!...Payanam...!

ஆஸ்திரேலியாவில் உள்ள ஹேம்லின் பே கடற்கரையில் கரை ஒதுங்கிய சுமார் 150 திமிங்கலங்களில் 6 திமிங்கலங்கள் மட்டுமே உயிர் பிழைத்துள்ளன.

உயிரிழந்த ஒட்டுமொத்த திமிங்கலங்களும் குறுகிய தடுப்பு கொண்ட பைலட் வகை ஆகும்.கடற்கரையில் ஒதுங்கி உயிரோடு இருக்கும் திமிங்கலங்களை காப்பாற்றி மீண்டும் கடலுக்குள் அனுப்ப கடுமையான முயற்சிகள் மேற்கொள்ளப்பட்டன.

ஆனால், மோசமான வானிலை காரணமாக இரவுக்குள் 140 திமிங்கலங்கள் உயிரிழந்தன. கடற்கரையில் ஒதுங்கிய திமிங்கலங்களை மீட்க நூற்றுக்கும் மேற்பட்ட ஆர்வலர்கள், வனத்துறை அதிகாரிகள் மற்றும் பலர் போராடினர்.

"இதுமாதிரி இவ்வளவு திமிங்கலங்கள் ஒன்றாக கரை ஒதுங்கியதை இதுவரை பார்த்ததில்லை" என்றுசுற்றுலா வாசி ஒருவர் தெரிவித்துள்ளார்.

இயற்கை பேரிடர் நிகழ்வதற்கான அறிகுறியாகவே இது போன்ற சம்பவங்கள் பார்க்கப்படுகின்றன. கடந்த சில மாதங்களுக்கு முன்பு இந்தோனேசியாவில் இப்படி கரையொதுங்கியதை அடுத்து உலகெங்கிலும் நிலநடுக்கம் ஏற்பட்டது குறிப்பிடத்தக்கது.

'ஜுராசிக்'... இந்த வார்த்தையைக் கேட்கும் யாரும் ஒரு நொடியாவது கேட்ட பொழுதில் திரும்பிப் பார்க்காமல் இருக்க மாட்டார்கள். சிறுவர் முதல் பெரியவர் வரை அனைவரையும் கவர்ந்த அந்த வார்த்தைக்குச் சொந்தக்காரர்களான டைனோசர்கள்தான் அவர்கள் திரும்பிப் பார்ப்பதற்கான காரணம். 120 அடி உயரத்துக்கு கோரப்பற்களைக் காட்டியபடி வாயைத் திறந்துகொண்டு நிலம் அதிர நடந்து வரும் அவற்றின் பிரம்மாண்டமான தோற்றத்தை என்றென்றும் மறக்காதவாறு மனதில் பதியவைத்தவர் ஸ்டீபன் ஸ்பீல்பர்க். பிரமாண்டமான வேட்டையாடிகள், தாவர உண்ணிகள், பறவைகள் என்று 200 மில்லியன் ஆண்டுகளுக்கு முன் வாழ்ந்த உயிரினங்களைக் கண்முன் கொண்டு வந்தார். அவர் மூலமாக டைனோசர் இனத்தைப் பற்றியும், அவற்றின் வாழ்க்கை முறை பற்றியும் ஓரளவுக்கு அடிப்படை அறிவை அனைவரும் எய்தியிருப்போம். ஆனால் அவை வாழ்ந்த காலத்தில் இருந்த பூமியின் தட்பவெப்பநிலை பற்றியும், புவியியல் அமைப்பு பற்றியும் நமக்கு தெரியுமா?

ஜுராசிக் காலத்தில் இருந்த புவியியல் அமைப்பு அப்போதைய தாவரங்கள் அனைத்திற்கும் மிகப் பிரமாதமான விருந்தோம்பல் செய்தது. அனைத்துமே செழிப்பாகவும் பசுமையாகவும் வளர்ந்தன. புவியின் முக்கால்வாசிப் பகுதி வெப்பமண்டல மழைக்காடுகளாகவே இருந்தது.

