!...Payanam...!

உடலுக்கோ மனத்துக்கோ பயன் தராத எந்தக் காரியத்தையும் செய்யச் சொன்னதில்லை நம் முன்னோர்கள். பெரியவர்கள் சொல்லும் ஒவ்வொரு காரியத்திலும் ஒரு நன்மை இருந்தே தீரும். அப்படி ஒரு அற்புதமான காரியம்தான் அதிகாலை சூரிய நமஸ்காரம். சூரியனை கும்பிடுவது அத்தனை முக்கியமா? சூரியனை கும்பிடச் சொல்லி சூரியன் கேட்டுச்சான்னு எல்லாம் நீங்கள் கேட்கலாம். பதில் சொல்றோம் இருங்கள்.

விடியல்காலையில் அதாவது, சூரியன் உதித்துக்கொண்டு இருக்கும் நேரத்துக்குள் எழுந்து காலைக்கடன்களை முடித்த பிறகு, குளித்து சுத்தமான ஆடை அணிந்துகொள்ளவும். விபூதி, குங்குமம், திருமண் இதில் எதையாவது நெற்றியில் இட்டுக்கொண்டு கிழக்கு திசை நோக்கி நின்று சூரியனை வணங்குவதே சூரிய நமஸ்காரம். மூச்சை உள்ளிழுத்து கைகளை மார்பை ஒட்டினாற்போல் வைத்து கூப்பிக்கொண்டு செய்யலாம். மேலும், சில யோகப்பயிற்சிகளை செய்தவாரும் சூரிய நமஸ்காரம் செய்யலாம். இதை ஏன் செய்யணும் தெரியுமா?

இரவெல்லாம் உள்ளுறுப்புகள் வேகமாக வேலை செய்யும். இதனால் காலையில் விழிக்கும்போது, நம் உடலும் உள்ளுறுப்புகளும் சோர்வாக இருக்கும். ரத்த ஓட்டமும், இதய துடிப்பும் கூட குறைவாக இருக்கும். எனவே, அதிகாலை எழுந்து வெளியே வந்து சுவாசிப்பது நல்லது. இதனால் உடல் உற்சாகம் கொள்கிறது. மேலும், எழும் ஞாயிற்றின் வெளிச்சம் படுவதும் உடல் ஆரோக்கியத்துக்கு நன்மையானது.

மேலும், சூரிய நமஸ்காரம் செய்வதால் உடல் புத்துணர்வு பெற்று ரத்த ஓட்டம் அதிகமாகி  உடலும் உள்ளமும் சுறுசுறுப்படைகிறது. மலச்சிக்கல், பசியின்மை உள்ளிட்ட பல நோய்களுக்கு தீர்வாக இந்த சூரிய நமஸ்காரம் இருக்கிறதாம். எனவே, இதை ஆன்மிக விஷயமாக மட்டுமன்றி ஆரோக்கியத்துக்காக உடற்பயிற்சியாகவும் மேற்கொள்ளுங்கள். இளமை, அழகு, ஆரோக்கியம் அளிக்கும் சூரிய நமஸ்காரத்தை செய்யும்போது கீழ்கண்ட சூரிய காயத்ரி மந்திரத்தை சொல்லியவாறே செய்யலாம். இன்றைய காலைப் பொழுது இனிமையாக அமைய வாழ்த்துகள்.

மங்காத்தா, வேதாளம், ஜீரோ என பல படங்களில் நடித்து தற்போது வளர்ந்து வரும் நடிகர் அஸ்வின். அசோக் அமிர்தராஜ் இயக்கத்தில் இவர் நடித்த திரி படம் இன்று உலகம் முழுவதும் வெளிவந்துள்ளது. திரி ரசிகர்கள் மனதில் பற்றியதா? பார்ப்போம்.

கதைக்களம்

ஜெய பிரகாஷ் மிகவும் கண்டிப்பான தந்தை, எப்பவும் Discipline-ஆக இருக்க வேண்டும் என்பதில் தன் மகன் அஷ்வினிடம் கண்டிப்பாக இருப்பார். தன் மகனை ஒரு கல்லூரியின் ஆசிரியராக ஆக்க வேண்டும் என்று எண்ணுகின்றார்.

