!...Payanam...!

கண்தானம் செய்ய இதைவிட பெரிதாக  ஒன்றும் விளக்க வேண்டாம்

 "தானத்தில் சிறந்த தானம், கண்தானம்" என்பார்கள். ஏனெனில், கண்தானம் செய்வதால், நாம் இறந்தாலும், மற்றொருவர் மூலம் நம் கண்கள் இந்த உலகை பார்க்க முடியும். நாம் இறந்த பின்னர் மண்ணுடன் மண்ணாக மக்கி போகும் நம் உடல் உறுப்புகளை, மற்றவர்களுக்கு தானமாக கொடுப்பதன் மூலம், நாம் இறந்தும் பலருக்கு வாழ்வளிக்க முடிகிறது.

எனவேதான் கண் தானம் பற்றிய விழிப்புணர்வை ஏற்படுத்த, ஆண்டு தோறும் செப்டம்பர் மாதம் 8 ஆம் தேதி, தேசிய கண்தான தினமாகக் கடைப்பிடிக்கப்படுகிறது.

உலகில் 4 கோடி மக்கள் பார்வையற்றவர்களாக உள்ளனர். இவற்றில், நம் இந்தியாவில் மட்டும் ஒன்றரை கோடிக்கும் அதிகமானவர்கள் உள்ளனர். நாம் அனைவரும் கண்தானம் செய்ய முன்வந்தால், இந்தியாவில் பார்வையற்றவர்களை பார்வை உடையவர்களாக மாற்ற முடியும்.

கண்தானம் பற்றிய சில தகவல்கள்:

கண் தானம் செய்ய விரும்புவோர், நமக்கு அருகிலுள்ள கண்தான வங்கியை தொடர்பு கொண்டு, கண்களை தானம் செய்வது பற்றி தெரிவிக்கலாம்.

ஒருவர் இறந்த 4 முதல் 6 மணி நேரத்திற்குள் கண்தானத்தை செய்ய வேண்டும்.

கண்தானம் செய்யும் இறந்தவரையும், கண்களைப் பெற்றுக் கொள்பவரையும் மருத்துவர் முறையாக பரிசோதனை செய்த பிறகுதான், கண் விழிகளை பார்வையற்றவருக்குப் பொருத்த முடியும்.

கண்தானம் செய்பவர் இறந்ததும், உடனடியாக அவரது கண்களை மூடி, கண்ணின் மீது ஐஸ்கட்டி அல்லது ஈரமான பஞ்சை வைக்க வேண்டும். கண்ணின் முக்கிய உறுப்பான 'கார்னியா' எனப்படும் கருவிழிக்குள் ஒளிக்கற்றையானது உள்ளே செல்வதைத் தடுப்பதற்காக இதனை செய்ய வேண்டும்.

முதலில் இறந்தவரிடம் இருந்து சிறிதளவு ரத்தம் சேகரிக்கப்பட்டு, உடல்நிலையின் ஆரோக்கியம் பற்றி ஆய்வு செய்யப்படும். பின்னரே கண் எடுக்கப்பட்டு, மற்றவருக்கு பொருத்தப்படும்.

கண்தானம் செய்ய 20லிருந்து 30 நிமிடங்கள் மட்டுமே ஆகும்.

மூக்குக் கண்ணாடி அணிந்தவர்களும், கண் புரை அறுவை சிகிச்சை செய்தவர்களும் கண்தானம் செய்யலாம்.

ஒரு வயது நிரம்பியவர் முதல் எல்லா வயதினரும் கண்தானம் செய்யலாம்.

உலகிலேயே இலங்கைதான் கண்தானம் செய்வதில் முதலிடத்தில் உள்ளது.

யார் செய்யலாம், யார் கூடாது:

நீரிழிவு நோய், ரத்தக் கொதிப்பு, ஆஸ்துமா நோயாளிகள் உட்பட அனைவரும் கண்தானம் செய்யலாம். ஆனால், தொற்று நோயால் இறந்தவர்கள், மஞ்சள் காமாலை, விஷக்கடி, எய்ட்ஸ் போன்ற நோய் பாதிப்புகளால் இறந்தவர்கள் கண்தானம் செய்ய முடியாது.

நம் கண்களை பாதுகாக்க சில டிப்ஸ்:

போதிய வெளிச்சத்தில்தான் படிக்கவும், எழுதவும் செய்ய வேண்டும்.

கண்களில் தூசி விழுந்தால் கைகளால் கசக்காமல், தண்ணீரைக் கொண்டுதான் சுத்தம் செய்ய வேண்டும். பால், முட்டை, கீரை, மீன், பழங்களை அதிகம் சாப்பிட வேண்டும்.

கணினி மற்றும் டி.வி.யை பயன்படுத்துவோர், அடிக்கடி கண்களை மூடியும், சிமிட்டவும் செய்ய வேண்டும்.
40 வயதுக்கு உட்பட்டவர்கள் ஆண்டுக்கு ஒருமுறையும், 40 வயதுக்கு மேற்பட்டவர்கள் ஆறு மாதங்களுக்கு ஒருமுறையும் கண்களை பரிசோதனை செய்து கொள்வது சிறந்தது.

