!...Payanam...!

ஒடிசாவின் முதலமைச்சராகத் தொடர்ந்து ஐந்தாவது முறையாக வெற்றி வாகை சூடியிருக்கிறார் நவீன் பட்நாயக், தொடர் வெற்றிகளுக்கு, அவர் ஆட்சியில் காட்டிவரும் அதிரடிகள்தான் காரணம் என்கிறார்கள் மக்கள். மத்திய அரசுக்கு முன்னதாகவே விவசாயிகளுக்குப் பத்தாயிரம் ரூபாய் மானியம் வழங்கும் காலியா திட்டத்தை அறிமுகப்படுத்தியது, மாணவர்களுக்கு, பெண்களுக்கு வட்டியில்லாக் கடன், பழங்குடியினர் நலத்திட்டங்கள், உணவு தன்னிறைவு, தரமான வீடுகள் என்று அனைத்து அடிப்படைத் தேவைகளையும் குறையின்றி பூர்த்தி செய்திருக்கிறார்.

ஊழலற்ற ஆட்சி இவரது தனித்துவமான வெற்றி என்கிறார்கள். ஊழல் புகார் எழும் பட்சத்தில் யாராக இருந்தாலும் ஆட்சி அதிகாரத்தில் இருந்து தூக்கி எறிகிறார் நவீன். 2019-ம் ஆண்டின் ஒடிசாவின் சட்டமன்ற, நாடாளுமன்ற இரு தேர்தல்களிலும் அபார வெற்றி பெற்று, கடந்த மே மாதம் 29-ம் தேதி ஐந்தாவது முறையாக அரியணை ஏறியிருக்கிறார்.

இந்த முறை அரசியலில் அதிக அனுபவம் வாய்ந்தவர்களுக்கும் பெண்களுக்கும் நிறைய புதுமுகங்களுக்கும் இளைஞர்களுக்கும் அமைச்சர் பதவி. 33 சதவிகிதம் பெண்களுக்கான இட ஒதுக்கீடும் அளித்திருக்கிறார். முக்கியமாக, ஒவ்வொருமுறை வெற்றி பெற்றதும், தனது தேர்தல் அறிக்கையையே, அரசு கொள்கையாக அறிவித்து வருகிறார் என்பது குறிப்பிடத்தக்கது. ஆட்சி அமைத்ததும், வழக்கம்போல அவரது அதிரடிகள் தொடங்கி விட்டன. அதில் இன்று முதலமைச்சர் அலுவலகத்திலிருந்து வெளியாகி இருக்கும் ஒரு சுற்றறிக்கை நாட்டின் அரசியல் தலைவர்களுக்கு ஒரு பாடம்.

பிஜு ஜனதா தளத்தின் அமைச்சர்கள், இனி ஒவ்வொரு மாதமும் 7 தேதி அன்று, கடந்த மாதம், கட்சியின் தேர்தல் அறிக்கையில் குறிப்பிட்டிருக்கும் விஷயங்களை நிறைவேற்ற அவர்கள் என்னென்ன பணிகள் செய்தார்கள் என்று அறிக்கையை முதலமைச்சர் அலுவலகத்தில் சமர்ப்பிக்க வேண்டும் என்று கட்டளையிட்டிருக்கிறார் நவீன்.

வருடம் ஒரு முறை, தான் பதவி ஏற்ற நாள் அன்று, கடந்த ஆண்டு தேர்தல் அறிக்கையில் என்ன சொன்னோம், என்ன செய்தோம், எவ்வளவு பாக்கி இருக்கிறது என்று தனது ஆட்சிக்கான மதிப்பெண் பட்டியலை அவர் வெளியிடுகிறார் என்பது குறிப்பிடத்தக்கது. அதேபோல, அமைச்சர்களும் தாங்கள் என்ன பணி செய்திருக்கிறோம் என்று மக்களுக்கும் தெரியப்படுத்த வலியுறுத்தி இருக்கிறார்.

மக்களுக்குச் செய்து தருவதாக வாக்களித்த விஷயங்களுக்கு முன்னுரிமையும், அவற்றைக் குறிப்பிட்ட நேரத்துக்குள் முடித்தே ஆக வேண்டும் என்ற வரையறையும் கட்டாயமாக்கப்பட்டிருக்கிறது. சரிவர பணியாற்றாத அமைச்சர்களின் பதவி பறிக்கப்படும் வரலாறும் அவரது ஆட்சியில் உண்டு என்பதால், அமைச்சர்கள் விரைந்து பணிகளைத் தொடங்கிவிட்டனர் என்கிறார்கள் ஒடிய நண்பர்கள்.

