மீண்டும் பெரும் கஷ்டத்தை கையில் எடுத்த விக்ரம்
May 03, 2018விக்ரம் தமிழ் சினிமாவின் மிகச்சிறந்த நடிகர். இவர் படத்திற்கு படம் ஏதாவது வித்தியாசமாக தனது உடல் அமைப்பை மாற்றிக்கொண்டே இருப்பார். அதிலும் ஐ...
அதிலும் ஐ படத்தில் இவர் அடைந்த கஷ்டங்களை நாங்கள் சொல்லி தெரிய வேண்டியது இல்லை, இப்படத்திற்காக 30 கிலோ வரை எடையை குறைத்தார்.
இந்நிலையில் 300 கோடி ரூபாய் பட்ஜெட்டில் இவர் நடித்து வரும் மாவீர் கர்ணா படத்திற்காக விக்ரம் கடுமையாக உடல் எடையை ஏற்றவுள்ளாராம்.
அதனால், மீண்டும் கடுமையான உடற்பயிற்சியை விக்ரம் எடுத்துவர, இந்த படத்திற்காக விக்ரம் எந்த கெட்டப்பில் வருவார் என்பதே ரசிகர்களின் எதிர்ப்பார்ப்பு.
ஹேராம் படத்தின் பல நாள் ரகசியம் வெளிவந்தது, இதோ
May 03, 2018கமல்ஹாசன் இயக்கி நடித்த படம் தான் ஹேராம். இப்படம் வந்த போது யாரும் பெரிதும் பாராட்டவில்லை, ஆனால், வழக்கம் போல் தற்போது தலையில் தூக்கி கொண்ட...
ஹேராம் படத்திற்கு இசை இளையராஜா, இவரின் இசை படத்திற்கு பெரும் பலம், ஆனால், முதலில் இப்படத்திற்கு இசையமைத்தது வேறு ஒரு இசையமைப்பாளராம்.
அவர் அந்த படத்திலிருந்து விலக, கமலுக்கு என்ன செய்வது என்று தெரியாமல் ராஜாவிடன் போய் நின்றாராம்.
அப்போது இளையராஜா நீ கவலைப்படாதே, என்று கூறி, முன்பு வாய் அசைத்த பாடலுக்கும், காட்சிக்கும் கொஞ்சம் கூட தவறில்லாமல் இசையமைத்து கொடுத்தாராம்.
இந்தியாவிலேயே இப்படி ஒரு விஷயத்தை இளையராஜா தவிர வேறு யாரும் செய்ததே இல்லை என்பது குறிப்பிடத்தக்கது.
அட… நிஜமாகவே தமிழ்நாட்ல ஒரு புரூஸ்லீ!
May 03, 2018‘ஏதாவது புதுசா செய். இல்லேன்னா நீ பழசாதான் இருக்கணும்’ என்கிற எச்சரிக்கையை எடுத்துக் கொள்ளாவர்களுக்கு ஈறும் பேனும்தான் தேறும். அரைத்த மாவைய...
கோடம்பாக்கத்தில் சுமார் 20 வருஷமாக வாய்ப்புக்காக அலைந்த முளையூர் ஏ சோனை, சம்திங் புதுசு என்கிற கொள்கைக்கு வந்ததும்தான் வாய்ப்பு கதவை தட்டியது. புருஸ்லீயை வைத்து ஒரு ஆக்ஷன் படம் எடுப்பது. அதற்காக புருஸ் லீ மாதிரியே ஒரு நபரை பிடிப்பது. இந்த நோக்கத்தில் அலைய ஆரம்பித்த சோனைக்கு, பசுஞ்சோலையாக கண்ணில் சிக்கினார் ஷான்.
ஆஹா… கண்டேன் சீதையை ரேஞ்சில் அவரை கப்பென்று அமுக்கினார். ஆச்சர்யம் என்னவென்றால், இந்த ஷான் வரும்போதே கராத்தேயில் இரண்டு பிளாக் பெல்ட் வாங்கி, புரூஸ்லியின் வெறியோடுதான் திரிந்து கொண்டிருந்தார்.
