!...Payanam...!

நக்கீரன் கோபாலை தமிழகத்தில் தெரியாதவர்கள் யாருமில்லை. இவருக்கும் சிவகார்த்திகேயனுக்கும் என்ன சம்மந்தம் என்று நீங்கள் நினைப்பது புரிகின்றது.

அது வேறு ஒன்றுமில்லை ஒருநாள் தன் வீட்டு விசேஷத்திற்காக கோபால் சிவகார்த்திகேயனை சந்தித்து பத்திரிக்கை வைத்துள்ளார்.

அப்போது கிளம்பும் போது சிவகார்த்திகேயன் அப்பாவின் புகைப்படத்தை பார்த்து ‘இவரோடு மகனா நீ?’ என கேட்டுள்ளார்.

ஆம் என்று சொன்னதும் அவர் சிவகார்த்திகேயன் அப்பாவை பற்றி பல விஷயங்கள் வியந்து கூறியுள்ளார், அப்பாவின் பெருமையை கேட்க, கேட்க சிவகார்த்திகேயன் அங்கேயே அழுதுவிட்டாராம்.

மணிரத்தனத்தின் கடல் படம் மூலம் அறிமுகமானாலும் இன்னுமும் வெற்றியை ருசிக்காத கவுதம் கார்த்திக் படத்துக்கு படம் வித்தியாசம் காட்ட வேண்டும் என்ற முயற்சியோடு இன்று அவரது நடிப்பில் வெளிவந்துள்ள படம் ரங்கூன். தனது சிஷ்யன் ராஜ்குமார் பெரியசாமி இயக்குனராக அழகு பார்த்து படத்தை தயாரித்துள்ளார் இயக்குனர் ஏ ஆர் முருகதாஸ்.

கதை

பர்மாவை பிறப்பிடமாக கொண்டு சந்தோசமாக 8 வயது வரை காலம் தள்ளிய கவுதம் கார்த்திக், தனது குடும்பத்துடன் அப்பாவின் அழைப்பின் படி பிழைப்பிறகாக சென்னைக்கு வருகிறார். 1988 வருடம் பர்மாவிலேருந்து சென்னைக்கு பலதரப்பட்ட மக்கள் படையெடுத்தனர். சென்னை வந்தவுடனே அவருக்கு குமரன், சசி என்கிற நண்பர்கள் கிடைக்கின்றன.

ஒரு விபத்தில் எதிர்பாராத விதமாக தனது அப்பாவை சிறுவயதிலே இழக்கிறார் , அதன் பிறகு தனது நண்பர்கள் தான் வாழ்கை அம்மா தங்கையுடன் சந்தோசமாக வாழ்கிறார். ஒரு கட்டத்தில் பஜாரில் மிக பிரபலமான நகை வியாபாரியின் அறிமுகம் கிடைக்கிறது.

அவருக்கு அந்த ஏரியாவிலே பெரிய செல்வாக்கு உள்ள நபர், அவரிடம் வேலைக்கு செல்கிறார் கவுதம் கார்த்திக் மற்றும் அவரது நண்பர்களான குமரன் , சசி. கவுதம் கார்த்திக்கின் உழைப்பும் தந்திரமான புத்திசாலித்தனம் குணசீலனுக்கு மிகவும் பிடித்து விடுகிறது. இந்த நேரத்தில் தொழில் ரீதியாக குணசீலனை கொலைசெய்ய முயற்சிக்கின்றனர், அந்த நேரத்தில் கவுதம் கார்த்திக் அவரை காப்பற்றுகிறார்.

அதன் பிறகு கவுதம் கார்த்திக் மேல் மிகுந்த நம்பிக்கையில் தங்கம் கடத்தல் சம்பந்தமாக பல முக்கிய விஷயங்களை சொல்லி தருகிறார் குணசீலன் . ஒரு கட்டத்தில் நகைக்கடை வியாபாரி சங்க தேர்தலில் தான் தலைவராக வேண்டும் என்றால் இங்கு இருக்கும் 6 கோடி மதிப்புள்ள தங்க பிஸ்கட்களை ரங்கூன் நாட்டில் பணமாக மாற்ற வேண்டிய வேலையை குணசீலன் கவுதம் கார்த்திக்கிடம் தருகிறார்.

