!...Payanam...!

தமிழ் சினிமாவில் வசூல் நாயகனாக திகழ்ந்தவர் நடிகர் ராமராஜன். அதனால், திரையில் அவருக்கு வழங்கப்பட்ட பட்டம் மக்கள் நாயகன்.

இவரது கரகாட்டக்காரன் படம் மதுரை திரையரங்குகளில் ஒரு வருடத்திற்கும் மேலாக ஓடி சாதனைக்கு மேல் சாதனைகளை செய்தது. இந்நிலையில் இவரை பற்றிய நாம் அறியாத தகவல் ஒன்று வெளிவந்துள்ளது.

அதாவது ஆர்.ஜே.பாலாஜி நடிப்பில் சில மாதங்களுக்கு முன் வெளியாகியிருந்த LKG படத்தில் வில்லனாக மறைந்த நடிகர் ஆர்.கே.ரித்திஷ் நடித்திருப்பார். ஆனால் உண்மையில் இந்த கதாபாத்திரத்திற்காக முதலில் ராமராஜனை தான் அணுகியுள்ளனர். ஆனால் அவர் தனக்கு அதில் நடிக்க விருப்பமில்லை எனச் சொல்லி, மறுத்துள்ளார்.

பிக்பாஸ் சீசன் 3 நிகழ்ச்சி மீதான எதிர்பார்ப்புகளும், ஆர்வங்களும் ரசிகர்கள் மத்தியில் தொடங்கிவிட்டன. தமிழில் இந்நிகழ்ச்சி ஜூன் 23 ல் தொடங்குகிறது. அண்மையில் இதற்கான புரமோக்களும் வெளியாகின. கமல்ஹாசன் மீண்டும் நிகழ்ச்சியில் வருவதால் கலந்துகொள்ளும் போட்டியாளர்கள் யார் என்பது ரகசியமாக உள்ளது.

இந்நிலையில் தெலுங்கிலும் பிக்பாஸ் சீசன் 3 எப்போது தொடங்கும் என ரசிகர்கள் கேட்டு வருகிறார்கள். ஜூனியர் NTR தொகுத்து வழங்கிய முதல் சீசன் போல நானி தொகுத்து வழங்கிய சீசன் 2 இல்லை.

மறுபக்கம் சீசன் 3 க்கு போட்டியாளர்களாக அழைக்கப்பட்ட பிரபலங்கள் யாரும் சரியாக மறுபதில் கூறவில்லையாம். இதனால் பிக்பாஸ் சீசன் 3 நிறுத்தம் என தகவல் பரவியுள்ளது.

ஆனால் நிகழ்ச்சி குழு தற்போது போட்டியாளர்கள் தேர்ந்தெடுப்பது இன்னும் நடைபெற்று வருகிறது. ஓரிரு மாதங்களில் நிகழ்ச்சி தொடங்கும் என கூறியுள்ளது.

நாகார்ஜூனா, வெங்கடேஷ் அல்லது அனுஷ்கா தான் தொகுப்பாளர் என பெயர் அடிபட்டு வந்த நிலையில் நாகார்ஜூனா தான் என மெஜாரிட்டியாக தகவல் சுற்றி வருகிறது.

தனது பாடல்களை தனது அனுமதியின்றி பாடுவதற்கும் நிகழ்ச்சிகளில் வாசிக்கப்படுவதற்கும் தடை விதிக்க வேண்டும் என சென்னை உயர்நீதிமன்றத்தில் இளையராஜா மனு அளித்திருந்தார். இதனை விசரித்த நீதிமன்றம், இளையராஜா அனுமதியின்றி அவர் இசைத்த பாடல்களை வேறு யாரும் பயன்படுத்த சமீபத்தில் தடை விதித்தது.

இந்நிலையில் தன் பாடலுக்கான, ராயல்டி என்ற காப்புரிமை தொகையை, தென்னிந்திய திரைப்பட இசைக் கலைஞர்கள் சங்கத்திற்கு, இளையராஜா வழங்கியுள்ளார்.

