!...Payanam...!

தனுஷ் அளிக்கும் பேட்டிகளை பார்க்கும் போது ரஜினி சாருக்கு தன் மருமகனை பார்த்தால் பாவமாக இல்லையா என்றே கேட்கத் தோன்றுகிறது.

சூப்பர் ஸ்டார் ரஜினிகாந்துடன் சேர்ந்து ஒரு படத்திலாவது நடிக்க வேண்டும் என்று அனைத்து நடிகர்களும், நடிகைகளும் ஆசைப்படுகிறார்கள். ஆனால் அனைவரின் ஆசையும் நிறைவேறிவிடுவது இல்லை.

த்ரிஷாவே பல ஆண்டுகளாக தனது ஆசையை வெளிப்படுத்தி ஒரு வழியாக பேட்ட படத்தில் ரஜினியுடன் சேர்ந்து நடித்தார்.

தனுஷ்

ரஜினியின் மூத்த மாப்பிள்ளையான தனுஷுக்கும் அவருடன் சேர்ந்து ஒரு படத்தில் நடிக்க வேண்டும் என்ற ஆசை உள்ளது. சூப்பர் ஸ்டாரின் தீவிர ரசிகரான தனுஷுக்கு இப்படி ஒரு ஆசை ஏற்பட்டதில் தவறே இல்லை. ஆனால் அந்த ஆசை நிறைவேறுமா என்பது தான் பெரிய கேள்விக்குறியாக உள்ளது.

ரஜினி

தனுஷ் பேட்டி அளிக்கும்போது எல்லாம் ரஜினி சாருடன் சேர்ந்து நடிக்க வேண்டும் என்று ஏக்கத்துடன் கூறுகிறார். அண்மையில் அளித்த பேட்டியில் கூட தனது ஆசையை வெளிப்படுத்தினார். யாரோ ஒருத்தர் இப்படி ஆசைப்பட்டால் கூட அது நிறைவேற தாமதம் ஆகலாம் எனலாம். ஆனால் ரஜினியின் மருமகனுக்கே இந்த நிலையா என்று பரிதாபப்படத் தோன்றுகிறது.

காலா

பா. ரஞ்சித் இயக்கத்தில் ரஜினி நடித்த காலா படத்தை தனுஷ் தனது வுண்டர்பார் பிலிம்ஸ் மூலம் தயாரித்தார். அந்த படத்தில் ஒரு காட்சியிலாவது வந்துவிட வேண்டும் என்று அவர் முயற்சி செய்து தோல்வி அடைந்தார். தனுஷை காலா படத்தில் கவுரவத் தோற்றத்தில் நடிக்க வைக்க ரஜினி விரும்பவில்லை என்று அப்பொழுது கூறப்பட்டது.

மாப்பிள்ளை

ரஜினி சாருக்கு பின்னால் நின்று ஒரு காட்சியில் நடித்தால் கூடப் போதும் என்கிறார் தனுஷ். நடிப்பு ராட்சசனான அவர் இப்படி இந்த அளவுக்கு இறங்கி வந்து ஆசைப்படுகிறார். அவரை பார்த்தால் உங்களுக்கு பாவமாக தெரியவில்லையா ரஜினி சார்?. நம்ம மாப்பிள்ளை தான், கொஞ்சம் பார்த்து பண்ணுங்க. ரஜினி தற்போது ஏ.ஆர். முருகதாஸ் இயக்கத்தில் தர்பார் படத்தில் நடித்து வருகிறார். தர்பார் படத்தில் தனுஷை கவுரவத் தோற்றத்தில் நடிக்க வைத்து அவரின் ஆசையை நிறைவேற்றுவார்களா என்பதை பொறுத்திருந்து பார்ப்போம்.

கன்னியாகுமரியில் கடல்நீர் மட்டம் குறைந்துவிட்டதால் திருவள்ளூவர் சிலை மற்றும் விவேகானந்தர் மண்டபத்திற்கு செல்லும் படகு சேவை நிறுத்தப்பட்டுள்ளது. இதனால் சுற்றுலாப் பயணிகள் கடும் அதிருப்தி அடைந்துள்ளனர்.

கன்னியாகுமரியில் கடல் நீர்மட்டம் குறைந்துள்ளதால் விவேகானந்தர் மண்டபம், திருவள்ளுவர் சிலைக்கு படகு சேவை நிறுத்தப்பட்டுள்ளது.

முக்கிய சுற்றுலாத் தளங்களில் ஒன்றான கன்னியாகுமரியில் பூம்புகார் கப்பல் போக்குவரத்து கழகம் மூலம் விவேகானந்தர் மண்டபம் மற்றும் திருவள்ளுவர் சிலைக்கு சுற்றுலாப் படகுகள் இயக்கப்பட்டு வருகிறது.