தங்க பிஸ்கட்டுகளை ஏந்திக்கொண்டு தனது நண்பர்களுடன் ரங்கூனுக்கு பறக்கிறார் கவுதம், பிஸ்கட்களை பணமாக மாற்றி எல்லாம் நல்லபடியாக சென்று கொண்டிருந்த தருணத்தில் 6 கோடி ரூபாய் பணம் தொலைந்து போகிறது. அதன் பின் தொலைந்த பணம் கிடைத்ததா? குணசீலன் தலைவர் ஆனாரா? என்று எதிர்பாராத சில திருப்பங்களுடன் நகர்கிறது ரங்கூன்

படத்தை பற்றிய அலசல்

இதுவரை நடித்ததிலே கவுதம் கார்த்திக்கு பெயர் சொல்லும் படமாக நிச்சயம் இந்த ரங்கூன் இருக்கும், அவர் பேசும் லோக்கல் வசன உச்சரிப்பும் , நம்பிக்கைக்காக அவர் செய்யும் யதார்த்தனமான நடிப்பும் சபாஷ் போடவைக்கிறார். நண்பர்களாக நடித்துள்ள குமரன் என்கிற லல்லு ஒரு யதார்த்தமான நண்பனாக வாழ்ந்துள்ளார் .

இதற்கு முன் கதை , திரைக்கதை வசனம் இயக்கம், 8தோட்டாக்கள் போன்ற படங்களில் நடித்திருந்தாலும் இந்த படம் நிச்சயம் அவருக்கு கைகொடுக்கும்.

அதே போல் சசியாக இதற்கு தானே ஆசைப்பட்டாய் டேனியல் கதாபாத்திரம் கதையின் முக்கிய திருப்பம் அவர் கையில் இருக்கிறது. அதனை நன்கு உணர்ந்து நடித்துள்ளார். வழக்கம் போல் கதாநாயகி சனாவிற்கு சொல்லுபடி கதாபாத்திரம் வலுவாக இல்லை. எதை வைத்து முருகதாஸ் சிம்ரன் போல் இருக்கிறார் என்று சொன்னார் தெரியவில்லை. அதே போல் குணசீலன் கதாபாத்திரம், நாடக நடிகர் ஸ்ரீ, போலீசாக நடித்துள்ள மணிவண்ணன் எல்லாருக்குமே எதோ ஒரு விதத்தில் படத்தின் முக்கிய புள்ளியாக கதை நகர்த்துகின்றனர்.

பலம் என்கிறது இருக்கப்பட்டவன் இல்லாதவனை கீழ மிதிச்சி தள்றது மட்டுமில்ல , அதையும் தாண்டி வருகிறான் பாரு அதிலே தான் இருக்கு என்கிற கருவுடன் பாசிட்டிவான முடிவோடு இயக்குனர் ராஜகுமாரன் பெரியசாமி கொடுத்துள்ளார்

கிளாப்ஸ்

இயக்குனர் ராஜ்குமாரின் கதையமைப்பும், ஒவ்வொரு விஷயத்துக்கும் அவர் செய்த ஆராய்ச்சி ஆழமாக திரையில் தெரிகிறது

நடிகர்களின் யதார்த்தனமான நடிப்பு ,

நேர்த்தியான ஒளிப்பதிவு

பல்பஸ்

திரைக்கதையில் இன்னும் கொஞ்சம் விறுவிறுப்பாக கொடுத்திருக்கலாம் என்று தோன்றிய விஷயம்

பாடல், பின்னணி இசை சொல்லும்படியில்லை

மொத்தத்தில் ரங்கூன் - சுற்றி வரலாம்

விக்ரம் பிரபு கண்டிப்பாக ஒரு ஹிட் கொடுத்தே ஆக வேண்டும் என்ற கட்டாயத்தில் இருக்கின்றார். அதனால், இயக்குனர் எஸ்.ஆர்.பிரபாகரனுடன் கைக்கோர்த்து சத்ரியனாக களம் இறங்கியுள்ளார். ஏற்கனவே டீசர், ட்ரைலர் என அனைத்தும் மிரட்ட, படமும் மிரட்டியதா? விக்ரம் பிரபு எதிர்ப்பார்த்த வெற்றி கிடைத்ததா? பார்ப்போம்.

கதைக்களம்

கத்தி எடுத்தவன் கத்தியால் தான் மரணம் அடைவான், அவன் அப்படி இடையிலேயே கத்தியை விட நினைத்தால் என்ன ஆவான்? இது தான் படத்தின் ஒன் லைன்.