அனைவரும் கண்தானம் செய்வோம்! பிறர் கண் மூலமாக மீண்டும் உயிர்வாழ்வோம்!!

கடந்த காலங்களை பொருத்த வரையில், எவ்வளவுதான் தொலைக்காட்சியில் பல நிகழ்ச்சிகள் நடத்தினாலும், அதில் பங்குபெரும் வாய்ப்புகள் நகரவாழ் மக்களுக்குத் தான் அதிகமாக இருக்கும்.

நூற்றில் பத்து சதவீதம் தான் கிராம மக்களுக்கு கிடைக்கும். ஆனால் அது நிரந்தரமான ஒன்று கிடையாது. தற்போது அவர்களை வெளிக்கொண்டு வருவதில் சமூகவலைத்தளங்கள் பெரிதும் உதவியாக காணப்படுகின்றன.

இங்கு சிறுவன் ஒருவன் அம்மாவின் பாடலை மிக அழகாக பாடி கண்கலங்க வைத்துள்ளார். அச்சிறுவனின் பாடலுக்கு மிக அழகாக வேறொரு இரண்டு சிறுவர்கள் தாளம் போட்டு அசத்தியுள்ளனர்.

பிரபல தொலைக்காட்சியில் சூப்பர் சிங்கர் என்ற பாடல் நிகழ்ச்சி படு பிரம்மாண்டமாக நடைபெற்று வருகிறது.

இதில் ஏ.ஆர். ரகுமானை தொடர்ந்து சிம்பு, சிவகார்த்திகேயன் என பிரபலங்கள் சிறப்பு விருந்தினர்களாக கலந்துகொண்டனர்.

இந்த நிலையில் தமிழ்ப் புத்தாண்டு ஸ்பெஷலாக நடனப்புயல் பிரபுதேவா கலந்து கொண்டுள்ளார். இதனை அந்த தொலைக்காட்சியே புகைப்படங்களை வெளியிட்டு மக்களுக்கு அறிவித்துள்ளனர்.

தமிழகமெங்கும் போராட்டம் சூழந்துள்ளது. இந்த நிலையில் சென்னையில் ஐ.பி.எல் போட்டிகள் பதட்டத்துடன் தொடங்கியுள்ளது. வெற்றிமாறன், வைரமுத்து, பாரதிராஜா என பலரும் போராட்டத்தில் இறங்கியுள்ளார்கள்.

ஏற்கனவே தூத்துக்குடியில் ஸ்டெர்லைட் போராட்டம் நீண்டநாளாக நடைபெற்று வருகிறது. இதில் நடிகர் கமல்ஹாசனும் நேரடியாக மக்கள் மத்தியில் இறங்கி போராடினார்.

இன்னும் பல இடங்களில் இதன் போராட்டம் தொடர்ந்து வருகிறது. வெளிநாடுகளிலும் மக்கள் பலரும் ஒன்று கூடி தமிழக மக்களின் பிரச்சனைகளுக்காக குரல் எழுப்பியுள்ளார்கள்.

இந்நிலையில் ஸ்டெர்லைட் ஆலை புதுப்பிக்கும் மனுவுக்கு அனுமதி மறுக்கப்பட்டுள்ளது. இதனால் தமிழ்நாடு மாசு கட்டுப்பாடு வாரியத்திற்கு, மக்கள் நீதி மய்யம் தலைவர் கமல் வாழ்த்து தெரிவித்துள்ளார்.

கமல்ஹாசன் திரைப்பயணத்தில் மிகவும் முக்கியமான படம் என்றால் தேவர் மகன் படத்தை சொல்லலாம். கமல்-சிவாஜி இணைந்து வந்த அப்பட காட்சிகள் இப்போது பார்க்கும் போது பெரிய தாக்கத்தை ஏற்படுத்தும்.

1992ல் வெளியான இப்படத்திற்கு அப்போது விட இன்றைய கால இளைஞர்கள் அதிகம் ரசித்துள்ளார்கள் என்றே கூறலாம். ரசிகர்களிடம் பெரிய தாக்கத்தை ஏற்படுத்திய சிவாஜி கணேசனின் அந்த கேரக்டரில் முதலில் நடிக்க வைக்க படக்குழு எஸ்.எஸ். ராஜேந்திரன், விஜயகுமார் என இருவரையும் தான் முதலில் அணுகினார்களாம்.

ஆனால் இப்போது பார்க்கும் போது சிவாஜி கணேசனை தாண்டி யாராலும் அந்த வேடத்தில் நினைத்து கூட பார்க்க முடியாது என்றே கூறலாம்.

நடிகை அனுஷ்காவுக்கு திருமணம் எப்போது என நிறைய பேச்சுகள் அடிப்பட்டுக்கொண்டிருக்கிறது. வயது ஏறிக்கொண்டே போக வீட்டிலும் இருப்பவர்களுக்கு கவலையாம்.