இந்நிலையில் கன்னியாகுமரி கடலில் இன்று கடல் நீர்மட்டம் குறைந்து காணப்படுகிறது. இதனால் தற்காலிகமாக சுற்றுலா படகு சேவைகள் நிறுத்தப்பட்டுள்ளன. கடல் நீர் மட்டம் பழையநிலைக்கு வந்ததும் படகு சேவை தொடங்கப்படும் என பூம்புகார் கப்பல் போக்குவரத்து கழகம் தெரிவித்துள்ளது.

இந்த தகவல் சுற்றுலாப் பயணிகளிடையே அதிருப்தியை ஏற்படுத்தியது. திருவள்ளூர் சிலைக்கு போக முடியாமல் சுற்றுலாப் பயணிகள் வேதனை தெரிவித்தனர். மேலும், திருவள்ளூர் சிலை பின்னணியில் அவர்கள் செல்ஃபி எடுத்துக் கொண்டனர்.

குழந்தைகளுக்கான சத்துணவில் இனி மா, பழா, ஆப்பிள் பழங்களும் உண்டு!
ஒன்று முதல் ஐந்தாம் வகுப்பு வரையில் அரசுப்பள்ளி குழந்தைகளுக்கு வழங்கப்படும் மதிய உணவில், இனி மா, பழா, ஆப்பிள் போன்ற பழங்களும் சேர்ப்பதற்கு தமிழக அரசு ஆலோசித்து வருகிறது.

தமிழகத்தில் சுமார் 43,143 மதிய உணவு மையங்கள் செயல்பட்டு வருகிறது. இதன் மூலம் 51 லட்சத்துக்கும் மேற்பட்ட குழந்தைகள் பயனடைந்து வருகின்றனர். 13 வகையான சாதம், காய்கறிகள், முட்டை என ஒரு வாரத்திற்கு ஐந்து முறை வழங்கப்பட்டு வருகிறது. இதற்காக தமிழக அரசு சார்பில் 1,600 கோடி ரூபாய் செலவு செய்து வருகிறது.

தற்போத ஆவின் பால் உற்பத்தி அதிகரித்துள்ளதால், சத்துணவோடு சேர்த்து தினமும் ஒரு கப் பால் வழங்குவது பற்றி தமிழக அரசு ஆவின் நிறுவனத்தோடு ஆலோசித்து வருகிறது. மேலும், குழந்தைகளுக்கான மதிய உணவு திட்டத்தில் ஆப்பிள், மாம்பழம், பலாப்பழம் உள்ளிட்ட கனிகளும் சேர்ப்பது குறித்தும் கருத்துக்கள் கேட்கப்பட்டு வருகிறது. இதன் மூலம் குழந்தைகளின் ஆரோக்கியமும் மேம்படும், பால் உற்பத்தியாளர்கள், பழங்கள் உற்பத்தியாளர்கள், விவசாயிகளுக்கும் வாழ்வாதாரம் கிடைக்கும்.

இது தொடர்பாக அம்பத்தூரைச் சேர்ந்த சத்துணவு அமைப்பாளர் சுந்தரம்மாள் டைம்ஸ் ஆப் இந்தியாவுக்கு பேட்டியுள்ளித்துள்ளார். அப்போது பேசிய அவர்: ‘கடந்த சில ஆண்டுகளுக்கு முன்பு அரசுப்பள்ளி குழந்தைகளுக்கு பழச்சாறு வழங்கப்பட்டது. ஆனால், பால் வழங்கும் திட்டத்தை போல் இந்த திட்டமும் காணாமல் போனது. ஒவ்வொரு திட்டமும் வரும் போது, அதை தொடர்ந்து அமல்படுத்துவதில் சிக்கல் ஏற்பட்டு வருகிறது. இப்போது புதிதாக சத்துணவில் பழங்கள் வழங்கும் முறை கொண்டு வரப்படுகிறது. பாலும், பழங்களும் குழந்தைகளுக்கு ஊட்டச்சத்து மிக்க உணவு பொருளாகும். இது போன்ற திட்டங்கள் சரியாக செயல்படுத்தினால் நன்றாக இருக்கும்’. இவ்வாறு தெரிவித்தார்.