கல்லூரிக்கு ஒரு நாள் மார்க் ஷீட் வாங்க செல்லும் அஷ்வின் ஒரு யதார்த்தமான மோதலில் கல்லூரி ஓனரின் மகனை அடிக்கின்றார். இதனால், அவர் எங்குமே படிக்க முடியாத படி அவர் செய்கின்றார்.

படிக்காத அவர்களுக்கே இத்தனை ரோஷம் இருக்கும் போது படித்த நமக்கு இருக்கக்கூடாதா? என அஷ்வின் தன் நண்பர்களுடன் இணைந்து சமுதாயத்தில் மிகப்பெரும் சக்தியாக இருப்பவர்களை எப்படி வெல்கின்றார் என்பதே மீதிக்கதை.

படத்தை பற்றிய அலசல்

அஷ்வினுக்கு தனக்கு என்ன வரும் என்பது தெளிவாக தெரிகின்றது. சரியாக படங்களை தேர்ந்தெடுத்து நடிக்கின்றார். திரியில் கொஞ்சம் ஆக்‌ஷனிலும் இறங்கியுள்ளார். ஆனால், இவருக்கு ஏதோ ஆக்‌ஷன் செட் ஆகவில்லையோ என்று தோன்றுகின்றதோ, சாக்லேட் பாய் இமேஜ்ஜை தாண்டி அடிதடி சண்டையில் பார்க்க நேரம் இருக்கின்றது.

படத்தின் மிகப்பெரும் பலம் ஜெயபிரகாஷ், அவர் வாத்தியாராகவே ஆகிவிடலாம் போல, தன் மகனிடம் கண்டிப்பாக இருக்கும் இடத்திலும் சரி, தன் மகன் அடி வாங்கி வந்த போது ஊக்கம் கொடுக்கும் இடத்திலும் சரி யதார்த்தமான தந்தையாக கண்முன் வந்து செல்கின்றார். குறிப்பாக சண்டை என்றால் ஒதுங்கி போ, ஒதுங்கி போ என்று சொல்லும் இடங்களில் டிப்பிக்கள் மிடில் கிளாஸ் அப்பா.

ஜெயபிரகாஷ் எப்படி வாத்தியாரோ, அழகப்பனை அரசியவாதியாகவே எழுதி கொடுத்துவிடலாம். அப்படி ஒரு யதார்த்தம், தன் மகனை அஷ்வின் அடித்துவிட்டார் என தெரிந்து அவரை அலையவிடும் காட்சிகள் ரசிக்க வைக்கின்றது.

கருணாகரன், டேனியல் என காமெடிக்கு ஆள் இருந்தும் பெரிதும் காமெடி ஒர்க்-அவுட் ஆகவில்லை. படம் தில், தூள் மாதிரியான கதைக்களம் தான், அதற்கு அஷ்வின் இத்தனை சீக்கிரம் இந்த மாதிரி கதைகளை தேர்ந்தெடுத்தது ஏன் என்று தெரியவில்லை.

அஜீஷின் இசையில் பாடல்கள் பெரிதும் கவரவில்லை, இரண்டாம் பாதியில் ஏன் அந்த இரண்டு பாடல்கள் என்று கேட்க வைக்கின்றது. ஒரு பக்கா கமர்ஷியல் கதையில் நல்ல கருத்தையும் கூறியதற்கு அஷோக் அமிர்தராஜை பாராட்டலாம். ஆனால், இன்னும் கொஞ்சம் திரைக்கதையில் கவனம் செலுத்தியிருக்கலாம், குறிப்பாக முதல் பாதி.

க்ளாப்ஸ்

ஜெயபிரகாஷ்-அஷ்வின் அப்பா, மகன் உறவு, அவரின் குடும்பம் என அழகாக காட்சிப்படுத்தியுள்ளனர்.

படத்தின் இரண்டாம் பாதி கொஞ்சம் விறுவிறுப்பாக செல்கின்றது.

பல்ப்ஸ்

படம் நீண்ட நாட்களாக எடுத்தார்களா என்று தெரியவில்லை, முதல் பாதியில் காட்சிகள் கோர்வையாகவே இல்லை.