முஹூர்த்த நாளை எதிர்பார்த்து அவர்கள் காத்துக்கொண்டிருக்கிறார்கள். அனுஷ்கா பாகுபலி படத்தால் நல்ல மதிப்பை மக்கள் மத்தியில் பெற்றதால் நல்ல கதைகளுக்காக காத்துக்கொண்டிருக்கிறார்.

அதற்கான மற்ற நடிகைகளை போல அதிக படங்களில் இவர் தேர்ந்தெடுப்பது இல்லை. இந்நிலையில் அவர் அடுத்ததாக பிரபல மலையாள நடிகர் மம்முட்டிக்கு ஜோடியாக நடிக்கிறாராம்.

இப்படத்தை சர்த் சந்திப் இயக்கவுள்ளதை அவரே தன் ட்விட்டரில் கூறியுள்ளார். அதோடு இந்த இயக்குனர் ஏற்கனவே பரோல் என்ற படத்தை இயக்கியுள்ளார்.

வரும் மார்ச் 31 ல் வெளிவரும் இப்படத்தில் மம்முட்டி சிறைக்கைதியாக நடித்திருக்கிறாராம்.

பசிபிக் ரிம் முதல் பாகத்தில் மனிதர்களின் உலகத்திற்குள் நுழையும் ஏலியன்களுக்கும், மக்களுக்கும் இடையே சண்டை நடக்கும். இந்த பாகத்தில் ஏலியன்கள் வரும் ரிம்மை மூடுவதற்காக மனிதர்கள் போராடுகிறார்கள்.

அதற்காக ரோபோட்களை உருவாக்கி அதன்மூலமே அனைத்து வேலைகளையும் செய்து வருகின்றனர். இதில் நாயகன் ஜான் போயகா ரேபோட் பாகங்களை திருடி தனியாக ரோபோட்டுக்களை உருவாக்கி வருகிறார். இந்நிலையில், ஜானை போலவே கேலி ஸ்பேனியும் ரோபோ பாகங்களை திருடி செல்கிறார்.

கேலி ஸ்பேனியை பின்தொடர்ந்து சென்று பார்க்கும் போது, அவளும் ரகசியமாக ரேபோக்களை உருவாக்கி வருகிறாள் என்பது ஜான் போயகாவுக்கு தெரிகிறது. இந்நிலையில் இருவரும் போலீசில் சிக்கிக் கொள்ள அவர்கள் மற்றவர்களுக்கு ரோபோக்களை இயக்கும் பைலட்டுகளாக நியமிக்கப்படுகின்றனர்.

ஜானுடன் மற்றொரு நாயகனான ஸ்காட் ஈஸ்ட்டும் ரேபோ பைலட்டாக வருகிறார். இவ்வாறாக ரோபோக்களை இருவர் அதனுள் சென்று இயக்க வேண்டும். இந்த முறைக்கு மாற்றாக டிரான்ஸ் மூலம் ரோபோக்களை இயக்க முடிவு செய்து அதற்கான வேலைகள் முடியும் நிலையில், திடீரென வரும் ரோபோ ஒன்று ரின்கோ குகுச்சியை கொன்று விடுகிறது.

ரோபோ ஏன் மனிதரை கொள்கிறது என்பது குறித்து விசாரிக்கும் போது, அதில் ஏலியனின் மூளை செயல்படுவது தெரியவருகிறது. கடைசியில் அந்த ரோபோவில் ஏலியனின் மூளை எப்படி வந்தது? அதனை இயக்குவது யார்? ஏலியன்கள், மனிதர்கள் உலகத்தில் இருந்து விரட்டியடிக்கப்பட்டதா? அதன் பின்னணியில் என்ன நடந்தது என்பதே படத்தின் மீதிக்கதை.

படத்தில் ஜான் போயகா, ஸ்காட் ஈஸ்ட்வுட், ஜிங் டியன், கேலி ஸ்பேனி, ரின்கோ குகுச்சி, பர்ன் கோமேன், அட்ரியா அர்ஜோனா உள்ளிட்ட அனைத்து கதாபாத்திரங்களும் கொடுத்த வேலையை சிறப்பாக செய்திருக்கின்றனர்.



ஸ்டீவன் எஸ்.டிநைட்டின் இயக்கத்தில் படம் சிறப்பான ஆக்‌ஷன் படமாக கண்ணுக்கு விருந்தளிக்கிறது. முதல் பாகத்தை போலவே படத்தின் கதை இருந்தாலும், காட்சிகளில் சில மாற்றங்கள் இருப்பது ரசிக்க வைக்கிறது. திரைக்கதை நீட்சி, ஆங்காங்கு தொய்வு என ஒருமுறை பார்க்கும்படியாக இருக்கிறது.

டேன் மிண்டல் ஒளிப்பதிவில் காட்சிகள் கண்ணுக்கு விருந்தளிக்கிறது. லார்ன் பால்ஃப் பின்னணி இசையும் படத்திற்கு வலுசேர்த்திருக்கிறது.

மொத்தத்தில் `பசிபிக் ரிம் அப்ரைசிங்' அடிதடி கலாட்டா.