!...Payanam...!

வேளை வருமெனத் தவமிருக்காது காலையிலையே புதுயுகம் செய்வோம் என்று நடிகர் கமல்ஹாசன் ட்விட்டரில் பதிவிட்டுள்ளார்.

கமல்ஹாசன் கடந்த மூன்று மாத காலமாக ட்விட்டரில் அரசியல் குறித்த கருத்துகளை தெரிவித்துவருகிறார். மேலும், அவர் அரசியல் கட்சி தொடங்கவுள்ளதாகவும் தெரிவித்திருந்தார். அதனால், அவர் பிறந்தநாளான நவம்பர் 7-ம் தேதி அரசியல் கட்சி குறித்த முக்கிய அறிவிப்பு வெளிவரும் என்று எதிர்பார்க்கப்பட்டது. ஆனால், ரசிகர்களை ஒருங்கிணைக்கும் வகையில் செயலி மட்டும் அறிமுகப்படுத்தப்படும் என்று தெரிவிக்கப்பட்டுள்ளது.

மேலும் இரு தினங்களுக்கு முன்னர் நடைபெற்ற ரசிகர்களுடனான சந்திப்பின்போது, என் பிறந்தநாளுக்கு கேட் வெட்டுவதை விட, கால்வாய் வெட்டுவதே சிறந்தது என்று குறிப்பிட்டார். தற்போது, தனது பிறந்தநாள் கொண்டாட்டம் குறித்து ட்விட்டரில் பதிவிட்டுள்ள கமல்ஹாசன், நாளை நான் பிறந்தநாள் கொண்டாட்டங்களைத் தவிர்த்ததை அன்புடன் கடிந்து கொண்ட நண்பர்களுக்கு என்று குறிப்பிட்டு, 'நாளை என்பது மற்றொரு நாளே, வேலை கிடக்குது ஆயிரமிங்கே, கோலையுங் குடியையும் உயரச்செய்வோம். வேளை வருமெனத் தவமிருக்காது காலையிலேயே புதுயுகம் செய்வோம்' என்று பதிவிட்டுள்ளார்.

நிழல் தரும் மரங்களே நெருப்பை கொட்டினால் என்னாகும்? கிட்டதட்ட அப்படிதான் நடந்து கொள்கிறார்கள் மிஷ்கினும் வெற்றிமாறனும். இன்னமும் அதிர்ஷ்ட கோட்டை அடையாத டைரக்டர் ராம் கூட இந்த கூட்டுக் கொள்ளை கூட்டத்தில் இருப்பதுதான் ஐயோ ஐயய்யோ…

விஷயம் இதுதான். ஒரு தனியார் நிறுவனத்துடன் இணைந்து மிஷ்கினும் வெற்றிமாறனும் ராமும் உதவி இயக்குனர்களுக்கான ஒரு பயிற்சி பட்டறையை நடத்துகிறார்கள். இந்த பட்டறை நடப்பது இரண்டே நாட்கள்தான். இதற்கான கட்டணம் எவ்வளவு தெரியுமா? நெஞ்சை பிடித்துக் கொள்ளுங்கள்…. பத்தாயிரம் ரூபாய். ஒரு உதவி இயக்குனர் தன் வாழ்நாளில் அவ்வளவு பணத்தை மொத்தமாக பார்ப்பதே அபூர்வம் என்பது பல படிகளை கடந்து வந்த இவர்களுக்கு தெரியாமல் போனது ஆச்சர்யம்தான்.

ஒரு சில உதவி இயக்குனர்கள் மிஷ்கினை தொடர்பு கொண்டு, தொகை பெரிசா இருக்கே? நாங்கள்லாம் எப்படி வந்து கலந்துக்கறது என்று கேட்க…. பணமில்லேன்னா உங்களை யாருப்பா வரச்சொன்னது என்றாராம் அவர்.

கண்ணாடி மட்டுமல்ல… மனசும் அதே நிறம்தானா மிஸ்டர்?

