!...Payanam...!

செல்வராகவன் தமிழ் சினிமாவில் பல தரமான படைப்புக்களை எடுத்தவர். அவர் இயக்கத்தில் சமீபத்தில் என்ஜிகே படம் திரைக்கு வந்தது.

இப்படம் கலவையான விமர்சனங்களை பெற்று வருகின்றது, இந்நிலையில் செல்வராகவன் அடுத்து நாம் முன்பே சொன்னது போல் உடையார் நாவலை படமாக எடுக்கும் முயற்சியில் உள்ளாராம்.

சோழர்களின் வரலாறு தஞ்சை பெரியக்கோவில் கட்டியது குறித்து அந்த படம் இருக்கும் என கூறப்படுகின்றது.

ஷங்கர் இந்திய சினிமாவின் முன்னணி இயக்குனர். இவர் இயக்கத்தில் நடிக்க பல நடிகர், நடிகைகள் காத்திருக்கின்றனர்.

அப்படியிருக்க ஷங்கர் பட தயாரிப்பிலும் பெரிய ஹிட் கொடுத்தவர், இவர் தயாரித்த இம்சை அரசன் படத்தின் வெற்றியை நாங்கள் சொல்லி தெரியவேண்டியது இல்லை.

இந்நிலையில் இப்படத்தின் இரண்டாம் பாகத்தில் வடிவேலு நடிப்பதாக கூறி பின் ஒரு சில பிரச்சனைகளுடன் வெளியேறினார்.

இதுக்குறித்து வடிவேலு 'நான் அந்த படத்தில் நடிக்காததால், நான் நடிப்பதாக இருந்த 10 படத்தையும் ஷங்கர் தடுக்கின்றார்' என குற்றம் சாட்டியுள்ளார்.

 பேய் படங்கள் மக்களிடம் நல்ல வரவேற்பை பெரும் என்ற நம்பிக்கை இருப்பது வழக்கமான ஒன்று தான். அதே வேளையில் அடுத்தடுத்த பாகங்களாக வெளிவந்து வெற்றி பெறுமா என்பது மக்களிடத்தில் தான் உள்ளது. அந்த வகையில் இயக்குனர் விஜய்யின் தேவி படத்தை தொடர்ந்து அடுத்த பாகமாக தேவி 2 படம் வெளியாகியுள்ளது.

கதை பற்றிய அலசல்

தேவி 1 ன் படி திருமணமான பிரபுதேவா தமன்னா ஜோடிக்கு கையில் குழந்தை இருக்கின்றது. வேலைக்காக இருவரும் ஜோடியாக மொரிஷியஸ் நாட்டுக்கு குடிபெயர்ந்து செல்கிறார்கள்.

வழக்கம் போல வாழ்க்கை செல்ல முந்தய பாகத்தில் ரூபியாக வந்து போன பேய் இன்னும் இருக்கிறதா என்ற சந்தேகம் பிரபுதேவாவுக்கு. ஆனால் நடப்பதோ வேறு.

பிரபுதேவா வேறொரு பெண்ணுடன் பழகுவதை கண்ட தமன்னா அதிர்ந்து போகிறார். நடப்பதையெல்லாம் பார்த்து ஒன்றும் புரியாமல் குழம்பி போயிருக்க கோவை சரளாவின் உதவியை நாடுகிறார்.

இதற்கிடையில் பிரபு தேவாவின் வாழ்க்கையில் இரண்டு பெயர்கள் நுழைகிறார்கள். அவர்களோடு இவர் பழகுவதால் உயிருக்கு ஆபத்து. இதற்கிடையில் சில அமானுஷ்யங்கள் நடைபெறுகின்றன.

பிரபு தேவாவுக்கு நடப்பது ஒன்றும் விளங்கவில்லை. அதே வேளையில் தமன்னா அந்த இருவரிடமிருந்து தன்னை தன் கணவரையும் பாதுக்காக்க போராடுகிறார்.