இதுதொடர்பாக சங்கத்தின் தலைவர் தீனா அளித்த பேட்டியில், இளையராஜா பாடலுக்கு அனுமதி பெறவும், அதற்கான கட்டணங்களை அறியவும், தென்னிந்திய இசைக் கலைஞர்கள் சங்கத்தை அணுகலாம். இதற்கு முன், முதல் நிலையில் உள்ளவர்களுக்கு, இளையராஜா பாடலை பாட, உலக அளவில், ஆண்டுக்கு, 20 லட்சம் ரூபாய் கட்டணமாக இருந்தது. அது, மிகவும் அதிகம் என, பலரும் கூறியதால், கட்டணம் மாற்றி அமைக்கப்பட்டுள்ளது. சங்கத்தை அணுகினால், உரிய விளக்கம் தரப்படும் என கூறினார்.

கன்னட சூப்பர் ஸ்டாரான மறைந்த நடிகர் ராஜ்குமாரின் குடும்பத்தில் இருந்து ஒரு பெண் முதன்முதலாக நடிக்க வந்துள்ளார்.

கன்னட சூப்பர் ஸ்டார் ராஜ்குமாரின் மகன்களான சிவராஜ்குமார், புனித் ராஜ்குமார் சாண்டல்வுட்டின் முன்னணி நடிகர்களாக உள்ளனர். ராஜ்குமாரின் மகன் ராகவேந்திராவின் வாரிசு வினய் தாத்தா வழியில் நடிகர் ஆகியுள்ளார்.

இந்நிலையில் ராஜ்குமார் குடும்பத்தில் ஒரு பெண் நடிக்க வந்துள்ளார். அவர் தான் ராஜ்குமாரின் மகள் வழிப் பேத்தி தன்யா ராம்குமார். தன்யாவின் தந்தை ராம்குமார் கன்னட படங்களில் நடிப்பதோடு தயாரிக்கவும் செய்கிறார்.

வீட்டில் ஒரு நாள் புதுப்படங்கள் பற்றி பேசிக் கொண்டிருக்கும்போது நான் நடிகையானால் ஒப்புக் கொள்வீர்களா என்று தன்யா தனது தாய் பூர்ணிமாவிடம் எதேச்சையாக கேட்டுள்ளார். கண்டிப்பாக அம்மா எதிர்ப்பு தெரிவிப்பார் என்று நினைத்துள்ளார் தன்யா. ஆனால் பூர்ணிமாவோ தாராளமாக நடி, யார் வேண்டாம் என்றது என கூலாக தெரிவித்து தன்யாவை வியப்பில் ஆழ்த்தியுள்ளார்.

தன் அம்மாவே பச்சைக் கொடி காட்டிய பிறகு குஷியோடு படங்களில் நடிக்க வந்துள்ளார் தன்யா. புதுமுகம் சுமன் ஜாதுகரின் இயக்கத்தில் ரொமான்டிக் காமெடி படத்தில் நடிக்கிறார் தன்யா. அந்த படத்தில் அவர் சுராஜ் கவுடாவுக்கு ஜோடியாக நடிக்கிறார்.

நடிகையாக வேண்டும் என்ற நினைப்பே இல்லாமல் இருந்த தன்யாவுக்கு சுமன் கூறிய கதை மிகவும் பிடித்துவிட்டதாம். இப்படி ஒரு கதையை தான் இதுவரை கேட்டது இல்லை என்கிறார் தன்யா. கன்னட திரையுலகில் தனக்கு மிகவும் பிடித்த நடிகர் என்றால் அது மறைந்த தன் தாத்தா ராஜ்குமார் தான் என்று தன்யா ராம்குமார் தெரிவித்துள்ளார்.

ராஜ்குமார் பேத்தி நடிக்க வந்துள்ளார் என்று சாண்டல்வுட்டில் பரபரப்பாக பேசிக் கொள்கிறார்கள். தன் குடும்பத்தில் உள்ளவர்கள் ஏற்கனவே நடிப்பில் அசத்திக் கொண்டிருப்பதால் தான் கடுமையாக உழைக்க வேண்டி இருக்கும் என்பதை தன்யா நன்கு புரிந்து வைத்துக் கொண்டுள்ளார். ராஜ்குமார் பேத்தி என்ற அடையாளத்தை தாண்டி தனக்கென்று ஒரு பெயர் எடுக்க விரும்புகிறார் தன்யா. பாலிவுட்டை போன்றே கன்னட திரையுலகிலும் வாரிசுகள் வரத் துவங்கியுள்ளனர். அந்த பட்டியலில் தன்யாவும் சேர்ந்துள்ளார் என்பது குறிப்பிடத்தக்கது.

