.

மொத்ததில் அவள், அவள் அல்ல அதுக்கும் மேல. ஆனால் 18 வயது பூர்த்தியானவர்கள் மட்டுமே பார்க்க வேண்டும்.

படங்கள் வெளிவருவது கூட அதை எடுப்பவர்களுக்கு பிரசவ வலி போலத்தான். சில வருடங்களுக்கு முன் எடுக்கப்பட்ட படம் விழித்திரு. சினிமா போராட்டங்கள், பொருளாதார சிக்கல்கள் என விழி திறக்காமல் இருந்தோடு சில தடைகளை தாண்டி இந்த அடைமழை காலத்தில் விழித்திருக்கிறது இப்படம். விழித்திரு என்ன சொல்கிறது, விழிகளை மூடாமல் வைக்குமா என பார்க்கலாம். வாருங்கள் கதைக்குள் செல்வோம்.

கதைக்களம்

ஒரு படம். நான்கு கதைகள். இதுதான் இதன் மையக்கரு. கிருஷ்ணா தன் தங்கைக்காக ஒரு செல்போனை வாங்க போகும் போது தன் பர்ஸை தவறவிடுகிறார். என்ன செய்வதென்று தெரியாமல் விழிபிதுங்கிய நேரத்தில் அவருக்கு ஒரு கார் ட்ரைவ் வருகிறது.

இதன் மூலம் கிடைக்கும் பணத்தை கொண்டு ஊருக்கு சென்று தன் தங்கையை பார்க்கலாம் என கனவோடு இருக்கும் நேரத்தில் எஸ்.பி.பி சரணின் கொலை பழி இவர் மீது விழ வழக்கம் போல போலிஸ் வலைவீசி, விரட்டிப்பிடிக்க பார்க்கிறார்கள்.

தன் நாய்க்குட்டியை தொலைத்துவிட்டு சின்ன பொன்னு சாரா மன நிம்மதியில்லாமல் அலைந்து தேடுகிறாள். அவள் அறிவுக்கு எட்டியதை செய்து தேடிப்பிடிக்க முயற்சிக்கும் போது அவள் கடத்தல் கும்பலிடம் சிக்கிவிடுகிறாள்.

தன் மகளை காணாமல் வெங்கட் பிரபு துடிக்கிறார். ஒரு பக்கம் காதலுக்காக தன் செல்வாக்கை விட்டுவிட்டு கம்பெனி ஓனர் என சுற்றும் ஒருவர் நடிகை எரிக்கா ஃபெர்னான்டஸ் பின்னால் சுற்றுகிறார்.

தன்ஷிகா தன் கைவரிசையை காட்ட செல்லும் நேரத்தில் எப்படியோ தம்பி ராமையாவுக்கு மனைவியாகிவிடுகிறார். தப்பிக்க முயலும் நேரத்தில் விதார்த் வர இருவரும் வேறு பிளான் போடுகிறார்கள்.

மொத்தத்தில் இவர்கள் அனைவரும் ஒரு கட்டத்தில் ஒன்றாக சிக்க, அனைவருக்கும் பெரும் ஆபத்து காத்திருக்கிறது. இவர்கள் அனைவரும் தப்பித்தார்களா, அப்படியென்ன இவர்களுக்குள் இண்ட்டர் லிங்க், சரண் ஏன் கொல்லப்பட்டார் இதன் பின்னணியில் யார் இருக்கிறார்கள் என்பது தான் முழுக்கதை.

படத்தை பற்றிய அலசல்

கிருஷ்ணா அழுத்தமான கதைகளில் நடித்து வருகிறார். அவருடைய திறமைக்கு இப்படமும் ஒரு வாய்ப்பு. நான்கு கதைகளில் இவரின் ரோல் தான் கதையின் உச்சம். கதையை சரியாக தான் தேர்ந்தெடுத்திருக்கிறார். ஆனால் இவருக்கு இப்படத்தில் ஜோடியும் இல்லை, டூயட்டும் இல்லை.