திருச்சியில் ரவுடிசத்தில் கொடிக்கட்டி பறப்பவர் மஞ்சிமாவின் அப்பா சமுத்திரம். ஆரம்பக்காட்சியிலேயே அவரை ஒரு குரூப் கொல்ல, திருச்சி வேறு ஒருவர் கண்ட்ரோலுக்கு வருகின்றது.

ஆதரவு இல்லாமல் இருக்கும் மஞ்சிமாவை பலரும் ரோட்டில் கிண்டல் செய்ய, அவருக்கு துணையாக விக்ரம் பிரபு வர, இவர்களுக்குள் காதல் பற்றிக்கொள்கின்றது.

ஒரு கட்டத்தில் மஞ்சிமாவிற்காக இந்த அடிதடி, வெட்டுக்குத்து எதுவும் வேண்டாம் என விக்ரம் பிரபு ஒதுங்க, அதன் பின் அவரை சுற்றி நிற்கும் பிரச்சனையை எப்படி முறியடித்தார் என்பதே மீதிக்கதை.

படத்தை பற்றிய அலசல்

விக்ரம் பிரபு கும்கியில் எப்படி பார்த்தோமோ அப்படியே தான் உள்ளார். அதாவது அந்த படத்தில் எப்படி எப்போதும் ஒரே மாதிரி முகத்தை வைத்துக்கொள்வாரோ, அதேபோல் தான் இதிலும். திருச்சியே தன் கண்ட்ரோலுக்கு கொண்டு வரவேண்டும் என்று நினைக்கு விக்ரம் பிரபு எத்தனை துடிப்பாக இருக்க வேண்டும், படம் முழுவது மிகவும் மந்தமாகவே இருக்கின்றார்.

அவர் மட்டும் அப்படி என்றால் படமும் அப்படித்தான் உள்ளது. கேங்ஸ்டர் படம் என்றால் ஒரு விறுவிறுப்பு, பரபரப்பு என இருக்க வேண்டாமா?. ஒரு இடத்தில் கூட சுவாரசியம் இல்லை, மஞ்சிமா முடிந்த அளவிற்கு நல்ல நடிப்பை தந்துள்ளார். தன் அம்மாவிடம் ஒரு ரவுடியை பிடிக்கும் என்று கூறுவதில் கூட ஒரு தைரியம், கண்களின் ஒரு பயமில்லாமல் அவர் பேசுவது என அனைவரையும் கவர்கின்றார்.

ஆனால் கவின், ரியோ இதையெல்லாம் விட யோகிபாபு போன்ற சிறந்த நடிகர்களை கூட ஏதோ ஜுனியர் ஆர்டிஸ்ட் போல் டீல் செய்தது மிகவும் வருத்தம். படத்தின் கதை நன்றாக இருந்தாலும் திரைக்கதையில் எந்த ஒரு இடத்திலும் திருப்பமே இல்லை.

எந்த ஒரு காட்சியாக இருந்தாலும் சரி ஜவ்வு போல் இழுத்துக்கொண்டே போகின்றது. படத்தின் மிகப்பெரிய ஆறுதல் சிவகுமார் விஜயனின் ஒளிப்பதிவு, திருச்சியை மிக லைவ்வாக படம் பிடித்து காட்டியுள்ளார். அதேபோல் யுவனின் இசை நீண்ட நாட்களுக்கு பிறகு மிரட்டியுள்ளார், சமீப நாட்களில் யுவனின் இசையில் வந்த படங்களிலேயே பின்னணியில் இத்தனை வித்தியாசம் காட்டியது இந்த படத்தில் தான்.

க்ளாப்ஸ்

யுவனின் பின்னணி இசை, ஒளிப்பதிவு.

சொல்ல வந்த கருத்து.

பல்ப்ஸ்

இரண்டு பேர் சேர்ந்து இழுத்தால் மட்டுமே நகர்ந்து செல்லும் திரைக்கதை.

எந்த ஒரு இடத்திலும் அழுத்தமான காட்சிகளே இல்லை.

மொத்தத்தில் சத்ரியனாக இருந்தால் மட்டும் போதாது, கொஞ்சம் சானக்யனாகவும் இருக்க வேண்டும்

இளைய தளபதி விஜய் நடிப்பில் மெகா ஹிட் ஆன படம் போக்கிரி. இப்படம் ஹிந்தியில் வாண்டட் என்ற பெயரில் ரீமேக் ஆகி செம்ம ஹிட் அடித்தது.