சமூகத்தில் அத்தனை பெரிய சக்தியாக இருக்கும் அழகப்பனை அஷ்வின் கொஞ்சம் எளிதில் வீழ்த்தியது போன்ற உணர்வு.

மொத்தத்தில் திரி சமுதாயத்திற்கு தேவையான கதை என்றாலும் இன்னும் அழுத்தமாக பற்ற வைத்து இருக்கலாம்.

கயல் வெற்றி ஜோடி சந்திரன், ஆனந்தி இரண்டாவது முறையாக இணைந்துள்ள படம் தான் ரூபாய். சாட்டை என்ற சமூக அக்கறை கொண்ட படத்தை கொடுத்த அன்பழகன் இயக்கத்தில் பிரபு சாலமன் தயாரிப்பில் வெளிவந்துள்ள படம் தான் ரூபாய்.

கதைக்களம்

சந்திரன் மற்றும் அவருடைய நண்பர் தேனியில் லோட் வண்டி வைத்து பிழைப்பு நடத்தி வருகின்றனர். அப்படியிருக்க சென்னைக்கு ஒரு வேலையாக வர அவர்களுக்கு கடனில் இருக்கும் தங்கள் வண்டியை மீட்க கொஞ்சம் பணம் தேவைப்படுகின்றது.

அந்த பணத்திற்காக சின்னி ஜெயந்த் மற்றும் அவரின் மகள் ஆனந்தியும் புது வீட்டிற்கு செல்ல அவர்கள் பொருட்களை வண்டியில் ஏற்றி, இறக்க ஒரு அமோண்ட் பேசி பணத்தை பெற நினைக்கின்றனர்.

இதே நேரத்தில் ஹரிஸ் உத்தமன் ஒரு பினான்ஸ் கம்பெனியில் 2 கோடிகளுக்கு மேல் பணத்தை கொள்ளையடித்து தப்பிக்கின்றார். செக் போஸ்ட் ஒன்றில் அந்த பணத்தை போலிஸிடம் இருந்து தப்பிக்க சந்திரன் வண்டியில் வைக்கின்றார்.

பிறகு அந்த வண்டியில் இருக்கும் பணம் சந்திரன் மற்றும் அவருடைய நண்பர், ஆனந்தி, சின்னி ஜெயந்திற்கு தெரியவர, அதன்பின் அந்த பணம் என்ன ஆனது. ஹரிஸ் உத்தமன் இவர்களை பிடித்தாரா? போலிஸ் ஹரிஸ் உத்தமனை பிடித்ததா? என்று பல கேள்விகளுக்கு விடையளிக்கின்றனர்.

படத்தை பற்றிய அலசல்

பிரபு சாலமனின் உதவி இயக்குனர் தான் அன்பழகன். அதனால் என்னவோ சாட்டை முதல் படம் கொஞ்சம் வித்தியாசமாக செய்தார். ஆனால், ரூபாய் அப்படியே பிரபு சாலமன் டைப் மூவி தான், ஹீரோ, அவருக்கு ஒரு நண்பர், ட்ராவல் சம்மந்தப்பட்ட வேலைகளில் உள்ளனர். ஹீரோயினை பார்த்ததும் காதல், அவருக்காக துணிந்து எடுக்கும் முடிவு, மலைப்பிரதேசத்தில் ஒரு சில காட்சிகள், அதிர்ச்சியான கிளைமேக்ஸ் அதே பார்முலா.

சந்திரன், ஆனந்தி இருவருமே கயலில் வாழ்ந்து இருப்பார்கள் கதாபாத்திரங்களாகவே, ஏற்கனவே பார்த்த ஜோடி என்பதால் இந்த படத்திலும் இயல்பாக மனதில் இடம்பிடிக்கின்றனர். சின்னி ஜெயந்த் இப்படி ஒரு நடிகனை ஏன் தமிழ்சினிமா தவறவிட்டது என்று தெரியவில்லை.

காமெடி, செண்டிமெண்ட் என அனைத்திலும் ஸ்கோர் செய்கின்றார். ஹரிஸ் உத்தமனிற்கு இதேபோல் தான் தொடர்ந்து பல படங்களில் கதாபாத்திரம் அமைகின்றது. ஆனால், அவரும் அதை தொடர்ந்து சிறப்பாகவே செய்து வருகின்றார்.