விதார்த் அவருக்கென ஒரு தனிப்பாதை அமைந்திருக்கிறது. கிராமத்துக்கதைகள் என்றால் இவருக்கு அத்துப்படி. இப்படத்தில் சற்று வித்தியாசமான ரோல். என்னால் இதுவும் முடியும் என அவர் காட்டியுள்ளார். வேலைக்காக போய் கடைசியில் குண மாற்றம் அடைவது கொஞ்சம் ட்விஸ்ட்.

தன்ஷிகாவுக்கு காமெடியும் செட்டாகுமா என இப்படம் கேட்கவைத்துள்ளது. இவரும் தம்பி ராமையாவும் செய்யும் காமெடிகள் படத்தில் நமக்கான எண்டர்டெயின்மண்ட். செம ஃபன். தம்பி ராமையாவின் ஸ்டைல் மாறவில்லை. இளைஞர்களை இழுக்க இருஅர்த்த காமெடியும் செய்துள்ளார்.

தன்ஷிகா தம்பி ராமையாவிடம் இருந்து தப்பிக்க, வரும் வழியில் டி.ஆரின் கச்சேரி, ஆடல், பாடல், டி.ஆரின் ரசிகை போல (இந்த பொண்ண போய் பிரஸ்மீட் அழவைச்சிட்டிங்களே சார்) தாய்குலத்தின் தலைவா என கத்திக்கொண்டு குத்தாட்டம் போட்டு பெர்ஃபார்மன்ஸ் காட்டியிருக்கிறார்.

சரி, வெங்கட் பிரபு என ஒருவர் இருந்தாரே என நீங்கள் கேட்பது புரிகிறது. இவருடைய கேரக்டரும் ஒரு ட்விஸ்ட் தான், இந்நிலையில் அவர் தன் பங்கிற்கு தன் அனுபவமான நடிப்பை காட்டியிருக்கிறார். கடைசியில் இவர் தான் கதையை முடித்துவைக்கிறார்.

பேபி சாரா இன்னும் மனம் விட்டு போகவில்லை என தோன்றும். இவருக்கு ஒரு சின்ன கேரக்டர் என்றாலும் கிருஷ்ணா விசயத்தில் இவர் Lead கொடுப்பது கிளைமாக்ஸ் பரபரப்பு.

கிளாப்ஸ்

இயக்குனரின் முயற்சியை பாரட்டலாம். கதை எளிமையாக இருந்தாலும் அதை கோர்த்து கொடுத்த விதம் சூப்பர். இரண்டாம் பாதி சரியாக கதையை புரியவைக்கிறது.

கிருஷ்ணா, விதார்த், தன்ஷிகா, சாரா, வெங்கட் பிரபு என அனைவரையும் வாழ்த்தலாம். தேவையான நடிப்பு. ஒரு டூயட் பாடல் ஓகே. சென்சேஷனல்.

கிருஷ்ணாவுக்கு வந்த ஆபத்து விதார்த்துக்கு வரும் ட்விஸ்ட் தான் ஹைலைட். சரியான காட்சி நகர்வுகள். போதுமான இசை. சார்ஜர் காமெடி கலகல.

பல்பஸ்

முதல் பாதி சிலருக்கு புரிந்துகொள்ள கடினமாக தோன்றலாம்.

ஒரு சில இடங்களில் லாஜிக் இடிப்பு. கதையின் நீளத்தை சுருக்கியிருக்கலாம்.

மொத்தத்தில் விழித்திரு பார்ப்போரின் கண்களை விழிமூடாமல் வைத்திருக்கும். கதைகேற்ற டைட்டில். அனைவரும் பார்க்கலாம். சிரிப்பிற்கு குறைவில்லை.

நடிகர் கமல்ஹாசன் தற்போது அரசியலில் இறங்கும் முயற்சியில் தற்போது உள்ளார்.