ஜுராசிக் காலத்தில் நிகழ்ந்த கண்டத்தட்டு நகர்வு அக்காலத்தின் காலநிலைகளில் பெரிய பாதிப்புகளை ஏற்படுத்தியிருக்கிறது. மீப்பெரும் கண்டமான பேஞ்சியா (Pangea) கண்டத்தட்டு நகர்வியல் கோட்பாடு (Tectonic Plate movement) படி பல துண்டுகளாகப் பிரிந்தது. கண்டத்தட்டுகள் பிரிந்ததில் கடலுக்கடியில் எரிமலையாக்க நிகழ்வுகள் பல நடந்து, பெருங்கடல் பரப்பளவினை விரிவாக்கியது. அது மட்டுமின்றி கடலின் தரைப்பகுதியிலிருந்து பெரிய பெரிய மலைகளை உருவாக்கியது. இதனால் கடல் மட்டம் உயர்ந்து கரையோரப் பகுதிகள் பலவும் கடலுக்குள் மூழ்கியதோடு, நிலப்பகுதிக்குள் விரைந்த கடல்நீர் உள்நிலக் கடல்களையும் (Inland seas) உருவாக்கியது. நிலப்பகுதியில் பெருமளவில் உருவான இந்தப் புதிய நீர்நிலைகள் வறண்ட நிலமாக இருந்த பூமியின் பழைய நிலப்பகுதிகளை ஈரப்பதம் நிறைந்ததாக மாற்றியது. காற்றில் ஈரப்பதத்தை அதிகப்படுத்திய இந்தச் செயற்பாடுகள் அதிகமான மழைக்கு வழிவகுத்தது. தாவரங்களுக்கு உகந்த தட்பவெப்பநிலை ஏற்பட்டதால் அவற்றின் வளர்ச்சி அபரிமிதமாக இருந்தது.

மழைக்காடுகளில் தாவரங்களுக்கு உகந்த சூழல் இருக்கும் என்பது நாம் அனைவரும் அறிந்ததே. இந்தச் சூழல் எதற்கு வழிவகுக்கும்? ஆம், பல்லுயிர்த் தன்மைக்கு. அதாவது பல வகையான உயிரினங்கள் செழிப்பாக வாழ்வதற்கு ஏற்ற வாழ்வாதாரம் அங்கே கிடைக்கும். ஆச்சர்யம் என்னவென்றால் ஜுராசிக் காலத்தில் துருவங்களில் இன்றிருக்கும் பனிப்பாறைகளோ, பனிமலைகளோ எதுவும் இல்லை. புவியின் பெருவாரியான பகுதிகளில் மழைக்காடுகளே நிறைந்திருந்தன.

டைனோசர்

இந்தக் காலத்தில் தாவரங்களால் சேகரிக்கப்பட்ட கரிமங்கள் தான் இன்று நாம் நிலக்கரியாகப் பயன்படுத்துகிறோம். கடல் மட்டம் உயர்ந்தது, கரையோரப் பகுதிகளை மூழ்கடித்து ஆழமில்லா கரைக்கடல் பகுதிகளை உருவாக்கியது. இத்தகைய ஆழமற்ற கடல் பகுதிகள் பவளப் பாறைகளின் வளர்ச்சிக்கு வித்திட்டது. அளவுக்கு மீறினால் அமுதமும் நஞ்சல்லவா! அதே கதைதான் இங்கேயும். வெள்ளப்பெருக்கால் உருவான அதிகமான நீர்நிலைகள் ஈரப்பதத்தைத் தந்து தாவரங்களின் வளர்ச்சிக்கு வித்திட்டது என்று பார்த்தோமல்லவா? தாவர வளர்ச்சி பசுமையாக இருக்கும் இடங்களில் காற்று எப்படி இருக்கும்? ஈரப்பதமாக இருக்கும். காற்றில் தாவரங்களும் ஈரப்பதத்தை மேலும் சேர்த்தது. அது மட்டுமின்றி ஒளிச்சேர்க்கை செயல்முறையில் தாவரங்கள் வெளியேற்றும் கரிம வாயுக்களும் அதிகமாகக் கலந்தன. அவற்றைச் சமன் செய்வதற்குப் பனிப்பாறைகளோ, வறண்டப் பாலைவனங்களோ எதுவும் இல்லாததால் அனைத்துமே காற்றில் தொடர்ச்சியாகக் கலந்துகொண்டே இருந்தது. இன்று நாம் பேசும் பசுமை இல்ல வாயுக்களின் விளைவுகள் பெரிய அளவில் புவி முழுவதும் அன்று நிகழ்ந்தது.