படம் என்ன தான் சுவாரசியமான கதை என்றாலும், அதை சரியான இடத்தில் முடித்தால் தான் நிறைவு பெறும், அப்படி சரியான பயணத்தில் நகரும் கதை கிளைமேக்ஸ் மட்டும் கொஞ்சம் தடுமாறுகின்றது, சோகத்தை திணித்தது போன்ற உணர்வு.

பணத்தின் மீது ஆசைக்கொள்பவன் என்ன ஆவான் என்பதற்கு சரியான முடிவு தான் என்றாலும், ஏதோ ஒரு அழுத்தமான பாதிப்பை ஏற்படுத்தவில்லை. மேலும், ஹரிஸ் உத்தமன் ஏதோ சர்வருக்கு டிப்ஸ் கொடுப்பது போல் அனைவரையுமே கொலை செய்துக்கொண்டே செல்கின்றார். வழக்கம் போல் போலீஸ் கிளைமேக்ஸில் தான் அவர்களை நெருங்குகிறது.

டி.இமானின் இசையில் வழக்கம் போல் தன்னிடம் எப்போது இருக்கும் ஹிட் டியூன்களை தட்டிவிட்டுள்ளார். இளையராஜாவின் ஒளிப்பதிவு மூனார், தேனி கிளைமேட்டை நம்மை உணர வைக்கின்றது.

க்ளாப்ஸ்

நடிகர், நடிகைகள் பங்களிப்பு, குறிப்பாக சின்னி ஜெயந்தின் நடிப்பு.

டி.இமானின் பின்னணி இசை.

ஹரிஸ் உத்தமன் ஒருபுறம் சீரியஸாக இருக்க, அவருடன் பயணிக்கும் நபர் ஒருவர் செய்யும் காமெடி காட்சிகள் ரசிக்க வைக்கின்றது.

பல்ப்ஸ்

படம் ஆரம்பித்த ஒரு சில நிமிடம் கதைக்குள் போகாமல் செல்லும் காட்சிகள்.

கிளைமேக்ஸில் இன்னும் கொஞ்சம் அழுத்தமான காட்சிகள் இருந்திருக்கலாம்.

மொத்தத்தில் உலகமே பணத்தை தேடி ஓட, பணம் நினைத்தால் நம்மை எப்படி ஓட வைக்கும் என்பதை காட்டியதற்காகவே கண்டிப்பாக நம்ம ரூபாயை இந்த ரூபாய் பார்க்க ஒரு முறை செலவழிக்கலாம்.

அதர்வா நீண்ட நாட்களாக ஒரு கமர்ஷியல் ஹிட்டிற்காக காத்திருக்கின்றார். என்ன தான் பரதேசி மாதிரி தரமான படங்களில் நடித்தாலும் மிகப்பெரிய கமர்ஷியல் வெற்றியே ஒருவரை மக்கள் மனதில் பதியவைக்கும். அந்த வகையில் அறிமுக இயக்குனர் இளவரசு, அதர்வா கைக்கோர்த்துள்ள இப்படம் அவருக்கு அப்படி ஒரு வெற்றியை கொடுத்ததா? பார்ப்போம்.

கதைக்களம்

தன் திருமணத்திற்கு பத்திரிக்கை வைக்க அதர்வா மதுரைக்கு வருவதில் இருந்து படம் தொடங்குகின்றது. வந்த இடத்தில் அந்த நபர் இல்லை என்பதால் சூரியுடன் தன் மலரும் நினைவுகளை பகிர்ந்து கொள்கின்றார்.

இதில் அதர்வா செம்ம ப்ளேபாய், ஒரே நேரத்தில் இரண்டு பெண்களை காதலித்து, இருவரையும் கழட்டிவிட்டு, அடுத்த பெண்ணிற்கு கொக்கிபோடும் கேரக்டர்.

இவரின் வலையில் ரெஜினா, ப்ரணிதா, ஐஸ்வர்யா ராஜேஷ், அதிதி என 4 பேர் விழ, இதில் யாரை கிளைமேக்ஸில் கரம் பிடிக்கின்றார் என்பதை கலகலப்பாக கூறியுள்ளார் இயக்குனர் இளவரசு.