யார் அந்த இரண்டு பெண்கள், அவர்களின் பின்னணி என்ன, பிரபு தேவாவுக்கு அந்த பெண்களுக்கும் என்ன தொடர்பு, ஆபத்தில் இருந்து அவர் தப்பித்தாரா, தமன்னா ஆட்டிப்படைத்த அமானுஷ்யம் என்ன என்பதே கதை.

படத்தை பற்றிய அலசல்

தேவி படத்தின் முதல் பாகத்தை கொஞ்சம் மனதில் நினைவுபடுத்த வேண்டிய வேலையை படத்தில் எளிமையாகாட்டி தான் தேவி 2 க்குள் நம்மை அழைத்து செல்கிறார்கள்.

இயக்குனர் ஏ.எல்.விஜய் தேவி 1 படத்தில் நம்மை குஷியாக்கினார். தற்போது தேவி 2 படத்திற்காக ஸ்கிரிப்டில் கூடுதலாக ஒர்க்கவுட் செய்திருக்கிறார் என தெரிகிறது. வழக்கமான கதையாக தான் இருக்கும் என நினைத்தவர்களுக்கு எதிர்பாராத சர்ப்பிரைஸ் வைத்திருக்கிறார்.

பிரபுதேவாவை இந்த வயதில் அதே இளமை துள்ளலோடு இருக்கிறாரே என அவரை பார்க்கும் தோன்றலாம். 2 ரூபங்களில் கலக்கியிருக்கிறார். இரண்டிற்கும் கூலாக சேஞ்ச் ஓவர் காட்டியிருப்பது ஆச்சர்யம். நடனம் சொல்லவே வேண்டாம்.

தமன்னா பார்ட் 1 ல் கிளாமர் ஹீரோயினாக கலக்கினார். தற்போது தேவி 2 குடும்பத்து பெண்ணாக தன் நடிப்பை சிறப்பாக வெளிப்படுத்தியிருக்கிறார். பேய்யிடம் மாட்டிக்கொண்டு அவர் படும் பாடு நல்ல எண்டர்டெயின் மெண்ட்.

கோவை சரளாவுக்கு இங்கு என்ன வேலை என கேட்கலாம். பேய்யை டீல் பண்ணுவதில் அவருக்கு தான் முக்கிய பங்கு உண்டு. பேய்கே அக்ரீமெண்ட் போட்டு தமன்னாவும் இவரும் செய்யும் அட்டகாசங்கள் கவனத்தை கூடுதலாக்குகிறது.

பிரபு தேவாவின் நண்பராக வரும் ஆர்.ஜே.பாலாஜிக்கு சின்ன ரோல் தான். எந்த விசயத்தையும் பிளான் பண்ணி பண்ணனும் என தமன்னா, சரளா போகும் போது குறுக்கே வந்து ஒரு வழியாக்கிவிடுகிறார் பாலாஜி. மொத்த குடும்பமும் பைத்திய மாகிடுச்சோ என பாலாஜி படும் கஷ்டம் நல்ல காமெடி.

ஒளிப்பதிவாளர் போஸ் என்பவரின் இயல்பான படிப்பிடிப்பு, எடிட்டர் ஆண்டனியின் தெளிவான காட்சிகள் அமைப்பு, ஓவர் கிராஃபிக்ஸ் இல்லாமல் இயல்பாக கதையை கொண்டு சென்றது கதைக்கு கொஞ்சம் பிளஸ்.

அலட்டல் இல்லாத பாடல், போதுமான பின்னணி இசை என படம் எங்கேயும் சலிப்பு வராமல் கொண்டு போகிறது.

கிளாப்ஸ்

முதல் பாதியில் தொடங்கி கிளைமாக்ஸ் வரை இண்ட்ரஸ்டிங்கான கதை அமைப்பு.

பிரபு தேவா, தமன்னாவின் ரோல் பிளே ஸ்மார்ட்.

கோவை சரளாவின் காமெடி ஹார்ட் கோர்.

பல்பஸ்

தேவி 2 கதைக்கு பெயர் கொஞ்சம் பொருந்தவில்லையோ என ஒரு ஃபீல்.