ரசிகர்களை ஒருங்கிணைக்கும் வகையில் செல்போன் செயலி 7-ம் தேதி அறிமுகப்படுத்தப்படும் என நேற்று நடந்த விழாவில் அறிவித்தார்.

மேலும் தன் பிறந்தநாளுக்கு கேக் வெட்ட வேண்டாம் என கூறிய அவர். "இது கால்வாய் வெட்ட வேண்டிய நேரம்" என கூறினார்.

நடிகர் விஜய் சேதுபதி தற்போது பிரான்சில் ஜூங்கா படத்தின் ஷூட்டிங்கில் கலந்துகொண்டு வருகிறார். அவருக்கு ஜோடியாக வனமகன் சாயீஷா நடித்து வருகிறார்.

மேலும் இந்த படத்தில் விஜய் சேதுபதியின் மகனும் கலந்துகொண்டுள்ளார். விஜய் சேதுபதி போலவே அவரின் மகனும் வித்யாசமான கெட்டப்பில் இருக்கும் புகைப்படம் தற்போது வைரலாகி வருகிறது.

ஜூங்கா படத்தை விஜய் சேதுபதியே தயாரித்து வருகிறார் என்பது குறிப்பிடத்தக்கது.

நடிகர் கமல்ஹாசன் ஒரு பிரபல வார இதழில் எழுதிய கட்டுரையில் ஹிந்துக்கள் தீவிரவாதிகள் என குறிப்பிட்டிருந்தார். அதற்கு தற்போது பெரிய அளவில் எதிர்ப்பு எழுந்துள்ளது.

கமல் கூறியிருப்பவதாவது..

”கலாசாரம், பண்டிகை, இறை வழிபாடு என, பல வழிகளில் பழமையை பரப்ப, சிலர் முயன்று வருகின்றனர். ஒரு தலைமுறையே, ஜாதி வித்தியாசம் தெரியாமல் வளர்ந்து வரும் வேளையில், பழமைவாதிகள், அவர்களுக்குள் புகுந்து, ஜாதி வித்தியாசங்களை போதிக்க துவங்கி உள்ளனர். இதுவரை, வாதங்களால் செய்த விஷயங்கள், முடியாமல் போகவே, வன்முறையால் நிகழ்த்த ஆரம்பித்து விட்டனர். 'எங்கே ஓர் இந்து தீவிர வாதியை காட்டுங்கள்' என்ற சவாலை, அவர்களால் விட முடியாது. அந்த அளவுக்கு, அவர்கள் கூட்டத்திலும், தீவிரவாதம் பரவி இருக்கிறது" என கமல் கூறியுள்ளார்.

கமலின் இந்த கருத்துக்கு பாஜகாவை சேர்ந்த தலைவர் Vinay Katiyar "கமல் மன்னிப்பு கேட்க வேண்டும். அவரின் மனநிலை சரியில்லை - மருத்துவமனையில் அனுமதித்து சிகிச்சை அளிக்க வேண்டும்" என கூறியுள்ளார்.

விஜய் நடிப்பில் தீபாவளி தினத்தில் வெளிவந்த மெர்சல் திரைப்படம் மிக பெரிய அளவில் பேசப்பட்டு வெற்றி நடை போட்டு வருகிறது. நாளுக்கு நாள் இப்படத்தின் வசூல் பற்றி செய்திகள் வந்து கொண்டே இருக்கிறது.

இந்நிலையில் தமிழ்நாட்டில் எந்திரன் மட்டும் தான் 100 கோடி வசூலை தாண்டிய படம் என்று பெருமையை பெற்றுருந்தது.

இந்நிலையில் தற்போது வந்த தகவல் படி எந்திரன் வசூல் செய்த 108 கோடி யை மெர்சல் முறியடித்துவிட்டதாக சொல்லப்படுகிறது.

விரைவில் இப்படத்தின் முழு வசூல் விவரமும் வெளியாகும் என்றும் கூறப்படுகிறது.