உத்தரப்பிரதேசத்தில் தூய்மை இந்தியா திட்டத்தின் கீழ் கட்டிக்கொடுப்பட்ட கழிவறைகளில் தேச தந்தை மகாத்மா காந்தி, அசோக சக்கரம் மற்றும் தமிழக அரசின் கோவில் கோபுரம் ஆகியவை பொறிக்கப்பட்டுள்ள டைல்ஸ் கற்கள் ஒட்டப்பட்டிருப்பது பெரும் சர்ச்சையை ஏற்படுத்தியுள்ளது.

தேச தந்தையான மகாத்மா காந்தி கடந்த சில நாட்களாக பாஜகவினரின் வாயில் சிக்கி பேசு பொருளாகியுள்ளார். கமலின் இந்து தீவிரவாதி என்ற பிரச்சாரத்தின் போது தொடங்கிய சர்ச்சை இன்னும் நீடித்து வருகிறது.

பாஜக எம்பியும் பெண் சாமியாருமான பிரக்யா சிங் மகாத்மா காந்தியை கொன்ற கோட்சே தேசபக்தர் என்றார். இதற்கு பிரதமர் மோடி கடும் கண்டனம் தெரிவித்தார். பிரக்யாசிங்கை மன்னிக்க முடியாது என்றும் அவர் கூறினார்.

ஐஏஎஸ் அதிகாரி இடமாற்றம்

மகாராஷ்டிரா மாநிலத்தை சேர்ந்த ஐஏஎஸ் அதிகாரி ஒருவர் காந்தியை கொன்றது சரிதான் என்றார். காந்தியை கொன்ற கோட்சேவுக்கு நன்றியும் கூறினார். இதனால் அவர் இடமாற்றம் செய்யப்பட்டார்.

தூய்மை இந்தியா திட்டம்

இந்நிலையில் மகாத்மா காந்தியை மீண்டும் வம்புக்கு இழுத்துள்ளனர். உத்தரப்பிரதேச மாநிலம் புலந்தர்ஷா பகுதியில் தூய்மை இந்தியா திட்டத்தின் கீழ் மத்திய அரசு சார்பில் 508 கழிவறைகள் கட்டிக்கொடுக்கப்பட்டுள்ளன.

கழிவறையில் காந்தி, அசோக சக்கரம்

இதில் இச்சாவளி என்ற கிராமத்தில் கட்டப்பட்டுள்ள 13 கழிவறைகளில் மகாத்மா காந்தி, தேசியக்கொடியில் உள்ள தேசிய சின்னமான அசோக சக்கரம் மற்றும் தமிழக அரசின் சின்னமான ஸ்ரீவில்லிபுத்தூர் கோவில் கோபுரம் ஆகியவை பொறிக்கப்பட்ட டைல்ஸ் கற்கள் பதிக்கப்பட்டுள்ளன.

வளர்ச்சித்துறை அதிகாரி கைது

இதனைக் கண்டு அதிர்ச்சி அடைந்த கிராம மக்கள், மாவட்ட நிர்வாகத்திற்கு தகவல் கொடுத்தனர். இதைத்தொடர்ந்து இந்த சம்பவம் தொடர்பாக மாவட்ட கிராம வளர்ச்சித்துறை அதிகாரி சந்தோஷ்குமார் சஸ்பென்ட் செய்யப்பட்டுள்ளார்.

கிரிமினல் நடவடிக்கை

தூய்மை இந்தியா திட்டத்தின் கீழ் கட்டப்பட்டுள்ள கழிவறைகளில் தேச தந்தை மகாத்மா காந்தியின் படம் பொறிக்கப்பட்ட சம்பவம் பெரும் சர்ச்சையை ஏற்படுத்தியுள்ளது. காந்தியின் படம் பொறிக்கப்பட்ட டைல்ஸ் கற்களை கழிவறையில் ஒட்டிய அரசு அதிகாரிகள் மீது கிரிமினல் வழக்குகள் பதிவு செய்யப்படும் என தெரிவிக்கப்பட்டுள்ளது.