டைனோசர்களின் ஒட்டுமொத்த அழிவுக்குப் பல காரணங்கள் இருக்கிறது. அவற்றின் வாழ்வாதாரமாக எது அமைந்ததோ அதுவே அக்காரணங்களில் ஒன்றாகவும் அமைந்தது. எது அவர்களின் பல்லுயிர்த் தன்மைக்கு வழிவகுத்ததோ, எது அந்த பூதாகரப் பல்லிகளின் பிரம்மாண்டமான வளர்ச்சிக்கும், பிரம்மாண்டமான பறவைகளின் உணவுத்தேவைக்கும், பிரம்மாண்டமான நீர்வாழ் டைனோசர்களுக்கு அடைக்கலம் தந்ததோ அதே தட்பவெப்பநிலை அவற்றின் அழிவுக்கும் ஒரு காரணமாக, எமனாக வந்து நின்றது. இதுதான் இயற்கையின் நியதி. அதீதம் என்றும் ஆபத்தே. இன்று வளர்ச்சி என்ற பெயரில் செய்துகொண்டிருக்கும் செயல்களுக்கும் இது நன்றாகவே பொருந்தும். அது இயற்கை; இது செயற்கை அவ்வளவே.

வீட்டில் அல்லது அலுவலகத்தில் வெண்கல பாத்திரத்தில் நீர் முழுவதையும் நிரப்பி அதில் அழகான பூக்களை வைத்து மிதக்க வைப்பார்கள் அல்லவா?இவ்வாறு ஒரு பாத்திரத்தில் நீரை நிரப்பி அதில் பூக்களை மிதக்க விடுவது ஏன் என்று நீங்கள் யோசித்தது உண்டா?

ஒரு வெண்கல பாத்திரம் முழுவதும் தண்ணீரை நிரப்பி, அதில் பூக்களை மிதக்க வைப்பதை பார்ப்பதற்கு அழகாக இருந்தாலும் அதற்கு சில காரணம் உள்ளது.

இந்த முறையானது சீனர்களின் பயன்பாட்டில் இருந்து தோன்றிய ஒரு வாஸ்து பரிகாரமாகும். இந்த முறையை நமது வீட்டில் அல்லது அலுவலகத்தில் செய்தால், வாஸ்து குறைபாடு, கண் திருஷ்டி மற்றும் நோய் நொடிகள் நீங்கி, நமது வீட்டில் செல்வம் பெருகும் என்று நம்புகின்றார்கள்

சிம்பு சினிமாவில் எப்படிபட்ட பிரச்சனைகளை சந்தித்துள்ளார் என்பது நாம் எல்லோருக்குமே தெரிந்த விஷயம். ஆனால் அவரை போல் பல மீம்ஸ்களுக்கு ஆளானவர் அவரது அப்பா டி.ஆர்.

வாயில் இசை வாசிப்பது, தலைமுடி ஆட்டுவது போன்ற விஷயங்களால் அவர் நிறைய கலாய்க்கப்பட்டுள்ளார்.

இந்த நேரத்தில் பிரபல தொலைக்காட்சியில் டி.ஆர் அவர்கள் பாடல் நிகழ்ச்சிக்கு சிறப்பு விருந்தினராக சென்றுள்ளார். அப்போது நிகழ்ச்சியில் வீடியோ மூலம் பேசிய சிம்பு, இதுவரை தன் அப்பாவை கலாய்த்தவர்களுக்கு பதிலடி கொடுத்துள்ளார்.

வாயில் இசை வாசிக்கிறார் என்பார்கள் உங்களால் அது முடியுமா, தலைமுடி ஆட்டுகிறார் என்கிறார்கள் இந்த வயசிலும் அவர் ஆட்டுகிறார் உனக்கு இந்த வயசிலேயே முடி இல்லை.