இப்படத்தையும் பிரபுதேவா தான் இயக்கியிருந்தார், சல்மான் கான் நடித்திருந்தார், தற்போது இப்படத்தின் இரண்டாம் பாகத்தை எடுக்கலாம் என்று தயாரிப்பாளர் போனி கபூர் முடிவு செய்துள்ளாராம்.

இதற்காக பிரபுதேவாவிடம் பேச்சு வார்த்தை நடந்து வர, எப்போது வேண்டுமானாலும் ஹிந்தியில் போக்கிரி-2 தொடங்கலாம்.

பிறகு என்ன தமிழிலும் தளபதி நடிப்பில் போக்கிரி-2 எதிர்ப்பார்க்கலாம்.

கடந்த இரண்டாண்டுகளாக, இந்திய தீபகற்பப் பகுதியையும் தெற்காசியப் பகுதியையும் வாட்டிவதைத்த எல் நினோ பருவநிலை முடிவடைந்துவிட்டதாக ஆஸ்திரேலிய வானிலைக் கழகம் அறிவித்துள்ளது. இந்த அறிவிப்பை அடுத்து, இந்திய வானிலை ஆராய்ச்சி நிலைய பொது இயக்குநர் கே.ஜே.ரமேஷ் ராய்ட்டர் செய்தி நிறுவனத்துக்கு அளித்த பேட்டியில்...

'இந்த ஆண்டு இந்தியாவில் வழக்கத்தைவிட அதிக மழையை எதிர்பார்க்கலாம். இந்தியப் பருவகால மழையின்மூலம் மட்டுமே விவசாயத்துக்குத் தேவையான 70 சதவிகிதத்தைப் பெறுகிறோம். பருத்தி, சோளம், அரிசி, கரும்பு போன்றவற்றின் விளைச்சலுக்கு இந்த மழையின் தேவை மிகவும் முக்கியம். போதுமான மழையில்லாமல் இவற்றின் விளைச்சல் பாதிக்கப்பட்டிருந்தது. கடந்த ஏப்ரல் 18-ம் தேதி வரையான எங்கள் மதிப்பீட்டின்படி, வரப்போகும் பருவத்தை 96 சதவிகிதம் கணித்துள்ளோம். நல்லதொரு பருவகாலத்துக்கான சாதகமான சூழ்நிலை உருவாகிவருகிறது என்றே சொல்லலாம்' என்று தெரிவித்துள்ளார்.

பருவத்தில் பொய்த்துப்போகும் மழை, காட்டுத்தீ, வறட்சி, திடீர் வெள்ளம் போன்றவை எல் நினோவின் செயல்பாடுகளாகச் சொல்லப்படும். அதெல்லாமே இந்தியாவில் நடந்ததாக ஆஸ்திரேலிய வானிலை ஆராய்ச்சி நிலையம் தெரிவித்துள்ளது. கடந்த 2015-ம் ஆண்டு சென்னையில் ஏற்பட்ட வெள்ளப்பெருக்கையும் எல்நினோவின் செயல் எனச் சொல்லும் அது, இந்த ஆண்டு வழக்கத்தைவிட அதிகமான மழை பொழிவதற்கான அனைத்து அறிகுறிகளும் தென்படத்  துவங்கிவிட்டதாகத் தனது அறிக்கையில் கூறியுள்ளது.

தமிழ் சினிமாவில் ஹீரோயின்களை மைப்படுத்தி வரும் படங்கள் வெகு குறைவு. அந்த வகையில் தொடர்ந்து தரமான படங்களாக தேர்ந்தெடுத்து நடிப்பவர் தன்ஷிகா. இவர் நடிப்பில் பாணி இயக்கத்தில் இன்று வெளிவந்துள்ள படம் எங்க அம்மா ராணி.

கதைக்களம்

தன்ஷிகா மலேசியாவில் ஒருவரை திருமணம் செய்து இரட்டை குழந்தைகளுக்கு அம்மாவாக இந்தியா திரும்ப முடியாமல் தவித்து வருகின்றார், தன்ஷிகாவின் கணவர் வெளிநாட்டிற்கு வேலைக்கு செல்ல, அவர் எங்கு இருக்கின்றார் என தெரியாத நிலை.

இந்நிலையில் தன்ஷிகாவின் மூத்த மகள் கொடிய நோயால் பாதிக்கப்பட்டு இறக்க, இரட்டையர்கள் என்பதால் அந்த நோய் அடுத்தவருக்கும் பரவுகின்றது.