பிரதமர் முதல்வர் படம்

மத்திய பிரதேசத்தில் பிரதான் மந்திரி அவாஸ் யோஜனா திட்டத்தின் கீழ் கட்டப்பட்ட வீடுகளில் பிரதமர் நரேந்திர மோடி மற்றும் அம்மாநில முதல்வர் சிவராஜ் சவுகான் படம் பொறிக்கப்பட்ட டைஸ்ஸ் கற்கள் ஒட்டப்பட்டன. இதுதொடர்பாக தொடரப்பட்ட வழக்கில் கடந்த ஆண்டு டிசம்பர் மாதம் தீர்ப்பளித்த அம்மாநில உயர்நீதிமன்றம் படம் பொறிக்கப்பட்ட டைல்ஸ் கற்களை அகற்ற உத்தரவிட்டது குறிப்பிடத்தக்கது.

ஒரு பழமொழி சொல்லுவாங்களே.. "தேரை இழுத்து தெருவில் விட்டவன் திருவிழா கூட்டத்தில் தொலைந்தே போனானாம்! இப்படித்தான் கமலை பற்றி மற்ற அரசியல் கட்சியினர் சொல்ல ஆரம்பித்துள்ளனர்.

சினிமாவில் நடித்து கொண்டிருந்தவர் திடீரென ட்விட்டருக்குள் வந்தார். பிறகு அதிமுகவை சரமாரியாக வெளுத்தார். வெறும் ட்விட்டர் அரசியல்தான் கமலுக்கு லாயக்கு, களத்தில் இறங்க தயங்குபவர் என்று சரமாரி விமர்சனங்கள் வந்தன.

ஆனால் கொஞ்ச நாளிலேயே கட்சியை ஆரம்பித்தார். புதைந்துபோன கிராம சபை உள்ளிட்ட விஷயங்களை வெளியே கொண்டு வந்தார். கட்சியை விரிவுபடுத்தினார், இளைஞர்கள் இவரது அரசியலில் மயங்கினார்கள்.. பின் தொடரவும் ஆரம்பித்தார்கள்!

அரசியல்வாதி கமல்

பொதுவாழ்வில் ஈடுபட்டு கொண்டிருந்தவர் திடீரென விஜய் டிவிக்குள் நுழைந்து ‘பிக்பாஸ் சீசன் 2' சீசனில் கலந்து கொண்டார். டிஆர்பி ரேட் நாளுக்கு நாள் எகிற, மாபெரும் வெற்றி பெற்றது நிகழ்ச்சி! அந்த சமயத்தில் அரசியல்வாதி கமல் காணாமல் போனார். பிக்பாஸ் நிகழ்ச்சியை தனக்கான அரசியல் களமாக அவ்வப்போது ஆக்கி கொண்டாலும், நேரடி அரசியல் அங்கு இல்லாமல் போனது, மக்களுடனான தொடர்பு துண்டித்து போனது. தமிழகத்து அரசியலுடனான நெருக்கம் அறுந்து போனது. இதற்கு நடுவில் தன்னுடைய படம் சம்பந்தமாக வெளிநாடு போவதும் நடந்ததுண்டு!

மய்ய உறுப்பினர்கள்

இதன்பிறகுதான் கஜா புயல் தாக்கியது. இந்த நேரத்தில் மக்கள் நீதி மய்யத்தின் சேவை அருமையானது. கமல்தான் பிக்பாஸ் நிகழ்ச்சி என்று பிஸியாக இருந்தாரே தவிர, அவரது மய்ய உறுப்பினர்கள் தங்கள் களப்பணியை விடவே இல்லை. பொதுமக்களின் அடிப்படை பிரச்சனைகளை கையில் எடுத்து, அவற்றை களைந்து கொண்டிருந்தனர். மய்ய உறுப்பினர்களின் சேவையில் அன்று முதல் இன்று வரை ஒரு குறையும் சொல்லவே முடியாது!