விக்ரமின் மகள் அக்சிதாவுக்கும், கலைஞரின் கொள்ளு பேரன் மனு ரஞ்சித் அவர்களுக்கும் அக்டோபர் 30ம் தேதி திருமண நடைபெற்றது.

அதனை தொடர்ந்து அண்மையில் இவர்களின் திருமண வரவேற்பு நிகழ்ச்சி மிகவும் பிரம்மாண்டமாக நடைபெற்றது. இந்நிகழ்ச்சியில் கலந்து கொள்ள தமிழ்நாடு, ஆந்திரா, கேரளா என பல இடங்களில் இருந்து ரசிகர்கள் வந்துள்ளனர்.

தனது மகளை வாழ்த்த வந்த தனது ரசிகர்கள் அனைவரையும் மேடையேற்றி வாழ்த்துச் சொல்ல அனுமதித்துள்ளார் விக்ரம். இதன் மூலம் ரசிகர்கள் உற்சாகமடைந்து வரிசையில் நின்று மணமக்களைச் சந்தித்து வாழ்த்து தெரிவித்து சந்தோஷமடைந்துள்ளனர்.

இச்செயல் சினிமாவை போல சொந்த வாழ்க்கையில் மிகவும் தனித்தன்மை வாய்ந்தவர் விக்ரம் என ரசிகர்கள் அவரை பாராட்டி வருகின்றனர்.

‘சென்னை மிதக்குதுன்னா அதுக்காக விஜய் பட்டினி கிடக்கணுமா? போங்கடா டேய்…’ என்று ஒற்றை வரியில் இந்த செய்தியை ஊதிவிட்டு அடுத்த வேலையை பார்க்கலாம். ‘இருந்தாலும் இந்த பார்ட்டியை வெள்ளம் வடிஞ்ச பிறகு வச்சிருக்கலாம்’ என்கிற மிதவாதிகள் அடுத்த பாராவுக்கு போகலாம். உங்கள் மனநிலை எதுவாக இருந்தாலென்ன? நடந்தது இதுதான்.

மெர்சல் படத்தின் தாறுமாறு கலெக்ஷன் இன்டஸ்ட்ரியை கொஞ்சம் மிரளதான் விட்டிருக்கிறது. இந்த சந்தோஷத்தை விஜய், அட்லீ, போன்ற மெர்சலின் பில்லர்கள் கொண்டாடாமல் வேறு யார் கொண்டாடுவது?

சில தினங்களுக்கு முன் மழை கொட்டோ கொட்டென்று கொட்டிய நல்ல நாளில் தன் நீலாங்கரை விட்டிற்கு கெஸ்ட்டுகளை அழைத்திருந்தார் விஜய். எந்த பார்ட்டிக்கும் வராத ஏ.ஆர்.ரஹ்மானே வந்திருந்தார் என்றால் அது எவ்வளவு முக்கியமான பார்ட்டியாக இருந்திருக்க வேண்டும்? வந்த வேகத்தில் பொக்கேவை கொடுத்துவிட்டு இசைப்புயல் கிளம்பிய பின்புதான் அவ்வளவு ஆட்டமும் கொண்டாட்டமும் என்கிறார்கள்.

சென்னை மிதக்குது. நாங்களும் மிதக்குறோம் என்பதாக எடுத்துக் கொண்டால் இந்த பார்ட்டி கரீட்டுதான்!

தம்மாத்துண்டு சம்பந்தம் கூட இல்லாமல் தலைப்பு வைக்கப்படும் படங்களுக்கு மத்தியில், ‘விழித்திரு’ என்ற இந்த தலைப்பு அப்படியொரு பொருத்தம். ஓர் இரவில் நடக்கும் நான்கு சம்பவங்கள் ஓரிடத்தில் இணையும்போது நடப்பதென்ன? சுமார் 2 மணி நேர படத்தில், இன்டர்வெல் தவிர மற்ற நேரமெல்லாம் காட்சிகளின் பின்னாலேயே நம்மை இழுத்துக் கொண்டு ஓடுகிறார் இயக்குனர் மீரா கதிரவன். ஒரு சின்ன எக்ஸ்யூஸ்… அந்த வெங்கட்பிரபு எபிசோடில் மட்டும், ஸ்பீடா மீட்டர் முள் மூச்சு வாங்குகிறது.

