!...Payanam...!

தனுஷ் நடிப்பில் உருவாகியுள்ள பிரெஞ்சு - ஆங்கிலப் படம் 'தி எக்ஸ்டார்டினரி ஜார்னி ஆஃப் தி பகிர்'. ஹாலிவுட் இயக்குனர் கென் ஸ்காட் இயக்கியிருக்கும் இந்த படம் தமிழில் 'பக்கிரி' என்ற பெயரில் விரைவில் வெளியாக இருக்கிறது. ஜக் வார்ட்ரோபின், 'தி எக்ஸ்டார்டினரி ஜார்னி ஆஃப் தி பகிர்' என்ற நாவலை தழுவி எடுக்கப்பட்ட இந்த படம் காமெடி படமாம்.

தனுஷுடன் பெர்னைஸ் பெஜோ, பர்காத் அப்தி, அபெல் ஜப்ரி, எரின் மோரியார்டி உள்ளிட்ட பலரும் நடித்துள்ள இந்த படம் கடந்த ஆண்டு பிரான்சில் வெளியானது. சமீபத்தில் பல நாடுகளில் திரையிடப்பட்டு வரவேற்பு பெற்றது.

இந்தநிலையில் 'தி எக்ஸ்டார்டினரி ஜார்னி ஆப் தி பகிர்' படத்தை தமிழில் 'பக்கிரி' என்ற பெயரில் மொழிமாற்றம் செய்து வெளியிடுகின்றனர். இப்படம் ஜூன் 21-ஆம் தேதி வெளியாகும் என்று அறிவிக்கப்பட்டுள்ளது.

இந்த படத்தை முதலில் தனுஷின் வுண்டர்பார் நிறுவனம் தான் வெளியிடுவதாக இருந்தது. தற்போது, தனுஷ் தனது வுண்டர்பார் நிறுவனத்தின் சார்பில் ஓராண்டுக்கு எந்தப்படத்தையும் வெளியிடாமல், தயாரிக்காமல் இருப்பது என முடிவெடுத்துள்ளார். இதன்காரணமாக 'ஒய்நாட் எக்ஸ் நிறுவனம் இப்படத்தை வெளியிடுகிறது.

அமித் திரிவேதி இசையமைத்துள்ள இந்த படத்தில் தனுஷ், இங்கிலீசு லவுசு என்றொரு மெலோடி பாடலை பாடியிருக்கிறார். மதன் கார்க்கி இந்த பாடலை எழுதியிருக்கிறார். தனுஷ் பாடியுள்ள இந்த பாடலின் வீடியோ வெளியிடப்பட்டுள்ளது. பொதுவாக தனுஷின் பாடல்களுக்கு யு-டியூப்பில் நல்ல வரவேற்பு இருக்கும்

நான் அவன் இல்லை பாணியில் தற்போது வந்துள்ளது செவன் படம். ஒரு ஆண், ஆறு பெண்கள் இடையே நடக்கும் சம்பவங்கள் தான் இந்த செவன் படம்.

கதை:

ஐடி நிறுவனனத்தில் பணியாற்றிவரும் நந்திதா உடன் பணியாற்றும் ஹீரோ ஹவிஷை காதலிக்க துவங்குகிறார். அவர்கள் ஒன்றாக சேர்ந்து வாழ ஆரம்பிக்கின்றனர். ஆனால் திடிரென ஹவிஷ் காணாமல் போகிறார். அதனால் நந்திதா போலீசில் புகார் கொடுக்கிறார்.

போலீஸ் அதிகாரி ரகுமானிடம் அவர் நடந்ததை கூறுகிறார். அப்போது தான் தெரிகிறது இதுபோல வேறு சில பெண்களும் ஹவிஷ் பற்றி புகார் கூறியுள்ளனர் என்று. தலைமறைவாக இருக்கும் ஹவிஷை போலீஸ் தேடி கண்டுபிடிக்கிறது.

ஆனால் தன் மீது புகார் கூறியுள்ள பெண்களை யாரென்றே தெரியாது என்கிறார் ஹவிஷ். இடையில் ஒரு கொலைப்பழியும் அவர் மீது விழுகிறது. பெண்களை ஏமாற்றியது யார்? கொலை செய்தது யார்? - கேள்விக்கு மீதிப்படம் பதில் சொல்கிறது.