நெருக்கம்

கஜா புயல் பாதிப்பு சமயத்தில் கமல் கிராமம் கிராமமாக சென்றார், பஸ்ஸில் சென்று நிலைமையை பாதிக்கப்பட்ட பகுதிகளின் நிலைமையை ஆராய்ந்தார், டீ குடித்தார்.. வழியில் சென்ற மக்களிடம் நின்று பேசினார்! அதுக்கப்பறம் மக்களுடனான நெருக்கம் காணோம். தேர்தல் வந்தது.. வழக்கம்போல் மக்களிடம் சென்றார். நெருக்கத்தை ஏற்படுத்தி கொண்டார். ஆனால் எதிர்பாராத வகையில் வாக்குகளை பெற்றார். கமலின் நவீன அரசியலில் அனைத்து தரப்பு மக்களில் பெரும்பாலானோர் விழவே செய்தனர். வித்தியாச அணுகுமுறையால் அவர்களின் மனதில் இடம் பிடித்ததை ஒப்புக் கொண்டே ஆக வேண்டும்.

பெருமை

என்ன பிரயோஜனம்.. திரும்பவும் பிக்பாஸ் நிகழ்ச்சிக்குள் போக போகிறார். அப்படியென்றால், அரசியல் செயல்பாடு போன முறைபோல, இந்த முறையும் குறைந்துவிடுமா என தெரியவில்லை. போன முறைக்கும் இந்த முறைக்கும் வித்தியாசம் உள்ளது. அப்போது கமல் அரசியலுக்கு அறிமுகம், இப்போது அப்படி இல்லை. தமிழக அரசியலில் 5-வது இடத்தை எட்டி பிடித்துள்ளார். இது பாமக, தேமுதிக போன்ற கட்சிகளுக்கே கிடைக்காத பெருமை.

தலைவர்கள்

அது மட்டுமில்லை.. வெற்றிபெற்ற, தோற்று போன பிற அரசியல் கட்சிகள் மக்களை சந்தித்து ஓட்டு போட்டதற்கு நன்றி சொல்லி வருகிறார்கள். இதனை மய்யம் முழுமையாக செய்ததா என தெரியவில்லை. எந்நேரமும் மக்களோடு எந்நேரமும் தொடர்பில் இருந்தால் மட்டுமே ஒரு முழுமையான அரசியலை எந்த தலைவராலும் முன்னெடுத்து செல்ல முடியும்.

வெற்றிடம்

அதற்கு கமல் முழு நேர அரசியலில் இருந்தாக வேண்டும். ஆனால் அடிக்கடி திடீர் திடீர் என்று அரசியலில் காணாமல் போனால், அது அக்கட்சிக்கு முக்கியமான வெற்றிடத்தை ஏற்படுத்தி விடக்கூடும். மேலும் எதிர்க்கட்சிகளின் வாயில் மெல்லுவதற்கு அவலை தந்துவிடுவது போலவும் ஆகிவிடும்

மறந்துவிடக்கூடாது

இப்போது பிக்பாஸ் ஆரம்பிக்க போவதால், கமலின் அரசியல் செயல்பாடு எப்படி இருக்க போகிறது, அப்பப்போ வந்து போவாரா? அல்லது மக்களுடனேயே இருந்து அரசியல் தொடர்பில் பிணைந்திருப்பாரா? என்றெல்லாம் இனிமேல் தெரிந்துவிடும்! ஆனால் ஒன்று மட்டும் நிச்சயம்.. கமல்ஹாசன் அரசியலை சீரியஸாக எடுத்துக் கொண்டுள்ளாரோ என்னவோ, அவரை தமிழக மக்களில் ஒரு சாரார் ரொம்ப சீரியஸாக எடுத்துக் கொண்டுள்ளனர்.. அதை அவர் மறந்து விடக் கூடாது.

விஜய்யின் 63வது படத்தில் நயன்தாராவிற்கு அப்பாவாக நடித்திருப்பவர் ஞானசம்பந்தம். பேச்சாளரான இவர் சமீபத்தில் படம் குறித்து பேட்டியளித்துள்ளார்.

அதில் அவர், விஜய் மிகவும் ஸ்டைலிஷ்ஷான ஒரு நபர், படப்பிடிப்புகளில் எப்போது சாதாரணமாக இருப்பார். அவர் நடிப்பதை நேரில் பார்த்து அசந்துள்ளேன், என் டயலாக்கை எல்லாம் நான் மறந்துள்ளேன்.

ஏதாவது காமெடியாக நடந்தால் என்னிடம் வந்து கையை பிடித்துக் கொண்டு சிரிப்பார் என்றார்.

நயன்தாராவும் நடிக்கும் போது சில இடங்களில் உதவி செய்ததாக பேசியுள்ளார்.