கால்டாக்சி டிரைவரான கிருஷ்ணா, சொந்த ஊருக்கு கிளம்புகிறார். போகிற வழியில் பர்ஸை எவனோ அடித்துவிட…. மீண்டும் செலவுக்காக இரண்டு மணி நேரம் ‘கால் டிரைவராக’ பணியாற்றுகிறார். வண்டியில் ஏறும் எஸ்.பி.பி.சரண் ஒரு புலனாய்வு நிருபர். இவருக்கும் மந்திரி அண் கோவுக்கும் நடக்கிற நீதி, அநீதி போரில் சரணை போட்டுத் தள்ளுகிறது மந்திரி கோஷ்டி. முக்கியமான தடயம் சரணிடம் இருப்பது தெரியாமலே தான் வந்த காரும் சரணுமாக எஸ்கேப் ஆகும் கிருஷ்ணாவை தேடுகிறது கும்பல்.

ஒரு பங்களாவில் அடைபட்டுக் கிடக்கும் தன்ஷிகாவை, அங்கே திருடச் செல்லும் விதார்த் காப்பாற்ற நினைக்கிறார். பங்களாவிலிருக்கும் ஏராளமான நகைகளுடன் தப்பிக்கும் அவர்களில், தன்ஷிகா விதார்த்தைவிட பக்காவான திருடி என்பது தெரியவர விதார்த்தை விட பேரதிர்ச்சி நமக்குதான். நகைக்காக கேம் ஆடும் இவ்விருவரின் முடிவு என்ன?

தொலைந்து போன நாய் குட்டியை தேடி குழந்தை சாராவுடன் தந்தை வெங்கட்பிரபு அலைகிறார். ஐயோ பாவம்… வெங்கட்பிரபுவுக்கு கண் பார்வை இல்லை. ஒரு கட்டத்தில் சாராவும் காணாமல் போகிறார். அவரை கடத்த நினைத்த கும்பலிடமிருந்து சாரா மீண்டாரா?

பணக்கார இளைஞன் , ரிசார்ட்டில் சந்திக்கும் ஒருத்தியை அடைய முயல்கிறான். அவளோ, ‘பாண்டிச்சேரி வரைக்கும் ஒரு ட்ரிப் போகலாம். அதற்குள் நீ என்னை இம்ப்ரஸ் பண்ணிட்டா எனக்கு ஓகே’ என்று கூற, அவர்களின் பயணம் சில உண்மைகளை புரிய வைக்கிறது அந்த பணக்கார இளைஞனுக்கு. வார்த்தைக்கு வார்த்தை தான் பெரிய பணக்காரன் என்று சொல்லி வரும் அவன் ஒரு பிச்சைக்காரனிடமே பிச்சை எடுக்கிற நிலைமை வருகிறது.

இப்படி போகும் நான்கு கதைகளும் ஓரிடத்தில் முடியும் போது, ஒரு பெருமழை விட்டது போலிருக்கிறது. ஏனென்றால்… இங்கு சொல்லப்பட்ட அத்தனை சம்பவங்களும் ரோட் டிராவல்!

இந்த நான்கு கதைகளில் விதார்த் தன்ஷிகா எபிசோடில் மட்டும் கலகலப்பு. அதுவும் தன்ஷிகா படக்கென தனது பாவாடையை மேலே ஏற்றி அண்டிராயருக்குள் வைத்திருக்கும் ஆயுதத்தை எடுத்து தாக்குவது செம. விட்டால் இந்த ஜோடிக்கு ஒரு டூயட்டை போட்டு நேரத்தை கடத்தியிருக்கலாம். படத்தின் வேகத்திற்கு பிரேக் வேண்டாம் என்பதாலேயே தடுத்தாட்கொண்டிருக்கிறார் டைரக்டர்.