மொத்தத்தில் தேவி 2 கோடை விடுமுறையில் நல்ல பொழுதுபோக்கு. கொடுத்த காசுக்கு ஒர்த்.

மத்திய அரசின் புதிய கல்விக் கொள்கையில் இந்தியை அனைத்து மாநில மாணவர்களும் கட்டாயம் படிக்க வேண்டும் என கஸ்தூரி ரங்கன் குழு வரைவில் பரிந்துரைக்கப்பட்டுள்ளது. இக்குழுவின் பரிந்துரைகள் இணையத்தில் வெளியிடப்பட்டுள்ளன.

மத்தியில் பாரதிய ஜனதா அரசு காலங்களில் கல்விக் கொள்கையை மாற்றி அமைக்கும் முயற்சிகள் தொடர்ந்து முன்னெடுக்கப்பட்டு வருகின்றன. அதற்கு முன்னர் ராஜீவ்காந்தி பிரதமராக இருத தாரளமயமாக்கலுக்கு ஏற்ப கல்விக் கொள்கை மாற்றப்பட்டது.

தற்போது பாரதிய ஜனதா அரசு, தம்முடைய இந்துத்துவா கொள்கைக்கு ஏற்க கல்விக் கொள்கையை உருவாக்க முயற்சிக்கிறது என்பது கல்வியாளர்கள் குற்றச்சாட்டு. இதை எதிர்த்து பல்வேறு போராட்டங்களை கல்வியாளர்கள் நடத்தி உள்ளனர்.

கடந்த பாஜக அரசும் புதிய கல்விக் கொள்கையை உருவாக்க கஸ்தூரி ரங்கன் தலைமையில் குழுவை அமைத்தது. இக்குழு குறித்தும் பல்வேறு சர்ச்சைகள் எழுந்தன. இந்தியை திணிக்க முயற்சிக்கும் வகையில் இதன் பரிந்துரைகள் இருக்கின்றன என குற்றம்சாட்டப்பட்டது.

கஸ்தூரி ரங்கன் குழு பரிந்துரைகள்

கஸ்தூரி ரங்கன் குழு தமது பரிந்துரைகளை ஆர்.எஸ்.எஸ். இயக்க நிர்வாகிகளிடம் சமர்பித்ததும் பெரும் சர்ச்சையானது. இந்த நிலையில் கஸ்தூரி ரங்கன் குழுவின் பரிந்துரைகள் நேற்று புதிய மனிதவள மேம்பாட்டுத்துறை அமைச்சர் ரமேஷ் பொக்ரியாலிடம் சமர்ப்பிக்கப்பட்டு இணையத்தில் வெளியிடப்பட்டுள்ளன. இது தொடர்பாக பொதுமக்களிடம் கருத்தும் கேட்கப்பட்டுள்ளன.

மும்மொழிக் கொள்கை

இப்பரிந்துரைகளில், இந்தி மொழியை மாணவர்கள் கட்டாயமாக படிக்க வேண்டும் என்கிற வகையில் மும்மொழிக் கொள்கை உருவாக்கப்பட்டுள்ளது. அதாவது தாய்மொழி, இணைப்பு மொழி ஆங்கிலம் ஆகியவற்றுடன் இந்திய மொழி ஒன்று கட்டாயம் படிக்க வேண்டும் என தெரிவிக்கப்பட்டுள்ளது. அந்த மூன்றாவது மொழியாக இந்தி இருக்க வேண்டும் என்கிறது கஸ்தூரி ரங்கன் குழு.

இந்தி கட்டாயம்- எதிர்ப்பு

மேலும் யோகா, நீர்மேலாண்மை, அரசியல் ஆகியவை குறித்தும் மாணவர்கள் கட்டாயம் படிக்க வேண்டும் என்கிறது கஸ்தூரி ரங்கன் குழு. இக்குழுவின் பரிந்துரைகள் கடும் எதிர்ப்பை கிளப்பியுள்ளன.இருப்பினும் வரும் கல்வியாண்டிலேயே இப்புதிய கல்விக் கொள்கையை நடைமுறைப்படுத்த மத்திய அரசு தீர்மானித்துள்ளது.