க்ளாப்ஸ் மற்றும் பல்ப்ஸ் :

படத்தின் கதை சுவாரஸ்யமாக எழுதப்பட்டிருந்தாலும் திரைக்கதையில் தெளிவு அதிகம் இல்லை. நான் அவன் இல்லை படம் போல ஆரம்பித்து பின்னர் கிரைம் த்ரில்லர் படமாக முடிகிறது. ஆரம்பம் முதல் இறுதிவரை த்ரில்லாக வைத்திருந்ததற்காக இயக்குனரை பாராட்டலாம்.

ஆனால் படத்தின் பல சீன்கள் லாஜிக் இல்லாமலும் நம்பமுடியாத அளவுக்கு தான் இருந்தன. ஒரு நபர் காணாமல் போனதாக இரு பெண்கள் அளித்த புகாரை தேசிய சேனல்களில் தலைப்பு செய்தியாகவும், இரண்டு நாலா காணாமல் போன ஒரு நபர் பற்றி ஊர் முழுக்க போலீஸ் போஸ்டர் ஓட்டி பரபரப்பாக தேடுவது போல காட்டுவதெல்லாம் நம்பும் அளவுக்கு இல்லை.

படத்தின் முதல் பாதி போர் அடித்தாலும், படத்தின் கடைசி அரை மணி நேரம் சற்று ஆறுதல்.

தெலுங்கு ஹீரோ அவிஷ் தமிழ் ரசிகர்கள் ஏற்றுக்கொள்வார்களா என்பது கேள்விக்குறிதான். படத்தில் பல நடிகைகள் இருந்தாலும் ரெஜினாவுக்கு தான் பெரிய ரோல். மிரட்டியுள்ளார்.

தமிழகத்தில், 24 மணி நேரமும் தியேட்டர்களில் சினிமா படங்களை திரையிட்டுகொள்வதற்கு, தமிழக அரசு அனுமதி வழங்கி உத்தரவிட்டுள்ளது.

தமிழகத்தில் 24 மணி நேரமும் வர்த்தக நிறுவனங்களை திறந்து வைத்துக் கொள்ளலாம் என்று தமிழக அரசு 28ம் தேதி அரசாணை வெளியிட்டது. அது தற்போது அரசிதழிலும் இடம் பெற்றுள்ளது.

இந்த நிலையில் திரையரங்குகளை 24 மணி நேரம் திறந்து கொள்ளவும் அந்த உத்தரவில் அம்சம் இடம் பெற்றுள்ளது. தொழில் மற்றும் வேலைவாய்ப்பு துறை செயலாளர் சுனில் பாலிவால் இந்த உத்தரவை பிறப்பித்துள்ளார்.

மல்டிபிளக்ஸ், மால் அல்லது சிறு திரையரங்குகள் என தனித்தனி பாகுபாடுகள் இதில், கிடையாது.. அனைத்து வணிக நிறுவனங்கள் மற்றும் திரையரங்குகளுக்கும் ஒரே சீராக இந்த உத்தரவு பொருந்தும்.

சட்டம்-ஒழுங்கு பாதிக்கும் பகுதிகளில் திறந்து கடைகளை மூடுவதற்கான உத்தரவை காவல்துறை பிறப்பிக்க முடியும் என்று அரசாணையில் தெரிவிக்கப்பட்டுள்ளது.

திரையரங்கு உரிமையாளர் சங்கத்தைச் சேர்ந்த சுப்பிரமணியம் கூறுகையில், இது வரவேற்கத்தக்க ஒரு அறிவிப்பு. பெரிய பட்ஜெட் திரைப்படங்களுக்கு வெள்ளி, சனி மற்றும் ஞாயிற்றுக்கிழமைகளில் தான் வசூல் பார்க்க வேண்டிய நிலை உள்ளது. எனவே திரையிடும், நேரத்தை அதிகரித்துள்ளதன் காரணமாக, டிக்கெட்டுகள் கிடைக்காமல் மக்கள் அவதிப்படுவது, போன்றவையும் குறையும், தயாரிப்பாளர்களுக்கும் அதிக வசூல் கிடைக்கும். இவ்வாறு அவர் தெரிவித்தார்.