படத்தை பற்றிய அலசல்

அதர்வாவிற்கு ஒரு கமர்ஷியல் ஹீரோவாக இந்த படம் செம்ம தீனி. அடிதடி என்றில்லாமல் படம் முழுவதும் காதல் இளவரசனாகவே வலம் வருகின்றார். பெண்களை ஏமாற்றும் கொஞ்சம் நெகட்டிவ் கேரக்டர் என்றாலும் எளிதில் ஈர்க்கின்றார். அதிலும் சூரியிடம் அவர் தன் கதையை ஒவ்வொன்றாக சொல்லும் காட்சி, காதலிகளை எப்படி கழட்டி விடுவார் என்பதற்கு வைக்கும் டுவிஸ்ட் ரசிக்க வைக்கின்றது.

ரெஜினா, ப்ரணிதா, ஐஸ்வர்யா ராஜேஸ், அதிதி 4 பேருமே செம்ம கலர்புல்லாக வந்து செல்கின்றனர். படமே ஜாலி தான் என்பதால் அவர் அவருக்கான கதாபாத்திரத்தை நன்றாக நடித்து செல்கின்றனர்.

சூரி மதுரையை கலக்கும் ரவுடி என முதல் அரை மணி நேரம் காமெடி என்று ஏதேதோ செய்கின்றார். எந்த ஒரு இடத்திலும் சிரிப்பு வரவே இல்லை, மிகவும் பொறுமை சோதித்து என்ன தான் சொல்ல வருகின்றார்கள் என்ற நிலைமைக்கு படம் செல்ல, அதன் பிறகு சுதாரித்து எப்படியோ கதைக்குள் வந்து படம் நன்றாகவே நகர்கின்றது.

அதிலும் கிளைமேக்ஸ் அரை மணி நேரம் டுவிஸ்டிற்கு மேல் டுவிஸ்ட் வைத்து சூரியை அதர்வா நிலைகுலைய வைக்கும் காட்சிகள் சிரிப்பு சரவெடி. அதில் ஒரு வெடியை சூரிக்கே அதர்வா வைப்பது செம்ம கலாட்டா. அப்படியே மயில்சாமி கதாபாத்திரம் போகின்ற போக்கில் சசிகுமார், சமுத்திரக்கனியை கிண்டல் செய்வதெல்லாம் சூப்பர்.

படம் ஜாலியாக எடுக்க வேண்டும் என்ற எண்ணத்திலேயே உருவாகியுள்ளது தெரிகின்றது. ஆனால், படத்தில் எதற்கு அத்தனை பாடல்கள். கமர்ஷியல் படம் என்றாலே 6 பாடல் இருந்தே ஆகவேண்டுமா, இமானின் இசையில் பாடல்கள் நன்றாக இருந்தாலும் அடிக்கடி வருவது கேண்டினுக்கு எழுந்து செல்ல வைக்கின்றது.

க்ளாப்ஸ்

படத்தில் அவ்வப்போது அதர்வா தன் காதலை கழட்டிவிட செய்யும் கலாட்டா, அதை சூரியிடம் அதர்வா டுவிஸ்டாக சொல்லும் விதம்.

கடைசி அரை மணி நேரம் காமெடி கலாட்டா.

பல்ப்ஸ்

படத்தின் முதல் அரை மணி நேரம், கதைக்குள்ளே படம் வராமல், காமெடி என்ற பெயரில் சோதித்து விட்டனர். அடிக்கடி வரும் பாடல்கள்.

மொட்டை ராஜேந்திரன் எல்லா படத்திலும் இருக்கின்றார், அதனால், நாங்களும் வைத்துக்கொள்கின்றோம் என்ற மனநிலையில் கமிட் செய்திருப்பார்கள் போல.

மொத்தத்தில் ஜெமினிகணேசனும் சுருளிராஜனும் இணைந்து மிரட்டவில்லை என்றாலும் ரசிகர்களை ஏமாற்றவில்லை.