தமிழகம் முழுக்க தற்போது இளம் தலைமுறைகள் மட்டுமல்ல பல பெற்றோர்களும் சோகத்தில் மூழ்கியுள்ளனர். காரணம் நீட் தேர்வில் தோல்வியடைந்ததால் திருப்பூர் மாணவி ரிதுஸ்ரீ தூக்கிட்டு தற்கொலை செய்து கொண்டார்.

அதே போல தஞ்சாவூர் மாவட்டம் பட்டுக்கோட்டை மாணவி வைஷியா தீக்குளித்து தற்கொலை செய்து கொண்டுள்ளார். இதனால் சோகம் சூழ்ந்துள்ளது.

அண்மையில் மருத்துவ படிப்புகளுக்கான நுழைவுத்தேர்வான நீட் நடத்தப்பட்டு தேர்வு முடிவுகள் வெளியாகின. இதில் 51%-க்கும் மேற்பட்ட சுமார் 75,000 தமிழக மாணவ, மாணவியர் இந்தத் தேர்வில் வெற்றி பெற முடியவில்லை.

ஏற்கனவே அனிதா என்ற மாணவி இதே போல கடந்த ஆண்டிற்கு முன் தற்கொலை செய்து கொண்டதை தொடர்ந்து தற்போது மேலும் தற்கொலைகள் அரங்கேறியுள்ளன.

அரசியல் கட்சிகள் கண்டனங்கள் தெரிவித்து வரும் நிலையில் தற்போது இயக்குனர் ரஞ்சித் தற்போது கோபத்துடன் நீட் தேர்வை எதிர்த்து டிவிட்டரில் கருத்து பதிவிட்டுள்ளார்.

    நீட் தேர்வு படுகொலைகள் தொடர்ந்து கொண்டே இருக்கின்றது. இப்போது #ரிதுஶ்ரீ_வைசியா. எளியவர்களுக்கு கல்வி மறுப்பு #நீட் என்ற கொள்கையை சட்டமாக கொண்டிருக்கும் மத்திய அரசு, அதை தடுக்க பலமில்லாத மாநில அரசு, இதை வேடிக்கை பார்த்து கொண்டிருக்கும் நாம், இவர்கள் தான் இதை நிகழ்த்தியவர்கள்!

பாட்டுக்கு பாட்டு என்று சொன்னதும் 90களில் இருந்தவர்களுக்கு ஒருவரின் முகம் நியாபகம் வரும். அவரே நம்மை எல்லோரையும் தமிழ் உச்சரிப்பின் மூலம் கவர்ந்த அப்துல் ஹமீது அவர்கள்.

இவர் பிரபல தொலைக்காட்சியில் நடக்கும் பாடல் நிகழ்ச்சியில் பயிற்சியாளராக இருக்கிறார், இந்த தகவலை நாம் ஏற்கெனவே கூறியிருந்தோம். பாடல் நிகழ்ச்சி குறித்தும் தனது தொலைக்காட்சி பயணம் குறித்தும் பேசியுள்ளார்.

அதில் அவர், ஏ.ஆர். ரகுமான் அவர்களை முதன்முதலாக பேட்டியடுத்த அனுபவம் குறித்து பகிர்ந்துள்ளார். 1993ம் ஆண்டு டிசம்பர் மாதம் இந்த நிகழ்ச்சி எடுக்கப்பட்டது, பொங்கல் ஸ்பெஷலாக இந்நிகழ்ச்சி ஒளிபரப்பட்டது.

இந்த நிகழ்ச்சி ஏன் எடுக்க ஒப்புக்கொண்டேன் என்றால் ஏ.ஆர். ரகுமான் வளர்ச்சி, முதல் படத்திலேயே தேசிய விருது, மிகப்பெரிய வரவேற்பு இருந்த போது அவரை பற்றி எதிர்மறையான விமர்சனங்கள் பத்திரிக்கைகளில் வந்தது.

ஜென்டில்மேன் படத்திற்கு ஏ.ஆர். ரகுமான் இசை என்று அருவருப்பான முறையில் விமர்சனம் எழுதினார்கள், அதைப்பார்த்து என் நெஞ்சம் வலித்தது.

அவரை பற்றிய விமர்சனங்களை தவர்க்க வேண்டும் என்று அவரிடம் பேட்டி கொடுக்க கேட்டேன். முதலில் மறுத்த அவர் பின் ஏ.ஆர். ரகுமான் ஒரு புதிர் என்ற தலைப்பை கேட்டதும் ஒப்புக் கொண்டார்.

அந்த நிகழ்ச்சி மறு ஒளிபரப்பு எல்லாம் ஆனது, இப்போது கூட யூடியூபில் அதிகமாக பார்க்கப்பட்டுள்ளது.