தம்பி ராமய்யாவின் கேரக்டரில் லாஜிக் இல்லாவிட்டாலும், தியேட்டருக்குள் சிரிப்பு தேவைப்படுகிறதே? தன் தேவை உணர்ந்து பிரமாதப்படுத்தியிருக்கிறார் அவரும்.

வலிய திணிக்கப்பட்டதுதான் என்றாலும், வலிக்காமல் ரசிக்க வைக்கிறார் டி.ராஜேந்தர். அந்த ஒரு பாடலோடு அவரை பேக்கப் பண்ணியதே பெரும் புண்ணியம்!

ஓவர் ஆக்டிங் புகழ் கிருஷ்ணாவை, அடக்க ஒடுக்கமாக நடிக்க வைத்ததற்காகவே மீரா கதிரவனுக்கு ஒரு அப்ளாஸ். அவ்வளவு போலீஸ் படைகள் துரத்தியும் அவர் தப்பிப்பதெல்லாம் லாஜிக் மீது விழுந்த இடி.

சத்யன் மகாலிங்கத்தின் பின்னணி இசை பதற விடுகிறது. விஜய் மில்டனின் ஒளிப்பதிவில் காட்சியின் பதற்றம் வயிற்றில் இறங்குகிறது.

‘நாம நேசிச்ச உறவு எங்கிருந்தாலும் நம்மை தேடி ஓடி வந்திரும்’ என்று இரண்டு இலங்கை தமிழர்களை விட்டு பேச விட்டிருக்கிறார் மீரா கதிரவன். இப்படி கிடைத்த சந்தர்ப்பங்களில் எல்லாம் தனது தமிழின உணர்வை அழுத்தமாக பதிவு செய்திருக்கும் அவருக்கு தனிப்பட்ட பாராட்டுகள்.

கண் சிமிட்டக் கூட விடாமல் கவர்ந்திருக்கிறது ‘விழித்திரு’!

சாப்பிடும் போதும் சரி தண்ணீர் குடிக்கும் போதும் சரி அவசர அவசரமாக குடிப்பதினால் பாதிப்புகள் அதிகம். அவசராம முழுங்காமல் பொறுமையாக சாப்பிட வேண்டும் என்று சொல்லப்படும் அதே நேரத்தில் அசைந்து கொண்டிருக்கும் போது அதாவது நாம் எதாவது நடமாட்டத்தில் ஈடுப்பட்டிருக்கும் போது சாப்பிட்டால் என்னாகும் என்று என்றாவது நினைத்ததுண்டா?.

இன்றைக்கு அவசரமான இந்த இயந்திர உலகத்தில் சாப்பிடக்கூட நேரம் இல்லாமல் பேக் பண்ணி கொடு வண்டில போய்ட்டே சாப்டுறேன் என்று சொல்லி எத்தனை பேர் எடுத்துக் கொள்கிறீர்கள். ட்ராஃபிக்கில் நிக்கும் நிமிடத்தில் டக்கென சாப்பிட்டு முடித்து விடுவேன் அதுக்கெல்லாம் தனியா நேரம் ஒதுக்க முடியல என்று எத்தனை பெருமை பேசுகிறார்கள் அவர்கள் எல்லாம் இதனை கண்டிப்பாக படிக்க வேண்டும்.

உங்கள் உடல் ஏதேனும் அசைவில் இருக்கும் போது சாப்பிடுவதால் என்னென்ன பிரச்சனை வருகிறது என்பதை தெரிந்து கொள்ளுங்கள். வாழ்க்கையில் அனுதினமும் பரபரப்பாக ஓட நினைக்காமல் உங்களையும் உங்களின் உடல் ஆரோக்கியத்தையும் பேணிக்காத்திடுங்கள்.