அக்னி பரீட்சை

ஏற்கனவே கஸ்தூரி ரங்கன் குழுவின் சர்ச்சை பரிந்துரைகள் குறித்து கருத்து தெரிவித்த மத்திய அரசு, எந்த மொழியையும் கட்டாயமாக்க வேண்டும் என்று அக்குழு பரிந்துரைக்கவில்லை அமைச்சர் பிரகாஷ் ஜவடேகர் மறுப்பு தெரிவித்திருந்தார், தற்போதைய மத்திய மனிதவள மேம்பாட்டுத்துறை அமைச்சராக பதவியேற்றுள்ளார் ரமேஷ் பொக்ரியால். அவருக்கான அக்னி பரீட்சையாக இந்த கஸ்தூரி ரங்கன் குழு பரிந்துரைகள் இருக்கப் போகிறது. ரமேஷ் பொக்ரியால், ஆர்.எஸ்.எஸ். இயக்கம் நடத்தி வரும் சரஸ்வதி சிசு மந்திர் பள்ளியில் ஆசிரியராக வாழ்க்கையைத் தொடங்கிய உத்தரகாண்ட் முதல்வராக பதவி வகித்தவர். தற்போது மத்திய அமைச்சராக பதவி ஏற்ற உடனேயே புதிய கல்வி கொள்கை பரிந்துரைகளை இணையத்தில் வெளியிட்டிருக்கிறார் என்பது குறிப்பிடத்தக்கது.

தேசத்தை நேசிக்கும் ஒரு இளைஞன் அரசியலில் அடிமட்ட தொண்டனாக சேர்ந்து, எப்படி நாட்டின் முதலமைச்சர் ஆகிறான் என்பதே என்ஜிகே.

நந்தகோபாலன் குமரன், சுருக்கமாக என்.ஜி.கே. ஒரு படித்த பட்டதாரி இளைஞன். பெரிய நிறுவனத்தில் வேலை பார்க்கும் குமரன், வேலையை விட்டுவிட்டு சொந்த ஊருக்கு வந்து இயற்கை விவசாயத்தில் ஈடுபடுகிறார். நிறைய சமூக சேவைகளையும் செய்கிறார். இதனால் உள்ளூர் அரசியல்வாதிகள் மற்றும் வியாபாரிகளின் பகைக்கு ஆளாகிறார்.

தான் மிகவும் கஷ்டப்பட்டாலும் செய்ய முடியாத பெரிய காரியங்களை, அரசியலில் இருக்கும் அடிமட்டத் தொண்டன் எளிதாக சாதித்துவிடுவதை பார்த்து வியப்படைகிறார். தானும் அரசியலில் இறங்க முடிவு செய்து, உள்ளூர் எம்எல்ஏ இளவரசுவிடம் எடுபிடியாக சேர்கிறார். கழிவறையை சுத்தம் செய்வது முதல், இளவரசுக்கு சாப்பாடு ஊட்டிவிடுவது வரை அனைத்து காரியங்களையும் தானாக முன்நின்று செய்கிறார். இளவரசுவின் அன்புக்கு பாத்திரமாகிறார்.

இளவரசு மூலமாக கட்சியின் தலைவர் பொன்வண்ணன் மற்றும் அவருக்கு பக்கபலமாக நிற்கும் பிஆர் அதிகாரி ரகுல் ப்ரீத் சிங் ஆகியோரின் அறிமுகம் கிடைக்கிறது. ரகுலுடன் நட்பை வளர்க்கிறார் சூர்யா. அவர் மூலம் அரசியலில் தவிர்க்க முடியாத சக்தியாக மாறுகிறார். இதனால் பகையும் அதிகமாகிறது. ஆளுங்கட்சி மற்றும் எதிர்க்கட்சியின் கவனம் முழுவதும் சூர்யாவின் பக்கம் திரும்புகிறது. சூர்யாவை போட்டுத்தள்ள துடிக்கிறார்கள். அவர்களிடம் இருந்து தப்பித்து, சூர்யா எப்படி மக்கள் தலைவனாக மாறுகிறார்? தமிழ்நாட்டின் முதலமைச்சராக எப்படி உயர்கிறார்? என்பது தான் செல்வராகவன் ஸ்டைல் என்ஜிகே.