ஒரு சில படங்கள் டீசர், ட்ரைலரிலேயே ரசிகர்களுக்கு எதிர்ப்பார்ப்பை உண்டாக்கும். அப்படி பெரோஸ் இயக்கத்தில் கிருஷ்ணா, ஆனந்தி நடித்த பண்டிகை ரசிகர்கள் மத்தியில் ஒருவித எதிர்ப்பார்ப்பை உருவாக்கியது. இந்த பண்டிகை ரசிகர்களால் கொண்டாடப்பட்டதா? பார்ப்போம்.
கதைக்களம்

சிறிய வயதில் இருந்து தனக்கு தேவையானது அடித்தால் தான் கிடைக்கின்றது என்ற எண்ணத்தில் வாழ்ந்து வருபவர் கிருஷ்ணா. இந்த அடிதடி எல்லாம் வேண்டாம் எப்படியாவது வெளிநாடு போய் செட்டில் ஆகவேண்டும் என்று ஒரு ஹோட்டலில் வேலைப்பார்கின்றார்.

கிருஷ்ணா இருக்கும் அதே ஏரியாவில் சூதாட்டத்தில் இருக்கும் சொத்தை எல்லாம் தாதா என்பவரிடம் இழந்து வாழ்க்கை என்னாகுமோ என்று குழப்பத்துடன் வாழ்ந்து வருகின்றார் சரவணன்.

ஒருநாள் கிருஷ்ணாவின் பலத்தை பார்த்த சரவணன், அவரின் பணக்கஷ்டம் அறிந்து தன் சுயலாபத்திற்காகவும் தாதா நடத்தும் ஒரு சண்டைப் போட்டியில் பங்கேற்க வைக்கின்றார். கிருஷ்ணாவும் அனைவரையும் வெற்றி பெற்று நிறைய பணம் சம்பாதிக்கின்றார்.

ஒருகட்டத்தில் சரவணனுக்கு தன் பணத்தை எல்லாம் ப்ளான் செய்து தான் தாதா ஏமாற்றி பிடிங்கினார் என்பது தெரிய வருகின்றது. அந்த பணத்தை எப்படியாவது மீட்க வேண்டும் என்று கிருஷ்ணா உதவியுடன் ஒரு ப்ளான் செய்கின்றார். அந்த ப்ளான் சக்சஸ் ஆனதா? பணம் கிடைத்ததா? என்பதை விறுவிறுப்பான ஆக்‌ஷனில் கூறியுள்ளார் பெரோஸ்.

படத்தை பற்றிய அலசல்

சென்னையில் யாருக்குமே தெரியாமல் நடக்கும் ஒரு சண்டைப்போட்டி, இரத்தம் தெறிக்க, தெறிக்க ஒரு கும்பலே கூடி நின்று பார்க்கின்றது. பணத்தை விட இங்கு இருப்பவர்களுக்கு ஒரு சைக்கோ மனநிலை என்பதை மிக தெளிவாக காட்டியுள்ளார் பெரோஸ்.

கிருஷ்ணா அவ்வப்போது நல்ல படங்களில் நடித்து வருகிறார், அப்படி ஒரு படமாக தான் பண்டிகை அமைந்துள்ளது, வெளிநாடு செல்ல வேண்டும், அதற்கு பணம் வேண்டும் என்ற போது கூட சண்டைக்கு செல்லாத கிருஷ்ணா, ஆனந்தியிடம் பேச வேண்டும், அதற்கு போன் வேண்டும் என அதற்காக சண்டைக்கு செல்வது ஒரு ஆணின் மனநிலையை மிக யதார்த்தமாக காட்டியுள்ளனர்.

ஆனந்தி கொஞ்சம் ஓவர் ஆக்டிங் போல் உள்ளது. சரவணன் பருத்திவீரனுக்கு பிறகு ஒரு நல்ல கதாபாத்திரம், தன் வீடு, கடை எல்லாம் ஒரு ரவுடியிடம் அடமானத்தில் உள்ளது. கர்ப்பினியாக இருக்கும் தன் மனைவி, இதற்கிடையில் தன் பணத்தை மீட்கவேண்டும் என அத்தனை எமோஷ்னல்களிலும் ஸ்கோர் செய்கின்றார்.