இதற்கு முன்பு கடந்த 20 ஆணடுகளுக்கு முன்பு பள்ளிக்குழந்தைகளுக்கு பால் வழங்கும் திட்டம் நடைமுறையில் இருந்தது. ஆனால், பல இடங்களில்கெட்டுப்போன பாலை பதுக்கி வைத்து பள்ளிகளுக்கு விநியோகிப்பதாக குற்றச்சாட்டுக்கள் எழுந்ததையடுத்து அந்த திட்டம் கைவிடப்பட்டது.

தமிழ் உள்பட 7 பிராந்திய மொழிகளில் உச்ச நீதிமன்ற தீர்ப்பு மொழி மாற்றம் செய்து வெளியிடப்படும் என்று தகவல்கள் வெளியாகி உள்ளது.

கடந்த நவம்பர் மாதத்தின்போது உச்ச நீதிமன்ற தலைமை நீதிபதியாக பொறுப்பேற்றுக் கொண்ட ரஞ்சன் கோகாய், உச்ச நீதிமன்ற தீர்ப்புகள் அனைத்து மக்களாலும் அவர்களது தாய் மொழியில் படிக்கப்பட வேண்டும் என்று கூறியிருந்தார்.

இந்த நிலையில் பிராந்திய மொழிகளில் தீர்ப்புகளை மொழி மாற்றம் செய்யும் நடவடிக்கையில் உச்ச நீதிமன்றம் ஈடுபட்டுள்ளது. இதன்படி இந்தி, தெலுங்கு, அசாமி, மராத்தி, கன்னடா, ஒடியா ஆகிய மொழிகளில் உச்ச நீதிமன்ற தீர்ப்புகள் இணைய தளத்தில் பதிவேற்றம் செய்யப்படும் என தெரிவிக்கப்பட்டிருந்தது. இந்த மொழிகளில் தமிழ் இல்லாமல் இருந்ததால் பெரும் சர்ச்சை ஏற்பட்டது.

தமிழ்நாட்டில் இந்த விவகாரத்திற்கு கண்டனங்கள் தெரிவிக்கப்பட்டன. இதுகுறித்து அறிக்கை வெளியிட்டிருந்த திமுக தலைவர் மு.க.ஸ்டாலின், 'உச்ச நீதிமன்றத்தின் பிராந்திய மொழியில் தீர்ப்பை மொழிமாற்றம் செய்து வெளியிடும் முடிவினை வரவேற்கிறேன். இது இந்திய நீதிபரிபாலனச்  சரித்திரத்தில் முக்கிய மைல் கல். தமிழ் மொழியையும் அந்த பட்டியிலில் சேர்க்க வேண்டும் ' என்று வலியுறுத்தியிருந்தார்.

இதேபோன்று பல்வேறு தரப்பில் இருந்தும் வலியுறுத்தல்கள் எழுந்தன. இந்த நிலையில் தமிழ் மொழியிலும் உச்ச நீதிமன்ற தீர்ப்புகள் வெளியிடப்படும் என்று உச்ச நீதிமன்ற வட்டாரங்கள் தெரிவித்துள்ளன.

தமிழில் டைம் மிஷன் கதைக்களத்தில் முதன்முதலாக வெளியான படம் இன்று நேற்று நாளை. விஷ்ணு கதாநாயகனாக நடித்த இப்படம் 2015ம் ஆண்டு வெளியானது, படு ஹிட்டடித்தது.

கடந்த சில நாட்களாக இப்படத்தின் 2ம் பாகம் குறித்த தகவல்கள் வந்துகொண்டிருந்தன. இந்த நேரத்தில் விஷ்ணு டுவிட்டரில் ஒரு பதிவு போட்டுள்ளார்.

அதில் இன்று நேற்று நாளை படத்தின் இரண்டாம் பாகத்தில் நடிப்பது மிகவும் சந்தோஷம் என பதிவு செய்துள்ளார்.

பிக்பாஸ் 3வது சீசன் தமிழில் விறுவிறுப்பாக ஓடிக் கொண்டிருக்கிறது. மதுமிதா, வனிதா போன்ற பிரபலங்களுக்கு அடிக்கடி சண்டை வந்து கொண்டே இருக்கிறது.

இந்த நேரத்தில் தெலுங்கானா மாநில போலீசார் நடிகை வனிதாவிடம் விசாரணை நடத்த பிக்பாஸ் வீட்டிற்குள் நுழைந்துள்ளனர். வனிதாவின் இரண்டாவது கணவர் ராஜன் தனது மகள் ஜெயந்திகாவை வனிதா கடத்திச் சென்றுவிட்டதாக தெலுங்கானா போலீசில் புகார் அளித்துள்ளார்.

அந்த புகாரை விசாரனை செய்ய தெலுங்கானா போலீசார் சென்னை போலீசார் உதவியுடன் பிக்பாஸ் வீட்டிற்குள் நுழைந்துள்ளார்களாம்.