சுதந்திர இந்தியாவின் வரலாற்றில் முதல் முறையாக 5 துணை முதல்வர்களை நியமித்து புரட்சி செய்துள்ளார் ஆந்திரா முதல்வர் ஜெகன் மோகன் ரெட்டி.

மாநிலங்களில் முதல்வர் பதவிதான் பிரதானமானது. இருப்பினும் உட்கட்சி மோதல்கள், கூட்டணி கட்சிகளை தக்க வைத்துக் கொள்ளுதல் ஆகியவற்றுக்காக துணை முதல்வர் பதவிகள் அளிக்கப்பட்டு வருகின்றன.

அரசியல் சாசனப்படி முதல்வருக்குத்தான் அதிகாரம். துணை முதல்வர் என பதவி வகித்தாலும் ஒரு அமைச்சருக்கான அதிகாரங்கள்தான் அவருக்கும் உண்டு.

மாநிலங்களில் துணை முதல்வர் பதவிகள் என்பது அண்மைக்காலமாக வழக்கமான ஒன்றாகிவிட்டது. தமிழகத்தில் திமுக ஆட்சிக் காலத்தில்தான் துணை முதல்வர் பதவி உருவாக்கப்பட்டது.

குடும்ப சண்டைக்காக துணை முதல்வர் பதவி

முதல்வராக இருந்த கருணாநிதியின் மூத்த மகன் மு.க. அழகிரி மத்திய அமைச்சரானார். இதனால் இளையமகனும் அமைச்சர் பதவி வகித்தவருமான மு.க.ஸ்டாலினை துணை முதல்வராக்கினார் கருணாநிதி. அதுவும் டெல்லியில் இருந்து அழகிரி சென்னை வந்து சேருவதற்குள் ஸ்டாலினை துணை முதல்வராக்கி அதிகாரத்தை பகிர்ந்து கொடுத்தார் கருணாநிதி. பின்னர் அதிமுக ஆட்சியில் துணை முதல்வர் பதவி உருவாக்கப்படவில்லை.

ஓபிஎஸ் துணை முதல்வர்

முதல்வர் எடப்பாடி பழனிசாமிக்கு எதிராக ஓ.பன்னீர்செல்வம் செயல்பட்டு வந்தார். அதிமுகவின் இந்த இரு அணிகளும் இணைந்த போது முன்னாள் முதல்வர் ஓ. பன்னீர்செல்வத்துக்கு துணை முதல்வர் பதவி வழங்கப்பட்டது. தற்போதும் துணை முதல்வராக இருக்கும் ஓபிஎஸ், முதல்வர் அளவுக்கு அதிகாரம் இல்லையே என குமுறலை வெளிப்படுத்தி வருகிறார்.

ஜெகன் சாதனை

கோவா, அருணாச்சல பிரதேச மாநிலங்களில் 2 துணை முதல்வர்கள் பதவி வகித்தும் இருக்கின்றனர். தற்போதும் 2 துனை முதல்வர்கள் இருக்கின்றனர். இதுதான் இதுவரையான துணை முதல்வர்களின் அதிகபட்ச எண்ணிக்கையாக இருந்தது. இதையும் தற்போது ஜெகன் மோகன் ரெட்டி முறியடித்து 5 துணை முதல்வர்களை ஜாதிய அடிப்படையில் நியமித்திருக்கிறார்.

14 துணை முதல்வர்கள்

தற்போது அருணாச்சல பிரதேசம், டெல்லி, குஜராத், பீகார் கர்நாடகா, ராஜஸ்தான், மணிப்பூர், மேகாலயா, மிசோரம் என 14 மாநிலங்களில் துணை முதல்வர்கள் உள்ளனர். இருப்பினும் ஜாதிய அடிப்படையிலான ஜெகன் மோகன் ரெட்டியின் துணை முதல்வர் பதவி நியமனம் பெரும் பரபரப்பை ஏற்படுத்தியுள்ளது.

சீனாவில் ரஜினியின் 2.0 படம் ரிலீசாகும் தியேட்டர்களின் எண்ணிக்கை பற்றிய குழப்பம் நீடித்து வருகிறது.