படத்தின் முதல் பாதி செம்ம சுவாரசியமாக செல்கின்றது. கிளைமேக்ஸ் காட்சியே இதுதான் என்று நினைத்தால், அதை இடைவேளையில் முடித்து இரண்டாம் பாதியில் வேறு ஒரு திசையில் படம் பயணிக்கின்றது. ஆனால், கிளைமேக்ஸ் கொஞ்சம் நீள...ம் போல் தோன்றியது.

விக்ரமின் இசையில் பாடல்களை விட பின்னணி இசை கலக்கல், பல இடங்களில் மிரட்டியுள்ளார். ஒளிப்பதிவும் இரவு நேரங்கள், தியேட்டரில் நடக்கும் சண்டைகள் என அனைத்து நிழல் உலகத்தையும் மிக அழகாக நம் கண்முன் கொண்டு வந்துள்ளனர்.

க்ளாப்ஸ்

கதைக்களம், ஒரு சில ஹாலிவுட் படத்தின் தழுவல் என்றாலும் நமக்கு ஏற்றார் போல் திரைக்கதையை உருவாக்கிய விதம்.

படத்தின் முதல் பாதி செம்ம சுவாரசியம்.

கருணாஸ் ஒரு சீன் வந்தாலும் அந்த identity திருடன் என்றும் சொல்லும் காட்சி சரவெடி.

பல்ப்ஸ்

படம் முழுவதும் தெறிக்கும் இரத்தம், வன்முறை காட்சிகள்.

கிளைமேக்ஸ் இங்கு முடிந்து விட்டது, அங்கு முடிந்து விட்டது என கொஞ்சம் நீண்டது.

மொத்தத்தில் கண்டிப்பாக கொண்டாடலாம் இந்த பண்டிகையை.

தமிழக அரசு 2009ம் ஆண்டு முதல் 2014ம் ஆண்டு வரையிலான சிறந்த திரைப்படங்கள் விருதினை நேற்று அறிவித்தது. பட்டியலில் 2011ம் ஆண்டிற்கான சிறந்த நடிகர் (சிறப்பு பரிசு) விருதுக்கு சிவகார்த்திகேயன் தேர்வு செய்யப்பட்டுள்ளார்.

பாண்டியராஜன் இயக்கிய மெரீனா படத்திற்காக இந்த விருது அவருக்கு அளிக்கப்படுகிறது என தெரிவிக்கப்பட்டுள்ளது.

இதில் என்ன பிரச்சனை என்றால் இந்த படம் 2012ம் ஆண்டு பிப்ரவரி 3ம் தேதி ரிலீஸ் ஆனது. இந்த படத்திற்கு எப்படி 2011ம் ஆண்டின் விருது அறிவிக்கப்பட்டது என்று ரசிகர்கள் கேள்வி கேட்க ஆரம்பித்துள்ளனர்.

ஆனால் இந்த படம் 2011ம் ஆண்டே சென்சார் செய்யப்பட்டதாகவும், அதன் அடிப்படையில் விருது கொடுக்கப்பட்டிருக்கலாம் என்று ஒரு பக்கம் கூறப்படுகிறது.

நடிகை பாவனா கடத்தப்பட்ட விவகாரத்தில் அண்மையில் நடிகர் திலீப் கைது செய்யப்பட்டிருந்தார். இதுகுறித்து முதன்முறையாக பேசியுள்ளார் பாவனா.

அவர் பேசும்போது, கடந்த சில நாட்களாக வரும் செய்திகளை பார்த்து நானும் அதிர்ச்சி அடைந்தேன். நான் அவருடன் சில படங்களில் நடித்திருக்கிறேன், தனிப்பட்ட பிரச்சனை காரணமாக எங்களுக்குள் நட்பு பாதிக்கப்பட்டது.

சட்டத்தின் முன் அனைவரும் சமம். அப்பாவியும் தண்டிக்கப்படக் கூடாது, குற்றவாளியும் தப்பித்துவிடக் கூடாது. அந்த குறிப்பிட்ட நடிகருடன் ரியல் எஸ்டேட் மற்றும் பிற முதலீடுகளில் நான் கூட்டு வைத்திருப்பதாக சில தகவல்கள் வருகின்றன.

அவை அனைத்தும் பொய்யாகும். அப்படி எதுவும் எங்களிடையே இல்லை என்றார்.