!...Payanam...!

விஜய் சேதுபதி சமூகத்தில் நடக்கும் அவலங்களை சரியான விதத்தில் புரிந்துகொண்டு தெளிவான முறையில் தன் கருத்தை வெளிப்படுத்துவார். அவரின் சினிமா படங்கள் மட்டுமல்ல.

இது போன்ற விசயங்களுக்கும் மக்கள் மத்தியில் வரவேற்பு உண்டு. அண்மையில் கூட காஷ்மீர் 8 வயது சிறுமியின் பாலியல் கொடூர மரணம் குறித்து தன் கருத்துக்களை தெரிவித்திருந்தார்.

இந்நிலையில் அவரின் இன்ஸ்டாகிராம் பக்கத்தில் ஒரு வீடியோவை வெளியிட்டு தன் கருத்தை வெளிப்படுத்தியுள்ளார். இதில் செய்தி சானல் விவாத நிகழ்ச்சி பெண் நெறியாளர் ஒருவர், விவாதத்தில் கலந்து கொண்ட அரசியல் பிரமுகர்களை வாயடைக்கும் படியான கேள்வி கேட்டிருந்தார்.

நாட்டில் விவசாயிகள் பிரச்சனை, தண்ணீர் பிரச்சனை என நிறைய இருக்கிறது? ஆனால் மதங்களை வைத்து விவாதமாக்கி அரசியல் செய்வது ஒரு பொறுப்பான அரசியல் வாதிக்கு சரியானதா என கேள்வி கேட்டுள்ளார் அந்த நெறியாளர். இது பெரும் வரவேற்பை பெற்றுள்ளது.

Grand Finale promo Enga veetu maplai | Arya selected suzana with token of love

நடிகர் ஆர்யா எங்க வீடு மாப்பிள்ளை நிகழ்ச்சியில் எந்த பெண்ணையும் தேர்ந்தெடுக்காமல் "எனக்கு டைம் வேண்டும்" என கூறிவிட்டார்.

ஆனால் நிகழ்ச்சி முடிந்தபிறகு ஒரு ஸ்பெஷல் டோக்கன் ஆப் லவ் பிரேஸ்லெட்டை அவர் சீதாலக்ஷ்மிக்கு வழங்கினார். கேமரா இல்லாத சமயத்தில் ஆர்யா இப்படி செய்துள்ளார்.

அதனால் ஆர்யா சீதாலக்ஷ்மியை தான் திருமணம் செய்து கொள்வார் என தகவல் பரவியது.

இது பற்றி விளக்கம் அளித்துள்ள குஞ்சு "ஆர்யா ஒருவரை தேர்ந்தெடுக்க நேரம் தான் கேட்டுள்ளார்.. ஷோவை பார்த்த மக்கள் என்ன நினைக்கிறார்கள் என புரிகிறது. எங்களுக்கும் இது கடினமான நேரம் தான். மக்கள் புரிந்துகொள்ள வேண்டும்" என கூறியுள்ளார்.

                 புதிய தொலைக்காட்சி சானலான கலர்ஸ் டிவியில் ஒளிபரப்பாகிவரும் நிகழ்ச்சி 'எங்க வீட்டு மாப்பிள்ளை' இது மிகவும் பிரபலமாகி டிஆர்பி ரேட்டிங்கில் மூன்றாம் இடத்தில் இருந்து வருகிறது. ஆரம்பத்தில் 16 பெண்களுடன் தொடங்கிய இந்நிகழ்ச்சி தற்போது 3 பெண்களாக குறைந்து, அதன் இறுதி கட்டத்தை எட்டியுள்ளது. ஏப்ரல் 17 இந்நிகழ்ச்சியின் கடைசி ஒளிபரப்பில், ஆர்யாவின் மணமகள் யார் என்று தெரியவரும். அதற்கு இரு தினங்களே உள்ள நிலையில், இந்நிகழ்ச்சியைக் குறித்த தகவல்கள் சில வெளியாகி இணையத்தில் வைரலாகி வருகின்றது.

ஆர்யாவை திருமணம் செய்ய போட்டி போட்ட 13 பெண்கள் எலிமினேட் ஆன நிலையில், தற்போது அகாதா, சுசானா, சீதாலட்சுமி ஆகிய 3 பெண்கள் மட்டுமே போட்டியில் தொடர்கிறார்கள். இவர்களில் ஒருவரை மட்டும் தான் ஆர்யா திருமணம் செய்யப் போகிறார். இந்நிலையில், மூவருமே திருமண ஆடைகளைத் தேர்தெடுத்து கிட்டத்தட்ட தாங்கள் தான் தேர்வாகப் போகிறோம் என்ற நம்பிக்கையில் திருமணத்திற்கு தயாராகிவிட்டனர். இதன் ஹைலைட்டாக, திருமணத்திற்கு முன் நடக்கும், மெஹந்தி நிகழ்ச்சியும் நடந்தேறியது. மேலும் எங்க வீட்டு மாப்பிள்ளை நிகழ்ச்சியில் பிரேம்ஜி, வரலக்ஷ்மி, பிரசன்னா, சினேகா உள்ளிட்ட பிரபலங்களும் கலந்து கொள்ளத் தொடங்கினர்.