வனிதா கைது செய்யப்படவும் வாய்ப்பு இருப்பதாக கூறப்படுகிறது.

உலகத்திலேயே மிகவும் அழகான அதேசமயம் கடினமான வேலை என்றால் அது சமைப்பதுதான். ஏனெனில் சமைக்கும் போது செய்யும் சிறிய தவறு கூட உணவின் சுவையை மாற்றிவிடும். சிலசமயம் சமைக்கும் போது செய்யும் சில தவறுகள் உணவின் தன்மையையே மாற்றிவிடும்.

பாத்திரங்களை கழுவும் போது, காய்கறிகளை கழுவும் போது, தாளிக்கும் போது நீங்கள் சாதாரணமென நினைத்து செய்யும் சிறு தவறுகள் கூட உங்கள் ஆரோக்கியத்தின் மீது பெரும் தாக்கத்தை ஏற்படுத்தக்கூடும். இந்த பதிவில் சமைக்கும் போது நீங்கள் செய்யக்கூடாதா தவறுகள் என்னென்ன என்று பார்க்கலாம்.
பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

நான்-ஸ்டிக் பாத்திரங்களில் உலோக கரண்டிகளை பயன்படுத்துதல்

நான்-ஸ்டிக் பாத்திரங்களில் எப்பொழுதும் மரக்கரண்டிகளை பயன்படுத்த வேண்டும். இதில் உலோக கரண்டிகளை பயன்படுத்தும்போது அது பாத்திரத்தில் இருக்கும் உலோகப்பூச்சை சிதைக்கும். இந்த உலோகப்பூச்சு உங்கள் உணவில் கலக்கும்போது அது பல பாதிப்புகளை உண்டாக்கும்.

தவறான அளவிடும் கோப்பையைப் பயன்படுத்துதல்

சரியான அளவீட்டு கோப்பை பயன்படுத்துவதே சரியான சமையலுக்கு முக்கியமாகும். அனைத்து உணவுகளுக்கும் ஒரே அளவீட்டு கோப்பையை பயன்படுத்துவது தவறானதாகும். உணவிற்கு ஏற்றவாறு தண்ணீரை சேர்க்க கற்றுக்கொள்ளுங்கள். உணவின் சுவையில் பல மாற்றங்களை உண்டாக்கும்.

பாத்திரத்தை நிரப்புவது

சமையலுக்கு பொறுமை தேவை. பாத்திரம் முழுக்க சமையல் பொருட்களால் நிரப்புவது உங்கள் உணவிற்கு சிக்கலை உருவாக்கும். ஒவ்வொரு பொருளுக்கும் அது வேக தேவையான நேரத்தை கொடுக்க வேண்டும். அனைத்தையும் ஒரே நேரத்தில் பாத்திரத்தில் போடுவது அதிக நேரத்தை எடுத்துக்கொள்ளும்.

நான்-ஸ்டிக் பாத்திரத்தை அதிக சூடேற்றுவது

நான்-ஸ்டிக் பாத்திரங்கள் மிதமாக வெப்பத்தில் சமைக்க வேண்டியவை ஆகும். இதனை அதிக வெப்பப்படுத்தும்போது அதிலிருக்கும் PFC கலவையை வெளியிடுகிறது. இதனால் கல்லீரல் மற்றும் செரிமான பிரச்சினைகளை உண்டாக்கும்.

இறைச்சியை சிங்க்-ல் கழுவுவது

சமைப்பதற்கு முன் இறைச்சியை நன்கு சுத்தம் கழுவும் பழக்கம் அனைவருக்கும் இருக்கிறது. ஆனால் இவ்வாறு கழுவுவது நமது கை மற்றும் சருமத்தை மாசுபடுத்துகிறது. இதனை தவிர்க்க இறைச்சியை சுடுநீரில் கழுவ வேண்டும் மேலும் சிறிது உப்பு சேர்த்து கழுவுவது நல்லது. இறைச்சியை கழுவிய பிறகு கையை சோப்பு போட்டு கழுவ மறந்து விடாதீர்கள்.

சூடான உணவுகளை குளிர்சாதன பெட்டியில் வைப்பது

வேலை காரணமாகவோ அல்லது உணவை விரைவில் குளிர்விக்க வேண்டும் என்பதற்காகவோ உணவை ஒருபோதும் குளிர்சாதன பெட்டியில் வைக்கக்கூடாது. உணவு அறை வெப்பநிலைக்கு வந்த பிறகு மட்டுமே குளிர்சாதன பெட்டியில் வைக்க வேண்டும்.