என் வாழ்க்கையில் பலரை பார்த்துள்ளேன், 1993ம் ஆண்டு கண்ட அதே ரகுமானாக இப்போதும் அவரை பார்க்கிறேன். எத்தனை புகழ் வந்தாலும் தலையில் ஏற்றிக் கொள்ளாமல் பக்குவப்படுத்திக் கொள்ள ஒரு நல்ல உதாரணம் ஏ.ஆர். ரகுமான் என நெகிழ்ச்சியாக பேசியுள்ளார்.

தமிழ் சினிமாவில் வசூல் நாயகனாக திகழ்ந்தவர் நடிகர் ராமராஜன். அதனால், திரையில் அவருக்கு வழங்கப்பட்ட பட்டம் மக்கள் நாயகன்.

இவரது கரகாட்டக்காரன் படம் மதுரை திரையரங்குகளில் ஒரு வருடத்திற்கும் மேலாக ஓடி சாதனைக்கு மேல் சாதனைகளை செய்தது. இந்நிலையில் இவரை பற்றிய நாம் அறியாத தகவல் ஒன்று வெளிவந்துள்ளது.

அதாவது ஆர்.ஜே.பாலாஜி நடிப்பில் சில மாதங்களுக்கு முன் வெளியாகியிருந்த LKG படத்தில் வில்லனாக மறைந்த நடிகர் ஆர்.கே.ரித்திஷ் நடித்திருப்பார். ஆனால் உண்மையில் இந்த கதாபாத்திரத்திற்காக முதலில் ராமராஜனை தான் அணுகியுள்ளனர். ஆனால் அவர் தனக்கு அதில் நடிக்க விருப்பமில்லை எனச் சொல்லி, மறுத்துள்ளார்.

பிக்பாஸ் சீசன் 3 நிகழ்ச்சி மீதான எதிர்பார்ப்புகளும், ஆர்வங்களும் ரசிகர்கள் மத்தியில் தொடங்கிவிட்டன. தமிழில் இந்நிகழ்ச்சி ஜூன் 23 ல் தொடங்குகிறது. அண்மையில் இதற்கான புரமோக்களும் வெளியாகின. கமல்ஹாசன் மீண்டும் நிகழ்ச்சியில் வருவதால் கலந்துகொள்ளும் போட்டியாளர்கள் யார் என்பது ரகசியமாக உள்ளது.

இந்நிலையில் தெலுங்கிலும் பிக்பாஸ் சீசன் 3 எப்போது தொடங்கும் என ரசிகர்கள் கேட்டு வருகிறார்கள். ஜூனியர் NTR தொகுத்து வழங்கிய முதல் சீசன் போல நானி தொகுத்து வழங்கிய சீசன் 2 இல்லை.

மறுபக்கம் சீசன் 3 க்கு போட்டியாளர்களாக அழைக்கப்பட்ட பிரபலங்கள் யாரும் சரியாக மறுபதில் கூறவில்லையாம். இதனால் பிக்பாஸ் சீசன் 3 நிறுத்தம் என தகவல் பரவியுள்ளது.

ஆனால் நிகழ்ச்சி குழு தற்போது போட்டியாளர்கள் தேர்ந்தெடுப்பது இன்னும் நடைபெற்று வருகிறது. ஓரிரு மாதங்களில் நிகழ்ச்சி தொடங்கும் என கூறியுள்ளது.

நாகார்ஜூனா, வெங்கடேஷ் அல்லது அனுஷ்கா தான் தொகுப்பாளர் என பெயர் அடிபட்டு வந்த நிலையில் நாகார்ஜூனா தான் என மெஜாரிட்டியாக தகவல் சுற்றி வருகிறது.

தனது பாடல்களை தனது அனுமதியின்றி பாடுவதற்கும் நிகழ்ச்சிகளில் வாசிக்கப்படுவதற்கும் தடை விதிக்க வேண்டும் என சென்னை உயர்நீதிமன்றத்தில் இளையராஜா மனு அளித்திருந்தார். இதனை விசரித்த நீதிமன்றம், இளையராஜா அனுமதியின்றி அவர் இசைத்த பாடல்களை வேறு யாரும் பயன்படுத்த சமீபத்தில் தடை விதித்தது.

இந்நிலையில் தன் பாடலுக்கான, ராயல்டி என்ற காப்புரிமை தொகையை, தென்னிந்திய திரைப்பட இசைக் கலைஞர்கள் சங்கத்திற்கு, இளையராஜா வழங்கியுள்ளார்.