நடிகை சினேகா ஆர்யாவின் திருமணம் குறித்து கூறுகையில், இந்த மூவரில் ஆர்யா யாரை திருமணம் செய்து கொண்டாலும் தனக்கு மகிழ்ச்சியே என்றார். மேலும், இரண்டு தினங்களுக்கு முன்னால், சுவேதா மற்றும் ஸ்ரேயா வெளியிட ஒரு விடியோவில் சீதா லக்ஷ்மியை கட்டிப் பிடித்து வாழ்த்துகிறார்கள். இதிலிருந்து சீதா லஷ்மியைத் தான் ஆர்யா திருமணம் செய்து கொள்ளப் போகிறார் என்றும் கூறப்படுகிறது. ஆர்யா யாரைத் திருமணம் செய்து கொண்டாலும் அவருடன் இரண்டு வருடமாவது குடும்பம் நடத்த வேண்டும் என்றும், விவாகரத்து போன்ற பிரச்னை எழக் கூடாது என்றும் ஒப்பந்தத்தில் கையெழுத்திட்டுள்ளார் என்கிறது சானல் தரப்பு. இவை எல்லாம் உண்மையா இல்லை பொய்க்குள் ஒரு பொய்யா என்பதை பொறுத்திருந்துதான் பார்க்க வேண்டும்.

கண்தானம் செய்ய இதைவிட பெரிதாக  ஒன்றும் விளக்க வேண்டாம்

 "தானத்தில் சிறந்த தானம், கண்தானம்" என்பார்கள். ஏனெனில், கண்தானம் செய்வதால், நாம் இறந்தாலும், மற்றொருவர் மூலம் நம் கண்கள் இந்த உலகை பார்க்க முடியும். நாம் இறந்த பின்னர் மண்ணுடன் மண்ணாக மக்கி போகும் நம் உடல் உறுப்புகளை, மற்றவர்களுக்கு தானமாக கொடுப்பதன் மூலம், நாம் இறந்தும் பலருக்கு வாழ்வளிக்க முடிகிறது.

எனவேதான் கண் தானம் பற்றிய விழிப்புணர்வை ஏற்படுத்த, ஆண்டு தோறும் செப்டம்பர் மாதம் 8 ஆம் தேதி, தேசிய கண்தான தினமாகக் கடைப்பிடிக்கப்படுகிறது.

உலகில் 4 கோடி மக்கள் பார்வையற்றவர்களாக உள்ளனர். இவற்றில், நம் இந்தியாவில் மட்டும் ஒன்றரை கோடிக்கும் அதிகமானவர்கள் உள்ளனர். நாம் அனைவரும் கண்தானம் செய்ய முன்வந்தால், இந்தியாவில் பார்வையற்றவர்களை பார்வை உடையவர்களாக மாற்ற முடியும்.

கண்தானம் பற்றிய சில தகவல்கள்:

கண் தானம் செய்ய விரும்புவோர், நமக்கு அருகிலுள்ள கண்தான வங்கியை தொடர்பு கொண்டு, கண்களை தானம் செய்வது பற்றி தெரிவிக்கலாம்.

ஒருவர் இறந்த 4 முதல் 6 மணி நேரத்திற்குள் கண்தானத்தை செய்ய வேண்டும்.

கண்தானம் செய்யும் இறந்தவரையும், கண்களைப் பெற்றுக் கொள்பவரையும் மருத்துவர் முறையாக பரிசோதனை செய்த பிறகுதான், கண் விழிகளை பார்வையற்றவருக்குப் பொருத்த முடியும்.

கண்தானம் செய்பவர் இறந்ததும், உடனடியாக அவரது கண்களை மூடி, கண்ணின் மீது ஐஸ்கட்டி அல்லது ஈரமான பஞ்சை வைக்க வேண்டும். கண்ணின் முக்கிய உறுப்பான 'கார்னியா' எனப்படும் கருவிழிக்குள் ஒளிக்கற்றையானது உள்ளே செல்வதைத் தடுப்பதற்காக இதனை செய்ய வேண்டும்.

முதலில் இறந்தவரிடம் இருந்து சிறிதளவு ரத்தம் சேகரிக்கப்பட்டு, உடல்நிலையின் ஆரோக்கியம் பற்றி ஆய்வு செய்யப்படும். பின்னரே கண் எடுக்கப்பட்டு, மற்றவருக்கு பொருத்தப்படும்.

கண்தானம் செய்ய 20லிருந்து 30 நிமிடங்கள் மட்டுமே ஆகும்.

மூக்குக் கண்ணாடி அணிந்தவர்களும், கண் புரை அறுவை சிகிச்சை செய்தவர்களும் கண்தானம் செய்யலாம்.

ஒரு வயது நிரம்பியவர் முதல் எல்லா வயதினரும் கண்தானம் செய்யலாம்.