அதற்கப்புறம் நடந்ததெல்லாம் மேஜிக். மெலடி ட்யூன்களுக்கு பெயர் போன சவுந்தர்யனை இசையமைப்பாளராக புக் பண்ணினார். முதல் வேண்டுகோளே, “சார்… நமக்கு இப்ப இருக்கிற பாட்டு வேண்டாம். எய்ட்டீஸ்க்கு போயிடலாம்” என்பதுதான். தன் மேஜிக்கை பாடல்களில் காட்டிவிட்டார் சவுந்தர்யன். ஒன்றிரண்டு பாடல்களை திரையிட்டார்கள். கண்ணை மூடிக் கேட்ட நம்மை எய்ட்டீஸ்சை நோக்கிய பயணம் அப்படியே அள்ளிக் கொண்டு போக… பாடல்களை மிஞ்சியது அதற்கப்புறம் நாம் பார்த்த பைட் காட்சிகள்.
வந்திட்டாரு புரூஸ்லீ. அவரை பயன்படுத்திக் கொள்வது கோடம்பாக்கத்தின் புத்திசாலித்தனம்.
ஏடிஎம்-மில் பணம் எடுக்கச் சென்றவருக்கு கையில் வந்த ஸ்கிம்மர் கருவி!
May 03, 2018ஏடிஎம்-மில் பணம் எடுக்கச் சென்றவருக்கு அந்த மெஷினில் பொறுத்தப்பட்டிருந்த ஸ்கிம்மர் கருவி கழண்டு வந்தது அதிர்ச்சியை உண்டாக்கியுள்ளது. கனரா ஏ...
கனரா ஏடிஎம்- ஸ்கிம்மர் கருவி
ஏடிஎம் கார்டு விவரங்களைப் போன் மூலம் கேட்டு பண மோசடி சம்பவங்கள் நடப்பது ஒரு பக்கமென்றால், ஏடிஎம் மெஷினில் ஸ்கிம்மர் போன்ற கருவிகளைப் பொறுத்தி ஏடிஎம் கார்டு விவரங்களைத் திருடி அதன் மூலம் பலபேருடைய பணத்தை எங்கிருந்தோ கொள்ளையடிக்கும் சம்பவங்களும் அடிக்கடி நடந்துகொண்டேதான் உள்ளது. எவ்வளவுதான் விழிப்பாக இருந்தாலும் ஏடிஎம் மோசடிகளை கட்டுப்படுத்த முடியவில்லை என்பதற்கு மதுரையில் நடந்த சம்பவமே உதாரணம்.
அசோக் என்ற இளைஞர் நம்மிடம், ''மதுரை வடக்கு வெளி வீதி கனரா வங்கி ஏ.டி.எம்-மில் நேற்று இரவு பணம் எடுக்கச் சென்றேன். பணம் எடுத்துவிட்டேன், அப்போது கார்டு போடும் இடம் ரொம்ப இறுக்கமாக இருந்தது. இரண்டாவது முறை கார்டு போட்டு இழுக்கும்போது அதிலிருந்து ஒரு தகடு கழண்டு வந்தது. அதுதான் ஸ்கிம்மர் கருவி என்பதைப் புரிந்துகொண்டேன். உடனே அங்கு குறிப்பிடப்பட்டிருந்த கஸ்டமர் கேர் எண்ணுக்கு தொடர்புகொண்டு தகவல் கூறினேன். உடனே அவர்கள், அந்த ஸ்கிம்மரை அருகிலுள்ள திலகர் திடல் காவல் நிலையத்தில் கொடுக்கச் சொன்னார்கள். நானும் உடனே போலீஸ் ஸ்டேஷன் சென்று அங்கிருந்த அதிகாரிகளிடம் கொடுத்தேன். அவர்கள் என் தொடர்பு எண், முகவரியை வாங்கிக்கொண்டு விசாரிப்பதாகச் சொன்னார்கள்.
நான் புகார் தரவா என்றதுக்கு, அது வங்கி மேலாளர்தான் தரணும் என்றார்கள். அதோடு இன்று வங்கி மேலாளரிடம் போய் விவரத்தைச் சொன்னேன், நீங்கள் கஸ்டமர் கேருக்கு சொன்னதும் எங்களுக்குத் தகவல் வந்துவிட்டது. அது பற்றி தற்போது விசாரணை நடந்து கொண்டிருக்கிறது. அந்த ஏடிஎம்மை சோதனை செய்துகொண்டிருக்கிறோம்'' என்றார்கள். வங்கிக் கிளைக்கு அருகில் இருக்கும் ஏடிஎம்-மிலேயே தைரியமாக ஸ்கிம்மரை வைக்கிறார்கள். இனிமேல் ஏடிஎம் செல்பவர்கள் செக் செய்த பின்பு கார்டை சொருகுவது நல்லது'' என்றார்.