செல்வராகவன் - சூர்யா கூட்டணியில் உருவாகும் முதல் படம், நீண்ட இடைவெளிக்குப் பிறகு வெளியாகும் செல்வராகவன் படம் என என்ஜிகேவுக்கு ஏகப்பட்ட எதிர்பார்ப்புகள் இருந்தது. ஆனால், அந்த பொறுப்பை உணர்ந்து செயல்பட மறந்துவிட்டனர் செல்வாவும், சூர்யாவும்.

மக்களாட்சி, ஏழை ஜாதி, முதல்வன் தொடங்கி சமீபத்தில் வெளியான எல்கேஜி வரை நிறைய அரசியல் படங்களை தமிழ் சினிமா ரசிகர்கள் பார்த்து, ரசித்து கொண்டாடியிருக்கிறார்கள். ஆனால் சூர்யா -செல்வா என மிகப்பெரிய கூட்டணி இருந்தாலும், என்ஜிகே படம் இந்தப் பட்டியலில் சேருமா என்பது சந்தேகமே.

இதற்கு முக்கிய காரணம் படத்தின் கதையும் திரைக்கதையும் தான். அரசியல் கட்சியில் அடிமட்டத்தில் இருக்கும் ஒரு தொண்டன், முதலமைச்சராக எப்படி உயர்கிறான் என்பது தான் படத்தின் ஒன்லைன். இந்த ஒன்லைனில் நிறைய படங்கள் வந்துவிட்டன. அதுவும் சமீபத்தில் வெளியாகி ஹிட்டான எல்கேஜி படத்தின் சாயல், என்ஜிகேவில் நிறைய தெரிகிறது. இருபடங்களின் கதை ஒன்று தான். ஆனால் அதை சொன்ன விதத்தில் தான் வேறுபடுகின்றன.

புதுப்பேட்டை படத்தின் திரைக்கதையை அப்படியே என்ஜிகேவுக்கு பயன்படுத்தி இருக்கிறாரோ செல்வா என்றே எண்ணத் தோன்றுகிறது. புதுப்பேட்டையில் ஜெயிலுக்குள் இருந்தபடி கொக்கி குமார் தனது கதையை சொல்வது போல், இப்படத்தில் எக்ஸ்ட்ரீம் குளோஸ்அப் ஷாட்டில், எங்கோ அமர்ந்தபடி கதை சொல்கிறார் சூர்யா. ஆனால், கொக்கிகுமார் அளவுக்கு நம் மனதில் சூர்யா பதியவில்லை என்பது தான் உண்மை.

முதல்பாதி படத்தில் சுமார் 45 நிமிடங்கள் வரை சுவாரஸ்யமான காட்சிகளே இல்லை. படத்தோட பேரு மாதிரி காட்சிகளின் நீளத்தையும் சுருக்கியிருக்கலாம். அதை செய்யத் தவறி இருக்கிறார்கள்.

தமிழ்நாட்டில் சமீபத்தில் ஒரு அமைச்சர் மீது கூறப்பட்ட பாலியல் புகார் தொடர்பான காட்சிகள் படத்தில் வருகிறது. பரபரப்பிற்காக அப்படியான காட்சிகளை சேர்த்தார்களா என்பதை, இனி அதற்கு கிடைக்கும் இலவச எதிர்ப்பு விளம்பரத்தைப் பார்த்து தான் தெரிந்து கொள்ள வேண்டும். ஆனால், உண்மையில் படத்தில் அக்காட்சிகள் தான் ரசிக்கும்படியாக இருக்கின்றன.