உலகிலேயே இலங்கைதான் கண்தானம் செய்வதில் முதலிடத்தில் உள்ளது.

யார் செய்யலாம், யார் கூடாது:

நீரிழிவு நோய், ரத்தக் கொதிப்பு, ஆஸ்துமா நோயாளிகள் உட்பட அனைவரும் கண்தானம் செய்யலாம். ஆனால், தொற்று நோயால் இறந்தவர்கள், மஞ்சள் காமாலை, விஷக்கடி, எய்ட்ஸ் போன்ற நோய் பாதிப்புகளால் இறந்தவர்கள் கண்தானம் செய்ய முடியாது.

நம் கண்களை பாதுகாக்க சில டிப்ஸ்:

போதிய வெளிச்சத்தில்தான் படிக்கவும், எழுதவும் செய்ய வேண்டும்.

கண்களில் தூசி விழுந்தால் கைகளால் கசக்காமல், தண்ணீரைக் கொண்டுதான் சுத்தம் செய்ய வேண்டும். பால், முட்டை, கீரை, மீன், பழங்களை அதிகம் சாப்பிட வேண்டும்.

கணினி மற்றும் டி.வி.யை பயன்படுத்துவோர், அடிக்கடி கண்களை மூடியும், சிமிட்டவும் செய்ய வேண்டும்.
40 வயதுக்கு உட்பட்டவர்கள் ஆண்டுக்கு ஒருமுறையும், 40 வயதுக்கு மேற்பட்டவர்கள் ஆறு மாதங்களுக்கு ஒருமுறையும் கண்களை பரிசோதனை செய்து கொள்வது சிறந்தது.

அனைவரும் கண்தானம் செய்வோம்! பிறர் கண் மூலமாக மீண்டும் உயிர்வாழ்வோம்!!

கடந்த காலங்களை பொருத்த வரையில், எவ்வளவுதான் தொலைக்காட்சியில் பல நிகழ்ச்சிகள் நடத்தினாலும், அதில் பங்குபெரும் வாய்ப்புகள் நகரவாழ் மக்களுக்குத் தான் அதிகமாக இருக்கும்.

நூற்றில் பத்து சதவீதம் தான் கிராம மக்களுக்கு கிடைக்கும். ஆனால் அது நிரந்தரமான ஒன்று கிடையாது. தற்போது அவர்களை வெளிக்கொண்டு வருவதில் சமூகவலைத்தளங்கள் பெரிதும் உதவியாக காணப்படுகின்றன.

இங்கு சிறுவன் ஒருவன் அம்மாவின் பாடலை மிக அழகாக பாடி கண்கலங்க வைத்துள்ளார். அச்சிறுவனின் பாடலுக்கு மிக அழகாக வேறொரு இரண்டு சிறுவர்கள் தாளம் போட்டு அசத்தியுள்ளனர்.

பிரபல தொலைக்காட்சியில் சூப்பர் சிங்கர் என்ற பாடல் நிகழ்ச்சி படு பிரம்மாண்டமாக நடைபெற்று வருகிறது.

இதில் ஏ.ஆர். ரகுமானை தொடர்ந்து சிம்பு, சிவகார்த்திகேயன் என பிரபலங்கள் சிறப்பு விருந்தினர்களாக கலந்துகொண்டனர்.

இந்த நிலையில் தமிழ்ப் புத்தாண்டு ஸ்பெஷலாக நடனப்புயல் பிரபுதேவா கலந்து கொண்டுள்ளார். இதனை அந்த தொலைக்காட்சியே புகைப்படங்களை வெளியிட்டு மக்களுக்கு அறிவித்துள்ளனர்.

தமிழகமெங்கும் போராட்டம் சூழந்துள்ளது. இந்த நிலையில் சென்னையில் ஐ.பி.எல் போட்டிகள் பதட்டத்துடன் தொடங்கியுள்ளது. வெற்றிமாறன், வைரமுத்து, பாரதிராஜா என பலரும் போராட்டத்தில் இறங்கியுள்ளார்கள்.

ஏற்கனவே தூத்துக்குடியில் ஸ்டெர்லைட் போராட்டம் நீண்டநாளாக நடைபெற்று வருகிறது. இதில் நடிகர் கமல்ஹாசனும் நேரடியாக மக்கள் மத்தியில் இறங்கி போராடினார்.

இன்னும் பல இடங்களில் இதன் போராட்டம் தொடர்ந்து வருகிறது. வெளிநாடுகளிலும் மக்கள் பலரும் ஒன்று கூடி தமிழக மக்களின் பிரச்சனைகளுக்காக குரல் எழுப்பியுள்ளார்கள்.

இந்நிலையில் ஸ்டெர்லைட் ஆலை புதுப்பிக்கும் மனுவுக்கு அனுமதி மறுக்கப்பட்டுள்ளது. இதனால் தமிழ்நாடு மாசு கட்டுப்பாடு வாரியத்திற்கு, மக்கள் நீதி மய்யம் தலைவர் கமல் வாழ்த்து தெரிவித்துள்ளார்.