ஷங்கர் இயக்கத்தில், ரஜினிகாந்த், அக்ஷய்குமார், எமி ஜாக்சன் மற்றும் பலர் நடித்திருந்த படம் '2.0'. கடந்தாண்டு ரிலீசான இப்படம் வசூல் ரீதியாக பெரும் வெற்றி பெற்றது. ரூ.600 கோடி செலவில் தயாரிக்கப்பட்டு ரூ.800 கோடி வரை வசூலித்ததாக கூறப்பட்டது. செல்போன் ஆபத்து, பறவைகளை காக்க வேண்டும் என பல நல்ல விசயங்களைப் பேசி இருந்தது இப்படம்.

இந்நிலையில், அடுத்த மாதம் 12ம் தேதி இப்படம் சீனாவில் ரிலீசாக இருக்கிறது. இது தொடர்பாக கடந்த சில நாட்களுக்கு முன்னர் ஒரு போஸ்டரும் வெளியானது. இசையமைப்பாளர் ஏ.ஆர்.ரஹ்மானும் தனது டிவிட்டர் பக்கத்தில் இது தொடர்பாக பதிவு ஒன்றை வெளியிட்டிருந்தார்.

தியேட்டர்கள் எண்ணிக்கை:

அதில், சீனாவில் இப்படம் சுமார் 50 ஆயிரத்திற்கும் மேற்பட்ட திரையரங்குகளில் வெளியாவதாக அவர் குறிப்பிட்டிருந்தார். ஆனால், இது தவறான தகவல் எனக் கூறப்படுகிறது. இணையதளத்தில் உள்ள தகவல்களின்படி சீனாவில் 66000 தியேட்டர்கள் மட்டுமே உள்ளன. அவற்றில் 50 ஆயிரத்திற்கும் மேற்பட்ட தியேட்டர்களில் 2.0 படம் வெளியாக வாய்ப்பில்லை என்கின்றனர்.

காட்சிகள் கணக்கு:

சீனாவைப் பொறுத்தவரையில் திரைப்படம் வெளியாகும் தியேட்டர்களைப் பற்றிக் குறிப்பிடும் போது ஒரு படம் வெளியாகும் தியேட்டர்களின் எண்ணிக்கைக்குக் பதிலாக அதன் காட்சிகளைத்தான் குறிப்பிடுவது வழக்கம். அதன்படி பார்த்தால், அங்கு 10 ஆயிரம் தியேட்டர்களில் தான் 2.0 படத்தை வெளியிடுகின்றனர்.

மெர்சல்:

சீன மொழியில் டப்பிங் செய்து ஆங்கில மொழி சப் டைட்டிலுடன் படம் வெளியாகிறது. ஏற்கனவே இதற்கு முன்னர் விஜய் நடித்த மெர்சல், அமீர்கான் நடித்த 3 இடியட்ஸ், தங்கல், பிகே போன்ற இந்தி படங்களும் சீனாவில் வெளியாகி வசூல் சாதனை நிகழ்த்தியுள்ளது.

தங்கல் சாதனை:

சீனாவில் இதுவரையில் அதிகபட்சமாக வசூலித்த இந்தியப் படம் என்ற பெருமை 'தங்கல்' படத்திற்கே உண்டு. அதன் ஒரு மாத மொத்த வசூல் சீனாவில் மட்டும் 1200 கோடி. அங்கு 9000 காட்சிகள் மட்டும்தான் திரையிடப்பட்டது. அதன் முதல் நாள் வசூல் மட்டும் 15 கோடி என்பது குறிப்பிடத்தக்கது.

உத்தர பிரதேசத்தில் 3 வயது சிறுமியை கடத்தி கண்ணை நோண்டி கொலை செய்த கொடூரன்களுக்கு அதிகபட்ச தண்டனை வழங்க வேண்டும் என்று திரையுலக பிரபலங்கள் தெரிவித்துள்ளனர்.

உத்தர பிரதேச மாநிலம் அலிகாரில் 3 வயது சிறுமி ட்விங்கிள் சர்மா கடத்தி கொடூரமாக கொலை செய்யப்பட்டார். கடன் பிரச்சனையால் சிறுமியை கொன்று அவரின் கண்களை தோண்டி எடுத்து உடலை குப்பை மேட்டில் போட்டுள்ளார்கள். சிறுமியின் உடலை நாய்கள் கடித்துக் குதறிய கொடூரம் நடந்துள்ளது.