இரண்டாம் பாதியில் மருந்துக்கூட அதுபோன்ற சுவாரஸ்யமான காட்சிகள் எதுவும் இல்லை. ஒரு படித்த இளைஞன், பெரிய கட்சியில் அடிமட்ட தொண்டனாக சேரும் போது, அவன் எப்படி எல்லாம் நடத்தப்படுவான், எந்த அளவுக்கு கீழே இறங்கி வேலை செய்ய வேண்டி வரும் என்பதை உண்மையாக சொல்ல நினைத்திருக்கிறார் செல்வா. ஆனால் அதில் சினிமாத்தனமே மேலோங்கி இருக்கிறது.

சூர்யாவின் நடிப்பில் செல்வாவே அதிகமாக தெரிகிறார். பல காட்சிகளில் நடிகர் திலகம் சிவாஜியை நினைவுப்படுத்துகிறார். மற்றபடி, சூர்யாவின் நடிப்பு செயற்கையாகவே தெரிகிறது. ஆயுத எழுத்து மாதிரியான அரசியல் படத்தில் நடித்த சூர்யா இந்த ஸ்கிரிப்டை எப்படி தேர்வு செய்தார் என்பதே ஆச்சர்யமாக இருக்கிறது. அப்படத்தில் இருந்த கம்பீரம் நந்தகோபாலன் குமாரனிடம் மிஸ்ஸிங். காப்பானாது சூர்யாவை காப்பாற்றும் என நம்புவோம்.

சாய் பல்லவிக்கு இதில் சூர்யா மனைவி என்பதை தவிர வேறு ஏதும் முக்கியத்துவம் இல்லை. ரௌடி பேபி காலை கட்டி, தலையில் சுத்தியலை ( நேசமணி எபெக்டுங்க..) போட்டு விட்டீர்களே விட்டீர்களே செல்வா. நிறைய காட்சிகளில் ரகுல் தான் அதிகம் ஸ்கோர் செய்கிறார். இருவருக்குமான சக்களாத்தி சண்டை மட்டும் கொஞ்சம் ரசிக்கும்படியாக இருந்தது. படத்தில் முன்னணி நாயகிகள் இருந்தும், கலர்புல்லாகவே இல்லை. பெரும்பாலான காட்சிகளில் ரகுல் முகத்தில் சோனியா அகர்வால் மாஸ்க்.

இவர்கள் மூவரை தவிர, நிழல்கள் ரவி, உமா பத்மநாபன், இளவரசு, பாலாசிங், பொன்வண்ணன், கன்னட நடிகர் தேவராஜ் என நிறைய பேர் இருக்கிறார்கள். ஆனால், அவர்கள் அனைவர் முகத்திலும் செல்வராகவனின் மாஸ்க்கைத் தான் நம்மால் பார்க்க முடிகிறது. தலைவாசல் விஜய் மற்றும் வேல.ராமமூர்த்தி ஆகிய இரண்டு பேரும் அட்மாஸ்பியரில் நிற்கும் ஜூனியர் ஆர்டிஸ்ட்களை போல் வந்து போகிறார்கள்.

யுவனின் இசையாவது நல்லாயிருக்கும் என நினைத்தால், அதிலும் ஏமாற்றமே. தண்டல்காரன் பாட்டு கேட்க ஓகே, ஆனால் திரையில் ஏன், எதுக்குன்னே தெரியாமா வந்துட்டு போகுது. காட்சிகள் பலவீனமாக இருப்பதால், பின்னணி இசையும் செட்டாகவில்லை.

சிவகுமார் விஜயனின் ஒளிப்பதிவு படத்தை ஒரே மூடில் கொண்டு செல்கிறது. பிரவீன் கே.எல்.வின் எடிட்டிங்கில் முதல் பாதி மட்டும் ஓகே.

ரகுல் - சூர்யா உறவும், ஒரு ட்ரீம் பாடலும் தேவையில்லாத ஸ்பீட் பிரேக்கர்கள். வழக்கமாக செல்வராகவன் படத்தைப் பார்த்தால், அதன் தாக்கம் நம் மனதில் இருந்து நீங்க சில காலம் ஆகும். ஆனால், அப்படியான உணர்வுப்பூர்வமான காட்சிகள் எதுவும் படத்தில் இல்லாதது மிகப்பெரிய மைனஸ்.