எந்த பெண்ணை பார்த்தாலும் உனக்கு ஏதாவது தோன்றும் ஆனால் ஒரே ஒரு பெண் தான் என்று வாழ்கிறார். நீ இப்போதே நிறைய போதைகளுக்கு அடிமையாகியிருப்பாய் ஆனால் அவருக்கு ஒரு கெட்ட பழக்கம் கூட கிடையாது.

இதுபோன்ற திறமை இல்லாதவன் தான் உங்களை கிண்டல் செய்கிறான். ஆனால் உங்கள் திறமையை அங்கீகரித்து உங்களை மதித்தவர்களை நான் மதிக்கிறேன் என்று மனம் உறுக பேசியுள்ளார். அதை கேட்ட டி.ஆர் அவர்களின் கண் கலங்கிவிட்டது.

ஒட்டுமொத்த கோடம்பாக்கமும் ஓரணியில் நின்று அதிசயித்துக் கொண்டிருக்கிறது. மணிரத்னம் இயக்குகிற ‘செக்கச் சிவந்த வானம்’ படத்தின் முதல் ஷெட்யூலை மளமளவென முடித்துக் கொடுத்துவிட்டார் சிம்பு. காட்டுத் தீயாக செய்தி பரவ… நாலாபுறத்திலிருந்தும் ‘நான்… நீ’ என்று சிம்பு வீட்டுக்கு படையெடுக்க ஆரம்பித்துவிட்டார்கள். ஸ்டிரைக் காரணமாக ஓய்வில் இருக்கும் மற்ற மற்ற ஹீரோக்கள் கதை கேட்கிறார்களோ, இல்லையோ? சிம்பு கேட்க ஆரம்பித்திருக்கிறார்.

மணிரத்னம் படத்தை பொருத்தவரை நான்கு நாட்கள் விஜய் சேதுபதியும் சிம்புவும் சேர்ந்து வருகிற காட்சிகள் மட்டும் மிச்சமிருக்கிறது. அந்த நாளுக்காக ஆவலோடு காத்திருக்கிறார்களாம் இருவரும். இதற்கு முன் சில முறை சந்தித்திருந்தாலும் திக் பிரண்ட்ஸ் இல்லை. இந்த காம்பினேஷன் டைம், அதற்கான வழியை ஏற்படுத்தித் தருமல்லவா? அதனால்தான்..

ஒரு சில காட்சிகளுக்காக வெளிநாடு சென்றுவிட்டு திரும்பினால் படம் ஓவர். அதற்கப்புறம் சிம்புவின் திட்டம் என்ன?

ஒரு ஹாலிவுட் படத்தை இயக்கப் போகிறார் சிம்பு. இசை யுவன்சங்கர்ராஜா. மொத்தம் முப்பதே நாட்களில் படத்தை முடித்துவிட்டு இந்தியா திரும்புவதாக ஷெட்யூல் வகுத்திருக்கிறார். தன்னை பற்றிய இமேஜை அடித்து நொறுக்குவதுதான் அவரது பெரும் லட்சியமாக இருக்கிறதாம்.

எல்லாம் ‘வல்லவன்’ இறைவன் ஆச்சே? மனசுல புகுந்து மாற்றத்தை கொடுத்துட்டானோ என்னவோ?

திரையிசை உலகின் வெண்கலக்குரலோன் என்று போற்றப்படுபவர் டி.எம்.சௌந்தரராஜன் என்னும் டி.எம்.எஸ். இவர் பாடினால் தமிழ் இனிக்கும்; உணர்ச்சிகள் சிலிர்க்கும். தொகுளுவா மீனாட்சி அய்யங்கார் செளந்தரராஜன் எனும் டி.எம்.எஸ் 1922- ம் ஆண்டு மார்ச் மாதம் 24-ம் தேதி மதுரையில் பிறந்தார். ஆம், இன்று அவருடைய பிறந்த தினம் என்பதால் அவருடனும் நெருங்கிப்பழகிய இயக்குனர் விஜயராஜிடம் அவருடைய சிறப்புகளைக் குறித்துக் கேட்டோம்...