ஏதாவது குளிர் பிரதேசம் சென்றால் அவரை காப்பாற்றலாம் என சொல்ல, வேறு இடத்திற்கு தன்ஷிகா தன் மகளுடன் குடிபெயர்கின்றார்.

அந்த இடத்தில் பல அமானுஷிய விஷயங்கள் நடக்க, அதன் பின் என்ன ஆனது என்பதே மீதிக்கதை.

படத்தை பற்றிய அலசல்

தன்ஷிகா இதற்கு முன் பரதேசி படத்திலேயே ஒரு குழந்தைக்கு அம்மாவாக நடித்தவர் தான், இதில் இரண்டு குழந்தைகளுக்கு அம்மாவாக நடித்துள்ளார், வளரும் போதே இப்படி துணிந்து நடிப்பது கண்டிப்பாக மனம் திறந்து பாராட்டாலாம், அவரும் தன் நடிப்பை சிறப்பாக கொடுத்துள்ளார்.

படத்தில் இரட்டையர்களாக நடித்த குழந்தைகள் வர்ணிகா, வர்ஷா, இதில் வர்ணிகாவே படத்தில் பல காட்சிகளில் வருவதால் அதிகம் கவர்கின்றார், குட்டி குட்டி எக்ஸ்பிரஷன்களில் மனதை கொள்ளை கொள்கின்றார்.

முதல் பாதி கொஞ்சம் எமோஷ்னலாக செல்ல, இரண்டாம் பாதி என்ன ஆகப்போகின்றதோ என எதிர்ப்பார்க்க, அடுத்தடுத்து வரும் அமானுஷிய காட்சிகள் படத்தில் எந்த இடத்திலும் ஒட்டவில்லை.

அதிலும் குழந்தைக்கு ஆவி பிடிக்கின்றது போன்ற காட்சிகள், அந்த ஆவியை தன்ஷிகா ஏற்றுக்கொள்வது என யதார்த்தம் மீறிய விஷயம். கிளைமேக்ஸ் நோ கமெண்ட்ஸ்.

இளையராஜாவின் பின்னணி இசை படத்தின் மிகப்பெரிய பலம். ஒளிப்பதிவு மலேசியாவில் அழகாக படம் பிடித்து காட்டியுள்ளது, முன் பாதியில் காட்டிய எமோஷ்னல், யதார்த்தத்தை இரண்டாம் பாதியிலும் காட்டியிருக்கலாம் பாணி.

க்ளாப்ஸ்

தன்ஷிகா படத்தின் முதல் பாதி.

இளையராஜ பின்னணி இசை. குழந்தைகளின் நடிப்பு

பல்ப்ஸ்

இரண்டாம் பாதி, நம்பக்கத்தன்மை இல்லாத கிளைமேக்ஸ்.

மொத்தத்தில் உறவிற்கான முக்கியத்துவத்தை அழகாக காட்டியிருந்தாலும், இன்னும் கொஞ்சம் யதார்த்தமாக கொண்டு சென்றிருந்தால் இன்னுமே பலராலும் ரசிக்கப்பட்டு இருப்பார் இந்த ராணி.

பாகுபலி-2 உலகம் முழுவதும் செம்ம வசூல் செய்துவிட்டது. படம் ரூ 1200 கோடி வரை வசூல் செய்துள்ளதாக பாக்ஸ் ஆபிஸ் வட்டாரங்கள் தெரிவிக்கின்றது.

இந்நிலையில் இப்படம் தொடர்ந்து 10 நாட்களாக இந்தியா முழுவதும் அனைத்து திரையரங்குகளிலும் ஹவுஸ் புல் காட்சிகள் தான்.

ஆனால், நேற்று முதன் முறையாக தமிழகத்தில் பல பகுதியில் உள்ள திரையரங்குகளிலும் கூட்டம் முதல் இரண்டு காட்சிக்கு குறையத்தொடங்கியதாம்.

இதனால் திரையரங்க உரிமையாளர்கள் அதிர்ச்சியாக, அதை தொடர்ந்து மாலை நேர காட்சி வழக்கம் போல் ஹவுஸ் புல் தான்.

இன்னும் இரண்டு வாரத்திற்கு பாகுபலி-2 தவிர வேறு எந்த படங்களின் மீதும் திரையரங்க உரிமையாளர்கள் கவனம் செலுத்துவது போல் தெரியவில்லை.