அஜித் பணம் கொடுத்தது உண்மை தான், ஆதாரத்துடன் நிரூபணம்
May 02, 2018அஜித்தின் பிறந்தநாள் நேற்று சமூக வலைத்தளங்களில் உலக அளவில் ட்ரெண்ட் செய்து கொண்டாடப்பட்டது. அப்போது இயக்குனர் சுசீந்திரனும் தன் வாழ்த்தை அஜ...
அதே நேரத்தில் அஜித் தன் நண்பரின் சிகிச்சைக்கு பணம் கொடுத்ததாக சுசீந்திரன் தெரிவிக்க, இதை ஒருவர் மறுத்து பேஸ்புக் பக்கத்தில் கருத்து தெரிவித்தார்.
இதை தொடர்ந்து அவரின் கருத்திற்கு கிழே கமெண்ட் பாக்ஸில் ஒருவர் ‘ரோஜா ரமணனுக்காக அஜித் சாரிடம் உதவி கேட்டு சென்ற குழுவில் நானும் ஒருவன். அஜித் சாரிடம் பிரதானமாக பேசியது நீங்கள் தான் இலக்கியன். ஆனால் அப்போது அவர் நடித்துக்கொண்டிருந்தது வரலாறு படம் அல்ல., வில்லன். அஜித் சாரின் சார்பாக ராஜா என்பவரின் மூலமாக 20 ஆயிரம் ரூபாய்க்கான காசோலை ரோஜா ரமணின் பெயருக்கு ராமச்சந்திரா மருத்துவமனைக்கு அளிக்கப்பட்டது’ என்று கருத்தை கூறியவருடன் சென்ற கணேஷ் என்பவரே தெரிவித்துள்ளார்.
இதில் அவர் சொன்ன கருத்திற்கு வரலாறு என்று தவறாக சொன்னதை வில்லன் என்று மாற்றிய அந்த நபர் அஜித் பணம் கொடுத்ததை மட்டும் ஏன் ஏற்க மறுக்கின்றார் என்பது எல்லோருக்கும் குழப்பம் தான்.
தமிழ் பிக் பாஸ் 2, களத்தில் சந்திக்க ரெடியான கமல் - புதிய தகவல் !
May 02, 2018கடந்த ஆண்டு தமிழ் தொலைக்காட்சி வரலாற்றில் புதிய டிஆர் பியை தொட்ட நிகழ்ச்சி என்றால் அது பிக் பாஸ் தான். அந்த ஷோவில் பங்கு பெற்ற ஓவியா, ஹரிஷ்...
இந்நிலையில் அடுத்த சீசன் எப்போ வரும் என்று ஆவலாக காத்திருந்த ரசிகர்களுக்கு ஒரு நல்ல செய்தி. வருகிற ஜூன் மாதம் பிக் பாஸ் 2 விஜய் டிவியில் ஒளிப்பரப்பாகவுள்ளது உறுதியாகியுள்ளது. இம்முறையும் கமலே தொகுத்து வழங்கவுள்ளார், கமலுடனான ப்ரமோ ஷூட் முடிந்துவிட்டது என்கிறார்கள். சென்ற ஆண்டே ஷோவில் அங்கங்கே அரசியல் பேசிய கமல், 'மக்கள் நீதி மய்ய'த் தலைவரான பின் கலந்துகொள்வதால், இந்தாண்டு எக்ஸ்ட்ராவாக எகிறி அடிப்பார் என்று நம்பலாம்.
பிக் பஸ்ஸில் பங்குகொள்ள போட்டியாளர்களின் தேர்வு பணியும் முடிந்துவிட்டதாக கூறப்படுகிறது, சினிமா , டி வியை பிரபலங்களை தாண்டி பல துறை பிரபலங்களிடமும் பேசப்பட்டுள்ளது என்கிறார்கள்.