முதலில் சிறுமி பலாத்காரம் செய்து கொலை செய்யப்பட்டதாக கூறப்பட்டது. இந்நிலையில் சிறுமி பலாத்காரம் செய்யப்படவில்லை என்று அலிகார் போலீசார் தெரிவித்துள்ளனர். சிறுமிக்கு நியாயம் கிடைக்க வேண்டும் என்று திரையுலக பிரபலங்கள், நெட்டிசன்கள் ட்வீட் செய்து கொண்டிருக்கிறார்கள்.

சிம்ரன்

பேபி ட்விங்கிள் ஷர்மா பற்றிய செய்தி அறிந்து கவலையாக உள்ளது. ஒரு அப்பாவியிடம் இந்த அளவுக்கு கொடூரமாக நடக்க முடியுமா?. உடனே நீதி கிடைக்க வேண்டும் என்று தெரிவித்துள்ளார் சிம்ரன். என்ன தான் பிரச்சனையாக இருந்தாலும் பிஞ்சுக் குழந்தையை இந்த அளவுக்கு கொடூரமாக கொலை செய்ய எப்படி தான் மனம் வந்ததோ என்று நெட்டிசன்களும் குமுறிக் கொண்டிருக்கிறார்கள்.

  ரவீனா டாண்டன்

அலிகாரில் 3 வயது சிறுமி கொடூரமாக பலாத்காரம் செய்து கொலை செய்யப்பட்டுள்ளார். அவரின் கண்களை தோண்டி, உடலை சிதைத்து காட்டுமிராண்டித்தனமாக நடந்துள்ளனர். குற்றவாளியை தூக்கிலிட வேண்டும். சட்டம் விரைந்து செயல்பட வேண்டும் என்று பாலிவுட் நடிகை ரவீனா டாண்டன் ட்விட்டரில் கொந்தளித்துள்ளார். #justicefortwinkle

 குஷ்பு

3 வயது ட்விங்கிள் ஷர்மாவை பாலியல் பலாத்காரம் செய்து கொலை செய்த மிருகத்தின் பெயர் முகமது ஜயீத். அந்த ஆள் இஸ்லாமியர் என்ன மனிதனே கிடையாது. அவனை துண்டு துண்டாக வெட்டியோ இல்லை என்றால் வெறி நாய்களிடமோ விட வேண்டும். அந்த பாவிக்கு இரக்கமே காட்டக் கூடாது என்று கோபப்பட்டுள்ளார் நடிகையும், காங்கிரஸ் செய்தித் தொடர்பாளருமான குஷ்பு.

அக்ஷய் குமார்

ட்விங்கிள் ஷர்மாவுக்கு நடந்த கொடூரம் குறித்து அறிந்து அக்ஷய் குமார் பேரதிர்ச்சி அடைந்துள்ளார். இந்த குற்றத்தை செய்த கொடூரனுக்கு கடுமையான தண்டனை வழங்க வேண்டும் என்று அவர் வலியுறுத்தியுள்ளார்.

சூப்பர் ஸ்டார் ரஜினிகாந்தின் 167-வது படத்தை AR முருகதாஸ் இயக்கி வருகிறார். அனிருத் இசையமைக்கும் இப்படத்தில் நயன்தாரா, யோகிபாபு போன்ற நட்சத்திரங்கள் நடித்து வருகின்றனர்.

சமீபத்தில் படத்தின் முதல் லுக் போஸ்டர் வெளியானது. தர்பார் படத்தின் முதற் கட்ட படப்பிடிப்பு முடிவடைந்தது என்ற செய்தி சமீபத்தில் தெரியவந்தது. படத்தின் இரண்டாம் கட்ட படப்பிடிப்பு நேற்று மே 29-ம் தேதி முதல் துவங்கப்பட உள்ளதாம்.

இந்நிலையில் படத்தில் நடிகர் ஸ்ரீமன் இணைந்துள்ளார் என்ற செய்தி தற்போது வெளியாகியுள்ளது. 19 வருடங்களுக்கு முன் இயக்குனர் முருகதாஸ் இயக்கத்தில் வெளியான தீனா படத்தில் ஸ்ரீமன் நடித்திருந்தார் என்பது கூடுதல் தகவல்.