இதுதொடர்பாக சங்கத்தின் தலைவர் தீனா அளித்த பேட்டியில், இளையராஜா பாடலுக்கு அனுமதி பெறவும், அதற்கான கட்டணங்களை அறியவும், தென்னிந்திய இசைக் கலைஞர்கள் சங்கத்தை அணுகலாம். இதற்கு முன், முதல் நிலையில் உள்ளவர்களுக்கு, இளையராஜா பாடலை பாட, உலக அளவில், ஆண்டுக்கு, 20 லட்சம் ரூபாய் கட்டணமாக இருந்தது. அது, மிகவும் அதிகம் என, பலரும் கூறியதால், கட்டணம் மாற்றி அமைக்கப்பட்டுள்ளது. சங்கத்தை அணுகினால், உரிய விளக்கம் தரப்படும் என கூறினார்.

கன்னட சூப்பர் ஸ்டாரான மறைந்த நடிகர் ராஜ்குமாரின் குடும்பத்தில் இருந்து ஒரு பெண் முதன்முதலாக நடிக்க வந்துள்ளார்.

கன்னட சூப்பர் ஸ்டார் ராஜ்குமாரின் மகன்களான சிவராஜ்குமார், புனித் ராஜ்குமார் சாண்டல்வுட்டின் முன்னணி நடிகர்களாக உள்ளனர். ராஜ்குமாரின் மகன் ராகவேந்திராவின் வாரிசு வினய் தாத்தா வழியில் நடிகர் ஆகியுள்ளார்.

இந்நிலையில் ராஜ்குமார் குடும்பத்தில் ஒரு பெண் நடிக்க வந்துள்ளார். அவர் தான் ராஜ்குமாரின் மகள் வழிப் பேத்தி தன்யா ராம்குமார். தன்யாவின் தந்தை ராம்குமார் கன்னட படங்களில் நடிப்பதோடு தயாரிக்கவும் செய்கிறார்.

வீட்டில் ஒரு நாள் புதுப்படங்கள் பற்றி பேசிக் கொண்டிருக்கும்போது நான் நடிகையானால் ஒப்புக் கொள்வீர்களா என்று தன்யா தனது தாய் பூர்ணிமாவிடம் எதேச்சையாக கேட்டுள்ளார். கண்டிப்பாக அம்மா எதிர்ப்பு தெரிவிப்பார் என்று நினைத்துள்ளார் தன்யா. ஆனால் பூர்ணிமாவோ தாராளமாக நடி, யார் வேண்டாம் என்றது என கூலாக தெரிவித்து தன்யாவை வியப்பில் ஆழ்த்தியுள்ளார்.

தன் அம்மாவே பச்சைக் கொடி காட்டிய பிறகு குஷியோடு படங்களில் நடிக்க வந்துள்ளார் தன்யா. புதுமுகம் சுமன் ஜாதுகரின் இயக்கத்தில் ரொமான்டிக் காமெடி படத்தில் நடிக்கிறார் தன்யா. அந்த படத்தில் அவர் சுராஜ் கவுடாவுக்கு ஜோடியாக நடிக்கிறார்.

நடிகையாக வேண்டும் என்ற நினைப்பே இல்லாமல் இருந்த தன்யாவுக்கு சுமன் கூறிய கதை மிகவும் பிடித்துவிட்டதாம். இப்படி ஒரு கதையை தான் இதுவரை கேட்டது இல்லை என்கிறார் தன்யா. கன்னட திரையுலகில் தனக்கு மிகவும் பிடித்த நடிகர் என்றால் அது மறைந்த தன் தாத்தா ராஜ்குமார் தான் என்று தன்யா ராம்குமார் தெரிவித்துள்ளார்.

ராஜ்குமார் பேத்தி நடிக்க வந்துள்ளார் என்று சாண்டல்வுட்டில் பரபரப்பாக பேசிக் கொள்கிறார்கள். தன் குடும்பத்தில் உள்ளவர்கள் ஏற்கனவே நடிப்பில் அசத்திக் கொண்டிருப்பதால் தான் கடுமையாக உழைக்க வேண்டி இருக்கும் என்பதை தன்யா நன்கு புரிந்து வைத்துக் கொண்டுள்ளார். ராஜ்குமார் பேத்தி என்ற அடையாளத்தை தாண்டி தனக்கென்று ஒரு பெயர் எடுக்க விரும்புகிறார் தன்யா. பாலிவுட்டை போன்றே கன்னட திரையுலகிலும் வாரிசுகள் வரத் துவங்கியுள்ளனர். அந்த பட்டியலில் தன்யாவும் சேர்ந்துள்ளார் என்பது குறிப்பிடத்தக்கது.