வயிறு உப்புசம் :

நீங்கள் சாப்பிடும் உணவு உள்ளே சென்று சரியாக செரிமானம் ஆக வேண்டுமென்றால் அதனை நீங்கள் ரிலாக்ஸாக எடுத்துக் கொண்டால் மட்டுமே முடியும்.

அவசர அவசரமாக உணவினை எடுத்துக் கொள்வதால், அதுவும் சரியாக கடித்து சாப்பிடாமல் அப்படியே முழுங்குவதால் வயிறு உப்புசம் ஏற்படும். சில நேரங்களில் அளவு தெரியாமல் அளவுக்கு அதிகமாக எடுத்துக் கொள்வதும் உண்டு.

இப்படிச் சாப்பிடுவதால் உணவிலிருந்து கிடைக்க கூடிய பெரும்பாலான சத்துக்கள் கிடைக்காது. அதே சமயம் வயிறுக்கு ஓய்வு என்பதே கிடைக்காது. செரிமானத்திற்கு நீண்ட நேரம் எடுத்துக் கொள்ளும்.

காலை உணவு செரிமானம் ஆவதற்குள் மதிய உணவு என அடுத்தடுத்து சாப்பிடுவதால் உடல் எடை அதிகரிக்கும் அபாயமும் உண்டு.

அசிடிட்டி :

இந்தப் பிரச்சனை பலருக்கும் உண்டு. உங்கள் உடல் அசைந்து கொண்டே, நடமாட்டத்துடன் இருப்பதால் செரிமானத்திற்கு தேவையான அமிலம் இடம் மாறி வரும். இதனால் அசிடிட்டிப் பிரச்சனை ஏற்படும்.

இதனால் வயிற்று வலி செரிமாணப்பிரச்சனை ஆகியவை ஏற்படக்கூடும்.

செரிமானம் :

நாம் சாப்பிடும் உணவு முறையாக செரிக்கப்பட வேண்டும். அப்போது தான் அதிலிருக்கும் சத்துக்கள் உங்களுக்கு கிடைக்கும்.

உணவுப்பாதையில் தடை ஏற்படுவது, நடமாட்டத்தில் இருக்கும் போது சாப்பிடுவது, தண்ணீர் குடிப்பது என பொறுமையாக எதுவுமே செய்ய முடியாது எல்லாமே அவசர அவசரமாக நடக்கும்.

இதனால் சரியாக தண்ணீரும் குடிக்க முடியாது நாம் சாப்பிடும் உணவு அப்படியே போய் வயிற்றில் தங்கிடும். இதனால் எளிதில் செரிமானம் ஆகாது.

வாந்தி :

சிலருக்கு வாந்தி வரவில்லை என்றாலும் வாந்தி வருவது போன்ற உணர்வு ஒமட்டல் இருந்து கொண்டேயிருக்கும், காலைல சாப்பாடு சாப்டலன்னா கூட பரவாயில்ல ஒரு கிளாஸ் பாலாவது குடிச்சுடு என்று சொல்லி அம்மா நம் கையில் ஒரு கிளாஸ் பாலை திணிப்பதும் அதனை வேண்டா வெறுப்பாக அவசர அவசரமாக பாதியை உள்ளேயும் வெளியுமாய் சிந்தி கிளம்பும் மக்களுக்கு எச்சரிக்கை பதிவு இது. இப்படி குடிப்பதால் உங்களுக்கு ஒமட்டல் ஏற்படும்.

சிறுநீரகப்பிரச்சனை :

அசைவில் இருக்கும் போது கேஃபைன் கலந்திருந்த பானங்கள் குடித்து வந்தால் உங்களது சிறுநீர் கழிக்கும் இடைவேளை நேரத்தை குறைக்கும். இதனால் அடிக்கடி சிறுநீர் கழிக்க வேண்டும் என்ற உணர்வு ஏற்படும். சிலருக்கு சிறுநீர் தொற்றும் ஏற்பட வாய்ப்புகள் அதிகம்.