டி எம் சௌந்தரராஜன்

11000 தமிழ்ப் பட பாடல்களையும், 2000-க்கும் மேற்பட்ட பக்திப் பாடல்களையும் பாடி நம்மையெல்லாம் பரவசப்படுத்திய டி.எம்.எஸ் அவர்களின் வாழ்க்கையே நமக்கெல்லாம் ஒரு பாடம் தான். அவர் தனது கடைசி காலம் வரை தனக்கான வேலைகளை தானே செய்து கொண்டவர். அவர் ஓய்வு எடுத்து நான் பார்த்ததே இல்லை. 'நாம் அரசு ஊழியர் இல்லை, ஓய்வெடுக்க. ஒரு கலைஞன் தன்னை எப்போதும் தயாராக வைத்திருக்க வேண்டும். எப்போது வேண்டுமானாலும் அவனுக்கு வாய்ப்பு கிடைக்கும். அப்போது அவன் பணியாற்றத் தயாராக இருக்க வேண்டும்' என்று கூறுவார். அப்படி அவர் சொல்லும்போதே அவர் 90 வயதை தொடவிருந்தார். பாடுவதைப்போலவே அவர் சமையலிலும் கைதேர்ந்த கலைஞர். அவர் ரசம் வைத்தால் தெரு முழுக்க மணக்கும் என்பார்கள். நிஜமாகவே ஒரு அற்புதமான ரசனைக்காரர் அவர். அவர் விரும்பியே தனது ஒவ்வொரு கணத்தையும் வாழ்ந்தார். எல்லா செயலிலும் ஒரு தனித்துவம் இருக்க வேண்டும் என்று விரும்புவார். அதற்காக உழைப்பார்.

டி எம் எஸ்

டி.எம்.எஸ் அவர்களின் 90-வது பிறந்த நாள் தொடக்கத்தை மலேசியாவின் பத்துமலை முருகன் கோயிலில் அவரோடு  கொண்டாடினோம். அங்கு அவர் பாடிய கந்தசஷ்டி கவசம், சண்முக கவசம் பாடல்களின் சிடியை கோயிலில் கொடுத்தோம். அவர்கள் அதை உடனே கோயிலில் ஒலிபரப்பி அவரை பெருமைப்படுத்தினார்கள். அப்போது முருகப்பெருமானின் கருணையை எண்ணி வியந்து நெகிழ்ந்துப்போனார். தான் முருகப்பெருமானுக்காக உருகி உருகிப்பாடிய பாடல்களையெல்லாம் சொல்லி கண்கலங்கினார். முருகப்பெருமானின் பாடல்கள் என்றாலே டி.எம்.எஸ் தான் என்று நாம் நினைப்பதற்குக் காரணம் நிஜமாகவே அவர் முருகனின் பக்தராக இருந்தது தான். எத்தனையோ பாடகர்கள் வரலாம், என்றாலும் டி.எம்.எஸ்... டி.எம்.எஸ் தான்' என்றார்.

ஆம், மல்லிகைப் பூவை மறைத்துவிட முடியும்! வாசத்தை?

சித்தர்கள் கண்ட சிறுநீர்ப் பரிசோதனை முறை


 காலைச் சிறுநீரை ஒரு கண்ணாடிக் கிளாசில் எடுத்து அதில் இரண்டு சொட்டு நல்லெண்ணையை விட்டுவிட்டு உற்றுக்கவனியுங்கள்.


எண்ணெய்த்துளி பாம்புபோல வளைந்து காணப்பட்டால் உங்கள் உடலில் வாதம் மிகுந்துள்ளது.
மோதிரம் போல வட்டமாக இருந்தால் உங்களுக்கு பித்த நோய்,


முத்துப்போல நின்றால் உங்களுக்கு கபநோய்,


எண்ணெய்த்துளி வேகமாக பரவினால் நோய் விரைவில் குணமாகும்.


எண்ணெய்த்துளி அப்படியே இருந்தால் நோய் குணமாக தாமதமாகும்.


எண்ணெய்த்துளி சிதறினாலோ

அமிழ்ந்துவிட்டாலோ நோயை குணப்படுத்த இயலாது.