படத்தில் தமிழகத்தின் சமகால அரசியலைப் பற்றி நாசுக்காகப் பேசியிருக்கிறார் செல்வா. தமிழகத்தில் இரண்டு பெரிய கட்சிகளைத் தவிர, வேறு யாரும் ஆட்சிக்கு வரமுடியாது. வேண்டுமென்றால் அவர்கள் கட்சியில் சேர்ந்து உயர் பதவியில் அமரலாம் என்பது தான் படத்தின் மறைமுகக் கருத்து. ஆனால், இப்படியான படங்களைப் பார்த்தால், படித்த இளைஞர்கள் அரசியலில் குதிக்க, தனிக்கட்சி தொடங்க நிச்சயம் தயங்குவார்கள் என்பது மறுக்க முடியாத உண்மை. அரசியல் மாற்றத்தை பலரும் எதிர்பார்க்கும் வேளையில் இளைஞர்களைத் திசை திருப்புகிறான் இந்த என் ஜி கே என்றே சொல்ல வேண்டும்.

மொத்தத்தில் என்.ஜி.கே., சூர்யா - செல்வராகவன் ரசிகர்களுக்கு மிகப் பெரிய ஏமாற்றமே.

இயக்குனர் ஷங்கர் இந்தியன் 2 படத்தை இயக்குவதாக அறிவித்து அதன் முதற்கட்ட பணிகளையும் செய்து முடித்துவிட்டார். ஷூட்டிங் துவங்கி சில நாட்களில் நின்றுவிட்டது படம்.

மேலும் படத்தை தயாரிக்கும் லைகா நிறுவனம் பின்வாங்கிவிட்டது என்று கூறப்பட்டது. ஆனால் அதன் பிறகு மீண்டும் சமரசம் ஆகி ஜூன் முதல் ஷூட்டிங் துவங்கும் என செய்திகள் வெளியானது. இது எதுவுமே இன்னும் உறுதியாகாத நிலையில், ஷங்கர் அடுத்து பாகுபலி நடிகர் பிரபாஸை வைத்து ஒரு படம் இயக்குகிறார் என தெலுங்கு சினிமா வட்டாரத்தில் செய்தி பரவியது.

ஆனால் ஷங்கர் இதை மறுத்துள்ளார். பிரபாஸை வைத்து படம் இயக்கும் எண்ணம் இப்போதைக்கு இல்லை என அவர் கூறியுள்ளார்.

இதனால் எதிர்பார்ப்பில் இருந்த பிரபாஸ் ரசிகர்கள் சற்று ஏமாற்றம் அடைந்துள்ளனர்.

1990ஆம் காலக்கட்டங்களில் பிசியாக பல படங்களில் நடித்து கொண்டிருந்தவர் நடிகை விஜயசாந்தி. ஆக்‌ஷன் படங்களுக்கு பெயர் போனவரான இவரது நடிப்பில் கடைசியாக படம் வெளிவந்து 13 வருடங்களாகிவிட்டன.

இந்நிலையில் இத்தனை வருடங்களுக்கு பிறகு தெலுங்கு படம் ஒன்றின் மூலம் விஜயசாந்தி சினிமாவிற்கு ரீஎண்ட்ரி கொடுக்கவுள்ளார். Fun and Frustration பட இயக்குனர் அனில் ரவிபுடி இயக்கத்தில் தெலுங்கு சூப்பர்ஸ்டார் மகேஷ்பாபு அடுத்ததாக நடிக்கவிருக்கும் படத்தில் தான் விஜயசாந்தி ரீஎண்ட்ரி கொடுக்கவுள்ளார்.

கீதா கோவிந்தம் படத்தின் மூலம் பிரபலமான ராஷ்மிகா மந்தனா இந்த படத்தில் ஹீரோயினாக நடிக்கவுள்ள நிலையில் இப்படத்தின் பூஜை சமீபத்தில் தான் வெகு விமர்சையாக நடைபெற்றது.