கவனம் :

உணவு உண்ணும்போது மகிழ்ச்சியுடனும் மனநிறைவுடனும் உண்ண வேண்டும். அப்போதுதான் உணவு நன்றாகச் செரிமானமாகும். மனக் கவலை, மன அழுத்தம், கோபம், எரிச்சல், வெறுப்பு, சண்டை போன்ற உளக் கோளாறுகளுடன் உணவு உண்டால் உணவின் செரிமானம் குறையும். தூக்கமின்மை, ஓய்வின்மை, நாட்பட்ட பயணம் போன்றவற்றாலும் அஜீரணம் ஏற்படும்.

சிலருக்கு தேவையற்ற முடிகள் கை, கால் மற்றும் முகத்தில் உருவாகும். இவற்றை தடுக்கவே நம் முன்னோர்கள் சிறுவயதிலிருந்து மஞ்சள், பயற்றம் மாவு போன்றவற்றை உபயோகித்தார்கள். நாம் அவற்றை நிறுத்திவிடுவதால் முடியின் வளர்ச்சி அதிகரிக்கிறது. வேக்சிங் என்ற பெயரில் மாதம் ஒரு சிறிய பட்ஜெட் ஒதுக்க வேண்டியிருக்கிறது.

தொடர்ந்து முடியை நீக்குவது வளர்ச்சியை தூண்டுமே தவிர குறைக்காது. இங்கு உடலில் வளரும் தேவையற்ற முடிகளை இயற்கை முறையில் கட்டுப்படுத்த உதவும் பொருட்கள் பற்றி பார்க்கலாம்.

கீழ்வரும் பொருள்களைக் கொண்டு உடலில் இருக்கும் தேவையற்ற முடிகள் மட்டுமல்லாது அந்தரங்கப் பகுதிகளில் வளரும் முடியை நீக்கவும் பயன்படுத்தலாம். குறிப்பாக அந்தரப் பகுதிகளை இந்த முறையைப் பயன்படுத்தினா்ல சென்சிடிவ் ஸ்கின்னாக இருந்தாலும் அலர்ஜி ஏதும் ஏற்படாமல் இருக்கும்.

    கோதுமை மாவு

கோதுமை மாவை சலித்த பின் வரும் தவிட்டைக் கொண்டு உடல் மற்றும் முகத்தில் தேய்த்து கழுவினால் விரைவில் முடி பலவீனமாகி உதிர்ந்துவிடும். முடி வளர்ச்சியையும் தடுக்கும். தொடர்ந்து செய்து வந்தால் நல்ல மாற்றம் கிடைக்கும்.

    மைதா மாவு

மைதா மாவை முகம், கைகளில் தேய்த்து 10 நிமிடம் கழித்து கழுவினால் முடியின் வளர்ச்சி விரைவில் குறையும்.

    சோளமாவு

சோள மாவு சிறந்த முறையில் முடி வளர்ச்சியை தடுக்கும். தினமும் காலை மாலை என இரு வேளை உபயோகித்தால் நல்ல பலன் கொடுக்கும்.

    அரிசி மாவு

அரிசி மாவு மிக திடமான முடிகளையும் அகற்றும் . அரிசி மாவுடன் சிறிது நீர் கலந்து முடி உள்ள இடங்களில் தேய்க்கவும். 15 நிமிடங்கள் கழித்து கழுவவும்.

    பப்பாளி

பப்பாளியில் உள்ள என்சைம் இயற்கையாகவே கூந்தல் கற்றைகளை உடைக்கும் தன்மை கொண்டது. பப்பாளி சதைப்பகுதியுடன் மஞ்சள் சேர்த்து பூசி 15 நிமிடம் கழித்து கழுவுங்கள். விரைவில் முடியின் வளர்ச்சி குறையும்.

    பிரஷ்

உலர்ந்த பிரஷைக் கொண்டு உடலில் தேயுங்கள். இவை படிப்படியாக முடி வளர்ச்சியை குறைக்கும். அதோடு தழும்புகள், மருக்களும் மறையும்.